IMDb...7.5,,,,Rt...73 Robert De Niro ,Kevin Bacon  နဲ့ Brad Pitt တို့ အဓိကပါဝင်ထားတယ်.. စာရေးဆရာ Lorenzo Carcaterraရဲ့ best sellerဖြစ်ခဲ့တဲ့ ဒီဇာတ်ကားဟာ စာအုပ်အဖြစ်ထုတ်ဝေတုန်းမှာ ဝေဖန်သူတွေ၊ သတင်းရေးသူတွေကြားမှာ ဝေဖန်မှုတွေနဲ့ အငြင်းပွားဖွယ်ဖြစ်ခဲ့သလို ရုပ်ရှင်အဖြစ်ရိုက်ကူပြီးနောက်မှာလည်း အတော်လေးဂယက်ရိုက်ခဲ့ပါတယ်။ အကြောင်းရင်းကတော့ ရုပ်ရှင်ထဲမှာပါတဲ့ အကြောင်းအရာတွေဟာ နယူးယော့မြို့တော်အတွက် မေးခွန်းထုတ်စရာ ဖြစ်နေလို့ပါပဲ။ စာဖတ်သူတွေအနေနဲ့ ဒီဝတ္ထုဟာ အဖြစ်မှန်ဟုတ်သလား မဟုတ်ဘူးလားဆိုတဲ့အကြောင်းကို သို့လောသို့လောဖြစ်ရာမှာ ဝတ္ထုရေးဆရာ Lorenzo Carcaterraကတော့ အဖြစ်မှန်ဖြစ်ကြောင်း တစ်ခါအတည်ပြုဖူးပါတယ်။ ဒါပေမယ့် သက်ဆိုင်ရာနေရာတွေကတော့ ဒီလိုအဖြစ်အပျက်မျိုးမရှိဖူးကြောင်း ငြင်းချက်ထုတ်တာပေါ့။ တစ်ခုသတိပေးချင်တာကတော့ ကလေးသူငယ်နှိပ်စက်မှုတွေပါဝင်လို့ စိတ်ခိုင်မှ ဒီကားကို ကြည့်စေချင်ပါတယ်။ နယူးယော့မြို့ ရွှေ့ပြောင်းလုပ်သားတွေနေထိုင်ကြတဲ့ Hell's Kitchenဆိုတဲ့ ဆင်းရဲသားရပ်ကွက်လေးမှာ သူငယ်ချင်းလေးယောက်ဟာ တခြားကလေးတွေလိုပဲ ရပ်ကွက်ထဲ ဆော့ကစားလိုက် ဘုရားကျောင်းတက်လိုက်နဲ့ပေါ့။ အားရင်အားသလို ဘုရားကျောင်းမှာ ဘုန်းတော်ကြီးအကူအဖြစ် ဝင်လုပ်လေ့ရှိသလို ပိုက်ဆံရရင်ရသလိုလည်း နာရေး‌တွေမှာ ဝင်ကူလေ့ရှိပါတယ်။ ဆင်းရဲကြပေမယ့် ရှိတာလေးနဲ့ ရောင့်ရဲစွာ ပျော်ပျော်ရွှင်ရွှင်နေတတ်ကြတဲ့ ကလေးတွေပေါ့။ သူတို့သူငယ်ချင်းတွေကြားမှာ နောက်ပြောင်ကျီစယ်ခြင်းကိုလည်း အလှည့်ကျလုပ်လေ့ရှိပါတယ်။ တစ်ခါမှာတော့ သူငယ်ချင်းအဖွဲ့လိုက် လုပ်လိုက်တဲ့ ကျီစယ်မှုဟာ မရည်ရွယ်ထားဘဲနဲ့ လူတစ်ယောက် ပြင်းပြင်းထန်ထန်ဒဏ်ရာရသွားတဲ့အတွက် လူငယ်ထိန်းသိမ်းရေးစခန်းကို ‌လေးယောက်လုံး အပို့ခံလိုက်ရပါတယ်။ အဲဒီထိန်းသိမ်းရေးစခန်းမှာပဲ အစောင့်တွေရဲ့ ညှင်းပန်းနှိပ်စက်မှုတွေ၊ လိင်အမြတ်ထုတ်မှုတွေကြောင့် စိတ်ရောကိုယ်ပါ ဒဏ်ရာအသီးသီး။ နောက်ပြောင်မှုတစ်ခုကြောင့် ပြန်ရလိုက်တဲ့အဖိုးအခကတော့ တစ်ဘဝလုံးစာစိတ်ဒဏ်ရာတွေ။ အားလုံးဟာ ဒီနေ့အထိ ညအိပ်ရင်တောင် မီးပိတ်ပြီး မအိပ်ရဲတဲ့အထိပါပဲ။ နောက်၁၃နှစ်ကြာတဲ့အချိန်မှာတော့ လက်စားချေဖို့ အခွင့်အရေး ပြန်ရလာတဲ့အခါမှာတော့.. ဇာတ်လမ်းအညွှန်းနဲ့ ဘာသာပြန်သူကတော့ Jane ပဲဖြစ်ပါတယ်.. File Size : (2.39GB)(866MB) and (246MB) Quality : Blu-Ray1080P5.1Ch, 720p Format…mp4 Duration…02:27:00 Genre : Crime ,Drama , Thriller Subtitle : Myanmar Subtitle (Hard Sub) Translated by Jane Encoded by Phyo Pyae

ကိုဓါတ်ဘူးရဲ့ ဒီ​နေ့ထွက် Neflix ဇတ်ကားသစ်​လေးကို တင်ဆက်​ပေးလိုက်ပါပြီ။ The Adam's Project လို့အမည်ရတဲ့ ဒီကားဟာ Sci-fic / Adventrue genreဖြစ်ပြီး ကနဦး IMDb 8.7, RottenTomatoes 70%နဲ့ Metacritic 56% ရရှိထားပါတယ်။ Cast ​တွေက​တော့ Marvel ဇာတ်​ကောင်​တွေကိုပဲ ​ရွေး​ခေါ်ထားသလားမှတ်ရ​အောင်ပဲ Ryan Reynolds (Deadpool), Mark Ruffalo (Hulk), Zoe Saldaña (Gamora)နဲ့ Jennifer Garner (Elektra)တို့ ပါဝင်အားဖြည့်ထားပါတယ်။ အနာဂတ်ကာလက Adam Reed ဟာ အတိတ်ကာလ 2018 ကို မစ်ရှင်တစ်ခုအတွက် ပြန်လာဖို့ကြိုးစားရင်း ဒဏ်ရာအပြင်းအထန်ရကာ 2022ခုနှစ်ကို အချိန်မှားပြီး ခုန်ကူးလိုက်ပါတယ်။ 2022 မှာ သူ့ရဲ့အတိတ်က Adam Reed နဲ့ ပြန်ဆုံခဲ့ပါတယ်။ အနာဂတ် Adam တစ်​ယောက် အတိတ်Adam နဲ့တူတူ မူရင်းမစ်ရှင်ဖြစ်တဲ့ 2018 ကို ပြန်သွားဖို့ကြိုးစားရင်း ကြုံ​တွေ့ရမယ့် စွန့်စားခန်း​တွေနဲ့ အလွဲအ​ချော်​တွေကို ကြည့်ရှုရမှာပါ။ တစ်ခုထူးခြားတာက ဒီကားမှာ ပါဝင်ထားတဲ့ Ryan Reynolds ရဲ့ ဇာတ်​ကောင်က သူ့ရဲ့မူရင်းစတိုင်နဲ့ ကွဲထွက်ပြီး ​ပိုပြီး​လေးနက်တဲ့၊ ရင့်ကျက်တဲ့ Ryan Reynoldsပုံစံဖြစ်​နေတာပါ။ သူ့ရဲ့မူရင်းပုံစံ ရွှတ်​နောက်​နောက်၊ ပြောင်​ချော်ချော်၊ ပါးစပ်စည်းမ​စောင့်တဲ့ လူငယ်ပုံစံကို Girl in the Basement နဲ့ Thunder Force ထဲက က​လေးသရုပ်​ဆောင် Braxton Bjerkenက အ​ကောင်းဆုံး သရုပ်​ဆောင် ထားပါတယ်။ ဘယ်​တော့မှ မျက်နှာပိုးမ​သေတဲ့ Ryan ကြီးက သူ့ရဲ့အချိုးမ​ပြေတဲ့ ငယ်ဘဝကို ပြန်ထိန်း​နေတာကို ကြည့်ရတာ တစ်မျိုးကြည့်​ကောင်းသလို သူ့ရဲ့သရုပ်​​ဆောင်စွမ်းရည် မ​ခေ​ကြောင်း ပြသထားတဲ့ ဇာတ်ကားပါပဲ အညွှန်းကိုတော့ JimX က ဘာသာပြန်ပေးထားပြီးတော့ ဘာသာပြန်ထားတာကတော့ JimX, Thiha Yan Naing, Leonard Lin, Yoon Sandi Aunv တို့ပဲ ဖြစ်ပါတယ်။ Genre.....Action, Adventure, Comedy Quality….WEB-DL 1080p and 720p and 480p File size…1.49GB and 764MBand 283MB Format…mp4 Duration….1h 56min Subtitle….Myanmar Subtitle (Hardsub) Translator ..... JimX, Thiha Yan Naing, Leonard Lin, Yoon Sandi Aung Encoder .....August

လင်ချွမ်ဟာကားပြိုင်သမားတစ်ယောက်ဖြစ်ပြီး ပြိုင်ဘက်ဖြစ်တဲ့လျန်ဇီကိုတိတ်တခိုးသဘောကျနေသူပါ။ သူဟာပြိုင်ပွဲတစ်ခုမှာလျန်ဇီနောက်လိုက်ရင်းနဲ့ သဲကန္တာရထဲကိုရောက်ရှိလာခဲ့ပါတယ်။ သူတို့စခန်းချနားတဲ့နေရာကိုညနက်မှာ သတ္တဝါကြီးတစ်ကောင်ရဲ့ တိုက်ခိုက်ခံရပြီး လင်ချွမ်တို့အဖွဲ့ဟာမနည်းအသက်လုပြေးလာကြရပါတယ်။ ဒါပေမဲ့ လျန်ဇီကတော့ဘယ်ရောက်သွားမှန်းမသိပါဘူး။ လျန်ဇီကိုရှာဖို့ခရီးဆက်လာရင်းနဲ့စွန့်ပစ်စက်ရုံတစ်ခုနားရောက်လာခဲ့ပါတယ်။ အဲ့ဒီစက်ရုံပျက်နားမှာ ရှားပါးတွင်းထွက်ပစ္စည်းတွေကို တူးယူချင်တဲ့စီးပွားရေးသမား စုန်းကွမ်တို့အုပ်စုလည်းရှိနေပါတယ်။ သူတို့နှစ်အုပ်စုဟာ ညအချိန်ရောက်လာတဲ့အခါမှာတော့ သေလောက်ဖွယ်ရာ ကြောက်မက်ဖွယ်မြွေဆိုးကြီးနဲ့ရင်ဆိုင်ရပါတော့တယ်။ ​မြွေဆိုးအန္တရာယ်ကြောင့် စက်ရုံထဲပိတ်မိနေကြတဲ့အခါ ၊ ဝေးလံခေါင်ဖျားတဲ့လူသူမဲ့စွန့်ပစ်နေရာမှာရောက်နေကြတဲ့သူတို့ မြွေအန္တရာယ်ကိုဘယ်လိုရင်ဆိုင်ပြီးရှင်သန်ဖို့ကြိုးစားကြမလဲ။ လွတ်မြောက်ဖို့ ဘယ်လိုရင်ဆိုင်တိုက်ခိုက်ကြမလဲဆိုတာကို ကြည့်ရှုလိုက်ကြရအောင်။ [ Reviewed By Yin Wai Phyo ] Quality : WEB-DL 1080p , 480p Format : mp4 Genres : Action , Adventure , Fantasy Runtime : 1h 20 min Subtitle : Myanmar Subtitle ( Hardsub ) Translated by CM Team Encoded by LK

Matilda (1996) Child Novel​တွေ ​ရေးသားထုတ်​ဝေတဲ့ Roald Dahlဆိုတာ ဘယ်သူမှန်း မရင်းနှီးရင်​တောင် Charlie and the Chocolate Factory, The BFG တို့ကို​တော့ လူတိုင်းသိမှာပါ။ ၂၀ရာစုရဲ့ အကြီးကျယ်ဆုံး က​လေးစာ​ပေ ဖန်တီးသူအဖြစ် လူသိများတဲ့ Roald Dahlရဲ့ ဝတ္ထု​တွေကို ရုပ်ရှင်အဖြစ် ပြန်ပြီးအသက်သွင်းရာမှာလည်း ​​အောင်မြင်မှုအတိုင်းအတာတစ်ခုထိ ရရှိ ခဲ့ပါတယ်။ Matildaဆိုတာလည်း အနုပညာပိုင်းမှာ ​အောင်မြင်ခဲ့တဲ့ Live action ဇာတ်ကားတစ်ခုပဲ ဖြစ်ပါတယ်။ IMDbအ​နေနဲ့ 6.9၊ RTမှာ 91% ရရှိထားပါတယ် မတေးဒါက ​မွေးကင်းစကတည်းက မိဘကံမ​​ကောင်းခဲ့သူလို့ ဆိုရမှာပါ။ ဖခင်က တစ်ပတ်ရစ်ကား​တွေ ဂျင်းထည့်ပြီး​​ရောင်းတဲ့ လူလိမ်၊ အ​​မေက အရပ်တကာပတ် ဘင်ဂိုပတ်​ဆော့​နေသူဖြစ်ပြီး ကိုယ့်​ရဲ့သွေးသားရင်းကို ချစ်တဲ့ပုံများ​ကတော့ က​လေး​မွေးပြီး ​ဆေးရုံ​ဆင်းလာတာ အိမ်​ရောက်တဲ့ အချိန် သမီးဖြစ်သူမွေးကင်းစက ကား​နောက်ခန်းထဲမှာကျန်ခဲ့မှန်း​တောင် သတိမရတဲ့ ဂန္တဝင်​ဖေ​ဖေ၊​ ကောင်းကင်​မေ​​​မေ​တွေ​​​ပေါ့။ မိဘ​တို့ပြုအပ်တဲ့ ဝတ္တရား​ကို ကျေပွန်ပုံကလည်း သမီးအသက်ကို ၄နှစ်နဲ့ ၆နှစ်ခွဲ မသဲကွဲလို့ ​ကျောင်းတက်ချင်တာ​တောင် ​ကျောင်းမအပ်​ပေးကြသူ​တွေ​ပေါ့။ မိဘ​တွေရဲ့​​​ကောင်းသတင်းက ​ပြောမဆုံး​​အောင်ရှိ​ပေမယ့် မတေးဒါ​လေးက ​​ခေသူမဟုတ်ပါ၊ အသက်၂နှစ်ကတည်းက ဘယ်သူမှမသင်ဘဲ စာ​ရေးတတ် ဖတ်တတ်​နေသလို အသက်၄နှစ်မှာ မိဘ​တွေမသိ​​အောင် စာကြည့်တိုက်ကို ခိုးသွားပြီး က​လေးစာအုပ်​တွေသာမက သုတရသစာအုပ်​တွေပါ ထုံးလို​မွှေ ​ရေလို​နှောက် ဖတ်နိုင်တဲ့ ​တောက်မည့်မီးခဲ တရဲရဲ​လေး​ပေါ့ ။ ဉာဏ်ကြီးရှင် ဖြစ်သလို ဟာသဉာဏ်ကလည်း ရွှင်​လေ​တော့ သူ့ကိုစိတ်ဒုက္ခမျိုးစုံ​ပေးတဲ့ မိဘ​တွေကိုပါ မထင်ရင် မထင်သလို trollတတ်ပါ​သေးတယ်။ ဒီလိုပါရမီရှင်​လေးကို ထိန်းမနိုင်​တဲ့အဆုံး ​ကျေးဇူးရှင်​ဖေ​ဖေနဲ့ ​မေ​မေခမျာ မတေးဒါကို ​ငါ့လက်ကလွတ် ကျွတ်ဆိုပြီး ​ကျောင်းထား​ပေးလိုက်ပါတယ်။ ​မွေးလာကတည်းက ​ဆရာကြီး​တွေနဲ့​တွေ့လာတဲ့ မတေးဒါ​ဟာ ​​ကျောင်းမှပဲ ဆရာ့ဆရာကြီးနဲ့ သွား​တွေ့ပါ​တော့တယ်။ အ​ပေါက်ကဆိုး အ​ပြောကကြမ်း လက်သံက​ပြောင်၊ အိုလံပစ် သံလုံးပစ် လှံတံပစ် ပြိုင်ပွဲဝင်​ဟောင်းဖြစ်တဲ့ ​ကျောင်းအုပ်ကြီး မစ်ထရန့်ချ်ဘူးက မတေးဒါ​လေးကို ​ဆီးကြို​နေတာပါ။ ကျောင်းအုပ်ကြီးလက်​အောက်မှာပဲ မစ်ဟန်နီဆိုတဲ့ သ​ဘောမ​နော​ကောင်း စိတ်သ​ဘောထားဖြူစင်တဲ့ ဆရာမ​​လေးတစ်​ယောက်လည်း ရှိ​နေပါတယ်။ မတေးဒါ​က ဆရာမ​လေးကို ခင်တွယ်သလို ဆရာမကလည်း မတေးဒါကို အရမ်းချစ်ပါတယ်။ ဒါ​ပေမဲ့ဆရာမ​လေးမှာ ​ကျောင်းအုပ်မစ်ထရန့်ချ်ဘူးနဲ့ ဆိုးရွားတဲ့ အတိတ်ဇာတ်​ကြောင်း​တွေ ရှိ​​နေတာ​​ကြောင့် မတေးဒါ​လေးဟာ သူချစ်တဲ့ဆရာမ​လေးကို ကူညီဖို့ ​ကျောင်းအုပ်ကြီးနဲ့ ထိပ်တိုက်ရင်ဆိုင်ဖို့ ကြိုးစားပါ​တော့တယ်။ အညွှန်း နဲ့ ဘာသာပြန်ကတော့ JimX ပဲ ဖြစ်ပါတယ်။ Genre….. Comedy, Family, Fantasy Quality…. 1080p | 720p | 480p File size… 1.7GB | 893MB | 280MB Format… mp4 Duration…. 1h 42min Subtitle…. Myanmar Subtitle (Hardsub) Translator ….. JimX Encoder ….. August

Indian Predator: The Butcher of Delhi (2022) ========================================= ဒီနေ့မှာတော့ Netflix က ထွက်ရှိထားတဲ့ အိန္ဒိယရဲ့ဖြစ်ရပ်မှန် “ကွင်းဆက်လူသတ်မှု မှတ်တမ်းရုပ်ရှင်စီးရီး” ကိုတင်ဆက်ပေးလိုက်ပါတယ်။ အပိုင်းစုစုပေါင်း ၃ပိုင်းပါရှိပြီး တစ်ချိန်ကအိန္ဒိယရဲ့လူတိုင်းထိတ်လန့်ခဲ့ရတဲ့နာမည်ကြီးကွင်းဆက်လူသတ်မှုကြီးဖြစ်ခဲ့တာမို့ ဖြစ်ရပ်မှန်မှတ်တမ်းရုပ်ရှင်တွေကို ကြိုက်နှစ်သက်သူတွေအဖို့ကတော့ အသည်းတအေးအးနဲ့ကြည့်လို့ကောင်းမှာ အသေအချာပါပဲ။ “Chandrakant Jha” .. ဆရာမဖြစ်သူမိခင်နဲ့ ဆည်မြောင်းဦးစီးဌာနမှာအလုပ်လုပ်ကိုင်သူဖခင်တို့ရဲ့သား .. မွေးချင်းညီအစ်ကို ၆ယောက်ရှိတဲ့ထဲကမှ တတိယမြောက်သား။ ကလေးကိုမွေးရုံပဲမွေးထုတ်ပေးခဲ့ပြီး မချစ်ပေးတတ်တဲ့မိဘတွေကြားကြီးပြင်းခဲ့ရသူမို့ ငယ်စဉ်ကတည်းကမိဘမေတ္တာငတ်ခဲ့ပြီး မိသားစုနွေးထွေးမှုကိုမခံစားခဲ့ရတဲ့ Chandrakant တစ်ယောက် အရွယ်ရောက်လာတဲ့အခါ ကိုယ့်ဝမ်းကိုယ်ကျောင်းဖို့ နေထိုင်ရာ Ghosai ရွာလေးကနေ Delhi ကိုပြောင်းလာခဲ့တယ်။ Chandrakant အပေါ် Delhi ရဲ့ကြိုဆိုမှုက မလှပခဲ့ပါဘူး။ ခရီးရောက်မဆိုက်ပဲ မြို့ခံလူဆိုးဂိုဏ်းအဖွဲ့ဝင်နဲ့ထိပ်တိုက်ရင်ဆိုင်မိပြီး ဓားထိုးခံခဲ့ရပါတော့တယ်။ ဗိုက်တစ်ခုလုံးပွင့်ထွက်သွားပြီး ကလီစာတွေပါထွက်ကုန်ပေမယ့် အသိမိတ်ဆွေမရှိတဲ့ Chandrakant တစ်ယောက် ပွင့်နေတဲ့ဗိုက်ကိုပဝါနဲ့ပတ် ကိုယ့်အားကိုယ်ကိုးပြီးဆေးရုံကိုသွားခဲ့ရတယ်။ ဒီအဖြစ်ကပဲ Chandrakant ရဲ့အမုန်းတရား အာဃာတတွေနဲ့ ကလဲ့စားဆိုတဲ့အရာကို အစပျိုးပေးခဲ့ပြီး Chandrakant ကိုယ်တွင်းကနတ်ဆိုးကို လှုပ်နှိုးပေးလိုက်ပါတော့တယ်။ “မြေနိမ့်ရာ လှံစိုက်” ဆိုသလိုပဲ နိမ့်ပါးတဲ့သူကိုမှ ပိုအားထည့်နင်းနေကြတဲ့လူတွေ .. အထူးဖြင့်ရာထူး၊ အာဏာကိုအလွဲသုံးစားလုပ်ပြီ း နွမ်းပါးသူတွေကိုခေါင်းပုံဖြတ်နေကျဖြစ်တဲ့ အစိုးရအမှုထမ်း “ရဲ” တွေရဲ့ကောက်ကျစ်ယုတ်မာမှုတွေက Chandrakant ကို “ဒေလီရဲ့ သားသတ်သမားကြီး” အဖြစ်ရောက်သွားစေခဲ့တယ်။ မိမိအပေါ်အပြစ်ကျူးလွန်သူတွေကို ဘယ်သူကမှအရေးမယူတဲ့နောက် အဲဒီလူတွေကို ကိုယ်တိုင်ဒဏ်ခတ်ပါတယ်ဆိုတဲ့ခံယူချက်နဲ့ “၁၉၉၈ ခုနှစ်ကနေ ၂၀၀၇ ခုနှစ်အထိ ၉နှစ်တာအတွင်းမှာ လူသတ်မှုပေါင်း ၈ခု” ကျူးလွန်ခဲ့ပါတော့တယ်။ ကျူးလွန်ခဲ့သမျှအမှုတိုင်းမှာလည်း အလောင်းတွေကိုပုံမှန်အတိုင်းမစွန့်ပစ်ဘဲ အပိုင်းပိုင်းခုတ်ထစ်ပြီး |Delhi မြို့တွင်းကနေရာတွေမှာ ခြေတစ်နေရာ၊ လက်တစ်နေရာ၊ ခေါင်းတစ်နေရာ နေရာပေါင်းစုံမှာတစ်စစီ စိမ်ပြေနပြေလိုက်ပစ်ထား .. နောက်ဆုံးဘယ်သူဘယ်ဝါမှန်းမသိနိုင်တော့တဲ့ ခန္ဓာကိုယ်အပြတ်ကြီးကိုတော့ သူနဲ့ရေစက်ဆိုးရှိခဲ့ဖူးတဲ့ Tihar ထောင်ရှေ့မှာသွားပစ်ထားတတ်ပြီး ရဲတွေကိုဖုန်းဆက်ပြီး “ငါအလောင်းတစ်လောင်းထားခဲ့တယ် မင်းတို့ရဲတွေဖမ်းနိုင်ရင်ငါ့ကိုလာဖမ်းကြ ငါစောင့်နေမယ်” လို့လည်းစိန်ခေါ်တတ်ပါသေးတယ်။ ကိုယ့်ခွန်ကိုယ်အားနဲ့ ရိုးရိုးသားသားရှာဖွေလုပ်ကိုင်စားသောက်နေတဲ့ သာမန်လူတစ်ယောက်ကို ဘယ်လိုအရာတွေကများ ဒီလိုရက်စက်ကြမ်းကြုတ်တဲ့ စိတ္တဇလူသတ်သမားအဖြစ်ကိုရောက်သွားစေခဲ့တာလဲ .. တာဝန်ရှိသူတွေကရော သက်သေတွေကိုဘယ်လိုရှာပြီး အရေးယူနိုင်သွားခဲ့တာလဲ .. စတာတွေကို စိတ်ဝင်စားဖွယ်ကြည့်ရှုနိုင်မှာပဲဖြစ်ပါတယ်။ File Size – 650MB / 300MB Quality – 1080p NF WEB DL / 720p Total Episodes: 3Eps Subtitle – Myanmar Hardsub Format – Mp4 Genre : Documentary ~ Crime ~ Drama Translator – Lai Laii ~ Sora ~ Yunni Encoder – YK

In the wake (2021) “Ruroni Kenshin”ထဲက Kenshin တစ်ဖြစ်လဲ Tendo Senseiလို့သိကြတဲ့ မင်းသားSatou Takeru,မင်းသားကြီး Abe Hiroshi,”The door into summer” “My tomorrow,your yesterday”ထဲက မင်းသမီးလေး Kirohaya Kayaနဲ့အတူ နာမည်ရ supportတွေပါဝင်တဲ့ 2021ထွက် ဂျပန် မှုခင်း ဒရာမာရုပ်ရှင်ကိုတင်ဆက်ပေးလိုက်ပါတယ်။ ၂၀၁၁ ငလျင်နဲ့ ဆူနာမီဖြစ်တဲ့အချိန်မှာ လူပေါင်းများစွာ ဘေးလွတ်ရာသို့ရွှေ့ပြောင်းခဲ့ရပြီး သေကြေပျက်စီးမှုတွေကလည်း များပြားခဲ့ပါတယ်။ ဒီအချိန်မှာ ဂျပန်အစိုးရကပေးတ​ဲ့ လူမှုဖူလုံရေးထောက်ပံ့ငွေကို ရမှရှင်သန်နိုင်မဲ့သူတွေလည်း အများကြီးရှိလာခဲ့ပါတယ်။ ငလျင်ဒုက္ခသည်ထဲမှာ တိုနဲ ရဆုဟိဆဆိုတဲ့လူငယ်၊ခေး တိုရှိမဆိုတဲ့ အဖွားနဲ့ ကန်ချန်လို့ခေါ်တဲ့ ကလေးမလေးလည်းပါခဲ့ပါတယ်။ တစ်ကောင်ကြွက်တွေဖြစ်ကျန်ခဲ့တဲ့သူတို့၃ယောက်က ကယ်ဆယ်ရေးစခန်းတစ်ခုတည်းမှာ နေရင်း မိသားစုအသစ်တစ်ခုလို သံယောဇဉ်တွယ်လာခဲ့ကြပါတယ်။ ဒါပေမဲ့ကိစ္စများစွာဖြစ်ပျက်ပြီးနောက် ၉နှစ်အကြာမှာတော့ တိုနဲက ထောင်ကနေလွတ်လာခဲ့ပါတယ်။ အဖွား ခေးတိုရှိမကတော့ သေဆုံးသွားခဲ့ပြီး ကန်ချန်ကတော့ အစိုးရဝန်ထမ်းတစ်ယောက်ဖြစ်နေခဲ့ပါပြီ။ အဲဒီအချိန် ဝါကဘရပ်ကွက်မ​ှာ လူသတ်မှုတစ်ခုပေါ်ပေါက်လာခဲ့ပါတယ်။ လူမှုဖူလုံရေးအရာရှိ မိခုမိုကို တိုက်ခန်းတစ်ခုထဲမှာ ကြိုးတုပ်ပြီးသတ်ခံထားရတာပါ။ ပြင်ပဒဏ်ရာမရှိဘဲ တစ်ပတ်ကျော်ကြာအောင် ပစ်ထားခံရလို့ အစာငတ်ပြီးသေဆုံးသွားခဲ့တာပါ။ ရဲတွေလည်း အခင်းဖြစ်နေရာနဲ့ မိခုမိုအလုပ်ဖြစ်တဲ့ လူမှုဖူလုံရေးရုံးမှာ စစ်ဆေးကြပါတယ်။ ဒါပေမဲ့မကြာခင်မ​ှာ သေဆုံးပုံချင်း ဆင်တူတဲ့လူသတ်မှုတစ်ခုထပ်ပေါ်လာခဲ့ပါတယ်။ ဂျောနိုအိချိဆိုတဲ့ ဒုဥက္ကဌကို လူသူကင်းတဲ့နေရာမှာပစ်ထားပြီး အစာငတ်သေစေခဲ့တာပါ။ ဒီလိုအငြိုးနဲ့လူသတ်မှုတွေရဲ့နောက်ကွယ်မှာ ဘယ်လိုအကြောင်းတရားတွေကရှိနေပြီး ဘယ်သူကျူးလွန်နေတာလဲဆိုတာကို ဆက်စပ်ဖော်ထုတ်သွားတဲ့ မှုခင်းဒရာမာဇာတ်ကားဖြစ်ပါတယ်။survival guiltလို့ခေါ်တဲ့ အဖြစ်ဆိုးနဲ့ကြုံပြီး ရှင်ကျန်ရစ်ခဲ့သူတွေမှာခံစားရတဲ့ အပြစ်မကင်းဖြစ်တဲ့စိတ်ကိုလည်း အသားပေးရိုက်ကူးထားပါတယ်။ ( ဘာသာပြန်ပြီး အညွှန်းရေးသားထားသူကတော့ Ingyin San ပါ ) File Size__(1.5GB) / (750MB) Quality__WEB-DL_1080p, 720p IMDb Rating__6.2/10 Format__mp4 Duration__02:05:00 Type__Crime Subtitle__Myanmar Subtitle (Hardsub) Translated by Ingyin San Encoded by Naing Aung Latt

ဒီရုပ်ရှင်ဟာ လွန်ခဲ့တဲ့ နှစ် ၂၀ က ထွက်ရှိခဲ့ပြီး ရုံးခန်းတွေ ကုမ္ပဏီတွေမှာ အလုပ်လုပ်ပုံတွေနဲ့ အမြင်တွေကိုပါ ပြောင်းလဲသွားစေခဲ့တဲ့ နာမည်ကျော်ရုပ်ရှင်တစ်ခုလည်းဖြစ်ခဲ့ပါတယ်။ ဒီတစ်ခေါက်တော့ the old time ကိုပြန်လွမ်းဆွတ်သတိရမိစေမဲ့ 20th century fox productionက ထုတ်လုပ်ထားတဲ့ Office Space 1999က အားလုံးနဲ့ရင်းနှီးပီးသားဇာတ်ကားလေးတစ်ကားဖြစ်မှာပါ ဇာတ်လမ်းအစမှာ အဓိကဇာတ်ကောင်တွေဖြစ်တဲ့ ပီတာ ဆမီလ်နဲ့ မိုက်ကယ်တို့ ရုံးအလာကားလမ်းပိတ်ပီး ကိုယ်စီအခက်အခဲဖြစ်နေတာကိုတွေ့ရမှာပါ ပီတာတို့သူငယ်ချင်း ၃ယောက်က Initech လို့ခေါ်တဲ့ software ကုမ္ပဏီမှာ အလုပ်လုပ်ကြပါတယ် Boss ဖြစ်တဲ့ ဘီလ် လမ်ဘာ့ဂ်က အရမ်း bossy ဖြစ်တာကြောင့် ဝန်ထမ်းတွေလဲ လုပ်ရတဲ့အလုပ်ပေါ်မှာ မပျော်ရွှင်ကြပါဘူး တနေ့တော့ပီတာကအလုပ်လုပ်စရာမလိုပဲသူဌေးဖြစ်နိုင်မဲ့နည်းလမ်းတစ်ခုကိုရှာတွေ့သွားရာကနေ ဘယ်လိုတွေဆက်ဖြစ်ကြဦးမလဲဆိုတာ ဟာသလေးတွေနဲ့အလွဲတွေကိုကြည့်ရှုခံစားရမဲ့အပြင် ဝန်ထမ်းကိုယ်စီရဲ့ရှုထောင့်ကနေ မတူညီတဲ့ခံစားချက် ဝန်ထမ်းတို့ရဲ့ဘဝကို ရသမြောက်အောင်ဖော်ကျူးပေးနိုင်တဲ့ ဇာတ်လမ်းကောင်းတစ်ပုဒ်ဖြစ်ပါတယ် File size…(1.08GB) / (630MB) / (282MB) Quality…. Web 1080P / 720p / 480p Format…mp4 Duration….01:29:00 Genre… Comedy Subtitle….Myanmar Subtitle (Hardsub) Encoder….Mr. Anderson Translated by Nyein Lei Wai

တရုတ်ခုန်ဆွသရဲကားတွေကြိုက်တဲ့ CM ရဲ့ ပရိတ်သတ်တွေအတွက် Uncle Maoshan ဆိုတဲ့ ရုပ်ရှင်လေးကို ဘာသာပြန်တင်ဆက်ပေးလိုက်ပါတယ်။ ဇာတ်လမ်းအကျဉ်းလေးကတော့- ချင်းခေတ်နှောင်း မင်ကော်ခေတ်အစပိုင်းမှာ သူဌေးကြီး သခင်ကြီးရန်ဟာ မတော်တဆသေဆုံးသွားခဲ့ပါတယ်။ ကောလာဟလတွေအရ သခင်ကြီးရန်ဟာ သရဲကိုက်လို့သေတာလို့ ပြောနေကြသဖြင့် မမလေးရန်ဟာ ဦးလေးကျိုကို သူမအဖေအတွက် အကူအညီတောင်းလာပါတယ်။ အမှန်တရားအတွက် သွားရောက်စုံစမ်းစဉ် အလောင်းရုံထဲ ထားခဲ့တဲ့ သခင်ကြီးရန်ရဲ့ အလောင်းဟာ ပျောက်ဆုံးသွားခဲ့ပါတယ်။ သေဆုံးသွားတဲ့ သခင်ကြီးရန်ဟာ ထူးဆန်းစွာ ပြန်ရှင်လာပြီး သရဲအဖြစ်နဲ့ မြို့ထဲကလူတွေကို လိုက်လံတိုက်ခိုက်ခဲ့ပါတယ်။ ရဲစခန်းမှ အဖွဲ့ခေါင်းဆောင်ချောင်ဟာ ဆရာကြီးချန်းဟဲ့ကို ခေါ်ပြီး မကောင်းဆိုးဝါးတွေကို နှိမ်နင်းခိုင်းခဲ့ပေမယ့်လဲ ဆရာကြီးချန်းဟဲ့လည်း ဘာမှ မတတ်နိုင်ဖြစ်ခဲ့ရပါတယ်​၏ သရဲတွေကလည်း တဖြည်းဖြည်းနှင့် ပိုဆိုးလာပြီး မြို့ထဲမှ လူအများကလဲ စိုးရိမ်ကြောက်လန့်နေရပါတယ်။ မောင်ရှန်းဘုန်းကြီးဖြစ်သူ ဦးလေးကျိုဟာလည်း သူ့ဘဝမှာ အကြီးဆုံး အခက်အခဲနဲ့ တွေ့နေပါတော့တယ်။ မြို့ထဲက သရဲတွေကို ဘယ်သူက ထိန်းချုပ်ထားသလဲ…… ဦးလေးကျိုနဲ့ သူ့တပည့်တွေကရော ဘယ်လို နှိမ်နင်းကြမလဲ…… ဆိုတာ ရုပ်ရှင်ထဲမှာပဲ ကြည့်ရှုအဖြေရှာလိုက်ရအောင်နော်။

အလုပ်အကိုင်ကောင်းကောင်းဝင်ငွေကောင်းကောင်းရှိနေတဲ့ အမေရိကန် အမျိုးသမီးငယ်လေး ပဲရစ်ကို အားလပ်ရက်ထွက်သွားတဲ့အချိန်မှာတော့ …….. သူ့ရဲ့ အလုပ်မှာ မပျော်ပဲ ဘဝ အနှစ်သာရပြောက်ဆုံးနေသလိုခံစားနေရတဲ့ အယ်လာက ပြင်သစ်နိုင်ငံပဲရစ်မြို့ကို အလည်အပတ် ၁၄ ရက်သွားတဲ့အခါ သူဘာတွေကြုံရမလဲ သူ့ခံစားချက်တွေ ဘယ်လိုပြောင်းလဲသွားမလဲ တကယ့် ဘဝအနှစ်သာရကို သူရှာတွေ့ သွားမလားဆိုတာကို ကြည့်ရှုရမယ့်ဇာတ်ကားကောင်း တခုပါ ပဲရစ်မြို့ပေါ်က ရူခင်းတွေ လူနေမှုပုံစံတွေကို လိုက်ပါကြည့်ရူရမှာဖြစ်ပြီး အယ်လာရဲ့ စိတ်အပြောင်းအလဲ အတက်အကျ emotion ပါ ထပ်တူခံစားလို့ရမယ့် ဇာတ်ကားလေးမို့ စိတ်ဝင်စားသူတွေ လက်မလွတ်သင့်ပါဘူး File size…(1.6 GB)/(890 Mb) Quality….Webrip 1080p / 720p Format…mp4 Duration….01:24:00 Genre… Romance Subtitle….Myanmar Subtitle (Hardsub) Encoder….Garfield Translated by Dar Dar

ဒီဇာတ်ကားလေးက ၂၀၀၄ ခုနှစ်ကထွက်ရှိထားပြီး IMDB 5.1 ရရှိထားတဲ့ ကောလိပ်ကျောင်းသူဇာတ်ကားလေးပါ။ ကောလိပ်ကျောင်းသူဘဝဆိုပေမယ့် ခေါင်းကြီးတို့မျှော်လင့်သလို ဘာညာတွေပါမှာမဟုတ်ဘဲ အချစ်ဆိုတာနဲ့ ဘဝဆိုတာကြီးကိုပထမဆုံးကြုံတွေ့ရတဲ့ သမ္မတသမီးလေးတစ်ယောက်အကြောင်းကိုတွေ့ရမှာပါ။ ဇာတ်လမ်းအကျဥ်းကတော့ အရွယ်ရောက်လို့ကျောင်းသွားတက်တဲ့ သမ္မတသမီးလေး Samantha ဟာ ကောလိပ်တက်ရင်း သူလိုချင်တဲ့ သာမန်ဘဝနဲ့အပေါင်းအသင်းဆိုတာကတစ်ဖက်၊ ရင်ခုန်တက်စအရွယ်မှာပဲ သူကြိုက်မိတဲ့ကောင်လေးက သူ့အဖေရဲ့လျှို့ဝှက်အေးဂျင့်ဖြစ်နေလို့အသည်းကွဲတာကတစ်ဖက်၊ သူ့အဖေရဲ့သမ္မတဖြစ်ရေးကိုပံ့ပိုးပေးချင်တဲ့စိတ်ကတစ်ဖက်နဲ့ သူ့ဘဝရဲ့ကျောင်းသူဘဝကိုဘယ်လိုတွေကျော်ဖြတ်မလဲ ဆိုတာကတော့ ဆက်လက်ရှုစားရမှာဖြစ်ပါတယ်။ ပြောရရင်တော့ အချစ်ဆိုတာကို ဂုဏ်ပကာသနအောက်မှာချုပ်တည်းရင်း ရင့်ကျက်တဲ့ကောလိပ်ကျောင်းသူတစ်ယောက်ရဲ့ ဘဝဖြတ်သန်းပုံလေးကို ဆွတ်ပျံ့ဖွယ်ရှုစားရမှာဖြစ်ပဲပါတယ်။ ဟုတ်ကဲ့ ကျွန်တော်ကတော့ Alex 666 ပါ။ File size…(1.9 GB)/(1 GB) Quality….Webrip 1080p / 720p Format…mp4 Duration….01:45:00 Genre… Family, Comedy, Drama, Romance Subtitle….Myanmar Subtitle (Hardsub) Encoder….Mr. Anderson Translated by Alex

cm ပရိသတ်ကြီးကို ဒီတစ်ခါ ရိုမန့်ဟာသဇာတ်ကားလေး တစ်ကားနဲ့ မိတ်ဆက်ပေးချင်ပါတယ်။ ဇာတ်ကားအမည်ကအတိုင်း ယီမင်နိုင်ငံလို အပူပိုင်းဒေသ နိုင်ငံတစ်ခုမှာ ဆယ်လ်မွန်ငါးတွေ မွေးမြူဖို့ ကြိုးစားတာပါ။ ဆယ်လ်မွန်ငါးတွေရဲ့ တခြားငါးတွေနဲ့ မတူတဲ့ သဘောသဘာဝက အားလုံးသိကြတဲ့ အတိုင်းပဲ သူတို့ဟာ ရေငံမှာ ကြီးထွားရှင်သန် ကျက်စားကြပြီး ဥဥမျိုးပွားချိန်အတွက်ကျမှ ရေကိုဆန်တက်ပြီး သူတို့ရဲ့ ဇာတိမူလ မြစ်ဖျားခံရာ ရေချိုဒေသတွေဆီ ကူးခတ်ပြန် ကြတာပါ။ ဆယ်လ်မွန်ငါးတို့ရဲ့ ဇွဲလုံ့လ ဝီရိယဉာဉ်ဟာ လူသားတွေအတွက် အားကျပမာယူစရာ ဖြစ်သလို ငါးဖမ်းသမားတွေအတွက်လည်း ဆယ်လ်မွန်ငါးတွေဟာ တန်ဖိုးရှိတဲ့ ငါးမျိုးစိတ်ပါပဲ။ ဇာတ်ကားမှာတော့ ယီမင်နိုင်ငံက ခေါင်းဆာင် စော်ဘွားကြီး တစ်ယောက်ဟာ သူသဘောကျလှတဲ့ ဆယ်လ်မွန်ငါးတွေကို နိုင်ငံထဲမှာ ရှိစေချင်တဲ့ ဆန္ဒအရ ငွေကုန်ကြေးကျ ဘယ်လောက် များနေပါစေ..ရအောင်လုပ်မယ်ဆိုပြီး ပရောဂျက်အတွက် အကြံပေးကုမ္ပဏီက သူ့ကိုယ်စားလှယ်ဖြစ်တဲ့ ဟယ်ရီယက်ဆိုတဲ့ အမျိုးသမီးလေးကို တာဝန်ပေးလိုက်ပါတယ်။ ဒေါက်တာအဲဖရက်ဒ်ဂျုံးစ်ဆိုတဲ့ ငါးပါရဂူဘွဲ့ရ အစိုးရအရာရှိ တစ်ယောက်ကို နိုင်ငံရေးအရ ချစ်ကြည်ရေးအတွက်ရော မီဒီယာ အာရုံလွှဲပြောင်းတဲ့ အနေနဲ့ပါ ဒီဖြစ်နိုင်ခြေ နည်းပါးလှတဲ့ ပရောဂျက်ကို ဟယ်ရီယက်နဲ့ အလုပ်အတူ တွဲလုပ်ဖို့ ဖိအားပေး တာဝန်ပေးလိုက် ချိန်မှာတော့….။ သူတို့နှစ်ဦးကြားက ကတောက်ကဆဖြစ်မှုလေးတွေနဲ့ ပရောဂျက် တစ်လျှောက် ရင်ဆိုင်ရတဲ့ နိုင်ငံရေး၊ လူမှုရေးတွေကို ဟာသနှော ရိုက်ကူးတင်ဆက်ထားပါတယ်။ File size…1.45GB / 751MB Quality…WEB-Rip 1080p / 720p Format…mp4 Duration….1h 47m Genre ….. Comedy , Romance , Drama Subtitle….Myanmar Subtitle (Hard Sub) Encoder….Min Wai Translated by Aoi

Always Have Always Will ဆိုတဲ့ ဇာတ်ကားလေးကို CM ချစ်ပရိသတ်တွေအတွက် ဘာသာပြန်တင်ဆက်ပေးလိုက်ပါတယ်… ဒီကားလေးကတော့ စိတ်ကျရောဂါရနေတဲ့ သက်လတ်ပိုင်း ကောင်လေး စုန့်ယိလိက စိတ်ကျရောဂါခံစားနေရပြီးတော့… အရှုံးတွေနဲ့ ပြည့်နေတဲ့ ဘဝကြီးကို လက်လျှော့ပေးပြီးတော့ ဘဝကို အဆုံးသတ်ဖို့ကြံနေတဲ့သူတစ်ယောက်ပေါ့… ဒီအချိန်မှာပဲ ဆေးရုံတက်ရင်းနဲ့ ရှောင်ချွီဆိုတဲ့ အသက် ၉ နှစ်အရွယ်လူလိမ်မလေးနဲ့ တွေ့ခဲ့တယ်.. ဘယ်လိုမျိုးအလိမ်ခံရလည်းဆိုရင်တော့… အဖေ့ကို လိုက်ကူရှာပေးပါဆိုပြီး သူဆေးရုံဆင်းချိန်မှာ လိမ်ပြီးတော့ ကားထဲ ပုန်းလိုက်လာပြီးတော့ သူ့အဖေ့ကို ရှာပုံတော် အတူထွက်လာတာပေါ့…. ဒီရှာပုံတော်ခရီးမှာ တခြားဘာကိစ္စထူးတွေနဲ့ ဘယ်လိုလူတွေကို တွေ့မယ်ဆိုတာရယ်… စုန့်ယိလိတစ်ယောက် ဘာလို့ အခုလို ဘဝကို လက်လျှော့ပြီး အရှုံးပေးချင်နေတာလဲဆိုတာရယ်… လူလိမ်မလေး ရှောင်ချွီက ဘာတွေလိမ်နေခဲ့တာလဲဆိုတာကို ကြည့်ဖို့အတွက် ဇာတ်လမ်းလေးကို ကြည့်လိုက်ကြပါတော့နော်…

Click, Grown Ups, Big Daddy, Hotel Transylvania အပြင် တခြားနာမည်ကြီးဇာတ်ကားတွေနဲ့ လူသိများပြီး People’s Choice Awards ၉ ကြိမ်ရထားပြီး သရုပ်ဆောင်လောကမှာ အောင်မြင်မှုများစွာရထားတဲ့ အချစ်တော်ကြီး Adam Sandler ရဲ့ဇာတ်ကားသစ် Netflix မှာ ထွက်ရှိလာပါပြီ။ Adam Sandler ဆိုတာ ဟာသပိုင်းမှာ အတော်လေးထူးချွန်တဲ့မင်းသားကြီးဖြစ်ပြီး အတည်ပေါက်ကြီးနဲ့ ဟာသလုပ်တတ်တာကလည်း သူရဲ့ကျွမ်းကျင်မှုပါပဲ။ ဒီကားရဲ့ထူးခြားချက်တွေက ပထမဇာတ်ကား Happy Gilmore (၁၉၉၆) ရဲ့ ၂၉ နှစ်အကြာမှာ Sequel အဖြစ်ထွက်ရှိလာတယ်။ Adam Sandler ရဲ့သမီးအရင်းကိုယ်တိုင် Happy Gilmore ရဲ့သမီး Sunny Gilmoreနေရာမှာ ပါဝင်သရုပ်ဆောင်ထားတယ်။ ဒါ့အပြင် ပထမကားရဲ့ Happy Gilmore ရဲ့ဇနီးဖြစ်သွားတဲ့ Virginia Venit နေရာမှာ Julie Bowen နဲ့ Happy Gilmoreရဲ့မဟာပြိုင်ဘက် Shooter McGavin လည်းပြန်လည်ပါဝင်ထားပါတယ်။ Julie Bowen ဆိုတာ Modern Family မှာ ကလဲယာအဖြစ်သရုပ်ဆောင်ခဲ့တဲ့ မင်းသမီးကြီးပါ။ ဒီဇာတ်ကားကို ဒေါ်လာ သန်း၁၀၀-၁၂၀ ကြားအကုန်ကျခံရိုက်ကူးထားပါတယ်။ ဇာတ်လမ်းအကျဥ်း ++++++++++ နှစ်ပေါင်း ၃၀ အကြာမှ ထွက်လာတဲ့ ဒီဇာတ်ကားမှာ Happy ဟာ ဟော်ကီအားကစားသမားတစ်ယောက်ဖြစ်ဖို့ အိပ်မက်မက်ခဲ့ပေမယ့် သူ့အဖွားရဲ့အိမ်ကို ကယ်တင်ဖို့ ဂေါ့ဖ်အားကစားထဲ ဝင်ရောက်ယှဉ်ပြိုင်ခဲ့ပြီး သူ့ရဲ့ ထူးခြားတဲ့ ရိုက်ချက်တွေနဲ့ Tour Championship မှာ အနိုင်ရခဲ့ပါတယ်။ အနိုင်ရပြီးနောက် Happy ဟာ အနားယူထားတဲ့ ဂေါ့ဖ်ကစားသမားဘဝကနေ ပြန်လည်ပြန်လာရတဲ့ အကြောင်းအမျိုးမျိုးရှိလာခဲ့ပါတယ်။ သူရဲ့ချစ်သူ Virginia Venit နဲ့သမီးတစ်ယောက်ရလာခဲ့ပြီး မိသားစုအတွက်ရပ်တည်ဖို့ ဂေါက်သီးအားကစားထဲ ပြန်လည်ဝင်ရောက်ဖို့ အကြောင်းဖန်လာပါတော့တယ်။ သာမန်ဂေါ့ဖ်တမျိုးတည်းမဟုတ်ဘဲ အသစ်အဆန်းဂေါ့ဖ်ရိုက်ကစားနည်းတွေကို ပထမဇာတ်ကားထဲကလို Happy ရဲ့ ထူးခြားတဲ့ ဂေါ့ဖ်ရိုက်နည်းတွေ၊ ဒေါသထွက်လွယ်တဲ့ စရိုက်နဲ့ ပရိသတ်တွေကို ဘယ်လိုနည်းလမ်းတွေဆွဲဆောင်ဦးမလဲဆိုတာ ကြည့်ရှုချင်စရာကောင်းနေပါတယ်။ သူရဲ့ပြိုင်ဘက်ကြီး Shooter McGavin နဲ့ ဘယ်ဘူတာမှာ ထပ်တွေ့ပြီး ဘယ်လိုဟာသတွေ ဖန်တီးသွားပြမလဲဆိုတာတော့ အချိန်ရတာနဲ့ကြည့်ရှုလိုက်ကြပါဦး File Size… (2.76 GB) / (1.41 GB) Quality… WEB-DL 1080p HEVC /720p Format…mkv / mp4 Duration…1h 54m Genre …..Comedy , Sport Subtitle….Myanmar Subtitle (Hard Sub) Encoder….Min Wai Translated by ZWT

The 47 aka El 47 (2024) “လိုင်း ၄၇” ဒီတစ်ခါမှာတော့ CM ပရိသတ်တို့အတွက် စပိန်စကားပြော သမိုင်းနောက်ခံရုပ်ရှင်လေးတစ်ကားကို တင်ဆက်ပေးချင်ပါတယ် ၁၉၇၈ က ကတ်တလန်ဒေသ ဘာစီလိုနာက အဖြစ်အပျက်တစ်ခုကို အခြေပြုထားတာပါ ဇာတ်လမ်းအကျဉ်းကတော့ ဇာတ်လိုက်ဘိုးတော်တို့လူတွေဟာ အနယ်နယ်အရပ်ရပ်ကနေပြောင်းရွှေ့လာကြပြီး ဘာစီလိုနာမြို့စွန်မှာ စုနေကြရာကနေ ‘တိုရေးဘာရို’ ဆိုတဲ့ ရပ်ကွက်တစ်ခုပေါ်ပေါက်လာပါတယ် ရွှေ့ပြောင်းဆင်းရဲသားတွေဖြစ်တာနဲ့အညီ အစိုးရအာဏာပိုင်တွေ နှိမ်တာခံခဲ့ကြရပြီး အိမ်ဆောက်ဖို့ဆိုတာတောင် မလွယ်မှန်း ဒီဇာတ်လမ်းအစမှာ ပြထားပါတယ် ဒီလိုနဲ့ အစိုးရရဲ့အလိမ်အညာတွေကို ဖော်ထုတ်တဲ့အနေနဲ့ ၇၈ မှာ ဖြစ်ခဲ့တဲ့ ဘတ်စ်ကားအပိုင်စီးမှု ဘယ်လိုပေါ်ပေါက်လာသလဲဆိုတာကတော့ ။ ။ အညွှန်းနဲ့ ဘာသာပြန်ကတော့ CM Team မှ ဖြစ်ပါတယ်.