Rotten Tomatoes - 96% IMDb Rating - 6.2/10 ဒီတစ်ခေါက် တင်ဆက်ပေးချင်တာကတော့ rotten Tomatoesမှာ rating 92%အထိ ရရှိထားတဲ့ Horror/ Mystery ဇာတ်‌လမ်းကောင်း လေးတစ်ခုပါ။ အားလုံးပဲ သိကြတဲ့အတိုင်း Psycho Killer ထဲမှာ အဆိုးဆုံးတွေက ကိုယ့်ကိုယ်ကိုယ် psycho ဖြစ်နေမှန်းမသိ ကိုယ်လုပ်တာ မှန်တဲ့ဆိုတဲ့ psycho တွေပါ။ ဒီဇာတ်ကားထဲမှာလည်း Sissy ကအဲဒီလိုကောင်မလေး ပေါ့။ ဒါပေမဲ့လည်း ဘယ်လောက်ပဲ Psycho ဆန်ဆန် သူတို့ကိုသွားမထိရင် Psycho တွေကလည်း အေးဆေးပါပဲ။ ဇာတ်လမ်းရဲ့အကျဉ်းချုပ်ကတော့ Sissy နဲ့ Amber တို့ဟာ တစ်ယောက်နဲ့ တစ်ယောက် ဘယ်တော့မှ မခွဲဘူး အတူတူ အသက်ကြီးပြင်းသွားကြမယ်လို့ ကတိပေးထားကြတဲ့ သူငယ်ချင်း ကောင်းတွေ ဖြစ်ခဲ့ကြပါတယ်။ Alex ဆိုတဲ့ကောင်မလေး ပရိတ်သတ်ရှေ့ကို မပေါ်ထွက်လာခင်အချိန်အထိပေါ့။ လူတွေနဲ့ ပေါင်းသင်းဆက်ဆံလို့ အဆင်‌ မပြေတဲ့ Sissy တစ်ယောက် Amma နဲ့ Sissyတို့ရဲ့ ငယ်ဘဝပုံရိပ်တွေ အမှတ် တရတွေကြားထဲကနေ ရုံးမထွက်နိုင်ခဲ့ပါဘူး။ ဒါ့အပြင် ပြဿနာတစ်ခုဖြစ်ပြီး ဝေးကွာခဲ့တာကြောင့် ၁၀စုနှစ်တစ်ခုကြာအောင် ပြန်မတွေ့ဖြစ်တော့ပါဘူး။ တစ်နေ့မှာတော့ Sissy ဈေးဝယ်ရင်း Amma နဲ့ ပြန်ဆုံတွေ့တဲ့အခါမှာ Ammaတစ်ယောက် ချစ်ရမဲ့သူကိုတွေ့ပြီး စေ့စပ်ပါတီပွဲ လုပ်မှာဖြစ်တာကြောင့် Sissyကိုလာဖို့ ဖိတ်ခဲ့ပါတယ်။ နောက်ပိုင်း သူတို့နှစ်ယောက် အရင်လိုပြန်ရင်းနှီးသွားကြမှာလား၊ ငယ်ငယ်က ဖြစ်ခဲ့တဲ့ ပြဿနာကို မေ့ပျောက် သွားနိုင်မလား၊ ဘာတွေဆက်ဖြစ်လာဦးမှာလဲ စတာတွေကို Horror/ Mystery ဆန်ဆန် ရိုက်ကူးတင်ဆက်ထားပါတယ်။ ကြည့်ရှုခံစားပေးကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ June ဖြစ်ပါတယ်) File Size..........(1.81 GB) / (700 MB) / (480 MB) Quality............WebRip 1080p / 720p / 480p Duration.........1Hr 42mins Subtitle...........Myanmar Hardsub Format............MP4 Genre..............Comedy, Drama, Horror Translator.......June Encoder..........SWM

IMDb - 7.5/10_____Rotten - 91% How To Train Your Dragon ဟာ ၁ နဲ့ယခု ဇတ်သိမ်းမယ့် ၃ ဟာ ၉ နှစ်ခြားခဲ့ပါတယ်… How To Train Your Dragon ရဲ့ပရိတ်သတ်တွေ အမြောက်အမြားဆိုတာယုံမှားဖွယ်မရှိပါဘူး ဇာတ်လမ်းအကျဉ်း ဟစ်ကပ်တို့ရဲ့ ဘာ့ခ်မှာ နဂါးတွေ တဖြည်းဖြည်းများပြားလာသလို နဂါးမုဆိုးတွေရဲ့ ရန်ကလည်း ပိုကြီးမားလာပါတယ်။ ဒါကြောင့် နဂါးတွေနဲ့ သူ့လူတွေ လုံခြုံစေဖို့ ဟစ်ကပ်ဟာ ကမ္ဘာကြီးရဲ့ အဆုံးက လျို့ဝှက်နေရာတစ်ခုကို ရှာဖွေဖို့ ကြိုးစားပါတော့တယ်။ Filesize : 4.1GB  / 1.74GB / 922MB Quality : 4K BluRay HEVC / 1080p BluRay / 720p Format : mp4 Running Time : 1h 44 min Subtitle : Myanmar Subtitle (Hardsub ) Translator  : Littleneo Encoder : Thit San Khant

ဒီရုပ်ရှင်ကတော့ စတုတ္ထမြောက် သောရ် ရုပ်ရှင်ပဲ ဖြစ်ပါတယ်။ အရှေ့မှာတော့ Thor, Thor : Dark World, Thor Ragnarok တို့ ထွက်ထားခဲ့ပြီးပါပြီ။ ဒီဇာတ်လမ်းကတော့ Avengers : Endgame အပြီးမှာ Guardians of the Galaxy နဲ့အတူ အာကာသထဲမှာ စွန့်စားခန်းဖွင့်ဖို့ ထွက်လာခဲ့တဲ့ သောရ်ရဲ့အကြောင်းပါပဲ။ ဒီတစ်ခါ သောရ်ရင်ဆိုင်ရမှာကတော့ နတ်ဘုရားသတ်သမား ဂေါရ် ဆိုတဲ့ ဗီလိန်ပါပဲ။ ဂေါရ်ဟာ အရင်က နတ်ဘုရားကို ယုံကြည်ကိုးကွယ်ခဲ့သူဖြစ်ပေမဲ့ သူတို့ဂြိုလ်ကြီး အငတ်ဘေးဆိုက်ပြီး နောက်ဆုံး သူ့ရဲ့သမီးလေးပါ သေသွားတာကို နတ်ဘုရားတွေက ပျက်ရယ်ပြုပြီး လျစ်လျူရှုထားတာကိုတွေ့အပြီးမှာ နတ်ဘုရားတွေကိုမုန်းတီးသွားခဲ့ပါတယ်။ အဲဒီအချိန်မှာပဲ နတ်ဘုရားတွေကို သတ်နိုင်တဲ့ ရှေးဟောင်းလက်နက်တစ်ခုဖြစ်တဲ့ ကျိန်စာသင့် နက်ခရိုဓားဟာ ဂေါရ်ရဲ့လက်ထဲကို ရောက်လာခဲ့ပါတယ်။ အဲဒီဓားနဲ့ ဂေါရ်တစ်ယောက် စကြဝဠာတစ်ခွင်က နတ်ဘုရားတွေကို လိုက်သတ်နေရင်း နတ်ဘုရားအားလုံးကို တစ်ချီတည်းနဲ့ အပြီးသတ်သတ်နိုင်မယ့်လမ်းကို ကြိုးစားနေခဲ့ပါတယ်။ အဲဒီလမ်းမှာပဲ သောရ်နဲ့ ရင်ဆိုင်တွေ့လာပြီး သောရ်နဲ့အတူ မီအောရ်နာတူကို ကိုင်ဆောင်ထားတဲ့ သောရ်ရဲ့ ရည်းစားဟောင်း ဂျိန်းဖော်စတာ၊ ဖယ်ခရီတို့အတူပါဝင်တိုက်ခိုက်လာကြတဲ့အခါ စကြဝဠာတစ်ခုလုံးက နတ်ဘုရားတွေကို ကယ်တင်ရမယ့် တာဝန်ကြီးစတင်လာပါတော့တယ်။ File size…(4.86GB)(1.9 GB)/(1.2 GB) / 749MB Quality….Web-Dl 4K, 720p / 1080p / 480p Format…mp4 Duration….01:58:00 Genre...Action, Adventure, Comedy Subtitle….Myanmar Subtitle (Hardsub) Encoder….Mr. Anderson Translated by Mr. Anderson

ဒီဇာတ်ကားဟာ အဘွားနေမကောင်းဖြစ်နေလို့ အိမ်ပြောင်းလာကြတဲ့ အထက်တန်းကျောင်းသူလေးတစ်ယောက်အကြောင်းနဲ့ ဇာတ်အိမ်တည်ထားပြီး အာဂျင်တီးနားနိုင်ငံရဲ့ နိုင်ငံရေးနဲ့ အမျိုးသမီးအခွင့်အရေး ဆုံးရှုံးမှုတွေကို ခပ်ပါးပါးလေးရောယှက်ပြီး ရိုက်ကူးထားတဲ့ ဇာတ်ကားလေးတစ်ကားဖြစ်ပါတယ်။ ကာမီလာဟာ အမေရယ် ညီမလေးရယ်နဲ့အတူ အဘွားအိမ်ကိုပြောင်းလာခဲ့ကြပြီး မြို့အသစ်ရဲ့ ကျောင်းအသစ်ကိုရောက်တော့ သူငယ်ချင်းမရှိတဲ့အတွက် တစ်ယောက်တည်း ‌ယောင်ချာချာ ဖြစ်နေခဲ့ရပါတယ်။ ဒီလိုနဲ့သူငယ်ချင်း မိတ်ဆွေတွေ ရလာခဲ့တဲ့အခါမှာလည်း ထင်သလိုအဆင်မပြေဘဲ အခက်အခဲလေးတွေ ထပ်မံကြုံတွေ့ရပါတယ်။ ကာမီလာတို့ဟာ နိုင်ငံရေးကို စိတ်၀င်စားကြပြီး အထူးသဖြင့် အမျိုးသမီးအခွင့်အရေးအတွက် တက်ကြွလှုပ်ရှားသူတွေ ဖြစ်ကြပါတယ်။ ဒီဇာတ်ကားဟာ ဆယ်ကျော်သက်အရွယ်နဲ့ မိဘကြား ဆက်ဆံရေးအခက်အခဲတွေကို ဆဲဆိုအော်ဟစ်တာမပါဘဲ ခပ်အေး‌အေးပဲ ချပြသွားခဲ့တဲ့အပြင် တစ်ကမ္ဘာလုံးက ဖိနှိပ်ခံအမျိုးသမီးတွေအတွက် ခွန်အားတွေပါပေးတဲ့အတွက် ဇာတ်ကားငြိမ့်ငြိမ့်လေးကြိုက်တဲ့သူတွေ ကြည့်ကိုကြည့်သင့်တဲ့ ဇာတ်ကားကောင်းလေးတစ်ကားဖြစ်ပါတယ်။ File size…1.7GB / 600MB Quality…1080p WEB RIP / 720p Format…mp4 Duration….1h 43m Subtitle….Myanmar Subtitle (Hard Sub) Encoder….YK Translated by Jaka

Free Fire 2016 ဒီဇာတ်ကားရဲ့ ထူးခြားချက်တစ်ခုကိုပြောပြပါဆိုရင်တော့ ပါသမျှသရုပ်ဆောင်တိုင်းက နာမည်ကြီးတွေဖြစ်နေတာပါပဲ။ Captain Marvel အဖြစ်လူသိများတဲ့ မင်းသမီးချော Brie Larson ရယ် Peaky Blinders ထဲက Thomas Shelby နေရာမှာ သရုပ်ဆောင်တဲ့ မင်းသားချောကြီး Cillian Murphy ရယ်၊ Call me by your name ထဲက မင်းသားအခန့်ကြီး Armie Hammer ရယ် အက်ရှင်ကားတွေနဲ့ဆို နာမည်ကြီးတဲ့သရုပ်ဆောင်တွေ အခြားရုပ်ရှင်ကားပေါင်းများစွာ ပါဝင်ထားတဲ့ အလန်းစားအက်ရှင်ဇာတ်ကြမ်းဖြစ်ပါတယ်။ ဇာတ်လမ်းကတော့… ဂျက်စတင်ဆိုတဲ့ကောင်မလေးတယောက် ဒုစရိုက်ဂိုဏ်းနှစ်ဂိုဏ်းအရောင်းအဝယ်ကိစ္စမှာကြားဝင်စေ့စပ်ရင်း ပြဿသနာသေးသေးလေးကနေစပြီး ပစ်ခတ်ကြတဲ့အခါမှာတော့ သေနတ်ပစ်ရတာပျော်နေတဲ့လူတွေကြား သူ့ခမျာပတ်ပြေးရပါတော့တယ်။ ပတ်လည်ရိုက်အောင် ပစ်ကြခတ်ကြလွန်းလို့ ကြည့်ရတဲ့သူတောင်မောလာစေမယ့်ဇာတ်ကားပါ။ နောက်ဆုံးတော့ ဒီလိုအရှုပ်ထုပ်တွေကနေ ဂျက်စတင်တစ်ယောက်ဘယ်လိုလွတ်မြောက်လာမလဲ။ ဒီအရှုပ်အရှင်းတွေကြားမှာ တယောက်ယောက်ကများ အကျိုးအမြတ်ရသွားမလားဆိုတာ…..။ Action/Comedy/Crime အမျိုးအစားဖြစ်တာကြောင့် အက်ရှင်ကြမ်းကြမ်းတွေ အခွီတွေနဲ့ တကယ့်အလန်းစားဇာတ်ကားမျိုးပါပဲ။ File size…(1.5 GB)/(650 MB) Quality…BluRay 1080p / 720p Format…mp4 Duration….01:30:34 Subtitle….Myanmar Subtitle (Hardsub) Encoder….Nyeinsaeya Aung Translated by San Thu Aung

Master(2016) ************ Lee Byung-hun အဓိက ပါဝင်ထားတဲ့ ဒီအက်ရှင်ကားကြီးဟာ BO လည်း ဝင်ခဲ့သလို ဝေဖန်ရေးဆရာတွေရဲ့ ချီးမွှမ်းခြင်းတွေလည်း ရရှိခဲ့ပါတယ်.. ဂျင်ယောင်းဖီဆိုတဲ့သူဟာ ပိရမစ်စနစ်ဆိုတဲ့ ငွေစုစနစ်တစ်ခုကိုတည်ထောင်ပြီးတော့ တစ်နိုင်ငံလုံးကပြည်သူတွေဆီကနေ ငွေသန်းပေါင်းများစွာလိမ်ယူနေတာပါ။ ဒါကို စုံထောက်ဂင်ဂျယ်မြောင်းဆိုတဲ့သူကသိပြီးတော့ ဖမ်းဖို့သက်သေရှာနေပါတယ်။ သက်သေရပြီး ဖမ်းမိခါနီးမှာပဲ ဂျင်ယောင်းဖီက ပိုက်ဆံတွေယူပြီး ကိုးရီးယားနိုင်ငံကနေထွက်ပြေးသွားတာမလို့ စုံထောက်အဖွဲ့အရေးနိမ့်သွားရပါတယ်။ ဒါပေမဲ့ ရည်မှန်းချက်ကြီးတဲ့ စုံထောက်ဂင်ဂျယ်မြောင်းက လက်မလျော့ဘဲ ဂျင်ယောင်းဖီကိုဖမ်းဖို့အတွက် သူ့ကိုယ်ပိုင်အထူးအဖွဲ့ကိုဖွဲ့ခဲ့ပါတယ်။ သူ့ရဲ့အဖွဲ့နဲ့အတူ ဖိလစ်ပိုင်မှာနောက်ထပ်လိမ်လည်မှုကျူးလွန်ဖို့ကြံစည်နေတဲ့ ဂျင်ယောင်းဖီကို ဘယ်လိုမိအောင်ဖမ်းမလဲ။ ဉာဏ်အရမ်းထက်တဲ့ လူလိမ်ဂျင်ယောင်းဖီကရော ဘယ်လိုအကွက်တွေနဲ့လှည့်ထွက်ဦးမလဲဆိုတာကို စိတ်ဝင်တစားစောင့်ကြည့်ရမှာပဲဖြစ်ပါတယ်။ File Size :(2.6GB)(1.04GB) and (342MB) Quality :WEB-DL1080P5.1Ch, 720p Format…mp4 Duration…02:23:00 Genre : Action, Crime Subtitle : Myanmar Subtitle (Hard Sub) Translated by Yee Wai Encoded by Phyo Pyae

Resident evil, Hell Boy, Survivor, Expendables 3 အစရှိတဲ့ဇာတ်လမ်းကောင်းပေါင်းများစွာရဲ့ မင်းသမီးဖြစ်သူ Milla Jovovich က ယခုရုပ်ရှင်ကို ပြောင်မြောက်လှတဲ့ သရုပ်ဆောင် skillတွေနဲ့ ဇာတ်လမ်းကိုဦးဆောင်သရုပ်ထားပါတယ်။ ဒါအပြင် Star Trek , Evidence တို့ရဲ့ ပဲ့ကိုင်ရှင် Olatunde Osunsanmiကလည်း ယခုကားမှာ Director လုပ်ထားပြီး ကိုယ်တိုင်လည်း ပါဝင်သရုပ်ဆောင်ထားပါတယ်။ ဟိုတလောလေးကမှ အမေရိကန်နိုင်ငံက ဂြိုဟ်သားတွေရဲ့ တည်ရှိမှုကို အတည်ပြုပေးလိုက်တာဆိုတော့ အချိန်အခါနဲ့အားလျော်သွားအောင် CMကနေ ဂြိုဟ်သားရုပ်ရှင် ကောင်းကောင်းလေး ကို တင်ဆက်ပေးလိုက်ပါတယ်။ ဒီရုပ်ရှင်တွေက သာမန်ဂြိုဟ်သားရုပ်ရှင်လို တိုက်တာခိုက်တာမျိုးမဟုတ်ပါဘူး။ Science Fiction Psychological horror thriller film ဆိုတော့ နက်နဲပြီး ကြောက်စရာကောင်းပြီး ထူးဆန်းထွေလာပုံစံမျိုး ကြည့်ရှု့ရမှာဖြစ်ပါတယ်။ ကြည့်ပြီးသွားရင်တော့ သေချာပေါက် တွေးစရာ ၂ခုပေါ်လာမှာဖြစ်ပြီး အဆုံးမှာတော့ ကိုယ် ယုံကြည်မယ့် အရာကို ကိုယ်ကိုယ်တိုင်ပဲ ဆုံးဖြတ်ရမှာဖြစ်ပါတယ်။ ကဲကဲ ဇာတ်လမ်းအကြောင်း စလိုက်ကြတာပေါ့ဗျာ။ လောလောလတ်လတ်ကမှ ဒေါက်တာ အက်ဘီဂေလ်း အမ်မလီ တိုင်လာရဲ့ ခင်ပွန်းဖြစ်သူ ဝေလ်က ဆန်းကြယ်စွာနဲ့ သေဆုံးခဲ့ပါတယ်။ ဝေလ် တစ်ယောက် အသတ်ခံလိုက်ရတယ်လို့ အက်ဘီကတော့ တစ်ထစ်ချ ယုံကြည်နေပါတယ်။ အက်ဘီရော ဝေလ်ရောက စိတ်ကုထုံးဆရာဝန်တွေပါ။ အက်ဘီက သူ့ရဲ့ခင်ပွန်းကို သတ်သွားတဲ့ တရားခံကို ရှာမတွေ့ခင်မှာ သူ့ရဲ့ဘဝကို ပုံမှန်အတိုင်းဖြစ်ဖို့ move on ရပါတော့တယ်။ စိတ်ကုထုံးဆရာဝန်ဆိုတော့ သူ့ဆီကို လူနာတွေ လာပြကြတာပေါ့။ ဒါပေမယ့် ထူးဆန်းတာတစ်ခုက သူ့ဆီလာပြတဲ့ လူနာတွေ အကုန်လုံးရဲ့ ရောဂါလက္ခဏာက တူနေကြပါတယ်။ လူနာတွေအကုန်လုံးက ည၃နာရီဆိုရင် လန့်နိုးလာကြပြီး ဆက်အိပ်လို့မရတော့တာပါ။ သူတို့ အိပ်လို့မရတဲ့အကြောင်းရင်းက ဇီးကွက်တစ်ကောင်က စိုက်ကြည့်နေလို့ပါတဲ့။ အဲဒါနဲ့ အက်ဘီက သူ့ရဲ့ လူနာတွေကို အိပ်မွေ့ချတဲ့နည်းနဲ့ ကုသကြည့်ပါတော့တယ်။ အိပ်မွေ့ချတဲ့နည်းနဲ့ ကုသကြည့်မှ လူနာတွေ မြင်နေရတဲ့ ဇီးကွက်က ဇီးကွက် မဟုတ်နေသောအခါ ….. လူနာတွေက တကယ်ပဲ အိပ်မပျော်တာလား ဒါမှမဟုတ်တာ တခြားတစ်ခုခုကြောင့်လား ….. အိပ်မပျော်တဲ့ရောဂါနောက်မှာ ပိုပြီးကြီးမားကျယ်ပြန့်တဲ့ ကိစ္စအကြီးကြီး တစ်ခုခု ရှိနေသောအခါ ….. အက်ဘီ တစ်ယောက် သူမသိသေးတဲ့ အရာတစ်ခုကို ဘယ်လိုရင်ဆိုင်သွားမလဲ ….. လူတွေကရော သူ့ကိုယုံကြည်ကြပါ့မလား ….. အစရှိတာတွေကို ရုပ်ရှင်ထဲမှာ စီးမြောရမှာပါ။ ယခု ရုပ်ရှင်ကို ကြည့်ပြီးသွားရင် တွေးစရာ ၂ခု သေချာပေါက် ခေါင်းထဲ ဝင်လာပါလိမ့်မယ်။ တွေးရတာကြိုက်တဲ့ ရုပ်ရှင်ပရိသတ်တွေအတွက် ဒီရုပ်ရှင်က ထူးရှယ်ဖြစ်နေမှာသေချာပါတယ်။ ဒါပေမယ့် အဆုံးမှာတော့ ကိုယ် ယုံကြည်မယ့် အရာကို ကိုယ်ကိုယ်တိုင်ပဲ ဆုံးဖြတ်ရမှာဖြစ်ပါတယ်။ ရုပ်ရှင်ကြည့်ပြီးသွားလို့ ယုံကြည်မယ့်အရာတစ်ခုကို ဆုံးဖြတ်ပြီးသွားရင်လည်း mentခဲ့ကြပါဦးခင်ဗျာ။ အညွှန်းနဲ့ ဘာသာပြန်သူက Minn Khant Kyi Win ဖြစ်ပါတယ်။ File size…(1.8 GB)/(940 MB) Quality….Webrip 1080p / 720p Format…mp4 Duration….01:38:00 Genre…Mystery, Science Fiction, Thriller Subtitle….Myanmar Subtitle (Hardsub) Encoder….Mr. Anderson Translated by Min Khant Kyi Win

Lost Care aka Do Unto Others (2023) ~ IMDb – 6.4/10, MyDramaList – 7.7/10 ~ “သင်တို့သည် ကိုယ်၌ သူတစ်ပါးပြုစေလိုသမျှအတိုင်း သူတစ်ပါး၌ ပြုကြလော့။” – ရှင်မဿဲခရစ်ဝင် ၇:၁၂ ယာဂါဘိုးဘွားကူညီစောင့်ရှောက်ရေးစင်တာ (Yaga Care Center) မှာ အလုပ်လုပ်နေတဲ့ ရှီဘမူနဲနိုရီ (Shiba Munenori) က ဘိုးဘွားတွေကို အိမ်တိုင်ရာရောက် ကူညီစောင့်ရှောက်ပေးနေတဲ့သူ။ ဘိုးဘွားတိုင်းအပေါ် သူ့မိဘလိုသဘောထားပြီး ကြင်ကြင်နာနာ နွေးနွေးထွေးထွေး ဆက်ဆံပေးနေလို့ တစ်စင်တာလုံးက လေးစားအားကျနေရတဲ့သူ။ တစ်နေ့ သူတို့စင်တာက ကူညီစောင့်ရှောက်ပေးနေရတဲ့ အုမဲဒါကန်တာရို (Umeda Kantaro) ဆိုတဲ့ အဘိုးတစ်ယောက်ရဲ့အိမ်မှာ စင်တာမှူးဖြစ်တဲ့ ဒန်မိုတိုဟာရု (Dan Motoharu) ကို သေဆုံးလျက်သား ရှာတွေ့ခဲ့တဲ့အပြင် အုမဲဒါကန်တာရိုလည်း သေဆုံးနေပါတယ်။ သူတို့သေဆုံးမှုက လူသတ်မှုလား မတော်တဆသေဆုံးမှုလား ဆိုတာ သိရှိရဖို့ ရှေ့နေမလေး အိုတိုမို (Otomo) က လိုက်စုံစမ်းစစ်ဆေးတော့ ကြင်နာစိတ်အပြည့် စေတနာအပြည့်နဲ့ ဘိုးဘွားတွေကို ကူညီစောင့်ရှောက်ပေးနေတဲ့ ရှီဘမူနဲနိုရီက သံသယအရှိဆုံးလူဖြစ်နေကြောင်း သိသွားရတဲ့အခါ… ၂၀၁၃ ခုနှစ်မှာ ရေးသားထုတ်ဝေခဲ့တဲ့ Aki Hamanaka ရဲ့ Lost Care ကို ဒီနှစ်အတွင်းမှာ ဒါရိုက်တာ Tetsu Maeda က ဒီနာမည်နဲ့ပဲ ရိုက်ကူးထုတ်ဝေခဲ့ပါတယ်။ L မင်းသားကြီး Kenichi Matsuyama က ဘိုးဘွားတွေကိုပြုစုစောင့်ရှောက်ရတဲ့ ကြင်နာစိတ်အပြည့်ရှိ အကူဝန်ထမ်းအဖြစ်သရုပ်ဆောင်ပြီး Kingdom Live Action Movies တွေမှာ တောင်တန်းဘုရင်မ Youtanwa အဖြစ် သရုပ်ဆောင်တဲ့ Masami Nagasawa က ဒီကားထဲမှာတော့ ရှေ့နေမလေးအနေနဲ့ အဓိကပါဝင်သရုပ်ဆောင်ထားပါတယ်။ Lost Care ဇာတ်ကားမှာ သက်ကြီးရွယ်အိုတွေကို ပြုစုစောင့်ရှောက်ရတဲ့အလုပ် Kaigo -Caregiving- (ကိုင်းဂို့)၊ ပြုစုစောင့်ရှောက်ပေးရသူ(အကူ) Kaigoshi – Carer- (ကိုင်းဂို့ရှီ) စတဲ့ စကားလုံးတွေကို ခဏခဏကြားနေရမှာဖြစ်ပြီး အဲဒီအလုပ်ရဲ့တာဝန်ကို တစ်စိတ်တစ်ပိုင်း မြင်ရမှာဖြစ်သလို အဲဒီအလုပ်ကိုလုပ်နေသူတွေရဲ့ခံစားချက်ကိုလည်း သရုပ်ဆောင်တွေရဲ့ ဒိုင်ယာလော့ကနေ သိရှိရမှာပါ။ ဒီဇာတ်ကားကိုကြည့်ပြီးရင် ကိုယ့်ပတ်ဝန်းကျင်အနားက ပြုစုစောင့်ရှောက်ခံရဖို့ လိုအပ်နေကြတဲ့ သက်ကြီးရွယ်အိုတွေ၊ သက်ဆိုင်ရာမိသားစုဝင်တွေက ပြုစုစောင့်ရှောက်ပေးနေတဲ့ သက်ကြီးရွယ်အိုတွေကို သွားမြင်ယောင်ကြမှာဖြစ်ပြီး ရှီဘမူနဲနိုရီရဲ့ခံစားချက်တွေနဲ့ လုပ်ရပ်တွေကို နားလည်သဘောတူသလို ဖြစ်လာနိုင်ပေမဲ့ အဲဒါတွေဟာ လူသားစံနှုန်းအရရော ဥပဒေအရရော ခွင့်ပြုမထားတဲ့အရာတွေသာဖြစ်ပါတယ်။ (ဒီဇာတ်ကားနဲ့အညွှန်းကို AK မှ ပြန်ဆို ရေးသားထားပါတယ်) Size – 1.3GB, 685MB Quality – 1080p, 720p IMDb Rating – 6.4/10 Format – mp4 Duration – 1H 54Min Genre – Drama Subtitle – Myanmar Subtitle (Hardsub) Translated by AK Encoded by Y

27 Steps of May (2019) ပန်းပင်တစ်ပင်ရဲ့ အနုနယ်ဆုံးကာလကိုပြောပါလို့မေးရင်တော့ လူတိုင်းမှာ အဖြေတစ်မျိုးစီရှိကြမှာပေါ့။ တချို့က မျိုးစေ့ကနေ အပင်ပေါက်လာချိန်လို့ပြောရင်ပြောမယ်၊ တစ်ချို့ကလည်း အညှောက်ဘဝကနေ အရွက်တွေစထွက်လာတဲ့ အပင်ပေါက်ဘဝကို ကူးပြောင်းချိန်လို့ ပြောချင်ပြောကြမယ်။ ဒါပေမဲ့ ပန်းပင်တစ်ပွင့်ရဲ့တာဝန်ဟာ လှပတဲ့ပန်းပွင့်လေးတွေ ဖူးပွင့်လာဖို့လို့ ခံယူထားတဲ့ ကျွန်တော်ကတော့ ပထမဦးဆုံးပန်းစပွင့်ဖို့အားယူနေတဲ့ကာလက အနုနယ်ဆုံး လို့ ယူဆပါတယ်။ ဘာလို့လဲဆိုတော့ ပထမဦးဆုံးပန်းစပွင့်မယ့်အချိန်မှာ မလိုလားအပ်တဲ့ပြဿနာကြုံလိုက်ရရင် တချို့ပန်းပင်တွေဟာ အပင်သေတဲ့အထိ အပွင့်မပွင့်တော့ဘဲ အပင်ချည်းသက်သက်အနေနဲ့ ရှင်သန်သွားကြလို့ပါပဲ။လူတွေအတွက်လည်း အတူတူပါပဲ။ စိတ်ဒဏ်ရာ Emotional Trauma ဆိုတဲ့စကားလုံးဟာ ခုခေတ်မှာ တွင်တွင်သုံးနေတဲ့ လူတိုင်းနဲ့မစိမ်းတဲ့ စကားလုံးတစ်လုံးပေမဲ့ ဒီစကားလုံးရဲ့အတိမ်အနက်ကိုတော့ အမှန်တကယ်ကြုံဖူးသူတွေပဲ နားလည်နိုင်မှာပါ။ အခု တင်ဆက်ပေးချင်တဲ့ ရုပ်ရှင်လေးကလည်း စိတ်ဒဏ်ရာအပြည့်နဲ့ အတိတ်ရဲ့အရိပ်ဆိုးအောက်က လွတ်မြောက်ဖို့ကြိုးစားနေတဲ့ မိန်းကလေးတစ်ယောက်အကြောင်းပါ။ ၁၄ နှစ်အရွယ် မေဆိုတဲ့ကောင်မလေးတစ်ယောက်၊ ဆယ်ကျော်သက်သက်ပီပီ တက်တက်ကြွကြွနဲ့ အများနည်းတူ စူးစမ်းချင်တဲ့အရွယ် လှချင်ပချင်တဲ့အရွယ်၊ ပျော်ပျော်ပါးပါးနေတတ်တဲ့မိန်းကလေးပေါ့။ ဒီမိန်းကလေး ကစားကွင်းကနေအပြန်မှာ လူတစ်စုကဖမ်းခေါ်သွားပြီးတော့ ရက်ရက်စက်စက် Group rapeလိုက်ပါတယ်။ အိမ်ကိုဖရိုဖရဲနဲ့ အသက်မဲ့တဲ့မျက်နှာနဲ့ပြန်လာတဲ့မေကိုကြည့်ပြီး ဖြစ်စဉ်ကိုသဘောပေါက်လိုက်ပေမဲ့ တက်ကြွပျော်ပါးခဲ့တဲ့ မေ ဆိုတဲ့ ကောင်မလေးကတော့ အဲဒီနေ့ အဲဒီအချိန်မှာပဲ သူ့ဘဝရဲ့ရှင်သန်မှုအဓိပ္ပာယ်တွေ ရပ်တန့်သွားခဲ့ပါပြီ။ အဖေဖြစ်သူနဲ့ စကားပြောတာလည်း မရှိတော့ဘဲ နေ့စဉ်လုပ်နေကျ အလုပ်တွေကိုပဲ ထပ်တလဲလဲလုပ်ရင်း သူမရဲ့ကမ္ဘာလောကကြီးကို ပိတ်လှောင်လိုက်ပါတော့တယ်။ ပန်းမပွင့်တော့တဲ့အပင်တစ်ပင်လို နေ့စဉ်ဘဝကို အဓိပ္ပာယ်မဲ့ဖြတ်သန်းနေတာကို ဘေးကနေ ဘာမှမပြောဘဲ ကြည့်နေရတဲ့ မေရဲ့အဖြစ်သူ လက်ဝှေ့သမား၊ ကိုယ်တိုင်က ကြမ်းကြမ်းရမ်းရမ်းလက်ဝှေ့သမားပေမဲ့ ဒီသမီးလေးတစ်‌ယောက်ကိုတောင် သေချာမကာကွယ်နိုင်ဘူးဆိုတဲ့အပြစ်တင်စိတ်နဲ့ မွန်းကြပ်နေရတဲ့သူ၊ သမီးလေးကို ရင်ဖွင့်စေချင် စကားပြောစေချင်ပေမဲ့ စကား‌မပြောခိုင်းရက်တဲ့ အဖေတစ်ယောက်ရဲ့ မွန်းကြပ်မှုတွေနဲ့ နေ့ရက်တိုင်းရှင်သန်နေရတဲ့သူတစ်‌ယောက်ပါပဲ။ ကိုယ့်ကိုယ်ကိုယ်အားမလိုအားမရဖြစ်နေတဲ့ ရင်ထဲပြည့်ကြပ်နေတဲ့ခံစားချက်တွေကို လက်ဝှေ့ကြိုးဝိုင်းမှာ သွားသွားပေါက်ကွဲနေတဲ့သူပေါ့။ ၈ နှစ်တာကာလသာကြာမြင့်သွားတဲ့ မေနဲ့သူ့အဖေကတော့ လွန်ခဲ့တဲ့ ၈ နှစ်က မုဒိမ်းကျင့်ခံရတဲ့ညမှာပဲ ရှင်သန်နေကြဆဲပါပဲ။ ဒီလိုနဲ့ နံရံကနေထွက်နေတဲ့ ပိတ်စတစ်စကို ဆွဲမိရာကနေ ဘေးအိမ်နဲ့မေရဲ့အခန်းကြားမှာ အပေါက်ဖြစ်သွားပြီးတော့ ၈ နှစ်တာကာလကြာအပြီးမှာ နေ့တိုင်းပုံသေဖြစ်နေတဲ့ မေရဲ့ဘဝထဲကို မထင်မှတ်ထားတဲ့ အရာတစ်ခုအဖြစ် မျက်လှည့်ဆရာလေး ရောက်လာပါတော့တယ်။ အဲဒီနောက်မှာတော့…… Heart touching Dialogue တွေလည်းမပါ ဘာမှထူးခြားတဲ့Sceneတွေမပါဘဲ အတော်လေးရိုးရှင်းတဲ့ပုံစံနဲ့ ပုံဖော်ထားပေမဲ့ ကြည့်ရှုသူကို မေနဲ့သူ့အဖေရဲ့ခံစားချက်တစ်စိတ်တစ်ပိုင်းကို တန်းပြီးတော့ခံစားမိသွားစေတဲ့အထိ၊ အင်ဒိုရုပ်ရှင်မှဟုတ်ရဲ့လားလို့တောင် တွေးမိသွားစေတဲ့အထိ Emotionally densed ဖြစ်တဲ့ ဒီရှားပါးရုပ်ရှင်လေးကို CMပရိသတ်တို့ ခံစားလို့ရအောင် တင်ဆက်လိုက်ပြီမလို့ Rape victim နဲ့ မိသားစုဝင်‌တွေရဲ့ဒုက္ခကို တစ်စိတ်တစ်ပိုင်းအားဖြင့် စာနာနိုင်ဖို့အတွက် ကြည့်ရှုခံစားကြည့်ဖို့ တိုက်တွန်းလိုက်ရပါတယ်။ အညွှန်း နဲ့ ဘာသာပြန်ကတော့ Mary Christ ပဲ ဖြစ်ပါတယ်။ Genre….. Drama Quality…. 1080p | 720p File size… 1.1GB | 593MB Format… mp4 Duration…. 1h 52mim Subtitle…. Myanmar Subtitle (Hardsub) Translator ….. Mary Christ Encoder ….. Aaron

ဒါရိုက်တာ Dario Argento ရိုက်ကူးတဲ့ horror/ mystery ဇာတ်ကား Opera မှာ rising star အဆိုတော်မလေး ဘက်တီက အဓိကဇာတ်ကောင်ဖြစ်ပါတယ်။ သူက Original Singer ဒဏ်ရာရသွားလို့ မမျှော်လင့်ဘဲ leading role ရခဲ့တာပါ။ Original Singer ဒဏ်ရာရခြင်းနဲ့ တဆက်တည်းမှာပဲ အော်ပရာဟောက်စ်မှာ ရက်ရက်စက်စက် လူသတ်မှုတွေ ဆက်တိုက်ဖြစ်ပွားနေပါတယ်။ လူသတ်သမားရဲ့ အဓိက target က ဘက်တီ ဖြစ်နေသောအခါ သူမအနေနဲ့ အသက်ရှင်ဖို့ကြိုးစားရင်း အမှု နောက်ကွယ်က မေးခွန်းတွေ၊ ဆန်းကျယ်မှုတွေကို ဖြေရှင်းရမှာဖြစ်ပြီး ဘာတွေ တွေ့ကြံရမလဲဆိုတာကိုတော့… File size…(2.2 GB)/(1.1 GB) Quality….Blu-Ray 1080p / 720p Format…mp4 Duration….01:47:00 Genre… Crime, Horror, Mystery Subtitle….Myanmar Subtitle (Hardsub) Encoder….Garfield Translated by BB

The Killer (1989) ဟောင်ကောင်ရုပ်ရှင်ရဲ့ ရွှေခေတ်… ဂျွန်ဝူးရဲ့ရွှေခေတ်…. ချောင်ယွန်ဖတ်ရဲ့ရွှေခေတ်က အက်ရှင်ကားတစ်ကားပေါ့။ တစ်ချို့ကတော့ ဒီရုပ်ရှင်ကို ချောင်ယွန်ဖတ်ရဲ့ အကောင်းဆုံးကားလို့ သတ်မှတ်ကြတယ်။ဟောင်ကောင်အက်ရှင်တွေရဲ့ ဘုရင်ဟောင်းဂျွန်ဝူးရဲ့ Ratingအကောင်းဆုံးကားဆိုလည်း မမှားဘူး။ အဖွင့်မှာတင်ပါလာတဲ့ နောက်ခံသီချင်းလေးကလည်း တော်တော့်ကို ကောင်းတာပါပဲ။ ပုံစံကခပ်အေးအေး အကြည့်က ခပ်စူးစူးနဲ့ တစ်ချက်ပစ်ရင် လူတစ်ယောက်ထိကိုထိတဲ့ နာမည်ကျော်ကြေးစားလူသတ်သမားတစ်ယောက်ရှိတယ်။ စင်တင်စားသောက်ဆိုင်တစ်ခုမှာ ပစ်မှတ်ကို သွားသတ်ရင်း အဆိုတော်မလေးရဲ့ မျက်လုံးကို ကျည်နဲ့ ရှပ်ထိသွားပြီး ကောင်မလေးရဲ့ မျက်လုံးဟာ ကန်းတော့မယ့်လုဆဲဆဲ ဖြစ်သွားခဲ့တယ်။ လူသတ်သမားပေမဲ့ ကိုယ်ပိုင်စည်းမျဉ်းနဲ့ သိက္ခာရှိရှိနေတဲ့ ချောင်ယွန်ဖတ်ရဲ့ ကျည်ဟာ ဘယ်တော့မှ အပြစ်မရှိသူရဲ့ အရေပြားပေါ် မဖိတ်စဉ်ဖူးဘူး။ ဖိတ်စဉ်မိခဲ့ရင်လည်း သူ့တာဝန် သူယူတတ်တဲ့သူဆိုတော့ အနားယူဖို့စီစဉ်ထားပေမဲ့ ကောင်မလေးရဲ့ မျက်လုံးကို ပြန်ကုပေးဖို့ နောက်ဆုံးအလုပ်တစ်ခုကို လက်ခံလိုက်တယ်။ ကံဆိုးချင်တော့ နောက်ဆုံးအလုပ်မှာ သူ့ကိုခိုင်းတဲ့သူတွေက သူ့ကိုပြန်နှုတ်ပိတ်သတ်ဖို့ကြံရာက ရဲတွေရော ရာဇဝတ်ဂိုဏ်းတွေကပါ သူ့နောက်ကိုလိုက်ကြတော့တာပါပဲ။ ဇာတ်အိမ်က သူ့ခေတ်က ထူးပေမဲ့ နောက်ပိုင်း ဒီပုံစံတွေ တွေ့ဖန်မြင်ရများလို့ မဆန်းတော့တဲ့ ဇာတ်အိမ်ပါပဲ။ သို့ပေမဲ့ လတ်ဆတ်တုန်းက အပြုံးချိုချိုနဲ့ ချောင်ယွန်ဖတ်နဲ့ လိုက်ဖက်လွန်းနေတဲ့ သိက္ခာရှိတဲ့ ကြေးစားလူသတ်သမားဇာတ်ကောင်က ဒီဇာတ်လမ်းကို ဘယ်တော့မှမဟောင်းမယ့် ဇာတ်လမ်းတစ်ပုဒ်ဖြစ်သွားအောင် အရောင်တင်ပေးခဲ့တယ်။ သဘောကျစရာကောင်းတာက နောက်ပိုင်းကားတွေထဲက ဇာတ်လိုက်တွေလို လူလွန်မသားတွေ ဖြစ်မနေဘူး။ ကြမ်းတယ် ကျည်တစ်ချက်တစ်ကောင်သေတယ်။ သို့ပေမဲ့ ဒဏ်ရာလည်း အသေရတယ်.. ရရင်လည်း လူပီပီ နာပြကျင်ပြ ခံစားပြတယ်။ လူကိုး။ ခိုးကိုးရာမဲ့ချိန် တစ်ချိန်ချိန်မှာ စိတ်ရဲ့အမြင့်ကလည်း ပြုတ်ကျလာတတ်တာပဲ။ဒီအက်ရှင်ကားရဲ့ တစ်ချို့အခန်းတွေဟာ ရင်ထဲနင့်စရာ သိပ်ကောင်းတယ်။ ဂျွန်ဝူးဟာ သူ့ခေတ်သူ့အခါက တကယ်တော်ခဲ့တဲ့ ဆရာတစ်ပါးပါပဲ။ ရုပ်ရှင်ကိုတောင် ရိုက်နေရင်းမှ ဇာတ်ညွှန်းရေးခဲ့တဲ့သူ တစ်ယောက်ပါ။ နောက်ဒီရုပ်ရှင်ကို ရိုက်ရာမှာ ပီပီပြင်ပြင်ရှိစေဖို့ ဂျွန်ဝူးဟာ တကယ့်သေနတ်အစစ်တွေသုံးပြီး ရိုက်ခဲ့တယ်။ လမ်းမပေါ် ရိုက်တဲ့အချိန်ဆို ဖြတ်သွားဖြတ်လာ လူတွေကတောင် ဓားပြတိုက်နေတယ်လို့တောင် ထင်ခဲ့ကြတဲ့အထိပါပဲ။ 1991မှာ အနောက်ကလူတွေက ဒန်ဇယ်ဝါရှင်တန်နဲ့ Remakeလုပ်ဖို့ ကြံခဲ့ကြပါတယ်။ နောက်ကျ ဟောလိဝုဒ်က ဒန်ဇယ်နဲ့ Remake လုပ်ဖို့ အဆင်မပြေတော့ ကီယာနူးရိဗ်ကို ငှားခဲ့ပေမဲ့ သူကတော့ ငြင်းလိုက်ပါတယ်။ မငြင်းရင်လည်း အဆင်ပြေမယ်မထင်ပါဘူး။ သို့ပေမဲ့ ကီယာနူးရိဗ်ဟာ John Wickမှာမှ The Killerကို Inspiration ယူခဲ့တယ်။ အစမှာတော့ ချောင်ယွန်ဖတ်ရဲ့ အကောင်းဆုံးရုပ်ရှင်လို့ ပြောကြတာကို နည်းနည်းလွန်တယ် ထင်မိပေမဲ့ ဇာတ်အသိမ်းမှာတော့ ငြင်းဆန်နိုင်စွမ်း မရှိတော့ဘူး။ ဒါရိုက်တာဟာ ပြန်ပြောပြဖို့တော်တော်ခက်လိမ့်မယ့် အရသာတစ်ခုကို ထပ်ဆောင်းပေးခဲ့လိုက်ပြီ။ ဒီအရသာက ကျွန်တော် ဘယ်တော့မှ မေ့တော့မှာမဟုတ်တဲ့ အရသာတစ်ခုပဲ။ ရုပ်ရှင်အပြီးမှာ တစ်ခုသောစာသားကလေးကိုပဲ ကျွန်တော် ပြေး သတိရမိတယ်။ ” ဘဝသည် နာကျင်ဖွယ်အတိနဲ့ ကြင်နာတတ်ကြောင်း ပြလိမ့်ဦးမည်”တဲ့…… (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size – 1.3GB, 890MB Quality – 1080p, 720p IMDb Rating – 7.8/10 Format – mp4 Duration – 1H 51Min Type – Action, Crime, Drama Subtitle – Myanmar Subtitle (Hardsub) Translated by WiRa Aung Encoded by Y

Salve Maria (2024) IMDb Rating (6.5) ယခုအခါတင်ဆက်ပေးလိုက်တာကတော့ ၂၀၂၄ ခုနှစ်ထွက် စပိန်ဘာသာစကားပြော drama/thriller အမျိုးအစားဇာတ်လမ်းလေးပဲဖြစ်ပါတယ်။ IMDB 6.5 ရထားပြီး ဆု ၁၀ ဆုလည်းရရှိထားပါတယ်။ ဇာတ်လမ်းကတော့ မာရီယာဆိုတဲ့ အခုမှသားဦးမွေးထားတဲ့စာရေးဆရာမတစ်ယောက်ကိုဦးတည်ထားပါတယ်။ အခုမှသားဦးမွေးထားတဲ့မာရီယာဟာ postpartum depression လို့ခေါ်တဲ့မိခင်တွေခံစားရတဲ့စိတ်ကျရောဂါတစ်မျိုးကို တယောက်ထဲတိုက်ခိုက်နေသူဖြစ်ပါတယ်။ ကလေးကနို့စိုရင်ပြန်အန်တာကို ကလေးဆရာဝန်ကပုံမှန်ပဲလို့ပြောတာကို‌တောင် သူ့မှာစိုးရိမ်တကြီးဖြစ်နေရှာပါတယ်။ အိမ်တစ်ခုမှာပုံမှန်ဖြစ်လေ့ရှိတဲ့ ပြဿနာတွေကိုလည်း မာရီယာဟာ အကြီးအကျယ်စိတ်ညစ်နေရှာပါတယ်။ ယောက်ျားဖြစ်သူ နီကိုကတော့ ဒါကိုမသိပဲ သူ့အလုပ်ပဲသူလုပ်နေခဲ့ပါတယ်။ မာရီယာကနီကို့ကို ခွင့်ယူဖို့၊သူနဲ့အတူတူကလေးကိုစောင့်ရှောက်ဖို့ပြောပေမဲ့လည်း နီကိုကခွင့်မယူပါဘူး။ ဒီ‌လိုနဲ့တနေ့ကျ ပြင်သစ်အမျိုးသမီးတစ်ယောက်က သူမရဲ့ဆယ်လသားအရွယ်အမွှာလေးတွေကို ရေနစ်သတ်တဲ့သတင်းကိုတွေ့လိုက်ရပါတယ်။ ထိုသတင်းဟာမာရီယာရဲ့ခေါင်းထဲမှာစွဲမြဲနေခဲ့ပါတော့တယ်။ ဒီဇာတ်လမ်းဟာ မိခင်တစ်ယောက်ရဲ့ဘဝကိုဇာတ်နှေးနှေးနဲ့ရိုက်ပြထားပါတယ်။ (အညွှန်းနဲ့ဘာသာပြန်ကတော့ Akm ဖြစ်ပါတယ်။) File size…(1.7 GB) / (900 MB) Quality….WEB-DL 1080p HEVC / 720p Format…. mkv/mp4 Genre….Drama Duration….01:48:04 Subtitle….Myanmar Subtitle (Hardsub) Encoder….Alvar Translated by Akm

ပိတ်ရက်မှာ အနားယူရင်း ကြည့်ရှုဖို့အတွက် Horror ဇာတ်ကား ကောင်းတစ်ကားနဲ့ cm ပရိသတ်ကြီးကို မိတ်ဆက်ပေးချင်ပါတယ်။ ဒီဇာတ်ကားက အများစု လက်ခံယုံကြည်မှုကို တော်လှန်ဆန့်ကျင်တဲ့ ဇာတ်ကားတစ်ခုလို့ ပြောရင်လည်း မမှားပါဘူး။ လွတ်လပ်စွာ ယုံကြည်ကိုးကွယ်မှုနဲ့အတူ ဆန့်ကျင်မှုကိုပါ ခွင့်ပြု ထားပေးတဲ့ ကနေဒါနိုင်ငံမှာ ရိုက်ကူးထားတဲ့ ဒီဇာတ်ကားဟာ ခရစ်ယာန် ဘာသာဝင်တို့အတွက် နည်းနည်းတော့ ထိလွယ် ရှလွယ်မို့လို့ အမြင်ကျယ်ကျယ်နဲ့ ထားပြီး ကြည့်ရှုဖို့ တိုက်တွန်း ချင်ပါတယ်။ ဇာတ်လမ်းအကျဉ်းကတော့ ဖာသာဟာပါဟာ အဖော်ဘုန်းတော်ကြီး တစ်ယောက်နဲ့ အတူ အပနှင်နေရင်း မတော်တဆမှုဖြစ်ပြီး အဖော်ဘုန်းတော်ကြီး သေဆုံးသွားခဲ့ပါတယ်။ အပနှင်ဘုန်းတော်ကြီးတွေ သေဆုံးမှု များပြားလာတဲ့အတွက်ကြောင့် စုံစမ်းစစ်ဆေးမှုတွေ လုပ်ပြီး နတ်ဆိုးနှင်တာကို လတ်တလော တားမြစ်ထားလိုက်ကြတဲ့အချိန် စိတ်ဓာတ်ကျနေတဲ့ ဖာသာဟာပါ တစ်ယောက် သူ့ရဲ့ ဇာတိဖြစ်တဲ့ မြို့ငယ်လေးကို ပြန်လာခဲ့ပါတယ်။ ရောက်ပြီး မကြာခင်မှာပဲ တံတားပေါ်က ခုန်ချသတ်သေသူတစ်ဦးကို တွေ့လိုက်ရလို့ လှမ်းအော် တားမြစ်ပေမယ့် မမီတော့ပါဘူး။ ဒါပေမယ့် ငုံ့ကြည့်တဲ့အခါ ဘယ်သူမှ ရှိမနေပြန်ပါဘူး။ သူတွေ့ခဲ့တဲ့သူက တခြားမဟုတ်ပါဘူး သူငယ်စဉ်ကတည်းက သေဆုံး သွားပြီးဖြစ်တဲ့ သူ့ဖခင်ပါ။ သေဆုံးတာ နှစ်ပေါင်းများစွာ ကြာလှ ပြီဖြစ်တဲ့ သူ့ရဲ့အဖေက အိမ်ကိုရောက်လာချိန်မှာတော့ ဖာသာ ဟာပါအနေနဲ့ မေးခွန်းထုတ်စရာတွေ အများကြီး ဖြစ်လာပါတော့တယ်။ ( ဒီဇာတ်လမ်းမှာ ပေးချင်တဲ့ မက်ဆေ့အနေနဲ့က အနန္တတန်ခိုးရှင် ဖန်ဆင်းရှင် ဘုရားသခင်က အမှန်တကယ် မကောင်းတဲ့သူ တစ်ယောက် ဖြစ်နေခဲ့ရင် ဘယ်လိုလုပ်မလဲဆိုတဲ့ အတွေးစကို ပေးချင်တာပါ။ ယုတ္တိတန်တာ မတန်တာ အသာထား… ကျွန်တော်တို့တွေရဲ့ ယုံကြည်ကိုးစားမှုဆိုတဲ့အရာကို ဘယ်လောက်ထိ မေးခွန်းထုတ် ခံနိုင်မလဲ အဲဒီအရာကရော ဘယ်လောက်ထိ မှန်ကန်မှု ရှိနိုင်မလဲ။ ဒီကမ္ဘာကြီးမှာ ယုံကြည်ကိုးကွယ်မှု ဘာသာပေါင်း လေးထောင်ကျော် ရှိပါတယ်။ ဘာသာဝင်တိုင်းလိုလိုက သူတို့ ဘာသာကသာ အမှန်အကန်လို့ ယုံကြည်ကြတာပါ။ ခေတ်မီတိုးတက်နေတဲ့ ကမ္ဘာကြီး ဖြစ်နေပေမယ့်လည်း အယူဝါဒတွေ ယုံကြည်သက်ဝင်မှုတွေ ရှေးရိုးအစဉ်အလာ တွေနဲ့ လွန်ဆွဲနေဆဲဖြစ်တဲ့ လူသားတို့ရဲ့ ယုံကြည်မှုတွေ ရှိနေသရွေ့ ဒီအတွေးတွေကလည်း ရှိနေဦးမှာပါပဲ။ ) File size… (904 MB) / (567 MB) Quality… WEB-DL 1080p HEVC / 720p Format…mkv / mp4 Duration….1h 27m Genre …..Horror Subtitle….Myanmar Subtitle (Hard Sub) Encoder….Min Wai Translated by Aoi

Creepy ဖြစ်တဲ့ ဟော်ရာကားမျိုးကိုမှ ကြည့်ချင် ပါတယ်ဆိုတဲ့ သူတွေအတွက် ဇာတ်ကားလေးတစ်ခုနဲ့ မိတ်ဆက်ပေးပါ့မယ်။ ဇာတ်ကားရဲ့ အလင်းအမှောင်အနေအထား၊ အသံ၊ ရိုက်ကွင်းရိုက်ကွက်တွေက Horror ဇာတ်ကား ကောင်းတစ်ခု ပီသပြီးတော့ တစ်ရာဖိုး သုံးပုဒ် ခပ်ပေါပေါ ဇာတ်ကားမျိုး မဟုတ်ပါဘူး။ ငယ်ဘဝ ထရာမာ စိတ်ဒဏ်ရာတွေ … ဘာသာရေး အမှောင်ကျမှုတွေကို ဖော်ညွှန်းထားတဲ့ ဒီဇာတ်ကားက အိုင်ယာလန်နိုင်ငံမှာ ရိုက်ကူးထားတဲ့ အိုင်းရစ်စကားပြော ဇာတ်လမ်းပါ။ ဇာတ်ကားရဲ့ နာမည်က အိုင်ယာလန် ဘာသာစကားနဲ့ ဖြစ်ပြီး “ဇစ်မြစ်/အမြစ်”ဆိုတဲ့ အဓိပ္ပါယ်ရပါတယ်။ ဒီဇာတ်ကားမှာ သက်ကြီးရွယ်အို ကူညီစောင့်ရှောက်ရေး အေဂျင်စီမှာ လုပ်ကိုင်တဲ့ “သျှူဘန်း (ခ) သျှူး” ဆိုတဲ့ အမျိုးသမီး တစ်ယောက်ဟာ သူမရဲ့ မိခင် သူ့ကိုယ်သူ ဆွဲကြိုးချ သေဆုံးပြီးနောက် ကျန်ရစ်ခဲ့တဲ့ အခန်းကို ရှင်းလင်းရေး လုပ်ဖို့ သူမရဲ့ ဇနီး မီလာနဲ့အတူ ရောက်လာခဲ့ပါတယ်။ လေဖြတ်သွားတဲ့ သက်ကြီး ရွယ်အို တစ်ဦးကို ကူညီစောင့်ရှောက်ပေးဖို့အတွက် အလုပ်မက်ဆေ့က ရောက်လာခဲ့လို့ ရှင်းလင်းရေး မပြီးခင်မှာပဲ သွားခဲ့ပါတယ်။ တစ်ကယ်တမ်းကျတော့ သျှူးရဲ့ အေဂျင်စီက သူမကို မိသားစုနာရေးရှိလို့ ခွင့်ရက်ပေးထားပြီးတော့ လုံးဝ အလုပ်အပ်ခဲ့တာ မဟုတ်ပါဘူး။ ဟိုကိုရောက်တဲ့အခါမှာ သူကြည့်ရှု ပေးရမယ့် အဖွားကြီးဟာ အိမ်မှာ တစ်ယောက်တည်း နေထိုင်ပြီးတော့ လေဖြတ်ရုံတင်မက သူငယ်ပြန်ချင် သလို ဖြစ်နေပြီး စကားတွေ တောင်စဉ် ရေရာမရ ပြောတဲ့သူ ဖြစ်နေတာပါ။ အဖွားကြီးရဲ့ နောက်ကြောင်းနဲ့ ဒီအိမ်ကြီးရဲ့ ခြောက်ခြားဖွယ် သမိုင်းကြောင်းတွေက ဘယ်လိုဆက်စပ်မှု ရှိနေလဲ… သူမကို အေဂျင်စီ အယောင်ဆောင်ပြီး အလုပ်ပေးခဲ့တဲ့ သူတွေကရော ဘယ်သူတွေလဲ…။ သျှူးနဲ့ ဒီအိမ်က ဘယ်လိုတွေ ပတ်သတ်မှုရှိနေလို့ ရောက်လာခဲ့တာလဲ ဆိုတာကိုတော့…..။ ( ဒီကားအကြောင်းနဲ့ ဆက်စပ်ပြီး အိုင်ယာလန်နိုင်ငံရဲ့ သမိုင်းကြောင်း တစ်ချို့ကို ပြောပြချင်ပါတယ်။ အိုင်ယာလန်နိုင်ငံမှာ ကတ်သလစ်ဘာသာဟာ နိုင်ငံရေး နယ်ပယ်မှာပါ အကြီးအကျယ် လွှမ်းမိုး ချုပ်ကိုင် ပါဝင်ပတ်သတ်ခဲ့တဲ့ အချိန်တုန်းက မဂ္ဂဒလန် အဝတ်လျှော်ရုံတွေဖွင့်ပြီး နိုင်ငံတွင်းက “Fallen Women” လို့ ခေါ်ဆိုခဲ့ကြတဲ့ ပြည့်တန်ဆာ လုပ်ဖူးတဲ့အမျိုးသမီး ငယ်တွေ..လင်ကောင်မပေါ်ဘဲ ကလေးမွေးခဲ့တဲ့ အမျိုး သမီးတွေ..ဒုက္ခိတ မသန်စွမ်း စိတ်မနှံ့သူ အမျိုးသမီးတွေ… ရာဇဝတ်မှု ကျူးလွန်ခဲ့ဖူးသူ အမျိုးသမီးတွေ… စသူတို့ကို လုပ်ကိုင်စေခဲ့ပါတယ်။ ကြီးကြပ်တွေ အနေနဲ့ ဘုရားကျောင်းတွေက စစ်စတာတွေ လုပ်ကိုင်ခဲ့တာပါ။ ကနဦးက ဒီလုပ်ငန်းကို အမျိုးသမီးငယ်တွေ ပြန်လည် ထူထောင်ရေး ခုံလှုံရာ နေရာအဖြစ် စတည်ထောင်ခဲ့ ပေမယ့် နောက်ပိုင်းမှာ အဓမ္မ ဖိအားပေး ခိုင်းစေမှုတွေ.. လုပ်ခလစာ မရတဲ့အပြင် ဘာသာရေး ခေါင်းစဉ် ဗန်းပြပြီး ဖိနှိပ်ချုပ်ချယ်မှုတွေ လုပ်ရုံတင်မက ရုပ်ပိုင်းဆိုင်ရာ စိတ်ပိုင်းဆိုင်ရာ အနိုင်ကျင့်မှုတွေကြောင့် အိုင်ယာလန် နိုင်ငံရဲ့ ကတ်သလစ် ဘာသာရေး သမိုင်းကြောင်းမှာ အမည်းစက် ထင်ကျန်နေခဲ့တဲ့ ဖြစ်စဉ်တစ်ခု ဖြစ်ပါတယ်။ ဒတ်ဘလင်မြို့တော်က နောက်ဆုံး အဝတ်လျှော်ရုံဟာ ၁၉၉၆ ကမှ ပိတ်သိမ်းခဲ့တာပါ။ ) (အညွှန်းနဲ့ ဘာသာပြန်ကတော့ Aoi ဖြစ်ပါတယ်) File size… (1.04 GB) / (626 MB) Quality… WEB-DL 1080p HEVC / 720p Format…mkv / mp4 Duration….1h 43m Genre …..Horro Subtitle….Myanmar Subtitle (Hard Sub) Encoder….Min Wai Translated by Aoi

Narivetta (2025) “အမှန်တရားဘက်တော်သား” မလေယာလမ် အက်ရှင်ဇာတ်လမ်း အသစ်လေးကို မဆလာပရိသတ်တိုအတွက် တင်ဆက်ပေးပါရစေ ၂၀၀၃ ခုနှစ်က ဖြစ်ရပ်မှန်တစ်ခုပေါ် အခြေခံကာ ကီရယ်လာပြည်နယ်ရဲ့ မျိုးနွယ်စုရွာလေးမှာတည်ထားတဲ့ ဇာတ်လမ်းလေးဖြစ်ပါတယ် ဇာတ်လမ်းအကျဉ်းကိုပြောရရင်တော့ ပီတာက ဝေးလံခေါင်ဖျားဒေသတစ်ခုကို သွားရောက်တာဝန်ထမ်းဆောင်ရတဲ့ ရဲသားပါ ဒီလိုနဲ့ မျိုးနွယ်စုတိုင်းရင်းသားတွေရဲ့ ဒုက္ခတွေ၊ သူတိုမတရားသဖြင့် ဖိနှိပ်ခံရတာတွေကို မြင်လာရတဲ့အခါ ရဲအရာရှိတစ်ယောက်အနေနဲ့ သူဘာကိုရွေးချယ်သွားမလဲ အက်ရှင်ခန်းတွေနဲ့ ဒရာမာစုံလင်စွာပါဝင်တဲ့ ဒီကားလေးထဲမှာ ခံစားကြည့်ရှုကြပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်