Balada Si Roy (2023) ******************* လောကဓံရဲ့အနိမ့်အမြင့်အခက်အခဲတွေကို အလူးအလဲခံနေရပေမဲ့ မလျော့သောစိတ်ဓာတ်ခွန်အားတွေနဲ့အတူ မတရားဘက်တော်သားတွေကို မကြောက်မရွံ့ပြန်တိုက်ခိုက်ရဲတဲ့ ရွိုက် (Roy) ဆိုတဲ့ကောင်လေးတစ်ယောက်ရဲ့ဘဝကို ပုံဖော်ရိုက်ကူးတာတဲ့ အင်ဒိုနီးရှားဇာတ်ကားကောင်းလေးတစ်ကားကို မိတ်ဆက်ပေးချင်ပါတယ်.. ရွိုက် (Roy) ဟာ ဘဝကို ပေါ့ပေါ့ပါးပါးနဲ့ ပျော်ရွှင်စွာဖြတ်သန်းနေတဲ့ ဆယ်ကျော်သက်ကျောင်းသားလေးတစ်ယောက်ဖြစ်ပြီး သူ့မှာ အရမ်းချစ်ရတဲ့ဆိုးတူကောင်းဖက်ရှိနေပေးတဲ့ ဂျိုး (Joe) လို့ခေါ်တဲ့ခွေးလေးတစ်ကောင်ရှိပါတယ် ... နိုင်ငံရေးလှုပ်ရှားသူတစ်ဦးဖြစ်တဲ့ သူ့အဖေဆုံးသွားပြီးနောက်ပိုင်းမှာ ရွိုက် (Roy) နဲ့သူ့အမေဟာ ဆန်ရန်ဆိုတဲ့မြို့ကို ပြောင်းရွေ့လာခဲ့ပါတယ်.. ဆန်ရန်အထက်တန်းကျောင်းမှာသာမက ဆန်ရန်မြို့မှာပါ ဗိုလ်ကျနေတဲ့ အကြီးအကဲတစ်ဦးရဲ့သား ဒူလန် (Dullah) နဲ့ ရွိုက် (Roy) တို့ဟာ ပြဿနာတစ်ခုဖြစ်ပွါးရာမှ ရွိုက် (Roy) ဟာ သူ့အချစ်ဆုံးခွေးလေး ဂျိူး (Joe) ကို ဆုံးရှုံးခဲ့ရပါတယ်.. မိသားစုရဲ့အုတ်တံတိုင်းဖြစ်တဲ့ဖခင်ကိုဆုံးရှုံးထားရတဲ့အပြင် ဆိုးတူကောင်းဖက်ခွေးလေးကိုပါ လက်လွှတ်လိုက်ရတဲ့ ရွိုက်(Roy) တစ်ယောက် ဘယ်လိုနာကျည်းချက်တွေနဲ့ ပြန်လည်တုံ့ပြန်မလဲ…… သူ့အဖေကရော ဘာအတွက်ကြောင့် အသက်ဆုံးရှုံးခဲ့ရသလဲ…… ဆန်ရန်မြို့ရဲ့ နောက်ကွယ်မှာရော ဘယ်လိုအကြောင်းတရားတွေရှိနေသလဲ……. .ဆိုတာကို ဇာတ်ကားထဲမှာ ရှာဖွေကြည့်လိုက်ရအောင်နော်....   File Size          : 2.2GB, 921MB Quality            : WEB-DL 1080p, 720p Format            : mp4 Duration         : 1hr 49mins Genre              : Romance, Drama , Action Translated by   Thinn Thinzar Encoded by Phyo Pyae

ဝူလင်အဖွဲ့အစည်းမှာ ရွှယ်မုံ့လုံကြောင့် သူရဲကောင်းတွေ အများကြီးဆုံးရှူံးခဲ့ရတယ်။ ကျင်းဝူခေါင်းဆောင် ဟော်ချန်ခုံးလည်း တိုက်ပွဲကနေ စွမ်းအားတစ်ဝက်ဆုံးရှုံးခဲ့ရတယ်။ နောက်ဆုံးမှာတော့ ခေါင်းဆောင်ဟော်က သူ့ရဲ့စွမ်းအားကို လျို့ကျင်းဆီကို လွှဲပြောင်းပေးပြီး အမြစ်ဖြတ်သုတ်သင်မှုကနေ ကာကွယ်ပေးခဲ့တယ် ၁၄ နှစ်ကြာပြီးတဲ့နောက်မှာတော့ လျို့ကျင်းက အရည်အချင်းရှိပြီးတော့ ဟော်ကျားချွမ်က ဆရာ့ဆီကနေ ကွန်ဖူးသင်ဖို့ အခွင့်အရေးရခဲ့ပေမယ့် ရှုံးနိမ့်ကိုလည်း ထွက်သွားရပြန်တယ်။ လမ်းမှာ ထန်းပိုင်ပိုင်ဆိုတဲ့လူနဲ့တွေ့ပြီးတော့ ဆရာရှာဖို့အတွက် ဟေးယွီဟွေ့ဂိုဏ်းထဲကို ရောက်လာပြီး ရွှယ်မုံ့လုံနဲ့တွေ့ဆုံခဲ့တယ် လျို့ကျင်းကိုရှာနေတဲ့ရွှယ်မုံ့လုံနဲ့ အဖေကိုသတ်သွားတဲ့သူကို တွေ့လိုက်ရတဲ့အခါမှာ ဘာတွေဆက်ဖြစ်မလဲဆိုတာ ရင်ခုန်စွာစောင့်မျှော်ကြည့်ရှုဖို့ ချန်နယ်မြန်မာကနေ တင်ဆက်ပေးလိုက်ပါတယ်နော် [ Reviewed By Htun Su Khaing ] Quality : WEB-DL 1080p , 480p Format : mp4 Genres : Action , Fantasy Runtime : 1h 50 min Subtitle : Myanmar Subtitle ( Hardsub ) Translated by CM Team Encoded by LK

King Arthur, Merlin တို့လို အ​နောက်တိုင်းပ​ဒေသရာဇ်​ခေတ် မြင်းစီးစစ်သူရဲ​တွေရဲ့ စွန့်စားခန်း​တွေ၊ Dragon​နဲ့ပတ်သက်တဲ့ စွန့်စားခန်း​တွေဟာဆိုရင် ဘယ်​ခေတ်၊ ဘယ်အချိန်​မှာမှ ရိုးအီသွားမှာမဟုတ်တဲ့ ဇာတ်​လမ်းတွေပဲ ဖြစ်ပါတယ်။ အခုလည်း၂၀၂၂ထုတ် Fantasy Adventure ဇာတ်လမ်းအသစ်​​လေးကို တင်ဆက်​ပေးလိုက်ပါတယ်။ လွန်ခဲ့တဲ့နှစ်​ပေါင်း၂၀၀ခန့်က အဒ်ဘန်ဒန်ဆိုတဲ့ မိစ္ဆာတစ်​ကောင်က လူ့​လောကကို အ​မှောင်တိုက်သွင်းဖို့ ရောက်ရှိလာခဲ့ပါတယ်။ ဒီမ​​ကောင်းဆိုးဝါးကို​ချေမှုန်းဖို့ ငါးပြည်​​​ထောင်​သော မဟာမိတ်​တွေ၊ နဂါး​တွေနဲ့ နဂါးစစ်သည်​​​​​​တော်တွေပါ စုစည်းတိုက်ခိုက်ခဲ့​ပေမယ့် အဒ်ဘန်ဒန်နဲ့ သူ့စစ်တပ်အစွမ်းကို မယှဉ်နိုင်တာ​ကြောင့် နဂါး​တွေလည်း​​သေ၊ နဂါးစစ်သည်​တော်အဖွဲ့လည်း မရှိ​တော့ဘဲ တိုင်းပြည်အားလုံး အဒ်ဘန်ဒန်ကို သစ္စာခံလိုက်ရပါတယ်။ ဘ​ရေဒန်ဆိုတာက​တော့ ​ပြိုကွဲသွားတဲ့နဂါးစစ်သည်​တော်အဖွဲ့ရဲ့ ​​နောက်ဆုံးကျန်ရစ်သူပါ၊ သူဟာ ဖခင်ဖြစ်သူရဲ့ စိတ်ဓါတ်ကို အ​မွေဆက်ခံရင်း အဒ်ဘန်ဒန်ကို ​​ချေမှုန်းဖို့ အမြဲကြိုးပမ်း​နေသူ​ပေါ့။ သူ့ရဲ့အကြံက လွန်ခဲ့တဲ့ နှစ်၂၀၀တည်းက ​ပျောက်ဆုံးသွားတဲ့ နဂါး​တွေကို လိုက်ရှာရင်း နဂါး​တွေ အကူအညီနဲ့ အဒ်ဘန်ဒန်ကို အနိုင်ယူပစ်ဖို့ပါ၊ သူ့ရဲ့နဂါးရှာပုံ​တော်အတွင်း မိတ်​ဆွေသစ် ​​တွေရလာပြီး တူတူစွန့်စားခန်းဖွင့်ပါ​တော့တယ်၊ သူတို့လိုက်ရှာ​နေတဲ့ နဂါးကို ရှာ​တွေ့မှာလား၊ အဒ်ဘန်ဒန်တို့ကို သူတို့အနိုင်ယူနိုင်မှာလားဆိုတာ ​ပေါ့​ပေါ့ပါးပါးကြည့်ရှုရမှာပါ။ (ဇာတ်ကားနဲ့အညွှန်းကို DK မှ ပြန်ဆိုရေးသားထားပါတယ်) Size - 1.3GB, 600MB Quality - 1080p, 720p Format - mp4 Duration - 1H 38Min Genre - Fantasy Subtitle - Myanmar Subtitle (Hardsub) Translated by DK Encoded by Y

ဒီတစ်ခေါက်မှာတော့ Once တွေအတွက် Twice အဖွဲ့ရဲ့ ဂျပန်မှာပထမဆုံး Debut လုပ်ချိန်က Show လေးအကြောင်း တင်ဆက်ပေးချင်ပါတယ် Japan မှာ Twice ဆိုပြီး စတင်မိတ်ဆက်ခဲ့တဲ့ ရှိုးလေးဖြစ်သလို တိုကျိုအားကစားကွင်းမှာကျင်းပခဲ့ပြီးတော့ လူပေါင်း၁၅၀၀၀တက်ရောက်ခဲ့ပါတယ် Once တွေအတွက် ပွဲဦးထွက်ခါစ Twice အဖွဲ့ကို မြင်တွေ့ရမဲ့အပြင် TT Signal Once အတွက်ရေးစပ်ထားတဲ့သီချင်းတွေကိုရော ကောင်မလေးတွေကို ကြည့်ရင်း ပြန်လည်နားဆင်နိုင်တာမလို့ ကြည့်ရှုပေးကြပါဦးနော် File size…2.5GB / 1.3GB Quality…1080p BluRay / 720p Format…mp4 Duration….76 Mins Subtitle….Myanmar Subtitle (Hard Sub) Encoder….YK Translated by Shwe Pyae Sone

ကနဦးစွာ ကျွန်တော်ပွင့်ပွင့်လင်းလင်း ဝန်ခံပါရစေ။ Director Justin Lin တစ်ယောက် ဒီဇာတ်ကားကို ရိုက်မယ်လို့ကြားသိလိုက်ရတဲ့အချိန်မှာ ကျွန်တော်အလွန်စိတ်ပျက်မိခဲ့တယ်။ Fast and Furious ကောင်က ကိုယ်တွေကြိုက်တဲ့ Star Trek ကိုဖျက်ဆီးပစ်လိုက်မယ်ဆိုတဲ့ စိုးရိမ်စိတ်နဲ့ပေါ့။ အခုလိုပြောလိုက်လို့စာဖတ်သူတို့ဘာမှ စိတ်မပူပါနဲ့။ တစ်ကယ်တော့ ဒီဇာတ်ကားဟာ တစ်ကယ်ကို ကောင်းမွန်တဲ့ Star Trek ဇာတ်ကားကောင်းတစ်ကားအဖြစ် ယခုဆို ရပ်တည်နိုင်ခဲ့ပြီလေ။ -------------------------------------------------------------------------------- ကျွန်တော်တို့လွန်ခဲ့တဲ့ 3 နှစ်ခန့်လောက်ကို ပြန်သွားကြည့်ရအောင်ဗျာ။ Star Trek into Darkness က တစ်ကမ္ဘာလုံးအတိုင်းအတာနဲ့ဝင်ငွေ $467 Million နဲ့အောင်ပွဲခံနေတဲ့အချိန်ပေါ့။ တစ်ချို့ကတော့ သူတို့သဘောကျတဲ့ Khan ဇာတ်ကောင်ကို သရုပ်ဖော်တာ မကြိုက်လို့ဆိုပြီး အညံ့ဆုံး Star Trek ရုပ်ရှင်တို့ဘာတို့နဲ့အော်ဟစ်နေကြတဲ့သူတွေလည်း ရှိတဲ့အချိန်ပေ့ါဗျာ။ ဒီအချိန်မှာပဲ ထိုဇာတ်ကားတွေရဲ့Director ဖြစ်သူ J.J. Abrams တစ်ယောက်က တတိယမြောက် Star Trek reboot ရုပ်ရှင်ကို မရိုက်ကူးတော့ဘူးဆိုပြီး ထို Project က ထွက်သွားတော့တယ်။ (သေချာတဲ့အကြောင်းပြချက်ကတော့ The Force Awaken ကြောင့်ပေါ့။) 2014 လောက်မှာထင်တယ်။ အစကတော့ အရင်ဇာတ်ကား 2 ကားကို ဇာတ်ညွှန်းရေးခဲ့တဲ့ Roberto Orci က တတိယမြောက်ဇာတ်ကားအတွက် ကိုယ်တိုင်ဇာတ်ညွှန်းရေးကာ Director အဖြစ် ပထမဆုံး ရိုက်ကူးမယ်လို့ကြားလိုက်ရတယ်။ နည်းနည်းတော့လန့်တာပေါ့။ တစ်ခါမှ Director မလုပ်ဖူးတဲ့ ဇာတ်ညွှန်းရေးဆရာတစ်ယောက်က Star Trek လို ဇာတ်ကားကြီးကို ကိုင်မယ်ဆိုတော့။ ဒါပေမဲ့ ထိုနှစ် May လ လောက်က စလိုက်တဲ့ထိုသတင်းဟာ December လောက်မှာ ပျက်သုန်းသွားခဲ့တယ်။ ထုံးစံအတိုင်း “Creative Differences” ဆိုတဲ့ အမည်တစ်ခုနဲ့ပဲ Roberto Orci နဲ့Paramount တို့လမ်းခွဲခဲ့ကြတယ်။ ဒီတော့ Roberto Orci ကလည်း သူနဲ့အတူ သူရေးတဲ့ ဇာတ်ညွှန်းကို တစ်ပါတည်း ယူဆောင်သွားတယ်။ ဒီမှာတင် အခက်တွေ့တော့တာပဲ။ 2015 ထဲဝင်လာပြီ။ 2016 ဟာ Star Trek ရဲ့နှစ် 50 ပြည့်နှစ်မို့အထိမ်းအမှတ်တစ်ခုဖြစ်အောင် 2016 မှာ ထိုရုပ်ရှင် ထွက်ကို ထွက်မှ ဖြစ်တော့မှာ။ သူတို့မှာ ကျန်တဲ့အချိန်က 1 နှစ်ပဲ ရှိတော့တယ်။ ဒီအချိန်ထိ အဖြေဟာ မသဲကွဲသေးဘူး။ ရုပ်ရှင်အဖွဲ့သားတွေကတောင် ထိုဇာတ်ကား မရိုက်ဖြစ်တော့ပါဘူး ထင်ပြီး တစ်ခြားဇာတ်ကားတွေ ရိုက်ကူးသွားကြတော့တယ်။ သိပ်တော့ မကြာလိုက်ဘူး။ 2015 August လောက်မှာဖြစ်မယ်။ ဒီ Project ကို ပြန်လည် အသက်သွင်းဖို့စတင်ကြိုးပမ်းခဲ့တာ Scotty အဖြစ် သရုပ်ဆောင်တဲ့ Simon Pegg ပဲ။ သူ့ရဲ့စိတ်ကူးတွေထဲမှာ ယခု တတိယမြောက် ဇာတ်ကားအတွက် ဇာတ်လမ်းတွေရှိနေခဲ့တယ်။ ဒီလိုနဲ့ပဲ Simon Pegg နဲ့Doug Jung ဆိုတဲ့သူတစ်ယောက်နဲ့ယခုဇာတ်ကားအတွက် ဇာတ်ညွှန်းတွေ စတင်ရေးသားလာတော့တယ်။ သူတို့တွေကို Paramount က Roberto Orci ရဲ့ဇာတ်ညွှန်းကို မပြသခဲ့ဘူး။ ယခုထိလည်း ထိုဇာတ်ညွှန်းထဲက ဇာတ်လမ်းဟာ ဘယ်လိုလည်းဆိုတာ ဘယ်သူမှ မသိခဲ့ဘူး။ (Paramount နဲ့Roberto Orci တို့ကလွဲရင်ပေ့ါ။) အဲ့ဒီ့နောက်တော့ သူတို့အတွက် Paramount က Director တစ်ယောက် ခေါ်လာခဲ့တယ်။ ဒီအချိန်မှာပဲ သူတို့အားလုံး အံ့သြသင့်ကြရတော့တယ်။ Paramount ခေါ်လာတဲ့သူက တစ်ခြားမဟုတ်။ Fast and Furious ဇာတ်ကားတွေနဲ့နာမည်ကြီးလာခဲ့တဲ့ Justin Lin လေ။ Justin Lin က Fast and Furious ဇာတ်ကားတွေကို တတိယမြောက် Tokyo Drift ကနေ ဆဌမမြောက် ဇာတ်ကား Fast and Furious 6 အထိ ရိုက်ကူးခဲ့တဲ့သူ။ ဒါကို ပရိသတ်တွေကြားရတော့ internet မှာ ပြန့်သွားတဲ့ Comments တွေက “R.I.P Star Trek.” တဲ့။ ရယ်တော့ ရယ်ရတယ်။ ကျွန်တော်လည်း အပါအဝင်လေ။ -------------------------------------------------------------------------------- ဒီနေရာမှာ ကျွန်တော် Justin Lin အကြောင်းအနည်းငယ် ပြောချင်ပါတယ်။ သူဟာ အမှန်တော့ Indie ရုပ်ရှင်တွေနဲ့စခဲ့တဲ့သူ။ သူခေါ်တာကတော့ “Credit card movies” တွေတဲ့။ သူ့စရိတ်နဲ့သူကိုယ်တိုင် အကုန်အကျခံကာ ရိုက်ခဲ့ရတဲ့ ရုပ်ရှင်တွေလေ။ “Shopping for Fangs” တို့”Better Luck Tomorrow” တို့တွေပေ့ါ။ သူဟာ Fast and Furious တွေကို စရိုက်တော့ လူတွေက ဒီ indie ကောင်က FF ကားတွေကို ဘာလို့လာရိုက်တာလဲပေါ့။ ခုလည်း ဒီလိုပဲ။ ဒီ FF ကား ကောင်က Star Trek ကို ဘာလာ လုပ်တာလဲပေါ့။ အမှန်တော့ ရှင်းပါတယ်။ Justin Lin က Star Trek အကြောင်းကို ကားတွေအကြောင်းထက် ပိုသိတဲ့သူပါ။ သူဟာ လွန်ခဲ့တဲ့ 35 နှစ်လောက်ကတည်းက Star Trek နဲ့ရင်းနှီးခဲ့တဲ့သူ။ သူတို့မိသားစုက Taiwan ကနေ California ကို ပြောင်းလာတော့ သူက 8 နှစ်သားပဲ ရှိသေးတယ်။ Fish and Chips ဆိုင်လေးဖွင့်တယ်။ သူရဲ့ကျောင်းက သူငယ်ချင်းတွေက Star Wars ဖြစ်နေချိန်မှာ သူဟာ Star Trek ဖြစ်ခဲ့တဲ့သူ။ ဘာလို့လဲဆိုတော့ သူဟာ ထိုအချိန်က ရုပ်ရှင်ရုံတွေမှာ ရုပ်ရှင်သွားကြည့်ဖို့လောက်ထိ ပိုက်ဆံမရှိခဲ့ဘူးလေ။ အဲ့ဒီ့တော့ ညဘက်တွေမှာ အလကားပြတဲ့ Star Trek ရုပ်သံဇာတ်လမ်းတွဲတွေကိုပဲ ကြည့်ခဲ့ရပြီး ထိုအချိန်ကတည်းက Star Trek fan တစ်ယောက် ဖြစ်လာခဲ့တော့တာပဲ။ Star Trek Beyond ဇာတ်ကားကို စဖွင့်တော့ ထုံးစံအတိုင်း Captain Kirk က တစ်ခြားဂြိုလ်တစ်ခုပေါ်မှာ ထိုဂြိုလ်က အကြီးအကဲတွေကို လက်ဆောင်သွားပေးနေတာ။ အဆင်မပြေဖြစ်ပြီး သူပြန်ပြေးလာတဲ့အချိန်မှာတော့ သူပေးမဲ့ လက်ဆောင်ဆိုတဲ့ အရာလေးဟာ သူနဲ့ပြန်ပါလာခဲ့တယ်။ ဒီတစ်ခါ ခရီးစဉ်ကြီးက 5 နှစ်သက်တမ်း။ အချိန်က 3 နှစ်ခန့်တောင် ကျော်လာပြီ။ USS Enterprise က သူတို့နားခိုလေ့ရှိတဲ့ နေရာတစ်ခုဖြစ်တဲ့ Yorktown ကို ရောက်တဲ့အခါ Captain Krik နဲ့Spock တို့မှာကိုယ်ပိုင် အနာဂတ်အတွက် စီစဉ်ချမှတ်ထားပြီးသား ဆုံးဖြတ်ချက်ကိုယ်စီရှိကြတယ်။ ဒါပေမဲ့ တစ်ယောက်ကို တစ်ယောက် ဖွင့်ပြောပြဖို့တော့ အခွင့်အလမ်း မသာခဲ့ဘူး။ Vice Admiral အဖြစ်ရာထူးတိုးဖို့Captain Kirk တစ်ယောက် အထက်ကို လျှောက်ထားပြီးလေ။ Spock တစ်ယောက်ကတော့ Uhura နဲ့လမ်းခွဲပြီးခါစ အချိန်ဖြစ်သလို Ambassador Spock တစ်ယောက်လည်း သေဆုံးသွားပြီလို့ဝမ်းနည်းဖွယ်ရာ သတင်းကို ကြားသိခါစအချိန်လည်း ဖြစ်နေပြန်တယ်။ ထိုဝန်းကျင်တစ်ဝိုက်နားမှာ ရှိတဲ့ Nebula တစ်ခုကနေ ရောက်လာတဲ့ Kalara အမျိုးသမီးတစ်ဦးရဲ တောင်းဆိုချက်အရ ရပ်တန့်နေတဲ့သူမတို့ယာဉ်ကြီးက အဖွဲ့ဝင်တွေကို သွားကယ်ပေးဖို့ပဲ။ ဒီလိုနဲ့Captain Kirk ဦးဆောင်တဲ့ သူတို့အဖွဲ့ကြီး ထိုသူတွေကို ကယ်တင်ဖို့ထွက်ခွာလာတော့တာပေါ့။ ဒါပေမဲ့ ထိုနေရာအရောက်မှာပဲ အလွန်တရာများပြားလှတဲ့ ယာဉ်ငယ်တွေရဲ့ခြောင်းမြောင်းတိုက်ခိုက်ခြင်းကို ရုတ်တရက် ခံလိုက်ရကာ သူတို့ရဲ့USS Enterprise ယာဉ်ကြီးတစ်ခုလုံး ပျက်ဆီးတဲ့ အနေအထားထိ ရောက်ရှိခဲ့ကာ Sulu နဲ့Uhura တို့ အပါအဝင် USS Enterprise အဖွဲ့ဝင်အများစု အဖမ်းခံရတော့တယ်။ Captain Kirk နဲ့Chekov တို့ကတစ်နေရာ၊ Scotty က တစ်နေရာ၊ Bones နဲ့Spock တို့ကတစ်နေရာစီ ကွဲသွားကြကာ ထိုအနီးက ဂြိုလ်တစ်ခုအပေါ်မှာ သောင်တင်ကြရတော့တယ်။ သူတို့ကို တိုက်ခိုက်တဲ့ သူနာမည်က Krall တဲ့။ Krall ဟာ ဘာကြောင့် သူတို့ကို တိုက်ခိုက်တာလဲ။ Krall ရဲ့အကြံအစည်ဟာ ဘာလဲ။ Star Trek Beyond ရဲ့ဇာတ်လမ်းဟာ ခုမှ စတင်လာပါတော့တယ်။ ------------------------------------------------------------------------------- လူတိုင်းသိကြတဲ့အတိုင်း Justin Lin က Director လုပ်ပြီး Chris Pine, Zachary Quinto, Karl Urban, Zoe Saldana, Simon Pegg, John Cho, Anton Yelchin တို့ပြန်လည်ပါဝင်ကြပြီး သရုပ်ဆောင်အသစ်တွေအနေနဲ့ကတော့ Kingsmen ဇာတ်ကားနဲ့နာမည်ကျော်ခဲ့တဲ့ Sophia Boutella နဲ့Krall အဖြစ် Idris Elba တို့ကပါဝင်သရုပ်ဆောင်ထားကြပါတယ်။ ဒီဇာတ်ကားရဲ့အဓိက ပြဿနာဟာ ကျွန်တော့်စိတ်ထင် ဇာတ်ညွှန်းပဲလို့ထင်တယ်။ ဘာကြောင့်လဲဆိုတော့ တစ်ကားလုံးဟာ ကျွန်တော်တို့မြင်ပြီးသားတွေ သိပြီးသားတွေကို ပုံစံတစ်မျိုးနဲ့မြင်တွေ့ရတယ်လို့ပဲ မြင်ခဲ့ရတယ်။ ဇာတ်လမ်း စတင်ပုံ၊ ဇာတ်အသွားအလာ၊ ဖွဲ့စည်းတည်ဆောက်ထားပုံနဲ့ဇာတ်သိမ်းပုံတို့ဟာ Star Trek into Darkness နဲ့အလွန်ဆင်တူလွန်းတယ်လို့ထင်ရမိတယ်။ ထို့အပြင် ဒီဇာတ်ကားကို သေသေချာချာကြည့်မိရင် တွေ့ရမဲ့ အရာတစ်ခုက ဇာတ်ညွှန်းဟာ ဇာတ်ဝင်ခန်းတွေကို အသေးစိပ်ရေးဖွဲ့ထားတယ်လို့ပဲ။ ဒါကြောင့်လည်း ဇာတ်ဝင်ခန်းတွေဟာ အလွန်ပေါ်လွင်ပြီး ဇာတ်ကောင်တွေဟာ မှေးမှိန်နေခဲ့တာပဲ။ အရင်ဇာတ်ကားတွေမှာ Captain Kirk သည် အလွန်ခေါင်းမာသောသူ၊ သတ္တိရှိသောသူ၊ Odd တွေကို ကျော်ဖြတ်နိုင်ခဲ့သူတစ်ယောက်ဟု သရုပ်ဖော်ခဲ့ပေမဲ့ ယခုဇာတ်ကားတွင် ထိုစရိုက်ကို အရင်ကားတွေလောက် မပေါ်လွင်ခဲ့ဘူးလို့ထင်ရတယ်။ သို့သော် သူ့ရဲ့ရဲဝင့်တဲ့ စွန့်စားခန်းတွေတော့ ပါဝင်နေသေးပါတယ်။ အဓိကက Scotty ပဲ။ အရင်ဇာတ်ကားလောက် ရယ်စရာ နည်းတယ်လို့ထင်ရတယ်။ Spock နဲ့Bones ကတော့ ထုံးစံအတိုင်းပဲ။ ပြောရမယ်ဆိုရင် တစ်ကားလုံးမှာ သူတို့နှစ်ယောက်ရဲ့အခန်းတွေကို အကြိုက်ဆုံးပဲ။ သူတို့ရဲ့Conversation တွေကလည်း ပိုစိတ်ဝင်စားဖို့ကောင်းတယ်။ စိတ်ဝင်စားဖို့ကောင်းတယ်ဆိုတာ ဆန့်ကျင်ဘက် စရိုက်ရှိတဲ့ သူနှစ်ယောက်ရဲ့နှစ်ယောက်တည်းရှိတဲ့အခါ ပြောဖြစ်တဲ့ စကားတွေပဲ။ Sulu ရဲ့ဇာတ်ဝင်ခန်းတွေမှာတော့ အကြိုက်ဆုံးအခန်းတစ်ခုကတော့ Trailer တွေထဲမှာပါတဲ့အတိုင်း Captain Kirk က မင်း ဒီယာဉ်ကို တစ်ကယ်မောင်းနိုင်ပါတယ်နော် လို့မေးတော့ Captain, မင်းက ငါ့ကို နောက်နေတာလားဆိုပြီး သူမောင်းနှင်နိုင်တယ်ဆိုတာကို ကျွမ်းကျင်စွာ မောင်းပြသွားတဲ့အခန်းပဲ။ (ဘယ်ဇာတ်ဝင်ခန်းလဲဆိုတာ Spoiler ရှောင်ချင်လို့ကြည့်တဲ့အခါ သိပါလိမ့်မယ်။) ဝမ်းနည်းဖို့အကောင်းဆုံးတစ်ခုကတော့ Anton Yelchin ရဲ့Chekov ကို ကျွန်တော်တို့တွေ နောက်ဆုံးအကြိမ်အဖြစ် တွေ့ခဲ့ရတာပဲ။ ကျွန်တော်တို့တွေ တစ်သက်လုံး Chekov ရဲ့ခပ်ဝဲဝဲ စကားပြောသံရယ်၊ ခပ်ပြူးပြူးနဲ့အပြစ်ကင်းတဲ့ မျက်လုံးတွေရယ်ကို ဘယ်တေ့ာမှ မေ့နိုင်မှာ မဟုတ်ဘူးပဲ။ Anton Yelchin သည်ပြီးခဲ့သည့်လက Car Accident နဲ့ဆုံးပါးသွားခဲ့ပြီဖြစ်သည်။ သူ့ရဲ့ဇာတ်ကောင်ကို နောက် Star Trek ဇာတ်ကားတွေမှာ တစ်ခြားမင်းသားနဲ့အစားထိုး သရုပ်မဆောင်ခိုင်းတော့ဘူး လို့ Paramount က တရားဝင်ကြော်ငြာခဲ့ပါတယ်။ ဒါမှလည်း ကျွန်တော်တို့တွေ သူ့ကိုအမြဲအမှတ်ရနေပြီး သတိရနေမှာ ဖြစ်ပါတယ်။ တစ်ကားလုံးကို ခြုံပြောရမယ်ဆိုရင် Actions တွေ၊ Actions တွေ အရမ်းများလွန်းတယ်။ တစ်ကားလုံးကို ဇာတ်လမ်းထက် Actions တွေက များလွန်းတော့ တစ်ခါတစ်ခါ အာရုံကိုမနည်းပြန်ဖမ်းရတယ်။ သို့သော် Star Trek ရဲ့ပုံပန်းထဲကတော့ ထွက်မသွားခဲ့ပါဘူး။ Star Trek ရဲ့ဇာတ်ကားတစ်ကားဆိုတဲ့အတိုင်း Star Trek ခံစားချက်ကိုတော့ ရနေပါသေးတယ်။ ဒါဟာ Justin Lin ကို ချီးကျူးရမှာ ဖြစ်တယ်။ သူ ကျွမ်းကျင်တဲ့ Action ခန်းတွေကို ပရိသတ်သဘောကျအောင် ထည့်နိုင်ခဲ့သလို Star Trek theme ထဲကနေလည်း ထွက်မသွားစေရအောင် စွမ်းဆောင်နိုင်ခဲ့တာပဲ။ Justin Lin ကို သရုပ်ဆောင်တွေရဲ့ပြောချက်အရဆိုရင် ပို၍ စဉ်းစားတွေးခေါ်တတ်တဲ့ Director တဲ့။ ဒီလို ပြောကြလို့J.J. Abrams ကို စဉ်းစားဉာဏ်မရှိဘူးလို့ဆိုလိုတာမဟုတ်ဘူး။ J.J. Abrams က ရိုက်ကွင်းမှာ လူတိုင်းကို အားတက်အောင် အမြဲပြုလုပ်လေ့ရှိပြီး Justin Lin ကတော့ စကားနည်းကာ ပိုမိုအသေးစိပ်ဆန်တယ်ဆိုတဲ့ သဘောပါပဲ။ -------------------------------------------------------------------------------- Fear of death ဆိုတာကို စာဖတ်သူအနေနဲ့မည်ကဲ့သို့မြင်ပါသလဲ။ သက်ရှိလူသားတိုင်းလိုလိုဟာ မိမိရဲ့သေခြင်းတရားကို ကြောက်လန့်မိကြမှာအမှန်ပါပဲ။ ကြောက်လန့်တယ်ဆိုပေမဲ့လည်း တစ်နေ့နေ့ကျရင် မိမိဆီကို မရောက်လာမှာမှ မဟုတ်တာ။ တစ်နေ့နေ့ကျရင်တော့ ကျိန်းသေရောက်ရှိလာမှာပဲလေ။ ဒီနေရာမှာ Spock က “Fear of death is illogical.” ဆိုပြီး သေခြင်းတရားကို ငြီးတွားရေရွတ်လိုက်တယ်။ သူပြောတာတော့ဟုတ်တာပဲလေ။ လူတိုင်းဟာ တစ်နေ့နေ့ကျရင် သေကြရမှာပဲ။ မဖြစ်မနေ ရင်ဆိုင်ရမဲ့ အရာကို ဘာကြောင့် ကိုယ်က ကြောက်စိတ်ဝင်နေရတာလဲ။ ကြောက်စိတ်ဝင်နေတော့လည်း ထိုသေချင်းတရားက မိမိဆီ ရောက်မလာမှမ မဟုတ်တာ။ သိသိကြီးနဲ့ဘာကြောင့် ကြောက်နေကြတာလဲပေါ့။ ဒီတော့ Bones က ပြန်ပြောလိုက်တယ်။ “Fear of death is what keeps us alive.” တဲ့။ ဒါဆို သူပြောတာရော မှားလားဆိုတော့ မမှားဘူး။ သင်ယနေ့အထိ အသက်ရှင်နေတာ မသေချင်တဲ့စိတ်ကို ရှင်သန်အောင် ကြောက်စိတ်က နှိုးဆော်ပေးနေခြင်းကြောင့်ပဲ။ ဒါကြောင့်ပြောတာ။ Spock နဲ့Bones ဟာ ကျွန်တော်အကြိုက်ဆုံး Star Trek ဇာတ်ကောင်တွေပဲ။ သူတို့နှစ်ယောက်ရဲ့ဆန့်ကျင်ဘက်စကားတွေဟာ နှစ်ယောက်စလုံးမှန်တဲ့အတွက် အလွန်ကို နားထောင်လို့ကောင်းတယ်။ ဒါဆို စာဖတ်သူရော။ မည်သူ့စကားက မှန်တယ်လို့ထင်သလဲ။ မိမိဘာသာ စဉ်းစားကြည့်ပြီး အဖြေရှာကြပေါ့။ Star Trek နဲ့ပတ်သက်ပြီး လေ့လာချက်အရ Star Trek ဇာတ်လမ်းတွဲတွေ စထွက်တဲ့အချိန်တုန်းက ပြောချင်တဲ့ Messages တွေက လူမျိုးရေးခွဲခြားခြင်းတွေနဲ့လိင်ပိုင်းဆိုင်ရာ ဖိုမ ခွဲခြားခြင်းတွေကို တွန်းလှန်ပစ်ဖို့ပဲ။ ပြီးတော့ ငြိမ်းချမ်းရေးကို လိုလားခြင်းကို တင်ပြထားပြီး ဇာတ်လမ်းရဲ့ဖွဲ့စည်းထားပုံဟာ Democary ထက် Socialism ကို ပိုမိုရောက်တယ်လို့မြင်မိတယ်။ ဒါပေမဲ့ သေချာစွာ တွေးကြည့်လာရင်တော့ Individulisim လို့ပြောရင် ပိုမိုမှန်ကန်ပါလိမ့်မယ်။ အကယ်၍ ကျွန်တော်တို့ကမ္ဘာပေါ်ကလူသားတွေဟာ မိမိတစ်ကမ္ဘာထဲမှာ ရှိတဲ့တစ်ခြားလူမျိုးခြားတွေနဲ့တောင် စစ်ဖြစ်နေပြီး ခွဲခြားနေရင် တစ်ခြားဂြိုလ်က သက်ရှိလူသားတွေနဲ့ (တစ်ခြားကမ္ဘာများတွင် အသိဉာဏ်ရှိ သက်ရှိများရှိလျှင်) မည်ကဲ့သို့ငြိမ်းချမ်းရေး လုပ်ငန်းစဉ်ကြီး ဖော်ဆောင်နိုင်မှာလဲဆိုတဲ့ မေးခွန်းရဲ့အဖြေကို Star Trek ဟာ ဖြေကြားလာခဲ့တာ ယခုဆိုရင် နှစ် 50 တောင် ပြည့်ခဲ့ပြီပေါ့။ ကျွန်တော်တို့ကမ္ဘာကျဉ်းကျဉ်းလေးထဲမှာ ဘာကြောင့် တစ်ယောက်ကိုတစ်ယောက် မုန်းတီးစိတ်တွေနဲ့တိုက်ခိုက်နေကြတာလဲ။ ဘာကြောင့် ဖိုမ ဆိုပြီး နေရာတိုင်းမှာ ခွဲခြားနေကြရတာလဲ။ ဘာကြောင့် ကိုယ်အရေပြားပေါ်က အသားအရောင်ကို ကြည့်ပြီး ခွဲခြားပြောဆို ဆက်ဆံနေကြတာလဲ။ အကယ်၍ အကယ်၍ ပေါ့။ တစ်ခြားကမ္ဘာက လူသားတွေကို စတင်တွေ့ရှိလာတဲ့တစ်နေ့ကျွန်တော်တို့ကမ္ဘာက လူသားတွေ ထိုစရိုက်တွေကို ဘယ်လိုပြောင်းလဲကြတော့မှာလဲ။ ကြည့်ကြတာပေါ့ဗျာ ….. “In Loving Memory of Leonard Nimyo” “For Anton” IMDb Rating: 7.6/ 10 Rotten Tomatoes Rating: 83% ~WH~ (ရုပ်ရှင်အညွှန်းကို Movies-we watch,we feel. ၏ Facebook Page https://www.facebook.com/movieswwwf/posts/618178778356266:0 မှကူးယူဖော်ပြပါသည်။) File size…(838 MB) Quality…Blu-Ray Rip 720p Format…mp4 Duration….02:02:21 Subtitle….Myanmar Subtitle (Hardsub) Translator....Lotus Black Encoder….Nyeinsaeya Aung

1994 ကာလရဲ့ နာမည်ကြီး ဟာသကောင်းလေးတစ်ခုလောက် ကြည့်ကြည့်လိုက်ရအောင်။ ဝီလီယမ်ရေဂိုတစ်ယောက် မီးပွိုင့်မိသွားတာ အစည်းအဝေးချိန်နောက်ကျပြီး အလုပ်ပြုတ်တဲ့ထိဖြစ်သွားပါတယ်။ အသက်လည်းကြီးနေပြီဖြစ်လို့ ဘာအလုပ်မှရှာမရဘဲဖြစ်နေရာမှ အလုပ်တစ်ခုကလာကမ်းလှမ်းတဲ့အခါ.. ထိုအလုပ်ကတော့ စစ်တပ်ထဲက စစ်သားတွေကိုစာသင်ပေးဖို့ပဲဖြစ်ပါတယ်။ သာမန်စစ်သားမဟုတ်ဘဲ တုံးလွန်းလို့ D နှစ်လုံးကောင်တွေ(ခွေးချေးလိုတုံးသောသူများ) လို့တင်စားခံထားရတဲ့ စစ်သားတွေကိုစာသင်ဖို့ဖြစ်လာတဲ့အခါ.. စာတောင်မသင်ဖူးပေမယ့် တခြားလည်းဘာအလုပ်မှလုပ်မရတာကြောင့် ဖြစ်ချင်ရာဖြစ်ဆိုပြီးသွားလိုက်တဲ့ရေဂိုနဲ့ ငတုံးအဖွဲ့ စစ်တပ်ထဲဘယ်လိုဘုနဲ့ဘောက်တွေဖြစ်ကြမလဲ.. File size…(2.28GB) / (`1.12GB) / (765MB) Quality…. Web 1080P / 720p / 480p Format…mp4 Duration….02:08:00 Genre… Drama /Comedy Subtitle….Myanmar Subtitle (Hardsub) Encoder….Mr. Anderson Translated by Shin Rina

အခုတင်ဆက်ပေးမယ့် ဇာတ်ကားလေးကတော့ It shall not be named ဆိုတဲ့ ဇာတ်ကားလေးပဲ​​ဖြစ်ပါတယ်။ ဒီကားလေးထဲမှာ ခရစ်စ်နဲ့ကတ်ဆိုတဲ့ ချစ်သူနှစ်ဦးရှိကြပါတယ်။ တရက်မှာ ကတ်က အပိုဝင်ငွေလေးရအောင်ဆိုပြီး အခန်းဖော်တစ်ယောက်ရှာပြီး သူ့အိမ်ကအခန်းတစ်ခန်းကိုငှားပါတော့တယ်။ အဲ့အခန်းဖော်ရောက်လာပြီးကတည်းက ကတ်တစ်ယောက် နာမ်လောကနဲ့ဆိုင်တဲ့ထူးဆန်းတဲ့အဖြစ်အပျက်တွေကြုံတွေ့လာရတာပါ။ သူ့ရည်းစားခရစ်စ်ကိုလည်း အခန်းဖော်သစ် ဂျက်စီနဲ့ အထင်လွဲ သဝန်တိုပြီး ဂျက်စီကိုအကောင်းမမြင်ဖြစ်လာပါတယ်။ နောက်ပြီးခြောက်ခြားစရာတွေလည်းကြုံတွေ့နေရလို့ ကတ်နဲ့ခရစ်စ်တို့နှစ်ယောက်က ဂျက်စီရဲ့အခန်းကိုခိုးဝင်ပြီး ရှာဖွေတဲ့အခါမှာ ဂါထာမန္တန်နဲ့စုန်းအတတ်ပစ္စည်းတွေကိုတွေ့လိုက်ရပါတယ်။ ဂျက်စီရဲ့သရုပ်မှန်ကဘာလဲ ခရစ်စ်နဲ့ကရော တကယ်ပဲဖောက်ပြန်နေခဲ့သလား ကတ်ကရောဘယ်လိုခြောက်ခြားစရာတွေကြုံတွေ့ရဦးမလဲဆိုတာ ဇာတ်ကားလေးထဲမှာကြည့်ရှုပေးကြပါဦး…… File size…(1.4 GB)/(600 Mb) Quality….Webrip 1080p / 720p Format…mp4 Duration….01:24:00 Genre…Horror, Thriller Subtitle….Myanmar Subtitle (Hardsub) Encoder….Garfield Translated by Rubyjane

Dear Mr. Gacy (2010) ================= IMDb Rating – 6.4/10 စိတ္တဇလူသတ်သမားတစ်ယောက်ရဲ့စိတ်ကို နားလည်ချင်ပါသလား၊ နားလည်ချင်တယ်ဆိုရင်တော့ ဒီရုပ်ရှင်လေးကိုကြည့်ဖို့ တိုက်တွန်း ပါတယ်။ စိတ္တဇလူသတ်သမားနဲ့မိတ်ဆွေဖြစ်ခဲ့တဲ့သူက အရိပ်လို လွှမ်းမိုးနိုင်ခဲ့တဲ့အကြောင်းတွေရဲ့ ဖြစ်ရပ်မှန်အချက်အလက်တွေကို သေချာရိုက်ပြထားတာပါ။ အက်ဖ်ဘီအိုင်တောင်အဖြေမရှာနိုင်တဲ့ စိတ္တဇကွင်းဆက်လူသတ်သမား တစ်ယောက် ဂျွန်ဝိန်းဂေဆီ ကို ၁၈နှစ်အရွယ် ကောလိပ်ကျောင်းသား ဖြစ်တဲ့ ဂျေဆန်မော့စ် ကတော့ စိတ်ဝင်စားမိပါတယ်။ ကျောင်းမှာလည်း စာတော်တဲ့ မော့စ်က သူ့စာတမ်းအတွက် ဂေဆီ့အကြောင်းရေးဖို့ ဆုံး ဖြတ်ချက်ချခဲ့ပါတယ်။ အချိန်ကတော့ ဂေဆီကိုသေဒဏ်မပေးခင် ခြောက်လအလို… မော့စ်က ဂေဆီကိုချဉ်းကပ်ဖို့အတွက် စာတစ်စောင်ရေးခဲ့ပါတယ်။ လွယ်လွယ်နဲ့စာပြန်မလာတဲ့အတွက် ဂေဆီစိတ်ဝင်စားမယ့် ဂေးဆန် ဆန်ဓါတ်ပုံတွေပါ ထည့်ပြီး စာပို့လိုက်ပါတယ်။ ယောက်ျားလေး ၃၃ ယောက်ကို မုဒိန်းကျင့်လူသတ်ခဲ့တဲ့ ဂေဆီအတွက်တော့ ထောင်ထဲ နေရင်း မုတ်ဆိတ်ကိုပျားစွဲတော့တာပေါ့။ သိပ်မကြာခင်မှာ မော့စ် နဲ့ ဂေဆီတို့ စာအပြန်အလှန်ရေးဖြစ်ရင်း ဖုန်းပါပြောဖြစ်ခဲ့ကြပါတယ်။ ဂေဆီ့အကြောင်းတွေကို တစ်ဖြေးဖြေးနားလည်လာခဲ့တဲ့ မော့စ် တစ် ယောက်၊ ဂေဆီ နဲ့သူက တစ်သားတည်းဖြစ်လာသလို ခံစားခဲ့ရပါတယ်။ အပြစ်တင်စိတ်တွေစိုးမိုးလာခဲ့တယ်။ ကြောက်စိတ်တွေပြင်းထန်လာခဲ့ တယ်။ မော့စ်ဆိုတဲ့ လူတစ်ယောက် တစ်ဖြေးဖြေးပျောက်ကွယ်လာတဲ့ အချိန် ဂေဆီ သေဒဏ်ပေးခံရတဲ့နေ့မှာတော့…. မော့စ် ဘယ်လိုရပ်တည် သွားလဲ… အမှောင်ထုထဲကနေ ဘယ်လိုရုန်းထွက်ခဲ့လဲဆိုတာတွေကို ဆက်ပြီးကြည့်ရှူလိုက်ကြပါကုန်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Jo Jo Va ဖြစ်ပါတယ်) File Size……….(1.75 GB) / (658 MB) Quality…………WEB-RIP 1080p / 720p Duration………1Hr 43Min Subtitle………..Myanmar Hardsub Format…………MP4 Genre…………..Crime, Drama, Thriller Translator…….Jo Jo Va Encoder……….SWM

Aazam 2023 နေရာလုပွဲ Imdb 6/10 ဖြစ်ရပ်မှန်ကို အခြေခံရိုက်ကူးထားတဲ့ crime/thriller ဇာတ်ကားကောင်းတစ်ကားပဲဖြစ်ပါတယ် မွမ်ဘိုင်းမြို့ပေါ်မှာ အာဏာရှိတဲ့လူတစ်ယောက်ရှိတယ် အာဏာကဘယ်လောက်ထိရှိလဲဆို အဲဒီလူကသေခါနီးဖြစ်လို့ အိပ်ရာထဲလဲနေတာတောင် သူ့နေရာကိုမလုရဲကြဘူးတဲ့လေ အကြောင်းကတော့ လူကသာမထနိုင်ပေမဲ့ မွန်ဘိုင်းတစ်မြို့လုံးကိုမြေလှန်ဖျက်ဆီးပစ်နိုင်လို့ပါပဲ သူကွယ်လွန်ပြီးရင်သူ့နေရာကိုဆက်ခံဖို့တွေးထားကြတာကတော့ သူ့ရဲ့သားဖြစ်တဲ့ကာဒါပါ အဖေလိုတစ်မျိုး အမေလိုတစ်ဖုံနဲ့ကာဒါ့ကိုအလိုလိုက်ပြီးတော့ပျိုးထောင်ခဲ့သူတစ်ယောက်ပါ ဒါပေမဲ့လည်းဂိုဏ်းတွေကြားထဲ မကျေနပ်သဘောထားကွဲလွဲမှုတွေရှိတော့ ကာဒါ့ကိုတချို့ကခေါင်းဆောင်မတင်ချင်ကြဘူးပေါ့ နာဝဘ်သေတာနဲ့ကာဒါ့ကိုပါသတ်ပြီးတော့ တခြားလူကိုနေရာချထားဖို့စီစဉ်နေကြသူတွေနဲ့ ကာဒါ့ကိုပဲ နန်းတင်ချင်တဲ့လူတွေကြားက ဖြစ်ရပ်မှန်ကိုကြည့်ရှုရမှာပဲဖြစ်ပါတယ် ( အညွှန်းနဲ့ ဘာသာပြန်တွေကတော့ Yunni ~ Alex ~ Zwe Yan ~ ToMo ~ V ~ KKKZ တို့ပဲဖြစ်ပါတယ် )

IMDb Rating(6.6/10) နိုင်ဂျီးရီးယားကရှေးခေတ်အယူအဆတွေအပေါ်မှာ အခြေခံထားတဲ့ သာဘာဝလွန်ဖြစ်ရပ်ကားလေးပါ၊ ဆုတောင်းသံတွေကြောင့် ဝိညာဉ်တွေဟာ သက်ရှိလောကစွပ်ဖက်နိုင်စွမ်းရှိပြီး ဒီလိုစွပ်ဖက်မှုကိုလည်း ကာကွယ်ပေးတဲ့သူတွေကလည်းရှိပါတယ်၊ Ashionye တို့မျိုးရိုးဟာ seers လို့ခေါ်တဲ့ သက်ရှိတွေကို ဝိညာဉ်တွေလက်ထဲကနေကာကွယ်ပေးတဲ့သူတွေပါ၊ Ash ကလည်းဒီပါရမီကိုဆက်ခံခဲ့ရပြီး ငယ်ငယ်ထဲက သူ့အဖေဟာ ဝိညာဉ်တွေရဲ့ခေါ်ဆောင်သွားခြင်းကိုခံခဲ့ရတာမို့ တကောင်ကြွက်ဖြစ်ခဲ့ရတာပါ၊ အဲ့ဒီနောက်မှာ Magnus နဲ့ Isioma တို့လင်မယားက England ကိုခေါ်သွားတာကြောင့် England မှာဘဝအသစ်စခဲ့ရပါတယ်၊ အရွယ်ရောက်လာတဲ့အခါ သူ့ရဲ့ပါရမီကိုအသုံးချပြီး ငွေရှာနေခဲ့ပါတယ်၊ Magnus နဲ့ Isioma တို့ကလည်းအတူမနေကြတော့ပဲ Isioma ကသူကလေးတွေနဲ့အတူ သူ့သတို့သားလောင်း Russell နဲ့အတူနေထိုင်နေကြတာပါ၊ Magnus ကနိုင်ဂျီးရီးယားနိုင်ငံရေးသမားတယောက်ဖြစ်လာခဲ့ပြီး တရက်မှာတော့ ထူးဆန်းတဲ့အဖြစ်အပျက်တွေနဲ့ ကိုယ့်ဟာကိုသတ်သေသွားခဲ့ပါတယ်၊ ဒါဟာသမရိုးကျသေဆုံးခဲ့ရတာမျိုးမဟုတ်ဘဲ ‌အမှောင်ထုကဝိညာဉ်‌တွေနဲ့ဆက်စပ်နေခဲ့ပါတယ်၊ Isioma နဲ့ သူ့ကလေး၃ယောက်မှာလည်း အမှောင်ထုနဲ့နီးကပ်လာတဲ့ အရိပ်အယောင်တွေဖြစ်လာပြီး Ash တယောက်ကဒါတွေကိုဖြေရှင်းပေးဖို့ဖြစ်လာပါတယ်၊ Ash တယောက်ကရင်ဆိုင်ရမယ့် ဝိညာဉ်ကဘယ်သူလဲ၊ Magnus တို့ကဘာတွေများလုပ်ခဲ့လို့ ဒီဝိညာဉ်က မိသားစုတခုလုံးကိုပစ်မှတ်ထားခဲ့ရတာလဲ၊နောက်ဆုံးမှာကော Isioma နဲ့ ကလေး၃ယောက်က အသက်ရှင်သွားနိုင်ပါ့မလား File size…(1.7 GB)/(850 Mb) Quality….Webrip 1080p / 720p Format… mp4 Duration…. 01:45:00 Genre… Drama, Fantasy, Mystery Subtitle….Myanmar Subtitle (Hardsub) Encoder….Garfield Translated by Myat Kyaw

Unfinished (2018) ၁၉၈၆ ခုနှစ် စစ်အေးတိုက်ပွဲအပြီးမှာ တောင်၊မြောက် ကိုရီးယားနဲ့ အရှေ့၊အနောက်ဘာလင်နိုင်ငံရေးအရှုပ်တော်ပုံတွေ ပေါ်ပေါက်လာခဲ့ပါတယ် ဒီရုပ်ရှင်ကတော့ အဲဒီခေတ်က တောင်၊မြောက်ကိုရီးယား သူလျှိုတွေ ဂျာမနီနိုင်ငံမှာ ခြေရှုပ်တဲ့အကြောင်းကို ဖြစ်ရပ်မှန်ကိုအခြေခံပြီး ရိုက်ကူးထားတာဖြစ်ပါတယ် အိုယောင်မင်းက သုတေသနပဲလုပ်ချင်တဲ့ ပါမောက္ခဖြစ်ပေမဲ့ သူများရဲ့ လှည့်ဖျားခြင်းကိုခံရပြီး မြောက်ကိုရီးယားသူလျှိုအဖြစ်နဲ့ ဂျာမနီကို ရောက်လာခဲ့ပါတယ် ဖြစ်ချင်‌တော့ သူက သူလျှိုဆိုတာကို ဖော်ထုတ်ခဲ့လို့ မိသားစုကို ပြန်ပေးဆွဲခံရပြီး သူ့ရဲ့မိသားစုဝင်တွေကို ပြန်ကယ်တင်ဖို့ကြိုးစားသွားမှာပါ သူလျှိုတွေပြည့်နေတဲ့နိုင်ငံမှာ မိသားစုကိုကယ်တင်ဖို့က တော်တော်ခက်ခဲပါတယ် ဒါပေမဲ့ အိုယောင်မင်းကတော့ နည်းလမ်းအမျိုးမျိုးနဲ့ ကယ်တင်ခဲ့ပါတယ် အဆုံးမှာတော့ မိသားစုဝင်တွေနဲ့ ပြန်တွေ့နိုင်မလားဆိုတာကို ကြည့်ပေးကြပါဦးနော် အညွှန်း နဲ့ ဘာသာပြန်ကတော့ Joyz ပဲ ဖြစ်ပါတယ်။ Genre….. Drama, Thriller Quality…. 1080p | 720p File size… 1GB | 508MB Format… mp4 Duration…. 1h 45min Subtitle…. Myanmar Subtitle (Hardsub) Translator ….. Joyz Encoder ….. Aaron

Mayavanam (2024) ဆေးကျောင်းသားလေးယောက်စွန့်စားခန်းဆေးကောလိပ်တစ်ခုက ကျောင်းသားသမဂ္ဂအဖွဲ့ဝင်တွေ‌ဖြစ်ကြတဲ့ ရှန်ကူ ၊ မာလူ ၊ တိုင်ဆက် ၊ လာချူးတို့ လူငယ်လေးယောက်က ကျောင်းသားအရေး ကျောင်းအရေးတွေမှာ တက်တက်ကြွကြွလှုပ်ရှားကြတဲ့ လူငယ်လေးယောက် ။ တစ်နေ့ဆေးနဲ့ပတ်သတ်တဲ့ ကမ်ပိန်းသွားလုပ်ရင်း လူမိုက်တစ်ဖွဲ့နဲ့ပြဿနာဖြစ်လာတယ် ၊ အဲဒီလူမိုက်အဖွဲ့ထဲမှာ အကောင်ကြီးကြီးအနွှယ်တွေပါနေတာကြောင့် ကျောင်းအုပ်ကြီးက ပြဿနာတွေရှုပ်မလာအောင် သူတို့လေးယောက်ကို သူ့သူငယ်ချင်းရဲ့ အပန်းဖြေအိမ်ကို ခဏပို့လိုက်တယ် အဲဒီသွားတဲ့လမ်းမှာလည်း မဟုတ်မခံဇာတ်ဇာတ်ကြဲလေးလာချူးက သူ့လာကြောင်တဲ့အကောင်တစ်ကောင်နဲ့ ပြဿနာထပ်ဖြစ်ရော ။ ရှောင်တယ်လို့မတွေးဘဲ ကျေးလက်မှာခဏပျော်ကြမယ်လို့တွေးပြီးရောက်လာတဲ့ သူတို့လေးယောက်ဆီ မထင်မှတ်ထားတဲ့‌အန္တရာယ်တွေရောက်လာချိန်မှာတော့……. အညွှန်းနှင့် ဘာသာပြန်သူတွေကတော့ BpL ~ Yunni တို့ပဲဖြစ်ပါတယ်

IMDb 5.6/10 RT – 41% R-rated ဇာတ်လမ်းကတော့ အဆင့်မြင့်နည်းပညာကို ပိုင်ဆိုင်ထားတဲ့ လူတူဂြိုလ်တစ်ခုမှာ စတင်ပါတယ်။ ဂြိုလ်သားတွေက ‌ယောက်ျားတွေချည်းဖြစ်သလို ခံစားချက်လည်းမရှိ၊ ဖွားဖက်တော်လည်း သေးကျုံ့ပျောက်ကွယ်ကုန်လို့ ပုံတူပွားပြီးတော့ပဲ မျိုးပွားကြပါတယ်။ ဂြိုလ်ရဲ့ခေါင်းဆောင်ကြီး (Ben Kingsley)က (ထုံးစံအတိုင်း) ကမ္ဘာကြီးကို အတွင်းလူ‌တွေထည့်ပြီး သိမ်းပိုက်ဖို့ စီစဉ်ထားပါတယ်။ ဒါကြောင့် အကောင်းဆုံးလက်ရွေးစင်တစ်ယောက်ဖြစ်တဲ့ ဟာရိုးလ် (Garry Shandling) အမည်ခံ ဂြိုလ်သားတစ်ယောက်ကို စက်သံမြည်တဲ့ လိင်တန်ဆာတပ်ပြီး ကမ္ဘာမြေပေါ်လွှတ်လိုက်ပါတယ်။ သူ့ရဲ့တာဝန်ကတော့ လူသားအမျိုးသမီးတစ်ယောက်ကို ကိုယ်ဝန်ရအောင်လုပ်ပြီး ကလေးကို ဂြိုလ်ပေါ် ပြန်ခေါ်လာဖို့ပါ။ သူဟာ ဖီးနစ်မြို့ကို ဘဏ်လုပ်ငန်းရှင်အဖြစ် ရောက်လာပြီးတော့ မိန်းမတွေကို လိုက်နူးပါတော့တယ်။ စိတ်ခံစားမှုကလည်း မရှိသလို တစ်ဖက်သားကိုလည်း စာနာတတ်မှုမရှိတဲ့အတွက် သူ့ရဲ့တာဝန်က ထင်သလောက်မလွယ်ဘဲ အခက်တွေ့နေရပါတယ်။ ဒါပေမယ့် လက်ထပ်ပြီးမှ လိင်ဆက်ဆံပါမယ်ဆိုတဲ့ ဆူဆန် (Annette Bening)ဆိုတဲ့အမျိုးသမီးတစ်ယောက်နဲ့ ဆုံရပြီး (လိင်ဆက်ဆံရဖို့အတွက်) လက်ထပ်ခဲ့ပါတယ်။ တစ်ဖက်မှာလည်း ဟာရိုးလ်ကို ဂြိုလ်သားလို့ သံသယရှိနေတဲ့ လေကြောင်းအရာရှိ ရိုလန် (John Goodman)ကလည်း တကောက်ကောက်လိုက်နေပါတယ်။ ဆူ‌ဆန်က ကိုယ်ဝန်ဆောင်၊ ကလေးမွေးနိုင်မှာလား၊ ပြီးတော့ ဟာရိုးလ် (နဲ့ ကလေး) သူ့ဂြိုလ်ကို ပြန်ကြမှာလား၊ ဒါမှမဟုတ် ဟာရိုးလ်က ခံစားချက်တွေကို ရှာဖွေတွေ့ရှိပြီး ဂရုစိုက်တတ်လာမှာလား။ ၂၀၀၀ပြည့်နှစ်ဝန်းကျင် ဂြိုလ်သားဇာတ်ကားတွေမှာလိုပဲ ET ရဲ့ အငွေ့အသက် မကင်းရာ မကင်းကြောင်းတွေ မြင်ရမှာပါ။ အကောင်းဆုံးဇာတ်ကား ဇကာတင်တစ်ကြိမ် ဝင်ဖူးတဲ့ ဒီဇာတ်ကားရဲ့ ဒါရိုက်တာကတော့ Mike Nichols ဖြစ်ပါတယ်။ အညွှန်းနှင့်ဘာသာပြန် TLone ဖြစ်ပါတယ်။ File size… (2.1 GB) / (1.1 GB) Quality….HEVC / 1080p HEVC / 720p Format…. mkv/mp4 Duration….01:48:00 Genre… Comedy, Romance , Drama Subtitle….Myanmar Subtitle (Hardsub) Encoder….Swan Min Htet Translated by Thompson

IMDb… 7.0 မင်းသား Kang Ha-Neul အပီကြမ်းထားတဲ့ အလန်းစား အက်ရှင်မှုခင်းကားသစ်လေး ထွက်ရှိလာပါပြီ။ When Life Gives You Tangerine က မင်းသားကြီး Park Hae-Joon ၊ Exhuma ကားမှ Yu Hae-Jin နဲ့ Our Unwritten Seoul မှ မင်းသား Ryu Kyung Soo အစရှိတဲ့ ဒိတ်ဒိတ်ကြဲမင်းသားကြီးတွေလည်း ပါဝင်သရုပ်ဆောင်ထားကြပါတယ် – ဇာတ်လမ်းအကျဉ်း – အီဂန်ဆူ (Kang Ha-Neul) ကတော့ လူတစ်ဦးရဲ့ ချောက်ချမှုကြောင့် အပြစ်မရှိဘဲ ဆေးမှုနဲ့ ထောင်ထဲရောက်နေသူပါ။ ဂူဂွမ်ဟီး (Yu Hae-Jin) ကတော့ ရည်မှန်းချက်ကြီးတဲ့ အမှုစစ်ဖြစ်ပြီး ရာထူးတိုးချင်တဲ့ ရည်ရွယ်ချက်နဲ့ ဆေးသမားတွေကို ကြားက သတင်းပေးမယ်ဆိုရင် ထောင်ဒဏ်လျှော့ပေါ့ပေးမယ်ဆိုပြီး ဂန်ဆူကို ကမ်းလှမ်းပါတော့တယ်။ ဒီလိုနဲ့ ဂန်ဆူဟာ အမှုစစ်ဂူအတွက် မူးယစ်သတင်းပေး စလုပ်ပေးခဲ့ပြီး အမှုစစ်ဂူလည်း အဲဒီကျေးဇူးကြောင့် ဆေးသမားတွေ တစ်ယောက်ပြီးတစ်ယောက် ဖမ်းပြီးတော့ ရာထူးလည်း တစ်ဆင့်ထက်တစ်ဆင့် တက်လာခဲ့တာပေါ့။ တစ်ဖက်မှာလည်း မူးယစ်ဆေးမှုစုံစမ်းစစ်ဆေးရေးအဖွဲ့က စုံထောက်ဖြစ်တဲ့ အိုဆန်းဂျယ် (Park Hae-Joon) က အမှုစစ်ဂူကြောင့် သူ့ရဲ့ စုံစမ်းစစ်ဆေးရေးတွေ ဆက်တိုက် ကျရှုံးနေတာမို့လို့ အမှုစစ်ဂူအပေါ် သိပ်ပြီး အမြင်မကြည်လှသလို ဂန်ဆူနဲ့ အမှုစစ်ဂူတို့ရဲ့ ဆက်ဆံရေးကိုလည်း အမြဲ သတိထားစောင့်ကြည့်နေလေ့ရှိပါတယ်။ ဂန်ဆူ ၊ အမှုစစ်ဂူနဲ့ စုံထောက်အိုတို့ သုံးဦးဟာ ကိုယ်စီ အကျိုးစီးပွားတွေအတွက် အပြန်အလှန် ပတ်သက်ဆက်စပ်မိပြုလာတဲ့အခါမှာတော့…. တောင်ကိုးရီးယား မူးယစ်စုံစမ်းစစ်ဆေးရေးလောကထဲက အားပြိုင်ပုံ အမျိုးမျိုးအဖုံဖုံကို စိတ်ဝင်စားဖွယ် ကြည့်ရှုရမှာဖြစ်လို့ လက်လွတ်မခံဘဲ အခုပဲ အပြေးလေးကြည့်လိုက်ကြပါတော့နော်။ (ဇာတ်လမ်းအညွှန်းကိုတော့ Hnin Wai Oo မှ ‌ရေးသားထားပါတယ်။) File Size : 1.92GB/ 940MB Quality : WEB-DL 1080p/ 720p Format…mp4 Duration…01:43:49 Genre : Action, Mystery, Crime, Drama Subtitle : Myanmar Subtitle (Hard Sub) Translated by Stary, Hnin Wai Oo & Miri Encoded by Tiff