My Happy Ending (2023) ဘ၀မှာ ကြောက်စရာရောဂါဆိုးကြီးဖြစ်လာရင် ဘယ်လိုရင်ဆိုင်ကြမှာလဲ... အရှုံးမပေးဘဲ အနိုင်ယူကြမှာလား။ ဂျူလီယာရော့သ်ဆိုတဲ့ အမျိုးသမီးအဖြစ်ကတော့ သူများတွေလိုမဟုတ်ပါဘူး။ ကိုယ့်ဘ၀ရဲ့ ပျော်ရွှင်စရာ အဆုံးသတ်ကို ကိုယ်တိုင်ရွေးချယ်လို့ရတယ်ဆိုတာပြသွားတာပါ။ ဂျူလီယာက တစ်ချိန်က ဟောလီးဝုဒ်နာမည်ကြီးသရုပ်ဆောင်ဖြစ်ပြီး ခုချိန်မှာတော့ နာမည်ကျလာပြီး တစ်ချိန်တည်းမှာပဲ အူမကြီးကင်ဆာဖြစ်နေပါတယ်။ ဒါကို သူ့မန်နေဂျာကလွဲရင် သူ့သားသမီးတွေရောဘယ်သူမှမသိပါဘူး။ မကြာခင်မှာ သမီးဖြစ်သူရဲ့လက်ထပ်ပွဲလည်းရှိနေပါတယ်။ သူ့ဆရာ၀န်က ညွှန်းပေးတဲ့ လန်ဒန်အပြင်က ဆေးခန်းလေးမှာ ‌ဓာတုကုထုံးနဲ့ ကီမိုဆေးသွင်းဖို့ရောက်လာပါတယ်။ အဲဒီက သူနေရမယ့်အခန်းမှာ တခြား ကင်ဆာရောဂါသည်အမျိုးသမီး ၃ဉီးလည်းရှိနေပါတယ်။ ရောက်ကာစကတော့ ဂျူလီယာနဲ့ နည်းနည်းအဖုအထစ်လေးဖြစ်ပေမယ့် ပြန်အဆင်ပြေသွားပါတယ်။ ဂျူလီယာရဲ့ကင်ဆာက အဆင့် ၄ ရှိနေပြီး သူတို့ထဲမှာ အဆိုးဆုံးအခြေအနေလို့ပြောလို့ရပါတယ်။ ကျန်တဲ့ ၃ယောက်က သူတို့ဆေးတွေသွင်းရလို့ နာကျင်တဲ့အချိန်မှာ နာတဲ့စိတ်ကို ပြေပျောက်အောင်လို့ စိတ်ကူးယဉ်ပြီးကစားတဲ့ အားလပ်ရက်ခရီးဆိုတာမျိုးရှိပါတယ်။ ဂျူလီယာ့ကိုလည်း အဲဒီလိုကစားနည်းကို ပြပေးပြီး သူတို့အတူ ကစားကြပါတယ်။ ဒီလိုနဲ့ တစ်ယောက်အကြောင်းတစ်ယောက်ဖလှယ်ရင်း၊ အားလပ်ရက်ခရီးသွားတမ်းကစားကြရင်း ဂျူလီယာက သူ့ရောဂါအခြေအနေနဲ့ သူ့မှာအချိန်သိပ်မရှိတော့တာကို သတိထားမိသွားတဲ့အခါ... သူရွေးချယ်တဲ့ ပျော်ရွှင်စရာအဆုံးသတ်ဆိုတာ ဘယ်လိုမျိုးလဲ... အဆင့် ၄ ကင်ဆာရောဂါသည်တစ်ယောက်အတွက် အရမ်းပြင်းတဲ့ကီမိုဆေးတွေသွင်းရင်း အချိန်ဆွဲဆန့်တာက တန်တာလား... ကျန်တဲ့အချိန်လေးမှာ ချစ်ရတဲ့သူတွေနဲ့ တန်ဖိုးရှိရှိပျော်ပျော်ရွှင်ရွှင် ဆန္ဒအတိုင်းနေထိုင်သွားတာက တန်တာလားဆိုတာ ဆက်လက်အားပေးကြပါဦး။ ဇာတ်ကားတစ်ကားလုံးက တကယ်တော့ တစ်ရက်တည်း တစ်‌နေရာတည်းမှာ ဖြစ်သွားတဲ့အကြောင်းအရာတွေကို ရိုက်ကူးထားတာပေမဲ့ ကြည့်ပြီးရင် တစ်ခုခုတော့တွေးစရာကျန်ခဲ့မှာပါ။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size - 1.7GB, 715MB Quality - 1080p, 720p IMDb Rating - 5.2/10 Format - mp4 Duration - 1H 29Min Genre - Comedy, Drama Subtitle - Myanmar Subtitle (Hardsub) Translated by Shune Lai KK Encoded by Y

Love in the Villa (2022) ================= အချစ်ဟာ ဆန်းကြယ်ပါတယ်။ နဖူးစာရွာလည်ဆိုသလိုမျိုး တစ်ခါတရံ ကမ္ဘာ့မြောက်ဘက်အခြမ်းကလူနဲ့ တောင်ဘက် အခြမ်းကလူလည်း ဆုံစည်းနိုင်တယ်။ ဒါပေမဲ့ ဆန်းကြယ်တဲ့ အချစ်တွေမှာ ရှုပ်ထွေးခြင်းနဲ့ ခက်ခဲခြင်းတွေက နှောင့်ယှက် တတ်စမြဲပဲမဟုတ်လား။ ဒီ Love in the Villa ဆိုတဲ့ ဇာတ်ကားလေးမှာတော့ ကလေး တွေကိုစာသင်တဲ့ ဆရာမလေး ဂျူးလီဟာ ရိုမီရိုနဲ့ ဂျူးလိယက်ရဲ့ ပင်တိုင်ပရိသတ်တစ်ယောက်၊ ရူးသွပ်လွန်းလို့ အီတလီနိုင်ငံအထိ ခြေဆန့်ပြီး ခရီးထွက်ချင်သူ။ တစ်နေ့ ခရီးထွက်ဖို့ စီစဥ်ပြီးချိန်မှာ အတူမျှဝေလို့ရမယ့် ချစ်သူကလည်း အသင့်ရှိနေပါတယ်။ ခရီးမှာ ဘယ်တွေသွားမယ်၊ ဘယ်လိုသွားမယ်၊ ဘယ်လိုရိုမယ် သေချာစီစဉ် ထားတာပေါ့။ ကံဆိုးချင်တော့ ခရီးမထွက်ခင်လေးတင် ချစ်သူက ပြတ်စဲသွားတဲ့အခါ အချစ်မြို့တော်ကိုသွားမယ့် ဂျူးလီတစ်ယောက် ကံဆိုးခြင်းများစွာကို ဆက်တိုက်ကြုံရင်း ငှားနေမယ့် အချစ်စံအိမ်လေးမှာ လွဲချော်မှုတစ်ခုကြောင့် ချာလီဆိုသူတစ်ဦးနဲ့ ဆုံကြတဲ့အခါ။ ဟာသလေးတွေ၊ အလွဲလေးတွေနဲ့ ချစ်ကြည်နူးခြင်းတွေ အစရှိတာတွေအားလုံးကို ဒီကားထဲမှာ စောင်ကိုက်ရင်း ကြည့်ရမှာ ဖြစ်ပါကြောင်းပြောရင်းတင်ဆက်လိုက်ပါရစေ။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Mugiwara Ya ဖြစ်ပါတယ်)

စိတ်ကူးယဉ်ရုပ်ရှင်ဆန်းဆန်းကောင်းကောင်းလေးတစ်ကားပါ။ ဘော်ဘီကိုးလ်မန်းဟာတစ်ချိန်က ဆုရနာမည်ကျော်ဘောလုံးသမားဖြစ်ခဲ့ပေမယ့် အခုချိန်မှာလူငယ်နောက်ပေါက်တစ်ယောက်ရဲ့ ကျော်တက်မှုကြောင့်ခံပြင်းနေရပါတယ်။ အဲ့ဒီလူငယ်ကစားသမားရဲ့အိမ်ပါတီကအပြန် ပါလာတဲ့လက်ဆောင်ကိစ္စ သမီးငယ်နဲ့ စကားများကြရာက နှစ်ယောက်လုံးမိုးကြိုးပစ်ခံလိုက်ရပါတယ်။ နောက်တစ်နေ့မှာတော့ ဘောလုံးဂိမ်းမှာကျွမ်းကျင်အဆင့်သူ့သမီးငယ်ဟာ ဂိမ်းခလုတ်ကတစ်ဆင့်ကွင်းထဲက သူ့ရဲ့လှုပ်ရှားမှုတွေကို ထိန်းချုပ်နိုင်ကြောင်းအမှတ်မထင်တွေ့ရှိပြီးသွားတဲ့နောက်မှာတော့.. ဘော်ဘီ့အနေနဲ့မကြေပွဲတွေအကြိမ်ကြိမ်နွှဲရင်းအရင်လိုအောင်မြင်မှုမျိုးတွေ ပြန်လည်ရရှိလာပါတော့တယ်။ ဒါပေမယ့်လဲ တစ်ဖက်က သမီးငယ်ဖြစ်သူ ကာလီကတော့ အောင်မြင်လာတဲ့သူ့အဖေရဲ့ အရှိန်နဲ့ ကိုယ်ပိုင်ဘဝတစ်ခုလုံး ပျောက်ဆုံးလာတယ်လို့ခံစားမိတဲ့နောက် ကတောက်ကဆဖြစ်ပြီး သူ့နောက်ကွယ်ကနေ ဗီဒီယိုဂိမ်းမကစားပေးနိုင်တော့ဘူးလို့ ဆုံးဖြတ်လိုက်တဲ့အချိန်မှာတော့ ဘော်ဘီ သိပ်လိုချင်ခဲ့တဲ့ အောင်မြင်မှုကနေလွဲချော်သွားတော့မလား? ဒီလိုမရိုးဖြောင့်တဲ့နည်းနဲ့ရတဲ့အောင်မြင်မှုတွေကို သူဘယ်ချိန်ထိဆက်လိုချင်နေဦးမလဲ? သူ့ဘဝရဲ့ တကယ်တမ်းဦးစားပေးတွေက ဘာလဲ ဆိုတာတွေကို ဆုံးဖြတ်ရွေးချယ်ဖို့ဖြစ်လာပါတော့တယ်။ အားကစားနောက်ခံ စိတ်ကူးယဉ် မိသားစု ဇာတ်ကားလေးတစ်ကားဖြစ်ပြီး သွက်လက်မြူးကြွတဲ့ဇာတ်အိမ်၊ နောက်ခံသီချင်း အမိုက်စားတွေနဲ့အတူ ကြည်နူးနွေးထွေးမှုအပြည့်နဲ့ခံစားရမယ့်ကားကောင်းတစ်ကားဖြစ်ပါတယ်။ File size…(1.7GB) / (1.25GB) / (679MB) Quality…. Web 1080P / 720p / 480p Format…mp4 Duration….01:23:00 Genre… Drama Subtitle….Myanmar Subtitle (Hardsub) Encoder….Mr. Anderson Translated by Alias

ဂေါ်ဖီထုပ်ကလေးဆိုတဲ့ ခြေသေးမမိန်မပျိုလေးဟာ ဆေးဆရာယန်နေဝူ ဆီမှာအိမ်တော်ထိန်းအဖြစ်တာဝန်ထမ်းနေပါတယ်။ ဒါပေမယ့် ယန်က သူ့အပေါ်တိမ်းညွတ်နေပြီးတစ်ချိန်မှာ ကိုယ်လုပ်တော်အဖြစ်မြှောက်စားဖို့အထိ ဆန္ဒရှိနေပါတယ်။ ယန်ရဲ့ဇနီးဖြစ်သူနဲ့အောက်ရုံးတရားသူကြီးရဲ့ သားနဲ့ဖောက်ပြန်နေတဲ့ ဇာတ်လမ်းကိုဂေါ်ဖီထုပ်ကလေး အမှတ်မထင်မြင်သွားတဲ့နောက်မှာတော့ သူ့ရဲ့ဇာတ်လမ်းပေါ်လာမှာစိုးရိမ်စိတ်နဲ့ဂေါ်ဖီထုပ်ကလေးကို ယောက်ျားပေးစားပြီးအဝေးပို့လိုက်ရုံမကပဲ ဆက်လက်ဒုက္ခပေးဖို့အကြံဆိုးတွေကြံပါတော့တယ်။ အဲ့ဒါကတော့ သူပေးစားလိုက်တဲ့ဂေါ်ဖီထုပ်ကလေးရဲ့ယောက်ျားကိုတစ်ဖက်လှည့်နဲ့လုပ်ကြံပြီး အဲ့ဒီအမှုကိုဂေါ်ဖီထုပ်ကလေးနဲ့ခင်ပွန်းသည် ယန်နေဝူတို့အပေါ်ပုံချလိုက်တာပါပဲ။ဒီအမှုကိုစစ်တဲ့တရားသူကြီးကိုယ်တိုင်က ဘက်လိုက်တဲ့သူဖြစ်တဲ့အတွက်တရားခွင်မှာ အဲ့ဒီအချိန်က တရားဝင်ပြဌာန်းထားတဲ့ ရက်စက်ကြမ်းတမ်းလွန်းတဲ့နှိပ်စက်နည်းအမျိုးမျိုးနဲ့စစ်မေးတော့မှာဖြစ်ပါတယ်။ ဟောင်ကောင်ရုပ်ရှင်ရွှေခေတ် ၁၉၉၀ လွန်နှစ်များဆီက ဂန္ဓဝင်ဇာတ်ကားတစ်ကားပါ။ ဇာတ်ကားနာမည်နဲ့တွဲမသိရင်တောင် ဂရုထဲမှာ လာမေးကြတဲ့ လေပေါ်မှာဝဲပျံပြီးကိုယ်ဖော့ပညာနဲ့ဂျိန်းကြတဲ့ ဟောင်ကောင်ကတုံးကြီး Elvis Tsui ရဲ့နာမည်ကျော်ဇာတ်ဝင်ခန်းကို သိကြမှာပါ။ ဇာတ်ကားနာမည်နဲ့လိုက်အောင်အလွန်ရက်စက်ပြီး စိတ်မသက်သာဖွယ် ညှင်းပန်းနှိပ်စက်နည်းပေါင်းစုံနဲ့ကြံကြံဖန်ဖန်ပေါက်ပေါက်ရှာရှာလို့ပြောရမယ့် လိင်ဇာတ်ဝင်ခန်းတွေပါဝင်ပါတယ်။ဒါပေမယ့်လည်း Dark comedy ဆန်ဆန်မြူးမြူးသွက်သွက်နဲ့ပေါ့ပါးတဲ့တင်ဆက်ပုံအရ ကြည့်ရတာပျော်စရာကောင်းပြီး entertaining ဖြစ်တဲ့ကားပါ။ File size…(880 Mb)/(520 Mb) Quality….Webrip 720p/480p Format…mp4 Duration….01:28:00 Genre…Drama Thriller Comedy Subtitle….Myanmar Subtitle (Hardsub) Encoder….Garfield Translated by Alias

ဒီဇာတ်ကားကထွက်ဖူးသမျှကားတွေထဲမှာ တော်တော်ထူးဆန်းတဲ့ Horror ကားပဲဖြစ်ပါတယ်။A Quiet Place တို့လိုအသံတိတ်တိတ်နေရပြီး စကားမပြောရတဲ့ဇာတ်ကားတွေတောင်မှ ဒီထက်ပိုပြောရပါသေးတယ်။ ဒီမှာကတော့စကားတွေပြောနေတာကို အာရုံစိုက်နေရတာထက် ဘယ်သူမှမရှိတဲ့ အိမ်တစ်အိမ်ထဲမှာ လက်မှာသွေးတွေစွန်းပြီး နိုးလာခဲ့တဲ့ လူတစ်ယောက်က ဘာလို့သူအဲ့လို သွေးတွေစွန်းပြီးနိုးလာရတာလဲ။ အိမ်ထဲမှာရော ဘာလို့ဘယ်သူမှ မရှိတာလဲ။အပြင်ရော ဘာလို့သွားလို့မရတာလဲ။ခြောက်ခြားစရာ အဖြစ်အပျက်တွေရော ဘာလို့ဖြစ်နေရတာလဲ။အဲ့ဒီအိမ်ထဲမှာ သော့နဲ့ပိတ်ထားတဲ့ မီးခံသေတ္တာတစ်လုံးကရော ဘာလို့ရှိနေရတာလဲဆိုတဲ့ မေးခွန်းပေါင်းများစွာကို သူတစ်ယောက်တည်း အိမ်ထဲမှာလျှောက်သွားပြီးတော့ အဖြေရှာနေပုံကိုတွေ့ရမှာပဲဖြစ်ပါတယ်။ File size…691 MB / 318MB Quality…WEB-DL 1080p / 720p Format…mp4 Duration….1h 16m Genre ….. Horror Subtitle….Myanmar Subtitle (Hard Sub) Encoder….Min Wai Translated by Saw Lay

“Stake land” ဒါမှမဟုတ် တံစို့ထိုးနယ်မြေပေါ့…။ ခေတ်ကာလအားဖြင့် လူမှုအသိုင်းအဝိုင်းတစ်ခုလုံးရော၊ တိုင်းပြည်တွေရော၊ အစိုးရတွေပါမကျန် ဗမ်ပိုင်းယားတွေကြောင့် ပျက်သုဥ်းသွားခဲ့တဲ့အချိန်…။ ဒီသွေးစုပ်ဖုတ်ကောင်တွေ စပေါ်လာပြီးနောက်မှာ လူတွေဟာ ဘေးကင်းအောင်ဆိုပြီး အစုအဝေးနဲ့နေကြပါတယ်…။ သို့ပေမဲ့ ဗမ်ပိုင်းယားတွေကလည်း လူ့သွေးနံ့ကိုမိုင်နဲ့ချီအဝေးက နေရနိုင်တာမလို့ အစုအဖွဲ့နဲ့နေလေ ကိုယ်သေတွင်းကိုယ်တူးမိဖို့ ရာခိုင်နှုန်းများလေဆိုတဲ့အခြေအနေပါ…။ ဒီလိုကာလကြီးမှာ ဗမ်ပိုင်းယားတွေကို အံတုပြီး တိုက်ခိုက်နေတဲ့ သွေးစုပ်ဖုတ်ကောင်မုဆိုးကြီးနဲ့ ကောင်လေးတစ်ယောက်ရှိပါတယ်။ သူတို့နှစ်ဦးဟာ ဧဒင်သစ်ဆိုတဲ့ လွတ်လပ်ရာနယ်မြေအသစ်ကိုချီတက်နေကြတာပါ။ ဒီနယ်မြေသစ်ကိုမရောက်မီ လမ်းမှာဘယ်လိုအခက်အခဲတွေကြုံရမလဲ ဘယ်လိုဗမ်ပိုင်းယားတွေကြုံရမလဲ၊ ဘယ်လိုရင်ဆိုင်တိုက်ခိုက်ကြမလဲ… အသက်ရှင်အောင်ရုန်းကန်ခဲ့ကြတာတွေကို စီးမျှောကြည့်ရှုရင်း vimpire hunuter vibe မျိုး ၊ survival vibeမျိုးခံစားရမယ့် ဇာတ်လမ်းလေးဖြစ်ပါတယ်…။ File size…1.58 GB / 800 MB Quality…Blu-Ray 1080p 5.1CH / 720p Format…mp4 Duration….1h 38m Genre ….. Drama , Horror , Sci-Fi Subtitle….Myanmar Subtitle (Hard Sub) Encoder….Min Wai Translated by Themes

2023 ခုနှစ်ထွက် Horror Adventure Zombie Apocalypse ကားဖြစ်ပါတယ်… လူတစ်ယောက်က မိန်းမတစ်ယောက်ကို သတ်လိုက်တယ်… အဲ့မိန်းမဆီမှာ ပုံပြင်တွေ ပြုစုထားတာရှိတယ်… အဲ့ပုံပြင်တွေက ဘာလည်းဆိုတာ ကြည့်ရမှာပါ… တစ်ခါတစ်လေ ဒီလို ကားမျိုးလည်း ကြည့်ပေးမှ ရုပ်ရှင်ဇာတ်ကားကောင်းတွေဖန်တီးရတာ ဘယ်လောက်ခက်မှန်း ပို appreciate လုပ်တတ်မှာပါ.. ကြည့်ကြည့်ပါ အနည်းဆုံးတော့ ရယ်ရမယ် ထင်ပါတယ် File size…(2.4 GB)/(1.4 GB) Quality….Webrip 1080p / 720p Format…mp4 Duration….02:00:00 Genre… Horror Subtitle….Myanmar Subtitle (Hardsub) Encoder….Garfield Translated by BB

Emanuelle and the Last Cannibals (1977) Original title: Emanuelle e gli ultimi cannibali Genre – Adventure, Horror (ရှေးခေတ် အီတလီကားဖြစ်လို့ ရှင်းလင်းသော လိင်မှုဆိုင်ရာပြကွက်များ ပါဝင်တဲ့အပြင် လူသားစားလူရိုင်းရုပ်ရှင် ဖြစ်တဲ့အတွက် သွေးထွက်သံယို အော်ဂလီဆန်စရာအခန်းများ ပါဝင်သောကြောင့် ကြည့်ရှုသူများအနေနဲ့ သတိချပ်စေလိုပါတယ်။) ဂျာနယ်လစ်တစ်ဦးဖြစ်သူ အီမာနူရယ်ဟာ စိတ်ကျန်းမာရေးဆေးရုံအကြောင်း ဇာတ်လမ်းရေးဖို့ အသွင်ယူနေတုန်း ဆေးရုံကို လူသားစားလူရိုင်းတွေလက်ကနေ လွတ်မြောက်လာတဲ့ ကောင်မလေးတစ်ယောက် ရောက်ရှိလာပါတယ်။ တစ်ရက်ကျ ဒီကောင်မလေးဟာ သူ့ကို လိင်ပိုင်းဆိုင်ရာ အမြတ်လာထုတ်တဲ့ သူနာပြုတစ်ယောက်ရဲ့ ရင်သားကို ကိုက်ဖြတ်ပြီး စားသောက်လိုက်တော့ နာမည်ကြီးပြီး အီမာနူရယ်တစ်ယောက် သူ့ကို လေ့လာကြည့်တဲ့အခါ ဒီကောင်မလေးကိုယ်ခန္ဓာကိုယ်ပေါ် ပါလာတဲ့အမှတ်အသားက မျိုးတုန်းသွားပြီလို့ ယူဆရတဲ့ အမေဇုန်လူရိုင်းမျိုးနွယ်တစ်ခုရဲ့ သင်္ကေတ ဖြစ်နေပါတယ်။ ဒီအတွက် အီမာနူရယ်ဟာ ဒီထက်ပိုကြီးမားတဲ့ဇာတ်လမ်း လိုက်နိုင်ဖို့ မနုဿပညာရှင် ပရော်ဖက်ဆာတစ်ယောက်ရယ် တောတွင်းလမ်းပြကောင်မလေးရယ် သူနာပြုတစ်ယောက်ရယ် အမေဇုန်တောထဲမှာ နောက်ဆုံးလက်ကျန် လူသားစားမျိုးနွယ်တွေကို လိုက်ရှာဖို့ စွန့်စားခန်းထွက်ကြရင်း ဘယ်လို ခြောက်ခြားစရာ အန္တရာယ်ဒုက္ခတွေနဲ့ တွေ့ကြမလဲဆိုတာကို ရင်တထိတ်ထိတ် ကြည့်ရှုရမှာပါ။ ကျွန်တော်တို့ ငယ်ငယ်တုန်းက နာမည်အင်မတန်ကြီးခဲ့တဲ့ လူသားစားလူရိုင်းကား Cannibal Holocaust တောင် ၁၉၈၀ မှ ထွက်ခဲ့တာဖြစ်လို့ ဒီ အီတလီကားကို Reference ယူထားသလားလို့ ထင်မိချင်စရာပါပဲ။ File size… 2.6 GB / 1.9 GB Quality… BluRay 1080p / 720p Format… mp4 Duration…. 1h 34m Genre ….. Adventure/Horror Subtitle…. Myanmar Subtitle (Hard Sub) Encoder…. LegoHeart Translated by Thura Aung

ဒီဇာတ်ကားလေးဟာ တကယ့်အပြင်ကဖြစ်ရပ်မှန် နယူးယောက်မြို့က ဂျာမန်သူ ရေကူးကစားသမား ထရူဒီ အယ်ဒါလီအကြောင်းကို ရိုက်ကူးထားတာဖြစ်ပါတယ်။ လက်ရှိအခြေအနေအမျိုးမျိုးကြောင့် စိတ်ဓာတ်ကျနေသူတွေ၊ စိတ်ပျက်အားလျော့နေသူတွေ မိုတီယူဖို့အတွက် ကြည့်နိုင်တဲ့ ဇာတ်ကားကောင်းလေးတစ်ကားပါ။ ကြည့်နေရင်းနဲ့ကို ဇာတ်က ဆွဲဆောင်သွားပြီး ထိုင်ရာကမထ ကြည့်ရှုရမှာပါ… ဇာတ်လမ်းအစကိုတော့ ဝက်သက်ပေါက်ပြီး အိပ်ရာပေါ်မှာ လဲနေတဲ့ ကောင်မလေး ထရူဒီနဲ့ စထားပါတယ် ဝက်သက်ဝေဒနာကို အပြင်းအထန်ခံစားနေရလို့ “ဒီနေ့ညကို မကျော်နိုင်ဘူး” လို့ ဆရာဝန်ကပြောခဲ့ပေမဲ့ ရောဂါကို အံတုပြီး အသက်ဘေးကလွတ်ခဲ့တဲ့ ထရူဒီ သူနေမကောင်းဖြစ်နေတုန်းမှာ ရေမကူးတတ်လို့ သင်္ဘောပေါ်မှာ မီးလောင်သေဆုံးကြတဲ့ အမျိုးသမီးတွေအကြောင်းကို ကြားထားရတဲ့ အမေဖြစ်သူက သားသမီးတွေ အကုန်လုံးကို ရေကူးသင်ပေးမယ်လို့ ဆုံးဖြတ်ချက် ချလိုက်ပါတယ် ဖြစ်ချင်တော့ ထရူဒီဟာ ဝက်သက်ရောဂါက နားအထိဝင်ခဲ့တာမလို့ ရေထဲဆင်းရင် နားကန်းမှာဆိုတဲ့အတွက် ရေကူးသင်ခွင့် မရခဲ့ပါဘူး ဒါပေမဲ့ ဘယ်လိုအခြေအနေမျိုးဖြစ်ဖြစ် ခေါင်းမာမာနဲ့ ရအောင်လုပ်ခဲ့တဲ့ ထရူဒီဟာ ရေကူးတာကို ဝါသနာ ပါတဲ့အလျောက် ရေကူးတဲ့နေရာမှာလည်း သူမတူအောင် ထူးချွန် ခဲ့ပါတယ်.. မိန်းကလေးဆို အချိန်တန် ယောကျ်ားယူ၊ ကလေးမွေး၊ အိမ်မှု ကိစ္စပဲလုပ်ရမယ်ဆိုတဲ့ အယူအဆတွေ၊ ပတ်ဝန်းကျင်တွေရဲ့ ကြားထဲမှာ ထရူဒီတစ်ယောက် အမေနဲ့ အစ်မဖြစ်သူရဲ့ အားပေးမှုကို အကူအညီယူလို့ ရအောင်တွန်းလှန်ခဲ့ပါတယ် သို့ပေမဲ့လည်း ဘယ်လိုနေရာမှာမဆို ကျရှုံးအောင် ထိုးချမယ့် သူတွေက ရှိနေလေတော့ အမျိုးသမီးတွေကလည်း စွမ်းဆောင် နိုင်တယ်၊ ယောကျ်ားသားတွေနဲ့ ရင်ဘောင်တန်းနိုင်တယ်ဆိုတာကို ပြသပြီး ထိုက်သင့်တဲ့ အခွင့်အရေး ရဖို့အတွက်… အမျိုးသားကျွမ်းကျင်ရေကူးသမားအနည်းငယ်သာ ဖြတ်ကူးနိုင်ခဲ့ပြီး အတော်များများ အသက်ဆုံးရှုံးရတဲ့ အင်္ဂလိပ်ရေလက်ကြားကို ဖြတ်ကူးဖို့ ထရူဒီတစ်ယောက် ဆုံးဖြတ်လိုက်ပါတယ်… အဲဒီလိုဖြတ်ကူးရာမှာရော သူ့ကိုယ်သူ ယုံကြည်ထားသလို ထရူဒီ တစ်ယောက် ဖြတ်ကူးနိုင်ခဲ့မလား.. ရေခဲရေလို အေးစက်နေတဲ့ ပင်လယ်ရေ၊ ရာသီဥတုအလိုက် ပြောင်းလဲတတ်တဲ့ ရေစီးကြောင်းတွေ၊ လှိုင်းတံပိုးတွေ၊ ပင်လယ်ထဲက ရေသတ္တဝါတွေနဲ့ ကြိုတင်တွက်ဆလို့မရတဲ့ အန္တရာယ်တွေကြားမှာ ပြင်သစ်ကနေ အင်္ဂလန်အထိ ဖြတ်ကူးရတဲ့ အင်္ဂလိပ်ရေလက်ကြားရဲ့ ၂၁ မိုင်ကွာဝေးတဲ့လမ်းခရီးကို ဘယ်လို ရေကူးပြီး ဖြတ်သန်းမလဲဆိုတာ စိတ်ဝင်တစား ကြည့်ရှုနိုင်မှာ ဖြစ်ပါတယ်…. ဒီကားလေးကိုကြည့်ပြီး ဆုံးဖြတ်ချက်ခိုင်ခိုင်မာမာချ၊ လုပ်စရာ ရှိတာကို ယုံကြည်မှုရှိရှိနဲ့လုပ်ဆောင်ရင် အချိန်တန်တဲ့အခါ ရလဒ်ကောင်းတစ်ခု ရလာနိုင်ပါကြောင်း အားပေးလိုက်ရပါတယ် အားလုံး ဖိုက်တင်းပါ…Nothing is impossible! File size… 5.55GB / 2.55GB / 1.21GB Quality…WEB-DL 4K HEVC 1080p / 720p Format…mp4 Duration….2h 9m Genre ….. Biography , Drama , Romance Subtitle….Myanmar Subtitle (Hard Sub) Encoder….Min Wai Translated by Chothet_mlmt

ရည်စားမထားချင်တဲ့ ကောင်လေးတစ်ယောက် သူကိုယ်တိုင်က ယောက်ျားချင်းပဲ စိတ၀င်စားတာဆိုတော့သူ့ကို လာသဘောကျတဲ့ ကောင်မလေးတေဆို ငြင်းနေတာပေါ့ တစ်နေ့ app တစ်ခုကနေ သူနဲ့ စိတ်ကူးချင်းတူတဲ့ ကောင်လေးတစ်ယောက်နဲ့ အပြင်မှာတွေ့ဖို့ ချိန်းပြီးနောက်… BL ကားကို ခပ်ကြမ်းကြမ်းလေး ရိုက်ပြထားတဲံ ဇာတ်လမ်းတိုလေးပါ ။ File size_(300MB) Quality_Blu-Ray 1080p Format_mp4 Duration_00:20:00 Genre_Drama , BL Subtitle_Myanmar Subtitle (Hardsub) Encoder_a hao

Assassin’s Creed (2016) ဒီရုပ်ရှင်ဟာ နာမည်ကျော်ဂိမ်းတစ်ခုကို ပြန်လည်ရိုက်ကူးထားတာဖြစ်ပါတယ်။ ဂိမ်းမာတွေအများစုကတော့ သိပြီးသားဖြစ်ပါလိမ့်မယ်။ ဇာတ်လမ်းအကျဉ်းကတော့ Knights of Templar( ခရူးဆိတ်စစ်ပွဲအတွင်း တိုက်ခိုက်ခဲ့သော ခရစ်တော်ကိုယုံကြည်သူ ဘုရားကျောင်းလက်အောက်မှ စစ်သည်များ) နဲ့ Assasin’s Creed အဖွဲ့တို့ဟာ ရာစုနှစ်များစွာ စစ်ပွဲဖြစ်ပွားနေခဲ့ပါတယ်။ အကြောင်းရင်ကတော့ Knights of Templar အဖွဲ့ဟာ အကြမ်းဖက်မှုတွေကို အဆုံးသတ်ဖို့ လူသားတွေအားလုံး စည်းကမ်းအုပ်ချုပ်မှုတစ်ခုအောက်မှာ တညီတညာတည်း နေစေဖို့ဆိုတဲ့ရည်ရွယ်ချက်နဲ့ ဧဒင်ရဲ့ ပန်းသီးကို ရှာဖွေနေတာပါပဲ။ အဲဒီပန်းသီးထဲမှာ လူသားအားလုံးရဲ့ လွတ်လပ်ချင်စိတ် ပုန်ကုန်ချင်စိတ်တွေကို ပျောက်ဆုံးသွားအောင် မျိုးဗီဇDNA ပြုပြင်ပေးနိုင်မယ့် လျို့ဝှက်ချက်ပါတယ်လို့ ယုံကြည်ထားလို့ပါ။ Assassins တွေကတော့ အဲဒီပန်းသီးကို KoT အဖွဲ့ထဲမရောက်အောင် တားဆီးနေတဲ့ နောက်ဆုံးခံတပ်ဆိုပါတော့။ ဒီဇာတ်လမ်းမှာတော့ ယနေ့ခေတ်အထိ လျို့ဝှက်စွာ ရှိနေသေးတဲ့ KoT အဖွဲ့ဟာ လွန်ခဲ့တဲ့ နှစ် ၅၀၀ က သေဆုံးခဲ့တဲ့ Assassin’s Creed ဟောင်း အဂူလာရဲ့မျိုးဆက်ကို ရှာဖွေပြီး မျိုးဗီဇမှတ်ဉာဏ်ထည့်သွင်းတဲ့နည်းနဲ့ ဧဒင်ရဲ့ပန်းသီးကို ရှာဖို့ ကြိုးစားလာပါတယ်။ ဒါပေမယ့် အဂူလာရဲ့ မျိုးဆက် ကယ်လမ် လင့်ချ်ဟာ DNA ပေါင်းစပ်ခြင်းကနေတဆင့် မှတ်ဉာဏ်တွေတင်မကဘဲ မူလ Assassin’s Creed အဖွဲ့ဝင် ရဲ့ စွမ်းရည်တွေကိုပါ ပြန်ရလာတဲ့အခါ…..။

ကမ္ဘာ့ရုပ်ရှင်လောကအပေါ် သက်ရောက်မှုကြီးမားခဲ့တဲ့ ပြင်သစ်နယူးဝေ့ရဲ့ ဖောင်ဒါတွေထဲကတစ်ယောက်ဖြစ်ခဲ့တဲ့ François Truffaut ရဲ့ နောက်ဆုံးရုပ်ရှင်တွေထဲက တစ်ကားပါ။ တိတိကျကျဆို သူ့နောက် Truffautရိုက်ခဲ့တာက Confidentially Yours ပဲရှိပါတော့တယ်။ ဒါပေမဲ့ ဒီကားကတော့ César Award ၁၂ဆုဆန်ခါတင်ဝင်ခဲ့ပြီး ၁၀ဆုရခဲ့တယ်။ ဒီရုပ်ရှင်ဖြစ်တည်လာပုံကလည်း သူ့အဘိုးနဲ့ ဦးလေးက ပြင်သစ်တော်လှန်ရေးတပ်မှာ ပါခဲ့တာကြောင့် ဂျာမန်တွေ ပြင်သစ်ကို သိမ်းပိုက်ထားတဲ့ကာလကို ရိုက်ပြချင်တာကနေစပါတယ်။ ၁၉၄၂မှာ ဇာတ်အိမ်တည်ထားတယ်။ စစ်တွင်းကာလကို ဇာတ်အိမ်တည် ဇာတ်ရဲ့ဒဏ်တွေကိုခံရတာကို ပြထားပေမဲ့ တိုက်ပွဲတွေကိုတော့ တော်တော်ဝေးဝေးပဲထားထားတယ်။ ဒီရုပ်ရှင်တစ်ကားလုံးနီးပါးက ပြဇာတ်ရုံတစ်ခုထဲပဲ ပြီးသွားပြီး စစ်တွင်းကာလမှာ ဂျူးလူမျိုးတွေကြုံခဲ့ရတဲ့ ဒုက္ခတွေကိုလည်း ပြထားတယ်။ အဓိကဇာတ်ကောင်၃ယောက်ထဲက တစ်ယေံာက်ဖြစ်တဲ့ ပြဇာတ်ဒါရိုက်တာက ဂျူးလူမျိုးဖြစ်နေတော့ စစ်ကာလမှာ ဂျူးလူမျိုးပြဇာတ်ဒါရိုက်တာတစ်ယောက်ဟာ ဒီစစ်ကြီးရဲ့ ဒုက္ခကို အလူးအလဲခံရပုံကို မြင်ရလိမ့်မယ်။ စစ်က တော်လှတဲ့ ပြဇာတ်အနုပညာသမားတွေဘဝကို ငရဲလုံးလုံးဖြစ်အောင် လုပ်ပြသွားတာဆိုတော့ Farewell My Concubineကိုတောင် ပြေးမြင်ချင်စရာကောင်းတယ်။ ဇာတ်ကြောင်းရော ဇာတ်အိမ် အကျယ်အနက်ရောက ဒီလောက်မှာပဲ တည်ထားတယ်။ အံ့ဩဖို့ကောင်းတာက Truffautရဲ့ ထူးခြားတဲ့ တင်ဆက်မှုပါပဲ။ Truffaut အဓိကရိုက်ချင်ခဲ့တာက အဲဒီခေတ်ကိုပါ။ ဒါပေမဲ့ ဇာတ်ဟာ ဆိုခဲ့သလို ပြဇာတ်ရုံတစ်ခုထဲက အကြောင်းအရာတွေချည်းပဲ။ ပြောရရင် ပြင်ပအကြောင်းအရာဆိုတာကလည်း ပြဇာတ်လည်ပတ်ဖို့ တိုက်ရိုက်လိုအပ်တဲ့ အကြောင်းအရာတွေသက်သက်ပဲ။ အဲဒီပြဇာတ်ရုံကြီးနဲ့မဆိုင်တာ ဘာမှမပါဘူး။ ဒီလိုဇာတ်ကို Truffautက သူပြချင်တဲ့ ခေတ်ကိုလည်းပေါ်အောင် တင်ဆက်သမျှကလည်း ဒီပြဇာတ်ကနေ ချော်ထွက်မသွားအောင် တင်ဆက်ထားတယ်။ ခေတ်တစ်ခေတ်ကိုရိုက်ပြဖို့ ဒါမျိုးဇာတ်ကိုရွေးတယ်ဆိုတာ တော်တော်ယုံကြည်ချက်ရှိတဲ့ ရွေးချယ်မှုလို့ပြောရမယ်။ ပြဇာတ်ရုံကိုပဲ တင်ဆက်တယ်ဆိုပေမဲ့ သူကပြဇာတ်ရုံနဲ့ ပတ်သက်တဲ့ ထောင့်တိုင်းကို စေ့အောင်တော့ ပုံဖော်သွားတယ်။ ဒီပြဇာတ်ရုံရဲ့ စီမံခွဲခန့်မှု ငွေရေးကြေးရေး, သရုပ်ဆောင်မင်းသားသမီးရှာဖွေပုံ, မင်းသားမင်းသမီးတွေရဲ့အခြေအနေ, ပိုင်ရှင်ရဲ့အခက်အခဲ, ပရိသတ်လက်ခံအောင်ကြိုးစားရပုံ, ဝေဖန်ရေးသမားတွေရဲ့ ရိုက်ခတ်မှုနဲ့ အန္တရာယ်, ပြဇာတ်နဲ့နိုင်ငံရေး အဆက်အနွယ် နောက်ဆုံးပြာတာတစ်ယောက်လုပ်ရတဲ့အလုပ်တွေအထိကို စုံစေ့အောင် ထည့်သွင်းထားတယ်။ ဒါပေမဲ့ ဒီအရာတွေအားလုံးကို သူပြချင်တဲ့ ခေတ်ကို ပေါ်လွင်အောင် ပြထားသေးတယ်။ ပြဇာတ်ကပြတာနဲ့ ဇာတ်တိုက်တာကိုလည်း အရေးပါတဲ့အခန်းကဏ္ဍတစ်ခုအဖြစ် ထည့်သွင်းထားတယ်။ ဇာတ်က ဒီလောက်ပဲဆိုပေမဲ့ ဒီလောက်လောက်ဇာတ်အတွင်းမှာ သူပုံဖော်ထားတဲ့ ဇာတ်ကောင်တွေရဲ့ ဆက်ဆံရေးတွေ ဒွိဟတွေ အခြေအနေတွေကလည်း ဒီဇာတ်ကို ထူးထူးခြားခြားဇာတ်ဖြစ်စေခဲ့တယ်။ သူ့တင်ဆက်ပုံမှာလည်း ဒီလောက်လောက်ဇာတ်ကိုမှ အများကြီးထူးခြားသွားအောင် လုပ်ခဲ့တဲ့ ဟန်တွေလည်းရှိသေးတယ်။ ကြည့်ဖြစ်ရင် သတိထားမိကြမှာပါ။ ကျွန်တော်တော့ ရုပ်ရှင် နာမည်ပေးထားပုံအထိကိုက အထင်ကြီးစရာကောင်းတယ်လို့မြင်တယ်။ အဲဒီကာလ ပြင်သစ်မှာ ၁၁နာရီဆို ညမထွက်ရအမိန့်အရ ဘယ်သူမှ အပြင်မှာရှိနေလို့မရတော့ဘူး။ ဒီတော့ နောက်ဆုံးရထားတော့ ဘယ်သူမှ လွတ်လို့မရဘူး။ ပြဇာတ်သမားတွေဟာ ညဘက်အလုပ်လုပ်ရတဲ့သူတွေဖြစ်သလို ပြဇာတ်ကြည့်ပရိသတ်တွေဟာလည်း ညဘက်နဲ့ဆက်စပ်နေသူတွေပါပဲ။ ဒီအခြေအနေဟာ ခေတ်နဲ့လည်း ဆက်စပ်နေတယ်။ Truffautဟာ နာမည်အထိကို သူပြချင်တာနဲ့ ဘာမှမဆိုင်သလိုထင်ရပေမဲ့ ပညာသားပါပါနဲ့ သူပြချင်တာကို သေချာပြသွားနိုင်တဲ့ အထာကျတဲ့ ဒါရိုက်တာပါပဲ။ ပြင်သစ်နယူးဝေ့ရဲ့ ပဲ့ကိုင်ရှင်သိပ်ပီသတဲ့ ဒါရိုက်တာပါပဲ။ File Size : 1.5 GB, 824 MB Quality : Blu-Ray 1080p / 720p Running Time : 2hr 22min Format : Mp4 Genre : Drama, Romance, War Subtitle : Myanmar Subtitle (Hard Sub) Translated by : Wira Aung Encode by : Thit San Khant

This Time Each Year (2024) ********************************* ဒီတစ်ခါမှာ‌တော့ This Time Each Year ဆိုတဲ့ ခရစ္စမတ်ဇာတ်ကားလေးကိုတင်ဆက်ပေးပါရစေ။ ကယ်ဗင်နဲ့လောရန်တို့ဇနီးမောင်နှံဟာ သူတို့စိတ်ကူးအိပ်မက်ထားတဲ့ အိမ်လေးတစ်လုံးကိုဝယ်လိုက်ပေမယ့် အဲဒီအိမ်ကြောင့်ပဲ ပြဿနာတွေဖြစ်ပြီးလင်မယားခွဲနေကြတဲ့အထိဖြစ်သွားတာပါ။ လင်မယားခွဲနေပေမယ့်သားဖြစ်သူချာလီအတွက် ခရစ္စမတ်ရောက်ရင်တော့ အတူပြန်ဆုံဖြစ်ကြပါတယ်။ တစ်နေ့မှာတော့ သူတို့လင်မယားခွဲနေတာကိုမသိသေးတဲ့လောရန်ရဲ့မိခင်ဖြစ်သူဟာ လောရန်ဆီကိုလာနေဖို့အကြောင်းဖန်လာပြီး ကယ်ဗင်နဲ့လောရန်တို့လည်း အတူတူနေသလိုဟန်ဆောင်ဖို့ဖြစ်လာပါတော့တယ်။ မိသားစုကိုပြန်ပေါင်းထုပ်ချင်နေတဲ့ကယ်ဗင်အတွက် ဒီခရစ္စမတ်ဟာ သူ့အတွက်လက်ဆောင်လိုဖြစ်လာပြီး ကယ်ဗင်တို့မိသားစုလေး ဘယ်လိုတွေဆက်ဖြစ်မလဲဆိုတာကို ကြည့်ရမှာပါ။ ခရစ္စမတ်ကာလကိုအခြေခံထားတဲ့ Romance ကားလေးဆိုတော့ ခရစ္စမတ်​vibes အပြည့်ရစေမှာတော့အမှန်ပါပဲ။ (အညွှန်းကို Thura Mg Mg မှ ရေးသားထားပါတယ်) File size…1.66GB / 864MB Quality… WEB-DL 1080p/ 720p Format…mp4 Duration….1h 25m Genre ….. Life, Romance, Drama Subtitle….Myanmar Subtitle (Hard Sub) Translated by Thura Mg Mg Encoded by AHtet

လူစည်ကား ပုံမှန်လည်ပတ်နေတဲ့ မြို့လေးတမြို့မှာ တနေ့ မထင်မှတ်ထားတာတွေ ဖြစ်လာတဲ့အခါ။ ဘယ်သူမှ ဖော်ထုတ်လို့မရတဲ့ အကြောင်းအရာ တခုခုကြောင့် မီးတွေပျက် လူတွေ ရုတ်တရက် ထူးဆန်းစွာ ပျောက်ဆုံးသွာပါတယ်။ ကားတွေ အဝတ်တွေ ပိုင်ဆိုင်မှုတွေ စားသောက်ကုန်တွေ ဘယ်အရာမှ မပျောက်ပဲ လူတွေပဲ ပျောက်သွားတာပါ။ အသက်ရှင်ကျန်သူ လူတချို့က အလင်းမရှိတဲ့နေရာမှာ အရိပ်တွေက လူတွေကို ဖမ်းစားနေတယ်ဆိုတာ သိလာတဲ့အခါ ဘယ်လိုဆက်လုပ်ကြမလဲ။ ရှင်ကျန်သူ လူတချို့တည်းကမှ ဂျာနယ်လစ် လုခ်၊ သူနာပြု ရို့စ်မယ်ရီ၊ ၁၂ အရွယ်ကောင်‌လေး ဂျိမ်းစ်နဲ့ ရုပ်ရှင်ဆရာ ပေါလ်တို့ မီးစက်နဲ့ လည်ပတ်နေတဲ့ ဘားလေးတခုမှာ စုံကြတဲ့အခါ။ ဓါတ်ဆီကလဲ ကုန်နေပြီ၊ ဓါတ်ခဲတွေလဲ မရှိတော့ သွားယူဖို့ကလဲ မဖြစ်နိုင် အမှောင်ထုကြီးစိုး လာတဲ့ အနေထားမှာ လူတွေ ဘာလို့ ပျောက်ကုန်ရတာလဲဆိုတဲ့ အကြောင်းပြချက်ကို ရှာမှ ရှင်သန်နိုင်ဖို့ ဖြစ်လာပါတော့တယ်။ Mystery/ Thriller အမျိုးစားဖြစ်ပြီးတော့ ဇာတ်ကားတခုလုံး ဇာတ်ရှိန် မြင့်မြင့်နဲ့ ရင်တဖိုဖိုကြည့်ချင်ရင်တော့ ဒီဇာတ်ကားက တကယ်ကို ကောင်းတဲ့ ဇာတ်ကားပါ။ Rating တွေလဲ ကောင်းတာမလို့ ကြည့်ရှုခံစားကြည့်ပါအုံးလို့ပဲ အကြံပေးလိုက်ပါတယ် ခင်ဗျာ။ File size… 1 GB, 470 MB Quality… BluRay 1080p / 720p Format… mp4 Duration…. 1h 32m Genre ….. Mystery, Thriller Subtitle…. Myanmar Subtitle (Hard Sub) Encoder…. Thit San Khant Translated… by Dr. Zac

IMDb 6.4 ရရှိထားတဲ့ သိပ္ပံဆန်ဆန်ဇာတ်ကားကောင်းတစ်ကားဖြစ်ပြီး မင်းသားကြီး George Clooney ပါဝင်သရုပ်ဆောင်ထားတဲ့ ဇာတ်ကားတစ်ကားဖြစ်ကာ ဒါရိုက်တာ Brad Bird က ရိုက်ကူးထားပါတယ်။ ဇာတ်လမ်းစအဖွင့်မှာ ဖရန့်ဝေါ်ကာ အဖြစ် မင်းသားကြီး George Clooney နဲ့ ကေစီနယူတန် အဖြစ် မင်းသမီး Britt Robertson တို့နဲ့ သူတို့ဖြတ်သန်းခဲ့ရတဲ့ အတွေ့အကြုံကိုပြန်ပြောပြတာကနေ စပြခဲ့ပါတယ်။ ဒီကားမှာ George Clooney ရဲ့ ကလေးဘဝကို ကလေးသရုပ်ဆောင် Thomas Robinson ကပါဝင်သရုပ်ဆောင်ပေးထားပါတယ်။ အကျိုးရှိတဲ့ သိပ္ပံပစ္စည်းများကို ပြသရမယ့် ပွဲတစ်ခုကို ဖရန့်ဝေါ်ကာ ( Thomas Robinson ) ရောက်ရှိလာပြီး သူကိုယ်တိုင်တီထွင်ထားတဲ့ မိုးပျံဂျက်လေးနဲ့ အတူ ဝင်ခွင့်ရဖို့ကြိုးစားခဲ့ပါတယ်။ ဒါပေမဲ့ အသိအမှတ်အပြုမခံရတဲ့အတွက် ပွဲကနေပြန်ထွက်ခါနီးမှာ အေသီနာ ( Raffey Cassidy ) နဲ့တွေ့ခဲ့ပြီး ထူးဆန်းတဲ့ သိပ္ပံပညာတွေအရမ်းခေတ်စားတဲ့ အနာဂါတ်မြို့တော်ထဲကိုရောက်သွားပါတော့တယ်။ အဲ့လိုပဲ ကေစီနယူတန် ကလည်း ထူးချွန်ဉာဏ်ထက်တဲ့ ကောင်မလေးတစ်ယောက်ဖြစ်ပြီး . သူ့အဖေပါဝင်တဲ့ အစိုးရရဲ့ စီမံကိန်းတစ်ချို့ကို အခက်အခဲဖြစ်ပြီးရှေ့ဆက်တိုးမရအောင် အဟန့်အတားတွေလိုက်လုပ်နေခဲ့တယ်။ အဲ့ဒီလုပ်ရပ်တွေနဲ့ သူမရဲ့ထူးချွန်မှုတွေကြောင့် အေသီနာ က သိပ္ပံမြို့တော်ကိုခေါ်ယူဖို့ ဆုံးဖြတ်ရွေးချယ်လိုက်ပါတယ်။ဒါကြောင့် မြို့တော်ကိုတွေ့မြင်ခံစားနိုင်မယ့် အမှတ်တံဆိပ်အကြွေစေ့လေးကို ကေစီထံပို့ခဲ့ပြီး စတင်ဆွဲဆောင်ခဲ့တယ်။ အကြွေစေ့ကိုအင်တာနက်မှာလေ့လာရင်း စက်ရုပ်တွေရဲ့အန္တရာယ်နဲ့ ကြုံတွေ့ရတဲ့ ကေစီ ကို အေသီနာက လာရောက်ကယ်တင်ခဲ့ပြီး သိပ္ပံမြို့ကိုသွားဖို့ ပို့ဆောင်နိုင်တဲ့လူဆီ ရောက်အောင်ပို့ခဲ့ပါတယ်။ အဲ့ဒီကို ပို့ဆောင်မယ့်လူကတော့ တစ်ခြားလူမဟုတ်ဘဲ အသက်ခပ်ကြီးကြီး အနေအထားဖြစ်နေတဲ့ ဖရန့်ဝေါ်ကာ နဲ့တွေ့ဆုံခဲ့ပါတယ်။ ဒီနေရာမှာ တစ်ခုရှင်းပြချင်တာက ဖရန့်ဝေါ်ကာ ဟာ အသက်အရွယ်ကြီးလာခဲ့ပြီး အေသီနာ ဟာ တွေ့စကအတိုင်းကလေး အရွယ်ပဲရှိနေခဲ့တာကတော့ သူမဟာ Program ကောင်းကောင်းနဲ့ အသက်သွင်းထားတဲ့ စက်ရုပ်တစ်ရုပ် ဖြစ်နေခဲ့တဲ့အတွက် ကလေးအတိုင်းဖြစ်နေခဲ့တာပါပဲ။ ကေစီ ၊ ဝေါ်ကာ နဲ့ အေသီနာ တို့ သိပ္ပံမြို့ကို ပြန်လည်ရောက်ရှိသွားတဲ့ အချိန်မှာ တော့ ဘာတွေဖြစ်ပျက်ခဲ့လဲ . အနာဂတ်ကိုဘယ်လိုကယ်တင်ခဲ့သလဲ နောက်ပြီး ထူဆန်းတဲ့ သိပ္ပံပစ္စည်းတွေနဲ့ ဖြစ်ပျက်ခဲ့သမျှတွေကို အပြည့်အဝသိချင်ကြတယ်ဆိုရင်တော့ ဒီကားလေးကို Download ဆွဲပြီး ကိုယ်တိုင်သာခံစားကြည့်ရှုလိုက်ကြပါ။ ပြောပြချင်တာက ဇာတ်လမ်းတစ်ခုလုံး စိတ်ကိုပေါ့ပေါ့ပါးပါးနဲ့ စိတ်ဝင်စားစွာကြည့်ရှုရမယ့် ရုပ်ရှင်ကားတစ်ကားဖြစ်ပြီး . . . မိမိကိုယ်တိုင် စိတ်ကူးရင်ခံစားကြည့်ရှုနိုင်မှာဖြစ်ပါတယ်။ ( ဇာတ်လမ်းကို ဘာသာပြန်တင်ဆက်ပေးသူကတော့ ကိုဟေဒိ (Ha Des) ဖြစ်ပြီး ဇာတ်လမ်းအညွန်းကိုတော့ ကျွန်တော်ကိုယ်တိုင် movie ကို ၂ ခါတိတိပြန်ကြည့်ပြီး ရေးပေးထားပါတယ်။ ) File size…(2.5 GB)/(1.9 GB) Quality….Blu-Ray 1080p / 720p Format… mp4 Duration…. 02:10:00 Genre… Quest, Action, Adventure, Family, Fantasy, Mystery, Sci-Fi Subtitle….Myanmar Subtitle (Hardsub) Encoder….Garfield Translated by Ha Des