အလုပ်အပေါ်သစ္စာရှိသူ တာဝန်သိမီးသတ်တပ်မှူး သီယိုဟာ အကြီးစား မီးလောင်မှုတစ်ခုမှာ သူ့ရဲ့ ခေါင်းမာတဲ့ ဆုံးဖြတ်ချက်ကြောင့် သူငယ်ချင်းနှစ်ယောက်ကို ဆုံးရှုံးလိုက်ရတဲ့အတွက် စိတ်ဒဏ်ရာခံစားနေရသူဖြစ်ပါတယ်။ အစိုးရဝန်ထမ်းတွေအတွက် အခမဲ့ကုသပေးနေတဲ့ စိတ်ဒဏ်ရာ ရောဂါကုဆေးခန်းတစ်ခုမှာ ကုသမှုခံယူပေမယ့် စိတ်ဒဏ်ရာကသက်သာမလာတဲ့အပြင် .. တစ်နေ့မနက်မှာတော့ မိန်းမဖြစ်သူကို မိမိဘေးမှာ လဲလျောင်းသေဆုံးနေတာတွေ့လိုက်ရပြီး အဓိက သံသယရှိသူအဖြစ် သတ်မှတ်ခံလိုက်ရပါတယ်။ သူသွားသမျှနောက်ကို အဖွဲ့အစည်းတစ်ခုကနေလိုက်နေပြီး သီယိုနဲ့တွေ့ခဲ့သမျှလူတွေဟာလည်း အသတ်ခံရတဲ့အတွက် တစ်နေ့တည်းမှာတင် အစုလိုက်အပြုံလိုက်သတ်သူ အန္တရာယ်ရှိဝရမ်းပြေးဖြစ်သွားရပြန်ပါတယ်။ ဒါတွေအားလုံးရဲ့နောက်ကွယ်မှာလည်း အစိုးရထိပ်တန်းခေါင်းဆောင်တွေရဲ့ လူမျိုးရေးခွဲခြားမှုနှင့်အတူ နိုင်ငံရေးလှည့်ကွက်အကြီးစားကြီးတစ်ခုပါဝင်နေပါတယ်။ အဲဒီတော့... နိုင်ငံတော်ကိုကာကွယ်ရမယ့် အကြီးအကဲတွေကိုယ်တိုင် မိမိတစ်ဦးတည်းရဲ့ အာဏာနောက်ကို လိုက်တဲ့အခါမှာ နိုင်ငံသားတွေအပေါ် လူမဆန်တဲ့ ပြစ်မှုတွေကျူးလွန်လာနိုင်လားဆိုတာကို စိတ်ဝင်စားစွာကြည့်ရှုရမယ့် မှုခင်းဇာတ်ကားကောင်းတစ်ခုဖြစ်ပါတယ် (ဇာတ်လမ်းအညွှန်းနဲ့ ဘာသာပြန်ကတော့ Hnin Wut Yi ပါ။) File Size          :  (2.4GB), (900MB) & (409MB) Quality            : 1080p WEBRip AC3 5.1CH, 720p WEBRip & 480p Format            : mp4, mkv Duration         : 2hr & 4mins Genre              : Action, Thriller Translated by  Hnin Wut Yi Encoded by Kinnov

Replicas(2018) ဆေးကုမ္ပဏီတစ်ခုမှာအလုပ်လုပ်နေတဲ့ သူတစ်ယောက်ရှိတယ်...သူ့နာမည်က Will Foster လို့ခေါ်တယ်...  Will Foster.လုပ်နေတဲ့ကုမ္ပဏီရဲ့ အဓိက အလုပ်က  လူသေအလောင်းတွေရဲ့ ခန္ဓာကိုယ်ထဲကနေ မှတ်ဉာဏ်တွေကိုထုတ်ပြီး စက်ရုပ်တွေထဲကိုထည့်ပေးရတယ်...သေတဲ့သူကို အသက်ပြန်သွင်းခြင်းနည်းတစ်မျိုးပေါ့...ဒီသုတေသနာလုပ်ငန်းရဲ့ အရေးကြီးဆုံးဏ္ဍမှာ Will Foster. အဓိကပါဝင်နေတယ်.. ဒီလုပ်ငန်းရဲ့ အကျွမ်းကျင်ဆုံးပညာရှင်ဆိုလည်းမမှားဘူးပေါ့...သို့ပေမယ့်  လိုအပ်ချက်တစ်ချို့ရှိနေလို့ မအောင်မြင်သေးဘူ...  တစ်နေ့တော့Will Foster  တို့မိသားစုဟာ အားလပ်ရက်မှာ ခရီးထွက်ကြတယ်... ဒီခရီးစဉ်က  Will Foster  အတွက် ကပ်ဆိုးကြီးကျရောက်ခြင်းပါပဲ..အဲ့ဒါကတော့ ကားမတော်တဆမှုကြောင့် မိန်းမရော သားသမီး ၂ယောက်ရောဆုံးပါးသွားခဲ့ရတယ်.. ဒီနောက်တော့  Will Foster  ဟာ မိသားစုကိုချစ်တဲ့စိတ်ကြောင့်  မလုပ်သင့်တာတွေလုပ်ဖို့ကြံစည်ပါတော့တယ်.. အဲ့ဒါကတော့ သူ့မိသားစုကို စက်ရုပ်တွေမယ် အသက်ပြန်သွင်းဖို့ပါပဲ.. ကိုင်း  Will Foster.တစ်ယောက်အောင်မြင်နိုင်ပါ့မလား ..ဆေးကုမ္ပဏီနဲ့ ဘယ်လိုပြသနာတွေဆက်ဖြစ်မလဲဆိုတာကိုတော့ ခံစားကြည့်လိုက်ပါဦးဗျ... မင်းသားကြီး Keanu Reeves အဓိက သရုပ်ဆောင်ထားပြီး မှုခင်း သိပ္ပံကားတွေကြိုက်တဲ့သူအတွက် အတော်ကြည့်လို့ကောင်းတဲ့ကားတစ်ကားဖြစ်ကြောင်း ပြောပါရစေ.... File Size : (910 MB) and (363 MB) Quality : 720p HCWEBRip, Format…mp4 Duration…01:47:00 Genre :  Crime, Mystery, Sci-Fi Subtitle : Myanmar Subtitle (Hard Sub) Translated by Hein Thet Naing Encoded by Phyo Pyae

ပျော်ရွှင်မှုဆိုတာ ဘာလဲ??????? အတုယောင်တွေပေါများတဲ့ ယခုခေတ်မှာတော့ စစ်မှန်တဲ့ပျော်ရွှင်မှုက ရှားပါလာပြီ ဟန်ဆောင်အပြုံးတွေ ဟန်ဆောင်နှစ်သိမ့်မှုတွေထဲက ပျော်ရွှင်မှုပျောက်ဆုံးနေတဲ့ လူသားတွေအတွက်တော့ နည်းပညာပစ္စည်းတွေသုံးပြီး ပျော်ရွှင်မှုတွေကို ရှာဖွေနေရပါတယ်။ ဒါပေမဲ့ နှလုံးသားဆိုတဲ့ စစ်မှန်တဲ့ဖန်တီးမှုမပါတဲ့ နည်းပညာပစ္စည်းတွေက ပြီးပြည့်စုံတဲ့ပျော်ရွှင်မှုကိုမပေးနိုင်ပါဘူး။ ကျွန်တော်တို့ ပျော်ရွှင်မှုကို ဘယ်လိုရှာဖွေရမလဲ???? မနေ့က မမျှော်လင့်ပဲ ကြည့်မိတဲ့ Trolls ဆိုတဲ့ ဇာတ်ကားလေးအကြောင်းပြောချင်ပါတယ်။ ပျော်ပျော်ရွှင်ရွှင်နေတတ်တဲ့ ရောင်စုံဆံပင်ရှည်လေးတွေရှိတဲ့ Trolls တွေရဲ့ အလုပ်ကတော့ သီချင်းဆိုမယ် ကမယ် တစ်ယောက်ကိုတစ်ယောက် နွေးထွေးစွာပွေ့ဖက်မယ် ဒါသူတို့ရဲချစ်စရာကောင်းတဲ့အလုပ်ပဲ။ ဒီလိုချစ်စရာကောင်းတဲ့ Trolls တွေမှာ ရန်သူတွေရှိတယ် သူတို့က Bergens တွေပဲ သူတို့ရဲ့ပျော်ရွှင်မှုကတော့ Trolls တွေကို စားခြင်းပဲ။ Bergens တွေရဲ့ ရန်ကလွတ်မြောက်ပြီး နှစ်၂၀ ကြာတဲ့အချိန် ကြီးကျယ်တဲ့ပါတီပွဲလုပ်တဲ့ချိန်မှာ Bergans တွေရဲ့ ဖမ်းဆီးချင်းကို ခံရတဲ့ Trolls တွေကို ပြန်လည်ကယ်တင်မယ့်သူက Trolls တွေရဲ့ခေါင်းဆောင်မင်းသမီးလေး Poppy ၊မင်းသမီးလေးကို ကူညီပေးမယ့်သူကတော့ Trolls တွေရဲ့ လူ့ထူဆန်းအဖြစ်သတ်မှတ်ခံရပြီး Trolls တစ်ယောက်ဖြစ်ပြီး သီချင်းမဆိုတဲ့ Branch သူတို့နှစ်ယောက်ပေါင်းပြီး Trolls တွေကို ကယ်တင်နိုင်မလား ပျော်ရွှင်မှုကို ရှာဖို့ဘယ်လိုသင်ပြမလည်းဆိုတာကတော့………. Dream Work က ရိုက်ကူးထုတ်ပြီး Justin Timberlake က producer အဖြစ်ပါဝင်ထားပြီး ကိုယ်တိုင်အသံသရုပ်ဆောင်ကာ Anna Kendrick, Zooey Deshanel အပါအဝင် နာမည်ကျော် သရုပ်ဆောင်တွေက အသံသရုပ်ဆောင်တွေအဖြစ်ပါဝင်ထားတဲ့ ဒီဇာတ်ကားက နာမည်ကျော် Disney ရဲ့ Moana မကြည့်ရသေးခင်မှာတော့ ဒီနှစ်ရဲ့ အကောင်းဆုံး Entertainment အဖြစ်ဆုံး Animation ဇာတ်ကားတစ်ကားပါ။ ဇာတ်ကားမထွက်ခင်အချိန်းတုန်းကသာမက ထွက်ပြီးတဲ့အချိန်မှာ စိတ်ဝင်စားမှုမရှိခဲ့ပေမယ့် ကြည့်နေတဲ့အချိန်မှာတော့ ကြည်နူးမှု ပျော်ရွှင်မှုရသအပြည့်ကို ခံစားရပါတယ်။ Trailer ထွက်ကတည်းက နာမည်ကြီးနေတဲ့ သီချင်းဖြစ်တဲ့ Can’t Stop The Feeling ကဇာတ်ကားနဲ့အရမ်းလိုက်သလို ဇာတ်ကားရဲ့ Climax အခန်းမှာဆိုတဲ့ သီချင်းလေးကလည်း အရမ်းကိုအဓိပ္ပါယ်ပြည့်ဝပြီး တော်တော်ကောင်းမွန်ပါတယ်။ Lionel Richie ရဲ့ Hello သီချင်းကို တစ်ခန်းသုံးထားပြီး အဲ့အခန်းကို တော်တော်များများသဘောကျမှာပါ ။Animation ရေးဆွဲထားတာက လှပပြီးတော်တော်လေးကို idea ကောင်းပါတယ် Frozen ဇာတ်ကားလိုပဲ သီချင်းတွေဆိုရင်း ပေါ့ပေါ့ပါးပါးရိုက်ကူးထားတဲ့ ဇာတ်ကားကို အကုန်အကြိုက်တွေ့စေမှာပါ။ အပေါ်မှာပြောခဲ့သလိုပါပဲ စစ်မှန်တဲ့ပျော်ရွှင်မှုကို ဘယ်ကရှာရမလဲ Trollsတွေရဲ့ ခေါင်းဆောင်မင်းသမီးလေးဖြစ်တဲ့ Poppy ကတော့ပြောတယ် “မင်းရဲ့ရင်ဘက်ထဲကလာတဲ့အရာကနေရှာပါတဲ့ ” အဲ့စကားလေးက တော်တော်အတွေးပွားစေပါတယ် ရုပ်ဝတ္ထုတွေတိုးတက်လာတဲ့နောက်ပိုင်းမှာ လူချင်းတွေ့ဆုံပြီး စကားပြောဖို့ ရင်းရင်းနှီးနှီးနေထိုင်ဖို့က ဝေးကွာလာစေပါတယ်။ အွန်လိုင်းပေါ်က နှစ်သိမ့်တဲ့ လေလှိုင်းပေါ်ကစကာလုံးတွေထက်စာရင် အပြင်မှာတွေ့ဆုံပြီး ရင်းရင်းနှီးနှီးထွေးပွေ့လိုက်တာက ပိုပြီးလှပသလို ပိုပြီးနွေးထွေးစေပါတယ်။ ဒီဇာတ်ကားလေးကို ကြည့်ပြီးကလေးလူကြီးမရွေးကြိုက်ကြမယ်လို့ မျှော်လင့်ပါတယ်။ ဒါကြောင့် မကြည့်ရသေးတဲ့သူတွေလည်း သေချာပေါက်ကြည့်ကြည့်ပါလို့ ညွှန်းဆိုလိုက်ရပါတယ။် ပြီးရင် ကျွန်တော်တို့ရဲ့ စစ်မှန်တဲ့ပျော်ရွှင်မှုကို ရှာဖွေလိုက်ကြရအောင်လား ခင်ဗျာ……. Animation ဆိုပေ့မယ် အသံ သရုပ်ဆောင် နာမြည်တွေဖတ်ရုံနဲ့ ဖျားသွားလောက်ပါတယ်။ Credit : #MMDB_Review #Troll #ZKK အညွှန်းကို MMDB မှ ကို ဇင်ကိုကို ရေးထားတာကို ပြန်လည်ဖော်ပြပေးလိုက်ပါတယ် File Size     :   949 MB Duration    :   1 hr 30 min Quality       :   Webrip 720p Translator  :   Littleneo, Nyi Thanlwin Encoder      :   ThitSanKhant

The Drover’s Wife: The Legend of Molly Johnson (2021) ၁၈၉၁ ခုနှစ် ဗြိတိသျှတွေ သြစတြေးလျကို ကိုလိုနီပြုထားချိန်။ မော်လီဂျွန်ဆန်ဆိုတဲ့ အမျိုးသမီးတစ်ယောက်ဟာ ခင်ပွန်းဖြစ်သူ ဂျိုး သိုးကျောင်းထွက်နေတဲ့အချိန်မှာ ကလေးတွေကို ပြုစုစောင့်ရှောက်ရင်း လူသူမနီးတဲ့ သူတို့ရဲ့အိမ်မှာ နေထိုင်လျက်ရှိပါတယ်။ တစ်နေ့တော့ သူတို့ရဲ့အိမ်ရှေ့ကို လှည်းလေးတစ်စီးပေါ်မှ လူနှစ်ယောက် ဆင်းလာပါတယ်။ အဲဒီလူနှစ်ယောက်ကတော့ ဆာဂျင် ကလင့်တော့ပ် ဆိုတဲ့ မြို့ကို တာဝန်ကျလို့ ပြောင်းလာရတဲ့ ရဲအရာရှိနဲ့ သူ့အမျိုးသမီးဖြစ်တဲ့ လူဝီဆာ တို့ပဲ ဖြစ်ပါတယ်။ မော်လီလည်း သူတို့နှစ်ယောက်နဲ့ ခင်မင်သွားပြီး ကိုယ်ဝန် မီးဖွားရက်လည်း နီးတာမို့လို့ ကလေးတွေကို စောင့်ရှောက်ပေးသူရှိတဲ့ မြို့ကို ထည့်ပေးလိုက်ပါတယ်။ တစ်ညမှာတော့ သြစတြေးလျဒေသခံတိုင်းရင်းသား ဝရမ်းပြေးတစ်ယောက်ဟာ သူ့အိမ်ကိုရောက် လာပါတော့တယ်….. လူဖြူလူမည်းခွဲခြားမှုတွေ၊ ဒေသခံတိုင်းရင်းသားများအပေါ် လူဖြူတွေရဲ့ လူမျိုးရေးခွဲခြားမှုတွေကို ကွက်ကွက်ကွင်းကွင်း ရိုက်ပြထားပြီး တကယ်ကို စိတ်ဝင်စားနဲ့ ကြည့်ရှု့နိုင်မယ့် သမိုင်းအခြေခံ ဒရာမာဇာတ်ကားကောင်းလေးဖြစ်ပါတယ်။ Rotten tomatoes 81% နဲ့ IMDb rating 6.4 ရရှိထားပါတယ်။ အညွှန်း နဲ့ ဘာသာပြန်ကတော့ Leonard Lin ပဲ ဖြစ်ပါတယ်။ Genre…..Drama, History, Thirller Quality…. 1080p | 720p | 480p File size… 1.4GB | 757MB | 282MB Format… mp4 Duration….1h 49min Subtitle…. Myanmar Subtitle (Hardsub) Translator ….. Leonard Lin Encoder ….. August

Baragaki: Unbroken Samurai (2021) ~ IMDb – 6.3/10, MyDramaList – 7.2/10 ~ ဂျပန်နိုင်ငံရဲ့ Edo era နဲ့ Meiji Restoration က သမိုင်းဖြစ်ရပ်တွေကိုပြောပါဆိုရင် Bakufu (ဘာကူဖူ)၊ Bakumatsu (ဘာကူမာဆု)၊ Shinsengumi (ရှင်းဆန်းဂူမိ) အစရှိတဲ့ နာမည်ကြီးခဲ့တဲ့ အဖွဲ့တွေ၊ တည်နေရာတွေ၊ တိုက်ပွဲတွေ၊ အချိန်ကာလတွေကို လုံးဝကျန်ထားလို့မရပါဘူး။ အဲဒါတွေကို စာပေအနေနဲ့ ခေတ်အဆက်ဆက် ရေးသားထုတ်ဝေမှုများရှိသလို ဖျော်ဖြေရေးအနေနဲ့လည်း ထုတ်လုပ်ရိုက်ကူးထားတဲ့ ရုပ်ရှင်တွေ၊ ဇာတ်လမ်းတွဲတွေ၊ Anime တွေမနည်းလှပါဘူး။ အဲဒီထဲကမှ တိုကုဂါဝါရှိုးဂန်းခေတ်ကုန်ကာလလို့ ပြောနိုင်တဲ့ ဘာကူမာဆု (၁၈၅၃ – ၁၈၆၇) အတွင်းမှာပေါ်ပေါက်ခဲ့တဲ့ ရှင်းဆန်းဂူမိ အကြောင်းကို Moeyo Ken (1964) နာမည်နဲ့ Ryotaro Shiba (1923-1996) ရေးသားခဲ့တဲ့စာအုပ်တစ်အုပ်ရှိပြီး အဲဒီစာအုပ်ကို အခြေခံရိုက်ကူးထားရာမှာ ရုပ်ရှင်နှစ်ကားနဲ့ စီးရီးသုံးခုရှိပါတယ်။ ဒီ Baragaki: Unbroken Samurai ကတော့ ၂၀၂၁ ခုနှစ်မှာ ထွက်ခဲ့တဲ့ ဒုတိယမြောက်ရုပ်ရှင်ကားပါ။ Hell Dogs (2022) နဲ့ Sekigahara (2017) ကို ရိုက်ကူးခဲ့တဲ့ ဒါရိုက်တာ Masato Harada ရိုက်ကူးပြီး Jidaigeki (သမိုင်းဆိုင်ရာရုပ်ရှင်ဇာတ်လမ်းတွဲများ) မှာ သရုပ်ဆောင်လေ့ရှိတဲ့ Junichi Okada က ဒီဇာတ်ကားရဲ့အဓိကဇာတ်ကောင်ဖြစ်တဲ့ Hijikata Toshizo (ဟီဂျိကာတာ တိုရှီဇိုး) အဖြစ် သရုပ်ဆောင်ထားပါတယ်။ Baragaki: Unbroken Samurai က ရှင်းဆန်းဂူမိအကြောင်းဆိုတာထက် ရှင်းဆန်းဂူမိရဲ့ ဒုခေါင်းဆောင်တစ်ယောက်ဖြစ်တဲ့ ဟီဂျိကာတာတိုရှီဇိုးကဘယ်လိုလူစားလဲ… သူကရှင်းဆန်းဂူမိကို ဘယ်လိုရည်ရွယ်ချက်နဲ့ဖွဲ့စည်းခဲ့သလဲ… ရှင်းဆန်းဂူမိကို သူ ဘယ်လောက်အထိ မျှော်လင့်ထားသလဲ… နောက်ဆုံးအချိန်အထိ ရှင်းဆန်းဂူမိအတွက် သူ ဘယ်လိုတိုက်ပွဲဝင်ခဲ့သလဲဆိုတာတွေကို အဓိကကြည့်ရှုခံစားရမှာဖြစ်သလို ရှင်းဆန်းဂူမိဘယ်လိုပေါ်ပေါက်လာသလဲ… ရှင်းဆန်းဂူမိဆိုတာဘာလဲ… ရှင်းဆန်းဂူမိရဲ့တစ်ခြားခေါင်းဆောင်တွေက ဘယ်လိုအကျင့်ရှိကြလဲ… ရှင်းဆန်းဂူမိရဲ့ နာမည်ကြီးတိုက်ပွဲတွေကဘာလဲ… ရှင်းဆန်းဂူမိဘယ်လိုအဆုံးသတ်သွားသလဲ ဆိုတာတွေကိုလည်း ဟီဂျိကာတာရဲ့အမြင်ကနေ သိရှိရမှာဖြစ်ပါတယ်။ ၂ နာရီခွဲနီးပါးကြာတဲ့ ဒီဇာတ်ကားကို ဖြစ်ရပ်မှန်သမိုင်းကားကြီးဆိုပြီး ပျင်းစရာကောင်းတယ်လို့ ယူဆကြမှာပါ။ ဒါပေမဲ့ ရှင်းဆန်းဂူမိကဒီလိုကြီးပါလား ဒီခေတ်မှာ ဒီလိုတွေ ဖြစ်သွားခဲ့ပါလားဆိုတာကို ခပ်သွက်သွက်ဇာတ်ညွှန်းကြောင့် မပျင်းရိဘဲ သိရှိရမှာဖြစ်ပြီး အိုဗာတင်းမဟုတ်တဲ့သရုပ်ဆောင်မှုတွေနဲ့အတူ ဟီဂျိကာတာတို့ရဲ့ဓားရေးယှဉ်ပြိုင်မှုတွေ၊ တိုက်ပွဲအချို့က ကြည့်နေရင်း ဒါမှမဟုတ် ကြည့်ပြီးတာနဲ့ Kenshin Live-Action ငါးကားစလုံးကို ပြန်ကြည့်ချင်စိတ်ဖြစ်ပေါ်စေမှာပါ။ (ဒီဇာတ်ကားနဲ့အညွှန်းကို AK မှ ပြန်ဆို ရေးသားထားပါတယ်) Size – 2.3GB, 1.1GB Quality – 1080p, 720p IMDb Rating – 6.3/10 Format – mp4 Duration – 2H 28Min Genre – Drama Subtitle – Myanmar Subtitle (Hardsub) Translated by AK Encoded by Y

ဂျွန် နဲ့ မာကို ဟာ လျှို့ဝှက်စစ်ဆင်ရေးတွေ၊ လုပ်ကြံရေးတွေလုပ်ကြတဲ့ အထူးတပ်ဖွဲ့ဝင် စနိုက်ဘာသမားနဲ့ နေရာပြသမားပါ..။ သူတို့ရဲ့ တစ်ခုသော မစ်ရှင်ဟာ ယူကရိန်း-ရုရှားနယ်စပ်က တောအုပ်ထဲမှာ ပုန်းအောင်းနေတဲ့ ရုရှားထောက်ခံ ယူကရိန်းခွဲထွက်ရေးသမားကို လုပ်ကြံဖို့ပါ…။ ဘာလို့ဆို ဒီခွဲထွက်ရေးသမားဟာ စစ်မီးမွေးဖို့ကြံနေတာကြောင့်ပါပဲ…။ ဒီလိုနဲ့ ဂျွန်နဲ့ မာကိုဟာ တာဝန်ထမ်းဆောင်ဖို့အတွက် ယူကရိန်းနယ်စပ်တောအုပ်ထဲကို ရောက်လာခဲ့ပါတယ်…။ ယုံတမ်းစကားတွေအရဆိုရင် ယူကရိန်းတောအုပ်ထဲမှာက ဒဏ္ဍာရီလာ သတ္တဝါတွေအစုံရှိပါတယ်တဲ့…။ ဒါကိုမသိတဲ့ ဂျွန်နဲ့မာကိုဟာ တာဝန်ထမ်းဆောင်ဖို့လာရင်းနဲ့ ဒီသတ္တဝါကြီးနဲ့ဆုံတွေ့တဲ့အခါမှာတော့…. Sniper battleတွေအပြင် ဒဏ္ဍာရီလာသတ္တဝါတွေနဲ့ဖိုက်တာပါ မြင်တွေ့ရမယ့် Thriller movieလေးဖြစ်ပါတယ်….။ File size…1.63 GB / 740 MB Quality… WEB-Rip 1080p 5.1 CH / 720p Format…mp4 Duration….1h 49m Genre ….. Thriller Subtitle….Myanmar Subtitle (Hard Sub) Encoder….Min Wai Translated by Themes

Mommy (2014) (language warning) ဒီတစ်ခေါက်တင်ဆက်ချင်တာကတော့ လူတိုင်းလက်မလွှတ်သင့်တဲ့ရုပ်ရှင်မျိုးဗျ။ ဒီရုပ်ရှင်ကို ကနေဒါရုပ်ရှင်လောကရဲ့ မှတ်ကျောက်တစ်ခုလို့လည်း ဆိုကြပြန်ပါတယ်။ ဒီရုပ်ရှင်က ခင်ဗျားကို ရင်ထဲဆို့နင့်သွားစေမယ့် ခံစားချက်တွေနဲ့အတူ မွန်းကြပ်သွားအောင်လုပ်နိုင်တဲ့ ရုပ်ရှင်လို့ပြောရင်လည်း မမှားပါဘူး။ ချစ်ခြင်းမေတ္တာရဲ့ဆန်းကြယ်မှုဟာ ဘဝရဲ့အမှောင်မိုက်ဆုံးအခိုက်အတန့်တွေမှာတောင် အစွမ်းကုန် တောက်ပနေတတ်ပါတယ်။ ဒါပေမယ့် ချစ်နေရုံနဲ့ပဲ လူတွေကို ကယ်တင်ပေးလို့ရမလား ဆိုတာကတော့ ဖြေရခက်တဲ့ မေးခွန်းပါပဲ။ ဒါပေမယ့် ဒီမေးခွန်းရဲ့အဖြေကို Xavier Dolanဟာ ဒီရုပ်ရှင်နဲ့အတူ လှပသေသပ်စွာ ဖြေခဲ့တယ်လို့ ပြောရလိမ့်မယ်ဗျ။ ဇာတ်လမ်းအကြောင်းဆက်မပြောခင်မှာ ဒီရုပ်ရှင်ရဲ့အောင်မြင်မှုအကြောင်းကို ပြောပြချင်တယ်ဗျ။ ဒီရုပ်ရှင်ကိုရိုက်ကူးခဲ့သူကတော့ ကနေဒါနိုင်ငံသားတစ်ဦးဖြစ်တဲ့ Xavier Dolanပဲဖြစ်ပါတယ်။ ရိုက်ကူးခဲ့တဲ့အချိန်မှာ သူဟာ အသက် 25နှစ်အရွယ်ပဲရှိသေးတာပါ။ ဒီရုပ်ရှင်ကို Cannes ရုပ်ရှင်ပွဲတော်မှာ စတင်ပြသခဲ့ပြီး Jury Prizeရရှိခဲ့ပါတယ်။ နောက်ပိုင်းမှာလည်း ဆုပေါင်း ၅၀ကျော်အထိရရှိခဲ့ပြီး nominationပေါင်း ၆၀ကျော်ဝင်ခဲ့ပါတယ်။ ဒ ါဆိုရင်တော့ ဘယ်လောက်အောင်မြင်လဲ ခန့်မှန်းမိမှာပါ။ ဒီဇာတ်လမ်းရဲ့အဓိကဇာတ်ကောင်တွေကတော့ ဒီယန်းလို့ခေါ်တဲ့ တစ်ခုလပ် အမျိုးသမီးတစ်ဦးနဲ့ သူ့ရဲ့သားဖြစ်သူ စတိဗ်တို့ဖြစ်ပါတယ်။ စတိဗ်ဟာ သူ့အမေကိုအရမ်းချစ်တဲ့ သားတစ်ယောက်လို့ပြောရမယ်။ ဒါပေမယ့် စတိဗ်ဟာ စိတ်ကျန်းမာရေး ချို့ယွင်းမှုတွေကြောင့် ပြုပြင်ရေးစင်တာကို အပို့ခံထားရတဲ့ ကောင်လေးတစ်ယောက်ပါ။ တစ်နေ့မှာတော့ စင်တာမှာအတူနေတဲ့ ကောင်လေးတစ်ယောက်ကို မီးလောင်စေမှုကြောင့် စတိဗ်ကို စင်တာက ထုတ်ပယ်လိုက်ပါတယ်။ ဒီလိုနဲ့ ငွေရေးကြေးရေး ကြပ်တည်းရုန်းကန်နေရတဲ့ ဒီယန်းတစ်ယောက် စတိဗ်ကို အိမ်ပြန်ခေါ်လာဖို့ အကြောင်းဖန်လာပါတော့တယ်။ ဒီလိုနဲ့ စတိဗ်ရဲ့ စိတ်အအခြေအနေအရ ရိုင်းစိုင်းတဲ့အပြုအမူတွေ ကြမ်းတမ်းတဲ့လုပ်ရပ်တွေကို ရင်ဆိုင်လာရတဲ့အခါမှာ မိခင်ဖြစ်သူ ဒီယန်းတစ်ယောက် ဘယ်လိုကိုင်တွယ်ဖြေရှင်းမလဲဆိုတာကို ကြည့်ရှုရမှာပါ။ ဇာတ်လမ်းကို စစဖွင့်လိုက်ချင်းတော့ ‘ဟာ ဘာလို့ရှည်မျှောမျှောကြီးဖြစ်နေတာလဲ’လို့ တွေးကောင်းတွေးမိပါလိမ့်မယ်။ ဒါပေမယ့် ဒီလိုဖြစ်နေတာကိုက ဇာတ်လမ်းရဲ့ အနုပညာဆန်တဲ့ အရသာပဲလို့ ပြောရမယ်ဗျ။ ရှည်မျှောမျှောဖြစ်နေတဲ့ aspect ratioကပဲ ကြည့်တဲ့သူတွေကို ဇာတ်ကောင်တွေရဲ့ မွန်းကြပ်ဖို့ကောင်းတဲ့ဘဝထဲ အရောက်ပို့ခဲ့တာပါ။ ကြည့်ရင်းနဲ့ တချို့ဇာတ်ဝင်ခန်းတွေရောက်ရင်တော့ Xavier Dolanတစ်ယောက် သူ့ရဲ့ရုပ်ရှင်ကို ဘာလို့ဒီလိုပုံစံဖြစ်အောင် လုပ်ခဲ့တာလဲဆိုတာကို ကောင်းကောင်းသဘောပေါက်သွားလိမ့်မယ်ဗျ။ ပါဝင်ထားတဲ့ သရုပ်ဆောင်တွေကလည်း အရမ်းချီးကျူးဖို့ကောင်းတယ်လို့ ပြောရမယ်ဗျ။ ဒီယန်းအဖြစ်သရုပ်ဆောင်တဲ့ Anne Dorvalဆိုရင် သူခံစားနေရတဲ့အတိုင်း ကြည့်နေတဲ့သူတွေကိုပါ ပျော်ရွှင်လိုက် ရင်မောလိုက် ဖြစ်အောင်လုပ်သွားနိုင်ပါတယ်။ စတိဗ်အဖြစ်သရုပ်ဆောင် ခဲ့တဲ့ Antoine Olivier Pilonဆိုရင်လည်း အသက်ငယ်ငယ်လေးနဲ့ အရမ်း complexဖြစ်တဲ့ ဇာတ်ကောင်တစ်ကောင်ကို ဖော်ကျူးသွားခဲ့တာပါ။ အချုပ်အားဖြင့်ပြောရရင်တော့ Lana Del Reyရဲ့သီချင်းထဲကလိုပဲ ‘တစ်ခါတစ်လေမှာ အချစ်ဟာ မလုံလောက်ပဲ ဖြတ်သန်းရမယ့် ခရီးလမ်းကလည်း ကြမ်းတမ်းလာတတ်ပါတယ်’။ ဒါကြောင့် လက်ရှိအချိန်လေးမှာပဲ တစ်ယောက်ကိုတစ်ယောက် ရယ်မောပျော်ရွှင်အောင် လုပ်ပေးရင်း၊ ဖေးမကူညီကြရင်းနဲ့ အတူတူဖြတ်သန်းကြတာ အကောင်းဆုံးပါပဲ။ ဒီရုပ်ရှင်ဟာ ကြည့်တဲ့သူကို စလယ်ဆုံး ခံစားချက်ပေါင်းများစွာပေးပြီး ဆွဲခေါ်သွားမှာဖြစ်သလို၊ ဇာတ်သိမ်းသွားတဲ့ အချိန်မှာလည်း ကြည့်တဲ့သူတွေ တွေးစရာကိုယ်စီနဲ့ ငိုင်ပြီးကျန်နေခဲ့လိမ့်မယ်လို့ အာမခံပါတယ်။ ဒီတော့ ရုပ်ချင်ချစ်သူတွေအနေနဲ့ အပြေးလေးသာ ကြည့်လိုက်ပါတော့ဗျ။ R rated filmဖြစ်တဲ့အတွက် ရိုင်းပြတဲ့အသုံးအနှုန်းတွေနဲ့ ဆဲဆိုတဲ့ စကားလုံးတွေ ပါဝင်တာကိုတော့ သတိပြုစေချင်ပါတယ်ဗျ File size… 1.93 GB / 787 MB Quality… BluRay 1080p / 720p Format… mp4 Duration…. 2h 19m Genre ….. Drama Subtitle…. Myanmar Subtitle (Hard Sub) Encoder…. Thit San Khant Translated by Spencer Potato

ဒီဇာတ်ကားလေးကတော့ ပေါ့ပေါ့ပါးပါးနဲ့ ရယ်ရပြီး စိတ်အပန်းပြေစေမယ့်ကားလေးပါပဲ။ ဇာတ်လမ်းကိုပြောရရင်တော့ ဘယ်အလုပ်မှာမဆို ပုံမှန်အတိုင်းဆိုရင်တော့ အလုပ်ကိုလက်ကြောတင်းအောင်မလုပ်လို့ဆိုပြီး ရာထူးချခံရတာတွေ အလုပ်ထုတ်ခံရတာတွေဖြစ်တတ်ပါတယ်။ ဒါပေမဲ့ ဒီဇာတ်ကားထဲကမင်းသားကတော့ အလုပ်ကြိုးစားလွန်းလို့ဆိုပြီး သူနဲ့တွဲလုပ်ရတဲ့ အလုပ်ဖော်တွေကစိတ်ညစ်ပြီး သူဌေးကိုတိုင်တဲ့အတွက် သူဌေးက သူ့ကိုရာထူးချပြီး တစ်ယောက်တစ်မျိုးဂေါက်နေတဲ့ဝန်ထမ်းတွေရှိတဲ့ မြေအောက်ခန်းထဲက call centerထဲမှာ ခေါင်းဆောင်အဖြစ်တာဝန်ယူခိုင်းလိုက်ပါတယ်။ အဲဒီနောက် ထိုမြေအောက်ခန်းထဲမှာပဲ သူက တဖြည်းဖြည်းပျော်လာတဲ့အချိန်မှာ မနာလိုတဲ့ဝန်ထမ်းတစ်ယောက်က သူဌေးကိုထပ်သွားတိုင်တဲ့အခါ ထိုcall centerလေးပါ ပိတ်သိမ်းဖို့ဖြစ်လာပါတော့တယ်။ အဲဒီမှာ သူလည်း ထိုcall centerလေးကိုမပိတ်သိမ်းအောင် သူ့ရဲ့ဂေါက်တောက်တောက်အလုပ်ဖော်တွေနဲ့ ဘယ်လိုတစ်လွဲတွေလုပ်ပြီး တားဆီးဖို့ကြိုးစားကြလဲဆိုတာ ရယ်ရယ်မောမော ပေါ့ပေါ့ပါးပါးကြည့်ရှုကြရမှာပါ။ File size…(1.8 GB)/(1 GB) Quality….Webrip 1080p / 720p Format…mp4 Duration….01:45:00 Genre… Comedy Subtitle….Myanmar Subtitle (Hardsub) Encoder….Garfield Translated by Mastero

Ratu Dansa (2022) ငယ်ရွယ်နုပျိုတဲ့တက္ကသိုလ်ကျောင်းသူလေးနှစ်ယောက်ဖြစ်တဲ့ ၂၀၂၂ ခုနှစ် ဟန်နာနဲ့ အတိတ်ကနေ အနာဂတ်ကိုရောက်လာတဲ့ ဟန်နာရဲ့မေမေ ဟီရာတို့ရဲ့အကြောင်းကို ရိုက်ကူးထားတဲ့ အင်ဒိုနီးရှား အချိန်ခရီးသွားဇာတ်လမ်းကောင်းလေးတစ်ပုဒ်ကို တင်ဆက်ပေးလိုက်ပါတယ်။ ဟန်နာဟာ အနုပညာအလုပ်မှာ အောင်မြင်ကျော်ကြားတဲ့ သူတစ်ယောက်ဖြစ်လာဖို့ အိပ်မက်တွေရှိထားသူဖြစ်ပြီး အဖေတစ်ယောက်တည်းရဲ့အုပ်ထိန်းမှုအောက်မှာ အလိုမကျမှုများစွာနဲ့ ကြီးပြင်းလာရသူဖြစ်ပါတယ်။ အတိတ်က ဟီရာကလည်း အဆင်မပြေတဲ့မိသားစုဘဝမှာ နေထိုင်ရတဲ့အတွက် သူ့ဘဝအပေါ် စိတ်မကျေနပ်ချက်များရှိနေသူဖြစ်ပါတယ်။ တစ်နေ့မှာ ဟီရာဟာ သူ့အမေဖြစ်သူကို အဖေကရိုက်နှက်ခဲ့ပြီး အိမ်ကနေ ထွက်သွားလိုက်တဲ့အတွက် မိခင်နဲ့အတူကျန်နေခဲ့ရတဲ့ သူ့ရဲ့မိသားစုဘဝအခြေအနေကို စိတ်ကုန်နေခဲ့ပါတယ်။ အဲဒီချိန်မှာပဲ ဟီရာဟာ အနာဂတ်မှာ သူ့သမီးဖြစ်တဲ့ဟန်နာဆီကို ရောက်ရှိသွားပါတယ်။ အသက်အရွယ်တူညီကြတဲ့သူတို့နှစ်ယောက်ဟာ ခေတ်ကာလကွာခြားချက်အရ နားမလည်မှုတွေကို အချင်းချင်းလေ့လာကြရင်း သူတို့ရဲ့အနာဂတ်အတွက် အဖြေရှာဖို့ ကြိုးစားကြပါတော့တယ်။ ဟီရာဟာ သူ့ကို မိခင်မှန်းသိနေတဲ့ ဟန်နာကို သူ့အပေါ် နားလည်အောင် ဟန်နာရဲ့ခံစားချက် အလိုမကျဖြစ်မှုတွေကို ဖြည့်ဆည်းနိုင်ပါ့မလား… မိခင်ရဲ့မေတ္တာကို ဟီရာကရော နားလည်ကာ သားအမိတွေ ပြေလည်သွားကြမလားဆိုတာ… (အညွှန်းနဲ့ဘာသာပြန်ကတော့ Dao Phyo ဖြစ်ပါတယ်) Genre….. Drama Quality…. 1080p WEB-DL | 720p WEB-DL File size… 893MB | 428MB Format… mp4 Duration…. 1h 28min Subtitle…. Myanmar Subtitle (Hardsub) Translator ….. Dao Phyo Encoder ….. Aaron

CID Ramachandran Retd.SI (2024) ပင်စင်စားရာမာချန်ဒရန် လေးတန်းအောင် ရုပ်ရှင်သမား တစ်ပတ်ရိုက်တာခံရတဲ့ Drishyamကားထဲရဲမြညွန့်ကြီးကို အရမ်းထက်မြက်တဲ့ ဦးရဲကြီးအဖြစ်ပြန်တွေ့ရမယ့် ဇာတ်ကားလေး တင်ဆက်ပေးလိုက်ပါပြီ။ ရာမာချန်ဒရန်က သိပ်တော်တဲ့အရာရှိတစ်ယောက်၊ ရဲအလုပ်ကိုသိပ်မြတ်နိုးသလို တာဝန်ကိုသိပ်ချစ်တဲ့ အမှန်တရားဘက်တော်သားရဲသားကြီးပေါ့။ တာဝန်ကိုဘယ်လောက်ချစ်လဲဆို ပင်စင်ယူလို့ နှုတ်ဆက်ပွဲလုပ်တဲ့ညမှာတောင် ဂျူတီချိန် ၃ နာရီကျန်သေးတယ်ဆိုပြီး တရားခံသွားဖမ်းလို့ မိန်းမကပွားတာခံရတဲ့အထိပါပဲ။ ဒီလိုနဲ့ပဲ ပင်စင်ယူပြီး နောက်တစ်ရက်မှာ ဘုရားကျောင်းအလှူငွေပျောက်ဆုံးမှုနဲ့ဆက်စပ်ပြီး စုံစမ်းရဖို့ဖြစ်လာတော့ စုံထောက်ပိုးမသေသေးတဲ့ရာမာချန်ဒရန်တစ်ယောက် အတူလိုက်သွားပြီး စုံစမ်းရာကနေ သူသိပ်ချစ်တဲ့ ရဲယူနီဖောင်း ပြန်ဝတ်ရဖို့ဖြစ်လာတဲ့အခါ…. (အညွှန်းနဲ့ဘာသာပြန်ကတော့ CM Bollywood Team မှပဲဖြစ်ပါတယ်)

Halloween Month ထဲမှာ ကြည့်ဖို့ Thriller ဇာတ်လမ်းသစ် ရှာနေသူတွေအတွက် Psychological Thriller ဇာတ်ကားတစ်ကားဖြစ်တဲ့ “The Sleeping Woman” (၂၀၂၄) ခုနှစ်ထွက် စပိန် Psychological Thriller ဇာတ်ကားတစ်ကားဖြစ်တဲ့ “The Sleeping Woman (La mujer dormida)” မှာဆိုရင် အန်နာဆိုတဲ့ သူနာပြုတစ်ယောက် သြဂတ်စတင်တို့အိမ်ကို ရောက်ရှိလာရာကနေ အစပျိုးထားပြီးတော့ အန်နာရဲ့တာဝန်ဟာ ကိုမာလူနာတဖြစ်လည်း သြဂတ်စတင်ရဲ့အမျိုးသမီးဖြစ်သူ ဆာရာကို ပြုစုဂရုစိုက်ပေးဖို့ပဲ ဖြစ်ပါတယ်။ သြဂတ်စတင်တို့ အိမ်ကိုရောက်ပြီး သိပ်မကြာခင်မှာပဲ အန်နာတစ်ယောက် ထူးဆန်းတဲ့ အဖြစ်အပျက်တွေကို ကြုံတွေ့လာရကာ ဒီအိမ်မှာရှိနေတဲ့ တစ်စုံတစ်ခုက သူ့ကို မလိုလားသလိုမျိုး စိတ်ထဲခံစားနေရတယ်။ အစပိုင်းတော့ အန်နာဟာ ဒါတွေကို စိတ်ထဲမှာပဲ ဖြစ်နေတာပါလေလို့ ထင်ခဲ့ပေမယ့်လည်း ဆက်တိုက်ဆိုသလို သူ့အပေါ်မှာ ဖြစ်ပျက်နေတဲ့ ကိစ္စတွေက ပိုပိုဆိုးလာတော့တယ်။ ဒီလိုဖြစ်ပျက်လာနေတာတွေကို ဆာရာလုပ်တာလို့လည်း အန်နာက တွေးမိနေပြန်တယ်။ ထူးဆန်းတဲ့အဖြစ်အပျက် တွေ ဖြစ်နေသည့်ကြားကမှ ကြိုးချင်းထားကြိုးချင်းငြိ အိုးချင်းထား အိုးချင်းထိဖြစ်အောင် ထိခဲ့သေးတဲ့ သြဂတ်စတင်ကို ပြောပြပေမယ့်လည်း ဆာရာဟာ ကိုမာဝင်နေတာကြောင့် မဖြစ်နိုင်ဘူးလို့ပဲ တွေးခဲ့ကြတယ်။ Horror/ Suspense ဇာတ်လမ်းအမျိုးအစားဖြစ်တဲ့ “The Sleeping Woman” ထဲမှာ တကယ်ပဲ ကိုမာဝင်နေတဲ့ ဆာရာက အန်နာကို ဒုက္ခပေးဖို့ ကြိုးစားနေတာလား၊ ဒါမှမဟုတ် ဒီအိမ်ထဲကနေ အကြောင်းတစ်ခုခုကြောင့်များ ထွက်သွားစေချင်လို့ ကူညီဖို့ ကြိုးစားနေတဲ့အရာ ရှိနေတာလားဆိုတာကို ဇာတ်လှည့်တွေနဲ့ ရင်တထိတ်ထိတ် ကြည့်ရှုနိုင်မှာပဲ ဖြစ်ပါတယ်။ File size…(1.4 GB)/(570 Mb) Quality….Webrip 1080p / 720p Format… mp4 Duration…. 01:50:00 Genre… Drama, Fantasy, Thriller Subtitle….Myanmar Subtitle (Hardsub) Encoder….Garfield Translated by Doros

အဆိပ်အတောက်ဖြစ်စေတဲ့ဆက်ဆံရေးတွေကနေ ရုန်းထွက်ဖို့ ကြိုးစားနေသူတစ်ယောက်လား??? ဒါဆိုရင်တော့ ဒီကားလေးကို ကြည့်ဖို့ အကြံပေးချင်ပါတယ် သရုပ်ဆောင်လောကရဲ့ တက်သစ်စ သရုပ်ဆောင် အယ်ဗာအက်လန်ဒရာဟာ အတိတ်မှာ ရခဲ့တဲ့စိတ်ဒဏ်ရာတွေကနေ ရုန်းမထွက်နိုင်ဖြစ်နေခဲ့ပါတယ်… သူ့ရဲ့စိတ်ဒဏ်ရာကို ကုစားပေးနေတယ်လို့ သူယူဆခဲ့တဲ့ သူ့ရည်းစား ရီဇာမလစ်က စိတ်တိုဒေါသထွက်လွယ်ပြီး ရိုက်နှက်နှိပ်စက်တတ်သူတစ်ယောက်ဖြစ်နေတာကို သိလိုက်ရတဲ့အခါ….. ဒီအဆိပ်အတောက်ဖြစ်နေတဲ့ဆက်ဆံရေးတွေကနေ သူဘယ်လိုရုန်းထွက်ဖို့ ကြိုးစားမလဲ??? အတိတ်ကစိတ်ဒဏ်ရာတွေကိုရော သူကုစားနိုင်ပါ့မလား ဆိုတာကို ရင်ခုန်စိတ်လှုပ်ရှားဖွယ်ကြည့်ရှုရမယ့် အင်ဒိုနီးရှား ဇာတ်ကားကောင်းတစ်ကားဖြစ်ပါတယ်။ File size…(2.2 GB)/(1.2 GB) Quality….Webrip 1080p / 720p Format… mp4 Duration…. 01:55:00 Genre… Drama, Romance Subtitle….Myanmar Subtitle (Hardsub) Encoder….Garfield Translated by Su Mon

A Faithful Man (2018) ******************** IMDb…6.5 မာရီယန်းဆိုတဲ့ မိန်းမချောလေးမှာ ပေါလ်နဲ့ အဘဲလ်ဆိုတဲ့ အချစ်ဆုံးသူငယ်ချင်းနှစ်ယောက်ရှိတယ်…. အချစ်ဆုံးဆိုသူငယ်ချင်းတွေဆိုတဲ့အတိုင်း တစ်ယောက်နဲ့တစ်ယောက် အလွန်ရင်းနှီးစွာနေလေ့ရှိသလို တွဲခဲ့တဲ့ ကာလကလည်း ကြာလွန်းလှတယ်… ဒီလိုကာလရှည်တွေဟာ တခြားသူငယ်ချင်းတွေအတွက် မဆန်းပေမယ့် သူတို့အတွက်တော့ သူငယ်ချင်းစည်းကျော်ပြီး ချစ်ခဲ့မိကြတယ်.. မာရီယန်းဟာ မနက်ကိုပေါလ်နဲ့ တွဲရင် ညဘက်ကို အဘဲလ်နဲ့ တွဲတယ်…. ယောက်ျားလေး (၂)ယောက်ရဲ့ ခပ်ဆိတ်နေမှုဟာ မာရီယန်းအတွက် အခွင့်ကောင်းလို့ပဲ ဆိုရမလားမသိ…. သူကလည်း (၂)ယောက်လုံးကိုချစ်နေတော့ ခက်သားပင်…. ကိုင်း ဘယ်လိုတွေဆက်ဖြစ်မလဲဆိုတာကိုတော့ ခံစားကြည့်ကြပါဦး… မာရီယန်းနေရာက သရုပ်ဆောင်ထားတဲ့ မင်းသမီး Laetitia Marie Laure Casta ဆိုတာ တစ်ချိန်က Victoria’s Secret Angel လေးတစ်ပါးဆိုတော့ သူ့ရဲ့အကြည့် သူ့ရဲ့ အပြုံးမှာတင် ခင်ဗျားတို့အားလုံး ရင်သပ်ရှုမောရမယ်ဆိုတာ ပြောကြားရင်း.. ဇာတ်လမ်းအညွှန်းနဲ့ဘာသာပြန်သူကတော့ Paing ပဲဖြစ်ပါတယ်…. File Size : 1.3 GB, 457 MB Quality : Blu-Ray 1080p, 720p Format…mp4 Duration…01:15:00 Genre : Comedy , Drama, Romance Subtitle : Myanmar Subtitle (Hard Sub) Translated by Paing Encoded by AHtet

My Annoying Brother (2024) ချိုးဖျက်မရတဲ့ နှောင်ကြိုး ================================= ၂၀၁၆ က နာမည်ကြီးခဲ့တဲ့ ” My Annoying Brother” ဆိုတဲ့ ကိုရီးယားကားလေးကို ကိုးကား ထားတဲ့ အင်ဒိုနီးရှားဒရမ်မာလေးနဲ့ မိတ်ဆက်ပေးလိုက်ပါတယ်။ နိုင်ငံအဆင့် ဂျူဒိုအားကစားသမားလေး ကမ်မယ်လ်ဟာ ပြိုင်ပွဲတစ်ခုမှာ ထိခိုက်မိပြီး မျက်စိအမြင်အာရုံ ဆုံးရှုံးခဲ့ရပါတယ်။ ငယ်စဉ်ကတည်းက မိဘတွေဆုံးပါးသွားတဲ့သူ့အဖို့ အားကိုးရာဆိုလို့ အစ်ကိုတစ်ယောက်ပဲ ရှိတာပါ။ အစ်ကိုကလည်း ထောင်ကျနေတာ ကြာပြီဖြစ်တဲ့အတွက် သူ့အဖို့ နေ့စဉ်ဘဝနေထိုင်မှုဟာ ခက်ခဲလာရပါတယ်။ အဲဒီအချိန်မှာပဲ သူ့အစ်ကို ဂျာယာက ကမ်မယ်လ်ကို အကြောင်းပြချက်အဖြစ်သုံးလို့ ခံဝန်လက်မှတ်ထိုးပြီး ထောင်ကလွတ်ငြိမ်းခွင့် ရလာပါတယ်။ အချိန်အတော်ကြာ အနေဝေးခဲ့ရတဲ့ ညီအစ်ကိုနှစ်ယောက်အဖို့ အတူပြန်တွေ့ရချိန်မှာ သိပ်အစေးမကပ်လှပါဘူး။ အဲဒီလိုနဲ့ပဲနှစ်ယောက်သား အလွဲလေးတွေကြုံရင်း၊ ရန်သတ်ရင်း နေ့ရက်တွေကို အတူဖြတ်သန်း နေထိုင်လာပါတယ်။ ညီအစ်ကို၊ မောင်နှမဆိုတာ မတည့်လည်းအတူနေရန်သတ်၊ မမြင်ရင်မနေနိုင် ချောင်းကြည့်ဆိုတဲ့ အတိုင်း သွေးကစကားပြောတာမို့ ကမ်မယ်လ်တို့ညီအစ်ကိုလည်း အတိတ်ကသူတို့ အဆင်ပြေခဲ့စဉ်ကာလတွေကိုအမှတ်ရလာပြီး လောကကြီးထဲ သူတို့နှစ်ဦးသာအားကိုးရာဆိုတာကို သိမြင်လာတဲ့အခါမှာတော့………… သူတို့နှစ်ဦး ဘယ်လိုလွဲချော် ရန်ဖြစ်နေကြလဲ၊ ဘယ်လိုပြန်အဆင်ပြေမလဲ၊ ကမ်မယ်လ်ရဲ့အမြင်အာရုံကရော ရှေ့ဆက်ဘယ်လိုဖြစ်မလဲ၊ ဂျာယာကရော အရင်လိုဆိုးသွမ်းမိုက်မဲနေဆဲလား၊ ပြုပြင်ပြောင်းလဲလာမလားဆိုတာ သူတို့ရဲ့ ရင်ကိုထိခတ်စေတဲ့ ညီအစ်ကိုသံယောဇဉ်နဲ့အတူ ကြည့်ရှုအားပေး ခံစားကြည့်ကြရအောင်ပါ။ အညွှန်းနဲ့ ဘာသာပြန်တွေကတော့ ToMo~Cym~KKKZ~STAR တို့ပဲဖြစ်ပါတယ်။

Ghost Sweepers (2012) ********************** Horror လည်းကြိုက် စိတ်ပြေလက်ပျောက်လည်း ကြည့်ချင်တဲ့ သရဲကားပရိသတ်ကြီး အတွက် ဒီတစ်ခါမှာတော့ ကိုရီးယားသရဲဟာသကားလေး တစ်ကားဖြစ်တဲ့ Ghost sweepers လေး တင်ပေးထားပါတယ် .. ။ Cast တွေအနေနဲ့ကတော့ လူတိုင်းသိကြတဲ့ legendary မင်းသားကြီးဖြစ်တဲ့ Kim Su Ro, Taxi Driver နဲ့ Signal တို့က မင်းသား Lee Je Hoon နဲ့ The One and Only နဲ့ The Huntresses တို့က မင်းသမီး Kang Ye Wonအပြင် တခြားနာမည်ကြီး cast များစွာ ကိုလည်း တွေ့ရမှာဖြစ်ပါတယ် .. ။ ဇာတ်လမ်းအညွှန်း ************* အူဂျင်မြို့မှာ နှစ်ပေါင်းများစွာ မကောင်းဆိုးဝါးသောင်းကျန်နေတာကြောင့် တောင်ကိုရီးယားနိုင်ငံက ထိပ်တန်းပယောဂဆရာတွေအများကြီးစုပြီး သရဲနှိမ်နင်းဖို့ သွားခဲ့ကြတယ်။ ပယောဂဆရာအဖွဲ့ထဲမှာတော့ တစ်ယောက်နဲ့တစ်ယောက် အစွမ်းမတူတဲ့ ပယောဂဆရာမျိုးစုံကို တွေ့ရမှာဖြစ်ပါတယ် ။ တောင်ကိုရီးယားနိုင်ငံရဲ့ ထိပ်တန်းနတ်ဝင်သည် ဆရာဘတ် (Kim Su Ro)ဦးဆောင်ပြီး၊ အင်ဂျင်နီယာ ပါမောက္ခ ပယောဂဆရာ ဆော့ဟျွန်း (Lee Je hoon), သရဲမြင်ရတဲ့ဘုန်းတော်ကြီး ရှီမင်း (Kwak Do Won), အတိတ်ကိုမြင်ရတဲ့ နက္ခတ်ဗေဒင်ဆရာမ ဆွန်းဟီး (Kim Yoon Hye), အနာဂတ်ကိုကြိုမြင်နိုင်တဲ့ကောင်လေး ဝေါဂွမ် (Yang Kyung Mo) တို့အပြင် တခြားပယောဂဆရာ များစွာလည်း ပါဝင်ပါသေးတယ်။ ဒါ့အပြင် သတင်းထောက်ချွဲချန်ယောင်း (Kang Ye Won)ကလည်း မှတ်တမ်းယူဖို့ အတူတူလိုက်သွားခဲ့ပါတယ်။ အူဂျင်ကိုရောက်တဲ့အခါမှာတော့ မကောင်းဆိုးဝါးဟာ သူတို့မျှော်မှန်းထားတာထက် အားကောင်းနေပြီး သတင်းထောက်ချွဲချန်ယောင်းရဲ့ အဖေရဲ့သေဆုံးမှုကလည်း ဒီမြို့နဲ့ပတ်သက်နေတယ်ဆိုတာကို သိသွားခဲ့ရတယ်။ ချန်ယောင်းရဲ့အဖေက ဘယ်လိုသေဆုံးသွားခဲ့ရတာလဲ….. မကောင်းဆိုးဝါးကရော ဘယ်လိုကြောင့်ဖြစ်လာရတာလဲ .. ဘာလို့အဲဒီလောက် အားကောင်းနေရတာလဲ…… အဲဒီမကောင်းဆိုးဝါးကို ပယောဂဆရာတွေ ပေါင်းပြီး ဘယ်လိုနှိမ်နင်းသွားမလဲဆိုတာ ဟာသလေးတွေရောပြီး တစ်ကားလုံးပါးစပ်မစိဘဲ ကြည့်ရမယ့်ကားလေးမို့လို့ ကြည့်လိုက်ကြပါဦးနော် ။ (အညွှန်းကို Vanessa မှ ရေးသားထားပါတယ်) File size…2.7GB / 1.1GB Quality… WEB-DL 1080p/ 720p Format…mp4 Duration….2h 00m Genre ….. Horror, Comedy, Supernatural Subtitle….Myanmar Subtitle (Hard Sub) Translated by Vanessa Encoded by AHtet