The Obscured (2022) သုံးပွင့်ဆိုင်အချစ်ဇာတ်လမ်းတစ်ပုဒ်မှာ တစ်ဦးတစ်ယောက်က ထွက်ဖို့ဖြစ်လာခြင်းက စတဲ့ဇာတ်ပေါ့။ ကောင်မလေးက စိတ်ကစဉ့်ကလျားဖြစ်နေတယ်။ တစ်နေ့ သူနိုးလာတော့ သူ့ဘေးမှာ သူချစ်ရတဲ့လူက သေနေပြီ။ ဘယ်သူသတ်သွားတာလဲလည်း မသိဘူး။ သူသတ်မိတာလားလဲ မသိဘူး။ ဘာကိုမှ မသည်းကွဲနေတော့ ရဲတိုင်ဖို့လည်း အဆင်မပြေဘူး။ ဒီလိုနဲ့ နောက်ကောင်လေးကို ဖုန်းဆက်လိုက်တယ်။ အချစ်အတွက်ဆို လောကကြီးခါးစောင်းတင်ဖို့ပါ အသင့်ရှိနေတဲ့ နောက်ကောင်လေးက ကောင်မလေးကို ကူညီပြီး အလောင်းဖျောက်ပေးတယ်။ ဒီလိုနဲ့ သူတို့တွေ အသစ်တစ်နေရာမှာ အချစ်ကမ္ဘာတည်ဖို့ ကားတစ်စီးနဲ့ ဟိုင်းဝေးလမ်းမကြီးထက် ခရီးဆက်လာခဲ့တယ်။ လမ်းရောက်တော့ သိလိုက်ရတာက‌ ကောင်မလေးက သူ့စိတ်ရောဂါအတွက် သောက်နေကျဆေးကို အခင်းနေရာမှာကျန်ခဲ့တယ်။ ဒီလိုနဲ့ ကောင်လေးက အချစ်အတွက် ဘဝကြီးကို စွန့်စားပြီး သွားပြန်ယူပေးတာပေါ့။ အဲဒီမှာ သူတို့အစဖျောက်ခဲ့တဲ့အလောင်းကြီး ပြန်ရောက်နေတာကို သူတို့တွေ့လိုက်ရတယ်။ သူတို့အချစ်တွေကပဲ ဒီအခက်အခဲကြီးကို ကျော်လွှားနိုင်မလား။ အပြစ်ကပဲ သူတို့နောက်လိုက်လာမလား ပဟေဠိဆန်ဆန်ကြည့်ရမယ့် စိတ္တဇရုပ်ရှင်လေးပါပဲ။ (ဒီဇာတ်ကားနဲ့အညွှန်းကို "___" မှ ပြန်ဆို ရေးသားထားပါတယ်) Size - 1.7GB, 680MB Quality - 1080p, 720p Format - mp4 Duration - 1H 16Min Genre - Thriller Subtitle - Myanmar Subtitle (Hardsub) Translated by "___" Encoded by Y

The Great Dragon Plague (2021) ကားလေးကို ဒီတစ်ခါ CM ပရိတ်သတ်တို့အတွက် ဘာသာပြန်တင်ဆက်ပေးလိုက်ပါတယ်... ဘာသာရေးမှိုင်းတိုက်တယ်ဆိုတဲ့ ဘာသာရေးကိုတလွဲအသုံးချမှုတွေအကြောင်းကို ဒီဇာတ်ကားမှာမြင်တွေ့ရမှာပဲဖြစ်ပါတယ် ဇာတ်လမ်းအကျဉ်းလေးပြောရရင် တထန်မင်းဆက် ခေတ်နှောင်းပိုင်းမှာ ပူဇော်ပွဲအစဉ်အလာတစ်ခုပေါ်ထွက်လာတာချိန်ကို အခြေခံရိုက်ကူးပြထားတာပါ... chang an ကို အခြေခံထားတာဖြစ်လို့ The Promise of Chang’an (2020) ဇာတ်ကားထဲမှာကို လူမမာအရှင်မင်းကြီးက အမည်ခံအုပ်ချုပ်နေပြီး နောက်ကွယ်မှာ ကြိုးကိုင်သူက တခြားတစ်ယောက်ဖြစ်နေခဲ့တာပေါ့... ဒီဇာတ်လမ်းလေးထဲမှာ ပူဇော်ဖို့ စတေးခံတွေထဲကတစ်ယောက်လွတ်လာပြီးနောက်မှာ ဒုက္ခသည်စခန်းလိုမျိုးမှာရက်အနည်းငယ်နေလာပြီးနောက် အခုလိုဘဝလေးလည်း မဆိုးဘူး.. ချန်အန်းကနေ ထွက်သွားမယ်ဆို ဘဝသစ်နေနိုင်ပြီလို့တွေးလာပေမယ့်.. ဒီဒုက္ခသည်စခန်းကအားလုံးက ချန်အန်းကို ကယ်တင်ဖို့ကြိုးစားနေတဲ့အခါ အဆုံးသတ်မှာ ခေတ္တငြိမ်းချမ်းတဲ့ ဒုက္ခသည်စခန်းမှာပဲ ဆက်နေသွားမှာလား ချန်အန်းပြန်ပြီး ရသလောက်ကို ကယ်တင်ကြမှာလား ဘယ်လမ်းကိုရွေးမလဲဆိုတာကြည့်ပြီး ကိုယ်သာ သူ့နေရာဆိုရင်ရော ဘယ်လမ်းရွေးမလဲဆိုတဲ့ အဖြေကို ကြည့်ပြီးသွားရင် မျှဝေပေးသွားပါဦးနော် Quality : WEB-DL 1080p , 480p Format : mp4 Genres : Action , Fantasy , Mystery Runtime : 1h 17min Subtitle : Myanmar Subtitle ( Hardsub ) Translated by Nu Mon,Chu Chu Encoded by LK

ဒီရုပ်ရှင်ကားဟာ ၂၀၂၂ ခုနှစ်ထွက် Thirller ကားကောင်းလေး တစ်ကား ဖြစ်ပါတယ်။ Thriller ကားချစ်မြတ်နိုးသူပရိသတ်တွေ ခံစားကြည့်ရှုသင့်တဲ့ သည်းထိတ်ရင်ဖိုကားလေးတစ်ကားဆိုရင်လည်း ဒီကားကိုသာ ညွှန်းရပါဦးမယ်။ Clay ဆိုတဲ့ ဉာဏ်ကြီးရှင်ဟာ ကမ္ဘာ့ခေတ်ပြောင်းတော်လှန်ရေးကျန်းမာရေး စောင့်ရှောက်မှုနည်းပညာကို တီထွင်ခဲ့တဲ့နည်းပညာရှင်ဖြစ်ပါတယ်။ ဒါပေမဲ့ Clay ဟာ သူ့မှတ်ဉာဏ်ထဲမှာ သူပိတ်မိနေတဲ့ စိတ္တဇရောဂါတစ်မျိုးရရှိနေသူ လည်းဖြစ်ပါတယ်။ လူတစ်‌ယောက် ဒီလိုမျိုးကိုယ့်စိတ်ထဲမှာကိုယ် ပိတ်လှောင် မိဖို့ဆိုရင် ဘယ်လောက်များတဲ့ စိတ်ဒဏ်ရာတွေကြောင့်လဲ၊ ဘယ်သူက Clay ကို ဒီလိုဖြစ်စေခဲ့တာလဲ၊ Clay တစ်ယောက် ဘယ်လိုတွေ ထပ်မံတွေ့ကြုံခံစားရမလဲ ဆိုတာကို ခံစားရင်ခုန်ပေးလို့ရမယ့် ကားကောင်းလေးတစ်ကားပဲဖြစ်ပါတယ်။ ဒါကြောင့် နည်းပညာရှင်ကြီး Clay ဘယ်လိုတွေဖြစ်လာမှာလဲ၊ သူ့ရဲ့ကိုယ်ပိုင်စိတ် အကျဉ်းထောင်ကနေ လွတ်မြောက်နိုင်မလားဆိုတာကိုတော့ Neon Lights 2022 ကားလေးထဲမှာခံစားရင်ခုန်ပေးလှည့်ပါဦးခင်ဗျာ။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ San Thu Aung ဖြစ်ပါတယ်) File Size..........(1.26 GB) / (509 MB) / (290 MB) Quality............WebRip 1080p / 720p / 480p Duration.........1Hr 37mins Subtitle...........Myanmar Hardsub Format............MP4 Genre..............Thriller Translator.......San Thu Aung Encoder..........SWM

Master Gardener (2022) ~ IMDb – 6.3/10, Rotten Tomatoes – 70% ~ “God’s Lonely Man” ဘုရားသခင်ရဲ့အထီးကျန်လူ တနည်းအားဖြင့် သင်းကွဲလူ ဆိုတာကို ဒါရိုက်တာကြီး Martin Scorsese ရဲ့ Taxi Driver ထဲမှာလည်းကြားဖူးခဲ့မှာပါ။ လူ့အဖွဲ့အစည်းနဲ့သိပ်မရော မအပ်စပ်ဘဲ တစ်ယောက်တည်း နေ့စဉ်ဓူဝ ကိုယ့်အတွေးနဲ့ကိုယ်ချာချာလည်ရင်း သင်းကွဲတစ်ယောက်လိုအထီးကျန်နေတဲ့ ဇာတ်‌ကောင်မျိုးတွေပေါ့။ အဲဒီလိုဇာတ်ကောင်တွေက တစ်နေ့မှာ လှုပ်နှိုးခံလိုက်ရတဲ့အချိန် ပရိသတ်တွေကို ” ဒီကောင်ဘာတွေလုပ်မလဲမသိဘူး” ဆိုတဲ့ ခံစားချက်မျိုး ပေးစွမ်းနိုင်တာက ဒီလိုရုပ်ရှင်ဇာတ်ကားတွေရဲ့ အရသာတစ်ခုပါပဲ။ ဒီရုပ်ရှင်က ဇာတ်ကောင်ကလည်း အဲဒီလို သာမန်ဥယျာဉ်မှူး။ လတ်တလောမှာတော့ သာမန်ဥယျာဉ်မှူးပေါ့။ သူ့မှာလည်း အတိတ်ကစိတ်ဒဏ်ရာတွေ၊ အိပ်မက်ဆိုးတွေ၊ နောင်တတွေကျန်နေပေမဲ့ သာမန်ဥယျာဉ်မှူးတစ်ယောက်လို ဂရေ့စ်ဝုဒ်ဆိုတဲ့ ဥယျာဉ်ကြီးထဲမှာ ‌ဘဝကိုဖြတ်သန်းနေတာမျိုးပါ။ ဒါပေမဲ့ တစ်နေ့မှာ ဂရေ့စ်ဝုဒ်ပိုင်ရှင် နော်မာရဲ့ မြေးတူမ မာယာ ဆိုတဲ့ ကောင်မလေးတစ်ယောက် အလုပ်သင်အနေနဲ့ရောက်လာပြီး ပြဿနာတွေပါခေါ်လာခဲ့ချိန်မှာတော့ ” ဒီကောင်ဘာတွေလုပ်မလဲမသိဘူး” ဆိုတာလေးဖြစ်ဖို့ အ‌ကြောင်းခံလေးတွေပေါ်လာပါတော့တယ်။ ဒီရုပ်ရှင်မှာသဘောကျမိတာတစ်ခုက ပန်းအကြောင်းတွေပါ။ သူ့ရဲ့ ဂျာနယ်မှာထည့်ရေးသမျှ ပန်းအကြောင်းတွေနားထောင်ရင်း ကိုယ်တိုင်ပါ ထပြီး ပန်းတွေစိုက်ပစ်ချင်စိတ်တောင်ပေါက်လာနိုင်ပါတယ်။ ဂျိုဝယ်အက်ဂျာတန်လို ဘဲကြီးက ပန်းလှလှလေးတွေစိုက်နေတာမြင်ရတာကလည်း တစ်မျိုးလေးကြည့်ကောင်းနေတာပေါ့လေ။ “God’s Lonely Man” ဆိုလို့ ဒါရိုက်တာဘယ်သူလဲ ပြေးကြည့်စရာမလိုပါဘူး။ အဲဒီလို ရုပ်ရှင်မျိုးတွေကို အသည်းခိုက်တဲ့ Taxi Driver ဇာတ်ညွှန်းရေးခဲ့တဲ့သူ Paul Schrader ကိုယ်တိုင်ဖြစ်နေလို့ပါ။ Paul Schrader က ဇာတ်ညွှန်းတင်မက ဒါရိုက်တာလည်းကောင်းကောင်းကြီးလုပ်နိုင်တယ်ဆိုတာကို Mishima, Blue collar နဲ့ First Reformed ကားတွေမှာ မြင်ခဲ့ရပြီးပါပြီ။ အင်တာဗျူးတစ်ခုမှာ သူနောက်ဆုံးရိုက်ထားတဲ့ ရုပ်ရှင်သုံးခုဖြစ်တဲ့ First Reformed (2017), Card Counter (2021) နဲ့ အခု Master Gardener ရုပ်ရှင်တွေက ဇာတ်လမ်းချင်းမတူပေမဲ့ စိတ်ပိုင်းဆိုင်ရာကျောရိုးချင်း ဆက်နွယ်နေတဲ့ Trilogy တစ်ခုလို့ ပြောခဲ့ဖူးပါတယ်။ ဥပမာ ကားရယ် လေယာဉ်ရယ် ရထားရယ် နဲ့ ခရီးသွားသလိုပေါ့။ ခရီးသွားနေတယ်ဆိုတဲ့ သဘောတရားချင်းတူတယ် ဒါပေမဲ့ သွားပုံချင်းမတူတာမျိုး။ အဲဒီသဘောတရားအတွက် ကား၊ လေယာဉ်၊ ရထား သုံးမျိုးလုံး စီးကြည့်စရာမလိုပေမဲ့ အချိန်ရရင်တော့ ၃ ကား စလုံးကို မြည်းကြည့်စေချင်ပါတယ်။ ဒီရုပ်ရှင်ဟာ ဗယ်လာဒိုလစ်ရုပ်ရှင်ပွဲတော်မှာ အကောင်းဆုံးရုပ်ရှင်ဆုအတွက် ဆန်ခါတင်ဝင်ခဲ့တဲ့အပြင် Alien Franchise ထဲက မင်းသမီးကြီး ဆစ်ဂေါနီးဝီဗာကလည်း ဒီရုပ်ရှင်နဲ့ ပေါ်တူဂီရုပ်ရှင်ဆု CinEuphoria ရဲ့ အကောင်းဆုံးအမျိုးသမီးဇာတ်ဆောင်ဆုကိုရခဲ့ပြီး ဂျိုဝယ်အက်ဂျာတန်ကလည်း အမျိုးသားဇာတ်ဆောင်ဆုအတွက် ဆန်ခါတင်ဝင်ခဲ့ပါသေးတယ်။ ပန်းကလေးတွေအကြောင်းရုပ်ရှင်တွေကြည့်တိုင်း ကြည်အေးရဲ့ မောင်ကိုကိုနှင့်မြနန္ဒာ စာအုပ်ထဲက “ကမ္ဘာပေါ်မှာ လူနည်းနည်းနဲ့ ပန်းတွေအများကြီးရှိရင် သိပ်ကောင်းမှာပဲ” ဆိုတာလေးကိုပဲ အမှတ်ရနေမိပါတယ်။ ပန်းကလေးတွေရဲ့အလှနဲ့ ရုပ်ရှင်ရဲ့ အလှအပနှောထားတာလေးကတော့ ဒီရုပ်ရှင်ရဲ့ မျက်စိပသာဒအဖြစ်ရဆုံး အချက်ပါပဲ။ (ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်) Size – 1.3GB, 540MB Quality – 1080p, 720p IMDb Rating – 6.3/10 Format – mp4 Duration – 1H 51Min Genre – Drama, Thriller Subtitle – Myanmar Subtitle (Hardsub) Translated by Min Thant Bo Encoded by Y

La Maison (2022) La Maison ခေါ် စံအိမ်တော်လို့ခေါ်တဲ့ ဆောင်ကြာမြိုင်လေးတစ်ခုရဲ့ ဇာတ်လမ်းပါ။ အဓိက ဇာတ်ဆောင် မင်းသမီးက စာရေးဆရာ။ သူက သူငယ်ချင်းတစ်ယောက်နဲ့ အလောင်းအစားလုပ်ရင်း ဆောင်ကြာမြိုင်ကို ရောက်သွားတယ်။ ရောက်သွားပြီးတဲ့နောက်မှာ ဆောင်ကြာမြိုင်ကို စိတ်ဝင်စားသွားပြီး ကိုယ်တိုင်အလုပ်လုပ်ရင်း နောက်ရေးမယ့်စာအုပ်အတွက် ကုန်ကြမ်းရှာပါတော့တယ်။ စာအုပ်အသစ်မရေးနိုင်သေးလို့ ကြပ်တည်းနေတဲ့အချိန်မှာ ဒီအလုပ်က ငွေရတော့ ခဲတစ်လုံးနဲ့ ငှက်နှစ်ကောင်ရတာပေါ့။ ဒါပေမဲ့ သူက စာရေးဖို့ ကြိုးစားနေရင်းနဲ့ပဲ ဒီအလုပ်ကို ခင်တွယ်လာတယ်။ ဒီစံအိမ်ကို ခင်တွယ်လာတယ်။ အဲဒီက အမျိုးသမီးလေးတွေကို ခင်တွယ်လာတယ်။ လိင်ကိစ္စကို နဂိုကတည်းက ဝါသနာလို့ လုပ်ဖြစ်တယ်ဆိုပေမဲ့ တကယ်လုပ်ကြည့်တော့မှ ဒီလောကအကြောင်း ဒီလောကကလူတွေအကြောင်း သိလာပြီး ချစ်စိတ်ဝင်သွားတဲ့ အဖြစ်လေးပါ။ အက်ရှင်ခန်းတွေမှာတော့ ကွင်းကွင်းကွက်ကွက်ပြမထားပေမဲ့ ဘုရားသခင်ရဲ့ အနုစိတ်ဖန်တီးထားတဲ့ အလှအပတွေကိုတော့ အပြည့်အဝခံစားနိုင်မှာပါ။ (ဒီဇာတ်ကားနဲ့အညွှန်းကို 6 9 မှ ပြန်ဆို ရေးသားထားပါတယ်) Size – 1.9GB, 710MB Quality – 1080p, 720p IMDb Rating – 5.7/10 Format – mp4 Duration – 1H 29Min Genre – Drama Subtitle – Myanmar Subtitle (Hardsub) Translated by 6 9 Encoded by RGB

ဂျန်ဘူဘာယာနေး ဆိုတဲ့ကလေးတစ်ယောက်ဟာ ဘုန်းတော်ကြီးနဲ့ စာဖိုဆောင်ကအမျိုးသမီးတို့က တရားမဝင်မွေးဖွားလာတဲ့အတွက် လောကကြီးမှာလူမသိသူမသိသိုသိုသိပသိပ်နေတာခဲ့ရတယ်။ မစ္စတာဒူမူဆို ဆိုတဲ့လူချမ်းသာတစ်ယောက်က ဂျန်ကိုချစ်မြတ်နိုးလို့ စောင့်ရှောက်ပေးထားတယ်။ ဂျန်အရွယ်ရောက်လာတော့ စော်ကားပြုမှုခံရတာတွေလွှတ်ကင်းဖို့အတွက် သားအမိနှစ်ယောက်သာ ပဲရစ်မြို့ကြီးထွက်ခွာလာခဲ့တယ်။ ကာလအတန်ကြာ နေထိုင်ပြီးနောက်မှာ ဂျန်ဟာ လွတ်လပ်စွာနေထိုင်ရပြီး နေထိုင်စားသောက်နိုင်မယ့် ဘဝ ဖြစ်တဲ့ ပြည့်တန်ဆာအလုပ်ကိုရွေးချယ်လုပ်ကိုင်ခဲ့တယ်။ ဂျန်ရဲ့ အလှတရားတွေကြောင့် မှူးမတ်တွေ အရာရှိလူချမ်းသာတွေကြားမှာ နာမည်ကြီးလာတယ်။ အမတ်ကြီး ရီရှယ်လူရူ နဲ့ မြို့စား ဘာရီတို့ဟာ ဂျန်ကို သူတို့ကိုယ်ကျိုးအတွက် အသုံးချဖို့ကြံစည်နေက့တယ်။ ဂျန်ကို ဘုရင်ကြီးနဲ့ ပေးတွေ့ပြီး နန်တော်မှာ နေရာတစ်နေရာရအောင်ဖန်တီးပါတော့တယ်။ ဘုရင်ကြီးဟာ ဂျန်ကိုမြင်မြင်ချင်းသဘောကျသွားပါတော့တယ်။ လမ်းဘေးဘဝ‌ကနေ ချက်ခြင်းနန်းတော်ကိုရောက်သွားတဲ့အခါ သူ့အတွက် အခက်အခဲပေါင်းစုံကြုံလာပါတော့တယ်။ ဘုရင်ကြီးရဲ့အနှစ်သက်ဆုံးဂျန်ကို တော်ဝင်မိသားစုက အမြင်မကြည့်တဲ့အခါမှာတော့……. File size…2.23GB / 869MB Quality…WEB-DL 1080p 5.1 CH/ 720p Format…mp4 Duration….1h 53m Genre ….. Biography , Drama , History Subtitle….Myanmar Subtitle (Hard Sub) Encoder….Min Wai Translated by Tin Myo Lwin

Prem Kumar (2023) သို့ မချောနှစ်ယောက် ကိုယ်တစ်ယောက် IMDB 6.7 ရထားတဲ့ Telugu ကားသစ်ဖြစ်ပါတယ် Telugu မျက်နှာသိ မင်းသား Santosh Sobhan ပါဝင်ထားတဲ့ အချစ်ဟာသ ကားပါ ကျွန်တော်တို့ အိန္ဒိယရုပ်ရှင်လောက က romantic comedy အများစုမှာ ဇာတ်သိမ်းဆို မင်းသမီးက မင်္ဂလာဆောင်၊ မင်းသားက လက်ထပ်ပွဲကိုလာပြီး ပွဲဖျက်၊ မင်းသမီးရဲ့ မိဘတွေကို တရားချ၊ အားလုံးက ကြွေဆင်းပြီး သတို့သမီးကို လွှတ်ပေး၊ မင်းသားနဲ့ မင်းသမီးနဲ့ ဆည်းဆာချိန်ကို အတူတူလက်တွဲပြီး ပြေးသွား၊ ပိတ်ကားချ၊ ပြီးပါပြီ ဒါတွေနဲ့ပဲ သံသရာလည်နေတာပါ ဘယ်သူကမှ မင်းသမီးနဲ့ လက်ထပ်မယ့် သတို့သားက ဘယ်ပုံ ဘယ်ချမ်းသာ သူရဲ့ အိမ်မက် ရည်မှန်းချက်တွေ ခံစားချက်တွေ အသာထား မင်္ဂလာဆောင်ခမ်းခမ်းနားနားကြီးဖြစ်အောင် ဘယ်လို အကုန်အကျခံပြီး ပြင်ဆင်ထားလဲ ဆိုတာတောင် ဂရုစိုက်ကြမှာ မဟုတ်ပါဘူး ဇာတ်လိုက် PK ဆိုတဲ့ ပရမ်ကူမာ ကတော့ အဲဒီသတို့သားဖြစ်ပါတယ် သူ့ရဲ့ ကံဆိုးလှတဲ့ ရယ်ရခက် ငိုရခက် ဘဝဇာတ်ကြောင်းပါ အိမ်ထောင်ရေးကံမကောင်းတဲ့သူလို့ ပြောရအောင်လည်း ပီကေ က လက်ထပ်တဲ့နေ့မှာပဲ သတို့သားဘဝ ကနေ မတက်ပဲ ဖော်အဲဗား groom ဖြစ်နေပြီး မိန်းမလိုချင်တဲ့ အိပ်မက်က အပြီးမသတ်ပဲဖြစ်နေသူပါ… လူစင်စစ်ကနေ ဂျိုပေါက်ချင်နေတဲ့ သူဖြစ်ပါတယ် အဲဒီကနေ ဘယ်သို့ဘယ်ပုံ ပီကေတစ်ယောက် လက်ထပ်ပွဲပါရဂူတစ်ယောက်ဖြစ်လာလဲ ဆိုတာ ဆက်ကြည့်ရင်း CM ပရိသတ်ကြီး တစ်နေ့တာ အမောဖြေနိုင်ကြပါစေ အညွှန်းနဲ့ ဘာသာပြန်ကတော့ CM Bollywood Teamပဲ ဖြစ်ပါတယ်ခင်ဗျာ ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood)

The Adderall Diaries ဇာတ်ကားဟာ ၂၀၁၅ ထွက် နာမည်ကျော် မင်းသားမင်းသမီးတွေ ပါဝင်တဲ့ Crime Drama Mystery ဇာတ်ကားလေးပဲ ဖြစ်ပါတယ်။ အားလုံးကြိုက်တဲ့ နာမည်ကျော်မင်းသား James Franco၊ အားလုံးသိတဲ့ မင်းသမီး Amber Heard တို့ ပါဝင်သရုပ်ဆောင်ထားကြပါတယ်.. ဇာတ်လမ်းလေးကတော့ စတီဖင် ဆိုတဲ့ မင်းသားဟာ နာမည်ကျော်စာရေးဆရာတစ်ယောက်ဖြစ်ပြီး သူ့ရဲ့ အတိတ်က ဖခင်နဲ့ အဆင်မပြေခဲ့ရတဲ့ စိတ်ဒုက္ခဆင်းရဲတွေ ဆက်ဆံရေးအကြောင်းတွေကို စာအုပ်ရေးခဲ့ပါတယ်။ ဒါပေမဲ့ သူ့စာအုပ် မိတ်ဆက်ပွဲမှာ သေပြီလို့ ရေးထားတဲ့ သူ့အဖေကိုယ်တိုင် ရုတ်တရက် ရောက်လာတဲ့အခါမှာ သူတို့ကြား ဘယ်လို ဆက်ဆံရေးတွေ ရှီမှာလဲ ရှိခဲ့လဲ ဆိုတာကို မတူညီတဲ့ ဖက် ၂ ဖက်ကနေ ကြည့်ရမှာ ဖြစ်သလို တစ်ချိန်တည်းမှာပဲ စတီဖင် စာရေးဖို့ လေ့လာနေတဲ့ လူသတ်မှုတစ်ခုကလည်း သူတို့ဘဝနဲ့ နီးစပ်နေတဲ့အခါ သူ့အပေါ် ဘယ်လို သက်ရောက်မှုတွေရှိမလဲ ကြားထဲမှာလဲ ချစ်သူ၊မိတ်ဆွေ၊လုပ်ဖော်ကိုင်ဖက်တွေကလည်း သူ့ဘဝကို ဘယ်လို သက်ရောက်မှုတွေရှိမလဲဆိုတာကို စိတ်လှုပ်ရှားဖွယ်ရာ ကြည့်ရမှာ ဖြစ်ပါတယ်.. File size…1.29GB / 583MB Quality…Blu-Ray 1080p / 720p Format…mp4 Duration….1h 27m Genre ….. Crime , Drama , Mystery Subtitle….Myanmar Subtitle (Hard Sub) Encoder….Min Wai Translated by Lin Aung

Rotten Tomatoes 83%, IMDb 7.3 ၁၉၇၄ခုနှစ်မှာ ပြင်သစ်လူမျိုး ကောင်းကင်ကြိုးတန်းလျှောက်သူ Philippe Petitဟာ အထပ်၁၁၀မြင့်တဲ့ ကမ္ဘာ့ကုန်သွယ်ရေးစင်တာ(World Trade Center) အမြွှာမျှော်စင်ရဲ့ ခေါင်မိုးထပ်မှာ စွန့်စွန့်စားစား ကောင်းကင်ကြိုးတန်းလျှောက်ပြခဲ့ပါတယ်။ ဒီအဖြစ်အပျက်အပေါ်အခြေခံပြီး ရိုက်ကူးထားတဲ့ The Walk ရုပ်ရှင်ဟာ ဖီးလစ်ပတေး (Philippe Petit) ရဲ့ အတ္ထုပ္ပတ္တိဖြစ်ရုံသာမက 9/11တိုက်ခိုက်မှုမှာ ပျက်စီးခဲ့ရတဲ့ အမြွှာမျှော်စင်ကြီးရဲ့ မှတ်တမ်းတစ်စိတ်တစ်ပိုင်းလည်းဖြစ်ပါတယ်။ ဒါပေမယ့်လည်း မှတ်တမ်းရုပ်ရှင်စစ်စစ်မဟုတ်တဲ့အတွက်ကြောင့် ပေါ့ပေါ့ပါးပါးနဲ့ ကြည့်ကောင်းတဲ့ဇာတ်လမ်းမျိုးပါ။ ၂၀၁၅ခုနှစ်မှာ ထွက်ထားခဲ့တဲ့ရုပ်ရှက်ဖြစ်တဲ့အတွက် 3Dခံစားချက်အသားပေး အသည်းတအေးအေးပြကွက်တွေ လည်းအပြည့်ပေါ့။ ၁၉၉၀ခုနှစ်နဲ့အစောပိုင်းနှစ်တွေမှာ မွေးဖွားခဲ့သူတွေအဖို့ ၂၀၀၁ခုနှစ်မှာ တီဗွီဖန်သားပြင်ထက်အထိတ်တလန့်နဲ့ မြင်တွေ့ကြုံကြိုက်ခဲ့ရတဲ့ လေကြောင်းတိုက်ခိုက်မှုတွေကြောင့် ဒီရုပ်ရှင်ရိုက်ကူးချိန်မှာ မျှော်စင်ကြီး၂ခုစလုံးက အပြင်မှာရှိမနေခဲ့တော့ပါဘူး။ ဒါကြောင့် အထူးပြုလုပ်ချက်နည်းပညာတွေ မြိုငိမြိုင်သုံးပြီးဖန်တီးထားတဲ့ ရုပ်ရှင်ပြကွက်တွေဟာ ထွက်ရှိလာချိန်မှာ အများရဲ့ချီးကျူးမှုကို လက်ခံရရှိခဲ့ပါတယ်။ Philippe Petit ရဲ့ဆောင်ပုဒ်အတိုင်း “မဖြစ်နိုင်တာမရှိ အိမ်မက်တွေနောက် လိုက်လျှောက်ပါ (Nothing is Impossible, Follow your Dreams)” ဆိုတဲ့ ခံစားချက်အပြည့်အဝပေးနိုင်တဲ့ ရုပ်ရှင်တစ်ကားပါပဲ။ File size…(2 GB)/(1 GB) Quality….Webrip 1080p / 720p Format…mp4 Duration….01:48:00 Genre… History, Drama Subtitle….Myanmar Subtitle (Hardsub) Encoder….Swan Min Htet Translated by Khatar Aung

ဒီတစ်ခါ cm ပရိသတ်ကြီးကို Horror Drama ဇာတ်ကား တစ်ခုနဲ့ မိတ်ဆက်ပေးချင်ပါတယ်။ ဒီဇာတ်ကားရဲ့ နောက်ခံအချိန်ကာလက ၁၉၀၀ ပြည့်နှစ် ဝန်းကျင် တောင်အာဖရိက ဘိုဝါစစ်ပွဲအချိန်ကာလကို ရိုက်ကူးထားတာ ဖြစ်ပါတယ်။ ဒဏ်ရာရ အင်္ဂလိပ် စစ်ဗိုလ်မှူးတစ်ယောက်က အမျိုးသမီး တစ်ဦးနဲ့ သူ့ရဲ့ သမီးငယ်လေးရဲ့ တဲအိမ်မှာ ခိုလှုံဒဏ်ရာ ကုသနေတာနဲ့ အစချီထားပါတယ်။ မှောင်မည်းပြီး Creepy ဖြစ်တဲ့ ရိုက်ကွက်တွေနဲ့အတူ တခြား Horror ကားတွေနဲ့ မတူတဲ့တင်ဆက်မှုလို့ ပြောလို့ရတာက ဇာတ်လမ်း plot က သိပ်ပြီးတိတိကျကျ ရေရေရာရာ မရှိတဲ့အပြင် တစ်နေရာ တည်းမှာပဲ ဇာတ်လမ်းကို ရိုက်ကူးပြသွားတာပါ။ ဒါပေမယ့် စစ်ပွဲရဲ့ ရိုက်ခတ်မှုဖြစ်တဲ့ စိတ်ဖိစီးမှုတွေ ရူးသွပ်မှုတွေနဲ့ ပညာသည်လို့ ယူဆရတဲ့ အမျိုးသမီးနဲ့ သူ့သမီးငယ်ရဲ့ ပြောင်မြောက်တဲ့ သရုပ်ဆောင်ချက်တွေက ကောင်းမွန်လှပါတယ်။ ပြူးပြူးပြဲပြဲခြောက်လှန့်မှုမျိုး မဟုတ်ဘဲ ကြည့်ရှုသူရဲ့ စိတ်ကို Edgy ဖြစ်နေအောင် တင်ဆက်ရိုက်ကူးနိုင်တာလို့ ပြောရမယ် ထင်ပါတယ်။ ခြုံငုံပြီး သုံးသပ်ရရင်တော့ ဘယ်လိုစစ်ပွဲမဆို အနိဌာရုံတွေ မြင်ရတာများတဲ့ အခါမှာ လူတွေရဲ့ စိတ်ဟာ ကုစားမရတဲ့ စိတ်ဒဏ်ရာတွေနဲ့အတူ ရှင်သန်မှု တစ်ခုတည်းအတွက် နောက်ဆုံးထွက်သက်အထိ ရုန်းကန်ကြိုးစားရတယ်ဆိုတဲ့ မက်ဆေ့ကို ပေးချင်တယ်လို့ပဲ မြင်ပါတယ်…။ File size… (587 MB) Quality… WEB-DL 1080p HEVC Format…mkv / mp4 Duration….1h 45m Genre ….. Drama , Horror , Thriller Subtitle….Myanmar Subtitle (Hard Sub) Encoder….Min Wai Translated by Aoi

Jack Frost (1998) IMDb Rating (5.5) ဟိုး… 1998 ခုနှစ်က ထွက်ရှိခဲ့တဲ့ Jack Frost ဆိုတဲ့ မိသားစုဒရာမာကားလေးအကြောင်း ပြောပြမယ်နော်။ ဒီဇာတ်ကားက နွေးထွေးတဲ့ မိသားစုအချစ်အကြောင်းနဲ့ ခရစ္စမတ်ရဲ့ မှော်ဆန်တဲ့ခံစားချက်ကို ရောစပ်ထားတဲ့ ကားလေးပါ။ နည်းနည်းတော့ ရင်ထဲထိမယ် ဒါပေမယ့် ရယ်လည်းရယ်ရတယ် ကလေးတွေရော လူကြီးတွေရော ကြည့်လို့အဆင်ပြေတဲ့ ဇာတ်လမ်းမျိုးပေါ့။ ဇာတ်လမ်းက ဂျက် ဖရော့စ် (မိုက်ကယ် ကီတန်) ဆိုတဲ့ ဂီတသမားတစ်ယောက်အကြောင်းပါ။ ဂျက်က သူ့ရဲ့ ဂီတအဖွဲ့နဲ့ နာမည်ကြီးဖို့ အမြဲအိပ်မက်မက်နေတဲ့သူ။ ဒါပေမယ့် သူ့ရဲ့ အိပ်မက်တွေနဲ့ တစ်ခါတလေ သူ့မိသားစုကို မေ့သွားတယ်။ သူ့မှာ ချစ်စရာဇနီးလေး ဂါဘီ နဲ့ သားလေး ချာလီ ရှိတယ်။ ဂျက်က ချာလီကို အရမ်းချစ်ပေမယ့် အလုပ်ကိစ္စတွေကြောင့် သားဖြစ်သူနဲ့ အချိန်မပေးနိုင်ဖြစ်နေတတ်တယ်။ ဒီလိုနဲ့ တစ်နေ့မှာ ကံဆိုးစွာနဲ့ ဂျက်တစ်ယောက် ကားမတော်တဆမှုဖြစ်ပြီး ဆုံးပါးသွားပါလေရော။ ဒါပေမယ့် ဇာတ်လမ်းက ဒီမှာမပြီးဘူးနော်။ တစ်နှစ်အကြာမှာ ခရစ္စမတ်ကာလမှာ မှော်ဆန်တဲ့အရာတစ်ခု ဖြစ်လာတယ်။ ချာလီက သူ့အဖေပေးခဲ့တဲ့ ဟာမိုနီကာလေးကို တီးလိုက်တဲ့အခါ ဂျက်ရဲ့ဝိညာဉ်ဟာ နှင်းလူသား (Snowman) တစ်ယောက်အဖြစ် ပြန်ပေါ်လာတယ်။ ဒီလိုနဲ့ ဂျက်တစ်ယောက် သူ့သားလေးနဲ့ အချိန်ပြန်ရဖို့ အခွင့်အရေးရလာတယ်။ ဒါပေမယ့် နှင်းလူသားဖြစ်နေတော့ သူလုပ်ချင်တာ လုပ်ဖို့ မလွယ်ဘူးလေ။ ဒီလိုနဲ့ ဂျက်နဲ့ ချာလီတို့ အတူတူ အချိန်ကုန်ဆုံးရင်း ဘဝရဲ့အဓိပ္ပာယ် မိသားစုရဲ့တန်ဖိုးကို နားလည်လာကြတယ်။ ဇာတ်လမ်းထဲမှာ ရယ်ရတဲ့အခန်းတွေလည်း အများကြီးပါတယ်။ ဂျက်က နှင်းလူသားဖြစ်နေတော့ လှုပ်ရှားလို့မလွယ်ဘူး အအေးဓာတ်လည်း လိုတယ် ဒါကြောင့် သူ့ရဲ့ ဟာသဆန်တဲ့အလွဲလွဲအချော်ချော်တွေက ကြည့်ရတာ တကယ်ကိုပျော်ဖို့ကောင်းတယ်။ ဥပမာ နှင်းလူသားဖြစ်နေတဲ့ဂျက်က ချာလီကို ဟော်ကီဆော့ဖို့ သင်ပေးတဲ့အခန်းဆို တကယ်ကိုချစ်စရာကောင်းတယ်။ ဒါပေမယ့် တစ်ချိန်တည်းမှာ ရင်ထဲထိတဲ့ အခန်းတွေလည်း ရှိတယ်။ ဂျက်က သူ့သားကို ဘယ်လောက်ချစ်ပြီး သူမရှိတုန်းက လစ်ဟာခဲ့တဲ့အချိန်တွေကို ပြန်ဖြည့်ဆည်းပေးချင်တဲ့ စိတ်က ကြည့်ရင်း မျက်ရည်လည်လာစေတယ်။ မိသားစုနဲ့အတူ ခရစ္စမတ်ကာလမှာ ကြည့်လို့ရမယ့် နွေးထွေးတဲ့ ကားလေးပါပဲ။ ကလေးတွေအတွက်လည်း နှင်းလူသားရဲ့ ဟာသတွေက အရမ်းပျော်ဖို့ကောင်းပြီး လူကြီးတွေအတွက်လည်း ဘဝမှာ တကယ်အရေးကြီးတဲ့အရာက ဘာလဲဆိုတာ ပြန်တွေးမိလာစေမှာပါ။ (အညွှန်းနဲ့ဘာသာပြန်ကတော့ Min Khant ဖြစ်ပါတယ်။) File size… (1.8 GB) / (870 MB) Quality…. WEB-Rip 1080p HEVC / 720p Format…. mkv/mp4 Genre…. Comedy, Drama, Family, Fantasy Duration…. 01:42:21 Subtitle…. Myanmar Subtitle (Hardsub) Encoder…. Benjamin Translated by Min Khant

Jim Jarmusch ရိုက်ကူးထားတဲ့ ၁၉၈၉ ခုနှစ်ထုတ် “Mystery Train” ရုပ်ရှင်ဟာ မန်ဖစ်မြို့ (Memphis) မှာ တစ်ညတာအတွင်း ဖြစ်ပျက်ခဲ့တဲ့ ထူးခြားဆန်းကြယ်တဲ့ ဇာတ်လမ်းသုံးပုဒ်ကို ဆက်စပ်တင်ဆက်ထားတဲ့ ရုပ်ရှင်တစ်ကား ဖြစ်ပါတယ်။ ရုပ်ရှင်ရဲ့ IMDb အဆင့်သတ်မှတ်ချက်ကတော့ ၆.၇/၁၀ ဖြစ်ပြီး ဒီရုပ်ရှင်မှာ နာမည်ကြီးသရုပ်ဆောင်တွေနဲ့ ထူးခြားတဲ့ မျက်နှာသစ်တွေ ပေါင်းစပ်ပါဝင်ထားပါတယ်။ အထင်ကရ သရုပ်ဆောင်အချို့ကတော့- Masatoshi Nagase (ဂျပန်အမျိုးသား Jun အဖြစ်)၊ Yûki Kudô (ဂျပန်အမျိုးသမီး Mitsuko အဖြစ်) ၊Screamin’ Jay Hawkins (ဟိုတယ်ညစောင့်အဖြစ်) – သူဟာ ထူးခြားတဲ့ ဘလူးစ်ဂီတပညာရှင်တစ်ဦးလည်း ဖြစ်ပါတယ်။ Nicoletta Braschi (အီတလီအမျိုးသမီး Luisa အဖြစ်)၊ Joe Strummer (Johnny အဖြစ်) – နာမည်ကျော် The Clash တီးဝိုင်းရဲ့ အဆိုတော်ဖြစ်ပါတယ်။ Steve Buscemi (Charlie အဖြစ်) – အင်ဒီရုပ်ရှင်များစွာမှာ ပါဝင်ခဲ့တဲ့ နာမည်ကြီးသရုပ်ဆောင်တစ်ဦး ဖြစ်ပါတယ်။ Tom Waits (ရေဒီယို DJ အသံအဖြစ်) – သူလည်း နာမည်ကျော် ဂီတပညာရှင်တစ်ဦးဖြစ်ပါတယ်။ ဇာတ်ကားတစ်လျှောက်လုံးမှာ Elvis Presley ရဲ့ အရိပ်အယောင် နဲ့ သူ့ရဲ့ ဂီတတွေက လွှမ်းမိုးနေပြီး မမ်ဖစ်မြို့ရဲ့ Rock & Roll သမိုင်းကို မီးမောင်းထိုးပြထားသည့်အတွက် Rock & Roll ဂီတ၊ ဘလူးစ်ဂီတနဲ့ Elvis Presley ကို ချစ်မြတ်နိုးသူတွေအတွက် အကြိုက်ဖြစ်စေမှာပါ။ ဇာတ်လမ်းအကျဉ်း ဂျပန်စုံတွဲလေး Jun နဲ့ Mitsuko ဟာ သူတို့ရဲ့ Idol ဖြစ်တဲ့ Elvis Presley နေတဲ့ မမ်ဖစ်မြို့ကို ရောက်လာခဲ့ကြတယ်။ ဟိုတယ်ဟောင်းလေးတစ်ခုမှာ အခန်းယူပြီး အိပ်စက်ဖို့ ပြင်ဆင်နေတုန်း သေနတ်သံတစ်ခုကို သူတို့ကြားလိုက်ရတယ်။ တစ်ချိန်တည်းမှာပဲ အီတလီကနေ ရောက်လာတဲ့ မုဆိုးမ Luisa ဟာ ခင်ပွန်းသည်ရဲ့ ရုပ်အလောင်းကို ပြန်သယ်ဖို့ စောင့်ဆိုင်းရင်း အဲဒီဟိုတယ်မှာပဲ တည်းခိုခဲ့ရတယ်။ ထိုစဉ်မှာပဲ Johnny ဆိုတဲ့ ဗြိတိသျှလူမျိုးတစ်ဦးဟာ သူ့ချစ်သူနဲ့ ပြတ်စဲပြီး အလုပ်ပါပြုတ်သွားလို့ အရက်သောက်ရင်း မူးယစ်နေတယ်။ သူ့ကို ဆံပင်ညှပ်သမား Charlie နဲ့ သူငယ်ချင်း Will တို့က ကူညီဖို့ ကြိုးစားနေပြီး သူတို့သုံးယောက်လည်း အဲဒီညမှာပဲ မမျှော်လင့်ဘဲ ပြဿနာတစ်ခုတက်ကာ ထိုဟိုတယ်မှာပဲ ခိုလှုံဖို့ ဖြစ်လာခဲ့ကြတယ်။ တိုက်တိုက်ဆိုင်ဆိုင် Johnny ရဲ့ချစ်သူဟာလည်း Luisa နဲ့ဟိုတယ်တစ်ခန်းထဲမှာ အကြောင်းကြောင်းကြောင့် အတူနေနေခဲ့ရပါတယ်။ မန်ဖစ်မြို့ရဲ့ ညဟာ တိတ်ဆိတ်ပေမယ့် ဒီလူစိမ်းသုံးဖွဲ့ရဲ့ ဘဝတွေကတော့ ဟိုတယ်ရဲ့ နံရံတွေကြားမှာ မသိမသာ ဆက်စပ်နေခဲ့ကြတယ်။ သူတို့အားလုံးဟာ မတူညီတဲ့ ဘဝ၊ မတူညီတဲ့ မျှော်လင့်ချက်တွေနဲ့ ဒီမြို့ကို ရောက်လာခဲ့ကြတာပါ။ ဒါပေမယ့် မန်ဖစ်ရဲ့ ညဟာ သူတို့အတွက် ဘယ်လို အမှတ်တရတွေ ပေးစွမ်းမလဲဆိုတာကို ဇာတ်ကားလေးကြည့်ရင်း လျှို့ဝှက်ဆန်းကြယ်မှုတွေကို ဖော်ထုတ်သွားကြရအောင်။ File size… 3.31 GB / 875 MB Quality… BluRay 1080p / 720p Format… mp4 Audio… AAC Duration…. 1h 50m Genre ….. Comedy/Crime/Drama Subtitle…. Myanmar Subtitle (Hard Sub) Encoder…. Thit San Khant Translated… by WiRa Aung

Coming-of-age Drama တွေထဲမှာမှ အသက်အရွယ်တစ်ခုကို ဖြတ်သန်းကျော်ဖြတ်ရပုံတွေကို တင်ဆက်တဲ့နေရာမှာ အခက်အခဲတွေ၊ ပတ်ဝန်းကျင်အပြောင်းအလဲတွေ အပြင် စ/လယ်/ဆုံး ဝမ်းနည်းဆွတ်ပျံ့ဖွယ်ကောင်းတဲ့ ခံစားချက်တွေကို ပေးစွမ်းနိုင်မယ့် ဇာတ်လမ်းလေးတစ်ပုဒ်ကို တင်ဆက်ပေးချင်ပါတယ်။ တစ်ခါက ပြည်နယ်တစ်ခုလုံးကို ချုပ်ကိုင်ထားနိုင်တဲ့ ဖိုလီမိသားစုဟာ ဟန့်ခ်ဖိုလီ ရဲ့ လက်ထက်မှာစတင် ဆုတ်ယုတ်လာခဲ့ပါတယ်။ သမီးဖြစ်သူ မာရီရဲ့ လင်ကောင်မပေါ်တဲ့ကလေးဖြစ်သူ ဂျိုအန်းလေးကို အဘိုးဖြစ်သူကိုယ်တိုင်က မွေးကင်းစကတည်းက စွန့်ပစ်ဖို့ကြိုးစားခဲ့ပါတယ်။ ဟန့်ခ်ဖိုလီရဲ့ ရက်စက်ယုတ်မာမှုကို ကံကြမ္မာကိုယ်တိုင်က လက်ပိုက်ကြည့်မနေနိုင်ခဲ့ဘဲ မိခင်ဖြစ်သူ မာရီရဲ့ ရင်ခွင်ထဲ ပြန်ရောက်အောင် ပို့ဆောင်ပေးခဲ့ပါတယ်။ ဂျိုအန်းရဲ့ကလေးဘဝမှာ မိခင်ဖြစ်သူရဲ့ မေတ္တာကိုလည်း အပြည့်အဝမရ အဘိုးရဲ့ ကြင်နာမှုကိုလည်း အရိပ်အယောင်တောင် မမြင်ခဲ့ရဘဲ ကျောင်းစတက်မယ့်အရွယ်ထိ ကြီးပြင်းလာခဲ့ရပါတယ်။ ပညာရေးကို အလေးအနက်မထားတဲ့ အုပ်ထိန်းသူတွေကြားမှာ ကြီးပြင်းခဲ့တာကြောင့် ဂျိုအန်းကလေးဟာ ရွယ်တူကျောင်းသားတွေအလယ်မှာ လှောင်ပြောင်စရာတစ်ခုအနေနဲ့ နိမ့်ပါးနေခဲ့ပါတယ်။ သူနဲ့ အသက်ရွယ်တူဖြစ်ပေမယ့်ဦးလေးတော်စပ်နေသူ ဘော်ဘီနဲ့လည်း တစ်ကျောင်းတည်းတက်ရပေမယ့် အဘိုးရဲ့မျက်နှာသာပေးမှုကိုတော့ ဘော်ဘီလောက် မရရှိခဲ့ပါဘူး။ ကျောင်းကနေထွက်ပြေးလာတဲ့ အပြန်လမ်းမှာ မြင်းလှည်းမောင်းနှင်လာသူ လူမည်းအဘိုးအို တူးတောလ် နဲ့ တွေ့ဆုံခဲ့ပါတယ်။ အဘိုးဖြစ်သူရဲ့စရိုက်တွေ ငယ်စဉ်ကတည်းက ရိုက်သွင်းခံခဲ့ရတဲ့ ဘော်ဘီက တူးတောလ်ကို ခွဲခြားဆက်ဆံခဲ့ပေမယ့် ဂျိုအန်းကတော့ မြင်းလှည်းလေးပေါ်ကနေ တူးတောလ် နဲ့ ဟန်နီတို့ရဲ့အိမ်ဂေဟာထိအောင် လိုက်ပါသွားခဲ့တယ်။ နောက်ဆုံးမှာတော့ ချစ်ခြင်းမေတ္တာဆိုတာက မထင်မှတ်ထားဆုံးနေရာမှာမှ ရှာဖွေတွေ့ရှိတတ်ကြတဲ့ ရတနာတစ်ပါး ဖြစ်နေတတ်တာမျိုးပဲမို့… ဟန်နီနဲ့တူးတောလ်တို့ရဲ့အိမ်လေးကို သွားရာလမ်းလေးက မေတ္တာချို့တဲ့နေရှာသူ ဂျိုအန်းအတွက် သူ့ကိုယ်ပိုင်စိတ်ကူးယဉ်ကမ္ဘာလေးဆီကို ရောက်နိုင်မယ့် လမ်းကြောင်းလေးဖြစ်လာပါတော့တယ်။ File size… 1.91 GB / 1 GB Quality… BluRay 1080p / 720p Format… mp4 Duration…. 2h Genre ….. Biography / Drama Subtitle…. Myanmar Subtitle (Hard Sub) Encoder…. Thit San Khant Translated… by Sai Sumali