IMDb-6.4/10 ဒီတစ်ခါ CM ပရိသတ်ကြီး ရှုစားရမှာကတော့ Uppena နဲ့ ပရိသတ်ရင်ထဲရောက်လာတဲ့ မင်းသမီးချောလေးပါ၀င်ထားတဲ့ အချစ်ဇာတ်ကားကောင်းလေးပါ ရိုက်သမျှ ကြော်ငြာတွေ တစ်နှစ်တည်း 6 ကြိမ် ဆက်တိုက်ပေါက်လာတဲ့ တက်သစ်စလူငယ်ဒါရိုက်တာ နာဗင်းတစ်ယောက် တစ်နေ့ သူ့ပရိုဂျူဆာအိမ်က အပြန် အမှိုက်ကားနဲ့တိုက်မိပြီး လွန်ခဲ့တဲ့ 6 နှစ်လောက်က ရိုက်ခဲ့ဟန်တူတဲ့ ဖလင်ဟောင်းလေး တစ်ခု ကောက်ရခဲ့တယ် ဖလင်ထဲမှာပါတဲ့ ကောင်မလေးရဲ့ ရုပ်ရည်နဲ့သရုပ်ဆောင်ကို ကြွေသွားပြီး သူ့ရဲ့ပွဲဦးထွက် ရုပ်ရှင်မှာ ခေါင်းဆောင်မင်းသမီး‌တင်ရိုက်ဖို့ လိုက်ရှာတော့တာပေါ့ ဒါပေမယ့် ဖြစ်ချင်တော့ မင်းသမီးက ရုပ်ရှင်မရိုက်ဖူးတဲ့အပြင် ရုပ်ရှင်ကို တစ်ခါမှမကြည့်ဖူးတဲ့ မျက်စိဆရာ၀န်တစ်ယောက် ဖြစ်နေတယ် မင်းသမီးအပါအ၀င် မင်းသမီးရဲ့မိသားစုကပါ ရုပ်ရှင်ဆိုတဲ့ စကားကို မကြားချင်လောက်အောင် ခါးခါးသီးသီး မုန်းနေကြတယ် ရုပ်ရှင်ခါးခါးသီးသီးမုန်းတဲ့သူကို ခေါင်းဆောင်မင်းသမီး တင်ရိုက်‌နိုင်အောင် တက်သစ်စ ဒါရိုက်တာလေး ဘယ်လိုကြိုးစားမလဲ ရုပ်ရှင်မုန်းတဲ့သူက ဘယ်လိုလုပ် ဖလင်ထဲမှာ ပါနေတာလဲဆိုတော့ ပရိသတ်ကြီးပဲ ကြည့်ရှုခံစားကြည့်ပါတော့ File size…2.09GB / 924MB Quality…1080p WEB DL / 720p Format…mp4 Duration….2h 22m Subtitle….Myanmar Subtitle (Hard Sub) Encoder….YK Translated by BpL & Jerrica & Kham Mon & Kevin Ag

ဒီတစ်ခါမှာတော့ အကတွေ အိုဗာတင်းတွေမပါတဲ့ စိတ်ဝင်စားစရာ ၂၀၂၂ ခုနှစ်ထွက် တောင်ပိုင်း ကားလေးတစ်ကားနဲ့မိတ်ဆက်ချင်ပါတယ် ဇာတ်လမ်းအစအဆုံး ရိုးသားမှုနဲ့ မရိုးသားမှု အားပြိုင်တဲ့ဇာတ်ကွက်လေးတွေရဲ့ရိုက်ထားတာမို့ ကြည့်ပျော်တဲ့ရုပ်ရှင်တကားပဲဖြစ်ပါတယ်... ဇာတ်လမ်းအကျဉ်း... ကိုအင်ဘာတိုး ပိုတာနာက စာတိုက်ရုံးရဲ့ ရုံးအုပ်ကြီး ဗန်ကတ်ဟာ ရိုးသားပြီးစည်းကမ်းကြီးတဲ့ သူတစ်ယောက်ပါ။ သူ့ရဲ့သားဟာ စွန့်ဦးတည်ထွင်သူအဖြစ် ကွန်ပျူတာဆော့ဝဲလ် လုပ်ငန်းကို အိန္ဒိယမှာလုပ်ချင်နေသူပါ။ အဲ့ဒီအတွက်ဘဏ်ချေးငွေ လျှောက်ဖို့ပြင်ဆင်နေတဲ့သူပါ.. ရိုးသားလှတဲ့ ဗန်ကတ်နဲ့ သူ့ရဲ့သားတို့ ဘ၀လမ်းကို အေးဆေးစွာဖြတ်သန်းရင်း ဘ၀က သူတို့ထင်သလို မလွယ်ပဲ စာတိုက်ကငွေတွေ ပျောက်သွားပြီး နှစ်ရက်အတွင်းပြန်ထားရမယ့်အချိန်မှာတော့... သူတို့ပဲ ငွေတွေပြန်ကိုရှာလို့တွေ့မလား... ငွေတွေကိုဘယ်သူခိုးတာလဲ နှစ်ရက်အတွင်းပြန်ထားနိုင်မလားဆိုတာတော့ ဇာတ်လမ်းထဲမှာပဲ လိုက်ပါစီးမျောလိုက်ပါ... အိုဗာအိုက်တင်မပါ အကမပါပဲ စုံထောက်ဆန်ဆန်ဇာတ်လမ်းကြိုက်သူတွေ အကြိုက်တွေ့မယ့်ဇာတ်ကားတစ်ကားဖြစ်ပါတယ်... အညွန်းနဲ့ ဘာသာပြန်ကတော့ Lwin Htoo Aung ပဲဖြစ်ပါတယ် File size…1.6GB / 800MB Quality…1080p WEB DLAAC5.1Ch / 720p Format…mp4 Duration….2h 6mins Subtitle….Myanmar Subt Encoder….YK Translated by Lwin Htoo Aung

Doraemon: Nobita’s Treasure Island (2018) ——————————————————————- အခုတစ်ခေါက်မှာတော့ 2018 ခုနှစ်မှာ ထွက်ခဲ့တဲ့ ၃၈ကားမြောက် ဒိုရေမွန်ဇာတ်ကားလေးနဲ့မိတ်ဆက်ပေးပါရစေ။ ဒီဇာတ်လမ်းလေးက ၁၈၈၃ခုနှစ်ကထွက်ရှိခဲ့တဲ့ Treasure Island ဝတ္ထုကိုအခြေခံရိုက်ကူးထားပြီး Your Name Anime ရဲ့ ထုတ်လုပ်သူ Genki Kawamura ထုတ်လုပ်ထားတာပဲဖြစ်ပါတယ်။ ဇာတ်လမ်းအကျဥ်းလေးကတော့ ပင်လယ်ဓားပြပုံပြင်တွေဖတ်ပြီး ရတနာကျွန်းရှာဖို့ရူးသွပ်နေတဲ့ နိုဘီတတစ်ယောက် သတင်းမီဒီယာကနေ အမည်မသိကျွန်းတစ်ခုပေါ်လာကြောင်း ကြေညာချိန်မှာတော့ ရတနာသွားရှာချင်စိတ်တွေ တဖွားဖွားပေါ်ပေါက်လာပါတော့တယ်။ ဒါကို သူငယ်ချင်းတွေက ဝိုင်းလှောင်ကြတော့ စိတ်တိုတိုနဲ့ကျွန်းကို တွေ့အောင်ရှာမယ်လို့အလောင်းအစားပြုလုပ်ပြီး ထုံးစံအတိုင်း ဒိုရေမွန်ကိုအကူညီတောင်းပါတယ်။ ဥပေက္ခာမပြုနိုင်တဲ့ ဒိုရေမွန်ကလည်း နိုဘီတအလိုကျအတိုင်း အဲဒီကျွန်းကို သွားဖို့ဆုံးဖြတ်လိုက်တဲ့အချိန်မှာတော့ ပင်လယ်ဓားပြတွေနဲ့ ဘယ်လိုစခန်းသွားရမလဲ ဘယ်လိုမျိုးရင်ဆိုင်ကျော်ဖြတ်သွားမလဲဆိုတာကို ရင်ခုန်စွာနဲ့ကြည့်ရှုခံစားပေးကြပါဦးနော်။

Dangerous Game : The Legacy Murders (2022) “Escape Movies” တွေကိုကြိုက်နှစ်သက်သူတွေအတွက် ဇာတ်ကားကောင်းတစ်ကားလာပါပြီ။ “Dangerous Game: the Legacy Murders” ဆိုရင် ကွင်းဆက်လူသတ်သမားအပြင် မျိုးဆက်လူသတ်သမားများလို့ပါပြောလို့ရပါတယ်။ အယ်လီဆန်ဆိုတဲ့အဖိုးကြီးက တစ်ချိန်တုန်းက ကဒိတ်ဒိတ်ကြဲစီးပွားရေးသမားဖြစ်ခဲ့ပြီး အခုအချိန်မှာတော့ ဝှီးချဲပေါ်က ထမရတဲ့ လူအိုကြီးတစ်ယောက ဖြစ်နေပါပြီ။ သူက သူ့သားထဲက ကိုင်လ်က သူ့ရဲ့အမွေအနှစ်တွေစီးပွားရေးလုပ်ငန်းတွေကိုခိုးသွားတဲ့ သူခိုးကောင်ဆိုပြီး စွပ်စွဲပါတယ်။ နောက်တော့ ကျွန်းတစ်ကျွန်ပေါ်မှာအိမ်ကြီးဆောက်ပြီး သူ့အိမ်တော်ထိန်းနဲ့နှစ်ယောက်ထဲနေပါတယ်။ သားနှစ်ယောက်ကလဲ နားအေးရင်ပြီးရော ဆိုပြီး လွှတ်ထားကြပါတယ်။ တစ်နေ့တော့အဖိုးကြီးက သူ့သားနှစ်ယောက်နဲ့မြေးတွေကို သူ့မွေးနေ့အတွက်ကျွန်းပေါ်ကိုလာဖို့ဖိတ်ခဲ့ပါတယ်။ အဲဒီညမှာ ဘယ်သူ့ဆီကမှန်းမသိတဲ့ ဘုတ်ပြားဂိမ်းရောက်လာပါတယ်။ ဂိမ်းက လူသတ်သမားကိုရှာရမယ့်ဂိမ်းဖြစ်ပြီး သူတို့ထဲကတစ်ယောက်သာအသက်ရှင်ကျန်မှာပါ။ လူသတ်သမားကဘယ်သူဖြစ်မလဲ။ အဖိုးကြီးလား။ သူ့သားကိုင်လ်ပဲလား။ မျိုးဆက်လူသတ်သမားများဆိုတဲ့အတိုင်း ဒီဇာတ်လမ်းကို အပြင်မှာတကယ်ရှိခဲ့တဲ့ အမေရိကန်ရဲ့ပထမဆုံးကွင်းဆက်လူသတ်သမားနဲ့လဲ ချိတ်ဆက်ဖန်တီးထားတာမို့ စိတ်ဝင်စားစရာ “Escape Movie” ပါပဲ။ အညွှန်း နဲ့ ဘာသာပြန်ကတော့ Rashida ပဲ ဖြစ်ပါတယ်။ Genre….. Horror, Thriller Quality…. 1080p | 720p | 480p File size… 1.1GB | 649MB | 375MB Format… mp4 Duration…. 1h 36min Subtitle…. Myanmar Subtitle (Hardsub) Translator ….. Rashida Encoder ….. August

ဒီတစ်ခါမှာတော့ SWORD နယ်မြေဖြစ်ထွန်းပြီးမကြာခင်မှာပဲ အဲဒီနယ်မြေကိုအပိုင်သိမ်းချင်တဲ့ အုပ်စုတစ်စုဟာ ကောက်ကျစ်တဲ့နည်းတစ်ခုကိုအသုံးချပြီး သိမ်းပိုက်ဖို့ကြိုးစားပါတော့တယ်။ ဒါပေမဲ့ SWORD ကိုချစ်ကြတဲ့ ဂိုဏ်းငါးဂိုဏ်းလုံးဟာ သူတို့ကိုပြန်လည်ခုခံကြပါတယ်။ သူငယ်ချင်းကြားက သံယောဇဉ်တွေနဲ့ action ကြမ်းကြမ်းလေးတွေကိုပေါ်လွင်အောင်ပြသတာကို ရသစုံစုံ ခပ်မိုက်မိုက်ကြည့်ရမယ့် ဂျပန်ဂန်းစတားကားလေးဖြစ်ပါတယ်။ ဒါကတော့ဒုတိယမြောက်ကားဖြစ်ပါတယ်။ File size…2.15GB / 1.07GB Quality…Blu-Ray 1080p 5.1CH / 720p Format…mp4 Duration….2h 9m Genre ….. Action , Drama Subtitle….Myanmar Subtitle (Hard Sub) Encoder….Thit San Khant Translated by Kasashi

Mission: Impossible VI – Fallout (2018) ============================= IMDb Rating 7.7/10 MI ရုပ်ရှင်တွေဟာ ပုံမှန်အားဖြင့် တော်တော်လေးမိုက်တယ်။ Action scene တွေ၊ လုပ်သွားတဲ့ အကွက်တွေ ကြမ်းတယ်။ ပစ္စည်းပစ္စယ gadget တွေလည်း စုံတယ်။ တစ်ကားနဲ့ တစ်ကား နည်းနည်းလေးဆင်နေပေမဲ့ ကြည့်ရပျော်တယ်။ ဒါပေမဲ့ Fallout ကတော့ နောက်တစ်ဆင့်တက်သွားပြီလို့ ပြောရမှာပါ။ ဇာတ်လမ်းပိုင်းမှာ ခါတိုင်း MI ကားတွေလိုပဲ ပြဿနာတွေတက်၊ မဖြစ်နိုင်လောက်တဲ့ Impossible တွေလုပ်ပြီး နောက်ဆုံးတော့ “Ethan Hunt saves the day” ဆိုတာအဓိကပဲပေါ့။ ဒါပေမဲ့ မသိမသာနဲ့ သိသိသာသာပြောင်းသွားတာတွေရှိတယ်။ သတိထားမိတာက ဒီကားမှာ အရင်လို လွန်အားကြီးတဲ့ tech တွေ သိပ်မပါတော့ဘူး။ အရင်ကားတွေလို Kremlin ကို ပြောင်ကြီးခိုးဝင်ရလောက်အောင် “မလွယ်လွန်းဘူးလားဟ” ဆိုတာမျိုးတွေ မပါဘူး။ ဇာတ်လမ်းပိုင်းမှာလည်း twist တွေ revelation တွေထည့်ထားပေမဲ့ အရမ်းကြီးလည်း မရှုပ်သလို အရမ်းကြီးလည်း မပေါ့ဘူး။ Fallout ရဲ့ အကောင်းဆုံးကတော့ တင်ဆက်သွားပုံတွေပဲ။ Christopher McQuarrie ကြီးက တကယ်လန်ထွက်နေတယ်လို့ ပြောရမှာပါ။ ရုပ်ရှင်ရဲ့ 70% လောက်က ပြေးလွှား၊ ကားမောင်း၊ ပစ်ခတ်၊ ရဟတ်ယာဉ်မောင်း စတဲ့ action scene တွေ။ ဒါပေမဲ့ လုံးဝ ပျင်းသွားရတယ်ဆိုတာမျိုး မရှိဘူး။ John Wick 2 မှာတုန်းကဆို action scene အရမ်းများ၊ အချိန်တန်သူပဲနိုင်မှာ သိတော့ ပျင်းသွားတဲ့အခိုက်အတန့်ရှိသေးတယ်။ MI ကတော့ creative လည်းဖြစ်၊ ရိုက်ချက်တွေလည်း လှ၊ ကိုယ်တော်ချော Tom Cruise ကိုယ်တိုင် stunt တွေဆိုတော့ တစ်ကားလုံး မျက်လုံးကြီးပြူးပြီး ကြည့်နေရတယ်။ ရိုက်ချက်တွေလှတယ်ဆိုလို့ ထပ်ပြောရရင် ဒီကားမှာ visual တွေက လုံးဝ stunning ပါ။ Action ကားကြီးကို လှအောင်ရိုက်တယ်ဆိုတာ မလွယ်ဘူး။ Scene ကြီးကိုရှယ်ပြလို့ action ပေါ့သွားတာမျိုး၊ action ပိုပြလို့ ရုပ်ထွက်ပျက်သွားတာမျိုးလည်းမရှိဘူး။ ဒီအတိုင်း လေယာဉ်ဆီကို ကားနဲ့ ပုံမှန်လေးမောင်းဝင်လာတဲ့ အခန်းကအစ woah ဆိုပြီးဖြစ်လောက်အောင်ရိုက်ထားတယ်။ ကြမ်းတယ်ဟ ဆိုတာထက် oh sh** moment တွေလည်း များတယ်။ နောက် CGI, Green Screen, stuntman, stunt robot စတာတွေ ပြွတ်ထနေတဲ့ဒီနေ့ခတ်ကြီးထဲမှာ Fallout က တကယ့်အစစ်တွေ သုံးထားတယ်။ ကားတွေ၊ ဆိုင်ကယ်တွေ၊ ရဟတ်ယာဉ်တွေကိုယ် Tom Cruise ကြီးကိုယ်တိုင်မောင်းတယ်။ ရဟတ်ယာဉ်ပေါ်က ရိုက်ချက်တွေ Green screen လေးခံလိုက်ရင် အလွယ်လေးဆိုပေမဲ့ တကယ်ကြီး မိုးပေါ်မှာရိုက်တယ်။ တချို့ တကယ်တမ်း vfx နဲ့ရိုက်မယ်ထင်ရတဲ့ ရှုခင်းလိုနေရာတွေကအစ တကယ်ကြီးခက်ခက်ခဲခဲသွားရိုက်တယ်။ အဲအတွက် ရုပ်ရှင်ဟာ CGI heavy ရုပ်ရှင်တွေထက် အများကြီး weight ရှိတယ်။ ကြည့်နေရတဲ့သူ ပိုပြီး အသည်းယားတယ်။ အကုန်လုံးနီးပါးက အစစ်တွေချည်းကိုး။ ဒီ effort က တကယ်ကိုချီးကျူးရမှာပါ။ Mission: Impossible – Fallout ဟာ တကယ် နောက်တစ်ဆင့်တက်သွားတဲ့ action film ပါပဲ။ Tom Cruise, Henry Cavil တို့ရဲ့ performance လည်းကောင်း၊ ဒါရိုက်တာ Christopher McQuarrie ရဲ့ လန်ထွက်နေတဲ့ vision အောက်မှာ ထပ်အောင်မြင်ဦးမှာ အသေအချာပဲ။ တော်သေးတယ်။ Cavill ရဲ့ မုတ်ဆိတ် မဖျက်လိုက်ရကျိုးနပ်တယ်။ ခါတိုင်း MI ကားတွေမကြိုက်တဲ့သူတွေတောင် action ကားကြိုက်တယ်ဆိုရင်၊ ကားကောင်းကောင်းကြိုက်တယ်ဆိုရင် လုံးဝ ကြည့်ရကျိုးနပ်တဲ့ကားပါ။ (ရုပ်ရှင်အညွှန်းကို Dat Shin မှ ကူးယူဖော်ပြပါသည်။) Mission Impossible ဇာတ်ကားအားလုံးကို ဒီမှာ https://channelmyanmar.to/?s=mission+impossible ကြည့်ပါ။

Our Story ( 2020 ) ================ Our Storyဟာ ဂျပန်ကျောင်းတွင်းရိုမန့်ဇာတ်လမ်းလို့ ပြောလို့ရပေမဲ့ ကျောင်းတွင်းရိုမန့်က ဒီကားရဲ့ တစ်စိတ်တစ်ဒေသအဖြစ်ပဲတည်ရှိနေခဲ့တယ်။ သူ့နာမည်အတိုင်းပဲ Our Storyဟာ ဇာတ်လမ်းရေးတဲ့အကြောင်း တစ်နည်းပြောရရင် လူငယ်စာရေးဆရာနှစ်ဦး ဝတ္တုရေးတဲ့အကြောင်းပေါ့။ မင်းသားကတော့ တက်သစ်စ စာရေးဆရာအဖြစ်ရပ်တည်ပေမဲ့ သူ့ခံယူချက်က ငွေရတဲ့စာတွေ ရေးနိုင်ဖို့လို ခံယူထားတဲ့ အထက်တန်းကျောင်းသားလေးတစ်ယောက်။ ဒီလိုခံယူရတာကလည်း သူ့အဖေက ဝတ္တုတွေရေးရင်း အိမ်စရိတ်မထောက်နိုင်ဘဲ သူကိုယ်တိုင်လည်း ဝတ္တုရေးတဲ့စားပွဲပေါ်ပဲ ကွယ်လွန်သွားခဲ့တော့ ဆန်းတော့မဆန်းဘူး။ ဒါပေမဲ့ သူကိုယ်တိုင်လည်း ငွေရတဲ့စာတွေ မရေးနိုင်ခဲ့ဘူး။ မင်းသမီးကတော့ နာမည်ကြီးဘတ်ဆဲလားစာရေးဆရာမဖြစ်နေတဲ့ အထက်တန်းကျောင်းသူလေး။ မင်းသားဖြစ်ချင်တဲ့ ဘဝမျိုးကို ပိုင်ထားတဲ့သူ။ ဒါပေမဲ့ သူကတော့ ဝတ္တုရေးတဲ့အလုပ်ကို ချစ်သလို ဝတ္တုတွေကို ချစ်တယ်။ ဒီလိုနဲ့ သူတို့စာတွေကို အကဲဖြတ်ပေးနေတဲ့သူက သူတို့ကို စာအုပ်တစ်အုပ်အတူတူရေးခိုင်းခဲ့တယ်။ မင်းသမီးက ဇာတ်လမ်းတွေးပြီး မင်းသားက စကားလုံးနဲ့ပုံဖော်ပေးရတယ်။ ကျောင်းလည်းတူ အလုပ်လည်းအတူတူလုပ်နေရပေမဲ့ ခံယူချက်ချင်းမတူလို့ မတည့်နေတဲ့ သူ၂ယောက် သူတို့နှစ်ယောက်ရဲ့ ဇာတ်လမ်းကို အတူတူရေးကြရင်း သူတို့ရဲ့နောက်ခံဇာတ်လမ်းတွေပါ ပုံပေါ်လာပြီး သူတို့ချင်းနားလည်လာတဲ့အခါ ဘယ်လိုဇာတ်လမ်းမျိုးကို သူတို့ဖန်တီးဖြစ်ကြမလဲ မြင်ကြရမယ့်ဇာတ်ပဲ။ ကျောင်းတွင်းရိုမန့်လေးတော့ နည်းနည်းစွတ်ထားတယ်။ Kingdomတို့ Gintamaတို့ထဲက ဂျပန်မင်းသမီးချောလေး Kanna Hashimotoက အဓိကသရုပ်ဆောင်ပေးထားတာမို့ ဂျပန်မင်းသမီးချောချောလေးနဲ့ကြည့်ရမယ့် ဂျပန်ကျောင်းသားဇာတ်လို့ ပြောလည်းမမှားပါဘူး ( ဘာသာပြန်ပြီး အညွှန်းရေးသားထားသူကတော့ W ပါ ) File size_(1.6GB)/(800MB) Quality_Blu-Ray 1080p / 720p Format_mp4 Duration_01:45:00 Genre_Drama Subtitle_Myanmar Subtitle (Hardsub) Encoder_a hao Translated by W

IMDb 6.7 Rotten Tomatoes 97% ရရှိထားတဲ့ ဒရာမာရုပ်ရှင်လေးပါ။ ဒီရုပ်ရှင်လေးက စာရေးဆရာ Humberto G. Garcia ရဲ့ ဝေဖန်မမှုတွေခံခဲ့ရပြီး ကိုယ်ပိုင်ထုတ်ဝေခဲ့တဲ့ စာအုပ်လေးကိုအခြေခံပြီး ပြန်လည်ရိုက်ကူးထားတာပါ။ ဒီရုပ်ရှင်ထဲမှာတော့ မက္ကဆီကိုနဲ့ အမေရိကန်နယ်စပ်က မြို့ငယ်လေးက မက္ကဆီကန်‌အထက်တန်းကျောင်းသား ငါးယောက်နဲ့ဖွဲ့ထားတဲ့ “Mustangs” လို့အမည်ရတဲ့ အထက်တန်းကျောင်းဂေါက်သီးရိုက်အသင်းလေးအကြောင်းကို ဇာတ်အိမ်တည်ထားပါတယ်။ အချိန်ကာလအားဖြင့် အမေရိကန် ဗီယက်နမ် စစ်တွင်းကာလ ၁၉၅၇ ဖြစ်ပါတယ်။ ဆန်ဖီလစ်ပီလို့ခေါ်တဲ့ မြို့ကလေးကတော့ အမေရိကန် နဲ့ မက္ကဆီကို နယ်စပ်မှာတည်ရှိတဲ့ မြို့ကလေးပါ။ ဒီမြို့ငယ်လေးက အထက်တန်းကျောင်းမှာ “ဂျိုး”လို့အမည်ရတဲ့ မက္ကဆီကန်ကျောင်းသားလေးနဲ့ သူငယ်ချင်းလေးယောက်ဟာ ဂေါက်သီးရိုက်အားကစားကို ဝါသနာထုံကြတဲ့သူတွေဖြစ်ပြီးတော့ အားလပ်ရက်တွေမှာလည်း ဆန်ဖီလစ်ပီ ဂေါက်ကလပ်မှာ ကယ်ဒီ (ဂေါက်ပစ္စည်းသယ်သူ) အလုပ်ကိုလုပ်ကိုင်ရင်း တဖက်တလှမ်းကနေ မုန့်ဖိုးရှာနေကြတဲ့ကျောင်းသားတွေပါ။ ၁၉၅၇ ဆိုတဲ့အချိန်ကာလဟာ အမေရိကန်မှာ လူမျိုးရေးခွဲခြားမှုတွေ အထွတ်အထိပ်ကိုရောက်ရှိနေတဲ့ကာလပါ။ ဆန်ဖီလစ်ပီမြို့ထဲမှာ ကြီးစိုးနေတဲ့အမေရိကန်တွေဟာ မက္ကဆီကန်တွေကို ခွဲခြားဆက်ဆံခဲ့ပါတယ်။ ဒီလိုလူမျိုးရေးခွဲခြားမှုဟာ အထက်တန်းလွှာအတွက် ပျော်စံရာဖြစ်တဲ့ ဂေါက်ကလပ်မှာလည်း အပါအ၀င်ဖြစ်ခဲ့ပါတယ်။ ဂေါက်ကလပ်တွေမှာ မက္ကဆီကန်လူမျိုးဆို အသင်း၀င်ဖြစ်ခွင့်မပေးတာတွေ၊ ဂျိုးတို့လို မက္ကဆီကန်ကျောင်းသားတွေဟာ ဂေါက်ကလပ်တွေမှာ ဂေါက်သီးရိုက်ခွင့်မရှိဘဲ ဂေါက်သီးရိုက်တဲ့သူတွေအတွက် လက်တိုလက်တောင်းလုပ်ပေးရတဲ့ကယ်ဒီ လို အလုပ်တွေကိုပဲ လုပ်ခွင့်ရတာမျိုးတွေပေါ့။ တစ်ရက်မှာတော့ ဂျိုးတို့ရဲ့ ဆန်ဖီလစ်ပီကျောင်းလေးကို ဂျေဘီပင်ယာဆိုတဲ့ ဆရာတစ်ဦးပြောင်းလာခဲ့တယ်။ ဂျေဘီက စစ်ပြန်တစ်ဦးပါ။ ဂေါက်ရိုက်ဝါသနာပါတဲ့ ဂျေဘီဟာ ဂျိုးတို့သူငယ်ချင်းအုပ်စုနဲ့ သိကျွမ်းသွားပြီးတော့ ဖီလစ်ပီအထက်တန်းကျောင်းရဲ့ ပထမဆုံး ဂေါက်သီးရိုက်အသင်းကို စထောင်လိုက်ပါတော့တယ်။ ဒီလိုနဲ့ နည်းပြဖြစ်သူ ဂျေဘီရဲ့ကြိုးစားမှုကြောင့် ဂျိုးတို့ရဲ့ ကျောင်းဂေါက်သီးရိုက်အသင်းလေးဟာ မက္ကဆီကန်ကျောင်းသားတွေ တစ်ခါမှ၀င်မပြိုင်ခဲ့ဖူးတဲ့ ကျောင်းပေါင်းစုံဂေါက်သီးရိုက်ပြိုင်ပွဲကို ၀င်ပြိုင်ရမယ့် ပထမဆုံး မက္ကဆီကန်အသင်းဖြစ်လာခဲ့ပါတယ်။ ဂျိုးက ဗလလည်းရှိ ဇလည်းရှိတဲ့ မက္ကဆီကန်လူငယ်လေးပါ။ အချိန်ပိုင်းအလုပ်လုပ်တော့သာ အမေရိကန်တွေရဲ့ ကယ်ဒီအလုပ်ကိုလုပ်တာ အမေရိကန်တစ်ယောက်ယောက်က “ကျူးကျော်မက္ကဆီကန်ကောင်”လို့ သမုတ်ပြီး စော်ကားလာပြီဆိုရင် နည်းနည်းလေးမှငြိမ်ခံမနေဘဲ တွေ့ရာပစ္စည်းနဲ့ကောက်ပြီး ‌ခေါင်းရိုက်ခွဲခဲ့တဲ့ ဇ ပြင်းတဲ့လူငယ်လေးပါ။ ဒီခပ်ပေပေလူငယ်လေးဟာ အမေရိကန်တို့အပိုင်စားရထားတဲ့ ဂေါက်ကွင်းထဲကိုရောက်လာတဲ့အချိန်မှာတော့ စည်းမျဉ်းစည်းကမ်းနဲ့အညီဆော့ရတဲ့ ဂေါက်သီးရိုက်အားကစားမှာ ထစ်ခနဲရှိ ထတုံ့ပြန်တတ်တဲ့အကျင့်ကိုချိုးနှိမ်ပြီး သူငယ်ချင်းလေးယောက်နဲ့အတူ နည်းပြဖြစ်သူ ဂျေဘီရဲ့စကားကိုနားထောင်ရင်း ပြည်နယ်ချန်ပီယံရှစ်အထိတက်လှမ်းပြီး မက္ကဆီကန်တွေ ဘယ်တုန်းကမှမပြသနိုင်ခဲ့တဲ့ ဂုဏ်သိက္ခာနဲ့ အရည်အချင်းတွေကိုပြသဖို့ရာ ကြိုးစားရ‌ပါတော့တယ်။ ဖြစ်ရပ်မှန်ဇာတ်လမ်းဖြစ်ပြီး သရုပ်တဆောင်ပိုင်း ဇာတ်အိမ်ပိုင်းတွေကလည်း သေသပ်ကောင်းမွန်တဲ့အပြင် မြင်တွေ့ရခဲတဲ့ ဂေါက်သီးရိုက်အားကစားအကြောင်းကို ရိုက်ကူးပြထားတာကြောင့် သေချာပေါက် မြည်းစမ်းကြည့်ရှုဖို့သင့်တဲ့ ဇာတ်ကားကောင်းလေးဖြစ်ကြောင်း ညွှန်းပေးလိုက်ပါတယ်။ File size…(2.7 GB)/(1.4 GB) Quality….Webrip 1080p / 720p Format…mp4 Duration….01:52:00 Genre…Drama, History Subtitle….Myanmar Subtitle (Hardsub) Encoder….Garfield Translated by Steven Khant

ဒီတစ်ခါမှာတော့ 97 ကြိမ်မြောက် အော်စကာဆုပေးပွဲရဲ့ Best International Feature Film ဆုအတွက် ဆန်ခါတင် စာရင်း ဝင်ထားတဲ့ ရုပ်ရှင်ကားကောင်းလေးကို တင်ဆက် ပေးလိုက်ချင်ပါတယ်။ 82ကြိမ်မြောက် Golden Globes Awards ပွဲမှာလည်း ဆန်ခါတင်စာရင်းဝင်ခဲ့ပါသေးတယ်။ ဒီရုပ်ရှင်ဟာ ၁၉၁၅-၁၉၂၀ခုနှစ်အတွင်း ဒိန်းမက်နိုင်ငံမှာ တကယ်ဖြစ်ပျက်ခဲ့တဲ့ ခြောက်ခြားတုန်လှုပ်ဖွယ် မှုခင်း တစ်ခုကို ကျောရိုးယူပြီးရိုက်ကူးထားတာဖြစ်ပါတယ်။ ဇာတ်လမ်းအကျဉ်းကတော့ ***************** ကာရိုလင်းဆိုတဲ့အမျိုးသမီးဟာ သာမန်လက်လုပ်လက်စား အထည်ချုပ်စက်ရုံက ဝန်ထမ်းအမျိုးသမီးတစ်ဦးပါ။ သူ့ယောက်ျားက စစ်ပွဲကာလမှာ စစ်မှုထမ်းသွားရာကနေ စာမလာသတင်းမကြားတာ ၁နှစ်ကျော်ရှိပြီမလို့ တိုက်ပွဲထဲ ကျသွားပြီသာထင်မှတ်ပြီး ယာဟန်ဆိုတဲ့လူကုံထံတစ်ဦးနဲ့ ချစ်ကြိုက်သွားခဲ့ပါတယ်။ ဒီလိုနဲ့ ကာရိုလင်းမှာ ယာဟန်နဲ့ရတဲ့ကိုယ်ဝန်ရှိလာခဲ့ပြီး ယာဟန်နဲ့အတူလက်ထပ်ကာ ဘဝသစ်တည်ထောင်ဖို့ စိတ်ကူးခဲ့ပေမဲ့ ကာရိုလင်းတစ်ယောက် ကံမကောင်းခဲ့ရှာပါဘူး။ လူကုံထံအသိုင်းအဝိုင်းက ယာဟန်ဟာ ကာရိုလင်းကိုတာဝန်မယူဘဲ စွန့်ပစ်လိုက်တော့ ကာရိုလင်းဟာ သူနဲ့ရတဲ့ကိုယ်ဝန်ကို ဖျက်ချဖို့ကြိုးစားခဲ့ပါတယ်။ ကိုယ်ဝန်ဖျက်ချ‌တာမအောင်မြင်ခဲ့ပေမဲ့ ဒါမာဆိုတဲ့အမျိုးသမီးဟာ သူ့ကိုလာကူညီပေးခဲ့ပြီး ကလေးမွေးရင် သူ့ကိုလာရှာဖို့မှာသွားခဲ့ပါတယ်။ ဒါမာဟာ မိခင်တွေစွန့်ပစ်ချင်တဲ့ကလေးတွေကို အခကြေးငွေယူပြီး မွေးစားမိဘ‌တွေဆီပို့ပေးတယ်လို့ ပြောခဲ့တာကြောင့် ကာရိုလင်းဟာ ကလေးမီးဖွားပြီးတဲ့အခါ ဒါမာဆီကို ကလေးသွားပေးပါတော့တယ်။ အဲဒီကနေစလို့ ဇာတ်လမ်းရဲ့ tempoလည်း တဖြည်းဖြည်းတက်လာပြီး အပေါ်မှာပြောခဲ့တဲ့ တုန်လှုပ်ဖွယ် မှုခင်းဟာလည်း ဖြည်းဖြည်းချင်း ရုပ်လုံးပေါ်လာပါတော့တယ်။ ဒါ့အပြင် Black and white color နဲ့ တင်ဆက်ထားတာကြောင့် ရုပ်ရှင်ကနေတစ်ဆင့် ပေးချင်တဲ့ ရသကို ကောင်းကောင်းကြီး ခံစားရမှာပါ။ ဘာကြောင့် အော်စကာ ဆန်ခါတင်ဝင်ထားတဲ့ ရုပ်ရှင်ဖြစ်နေတာလဲဆိုတာကိုတော့ ကိုယ်တိုင် ဇာတ်လမ်းထဲမှာပဲ ဆက်လက်ကြည့်ရှုလိုက်ကြပါဦး။ File size… (7.07GB) / (2.04GB) / (953MB) Quality… WEB-DL 4K HEVC 1080p / 720p Format…mkv / mp4 Duration….2h 3m Genre ….. Drama , History Subtitle….Myanmar Subtitle (Hard Sub) Encoder….Min Wai Translated by Muse

Control Freak (2025) IMDb Rating (4.5) / Rotten Tomatoes (67%) လောလောလတ်လတ် အော်စကာရထားတဲ့ The Substance ကြည့်ထားပြီးတော့ သူ့လိုမျိုး Body Horror ဇာတ်ကားကောင်းကောင်းလေး ကြည့်ချင်တဲ့သူရှိရင်တော့ ဒီဇာတ်ကားကိုလည်း ကြည့်ကြည့်ဖို့ အကြံပေးချင်ပါတယ်။ ဇာတ်လမ်းအကျဉ်း ဗယ်လာရီ ငုယင်ဟာ တချိန်က ဝေဖာဆိုင်မှာ အလုပ်လုပ်ပြီး အိမ်ပိုင်ရာပိုင် မရှိခဲ့ရာက အခုဆိုရင် အောင်မြင်ကျော်ကြားတဲ့ စိတ်ခွန်အားမြင့်တင်ရေး ဟောပြောရေးဆရာမတစ်ယောက် ဖြစ်လို့လာခဲ့ပါတယ်။ သူမဟာ ဘွတ်ကင်အပြည့်နဲ့ နယ်လှည့်ဟောပြောပွဲတွေ ဆက်တိုက်လုပ်ရပြီး ချစ်ရတဲ့ကောင်လေး ရော်ဘီကလည်း သူ့ကို အစွမ်းကုန် ပံ့ပိုးပေးပါတယ်။ ဒါပေမဲ့ သူမဟာ စိတ်ဖိစီးမှုများလွန်းတာကြောင့် ခေါင်းကို ခဏခဏကုတ်ခြစ်နေတတ်ပါတယ်။ ဒီလိုနဲ့ နယ်လှည်ဟောပြောပွဲတွေဆက်တိုက်လုပ်ပြီး ကိုးလလောက် ကြာတဲ့အခါမှာ သူမဟာ ဘယ်ဟောပြောပွဲပဲသွားသွား ဦးထုပ်ဆောင်းထားပြီးတော့ ဦးထုပ်ကို လုံးဝမချွတ်တော့ပါဘူး။ သူ့ကောင်လေးဖြစ်သူ ရော်ဘီကလည်း သူဒီလိုကုတ်ခြစ်နေတတ်တာကို ဆရာဝန်ပြကြည့်ဖို့၊ ပြောပေမဲ့ သူမက လက်မခံပဲ အလက်ဂျစ်ထတာလို့ပဲပြောပြီး သောက်ဆေးအားကိုးနဲ့ ပွဲတွေဆက်လိုက်လုပ်ခဲ့ပါတယ်။ တစ်နေ့မှာတော့ အရင်က ဆေးစွဲခဲ့ဖူးတဲ့ သူမရဲ့အဖေက သူ့ဆီကို ရောက်လာပြီးတော့ သူမလည်း သူမအမေလို ဖြစ်လာခဲ့ပြီဆိုပြီး ပြောပါတော့တယ်။ ဒီတော့ ဗယ်လာရီ ငုယင်ဟာ တကယ်တမ်း ဘာဖြစ်နေတာလဲ၊ ခန္ဓာကိုယ်နဲ့ဆိုင်တဲ့ ဓာတ်မတည့်တဲ့ရောဂါမျိုး ရနေတာလား ဒါမှမဟုတ် စိတ်ပိုင်းဆိုင်ရာကပဲ တစ်ခုခုချို့ယွင်းနေတာလား၊ သူမအဖေပြောခဲ့သလို သူတို့မိသားစုမျိုးရိုးမှာ ဘာတွေဖြစ်ခဲ့တာလဲဆိုတာကို ပဟေဠိဆန်စွာ အမျိုးမျိုး စဉ်းစားဖော်ထုတ်ရမဲ့ Body Horror ဇာတ်ကားကောင်းလေးပဲဖြစ်ပါတယ်။ File size… (5.3 GB) / (1.1 GB) / (700 MB) Quality….Webdl 4K HEVC / 1080p HEVC / 720p Format…mp4/ mkv Duration….01:48:00 Genre…Horror Subtitle….Myanmar Subtitle (Hardsub) Encoder….Swan Min Htet Translated by Matteo

ဟာသဆန်ဆန် ဘရာဇီးရုပ်ရှင်ကားလေးကိုတင်ဆက် ပေးလိုက်ပါတယ်။ ဇာတ်လမ်းအကျဉ်းက အရမ်းတော်တဲ့ဗိသုကာပညာရှင် တစ်ယောက်ဖြစ်တဲ့ အူလိစ်ကကိုယ့်ကိုယ်ကို မကျေနပ်သလိုလို နောင်တရနေသလိုလိုဖြစ်နေတယ်။ အကြောင်းကတော့ ဒီပညာရပ်ကိုသူ့စိတ်ကြိုက်ရွေးချယ် ခဲ့ရတာမဟုတ်ဘဲ မိဘနှစ်ယောက်လုံးကဗိသုကာပညာရှင်တွေ ဖြစ်တဲ့အတွက်သူလည်း ဒီပညာရပ်ကိုရွေးခဲ့ရလို့ဖြစ်တယ်။ အဲဒါကြောင့် သူ့သမီးလေးကိုလည်း သူ့လိုမျိုးအသက်ကြီးမှ အသက်မွေးဝမ်းကြောင်းပညာရပ်အရွေးမှားပြီးနောင်တတွေ ရမှာမျိုးကို မလိုလားတဲ့အတွက် ဆရာမျိုးစုံနဲ့တိုင်ပင်နေရတယ်။ သမီးဖြစ်သူကလည်း ဘမျိုးဘိုးတူဆိုသလိုပဲ ဒီဗိသုကာပညာရှင်ပဲ လုပ်မယ်ချည်းပြောနေတော့ အူလိစ်လည်းအကျပ်ရိုက်နေတယ်။ တစ်နေ့ ဂျာနယ်တစ်စောင်မှာ အသက်မွေးဝမ်းကြောင်း အလုပ်အကိုင်ရှာဖွေရေးနည်းပြဆိုတဲ့ဆောင်းပါးကိုဖတ်မိပြီး ဆောင်းပါးပါလိပ်စာအတိုင်းသွားလိုက်တယ်။ ဟိုလည်းရောက်သွားရော နည်းပြဆိုတဲ့တစ်ယောက်က သူ့ကို မေ့ဆေးခပ်ပြီးပါလာတဲ့ပစ္စည်းတွေပါခိုးသွားတယ်။ ဒါပေမယ့်သတိမေ့ရာကနေနိုးလာတော့လူတွေကိုကိုင်ပြီး အနာဂတ်မှာဖြစ်လာမယ့်စစ်မှန်တဲ့အသက်မွေးဝမ်းကြောင်းကို အာရုံခံလို့ရတဲ့စွမ်းအင်ကိုပိုင်ဆိုင်သွားတယ်။ ဒီစွမ်းအင်ကိုအသုံးချရင်းတလွဲတွေဖြစ်လာတဲ့အခါမှာတော့….. File size… (1.97 GB) / (1.02 GB) Quality… WEB-DL 1080p HEVC / 720p Format…mkv / mp4 Duration….1h 33m Genre …..Comedy , Fantasy Subtitle….Myanmar Subtitle (Hard Sub) Encoder….Min Wai Translated by Tin Myo Lwin

Monte Carlo (2011) အဆိုတော် Selena Gomez တယောက် ၁၈ နှစ်အရွယ်လောက်က ရိုက်ကူးထားတဲ့ ရှားရှားပါးပါးချစ်စရာရုပ်ရှင်ကားလေးပါ။ ဆလီနာဂိုးမက်ဇ်အပြင် Katie Cassidy ၊ Leighton Meester တို့လို မမကြီးတွေပါ ပါဝင်ထားပါတယ်။ ဇာတ်လမ်းကတော့… Grace (Selena Gomez) ဟာ တက္ကဆက်က ဆင်းရဲတဲ့ စားပွဲထိုးကောင်မလေးတယောက်ဖြစ်ပြီး ပါရီမြို့ကိုအလည်သွားဖို့ဆိုတာ သူမရဲ့အိမ်မက်ဖြစ်ပါတယ်… ဒီလိုနဲ့ အထက်တန်းလဲအောင်မြင်ပြီးတာနဲ့ သူမနဲ့ သူငယ်ချင်း Emma (Katie Cassidy)၊ အစ်မ Meg (Leighton Meester) တို့ဟာ ပါရစ်မြို့ကို အလည်အပတ်ခရီးထွက်ကြပါတယ်။ ဖြစ်ချင်တော့ ပါရီမှာ Grace နဲ့ တထေရာထဲတူတဲ့ သူဌေးသမီး Cordelia Winthrop Scott ကို တွေ့ပြီး မတော်တဆ အစားထိုးဝင်ရောက်သွားတဲ့အခါ တက္ကဆက်က စားပွဲထိုးကောင်မလေးဟာ Monte Carlo က သူဌေးသမီး ဇိမ်ခံဘဝကို တမုတ်ဟုတ်ချင်းရောက်သွားပါတော့တယ်။ “တစ်ခါတလေ လူတစ်ယောက်ရဲ့ဘဝကို ခဏနေကြည့်ဖို့ လိုတယ်… ဒါမှ ကိုယ့်ဘဝကို ပိုတန်ဖိုးထားတတ်မယ်” ? ခရီးသွား စွန့်စား ချစ်စရာ ဟာသ ရိုမန့်ဇာတ်ကားဖြစ်တာနဲ့အညီ ပါရီနဲ့ Monaco ရဲ့ လှပတဲ့မြင်ကွင်းတွေနဲ့ အလွဲလွဲအချော်ချော် မင်းသမီးချော မင်းသားချောလေးတွေနဲ့ ချစ်စရာရုပ်ရှင်ကားလေးဖြစ်ပါတယ်။

ဖနောဆိုတဲ့မိန်းကလေးက ရွာရဲ့ ကျိန်စာအခမ်းအနားကျင်းပလေ့ရှိတဲ့လျှို့ဝှက်ဆန်းကြယ်တဲ့ နေ့မှာမွေးဖွားခဲ့တာပါ။ မွေးကတည်းက ထူးခြားတဲ့စွမ်းအား‌တွေ ပါရှိလာခဲ့တာကြောင့် လူ့အသိုင်းအဝိုင်းကနေ ပယ်ခံထားရတဲ့မိန်းကလေးဖြစ်လာခဲ့ပါတယ်။ ဒါ့အပြင် ဖနောရဲ့ အိမ်နီးနားချင်းတွေကလည်း ဆိုးရွားတဲ့အဖြစ်အပျက်တွေ မကောင်းတဲ့ကိစ္စတွေကို မကြာခဏဆိုသလို ကြုံခဲ့ရတယ်။ ဒီလို ကိစ္စ‌တွေကြောင့်ပဲ ရွာကလူတွေက ဖနောကို မကောင်းဆိုးဝါး‌တွေ ယူဆောင်လာတဲ့သူလို့ သတ်မှတ်ထားကြပြီး ရှောင်ရှားခဲ့ကြတယ်။ ဒီလိုနဲ့ တနေ့မှာတော့ ဖနောဟာ သူ့ကိုမွေးတုန်းက ပါလာတဲ့အမဲရောင်စွမ်းအားတစ်ခုနဲ့ပတ်သတ်တဲ့အရာကို မထင်မှတ်ဘဲ တွေ့ခဲ့တယ်။ အဲဒီအရာကြောင့် ဖနောဟာ သူ့ဘ၀တလျှောက်လုံး ထူးဆန်းတဲ့အနှောင့်အယှက်‌တွေ လျှို့ဝှက်ဆန်းကြယ်တဲ့ သဘာဝလွန်ဖြစ်ရပ်‌တွေနဲ့ကြုံခဲ့ရတယ်။ ဒါပေမဲ့ ဖနောမွေးတုန်းက လိုက်ပါလာတဲ့ကံကြမ္မာဆိုးက တကယ်တမ်းဘာလဲ….. ဖနောက‌ရော ဒီလျှို့ဝှက်ချက်ကိုဖော်ထုတ်နိုင်မလား……. ပြီးတော့ သူမရဲ့ကံကြမ္မာကိုပြောင်းလဲနိုင်ပါ့မလား….ဆိုတာကြည့်ရှုခံစားလိုက်ကြပါဦးလို့……. File size…(2 GB)/(920 Mb) Quality….Webrip 1080p / 720p Format… mp4 Duration…. 02:00:00 Genre…Horror, Thriller Subtitle….Myanmar Subtitle (Hardsub) Encoder….Elena Translated by Alyn, Htet & Khaing Thazin

ပြင်သစ်နိုင်ငံဟာ အနုပညာ ခံစားမှုနဲ့ပတ်သတ်ရင် ကမ္ဘာမှာ ထိပ်တန်းက ရပ်တည်နေသလို သမိုင်းဝင် ကမ္ဘာကျော် အနုပညာရှင် အများစုက ပြင်သစ်တွေဆို ရင်လည်း မမှားပါဘူး။ သမိုင်းဝင် နာမည်ကြီး အနုပညာရှင်တွေထဲမှာ အများစုက အမျိုးသားတွေ ဖြစ်ကြပေမယ့် ပြင်သစ်-အမေရိကန်နွယ်ဖွား နစ်ကီ ဒယ် စိန့်ဖယ်လ်ကတော့ ၂၀ ရာစုနှစ်ကာလအတွင်းမှာ ထူးထူးခြားခြား အမျိုးသမီး ပန်းချီပန်းပု အနုပညာရှင် တစ်ဦး ဖြစ်ခဲ့သူပါ။ ကနဦးက အမေရိကန်မှာ နေထိုင်ခဲ့ပေမယ့် မက်ကာသီခေတ် လူမျိုးရေး ခွဲခြားမှု ဖိနှိပ်ဆက်ဆံမှုတွေကြောင့် ပါရီမြို့ကို ပြောင်းရွှေ့လာခဲ့ပါတယ်။ သူမရဲ့ အနုပညာက တစ်ခြားသူနဲ့ လုံးဝကို ကွဲထွက်ပြီး ဆန်းပြားတဲ့ ဟန်ပန်တွေကြောင့် လူသိများ ထင်ရှားခဲ့တာ ဖြစ်ပါတယ်။ သူမဟာ အနုပညာနဲ့ ပတ်သတ်ပြီး ကျောင်းတက်သင်ယူလေ့လာမှု မရှိခဲ့ဘဲ သူ့ရဲ့ အတွင်းစိတ်မှာ ပေါ်လာတဲ့အတိုင်း ပုံဖော်ထုဆစ် ရေးဆွဲတဲ့ အနုပညာရှင် တစ်ယောက် ဖြစ်ပါတယ်။ ဒီဇာတ်ကားက သူမအကြောင်းကို ပြည်လည် ရိုက်ကူးထားထဲ့ Biography ဇာတ်ကား တစ်ကားဖြစ်ပြီး သူမငယ်စဉ် ကလေးဘဝ အနိုင်ကျင့်ခံရမှုတွေ. ဖြတ်သန်းခဲ့ရတဲ့ အိမ်ထောင်သည်ဘဝ၊ စိတ်ရောဂါဆေးရုံ တက်ရောက် ကုသခံရမှုတွေ ပါဝင်ပါတယ်။ သူမရဲ့ အနုပညာလက်ရာတွေ ကို ယနေ့ခေတ် ပြတိုက်အတော်များများမှာ တွေ့မြင်နိုင်သေးပြီးတော့ အကြီးဆုံးနဲ့ အပြည့်စုံဆုံး ပန်းပုဥယျာဉ်ကြီး တစ်ခုဖြစ်တဲ့ ‘ The Tarot Garden’ ကို အီတလီနိုင်ငံမှာ ယခုထိ တွေ့မြင်နိုင် ပါသေးတယ်။ File Size… (1.31 GB) / ( 946 MB) Quality… WEB-DL 1080p HEVC /720p Format…mkv / mp4 Duration….1h 38m Genre …..Biography , Drama Subtitle….Myanmar Subtitle (Hard Sub) Encoder….Min Wai Translated by Aoi

Penitentia (2024) အလီ ဗန်လာကာညိုဆိုတဲ့ သက်လတ်ပိုင်းရှေ့နေတစ်ယောက်ဟာ ငယ်စဉ်က လူငယ်ထောင်ကျခဲ့ဖူးပါတယ်။ အဲဒီအချိန်မှာတည်းက တစ်ထောင်လုံးမှာ အတော်ဆုံးဖြစ်ခဲ့တဲ့ အလီဟာ သူ့ထောင်ဖော်တွေအတွက် အယူခံစာရေးရင်း အငှားတရားရင်ဆိုင်ရင်း ထောင်တွင်းရှေ့နေဆိုပြီး နာမည်ကြီးခဲ့တဲ့သူဖြစ်ပါတယ်။ နောက်ပိုင်း ထောင်ထဲကနေလွတ်လာပြီးတဲ့နောက် သူ့အိမ်မက်ဖြစ်တဲ့ ရှေ့နေဖြစ်အောင်ဆက်ကြိုးစားရင်း တစ်ချိန်မှာ ထူးချွန်တဲ့ရှေ့နေအစစ်တစ်ယောက်ဖြစ်လာပြီး ကိဗ့်ဘရိုင်ယာဆိုတဲ့ နာမည်ကြီးရှေ့နေကုမ္ပဏီတစ်ခုမှာ အလုပ်ရသွားပါတယ်။ တစ်နေ့မှာတော့ သူ့ရဲ့ သူငယ်ချင်းဟောင်းဖြစ်သူ ဂျေဒီဆိုတဲ့သူက သူ့ရဲ့ထောင်ထဲမှာရှိနေတဲ့ ညီမက သောက်ရမယ့်ဆေးတွေကို မသောက်လို့ စိတ်မနှံ့သလိုဖြစ်ချင်တာကို စိတ်ပူပြီး ဆေးသောက်ခွင့်ပြန်ရအောင်လုပ်ပေးဖို့ အလီကို အတင်းအကြပ်လာအကူအညီတောင်းပါတယ်။ ငြင်းလို့မရတော့တဲ့တစ်ဆုံး အလီဟာ မာဗင်လို့ခေါ်တဲ့ နောက်ရှေ့နေတစ်ယောက်နဲ့အတူ အမှုကိုလိုက်ပေးဖို့ဖြစ်လာခဲ့ပါတယ်။ ဒါပေမဲ့ အလီထင်ထားတဲ့အတိုင်း အမှုက ရိုးရှင်းမနေတဲ့အခါမှာတော့ တောင်းဆိုချက်လေးတစ်ခုပဲ တင်ပြီး ရပိုင်ခွင့်ကိုတောင်းခံပေးရမယ့် အမှုဟာ တဖြည်းဖြည်းကြီးလာပြီး အသက်အန္တရာယ်ပါရောက်လာရတဲ့အထိ ရှုပ်ထွေးလာပါတော့တယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (900 MB) / (370 MB) Quality…. WEB-Rip 1080p / 720p Format…. mp4 Genre…. Drama Duration…. 01:30:00 Subtitle…. Myanmar Subtitle (Hardsub) Encoder…. Benjamin Translated by Mark