မိုးရေထဲဆေးပေါ့လိပ်တိုလေးကိုက်ပြီးပြေးလွှားနေတဲ့လူတစ်ယောက်၊ ပြောတဲ့စကားတွေကလည်း ဗလုံးဗထွေးနဲ့ရယ် တစ်ခွန်းကိုထပ်ခါတလှဲလှဲလည်းပြောသေးတယ်။ စကားပြောနေရင်း ထပြီးရယ်တတ်တဲ့သူ့ပုံစံက ခင်ဖို့ကောင်းမယ့်ပုံ။ လူအများရှေ့မှာဖျော်ဖြေဖို့ စန္ဒရားခုံရှေ့ထိုင်လိုက်တာနဲ့ ပြဿနာတတ်နေပုံပေါက်ပြီး စပြီးတီးလို့ ဆုံးတာနဲ့ လက်ခုပ်ဩဘာပေးသံတွေနဲ့ ဩချရလောက်တဲ့ အဆိုပါပုဂ္ဂိုလ်ဟာ ဒီဇာတ်လမ်းရဲ့ဇာတ်လိုက်ကျော် ဒေးဗစ်ဟပ်ဖ်ဂေါ့(David Helfgott)ပဲဖြစ်ပါတယ်။ ငယ်ငယ်လေးကတည်းက ဂီတမှာတစ်ဖက်ကမ်းခပ်ထူးချွန်ခဲ့တဲ့ ဒေးဗစ်ဟာ အဖေဖြစ်သူရဲ့အဆမတန်ဖိအားပေးမှုတွေကြားမှာ ကြီးပြင်းခဲ့ရသူတစ်ယောက်။ ဂီတကျောင်းကိုရောက်ပြန်တော့လည်း ဂီတကလွဲလို့ နေ့စဉ်ဘဝလုပ်ငန်းဆောင်တာလေးဟာ သူ့အတွက်ခက်ခဲနေခဲ့တယ်။ ဒေးဗစ်မှာ သူ့ခံစားချက်တွေကိုဖော်ပြဖို့ စကားလုံးတွေမရှိပါဘူး ဂီတသာလျှင်တစ်ခုတည်းသောအဖော်မွန်ဖြစ်ပါတယ်။ သူ့အဖေရဲ့ဖိအားပေးစကားတွေ၊ သူ့ဆရာပါမောက္ခကြီးရဲ့မောင်းနှင်မှုတွေ၊ အပြင်းထန်လေ့ကျင့်မှုတွေ၊ အောင်မြင်မှုဒဏ်တွေအကြားမှာ ဒေးဗစ်ရဲ့စိတ်ဓာတ်ဟာဗုန်းဗုန်းလဲကျပါတော့တယ်။ အဆိုပါ ရုပ်ရှင်ဟာ ဩစတေးလျနိုင်ငံသား ဂျူးလူမျိုး စန္ဒရားပါရမီရှင် ဒေးဗစ်ဟပ်ဖ်ဂေါ့(David Helfgott)ရဲ့ ဖြစ်ရပ်မှန်ဇာတ်လမ်းကို ရိုက်ကူးထားတာဖြစ်ပါတယ်။ ရုပ်ရှင်မင်းသားကြီး Geoffrey Rush မှ ဒေးဗစ်ဟပ်ဖ်ဂေါ့အဖြစ် ပြီပြင်စွာရုပ်လုံးထုသရုပ်ဆောင်ထားပြီး ၁၉၉၆ တွင် အကောင်းဆုံးဇာတ်ဆောင်အော်စကာဆုအား ဆွပ်ခူးရရှိခဲ့ပါတယ်။ Box Office တွင်လည်း ကန်ဒေါ်လာ ၃၆သန်းထိ ဝင်ငွေရရှိခဲ့တဲ့ရုပ်ရှင်ပဲဖြစ်ပါတယ်။ ဂန္ဒဝင်ဂီတသံများအကြားပျောက်ဆုံးနေတဲ့ ဒေးဗစ်တစ်ယောက် အောင်မြင်မှုလမ်းကြောင်းပေါ် ဘယ်နည်းဘယ်ပုံနဲ့ပြန်ရောက်လာပုံအား ခမ်းနားလှပတဲ့စန္ဒရားသံများနဲ့အတူ ပင့်သက်ရှိုက်ကာ ကြည့်ရှုခံစားရမှာဖြစ်ပါတယ်။ File size…(1.67GB)  / (978.61MB) / (578.7MB) Quality…. Web 1080P / 720p / 480p Format…mp4 Duration….01:45:00 Genre...Biography / Drama / Music Subtitle….Myanmar Subtitle (Hardsub) Encoder….Mr. Anderson Translated by  Kaung Paing

မီရှယ်ယို...မက်ဂီချောင်...အန်နီတာမွိုင်တို့ပါဝင်တဲ့ အံ့ဖွယ်အမျိုးသမီးသုံးယောက်ပေါင်း လောင်းကျော် ဟောင်ကောင်ဂျက်မသုံးဖော်ရဲ့ ဒုတိယကားလေး လာပါပြီဗျာ။ ပထမကားကတော့ သုံးယောက်ဘယ်လိုမျိုးပေါင်းမိသွားလဲဆိုတာကို အသားပေးရိုက်ကူးထားပြီး အခုကားလေးမှာတော့ ပိုပြီးခိုင်မာလာတဲ့သူငယ်ချင်းသံယောဇဉ်နဲ့ တာဝန်ဝတ္တရားများအကြောင်းကို အလေးပေးရိုက်ကူးထားတာမို့ ခံစားမှုရသတစ်မျိုးပေးဦးမှာဖြစ်ပါတယ်။ နှစ်ကားစလုံးကို ကြည့်နိုင်ရင်ပိုအရသာရှိပြီး တစ်ကားစီခွဲကြည့်ရင်လည်း အဆင်ပြေပါတယ်။ ကမ္ဘာကြီးရဲ့ဆုတ်ကပ်သင်္ကေတအဖြစ် အနုမြူဗုံးပေါက်ကွဲသွားတဲ့အချိန်ပေါ့။ အရာအားလုံးပျက်စီးသွားပြီး ပြည်သူတွေအတွက်မရှိမဖြစ်လိုအပ်တဲ့ ရေအရင်းအမြစ်ပါ ညစ်ညမ်းသွားပါတယ်။ သန့်စင်တဲ့ရေကိုရအောင်ရှာပေးနိုင်တဲ့ အဖြူရောင်သူရိယအဖွဲ့ကို ပြည်သူတွေက တစ်ခနက်အားပေးထောက်ခံလာတဲ့အချိန် စစ်တပ်ကအရမ်းတုန်လှုပ်သွားပါတယ်။ အဲ့ဒါကြောင့် အဖြူရောင်သူရိယအဖွဲ့ခေါင်းဆောင်ကို လုပ်ကြံလိုက်တဲ့အပြင် စွမ်းဆောင်မှုမရှိဘူးဆိုပြီး သမ္မတကိုဖြုတ်ချကာ စစ်အာဏာသိမ်းဖို့ပြင်ဆင်ပါတော့တယ်။ ရေသန့်ကိစ္စနဲ့ အဓိကရုဏ်းဖြစ်လာကြပြီး အာဏာတစ်ခုအတွက်နဲ့အသေခံရတဲ့သူတွေများလာတဲ့အခါ.. ကျွန်တော်တို့ရဲ့ဇာတ်လိုက်ကျော်သုံးယောက်က ဘယ်လိုမျိုးလှလှပပ ဖြေရှင်းသွားမလဲဆိုတာကိုတော့ ဆက်ကြည့်လိုက်ပါတော့နော်....။ ။ IMDb Rating(5.8) ထိပဲ ရရှိထားတယ်ဆိုပေမယ့် ဇာတ်လမ်းသဘောလန်းသလို ဇာတ်ကောင်တွေကိုလဲ မညှာမတာကိုင်တွယ်ထားတဲ့ ဒီဇာတ်ကားက ခေတ်မီမှုသိပ်မရှိသေးတဲ့ CGI သဘောတွေကို ဖယ်ကြည့်မယ်ဆိုရင် တော်တော်ကို မိုက်တဲ့ အက်ရှင်ဇာတ်ကားပါ။ File size…(2.5 GB) / (950 MB) Quality….HDRip Uncut Version 1080p /720p Format…mp4 Duration….01:41:11 Subtitle….Myanmar Subtitle (Hardsub) Encoder….Nyeinsaeya Aung Translated by JoJoVa

Makmum 2021မှာတော့ ဇာတ်လိုက်မင်းသမီးဖြစ်တဲ့ ရင်နီဟာ အိမ်ထောင်ကျပြီး ဟာဖစ်ဇ် ဆိုတဲ့ ကလေးလေးတစ်ယောက် ပိုင်ဆိုင်ထားပါပြီ အမျိုးသားကတော့ ဆုံးပါးသွားပြီဖြစ်ပြီး ချစ်ရတဲ့သူကို လွမ်းတဲ့စိတ်နဲ့ ပူဆွေးနေတဲ့ ရင်နီတစ်ယောက် ဇာတိရွာလေးက အဒေါ်ကပါ ထပ်မံဆုံးပါးသွားတဲ့အခါ ရင်နီရဲ့ သောကအပူမီးတွေ နှစ်ဆတိုးလာရပါတော့တယ် သားလေးကိုခေါ်ပြီး နာရေးအတွက် ရွာကို ပြန်လာခဲ့ရင်းက ရွာမှာ ဗလီအသစ်ကြီး ဆောက်လုပ်နေတာကို မြင်ခဲ့ရတယ် ရွာကိုရောက်ပြီးတဲ့နောက်မှာတော့ ရင်ရဲ့သား ဟာဖစ်ဇ်ဟာ ကစားနေရင်း ပျောက်ဆုံးသွားပြီး တောအုပ်ကြီးရဲ့ အလယ်မှာ သတိလစ်လျက် ပြန်တွေ့ခဲ့ရတယ် ကလေးတွေ ပျောက်ဆုံးသွားပြီးနောက်ပိုင်း ခြောက်လှန့်မှုတွေက ပိုပိုဆိုးရွားလာခဲ့သလို ဆောက်လက်စ ဗလီအသစ်ကြီးမှာလည်း ပြဿနာအမျိုးမျိုးတက်ခဲ့ရတယ် အဲဒီလိုနဲ့ ရင်နီဟာ ပြဿနာကို အဖြေရှာဖို့ ကြိုးစားရင်းကနေ ဘယ်လိုမျိုးပုံစံတွေနဲ့ ပူးကပ်ခံရမလဲ ကလေးတွေကို ဘယ်လိုကယ်မလဲ ရွာသားတွေရော ဘယ်လို ခြောက်လှန့်မှုတွေနဲ့ကြုံရမလဲဆိုတာကို မိုးအေးအေးမှာ စောင်လေးခြုံပြီး ရင်တထိတ်ထိတ်နဲ့ စောင့်ကြည့်ရမယ့် သရဲကားကောင်းလေး နှစ်ကားအဖြစ် တင်ဆက်ပေးလိုက်ပါတယ်။ File size…1.46GB / 621MB Quality…1080p NF WEB DL AAC5.1CH / 720p Format…mp4 Duration….1h 32m Subtitle….Myanmar Subtitle (Hard Sub) Encoder….YK Translated byPoe

As It’s Remembered (2022) ဇာတ်ကောင်ရဲ့ ကောင်လေးက သူတို့နှစ်ယောက်ချိန်းတွေ့တုန်းမှာ မျက်နှာဖုံးနဲ့လူတစ်ယောက် ဓားနဲ့ လာထိုးသတ်လို့ သေသွားတယ်။ ဇာတ်ကောင်က ဒီအဖြစ်အတွက် ဖြေမဆည်နိုင်ဖြစ်နေတယ်။ ဒီတော့ သူက အတိတ်ကိုပြန်ပြင်ဖို့ ကြိုးစားတယ်။ သူ့ကြိုးစားပုံက တစ်မျိုး။ စိတ်နဲ့ပဲ အချိန်ခရီးသွားတာမျိုးပဲ။ သူ့အတွေးအခေါ်က လူဟာ သူ့အရှိတရားရဲ့ အရှင်သခင်ပဲ။ ကိုယ့်ကိုယ်ကိုယ် ကောင်းကောင်းသိမြင်တဲ့လူက ကိုယ့်အရှိတရားကို ကိုယ့်စိတ်ကြိုက် ထိန်းချုပ်နိုင်မယ်။ ဘုရားသခင်လိုမျိုးပေါ့။ ကိုယ့်ကိုယ်ကိုယ်မြင်တဲ့အမြင်ကို ပြောင်းလဲလိုက်ရင် ကိုယ်ပြောင်းလဲသွားသလိုမျိုး သူက အတိတ်မှာဖြစ်ခဲ့တဲ့ကိစ္စကို သူက တခြားတစ်နည်းနဲ့ပြောင်းလဲလက်ခံလိုက်ရင် အတိတ်ကိုပြင်ပြီးသားဖြစ်ပြီး အတိတ်က အရှိတရားကို သက်ရောက်ပြီး လက်ရှိအရှိတရားပြောင်းလဲသွားမယ်လို့ ယုံထားတယ်။ ဒီတော့ သူက စိတ်နဲ့ အချိန်ခရီးသွားတဲ့ စက်တစ်မျိုးထွင်ပြီး သူ့အတိတ်က သူ့မှတ်ဉာဏ်ကို ပြင်ဖို့ ကြိုးစားတယ်။ ဇာတ်လမ်းကတော့ ဒါပါပဲ။ ဒီရုပ်ရှင်ဟာ ကြာချိန်လည်း တစ်နာရီကျော်ကျော်ပါပဲ။ အပြအားဖြင့်ဆိုရင်လည်း နေရာလေး သုံးနေရာကို တစ်လှည့်စီ လှည့်ပြထားရုံပါပဲ။ နောက်ထူးတာက သူက ပစ္စုပ္ပန်ကို အဖြူအမဲနဲ့ပြပြီး အတိတ်ကိုအရောင်နဲ့ပြထားတယ်။ ဒါကဇာတ်ကောင်ရဲ့ အချိန်နဲ့ပတ်သက်တဲ့ သီအိုရီနဲ့ ချိန်တွေးရင်း ဖြစ်သင့်တဲ့အရာပါပဲ။ Rating သွားပြေးကြည့်မယ့် လူတွေအတွက်တော့ ပြဿနာတော့ရှိတယ်။ ပေးထားတာက ကျွန်တော်ကြည့်တဲ့အချိန်မှာတော့ ဆယ်ယောက်ပဲရှိသေးသလို ရုပ်ရှင်ကလည်း လူတိုင်းအတွက် အဆင်ပြေမယ့် ရုပ်ရှင်တော့မဟုတ်ဘူး။ Time Travel ကားပေမဲ့ Time Travel ထက် ဒဿနိကကိုနည်းနည်း တီးမိခေါက်မိရှိမှ ပိုအဆင်ပြေမှာပဲ။ ဖြစ်တည်မှုတို့ အရှိတရားတို့ သိမြင်မှုတို့ အကြောင်းကိုတော်တော် ပြောထားတာကိုး။ ဖြစ်တည်မှုပဓာန ဝါဒဆန်တဲ့ ဒိုင်တွေလည်း ပါသေးတယ်။ ဆိုတော့ လူတိုင်းအကြိုက်တွေ့မယ့် ရုပ်ရှင်တော့မဟုတ်ပါဘူး။ အချိန်ခရီးသွားသီအိုရီတို့ ဒဿနိကတို့ကို စိတ်ဝင်စားရင်တော့ ကြည့်သင့်တဲ့ ရုပ်ရှင်ပါပဲ။ အကြောင်းအရာရော ထည့်သုံးသွားတဲ့ ဖလော်တွေကရော စိတ်ဝင်စားစရာကောင်းတာကြောင့် ပုဂ္ဂလိကအမြင်အရတော့ Rating 6 သို့ 7 လောက်ပေးသင့်တဲ့ရုပ်ရှင်လို့ မြင်ပါတယ်။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 1.5GB, 730MB Quality – 1080p, 720p Format – mp4 Duration – 1H 15Min Genre – Drama, Sci-Fi, Thriller Subtitle – Myanmar Subtitle (Hardsub) Translated by WiRa Aung Encoded by Y

Little Love Song (2019) ဘဝမှာ ကိုယ်လုပ်ချင်တဲ့အရာတွေကို လုပ်ရင်း ပျော်ပျော်ရွှင်ရွှင်ဖြတ်သန်းရတာလောက် ကောင်းတာရှိပါဦးမလား။ အဆင့်ကောင်းကောင်းရဖို့ ကိုယ်ပျော်ရွှင်တဲ့အရာတွေက အရေးမပါတော့ဘူးလား။ သီချင်းတွေကြောင့် လူတွေ ပျော်ရွှင်ရတယ် ဝမ်းနည်းရတယ် ပြောင်းလဲလာရတယ်။ နောက် ခံစားချက်တွေကို ဖော်ပြလို့ရတယ်။ ဒါကြောင့် ဘဝမှာ သီချင်းတွေကလည်း အရေးပါတဲ့နေရာမှာ ရှိနေမှာပါပဲ ဒီတစ်ခါမှာတော့ Little love song ဆိုတဲ့ ဂျပန်လူငယ်ကားလေးနဲ့ မိတ်ဆက်ပေးချင်ပါတယ်။ အိုကီနာဝ ကျွန်းငယ်လေးက အထက်တန်းကျောင်းသားလေး လေးယောက်ဟာ သီချင်းတွေကို ချစ်ကြပြီး အတူတကွ Band လည်းထောင်ထားကြပါတယ်။ သူတို့သီချင်းတွေက အရမ်းကောင်းလွန်းလို့ တစ်ကျောင်းလုံးက ကျောင်းသူကျောင်းသားတွေကလည်း အရမ်းကို ကြိုက်ကြပါတယ်။ သီချင်းဆိုလိုက်တာနဲ့ တစ်ကျောင်းလုံးမှာ အားပေးသံတွေနဲ့ ဆူညံနေလို့ ကျောင်းရုံးခန်းကိုလည်း ခဏခဏရောက်ကြတဲ့အဖွဲ့ဖြစ်ပါတယ်။ တစ်နေ့မှာတော့ သူတို့အသုံးပြုနေကျ စတူဒီယိုက ဦးလေးနီမာဟာ သူတို့ကို တိုကျိုအသံသွင်းရုံတစ်ခုနဲ့ မိတ်ဆက်ပေးလိုက်တဲ့အခါမှာ သူတို့လေးယောက်ဟာ တိုကျိုကို သွားရဖို့ အကြောင်းပေါ်လာပါတော့တယ်။ ဒီသတင်းကြောင့် သူတို့ဟာ အရမ်းပျော်နေကြပြီး အိမ်ပြန်လာတဲ့လမ်းမှာ စိတ်မကောင်းစရာ အဖြစ်အပျက်တစ်ခုဖြစ်လာပါတော့တယ်။ တီးဝိုင်းထဲက ကျောင်းသားလေးနှစ်ယောက်ဟာ အိမ်ပြန်ရင်း လမ်းမှာ ကားတိုက်ခံရပြီးတဲ့နောက်မှာတော့ သူတို့ရဲ့ တောက်ပနေတဲ့ အနာဂတ်လေးဟာ ဘယ်လိုပြောင်းလဲသွားမလဲ တီးဝိုင်းကရော ဘယ်လိုဆက်ဖြစ်သွားမလဲ ဆိုတာကိုတော့ ဇာတ်ကားထဲမှာ စိတ်ဝင်စားစရာ ကြည့်ရှုရမှာပဲ ဖြစ်ပါတယ်။ သီချင်းလေးတွေလည်း နားထောင်ရင်း ဇာတ်ကားထဲမှာ အဖြေမြန်မြန် ရှာလိုက်ရအောင်ဗျာ။ အညွှန်း နဲ့ ဘာသာပြန်ကတော့ Thada NL ဖြစ်ပါတယ်။ Genre….. Drama, Music, Romance Quality…. 1080p | 720p | 480p File size… 2.1G | 1.1GB | 598MB Format… mp4 Duration…. 2h 3min Subtitle…. Myanmar Subtitle (Hardsub) Translator ….. Thada NL Encoder ….. August

A True Scary Story : Summer Special Edition (2022) ——————————————————- သရဲကားအရှည်ကြီးတွေထက် သရဲကားအတိုလေးတွေကြည့်ရတာကြိုက်တဲ့ ပရိသတ်တွေအတွက် ကိုယ်တွေ့ဖြစ်ရပ်မှန် သရဲဇာတ်လမ်းတိုလေးတွေကို ပြန်ပြောပြတဲ့ ဂျပန်အစီအစဥ်ကနေ ကောင်းနိုးရာရာဇာတ်လမ်းတွေကို စုထုတ်ထားတဲ့ကားပါ။ ရှိုးကနေ ပြောပြတဲ့ဇာတ်လမ်းတွေကို စုစည်းထားတာမလို့ တစ်ချို့နေရာတွေမှာ အဆက်အစပ်မရှိတဲ့ကြားဖြတ်ဇာတ်လမ်းတွေလည်းပါပေမယ့် စိတ်ရှည်သည်းခံပြီး ကျော်သာကြည့်လိုက်ကြပါလို့။ တစ်ခုရှိတာက ဒီကားကသာမန်သရဲကားမဟုတ်ဘဲ ရှိုးကိုပေးပို့လာတဲ့ ကိုယ်တွေ့ဖြစ်ရပ်မှန်သရဲအကြောင်းကို ပြောပြနေတာမလို့ Narrator အပေါ်မူတည်ပြီး မတင်မကျဇာတ်သိမ်းတွေ တစ်ချို့ဟာတွေကျ ဘာမှနားမလည်လိုက်သိဘဲ ပြီးသွားတာမျိုးလည်း ရှိနိုင်ပါတယ်။ ပါးစပ်ရာဇဝင်သရဲဇာတ်လမ်းတွေနဲ့ အလကားနေဖြဲခြောက်တဲ့သရဲအကြောင်းတွေလည်း အများကြီးပါပေမယ့် အပျင်းပြေကြည့်လို့တော့ရပါတယ်။ အညွှနိး နဲ့ ဘာသာပြန်ကတော့ Moe Pwint Phyu ပဲ ဖြစ်ပါတယ်။ Genre….. Horror Quality…. 1080p | 720p | 480p File size… 1.43GB | 633MB | 311MB Format… mp4 Duration…. 1h 55min Subtitle…. Myanmar Subtitle (Hardsub) Translator ….. Moe Pwint Phyu Encoder ….. August

Kill the King (0r) Shangri-La Suite (2016) ============================= ဂျက်ဘလူးဘလဒ်ဟာ ကံဆိုးတဲ့ဂေါက်ဘဲတစ်ပွေပဲ။ မိခင်ဟာ မီးတွင်း ထဲမှာပဲဆုံးပါးခဲ့တယ်။ အဲဒီအတွက်သူ့ကို ခွင့်မလွှတ်နိုင်တဲ့အဖေနဲ့ ကြီး ပြင်းခဲ့ရတယ်။ ငယ်စဉ်တောင်ကျေးထဲက ဖခင်ရဲ့အငြိုးကြီးစွာနဲ့ရိုက်နှက် မှုကိုခံရင်း အရွယ်ရောက်ခဲ့ပေါ့။ ရော့အင်ရိုးလောကရဲ့ဘုရင်တစ်ပါးလို့ တင်စားကြတဲ့ အဲလ်ဗစ်ပရတ်စလေ(Elvis Presley) ဟာသူ့ဘဝရဲ့ကိုး ကွယ်ရာဖြစ်ခဲ့တယ်။ အထီးကျန်ညတွေကို အဲလ်ဗစ်သီချင်းတွေနားထောင် ရင်းကျော်ဖြတ်ခဲ့ရ။ နောက်ပိုင်းအရွယ်ရောက်လာတော့ ဆေးစွဲပြီး ဆေး ဖြတ်ခန်းကိုပို့ခံခဲ့ရတယ်။ အဲလ်ဗစ်ကိုလည်း ခင်ဗျားတော့ လိုင်းကြောင် နေပြီဘာညာရေရွတ်လို့ပေါ့။ အဆိုပါ ဆေးဖြတ်ခန်းမှာပဲ သူဟာ ကယ်ရင် ဘဒ် ဆိုတဲ့ မိန်းမချော လေးနဲ့တွေ့ဆုံချစ်ကျွမ်းဝင်ခဲ့တယ်။ နောက်တော့ နှစ် ယောက်သား အတူတူထွက်ပြေးပြီး အဲလ်ဗစ်ပရတ်စလေကို လုပ်ကြံသတ် ဖြတ်ဖို့ခရီးနှင်ခဲ့ကြတယ်။ ဇာတ်လမ်းကတော့ဒါပါပဲ။ ၁၉၇၄ နွေရာသီ၊ ကိုယ်စီကိုယ်စီအိပ်မက်တွေနဲ့ ချစ်သူနှစ်ယောက်၊ ဂေါက် ဘဲရဲ့ဘဝရည်မှန်းချက်ကရှင်းရှင်းလေး အဲလ်ဗစ်ကိုသတ်မယ်။ ဒီဇာတ်လမ်းမှာ ကောင်မလေးအကြောင်းလည်းနည်းနည်းထည့်ပြောရလိမ့်မယ်။ သူနေထိုင်တဲ့ လူ့အဖွဲ့စည်းကို စိတ်ကုန်နေတဲ့အမျိုးသမီးငယ်တစ်ယောက်။ ကောင်းကောင်း မွန်မွန်ကြီးပြင်းခဲ့ပေမယ့် မိသားစုနဲ့အစေးမကပ်သူ။ ကဗျာတွေရေးတယ်။ သူများတွေမတွေးမိတာတွေတွေးပြီး ငေးချင်ငေးမယ်။ ရှင်သန်ခြင်းအပေါ်မှာ တုံဏိဘာဝေဖြစ်နေသူ။ ဂျက်နဲ့တွေ့တော့ ဂျက်ရဲ့စောက်ဂရုမစိုက်တဲ့ အထာတွေ၊ ကမူးရှူးထိုးပုံစံတွေ၊ ထီမထင်တဲ့ပြောပေါက်တွေဟာ သူမကိုကိုင်လှုပ်လိုက်သလို ဖြစ်သွားတယ်။ အဲဒီမှာ ဇာတ်လမ်းစခဲ့တာပါပဲ။ ဒီရုပ်ရှင်ဟာ အင်ဒီဒရမ်မာအမျိုးစားလို့ပြောလိုရတယ်။ ကင်မရာကိုလက်နဲ့ပဲကိုင် ရိုက်ထားတဲ့အခန်းတွေမှာ တုန်နေတဲ့ရိုက်ချက် များစွာပါဝင်ပါတယ်။ သဘာဝ အလင်းရောင်ကိုအသားပေးရိုက်ထားပြီး၊ အဝေးမှ ဆွဲရိုက်ချက်တွေလည်းအများ ကြီးပါ။ နောက်ဆုံးတစ်ခုအနေနဲ့ကတော့ ဒီရုပ်ရှင်ဟာ ပြဇာတ်ဆန်တာပါ။ ဇာတ် ကြောင်းပြောသူဟာ ရုပ်ရှင်တစ်လျှောက် နောက်ခံအသံဖြင့်ရှင်းလင်းပြောပြနေပြီး ဇာတ်ကောင်တွေဟာ တစ်ယောက်ကိုတစ်ယောက်ပြောစရာရှိမှပဲ စကားကိုပြော ကြပါတယ်။ ဒီအတိုင်းပေါ့ပေါ့ပါးပါး ခံစားချင်တဲ့ စူးစမ်းလေ့လာမှုအခြေခံနဲ့ကြည့် မယ်ဆိုရင်တော့ ခံစားမှုတစ်ခုခုပေးမှာ အသေချာပါပဲ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Kaung Paing ဖြစ်ပါတယ်) File Size……….(1.44 GB) / (643 MB) Quality…………Blu-Ray 1080p / 720p Duration………1Hr 30Mins Subtitle………..Myanmar Hardsub Format…………MP4 Genre…………..Action, Crime, Drama Translator…….Kaung Paing Encoder……….SWM

Sila ay akin (2023) Vivamax ရဲ့နာမည်အကြီးဆုံး၊ လူကြိုက်အများဆုံး၊ အဟော့ဆုံး အသည်းကျော်လေးနှစ်ယောက်ဖြစ်တဲ့ Angeli Khang နဲ့ Azi Acosta တို့ရဲ့ ထိပ်တိုက်တွေ့ဆုံမှုဖြစ်ပါတယ်။ သူတို့နှစ်ယောက်ကိုဆိုရင် ငုတ်တုတ်ထိုင်နေရင်တောင် ကြည့်ကောင်းတယ်ဆိုတဲ့ ပရိသတ်တွေရှိတဲ့အတွက် အထူးတလည်တော့ညွှန်းစရာမလိုပါဘူး။ ဇာတ်လမ်းအကျဉ်းအနေနဲ့ သူတို့နှစ်ယောက်ဟာ ညီအစ်ကိုနှစ်ယောက်ကိုယူထားတဲ့ လင်ညီအစ်မတွေပါ။ နှစ်ယောက်လုံးက မိဘမဲ့တစ်ကောင်ကြွက်တွေဖြစ်ပြီး တွယ်တာစရာဆိုလို့ ခင်ပွန်းသည်တွေရဲ့မိခင်ကြီးနဲ့ သူတို့မွေးစားညီမလေးတစ်ယောက်သာ ရှိပါတယ်။ သူတို့ရဲ့ခင်ပွန်းသည်တွေဟာ ဂေးဘားတစ်ခုမှာ အဖော်အချွတ်ကချေသည်တွေဖြစ်တဲ့အတွက် အဲဒီကဆင့်ပွားလာတဲ့ လူမှုရေးပြဿနာတွေ၊ ဆင်းရဲမွဲတေမှုတွေ အစချီတဲ့ မိသားစုနဲ့ ပတ်ဝန်းကျင်ပြဿနာတွေကို တစ်မိုးအောက်မှာအတူရင်ဆိုင်ရပုံတွေကို ရှုမြင်ရမှာဖြစ်ပါတယ်။ မင်းသမီးနှစ်ယောက်ကောင်းသလို ဇာတ်လမ်းလည်းကောင်းတဲ့ကားပါ။ ရှုစားကြပါဦး… (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size – 5.11GB, 2GB, 915MB Quality – 4K HEVC, 1080p, 720p Format – mp4 Duration – 1H 45Min Genre – Drama Subtitle – Myanmar Subtitle (Hardsub) Translated by Alias Encoded by RGB

ခရစ္စမတ်ဇာတ်ကားကောင်းလေး တစ်ကားဖြစ်တဲ့ B&B Merry ဆိုတဲ့ Comedy/Romance ဇာတ်ကားလေးတစ်ကားနဲ့ မိတ်ဆက်ပေးချင်ပါတယ်။ ဇာတ်အိမ်လေးကတော့ ထရေစီဝိုက်စ် ဆိုတဲ့ နာမည်ကြီးခရီးသွားဘလော့ဂ်ဂါလေးနဲ့ B&B ဆိုတဲ့မိသားစုတည်းခိုခန်းလေးကို မနည်းကျားကန်နေရတဲ့ ဂရေဟမ် ဆိုတဲ့ ဓာတ်ပုံဝါသနာရှင်လေးတို့ရဲ့ အချစ်ဇာတ်လမ်းလေးတစ်ပုဒ်ပေါ့နော် မိဘတွေရဲ့အမွေအနှစ်ဖြစ်တဲ့ မိသားစုတည်းခိုခန်းလေးကို ခရစ္စမတ်မှာ ပရိုမိုးရှင်းလုပ်ဖို့ ထရေစီ ကိုဖိတ်ခေါ်ခဲ့ပြီးတော့ ထရေစီ ရဲ့ နောက်ထပ် ရီဗျူးလုပ်စရာဟော်တယ်နဲ့ကလည်း B&B နဲ့ပြိင်ဖက်တွေဆိုတော့ ဘယ်လိုအရှုပ်တွေဖြစ်ပြီး ခရစ္စမတ်မှာ ကြည်နူးစရာ အချစ်ဇာတ်လမ်းလေးကို ဖန်တီးကြမလဲဆိုတာကိုတော့……. ဒီဇာတ်ကားကိုအညွှန်းရေးပြီး ဘာသာပြန်ပေးထားတာကတော့ Leo ဖြစ်ပါတယ်။ File size…(1.5 GB)/(800 Mb) Quality….Webrip 1080p / 720p Format…mp4 Duration….01:25:00 Genre…Comedy, Romance Subtitle….Myanmar Subtitle (Hardsub) Encoder….Garfield Translated by Leo

ဒီတစ်ခါမှာလည်း နန်းတွင်းကားတွေကို ကြိုက်နှစ်သက်ဆဲပရိသတ်ကြီးအတွက် နန်းတွင်းဇာတ်ကားကောင်းလေးတစ်ကားကို CM ကနေ တင်ဆက်ပေးလိုက်ပါတယ် ။ ဇာတ်လမ်းအညွှန်းအနေနဲ့ လက်ရှိတိုင်းပြည်မှာ အုပ်ချုပ်နေတဲ့မင်းကြီးဖြစ်သူ ကျိုးစူးဝမ်ကို သူ့ရဲ့ဦးရီးတော်ဖြစ်တဲ့ ကျိုးတိက ပုန်ကန်ဖို့လုပ်ခဲ့ပြီးတော့ နန်းမြို့တော်ကိုဝိုင်းကာ အတင်းအညံ့ခံခိုင်းခဲ့ပါတယ် ။ ဒီလိုတွေဖြစ်မှာကိုကြိုသိခဲ့တဲ့ အရင်မင်းကြီးက သူ့သားတော်ကို ဒီလိုအခက်အခဲတွေကလွတ်အောင် အစီအစဉ်အချို့ချမှတ်ပေးခဲ့ပါတယ် ။ သူ့ရဲ့လူယုံတော်ဝမ်ယင်းကို မျက်နှာပြောင်းလဲခြင်းအတတ်နဲ့ ဝမ်းယင်းရဲ့တပည့် ဟူယန်နဲ့သားတော်ကျိုးစူးဝမ်တို့ရဲ့မျက်နှာကိုလဲလှယ်စေခဲ့ပါတယ် ။ သားတာ်ကို ဦးရီးတော်ကျိုးတိဆီက လက်လံသတ်ဖြတ်မခံရအောင် ဟူယန်ရဲ့မျက်နှာနဲ့ ဆက်လက်အသက်ရှင်စေခဲ့ပါတယ် ။ ဒါပေမဲ့ ဘုရင်ဖြစ်သွားတဲ့ ဟူယန်အစစ်ကလည်း ကျူးစူးဝမ်ဆိုတဲ့ သရုပ်နဲ့အတူ ပုန်ကန်ဖို့ကြိုးစားလာချိန်မှာတော့ ကျိုးစူးဝမ်အစစ်တစ်ယောက် ဟူယန်ဆီကနေ လုပ်ကြံခံရပါတော့တယ် ။ အဲဒီလုပ်ကြံမှုကြောင့် သေမလိုဖြစ်သွားတဲ့ ကျိုးစူးဝမ်ကို ဓားပြမလေး ကျန်းရှန်းကယ်တင်ကာ ရွာမှာဖမ်းထားလိုက်ပါတော့တယ် ။ ဇာတ်လမ်းထဲမှာတော့ ကျိုးစူးဝမ်အစစ်တစ်ယောက် သူ့မျက်နှာနဲ့ သူ့နာမည်ဖျက်၊ လုပ်စားနေတဲ့ ဟူယန်ကိုဘယ်လို‌ချေမှုန်းမလဲ ? ယူယန်မျက်နှာနဲ့သူ့ကို ဘယ်သူကယုံကြည့်ပါ့မလဲ ? ဘုရင်နေရာမှာထိုင်နေတဲ့ ကျိုးတိကိုရော ဘယ်လိုကိုင်တွယ်ကြမလဲဆိုတာတွေကို စိတ်ဝင်စားစွာကြည့်ရှုလိုက်ပါ

Rajawali (2022) IMDb Rating (6.3) ဒီဇာတ်လမ်းလေးကတော့ ပရိုဂရမ်ဟောင်းတစ်ခုထဲက အောက်လမ်းမှော်ကိုဖော်ထုတ်ပြီး စွမ်းအင်ရဖို့ကြိုးစားနေတဲ့ မကောင်းဆိုးဝါးအကပ်ခံရထားတဲ့ Komang နဲ့ သူ့ကိုတားဆီးရမဲ့ Komang ရဲ့သား Abang Long တို့ရဲ့ မလေးရှား horror ကား တစ်ပုဒ်ပဲဖြစ်ပါတယ်။ Komang က မကောင်းဆိုးဝါးတွေကို ထိန်းချုပ်ဖို့ ပရိုဂရမ်တစ်ခုကိုဖန်တီးခဲ့ပြီး ရုတ်တရက် မကောင်းဆိုးဝါးပူးခံရတာကြောင့် သူ့ရဲ့သားသမီးတွေကို စွန့်ပစ်လိုက်တယ်။ Komang ရဲ့သူငယ်ချင်း Tok Wan က Abang Long တို့ကို သူ့သားသမီးအရင်းလို စောင့်ရှောက်ခဲ့ပြီး Abang Long ကြီးပြင်းလာတဲ့အခါမှာတော့ အောက်လမ်းမှော်ရှိတဲ့ ပရိုဂရမ်ဟောင်းကို ဖော်ထုတ်ဖို့အတွက် ကျွမ်းကျင် hackers တွေကို စုဆောင်းနေတဲ့ သူ့အဖေဆီကနေ သူ့ရဲ့ညီလေးနဲ့ညီမလေးကို ဘယ်လိုကယ်ထုတ်မလဲဆိုတာကိုတော့ ဒီဇာတ်လမ်းထဲမှာ စိတ်ဝင်စားဖွယ် ဆက်လက်ကြည့်ရှုနိုင်ပါတယ်။ (အညွှန်းနဲ့ဘာသာပြန်ကတော့ Thwal Htoo Zin ပဲဖြစ်ပါတယ်။) File size…(1.5 GB) / (630 MB) Quality….WEB-DL 1080p HEVC / 720p Format…. mkv/mp4 Duration….01:20:24 Subtitle….Myanmar Subtitle (Hardsub) Encoder….Benjamin Translated by Thwal Htoo Zin

Snowman (2024) IMDb Rating (3.4) မိမိတို့ငယ်ဘ၀မှာကြုံတွေ့ခဲ့ရတဲ့အရာတွေဟာ လူသားတစ်ယောက်ဘယ်လိုရှင်သန်ရပ်တည်မလဲဆိုတာကို ပုံသွင်းပေးနိုင်တယ်ဆိုတာကို ယုံပါသလား။ ငယ်စဉ်ကတည်းက ကိုယ့်ရှေ့မှာတင် အမေဖြစ်သူကိုရက်ရက်စက်စက်ရိုက်နှက် ၊ ကိုယ့်ကိုလည်း နေ့စဉ်နေ့တိုင်းအပြစ်လွတ်တယ်မရှိအောင် ဆူပူကျိန်းမောင်းတတ်တဲ့ဖခင်ဆိုးကိုရထားတဲ့ကလေးတစ်ယောက်ဆိုရင်ရော ပုံမှန်လူတစ်ယောက်လိုကြီးပြင်းလာနိုင်ပါမလား။ နှင်းတောကြီးထဲမှာ လူတွေတစ်‌ယောက်ပြီးတစ်ယောက်လိုက်သတ်နေတဲ့နှင်းလူသားလို့ခေါ်ကြတဲ့စိတ္တဇလူသတ်သမားတစ်ယောက်ရှိတယ်။ သူ့ကိုတစ်နေ့ကျ ကနေဒါရဲတွေကဖမ်းမိလိုက်တယ်။ ဒါပေမယ့် ထိုသူကရောနှင်းလူသားအစစ်ဟုတ်ပါရဲ့လား။ နှင်းလူသားဆီမှာအသတ်ခံလိုက်ရသူတစ်ယောက်ရဲ့ဇနီးဖြစ်သူကရော ပြစ်ဒဏ်ချမှတ်ချက်ကိုပေါ့လျော့ပေးတတ်တဲ့ကနေဒါနိုင်ငံဥပဒေကိုမမျှော်ကိုးတော့ပဲ ခင်ပွန်းဖြစ်သူအတွက်ဘယ်လိုလက်စားချေသွားမလဲ ဒါတွေကိုစောင့်ကြည့်သွားရမှာဖြစ်ပါတယ်။ အချိန်ပေးရတန်တဲ့ကားတစ်ကားဟုတ်သလားဆိုတာ‌တော့ ပရိသတ်ကြီးကိုယ်တိုင်သာစောင့်ကြည့်လိုက်ပါ။ (အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။) File size…(1.7 GB) / (800 MB) Quality….WEB-Rip 1080p HEVC / 720p Format…. mkv/mp4 Genre….Action,Drama Duration….01:17:46 Subtitle….Myanmar Subtitle (Hardsub) Encoder….Double K Translated by Phu Thet Khin

CM ချစ်ပရိသတ်တို့ကို… အစ်ကိုကြီးတစ်ယောက်အကြောင်းကိုပြောပြမယ် သူကလုယက်မှုကြီးကို ဦးဆောင်ပြီးတော့ ရဲရဲဝံဝံ ထောင်ထဲဝင်သွားပြီးတော့ ၃ နှစ်အကြာမှာတော့ နေမကောင်းသလိုလို ဘာလိုလိုနဲ့ ဂယောင်ပုံဖမ်းပြီးတော့..ထောင်ကပြေးခဲ့တယ်… အစ်ကိုကြီး ပြေးလာတော့ မဟေသီ မရီးဆီပြေးမယ်ထင်လား… နိုးနော် အစ်ကိုကြီးထက်ဦးတာက တခြားလူတွေပဲ… ဘာလို့လဲဆိုတော့အစ်ကိုကြီးက သေချင်ယောင်ဆောင်ပြီး ထွက်ပြေးလာရင် ဆေး ၁ ဆ အစား ၂ ဆ ပေးမိလို့ ဇာတ်မြောနဲ့ မေ့နေလေရဲ့…. ဒီလိုနဲ့ပဲ မရီးမှာ အစ်ကိုကြီးထားခဲ့တဲ့ စာရင်းစာအုပ်နဲ့အတူ အစ်ကိုကြီးဝှက်ခဲ့တဲ့ငွေတွေကို မက်မောပြီးလာတဲ့ ဒုစရိုက်လူရမ်းကားတွေရဲ့ ရန်ကို လှလှကြီးခံရတာပေါ့… တစ်ဖက်မှာလည်း တစ်ဖွဲ့တည်းအတူတူ တိုက်ပွဲဝင်ခဲ့ပြီးတော့ အဖွဲ့ဝင်တွေရဲ့ သေသတင်းကို ပြန်ပို့ခဲ့ရတဲ့ စစ်သည်ဟောင်းကြီး ရှရန်ကလည်း ဒီမြို့ပျက်ကြီးမှာ ရဲအရာရှိဖြစ်နေလေရဲ့… အရင်ဒဏ်ရာမသက်သာတဲ့ကြားမှာ ဒီလိုမျိုး တည်ငြိမ်ပြီး လူသူနည်းတဲ့ မြို့ပျက်ကြီးမှာနေကာမှ… မရီးကလည်း ဒီမှာလာပုန်းနေပြီး အစ်ကိုကြီးဆိုသူပြန်လာတဲ့အတွက် ဘယ်လိုတွေ ဂယက်ထကုန်မလဲ… သူ့ရဲ့ မကျက်သေးတဲ့အနာက ဒဏ်ရာသစ်ပြန်ကြုံရမှာလား… ဒီအစ်ကိုကြီးကရော တကယ်မေ့နေတာလား… မရီးကရော ဘာလို့ ဇာတ်မြှုပ်နေရတာလဲ… စိတ်ဝင်စားဖို့ကောင်းတဲ့ အလှည့်အပြောင်းတွေနဲ့မလို့ ကြည့်ဖြစ်အောင်ကြည့်ကြည့်ဖို့ ဖိတ်ခေါ်လိုက်ပါနော် 4K & 1080p Quality >> Only On CM App ( www.cmapp.tv )

Scarface (1983) IMDb Rating (8.3) / Rotten Tomatoes (79%) မင်းသားကြီး Al Pacino ရဲ့နာမည်ကြီးရုပ်ရှင်ကားကြီးပါ။ Rating တွေလဲ အတော်ကောင်းဆိုသလို အပြင်မှာတကယ်ရှိတဲ့ Tony Montana ဆိုတဲ့မူးယစ်ရာဇာအကြောင်းရိုက်ထားတာ။ တိုနီမွန်တားနားဆိုတဲ့ လူတစ်ယောက်ဟာ ကျူးဘားဒုက္ခသည်တွေနဲ့အတူ မိုင်ယာမီကိုရောက်လာတယ်.. သူနဲ့အတူ သူငယ်ချင်းတွေဖြစ်တဲ့ မန်နီ၊အိန်ဂျယ်နဲ့ချီချီတို့လည်းပါလာတယ်.. ရွှေ့ပြောင်းဒုက္ခသည်ဆိုတဲ့အတိုင်း အောက်ခြေအလုပ်တွေဖြစ်တဲ့ စားသောက်ဆိုင်ပန်းကန်ဆေးဆိုတဲ့အလုပ်ကနေ အသက်ရှင်ဖို့ရုန်းနေကြရင်းနဲ့ မူးယစ်ဆေးဝါးကုန်သည် သူဌေး ဖရန့်နဲ့အဆက်အသွယ်ရပြီး မူးယစ်အရောင်းအဝယ်လောကထဲကိုဝင်လာပါတော့တယ်။ တိုနီဟာ ဒီလောကနဲ့မစိမ်းသလို လက်ရဲဇက်ရဲ အကွက်မြင်တဲ့သူမို့ သူဌေးခိုင်းတဲ့အရောင်းအဝယ်ကိစ္စမှာ အအောင်မြင်ဆုံးဖြစ်အောင်ဆောင်ရွက်နိုင်ခဲ့တယ်… ဒီ့နောက်မှာတော့ သူဟာ တဖြည်းဖြည်းအောင်မြင်လာပြီး ကိုယ်ပိုင်အင်ပါယာထူထောင်နိုင်တဲ့အထိ ချမ်းသာလာပါတော့တယ်… ပိုက်ဆံတွေအများကြီး မိန်းမတွေအများကြီးနဲ့ မူးယစ်လောကထဲက တိုနီတယောက် ဘဝကြီးကို ဘယ်လောက်ထိ စိတ်ကြိုက်လွှင့်မျောမိုက်ကန်းတော့မယ်ဆိုတာ ဆေးပြင်းလိပ်ကြီးခဲပြီး သေနတ်ကြီးဆွဲလို့ သွေးသံရဲရဲနဲ့ Al Pacino ရဲ့ သရုပ်ဆောင်ချက်တွေကို ၃ နာရီနီးပါး ကျကျနနခံစားကြရမှာပါ။

Killing the Competition (2025) ဒီဇာတ်ကားကတော့ ဖြစ်ရပ်မှန်တွေကိုအခြေခံထားပေမယ့် ဇာတ်ကောင်တွေနဲ့ဇာတ်လမ်းကတော့ စိတ်ကူးဖန်တီးထားတာဖြစ်တယ်လို့ဆိုပါတယ်။ ဒါရိုက်တာက Lee Gabiana ဖြစ်ပါတယ်။Jane Espenson နဲ့ Christina Welshတို့ကရေးသားပေးထားပါတယ်။ သားသမီးနဲ့မိဘဆိုတာကတော့ မိဘကလည်းသားသမီးကို “မကောင်းမြစ်ထာ ကောင်းရာညွှန်လတ်ဆိုပေမဲ့ “ တစ်ချို့အရာတွေမှာကိုယ့်အမြင်နဲ့ကိုယ်တစ်အားမှန်တယ်ထင်ပြီး ထိန်းချုပ်ဖို့ကြိုးစားလာတဲ့အခါ ပဋိပက္ခဖြစ်လာတာကိုပြထားပါတယ်။ သားသမီးကလည်းကိုယ့်အမြင်နဲ့ကိုယ်ထင်ရာကိုကောက်ချက်ဆွဲမိဘစိတ်ထိခိုက်အောင်ပြောလာမျိုးကလည်းဖြစ်တတ်တဲ့သဘာဝတွေပါပဲ။ နောက်တစ်ခုက မိဘတွေရဲ့ အငုံ့စိတ်တွေ စိတ်ရင့်ကျက်မှုအဆင့်တွေကလည်း သားသမီးကိုထိန်းကျောင်းပုံသွင်းတဲ့နေရာမှာလာရိုက်ခတ်တဲ့အပြင်ကိုယ်ကိုယ်တိုင်ရဲ့ဘဝကိုပါထိခိုက်သွားနိုင်တာရှိပါတယ်။ အဖြစ်အပျက်တွေသာမတူမယ်လက်တွေ့ဘဝတွေမှာဒီလိုပဋိပက္ခတွေရှိနေတဲ့အတွက်လည်းဒီဇာတ်ကားကိုဖြစ်ရပ်မှန်လို့ပြောထားတာဖြစ်ပါတယ်။ ဇာတ်လမ်းအကျဥ်း အဲလစ်ဇဘက်ဖန်းဝှစ်ခ်( Melissa Joan Hart)က မိသားစုနဲ့အတူသူ့ဇာတိမြို့လေးကိုပြန်ပြောင်းလာပါတယ်။ သူ့မှာ ဂရေ့စ်ဆိုတဲ့သမီးလေးတစ်ယောက်နဲ့ဂျက်ခ်ဆန်ဆိုတဲ့သားလေးတစ်ယောက်ရှိပါတယ်။ယောကျာ်းကလည်း အဲလစ်ဇဘက်ကိုချစ်ရှာပါတယ်။ ဂရေ့စ်(Lily Brooks O’Briant) ကသူ့အမေတက်တဲ့ အထက်တန်းကျောင်းမှာပြန်တက်ပါတယ်။ ထရက်ရှာရတ်စ်အကအဖွဲ့မှာပါဖို့ လူရွေးပွဲလုပ်တဲ့အခါ အဲလစ်ဇဘက်က ဂရေ့စ်ကိုသင်ပေးပါတယ်။ သူကိုယ်တိုင်ကလည်းတစ်ချိန်က ထရက်ရှာရတ်စ်အဖွဲ့မှာပါခဲ့ပြီး အဲဒီတုန်းကတော့ သူ့ကသူသိများတဲ့ကြယ်ပွင့်တစ်ဦးဖြစ်ခဲ့ဖူးပါတယ်။ တကယ်ရွေးတော့ ဂရေ့စ်အရွေးမခံရဘူး။ အဲလစ်ဇဘက်က ချက်နဲ့လက်နဲ့ဘုတ်အဖွဲ့ကိုစောဒကတက်လိုက်တော့ ဂရေ့စ်တင်မကဘူး ပယ်ချခံထားရတဲ့မိန်းကလေးတွေကိုပါလက်ခံလိုက်ပါတယ်။ ဂရေ့စ်က သူ့ကိစ္စတွေမှာသူ့အမေစွက်ဖက်လွန်းတာကို သိပ်မကြိုက်ပါဘူး။ သူ့အမေကလည်းသူ့သမီးအမှားလုပ်ရင် ပြင်ပေးမယ် ကာကွယ်ပေးမယ်ဖြစ်နေပါတယ်။ ဂရေ့စ်ရဲ့ရည်းစားတိုင်လာကိုလည်းသဘောမကျ။ဂရေ့စ်ရဲ့သူငယ်ချင်းအသစ်ဟန်နာကိုလည်းသဘောမကျ။ နောက်တော့သားအမိနှစ်ယောက်စကားများကြရင်း ဂရေ့စ်က သူ့အမေကို သူတို့အကအဖွဲ့ကမယ့် ဘောလုံးပွဲဖွင့်ပွဲနေ့ကျရင်မလာပါနဲ့လို့ပြောလိုက်တော့အဲလစ်ဇဘက်တစ်အားခံစားသွားရပါတယ်။ တိုင်လာနဲ့ဟန်နာတို့ဂရေ့စ်မသိအောင်တွဲနေတယ်လို့အဲလစ်ဇဘက်ကသူ့ဘာသာထင်လာတဲ့အခါ အဲဒါကိုအတည်ပြုဖို့ကြိုးစားရင်းမထင်မှတ်တဲ့ပြဿနာတွေဖြစ်လာပါတော့တယ်။ ဘာတွေဖြစ်လာမယ် ဘယ်လိုအဆုံးသတ်မယ်ဆိုတာကတော့ ဆက်ကြည့်ပေးကြပါ။ Heartထိတဲ့ဇာတ်ကွက်ကလေးတွေနဲ့စကားတွေကတော့“ဒါပေမဲ့အမေ့ကိုကျွန်မသိစေချင်တာကနေ့တိုင်းတစ်ခုခုဖြစ်လာခဲ့ရင်ကျွန်မအမေ့ကိုအဲဒါတွေအတွက်ရှိစေချင်တယ်အဲဒီလိုမှမဟုတ်ရင်အမေ့ရဲ့အကြံပေးတာတာတွေကိုရချင်ပါတယ်” အစကတည်းကသာ မိဘကလည်းသားသမီးကိုလွတ်လပ်စွာရှင်သန်ခွင့်ပေးပြီး ဘေးကနေအသာထိန်းကျောင်းပေးခဲ့ရင် သားသမီးကလည်း မိဘရဲ့စေတနာ မေတ္တာကိုနားလည်ပြီးစိတ်ထိခိုက်အောင်မပြောခဲ့ရင် ဇာတ်သိမ်းလေးကလှမှာပါ။ သားသမီးဆိုတာရတနာတစ်ပါးဖြစ်သလိုအမေဆိုတာလည်းတန်ဖိုးဖြတ်မရတဲ့ရတနာတစ်ပါးပါ။ ကျွန်မကတော့ အဲလစ်ဇဘက်နေရာမှာ သရုပ်ဆောင်တဲ့ Melissa Joan Hart သရုပ်ဆောင်တာကိုတကယ်ကြိုက်ပါတယ်။ ပရိသတ်တွေလည်းကြိုက်မှာပါ။ (အညွှန်းနဲ့ဘာသာပြန်ကတော့ Khin Sakar Khin ဖြစ်ပါတယ်။) File size… (2 GB) / (880 MB) Quality…. WEB-Rip 1080p HEVC / 720p Format…. mkv/mp4 Genre…. Drama, Thriller Duration…. 01:27:03 Subtitle…. Myanmar Subtitle (Hardsub) Encoder…. Benjamin Translated by Khin Sakar Khin