ဒီဇာတ်လမ်းက အန်ဆိုတဲ့မိန်းကလေးရဲ့စိတ်ထဲက ဖြစ်ချင်တဲ့အရာတွေကို ပုံဖော်ထားတာမျိုးပါ လူတစ်ဦးက ၂မိနစ်တိုင်း မျက်နှာတစ်မျိုးပြောင်းလဲနေတယ် အန်ဆိုတဲ့ ကောင်မလးက ကျွန်းတစ်ခုပေါ်မှာ နိုးထလာပြီး သူမကိုယ်သူမ ဘယ်သူဘယ်ဝါဆိုတာကို မမှတ်မိနိုင်ဘူး ဖြစ်နေတာပါ။ သူမက ဆန်းကြယ်လှတဲ့အဆောက်အဦးတစ်ခုမှာ ကြောက်စရာသမင်မိစ္ဆာဗိဒီဂိုနဲ့ ရင်ဆိုင်နေရတယ် သူမဟာ ဒီထပ်တလဲလဲဖြစ်နေတဲ့ဝင်္ကပါကြီးကနေ လွတ်လမ်းရှာနေပါတယ် တကယ်တမ်းကျတော့ သူမ ရင်ဆိုင်နေရတဲ့အရာကြီးက ဘာတွေဖြစ်နေမလဲ ဘာကြောင့် သူမကစိတ်ဝင်္ကပါထဲ ပိတ်မိနေရပြီး နှစ်မိနစ်ကို တစ်ခါ ရုပ်​ပြောင်းလဲသွားရတာလဲ ဒီဝင်္ကပါကြီးထဲကနေရော သူမ လွတ်မြောက်နိုင်ပါ့မလား? Psychological Thriller ကြိုက်နှစ်သက်သူတွေအဖို့ လုံးဝ အကြိုက်တွေ့စေမယ့်ဇာတ်လမ်းမို့ ဇာတ်လမ်းဆုံးတဲ့အထိ လက်မလွှတ်တမ်း ကြည့်ရှုပြီး အတူတူ အဖြေရှာကြည့်ကြပါစို့နော်။ အညွှန်း နဲ့ ဘာသာပြန်ကတော့ Lei Wutyi Tun ပဲ ဖြစ်ပါတယ်။ Genre..... Thriller, Mystery, Drama Quality…. 1080p | 720p | 480p File size… 1.1GB | 560MB | 291MB Format… mp4 Duration…. 1b 56min Subtitle…. Myanmar Subtitle (Hardsub) Translator ..... Lei Wutyi Tun Encoder ..... August

ဒီရုပ်ရှင်ကိုလည်း မျှော်နေကြသူတွေ များပါတယ်။ Murder on the orient express ရုပ်ရှင်ရဲ့ နောက်ဆက်တွဲအဖြစ်ထွက်လာတာပါပဲ။ စုံထောက်ကြီး ဟာကျူလီ ပွာရိုးနဲ့ ဘုခ် တို့ အမှုလိုက်ကြဦးမှာပါ။ ရုပ်ရှင်နာမည်အတိုင်း လူသတ်မှုကတော့ နိုင်းမြစ်ထဲက သင်္ဘောကြီးတစ်ခုပေါ်မှာဖြစ်တာပါ။ သင်္ဘောပေါ်မှာပါနေတဲ့ ခရီးသည်တွေကလွဲပြီး ဘယ်သူမှ မဖြစ်နိုင်တာမို့ ထုံးစံအတိုင်း တစ်ယောက်ပြီးတစ်ယောက်ကို စစ်မေးပြီး သဲလွန်စတွေ ချိတ်ဆက်ပြီး တရားခံကိုဖော်ထုတ်ရမှာပါပဲ။ ဇာတ်လမ်းတစ်ခုလုံးကို အစကနေ အဆုံးထိ အတူတူခန့်မှန်းရင်း ခံစားသွားလို့ရပါတယ်။ ဘယ်သူသေမှာလဲ ဘာကြောင့်လဲ ဘယ်သူသတ်တာလဲ ဘယ်လိုသတ်တာလဲ စသည်ဖြင့် တွေးစရာတွေ အများကြီးပေးပြီး နောက်ဆုံးမှပဲ ရှင်းလင်းသွားမှာဖြစ်ပါတယ်။ နာမည်ကျော်သရုပ်ဆောင်တွေအများကြီးပါဝင်ထားတာမို့ သရုပ်ဆောင်ချက်တွေရော ဇာတ်လမ်းရောက ပရိသတ်တွေအားလုံး စိတ်ကြိုက်ဖြစ်မှာပါ။ File size…(1.8 GB)/(2 GB)/(900 Mb)/(500 Mb) Quality….BluRay DS4K HEVC/ 1080p / 720p / 480p Format…mkv/mp4 Duration….02:07:00 Genre...Drama, Crime, Mystery Subtitle….Myanmar Subtitle (Hardsub) Encoder….Mr. Anderson Translated by Mr. Anderson

~ IMDb - 7.5/10, Rotten Tomatoes - 85% ~ Beetlejuice ဟာ Gothic ဟန်နဲ့ နာမည်ကြီးတဲ့ Tim Burton ကြီးရဲ့ ကနဦးကားတွေထဲက တစ်ကားဖြစ်ပြီး Johhny Depp နဲ့ Winona Ryder တို့ Edward Scissorhands မှာ မတွေ့ကြခင် Winona နဲ့ ဘာတန်တွဲရိုက်ခဲ့တဲ့ကားဖြစ်သလို Beetlejuice 2 သာ ထွက်ဖို့သေချာရင် မူလ Actor, Actress တွေဖြစ်တဲ့ Michael Keaton တို့ Winona တို့အပြင် Johnny Depp လည်း ပါလာမယ်ဆိုပါတယ်။ Beetlejuice ဟာ Rating တွေမြင့်သလို Classic စာရင်း၀င်တဲ့ ဘာတန်ဆန်ဆန်၊ Gothic ဆန်ဆန် Comedy ကားလည်းဟုတ်ပါတယ်။ ဘာတန်ဟာ Beetlejuice ကို Hero တစ်ဖြစ်လည်း မြင်ရမယ်လို့ပြောကြတဲ့ Beetlejuice Goes Hawaiian ကို 1990 ကတည်းက ရိုက်ဖို့လုပ်ခဲ့ပေမဲ့ အကြောင်းအမျိုးမျိုးနဲ့ပျက်ခဲ့ပါတယ်။ သို့ပေမဲ့ Winona ကတော့ ဘာတန်နဲ့ Keaton သာ ပါရင် သူလည်း ပါမယ်ပြောခဲ့သလို Keaton ကလည်း Burton ရိုက်မှ သူရိုက်မယ်ပြောခဲ့တဲ့ အချင်းချင်းသစ္စာရှိကြတဲ့လူတွေချည်းပါပဲ။ ဒီလိုနဲ့ ၂၇နှစ်ကျော်မှာ ရိုက်ဖို့အကြောင်းတစ်ခါဖန်လာခဲ့သလို အခု ၃၄နှစ်ကျော်မှာတော့ ဘာတန်နဲ့ သိပ်လိုက်တဲ့ Johnny Depp ပါ cast စာရင်းထဲ ပါလာတယ်လို့ ကောလဟာလတွေ ဆိုလာကြပါတယ်။ ဇာတ်လမ်းကတော့ မတော်တဆမှုနဲ့ တစ္ဆေဖြစ်သွားတဲ့ လင်မယားဟာ သူတို့အိမ်ကို ပြောင်းလာတဲ့ လူတွေကို ကိုယ်တိုင်ခြောက်ထုတ်မရတာကြောင့် လူအပနှင်ဖို့ဆိုပြီး လူအပနှင်ကျွမ်းကျင် တစ္ဆေကြီး Beetlejuice ကို အကူအညီတောင်းခဲ့ပါတယ်။ သို့ပေမဲ့ အဲဒီမိသားစုထဲက သူတို့နဲ့ ရင်းနှီးသွားတဲ့ ကောင်မလေးကိုပါ Beetlejuice က ထိပါးလာတဲ့နောက် Beetlejuice ကို တားဖို့လုပ်ရတဲ့ သရဲဟာသ ဇာတ်လမ်း ခပ်ကြောင်ကြောင်ပါပဲ။ တမလွန်ကို ခပ်ကြောင်ကြောင်ဗားရှင်းနဲ့ပြထားသလို Supernatural ထဲက ခရောင်လီကြီးရဲ့ ငရဲစနစ်သစ်ဆိုပြီး တန်းစီပြီး အကြာကြီးစောင့်ရတဲ့စနစ်ထက် Beetlejuice ကားက တမလွန်ရဲ့တန်းစီစနစ်က ပိုဆိုးပါတယ်။ Beetlejuice ဟာ Makeup Oscar ဆုရခဲ့သလို တခြားဆုပေးပွဲတွေမှာ Best Horror Film ဆုကိုပါ ရထားပါတယ်။ ဘာတန်ကြီးရဲ့ သရဲဟာသကားကို ဘာတန်ဖန်တွေအတွက် Winona လေးရဲ့ တော်တော်ငယ်သေးတဲ့ ချစ်စရာမျက်နှာလေးနဲ့ တွဲဖက်ခံစားလို့ရစေမယ့် ရှားပါးရုပ်ရှင်ပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 1.9GB, 830MB Quality - 1080p, 720p IMDb Rating - 7.5/10 Format - mp4 Duration - 1H 32Min Genre - Comedy, Fantasy Subtitle - Myanmar Subtitle (Hardsub) Translated by WiRa Aung Encoded by Y

ပေါင်ချိန်fanတွေအတွက်လူငယ်ပေါင်ချိန်ရုပ်ရှင်ကားလေး CM ကနေတင်ဆက်ပေးလိုက်ပါတယ်။ ပေါင်ချိန်တစ်ယောက်တရားသူကြီးမဖြစ်ခင် အရာရှိငယ်လေးဘဝကို အခြေခံပြီးရိုက်ထားတာဖြစ်ပါတယ်။ ဒီ အမှုကိုဖြေရှင်းပြီးမှကျားခေါင်းဓားစက်ကို ပေါင်ချိန်ရရှိလာတာပါ။ နန်းတွင်းစာမေးပွဲကြီးကျင်းပခါနီးမှာ ကျောင်းသားတွေ တစ်ယောက်ပြီးတစ်ယောက် ထူးထူးဆန်းဆန်းသေသွားကြတယ်။ ထူးဆန်းတဲ့သေပုံတွေကြောင့် ငရဲမင်းကအသက်နှုတ်ယူသွားတာပါဆိုပြီး ကောလဟာလတွေ ထွက်လာပါတယ်။ ပေါင်ချိန်ရဲ့ ဆရာပြီးတဲ့ ကျောင်းအုပ်ဆရာကြီးကလဲပျောက်နေတာကြောင့် စုံစမ်းဖို့ရာ စာသင်ကျောင်းကိုပေါင်ချိန်နဲ့ကျန်ကျောင်းတို့ ရောက်လာခဲ့ကြပါတယ်။ နှစ်ယောက်သားစုံစမ်းရင်းနဲ့ လူသတ်မှုက တဖြည်းဖြည်းအဖြစ်မှန်ပေါ်လာပြီး ပ ညာရှိစာမေးပွဲရဲ့နောက်ကွယ်မှာ ပိုလေးနက်တဲ့ နန်းတွင်းရေးရာတွေပါဝင်နေကြောင်းကိုသိလိုက်ရတဲ့အခါ…… Quality : WEB-DL 1080p , 720p Format : mp4 Genres : Mystery Runtime : 1h 30 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

ဇာတ်ကား နာမည်အတိုင်းပဲ အခန်းနံပါတ် 203 အကြောင်းပေါ့။ ဆိုတော့ အခန်းနံပါတ် 203 အကြောင်းကို နည်းနည်း ပြောမယ်ဗျာ။ အဲဒီအခန်းကို လာငှားပြီးနေတဲ့ လူတိုင်း ကြာကြာမနေနိုင်ဘူးတဲ့။ ပြီးတော့ အဲဒီအခန်းရဲ့ နံရံပေါ်မှာ အပေါက်ကြီး တစ်ပေါက်ရှိနေတယ်။ အဲဒီအပေါက်ကြီးကို ဖာရင်လည်း အပေါက်က ပြန်ရှိနေသေးတယ်။ ပစ္စည်းဘာညာနဲ့ ကာပြီးချိတ်ထားရင်လည်း ကာထားတဲ့ပစ္စည်းက ပြုတ်ကျတတ်သေးတယ်။ အဲဒီအခန်းထဲမှာ ရှေးဟောင်းပရိဘောဂအပြည့်လည်း ပါပြီးသားပဲ။ ပိုပြီးထူးခြားတာက ရှေးဟောင်းဆေးခြယ်မှန်ပြတင်းကြီးပါ။ ဒီကားထဲက မင်းသမီး​ပြောသလိုဆိုရင် တိုက်ခန်းကတော့ ကောင်းပေမဲ့ ကျောချမ်းစရာအခန်းမျိုးပေါ့။ အဲဒီလို အခန်းမျိုးကို ကင်မ်နဲ့ အစ်ဇီတို့ အချစ်ဆုံးသူငယ်ချင်း နှစ်ယောက် ပြောင်းလာခဲ့ကြတယ်။ ဇာတ်လမ်းလေးတွေရှိနေတဲ့ ဒီအိမ်ကြီးမှာ ကင်မ်နဲ့ အစ်ဇီတို့ ဘာတွေရင်ဆိုင်လာရမလဲ? ဘယ်လိုကြောင့် ဒီလိုဖြစ်ရပ်တွေ ကြုံတွေ့နေရတာလဲ? အတိတ်ကဖြစ်ရပ်တွေနဲ့ ဘယ်လိုဆက်စပ်နေမလဲဆိုတာ​ကတော့ ... (ဇာတ်လမ်းအညွှန်းနဲ့ ဘာသာပြန်ကတော့ Jumper Neysman ပါ။) File Size          : 1.3GB, 449MB & 222MB Quality            : 1080p WEB-DL AC3 5.1CH, 720p WEB-DL & 480p Format            : mp4 Duration         : 1hr & 44mins Genre              : Horror Translated by  Jumper Neysman Encoded by Kinnov

ဂျေဆန် စတေသန်ကြီးရဲ့ အက်ရှင်ကား အကြမ်းတစ်ခု လာပါပြီ။ ဒီကားကတော့ အတော်ကောင်းပါတယ်။ ဇာတ်လမ်းအကျဉ်းကတော့ လော့စ်အန်ဂျလိမှာ ဖော်တီကိုဆိုတဲ့ ကုမ္ပဏီတစ်ခုရှိတယ်။ သူတို့တွေက ကာစီနိုတွေ၊ ကုန်တိုက်တွေကနေ ငွေတွေ သယ်ပို့ပေးတာတွေကို ဝန်ဆောင်မှုပေးတာပါ။ ငွေသယ်ကားတွေနဲ့ လုံခြုံရေးကုမ္ပဏီတစ်ခုပေါ့။ အမြဲတမ်း ဒေါ်လာ သန်းချီပြီးသယ်နေရတာဖြစ်တော့ ဓားပြတွေ မျက်စိကျတဲ့ ကားတွေပါပဲ။ တစ်နေ့မှာ ကားတစ်စီး ဓားပြတိုက်ခံရပြီး အစောင့်နှစ်ယောက် သေသွားခဲ့တယ်။ အဲဒီနောက်မှာ လူသစ်ဝင်လာတာကတော့ ကျွန်တော်တို့ရဲ့ ဖိုက်တာကတုံးပေါ့။ ကတုံးဝင်လာပြီးပြီးချင်း ဓားပြခြောက်ယောက် မသာပေါ်သွားအပြီးမှာ ကတုံးလည်း သူရဲကောင်းဖြစ်သွားတာပေါ့။ ဒါပေမယ့် သူဝင်လာရတဆက ရည်ရွယ်ချက်တွေ၊ ဓားပြမှုတွေ နဲ့ ဓားပြတွေ ဘယ်လိုဆက်စပ်နေသလဲဆိုတာကို ဇာတ်လမ်းထဲမှာ အဖြေရှာကြည့်ရမှာပါပဲ။... Translated by : Mr.Anderson Encoded by : YK File Size : 1.04GB Quality : 720p Duration : 1h 59mins

Sci-fi ကြိုက်သူပရိတ်သတ်တွေအတွက် epic sci-fi လေးတစ်ခု တင်ပေးထားပါတယ်။ Star Wars တွေဟာသိပ္ပံစိတ်ကူးယဉ်ရုပ်ရှင်သမိုင်းရဲ့ အကျော်ကြားဆုံး ရုပ်ရှင်ဇတ်လမ်းတွဲတွေထဲက တစ်ခုပါပဲ။ ပထမဆုံး Star Wars ရုပ်ရှင်ကိုတော့ ၁၉၇၇ မှာ ပြသခဲ့ပြီး သူ့နောက်မှာ ၂ ကားဆက်တိုက်ထွက်ပြီး အဆုံးသတ်သွားခဲ့ပါတယ်။ ဒါပေမယ့် 1999 ကနေစလို့ နောက်ထပ် ၃ ကားထပ်ပြသခဲ့ပြီး လက်ရှိ ၂၀၁၅ မှာ တစ်ကား ၂၀၁၆ မှာ တစ်ကား ထပ်မံထွက်ရှိထားပါတယ်။ ဇာတ်လမ်းအကျဉ်းမှာတော့ ဟိုးရှေးရှေးတုန်းက ဝေးကွာလှတဲ့ နဂါးငွေ့တန်းတစ်နေရာမှာ ဂြိုလ်ပေါင်းများစွာ စုစည်းနေထိုင်ကြပြီး လွှတ်တော်နဲ့ ဒီမိုကရေစီစနစ်နဲ့ နေထိုင်ကြပါတယ်။ လွှတ်တော်အောက်မှာတော့ စကြဝဠာရဲ့ ငြိမ်းချမ်းရေးထိန်းသိမ်းသူတွေဖြစ်တဲ့ Jedi သူရဲကောင်းတွေ ရှိနေပါတယ်။ Jedi တွေဟာ သက်ရှိတွေအားလုံးအတွင်းနဲ့ပတ်လည်မှာတည်ရှိနေတဲ့ Force ဆိုတဲ့ စွမ်းအင်ကို သုံးစွဲနိုင်သူတွေ ဖြစ်ပြီး သူတို့ရဲ့ အလင်းဓားတွေနဲ့အတူ ကျော်ကြားကြပါတယ်။ Force ကိုပဲ Dark Side အမှောင်ခြမ်းမှ စွမ်းအင်ကို ယူသုံးတဲ့ Sith တွေကတော့ Jedi နဲ့ လွှတ်တော်တွေရဲ့ ရန်သူတော်တွေပါ။ Rogue One ရဲ့ ကာလကတော့ Star Wars III : Revenge of the Sith နောက်ပိုင်းမှာ Jedi အားလုံးလုပ်ကြံခံရပြီး ဒီမိုကရေစီကနေ အင်ပါယာထူထောင်ခံချိန်၊ အင်ပါယာကို Sith Lord နဲ့ Darth Vader တို့ အုပ်စိုးချိန်မှာ Rebellion တော်လှန်ရေးတပ်ကို စတင်ဖွဲ့စည်းတဲ့ကာလဖြစ်ပါတယ်။ ဒီဇာတ်ကားကို Star Wars IV : A New Hope မတိုင်ခင်ကာလအဖြစ်ကြည့်ရှုရမှာပါ။ A New Hope အစမှာ မင်းသမီးလိုင်ယာ လက်ထဲကို Death Star ရဲ့ ပုံစံနဲ့ အားနည်းချက်တွေ ရောက်လာတာက စခဲ့တာဖြစ်တဲ့အတွက် ဒီကားမှာတော့ အဲဒီ Death Star ရဲ့ ပုံစံနဲ့ အားနည်းချက်ကို အသက်စွန့်ယူဆောင်ပေးကြတဲ့ Rebellion သူရဲကောင်းတွေရဲ့ တိုက်ပွဲတွေကို တွေ့ရပါလိမ့်မယ်။ ကြည့်လိုက်ကြပါဦး။(ဒီကားထဲမှာ ဘုရင်ခံတာကင်နဲ့ မင်းသမီးလိုင်ယာတို့ရဲ့ ၁၉၇၇ က ဇာတ်ကောင်ပုံစံတွေအတိုင်း တူအောင် digital ပုံရိပ်ဖော်ပြီး ထည့်သွင်းပေးထားတာပါ) File Size      :   950Mb / 500 Mb Duration     :   2 hr Quality        :   Bluray Rip Translator  :   Littleneo Encoder     :   Littleneo

Tirante El Blanco (or) The Maidens’ Conspiracy(2006) ဒီဇာတ်ကားကတော့ ဓားချင်းခုတ်တော့မှာလိုလို စစ်တိုက်တော့မှာလိုလို ပတ္တယားတီးတော့မှာလိုလို ဆော်ကြူမှာလိုလို ဟိုလိုလို ဒီလိုလို စပိန်ဇာတ်ကားလေးဖြစ်ပြီးတော့ တချို့ဇာတ်ဝင်ခန်းတွေကတော့ 18+ ပါ။ ဇာတ်လမ်းကတော့…. ဂရိအင်ပါယာကြီးကို တူရကီတွေထိပါးတော့ ဧကရာဇ်ဘုရင်က စစ်ကူတောင်းရသတဲ့။ ဆက်ခံသူသားက တိုက်ပွဲမှာကျ၊ ဧကရာဇ်က လူအို၊ မိဖုရားက အိမ်ထောင်ရေးဖောက်ပြန်၊ မင်းသမီးက 16 နှစ်မ ဆိုတော့၊ ဖြစ်ချင်တိုင်းဖြစ်နေတဲ့ နန်းတွင်းရေးတွေကြောင့် စစ်ရှုံးတာ မဆန်းဘူးပေါ့‌ဗျာ။ စစ်ကူရောက်လာတဲ့ ဗိုလ်မင်းက တိုက်ရည်ခိုက်ရည်ကောင်း၊ လူချောလူလှ။ စစ်ပွဲတွေမှာ အောင်နိုင်မှုတွေ ယူလာပေးပါတယ်။ ဒါပေမဲ့ ‌ဗိုလ်မင်းက ဧကရာဇ်ရဲ့သမီးတော် 16 နှစ်မကို တက်ချိုင်တော့ ပြဿနာတွေ ဖြစ်ကြတာပေါ့ဗျာ။ အပျိုတော်တွေကြား ဗိုလ်မင်းကို လိုတဲ့သူရှိသလို၊ မလိုတဲ့သူလည်းရှိ။ မင်းသမီးနဲ့ ဗိုလ်မင်းကို အောင်သွယ်သူက အောင်သွယ်၊ ဖျက်သူကဖျက်။ ဇာတ်ရှုပ်ကြီးပါပဲ။ ဒီလိုနဲ့ အင်ပါယာကြီးတစ်ခုလုံးက မင်းသမီးပုခုံးပေါ် ကျရောက်လာတဲ့အခါ 16 နှစ်မ လေး ဘာလုပ်မလဲ၊ ဘာဆက်ဖြစ်မလဲဆိုတာ ကြည့်လိုက်ကြဦးစို့။ 18 ယောက်စုပြီးတော့ ကြည့်ဖို့မလိုပေမဲ့ မိသားစုနဲ့တော့ မကြည့်ပါနဲ့နော်။ File Size : (3.2 GB) & (1.3 GB) Quality : BluRay 1080p & 720p Running Time : 02:07:05 Format : mp4 Subtitle : Myanmar Subtitle (Hard Sub) Translated by Treasure Mg Mg Toke Encoded by RGB

ဒီတစ်ကားမှာတော့ ဗြိတိန်ရဲအရာရှိဟောင်းတစ်ယောက်ဟာ ဗြိတိန်နိုင်ငံရဲ့ခံတပ်ဟောင်းတစ်ခုမှာ နင်ဂျာအဖွဲ့နဲ့ တပ်စွဲနေပြီး အမေရိကန်ကို တိုက်ခိုက်မယ့်နျူကလီးယားဗုံးကို တီထွင်နေခဲ့ပါတယ်။ ဒါကို သတင်းအတိအကျရရှိတဲ့ အမေရိကန်ဘက်က ဒီစစ်သွေးကြွအုပ်စုကို တားဆီးနိုင်ဖို့ လက်ရွေးစင်တပ်ဖွဲတစ်ဖွဲ့ကို လွှတ်လိုက်ပေမယ့် အဖမ်းခံလိုက်ရပြီး ဒေါ်လာသန်းငါးဆယ်ပေးရင်ပေး မပေးရင် ဒီဖမ်းဆီးရမိတဲ့အမေရိကန်တပ်သားတွေကို ကွပ်မျက် မည်ဖြစ်ကြောင်း အကြောင်းပြန်လာတဲ့အခါမှာ အမေရိကန်ဘက်က ကျွန်တော့်တို့ရဲ့ ဇာတ်လိုက်ကျော် ရှောင်ဒေးဗစ်ဆန်ကို ဖမ်းဆီးခံတပ်သားတွေကို ကယ်တင်ဖို့အတွက် စေလွှတ်လိုက်ပါတော့တယ်။ ဒီအချိန်မှာ ကံမကောင်းစွာဘဲ ရှောင်ပါ အဖမ်းခံလိုက်ရတဲ့အတွက် ကျောင်းဆရာဘဝနဲ့ အေးအေးဆေးဆေး ဖြတ်သန်းနေပြီဖြစ်တဲ့ ဇာတ်ကားနံပါတ်တစ်နှင့် နှစ်ရဲ့ ဇာတ်လိုက်ကျော် ဂျိုးကိုပါ အပူကပ်ရပါတော့တယ်။ ဒီတော့ ဇာတ်လိုက်ကျော် အမေရိကန်နင်ဂျာကြီး ဂျိုးနှင့်ရှောင်တို့ နှစ်ယောက်သား ဒီစစ်သွေးကြွအုပ်စု ဖမ်းဆီးခံတပ်သားတွေကို ကွပ်မျက်မယ့်အရေးကနေ ဘယ်လိုကယ်ဆယ်ကြမလဲ၊ အမေရိကန်ကို တိုက်ခိုက်ဖို့ရည်ရွယ်ထားတဲ့ ဒီနျူကလီးယားဗုံးကိုရော ဘယ်လိုတားဆီးမလဲဆိုတာကို ရင်ဗိုစိတ်လှုပ်ရှားစွာ ကြည့်ရှုရမှာဖြစ်ပါတယ်။ အရင်သုံးကားကို ကြည့်ဖူးထားရင် ဒီတစ်ကားကိုလည်း အထူးတလည်ညွန်းနေစရာ မလိုတော့တဲ့အတွက် ကြည့်ရှုခံစားလိုက်ကြပါဦးခင်ဗျာ။ File size…(1.1 GB)/(928 MB) Quality….Webrip 1080p / 720p Format…mp4 Duration….01:39:00 Genre…Action, Thriler Subtitle….Myanmar Subtitle (Hardsub) Encoder….Mr. Anderson Translated by Matteo

ဒီတစ်ခေါက်မှတော့ IMDB 6.5/10, Rt 76% ရရှိထားတဲ့ အသစ်ထွက် Thriller ကားလေးနဲ့ မိတ်ဆက်ပေးချင်ပါတယ်။ မင်းသား Daryl McCormack (Good Luck to You, Leo Grande), မင်းသမီးကြီး Julie Delpy (Before Midnight) နဲ့ မင်းသားကြီး Richard E. Grant (Jack and Sarah) တို့က အဓိက ပါဝင်သရုပ်ဆောင်ထားကြပါတယ်။ ဒါရိုက်တာကလည်း Merlin, Doctor Who တို့ကို ရိုက်ကူးခဲ့သူ Alice Troughton ဖြစ်တာမို့ ဝေဖန်သူတွေဆီကလည်း ကောင်းမွန်တဲ့မှတ်ချက်တွေရရှိထားတဲ့ ကားကောင်းတစ်ကားပဲဖြစ်ပါတယ်။ လီယမ်က တက်သစ်စစာရေးဆရာလေးဖြစ်ပြီး သူ့မှာ စာသားတွေကို တစ်ခါမြင်ရုံနဲ့ အလွတ်မှတ်မိနိုင်တဲ့ စွမ်းရည်တစ်ခုပိုင်ဆိုင်ထားပါတယ်။ သူက ကျူတာလုပ်ရင်း ဘဝကိုတိုးတက်ဖို့ကြိုးစားနေသူတစ်ယောက်လည်းဖြစ်ပြီး တစ်နေ့မှာတော့ သူရဲ့စံပြပုဂ္ဂိုလ်ဖြစ်တဲ့ အားလုံးကလေးစားရသူ နာမည်ကြီးစာရေးဆရာကြီး စင်ကလဲရ်ရဲ့အိမ်မှာ သူ့ရဲ့သားငယ်လေးဘာတီ့ကို အောက်စဖို့ဒ်ကျောင်းဝင်ခွင့်ရအောင် ကျူတာလုပ်ပေးဖို့ ကမ်းလှမ်းချက်ကို ရရှိခဲ့ပါတယ်။ သူ့ရဲ့စံပြပုဂ္ဂိုလ်ဖြစ်သူရဲ့သားကို ကျူတာလုပ်ပေးရမှာမို့ စိတ်လှုပ်ရှားပျော်ရွှင်စွာနဲ့ ဘာတီတို့ရဲ့စံအိမ်ကြီးကို ရောက်ရှိခဲ့ချိန်မှာတော့ သူ့ကို ထင်မထားခဲ့တာတွေက ဆီးကြိုနေခဲ့ပါတော့တယ်။ တင်းကြပ်တဲ့ဖခင်ရဲ့ စည်းကမ်းတွေအောက်မှာ တော်လှန်တတ်တဲ့ သားငယ်လေးဖြစ်သူဘာတီ့ကို ကျူတာလုပ်ပေးရတာက လီယမ့်အတွက်တော့ စစချင်း ဆောက်နဲ့ထွင်းဆိုသလိုပါပဲ။ စကားကို ခပ်ပြတ်ပြတ်ပြောတတ်ပြီး မာနကြီးသူ မစ္စတာစင်ကလဲရ်နဲ့ ရင်းနှီးချင်တာကြောင့် သူ့ရဲ့မိန်းမဖြစ်သူ ဟယ်လင်နဲ့ စကားစမြည်ပြောဆို ရင်းနှီးဖို့ကြိုးစားရင်း အဲဒီအိမ်ကြီးရဲ့ လျှို့ဝှက်ချက်တွေကို တစ်စတစ်စနဲ့ ရှာဖွေတွေ့ရှိခဲ့ချိန်မှာတော့… လီယမ်က မူရင်းရည်ရွယ်ချက်အတိုင်း ဘာတီ့ကို ဝင်ခွင့်အောင်အောင် လုပ်ပေးလိုက်နိုင်မှာလား.. သူလေးစားရတဲ့ပုဂ္ဂိုလ်မိသားစုရဲ့ လျှို့ဝှက်ချက်ကရော ဘာများဖြစ်မလဲ… လူအရောက်အပေါက်ဝေးတဲ့နေရာက စံအိမ်ကြီးထဲမှာ လျှို့ဝှက်ချက်တွေကို သိရှိထားတဲ့ လီယမ်တစ်ယောက်ရော ဘေးကင်းကင်းနဲ့ ပြန်ထွက်လာနိုင်ပါ့မလား.. သူ့ရဲ့အထူးစွမ်းရည်ကိုရော ဘယ်လိုတွေ အသုံးချမလဲ.. ဆိုတာတွေကိုတော့ ဇာတ်ကားထဲမှာပဲ လှည့်ကွက်တွေနဲ့ ပဟေဠိဆန်ဆန် စိတ်ဝင်စားဖွယ် ရှုစားလိုက်ကြပါဦးနော်။ (ဒီဇာတ်ကားရဲ့ အညွှန်းနဲ့ ဘာသာပြန်ကတော့ Emily ပါ) File size…(1.4 GB)/(776 MB) Quality….Webrip 1080p / 720p Format…mp4 Duration….01:43:00 Genre…Drama, Thriller Subtitle….Myanmar Subtitle (Hardsub) Encoder….Mr. Anderson Translated by Emily

Thriller လည်းကြည့်ချင်တယ် အရမ်းကြီးတုန်လှုပ်ခြောက်ခြားနေစရာကောင်းနေတာမျိုးလည်း မဟုတ်ဘဲနဲ့ ပေါ့ပေါ့ပါးပါးလေး ကြည့်ချင်တာမျိုးဆိုရင်တော့ Abomination ကို ကြည့်ဖို့ ပြောပြချင်ပါတယ်။ သိပ္ပံပညာရှင် အဂ္ဂိရတ်ဆရာ အာခီမိဒိစ်က သူ့ရဲ့ဖန်တီးမှုတစ်ခုအနေနဲ့ သေဆုံးသွားတဲ့ အဒမ်ကို ပြန်ရှင်လာအောင် လုပ်ပေးရာကနေ မထင်မှတ်ထားတာတွေ ဖြစ်လာပါတော့တယ်။ အဒမ်ရဲ့ ရှင်သန်မှုဟာ တခြားသူတွေကို ဒုက္ခပေးသလိုဖြစ်နေခဲ့ပြီးတော့ ဟီးရိုးသိပ်ဖြစ်ချင်သူ မိုက်ကယ်ဟာလည်း ဒီဇာတ်ထဲကို ကလဲ့စားချေဖို့ဆိုပြီးတော့ ပါလာပါတော့တယ်။ မိုက်ကယ်ဟာ သူငယ်ချင်းနှစ်ယောက်ဖြစ်တဲ့ အက်ကနီ၊ လစ်ဇ်တို့နဲ့အတူ သူ့ရဲ့ ကလဲ့စားချေမယ်ဆိုတဲ့ အစီအစဥ်ကို စတင်ပါတော့တယ်။ သေရွာပြန် အဒမ်ကို နှိမ်နင်းနိုင်ကြမလား မနှိမ်နင်းနိုင်ကြဘူးလားဆိုတာကို စိတ်ဝင်တစားကြည့်လို့ ရမယ့် Black comedy, Thriller ဇာတ်ကားတစ်ကားပဲ ဖြစ်ပါတယ်။ File size…(1.4 GB)/(762 MB) Quality….Webrip 1080p / 720p Format…mp4 Duration….01:29:00 Genre…Comedy, Thriller Subtitle….Myanmar Subtitle (Hardsub) Encoder….Mr. Anderson Translated by Doros

Sori: Voice from the Heart (2016) ******************************** IMDb… 6.6 ရုံတင်နေတုန်းက အရမ်းပေါက်ခဲ့သလို ဝါရင့်သမ္ဘာရင့်တွေဖြစ်တဲ့ ee Sung Min၊ Lee Hee Joon၊ Lee Honey နဲ့ Chae Soo Bin တို့ ပါဝင်ထားတဲ့ ဇာတ်ကားဟောင်းလေး တစ်ကားကို တင်ဆက်ပေးလိုက်ပါတယ်။ ဂင်ယူဂျူ (Chae Soo Bin) ဟာ ငယ်ငယ်လေးကတည်းက လမ်းပျောက်တတ်သူ ဖြစ်တာမို့ ဖခင်ဖြစ်သူ (Lee Sung Min) က အမြဲ အရိပ်တကြည့်ကြည့် ရှိနေခဲ့ပြီး လမ်းပျောက်သွားတဲ့အခါ ပြန်ဆုံကြမဲ့ လျှို့ဝှက်နေရာ တစ်ခုကိုလည်း သားဖ နှစ်ယောက် အတူတူ သတ်မှတ်ခဲ့ကြပါတယ်။ ဒါပေမဲ့လည်း ယူဂျူ ၁၉နှစ် အရွယ်ရောက်တဲ့အခါမှာတော့ ပျောက်ဆုံး သွားခဲ့ပါတော့တယ်။ ဖခင်ဖြစ်သူ ဂင်ဟယ်ဂွမ်ဟာ သမီးဖြစ်သူကို နေရာအနှံ့ ရေဆုံးမြေဆုံး လိုက်လံရှာဖွေရာကနေ ကျွန်းတစ်ကျွန်းပေါ် ရောက်တဲ့အထိပါပဲ။ တစ်နေ့မှာတော့ ရုတ်တရက်ဆိုသလို အဲဒီကျွန်းပေါ်က ကမ်းစပ်နားကို ထူးဆန်းတဲ့ ဂြိုဟ်တုစက်တစ်လုံး ပြုတ်ကျလာပြီး အဲဒီ ဂြိုဟ်တုဟာ ဆက်သွယ်ရေးလိုင်းကို နားဆင်ရတဲ့ လုပ်ဆောင်ချက်ကို တာဝန်ယူထားရတယ်ဆိုတာကို သိသွားတဲ့ ဂင်ဟယ်ဂွမ်ကတော့ ဂြိုဟ်တုရဲ့ အကူအညီနဲ့အတူ သမီး ဖြစ်သူကို ရှာဖွေဖို့ လမ်းစ တွေ့သွားခဲ့ပါတော့တယ်။ ပျောက်ဆုံးသွားတဲ့ ဂြိုဟ်တုကို လိုက်လံရှာဖွေမဲ့ ထောက်လှမ်းရေးအဖွဲ့နဲ့ ဂြိုဟ်တုရဲ့ အကူအညီနဲ့ သမီးဖြစ်သူကို ရှာဖွေမဲ့ ဖခင်တို့ရဲ့ ဇာတ်လမ်းကို တမူထူးပြီး ကြည့်ရှုရမှာဖြစ်လို့ ကြည့်ရှုဖို့ ညွှန်းဆိုလိုက်ပါတယ်နော်။ (ဇာတ်လမ်းအညွှန်းကိုတော့ Treasure Htet မှ ရေးသားပေးထားပါတယ်။) File Size : 1.47GB/ 650MB Quality : WEB-DL 1080p/ WEB-DL 720p Format…mp4 Duration…01:42:00 Genre : Drama, Sci-Fi Subtitle : Myanmar Subtitle (Hard Sub) Translated by Treasure Htet Encoded by Tiff

ဒီတစ်ခေါက်တင်ဆက်ပေးမယ့်ဇာတ်ကားလေးကတော့ Demon City ဆိုတဲ့ဂျပန်အက်ရှင်ကားလေးပဲဖြစ်ပါတယ်.. ဒီကားလေးဟာဆိုရင် အသတ်အပုတ်အတိုက်အခိုက်ခန်းများ တင်းကြမ်းပါဝင်လို့ အက်ရှင်ဇာတ်ကားချစ်သူများအတွက် အရသာတွေ့စေမှာ သေချာပါတယ်… Sakata ဟာဆိုရင် လက်မရွံ့လူသတ်သမားတစ်ယောက်ဖြစ်ပြီး Shinjo မြို့တော်ရဲ့ ဒဏ္ဍာရီအတိုင်း နတ်ဆိုးဝင်ပူးနေသူလို့လည်း သတ်မှတ်ခံသူတစ်ယောက်ဖြစ်ပါတယ်.. Shinjo မြို့တော်တွင် အင်အားချင်းပြိုင်နေသည့် ယာကူဇာဂိုဏ်းကြီး နှစ်ဂိုဏ်းရှိရာ ဇာတ်လမ်းအစမှာပဲ Sakata လက်ချက်နဲ့ ဂိုဏ်း တစ်ဂိုဏ်းဟာ ကိစ္စတုံးခဲ့ရပါတယ်.. ထိုသို့ကိစ္စတုံးအပြီး Sakata တစ်ယောက်ဟာ မိသားစုဘဝလေးကို အေးအေးချမ်းချမ်းအလုပ်လုပ်ရင်း ဖြတ်သန်းဖို့ဆုံးဖြတ်ကာ လက်မရွံ့လူသတ်သမားအဖြစ်က အနားယူဖို့လုပ်ချိန်မှာတော့ အနားယူခွင့်မပေးလိုတဲ့သူတချို့ဟာ Sakata ရဲ့အေးချမ်းပျော်ရွှင်နေတဲ့ မိသားစုဘဝလေးကို ဖျက်ဆီးကာ ၎င်းကိုသတ်ဖြတ်ဖို့ အိပ်မက်ဆိုး သဖွယ်လာခဲ့ပါတယ်… သာမန်အလုပ်ကလေးတစ်ခုကို ရှာဖို့ ဇနီးဖြစ်သူနဲ့တိုင်ပင်ထားကြတဲ့ Sakata တို့ရဲ့ အိမ်ဂေဟာလေးအတွင်းကို ဘယ်သူဘယ်ဝှာမှန်းမသိတဲ့ မျက်နှာဖုံးစွပ်အဖွဲ့တွေ ရောက်လာပြီး သမီးနဲ့ ဇနီးကို ချုပ်ကိုင်ကာ Sakata ကို အလွယ်တကူပဲ သတ်ဖို့လုပ်ပါတယ်… ဒေသတွင်းသတင်းများမှာတော့ ဇနီးဖြစ်သူနှင့် သမီးကို ပစ်သတ်ကာ ကိုယ့်ကိုယ်ကိုယ်သေကြောင်းကြံစည်တဲ့ Sakata အကြောင်းဟာ ဟိုးလေးတကြော်ဖြစ်ခဲ့ပြီး လူသတ်မှုနှင့် ထောင်ကျခဲ့ရပါတယ်… ထိုဖြစ်စဉ်အပြီး ၁၂ နှစ်အကြာ ထောင်ကထွက်လာတဲ့ Sakata ဟာ သေနတ်ဒဏ်ရာကြောင့် ဦးနှောက်သေသလိုဖြစ်နေခဲ့ပေမဲ့ ထောင်ထွက် ဖြစ်သူ ၎င်းထံ အပြတ်ရှင်းဖို့ မျက်နှာဖုံးစွပ်များ အလျှိုအလျှို ရောက်လာချိန်မှာတော့ ဒဏ်ရာရလျက်သားနဲ့ လက်စားချေဖို့ အခွင့်ကြုံလာပါတော့တယ်.. ဒီကာလေးဟာဆိုရင် သွေးအလိမ်းလိမ်းသတ်ပုတ်ခန်းများ ကြုံရာကျပန်း ထိုးသွင်းခုတ်ထစ်ခန်းများ မီးတောက်ပေါက်ကွဲသည့်အက်ရှင်ခန်းများနှင့် မြိုင်မြိုင်ဆိုင်ဆိုင်ကြည့်ရှုရမယ့် ဇာတ်ကားလေးဖြစ်တဲ့အပြင် စိတ်ဝင်စားဖွယ်ရာ ဇာတ်လမ်းဇာတ်ကွက်များလည်း ပါဝင်တာကြောင့် အက်ရှင်ကားချစ်သူပရိသတ်များ ကြည့်ရှုခံစားနိုင်စေဖို့ ညွှန်းဆို တင်ဆက်ပေးလိုက်ရပါတယ်ခင်ဗျာ……….. File size… (2.34 GB) / (897 MB) Quality… WEB-DL 1080p HEVC / 720p Format…mkv / mp4 Duration….1h 46m Genre ….. Action , Adventure , Crime , Fantasy , Thriller Subtitle….Myanmar Subtitle (Hard Sub) Encoder….Min Wai Translated by Ye Thiha Htet

Streaming (2025) ****************** IMDb….. 6.5 Streaming ရုပ်ရှင်ဇာတ်ကားဟာ ဒါရိုက်တာ Cho Jang-ho ကိုယ်တိုင်ရေးသား ရိုက်ကူးထားပြီး ဒိတ်ဒိတ်ကြဲစတား Kang Ha-neul က ကွင်းဆက်လူသတ်မှုရဲ့ နောက်ကွယ်က သဲလွန်စတွေကို စုံစမ်းစစ်ဆေးရင်း အချိန်နဲ့ တစ်ပြေးညီ Live လွှင့်နေတဲ့ ပြစ်မှုမုဆိုး ချန်နယ်ထုတ်လွှင့်သူနေနဲ့ ပါဝင်သရုပ်ဆောင်ထားပါတယ်။ ဇာတ်လမ်းအညွှန်း- ကိုရီးယားမှာ ရေပန်းအစားဆုံးသော မှုခင်းရုပ်သံလိုင်းကို ထုတ်လွှင့်သူ Woo Sang က WAG ဆိုတဲ့ Streaming ပလက်ဖောင်းမှာ မဖြေရှင်းရသေးတဲ့ အမှုတွေကို ခွဲခြမ်းစိတ်ဖြာတဲ့ Profiler တစ်ယောက်အနေနဲ့ ကျော်ကြားသလို Subscriber အများဆုံး နံပါတ် ၁ နေရာမှာ ရှိနေတဲ့သူဆိုလည်း မမှားပါဘူး။ တစ်နေ့မှာတော့ သူ့ ထုတ်လွှင့်မှုကြောင့် အငြင်းပွားမှုတွေ ဖြစ်ပေါ်လာခဲ့ပြီး သူ့ နာမည်လည်း တစ်ဟုန်ထိုး ကျသွားပါတော့တယ်။ Woo Sang လည်း သူ့ရဲ့ မူလထိပ်တန်းနေရာကို ပြန်လည်ရောက်ရှိဖို့ရန်အတွက် နာမည်ဆိုးနဲ့ ကျော်ကြားနေတဲ့ ကွင်းဆက် လူသတ်မှုတွေနဲ့ ပတ်သက်ပြီးတော့ တိုက်ရိုက်ထုတ်လွှင့်ပြီး စုံစမ်းစစ်ဆေးခြင်းကို စတင်ခဲ့တယ်။ ဒီလိုနဲ့ သဲလွန်စတွေကို တစ်စတစ်စ လိုက်ရှာရင်း လူသတ်သမားရဲ့ နာမည်ကို ဖော်ထုတ်နိုင်ဖို့ တဖြည်းဖြည်း နီးစပ်လာခဲ့သလို လူသတ်သမားကလည်း သူ့ရဲ့ လှုပ်ရှားမှုတွေကိုစောင့်ကြည့်နေခဲ့ရာ… ဘာတွေ ဆက်ဖြစ်လာဦးမလဲဆိုတာကိုတော့ ဇာတ်ကားလေးထဲမှာပဲ ကြည့်ရှု အားပေးလိုက်ကြပါဦးနော်။ (ဇာတ်လမ်းအညွှန်းကိုတော့ Miri မှ ရေးသားထားပေးပါတယ်။) File Size : 1.90GB/830MB Quality : WEB-DL 1080p 5.1 CH/ WEB-DL 720p Format…mp4 Duration…01:31:45 Genre : Thriller, Mystery, Crime Subtitle : Myanmar Subtitle (Hard Sub) Translated by Hnin Wai Oo, Stary, Miri & Treasure Htet Encoded by Tiff

“Pangolin: Kulu’s Journey” (2025) IMDb (7.6/10) ====================================================================== Pangolin: Kulu’s Journey ဇာတ်ကားလေးက အော့စကာဆုရ ဒါရိုက်တာ Pippa Ehrlich ရိုက်ကူးခဲ့တဲ့ သဘာဝမှတ်တမ်းရုပ်ရှင်ဇာတ်ကား‌လေးပဲ ဖြစ်ပါတယ်။ Pippa Ehrlich က My Octopus Teacher ဇာတ်ကားနဲ့ အကောင်းဆုံး မှတ်တမ်းရုပ်ရှင်အကယ်ဒမီဆုရရှိထားသူပါ။ အခု ၂၀၂၅မှာ ထွက်ရှိခဲ့တဲ့ သူမရဲ့ Pangolin: Kulu’s Journey ရုပ်ရှင်ကားကလည်း သဘာဝမှတ်တမ်းရုပ်ရှင်ကားဖြစ်ပြီး IMDb 7.6 အထိရရှိထားတာကြောင့် လက်မလွှတ်သင့်တဲ့ ကားကောင်းလေးတစ်ကားပါ။ ဒိုင်နိုဆောခေတ်ကတည်းက တည်ရှိခဲ့တဲ့ ရှားပါးသင်းခွေချပ်တွေမှာ သူတို့ရဲ့ကြေးခွံနဲ့ အသားက ဆေးဖက်ဝင်တာကြောင့် တရားမဝင်ရောင်းဝယ်မှုတွေမြင့်မားလာခဲ့ပြီး လက်ရှိမှာ မျိုးတုန်းတော့မယ့် ရှားပါးမျိုးစိတ်တွေဖြစ်နေပါတယ်။ ဇာတ်လမ်းလေးကတော့ တရားမဝင်ရောင်းဝယ်တဲ့ သူတွေလက်ထဲမှာရှိနေတဲ့ သင်းခွေချပ်ပေါက်လေးကို တောရိုင်းတိရစ္ဆာန်ကာကွယ်ရေးအဖွဲ့က ကယ်တင်ခဲ့ပြီး တောရိုင်းထဲပြန်မလွှတ်ခင် စေတနာ့ဝန်ထမ်းလေး ဂဲရက်က သင်ခွေချပ် လေးကို ကျန်းမာသန်စွမ်းလာအောင် ဖခင်သကဲ့သို့ ကိုယ်နဲ့မကွာ စောင့်ရှောက်ပေးခဲ့ပုံကို စိတ်ဝင်စားဖွယ် ရိုက်ပြထားတာပဲ ဖြစ်ပါတယ်။ တိရစ္ဆာန်လေးတွေမှာလည်း လူလိုပဲ ထိတ်လန့်လွန်ပြီး ထရာမာရသွားတဲ့ အခိုက်အတန့်လေးတွေ ရှိတတ်တာကြောင့် မှောင်ခိုသမားတွေလက်ထဲမှာ ထရာမာရသွားတဲ့ သင်းခွေချပ်လေးကို စိတ်ပိုင်းဆိုင်ရာပြန်လည်ကျန်းမာအောင် လုပ်ပေးခဲ့ပုံကလည်း ပညာယူစရာ ကောင်းလှပါတယ်။ တောင်အာဖရိကမှာ ရိုက်ကူးထားတာကြောင့် ရှုခင်းတွေလှပတာကိုလည်း ဝေဖန်ရေးသမားတွေက ချီးကျူးထားကြပါသေးတယ်။ ဇာတ်ကားက မှတ်တမ်းရုပ်ရှင်ဖြစ်တာကြောင့် ဒါတွေအားလုံးကတော့ ဖြစ်ရပ်မှန်တွေပဲဖြစ်ပါတယ်။ တောရိုင်းတိရစ္ဆာန်တွေရဲ့ စိတ်ဝင်စားဖို့ကောင်းတဲ့ အချက်တွေ၊ လူတွေကြောင့် တိရစ္ဆာန်လေးတွေ ကြုံတွေ့နေရတဲ့ဒုက္ခတွေ၊ ဂဲရက်လို နှလုံးသားလှတဲ့စေတနာ့ဝန်ထမ်းလေးတွေကြောင့် ကိုယ်၊ စိတ်ဒဏ်ရာရနေတဲ့ တိရစ္ဆာန်လေးတွေ ပြန်လည်ကောင်းမွန်လာခဲ့ပုံနှင့် သဘာဝပတ်ဝန်းကျင်နှင့် တောရိုင်းတိရစ္ဆာန်တွေကို ကာကွယ်ပေးဖို့ ဘာကြောင့်လိုအပ်နေလဲဆိုတာတွေကို ကျကျနနဖန်တီးရိုက်ကူးထားတဲ့ မှတ်တမ်းရုပ်ရှင်လေးကြည့်ရင်း လေ့လာလိုက်ကြရအောင်။ File size…2.5 GB / 1.2 GB Quality…WEB DL 1080p HEVC / 720p Format…mkv/mp4 Duration….1h 28min Subtitle….Myanmar Subtitle (Hard Sub) Encoder….YK Translated by Mahaw