အနောက်တိုင်းက မာစတာပိစ်ကားတွေလို သတ်မှတ်ခဲ့ကြတဲ့ Léon: The Professional တို့ The Departed တို့လို ကားတွေရဲ့ မြစ်ဖျားခံရာလို့ ပြောလည်းမမှားတဲ့ Heroic Bloodshed Genre ရဲ့ ပဲ့ကိုင်ရှင်နဲ့ ဒီ Genre ကို ပိုထင်ရှားအောင် လုပ်ပေးခဲ့တဲ့သူဖြစ်တဲ့ ဂျွန်ဝူးရိုက်ခဲ့တဲ့ ကားတွေထဲကမှ ဟောင်ကောင် Heroic Bloodshed ကားတွေကို မနှစ်ကတည်းက တဖြည်းဖြည်းချင်းတင်ဆက်ပေးခဲ့တာ A Better Tomorrow ကားတွေ၊ The Killer, Hard Boiled, Bullet in the Head စသဖြင့် အတော်များခဲ့ပါပြီ။ စတီဖင်ချောင်ပါပါတဲ့ Just Heroes နဲ့ အခု Once a Thief ပဲကျန်ပါတယ်။ ဒါပြီးရင်တော့ ဂျွန်ဝူးရဲ့ ဟောင်ကောင် Heroic Bloodshed Collections ပြည့်ဖို့ Just Heroes ပဲလိုပါတော့မယ်။ ဟောလိဝုဒ်တက်ပြီး ဂျွန်ဝူးရိုက်ခဲ့တဲ့ ကားတစ်ချို့ကလည်း Heroic Bloodshed စာရင်းဝင်တာတွေလည်းရှိပေမဲ့ ဟောင်ကောင်မှာ သူရိုက်ခဲ့တာတွေလောက်တော့ အားရစရာမကောင်းပါဘူး။ Once a Thief မှာတော့ ဂျွန်ဝူးရဲ့လက်စွဲတော်လိုဖြစ်ခဲ့တဲ့၊ ဒီ Genre အစကတည်းက လက်တွဲခဲ့တဲ့ ချောင်ယွန်ဖတ်နဲ့ လတ်စလီချောင်တို့ပဲ သရုပ်ဆောင်ထားပါတယ်။ နောက်မင်းသမီးတစ်ယောက်နဲ့ Trio ရိုက်ထားတာပါ။ သူတို့သုံးယောက်ဟာ ငယ်ငယ်ကတည်းက လူဆိုးတစ်ကောင်က လက်သပ်မွေးခံခဲ့ရတဲ့ မိဘမဲ့ကလေးတွေ။ နောက်ကျ နာမည်ကျော် သူခိုးသုံးကောင်ဖြစ်လာတယ်။ သူတို့ခိုးတာက ဈေးကြီး အနုပညာပစ္စည်းတွေချည်း။ လတ်စလီကတော့ စွန့်စားလုပ်တတ်ပေမဲ့ ချောင်ယွန်ဖတ်က စွန့်စားလည်းလုပ်တတ်သလို ခေါင်းလည်းကောင်းတယ်။ တစ်နေ့ကျ သူတို့ တော်တော်ခိုးရခက်တဲ့ ပန်းချီကားကို ခိုးရင်း ချောင်ယွန်ဖတ်ဒုက္ခိတဖြစ်သွားတယ်။ အဲဒီနောက် သူတို့ကို မွေးစားထားတဲ့ အဖေနဲ့ အတိုက်အခံဖြစ်လာတယ်ပေါ့။ ဒီကနေမှ အမှန်နဲ့အမှားရဲ့စည်းကြား သူတို့နင်းလျှောက်ကြပုံတွေကို ဆက်ပြသွားတယ်။ ဒီကားက ဂျွန်ဝူးကိုယ်တိုင်ရိုက်တဲ့ Heroic Bloodshed ကားတော့ ဟုတ်ပေမဲ့ Comedy ပါနှောထားတော့ ရှေ့က ကြည့်ဖူးတဲ့ကားတွေနဲ့ နည်းနည်းတော့ကွဲတယ်။ Heroic Bloodshed ကားတွေရဲ့ ဟန်တွေလည်း ပါသေးပေမဲ့ ချောင်ယွန်ဖတ်က ချရင်းပါ ဟာသတွေပြောနေ လုပ်နေတတ်တော့ စတီဖင်ချောင်ဆန်သလိုလို အငွေ့အသက်လည်းရပါတယ်။ သို့ပေမဲ့ ဒီကားစရိုက်တုန်းကတော့ ချောင်တောင် ကားသိပ်မရှိသေးဘူးပေါ့။ ဘာနေနေပါ နည်းနည်းတော့ ဂျွန်ဝူးကားမဆန်သလိုလိုဖြစ်သွားပေမဲ့ ဂျွန်ဝူကားဖြစ်နေဆဲဆိုတဲ့ အရသာမျိုးကိုလည်း ပေးစွမ်းနိုင်ပါသေးတယ်။ [တစ်နေ့နေ့မှာတော့ ဂျွန်ဝူးရဲ့ ဟောင်ကောင် Heroic Bloodshed တွေထဲ လိုနေတဲ့ နောက်ဆုံးကားဖြစ်တဲ့ စတီဖင်ချောင်ပါတဲ့ Just Heroesကို ဆက်လက်တင်ဆက်သွားပါမယ်...] (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.22GB, 1.01GB Quality - 1080p, 720p IMDb Rating - 6.7/10 Format - mp4 Duration - 1H 48Min Genre - Action, Comedy, Crime Subtitle - Myanmar Subtitle (Hardsub) Translated by WiRa Aung Encoded by Y

ဒီတစ်ခေါက်တော့ Vaashi ထဲမှာ ရှေ့နေအဖြစ်သရုပ်ဆောင်တဲ့ မာလာရာလမ်မင်းသား တိုဗီနိုသောမတ်စ်နဲ့ Bro Daddy ထဲကမင်းသမီး ကလျာနီ ပရီရာဒါရှန် တိုရဲ့ ၂၀၂၂ နှစ်ထွက် မာလာရာလမ် Action / Comedy ဇာတ်ကားလေးနဲ့မိတ်ဆက်ပေးချင်ပါတယ်။IMDB 7.6 မို Rating လေးလည်း မဆိုးလှပါဘူး ဒီကားကို ကြည့်တဲ့သူထဲမှာ တစ်ယောက်နဲ့တစ်ယောက် ရန်ဖြစ်ရင်းကနေ သူငယ်ချင်းတွေဖြစ်သွားကြတဲ့သူတွေရှိလား။ ရန်ဖြစ်တယ်ဆိုတာ ကလေးဘဝရဲ့အစိတ်အပိုင်းပါပဲလို ပြောကြပါတယ်။ သွေးပူတဲ့အရွယ်၊ တက်ကြွတဲ့အရွယ်မှာ ထစ်ခနဲ စိတ်ထဲရှိတဲ့အတိုင်း ဝုန်းဒိုင်းကြဲကောက်လုပ်မိကြလို ရန်တွေထသတ်ကြရာကနေ ခင်မင်ရင်းနှီးသွားတဲ့ သူငယ်ချင်းတွေ ရှိကြပါတယ်။ ဒီထဲမှာလည်း ဒီလိုပါပဲ။ သူတို့ငါးယောက်က ရန်ဖြစ်ကြရာကနေ သူငယ်ချင်းတွေဖြစ်လာကြတာပါ။ အဓိကဇာတ်လိုက်ဖြစ်သူ ဝါဇီက သူ့ရဲ့ကောင်မလေးနဲ့ မင်္ဂလာဆောင်ဖို့ ပြင်ဆင်နေတဲ့အချိန်မှာ သူ့သူငယ်ချင်းလေးယောက်က ရာဂျီမက်သရူးဆိုသူနဲ့ ရန်စရှိနေကြပြီးတော့ ရာဂျီက ရန်ပွဲကို ရပ်ချင်တာကြောင့် ပြန်ဖြန်ဖြေဖို့ကြိုးစားပေမဲ့လည်း နားလည်မှုတွေလွဲကြပြီးတော့ ဝါဇီရဲ့မင်္ဂလာဆောင်မှာ နောက်ထပ်ရန်ပွဲတစ်ခုပေါ်ပေါက်လာပါတော့တယ်။ ဒီရန်ပွဲကနေပဲ ဝါဇီက အင်တာနက်မှာ ရေပန်းစားတဲ့သူ ဖြစ်သွားခဲ့ပြီး မင်္ဂလာပွဲလည်းပျက်ကာ နှစ်နှစ်အကြာ သူ့မြို့ကို ပြန်ရောက်လာတဲ့အချိန်မှာ သူ့ကောင်မလေးဟာ တခြားလူတစ်ယောက်နဲ့ စေ့စပ်လို့ထားပါပြီ။ အရင်ရန်ငြှိးရှိခဲ့တဲ့ ရာဂျီနဲ့ ဘယ်လို ပြန်ရင်ဆိုင်သွားမလဲ...သူချစ်ရတဲ့သူနဲ့ရော ပေါင်းဖက်ခွင့်ရပါ့မလား ဆိုတာကိုတော့ ဇာတ်လမ်းထဲမှာ ဆက်လက်စောင့်ကြည့်ပေးပါနော်။ File size…2.8GB / 1.36GB Quality…1080p True WEB DL / 720p Format…mp4 Duration….2h 28m Subtitle….Myanmar Subtitle(Hard Sub) Encoder….YK Translated by BpL & Kham Mon & Lwin Htoo Aung & Yunni & Yate

ဒီကားလေးက 2021 ထွက် comedy/drama ကားကောင်းလေးပါ။ rating လည်း ထိုက်သင့်သလောက် ကောင်းကောင်းရထားတဲ့ ဇာတ်လမ်းလေးပါ။ comedy ဆိုတာထက် drama ဘက် ပိုယိမ်းပါတယ်။ ဇာတ်လမ်းအကျဉ်း ================== လောစ့်အိန်ဂျလိစ့် ၊ North Hollywood ဆိုတဲ့ မြို့ကလေးက ဆယ်ကျော်သက်ကောင်လေးတစ်ယောက်ရဲ့ ဘဝနဲ့ သူ​ပြေးလိုက်တဲ့ အိပ်မက်အကြောင်းရိုက်ထားတာပါ။ အထက်တန်းကျောင်းသားတစ်ဦးဖြစ်သူ မိုက်ကယ် ရူးရူးမူးမူးဖြစ်ချင်တာကတော့ ပရို စကိတ်စီးသမားတစ်ယောက်ပါ။ သို့သော် အမိမဲ့သား မိုက်ကယ်ရဲ့ စကိတ်သမားဖြစ်ချင်တဲ့ ရည်ရွယ်ချက်ကို သဘောမတူတဲ့ သူ့အဖေကတော့ မိုက်ကယ်ကို အထက်တန်းကျောင်းပြီးတာနဲ့ ကောလိပ်ကို ဆက်တက်ပြီး ​ ပညာရေးကိုရှေ့ဆက်စေချင်တာပါ။ မိုက်ကယ်ကတေ့ာ သူဖြစ်ချင်တဲ့ စကိတ်သမားဖြစ်လာဖို့ ဘာကိုမဆို စတေးရ စတေးရ အဆင်သင့်ဖြစ်နေသူတစ်ဦးပါ။ ဇာတ်က အေးပါတယ်။ ဒါပေမယ့် ဇာတ်ကားမဆန်ဘဲ တကယ့်အပြင်က reality တစ်ခုကို ပြထားသလို ခံစားရမှာပါ။ ဆယ်ကျော်သက် လူငယ်တစ်ဦးရဲ့ ဖြစ်ချင်တဲ့ စိတ်ဆန္ဒနောက်ကို ပြေးလိုက်တဲ့ ခရီးလမ်းမှာ မိသားစု ၊ မိတ်ဆွေသူငယ်ချင်းတွေရဲ့ အရေးပါမှု ဒါတွေကို လက်တွေ့ဆန်စွာခံစားကြည့်ရှုရပါမယ်။ File size…1.26GB / 547MB Quality…1080p WEB DL AAC5.1CH / 720p Format…mp4 Duration….1h 33m Subtitle….Myanmar Subtitle (Hard Sub) Encoder….YK Translated by V

DSဖန်တွေအတွက် ရုပ်ရှင်အသစ်တွေကို တင်ဆက်ပေးနေရင်းကနေ ဟိုအရင်ချိန်တွေကို ပြန်လည်သတိရလာပြီး ဒီရုပ်ရှင်ကားဟာလဲ Qualityကောင်းကောင်းလဲ မရှိသေးတာကြောင့် ပြန်လည်တင်ဆက်ပေးဖို့ အကြံရလာခဲ့ပါတယ်....မင်းသမီးတွေကတော့ ကျွန်တော်တို့ အင်တာနက်မရှိခင် အခွေခေတ်က အိမ်မက်ထဲထိ ကြီးစိုးခဲ့တဲ့ မင်းသမီးတွေပါပဲ.... ဇာတ်လမ်းအကျဉ်း ပန်ဆုဆု ယွဲ့ယွဲ့ ဖိန်ဖိန်တို့ မြေခွေးညီအစ်မသုံးဖော်ဟာ လူသားအဖြစ်ထာဝရပြောင်းလဲနေနိုင်ဖို့ တာအိုကျင့်စဉ်ကို ကျင့်ကြံနေတဲ့ မှော်မြေခွေးသုံးဖော်ပဲ ဖြစ်ပါတယ်.... အကြီးမဖြစ်သူ ပန်ဆုဆုကတော့ အသက်ကြီးဆုံးလဲ ဖြစ်ပြီး စိတ်ထဲကလဲရင့်ကျက် ဖြူစင်သူဆိုတော့ သွေးသားဆန္ဒကို ချုပ်တည်းနိုင်နေပမယ့် ညီအစ်မငယ်နှစ်ယောက်ကတော့ သွေးသားဆူပွက်မှုကြောင့် နှစ်ယောက်သားအချင်းချင်းဖြေသိမ့်ပြီး အဆင်ပြေနေခဲ့ရပါတယ်...တနေ့မှာတော့ သူတို့ညီအစ်မသုံးဖော်ရဲ့ ဘဝထဲကို ယောကျာ်းပျိုတဦး ဝင်ရောက်လာခဲ့ပြီး. ဒီယောကျာ်းပျိုကိုပဲ ညီအစ်မသုံးဖော်တို့က ချစ်ခင်စုံမက်ခဲ့ပါတယ်... မုန့်ကိုသာမျှစေစားမယ် အချစ်ကိုတော့ မမျှဝေဘူးဆိုတဲ့စကားက သူတို့လို မြေခွေးညီအစ်မသုံးဖော်အတွက်တော့ မမှန်ကန်ခဲ့ပါဘူး... ညီအစ်မချင်းသိပ်ကိုချစ်ကြတော့ လုလင်ပျိုကို မျှဝေချစ်ခင်ရင်း မထင်မှတ်ထားတဲ့ တနေ့မှာတော့...... (Dark Side Production မှ တင်ဆက်သည်။) Dark Side Production Facebook Page ခနခနပျက်နေတာကြောင့် Telegram https://t.me/Darksideproductionmm မှာ Join ထားပေးကြပါ။ Translated by : Dark Encoded by : X Cross Quality : 1080p Blu-Ray / 720p File Size : 2.46 GB / 800MB / 400MB Subtitle : Myanmar (Hard Sub)

၂၀၀၃ခုနှစ်က ထွက်ရှိခဲ့တဲ့ ​ဟောင်​ကောင်အက်ရှင်ဟာသကား​လေး တင်ဆက်​​ပေးချင်ပါတယ်။ Initial Dနဲ့ Internal Affairs ဇာတ်ကား​တွေမှာ ပါဝင်ဖူးတဲ့ Edison Chenက ​ခေါင်း​ဆောင်ပါဝင်ထားသလို Jackie Chanနဲ့ Karen Mokတို့လည်း cameoအ​နေနဲ့ ပါဝင်ထားပါ​​သေးတယ်။ အနာဂတ်ကာလမှာ သွေးစုပ်ဖုတ်​ကောင်မျိုးနွယ်​တွေ ကမ္ဘာတစ်ဝန်းကြီးစိုးလာသလို ​သွေးစုပ်ကောင်နှိမ်နင်း​ရေး အဖွဲ့​အစည်းတွေလည်း အများအပြား​ ပေါ်ထွက်လာပါတယ်။ ရိဗ်၊ ညီမဖြစ်သူ ဟယ်လန်နဲ့ပါတနာ ဂျစ်ပစီတို့ကလည်း ​သွေးစုပ်​ကောင်မုဆိုး​တွေ​ပေါ့။ ဒီလိုနဲ့ သူတို့​နေထိုင်ရာ ​ဟောင်​ကောင်ကို ဥ​ရောပနွယ်သွေးစုပ်ကောင်​တွေ ရုတ်တရက်​ရောက်လာကြပါတယ်။ သူတို့​​တွေ ရောက်လာရတဲ့အ​ကြောင်းရင်းက သွေးစုပ်ကောင်သမ္မာကျမ်းစာအုပ်လို့ ​​ပြောနိုင်တဲ့ "Day For Night"စာအုပ်ကို ဂိုဏ်း​တွေလုရာမှ စတင်ခဲ့တာပါ။ ဒီစာအုပ်ရဲ့အစွမ်းကို ပိုင်ဆိုင်ဖို့လိုအပ်တဲ့အရာက မူလပိုင်ရှင်​ဖြစ်တဲ့ ​တော်ဝင်မိသားစု မင်းသား၆ပါးရဲ့ ​သွေးပါ။ ဒီထဲကမှ ပဥ္စမမင်းသားဖြစ်တဲ့ ကာဇမ်က ​ဟောင်​ကောင်ကို ​ရောက်လာပြီး ရိဗ်ရဲ့ ညီမ​လေးဟယ်လန်နဲ့ ​ရေစက်သွားဆုံပါတယ်။ ဒီလိုနဲ့ စာအုပ်အစွမ်းကို ပိုင်ဆိုင်ချင်တဲ့ ဥ​ရောပမျိုးသွေးစုပ်ကောင်တသိုက်နဲ့ တစ်ဖက်က ​​တော်ဝင်မင်းသားနဲ့ သွေးစုပ်​ကောင်မုဆိုးတို့ ဘယ်လိုရင်ဆိုင်မလဲဆိုတာ ဟာသအက်ရှင်ဆန်ဆန် ကြည့်ရှုရမှာပါ။ ( ဘာသာပြန်ပြီး အညွှန်းရေးသားထားသူကတော့ Jim X ပါ ) File Size__(1.9GB) / (950MB) Quality__WEB-DL_1080p, 720p IMDb Rating__5.5/10 Format__mp4 Duration__01:43:00 Type__Action, Comedy, Horror Subtitle__Myanmar Subtitle (Hardsub) Translated by Jim X Encoded by Naing Aung Latt

၂၀၀၉ ခုနှစ်က ထွက်ရှိထားတဲ့ စပိန်ဇာတ်ကားကောင်းဖြစ်ပြီး IMDB 7.6 တောင်ရရှိထားတာမို့ အချဉ်တော့မဟုတ်ဘူးပေါ့နော်။ ဇာတ်လမ်းအကျဉ်းကိုပြောရမယ်ဆိုရင် ဟူအန်းအိုလီဗာအကြောင်းကနေ စပြောရမှာပဲ။ ဟူအန်းက အသက် ၃၀၊ မိန်းမရှိတယ်။ သူ့မိန်းမက မွေးခါနီးဖွားခါနီး ကိုယ်ဝန်ကြီးနဲ့ မပေါ့မပါးပေါ့… ဟူအန်း အရင်က သားသတ်ရုံမှာအလုပ်လုပ်ရတာ၊ အခုတော့ ထောင်စောင့်အနေနဲ့ အလုပ်သစ်ရထားပြီ။ မနက်ဖြန်စဆင်းရမယ်ဆို ဒီနေ့လိုနေ့မှာ သူ ထောင်အခြေအနေကို လေ့လာဖို့ ထွက်လာခဲ့တယ်။ သားသမီးရလာတော့မယ်ဆိုတော့ အလုပ်ကြိုးစားချင်စိတ်ကြောင့်ပဲဆိုပါတော့လေ။ သူအလုပ်လုပ်ရမယ့်ထောင်မှာကလည်း တကယ့်ကိုဆိုးပေ့မိုက်ပေ့ လူဆိုးကြီးတွေချည်းပဲ။ ထောင်ကြီးကလည်း တကယ့်ကိုအိုဟောင်းစုတ်ပြတ်နေပြီ။ ကံဆိုးချင်တဲ့ ဟူအန်းတစ်ယောက် ထောင်ကိုရောက်ပြီး လှည့်ပတ်ကြည့်ရှုလို့ သိပ်မကြာခင်မှာပဲ ခေါင်မိုးပြိုကျလို့ ထိပ်ပေါက်ပါလေရောလား… တစ်ပူပေါ်တစ်ပူဆင့်ချင်တော့ အဲဒီချိန်မှာပဲ ထောင်ထဲက ခေါင်းဆောင်လို့ဆိုရမဲ့ မာလာမာဒရစ်က အစောင့်လက်ကနေ လွတ်လာပြီး ထောင်ဆူတော့တာပါပဲ။ ဒီလိုနဲ့ ဟူအန်းတစ်ယောက် အကျဉ်းခန်း ၂၁၁ ထဲမှာ ပိတ်မိနေရာက သူ့ကိုယ်သူ အသစ်ရောက်လာတဲ့ထောင်သားပါလို့ အားလုံးယုံအောင်ဖြီးဖြန်းခဲ့ရာကနေ ဘာတွေဆက်ဖြစ်ကြမလဲဆိုတာ အသည်းတထိတ်ထိတ် ဆက်လက်စောင့်ကြည့်ပေးကြပါဦး။ (ဇာတ်လမ်းအညွှန်းနဲ့ ဘာသာပြန်ကတော့ May Myat Thu ပါ) File Size          :  (1.9GB), (819MB) & (354MB) Quality            : 1080p BluRay, 720p BluRay & 480p Format            : mp4 Duration         : 1hr & 53mins Genre              : Action, Adventure, Crime Translated by  May Myat Thu Encoded by Kinnov

O Saathiya (2023) IMDb 7.1/10 ကိုယ့်ဘက်က မေတ္တာအစစ်ပေးတိုင်း မေတ္တာအစစ်ပြန်ရမယ်လို့ထင်နေရင်တော့ လူကြီးမင်းတို့ ဒီကားကြည့်သင့်ပါတယ် စလာလာချင်းမှာကို ကိုယ့်ရဲ့အချစ်ဆုံးလေးက မင်္ဂလာဆောင်ဖိတ်စာမှာ ကိုယ်မဟုတ်တဲ့တခြားယောကျာ်းတစ်ယောက်နာမည်နဲ့ လာဖိတ်ပြီး သူများနဲ့ညားတဲ့ငါ့ရည်းစားဇာတ်ကို အခင်းခံလိုက်ရတဲ့ အာဂျွန်... ဘဝမှာတစ်ချို့အမှားတွေက ပြန်ပြင်လို့မရသလို ရှေ့ဆက်တိုးဖို့လေးလံလာတဲ့အခါ လူတွေကြုံတွေ့ရမဲ့ ခံစားချက် ဆုံးဖြတ်ချက်တွေ နာကြည်းမှု နားလည်မှုတွေကို.. ဒီကားကြည့်ရင်း အ‌တွေးတစ်ခုခုကျန်ခဲ့နိုင်တဲ့အထိ ဆွဲခေါ်သွားနိုင်ပါကြောင်း.. အာဂျွန်- ငါ နင့်ကိုစတွေ့ခဲ့တာ ကျောင်းအုပ်ကြီးရုံးခန်းမှာ ငါတို့အတန်းသားအချင်းချင်း စကားများကြလို့ ခေါ်ငေါက်နေတဲ့အချိန်လေ။ မြင်မြင်ချင်းအချစ်ရဲ့နောက်မှာ သံယောဇဉ်တွေ တစ်ရစ်ချင်း တိုးလို့ချည်နှောင်ရင်း နင့်ကိုချစ်ရေးဆိုဖို့ အကြိမ်ကြိမ်ကြိုးစားခဲ့ပေမဲ့ ကံတရားရဲ့ မျက်နှာသာမပေးမှုတွေနဲ့ ငါအကြိမ်ကြိမ်ရှုံးနိမ့်ခဲ့ရတယ်.. ဒါပေမဲ့ ငါလက်မလျော့ဘဲ မင်းဆီကအချစ်ကပြန်ရဖို့ ကြိုးစားနေတုန်းမှာ ငါမဟုတ်တဲ့ သတို့သားနာမည်နဲ့ နင့်ရဲ့မင်္ဂလာဆောင်ဖိတ်စာကို မြင်လိုက်ရတဲ့အခိုက်မှာ ငါ့ကမ္ဘာတစ်ခုလုံးပြိုလဲခဲ့ပါတယ် ချစ်ရသူရယ်.. နင်က ငါ့ရဲ့ပထမဆုံးနဲ့ ထာ၀ရတည်ရှိနေမဲ့ တစ်ဦးတည်းသောချစ်သူလေးပါပဲ။ သိပ်ချစ်ကြတဲ့ သူတို့တွေ ဘယ်ဘူတာမှာလွဲခဲ့တာလဲ ပြန်လည်ဆုံစည်းနိုင်ကြမလားဆိုတာကတော့.. ရုပ်ရှင်အစမှာတင် ဆွေးရတာကို ပြထားပေမဲ့ ကြည်နူးရတဲ့အချိန်မှာ ဆွေးရမှာကိုပါ မေ့သွားစေမယ့် တေလေဂူး အချစ်အလွမ်းရုပ်ရှင်လေးကို ချန်နယ်မြန်မာကနေ တင်ဆက်ပေးလိုက်ပါတယ် ကြည်နူး လွမ်းဆွေးပေးကြပါဦး (အညွှန်းနဲ့ ဘာသာပြန်ကိုတော့ V~Zwe Yan~Yunni~BpL~Cherry တို့မှ ခံစားသက်ဝင်ရေးသားထားပါတယ်) File size…2.4GB / 1.3GB Quality…1080p WEB DL /720p Format…mp4 Duration….2h 16m Subtitle….Myanmar Subtitle (Hard Sub) Encoder….YK Translated by V~Zwe Yan~Yunni~BpL~Cherry

Mama Mascheendra (2023) IMDb – 7.4/10 မင်းသားချော ဆူဒီယားဘာဘူအထူးသရုပ်ဆောင်ထားတဲ့ ဒရာမာအက်ရှင်တလေဂူးကားလေးကိုတင်ဆက်ပေးလိုက်ပါတယ်။ ဇာတ်ကောင်သုံးမျိုးကို တစ်ယောက်တည်းလို့မထင်မှတ်ရလောက်အောင် ပြောင်မြောက်တဲ့သရုပ်ဆောင်ချက်တွေနဲ့မို့ အထူးသရုပ်ဆောင်ထားတယ်လို့ သုံးလိုက်တာပါ။ ရာဗီနဲ့ ရတ်ဘာဆိုတဲ့ မင်းသမီးချောနှစ်လက်လည်း ပါဝင်ထားပါတယ်။ ခံစားချက်တွေကို ရင်ဖွင့်ချင်ရင် ဒိုင်ယာရီချရေး လျှို့ဝှက်ချက်ကိုရင်ဖွင့်ချင်ရင်တော့ ချရေး ဖြဲပြီး မီးရှို့ရတယ်တဲ့ လောကကြီးမှာ ယုံကြည်ရတဲ့လူဆိုတာ မိမိ မိမိ ပြီးတော့ မိမိကိုယ်တိုင်ပါပဲ ဖခင်တစ်ယောက်ရယ်လို့မဖြစ်လာခင်မှာ ဆရာဖြစ်သူအတွက် လူသတ်ပေးဖို့လုပ်ရင်း သတ်ရမဲ့အထဲက ကလေး၂ယောက်က လွတ်သွားခဲ့တယ် ဒီအမြွှာကလေး၂ယောက်က နောင်တစ်ချိန်ကြီးလာရင် ကောင်းကောင်းကြီးလက်စားပြန်ချေမှာကို သိနေလေတော့ ဖခင်ဖြစ်လာမဲ့တစ်ချိန်မှာ ဘယ်လိုကာကွယ်မှုတွေလုပ်မလဲ… အဖေတစ်ယောက်ရဲ့ ရင်သွေးအပေါ် ကာကွယ်စောင့်ရှောက်မှုက မွေးကင်းစလေးကနေစပြီး အရွယ်ရောက်တဲ့အခါပြီးဆုံးသွားတာမျိုးမဟုတ်ဘူးမလား။ဒီဇာတ်လမ်းထဲမှာ ရန်သူတွေများတဲ့ ဂန်းစတားအဖေကြီးတစ်ယောက်က သူ့သမီးအပေါ်မှာ ကာကွယ်စောင့်ရှောက်လိုတဲ့စိတ်နဲ့ လုပ်ခဲ့တဲ့လုပ်ရပ်တွေ၊ သမီးဖြစ်သူရဲ့ အချစ်အပေါ်မှာထားတဲ့ စိတ်သဘောထားနဲ့လုပ်ရပ်တွေ သူတို့သားဖတွေရဲ့ တစ်ဦးနဲ့တစ်ဦးထားရှိကြတဲ့ ချစ်ခြင်းမေတ္တာတွေအပြင် မထင်မှတ်ထားတဲ့ လူသတ်မှုတွေပါ မှန်းမရလောက်အောင် ရှုပ်ထွေးတဲ့ Plot Twist တွေပါတဲ့ဇာတ်ကားကောင်းတစ်ကားဖြစ်လို့ ဆက်လက်ကြည့်ရှုလိုက်ပါရှင် (အညွှန်းနဲ့ ဘာသာပြန်တွေကတော့ Yunni ~V ~Alex ~Zwe ~Tomo တို့ပဲဖြစ်ပါတယ် ) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> Click Here!)

************************* ဇာတ်လမ်းကောင်းတာလေးလည်းသဘောကျတယ်…. ပါဝင်တဲ့အခန်းတွေကလည်း ဆွဲဆောင်မှုအပြည့်ဖြစ်နေရမယ်ဆိုတဲ့သူတွေအတွက် ဒီကားကအသင့်တော်ဆုံးဖြစ်မှာပါ.. မြိုမှာနေရတာကို ငြီးငွေ့လာလို နယ်ဘက်မှာ အခြေချနေတဲ့ ဇနီးမောင်နှံတစ်တွဲ ခင်ပွန်းဖြစ်သူက သီးနှံစိုက်ပျိုးတာကို လေ့လာနေပြီးတော့ မိန်းမဖြစ်သူက ရွာထဲက လက်သမားတစ်ယောက်ဆီမှာ ပညာသင်အဖြစ် လေ့လာနေပါတယ်…. တစ်ဖက်တစ်လမ်းက ဝင်ငွေရအောင် သူတိုရဲ့လက်ရှိနေအိမ်ကို အိမ်ငှါးထားလိုက်ပါတယ် … ရောက်လာတဲ့ အိမ်ငှါးက မိန်းကလေးဖြစ်နေပြီးတော့ သူမရဲ့အတိတ်က ကိစ္စတွေ၊အိမ်ရှင်ဇနီးမောင်နှံ၊ လက်သမားဆရာ ဒီလေးယောက်ကြားမှာ ဘာပြဿနာတွေ ဖြစ်လာမလဲဆိုတာ ကြည့်ရှုလိုက်ပါဦး… နာမည်ကြီး သရုပ်ဆောင်တွေပါဝင်တာမို့ ခံစားမှုအပြည့်နဲ့သက်ဝင်နေမှာတော့ အသေအချာပဲဗျို့… File Size : 1.2GB / 451MB Quality : WEB-DL 1080P / 720p Format…mp4 Duration…01:30:00 Genre : Adult, Drama Subtitle : Myanmar Subtitle (Hard Sub) Translated by ‌SD Encoded by DS

First Name: Carmen (1983) Prénom Carmen IMDb Rating -6.3 ၊ Rotten Tomatoes -88% ကာမင်းဆိုတဲ့အကြမ်းဖက်သမ မိန်းမလှလေးဟာ ရုပ်ရှင်ဒါရိုက်တာဦးလေးဖြစ်သူဆီက ကမ်းခြေအိမ်တစ်လုံးကိုခဏငှားရမ်းခဲ့ပါတယ်။သူ့ရဲ့ရည်ရွယ်ချက်ကတော့ သူတို့အဖွဲ့ဘဏ်ဓားပြတိုက်ပြီးရင် ခေတ္တခိုနေစရာတစ်ခုအဖြစ်သုံးဖို့ပါပဲ။ဒါပေမယ့် ဘဏ်လုံခြုံရေးတစ်ဦးကိုသူ ချစ်ကျွမ်းဝင်မိသွားချိန်မှာတော့ ကြိုတင်စီမံထားသမျှတွေ ကမောက်ကမဖြစ်ကုန်ပါတော့တယ်။ ပြင်သစ်ရုပ်ရှင်လှိုင်းသစ်ကိုစတင်ခဲ့တဲ့ပိုင်အိုးနီးယားဒါရိုက်တာ Jean-Luc Godard ရဲ့လက်ရာတစ်ခုဖြစ်ပြီးသူ့ရဲ့လက်ရာတွေဟာ စမ်းသပ်လေ့လာမှု၊ဇာတ်ကြောင်းပြောပုံတွေကတစ်ဆင့် ရုပ်ရှင်ပုံစံတွေကိုတော်လှန်ပြောင်းလဲစေခဲ့တယ်လို့ဆိုကြပါတယ်။ ဒီဇာတ်ကားမှာလည်း အဲ့ဒီလိုထူးခြားတဲ့တင်ဆက်ပုံကိုတွေ့မြင်ရမှာဖြစ်ပြီး မြင်နေကျပုံစံမျိုးမဟုတ်တဲ့အတွက် အစပိုင်းမှာတော့ အတော်သည်းခံရပါလိမ့်မယ်။ပရိသတ်တွေအနေနဲ့လည်း ကြိုက်တဲ့သူနဲ့မကြိုက်တဲ့သူ နှစ်ဖွဲ့ကွဲနေတာဖြစ်ပြီး မကြိုက်တဲ့သူတွေကတော့ ကာမင်း သရုပ်ဆောင်မင်းသမီး Maruschka Detmers ရဲ့ ထူးခြားတဲ့ဂန္ဓဝင်အလှကိုအားပေးချီးကျူးကြပါတယ်။ ဇာတ်လမ်းကိုမကြိုက်ဘူးဆိုရင်တောင် ခမ်းခမ်းနားနားလှတဲ့ ခေါင်းဆောင်မင်းသမီးရဲ့လွတ်လပ်ပွင့်လင်းတဲ့ဇာတ်ဝင်ခန်းတွေကြောင့်အချိန်ပေးရကျိုးနပ်စေမှာအသေအချာပါပဲ။ အဲ့ဒီနှစ် ဗင်းနစ်အပြည်ပြည်ဆိုင်ရာရုပ်ရှင်ပွဲတော်မှာရွှေခြင်္သေ့ဆုရရှိထားပါတယ်။ရှုစားကြပါ။ (Dark Side Production မှ တင်ဆက်သည်။)

Crazy in Love (Aka) Folle Damour (2024) ပြင်သစ် Erotic Drama ရုပ်ရှင်ကားတွေရဲ့ ထုံးစံအတိုင်း အပြခပ်ကြမ်းကြမ်းတွေနဲ့ ခံစားရမယ့်ဇာတ်ကားပါ။ ဇာတ်လမ်းကတော့… ဖလီဆီယာဆိုတာ သုတ်ပိုးဘဏ်တစ်ခုက သူနာပြုမ ချောချောလေးတစ်ယောက်။ တစ်ရက်ကျ သုတ်ပိုးလာလှူတဲ့ ဒီမီထရီဆိုတဲ့ ဘဲကြီးနဲ့ တွေ့ခဲ့ပြီး အချစ်ဆိုတာကို စတင် မြည်းစမ်းသွားမိတာပေါ့။ ဒါပေမဲ့ ဒီမီထရီဆိုတာက ခရီးမသွားရမနေနိုင် စစ်သတင်းထောက်တစ်ယောက် ဖြစ်နေပါတယ်။ ဒီတော့ အတူတူနေရတယ်ဆိုတာ မရှိပဲ စစ်ဖြစ်နေတဲ့နိုင်ငံ သွားလိုက် သတင်းယူလိုက် ပြန်လာလိုက် တွေ့လိုက်ဆိုတော့ နည်းနည်း လိုချင်တပ်မက်မှုများတဲ့ ဖလီဆီယာအတွက် ဘယ်လိုတွေ ဆက်ဖြစ်လာမလဲဆိုတာကို Narrative စတိုင်နဲ့ ရိုက်ကူးထားတဲ့ ပြင်သစ် Erotic Drama ကား ဖြစ်ပါတယ်။ (Dark Side Production မှ တင်ဆက်သည်။)

In Between Seasons (2018) ************************* BL ကားတွေကို ကြိုက်နှစ်သက်ကြတဲ့ ပရိသတ်ကြီးအတွက် မိခင်မေတ္တာနဲ့ သူငယ်ချင်းနှစ်ယောက်ကြားက သံယောဇဉ်အကြောင်းကို ရိုက်ကူးဖော်ပြထားတဲ့ In Between Seasons ဆိုတဲ့ ဇာတ်ကားလေးကို တင်ဆက်ပေးချင်ပါတယ် .. အိမ်ရှင်မတစ်ဦးဖြစ်တဲ့မီဂယောင်းဟာ ခင်ပွန်းဖြစ်သူနဲ့ အနေဝေးပြီးတော့ တစ်ဦးတည်း‌သောသားလေး ဆူဟျွန်းကို တစ်ယောက်တည်း ပြုစုပျိုးထောင်ခဲ့ပါတယ်။ တစ်ရက်မှာတော့ ဆူဟျွန်းက အတန်းဖော်သူငယ်ချင်းဖြစ်တဲ့ ယောင်းဂျွန်းကိုသူနဲ့အတူ နေဖို့အတွက် အိမ်ကို ခေါ်လာခဲ့ပါတော့တယ်။ နှစ်အတော်ကြာအတူတူနေခဲ့ပြီးတော့ စစ်မှုထမ်းဖို့အတွက် ယောင်းဂျွန်းက အရင် သွားခဲ့ပြီး ဆူဟျွန်းက နောက်မှ ဝင်ခဲ့ပါတယ်။ ဒီလိုနဲ့ ဆူဟျွန်း စစ်မှုထမ်းပြီးတဲ့နောက် သူတို့နှစ်ယောက်က အတူတူခရီးထွက်ရာကနေ ကားမတော်တဆမှုဖြစ်ခဲ့ပြီး ဆူဟျွန်းက ကိုမာဖြစ်သွားတာကြောင့် မိခင်ဖြစ်သူကတော့ သူ့သား ဒီလိုဖြစ်သွားအတွက် ယောင်းဂျွန်းကို အပြစ်တင်ခဲ့ပါတယ်။ ဒီတော့ မီဂယောင်းက သူ့ကို ခွင့်လွှတ်ဖို့အတွက် ယောင်းဂျွန်းအနေနဲ့ ဘယ်လိုတွေ ကြိုးစားမလဲ။ ဆူဟျွန်းနဲ့ ယောင်းဂျွန်းရဲ့ဆက်ဆံရေးကို မီဂယောင်းက ဘယ်လိုတုံ့ပြန်မလဲဆိုတာ ကြည့်ရှုလိုက်ပါဦးနော် .. (ဇာတ်လမ်းအညွှန်းကို Estel မှရေးသားထားပါတယ်) File size…791MB / 356MB Quality… WEB-DL 1080p/ 720p Format…mp4 Duration…. 1 hr. 42 min. Genre ….. Romance, Drama Subtitle….Myanmar Subtitle (Hard Sub) Translated by Estel Encoded by AHtet

Back to the Societyဆိုတဲ့ဇာတ်ကားကတော့Jordan Chanအဓိကပါဝင်သရုပ်ဆောင်ထားတဲ့ actionဇာတ်ကားကောင်းလေးတစ်ပုဒ်ဖြစ်ပါတယ်ဇာတ်လမ်းရဲ့အစမှာတော့ ကျန်းရှန်းဟောင်ဆိုတဲ့ တစ်ချိန်ကလူဆိုးဂိုဏ်းရဲ့ခေါင်းဆောင်ကတရားမဝင် ဥပဒေချိူးဖောက်တဲ့ပြစ်မှုတွေကိုကျူးလွန်လို့ ရဲအရာရှိတွေကလာဖမ်းပြီးထောင်ဒဏ်ချမှတ်ခြင်းခံလိုက်ရပါတယ်အဲ့ချိန်မှာပဲ သူ့ရဲ့ဇနီးဖြစ်သူ ကိုယ်ဝန်သည်မိန်းမကစိတ်လှုပ်ရှားမှုကြောင့် ကလေးကိုရက်စောမွေးပြီး ကလေးမွေးဖွားရခက်တဲ့ပြဿနာနဲ့ကြုံတွေကာမိခင်အသက်ဆုံးရှုံးလိုက်ရပါတယ် သမီးလေးမွေးဖွားပြီးနောက် ထိန်းပေးမဲ့လူမရှိလို့ငယ်ငယ်ထဲက မိဘမဲ့ကျောင်းမှာပဲနေခဲ့ရမှ ထောင်ထွက်ကျန်းရှန်းဟောကလည်း သမီးကိုချစ်တဲ့စိတ်နဲ့ သူတစ်ယောက်ထဲ လုပ်ကိုင်ကျွေးမွေးပြီး အရင်တုန်းကလိူရှုပ်ထွေးတဲ့ လောကကြီးထဲကို ပြန်မဝင်တော့ကြောင်း သစ္စာပြုခဲ့ပါတယ် ဒီလိုအေးအေးချမ်းချမ်းနဲ့ နှစ်တွေအများကြီးနေထိုင်လာရာကနေ တစ်ရက်မှာ ကျန်းရှန်းဟော မထင်မှတ်ပဲလူတစ်ယောက်ကိုသတ်မိရာမှပြဿနာကစတင်ဖြစ်ပွားခဲ့တာပါ ထိုပြဿနာကြောင့်လည်း သူ့သမီးဖမ်းခံရပြီးလူကုန်ကူးခံလိုက်ရပါတယ်နောက်ဆုံးမှာ သူ့သမီးကိုဖမ်းတဲ့လူက ဘယ်သူဖြစ်မလဲသူ့သမီးကိုရော အသက်ရှင်လျက်ပြန်ကယ်နိုင်မလားဆိုတာနောက်ဆုံးထိကြည့်ရှုပေးပါဦး

Nightbitch (2024) IMDb Rating (5.7) / Rotten Tomatoes (59%) Man of Steel (2013)မှာ လူးဝစ်လိန်းအဖြစ်တမျိုး Enchanted(2007)မှာ ဂျစ်ဆဲလ်အဖြစ်တဖုံ သရုပ်ဆောင်ခဲ့တဲ့ မင်းသမီး Amy Adamsရဲ့ ဇာတ်ကားသစ်ကို တင်ဆက်ပေးလိုက်ပါတယ်။ black comedyလည်းဖြစ် horrorလည်းဟုတ်တဲ့ ဒီရုပ်ရှင်မှာတော့ မင်းသမီး Amy Adamsက စိတ်ပျက်လက်ပျက်ဖြစ်နေတဲ့ သက်လတ်ပိုင်း ကလေးအမေတစ်ယောက်အဖြစ် သရုပ်ဆောင်ထားပါတယ်။ နှစ်နှစ်အရွယ်သားလေးကို အိမ်မှာပဲနေပြီး အချိန်ပြည့်ပြုစုပေးဖို့ ပန်းချီဆရာမအလုပ်ကိုယ်စွန့်လွှတ်လိုက်ဖို့ ကိုယ့်စိတ်နဲ့ကိုယ် ဆုံးဖြတ်ခဲ့တဲ့ မိခင်တစ်ယောက်။ ခင်ပွန်းဖြစ်သူနဲ့တိုင်ပင်ကြည့်တဲ့အခါ ပြုံးပြီး မင်းသဘောပြောခဲ့တော့ အိမ်မှာပဲနေဖို့ ဆုံးဖြတ်လိုက်တယ်။ ဒါပေမဲ့ အိမ်မှာပဲနေရင်း သားဖြစ်သူနဲ့လင်ဖြစ်သူကို စောင့်ရှောက်ရင်းနဲ့ ပင်ပန်းဆင်းရဲမှုတွေ နောင်တတွေ မခံချင်စိတ်တွေ ကြုံတွေ့ခံစားလာရတဲ့အခါမှာတော့ ထင်ယောင်မှားမှုတွေလား၊ အစစ်အမှန်လား မသဲကွဲတော့ဘဲ ရှင်သန်ရာပတ်ဝန်းကျင်မှာ ကမောက်ကမတွေဖြစ်လာခဲ့ပါတော့တယ်။ မိခင်ဘ၀ကို ရှုထောင့်တစ်ခုကနေ သေချာလေးတင်ဆက်ထားပြီး သင်ခန်းစာယူနိုင်စရာမို့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ Pyae Phyo ဖြစ်ပါတယ်။) File size…(3.9 GB) / (1.3 GB) / (760 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Comedy, Horror Duration….01:40:01 Subtitle….Myanmar Subtitle (Hardsub) Encoder….Benjamin Translated by Pyae Phyo

Resurrecting the Champ (2007) IMDb – 6.7 ကျွန်တော်တိုတွေရဲ့ဘဝမှာ သိပ်ချစ်လွန်းလို ဒီကမ္ဘာပေါ်မှာ လိမ်မပြောဖူးတဲ့သူရှိပါ့မလား.. ကျွန်တော်ကတော့ လိမ်ပြောဖူးပါတယ်။ လိမ်မပြောဖူးတဲ့သူရှိတယ်ဆိုရင်လည်း ခင်ဗျားဟာ အလိမ်အညာတွေပြည့်နေတဲ့ ဒီလောကကြီးထဲမှာ တကယ့်ကိုစံနမူနာယူထိုက်တဲ့ လူကောင်းတစ်ယောက်လို ချီးကျူးချင်ပါတယ်။ ဇာတ်လမ်းအကျဉ်းကတော့ အဲရစ်ဆိုတဲ့ဂျာနယ်လစ်တစ်ယောက်က သူ့ရဲ့သတင်းစာတိုက်မှာ တော်တော်လေးရုန်းကန်နေရပါတယ်။ အယ်ဒီတာအသစ်က သူ့ဇာတ်လမ်းတွေကို သဘောမကျဖြစ်နေတယ်။ သူ့မိန်းမနဲ့လည်း ကွဲထားတယ်။ သူသိပ်ချစ်ရတဲ့ သူ့သားလေးနဲ့လည်း အတူမနေရတော့ဘူး။ အဲ့ဒီအချိန်မှာပဲ အရင်ကလက်ဝှေ့ချန်ပီယံဟောင်းကြီးဆိုတဲ့ အိမ်ချေရာမဲ့တစ်ယောက်နဲ့အမှတ်မထင်တွေ့ဆုံမိသွားပါတယ်။ အဲရစ်က ချန်ပီယံကြီးနဲ့ရင်းနှီးသွားတဲ့အခါမှာတောင် ချန်ပီယံကြီးအကြောင်းဇာတ်လမ်းရေးရင်တောင် ကျိန်းသေပေါက်အောင်မြင်နိုင်မယ်လို ယုံကြည်ထားတယ်။ ဒီလိုနဲ့ ချန်ပီယံကြီးအကြောင်းဇာတ်လမ်းကိုရေးလိုက်တဲ့အခါမှာတော့ သူတွက်ထားတဲ့အတိုင်းပဲ နာမည်ကြီးသွားခဲ့ပါတယ်။ ပူလစ်ဇာဆုအတွက် ဆန်ကာတင်စာရင်းထဲတောင်ဝင်သွားခဲ့တယ်။ ဒါပေမယ့်… သူရေးခဲ့တဲ့ဇာတ်လမ်းထဲက မှားနေတယ်ဆိုပြီး လူတစ်ယောက်က ဖုန်းဆက်ပြောလာတဲ့အခါမှတော့ အဲရစ်ထင်ထားတာနဲ့ ဆန့်ကျင်ဘက်တွေဖြစ်လာပါတော့တယ်။ ဒီဇာတ်လမ်းကြည့်ပြီးသွားရင် ကျွန်တော်တိုကိုယ့်ကိုကိုယ် မေးခွန်းတစ်ချိုထုတ်မိကောင်းထုတ်မိကြပါလိမ့်မယ်။ ကျွန်တော်တိုက အမှန်တရားကိုတကယ်ရောသိချင်ကြရဲ့လား။ အမှန်တရားရဲ့ ခါးသီးခြင်းကိုတကယ်ရော လက်ခံနိုင်ကြရဲ့လား။ နောက်ပြီး ချစ်ခြင်းမေတ္တာနဲ့ မုသားစကားတိုကြားမှာ သိမ်မွေ့နက်နဲတဲ့ ဆက်နွယ်မှုတစ်ခုများရှိနေတာလား။ စသည်ဖြင့်ပေါ့..။ သေချာတာတစ်ခုကတော့ ကျွန်တော်တိုရဲ့ စကားတွေက မှန်သည်ဖြစ်စေ မှားသည်ဖြစ်စေ ဒီစကားတွေကို လူများတွေကြားသွားခဲ့ပြီဆိုရင်တော့ ကိုယ့်စကားတွေရဲ့ အကျိုးဆက်ကို ကိုယ်သာလျှင်ရင်ဆိုင်ရမှာပါပဲ။ File Size – 1.72 GB/ 737 MB Quality – BluRay 1080p/ 720p Duration – 1h 52m Format – mp4 Genre – Drama, Sport Subtitle – Myanmar Subtitle (Hard Sub) Translated by – Pyae Hein Kyaw Encoded by – Treasure Htet