ဒီဇာတ်လမ်းရဲ့အစကို ထောင်ထဲရောက်နေတဲ့မူးယစ်ရာဇာတစ်ယောက် ထောင်ထဲမှာ အာဏာပါဝါပြနေပုံနဲ့ဖွင့်ထားပါတယ်။ မူးယစ်ရာဇာဟာ ထောင်အပြင်ကသူ့သားရယ် ပါတနာညီအကိုသုံးယောက်ရယ်နဲ့ချိတ်ဆက်ပြီး ဟူစတန်မြို့ရဲ့အမှောင်ဘက်ခြမ်း မူးယစ်ဂိုဏ်းလောကကိုချုပ်ကိုင်ထားသူတွေထဲကတစ်ယောက်ပါ။ ဟူစတန်မြို့ မူးယစ်ဆေးလောကမှာ ဂိုဏ်းပေါင်းစုံရှိတဲ့အထဲ အဲဒီဂိုဏ်းဟာ အဆိုးဆုံးအ​ကြမ်းကြုတ်ဆုံးဖြစ်ပြီး ငွေကြေးအင်အား လူအင်အားတောင့်တင်းတဲ့အပြင် ဂိုဏ်းကိုဦးစီးနေတဲ့ ညီအစ်ကိုသုံးယောက်ရဲ့ပါးနပ်မှု သိုသိုဝှက်ဝှက်အလုပ်လုပ်တတ်မှုတို့ကြောင့် ရဲတပ်ဖွဲ့အနေနဲ့သက်သေခိုင်ခိုင်မာမာရှာလို့မရဘဲ ဖမ်းဆီးလို့မရနိုင်ဖြစ်နေပါတယ်။ ဒီအတွက်ရဲတပ်ဖွဲ့ဟာ အဲဒီဂိုဏ်းရဲ့မ​​ကောင်းတဲ့လုပ်ရပ်တွေကိုဖော်ထုတ်နိုင်ဖို့ စုံထောက်တစ်ယောက်ကို သူလျှိုအနေနဲ့လွှတ်ပြီး မူးယစ်ဂိုဏ်းထဲဝင်ဖို့ကြိုးစားစေပါတယ်။ အဲဒီစုံထောက်ဟာ မူးယစ်ဂိုဏ်းထဲကိုဝင်ခွင့်ရပြီး ရဲတပ်ဖွဲရဲ့ဆန္ဒအတိုင်း မူးယစ်ဂိုဏ်းကိုဖြိုခွဲသွားနိုင်မလား ဒါမှမဟုတ် ပါးနပ်တဲ့ညီအစ်ကိုသုံးယောက်လက်အောက်မှာပဲ ကျဆုံးသွားမလား... မူးယစ်ရာဇာရဲ့သားကကော ဘယ်လိုပါဝင်ပတ်သက်နေလဲ... စုံထောက်ကိုနောက်ကွယ်ကအကူအညီပေးနေတဲ့ရဲတပ်ဖွဲ့ကရော ရိုးသားရဲ့လား... စတဲ့ သို့လောသို့လောပေါင်းများစွာနဲ့အတူ ဇာတ်လမ်းအစကနေ အဆုံးအထိ ရင်ခုန်စိတ်လှုပ်ရှားဖွယ် ကြည့်ရှုခံစားရမှာပဲဖြစ်ပါတယ်။ (ဒီဇာတ်ကားနဲ့အညွှန်းကို Paing Hein Kyaw မှ ပြန်ဆို ရေးသားထားပါတယ်) Size - 1.75GB, 725MB Quality - 1080p, 720p Format - mp4 Duration - 1H 33Min Genre - Drama Subtitle - Myanmar Subtitle (Hardsub) Translated by Paing Hein Kyaw Encoded by Y

Review- Dead Pool ဆိုတဲ့ ဂိမ်းဆိုတာဘယ်သူသေမလဲဆိုတာခန့်မှန်းတဲ့လောင်းကစားပါ ရုပ်ရှင်ဒါရိုက်တာဖြစ်တဲ့ Peter Swan နဲ့ သူ့ရဲ့ရိုက်ကူးရေးအဖွဲ့သားတွေကဒီဂိမ်းကိုဆော့ကစားကြပါတယ် ဒါပေမယ်သူတို့နာမည်ကျော်တွေကိုပဲခန့်မှန်းပြီးကစားကြပါတယ် ဖြစ်ချင်တော့သေဆုံးသူတွေဟာ Peter Swan ရဲ့စာရင်းထဲကလူတွေပဲဖြစ်နေတာကိုသတိထားမိတဲ့နောက်မှာတော့ စုံထောက်ကြီး Harry Callahan သံသယတွေဝင်လာပါတယ် တကယ်ပဲလူသတ်သမားဟာ Peter Swan ဖြစ်နေမလား သူ့ကိုမုန်းတီးတဲ့အခြားတစ်ယောက်လား ဘာလို့ဒီလိုလိုက်သတ်နေရလဲ စုံထောက်ကြီး Callahan ကရောဘယ်လိုဖြေရှင်းမလဲဆိုတာ ကြည့်ရှုရမှာဖြစ်ပါတယ် (ဘာသာပြန်ပြီး အညွှန်းရေးသားထားသူကတော့ Son Gohan ပါ ) File Size__(2GB) / (1GB) Quality__1080p, 720p IMDb Rating__6.3/10 Format__mp4 Duration__01:31:00 Type__Action, Crime, Mystery Subtitle__Myanmar Subtitle (Hardsub) Translated by Son Gohan Encoded by Naing Aung Latt

ကားအမျိုးအစားက Action, Crime ဆိုတော့ အချိန်တိုလေးအတွင်း အပျင်းပြေကြည့်လို့ကောင်းမယ့် ရုပ်ရှင်လေးပါပဲ။ အချိန်လည်းသိပ်မပေးချင် ဇာတ်လေးလေးပင်ပင်တွေလည်း မကြိုက်ဘဲ ပေါ့ပေါ့ပါပါး တိုက်လိုက် ခိုက်လိုက်ကားလေးနဲ့ စိတ်အပန်းဖြေချင်ရင် ကြည့်သင့်တဲ့ ရုပ်ရှင်လေးပါ။ မင်းသားတွေကတော့ ကတုံးကားမောင်း မြန်စေလျောင်းကားတွေမှာ အစကတည်းကနေ ကြားဖောက်ကားတွေကလွဲ 9 အထိပါခဲ့တဲ့၊ နောက်ကားတွေလည်း ဆက်ပါနေဦးမယ့် Tyrese Gibson နဲ့ မူလလက်ဟောင်း War Machine ကြီး Terrence Howard တို့ပါပဲ။ ရင်းနှီးပြီးသားမင်းသားတွေနဲ့ ခပ်ကြမ်းကြမ်းအက်ရှင်ကားလေးဆိုတော့ အားလုံး သဘောကျကြမှာပါ။ တယ်ရီဆဲဗေ့ဂျ်ဟာ တိုင်းပြည်အတွက် အသက်ပေးအမှုထမ်းခဲ့ပြီး စစ်မြေပြင်မှာ ဆုတွေအလီလီရတဲ့ထိတိုင်အောင် ရွပ်ရွပ်ချွံချွံ တိုက်ပွဲဝင်ခဲ့တဲ့ စစ်သူရဲကောင်းတစ်ယောက်ပေမဲ့ တာဝန်ပြီးလို့ အိမ်ပြန်ရောက်ချိန်မှာတော့ တိုင်းပြည်အစိုးရရဲ့ မျက်ကွယ်ပြုခြင်း ခံရပြီး ဘဝက ယိုယွင်းလာခဲ့တယ်။ အဲဒီလိုနဲ့ နောက်ဆုံး သူ့သမီးအသက်မသေရအောင် ဆေးဖိုးရှာဖို့ ကြံရာမရတဲ့နောက်မှာ ဒုစရိုက်သမားဆီက ထိပ်ကွက်ပြီး လုယူဖို့ကြိုးစားရင်း အဖမ်းခံလိုက်ရပြီးတော့ သမီးရော သူပါ ဘဝပျက်မယ့်အရေးနဲ့ ကြုံလာရတော့တယ်။ အဲဒီအချိန်မှာ ရဲမင်းကြီးဟာဗီက သူ့ကိုဆက်သွယ်လာပြီး သူတို့တိုက်ဖျက်လိုနေတဲ့ ပုဂ္ဂလိကအကျဥ်းထောင်တွေထဲက အကျင့်ပျက်ခြစားမှုကို ထောက်လှမ်းရာမှာ ဆဲဗေ့ဂျ်က သူလျှိုအနေနဲ့ အထောက်အထားယူပေးရင် ဆဲဗေ့ဂျ်ရဲ့ဒုက္ခတွေကို တာဝန်ယူရှင်းပေးမယ်ဆိုပြီး ကမ်းလှမ်းလာတယ်။ တခြားရွေးစရာလမ်းမရှိတဲ့ ဆဲဗေ့ဂျ်တစ်ယောက် ခြစားနေတဲ့ထောင်ထဲက လျှို့ဝှက်ချက်တွေကိုရှာဖို့ ဝင်သွားခဲ့ပေမဲ့ သူတကယ်တွေ့ရှိလိုက်ရတဲ့ အမှန်တရားက သူရောက်နေတဲ့ငရဲတွင်းကို ပိုနက်သထက်နက်စေဖို့သာ ဖြစ်လာတဲ့အခါမှာတော့... (ဒီဇာတ်ကားနဲ့အညွှန်းကို Costanza မှ ပြန်ဆို ရေးသားထားပါတယ်) Size - 1.9GB, 940MB Quality - 1080p, 720p Format - mp4 Duration - 1H 37Min Genre - Action, Crime Subtitle - Myanmar Subtitle (Hardsub) Translated by Costanza Encoded by Y

Japan Animation Series “Blood C”ကို Live Action အဖြစ်အသက်သွင်းထားတဲ့ Blood-Club Dolls 1 ဝန်ကြီးချုပ် Muto ကို ကျောထောက်နောက်ခံထားပြီး တရားမဝင်တိုက်ခိုက်ရေး Club တစ်ခုကို ထူထောင်ထားတဲ့ Souen ရဲ့ Club မှာတော့ ပြစ်မှုကျူးလွန်သူဖူးသူ လူမိုက်တွေဟာ “သေရင်မြေကြီး ရှင်ရင်ရွှေထီး” ဆိုသလို မိမိအသက်ရှင်ခွင့်ရရှိဖို့ တစ်ဦးနဲ့တစ်ဦး အကြိတ်အနယ် ယှဉ်ပြိုင်တိုက်ခိုက်ကြရမှာပါ ။ အနိုင်ရရှိသူအတွက် ဆုရရှိမယ်ဆိုပေမယ့် ရှုံးတဲ့လူအတွက်ကတော့ သေဖို့ပဲရှိတဲ့ ဂိမ်းတစ်ခုပါပဲ တစ်နေ့မှာတော့ ...Souen ရဲ့ Club ကို လူ 32 ယောက်ကို ပုဆိန်နဲ့ခုတ်သတ်ခဲ့တယ်ဆိုတဲ့ ပြစ်မှုကျူးလွန်ထားသူ Aiba တစ်ယောက် ရောက်ရှိလာပြီး သေရေးရှင်ရေးအတွက် တိုက်ခိုက်ရဖို့ အကြောင်းဖန်လာပါတယ် ။ အတိတ်ဟောင်းတွေရှိခဲ့ဖူးတဲ့ Souen နဲ့ Aiba တို့ကြားထဲကို လျှို့ဝှက်ဗျူဟာအပြည့်နဲ့ မိန်းကလေး Arisugawa ဝင်ရောက်လာခဲ့ပြီးတဲ့နောက်...။ တည်ထောင်သူ Lord Nanahara Fumito ရဲ့ ရက်စက်ကြမ်းကြုတ်လှတဲ့ လောကကြီးထဲမှာ ဘယ်သူကများ အဆုံးထိအသက်ရှင်ခွင့်ရရှိသွားမလဲဆိုတာ စိတ်ဝင်စားဖွယ်ကြည့်ရှုရမယ့် Action ဇာတ်ကားကောင်းတစ်ကားပဲဖြစ်ပါတယ် အညွှန်း နဲ့ ဘာသာပြန်ကတော့ Hmwe Thet Winn ပဲ ဖြစ်ပါတယ်။ Genre.....Action Quality….  720p | 480p File size… 810MB | 366MB Format… mp4 Duration….1h 24min Subtitle…. Myanmar Subtitle (Hardsub) Translator ..... Hmwe Thet Winn Encoder ..... August

ဒီရုပ်ရှင်မှာတော့ ကိုရီးယားကို နိုင်ငံအားလုံးက ပိတ်ဆို့ထားခဲ့တာ ၄ နှစ်ကြာခဲ့ပါပြီ။ အထဲမှာ အသက်ရှင်ရက် ကျန်ခဲ့သူတွေက လွတ်မြောက်ဖို့ ကြိုးစားနေသလို လောဘသားတွေကလည်း ပိုင်ရှင်မဲ့နေတဲ့ ငွေတွေ ရတနာတွေ ကို ယူဖို့ ခိုးဝင်နေကြပါတယ်။ ကိုရီးယားနိုင်ငံတစ်ခုတည်း ကမ္ဘာပျက်ပြီးနောက်ပိုင်း အခြေအနေကို ပြသလို ပြထား ပြီး အရင်ရုပ်ရှင်လိုပဲ Survival အတွက် စွန့်စားခန်းတွေ ဖွင့်တာကို တွေ့ရမှာပါပဲ။ အရင်က Train To Busan ပထမပိုင်းအနေနဲ့ထွက်ရှိထားပြီး လင့်ကိုတော့ အောက်မှာထည့်သွင်းဖော်ပြပေးထားပါတယ်။ အခုကားကတော့ အပိုင်း ၂ အနေနဲ့ထွက်ရှိလာတာမို့ အားလုံးပဲခံစားကြည့်ရှုပေးကြပါဦး။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Littleneo ပဲဖြစ်ပါတယ်။) Part 1 >>> https://channelmyanmar.org/train-to-busan2016/ Quality –  1080p, 720p WebRip Duration - 1hr 56min Subtitle – Myanmar Hardsub Format – Mp4 Genre : Action, Horror, Thriller Source : 1080p.WebRip Translator – Littleneo Encoder – SWM

Holy Emy (2021) ============== ၂၀၂၁ ခုနှစ်က ဂရိနိုင်ငံမှာ ထွက်ရှိခဲ့တဲ့ ဇာတ်ကားကောင်း တစ်ကား။ ဂရိမှာနိုင်ငံမှာရိုက်ကူးပေမဲ့ အဓိကဇာတ်ဆောင် တွေကို ဖိလစ်ပိုင်သရုပ်ဆောင်‌တွေသာ သုံးထားတဲ့ ရုပ်ရှင် ကားကောင်းတစ်ကား။ ခရစ်တော်ကိုချီးမွမ်းခြင်း ကားတစ် ကားလို့လည်းဆိုနိုင်သလို အဓိကသရုပ်ဆောင် ဖိလစ်ပိုင် ညီအစ်မနှစ်ယောက်ကြားက သံယောဇဉ်၊ မေတ္တာအတိမ်အနက် ကို ဖော်ညွှန်းပေးတဲ့ ဒရာမာရုပ်ရှင်။ လူ့ဘဝသရုပ်တွေကို ပီပီ ပြင်ပြင်တင်ပြသွားတာနဲ့အညီ ဂရိနိုင်ငံထွက်ကားတွေထဲမှာ IMDb 6.2 ထိရထားလို့ မဆိုးဘူးလို့ဆိုရမယ့်ကား တစ်ကားပါ။ ရုပ်ရှင်ကားလေးရဲ့ဇာတ်အိမ်က အတော်ထူးဆန်းတယ်လို့ဆိုရမှာ ဖြစ်သလို ဇာတ်လမ်းဇာတ်ကွက်၊ ဇာတ်လမ်းကျောရိုးဟာလည်း အတော်လေးထူးခြားနေပါတယ်။ အမေဖြစ်သူနဲ့ နိုင်ငံချင်းခြားပြီး နေနေရတဲ့ ဖိလစ်ပိုင် ညီမနှစ်ယောက်အကြောင်း ရိုက်ကူးထားပြီး အဘယ်ကြောင့် Holy Emy ‌ဆိုတဲ့ အမည်နာမပေးထားရတယ်၊ ဒီညီမနှစ်ယောက်နဲ့ သူတို့‌အမေနဲ့ကြား ဘယ်လို‌တွေဖြစ်ခဲ့ကြတယ်၊ ဘာတွေဆက်ဖြစ်ကြမယ်ဆိုတာကိုတော့ Holy Emy လေးထဲမှာ ခံစားရင်ခုန်ပေးလှည့်ကြပါဦးခင်ဗျာ။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ San Thu Aung ဖြစ်ပါတယ်)

ဦးစွာပြောလိုတာကတော့ Rating ပါ.. Rating မကြည့်ကြနဲ့လို့ ဆိုကြပေမယ့် ဒီလိုပွဲ‌တော်အကြောင်းပြုပြီး ပေါချင်းသောချင်းထွက်နေကြ ဇာတ်ကားတွေထဲမှာ ဒီကားဟာ တော်တော်လေးကို ကြည့်လို့ကောင်းတဲ့ ကားတစ်ကားပဲဖြစ်ပါတယ်… ခရစ္စမတ်ကားတို့မည်သည် Family Typeလေးနဲ့ ပျော်ပျ်ောရွှင်ရွှင်အဆုံးသတ်ပြီး ခရစ္စမတ်အရသာကို ခံစားရစေစမြဲဆိုပေမယ့် ဒီဇာတ်လမ်းလေးကတော့ မတူကွဲပြားဘဲ ထူးခြားမှုကို ခံစားရစေတယ်ဗျ။ ရာလ်ဖ် ပါကာဆိုတဲ့ စာရေးဆရာဟာ သားသမီး၂ယောက်ရဲ့ ဖခင်ပေါ့ … သူတို့မိသားစုဝင် ၄ယောက်ဟာ ခရစ္စမတ်တိုင်း အဝေးကလာတဲ့ အဖိုးအဖွားတွေနဲ့ ပွဲတော်ဆင်နွှဲနေကြဆိုပေမယ့် ဒီနှစ်မှာတော့ အဖေဖြစ်သူဆုံးပါးသွားတဲ့အခါ တာဝန်အားလုံးဟာ ရာလ်ဖ်အပေါ်ကျရောက်လာပါတော့တယ်… ရာလ်ဖ်ရဲ့ဖခင်ဟာ ခရစ္စမတ်ပွဲကျင်းပရာမှာ ဆရာတစ်ဆူဖြစ်တဲ့အတွက်ကြောင့် သူ့အဖေခြေရာအတိုင်းထပ်တူဖြစ်လာပါမလားလို့ ressureတွေပိုပိလာတဲ့အခါ … ရာလ်ဖ်တစ်ယောက် ဘယ်လိုရင်ဆိုင်ဖြေရှင်းရသလဲဆိုတာကို ကြည့်ရှုရမှာပဲဖြစ်ပါတယ် ( ဘာသာပြန်ပြီး အညွှန်းရေးသားထားသူကတော့ Tun Aung Kyaw ပါ ) File Size__(2.5GB) / (1GB) Quality__WEB-DL_1080p, 720p IMDb Rating__6.6/10 Format__mp4 Duration__01:38:00 Type__Comedy, Family Subtitle__Myanmar Subtitle (Hardsub) Translated by Tun Aung Kyaw Encoded by Naing Aung Latt

စိတ်လှုပ်ရှားသက်ဝင်ရင်ခုန်စွာနဲ့ကြည့်ရှုရမဲ့ ရုပ်ရှင်ကားကောင်းတစ်ခုကို Channel Myanmar က တင်ဆက်ပေးလိုက်ပါပြီနော် ယွီဖေးနဲ့ထုံယန်ဟာ တစ်ချိန်က ညီအစ်မရင်းတွေလို ခင်မင်ခဲ့ကြတဲ့ သူငယ်ချင်းတွေဖြစ်ပြီး အကြောင်းအရင်းတစ်ခုကြောင့် နှစ်အတန်ကြာ ကွဲကွာခဲ့ရပါတော့တယ် ထိုအကြောင်းရင်းကတော့ ဝူလျန်ဟာ သူတို့နှစ်ယောက်နဲ့ အတန်းဖော်ဖြစ်ခဲ့ပြီး သူမသူငယ်ချင်းထုံယန်အတွက် ယွီဖေးဟာ နောက်ဆုတ်ပေးခဲ့တာ ဖြစ်ပါတယ် ဒီလိုနဲ့ ဝူလျန်ဟာ ထုံယန်ကိုလက်ထပ်ခွင့်တောင်းမဲ့အစီအစဉ်နဲ့ သူတို့သူငယ်ချင်းသုံးယောက်တစ်ဖန်ပြန်ဆုံခဲ့ရပါတော့တယ်။ အဲ့အချိန်မှာပဲ ပုံပြင်လေးက စတင်ခဲ့ပါတော့တယ်。。。 ယွီဖေးရဲ့အကြံအရ စပရိုက်စ်(အံ့အားသင့်ဖွယ်)ဖြစ်အောင် အစီအစဉ်တစ်ခု ချမှတ်ခဲ့ပါတော့တယ် အဲ့ဒါကတော့ ပင်လယ်ပြင်ကြီးမှာ ရွက်လှေလွှင့်ပါတီလုပ်ပြီး ထုံယန်မသိတဲ့အခိုက်မှာ ရေအောက်ခြေက သန္တာကျောက်တန်းမှာ လက်စွပ်ကို သွားဖွက်ထားဖို့ပဲ ဖြစ်ပါတယ်。。。 အဆုံးမရှိတဲ့ကမ်း မှန်းဆမရတဲ့အနက် စူးစမ်းမရတဲ့‌ အခြင်းအရာတွေပတ်လည်ဝန်းရံနေတဲ့ ပင်လယ်ကြီးမှာ ဘာတွေဆက်ဖြစ်မလဲဆိုတာ အသေးစိတ်ကြည့်ရှုလိုက်ပါနော်

အချိန်ခရီးသွားဇာတ်ကားတွေကြိုက်တတ်တဲ့ပရိသတ်ကြီးအတွက် ဇာတ်ကားလေးတစ်ကားနဲ့မိတ်ဆက်ပေးပါရစေ ။ ဒီကားလေးက ရှေးဟောင်းပစ္စည်းတစ်ခုကြောင့်နဲ့ ရှေးခေတ်ကိုပြန်ရောက်သွားတဲ့အကြောင်းလေးပါ ။ သရုပ်ဆောင်အရမ်းဖြစ်ချင်ပေမဲ့ အိပ်မက်‌တွေမပြည့်ဝသေးတဲ့ သာ့ဟွားသော အဖေဖြစ်သူရဲ့ လောင်းကစားကြွေးတွေကိုဆပ်ရင်းနဲ့ ကြိုးစားပမ်းစားအလုပ်လုပ်နေရတဲ့ ရှောင်နျောင် ပန်းချီအယ်ဘမ်တစ်ခုထုတ်ဝေချင်ပေမဲ့ မထုတ်ဝေနိုင်သေးတဲ့ အိုက်လင် ဒီမိန်းကလေးသုံးယောက်လုံးဟာ ရှောင်ချုံးလိုခေါ်တဲ့သူဆီကနေ လျို့ဝှက်အေ့ဂျင်လုပ်ဖို့ဖိတ်ခေါ်ခံလိုက်ရပြီး နိုင်ငံ့ရတနာကျောက်စိမ်းခေါင်းလောင်းကို သုတေသနဓာတ်ခွဲခန်းကနေ ခိုးသွားတဲ့ အစ်ကိုဟောက်နောက်ကို နောက်ယောင်ခံလိုက်ခိုင်းခဲ့ပါတယ် ။ အစ်ကိုဟောက်ပုန်းခိုနေတဲ့နေရာကိုသိပြီး လေးယောက်သား ကျောက်စိမ်းခေါင်းလောင်းကိုပြန်ယူဖို့လုပ်တဲ့အချိန် မထင်မှတ်ထားတွေဖြစ်သွားပြီး ဟိုဘက်ခေတ်ကိုရောက်သွားကြပါတော့တယ် ။ နန်းတွင်းကိုရောက်သွားတဲ့ အိုက်လင်နဲ့ရှောင်နျောင်တို့လည်း အသက်အဖြတ်များတဲ့ နန်းတွင်းကနေ ဘယ်လိုလွတ်မြောက်အောင်လုပ်မလဲ ? သူတို့ထက်ပိုကံဆိုးပြီး ဆောင်ကြာမြိုင်ရောက်သွားတဲ့ သာ့ဟွားသောရော ဘယ်လိုနည်းနဲ့ ဒီဘက်ခေတ်ကိုပြန်ရောက်လာအောင်လုပ်မလဲဆိုတာကို စိတ်ဝင်စားစွာကြည့်ရမှာဖြစ်လို့ အဆုံးထိစောင့်ကြည့်ပေးကြပါအုံးနော် ။

၁၉၉၉ ခုနစ်က ကာတွန်းကားဆိုပေမယ့် ဇာတ်အိမ် ဇာတ်ကွက် ခိုင်မာပြီး ပရိတ်သတ်တွေရဲ့ရင်ထဲထိ ထိုးဖောက်နိုင်ခဲ့တဲ့ Tarzan ဆိုတဲ့ ဇာတ်ကားလေးနဲ့မိတ်ဆက်ပေးလိုက်ပါတယ်။ File size… 1.7 GB / 904 MB Quality… BluRay 1080p / 720p Format… mp4 Duration…. 1h 28m Genre ….. Animation / Adventure / Comdey Subtitle…. Myanmar Subtitle (Hard Sub) Encoder…. LegoHeart

လူကိုသေရာမှပြန်ရှင်စေနိုင်တဲ့ ထာဝရနုပျိုစေတဲ့နတ်ဆေးလုံးဟာ ကျွိလုမြို့အနီးနားကတောင်ပေါ်တောထဲမှာရှိတယ်လို့ဒဏ္ဍာရီရှိပါတယ်။ အဲဒီဒဏ္ဍာရီကြောင့် လောဘသားတစ်ယောက်ဟာ ဆေးလုံးဖွက်ဂူရဲ့သော့ကိုထိန်းသိမ်းထားတဲ့မျိုးနွယ်စုကိုသတ်ဖြတ်ပြန်ပေးဆွဲပြီး ဂူထဲဝင်ဖို့ကြံစည်နေပါတယ်။ အဲဒီအချိန်မှာ အရေးပေါ်အကူအညီတောင်းခံရတဲ့ လျိုရွှိဟာ ပြန်ပေးဆွဲခံရတဲ့မိန်းကလေးကိုလိုက်ရှာရင်း မိသားစုရဲ့နှစ် ၁၀၀၀ ကျိန်စာကိုဖျက်နိုင်ဖို့ဂူထဲကိုဝင်ချင်တဲ့ လုမိန်းကလေးတို့အဖွဲ့နဲ့ဆုံတွေ့လာပါတယ်။ အကြောင်းဖန်တော့သူတိ့နှစ်ဖွဲ့ဟာပူးပေါင်းပြီး နတ်ဆေးလုံးဖွက်ဂူကိုလိုက်ကြကြပါတယ်။ လျိုရွှိဟာ မိသားစုအမွေပေးခဲ့တဲ့ပညာကြောင့် ဂူကိုရှာတွေ့ခဲ့ပေမယ့် အမှောင်ထဲမှာဘယ်လို အန္တရာယ်တွေကစောင့်ကြိုနေသလဲဆိုတာမသိနိုင်ပါဘူး။ အန္တရာယ်တွေကိုကျော်ဖြတ်ပြီးတော့ သူတို့ဟာနတ်ဆေးလုံးရတနာကိုရအောင်ယူနိုင်ပါ့မလား…… ဒီဂူကြီးထဲမှာ အသက်တွေဘယ်လောက်များသေဆုံးရဦးမလဲ……

Three Wiser Men and a Boy (2024) IMDb Rating (7.0) ဒီဇင်ဘာလခရစ်စမတ်ပွဲတော်ရက်လည်းနီးလာပါပြီ ဘာကျွေးကြမလဲ ဘာတွေလက်ဆောင်ပေးကြမလဲဆိုပြီး ကြိုပျော်တဲ့သူတွေလည်းကြိုပျော်ကုန်ကြပါပြီ ။ ဒီအချိန်မှာ ခရစ်စမတ်အကြောင်းအထူးပြုရိုက်ထားတဲ့ ဇာတ်ကားလေးတစ်ခုနဲ့မိတ်ဆက်ပေးချင်ပါတယ်။ လုခ် ဘရန်နာ( အင်ဒရူးဝေါ့ကာ) တေလာဘရန်နာ( တိုင်လာဟိုင်းစ်)နဲ့စတီဖန်ဘရန်နာ(ပေါလ်ကမ်ဘဲလ်)တို့က ညီအကိုသုံးယောက်ဖြစ်ပါတယ်။ လုခ်ကမီးသတ်ဌါနအကြီးအကဲဖြစ်ပြီးသူနဲ့သူ့ဇနီးကယ်ရိုလင်းမှာချစ်စရာကောင်းတဲ့သားလေးသောမတ်စ်ရှိပါတယ်။ သောမတ်စ်က ကျောင်းမှာ ခရစ်စမတ်အတွက်ကပြမယ့် ပြဇာတ်ထဲမှာပါနေပါတယ်။ စတီဖန်မှာချစ်သူ ဆူဇီ ရှိပြီးစတီဖန်ကစိတ်ဖိစီးမှုလျော့ချနိင်မယ့်နည်းလမ်းတွေအကြောင်းရေးတဲ့စာရေးဆရာဖြစ်ပါတယ်။ တေလာကတော့ ဂိမ်းတွေကိုဖန်တီးသူဖြစ်ပြီး သူ့ရဲ့ဂိမ်းကိုအပြတ်လာဝယ်ပေမယ့်မရောင်းလိုက်တဲ့အခါ ငွေကြေးပြတ်လပ်ပြီးနေတဲ့ တိုက်ခန်းကပါထွက်ပေးရတဲ့ အခြေအနေဆိုက်နေပါတယ်။ သူတို့အမေဘာဘရာ(မာဂရက်ကောလင်း)ကသူတို့ကို သူ့အိမ်မှာညစားဖို့ခေါ်လိုက်ပါတယ်။ မထင်မှတ်ထားတဲ့ဟာကသူ့အမေကသူတို့ကို ချစ်သူရွိုင်နဲ့မိတ်ဆက်ပေးလိုက်တာပါ။ နေစရာပျောက်နေတဲ့တေလာတိုက်တွန်းတာနဲ့ ညီအကိုသုံးယောက်နဲ့သောမတ်စ်တို့ဘာဘရာ့အိမ်မှာ တစ်ပါတ်နေဖို့အကြောင်းဖန်လာပါတယ်။ သောမတ်စ်ဆီကိုကွတ်ကီးမုန့်တွေဝယ်လာပို့တဲ့တေလာကကျောင်းကစန္ဒယားဆရာမလေးနဲ့ရင်းနှီးသွားပါတယ်။ မထင်မှတ်ပဲ တေလာနဲ့စတီဖန်ကြောင့်ကျောင်းက ခရစ်စမတ်အထိမ်းအမှတ်ပြဇာတ် အခင်းအကျင်းနဲ့အဝတ်အစားတွေကိုဖျက်ဆီးသလိုဖြစ်သွားပါတယ်။ သူတို့ငယ်ကတည်းကြောက်ရတဲ့ကြောက်ရတဲ့ကျောင်းအုပ်ကြီးက သူတို့ညီအကိုသုံးယောက်ကိုပြဇာတ်ကိုအောင်မြင်အောင်ပြန်လုပ်ဖို့ တာဝန်ပေးလိုက်ပါတယ်။ ညီအကိုသုံးယောက်ဘာတွေလုပ်ကြမလဲပြဇာတ်ကအောင်မြင်မလား ဘယ်သူတွေကသူတို့ကိုကူညီမလဲ ညီအကိုနှစ်ယောက်ရဲ့အချစ်ရေးနဲ့မိခင်ကြီးရဲ့အချစ်ရေး အဆင်ပြေမလားဆိုတာတော့ဆက်ကြည့်ရှုနိုင်ပါတယ်။ အတွေးအခေါ်ပါတဲ့ဒိုင်ယာလော့တွေကလည်း ဆွဲဆောင်မှုရှိပါတယ်။ မိသားစုရဲ့ ခရစ်စမတ်ရိုးရာကိုလည်းတွေ့ရမှာဖြစ်သလိုခရစ်စမတ်မှာလုပ်တတ်ကြတဲ့အနောက်နိုင်ငံတွေရဲ့ ရိုးရာလေးတွေကိုပါသိရမှာဖြစ်ပါတယ်။ ဒီရုပ်ရှင်က ၂၀၂၂ ကရိုက်ကူးခဲ့တဲ့ ThreeWise Men and a Boy ဇာတ်ကားရဲ့အဆက်ဖြစ်ပါတယ်။ ဒါရိုက်တာက တယ်ရီအင်ဂရမ်ဖြစ်ပါတယ်။ Hallmark Channel ကထုတ်လွှင့်တာဖြစ်ပြီးချန်နယ်ပရိသတ်တွေကြိုက်ကြတဲ့မိသားစုဇာတ်ကားဖြစ်ပါတယ်။ (အညွှန်းနဲ့ဘာသာပြန်ကတော့ khin sakar khin ဖြစ်ပါတယ်။) File size…(1.8 GB) / (840 MB) Quality….WEB-Rip 1080p HEVC / 720p Format…. mkv/mp4 Genre….Comedy,Drama,TV Movie Duration….01:24:25 Subtitle….Myanmar Subtitle (Hardsub) Encoder….Double K Translated by khin sakar khin

Shutter Island (2010) IMDb Rating (8.1) / Rotten Tomatoes (69 %) Shutter Island က ဒါရိုက်တာ Martin Scorsese အကောင်းဆုံးကားတွေထဲက တစ်ကားပါ။ Shutter Island လို့ခေါ်တဲ့ကျွန်းတစ်ကျွန်းက အရူးဆေးရုံကို Teddy ( Leonardo ) နဲ့ Chuck ( Mark Ruffalo ) အရာရှိ ၂ ယောက် ရောက်လာတယ်။ သူတို့အလုပ်က Rachel Solando လို့ခေါ်တဲ့ လူနာပျောက်သွားတဲ့အမှုကို လာစစ်ဆေးဖို့။ အဲဒီအရုးဆေးရုံ တစ်နည်းအားဖြင့် စိတ်ဝေဒနာရှင်အပြင်းစားတွေကို ကုတဲ့ဆေးရုံမှာ Dr. John Cawley စိတ်ရောဂါအထူးကု ဆရာ၀န်ခေါင်းဆောင်။ သူ့အထက်မှာ ဆေးရုံအုပ်နဲ့ ဘုတ်အဖွဲ့ပဲ ရှိတော့တယ်။ မာရှယ်အရာရှိဖြစ်တဲ့ Teddy ( Leo ) က ပျောက်သွားတဲ့လူနာ Rachel Solando ကို ရှာဖွေဖို့ Chuck က သူ့လက်ထောက်အဖြစ် အနီးကပ်လိုက်ပါ ကူညီပေးရတယ်။ Spoiler Alert* ဒီကားဟာ Plot Twist နဲ့ ကြည့်တဲ့သူကို ရှုတ်ထွေးသွားစေတယ်။ သေချာမကြည့်ရင် နားလည်မှာမဟုတ်ဘူး။ ဒီကားမှာ Teddy ( Leo ) က ရူးနေတာပါ။ သူရူးသွားတဲ့အကြောင်းရင်းလည်း ရှိတယ်။ အဲဒီရူးသွားတဲ့အကြောင်းကိုပဲ Plot Twist လုပ်ထားတာဖြစ်ပါတယ်။ Teddy ရူးနေတဲ့အကြောင်းကို သူ မီးပြတိုက်သွားပြီး Dr. John Cawley နဲ့ တွေ့သွားချိန်မှာ အားလုံးရှင်းရှင်း လင်းလင်း ပြောပြသွားပြီးပါပြီ။ ဇတ်ကားက အဲမှာတင် ရှင်းနေပြီးပါပြီ။ Teddy ( Leo ) ဘာကြောင့်ရူးသွားလဲ။ Teddy ( Leo ) ရဲ့ နာမည်အရင်းက Andrew Laeddis ပါ။ သူ့မှာ Dolores Chanal လို့ခေါ်တဲ့ မိန်းမနဲ့ သားသမီး ၃ ယောက်ရှိတယ်။ သူ မရူးခင်ကတည်းက သူ့မိန်းမ Dolores Chanal က စိတ်ဖောက်ပြီးအရင်ရူးနေတာပါ။ ရူးသွားတဲ့ သူ့မိန်းမဟာ တစ်နေ့မှာ သူ့တို့အိမ်၀င်းထဲက ကန်ထဲမှာ သူ့သားသမီး ၃ ယောက်လုံးကို ရေနစ်သတ်လိုက်ပါတယ်။ သူပြန်လာချိန်မှာ သူ့ကလေးတွေ ရေထဲနစ်သေနေတာတွေ့ပြီး ဒေါသနဲ့ သူ့မိန်းမကိုပါ ပစ်သတ်လိုက်တယ်။ သူကိုယ်တိုင်လည်း စိတ်အကြီးအကျယ်ထိခိုက်၊ စ်ိတ်ဒဏ်ရာရ Trauma ဖြစ်ပြီး ရူးသွားပါတယ်။ သူ့နာမည်ရင်းနဲ့ သူ့မိန်းမ၊ သူ့သားသမီး အားလုံးကိုလည်း မေ့သွားပါတယ်။ တစ်ခါတခါတော့သတိရတတ်ပါတယ်။ သူရူးတာက အများနဲ့မတူ အန္တရာယ်ရှိတဲ့အတွက် Shutter ကျွန်းပေါ်က Ashecliffe လို့ခေါ်တဲ့ အရူးဆေးရုံ၊ စိတ္တဇဆေးရုံကို ပို့ခံရတာပါ။ ဒါပေမယ့် သူ့ကို ဒီအတိုင်းတန်းပို့လို့မရပါဘူး။ ဇတ်လမ်းတစ်ခုထွင်ပြီး သူ့ကိုယ်သူ ဘယ်သူဆိုတာ သိလာအောင် ပြန်ရှာခိုင်းတာပါ။ သူ့အတွက် ဆရာ၀န်တွေ ထွင်လိုက်တဲ့လုပ်ဇတ်(ဇတ်လမ်း) ကိုလည်း ကြည့်ပါဦး။ ဆေးရုံက ပျောက်သွားတဲ့လူနာရဲ့ နာမည်က Rachel Solando တဲ့ Rachel ဆိုတာ သူ့သမီးရဲ့ နာမည် ဖြစ်နေတယ်။ Leonardo ရဲ့ စိတ်ကူးယဉ်ကမ္ဘာ Leonardo ဟာ သူ့ရဲ့ စိတ်ကူးယဉ်ကမ္ဘာ Fantasy World မှာ အသက်ရှင်နေတာပါ။ ဒါကို ဆ၇ာ၀န်တွေက သူပြန်အမှတ်ရလာအောင် Reality လက်တွေ့ကမ္ဘာထဲရောက်လာအောင် ကူညီပေးနေတာပါ။ စိတ်ကူးယဉ်ကမ္ဘာထဲကလူတွေနဲ့ စကားပြောမယ် လက်တွေ့ဘ၀ကလူတွေနဲ့လည်း ပေါင်းမယ်ဆိုတဲ့ စ်ိတ်ဝေဒနာရှင်တစ်မျိုးပါ။ ကြုံလို့ ပြောရရင် ပြီးခဲ့တဲ့ သူစိမ်းအိမ် ဇတ်ကားကြည့်နေုတုန်းက လူသတ်မိသားစု ဖြစ်ပျက်နေပုံကို ကြည့်ပြီး ချက်ချင်းသွားသတိရတာ Shutter Island နဲ့ A Beautiful Mind ဇတ်ကားကပါ။ မရှိတာ ( စိတ်ကူးကမ္ဘာ )ကို အရှိ ( reality ) ဆိုပြီး ယုံကြည်နေတဲ့ psycho character ချင်း အတူတူပါပဲ။ ဇတ်ကားအကြောင်း ပြန်ဆက်မယ်။ Leo ရဲ့ စိတ်ကူးယဉ်ကမ္ဘာထဲမှာ သူ့ကိုယ်သူ Teddy Daniels အဖြစ် ခံယူထားပြီး သူန့ တတွဲတွဲ သွားလာနေတဲ့ ( သူ့ကို အနီးကပ်စောင့်ကြည့်ဖို့ထားတဲ့ ) ဆရာ၀န် Sheehan ကိုတော့ Chuck အဖြစ်ပဲ သိထားတယ်။ သူ့မိန်းမဟာ သူ့အိမ်မက်မှာဖြစ်စေ၊ သူ့စိတ်ကူးကမ္ဘာမှာ ဖြစ်စေ တစ်ခါတရံပေါ်လာတတ်ပြီး သူ့မိန်းမနာမည် ဘယ်သူဆိုတော့ မေ့နေတယ်။ သူ့စိတ်ကူးမ္ဘာမှာ သူ့မိန်းမက အသတ်ခံရတယ်လို့ ပုံဖော်ထားပြီး သတ်လိုက်တဲ့သူက Andrew Laeddis ( သူမဟုတ်ဘူး တစ်ခြားတစ်ယောက် ) လို့ မှတ်ယူထားပြန်တယ်။ သူ့စိတ်ကူးမှာ သူ့မိန်းမကို မီးတောက်လောင်နေတဲ့ ပုံစံနဲ့ တွေ့တွေ့နေရတာက သူ့မိန်းမ Dolores Chanal က သူတို့နေအိမ်ကို စိတ်ဖောက်ပြီး မီးရှို့ခဲ့တဲ့အတွက်ကြောင့်ပါ။ ဒီအကြောင်းကို မီးပြတိုက်မှာ Chuck က ပြောသွားပါတယ်။ ဇတ်အိမ်အရ ဆက်စပ်၊ ဆီလျော်မှုလည်း ရှိပါတယ်။ Teddy ( Leo ) ရူးနေကြောင်း အခန်းတော်တော်များမှာ သတိထားကြည့်ရင် သိနိုင်ပါတယ်။ ဆရာ၀န် John Cawley နဲ့ ပထမဆုံး တွေ့တော့ ပျောက်သွားတဲ့ Rachel Solando အကြောင်းရှင်းပြချိန်မှာ Teddy က သူ့စိတ်ကူးထဲ ပုံဖော်ပြီး ခေါင်းကိုက်သွားလို့ အက်စ်ပရင် တောင်းပါတယ်။ နောက်ဒါရိုက်တာက အရိပ်အမွက်တစ်ခု ထပ်ပြပါတယ်။ Solando အခန်းထဲရှာတော့ “The law of 4; who is 67? ဆိုတဲ့စာတွေ့တယ်။ ဆေးရုံမှာ စိတ္တဇ လူနာ ၆၆ ယောက်ရှိတယ်။ Who is 67? တဲ့။ ၆၇ ယောက်မြောက်လူနာက သူ့ကိုယ်သူ Andrew Laeddis လို့မသိဘဲ Teddy ထင်နေတဲ့ Leo ကိုယ်တိုင်ပါပဲ။ သူရူးနေကြောင်း ပိုသိသာတာက မီးပြတိုက်မှာ Dr. John Cawley ကို သေနတ်နဲ့ ပစ်လိုက်တဲ့အခန်းပါ။ သူကတော့ သူ့စ်ိတ်ကူးနဲ့ သေနတ်အစစ်ထင်ပြီး ပစ်လိုက်တာ သွေးတွေတောင်ထွက်သွားတယ်။ တကယ်တမ်းက သေနတ်က ကလေးကစားစရာ သေနတ်ဖြစ်နေတာ သိသွားမှ Reality ကို ပြန်ရောက်လာတယ်။ နောက်ပြီး မီးပြတိုက်မသွားခင် ကားအနီကို မီးရှို့လိုက်တာလည်း သူရူးနေတယ်ဆိုတာကို ဖော်ပြနေတာပဲ။ မီးပြတိုက်မှာ ဟိုဒေါက်တာ John Cawley က စိတ်မရှည်တော့ဘဲ Leo ကို White Board က နာမည်တွေသေချာကြည့်လို့ပြောပြီး သေချာရှင်းပြလိုက်တော့မှ သူ့စိတ်ဖောက်နေတာ နားလည်သွားတော့တယ်။ ဒါပေမယ့် သိပ်မကြာဘူး။ နောက်နေ့ရောက်တော့ ဒုံရင်းပြန်ဆိုက်သွားတာပဲ။ ဘာလို့အဲလိုပြောရတာလဲဆိုရင် Leo က ဒေါက်တာ Sheehan ကို chuck လို့ခေါ်လိုက်တာကြောင့် ဒေါက်တာ Sheehan က အခြေအနေ မထူးဘူးဆိုတဲ့အထာနဲ့ ခေါင်းခါပြပါတယ်။ဒါပေမယ် နောက်ဆုံး Leo ပြောသွားတဲ့ စကားတစ်ခွန်းကြောင့် ဒေါက်တာ Sheehan ရော ကြည့်နေတဲ့ပရိတ်သတ်ရော ခေါင်းစားသွားပါတယ်။ သူပြောသွားတာက “Which would be worse to live as a monster or to die as a good man.” စိတ်တ္တဇလူသတ်ကောင် မကောင်းဆိုးဝါလို အသက်ရှင်နေတာနဲ့ လူကောင်းတစ်ယောက်လို သေသွားတာ ဘယ်ဟာက ပိုဆိုးမလဲ။ တဲ့။ သူဆက်ရူးနေတာဆိုရင် သူ့ကို Lobotomized လုပ်တော့မှာပါ။ သူ့ကို ၂ နှစ်တာ အချိန်ပေးပြီး အနီးကပ်စောင့်ကြည့်ပြီးခဲ့ပြီးပြီလေ။ IMDb 8.1 , Rotten Tomatoes 68% Metacritic 63% Mind Fuck Level 6/10 ( Cinemanto ) Written by TMA #Shutter_island #Mind_Blowing_movie #Cinemanto (ရုပ်ရှင်အညွှန်းကို Cinemanto FB Page မှ ကူးယူဖော်ပြပါသည်။)

Tyler Perry ရိုက်ကူးတဲ့ Straw ရုပ်ရှင်ကတော့ စိတ်ခံစားမှုပြင်းထန်တဲ့ ဇာတ်ကားတစ်ကားဖြစ်ပြီး လူမှုရေး မညီမျှမှုတွေ ၊ ဆင်းရဲမွဲတေမှုရဲ့ ဖိစီးနှိပ်စက်မှုတွေနဲ့ လူမည်းအမျိုးသမီးတစ်ဦးရဲ့စိတ်ပိုင်းဆိုင်ရာ ပြိုကွဲမှုကို ရိုက်ခတ်စေတဲ့ အကြောင်းအရာတွေ ပါဝင်ပါတယ်။ ဇာတ်လမ်းအကျဉ်း ++++++++++++ Janiyah ဟာ ကျန်းမာရေးပြဿနာရှိတဲ့ သမီးဖြစ်သူ Aria နဲ့ အတူ နေထိုင်တဲ့ တစ်ကိုယ်တည်းမိခင်တစ်ဦးဖြစ်ပါတယ်။ Janiyah ဟာ အလုပ်နှစ်ခုမှာကြိုးစားလုပ်ကိုင်နေပေမယ့်လည်း အိမ်ငှားခ၊ ဆေးဖိုးနဲ့ ကလေးစောင့်ရှောက်ရေး ကုန်ကျစရိတ်တွေကြောင့် နေ့စဉ် ဖိစီးမှုတွေနဲ့ ရင်ဆိုင်နေရတာပါ။ တစ်နေ့မှာတော့ ကားတိုက်မှု၊ အလုပ်ဖြုတ်ခံရတာ ၊ အိမ်ကနှင်ထုတ်ခံရတာနဲ့ သမီးဖြစ်သူကို လူမှုဝန်ထမ်းတွေက ခေါ်ဆောင်သွားတာတွေကြောင့် သူ့ရဲ့ စိတ်ဖိစီးမှုဟာ အကြမ်းဖက်မှုတစ်ခုဆီကို ဦးတည်သွားပါတော့တယ်။ နောက်ဆုံးတော့ ဘဏ်လုယက်မှုတစ်ခုမှာ ဓားစားခံတွေနဲ့ ရဲတပ်ဖွဲ့ရဲ့ ဝိုင်းဝန်းကူညီမှုတွေကြားမှာ Janiyah ရဲ့ အခြေအနေဟာ လူမှုရေးဆိုင်ရာ စကားဝိုင်းတစ်ခုအဖြစ် ပြောင်းလဲသွားပုံကို ဇာတ်ကွက်အလှည့်အပြောင်းတစ်ခုနဲ့အတူ ကြည့်ရှုရမှာဖြစ်ပါတယ်။ File size… (1.43 GB) / ( 752 MB) Quality… NF WEB-DL 1080p HEVC /720p Format…mkv / mp4 Duration….1h 45m Genre …..Drama , Thriller Subtitle….Myanmar Subtitle (Hard Sub) Encoder….Min Wai Translated by JULY

ဒီတစ်ခေါက်မှာတော့ old flim တွေထဲက ဇာတ်လမ်းကောင်းလေးတစ်ပုဒ် တင်ဆက်ပေးပါမယ် ဇာတ်ကားနာမည်ကလည်း ခပ်ဆန်းဆန်းပါပဲ “အတွင်းခံစစ်ဆင်ရေး” ပါတဲ့ 1959 ခုနှစ်ကထွက်ရှိခဲ့တဲ့ ဒုတိယကမ္ဘာစစ်တွင်း ရေငုပ်သင်္ဘောလေးတစ်စီးအကြောင်း ဟာသဇာတ်လမ်းလေးတစ်ခုပါ IMDb rating 7.2, rotten tomatoes 81%, letterboxd 3.4 ထိရထားတာမို့ မကောင်းမှာပူစရာမလိုတဲ့ ဇာတ်လမ်းတစ်ပုဒ်ပါဗျာ Cast တွေအနေနဲ့ ဂန္ထဝင်မင်းသားကြီး Cary Grant နဲ့ Some Like It Hot, Spartacus စတာတို့နဲ့ ပရိတ်သတ်ကြီး ရင်းနှီးလောက်မယ့် မင်းသားကြီး Tony Curtis တို့ အဓိကပါဝင်ထားပါတယ် ဒုတိယကမ္ဘာစစ်အတွင်း အမေရိကန်တွေ ဂျပန်နဲ့ စစ်ခင်းနေကြချိန်မှာ ရေငုပ်သင်္ဘောတစ်စီးဟာ စစ်ပွဲထဲမဝင်ရခင်မှာပဲလေကြောင်းတိုက်ခိုက်မှုကြောင့် သင်္ဘောကအတော်လေး ထိခိုက်သွားခဲ့တယ် စစ်ဖြစ်နေတဲ့ကာလ ပစ္စည်းတွေ ရှားပါးချိန်ဆိုတော့ ပြန်ပြင်ဖို့အတွက် လိုအပ်တဲ့ထောက်ပံ့ပစ္စည်းတွေ မရနိုင်ဘဲရှိနေခဲ့ပါတယ် သင်္ဘောကပ္ပတိန် မတ် ဟာ ဘယ်လိုနည်းနဲ့ပဲ ရရ ထောက်ပံ့ပစ္စည်းတွေ ရမှဖြစ်မဲ့အချိန်မှာ သူ့ဆီကို ရောက်လာသူကတော့ ကိုယ်ကောင်းစားဖို့အရေး ဒို့အရေးဆိုတဲ့ ဗိုလ်ကြီးဟိုးလ်ဒန်ပဲ ဖြစ်ပါတယ် သူကလည်း လူစားထိုးအရာရှိအနေနဲ့ ဒီရေငုပ်သင်္ဘောမှာ တာဝန်ကျလာပြီး ဒီကနေ မြန်မြန်ထွက်သွားချင်တဲ့အတွက် ကပ္ပတိန်မတ်က သူ့ကို ထောက်ပံ့ရေးအရာရှိအဖြစ် ခန့်အပ်လိုက်ပြီး ပစ္စည်းတွေ ရှာခိုင်းလိုက်တဲ့အခါ ဗိုလ်ကြီးဟိုးလ်ဒန်တစ်ယောက် ဘာတွေဘယ်လိုနည်းနဲ့ ရှာလာဖွေလာမလဲ ဘယ်သူတွေကို ခေါ်ချလာမလဲဆိုတာ ဟာသလေးရောပြီး ခံစားကြည့်ရှုကြပါဦး File size…(2.65 GB)/(1.7 GB) Quality….Webrip 1080p / 720p Format… mp4 Duration…. 02:04:00 Genre… Comedy, Drama, War Subtitle….Myanmar Subtitle (Hardsub) Encoder….Garfield Translated by Khey Ki