Marquis de Sade ဆိုတဲ့ပြင်သစ်စာရေးဆရာကြီးရဲ့ နာမည်ကြီးဝတ္ထုတစ်အုပ်ဖြစ်တဲ့ Philosophy in the Bedroom ( ၁၈ + ) ကိုအခြေခံပြီးရိုက်ကူးထားတဲ့ ရုပ်ရှင်ကားလေးဖြစ်ပါတယ်။ ဒီကားလေးမှာတော့ မြှီးကောင်ပေါက်အရွယ်ဖြစ်ပြီး အပျိုစစ်စစ် ယူဂျင်းနီက သူ့အမေရဲ့တင်းကြပ်တဲ့ စည်း ကမ်းတွေကို မုန်းနေသူဖြစ်ပါတယ်။ တစ်နေ့မှာ သူ့ကို မျက်စိကျနေတဲ့ လူချမ်းသာ မာဗယ်က သူ့ညီမလေးကို ပူဆာပြီး သူတို့ပိုင်တဲ့ကျွန်းမှာ နှစ်ရက်လာလည်ဖို့ ဖိတ် ခိုင်းပါတော့တယ်။ မာရီယာကလည်း သူ့အစ်ကိုဆန္ဒရှိရင်ရအောင်ဖြည့်ဆည်း ပေးတတ်ပြီး ယူဂျင်းနီကိုလည်း လိင်ပညာပေးအစီအစဉ် များကို ကိုယ်ဖိရင်ဖိသင်ကြားပေးခဲ့ပါတယ်။ ယူဂျင်းနီတစ် ယောက် သူတို့မောင်နှမကြားမှာ ဝိုင်လေးသောက်လိုက် အပြာရောင်အိပ်မက်ထဲရောက်လိုက်၊ ဝိလေးသောက်လိုက် အမည်းရောင်အိပ်မက်ထဲရောက်လိုက်နဲ့ ကြည့်တဲ့သူတွေရင် ခုန်အောင် ဘယ်လိုမျိုးလုပ်ဦးမလဲဆိုတာ ဆက်ကြည့်လိုက် ပါတော့နော်။ ။ဆယ့်ရှစ်ယောက်တော့စုကြည့်ပေးကြနော် ..... (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ JJV ဖြစ်ပါတယ်) File Size..........(1.33 GB) / (400 MB) / (260 MB) Quality............BLU-RAY 1080p / 720p / 480p Duration.........1Hr 27Mins Subtitle...........Myanmar Hardsub Format............MP4 Genre..............Drama Translator.......JJV Encoder..........Admin X

Ridley Scottရဲ့ နာမည်ကျော် ရုပ်ရှင်ဖြစ်တဲ့ Thelma & Louise အငွေ့အသက်အပြည့်နဲ့ ရိုက်ကူးထားပြီး နာမည်ပါ အဓိကဇာတ်ကောင်၂ကောင်ရဲ့ နာမည်လိုက်ပေးထားတဲ့ ရုပ်ရှင်ပါ။ Thelma & Louise ကို ထည့်ပြောထားသလို ဇာတ်လိုက်ကလည်း ရုပ်ရှင်ထဲကလိုပါ လိုက်လုပ်ချင်တဲ့သူကို ဇာတ်ကောင်အဖြစ်ပြသထားတာပါ။ ဇာတ်လမ်းကတော့ စစချင်းမှာတော ShawShankလို မိန်းမဖောက်ပြန်နေတာကို ပက်ပင်းမိတဲ့ယောက်ျားနဲ့ စထားတယ်။ တုံ့ပြန်ပုံတော့မတူဘူးပေါ့။ သေနတ်နဲ့ပစ်မသတ်ဘဲ သူ့ဘာသာThelma & Louiseကားထဲကလို ကားပတ်မောင်းရင်း ချောက်ကြီးထဲကားမောင်းချဖို့လုပ်တယ်။ ဒီနောက် ကလပ်သွားရင်း အဖော်အချွတ်မယ်လေးရဲ့ ညုလုံးတွေအောက် မျောသွားပြီး ကောင်မလေးကို ကယ်လာခဲ့တယ်။ နောက်ကောင်မလေးနဲ့ သူ့အစီအစဉ်အတိုင်း ကားပတ်မောင်း လျှောက်သွားရင်း ပဟေဠိဆန်ဆန်ဂိုဏ်းတစ်ဂိုဏ်းနဲ့တွေ့တယ်။ ကားအမျိုးအစားက Mysteryဆိုတော့ ပဟေဠိဆန်ဆန်ဖြစ်နေဖို့လိုတယ်မလား။ ဒီကားက Thelma & Louiseကို အငွေ့ယူရိုက်ထားပေမဲ့ သူပဟေဠိဆန်ဆန်ဇာတ်အိမ်လုပ်ထားပုံကလည်း ထူးတော့ထူးပါတယ်။ ဇာတ်လမ်းတစ်ပုဒ်လုံးက စလာကတည်းက စာအုပ်ဖတ်ပြနေတာမို့ ပြီးပြီးသားဖြစ်နေပေမဲ့ အဖြေကိုမသိရတဲ့ကားမျိုးပေါ့။ ပဟေဠိဆန်ဆန်ရုပ်ရှင်တွေလည်းကြိုက် ခပ်ဆန်းဆန်းတင်ပြပုံတွေလည်းကြိုက်ရင်တော့ ဒီရုပ်ရှင်ဟာ ကြည့်ကောင်းတဲ့ ရုပ်ရှင်ပါပဲ။ မင်းသမီးကိုက အဖော်အချွတ်မယ် ဖြစ်နေတာမို့ လိင်မှုခန်းတွေအများကြီးပါတဲ့အတွက် မိသားစုနဲ့တော့ မကြည့်သင့်ပါဘူး ။ ( ဘာသာပြန်ပြီး အညွှန်းရေးသားထားသူကတော့ --- ပါ ) File Size__( GB) / ( MB) Quality__1080p, 720p IMDb Rating__5.3/10 Format__mp4 Duration__01:53:00 Type__Mystery, Thriller Subtitle__Myanmar Subtitle (Hardsub) Translated by --- Encoded by Naing Aung Latt

'လော်ရာ'နဲ့ သားဖြစ်သူ'ကိုဒီ'တို့ဟာ ခင်ပွန်းဖြစ်သူ စ​ကော့တ်​ရဲ့ နှိပ်စက်မှုဒဏ်ကို မခံစားနိုင်​တော့လို့ ကယ်လီဖိုးနီးယားကို သားအမိ၂​ယောက်တည်းထွက်​ပြေးလာကြပြီး မြို့ပြင်က အိမ်​ဟောင်းတစ်လုံးမှာ ဇာတ်မြုပ်ပြီး ​နေထိုင်​နေကြတာပါ၊ သူတို့ငှားရမ်း​နေတဲ့အိမ်ကြီးရဲ့ ​ဘေးမှာ​​တော့ ​ရေကန်ကြီးတစ်ခုရှိပါတယ်၊ ကိုဒီက အဲဒီအိမ်​ကို စပြီး​ရောက်ကတည်းက စိတ်မသန့်​ကြောင်း၊ရေကန်ထဲက​ သရဲတစ်​ကောင် သူ့အခန်းထဲဝင်လာ​နေလို့ ​အိမ်ပဲပြန်ချင်​ကြောင်း အခါခါ​ပြောပေမယ့် ​ခင်ပွန်းရန်ကို​ ပိုကြောက်​​တဲ့ ​လော်ရာက သားဖြစ်သူ​ပြောတဲ့ မူမမှန်မှု ​တွေကို သိသိလျက်နဲ့ ​ပေကပ်ပြီး​နေခဲ့ရာမှ ​အရာရာနောက်ကျသွားပြီး 'ကိုဒီ'အဖို့ ​ရှောင်လွှဲလို့မရ​နိုင်​တော့တဲ့ ​အန္တရာယ်​ဆိုးကြီး ရောက်လာတဲ့အခါ...ဘာတွေဆက်ဖြစ်သွားမလဲဆိုတာကို စိတ်လှုပ်ရှားဖွယ် ကြည့်ရှု့ကြရမှာပါ ။ ( ဘာသာပြန်ပြီး အညွှန်းရေးသားထားသူကတော့ Jim X ပါ ) File Size__(1.6GB) / (850MB) Quality__WEB-DL_1080p, 720p IMDb Rating__6.4/10 Format__mp4 Duration__01:28:00 Type__Horror, Mystery, Thriller Subtitle__Myanmar Subtitle (Hardsub) Translated by Jim X Encoded by Naing Aung Latt

မျက်မှောက်ခေတ် ရုပ်ရှင်လောကမှာတော့ အနောက်နိုင်ငံရုပ်ရှင်ဇာတ်လမ်းတွေက ပိုပြီးလူသိများရေပန်းစားနေပေမယ့်လည်း အရှေ့တောင်အာရှရုပ်ရှင်တွေကလည်း တစ်စတစ်စ ကြိုးစားထိုးဖောက်လာနေပါတယ်။ ဒီရုပ်ရှင်ကတော့ အမေရိကန်မှာမွေးပြီး အဖေဖြစ်သူအငြိမ်းစားယူပြီးနောက်မှာ အမိမြေကိုပြန်လာတဲ့ Mattie Do ဆိုတဲ့ အမျိုးသမီးဒါရိုက်တာက ရိုက်ကူးထားတဲ့ရုပ်ရှင်ပါပဲ။ သူက လက်ရှိအချိန်ထိတော့ စုစုပေါင်း ရုပ်ရှင်သုံးကားရိုက်ခဲ့ဖူးတယ်။ - 2012 မှာ ထုတ်ခဲ့တဲ့ သူ့ရဲ့ ပထမဆုံး horror film "Chanthaly" မှာပဲ ပေါက်သွားခဲ့ပြီး - 2016 မှာ "Dearest Sister" ဆိုတဲ့ horror film နဲ့ - 2019 မှာ "The Long Walk" ဆိုတဲ့ sci-fi /horror film ကို ရိုက်ကူးခဲ့တယ်။ ရုပ်ရှင် သုံးကားလုံးက ဝေဖန်ရေးသမားတွေကြားမှာ နာမည်ရခဲ့ပြီး နိုင်ငံတကာရုပ်ရှင်ပွဲတော်တွေမှာလည်း အကြိမ်ကြိမ်ပြသခွင့်တွေ ရခဲ့တယ်။ ပထမဆုံးရုပ်ရှင်ထုတ်အပြီးမှာတော့ သူက လာအိုနိုင်ငံရဲ့ ပထမဆုံးနဲ့ တစ်ဦးတည်းသော အမျိုးသမီးဒါရိုက်တာအဖြစ်သတ်မှတ်ခြင်းခံခဲ့ရတယ်။ ယခင်ရုပ်ရှင် နှစ်ကားမှာတော့ horror သီးသန့် ရိုက်ကူးခဲ့ပေမယ့် ယခုတစ်ကြိမ်မှာတော့ ဆန်းသစ်တဲ့ပုံစံနဲ့ horror ရယ် sci-fi ရယ်ကို တွဲစပ်ရိုက်ကူးထားပါတယ်။ ဇာတ်လမ်းကိုတော့... လာအိုနိုင်ငံရဲ့ လူတွေသိပ်မသိတော့တဲ့ အမေ့လျော့ခံကျေးရွာလေးတစ်ရွာနားမှာ အခြေတည်ထားတယ်။ ဇာတ်လမ်းအကျဉ်းချုပ်ကတော့... ရွာစွန်နားက လမ်းမပေါ်မှာ မတော်တဆမှုဖြစ်ရာကနေ သေဆုံးသွားတဲ့မိန်းမငယ်လေးကို ကောင်လေးက တွေ့ခဲ့တယ်။ အဲ့ဒီမိန်းမငယ်လေးရဲ့ဝိညာဉ်က အချိန်ခရီးသွားနိုင်တာကို ကောင်လေးအရွယ်ရောက်လို့ သိလာတဲ့အခါမှာတော့ သူ ငယ်စဉ်က သူ့ရှေ့မှာတင် ချောင်းဆိုးသွေးပါဖြစ်ပြီး ဆုံးပါးသွားတဲ့ မိခင်ဖြစ်သူရဲ့ဝေဒနာခံစားနေရမှုကိုသက်သာအောင် ကူညီပေးဖို့အတွက် အဲ့ဒီဝိညာဉ်ရဲ့အကူအညီရဲ့ အတိတ်ကာလကိုပြန်သွားဖို့ကြိုးစားတဲ့အကြောင်းကို ရိုက်ကူးထားတာပါပဲ။ ရုပ်ရှင်ရဲ့ တစ်ဝက်လောက်က အနာဂတ်မှာ ဖြစ်တည်နေပြီး တစ်ဝက်ကတော့ အတိတ်မှာဖြစ်ပျက်နေတယ်။ Horror ‌အနည်းငယ်ပါပေမယ့်လည်း သရဲအကောင်လိုက်ကြီးတွေ ပြူးပြဲပါလာမှာ မဟုတ်ပါဘူး။ ဇာတ်လမ်းတစ်ခုလုံးက ငြိမ့်ငြိမ့်‌လေးစီးဆင်းနေပြီး အားလုံးပြီးသွားတဲ့အခါမှာ ဘာကြီးမှန်းမသိတဲ့ခံစားချက်မျိုးကျန်ရစ်ခဲ့မယ့် ရုပ်ရှင်တွေထဲကတစ်ခုပါပဲ။ ဘာပဲဖြစ်ဖြစ်.... "အတိတ်ဆိုတာ ဘယ်တော့မှ ပြီးဆုံးမသွားပါဘူး...မင်းက အတိတ်ကို ဆက်ပြီးဆွဲကိုင်နေရင်ပေါ့" ဆိုတဲ့ စာရေးဆရာကြီးဝီလီယမ်ဖော့ခ်နားရဲ့စကားက ဒီရုပ်ရှင်ထဲကလူကြီးအတွက်တော့ မှန်ကန်နေတဲ့ပုံပါပဲ။ (အညွှန်းနဲ့ ဘာသာပြန်ကတော့ Thwal Yadi ပဲဖြစ်ပါတယ်) Genre.....Drama, Mystery, Sci-fi Quality….WEB-DL 1080p and 720p File size…1.6GB, 843MB and 265MB Format…mp4 Duration….1h 56min Subtitle….Myanmar Subtitle (Hardsub) Translator ..... Thwal Yadi Encoder ..... August

The Matador(2005) ****************** လူ့ဘဝမှာ သူငယ်ချင်းတွေ၊ ဘော်ဒါတွေ အများကြီးရှိကြပေမယ့်လည်း မိတ်ဆွေကောင်း/ သူငယ်ချင်းကောင်းတစ်ယောက် ဟုတ်/မဟုတ် ဆိုတာ လွယ်လွယ်ကူကူဆုံးဖြတ်လို့မရပါဘူး။ နောက်ပြီး မိတ်ဆွေကောင်းတန်ဖိုးဟာ ဘယ်လောက်ထိရှိလဲဆိုတာ မသိတဲ့သူတွေ အများကြီးပါ။ ဒီကားလေးကို ကြည့်ရင်း မိတ်ဆွေကောင်းတွေကို တန်ဖိုးထားနိုင်ကြပါစေ။ ဂျူလီယန်ဟာ ကြေးစားလူသတ်သမားဖြစ်ပြီး ငွေအများကြီးပေးတဲ့အလုပ်ကိစ္စမျိုးကိုသာ လုပ် ကိုင်ပေးလေ့ရှိပါတယ်။ အိမ်ထောင်မရှိ၊ သားသမီးမရှိ၊ ဘာအနှောင်အဖွဲ့မှမရှိဘဲ ဘဝကို ပျော်ပျော်ကြီး ဖြတ်သန်းနေသူဖြစ်ပါတယ်။ ဒါပေမယ့် တစ်ရက်မှာတော့ သူ့မွေးနေ့မှာ သူ့ကို ဘယ်သူကမှ အမှတ်တရ လက်ဆောင်ပေးတာတွေ၊ နှုတ်ဆက်စကားလှမ်းပြောတာတွေမရှိတဲ့အပြင် သူဖုန်းဆက်သမျှ လူတိုင်းက လည်း သူ့ကိုအရေးတယူ ပြန်မဆက်ဆံတဲ့အတွက် အဖော်မဲ့၊ မိတ်ဆွေမဲ့တဲ့သူ့ရဲ့ဘဝကို စိတ်အပျက်ကြီး ပျက်မိသွားပါတော့တယ်။ တစ်ရက်မှာ အရောင်းကိုယ်စားလှယ်တစ်ယောက်နဲ့ သောက်ရင်းစားရင်း မိတ်ဆွေဖြစ်သွားပါတယ်။ အဲ့ဒိလူက သူ့ကိုစကားရောဖောရောလောက်ဆက်ဆံပေမယ့် မိတ်ဆွေ အရမ်း လိုချင်နေတဲ့ ဂျူလီယန်က အတင်းလိုက်ကပ်ပါတော့တယ်။ လူသတ်သမားတစ်ယောက်ဖြစ်နေကြောင့် မိတ်ဆွေ သူငယ်ချင်းမလုပ်ချင်တဲ့သူများနေတဲ့ ဂျူလီယန်ခမျာ လိုချင်နေတဲ့ မိတ်ဆွေစစ်စစ်ကို တကယ် ရနိုင်ပါ့မလားဆိုတာ ဇာတ်ကားလေးထဲမှာ ခံစားကြည့်လိုက်ပါဗျာ။ ဒီဇာတ်ကားမှာ ပါဝင်သရုပ်ဆောင်တဲ့ ဂျိမ်းစ်ဘွန်းမင်းသားကြီး ပီယာ့စ်ဘရွန်နန်ဟာ ၂၀၀၅ ခုနှစ် ရွှေကမ္ဘာလုံးဆုအတွက် စကာတင်အမည်စာရင်းမှာပါဝင်ခဲ့ပါတယ်။ ဒါကြောင့် ဇာတ်ကားကောင်း ဟုတ်/ မဟုတ် လက်တို့ပြောဖို့ လိုမယ်မထင်ပါဘူးဗျာ။ File Size :(1.9GB)(and (758MB) Quality :Blu-Ray 1080P, 720p Format…mp4 Duration…01:36:00 Genre : Comedy, Crime, Thriller Subtitle : Myanmar Subtitle (Hard Sub) Translated by Ko Myo(Kop) Encoded by Phyo Pyae

IMDb 8.1ရရှိထားတဲ့Action Thriller ဇာတ်ကား ကားတစ်ကားဖြစ်ပါတယ်။ ဇာတ်လမ်းအကျဉ်း ဆမီရ်​ချောင်ဒရီနဲ့ နာရ်ဂိရှ်​ချောင်ဒရီတို့ကို မိဘာတွေက ဝတ္တရားရှိတဲ့အတိုင်းလက်ထပ်​ပေးလိုက်ကြပါတယ်။ နာရ်ဂိရှ် ချောင်ဒရီဟာ အကြောင်းအမျိုးမျိုးကြောင့်အလုပ်ထွက်လိုက်ရပြီး ဆမီရ်ချောင်ဒရီကလည်းလုပ်ငန်းအခွင့်အလမ်း​တွေပိတ်သွားတာ​ကြောင့် နှစ်ယောက်စလုံးက နိုင်ငံခြားမှာအလုပ်သွားလုပ်ဖို့ဆုံးဖြတ်လိုက်ကြတယ်။ အလုပ်လျှောက်တဲ့အခါ နာရရ်ဂိရှ်ကအလုပ်အရင်ရသွားပြီး ဆမီရ်က ကျန်နေတာ​ကြောင့် နာရ်ဂိရှ်ကိုတစ်ယောက်တည်းနိုင်ငံခြားလွှတ်ဖို့စိတ်မချပေမယ့် လွှတ်လိုက်ရပါတယ်။ နာရ်ဂိရှ် ချောင်ဒရီကနိုင်ငံခြားရောက်ပြီးတဲ့နောက်ဖုန်းခေါ်လာခဲ့​ပေမယ့်အလုပ်မရဘဲ တစ်ခြားတစ်နေရာကိုခေါ်သွားနေကြကြောင်း သူ့ကိုနှိပ်စက်နေကြကြောင်း နဲ့ လာပြန်​ခေါ်ဖို့အတွက်ဆမီရ်ကို​ပြော​တော့ ဆမီရ်တစ်ယောက် နာရ်ဂိရှ်ဟာ အကြီးအကျယ်အန္တရယ်တောထဲ ရောက်နေပြီကိုသိတဲ့အခါမှာတော့.... ဘာတွေဆက်ဖြစ်ကြမယ်ဆိုတာကိုတော့ ဇာတ်ကားထဲမှာပဲကြည့်ရှုပေးကြပါလို့..... ဇာတ်လမ်းအညွှန်းနဲ့ဘာသာပြန်သူကတော့ Thaik San ပဲဖြစ်ပါတယ်.... File Size : (1.03  GB) and (380 MB) Quality : WEB-DL 720p Format…mp4 Duration…02:10:00 Genre : Action , Thriller Subtitle : Myanmar Subtitle (Hard Sub) Translated by Thaik San Encoded by Phyo Pyae

A Kidnap(2022) ************* မောင်နှမ နှစ်ယောက်ကို အကြမ်းဖက်သူ (၃) ဦးဟာ ငွေအတွက်နဲ့ ပြန်ပေးဆွဲခဲ့ကြတယ်.. ငွေတောင်းဖို့အရေး ကြာလင့်တဲ့အချိန်ကို အခွင့်ကောင်းယူပြီး ဒီမောင်နှမဟာ ထွက်ပြေးဖို့ကြံစည်ကြတယ်… တကယ်တော့ သူတို့ဟာ မောင်နှမအရင်းတွေမဟုတ်မှန်း၊ပြန်ပေးသမားတွေက သိနေတဲ့အပြင်… မိသားစုရာဇဝင်တွေလည်းစုံစမ်းသိရှိထားကြပါသတဲ့။ ဒါ့အပြင် ပြန်ပေးသမားသုံးယောက်ကလည်း တစ်ယောက်နဲ့တစ်ယောက် အခဲမကြေတာလေးတွေ၊အရှုပ်အရှင်းလေးတွေ၊ အကြံအစည်‌တွေသပ်သပ်ရှိတဲ့အခါမှာတော့… သူတို့လွတ်‌အောင်ထွက်ပြေးနိုင်ကြမလား၊ ပြန်ပေးသမားတွေရဲ့ ရည်ရွယ်ချက်ကရောဘာလဲ ဆိုတာ ဆက်လက်ကြည့်ရှုလိုက်ပါဦး။ File Size :(2GB) and (751 MB) Quality :WEB-DL 1080P,720p Format…mp4 Duration…01:33:00 Genre : Thriller Subtitle : Myanmar Subtitle (Hard Sub) Translated by Themes Encoded by Phyo Pyae

စပိန်လူမျိုးတွေရဲ့ ဓလေ့ထုံးစံမှာ မိန်းကလေးတွေ အသက် ၁၅ နှစ်ပြည့်တဲ့မွေးနေ့ပွဲကို ကြီးကြီးကျယ်ကျယ် ခမ်းခမ်းနားနား ကျင်းပပေးတတ်ကြပါတယ်။ အရွယ်ရောက်ပြီဆိုတဲ့ အထိမ်းအမှတ်အနေနဲ့ပေါ့။ အဲအခမ်းအနားလေးကို quinceañera or quince လို့ခေါ်ပါတယ်။ စပိန်လူမျိုးဖြစ်ပေမယ့် အမေရိကမှာ ပြောင်းရွှေ့အခြေချ နေထိုင်ခဲ့ရတဲ့ အဖေဖြစ်သူနဲ့ အမေရိကန်သူဖြစ်တဲ့ အမေဆီက မွေးဖွားလာတဲ့ ကပြားလေး ကာမီလာ လိုပက်ဇ်ကတော့ အဖေဖြစ်သူကို ဆုံးရှုံးထားရတဲ့အတွက် အဖေ့ကို တသသဖြစ်ပြီး လွမ်းဆွတ်နေသူပါ။ အဲလိုဖြစ်တာနဲ့အမျှ ကိုယ့်ကိုယ်ကိုယ် မအားလပ်အောင်ထားဖို့အတွက် အလုပ်တွေပဲ ဖိလုပ်နေတဲ့ အလုပ်ကြမ်းပိုးလေးပေါ့။ အဲလို နိစ္စဓူဝ အပ်ကြောင်းထပ်နေတဲ့ ကိုယ်ပိုင်အချိန်ဇယားမှာ အသားကျနေတဲ့ ကာမီလာတစ်ယောက် အမေဖြစ်သူအလုပ်လုပ်တဲ့ကျောင်းကို သွားတွေ့ရင်းနဲ့ အချိန်ပိုင်းဆရာလေး ဟာဗီနဲ့ တွေ့ဆုံခဲ့ပါတော့တယ်။ စတွေ့ကတည်းက ဟာဗီပြောခဲ့တဲ့ စကားလေးတစ်ခွန်းကြောင့် အဖေဖြစ်သူကို သတိရပြီး သူစိမ်းရှေ့မှာ ငိုကြွေးခဲ့မိရာကနေ ကာမီလာတစ်ယောက် ရှေ့ဆက်ပြီး ဘယ်လိုဆုံးဖြတ်ချက်တွေ ချမိမလဲ အဖေဖြစ်သူ မရှိဘူးဆိုတဲ့ အတွေးကြောင့် ၃၀ နှစ်ပြည့်မွေးနေ့ကိုပါ မကျင်းပဖို့ ဆုံးဖြတ်ထားပေမဲ့ ဘယ်အရာတွေကြောင့် Double quince လုပ်ဖို့ဖြစ်လာမလဲဆိုတာကို အရိုတစ်လိုင်း ကြည့်ရှုရမယ့် ဇာတ်ကားကောင်းလေးတစ်ကားဖြစ်ပါတယ်။ အရိုကားလေးဆိုပေမယ့် အဖေနဲ့သမီးကြား၊ သားအမိကြား မေတ္တာတွေကိုပါ ပေါ်လွင်အောင်ပုံဖော်ထားတာမလို့ တစ်ရှူးလေး ကြိုဆောင်ထားကြစေချင်ပါတယ်။ ပြုံးပြုံးကြီး ကြည့်မိရင်း နောက်ခံသီချင်းလေးတွေကိုပါ ကြိုက်နှစ်သက်မိမှာဖြစ်လို့ အချစ်ဇာတ်လမ်းကြိုက်နှစ်သက်သူတွေ Down ပြီးရင် နောင်တမရမယ့် ဇာတ်လမ်းလေးဖြစ်ကြောင်း အသိပေးလိုက်ချင်ပါတယ်။ မင်းသားနဲ့မင်းသမီးက လက်တွေ့လောကမှာ တကယ့်လင်မယားတွေဖြစ်ပြီး သားသမီး ၃ ယောက်ပါ ထွန်းကားထားသေးတာမလို့ Chemistry မိချက်ကတော့ ပြောစရာမလိုသလို စပိန်ရိုးရာဓလေ့စရိုက်တွေကို သီချင်းလေးတွေ စားစရာတွေနဲ့အတူ မရိုးရအောင် တင်ဆက်ပြသထားတာမလို့ စိတ်ဝင်တစားကြည့်ရှုရမှာ ဖြစ်ပါတယ်နော်။ File size…1.86GB / 719MB Quality…WEB-DL 1080p 5.1 CH/ 720p Format…mp4 Duration….1h 24m Genre ….. Romance Subtitle….Myanmar Subtitle (Hard Sub) Encoder….Min Wai Translated by Chothet_mlmt

Wish me luck (2023) နတ်ဘုရားတွေကို ယုံကြည်သက်ဝင်ပြီး အင်းကွက်တွေဆောင်လေ့ရှိတဲ့ ဖယ်ဆိုတဲ့ကောင်မလေးတစ်ယောက် အမေက သူမနဲ့ကံမတိုက်ဆိုင်လို့ဆိုပြီး အိမ်ခွဲနေခဲ့ပါတယ် တစ်ရက်မှာ အမေဖြစ်သူက အင်းပြားကိုဆောင်ထားဖို့ ပို့ပးလာခဲ့တယ် သူမကလည်း ဒီအင်းကိုစမ်းသပ်ချင်တာနဲ့ သူမပြောစကားတိုင်း ပြည့်ဝဖို့ဆုတောင်းခဲ့ပါတယ် မထင်မှတ်ဘဲ သူမချစ်သူပရီတီရဲ့မုန့်ဆိုင်လေးကို မီးလောင်ပါစေလို့ ရန်ဖြစ်စကားများတုန်း ပြောခဲ့မိရာမှာ အင်းက တကယ်အလုပ်လုပ်တော့ သူမတို့နှစ်ဦး ဝေးဖို့လမ်းစဖြစ်ခဲ့တယ် ဖယ်ဟာ စီးပွါးရေးသမား “ဖစ်” နဲ့အချစ်သစ် စခဲ့ပြီးနောက် သူမဘဝပြောင်းလဲဖို့ ဖြစ်လာပါတော့တယ် ဖစ်ဟာ ဖယ်ကိုအသုံးချပြီး ငွေကြေးလိမ်လည်မှုဂိမ်းတစ်ခုမှာ CEOထည့်ခဲ့တာကြောင့် ဖယ်တစ်ယောက် အဆုံးသတ်က ဘယ်လိုဖြစ်သွားနိုင်မလဲဆိုတာကိုတော့ “Wish Me Luck”မှာ ဆက်လက်ကြည့်ရှုရအောင်ပါ အညွှန်း နဲ့ ဘာသာပြန်ကတော့ Lei Wutyi Tun ပဲ ဖြစ်ပါတယ်။ Genre….. Romance, Comedy Quality…. 1080p | 720p File size… 1.7GB | 573MB Format… mp4 Duration…. 1h 38min Subtitle…. Myanmar Subtitle (Hardsub) Translator ….. Lei Wutyi Tun Encoder ….. Aaron

Sci-fi & comedy အမျိုးအစားဖြစ်တဲ့ ဒီဇာတ်ကားထဲမှာဆိုရင် အဓိကဇာတ်လိုက်ကျော်ဖြစ်တဲ့ ဘန်ဂျေမင်း ဆိုတဲ့ ဆယ်ကျော်သက်လေးဟာ ငယ်ငယ်လေးကတည်းက Sci-fi ဇာတ်လမ်းတွေကို ကြိုက်တဲ့သူတစ်ယောက်ဖြစ်ပြီး အသက် ၇ နှစ်အရွယ်ကတည်းက ကိုယ်ပိုင်စာဆိုပေစတွေ ရေးလာခဲ့သူတစ်ယောက်ဖြစ်တယ်။ တစ်ရက်မှာ သူက နာမည်ရစာရေးဆရာတစ်ယောက်ဖြစ်တဲ့ သူ့ အိုင်ဒေါ ချီဗာလီယာရဲ့ workshop ကို သွားတက်ခဲ့ပြီး အဲကနေ တာဘာသာဆိုတဲ့ သူ့လိုပဲ အပျော်တမ်းစာရေးဆရာတစ်ယောက်ရယ်၊ လွန်နီဒီနာဟိုဆိုတဲ့ ကိုယ်ပိုင် စတူဒီယိုရှိတဲ့ ရိုက်ကူးရေးသမားတစ်ယောက်နဲ့ ရင်းနှီးခဲ့တယ်။ အဲ workshop မှာက လာကြတဲ့ လူငယ်စာရေးဆရာတွေအတွက် စာမူပြိုင်ပွဲတစ်ခုပါ အတူတွဲပါတာကြောင့် ဘန်ဂျေမင်းဟာ သူ့နောက်ဆုံးရေးထားတဲ့ “တဆေးအရှင်များ” ဆိုတာကို တင်ခဲ့လိုက်တယ်။ “တဆေးအရှင်များ” ကို ပေးဖတ်ခဲ့ဖူးတာ သူ့အမေရယ် တာဘာသာရယ်ပဲရှိတယ်။ တာဘာသာက လွန်နီနဲ့အတူ သူ့ဝတ္ထုကို adaptation လုပ်ဖို့ ဝယ်ယူခဲ့ပြီး ရုံပါတင်တဲ့အချိန်မှာပဲ ချီဗာလီယာဟာ စာအုပ်အသစ်တစ်အုပ်ကို ထုတ်ဝေခဲ့တယ်။ မယုံနိုင်အောင်ပဲ အဲစာအုပ်က သူ့ရဲ့ “တဆေးအရှင်များ” ကို ဇာတ်ဆောင်နာမည်တွေပြောင်းထားတာကြီး ဖြစ်နေခဲ့တာကို သူတွေ့လိုက်ရတယ်။ အတိုချုံ့ရရင်တော့ လူငယ်စာရေးဆရာတစ်ယောက်ရဲ့ ဇာတ်လမ်းကို ခိုးယူခဲ့တဲ့ နာမည်ကြီးစာရေးဆရာတစ်ယောက်ရဲ့ ဇာတ်လမ်းတစ်ပုဒ်ပါပဲ။ File size…(1.7 GB)/(924 MB) Quality….Webrip 1080p / 720p Format…mp4 Duration….01:32:00 Genre…Comedy, Science Fiction, Drama Subtitle….Myanmar Subtitle (Hardsub) Encoder….Mr. Anderson Translated by MoshiMoshi

ဒီဇာတ်ကားလေးကတော့ မင်းသားကြီး Ethan Hawke ပါဝင်ထားတဲ့ psychological drama လေးပါ။ ဇာတ်လမ်းအကျဉ်းကတော့ ဖာသာတိုလာဟာ အရွယ်ကောင်းစဉ်က စစ်တပ်ထဲကသင်းအုပ်ဆရာဖြစ်ပါတယ်။ မိန်းမဖြစ်သူသဘောမတူတဲ့ကြားက သားဖြစ်သူကို စစ်မှုထမ်းပြီး စစ်တိုက်ထွက်ဖို့ ကိုယ်တိုင် တိုက်တွန်းခဲ့ရာကနေ သားဖြစ်သူ စစ်ပွဲမှာ ကျဆုံးသွားခဲ့တဲ့အတွက် စိတ်ထောင်းကိုယ်ကြေဖြစ်ကာ စစ်ထဲကထွက်လာပြီး ဘုရားကျောင်းလေးတစ်ခုမှာ ရောဂါအခံလေးရှိလာတဲ့ သူ့ဘဝကို ဘယ်လိုကြိုးစား ရုန်းကန်းဖြတ်သန်းနေရလဲ ဆိုတာကို ဆွတ်ပျံ့ကြေကွဲဖွယ် ရိုက်ကူးထားတဲ့ဇာတ်လမ်းကောင်းလေးတစ်ပုဒ် ဖြစ်ပါတယ်။ IMDb Rating 7.1/10 ရရှိထားပြီးတော့ Tomatometer မှာ 94 % တောင် ရရှိထားတဲ့အပြင် ဇာတ်လမ်းလေးက အေးအေးငြိမ်ငြိမ်နဲ့ သွားထားပြီး ကင်မရာရိုက်ကူးတင်ဆက်ပုံကောင်းတဲ့အပြင် မင်းသားကြီး Ethan ရဲ့ သရုပ်ဆောင်ပီပြင်ကောင်းမွန်မှုကြောင့် မှတ်ချက်ကောင်းတွေရထားတဲ့ဇာတ်ကားဆိုလည်း မမှားတဲ့အတွက် ကြည့်ရကျိုးနပ်တဲ့ကားလေးဖြစ်မှာပါ။ ဘာသာပြန်ဆိုသူကတော့ Matteo ဖြစ်ပြီး ဘာသာပြန်အမှားအယွင်းရှိရင် ခွင့်လွှတ်နားလည်ပေးစေချင်ပါတယ်။ File size…(1.1 GB)/(801 Mb) Quality….Webrip 1080p / 720p Format…mp4 Duration….01:53:00 Genre…Drama, Mystery, Thriller Subtitle….Myanmar Subtitle (Hardsub) Encoder….Garfield Translated by Matteo

Lust, Caution (2007) IMDb Rating (7.6) / Rotten Tomatoes (73%) အန်းလီဟာ သူ့ရဲ့ အင်တာနေရှင်နယ်အနေနဲ့ အအောင်မြင်ဆုံးရုပ်ရှင်လို့ဆိုလို့ရနိုင်တဲ့ Brokeback Mountains ရုပ်ရှင်အောင်မြင်ပြီးတဲ့နောက် Eileen Changရဲ့ Lust, Caution ကို ရုပ်ရှင်အဖြစ် အသက်သွင်းခဲ့တယ်။ Lust , Cautionရဲ့ မူရင်းဝတ္တုကိုက တကယ့်အပြင်မှာရှိခဲ့တဲ့ တရုတ်စပိုင် ကျန်းဖင်းယု (Zheng Pingru)ကို အခြေခံထားတယ်။ Eileen Changကို အန်းလီမှတ်ချက်ပေးတာက Eileen Changလောက် တရုတ်စကားလုံးတွေကို ရက်ရက်စက်စက်သုံးတဲ့ စာရေးဆရာမျိုး သူမတွေ့ဖူးဘူးတဲ့။ ဒါကြောင့်ပဲထင်ပါတယ်။ အန်းလီရဲ့ Lust, Caution ဟာလည်း လိင်မှုခန်းတွေရဲ့နောက်ကွယ်မှာ တော်တော်လေးရက်စက်တဲ့အသွင်ကိုဆောင်နေတယ်။ Lust, Caution ဟာ ဘယ်လိုရုပ်ရှင်မျိုးလဲဆို နိုင်ငံရေးနဲ့ ကိုယ်ပိုင်ခံယူချက်တွေရဲ့ မျဉ်းပေါ် နှလုံးသားရေးရာတွေရဲ့ ဆုံမှတ်တစ်နေရာကို ပြထားတဲ့ရုပ်ရှင်လို့ဆိုရမယ်။ ဒါပေမဲ့လည်း သစ္စာဖောက်တွေကို အမွှန်းတင်တဲ့ကားဖြစ်နေတာကြောင့်ရော လိင်မှုခန်းတွေ အသက်ဝင်လွန်းတာကြောင့်ရော တရုတ်အစိုးရက သဘောမကျခဲ့သလို ထျန်းဝေကိုယ်တိုင်လည်း တရုတ်မှာ နှစ်ပါင်းများစွာ ရုပ်ရှင်ရိုက်ခွင့်အပိတ်ခံခဲ့ရတယ်။ ဇာတ်အိမ်တည်ထားတာက ၁၉၃၈ဟောင်ကောင်နဲ့ ၁၉၄၂ရှန်ဟိုင်းမှာ။ ဒုတိယကမ္ဘာစစ်မတိုင်ခင်တစ်နှစ်နဲ့ မပြီးသေးခင်ကာလပေါ့။ ၁၉၃၇မှာ တရုတ်ပြည်ကို ဂျပန်တွေ ဝင်ကျူးကျော်ခဲ့ပြီးတစ်နှစ်အကြာ ၁၉၃၈မှာ ဟောင်ကောင်က လင်းနန်တက္ကသိုလ်မှာ ဝမ်ကျားချီဆိုတဲ့ ကောင်မလေးက ကျောင်းလာတက်တယ်။ ဒီအချိန်မှာ ဝမ်ကျားချီဟာ ယင်ဖိုတောင်မသန်းဖူးသေးတဲ့ ဘာအတွေ့အကြုံမှ မရှိသေးတဲ့ ရိုးသားတဲ့ ကောင်မလေးတစ်ယောက်ပဲ။ ဝမ်ကျားချီဟာ တက္ကသိုလ်မှာ မျက်စိပွင့်နားပွင့်အမြင်ကျယ်လာသလို အပေါင်းအသင်းတွေလည်းရလာတယ်။ ဒီလိုနဲ့ သူ့သူငယ်ချင်းမတစ်ယောက်ကနေတစ်ဆင့် တက္ကသိုလ်ပြဇာတ်ဒါရိုက်တာတစ်ယောက်ဖြစ်တဲ့ ကွမ်ယုမင်နဲ့ ချိတ်မိသွားတယ်။ ကွမ်ယုမင်က ဝမ်ကျားချီကို မင်းသမီးတင်ပြီး မျိုးချစ်ပြဇာတ်တစ်ပုဒ်ကရာမှာ တော်တော်လေးအောင်မြင်သွားခဲ့တယ်။ မျိုးချစ်စိတ်ဓာတ်တွေလည်း ပိုများလာခဲ့တယ်။ ဒီလိုနဲ့ ကွမ်ဟာ သူ့အစ်ကိုရဲ့သူငယ်ချင်းဖြစ်တဲ့ တရှိုနဲ့သွားတွေ့တယ်။ တရှိုက အဲဒီအချိန်မှာ ဂျပန်အလိုတော်ရိဖြစ်နေတဲ့ ဝမ်ကျင်းဝေရဲ့ ထိပ်တန်းအေးဂျင့်ဖြစ်တဲ့ မစ္စတာရီဆိုတဲ့လူဆီမှာ အလုပ်လုပ်နေတာသိတော့ သူတို့တွေ ဂျပန်အလိုတော်ရိ မစ္စတာရီအိမ်ထဲ ချည်းဝင်ပြီး လုပ်ကြံဖို့ကြံကြတယ်။ ပြဇာတ်လောက်နဲ့တင်းတိမ်မနေဘဲ တကယ့်သစ္စာဖောက်တွေကို သတ်ရမယ်ဆိုတဲ့ စိတ်နဲ့ပေါ့။ ဒီလိုနဲ့ သူတို့ တရှိုရဲ့အချိတ်အဆက်ကိုသုံးပြီး မစ္စတာရီနဲ့ ရင်းနီးလာအောင်လုပ်ကြတယ်။ ပြဇာတ်သမားတွေဆိုတော့ သူတို့ချည်းကပ်ပုံကလည်း ပြဇာတ်ဆန်ဆန်ပါပဲ။ ပို့ကုန်သွင်းကုန်လုပ်ငန်းရှင် မစ္စတာမာနဲ့ သူ့မိန်းမ မဒမ်မာအနေနဲ့ သရုပ်ဆောင်ပြီး ရှန်ဟိုင်းက လာတာမို့ ဟောင်ကောင်ကို သိပ်မကျွမ်းသေးတဲ့ မစ္စတာရီ့ဇနီးကို ဟောင်ကောင်ကို လိုက်ပတ်ပြပေးမယ်ဆိုပြီး ချဉ်းကပ်ခဲ့တယ်။ မဒမ်ရီနဲ့ ရင်းနှီးသွားတဲ့နောက် မဒမ်မာတစ်ဖြစ်လဲ ဝမ်ကျားချီဟာ မစ္စတာရီတို့အိမ်ကို အမြဲလိုမာကျောက်သွားကစားပြီး သူတို့ကြားပိုရင်းနှီးလာအောင်လုပ်ခဲ့တယ်။ အောင်မြင်ခဲ့ပါတယ်။ ဝမ်ကျားချီဟာ မစ္စတာရီ သူ့အပေါ် အတိုင်းအတာတစ်ခုအထိ စိတ်ဝင်စားလာအောင် ကောင်းကောင်းလုပ်နိုင်ခဲ့တယ်။ မစ္စတာရီက သူ့ကိုစိတ်ဝင်စားလာတဲ့နောက် သူ့ခန္ဓာကိုပါ ဆက်ရင်းဖို့ လုပ်ခဲ့တယ်။ ဒီနေရာမှာ သူက မဒမ်မာအနေနဲ့ နေနေတာဆိုတော့ အပျိုဖြစ်နေလို့မရသလို အတွေ့အကြုံမရှိမဖြစ်နေလို့လည်း မရတာကြောင့် သူတို့ထဲက တစ်ယောက်နဲ့ သူပန်းဦးခြွေခဲ့တယ်။ ဒီအခန်းရဲ့ရက်စက်မှုကတော့ ဝမ်ကျားချီရဲ့နောက်ပိုင်း ရမ္မက်ကြီးမှုတွေမှာ ဖုံးသွားသလိုလိုရှိပေမဲ့ သူချစ်တဲ့သူရှေ့မှာတင် တခြားတစ်ယောက်ဆီ ခန္ဓာပေးခဲ့ရတဲ့အထိ ရက်စက်မှုမျိုးဟာ ဒီအပြာရောင်သန်းတဲ့အခန်းတွေနောက်မှာ ကွယ်ဝှက်နေခဲ့တယ်။ ဒီလောက်ထိ လုပ်ခဲ့ကြပေဲ့လည်း အထက်က အမိန့်မရတာကြောင့် ဘာမှဆက်မလုပ်နိုင်နေတဲ့အချိန် မစ္စတာရီက ရှန်ဟိုင်းကိုပြန်ရဖို့အကြောင်းဖန်လာပြီး သူတို့ရဲ့ တော်လှန်ရေးအိပ်မက်ဟာ ပျက်သုဉ်းသွားတယ်။ ဇာတ်ရဲ့နောက်ထပ်ကာလက လေးနှစ်အကြာ ၁၉၄၂မှာ ရှန်ဟိုင်းမှာ ဝမ်ကျားချီပြန်ရောက်နေတာက စတယ်။ ဒုတိယကမ္ဘာစစ်ဖြစ်နေတဲ့အချိန်ပေါ့။ ဂျပန်တွေက တရုတ်ကိုသိမ်းထားတုန်းပဲ။ ဝမ်ကျင်းဝေကလည်း ရုပ်သေးအစိုးရရဲ့ သမ္မတဖြစ်နေပြီ သူ့အောက်က မစ္စတာရီကလည်း ထောက်လှမ်းရေးခေါင်းဆောင်ဖြစ်နေပြီ။ ချိန်ကေရှိတ်တို့ ပြည်တွင်းစစ်ရှုံးပြီး ထိုင်ဝမ်ကို မကူးခင်ကာလပေါ့။ ဝမ်ကျင်းဝေရဲ့ အဓိကရန်ဘက်က ချန်ကေရှိတ်ရဲ့ ကူမင်တန်တွေ။ ရှန်ဟိုင်းက ပြည်သူတွေ နိုင်ငံခြားသားတွေကတော့ ဒုက္ခတွေ ပေါင်းစုံနေအောင် ခံနေရပြီ။ မစ္စတာရီကလည်း သတိလည်းပိုကြီးလာသလို သူ့အာဏာကလည်းပိုကြီးလာတဲ့အလျောက် သူ့ကိုလုပ်ကြံဖို့ဆိုတာ တော်တော်ခက်သွားပြီ။ တော်လှန်ရေးသမားတွေအနေနဲ့ သူ့ကိုလုပ်ကြံဖို့ ဘယ်လိုမှမဖြစ်နိုင်တော့ဘူး။ ဒီအချိန်မှာ ကွမ်ယုမင်ကလည်း ကူမင်တန်ထောက်လှမ်းရေးအေးဂျင့်ဖြစ်နေပြီ။ သူက ဝမ်ကျားချီကိုလာရှာပြီး သူတို့အပြီးမသတ်နိုင်ခဲ့တဲ့ စစ်ဆင်ရေးကို ပြန်စဖို့ကြံကြတယ်။ Spoilerd Alert အန်းလီဟာ Lust, Cautionရဲ့ ဇာတ်က ကျွန်တော်တို့ကို ခေါ်သွားချင်တဲ့နေရာဆီ အရင်ခေါ်သွားပြီးမှ နောက်ပြန်ခေါ်ပြီး ဒီနေရာဆီ ဘယ်လိုရောက်လာခဲ့လဲ တဖြည်းဖြည်းချင်း ရုပ်လုံးပြန်သွင်းပြထားတယ်။ ပြောရရင် ဝမ်ကျားချီဟာ မစ္စတာရီကို မဒမ်မာအဖြစ် မလှည့်စားခင် ကျွန်တော်တို့ကို အရင်လှည့်စားသွားခဲ့တယ်။ Lust, Cautionရဲ့ တရုတ်နာမည်ဟာ လက်စွပ်ဆိုတဲ့ အဓိပ္ပာယ်လည်း ထွက်သေးတယ်။ အန်းလီဟာ စစမှာတင် ဒီကားရဲ့ symbolicဖြစ်တဲ့ လက်စွပ်ကိုလည်း ထည့်ပြောထားခဲ့တယ်။ မစ္စတာရီရဲ့ အတွေ့အောက်မှာ ဝမ်ကျားချီဟာ သူ့နှလုံးသားပါသွားတော့မလိုလိုဖြစ်ခဲ့တယ်။ ဝမ်ကျားချီဟာ ရမ္မက်ကနေ ပြောင်းလဲသွားတဲ့ တရွေ့ရွေ့တက်လာတဲ့ချစ်စိတ်တွေကို သတိနဲ့ ချွန်းအုပ်ထားခဲ့ရပေမဲ့ အဲဒီသတိကို ပြိုလဲစေခဲ့တဲ့အရာက လက်စွပ်တစ်ကွင်းဖြစ်ခဲ့တယ်။ မစ္စတာရီရော ဝမ်ကျားချီပါ သတိကြီးကြတဲ့လူတွေပါပဲ။ မစ္စတာရီရဲ့ သတိကိုပြိုလဲစေခဲ့တဲ့အရာက ရမ္မက်ဖြစ်ခဲ့ပြီး ဝမ်ကျားချီရဲ့သတိကိုပြိုလဲစေတဲ့အရာကတော့ လက်စွပ်တစ်ကွင်း ဖြစ်ခဲ့တယ်။ အဲဒီလက်စွပ်ဟာ ဝမ်ကျားချီအတွက်တော့ အချစ်ဖြစ်ကောင်းဖြစ်ခဲ့လိမ့်မယ်။ Lust, Cautionဟာ ကြမ်းကြုတ်တဲ့ခေတ်တစ်ခေတ်နောက်ခံက ဘက်မတူတဲ့လူနှစ်ယောက် သတိလွန်ဆွဲကြတဲ့ ဇာတ်ဆိုလည်းဟုတ်တယ်။ နိုင်ငံရေးအမြင်တွေ ကိုယ်ပိုင်ခံယူချက်တွေ, ရမ္မက်တွေ အချစ်တွေ သတိတွေလွန်ဆွဲကြတာဆိုလည်း ဟုတ်တယ်။ အန်းလီအတွက် ဒီမတိုင်ခင်က သူ့ဇာတ်ကားတိုင်းလိုလိုမှာ ဒီလိုလွန်ဆွဲကြတဲ့အကြောင်းအရာမျိုးတွေ ရိုက်ပြဖူးပြီးသားဆိုတော့ Lust, Cautionမှာ သူ့ကာရိုက်တာတည်ဆောက်ပုံဟာ ဒီလိုဇာတ်အတွက် တော်တော်ပိုင်နိုင်နေပြီ။ ကာရိုက်တာနှစ်ကောင်တည်းရဲ့ လွန်ဆွဲပွဲနဲ့တင် အန်းလီဟာ ဒီဇာတ်တစ်ခုလုံးကို ကောင်းကောင်းအသက်သွင်းနိုင်ခဲ့တယ်။ ဇာတ်အိမ်ကတော့ သူပြထားတဲ့ခေတ်နဲ့မလိုက်အောင်ကို ခေတ်ထက် ဒီလူ၂ယောက်ကိုပဲ အကုန်ပုံထားခဲ့တယ်။ ဒါကလည်း အန်းလီထက် မူရင်းစာရေးဆရာမ Eileen Changလက်ချက်။ သူ့ခေတ်က နိုင်ငံရေးကို ပိုထည့်ရေးကြတဲ့ခေတ်ဖြစ်ခဲ့ပေမဲ့ Eileen Changကတော့ နိုင်ငံရေးကို အရန်လောက်ပဲသုံးပြီး ဇာတ်ကောင်၂ကောင်ဆီပဲ ဦးတည်ထားခဲ့တယ်။ အန်းလီကလည်း ဒီတိုင်းပဲ အသက်သွင်းခဲ့တယ်။ Lust, Cautionရဲ့ ကာရိုက်တာနှစ်ယောက်ထဲက ထျန်းဝေရဲ့ကာရိုက်တာအပေါ်မှာတော့ မတရားလှတဲ့ရက်စက်ခြင်းတွေ လွှမ်းခြုံထားတယ်။ အဲဒီရက်စက်ခြင်းတွေဟာလည်း ကျွန်တော်တို့ဘဝထဲက အရာများစွာလိုပဲ အဖြေမရှိဘူး။ ဝမ်ကျားချီရဲ့ ရွေးချယ်မှုအတွက်လည်း အဖြေမရှိဘူး။ ဒါပေမဲ့ ကိုယ်က ဘယ်အရာအတွက် ပိုတာဝန်ရှိလဲ ရွေးချယ်ဖို့လိုလာတဲ့အခါ နှလုံးသားအတိုင်းလိုက်ရင် အမှားများကောင်းများလိမ့်မယ်။ ဒါပေမဲ့ အသိစိတ်အတိုင်းလိုက်ရင်တော့ ကိုယ့်အတွက် နောင်တပိုများနေမှာပဲ။ ပထမလမ်းအတိုင်းလိုက်တာက မှားနေရင်တောင် မှန်နေမယ်လို့ ကျွန်တော်တော့ သေချာတယ်။ ဝမ်ကျားချီမှာတော့ နောင်တရှိခဲ့မယ်မထင်ဘူး။ (ရုပ်ရှင်အညွှန်းနဲ့ဘာသာပြန်ကို WiRa Aung မှ တင်ဆက်ထားပါတယ်။)

Slow romance နဲ့ လျို့ဝှက်ချက်တသီကြီးကိုဘာများဖြစ်နေမလဲဆိုပြီး စိတ်ဝင်တစားကြည့်တတ်တဲ့ပရိသတ်ကြီးအတွက် murmur of memories က ဇာတ်ကားကောင်းလေးဖြစ်မှာပါ ။ ဇာတ်လမ်းအညွှန်းလေးကတော့ နက္ခတ္တဗေဒပညာရှင်တစ်ဦးဖြစ်တဲ့ ပရော်ဖက်ဆာယဲ့က သူ့ဘဝတလျှောက်လုံး စူပါနိုဗာကြယ်အကြောင်း သုတေသနလုပ်ရာမှာမြှုပ်နှံထားခဲ့ပါတယ် ။ သုတေသနလုပ်ဖို့ရန်ပုံငွေရလိုရငြား အဖွဲ့အစည်းတွေဆီ တောက်လျှောက် လျှောင်လွှာတင်ခဲ့ပေမဲ့လည်း ပယ်ချခံခဲ့ရပါတယ် ။ သူကဒီလောက်ကြိုးစားပြီးမအောင်မြင်ခဲ့ပေမဲ့ ဂျူနီယာဖြစ်သူ ချိုးရှန်းယွိက ခဏချင်းမှာပဲ ဆုတွေရတဲ့အထိအောင်မြင်ခဲ့ပြီး သူတစ်ဘဝလုံးတောင်တခဲ့ရတဲ့ဘဝကိုရရှိသွားပါတယ် ။ ဒီလို‌နဲ့တစ်နေ့မှာ ချိုးရှန်းယွိက သူ့ကိုစိတ်ပြေလက်ပျောက်ဆိုပြီး ဘားကိုခေါ်သွားခဲ့ပြီး သူ့မိန်းမနဲ့ပေးအိပ်ရင် ရန်ပုံငွေရစေရမယ်လို့အာမခံလာချိန်မှာတော့… ပရော်ဖက်ဆာယဲ့တစ်ယောက် ဘယ်လိုဆုံးဖြတ်ချက်တွေချသွားမလဲဆိုတာရယ် ဇာတ်လမ်းကကြည့်နေရင်း ကိုယ်ထင်ထားသလိုမဟုတ်တာတွေ အများကြီးမြင်လာရတာရယ်ကြောင့် စိတ်ဝင်စားစွာနဲ့ ဇာတ်ကားလေးထဲမှာပဲ ဆက်လက်ကြည့်ရှူ့ပေးကြပါအုံးနော် ။

ဒီဇာတ်ကားဟာ Brian Garfield ရဲ့ Death Wish ဆိုတဲ့ ဝတ္ထုကို အခြေခံထားတာဖြစ်ပြီးတော့ မင်းသားကြီး Charles Bronson ဦးဆောင်ထားတဲ့ Death Wish Franchise ရဲ့ ပထမဆုံး ဇာတ်ကားလည်းဖြစ်ပါတယ်။ 1970 ခုနှစ်ကာလ မှုခင်းဖြစ်ပွားနှုန်းတွေ မြင့်တက်နေတဲ့ နယူးယောက်မြို့ကြီးကို ကျောရိုးယူပြီး ရိုက်ကူးထားတာဖြစ်လို့ ထိုခေတ်အခါက ပရိသတ်စိတ်ဝင်စားခဲ့သလို ဝေဖန်မှုတွေ များခဲ့တဲ့ ဇာတ်ကား ဖြစ်ပါတယ်။ ဇာတ်လမ်းအကျဉ်းအနေနဲ့. ပေါလ်ကာဆီဆိုတဲ့ စစ်ပြန်ဗိသုကာပညာရှင်တစ်ယောက်ရဲ့ ဘဝမှာ ချစ်ရတဲ့ဇနီး သမီးဖြစ်သူတို့နဲ့ ပြည့်စုံကြွယ်ဝနေခဲ့ပါတယ်။ တစ်ရက်မှာတော့ ဇနီးဖြစ်သူနဲ့ သမီးတို့ စူပါမားကတ်က အပြန်မှာ လမ်းသရဲတစ်သိုက်ရဲ့ ပစ္စည်းပို့သူဟန်ဆောင်ပြီး အကြမ်းဖက်စော်ကားခြင်းကို ခံခဲ့ရပါတယ်.။ ဇနီးဖြစ်သူက ဆေးရုံမှာတင် သေဆုံးခဲ့ပြီး သမီးဖြစ်သူ ကယ်ရိုးကတော့ စော်ကားခံရတဲ့စိတ်ဒဏ်ရာတွေကြောင့် ရှင်လျက်သေနေတဲ့ဘဝကို ရုတ်ချည်းရောက်ရှိသွားရပါတော့တယ်။ နယူးယောက်မြို့ရဲ့ များပြားလှတဲ့မှုခင်းဖြစ်ရပ်တွေကြောင့် ဇနီးဖြစ်သူနဲ့သမီးအတွက် တရားမျှတမှုကို ရဲတပ်ဖွဲ့က ယူဆောင်ပေးလာနိုင်ခဲ့ခြင်း မရှိပါဘူး။ ဇနီးဖြစ်သူကိုလည်း ဆုံးရှုံး. သမီးရဲ့အဖြစ်ကိုလည်း မရှုရက်နိုင်ဖြစ်နေတဲ့ ပေါလ်ကာဆီအတွက် တူဆန် ဆိုတဲ့ အနောက်ပိုင်းဒေသကို ဗိသုကာပရောဂျက်တစ်ခုအတွက် ခရီးဆက်နိုင်ဖို့ အကြောင်းဖန်လာခဲ့ပါတယ်။ သေနတ်ကိုင်ဆောင်မှုယဉ်ကျေးမှု မတိမ်ကောသေးတဲ့ အရပ်ဒေသဖြစ်တဲ့တူဆန်မှာ သေနတ်ပစ်ကလပ်တစ်ခုကို ဝင်ရင်းနဲ့ ပေါလ်ကာဆီရဲ့ တိမ်မြှုပ်နေတဲ့အရည်အချင်းတစ်ခုကို ဖော်ထုတ်နိုင်ခဲ့ပါတယ်။ လက်နက်ကိုင်ဆောင်ဖို့ ငြင်းဆန်ထားတဲ့ ဆေးတပ်သားဟောင်း ပေါလ်ကာဆီဟာ သေနတ်ပစ်ရာမှာ မထင်မှတ်ထားဘဲ ကျွမ်းကျင်နေတာကို သူကိုယ်တိုင် သိရှိသွားခဲ့ပါတယ်.။ ပရောဂျက်အတွက် မြေနေရာကြည့်ရှုအပြီး အပြန်မှာတော့ မြေပိုင်ရှင် အိမ်းစ်ဂျိန်းချေးလ်ရဲ့ လက်ဆောင်တစ်ခုကို ရရှိခဲ့ပါတယ်။ အိမ်အရောက်မှာတော့ ထိုလက်ဆောင်ဟာ ကို့တ် ပွိုင့် ၃၂ ပစ္စတိုတစ်လက် ဖြစ်နေတာကို တွေ့လိုက်ရပါတယ်။ အဲဒီညမှာပဲ သေနတ်ကို ကျည်ဖြည့်ပြီး ပေါလ်တစ်ယောက် မှုခင်းထူပြောလှတဲ့ နယူးယောက်ညခင်းကို မကြောက်မရွံ လမ်းလျှောက်ထွက်လာခဲ့ပါတယ်။ သိပ်မကြာခင်မှာပဲ လုယက်သူတစ်ယောက်က ပေါလ်ကို သေနတ်နဲ့ ချိန်းခြောက်ပြီး ငွေတောင်းခဲ့ပါတယ်။ ပေါလ်က လက်ဦးမှုရယူပြီးတော့ သေကွင်းသေကွက်ကို အရပစ်နိုင်ခဲ့ပါတယ်။ သေနတ်ပစ်ကျွမ်းကျင်မှုကို လက်တွေ့အသုံးချအပြီးမှာတော့ ပေါလ်ရဲ့စိတ်ထဲမှာ ဇနီးနဲ့သမီးဖြစ်သူရဲ့ အဖြစ်ဆိုးကို လက်တုံ့ပြန်နိုင်ဖို့ နယူးယောက်မြို့ရဲ့မှုခင်းတွေကို တစ်ကိုယ်တော်ဖြေရှင်းဖို့ အကြံပေါ်လာခဲ့ပါတယ်.။ ထိုအကြံဉာဏ်ကြောင့်ပဲ ရာဇဝတ်သားတွေရဲ့ အိပ်မက်ဆိုး. နယူးယောက်မြို့သူမြို့သားတွေအတွက် တရားမျှတမှုကို ယူဆောင်လာပေးမယ့် ပြည်သူ့ဘက်တော်သား “The Vigilante” တစ်ဦး ပေါ်ပေါက်လာခဲ့ပါတော့တယ်။ File Size : 1.8 GB, 916 MB Quality : Blu-Ray 1080p / 720p Running Time : 1hr 33min Format : Mp4 Genre : Action, Crime, Drama Subtitle : Myanmar Subtitle (Hard Sub) Translated by : Sai Sumali Encode by : Thit San Khant

Netflix က အသစ်ထွက်လာတဲ့ The Love Scam အီတလီ ရုပ်ရှင်ကတော့ ဟာသဇာတ်မြူးအချစ်ကားလေးဖြစ်ပါတယ်။ အကြွေးတွေပတ်လည်ဝိုင်းနေတဲ့ဗီတိုနဲ့အန်တိုနဲလိုတိုညီအစ်ကိုဟာ ရသမျှအလုပ်လုပ်ပြီး ဝင်ငွေရှာဖွေနေရသလို အန်တိုနဲလိုဟာ လိမ်လည်တာမျိုးစုံလုပ်တဲ့လူလိမ်တစ်ယောက်ပါ။ တစ်ရက်မှာတော့ အန်တိုနဲလိုဟာ သူများပြန်လိမ်တာခံလိုက် ရတာကြောင့် နေအိမ်ကိုပါဆုံးရှုးရမယ့်အရေးနဲ့ရင်ဆိုင်လာခဲ့ရပါတယ်။ ဗီတိုကလည်း နေအိမ်ကိုဆုံးရှုးရမယ်ဆိုရင် သူ့ကလေးရဲ့ အုပ်ထိန်းခွင့်ကိုပါဆုံးရှုးရနိုင်ခြေရှိနေပါတယ်။ အဲဲဒီအခါမှာတော့ ဗီတိုနဲ့အန်တိုနဲလိုဟာ သူတိုကိုလိမ်သွားတဲ့ကုမ္ပဏီရဲ့အမွေဆက်ခံသူ မာလီနာကိုပြန်လိမ်ဖို ပရဟိတအဖွဲယောင်ဆောင်ကာ အလှူငွေ ထည့်ခိုင်းဖိုအကွက်ဆင်ကြပါတော့တယ်။ လူလိမ်အန်တိုနဲလိုရဲ့ဦးဆောင်မှုနဲ့ ဗီတိုတစ်ယောက် မာလီနာနားကို ချဥ်းကပ်ပြီး မာလီနာအကြောင်းပိုသိလာလေလေ ချစ်မိလာလေ ဖြစ်လာတဲ့အခါမှာတော့ လူလိမ်ညီအစ်ကိုနဲ့မာလီနာကြားဘာတွေ ဆက်ဖြစ်မယ်ဆိုတာစောင့်ကြည့်ရမှာပဲဖြစ်ပါတယ်။ File size… (1.68GB) / (922MB ) Quality… WEB-DL 1080p HEVC / 720p Format…mkv / mp4 Duration….1h 41m Genre ….. Comedy , Romance Subtitle….Myanmar Subtitle (Hard Sub) Encoder….Min Wai Translated by JULY