မင်းသား Naniနဲ့ မင်းသမီးလေး Keerthy Suresh တို့ပါဝင်သရုပ်ဆောင်ထားတဲ့ရုံကားတစ်ကားဖြစ်ပြီး ဘတ်ဂျက်၆၅ကု​ဋေအထိ သုံးထားတဲ့အပြင် ၁၁၅ကုဋေအထိပြန်ရယူနိုင်တဲ့ ဇာတ်ကား​ကောင်း​လေးဖြစ်တဲ့ Dasaraကိုတင်ဆက်​ပေးချင်ပါတယ် ဗီရာလပိုင်ဆိုတဲ့ရွာ​လေးမှာ အရက်ကိုသူတို့ရိုးရာလို့ကိုမှတ်ယူထားကြတဲ့အထိ အရက်ကိုစွဲလမ်းကြတဲ့ လူ​တွေ​နေထိုင်ကြပါတယ် အရက်မ​သောက်ရရင် အလုပ်ပျက်အကိုင်ပျက်ထိုင်မှိုင်ကြတဲ့အထိကို အရက်စွဲ​နေကြသူ​တွေပါ ဒါ​တွေ​ကြောင့်လည်း ဒီရွာ​လေးမှာဖွင့်ထားတဲ့ဆစ်ခ်ဘားအမည်ရှိ အ ရက်ဆိုင်ဟာအရက်ဝယ်သူ​တွေကြိတ်ကြိတ်တိုးတိုးနဲ့ ဝင်လာမ​စဲတသဲသဲပါပဲ ဒါတင်မက​သေးပါဘူး ဒီဘားရဲ့​ငွေကိုင်ရာထူးကလည်းတစ်ရွာလုံးကလူ​​တွေအ​လေးစားရဆုံးရာထူးလည်းဖြစ်ပါတယ် တစ်ဖက်မှာလည်း ဒါရန်နီ ဆူရီ နဲ့ဗန်လာနီတို့က ငယ်ငယ်ကတည်းက သူငယ်ချင်း​ကောင်း​တွေဖြစ်ကာ ဒါရန်နီဟာ ဗန်လာနီကို ဟိုးက​လေးဘဝကတည်းကချစ်​နေခဲ့​ပေမယ့် သူငယ်ချင်းဖြစ်သူဆူရီက ဗန်လာနီနဲ့ချစ်​နေတာ​ကြောင့် ကိုယ်ကျိုးစွန့်လွှတ်ခဲ့ပြီး သူ့သူငယ်ချင်းနှစ်​ယောက်အကျိုးကိုပဲ အမြဲကြည့်​ပေး​နေခဲ့သူပါ တစ်​နေ့မှာ​တော့ ဗန်လာနီကိုတခြားလူတစ်​ယောက်နဲ့ အိမ်​ထောင်ချ​ပေးဖို့လုပ်ကြတဲ့မိဘ​တွေ​ကြောင့် ဒါရန်နီဟာ ဆူရီကိုလည်းရွာကကြီးမှူးကျင်းပတဲ့ခရစ်ကတ်ပြိုင်ပွဲကိုဝင်ပြိုင်​စေပြီး ဘားရဲ့​ငွေကိုင်ရာထူးကိုရ​အောင်ကြိုးစားကြပါ​တော့တယ် ဒါ​ပေမယ့်တကယ့်ပြိုင်ပွဲ​နောက်ကွယ်မှာ​တော့ ကြီးမှူးသူ​တွေရဲ့စနက်နဲ့ ပြိုင်ပွဲအနိုင်ရရှိသူကို သတ်မှတ်ထားပြီးသားမှန်းသိလိုက်ရတဲ့အခါ ဒါရန်နီနဲ့ဆူရီတို့အသင်းက ဘယ်လို​တွေလုပ်ကြမလဲ သူတို့​တွေဒီလိုလှည့်ကွက်​တွေနဲ့ပြည့်နှက်​နေတဲ့ ပြိုင်ပွဲကိုနိုင်ပါ့မလား အကွက်ချစီစဥ်မှူ​တွေကို ဘယ်လိုဖြတ်​​ကျော်ကြမလဲဆိုတာ ရင်ခုန်စိတ်လှုပ်ရှားစွာနဲ့ ကြည့်ရှူ့လိုက်ရ​အောင်​နော် File size…3.29GB / 1.45GB Quality…1080p WEB DL / 720p Format…mp4 Duration….2h 36m Subtitle….Myanmar Subtitle (Hard Sub) Encoder….YK Translated by BpL~Yunni~KhinKhin

ဗြိတိန်ဇာတ်ကားလေးတစ်ခုကို ပြန်လည်အသက်သွင်းချင်ပါတယ်။ ငွေကြေးအရရော၊ အနုပညာအရပါ အကြီးအကျယ် အမြတ်ရခဲ့တဲ့ လက်ရာကောင်းတစ်ခုပါ။ ရုပ်ရှင်ချစ်ပရိသတ်တိုင်း ကြည့်ဖူးပြီးသားမလို့ အညွှန်းကို မိတ်ဆက်အနေနဲ့ မရေးတော့ဘဲ ထဲထဲဝင်ဝင်ရေးချင်ပါတယ်။ မကြည့်ရသေးသူများကတော့ ဇာတ်လမ်းကို အရင်ကြည့်ဖို့ တိုက်တွန်းပါတယ်ခင်ဗျာ။ ဇာတ်လမ်းအကျဉ်းက တစ်ကြောင်းနှစ်ကြောင်းလောက်ပဲရှိပါတယ်။ ဆင်းဆင်းရဲရဲကြီးပြင်းလာတဲ့ လူငယ်လေးတစ်ယောက်ဟာ ငယ်ငယ်ကဆုံခဲ့ပြီး သံယောစဉ်ဖြစ်ရတဲ့ မိန်းကလေးကို အစဉ်တစိုက်လိုက်ရှာရင်း မိန်းကလေးနဲ့ဆုံမယ့်အခွင့်အရေးရနိုင်မလားတွေးပြီး မိန်းကလေးကြိုက်နှစ်သက်တဲ့ တီဗီအစီအစဉ်မှာဝင်ပြိုင်ခဲ့တာပါ။ မေးခွန်းတိုင်းဟာ သူတွေ့ကြုံခဲ့ရတဲ့ အတွေ့အကြုံတွေဖြစ်လို့ ကောင်းမွန်စွာ ဖြေနိုင်တယ်ဆိုတဲ့အကြောင်းပေါ့။ သူလိုလူက ဖြေနိုင်နေလို့ မသမာလုပ်တယ် မသင်္ကာဖြစ်ခံရပြီး နောက်ဆုံးမေးခွန်းမရောက်ခင်မှာ ရဲစခန်းကိုဖမ်းခေါ်ပြီး စစ်မေးခံရတဲ့ ဇာတ်ကွက်နဲ့ ဇာတ်လမ်းကိုစပါတယ်။ အိန္ဒိယမြေက ဇာတ်လမ်းလေးတစ်ပုဒ်ကို အသက်သွင်းထားတာဖြစ်ပြီး အိန္ဒိယသရုပ်ဆောင်များနဲ့ပဲ ရိုက်ကူးခဲ့တာမလို့ ဘောလိဝုဒ်နဲ့ မှားတတ်ကြပါတယ်။ ဗြိတိန်ဇာတ်ကားဖြစ်ပြီး စကားပြောများကို British Accent သံနဲ့ပဲ နားထောင်ရမှာပါ။ again ကို အဂိန်း (အနီးစပ်ဆုံး) လို့ကြားရပါလိမ့်မယ်။ အိန္ဒိယစာရေးဆရာရဲ့ ဝတ္ထုကိုပဲ ပြန်လည်ရိုက်ကူးထားတာပါ။ ၁၅ သန်း ကုန်ကျခဲ့တဲ့ ဒီဇာတ်ကားက Box Office မှာ ၃၇၈.၁ သန်းပြန်ရခဲ့တာပါ။ အကယ်ဒမီဆယ်ဆုစာ လျာထားခံရပြီး ရှစ်ခုရရှိခဲ့ပါတယ်။ ဘက်ဖ်တာ ဆု ခုနှစ်ခု၊ ဝေဖန်ရေးဆု ငါးခုနဲ့ ရွှေကမ္ဘာလုံးဆု လေးခု သိမ်းပိုက်နိုင်ခဲ့ပါတယ်။ ထူးခြားတာကတော့ ဒီဇာတ်ကားကို sleeper hit အဖြစ် သတ်မှတ်ခဲ့တာပါပဲ။ စစချင်းမအောင်မြင်ဘဲ တဖြည်းဖြည်းနဲ့ အောင်မြင်မှုထိပ်ဆုံးရောက်လာတဲ့ဇာတ်ကားများကို ဆိုလိုပါတယ်။ IMDb 8 နဲ့ Rotten Tomato 90% ‌ရှိတဲ့ ဟောဒီဇာတ်ကားက Who wants to be a millionaire (မေးခွန်းဖြေစို့ သန်းကြွယ်ဖို့) အစီအစဉ်မှာ ဝင်ရောက်ယှဉ်ပြိုင်ပြီး အိန္ဒိယသုံးငွေကြေး ရူပီးသန်းနဲ့ချီပြီး အနိုင်ရရှိခဲ့သူတစ်ယောက်အကြောင်းပါပဲ။ ဒါပေမဲ့ သူဟာ အသက် ၁၈ နှစ်သာရှိပြီး ပညာတတ်ပုဂ္ဂိုလ်တစ်ယောက် မဟုတ်ပါဘူး။ ဆင်းရဲသားရပ်ကွက်တစ်ခုမှာ ဆင်းဆင်းရဲရဲ ကြီးပြင်းလာရပြီး ဘဝရဲ့အထုအထောင်းကို အရွယ်နဲ့မလိုက် ခါးစည်းခံရသူပါ။ သူဟာ ဘာ့ကြောင့် ဒီပြိုင်ပွဲကို အခြားပညာတတ်တွေထက် ကျော်လွန်ပြီး ရှေ့ဆက်နိုင်ခဲ့တာလဲ။ စာရေးဆရာကတော့ It is written (သတ်မှတ်ပြီးသားကံကြမ္မာကြောင့်) လို့ ပြောသွားခဲ့ပါတယ်။ အရေးကြီးမေးခွန်းတိုင်းဟာ သူ့ဘဝရဲ့ ခါးသီးတဲ့အတွေ့အကြုံတွေ မျက်ရည်တွေ သွေးစက်တွေကိုရင်းပြီး သိခဲ့ရတဲ့အဖြေတွေဖြစ်လို့ အောင်မြင်မှုရခဲ့တာပါ။ အဓိကသရုပ်ဆောင်တွေကို အသက်အရွယ်သုံးပိုင်းခွဲပြီး သုံးယောက်စီအသုံးပြုပါတယ်။ ကျွန်တော်သဘောအကျဆုံးကတော့ ပထမဆုံးအရွယ် ကလေးငယ်သရုပ်ဆောင်တွေပါပဲ။ အပီပြင်ဆုံးလို့လည်း ခံစားရပါတယ်။ ညီအစ်ကိုနှစ်ယောက်ရဲ့ ဘဝခရီးကြမ်းဟာ အဲဒီအရွယ်မှာပဲ အခက်ခဲဆုံးကြုံတွေ့ခဲ့ရတာကို အတိအကျ လုပ်ပြသွားနိုင်တဲ့ ကလေးတွေပေါ့ဗျာ။ နောက်ဆုံးမေးခွန်းဖြစ်တဲ့ တတိယသေနတ်ကိုင်စစ်သားရဲ့အမည်ကို လူငယ်လေး သိသလား မသိဘူးလားဆိုတာကတော့ အဓိကဆွေးနွေးရမယ့်အကြောင်းလို့ထင်ပါတယ်။ စာသင်ခဲ့ရစဉ်အရွယ်က ပြဌာန်းစာအုပ်ဖြစ်လို့ သိမှာပေါ့လို့ဆိုနိုင်သလို ပညာတပိုင်းတစနဲ့ ကျောင်းထွက်ခဲ့ရသူတွေမလို့ မသိဘူးလည်းပြောနိုင်ပါတယ်။ ပွဲထဲမှာလည်း မသိဘူးလို့ပဲ ဖြေသွားတာပါ။ ဒါပေမဲ့ သူက သိနေတဲ့အဖြေကို မသိဘူးပြောတတ်သူမလို့ အဲဒီစကားကိုလည်း အတည်ယူလို့မရပြန်ပါဘူး။ ဘာသာရေးအဓိကရုဏ်းဖြစ်ပြီး ထွက်ပြေးလာရတဲ့ညမှာ အစ်ကိုဖြစ်သူရဲ့ပြောစကားကိုလည်း ထည့်စဉ်းစားရပါတယ်။ တို့တွေမှ တတိယသေနတ်ကိုင်စစ်သားရဲ့ အမည်ကို မသိဘဲ ဆိုတဲ့စကားက အဓိပ္ပာယ်နှစ်ခွထွက်ပြန်ပါတယ်။ သူတို့ညီအစ်ကိုနှစ်ယောက်ကို သူတို့ဆရာက သေနတ်ကိုင်စစ်သားနှစ်ယောက်ရဲ့အမည် ခေါ်လေ့ရှိတာမလို့ သူတို့ကိုယ်သူတို့လည်း အဲဒီလိုပဲ သက်မှတ်ထားကြပါတယ်။ မင်းသမီးဝင်လာတော့ သူ့ကို တတိယမြောက်သေနတ်ကိုင်စစ်သားအဖြစ် အဖွဲ့ထဲထည့်ချင်တဲ့ ဇာတ်ဝင်စကားကိုလည်း တွေ့မြင်ရပါတယ်။ ဒါ့ကြောင့် နာမည်မသိဘူးဆိုတာဟာ စာအုပ်ထဲက သေနတ်ကိုင်စစ်သားပဲလား။ တတိယမြောက်အဖွဲ့ဝင် မင်းသမီးရဲ့နာမည်ကိုပြောတာလားဆိုတာကိုတော့ ပရိသတ်အတွက်ပဲ ချန်သွားပေးတဲ့ပုံပါ။ အိန္ဒိယရဲ့ အောက်ခြေအနက်ရှိုင်းဆုံးက အကျည်းတန်အဖြစ်တွေကို ခရေစေ့တွင်းကျ ကွက်ကွက်ကွင်းကွင်းရိုက်ပြထားလို့ တကယ့် Drama မှ Drama ပါပဲ။ အိုဗာလုပ်ပြတတ်တဲ့ အိန္ဒိယသရုပ်ဆောင်တွေကို ဇွတ်အတင်း အနောက်ဆန်ပစ်လိုက်တော့ ပရိသတ်မှာ ဟိုဟာလိုသလို ဒီဟာလိုသလိုတွေလည်း ဖြစ်ကုန်တာပေါ့ဗျာ။ ဇာတ်ကား အဆုံးနီးလာချိန်မှ အသားကျပြီး နောက်တစ်ခေါက်ပြန်ကြည့်တဲ့အခါမှာ လုံးဝစီးမျောသွားပါတယ်။ ဇာတ်ဝင်သီချင်းကိုတော့ M.I.A ရဲ့Paper Plane ကို အသုံးပြုထားပါတယ်။ ဇာတ်လမ်းနဲ့ အနီးစပ်ဆုံးဖြစ်အောင် မြန်မာမှုပြုထားတာမလို့ စာသားနဲ့ အနည်းငယ်လွဲချော်တာလေးတွေ ရှိပါတယ်။ သည်းခံပြီး ကြည့်ပေးကြပါခင်ဗျာ။ အိန္ဒိယစကားပြောများကို အင်္ဂလိပ်ဘာသာပြန်စာတန်းအသေများကိုလည်း Trimming လုပ်ပြီး စာတန်းထိုးပေးထားပါတယ်။ မူရင်းစာဖိုင်မှာ မပါလို့ပါ။ ဘယ်လိုပဲဖြစ်ဖြစ် ကြည့်လို့အဆင်ပြေအောင် အချိန်ယူလုပ်ပေးထားပါတယ်။ အားနည်းချက်များရှိရင် ချစ်သောမျက်စိနဲ့ ကြည့်ပေးကြပါခင်ဗျာ။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှ ခံစားတင်ဆက်ထားပါတယ်။) File size…(4 GB)/(900 MB) Quality….BluRay 1080p/720p Format…mp4 Duration….02:00:38 Subtitle….Myanmar Subtitle (Hardsub) Encoder….Nyeinsaeya Aung Translated by Arr Khun Winchester

Netflix ကထုတ်တဲ့စပိန်စကားပြောကားလေးပါ Togo ဟာ‌ခြေတစ်ဖက်ဆာ‌နေတဲ့အိမ်ခြေရာမဲ့အဖိုးအိုတစ်ယောက်ပါ။ သူဟာ သူ့အပိုင်လို့သတ်မှတ်ထားတဲ့အကွက်မှာ လာရပ်တဲ့ကားတွေကို စောင့်ကြည့်ပေးရင်း အသက်‌မွေးရသူပါ။တစ်နေ့မှာတော့ အိမ်ကနေထွက်ပြေးလာတဲ့ မိန်းကလေးတစ်ယောက်ဟာ သူအလုပ်လုပ်တဲ့နေရာကိုလာနေရာကနေ Togo လည်းသမီးတစ်ယောက်လိုသံယောဇဉ်တွယ်မိပါတယ်။ တစ်ချိန်တည်းမှာပဲ မူးယစ်ဂိုဏ်းတစ်ဂိုဏ်းဟာ နယ်မြေချဲ့ထွင်လာပြီး Togo ကိုသူတို့နဲ့ပူပေါင်းဖို့ အတင်းအကျပ်တိုက်တွန်းပါတယ်။Togo ကလည်း သူ့နယ်မြေလို့သတ်မှတ်ထားတဲ့ ရပ်ကွက်ကိုကာကွယ်ပေးဖို့ကြိုးစားရာကနေ မူးယစ်ဂိုဏ်းနဲ့ထိပ်တိုက်ရင်ဆိုင်ရဖို့ဖြစ်လာရပါတော့တယ်။ File size…2.38 Gb / 998Mb / 481MB Quality….Webrip 1080p / 720p / 480p Format…mp4 Duration….1:53:00 Genre...Crime / Drama / Thriller Subtitle….Myanmar Subtitle (Hardsub) Encoder….Mr. Anderson Translated by SP

ဒီတစ်ခါတော့ ပရိသတ်ကြီးကို လိုက်တွေးကြည့်လို့ကောင်းမဲ့ စုံထောက်ကားလေးတစ်ကား တင်ဆက်ပေးလိုက်ပါတယ် သိဖို့လည်း ခက်ခဲသလို လိုက်စဉ်းစားဖို့လည်း ကောင်းမဲ့ ကားကောင်းလေးတစ်ကာပါပဲ ချယ်ရီစပရင်းဆိုတဲ့ မြို့လေးကို မဲလ်ဆိုတဲ့ မှုခင်းစုံစမ်းရေးသတင်းထောက်လေးက ပြန်လာနေတာနဲ့ ဇာတ်လမ်းလေးကို အစပြုထားခဲ့တာပါ မွေးရပ်မြေဖြစ်တာနဲ့အညီ တွေ့တွေ့သမျှလူတွေကလည်းသူ့ရဲ့ မိတ်ဆွေ သူငယ်ချင်းတွေချည်းပါပဲ သူကတော့ သူရေးလိုက်တဲ့ ဆောင်းပါးတစ်ခုကြောင့် စက်ရုံကြီးတစ်ရုံပိတ်သွားပြီး အလုပ်သမားတွေအလုပ်လက်မဲ့ဖြစ်သွားတာကြောင့် ဘော့စတွန်ကိုပြောသွားခဲ့တဲ့သူလေးပါ အဲဒီလိုနဲ့ သူပြန်ရောက်ပြီး မကြာခင်မှာပဲ သူ့ရဲ့ ကလေးဘဝထဲကသူငယ်ချင်း တိုနီဆိုတဲ့တစ်ယောက်က သူ့မိန်းမ ရေချယ်နဲ့ ရန်ဖြစ်ပြီး ပျောက်သွားခဲ့တာပါ အဲဒီ ချယ်ရီစပရင်းမြို့လေးကိုပဲ နယူးယောက်က ဂျိတ်ဆိုတဲ့ စုံထောက်ကြီးကလည်း ပြောင်းလာခဲ့တာမကြာသေးပါဘူး အဲဒီလိုနဲ့ တိုနီပျောက်သွားတဲ့အမှုကို စုံထောက်ကြီးရော သူ့ရဲ့သူငယ်ချင်းက မဲလ်ကရော လိုက်စုံစမ်းပါတယ် ဂျိတ်ကတော့ မဲလ် အမှုလိုက်စုံစမ်းတာကိုမကြိုက်ပေမဲ့လည်း သူ့ထက်တော်နေတော့ အောင့်သက်သက်နဲ့ ကြည့်နေရတာပါ လိုက်ရင်းနဲ့မှာ အမှုကို တစ တစ ဆွဲထုတ်မှုရင်း ဘာတွေပေါ်ပေါက်လာမလဲ တိုနီက ဘာလို့ပျောက်သွားတာလဲ အမှုကိုရောဘယ်လိုနည်းလမ်းတွေနဲ့စုံစမ်းမလဲဆိုတာကို တွေးကြည့်ရင်းကြည့်လို့ကောင်းမဲ့ကားကောင်းလေးတစ်ကားပါပဲ File size…(947MB)/(557MB)/(257Mb) Quality….Webrip 1080p / 720p / 480p Format…mp4 Duration….01:28:00 Genre...Horror Subtitle….Myanmar Subtitle (Hardsub) Encoder….Mr. Anderson Translated by SP

Mr.King (2023) IMDb 9.2/10 (3K) ဘေးအိမ်ကိုအဆင်လေးပြောင်းလာဖို့စိတ်ကူးယဥ်ကြည့်ဖူးတဲ့လူ‌ တွေရှိရင် ဒီကားလေးက Must Watch စာရင်းထဲပါတဲ့ဇာတ်ကားလေးပါ ညိုကီတို့ကြိုက်မင်းသမီးချောလေး Urvi Singh ,Yashvika Nishkala နဲ့ ပျိုမေတို့ကြိုက် မင်းသားချောလေး Sharan Kumar လည်းပါဝင်တယ်ဆိုတော့ပစ်ရက်စရာတစ်ကွက်မှမရှိတော့ဘူးပေါ့ရှင် အူမာဒေဗီနဲ့ ဗယ်နီလာက ညီအစ်မဝမ်းကွဲတွေပါ သူတို့အိမ်ဘေးကိုပြောင်းလာမဲ့အဆင်လေးကတော့ ရှီဗာပေါ့ ရှီဗာ့အကြောင်းပြောရမဲ့ဆိုရင် လူတစ်ရာမှာတစ်ယောက်တောင်မရှိနိုင်တဲ့ဉာဏ်ကြီးရှင်တစ်ယောက်... လေယာဉ်စက်ယန္တရားပရောဂျက်ရေးဆွဲနေပြီးအောင်မြင်အောင်လုပ်မဲ့ရည်ရွယ်ချက်နဲ့ပေါ့ ဒီလိုတော်တဲ့အပြင်ကိုမှ ရုပ်လေးကလည်းခန့်တော့ အူမာနဲ့ဗယ်နီလာတို့၂ယောက်စလုံးသဘောကျမိသွားပါတယ် ဒီလို၃ပွင့်ဆိုင်လာမဲ့အချစ်ရေးထဲဘယ်သူနဲ့ဘဝခရီးဆက်ဖြစ်မလဲ ရှီဗာ့လေယာဉ်ပရောဂျက်ရောအောင်မြင်ပါ့မလားဆိုတာ ဆက်လက်ကြည့်ရှုလိုက်ပါရှင် File size…1.97GB / 903MB Quality…1080p WEB DL / 720p Format…mp4 Duration…2h 44mins Subtitle….Myanmar Subtitle (Hard Sub) Encoder….YK Translated by Yunni~BpL

I Used to Be Famous (2022) (1080p ရပါပြီ) ဗင့်စ်ဆိုတဲ့ ဂီတသမားတစ်ယောက်ဟာတော့ တစ်ခေတ်တစ်ခါက လူသိများခဲ့တဲ့ ဂီတအဖွဲ့တစ်ခုရဲ့ ခေါင်းတောင်အဆိုရှင်ဖြစ်ခဲ့ပါတယ်။ လောကဓံ‌အကြောင်းကြောင်းကြောင့် ဂီတလောကထဲကနေ ထွက်ခွါခဲ့ရပြီး နှစ်ပေါင်းများစွာ သာမန်လူအဖြစ်ကျင်လည်ခဲ့ရတဲ့ ဗင့်စ်တစ်ယောက် စတီဗီဆိုတဲ့ စိတ်ဝေဒနာရှင်လူငယ်လေးနဲ့ ဆုံတွေ့ဖြစ်ခဲ့ကြပါတယ်။ ဒီလိုနဲ့ပဲ ဒရမ်ကို သိပ်ရူးသွပ်ပြီး ပါရမီပါတဲ့ စတီဗီက ဗင့်စ်အပေါ် ခင်တွယ်လာခဲ့ပြီး သူတို့အတူတူ ဂီတလမ်းကြောင်းပေါ် ပြန်လျှောက်ဖို့ ကြိုးစားကြပါတော့တယ်။ ဂီတအပေါ်ရူးသွပ်မှုကလည်းတစ်ဖက် လူကြောက်တတ်တဲ့ စိတ်ဝေ‌ဒနာရှင်လူငယ်လေး စတီဗီကို ဗင့်စ်က ဘယ်လိုပြောင်းလဲပေးနိုင်မလဲ? သူတို့အတူ ဘယ်လိုကြိုးစားလျှောက်လှမ်းကြမလဲ? ဆိုတာကိုတော့ သီချင်းငြိမ့်ငြိမ့်လေးတွေနဲ့ သိပ်ကောင်းတဲ့ ဒီဇာတ်ကားလေးမှာ ဆက်ပြီး ခံစားကြည့်ရှုလိုက်ကြစို့နော်။ (ဇာတ်လမ်းအညွှန်းနဲ့ ဘာသာပြန်က Reum ပါ။) File Size : 1.8GB, 743MB, 380MB Quality : 1080p WEB-DL AC3 5.1CH, 720p WEB-DL, 480p Format : mp4 Duration : 1hr & 44mins Genre : Comedy, Drama, Music Translated by Reum Encoded by Kinnov

Talk to Me (2022) ~ IMDb – 7.4/10, Rotten Tomatoes – 95% ~ ဇာတ်လမ်းက အရမ်းကြောက်ဖို့ကောင်းပေမဲ့ အထဲက ဇာတ်ကောင်တွေကတော့ အတော်ကိုတုံးတယ်ပြောရမှာပါပဲ။ ဝိညာဉ်ခေါ်လို့ရတယ်လို့ နာမည်ကြီးတဲ့ လက်ပြတ်အရုပ်တစ်ခုကို ရလာတယ်။ မူလ လက်ပြတ်ပိုင်ရှင်က စိတ်ဖောက်ပြီး သူ့ကိုယ်သူ သတ်သေသွားပြီ။ အဲဒီလက်ပြတ်ကို ကိုင်ပြီး ငါ့ကို စကားပြောပါဆိုရင် ဝိညာဉ်ကိုမြင်ရတယ်။ ငါမင်းကိုဝင်ခွင့်ပေးတယ်ဆိုရင် ကိုယ်ထဲကိုဝင်ပူးခံရတယ်။ အဲဒါကို လူငယ်တသိုက်က အလှည့်ကျ ပူးတိုင်းကစားကြပါတယ်။ စည်းကမ်းကတော့ စက္ကန့် ၉၀ မကျော်ရင် ဘာမှမဖြစ်ပါဘူးတဲ့။ ဒါပေမဲ့ ထုံးစံအတိုင်း ကောင်လေးတစ်ယောက်အလှည့်မှာတော့ စက္ကန့် ၉၀ ကျော်ပြီး ဝိညာဉ်တွေ သောင်းကျန်းကုန်ပါတယ်။ အဲဒီကလေးကို သေအောင်လုပ်ပြီး အပိုင်သိမ်းဖို့ ကြိုးစားတဲ့ ဝိညာဉ်ဆိုးတွေရောက်လာတယ်။ အဲဒီကလေးလွတ်အောင် မင်းသမီးက ဘယ်လိုတွေ လိုက်ကယ်ရမလဲဆိုတာ ကြည့်ရမှာပါ။ ဒီ ရုပ်ရှင်ဟာ Danny and Michael Philippou ညီအစ်ကိုနှစ်ယောက်ရဲ့ ပထမဆုံး ရုံတင်ရုပ်ရှင်ကြီးပါ။ ပွဲဦးထွက်မှာတင် ဝက်ဝက်ကွဲ အောင်မြင်သွားပါပြီ။ ဟော်ရာရုပ်ရှင်ကို Rating 7.4/10 အထိ IMDb မှာရောက်တာ ရှားပါတယ်။ တော်ရုံ ဟော်ရာ ရုံကြီးကားတွေတောင် မရောက်ပါဘူး။ အဲဒါကြောင့်မို့လို့ပဲ နာမည်ကျော် Horror ကားတွေထုတ်နေကျ A24 က ဒီရုပ်ရှင်ရဲ့ မူပိုင်ခွင့်ကို ဝယ်ပြီး သူတို့ရုပ်ရှင်အနေနဲ့ သိမ်းပိုက်လိုက်တယ်။ နောက်ပြီး ရုံတင်တာမှာ အတော်လေးကို ပေါက်သွားပြီး A24 ရဲ့ အရင် အောင်မြင်ခဲ့တဲ့ သရဲကား Hereditary ရဲ့ ဝင်ငွေထက်တောင် ကျော်သွားခဲ့ပါတယ်။ ဒေါ်လာ ၄ သန်းခွဲ ဘက်ဂျက်နဲ့ ရိုက်ကူးပြီး ခုဆို ၆၇ သန်း ရုံဝင်ငွေ ရရှိနေပါပြီ။ ဒါရိုက်တာညီအစ်ကိုက ဒီကားရိုက်ဖို့နဲ့ DCEU က ကမ်းလှမ်းတဲ့ စူပါဟီးရိုးရုပ်ရှင်တစ်ကားရိုက်ဖို့ တိုက်နေတာတောင် DCEU ရုပ်ရှင်ကို ငြင်းပြီး သူတို့ကိုယ်တိုင်ဇာတ်ညွှန်းရေးထားတဲ့ ဒီကားကို ယုံယုံကြည်ကြည်ရိုက်ခဲ့တာပါ။ မင်းသားမင်းသမီးတွေကလည်း A list မဟုတ်ဘဲ တက်သစ်စတွေပါပဲ။ တစ်ယောက်တည်း မီးပိတ် အမှောင်ထဲ ကြည့်လို့တော့ မလွယ်မဲ့ကားမျိုးပေါ့။ ဘာသာပြန်ရင်းတောင် ကျောချမ်းပါတယ်။ ကြည့်ကြည့်လိုက်ကြပါ။ (ဒီဇာတ်ကားနဲ့အညွှန်းကို Mr. Anderson မှ ပြန်ဆို ရေးသားထားပါတယ်) Size – 2.55GB, 1.85GB, 491MB Quality – 4K HEVC, 1080p, 720p IMDb Rating – 7.4/10 Format – mp4 Duration – 1H 35Min Genre – Horror, Thriller Subtitle – Myanmar Subtitle (Hardsub) Translated by Mr. Anderson Encoded by Y, TSK

တရုတ်ပြည်ရဲ့ ၁၉ရာစုတော်လှန်ရေးကာလကိုအခြေခံပြီးရိုက်ထားတဲ့ စူပါပါဝါတွေနဲ့ထူးဆန်းလူသားကားလေးဖြစ်ပါတယ်…… လူ့ခန္ဓာကိုယ်မှာ အဆုံးမရှိတဲ့စွမ်းအားတွေရှိတယ်လို့ဆိုကြတယ်။ အဲဒီစွမ်းအားတွေကိုလှုံ့ဆော်ဖော်ထုတ်နိုင်ဖို့အတွက် လျှို့ဝှက်အဖွဲ့အစည်းတစ်ခုက သိပ္ပံပညာရှင်တွေဟာ အမျိုးမျိုးသုတေသနလုပ်ပြီး စမ်းသပ်ကြပါတယ်။ အဲဒီအ်ချိန်မှာဓာတ်အားမတည်ငြိမ်တာကြောင့် မတော်တဆဖြစ်ပြီး အစမ်းသပ်ခံလူတစ်ယောက်ဟာထွက်ပြေးလွတ်မြောက်သွားပါတယ်။ မကောင်းဆိုးဝါးနှိမ်နင်းသူဟာ သူကိုယ်တိုင်မကောင်းဆိုးဝါးမဖြစ်သွားဖို့သတိထားရပါတယ်။ သူမတူတဲ့စွမ်းအင်တွေရသွားပြီးနောက် လူဆိုးဖြစ်သွားမလား လူကောင်းဖြစ်မလားဆိုတာ စိုးရိမ်စရာဖြစ်လာခဲ့တယ်။ အဲဒီဖြစ်ရပ်ဖြစ်သွားပြီး နောက်(၃)နှစ်မှာ ထူးဆန်းတဲ့လူသေမှုဖြစ်ပွားလာတဲ့အခါ လျှို့ဝှက်အဖွဲ့အစည်းဟာ အမှုနောက်ကိုလိုက်ရင်း ပျောက်သွားတဲ့သန္ဓေပြောင်းလူသားနဲ့ပြန်တွေ့ကြရပါတယ်။ ဒီထူးဆန်းတဲ့လူသေမှုနဲ့ဘယ်လိုတွေပတ်သက်နေလဲ…… ဒီနောက်ကွယ်မှာဘယ်လိုအကြံအစည်ကြီးတွေရှိနေမလဲ……

Parasyte ဟာ Iwaaki Hitoshi ရဲ့ ၁၉၈၈ခုနှစ်ကနေ ၁၉၉၅ခုနှစ်ထိ အခန်းဆက်ရေးသားခဲ့တဲ့ Sci-fi horror မန်ဂဇာတ်လမ်းတွဲဖြစ်ပြီး၊ ဇာတ်လမ်းရဲ့ ထူးခြားတဲ့တင်ပြပုံနဲ့ body horror ကို အသားပေးဖော်ပြမှုကြောင့်နာမည်ကြီးတဲ့ မန်ဂဇာတ်လမ်းတစ်ပုဒ်ဖြစ်ပါတယ်။ အင်္ဂလိပ်ဘာသာနဲ့ ထုတ်ဝေခဲ့မှုကြောင့် အမေရိက နဲ့ နိုင်ငံတကာမှာ အတော်လေးအောင်မြင်ခဲ့တဲ့ ဒီဇာတ်လမ်းတွဲဟာ ၂၀၁၄ခုနှစ်မှာတော့ ဇာတ်ခုံပေါ်တစ်ဖန်ပြန်တက်လာခဲ့ပါတယ်။ ၂၀၁၄ခုနှစ်မှာ TOHO ကနေ အပိုင်း၂ပိုင်းပါဝင်တဲ့ Live-action ရုပ်ရှင်ဇာတ်ကားအဖြစ် ရိုက်ကူးရုံတင်ဖို့ ကြေညာခဲ့ပြီး၊ ၂၀၁၄ ခုနှစ်ထဲမှာပဲ MADHOUSE စတူဒီယိုကနေ ရိုက်ကူးတဲ့ Anime ရုပ်သံဇာတ်လမ်းတွဲကို ထုတ်လွှင့်ပြသခဲ့ပါသေးတယ်။ အစကတော့ ၂၀၀၅ခုနှစ်ကတည်းက ဒီဇာတ်လမ်းကို ရုပ်ရှင်ဇာတ်ကားအဖြစ် အသက်သွင်းရိုက်ကူးဖို့ဝယ်ယူထားတာက ဟောလိဝုဒ်ရုပ်ရှင်လုပ်ငန်းတစ်ခုဖြစ်တဲ့ New Line Cinema ဖြစ်ပေမယ့် မရိုက်ဖြစ်လိုက်ရပဲ ၂၀၁၃ခုနှစ်ထဲမှာ သက်တမ်းကုန်သွားတဲ့အတွက် ကံကောင်းထောက်မစွာ အနောက်တိုင်းမှုပြုထားတဲ့(ညံ့မှာသေချာတဲ့)ဇာတ်ကားမထွက်ရှိလိုက်ပဲ အခုလို ဒါရိုက်တာ Yamazaki Takashi ရဲ့ Live-action ဇာတ်ကားအဖြစ် ကြည့်ရတာ ဖြစ်ပါတယ်။ Spoiler Alert…. Kiseijuu (ကပ်ပါးကောင်) လို့ အဓိပ္ပာယ်ရတဲ့ အမည်နဲ့လိုက်ဖက်စွာပဲ ဒီဇာတ်လမ်းရဲ့အဓိကလက်သည်တွေကတော့ ဘယ်ကနေဘယ်လိုရောက်ရှိလာမှန်းမသိတဲ့ အမျိုးအမည်မသိသတ္တဝါဆန်း ကပ်ပါးကောင်တွေပဲ ဖြစ်ပါတယ်။ သဘာဝအလျောက်စ့ဆော်မှုအရလူသားတွေကို သတ်ဖြတ်ချင်နေတဲ့ ဒီကပ်ပါးကောင်တွေဟာ လူသားတွေရဲ့ခန္ဓာကိုယ်ထဲဝင်ရောက်ပြီး၊ ဦးနှောက်ကိုအပိုင်စီးကာ လူခန္ဓာကိုယ်မှာ တွယ်ကပ်နေတဲ့ လူသားစား Monster တွေဖြစ်လာပါတယ်။ လူခန္ဓာကိုယ်ကို လုယူနိုင်လိုက်တဲ့ကပ်ပါးကောင်တစ်ကောင်ဟာ သာမန်လူတစ်ယောက်ပုံစံဟန်ဆောင်နိုင်ပြီး၊ သားကောင်ရှေ့ရောက်မှ သတ်ဖြတ်စားသောက်ကြတာ ဖြစ်ပါတယ်။ Izumi Shinichi အမည်ရ အထက်တန်းကျောင်းသားလေးကတော့ ကံကောင်းသွားပါတယ်။ သူ့ရဲ့ ခန္ဓာကိုယ်ထဲဝင်ရောက်လာတဲ့ ကပ်ပါးကောင်ဟာ Shinichi ရဲ့ ဦးနှောက်ကိုမရလိုက်ပဲ ညာဘက်လက်ကိုသာ အပိုင်စီးနိုင်ခဲ့ပါတယ်။ အိပ်ရာကနေနိုးလာတော့ ကိုယ့်ရဲ့ညာဘက်လက်က သတ္တဝါဆန်းတစ်ကောင်ဖြစ်နေတာတွေ့လိုက်ရတဲ့ ခံစားချက်ကို စဉ်းစားသာကြည့်ကြပါတော့။ လေ့လာသင်ယူမှုအားကောင်းတဲ့ ကပ်ပါးကောင်တွေပီပီ အဆိုပါ Migi (ညာလက်) အမည်ရ ကပ်ပါးကောင်ဟာ Shinichi နဲ့ ဆက်သွယ်ပြောဆိုလာနိုင်ပြီးနောက် နှစ်ယောက်စလုံးအသက်ရှင်ရပ်တည်ရေးအတွက် အတူတကွယှဉ်တွဲနေထိုင်ဖို့ သဘောတူညီချက်ရရှိသွားပါတယ်။ Shinichi ဟာ မိခင်ဖြစ်သူ Izumi Nobuko နဲ့ အမေတစ်ခုသားတစ်ခု နေထိုင်ရတာဖြစ်ပြီး၊ မိခင်ဖြစ်သူတစ်ယောက်တည်း သူ့အတွက်ကြိုးစားရုန်းကန်နေရတာကိုကြည့်ကာ အလိုလိုနေရင်းအပြစ်ရှိသလို ခံစားနေရတဲ့ Shinichi အတွက် အခုလို လူသားစားကပ်ပါးကောင်တွေနဲ့ ပတ်သတ်ဖို့ဖြစ်လာတော့ ပိုပြီးစိတ်ဖိစီးလာခဲ့ပါတယ်။ ပိုဆိုးတာက ကပ်ပါးကောင်တွေဟာ တစ်ယောက်နဲ့တစ်ယောက် အာရုံခံနိုင်တဲ့အတွက် Shinichiအတွက် ရှောင်ပြေးဖို့မဖြစ်နိုင်ပဲ သူပထမဆုံးကြုံတွေ့ရတဲ့ လူသားစားကပ်ပါးကောင်တစ်ယောက်ကို Migi ရဲ့အကူအညီနဲ့ သတ်ဖြတ်နိုင်လိုက်ပါတယ်။ ဒီလို Migi ကို လူတွေမမြင်အောင် ဖုံးကွယ်နေရတဲ့ကြားထဲ အခြားသောကပ်ပါးကောင်တွဆီကနေ ပတ်ပြေးရသေးတဲ့ Shinichi ဟာ တစ်နေ့တော့ သူတို့ကျောင်းကိုအသစ်ရောက်ရှိလာတဲ့ ဆရာမ Tamiya Ryoko ဟာ ကပ်ပါးကောင်တစ်ယောက်ဖြစ်နေတာ သိလိုက်ရပါတော့တယ်။ အခြားလူသားစားကပ်ပါးကောင်တွေနဲ့မတူ တစ်မူထူးခြားတဲ့ Tamiya ဟာ ကပ်ပါးကောင်တွေနဲ့လူသားတွေ အတူတကွနေထိုင်နိုင်မယ့်နည်းလမ်းကို သူရှာဖွေစမ်းသပ်နေကြောင်း ပြောပြကာ Shinichi ကို သူတို့ရဲ့ကွန်ယက်ထဲ သွင်းလိုက်ပါတယ်။ ဒါပေမယ့် အခြားကပ်ပါးကောင်တစ်ယောက်ဖြစ်တဲ့ ရဲအရာရှိခန္ဓာကိုယ်နဲ့ A ကတော့ Shinichi ကို ယုံကြည်ခြင်းမရှိပဲ တစ်ညမှာ Shinichi ကို လမ်းမှာတိုက်ခိုက်ပါတယ်။ Shinichi က Migi ရဲ့အစွမ်းနဲ့ ကံကောင်းထောက်မစွာ အသက်ရှင်လွတ်မြောက်နိုင်စွမ်းရှိပေမယ့် အဆိုပါအိမ်ပြန်လမ်းကနေ ဖြတ်သန်းပြန်လာသူက Shinichi ရဲ့ မိခင်ဖြစ်သူ Nobkuo .. ။ ခြောက်လနီးပါးခြားပြီး ရုံတင်ပြသတဲ့ အပိုင်း ၂ မှာတော့ အပိုင်း ၁ ရဲ့ အဆုံးကနေ တစ်ဆက်တည်းဇာတ်လမ်းဆက်ပြီး၊ အပိုင်း ၁ တုန်းက ဖြစ်ရပ်တွေကြောင့် မတူညီတဲ့အခြားလူတစ်ယောက်လို ပြောင်းလဲသွားတဲ့ Shinichi ဟာ ကပ်ပါးကောင်တွေနဲ့လူသားတွေကြားက စစ်ပွဲမှာ တစ်ဖန်ပါဝင်ပတ်သတ်ရပြန်ပါတယ်။ Tamiya ရဲ့ ကပ်ပါးကောင်ကွန်ရက်ဟာ မြို့တော်ဝန်ရာထူးအထိရယူနိုင်လာပြီး၊ သူတို့ရဲ့အဖွဲ့အစည်းကို ကြီးမားအောင်ဖွဲ့စည်းနိုင်လာပါတယ်။ တစ်ဆက်တည်းမှာ လူသားကလေးတစ်ယောက်ကို စမ်းသပ်တဲ့အနေနဲ့ ကိုယ်ဝန်ဆောင်မွေးဖွားတဲ့ Tamiya ဟာ သူမရဲ့အမူအကျင့်တွေ၊ အတွေးအခေါ်တွေ ပြောင်းလဲလာသတိထားမိပြီး၊ Shinichi နဲ့ Migi တို့ကြားကဆက်ဆံရေးဟာလည်း ပိုပြီးရင်းနှီးနီးစပ်လာခဲ့ပါတယ်။ Tamiya အဆိုပြုတဲ့ လူသားတွေနဲ့အတူတကွနေထိုင်နိုင်ဖို့အတွက် သူတို့အနေနဲ့လိုက်လျောညီထွေပြောင်းလဲဖို့လိုအပ်ကြောင်းကို လက်မခံတဲ့ ကပ်ပါးကောင်တွေနဲ့ ထိပ်တိုက်တွေ့တာက ကပ်ပါးကောင်တွေကို နှိမ်နင်းဖို့ အစိုးရကစေလွှတ်လိုက်တဲ့အထူးတပ်ဖွဲ့တွေ။ ဒီလိုနဲ့ ကပ်ပါးကောင်တွေနဲ့လူသားတွေကြားက တိုက်ပွဲဟာအရှိန်အမြင့်ဆုံးကိုရောက်ရှိလာပြီးနောက်၊ Shinichi နဲ့ Migi တို့ဟာ ဒီမျိုးစိတ်နှစ်ခုအတူယှဉ်တွဲနေထိုင်ဖို့ဖြစ်နိုင်မလား၊ ဘယ်ဘက်ကမကောင်းဆိုးဝါးတွေလဲ၊ လူသားတွေလား၊ ကပ်ပါးကောင်တွလားဆိုတာ အဖြေရှာရတော့မှာ ဖြစ်ပါတယ်။ အပိုင်း ၁ နဲ့ ၂ မှာ သိသာစွာ ကွဲပြားချက်တစ်ခုကတော့ ပထမဇာတ်ကားမှာ စတင်အသက်ဝင်လာတဲ့ ကပ်ပါးကောင်တွေရဲ့အန္တရာယ်ကို ကြောက်မက်ဖွယ်ကောင်းအောင် ဖော်ပြထားပြီး၊ လူသားတွေဖြစ်တဲ့ပရိသတ်တွေအနေနဲ့ လူတွေကိုရက်ရက်စက်စက်သတ်ဖြတ်နေတဲ့ ကပ်ပါးကောင်တွေကို ဗီလိန်တွေအဖြစ် အမုန်းကြီးမုန်းကြရမှာ ဖြစ်ပါတယ်။ အဲ … ဒုတိယပိုင်းရောက်တော့ ကပ်ပါးကောင်တွေက လူသားခန္ဓာကိုယ်မှာအချိန်ကြာလာတော့ တဖြည်းဖြည်းနဲ့လိုက်လျောညီထွေဖြစ်အောင် ရုပ်ပိုင်းဆိုင်ရာကော၊ စိတ်ပိုင်းဆိုင်ရာပါ ဆင့်ကဲပြောင်းလဲလာကြပြီး၊ ဒီတစ်ကြိမ်မှာတော့ လူသားတွေအနေနဲ့ ခံရတဲ့ victim သားကောင် ချည်းသက်သက်မဟုတ်တော့တာ တွေ့ရမှာပါ။ ရှင်းရှင်းပြောရင် Parasyte ဇာတ်ကားဟာ မထွက်ရှိခင်က သိပ်ပြီးအကောင်းဘက်ကနေ မျှော်လင့်ထားတဲ့ ဇာတ်လမ်းတစ်ပုဒ်မဟုတ်ခဲ့ပါဘူး။ အကယ်ဒမီဆုရှင်ဒါရိုက်တာ Yamazaki Takashi ဟာ ဒီဇာတ်ကားကို မန်ဂစီးရီးတစ်ခုရဲ့ adaptation ဆိုတာထက် ရုပ်ရှင်ဇာတ်ကားကောင်းတစ်ကားအဖြစ် ရိုက်ကူးဖို့ ကြိုးစားခဲ့ဟန်တူပါတယ်။ မန်ဂအုပ်တွဲပေါင်း ၁၀ခုကို လေးနာရီကြာ ရုပ်ရှင်ဇာတ်လမ်းအဖြစ် ကူးပြောင်းရိုက်ကူးတဲ့နေရာမှာ အများကြီးဖြတ်တောက်ချုံ့ပစ်လိုက်တာဖြစ်တဲ့အပြင် ဆယ်စုနှစ်နှစ်ခုနီးပါးကွာခြားတဲ့ ဇာတ်အိမ်တည်ရာအချိန်ကာလကြောင့် အချို့နေရာတွေမှာ ခေတ်မှီအောင် ပြင်ဆင်လိုက်ရတာတွေရှိုလို့ မူရင်းဇာတ်လမ်းတွဲပရိသတ်ပါ ဆိုသူများအတွက်တော့ အလိုမကျစရာတွေ အများကြီးရှိမှာအမှန်ပါပဲ။ အရေးပါတဲ့ဇာတ်လမ်းဇာတ်ကွက်များစွာနဲ့ ဇာတ်ကောင်တွေကို ချန်လှပ်ပြီး၊ ဇာတ်လမ်းကိုပြုပြင်တဲ့နေရာမှာ အထင်ရှားဆုံးအချက်လို့ပြောရမှာကတော့ အဓိကဇာတ်ကောင် Shinichi ရဲ့ မိသားစုအခြေအနေပါပဲ။ မူရင်းထဲကလို မိစုံဖစုံမဟုတ်တော့ပဲ အမေတစ်ခု၊သားတစ်ခုပုံစံ ပြု ပြင်ထားတာက ဆိုးဝါးတဲ့စိတ်ကူးတစ်ခုလို့ မဆိုနိုင်ပါဘူး။ ဒီလိုပြင်လိုက်လို့ Shinichi နဲ့ မိခင်ဖြစ်သူတို့ကြားက သံယောဇဉ်ကို ပိုပြီးမီးမောင်းထိုးပြနိုင်တဲ့အပြင် နောက်ပိုင်းပါလာမယ့် Shinichi ရဲ့ စိတ်ပိုင်းဆိုင်ရာပြောင်းလဲမှုတွေအတွက် ပိုပြီးအားကောင်းတဲ့ သက်ရောက်မှုတစ်ခုဖြစ်စေခဲ့ပါတယ်။ ဘာဖြစ်လို့လဲဆိုတော့ မူလဇာတ်လမ်းတုန်းက Shinichi ရဲ့ ပြောင်းလဲမှုမှာအဓိကကျခဲ့တဲ့ ဇာတ်ကောင် သူ့နောက်ကတစ်ကောက်ကောက်လိုက်နေတဲ့ကောင်မလေး Kana ဟာ Live-action မှာ ချန်လှပ်ထားခဲ့တဲ့ ဇာတ်ကောင်တစ်ယောက်ဖြစ်တဲ့အတွက် Shinichi တို့သားအမိဆက်ဆံရေးဟာ ပိုပြီးအရေးပါလာခဲ့ပါတယ်။ ပြောရရင် မူရင်းဇာတ်လမ်းတွေထဲမှာကတည်းက သတိထားမိတာကို ပြောရရင် မိခင်ဖြစ်သူဟာ Shinichi ရဲ့ စိတ်အတွင်းရုန်းကန်မှုတွေမှာ အရေးပါတဲ့နေရာကပါဝင်ခဲ့ပေမယ့် သူတို့ကြားက အပြင်ပန်းဆက်ဆံရေးကို ဖော်ပြတဲ့နေရာမှာတော့ ထင်သလောက်မပေါ်လွင်တာတွေ့ရမှာပါ။ ဒီနေရာမှာ Live-actionကတောင် ပိုသာတယ် ပြောရမှာပါ။ အထူးသဖြင့် အပိုင်း ၁ ရဲ့ နောက်ဆုံးဇာတ်ရှိန်အမြင့်ဆုံးဇာတ်ဝင်ခန်းမှာ ရုပ်ရှင်ဖန်တီးသူတွေ ထည့်သွင်းထားတဲ့ Izumi Nobuko ရဲ့ သားဖြစ်သူအပေါ်ထားတဲ့မေတ္တာကိုမြင်သာစေသော အခိုက်အတန့်ကတော့ မန်ဂ နဲ့ Anime တွေထဲကထက် ပိုပြီးရသမြောက်ပါတယ်။ အလားတူ Shinichi ကို စောင့်ကြည့်ဖို့ Tamiya က ငှားရမ်းထားတဲ့ သတင်းထောက် Kuramori နဲ့ သူ့ရဲ့သမီးလေးတို့အကြောင်းကို အချိန်နည်းနည်းယူပြီး သရုပ်ဖော်ထားတာက ပရိသတ်အနေနဲ့ ဇာတ်ကားရဲ့လူသားဇာတ်ကောင်တွေအပေါ် ပိုပြီး၊ စာနာခံစားလာစေပါတယ်။ ဇာတ်လမ်းဇာတ်ကွက်နဲ့ဇာတ်ကောင်တစ်ချို့ကို အရမ်းကြီးကြမ်းကြုတ်မှုမရှိအောင် နည်းနည်းဖျော့ထားတာကလည်း သတိထားမိစရာပါ။ ဥပမာပြောရရင် နိုင်ငံရေး၊လူမှုရေးအရပြသနာရှိနိုင်တဲ့ မြို့တော်ဝန်ရုံးကို အထူးရဲတပ်ဖွဲ့ SAT က ဝင်ရောက်စီးနင်းတဲ့ဇာတ်ဝင်ခန်းတွေမှာ ရက်စက်ကြမ်းကြုတ်မှုတွေကို တတ်နိုင်သလောက်လျှော့ထားတာမျိုးပေါ့။ အဲဒီလိုဆိုလို့ သွေးထွက်သံယိုပြကွက်တွေ နည်းတယ်လို့ မထင်လိုက်ပါနဲ့ဦး။ စားသောက်လို့ကျန်တဲ့လူ့ခန္ဓာကိုယ်အစိတ်အပိုင်းအကြွင်းအကျန်တွေက ကာတွန်းထဲကထက် အပြင်မှာတွေ့ရတာ ပိုအော်ဂလီဆန်စရာကောင်းပါတယ်။ မူရင်းကာတွန်းရုပ်ပြဇာတ်လမ်းနဲ့ပဲ နှိုင်းယှဉ်နေတာတွေ ခဏရပ်ပြီး၊ သာမန်ရုပ်ရှင်ဇာတ်ကားတစ်ကားအနေနဲ့ ခဏကြည့်ကြည့်ရအောင်။ အဲဒီလိုဆိုရင်တော့ သိပ်ကိုကောင်းတဲ့ ရုပ်ရှင်ဇာတ်ကားလို့ ဆိုရမှာပါ။ ဇာတ်ဝင်ခန်းတိုင်း၊ ဒိုင်ယာလော့ခ်တိုင်းဟာ ဒါရိုက်တာတင်ပြချင်တဲ့ အကြောင်းအရာအတိုင်းကွက်တိကျပြီး၊ အပိုအလိုမရှိဘူးလို့ဆိုနိုင်ပါတယ်။ ဒီအတိုင်း လူတွေကို သတ်နေတဲ့ Monster သတ္တဝါတွေနဲ့ ပါဝါရှိတဲ့မင်းသား၊ လူသားစစ်တပ်တွေ၊ရဲတွေကြားက တိုက်ပွဲအက်ရှင်ကား ဆိုပြီး ပေါ့ပေါ့သဘောထားပြီး၊ ကြည့်ရင်တော့ ဘာမှထူးမှာ မဟုတ်ပါဘူး။ ဒါ့အပြင် လက်ရှိအင်တာနက်ပေါ်က ဒီဇာတ်ကားနှစ်ကားလုံးအတွက် အင်္ဂလိပ်ဘာသာပြန်စာတန်းထိုး subtitle အားလုံးနီးပါးက တော်တော်လေးမှားယွင်းနေတာလည်း သတိထားမိပါတယ်။ ဒီတော့ ခုနကပြောခဲ့သလို ပြောနေတာတွေနားမလည်တော့ ဒီအတိုင်းအက်ရှင် body horror ဇာတ်ကားတစ်ကားအဖြစ် မြင်ကြတာများမှာပါ။ ဇာတ်ကောင်အနေနဲ့ပြောရရင်တော့ နာမည်ကျော်မင်းသမီး Fukatsu Eri သရုပ်ဆောင်ထားတဲ့ Tamiya Ryoko ဟာ အပိုင်း ၁ မှာတော့ သွေးအေးရက်စက်တဲ့ဇာတ်ကောင်တစ်ယောက်ဖြစ်ခဲ့ပေမယ့် အပိုင်း ၂ မှာတော့ သူမရဲ့ မိခင်ဖြစ်လာပြီးနောက် ပိုမိုလူသားဆန်လာမှုကို အတော်ကလေးချဲ့ကားထားပြီး၊ anti-villain ဇာတ်ကောင်တစ်ယောက်ဖြစ်လာတာ တွေ့ရမှာပါ။ ထို့အတူ Fukatsu Eri ရဲ့ချောမောလှပမှုက သူမရဲ့ creepyဖြစ်ရမယ့် ဇာတ်ရုပ်ကိုထင်သလောက်ကြောက်စရာမကောင်းဘူးဖြစ်စေပေမယ့် ဇာတ်ကားတစ်ကားလုံးမှာ အကောင်းဆုံးသရုပ်ဆောင်သွားသူပါပဲ။ အဓိကဇာတ်ကောင်အဖြစ်ပါဝင်တဲ့ Sometani Shota ကတော့ သူ့ရဲ့မထုံတက်တေး derp face ကြောင့် ဝေဖန်ကြပေမယ့် တော်တေ်ာလေးcoolဖြစ်အောင် သရုပ်ဆောင်သွားပါတယ်။ တစ်ခုပဲ။ ရုပ်ကလေးချောသလောက် ပါးစပ်အဟောင်းသား၊ မျက်နှာသေနဲ့ သရုပ်ဆောင်နေတဲ့ မင်းသမီး Hashimoto Aiရဲ့ Satomi ကို ကြည့်ရတာတော့ တော်တော်လေးစိတ်ညစ်ဖို့ကောင်းပါတယ်။ အပိုင်း ၂ ပိုင်းခွဲပြီး၊ ရုံတင်တဲ့ Live-action ဇာတ်ကားတွေ ကြုံတွေ့နေကျ ပြသနာဖြစ်တဲ့ ပထမဇာတ်ကားမှာ ဇာတ်ရှိန်အမြင့်ဆုံးနေရာကို ဇာတ်လမ်းကြီးဆွဲ … ဆန့် ပြီး ခေါ်သွားပြီးမှ ဒုတိယပိုင်းကျတော့ ကျန်ရှိနေတဲ့ဇာတ်လမ်းအများကြီးကို အလောသုံးဆယ်မတရားချုံ့ပစ်ရတာမျိုးကိုတော့ မတွေ့မဖြစ် တွေ့ရဦးမှာပါ။ ပြရမယ့်ဇာတ်ဝင်ခန်းတွေကများ၊ အချိန်ကမရတဲ့အတွက် အရေးကြီးတဲ့ဇာတ်ဝင်ခန်းတွေအားလုံး တစ်ပြိုင်နက်ဖြစ်နေကာ ဇာတ်ရှိန်ကတစ်ချိန်လုံးမကျပဲ ဖြစ်နေပါတယ်။ အဓိကဇာတ်ကောင် Shinichiရဲ့ ပျော်ပျော်နေတတ်တဲ့ လူငယ်အဖြစ်ကနေ တည်ငြိမ်သွေးအေးတဲ့စိတ်ထားပိုင်ရှင်အဖြစ်သို့ပြောင်းလဲ၊ ပြီးတော့မှလူသာဆန်တဲ့စိတ်ခံစားချက်တွေကိုပြန်လည်ရရှိလာ …အစရှိသဖြင့် အရေးကြီးတဲ့ Character ပြောင်းလဲပုံအဆင့်ဆင့်ကို ဖော်ကျူးသွားတာက မြန်ဆန်လွန်းတဲ့အတွက် ရုပ်ရှင်ကြည့်ရှုသူတစ်ယောက်အနေနဲ့ သတိတောင် ထားမိလိုက်မှာ မဟုတ်ပါဘူးဒါပေမယ့် နောက်ဆုံးဇာတ်သိမ်းခန်းအတွက် အချိန်အများကြီးပေးထားပြီး၊ တိုက်ခိုက်တဲ့နေရာကို ဧရာမအမှိုက်မီးရှို့စက်ကြီးထဲမှာ ရိုက်ကူးထားတာက တော်တေ်ာလေးမိုက်ပါတယ်။ အက်ရှင်ခန်းတွေ နဲ့ CG effect တွေက ဂျပန် (အာရှ) ဇာတ်ကားတစ်ကားအတွက် အံ့သြဖွယ်ကောင်းလောက်အောင် သေသပ်ကောင်းမွန်နေတာတွေ့ရပြီး၊ အထူးသဖြင့် အရေးအပါဆုံးဇာတ်ကောင် Migi ကို CG နဲ့ဖန်တီးထားတဲ့နေရာမှာ သေချာရုပ်လုံးပေါ်တဲ့အတွက် စိတ်ကျေနပ်စရာပါ။ လူသားနဲ့ ကပ်ပါးကောင် ဘယ်ဘက်ကနေမလဲ။ သေချာတာပေါ့။ ကြည့်ရှုတဲ့ပရိသတ်ကျွန်တေ်ာတို့က လူစစ်စစ်ကြီးတွေဖြစ်လို့ လူသားစားတဲ့ကပ်ပါးကောင်ဘက်ကအားပေးဖို့မဖြစ်နိုင်ပေဘူး။ ဒါပေမယ့် တခြားတွေ့နေကျ Monster ဇာတ်ကားတွေ၊ Horror ကားတွနဲ့ ခြားနားစွာပဲ လူသားမျိုးနွယ်ကို ဒုက္ခပေးမယ့်သတ္တဝါဆိုးတွေကို အောင်မြင်စွာနှိမ်နင်းလိုက်လေသတည်းဆိုတဲ့ ဖီလင်မျိုးနဲ့ အဆုံးသတ်သွားမှာမဟုတ်တဲ့ Parasyte Live-action ဇာတ်ကားနှစ်ကားကတော့ ယခုနှစ်ထဲမှာကြည့်ဖြစ်တဲ့ ဂျပန်ရုပ်ရှင်ဇာတ်ကားတွေထဲမှာတော့ အမိုက်ဆုံးဇာတ်ကားတွေအပါအဝင်အဖြစ် အမှတ်ပေးလိုက်ပါတယ်။ ။ (ရုပ်ရှင်အညွှန်းနဲ့ ဘာသာပြန်ကို myotaku club မှ Samurai မှတင်ဆက်ထားပါတယ်။) Parasyte: Part 1 (2014) နဲ့ Parasyte: Part 2 (2015) ၂ ကားစလုံးကို ဒီလင့်မှာ https://channelmyanmar.to/?s=Parasyte%3A+Part ဒေါင်းပါ။

Galileo Kindan No Majutsu 2022 (IMDb 6.0/10) Japanese Mystery ဇာတ်ကားကောင်းလေးတစ်ကားနဲ့မိတ်ဆက်ပေးပါရစေ ဒီဇာတ်ကားလေးက Silent Parade (2022) ဆိုတဲ့ ဇာတ်ကားမတိုင်ခင် လေးနှစ်အလိုကို အခြေတည်ပြီးရိုက်ကူးထားတာပဲဖြစ်ပါတယ် ဒီဇာတ်ကားထဲမှာတော့ ဂျပန်တွေရဲ့ထုံးစံအတိုင်း သူတို့နိုင်ငံရဲ့ သိပ္ပံနဲ့နည်းပညာပိုင်းကို အသားပေးဖော်ပြပြီးတော့ မှုခင်းတားဆီးရေးစုံထောက် Character နဲ့ပေါင်းစပ်ထားတဲ့ ဇာတ်ကားအမျိုးအစားလေးပါပဲ ဇာတ်အိမ်လေးကတော့ တိုတေ တက္ကသိုလ်က သုတေသန သိပ္ပပညာရှင် ယူကာဝါ ဆန်ဆဲ ဟာ သူ့ဆီကို သတင်းထောက်တစ်ယောက်ကယူလာတဲ့ ဗွီဒီယိုဖိုင်လေးတစ်ဖိုင်ကနေစပြီး နောက်ဆက်တွဲမှုခင်းတွေကိုဖော်ထုတ်ပါတယ်…… ရဲစုံထောက်ဖြစ်တဲ့ ကူဆန်နာဂီ တို့ရဲ့ဌာနကလည်း အမှုက နည်းပညာပိုင်းဖြစ်နေတော့ ယူကာဝါ ဆန်ဆဲ ရဲ့အကူအညီကုလည်းယူရင်း ယူကာဝါ ရဲ့မှုခင်းအပေါ် သူ့ရဲ့ စုံထောက်ဉာဏ်ကွန့်မြူးတာတွေကိုပါ ပေါင်းစပ်ပြီးတော့ ဘယ်လိုဖော်ထုတ်သွားမလဲဆိုတာကိုတော့…. အညွှန်း နဲ့ ဘာသာပြန်ကတော့ Thet Oo ပဲ ဖြစ်ပါတယ်။ Genre….. Mystery, Crime Quality…. 1080p | 720p File size… 1.6GB | 772MB Format… mp4 Duration….1h 46min Subtitle…. Myanmar Subtitle (Hardsub) Translator ….. Thet Oo Encoder ….. Aaron

Thadam (2019) “ဟာကွက်” IMDb 8.1 အထိရထားတဲ့ တေလဂူး မှုခင်း/လျှို့ဝှက်သည်းဖိုရုပ်ရှင်လေးကို တင်ဆက်ပေးလိုက်ပါတယ် မင်းသား Arun Vijay က ဒီရုပ်ရှင်မှာ နှစ်ကိုယ်ခွဲဇာတ်ရုပ်အဖြစ်သရုပ်ဆောင်ပြီး တေလဂူးရုပ်ရှင်ပွဲတိုင်းကျော် ‘ယိုဂီဘာဘူ’ လည်း ပါဝင်ထားပါတယ် အေဟီလ်က ဆောက်လုပ်ရေးအင်ဂျင်နီယာတစ်ယောက်၊ အိပ်မက်တွေနဲ့လူဖြစ်ပြီး ချစ်ရသူနဲ့ တစ်အိုးတစ်အိမ်တည်ဆောက်ဖို့ ကြံရွယ်ထားတဲ့ လူရည်လူမွန် ကာဗင်ကတော့ ဆန့်ကျင်ဘက်၊ အသေးစားလူလိမ်ဆိုပေမယ့် သူများကို လိမ်လည်လှည့်ဖြားတဲ့ နေရာမှာ တစ်ဖက်ကမ်းခတ်နေသူ၊ လောင်းကစားနွံမှာ နစ်နေတဲ့ လူလေလူလွင့်တစ်ယောက် မိုးသည်းတဲ့ ညတစ်ညမှာ လူတစ်ယောက်အသတ်ခံလိုက်ရတဲ့အခါ ဓာတ်ပုံသက်သေတစ်ခုကြောင့် အေဟီလ်ကို သံသယတရားခံအဖြစ် ခေါ်ယူမေးမြန်းခံရတယ် သိပ်မကြာခင်မှာပဲ အေဟီလ်နဲ့ ချွတ်စွပ်တူနေတဲ့ ကာဗင်ပါ မူးပြီးကားမောင်းမှုကြောင့် စခန်းရောက်လာတဲ့ အချိန်မှာတော့ … အညွှန်းနဲ့ ဘာသာပြန်ကတော့ Yunni ~ ToMo ~ Alex ~ V ~ KKKZ တို့ ဖြစ်ပါတယ်

သားလေးနှစ်ယောက်နဲ့ သာယာပျော်ရွှင်သောဘဝလေးကို ဖြတ်သန်းနေတဲ့ စာရေးဆရာတက်ဒ်ကိုးလ်တို့ မိသားစုဟာ သားနှစ်ယောက် မတော်တဆမှုနှင့်သေဆုံးပြီးနောက်မှာတော့ အေးစက်သွားခဲ့ပါတယ်။ လင်မယားနှစ်ယောက် တစ်ယောက်တစ်လှည့်စီ သမီးဖြစ်သူနှင့်နေထိုင်ရင်း ဖြတ်သန်းလာရာမှ တစ်နေ့ သားဖြစ်သူနှင့် ရုပ်ချင်းဆင်သော အက်ဒ်ဝပ်ဆိုသူ လူငယ်လေးတစ်ယောက်မှ နွေရာသီကျောင်းပိတ်ရက်အတွင်း စာရေးဆရာကိုးလ်ရဲ့အိမ်တွင် လက်ထောက်အဖြစ် အလုပ်သင် လုပ်ကိုင်ရန် အကြာင်းဖန်လာပါတော့တယ်။ အက်ဒ်ဝပ်ရောက်ရှိလာမှုက မိသားစုအတွင်း ဘယ်လိုအပြောင်းအလဲတွေဖြစ်လာမလဲ သူတို့ အိမ်ထောင်ရေး ဘာကြောင့် ယခုလိုအေးစက်သွားရသလဲ စသည်တို့ကို အေးအေးငြိမ့်ငြိမ့်လေးနဲ့ဆွဲခေါ်သွားမည့် ဇာတ်လမ်းတစ်ပုဒ်ဖြစ်ပါတယ်။ File size…(837 MB) Quality….Webrip 720p Format…mp4 Duration….01:51:00 Genre… Drama Subtitle….Myanmar Subtitle (Hardsub) Encoder….Mr. Anderson Translated by Eunice

The Fantastic Four: First Steps (2025) HDTC Version Screenshot The Fantastic Four: First Steps (2025) IMDb Rating (7.6) / Rotten Tomatoes (89%) မနေ့က ရုံစတင်ပြီဖြစ်တဲ့ ဖန်တက်စတစ်ဖောရုပ်ရှင် HDTC ကြည်တောက် အဆင့်ရပါပြီ။ Screenshot မှာပြထားတဲ့အတိုင်း ကြည့်လို့ရတဲ့အဆင့်ထိ ကြည်ပြီဖြစ်ပေမယ့် ကြော်ငြာတချို့ပါနေတာမလို့ အရှင်းတော့မဟုတ်ဘူးပေါ့။ စာတန်းထိုးလည်းမရှိတာမို့ နားထောင်ပြီး ရသမျှ ဘာသာပြန်ပေးထားပါတယ်။ စူပါမန်းအရင်ထွက်ပြီး ဒါပဲ တင်ပေးတယ်ဆိုပြီးတော့ စိတ်တော့မကောက်ကြပါနဲ့။ ပြည်တွင်းမှာ ရုံတင်တဲ့ကားတွေကျ ရုံမချမချင်း မတင်ဘူးလို့ ဆုံးဖြတ်ထားရယ် ကြည်တောက်ရှင်းမရသေးတာရယ်ကြောင့် ခနတော့စောင့်စားပေးကြပါဦးနော်။ Endgame အပြီးမှာ အမာခံတွေကလွဲရင် ပရိသတ်တွေကို ဖမ်းစားနိုင်စွမ်းလျော့နေတဲ့ ဇာတ်ကားတွေ ဆက်တိုက်ထွက်နေအပြီးမှာတော့ အခု အရင်လို ပြန်အရှိန်တက်တဲ့ ရုပ်ရှင်ကောင်းမျိုးထွက်လာပါတယ်။ ဇာတ်လမ်း၊ အထူးပြုလုပ်ချက်၊ မပေါတဲ့ဟာသတွေ စသဖြင့် အဆင့်မီမီလေး ကြည့်နိုင်ပါပြီ။ ဒါရိုက်တာ Matt Shakman ကလည်း the boys တို့ game of thrones တို့မှာ အပိုင်းတွေ ဝင်ရိုက်ပေးနေကျမို့ ဆရာပါပဲ။ သရုပ်ဆောင်တွေကလည်း Pedro Pascal, Vanessa Kirby တို့ အစွမ်းပြထားသလို မီးလူသားအဖြစ် ပါဝင်ထားတဲ့ Joseph Quinn ကလည်း Stranger Things မှာကတည်းက ကောင်းခဲ့တဲ့သူဖြစ်သလို ဒီရုပ်ရှင်မှာလည်း သူရဲကောင်းဆန်ဆန် ပုံဖော်ပေးထားပါတယ်။ ဇာတ်လမ်းအကျဉ်း ဒီဇာတ်လမ်းကိုတော့ အပြိုင်ကမ္ဘာ-၈၂၈ မှာ အခြေခံထားပြီး အဓိကကမ္ဘာဖြစ်တဲ့ ၆၁၆ နဲ့ နောက်ပိုင်းမှာ ပေါင်းစပ်လာပါလိမ့်မယ်။ အားလုံးသိတဲ့အတိုင်း အာကာသယာဉ်မှူးလေးဦးဟာ အာကာသလေ့လာရေးခရီးထွက်ရင်း အာကာသမုန်တိုင်းကြောင့် ဒီအန်အေတွေ ပြောင်းလဲသွားပြီး စွမ်းအားရှင်တွေဖြစ်လာပါတယ်။ ကမ္ဘာကိုကယ်တင်နေသူ သူရဲကောင်းတွေအဖြစ် ရှိနေရင်းနဲ့ပဲ ရိဒ်နဲ့ဆူးတို့မှာ ကိုယ်ဝန်ရှိလာပါတယ်။ ကလေးငယ်မွေးခါနီးမှာပဲ မာဗယ်ရဲ့ အကြီးဆုံးဗီလိန်တွေထဲက တစ်ယောက်ဖြစ်တဲ့ ဂြိုလ်ဘူဖေးစားတဲ့ ဂလက်တက်ကြီးရောက်လာပြီး သူတို့ဂြိုလ်ကို စားဖို့ ပြင်ပါတော့တယ်။ ဂလက်တက်ကို တားဖို့ကြိုးစားနေတုန်းမှာပဲ ဂလက်တက်ဟာ ဆူးရဲ့ကလေးဟာ စကြဝဠာအဆင့်စွမ်းအားရှင်ဖြစ်လာမယ်ဆိုတာကိုသိပြီး ကလေးကိုလုဖို့ကြိုးစားလာပါတော့တယ်။ ဖန်တက်စတစ်ဖောအနေနဲ့ သူတို့ဘယ်လိုမှ မယှဉ်နိုင်တဲ့ နတ်ဘုရားအဆင့် ဂလက်တက်ကို ဘယ်လိုရင်ဆိုင်ကြမလဲဆိုတာ ကြည့်ရမှာပါ။ (အညွှန်းနဲ့ဘာသာပြန်ကတော့ Mr. Anderson ဖြစ်ပါတယ်။) File size… (3.7 GB) / (1.4 GB) Quality…. HDTS 1080p HEVC / 720p Format…. mkv/mp4 Genre…. Action, Adventure, Sci-Fi, Superhero Duration….01:55:00 Subtitle…. Myanmar Subtitle (Hardsub) Encoder…. Ka Naung Translated by Mr. Anderson