90 ခုနှစ်အလွမ်းပြေ မင်းသားကြီး Robin Williams ရဲ့ ဇာတ်ကားကောင်းလေး တစ်ပုဒ်နဲ့ မိတ်ဆက်ပေးချင်ပါတယ်. ငယ်ဘဝရဲ့ နတ်သမီးပုံပြင်များထဲက တ စ်ခုဖြစ်တဲ့ ပီတာပန် နဲ့ နတ်သမီးလေး တင်ကာဘဲလ် တို့ ဇာတ်လမ်းလေးကို အားလုံးသိကြမှာပါ. ဒီဇာတ်ကားဟာလည်း ပီတာပန် ပုံပြင်ရဲ့ ဗီလိန် Captain Hook ကို အမှတ်သညာပြုပြီး အမည်ပေးထားတာ ဖြစ်ပါတယ်. ဒီဇာတ်လမ်းမှာတော့ ပီတာပန်ဟာ ကြီးပြင်းလာခဲ့ပြီး ပီတာဘန်းနင်း အဖြစ်နဲ့ အိမ်ထောင်ကျ၊ သားသမီးတွေ ရလာခဲ့တဲ့ နေရာကနေ အစပြုခဲ့ပါတယ်. သူ့ရဲ့ပီတာပန်ဘဝဟောင်း နဲ့ နဲဗားလန်းကို မေ့လျော့နေခဲ့ပေမယ့် အတိတ်ကတော့ သူ့ကို သတိရဖို့ မပျက်ကွက်ခဲ့ပါဘူး. အလုပ်ကိုဦးစားပေးလွန်းသူ ဖခင်တစ်ယောက်အနေနဲ့ သားသမီးနဲ့ဇနီးမယားအပေါ် ပျက်ကွက်မှုတွေ ရှိလာခဲ့ချိန်မှာ တစ်ဖက်ကလည်း ကိုယ်တိုင်မေ့လျော့နေခဲ့တဲ့ အတိတ်ဘဝကို မမျှော်လင့်ဘဲ ပြန်လည်ရင်ဆိုင်ရချိန်မှာတော့ ပျောက်ဆုံးနေတဲ့ ဘဝဟောင်းကို ပြန်ရှာတွေ့နိုင်မလား သားသမီးအတွက်ဆို ရေမြေဆုံးထိ လိုက်မယ့် မိဘမေတ္တာကို ဘယ်လို သက်သေပြနိုင်မလဲ စိတ်လှုပ်ရှားဖွယ် စွန့်စားခန်းတွေကြား. မိသားစု နဲ့ ချစ်ခြင်းမေတ္တာအကြောင်းကို ဖော်ကြူးထားတဲ့ဇာတ်လမ်းလေးဖြစ်လို့ CM ကနေ ပရိသတ်များ ရှုစားနိုင်ဖို့ တင်ဆက်ပေးလိုက်ပါတယ်. File size…   3 GB /  1.5 GB Quality… Blu-Ray 1080p / 720p Format… mp4 Duration…. 2h 22 m Genre .....  Adventure , Comedy Subtitle…. Myanmar Subtitle (Hard Sub) Encoder…. Thit San Khant Translated by Sai Sumali

မိသားစုတစ်ခုမှာ ကလေးရှိတာက ရတနာလေးတစ်ခုပဲလို့ ဆိုတတ်ကြတယ်။ တချို့အတွက်ကျလည်း ရတာ,နာ လေးတဲ့။ ဒီဇာတ်ကားထဲက အေမီကတော့ တစ်ဦးတည်းသောသမီးဆို တော့ ကလေးတွေအများကြီးနဲ့ သာယာတဲ့ မိသားစုတစ်ခုကို မျှော်လင့်နေတဲ့သူပေါ့။ ဒီတော့ သူအိမ်ထောင်ကျပြီးတဲ့အခါမှာ သူ့ရဲ့အိပ်မက်ဖြစ်တဲ့ သားသမီးတွေယူဖို့ အမျိုးသားဖြစ်သူ ဗစ် နဲ့ အားကြိုးမာန်တက် ကြိုးစားပါတော့တယ်။ ဗစ် ကတော့ ကလေးရရာလမ်းကြောင်း ကို ဝင်ခလုတ် ထွက်ခလုတ်ဆက်တိုက်လျှောက်လှမ်းနေရတော့ ရှယ်အကြိုက်တွေ့တာပေါ့။ ဒါပေမဲ့ သနားစရာကောင်းတာက ဗစ်ခမျာ လချီကြိုးစားပေမဲ့ ရင်သွေးလေးက ရမလာခဲ့ဘူး။ ဒီတော့ ကလေးရူးရူးနေတဲ့ အေမီ အတွက် နောက်ဆုံးလက်နက်ဖြစ်တဲ့ ဖန်ပြွန်သန္ဓေသားလေးလွယ် နိုင်ဖို့ ကြိုးစားကြပါတော့တယ်။ မိသားစုဆိုတဲ့ အဓိပ္ပာယ်ကို ဆေး ပညာရှု့ထောင့်ကနေရော ဟာသအမြင်လေးနဲ့ပါ တွဲဖက်ရိုက်ကူး ပြထားတာမို့ ဇာတ်လမ်းအစအဆုံး ပျင်းမနေရဘဲ စိတ်ပျော်ပျော် ရွှင်ရွှင်နဲ့ ကြည့်လို့ရနိုင်မဲ့ ဇာတ်လမ်းမျိုးလေး ဖြစ်ပါတယ်။ (ဒီဇာတ်လမ်းရဲ့အညွှန်းကို May Thet Khine Soe မှရေးသားပေး ပြီး၊ ဘာသာပြန်ရေးသားပေးသူများကတော့ May Thet Khine Soe, Ngwe Zin တို့ဖြစ်ပါတယ်) File Size..........(1.3 GB) / (534 MB) / (304 MB) Quality............WEB-DL 1080p / 720p Duration.........1Hr 44Mins Subtitle...........Myanmar Hardsub Format............MP4 Genre..............Comedy, Drama Translator.......May Thet Khine Soe, Ngwe Zin Encoder..........SWM

ဗြိတိန်ဇာတ်ကားလေးတစ်ခုကို ပြန်လည်အသက်သွင်းချင်ပါတယ်။ ငွေကြေးအရရော၊ အနုပညာအရပါ အကြီးအကျယ် အမြတ်ရခဲ့တဲ့ လက်ရာကောင်းတစ်ခုပါ။ ရုပ်ရှင်ချစ်ပရိသတ်တိုင်း ကြည့်ဖူးပြီးသားမလို့ အညွှန်းကို မိတ်ဆက်အနေနဲ့ မရေးတော့ဘဲ ထဲထဲဝင်ဝင်ရေးချင်ပါတယ်။ မကြည့်ရသေးသူများကတော့ ဇာတ်လမ်းကို အရင်ကြည့်ဖို့ တိုက်တွန်းပါတယ်ခင်ဗျာ။ ဇာတ်လမ်းအကျဉ်းက တစ်ကြောင်းနှစ်ကြောင်းလောက်ပဲရှိပါတယ်။ ဆင်းဆင်းရဲရဲကြီးပြင်းလာတဲ့ လူငယ်လေးတစ်ယောက်ဟာ ငယ်ငယ်ကဆုံခဲ့ပြီး သံယောစဉ်ဖြစ်ရတဲ့ မိန်းကလေးကို အစဉ်တစိုက်လိုက်ရှာရင်း မိန်းကလေးနဲ့ဆုံမယ့်အခွင့်အရေးရနိုင်မလားတွေးပြီး မိန်းကလေးကြိုက်နှစ်သက်တဲ့ တီဗီအစီအစဉ်မှာဝင်ပြိုင်ခဲ့တာပါ။ မေးခွန်းတိုင်းဟာ သူတွေ့ကြုံခဲ့ရတဲ့ အတွေ့အကြုံတွေဖြစ်လို့ ကောင်းမွန်စွာ ဖြေနိုင်တယ်ဆိုတဲ့အကြောင်းပေါ့။ သူလိုလူက ဖြေနိုင်နေလို့ မသမာလုပ်တယ် မသင်္ကာဖြစ်ခံရပြီး နောက်ဆုံးမေးခွန်းမရောက်ခင်မှာ ရဲစခန်းကိုဖမ်းခေါ်ပြီး စစ်မေးခံရတဲ့ ဇာတ်ကွက်နဲ့ ဇာတ်လမ်းကိုစပါတယ်။ အိန္ဒိယမြေက ဇာတ်လမ်းလေးတစ်ပုဒ်ကို အသက်သွင်းထားတာဖြစ်ပြီး အိန္ဒိယသရုပ်ဆောင်များနဲ့ပဲ ရိုက်ကူးခဲ့တာမလို့ ဘောလိဝုဒ်နဲ့ မှားတတ်ကြပါတယ်။ ဗြိတိန်ဇာတ်ကားဖြစ်ပြီး စကားပြောများကို British Accent သံနဲ့ပဲ နားထောင်ရမှာပါ။ again ကို အဂိန်း (အနီးစပ်ဆုံး) လို့ကြားရပါလိမ့်မယ်။ အိန္ဒိယစာရေးဆရာရဲ့ ဝတ္ထုကိုပဲ ပြန်လည်ရိုက်ကူးထားတာပါ။ ၁၅ သန်း ကုန်ကျခဲ့တဲ့ ဒီဇာတ်ကားက Box Office မှာ ၃၇၈.၁ သန်းပြန်ရခဲ့တာပါ။ အကယ်ဒမီဆယ်ဆုစာ လျာထားခံရပြီး ရှစ်ခုရရှိခဲ့ပါတယ်။ ဘက်ဖ်တာ ဆု ခုနှစ်ခု၊ ဝေဖန်ရေးဆု ငါးခုနဲ့ ရွှေကမ္ဘာလုံးဆု လေးခု သိမ်းပိုက်နိုင်ခဲ့ပါတယ်။ ထူးခြားတာကတော့ ဒီဇာတ်ကားကို sleeper hit အဖြစ် သတ်မှတ်ခဲ့တာပါပဲ။ စစချင်းမအောင်မြင်ဘဲ တဖြည်းဖြည်းနဲ့ အောင်မြင်မှုထိပ်ဆုံးရောက်လာတဲ့ဇာတ်ကားများကို ဆိုလိုပါတယ်။ IMDb 8 နဲ့ Rotten Tomato 90% ‌ရှိတဲ့ ဟောဒီဇာတ်ကားက Who wants to be a millionaire (မေးခွန်းဖြေစို့ သန်းကြွယ်ဖို့) အစီအစဉ်မှာ ဝင်ရောက်ယှဉ်ပြိုင်ပြီး အိန္ဒိယသုံးငွေကြေး ရူပီးသန်းနဲ့ချီပြီး အနိုင်ရရှိခဲ့သူတစ်ယောက်အကြောင်းပါပဲ။ ဒါပေမဲ့ သူဟာ အသက် ၁၈ နှစ်သာရှိပြီး ပညာတတ်ပုဂ္ဂိုလ်တစ်ယောက် မဟုတ်ပါဘူး။ ဆင်းရဲသားရပ်ကွက်တစ်ခုမှာ ဆင်းဆင်းရဲရဲ ကြီးပြင်းလာရပြီး ဘဝရဲ့အထုအထောင်းကို အရွယ်နဲ့မလိုက် ခါးစည်းခံရသူပါ။ သူဟာ ဘာ့ကြောင့် ဒီပြိုင်ပွဲကို အခြားပညာတတ်တွေထက် ကျော်လွန်ပြီး ရှေ့ဆက်နိုင်ခဲ့တာလဲ။ စာရေးဆရာကတော့ It is written (သတ်မှတ်ပြီးသားကံကြမ္မာကြောင့်) လို့ ပြောသွားခဲ့ပါတယ်။ အရေးကြီးမေးခွန်းတိုင်းဟာ သူ့ဘဝရဲ့ ခါးသီးတဲ့အတွေ့အကြုံတွေ မျက်ရည်တွေ သွေးစက်တွေကိုရင်းပြီး သိခဲ့ရတဲ့အဖြေတွေဖြစ်လို့ အောင်မြင်မှုရခဲ့တာပါ။ အဓိကသရုပ်ဆောင်တွေကို အသက်အရွယ်သုံးပိုင်းခွဲပြီး သုံးယောက်စီအသုံးပြုပါတယ်။ ကျွန်တော်သဘောအကျဆုံးကတော့ ပထမဆုံးအရွယ် ကလေးငယ်သရုပ်ဆောင်တွေပါပဲ။ အပီပြင်ဆုံးလို့လည်း ခံစားရပါတယ်။ ညီအစ်ကိုနှစ်ယောက်ရဲ့ ဘဝခရီးကြမ်းဟာ အဲဒီအရွယ်မှာပဲ အခက်ခဲဆုံးကြုံတွေ့ခဲ့ရတာကို အတိအကျ လုပ်ပြသွားနိုင်တဲ့ ကလေးတွေပေါ့ဗျာ။ နောက်ဆုံးမေးခွန်းဖြစ်တဲ့ တတိယသေနတ်ကိုင်စစ်သားရဲ့အမည်ကို လူငယ်လေး သိသလား မသိဘူးလားဆိုတာကတော့ အဓိကဆွေးနွေးရမယ့်အကြောင်းလို့ထင်ပါတယ်။ စာသင်ခဲ့ရစဉ်အရွယ်က ပြဌာန်းစာအုပ်ဖြစ်လို့ သိမှာပေါ့လို့ဆိုနိုင်သလို ပညာတပိုင်းတစနဲ့ ကျောင်းထွက်ခဲ့ရသူတွေမလို့ မသိဘူးလည်းပြောနိုင်ပါတယ်။ ပွဲထဲမှာလည်း မသိဘူးလို့ပဲ ဖြေသွားတာပါ။ ဒါပေမဲ့ သူက သိနေတဲ့အဖြေကို မသိဘူးပြောတတ်သူမလို့ အဲဒီစကားကိုလည်း အတည်ယူလို့မရပြန်ပါဘူး။ ဘာသာရေးအဓိကရုဏ်းဖြစ်ပြီး ထွက်ပြေးလာရတဲ့ညမှာ အစ်ကိုဖြစ်သူရဲ့ပြောစကားကိုလည်း ထည့်စဉ်းစားရပါတယ်။ တို့တွေမှ တတိယသေနတ်ကိုင်စစ်သားရဲ့ အမည်ကို မသိဘဲ ဆိုတဲ့စကားက အဓိပ္ပာယ်နှစ်ခွထွက်ပြန်ပါတယ်။ သူတို့ညီအစ်ကိုနှစ်ယောက်ကို သူတို့ဆရာက သေနတ်ကိုင်စစ်သားနှစ်ယောက်ရဲ့အမည် ခေါ်လေ့ရှိတာမလို့ သူတို့ကိုယ်သူတို့လည်း အဲဒီလိုပဲ သက်မှတ်ထားကြပါတယ်။ မင်းသမီးဝင်လာတော့ သူ့ကို တတိယမြောက်သေနတ်ကိုင်စစ်သားအဖြစ် အဖွဲ့ထဲထည့်ချင်တဲ့ ဇာတ်ဝင်စကားကိုလည်း တွေ့မြင်ရပါတယ်။ ဒါ့ကြောင့် နာမည်မသိဘူးဆိုတာဟာ စာအုပ်ထဲက သေနတ်ကိုင်စစ်သားပဲလား။ တတိယမြောက်အဖွဲ့ဝင် မင်းသမီးရဲ့နာမည်ကိုပြောတာလားဆိုတာကိုတော့ ပရိသတ်အတွက်ပဲ ချန်သွားပေးတဲ့ပုံပါ။ အိန္ဒိယရဲ့ အောက်ခြေအနက်ရှိုင်းဆုံးက အကျည်းတန်အဖြစ်တွေကို ခရေစေ့တွင်းကျ ကွက်ကွက်ကွင်းကွင်းရိုက်ပြထားလို့ တကယ့် Drama မှ Drama ပါပဲ။ အိုဗာလုပ်ပြတတ်တဲ့ အိန္ဒိယသရုပ်ဆောင်တွေကို ဇွတ်အတင်း အနောက်ဆန်ပစ်လိုက်တော့ ပရိသတ်မှာ ဟိုဟာလိုသလို ဒီဟာလိုသလိုတွေလည်း ဖြစ်ကုန်တာပေါ့ဗျာ။ ဇာတ်ကား အဆုံးနီးလာချိန်မှ အသားကျပြီး နောက်တစ်ခေါက်ပြန်ကြည့်တဲ့အခါမှာ လုံးဝစီးမျောသွားပါတယ်။ ဇာတ်ဝင်သီချင်းကိုတော့ M.I.A ရဲ့Paper Plane ကို အသုံးပြုထားပါတယ်။ ဇာတ်လမ်းနဲ့ အနီးစပ်ဆုံးဖြစ်အောင် မြန်မာမှုပြုထားတာမလို့ စာသားနဲ့ အနည်းငယ်လွဲချော်တာလေးတွေ ရှိပါတယ်။ သည်းခံပြီး ကြည့်ပေးကြပါခင်ဗျာ။ အိန္ဒိယစကားပြောများကို အင်္ဂလိပ်ဘာသာပြန်စာတန်းအသေများကိုလည်း Trimming လုပ်ပြီး စာတန်းထိုးပေးထားပါတယ်။ မူရင်းစာဖိုင်မှာ မပါလို့ပါ။ ဘယ်လိုပဲဖြစ်ဖြစ် ကြည့်လို့အဆင်ပြေအောင် အချိန်ယူလုပ်ပေးထားပါတယ်။ အားနည်းချက်များရှိရင် ချစ်သောမျက်စိနဲ့ ကြည့်ပေးကြပါခင်ဗျာ။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှ ခံစားတင်ဆက်ထားပါတယ်။) File size…(4 GB)/(900 MB) Quality….BluRay 1080p/720p Format…mp4 Duration….02:00:38 Subtitle….Myanmar Subtitle (Hardsub) Encoder….Nyeinsaeya Aung Translated by Arr Khun Winchester

ထွက်မလာခင်ကတည်းက ဟိုးလေးတကျော်ကျော်နဲ့ ပရိသတ်တွေစောင့်နေတဲ့ Sci-Fi Action အမျိုးအစား Alienoid Part 1 ကတော့ ထွက်လာပါပြီ ကျွန်တော်ကတော့ စောင့်ရကျိုးနပ်တယ်လို့ပဲ ပြောချင်ပါတယ် သုံးထားတဲ့ CGI တွေ နောက်ခံစကားပြော သရုပ်ဆောင်တွေနဲ့ ဇာတ်ကောင်တွေနဲ့အလိုက် သရုပ်ဆောင်တွေကို သုံးထားတာတော့ အံဝင်ခွင်ကျပါပဲ မင်းသား Woo Bin ရဲ့ Comeback ရုပ်ရှင်ကတော့ K Industry မှာ တစ်ခေတ်ဆန်းသစ်ပြန်ပါပြီ ဇာတ်လမ်းအကျဉ်းကိုပြောရမယ်ဆိုရင်တော့ ဂိုလျောခေတ်ကို ဂြိုဟ်သားတွေ ရောက်လာတဲ့ကိစ္စပါပဲ တစ်ချိန်တည်းမှာပဲ လက်ရှိခေတ်မှာရော ဂြိုဟ်သားတွေ ကမ္ဘာမြေပေါ်ကိုရောက်လာပါလေရော အချိန်နှစ်ခုကို ယှဉ်ရိုက်ထားပြီး အဲဒီအချိန်နှစ်ခုကြားမှာ ဘယ်လို ပတ်သက်ဆက်နွယ်မှုတွေ ရှိသလဲဆိုတာကတော့ မြှုပ်ကွက်တစ်ခုပါပဲ အားလုံးပဲသိတဲ့အတိုင်း ပါဝင်ထားတဲ့သရုပ်ဆောင်တွေကလည်း သူ့ထက်ငါ တပြားမှမလျော့ကြတဲ့သူတွေပါပဲ - Reply 1988 ထဲက Ryu JunYeol - Our Blues ထဲက Kim Woo Bin - 25-21 ထဲက သည်းသည်းတုန်လေး Kim Tae Ri နဲ့ - ဘတ်ချောအွန်းလို့ မြန်မာမှာ လူသိများတဲ့ မင်းသားကြီး So Ji Sub တို့ပါဝင်ထားလို့ အာရုံအစိုက်ခံရဆုံးဇာတ်လမ်းပါပဲ အညွှန်း ကိုတော့ Joyz က ရေးထားပေးပြီးတော့ ဘာသာပြန်ထားတာကတော့ Hmwe and Joyz ပဲ ဖြစ်ပါတယ်။ Genre..... Action, Comedy, Sci-fi Quality…. 1080p | 720p | 480p File size…2.5GB | 1.3GB | 518MB Format… mp4 Duration…. 2h 22min Subtitle…. Myanmar Subtitle (Hardsub) Translator ..... Hmwe and Joyz Encoder ..... August

ရှယ်ကြမ်း အက်ရှင်ကြိုက်သူများအတွက်ပါ။ ဒါဝိ၊ ဇီကာ နဲ့ အာရှုတို့က ချာတိတ်ဘဝတုန်းက ဖျူရီအိုဇာဆိုတဲ့ လူမိုက်ဂိုဏ်းအဖွဲ့ဝင်တွေပေါ့။ အတိတ်ဆိုးတွေကနေ ရုန်းထွက်ရင်း ဆယ်နှစ်အကြာမှာ ဒါဝိက ဆရာဝန်ဖြစ်လာပြီး ဇီကာက ရဲဖြစ်လာခဲ့ပါတယ်။ ဂိုဏ်းထဲမှာပဲ လူမိုက်ကြီးအဖြစ် ကျန်ရစ်ခဲ့တဲ့သူကတော့ ဒါဝိရဲ့အစ်ကို အာရှုပါပဲ။ ဇိကာတို့ ရဲတပ်ဖွဲ့က အန့်မန်းဆိုတဲ့ မူးယစ်ရာဇာကို ဖမ်းချင်နေကြတာပါ။ အန့်မန်းက ဖျူရီအိုဇာဂိုဏ်းနဲ့ ဆက်စပ်မှုရှိနေတာကြောင့် အာရှူကိုဖမ်းမယ်လို့ အကျပ်ကိုင်ပြီး ဒါဝိကို သူလျှိုအဖြစ် ဂိုဏ်းထဲ ပြန်ဝင်ပေးဖို့ အတင်းအကျပ်တောင်းဆိုခဲ့ပါတယ်။ ဒါဝိတစ်ယောက် သူ့ဂိုဏ်းဟောင်းထဲ ပြန်ရောက်သွားရာက ဘယ်လို ရှုပ်ထွေးပွေလီတဲ့ ကိစ္စတွေနဲ့ ကြုံရမလဲဆိုတာ ကိုယ်တိုင်ပဲ ကြည့်ရှုလိုက်ကြပါဦး။ (ဇာတ်လမ်းအညွှန်းနဲ့ ဘာသာပြန်ကတော့ May Myat Thu ပါ။) File Size          : 2.7GB,  1.1GB & 539MB Quality            : 1080p WEB-DL AC3 5.1CH, 720p WEB-DL & 480p Format            : mp4 Duration         : 2hr & 19mins Genre              : Action, Crime, Drama Translated by  May Myat Thu Encoded by Kinnov

ဒီတစ်ခေါက် Channel Myanmar မှာတင်ဆက်ပေးမယ့် Movie ကတော့ Tiger Mask ဆိုတဲ့ New Hero Adventure ကားလေးပဲဖြစ်ပါတယ် ယူဂုံဖြောင်း ဆိုတဲ့ ဘဝမှာနေရတာကို ငြီးငွေ့နေတဲ့ သူ က ငယ်ငယ်က ကျားမျက်နှာဖုံး လိုမျိုးဖြစ်ချင်ခဲ့ပြီး ကျားမျက်နှာဖုံးပိုင်ရှင်ရဲ့ မျက်နှာအစစ်ကို သိတဲ့ တစ်ယောက်တည်း‌သောသူပါ တစ်နေ့မှာ သူ့အမေဆုံးသွားပြီး နောက်ရက်အနည်းငယ်ကြတော့ သူ့ကို အားပေးပြီး ပညာတွေသင်ပေးတဲ့ ဂျီယာ့ဆာ က အဘိုး ဆုံးသွားပါတယ် အဲ့ အဘိုးမှာ ဘိုမီ ဆိုတဲ့မြေးတစ်ယောက်ရှိပါတယ် ဂုံဖြောင်းကို အဘိုး ပေးဖို့ထားခဲ့တဲ့ သေတ္တာလေးကို တစ်ယောက်တည်းဖွင့်ကြည့်ဖို့ အဘိုးရဲ့ မြေး‌မလေးကို မှာခဲ့ပါတယ် ဂုံဖြောင်း ဖွင့်ကြည့်လိုက်ပြီး ကျားမျက်နှာဖုံး ကို တွေ့သွားတော့..... ဂျီယာ့ဆာကို လိုချင်နေကြတဲ့ ဂျပန်လူမျိုးတွေ လုတာကို မပါသွားအောင် ထိန်းလိုက်နိုင်လား? ဟီးရိုးမင်းသားကြီးရော နိုင်သွားပါ့မလား ... အက်ရှင်ဆန်ဆန် ဟာသလေး‌နှောပြီး အခွီအကြမ်းလေး ကြည့်ချင်ရင် ဒီကားကို ကြည့်ဖြစ်အောင်သာ ကြည့်လိုက်ပါ အညွှန်း နဲ့ ဘာသာပြန်ကတော့ Htet Eaindray Khin ဖြစ်ပါတယ်။ Genre.....Action, Adventure, Comedy Quality….WEB-DL 1080p and 720p and 360p File size…1.3GB and 808MB 259MB Format…mp4 Duration….1h 37min Subtitle….Myanmar Subtitle (Hardsub) Translator ..... Htet Eaiindray Khin Encoder ..... August

နေရာအနှံ့ ခရီးလျှောက်သွားနေတဲ့ တာအိုဆရာ ဦးလေးကျိုနဲ့ တပည့်ဖြစ်သူ ချန်ကန်းနဲ့ ချိုးရွှေတို့ဟာ ဟွမ်မြောင်ရွာကို ရောက်သွားရာမှ သတို့သမီးဖုတ်ကောင်နဲ့ ကြုံတွေ့ခဲ့ရပါတယ် အဲဒီနောက်မှာတော့ သတို့သမီးဖုတ်ကောင်ဟာ ဟွမ်အိမ်တော်က သခင်မမှန်းသိလိုက်ရတဲ့အခါမှာ ဟွမ်သခင်ကြီးရဲ့ ဖိတ်ခေါ်မှုကြောင့် ဟွမ်အိမ်တော်ကို ဖုတ်ကောင်ကိစ္စဖြေရှင်းဖို့ ရောက်သွားခဲ့ကြပါတယ် ဒီလိုနဲ့ ဖုတ်ကောင်ကိစ္စအပြင် ရွာထဲမှာ အဆိပ်ပိုးကောင်ကိစ္စတွေပါ ပါဝင်လာတဲ့အခါမှာတော့ ဖုတ်ကောင်ကိစ္စဟာ မရိုးရှင်းတော့ဘဲ ဦးလေးကျိုနဲ့သူတပည့်တွေအတွက် ခေါင်းစားစရာ ဖြစ်လာပါတော့တယ် တဖြည်းဖြည်းနဲ့ သေတဲ့သူကသေ ရူးတဲ့သူကရူး ဖြစ်လာတဲ့အခါမှာ ဦးလေးကျိုတို့ ဆရာတပည့်တွေ ဒီကိစ္စကို ဘယ်လိုဖြေရှင်းမလဲဆိုတာ ဒီဇာတ်လမ်းလေးမှာ အားပေးကြပါဦး

ဟာသရုပ်ရှင်တွေကို ကြိုက်တဲ့ ပရိသတ်တွေအတွက် နာမည်ကြီး လူရွှင်တော် တွေနဲ့ ရိုက်ကူးထားတဲ့ ဟာသကားလေးကို ဘာသာပြန်တင်ဆက်ပေးလိုက်ပါတယ်။ ဇာတ်လမ်းအကျဉ်းလေးကတော့- နှစ် ၃၀ ကျော် ငါးရောင်းခဲ့သူ ဦးလေးယာ၊ ငါးပြတိုက်ကြီးတစ်ခုမှ လင်းပိုင်လေ့ကျင့်သူ အားလဲ့နှင့် ငါးပြတိုက်လုံခြုံရေး တုကျစ်ကော်တို့ဟာအလုပ်ကြောင့် ခင်မင်သွားကြပါတယ်။ သူတို့ဟာ ဘဝကို ကြိုးစားဖြတ်သန်းနေပေမဲ့လဲ အချစ်ရေးတော့ကံမကောင်းကြပါဘူး တစ်နေ့မှာ သူတို့ ၃ ယောက် စုပြီး စိတ်ညစ်ညစ်နဲ့ အရက်သောက်ကြပါတယ်။ မူးနေကြပြီး ဘာမှ မသိတော့တဲ့ အချိန်မှ ာ ကားတစ်စီးက ငါးပြတိုက်ကို ရောက်လာခဲ့ပါတယ်။ မူးနေတဲ့ ဦးလေးယာဟာ ပစ္စည်းစာရင်းပေါ်မှာ လက်မှတ်ထိုးခဲ့ပါတယ်။ နောက်တစ်နေ့မနက်မှာတော့ ငါးပြတိုက်ထဲက နာမည်ကြီးလင်းပိုင်ပေါင်ပေါင်ကို သူတို့ ၃ ယောက် နိုင်ငံခြားသို့ရောင်းလိုက်ကြောင်း သိလိုက်ရပါတယ်။ ဒီကိစ္စကြောင့် သူတို့ ၃ ယောက်ဟာ လင်းပိုင်ကို ခိုးရောင်းခဲ့တဲ့ တရားခံတွေ ဖြစ်သွားပါတော့တယ်။ သူတို့ ၃ ယောက် လင်းပိုင်ကို ပြန်ရှာတဲ့ လမ်းတစ်လျှောက်မှာ ကြုံတွေ့ရမယ့် အလွှဲတွေကို ကြည့်ရှုရယ်မောပြီး ဘဝအမောတွေကို ဖြေဖျောက်ကြရအောင်နော်။

Why Do You Love Me (2023) “ဘာလို့ချစ်တာလဲ” IMDb – 5.8/10 လူ့အခွင့်အရေးဆိုတာ လူတိုင်းရဖို့ထိုက်တန်တယ်ဆိုရင် မသန်စွမ်းတဲ့သူတွေမှာလည်း အိမ်ထောင်ရေးသုခဆိုတဲ့အရာကိုရဖို့ ထိုက်တန်တယ်မဟုတ်ဘူးလားတဲ့။ ဒီအတွေးကို ပထမဆုံးချပြရင်း အကောင်အထည်‌ဖော်ခဲ့တဲ့သူကတော့ Asta Anthony Philpotဆိုတဲ့ အမေရိကန်နိုင်ငံသားproducerပေါ့။ ကိုယ်တိုင် physical disabilityရှိသူတစ်ယောက်အနေနဲ့ မသန်စွမ်းတွေအတွက်လည်း အခကြေးငွေပေးပြီး ပျော်ပါးတဲ့ဝန်ဆောင်မှုမျိုးရသင့်တယ်လို့ ချပြခဲ့သူပေါ့။ Asta Philpotကို အကြောင်းပြုလို့ Come as you areတို့ Hasta La Vista တို့လို ရုပ်ရှင်တွေရိုက်ဖြစ်သွားပြီး အခုတစ်ခါတင်ဆက်ပေးမှာကတော့ Hasta La Vista ရဲ့ အင်ဒိုremakeလေးပါ။ နိစ္စဓူဝ ကိစ္စအဝဝကို မိဘကိုအားကိုးရင်းနေရတဲ့ မသန်စွမ်း ၃ ယောက်ဖြစ်တဲ့ ဒန်တွန် ဘာစ်ကာရာနဲ့ မီကိုတို့အတွက်တော့ ချစ်သူဆိုတဲ့အရာက မူးလို့တောင်ရှူစရာမရှိပါဘူး။ ဒီပုံစံအတိုင်း အမေအဖေတွေနဲ့ ဆက်နေနေရင်တော့ နှစ်တစ်ထောင်အက်ဖ်အေဘဝက ကျွတ်ဖို့လွတ်ဖို့ကလည်းမရှိတဲ့ လူပျိုစစ်စစ် ရေမရောဘဝနဲ့ ငှက်ပျောတုံးဖက်သေရမယ့်ကိန်းစိုက်နေလေတော့ လူကအားမသန်ပေမဲ့ ဦးနှောက်ကတော့ အတော်လေးစွမ်းတဲ့ ဆရာသမားဘာစ်ကာရာက သူ့လိုပဲ လူပျိုသိုးနံ့ထွက်နေတဲ့ သူငယ်ချင်းနှစ်‌ယောက်ကို မဟာအကြံထူးပေးပါတော့တယ်။ ဒီအကြံကတော့ ဆူရာဘာယာမှာရှိတဲ့ ဒိုလီအာလီဆိုတဲ့ မသန်စွမ်းတွေအတွက်ပါ အထူးဝန်ဆောင်မှုပေးတဲ့ အပျော်ဂေဟာကို ဂျာဗားကနေဖြတ်ပြီး ကုန်းလမ်းခရီးနဲ့သွားဖို့ပါပဲ။ မိဘတွေကတော့ တစ်ယောက်ကဦးနှောက်အကျိတ်ကြောင့် မသွားလာနိုင်တဲ့သူ၊ တစ်ယောက်ကလည်း အကြောသေပြီး မလှုပ်ရှားနိုင်တဲ့သူ၊ တစ်ယောက်က မျက်မမြင်ဆိုတော့ စိတ်မချဖြစ်ပြီး မလွှတ်ချင်‌ပေမဲ့ တစ်ကောင့်သား ၃ ယောက်ကလည်း မိဘတွေကို အပျော်ဂေဟာပို့ပေးလို့လည်း ထုတ်ပြောမရ၊ ပါကင်ပိတ်ဘဝကကျွတ်လွတ်ရေး တို့အရေးကလည်းရှိနေတော့ လှည့်ပတ်ပြောရင်း သူတို့ကိုစောင့်ရှောက်ပေးမယ့်သူလည်းဖြစ် ယာဉ်မောင်းလည်းလုပ်မယ့်လူတစ်ယောက်နဲ့ ခရီးစထွက်ဖို့ ဖြစ်လာပါတော့တယ်။ ခရီးစဉ်တစ်လျှောက် တစ်ယောက်နဲ့တစ်ယောက်အားကိုးရင်း အခက်အခဲတွေကိုဖြတ်ကျော်လို့ သုခတွေခံစားချင်တဲ့ သူတို့ရဲ့မဟာဆန္ဒကြီး ပြည့်မြောက်နိုင်ပါ့မလားဆိုတာ အားလုံးအတူ ရှုစားကြပါဦး။ (အညွှန်းနဲ့ဘာသာပြန်ကတော့ Yunni ~ V ~ ToMo ~ Zwe ~ Alex တို့ပဲဖြစ်ပါတယ်)

နှစ်ချို့ဝိုင်တစ်ခွက်လို အတိတ်ရဲ့လွမ်းမောဖွယ်ရာကို လတ်လတ်ဆတ်ဆတ်သယ်ဆောင်လာတဲ့ ရနံ့မျိုးနဲ့ ပန်းတစ်ပွင့်..ဒေစီ။ အရောင်တွေကစလို့ ဝါကျင်ကျင်ဖြစ်နေမယ်…သရုပ်ဆောင်တွေက ဒေစီအတွက် အသက်ရှင်နေသလို သက်ဝင်နေမယ်… ဖြစ်တည်တဲ့လမ်း မြစ်တွေရဲ့ကမ်းလိုပဲ အကြောင်းအရာက နည်းနည်းလေးဆိုပေမယ့် တစ်ဘဝစာလုံး ပျော်ဝင်မှုနဲ့ထိန်းကွပ်ထားမယ်… အတ္တတွေမရှိဘူး….ချစ်ခြင်းသန့်သန့်တွေပြိုင်ဆိုင်ကြတဲ့ပွဲမှာ… ဪ…တွယ်ငြိရာသာ ဆုံးရှူံးမှာပါပဲ။ Daisy (2006) IMDb Rating (7.5 ) Rotten Tomatoes (79%) ရရှိထားတဲ့ ဒီရုပ်ရှင်ကားကတော့ ကိုရီးယားရဲ့ မင်းသမီးချော Ji-hyun Jun နဲ့ မင်းသား Jung Woo-sung တို့ပါဝင်ထားပြီး ဘဝမှာ မှတ်မှတ်ထင်ထင်ရှိစေမယ့် ကိုရီးယားရုပ်ရှင်တစ်ကားလဲဖြစ်ပါတယ်။ ဒီရုပ်ရှင်ကားက HD Quality လုံးဝမထွက်ရှိခဲ့ဘဲ DVD Quality နဲ့ပဲ နှစ်တွေကြာရှည်ခဲ့ပြီး ခုကတော့ BluRay Disc 60 FPS Quality နဲ့ထွက်ရှိလာလို့ အကောင်းဆုံး ရုပ်သံအရည်အသွေးရရှိအောင် ပြန်လည်တင်ဆက်လိုက်ပါတယ်။ +++++++++++++++++++ ရုပ်ရှင်အညွှန်းကိုတော့ MSR FB ပေ့ကစာသားတွေနဲ့မိတ်ဆက်ခဲ့ပါမယ်…. ++++++++++++++++++++ ဒေစီ မိုးကလည်း ရွာလာပြန်ပြီ ။ ကျွန်မက ထီးမဆောင်တက်တဲ့အတွက် မိုးရွာတိုင်း မိုးခိုဖို့နေရာ အမြဲရှာရတယ် ။ ကျွန်မတစ်ယောက်တည်းနေသားကျနေတာလည်းပါမှာပါလေ ။ ကျွန်မမိုးမိမှာကို စိုးရိမ်မဲ့သူ ၊ ဂရုစိုက်မဲ့သူလည်း မရှိဘူးလေ ။ ဒီတော့ ကျွန်မထီးယူယူမယူယူ ကိစ္စမရှိဘူးပေါ့ ။ ကျွန်မအဖိုးအမြဲပြောလေ့ရှိတာက ဟယ်ယောင်း စိတ်မပူနဲ့ ၊ အချိန်တန်ရင် မိုးတိတ်သွားပြီးတော့ တောက်ပတဲ့‌ေနမင်းကြီးထွက်လာလိမ့်မယ် ၊ တစ်နေ့တော့ သမီးလည်း အဲလိုလူမျိုးတွေ့မှာပါ တဲ့ ။ ကျွန်မအဖိုးက ရှေးရိုးဆန်တယ် ။ ကျွန်မခု အသက်၂၅ ပြည့်ပြီ ။ ပြီးတော့ ကျွန်မအချစ်ဦးလာမှာကို စောင့်နေတယ် ။ အချိန်တန်တော့မိုးတိတ်သွားပြီ ။ ကျွန်မရဲ့အချစ်ဦးက မကြာမှီပေါ်လာလိမ့်မယ် တစ်ထစ်ချယုံကြည်နေရလောက်အောင်တော့ ကျွန်မ မရူးသေးပါဘူး ။ သူနဲ့ဒီလိုဆုံဆည်းရမယ်လို့ ကျွန်မဘယ်တုန်းကမှမမျှော်လင့်ထားခဲ့ဘူး ။ သူနဲ့ကျွန်မ မျက်နှာချင်းဆိုင်ထိုင်ခဲ့ကြတာ တစ်နာရီနီးပါးလောက်ကြာ‌ေလောက်တယ် ။ ကျွန်မနဲ့သူ စတွေ့ခဲ့တဲ့အချိန်ကို မှတ်မိနေတယ် ။ ၄ နာရီ ၁၅ ။ ကျွန်မအဖိုးရဲ့ ရှေးဟောင်းပစ္စည်းဆိုင်မှာ ကျွန်မအလုပ်လုပ်တယ် ။ ညဘက်ကတော့ ကျွန်မကိုယ်ပိုင်အချိန်ပေါ့ ။ ကျွန်မရဲ့ပထမဆုံးပြပွဲအတွက် ညတိုင်းကျွန်မပန်းချီဆွဲတယ် ။ စနေ ၊ တနင်္ဂနွေမှာတော့ လမ်း‌ပေါ်မှာပန်းချီဆွဲတယ် ။ ပုံမှန်ဆိုရင် ‌ပန်းချီလာဆွဲသူတွေက ကျွန်မနဲ့မသိတဲ့ သူစိမ်းတွေချည်း ။ ဒါပေမဲ့ သူကျွန်မရှေ့မှာထိုင်လိုက်တဲ့အခိုက်အတန့်မှာ သူ့ရဲ့တစ်ဘဝလုံးကို ကျွန်မသိမြင်နေသလိုမျိုး သူနဲ့ကျွန်မ ရင်းနှီးနေသလိုကျွန်မခံစားမိတယ် ။ ဒါဟာ ကျွန်မအလုပ်မှာ အကောင်းမွန်ဆုံးအစိတ်အပိုင်းတစ်ရပ်လို့ ကျွန်မထင်နေမိတယ် ။ ဘာလို့လဲဆိုတော့ သူက ၄ နာရီ ၁၅ မိနစ်တိတိမှာ ကျွန်မဆီရောက်လာလို့ပါပဲ ။ သူရဲ့ပုံကို ကျွန်မဆွဲနေတုန်းမှာ သူနဲ့ပတ်သတ်ပြီးထူးဆန်းတာတစ်ခုကို ကျွန်မတွေ့ခဲ့ရတယ် ။ သူကကျွန်မကို ကြည့်နေပေမဲ့ သူ့ရဲ့အာရုံက ကျွန်မခေါင်းရဲ့နောက်ဖက္မှာ ။ ကျွန်မရဲ့ဆံပင်ကို သူကြည့်နေတာလား ။ နောက်တစ်ကြိမ် သူကျွန်မရှေ့ကိုရောက်လာခဲ့တယ် ။ သူက အချိန်တိကျတယ် ။ ၄ နာရီ ၁၅ ၊ ကျွန်မတို့စတွေ့ခဲ့တဲ့အချိန်ပေါ့ ။ ————– မိုးရွာနေလို့ သူ မလာတာများလား ။ သူက ဆရာဝန်တစ်ယောက်လည်း ဖြစ်နိုင်တယ် ။ သူ့မှာအရေးပေါ်လူနာရှိနေတာလည်း ဖြစ်နိုင်တယ် ။ ဒါမှမဟုတ် ဒီလမ်းမှာ သူမတော်တဆတစ်ခုဖြစ်နေလို့လား ။ ————– အဲဒီနေ့က သူနဲ့ကျွန်မ ဟိုးအရင်တည်းကခင်တဲ့သူငယ်ချင်းတွေလို စကားတွေပြောဖြစ်ခဲ့တယ် ။ အဲဒီလိုမျိုး ကျွန်မတို့ ရက်သတ္တပတ်များစွာတွေ့ဖြစ်ကြတယ် ။ ရေစက်ပါလို့ ကျွန်မတို့နှစ်‌ယောက်တွေ့ဆုံရတာလို့ ကျွန်မယုံကြည်တယ် ။ ကျွန်မကြုံဆုံခဲ့ရတဲ့ အတိတ်ကဖြစ်ရပ်တွေအများကြီးကို သူ့ကိုပြောပြခဲ့တယ် ။ ————— အဲဒီနှစ်က ကျွန်မအဖိုးနေတဲ့ရွာကလေးမှာ ကျွန်မရဲ့ပြပွဲအတွက်ပန်းချီဆွဲရင်း ကုန်ဆုံးခဲ့ရတယ် ။ စမ်းချောင်းလေးကိုဖြတ်ပြီး တစ်ဖက်ကမ်းကဒေစီပန်းလေးတွေကို ကျွန်မပန်းချီသွားဆွဲလေ့ရှိတယ် ။ ကျွန်မအတွက် ဒေစီပန်းလေးတွေက နေကြာပန်းအငယ်စားလေး‌တွေပါပဲ ။ ဗန်ဂိုးလ်က နေကြာပန်းတွေကို ပန်းချီဆွဲတယ် ။ ကျွန်မက ဒေစီပန်းတွေကို ဆွဲတယ် ။ ဗန်ဂိုးလ်ကြောင့် ကျွန်မ ပန်းချီဆရာဖြစ်ဖို့ အိမ်မက္မက္ခဲ့တာ ။ စမ်းချောင်းလေးထဲကိုပြုတ်ကျသွားခဲ့ရပြီးနောက် ဒီသစ်လုံးတံတားလေးကနေဖြတ်ဖို့ ကျွန်မမှာ သတ္တိမရှိတော့ဘူး ။ တစ်နေ့မှာတော့ အသစ်ဆောက်ထားတဲ့တံတားလေးကို ကျွန်မတွေ့ခဲ့တယ် ။ တံတားလေးက အကြမ်းထည်လေးဆိုပေမဲ့ ကျွန်မအတွက်လှပနေတယ် ။ ပထမတော့ တိုက်ဆိုင်မှုတစ်ခုလို့ ကျွန်မထင်ခဲ့တာ ။ နောက်တော့ ကျွန်မအတွက် တစ်စုံတစ်ယောက်က ဒီတံတားလေးကို‌ဆောက်ပေးတာလို့ ကျွန်မခံစားရတယ် ။ ပြီးတော့ ကျွန်မပျောက်သွားတဲ့ပစ္စည်းတွေကို တံတားမှာ ကျွန်မတွေ့ခဲ့ရတယ် ။ နောက်တစ်နေ့မှာတော့ ကျွန်မထားခဲ့တဲ့ပန်းချီကားလေးကို တစ်စုံတစ်ယောက်ယူသွားတယ် ။ နောက်မှာတော့ တစ်စုံတစ်ယောက်က ကျွန်မဆီ ဒေစီပန်းတွေ စပို့ခဲ့တယ် ။ ကျွန်မလေ့လာသိရှိရသလောက်တော့ ဒေစီပန်းတွေရဲ့ အဓိပ္ပာယ်က နှလုံးသားထဲကအချစ်တဲ့ ။ ပန်းပို့တဲ့သူက သူဘယ်သူလဲ အသိမခံဘူး ။ ပန်းပို့တဲ့သူဘယ်သူလဲဆိုတာသိချင်လို့ ပြတင်းပေါက်ကနေ အပြင်ကိုကျွန်မစောင့်ကြည့်တယ် ။ ဒါပေမဲ့ ဘယ်သူမှရှိမနေဘူး ။ ဒီတော့ အရိပ်အနေနဲ့ကျွန်မ ဆွဲခဲ့တယ် ။ ကျွန်မသူ့ကို စောင့်နေခဲ့တာ ။ ခုတော့ ကျွန်မသူ့ကို တွေ့ရပြီထင်တာပဲ ။ ဟယ်ယောင်း ~~~~~~~~~~~~~~~ အဲဒီလူက ကျွန်တော်ပါလို့ ကျွန်တော်မလိမ်ချင်ဘူး ။ ကျွန်တော်မဟုတ်ဘူးလို့လည်း မပြောချင်ဘူး ။ သေချာတာတစ်ခုက သူမကို ကျွန်တော် ချစ်မိနေပြီဆိုတာပါပဲ ။ ဒါပေမဲ့ကျွန်တော့်ဘဝက သူမ ထင်ထားသလောက် စိတ်ကူးယဉ်တော့မဆန်ဘူး ။ တကယ်တမ်းကျွန်တော်ဘယ်လိုလူလဲဆိုတာကို သူမ တွေးတောင်တွေးကြည့်ဖူးမှာမဟုတ်ဘူး ။ ကျွန်တော်က အမ်စတာဒမ်မှာရှိနေတဲ့ အာရှရာဇဝတ်ကောင်တွေကို စုံစမ်းထောင်လှမ်းရတဲ့ အင်တာပိုရဲတပ်ဖွဲ့ဝင် တစ်ယောက်ပါ ။ ဒီတစ်ခေါက် ကျွန်တော်တို့တာဝန်က မူးယစ်ဆေးကုန်ကူးနေတဲ့အဖွဲ့တစ်ခုနဲ့ သူတို့ရဲ့အာရှ ဥရောပ ရောင်းဝယ်နေတဲ့လမ်းကြောင်းကို ရှာဖွေဖော်ထုတ်ဖို့ပါ ။ ဒီနေရာကနေဆို သူမကျွန်တော့်ကိုကွယ်နေလို့ ကျွန်တော့်ကိုသူတို့ သတိထားမိမှာကို စိတ်ပူစရာမလိုပဲ အကုန်လုံးကိုမြင်နိုင်တယ် ။ ကျွန်တော်ထွက်သွားတဲ့အထိ သူမကို ကျွန်တော်သေချာ မကြည့်ခဲ့လိုက်ရဘူး ။ ဒုတိယအကြိမ်မြောက်သူမရဲ့ရှေ့မှာထိုင်မိတဲ့အချိန်မှာ အချက်နှစ်ချက်ကို ကျွန်တော်သိလိုက်တယ် ။ ဟယ်ယောင်းက ကျွန်တော်ထင်ထားတာထက် ပိုလှတယ်ဆိုတာ နဲ့ သူမကလည်း ကျွန်တော့်ကိုစပြီးသဘောကျနေပြီဆိုတာကိုပဲ ။ ကျွန်တော့်နှလုံးသားကလည်းအရမ်းကို လှုပ်ရှားနေခဲ့တယ် ။ နောက်တစ်ပတ်စနေနေ့မှာ မိုးတွေရွာနေခဲ့တယ် ။ သူမကို အကာအကွယ်ယူစရာမလိုတော့ပဲ မိုးရေထဲမှာ ကျွန်တော်ဘာသာ ပုန်းနေခဲ့တယ် ။ အချိန်အတော်ကြာသူမကို ကြည့်နေခဲ့တယ် ။ ပစ်မှတ်က ကျွန်တော့်ကိုသိသွားပြီလို့ ထင်ခဲ့တယ် ။ ကံကောင်းစွာနဲ့သူခိုးဖြစ်နေခဲ့တယ် ၊ မဟုတ်ရင် ခုချိန် ကျွန်တော်သေနေလောက်ပြီ ။ ဂျောင်ဝူး ~~~~~~~~~~~~~~~~ ဂျောင်ဝူးကရဲတစ်ယောက်လို့ သူတို့ကွျန်မကိုပြောပြတယ် ။ သေနတ်ဒဏ်ရာရယ် ရှော့ရတာရယ်နဲ့ပေါင်းပြီး ကျွန်မအသံကိုဆုံးရှုံးလိုက်ရတယ် ။ ပြီးတော့ ဂျောင်ဝူးလည်းဒဏ်ရသွားလို့ ကိုရီယားကိုပြန်သွားရတယ်လို့သူတို့ပြောပြတယ် ။ ဒါပေမဲ့ ကျွန်မ မယုံနိုင်ဘူး ။ ဂျောင်ဝူးပြန်သွားပြီးတဲ့နောက် ဒေစီပန်းတွေ ကျွန်မထပ်ရခဲ့တယ် ။ ဟယ်ယောင်း ~~~~~~~~~~~~~~~~~ ကျွန်တော်သူမကို ပထမဆုံးစတွေတာက ကျွန်တော်လူတစ်‌ေယာက်ကိုပထမဦးဆုံးသတ်ခဲ့ပြီးတဲ့နေ့ရဲ့ နောက်တစ်နေ့မှာပါ ။ ကျွန်တော်က ယမ်းနံ့တွေနံနေတဲ့ လူတစ်ယောက်ပါ ။ ကျွန်တော့်ဝိဉာည်တောင် ယမ်းနံ့‌နံနေရင်နံနေမှာ ။ ကျွန်တော် ပန်းပင်တွေစစိုက်တယ် ။ မြေကြီးက ယမ်းနံ့ကိုစုတ်ယူပြီး အဲဒီ‌ေမြကြီးမှာ စိုက်ထားတဲ့ပန်းရဲ့ရနံက လူတစ်ယောက်ကိုပြောင်းလဲပစ်နိုင်တယ်လို့ စစ်ပြန်အဖိုးအိုတစ်ယောက်ပြောတာ ကြားဖူးတယ် ။ ပန်းပင်တွေစိုက်နေတဲ့အခိုက်အတန်းမှာ ယမ်းနံ့တွေကို ကျွန်တော်မေ့ထားလို့ရတယ် ။ ပန်းတိုင်းကတော့ ယမ်းနံ့ကို မေ့မပစ်‌ေစနိုင်ပါဘူး ။ အနက်ရောင်ကျူးလစ်ပန်းက ကျွန်တော့်အတွက်အလုပ်ရှိတယ်ဆိုတဲ့သဘောပါ ။ မက်ဂ်နမ် ၃၅၇ က ကျည်ခွံမကျန်ဘူး ။ အခေါင်းပေါက်ကျည်တွေကလည်း ကျည်ခွံမကျန်ပါဘူး ။ မက်ဂ်နမ် ၃၅၇ က ခုခေတ်အတွက်သုံးဖို့ ဒိတ်အောက်နေပေမဲ့ ကျွန်တော်နဲ့တူပါတယ် ။ ကျွန်တော်ကလည်း ရှေးဆန်တဲ့သူပါ ။ ဒါကြောင့် ကျွန်တော် အသက်ရှင်နေသေးတာပေါ့ ။ ကိစ္စပြီးတဲ့အခါ ကျွန်တော်ရွာမှာသွားပုန်းနေခဲ့တယ် ။ အဲဒီမှာ သူမကို ကျွန်တော် စတွေ့ခဲ့တာပါ ။ ကျွန်တော်က ကလေးတစ်ယောက်လိုစိတ်လိုက္မာန်ပါလုပ်တက်တဲ့သူပါ ။ သူမကို အံ့ဩသွားစေချင်ရုံပါ ။ ကျွန်တော့်ရဲ့ပထမဆုံးလူသတ်မှုကို မကျူးလွန်ခင်သူမနဲ့တွေ့ခဲ့ရင် ဘယ်လောက်ကောင်းလိုက်မလဲ ။ ဒီ့အတွက်ကျွန်တော်ဘာမှမတက်နိုင်တော့မဲ့ ကျွန်တော်သူမကို ထပ်မြင်ချင်‌ေတွချင်နေတယ် ။ ကျွန်တော်သူမကိုမြင်ချင်တွေ့ချင်တိုင်း ပန်းလေးတွေပို့ပေးလေ့ရှိတယ် ။ ကျွန်တော့်သေနတ်တွေကို ဒီမှာဖွက်ထားပြီး သူမကိုစောင့်ကြည့်နေမိတယ် ။ သူမ ပန်းချီဆွဲတာကိုစောင့်ကြည့်ပြီး ပန်ချီကားတွေကိုနားလည်အောင် သင်ယူတယ် ။ မိုနက် နဲ့ ဒီဂတ်တို့က ကျွန်တော့်အတွက် မစိမ်းတော့ဘူး ။ တစ်နေ့နေ့မှာ သူမနဲ့ပန်းချီကားတွေအကြောင်းပြောရရင် ကျွန်တော် အရူးတစ်ယောက်လို ဖြစ်မနေတော့ဘူးပေါ့ ။ သူမကိုစကားသွားပြောဖို့ ကျွန်တော့်မှာသတ္တိ‌တော့မရှိသေးဘူး ။ ကျွန်တော့်အလုပ်ရဲ့ သဘောတရားအရ အသက်ရှင်ဖို့စည်းမျဉ်းတွေကို လိုက်နာရတယ် ။ အရေးအကြီးဆုံးစည်းမျဉ်းက လျှို့ဝှက်ချက်ကိုထိန်းသိမ်းဖို့ပဲ ။ လျှို့ဝှက်ချက်ကိုထိန်းသိမ်းဖို့ ကျွန်တော်လိမ်ညာရမယ် ။ တစ်ခါလိမ်ပြီးရင်တော့ ဘယ်တော့မှရပ်လို့မရတော့ဘူး ။ လျှို့ဝှက်ချက်ကိုထန်းသိမ်းရတာ အသက်ရှင်ဖို့ပါ ။ ဒါ့ကြောင့် လူအများကြီးနဲ့ကျွန်တော် အဆက်ဆံမလုပ်ဘူး ။ ခုတော့ တစ်စုံတစ်ယောက်က ကျွန်တော့်နေရာကိုဝင်ယူပြီးတော့ ကျွန်တော်တစ်ခါမှမဆက်သွယ်ခဲ့တဲ့ တစ်ဦး‌တည်းသောသူကို ဆုံးရှုံးရတော့မယ် ။ ကျွန်တော် ရှေ့ဆက်တိုးသင့်နေပြီ ။ ဒါပေမဲ့ ဘာကြောင့်မှန်းမသိ အသည်းကွဲရသလို ကျွန်တော်ခံစားရတယ် ။ ကျွန်တော်ဘာတွေလုပ်တာလဲ ။ ပထမတော့ သူ့ကို ကျွန်တော့်လို လူဆိုးတစ်ယောက်လို့ထင်နေခဲ့တာ ။ ဒါပေမဲ့ သူက ကျွန်တော်နဲ့ ဆန့်ကျင်ဘက်ပါပဲ ။ ဘယ်သူက အဲဒီရဲကို အာဃာတထားနေလဲဆိုတာ ကျွန်‌တော်မသိဘူး ။ ဒါပေမဲ့ ဟယ်ယောင်းကိုကာကွယ်ဖို့ သေနတ်မောင်းကို ကျွန်တော်ဆွဲခဲ့ရတယ် ။ ပတ်ရီ ~~~~~~~~~~~~~~~~~ အလုပ်ကိုပြန်လာတဲ့အထိမ်းအမှတ်အနေနဲ့ အဖိုးက ကျွန်မကို ဓာတ်ပုံရိုက်ပေးတယ် ။ အဲဒါသူပဲ ။ အဲဒါ သူပဲဖြစ်ရမယ် ။ ဒါပေမဲ့ သူကျွန်မကို ဘာလို့လာမတွေ့တာလဲ ။ ဟိုတစ်ခါကလို သူတစ်ခုခုဖြစ်နေလို့ နေမှာပါ ….. ဟယ်ယောင်း _-_-_-_-_-_-_-_-_-_-_-_-_-_-_-_ Daisy (2006) -MSR

layangan putus (2023) (IMDb 6.1/10) ဒီတစ်ခါ အာရှကားနှစ်သက်တဲ့ CM ပရိသတ်ကြီးအတွက် အင်ဒိုဒရာမာကားကောင်းလေးတစ်ကားကိုတင်ဆက်ပေးပါရစေ အာရှကားတွေ ထုံးစံအရ ဇာတ်လမ်းလေးကတော့ သိပ်မထူးခြားဘူးဆိုပေမယ့် အာရှကားတွေဆိုတဲ့အတိုင်း ဒိုင်ယာလော့တွေ ဇာတ်လမ်းအချိုးအကွေ့တွေက ရသမြောက်တယ်ဆိုတာ ပြောပြချင်ပါတယ် ဇာတ်လမ်းအကျဉ်းကတော့ အဲရစ်ဟာအောင်မြင်တဲ့စီးပွားရေးသမားတစ်ယောက်ဖြစ်ပြီး ဇနီးကီနန်နဲ့ သမီးလေးရာယာဆိုပြီး သာယာတဲ့ဘဝလေးပိုင်ဆိုင်ထားပါတယ် ဒါပေမဲ့ ရုပ်ရှိရေလျှံကျားတို့ထုံးစံအရ စမောဆွဲပြီးတော့ အဲ့ဒါကို မယားကြီးကသိသွားတဲ့အခါ သူ့ကိုကွာရှင်းသွားပါတယ် အဲ့ဒါနဲ့ အဲရစ်လည်း အငယ်လေးလီဒီယာနဲ့ လက်ထပ်ပြီးတော့ အိမ်ထောင်သစ်ထူထောင်ခဲ့ပေမယ့် သူ့စိတ်က ငယ်ကချစ်မမေ့သာတဲ့ ကီနန်ဆီမှာပဲ တဝဲဝဲလည်နေတဲ့အခါမှာ အိမ်ထောင်ရေးဇာတ်လမ်းလေးဆိုပေမယ့်လည်း ဘဝသင်ခန်းစာယူတတ်ရင် ယူလို့ရတာမို့ ပရိသတ်ကြီးတို့ဆက်ခံစားကြည့်ရှုဖို့ တင်ဆက်ပေးလိုက်ရပါတယ်… အညွှန်းနဲ့ဘာသာပြန်ကတော့ Saii Thurein Lynn ဖြစ်ပါတယ်… Genre….. Dramal, Romance Quality…. 1080p | 720p File size… 1.1GB | 565MB Format… mp4 Duration…. 1h 31min Subtitle…. Myanmar Subtitle (Hardsub) Translator ….. Saii Thurein Lynn Encoder ….. Aaron

Snapshots (2018) IMDb Rating (7.0) / Rotten Tomatoes (75%) အချစ်ကို ဆုံးရှုံးဖူးသူတွေရှိမယ်.. အချစ်ကို တွေ့ရှိခဲ့သူတွေ ရှိမယ်.. အချစ်က သစ္စာဖောက်တာကို ခံခဲ့ရသူတွေရှိမယ်.. အချစ်ဆိုတာဘာလဲ? ဒီအရာတွေအားလုံးကို တစ်ပြိုင်နက်တည်း သိရှိခံစားနိုင်မယ့် Snapshots ရုပ်ရှင်ကားကြီး။ သမီးဖြစ်သူပက်တီနဲ့ မြေးဖြစ်သူအယ်လီဆန်တို့ ရောက်ရှိလာပြီး ရို့စ်ရဲ့ တဲအိမ်ထဲက ကင်မရာအဟောင်းတစ်ခုကို တွေ့ရှိကြတဲ့အခါ ဖုန်းကွယ်ထားတဲ့ ရို့စ်ရဲ့ ဘယ်သူမှမသိခဲ့တဲ့ အတိတ်တစ်ခု ထွက်ပေါ်လာခဲ့ပါတယ်။ ရို့စ်ရဲ့ အတိတ်က လျှို့ဝှက်ချက်က သူ့မြေးလေးရဲ့ အနာဂတ်လျှို့ဝှက်ချက်တစ်ခုနဲ့ ဆက်စပ်နေတဲ့အခါမှာ ဘာတွေဆက်ဖြစ်ကြမလဲ? လူဝီနဲ့ဇီးဆိုတဲ့ လင်မယားစုံတွဲက ရို့စ်နဲ့ ဂျိုးမူလာတို့ရဲ့ ဘဝထဲကို ဝင်လာတဲ့အချိန်မှာ ဘာတွေဖြစ်ခဲ့ကြသလဲ? လွန်ခဲ့တဲ့ နှစ်ပေါင်း ၅၀ လောက်မှာ ဖြစ်ခဲ့တဲ့အရာတွေအားလုံးကို ကင်မရာတစ်လုံးကြောင့် သိလာရတဲ့အခါ။ အချစ်၊ အလွမ်း၊ အဆွေး ရသပေါင်းစုံကို မတူညီတဲ့ ရှုထောင့်ကနေ ခံစားရမှာ ဖြစ်လို့ မလွတ်တမ်းကြည့်ရှုသင့်တဲ့ ဇာတ်ကားကောင်းတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Su Mon ဖြစ်ပါတယ်။) File size…(1.6 GB) / (920 MB) Quality….WEB-Rip 1080p HEVC / 720p Format…. mkv/mp4 Genre….Drama Duration….01:35:30 Subtitle….Myanmar Subtitle (Hardsub) Encoder….Benjamin Translated by Su Mon

The Moor (2024) IMDb Rating (5.1) ယူကေကထုတ်တဲ့ ဟော်ရာကားအသစ်ပါ။ ဇာတ်အစမှာတော့ ကလေးလေး၂ယောက်က အဖေပျောက်သွားတယ်လို့ ဆိုင်ရှင်ကိုတစ်ယောက်ကလိမ်ပြီး အာရုံလွှဲထားပြီး တစ်ယောက်က မုန့်ခိုးဖို့ကြံကြတယ်။ အာရုံလွှဲမယ့်ကလေးဝင်သွားပြီး နောက်ကလေးလိုက်ဝင်သွားတော့ အာရုံလွှဲမယ့် ကလေးကမရှိနေဘူး။ ဆိုင်ရှင်ကိုမေးကြည့်တော့လည်း မဝင်လာပါဘူးလို့ပြောတယ်။ ဒီကလေးလေးပျောက်သွားတာပေါ့။ နောက်မှ အဲဒီဆိုင်ရှင်က ကလေးတွေကိုခိုးနေသတ်နေတဲ့လူဖြစ်နေမှန်းသိလိုက်ရတယ်။ အလောင်းတွေကိုလည်း မတွေ့ခဲ့ပါဘူး။ ဒီလိုနဲ့နှစ်ပေါင်းတော်တော်ကြာတဲ့အထိ ခုနပျောက်သွားတဲ့ ကလေးအဖေက သူတို့နားက မောရ်လို့ခေါ်တဲ့ ပဟေဠိဆန်တဲ့နေရာကြီးတစ်ခုလုံးမှာ သူ့ကလေးကို ပတ်ရှာနေတုန်းပါပဲ။ ဒီနေရာကြီးနဲ့လူသတ်သမားက ဘာပတ်သက်တာလဲ။ ဒီနေရာကြီးက ဘာလို့ပဟေဠိဆန်နေတာလဲ အရာအားလုံး အထုပ်ဖြည်ပြတာကို စောင့်စားရမယ့်ရုပ်ရှင်ပါပဲ။ (အညွှန်းနဲ့ဘာသာပြန်ကတော့ W ဖြစ်ပါတယ်။) File size…(2.3 GB) / (990 MB) Quality….WEB-DL 1080p HEVC / 720p Format…. mkv/mp4 Genre….Drama,Horror,Mystery Duration….02:01:17 Subtitle….Myanmar Subtitle (Hardsub) Encoder….Double K Translated by W