အခုတစ်ခါမှာလည်း အရှ်တို့လင်မယားရဲ့ကားကောင်းလေးတစ်ကားကိုတင်ဆက်ပေးပါ့မယ်။ ဒီဇာတ်ကားမှာ မင်းသား အဘီရှိခ်ဘဂျမ်း..3Idiots ဇာတ်ပို့မင်းသား ရန်ဂါနာဒန်မာဒဗန်..မင်းသားကြီး မီထွန်းချက်ကရဗာတီ(ကုလားကျော်ဟိန်း)..မင်းသမီးအရှ်ဝါရီယားရိုင်းဘဂျမ်းနဲ့ ဗစ်ဒယားဘာလန်တို့က အဓိကပါဝင်သရုပ်ဆောင်ပေးထားပါတယ်။ ဒီဇာတ်ကားလေးက ရွာတစ်ရွာကနေ ဘုံဘေမြို့ကိုတက်လာပြီး လမ်းဘေးဘဝကနေ အိန္ဒိယစီးပွားရေးသမားကြီးတစ်ယောက်ဖြစ်လာခဲ့တဲ့ ဂုရုကန့်ဒေဆိုင်းဆိုသူရဲ့အကြောင်းကို တင်ဆက်ရိုက်ကူးထားတာပဲဖြစ်ပါတယ်။ ရွာကနေ မြို့တက်စီးပွားရေးလုပ်ဖို့ မတည်ငွေကို မိန်းမယူပြီး ရတဲ့တင်တောင်းငွေနဲ့ စတင်လုပ်လာခဲ့ပုံ...။ လက်ရှိဦးဆောင်နေတဲ့ စီးပွားရေးသမားကြီးတွေရဲ့အတ္တကိုဖြိုဖျက်ပြီး နေရာယူခဲ့ပုံ...။ သူ့ထက်ငါနှာတစ်ဖျားသာစေရမယ်ဆိုတဲ့ စိတ်နဲ့ကြိုးစားရင်း အားလုံးအပေါ်ဩဇာလွှမ်းမိုးသက်ရောက်ခဲ့ပုံ...။ စသဖြင့် ဗဟုသုတရစေမယ့် အချက်တွေအများကြီးပါပါတယ်။ သူ့ရဲ့လက်ကိုင်ဆောင်ပုဒ်က "ကျွန်တော်က ငြင်းတဲ့စကားလုံးဆို မကြားရဘူးဗျ" တဲ့လေ ဆိုတော့ ဂုရုကန့်ဒေဆိုင်းဖြစ်ချင်ရင်တော့ ဂုရုကန့်ဒေဆိုင်းလိုပြုမူနေထိုင်မှဖြစ်မယ်နော်ဆိုတဲ့ ဇာတ်ကားပါ ဒိုင်ယာလော့ခ်နဲ့အတူ ဇာတ်ကားလေးကို စီးမျောလိုက်ကြပါဦးနော်။ File size…3.1GB / 1.4GB Quality…1080p NF WEB DL /720p Format…mp4 Duration….2h 46m Subtitle….Myanmar Subtitle (Hard Sub) Encoder….YK Translated by Taylor

ငယ်ငယ်က ကျွန်တော်တို့အားလုံးကြိုက်ခဲ့တဲ့ ပီနိုခီရို သစ်သားရုပ် သေးရုပ်လေးအကြောင်းဆိုရင်တော့မသိသူမရှိလောက်ပါဘူး ။ ဒီ Animation ကိုတော့ Disney က ၂၀၂၂ မှာ ဂန္တဝင် မင်းသားကြီး Tom Hank နဲ့အတူ live-action အဖြစ် ပြန်လည်အသက်သွင်း လိုက်ပါတယ်။ ဇာတ်လမ်းအညွှန်းကတော့ အားလုံးသိခဲ့တဲ့အတိုင်း ပီနီခီရိုလေးရဲ့ စွန့်စားခန်းတွေကို မြင်ရမှာပါ။ Animation ကို live action လုပ် ထားတယ်ဆိုပေမယ့် မူရင်းအရသာမပျက်သွားဘဲ အတော်လေး ကြည့်ရတာ အဆင်ပြေပါတယ်။  Disney ရဲ့ ရုပ်ရှင်တွေအတိုင်း ဇာတ်ဝင်တေးကောင်းကောင်းလေးတွေနဲ့ ကလေးလူကြီးကြိုက်ပြီး ငယ်ဘဝကိုပြန်အမှတ်ရစေမယ့်ကားကောင်းလေးဖြစ်စေမှာပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Thiha Yan Naing ဖြစ်ပါတယ်) File Size..........(2.28 GB) / (1.12 GB) Quality............WEB-DL 1080p / 720p Duration.........1Hr 45mins Subtitle...........Myanmar Hardsub Format............MP4 Genre..............Adventure, Comedy, Drama Translator.......Thiha Yan Naing Encoder..........SWM

IMDb Rating (6.6) ဒီဇာတ်ကားက ဂိုယိုမင်းဆက် နှင့် ဂျိုဆွန်းမင်းဆက် ကူးပြောင်းချိန်ကာလလေးကို အခြေခံရိုက်ကူးထားတာပါ။ ဇာတ်လမ်းအကျဉ်းလေးကတော့ ၁၃၈၈ ခုနှစ် စစ်သူကြီးရီဆွန်းဂျဲတို့ တရုတ်ကိုစစ်တိုက်ဖို့ ဝီဟာကျွန်းထိစစ်ချီလာခဲ့တယ် ဒါပေမယ့်အခြေအနေအကြောင်းအမျိုးမျိုးကြောင့် စစ်သူကြီးရီဆွန်းဂျဲက  တရုတ်ကိုမတိုက်တော့ဘဲ တရုတ်သြဇာခံပြီး ဘုရင်ကိုပြန်ပုန်ကန်ဖို့နဲ့ ဂိုယိုမင်းဆက်ကို ဖြုတ်ချဖို့ပဲ ဆုံးဖြတ်လိုက်ပါတယ်.. ဒီဆုံးဖြတ်ချက်ကြောင့် စစ်သူကြီးတွေ အချင်းချင်း သဘောမတိုက်ဆိုင်လို့ စကားများရန်ဖြစ်ပြီးသတ်ဖြတ်ကာ ကွဲကုန်ပါတယ် စစ်သူကြီးအများစုက ဘုရင်ကိုပုန်ကန်ဖို့ဆုံးဖြတ်ကြတာကြောင့် ဘုရင်ကိုမပုန်ကန်ချင်တဲ့စစ်သူကြီးကတော့ တောပုန်းဓားပြဖြစ်သွားရရှာပါတယ်။ မင်းသမီးကတော့ ဘယ်ဘုရင်ရဲ့သြဇာခံမှ မဟုတ်တဲ့ပင်လယ်ဓားပြတွေအဖွဲ့ပေါ့။ The Classic 2003 ဇာတ်ကားထဲက မင်းသမီးဆွန်ရင်ဂျီကို ဒီလိုမျိုး ကြမ်းကြမ်းတမ်းတမ်း Action ကားရိုက်နိုင်လိမ့်မယ်လို့ မထင်ခဲ့မိဘူးဗျ.. တကယ်ကို ကောင်းလွန်းလို့ ဒီကားနဲ့ အကောင်းဆုံးမင်းသမီးဆုကို ဆွတ်ခူးသွားနိုင်ခဲ့တယ်... ရီဆွန်းဂျဲက ဘုရင်ကိုဖြုတ်ချပြီး တရုတ်သြဇာခံဆိုတော့ တရုတ်က တိုင်းပြည်သစ်ကို ဂျိုဆွန်း ဆိုတဲ့နာမည်ရယ် အသုံးပြုဖို့ တော်ဝင်တံဆိပ်တုံးလည်းပေးလိုက်ပါတယ်... အပျိုတော် ၅၀၀ နှစ်စဉ်ဆက်သဖို့လဲ မောက်မာလိုက်ပါသေးတယ်.. တော်ဝင်တံဆိပ်တုံးကို သင်္ဘောနဲ့ပြန်သယ်အလာ လမ်းခုလတ်မှာ ဝေလငါးလေးတွေ့တော့ပစ်ဖမ်းရင်း ဝေလငါးအမေကြီးလက်ချက်နဲ့သင်္ဘောပျက်သွားပြီး ဝေလငါးကျောကုန်းမှာလည်း အလံပါတဲ့ ရွက်တိုင်စိုက်ပါသွားသလို တံဆိပ်တုံးကိုလည်းဝေလငါးက မြိုသွားပါတယ်.... တော်ဝင်တံဆိပ်တုံးပြန်ရဖို့အတွက် ဘုရင်တပ်ဖွဲ့တွေရယ် ပင်လယ်ဓားပြအဖွဲ့ရယ် တောပုန်းဓားပြအဖွဲ့တွေရယ် ဝေလငါးလိုက်ရှာရင်း ဘာတွေဆက်ဖြစ်မလဲဆိုတာတော့ ကိုယ်တိုင်ပဲ ကြည့်ရှုခံစားလိုက်ပါ.... ဒီဇာတ်ကားရဲ့ ရိုက်ကွင်း ရှုခင်းရှုကွက်တွေလည်း အရမ်းလှပြီး ကိုးရီးယားကားတွေထဲမှာတာ့ တော်တော်လေးကို ခမ်းနားပါတယ်။ အတည်ပေါက်နဲ့ကို ဟာသတွေဖြစ်အောင်လည်း ရိုက်ပြသွားတယ်.. ၂၀၁၄ ခုနှစ်မှာတော့ ဒီဇာတ်ကားက အကောင်းဆုံးဇာတ်ကားဆု အကောင်းဆုံးမင်းသမီးဆု အကောင်းဆုံးဇာတ်ပို့ဆု အကောင်းဆုံးဒါရိုက်တာဆု နည်းပညာပိုင်းဆိုင်ရာ အကောင်းဆုံးဆုတွေ သိမ်းကျုံးယူသွားနိုင်ခဲ့တယ်.. ပင်လယ်ဓားပြကနေ တောပုန်းဓားပြ ပြောင်းလုပ်တဲ့ချွဲဘုန်းနေရာက ဝါရင့်သရုပ်ဆောင် ရိုဟီဂျင်းဟာ တကယ်ကို တစ်ကားလုံး အသက်ဝင်အောင် ဇာတ်ပို့ပေးနိုင်တဲ့အတွက် ကိုးရီးယားမှာအကောင်းဆုံးရုပ်ရှင်ဆုတွေဖြစ်တဲ့Baeksang Art award, Grand Bell award တွေမှာ အကောင်းဆုံးဇာတ်ပို့ဆုကို တစ်ယောက်တည်း သိမ်းပိုက်နိင်ခဲ့တဲ့အပြင် 6th korea flim award, 1st  korea flim producer association awardက ချီးမြင့်တဲ့ အကောင်းဆုံးဇာတ်ပို့ဆုတွေကိုရခဲ့ပါတယ်။ ဒီဇာတ်ကားမှာ အကြိုက်ဆုံးစကားလေးကတော့ မင်းသမီးက ချွဲဘုန်းကို မှာလိုက်တဲ့ စကားလေးပါ “တောပုန်းဓားပြပဲလုပ်လုပ် ပင်လယ်ဓားပြပဲလုပ်လုပ်  သူခိုးဓားပြကောင်း တစ်ယောက်ဖြစ်အောင် ကြိုးစားပါ”တဲ့ ပထမဆုံး ပြုံးမိသွားတယ် နောက်စဉ်းစားလေစဉ်းစားလေ ရီချင်လေပဲ။ သူခိုးဓားပြကများ သူခိုးဓားပြကောင်းဖြစ်အောင်ကြိုးစားရဦးမယ်တဲ့ နောက်တော့အတွေးစလေး တစ်ခုရသွားတယ် သူပြောတာလည်းဟုတ်တာပါပဲ ဘယ်ဘ၀ ဘယ်အခြေအနေကို ရောက်ရောက်ကောင်းမွန်တဲ့ သူတစ်ယောက် ဖြစ်အောင် ကြိုးစားရမှာပေါ့။ ဘုရင်တို့ စစ်သူကြီးတို့ဆိုတာ တကယ်တော့ လူအများက လေးစားအားကျဂုဏ်ယူရတဲ့ရာထူး နေရာတွေပါ အားကိုးအားထိုက်ပြုရမယ့်သူတွေပါ အရင်ဦးဆုံး သူခိုးဓားပြထက် စစ်သူကြီးတို့ ဘုရင်တို့ဖြစ်အောင် မကြိုးစားသင့်ဘူးလား ဒါပေမယ့်ဘုရင်ကောင်း စစ်သူကြီးကောင်း မဖြစ်ကြလို့ ဒီလိုနေရာတွေမှာတောင် ကောင်းအောင်မကြိုးစားတဲ့ရာထူးအာဏာရှိသူတွေကြောင့် ပြည်သူတွေပိုဒုက္ခရောက်ကြရတာမဟုတ်လား ဒါကြောင့် ဘယ်နေရာ/ ဘယ်ဘဝပဲရောက်နေနေ ဘယ်အခြေအနေပဲဖြစ်ဖြစ် အများအကျိုးပြုတဲ့လူကောင်းဖြစ်အောင်ကြိုးစားသင့်ပါတယ် ဒီဇာတ်ကားလေးကြည့်ရှုပြီး ရယ်မောပျော်ရွင်ပြီး ဘဝအမောတွေပြေသလို အတုယူသင့်တာတွေယူပြီး ရှောင်ကြဉ်သင့်တာလေးတွေလည်းရှောင်ကြဉ်နိုင်ကြပါစေ...... File Size : (2.2 GB) / (1.2 GB ) / (700 MB) Quality : BluRay 5.1 CH 1080p/ 720p / 360p Running Time : 2 hr 10 min Format : Mp4 Genre : Action , Adventure , Comedy Subtitle : Myanmar Subtitle (Hard Sub) Translated by Moe Lay Encoded by Nyeinsaeya Aung

IMDb – 5/10 Rotten Tomatoes – 10% Audience Score -55% ကျွန်တော်တို့ချာတိတ်ဘဝ ၂၀၀၀ ခုနှစ်အလွန်များက တစ်နာရီကို ၂၀၀ကျပ်ဖြင့် PS2 ၊ ၎င်းနောက် တစ်နာရီ ၄၀၀/၅၀၀ကျပ်ဖြင့် PS3 စသည်ဖြင့် ကားသခိုး၊ ပီအီးအက်စ်၊ လတ်ဖိုးဒတ် စတဲ့ Console ဂိမ်းများဆော့ရင်း လူငယ်ဘဝကိုဖြတ်သန်း ခဲ့ကြဖူးသည်။ 2006 ခုနှစ်၌ထွက်ရှိသောအဆိုပါရုပ်ရှင်သည်ထိုအချိန်အခါများကို တစ်ဖန်ပြန်လည်အောက်မေ့ စေခဲ့သည်။ ဟတ်ချ်ဟုခေါ်သည့် အလုပ်အားချိန်များတွင် သူငယ်ချင်းများနှင့်အတူ ဂိမ်းဆော့ရင်း အချိန်ကုန်ဆုံးသည့် သာမာန်ရုံးဝန်ထမ်း ဂိမ်မာတစ်ယောက်ရှိလေသည်။ ထိုအလုပ်သည်လည်း အလုပ်ရှင်မှ ဂိမ်းဆော့သူတစ်ယောက်ဖြစ်သည်နှင့် ဂိမ်းနှင့်ပတ်သက်သည်များကို မသိတာရှိလျှင် မေးမြန်းရအောင် ခန့်ထားခြင်းဖြစ်သည်။ ဟတ်ချ် ၏ဘော်ဒါများသည်လည်း ဂိမ်းကိုအင်မတန်နှစ်ခြိုက်စွဲလန်းစွာ ဆော့ကစားကြသူ လူလတ်ပိုင်းများဖြစ်သည်။ တစ်ညသား၌ ဟတ်ချ်၏ဘော်ဒါ လူးမစ်ဆိုသည်၏ဖုန်းတစ်ခု ဝင်လာခဲ့သည်။ သားကြီးဒီဂိမ်းကကျွတ်ဆင်ကြီးကွာ ခြောက်ခြားစရာကြီး တူတူဆော့ရအောင်အိမ်လာခဲ့ကွာ ဘာညာပြောလာလေသည်။ ဟတ်ချ်မှာစိတ်မပါ၍သူ့ဘော်ဒါအား ရှော်ထုတ်လိုက်သည်။ နောက်တစ်ရက်၌ လူမစ်နှင့်သူ၏သူငယ်ချင်းနှစ်ယောက် နေအိမ်၌ပင် ရက်စက်စွာသတ်ဖြတ်ခြင်းခံရသည်ဟု သတင်းရလေသည်။ လူးမစ်၏ အသုဘ၌ ဟတ်ချ်တစ်ယောက် မသေခင်လူးမစ်ဆော့နေသည့် Stay Alive ဆိုသည့်အဆိုပါဂိမ်းကို လက်ဝယ်ရရှိ လေသည်။ ဘော်ဒါများစုံသောအခါ လက်ဆော့ပါးစပ်ဆော့သည့် ဖင်းနီးယပ်စ်ဆိုတဲ့ ဘဲတပွေက အဆိုပါဂိမ်းကို ဘော်ဒါတွေစုကာ ကစားကြဖို့ ညှော်လေသည်။ ဂိမ်းဆော့ကြလေသောအခါ.. ခြောက်ခြားစရာများစွာနှင့်ကြုံရပြီး တကယ့်လက်တွေ့ကမ္ဘာနှင့် ဂိမ်းထဲမှကမ္ဘာနှစ်ခု ရောထွေးယှက်နွယ်သွားကာ ဂိမ်းထဲမှာသာ မက အပြင်မှာပါ အသက်မသေအောင်ကြိုးစားရှင်သန်ကြရပြီး အဆိုပါအဖြစ်ဆိုးကြီးမှ လွတ်မြောက်အောင် မည်သို့မည်ပုံ လှုပ်ရှားကာ မည်သူများမည်ကဲ့သို့ အသက်သေဆုံးမည်ဆိုသည်ကို ယင်းရုပ်ရှင်အားကြည့်ရှုရင်း ရင်တမမဖြင့် ခံစားရမှာဖြစ်ပါတယ်။ File size…1.51GB / 538MB Quality…Blu-Ray 1080p / 720p Format…mp4 Duration….1h 25m Genre ..... Fantasy , Mystery , Horror Subtitle….Myanmar Subtitle (Hard Sub) Encoder….Min Wai Translated by Kaung Paing

ဒီဇာတ်ကားက ၂၀၂၂ ခုနှစ်​ကထွက်ရှိခဲ့တဲ့​ Horror/Drama အမျိုး​အစားဇာတ်ကားဖြစ်ပါတယ်။ ဇာတ်လမ်း​အကျဥ်း​ကတော့​ အိမ်​ထောင်​ရေးပြိုကွဲလုနီးနီးဖြစ်နေတဲ့​ ဇနီး​မောင်နှံ​နှစ်ယောက်​ဟာ​ အိမ်​ထောင်​ရေးကိုရှေ့ဆက်နိုင်ဖို့ နှစ်ဦးအကြားနားလည်မှုယူဖို့အတွက် လူသူ​မနီးတဲ့ကျွန်းတစ်ကျွန်းပေါ်မှာ​ အတူအပန်းဖြေဖို့ရောက်လာခဲ့ကြပါတယ်။ လူသူ​မရှိသလောက်နည်းတဲ့ ကျွန်းပေါ်မှာနေကြရင်းနဲ့ ခင်ပွန်း​ဖြစ်သူ​ရဲ့​စိတ်ကျန်းမာရေးက တစ်နေ့တခြား ဆိုးဝါးဖောက်ပြန်လာ​ပြီး​ လူသားကိုပါစားတဲ့အထိဖြစ်လာတဲ့အခြေအနေကို ဇနီး​ဖြစ်သူ​ အလစ်ဆာ​တစ်ယောက်​ရင်​ဆိုင်ရပါတော့တယ်။ ဒီကြားထဲ ကျွန်း​ပေါ်​မှာ​ မသင်္ကာစရာမုဆိုးနှစ်ယောက်လည်းရှိနေတဲ့အတွက် ဒီအခြေအနေတွေကနေ အလစ်ဆာတစ်ယောက်​ လွတ်မြောက်​နိုင်​ပါ့​မလား​ဆိုတာကို ကြည့်ရှုရမှာဖြစ်ပါတယ်။ File size…(1.13 GB)/(504 Mb) Quality….Webrip 1080p / 720p Format…mp4 Duration….01:22:00 Genre...Drama, Horror, Sci-fi Subtitle….Myanmar Subtitle (Hardsub) Encoder….Garfield Translated by Wolfenheim

ချစ်စဖွယ်မျက်နှာလေးဆိုပေမဲ့ တစ်ချိန်တည်းမှာပဲ စိတ်အားထက်သန်လှတဲ့ မျက်နှာပေးလေးနဲ့ ရှိုကိုလေးကို ဆရာမလေးနေရာကနေကြည့်ရှုရမှာဖြစ်ပါတယ် တည်ငြိမ်ရင့်ကျက်တဲ့နေရာတစ်ခုနေ အလှကြောင့် ကံဆိုးသွားပုံကို ရှိုကိုလေးရဲ့ ချစ်စဖွယ်အလှတွေနဲ့အတူ ခံစားကြည့်ရှုရမှာဖြစ်ပါတယ် ငယ်ငယ်ကတည်းက ဆရာမတယောက်ဖြစ်ချင်ခဲ့တဲ့ Shoko Takahashiတယောက် ဆရာမတယောက်အနေနဲ့ ကျောင်းသားတွေရဲ့ အနာဂတ်ကိုလည်း စိတ်ပူ။အိမ်ကမိဘတွေစကားကို နားမထောင်ပဲသူ့အိပ်မက်ဖြစ်တဲ့ ဆရာမဆက်လုပ်ဖို့အရေးကို ဘယ်လိုတွေကြိုးစားပြီး ဆိုးမိုက်နေတဲ့ကျောင်းသားတွေကို ပညာသင်ကြားပေးသွားမလဲဆိုတာကိုတော့….

အငြိမ်းစားစစ်သား ကြေးစားလူသတ်သမားကြီးအဖြစ် လီယံနီဆန် သရုပ်ဆောင်ထားတဲ့ အိုင်ယာလန်ရုပ်ရှင်သစ်ထွက်လာပါပြီ။ ဒီရုပ်ရှင်ဟာ အိုင်ယာလန်တော်လှန်ရေးနဲ့ ပြည်တွင်းစစ်အပြီးကာလကို အခြေခံထားတာမို့ အိုင်ယာလန်သမိုင်းကို နည်းနည်းသိထားရင် ကြည့်ရအဆင်ပြေမှာပါ။ လက်ရှိရုပ်ရှင်ကတော့ ၁၉၇၂ နောက်ပိုင်းဖြစ်လို့ ဗုံးခွဲတဲ့သူတွေက Provisional IRA ပဲ ဖြစ်ပါတယ်။ သမိုင်းအကျဉ်း အိုင်ယာလန်ဟာ ၁၂ ရာစု အန်ဂလို-နော်မန် ကျူးကျော်စစ်အပြီးမှာ ယူကေ ခေါ် ဂရိတ်ဗြိတိန် လက်အောက်ကို ကျရောက်ခဲ့ပါတယ်။ ၁၉၁၉ မှာတော့ အိုင်ယာလန် ရီပက်လစ်ကန် အာမီ (IRA) ကိုဖွဲ့စည်းပြီး အိုင်ယာလန်လွတ်မြောက်ရေးအတွက် ဗြိတိသျှတပ်တွေကို တိုက်ခိုက်ခဲပါတယ်။ တိုက်ပွဲက နှစ်နှစ်လောက်ပဲကြာခဲ့ပေမဲ့ အိုင်ယာလန်ပြောက်ကြားတွေ စစ်ရေးအရေးသာလာတာကြောင့် အန်ဂလို-အိုင်းရစ် သဘောတူညီချက်စာချုပ်ကို ချုပ်ဆိုနိုင်ခဲ့ပါတယ်။ ဒီမူရင်း IRA ကို မူလလက်ဟောင်း Old IRA လို့ခေါ်ပါတယ်။ အဲဒီစာချုပ်အရ ၂၆ ပြည်နယ်နဲ့ လွတ်လပ်သော အိုင်ယာလန်ကို တည်ထောင်နိုင်ခဲ့ပေမဲ့ အိုင်ယာလန်မြောက်ပိုင်းကတော့ UK လက်အောက်မှာပဲ ဆက်တည်ရှိနေပါတယ်။ ဒါကိုသဘောတူလိုက်တဲ့အချက်ကလည်း အိုင်ယာလန်မြောက်ပိုင်း ပရိုတက်စတင့်နဲ့ အခြားပြည်နယ်တွေက ကတ်သလစ်ဘာသာဝင်တွေကို အတူစည်းရုံးလို့မရမဲ့အတူတူဆိုပြီး သဘောတူလိုက်တာများပါတယ်။ ဒီစာချုပ်ကြောင့် IRA နှစ်ခြမ်းကွဲသွားခဲ့ပြီး စာချုပ်ကိုသဘောတူတဲ့ IRA နဲ့ သဘောမတူတဲ့ IRA ဆိုပြီး အချင်းချင်းထချကြလို့ အိုင်ယာလန်ပြည်တွင်းစစ် ၁၉၂၂ မှာဖြစ်သွားပါတော့တယ်။ အိုင်ယာလန်အကွဲအပြဲတွေကို သရော်တဲ့အနေနဲ့အလကားနေရန်ထဖြစ်တဲ့ သူငယ်ချင်းနှစ်ယောက်အကြောင်းကို ရိုက်ထားတဲ့ The Banshees of Inisherin ကိုလည်း ချန်နယ်မြန်မာမှာ တင်ပေးထားပါသေးတယ်။ ပြည်တွင်းစစ်မှာ စာချုပ်သဘောတူတဲ့အဖွဲ့က အစိုးရတပ်ဖွဲ့ Provisional Government of Irelandဖြစ်လာပြီး မတူတဲ့အဖွဲ့က anti-Treaty Irish Republican Army ဖြစ်လာခဲ့ပါတယ်။ စာချုပ်ဆန့်ကျင်ရေး IRA ၁၉၂၃ စစ်ရှုံးသွားခဲ့ပေမဲ့ လက်နက်မချဘဲ ၁၉၆၉ အထိ ဆက်လက်တည်ရှိခဲ့ပါတယ်။ ဒီဆန့်ကျင့်ရေးအဖွဲ့ကို အင်္ဂလန်ဗုံးခွဲမှုတွေနဲ့ ၁၉၃၁ မှာ တရားမဝင်အဖွဲ့အစည်းကြေညာခံခဲ့ရပါတယ်။ ဒုတိယကမ္ဘာစစ်အတွင်းမှာတော့ ဗြိတိန်ကိုတိုက်ချင်ဇောနဲ့ ဟစ်တလာဆီက အကူအညီတောင်းခံခဲ့လို့ IRA ခေါင်းဆောင် ၅ ယောက်ကြိုးပေးခံခဲ့ရပါတယ်။ ၁၉၆၉ မှာကျတော့ အဲဒီ ဆန့်ကျင်ရေး IRA က ထပ်ပြီး ကွဲသွားပါတယ်။ ရိုမန်ကတ်သလစ်၊ ပရိုတက်စ်တန့်ဘာသာအရေးအခင်းကြောင့်ပါပဲ။ ဆန့်ကျင်ရေး IRA ကိုမှ Official IRA နဲ့ Provisional IRA ဆိုပြီးကွဲသွားတာပါ။ Official IRA က နိုင်ငံရေးလိုင်းကနေ အိုင်ယာလန်ကို ပေါင်းစည်းဖို့ကြိုးစားပြီး Provs IRA ကတော့ အကြမ်းဖက်လိုင်းဖြစ်သွားပါတယ်။ IRA ဗုံးခွဲတဲ့ကိစ္စနဲ့ပတ်သတ်တဲ့ဇာတ်ကားကိုတောင် The Foreigner ဆိုပြီး ဂျက်ကီချန်းနဲ့ရိုက်ထားတာရှိပါတယ်။ ဒီလက်နက်ကိုင် Prov IRA ဟာ ၂၀၀၅ မှာမှ စစ်ရေးဆန့်ကျင်မှုတွေကနေ နိုင်ငံရေးအဖြစ် ပြောင်းလဲဖို့ ကြေညာခဲ့တာဖြစ်ပါတယ်။ ဇာတ်လမ်းအကျဉ်း ဇာတ်လမ်းကတော့ ရိုးရှင်းပါတယ်။ စစ်ပြန်ကြီး ဖင်းဘားဟာ မိန်းမဖြစ်သူသေဆုံးသွားပြီးနောက်ပိုင်း ကြေးစားလူသတ်သမားအလုပ်နဲ့အသက်မွေးပါတယ်။ ဒီလိုနဲ့အသိဝင်လာပြီးအနားယူတော့မဲ့အချိန်မှာမှ IRAဖောက်ခွဲရေးသမား ဝရမ်းပြေးတစ်ယောက်က သူ့ရွာမှာ လာပုန်းနေရင် ကလေးမလေးတစ်ယောက်ကို နှိပ်စက်နေတာတွေလို့ သတ်လိုက်မိပါတယ်။ အဲဒီ IRA ရဲ့ အပေါင်းအပါတွေကို လက်စားချေဖို့ လိုက်ရှာတာကို ပြန်ရင်ဆိုင်ရတဲ့ဇာတ်လမ်းပဲဖြစ်ပါတယ်။ ဇာတ်လမ်းနာမည်ဖြစ်တဲ့ သူတော်စင်တွေနဲ့အပြစ်သားတွေရဲ့မြေဆိုတာက အများအားဖြင့် ဘာသာရေးကိုင်းရှိုင်းပြီး ညစ်ညမ်းတဲ့အပျော်အပါးတွေပေါတဲ့ မြို့တွေကို တင်စားခေါ်ကြတာများပါတယ်။ ဒီရုပ်ရှင်မှာတော့ နှလုံးလှတဲ့လူသတ်သမားရဲ့ ဝိရောဓိကိုလည်း တင်စားတာ ဖြစ်နိုင်ပါတယ်။ ကောင်းဘွိုင်ဆန်ဆန် ရွာလေးထဲကလူနည်းစု တိုက်ပွဲတွေကလည်း အရသာတစ်မျိုးမို့ ကြည့်လိုက်ကြပါဦး။ File size… 1.40GB / 625MB Quality…WEB-DL 1080p 5.1CH / 720p Format…mp4 Duration….1h 46m Genre ….. Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Mr.Anderson

Toby (2023) “တုနှိုင်းမဲ့မေတ္တာ” IMDb – 8.1/10 ဟာသကားတွေမှာမြင်ရလေ့ရှိတဲ့ ရာ့ဂျ်ဘီရှက်တီကို လူမိုက်ကြီးတစ်ယောက်အနေနဲ့ တွေ့မြင်ရမဲ့ ကန်နေဒါရုပ်ရှင်လေးတစ်ကား တင်ဆက်ပေးလိုက်ပါတယ်။ ရာ့ဂျ်ဘီရှက်တီဆိုတာ ခွေးလေးတစ်ကောင်အနေနဲ့ အကယ်ဒမီရသွားတဲ့ရုပ်ရှင်ထဲမှာ ဒေါက်တာနေရာက သရုပ်ဆောင်ခဲ့တဲ့သူ။ အခုဒီရုပ်ရှင်က ရုံတင်ပြသပြီးတဲ့နောက်မှာပဲ ဝေဖန်ရေးသမားတွေရဲ့ အကြိုက်တွေ့ခဲ့သလို ပရိသတ်တွေကြားမှာလည်း အတော်လေးပြောစမှတ်တွင်သွားခဲ့ပါတယ်။ တိုဘီဆိုတာ အနေအေးတဲ့လူကြီးဖြစ်နေပေမဲ့ ကျေးရွာဥက္ကဌက သူ့ရဲ့မှောင်ခိုလုပ်ငန်းတွေနဲ့ပတ်သက်ပြီး လူသတ်စရာရှိလာရင် ရံဖန်ရံခါ ငှားရမ်းသတ်ဖြတ်ခိုင်းလေ့ရှိတဲ့ ကြေးစားလူသတ်သမားကြီးလည်း ဖြစ်နေပြန်ရော။ သမီးလေးတစ်ယောက်ရှိပြီး ပတ်ဝန်းကျင်ကြမ်းတော့ စရိုက်ခပ်ကြမ်းကြမ်းနဲ့ ကမ်းခြေမှာအသားငါးလုပ်ငန်းလုပ်ရပါတယ်။ အဖေဖြစ်သူကို ထောင်ကနေသွားသွားခေါ်နေရတော့ စိတ်အချဉ်ပေါက်ပြီး ဖခင်တိုဘီကို လူသတ်မှုကျူးလွန်စေသူ ရွာသူကြီးဆီသွားပြီး ပွဲကြမ်းပါတော့တယ်။ အဲဒီကနေစလို့ ပြဿနာတွေကမပြီးဘဲ ဂျန်နီရဲ့ခင်ပွန်းဖြစ်သူက ရွာလူကြီးရဲ့မှောင်ခိုလုပ်ငန်းတွေမှာ အနှောင့်အယှက်အဖြစ်နဲ့ ရွာလူကြီးက မြင်လာတဲ့အခါမှာတော့။ ရွာလူကြီးခိုင်းတာလုပ်ပြီး ခပ်အေးအေးနေတဲ့အရက်သမားကြီး တိုဘီတစ်ယောက် သမီးဖြစ်သူရဲ့အသက်အန္တရာယ်ထိပါ ထိပါးလာချိန်မှာတော့ ရွာလူကြီးနဲ့ ထိပ်တိုက်ရင်ဆိုင်ပါတော့တယ်။ ဖခင်တစ်ယောက်ရဲ့မေတ္တာဖွဲ့လား…လူမိုက်တယောက်ရဲ့သွားရာလမ်းလား…ဆိုတာတော့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood )

ဒီဇာတ်လမ်း​လေးက Ice ageရဲ့ခရစ္စမတ်အထူး ဇာတ်လမ်းတို​လေး ဖြစ်ပြီး ၂၀၁၁ခုနှစ်က ထွက်ရှိခဲ့တာပါ။ Ice Age 3 ပြီးတဲ့ကာလကို ဇာတ်အိမ်တည်ထားတာ ဖြစ်ပြီး မန်နီနဲ့ အယ်လီတို့ရဲ့သမီး ပိချက်စ် စတင်ပါဝင်လာတဲ့ ဇာတ်လမ်း​လေးပါ။ ခရစ္စမတ်အတွက် မန်နီတို့တ​တွေ ပြင်ဆင်​နေကြချိန် ထုံးစံအတိုင်း ဆစ်ဒ်​ကြောင့် ပြင်ဆင်ထားတာ​တွေ အကုန်ပျက်စီးသွားလို့ မန်နီက ​ဒေါသထွက်ပြီး ဆန်တာက​​လော့စ်ရဲ့ ခရစ္စမတ် လူဆိုးစာရင်းထဲမှာ ဆစ်ဒ်ပါသွားပြီဖြစ်​ကြောင်း ​ခြောက်လိုက်တာကို ဆစ်ဒ်ကတကယ် ထင်မှတ်ပြီး ​မြောက်ဝင်ရိုးစွန်းအထိသွားကာ ဆန်တာက​လော့စ်ကို ရှာဖို့ လုပ်ပါ​တော့တယ်။ သူနဲ့အတူတူ ပိချက်စ်​အပြင် အက်ဒီနဲ့ ခရက်ပါ ပါသွားတာ​ကြောင့် မလွဲရရင် မ​နေနိုင်တဲ့ ဆစ်ဒ်ကို​ကြောက်တဲ့ မန်နီတို့တ​တွေပါ သူတို့ ​လေး​ယောက်ကို လိုက်ရှာရပါ​တယ်။ ​သူတို့ရဲ့ ဆန်တာရှာပုံ​တော်မှာ ဘယ်လိုအလွဲ​တွေ ဖြစ်ဦးမလဲဆိုတာ မိသားစုနဲ့အတူ ဒီပိတ်ရက်မှာ အပန်း​ဖြေကြည့်ရှုနိုင်ဖို့ တင်ဆက်​ပေးလိုက်ပါတယ်။ File size… 655 MB Quality… Web-DL 1080p Format… mp4 Duration…. 26m Genre ….. Animation , Comedy Subtitle…. Myanmar Subtitle (Hard Sub) Encoder…. Thit San Khant Translated by JimX

ဒါရိုက်တာ Tom Reeve ကိုယ်တိုင်ရေးသားရိုက်ကူးထားပြီး မင်းသား James Purefoy နဲ့မင်းသမီး Piper Perabo ပါဝင် သရုပ်ဆောင်ထားတဲ့ ဟာသစွန့်စားခန်းဇာတ်ကားလေးဖြစ်ပါတယ်။ ဇာတ်လမ်းအကျဉ်း ************** ပထမခရူးဆိတ်စစ်ပွဲပြီးဆုံးချိန်မှာ ပင်ပန်းနွမ်းနယ်နေတဲ့ သူရဲကောင်းတွေ၊ စစ်သားတွေနဲ့ ဘုန်းတော်ကြီးတွေဟာ ဥရောပတစ်လွှားက မိမိတို့နေရပ်ကို အသီးသီးပြန်လာကြပါတယ်။ ရုပ်ရည်ချောမောတဲ့အင်္ဂလိပ်သူရဲကောင်းဂျော့ဂျ်ဟာ ပါလက်စတိုင်းမှာတွေ့ကြုံခဲ့ရတဲ့ သွေးထွက်သံယိုမြင်ကွင်း တွေကြောင့် အေးချမ်းတဲ့ဘဝမှာပဲနေထိုင်သွားဖို့ဆုံးဖြတ်ပြီး အင်္ဂလန်ကိုပြန်လာခဲ့ပါတယ်။ ဂျော့ဂျ်ဟာ အခြေချနေထိုင်ဖို့ မြေကွက်ရှာဖွေရင်း စိတ်ပူပန်သောကရောက်နေရရှာတဲ့ ဘုရင်အက်ဒ်ဂါနဲ့တွေ့ပြီး ပျောက်ဆုံးနေတဲ့မင်းသမီးလေးလူနာကို ရှာဖွေပေးဖို့ဖြစ်လာခဲ့ပါတယ်။ ဒါပေမဲ့ မင်းသမီးလေးကိုဖမ်းဆီး သွားတာဟာ နဂါးတစ်ကောင်ဖြစ်နေပြီး နဂါးမကြီးဟာ သေဆုံးသွားတဲ့အတွက် မင်းသမီးလေးလူနာက အကောင် ပေါက်တော့မယ့်နဂါးဥလေးကိုကာကွယ်ပေးဖို့ ဆုံးဖြတ်ထားတဲ့ အခါမှာတော့ ဂျော့ဂျ်ရဲ့စွန့်စားခန်းတွေက တစ်ဖန်ပြန်လည် စတင်လာပါတော့တယ်။ File size…1.93GB / 1.09B Quality…WEB-Rip 1080p / 720p Format…mp4 Duration….1h 33m Genre ….. Action , Adventure , Comedy Subtitle….Myanmar Subtitle (Hard Sub) Encoder….Min Wai Translated by JULY

ဒီတစ်ခါမှာတော့ Night Shift ဆိုတဲ့ သည်းထိပ်ရင်ဖိုဇာတ်ကားလေးကိုတင်ဆက်ပေးချင်ပါတယ် ဇာတ်လမ်းအကျဥ်းလေးကတော့….. ဂွမ်တေလာဆိုတဲ့အမျိုးသမီးတစ်ယောက်ဟာ မိုတယ်တစ်ခုမှာ ညဆိုင်းအလုပ်လာလုပ်ပါတယ် သူ့ရဲ့ပထမဆုံးအလုပ်လုပ်တဲ့ညမှာပဲ ထိပ်လန့်စရာကောင်းတဲ့ပုံရိပ်တွေကိုမြင်တွေ့နေရပြီး အဲ့မိုတယ်ဟာ သရဲခြောက်တယ်လို့ သံသယဝင်လာပါတယ် အဲ့ဒီမိုတယ်ကြီးကလည်း ဟောင်းနွမ်းနေပြီဖြစ်ပြီး အဲ့ကရေကူးကန်ကြီးမှာလည်းဘတွင်းနက်ကြီးပေါက်နေပါတယ် ပစ္စည်းတွေထားတဲ့ဂိုထောင်ကလည်း တံခါးကအပြင်ကနေပဲဖွင့်လို့ရပြီး အထဲကနေပြန်ဖွင့်လို့မရပါ အဲ့လိုထူးဆန်းပြီးခြောက်ခြားစရာကောင်းတဲ့မိုတယ်ကြီးမှာ မိန်းကလေးတစ်ယောက်တည်း ညပိုင်းအလုပ်လုပ်ရတဲ့အခါ…….. ​နောက်ပြီး လာတည်းခိုတဲ့ဧည့်သည်တွေကလည်း ထူးဆန်းပြီးကြောင်တောင်တောင်နိုင်တဲ့သူတွေနဲ့ပါကြုံတွေ့ရပါတယ် အဲ့ဒါတင်မကဘဲ ဂွမ်ရဲ့အတိတ်ကဖြစ်ရပ်ဆိုးကြီးက လူဆိုးတစ်ယောက်က သူ့နောက်ကိုလိုက်နေပါတယ်လို့ ဂွမ်တစ်ယောက်သံသယရှိနေတဲ့အခါ……… File size…(1.3 GB)/(600 Mb) Quality….Webrip 1080p / 720p Format…mp4 Duration….01:22:00 Genre…Horror, Thriller Subtitle….Myanmar Subtitle (Hardsub) Encoder….Garfield Translated by Ruby Jane

Marvel Cinematic Universe: Phase One ဆိုတာ MCU ရဲ့အစဖြစ်ပြီး စူပါဟီးရိုးရုပ်ရှင်သမိုင်းမှာ ကြီးမားကျယ်ပြန့်တဲ့ Universe ကို အောင်မြင်စွာမိတ်ဆက်နိုင်ခဲ့ပါတယ်။ ဒီ Phase 1 ထဲမှာတော့ MCU ဇာတ်ကောင်တွေကို Solo တွေအနေနဲ့ ပရိတ်သတ်တွေ စတင်ထိတွေ့ခွင့်ရခဲ့ပြီး ဇာတ်ကောင်တိုင်း ပရိတ်သတ်ရင်ထဲ ကိုယ်စီရောက်ရှိခဲ့ကြပါတယ်။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 1 မှာတော့ ရုပ်ရှင် ၆ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Iron Man (2008) The Incredible Hulk (2008) Iron Man 2 (2010) Thor (2011) Captain America: The First Avenger (2011) The Avengers (2012) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့ https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Iron Man (2008) IMDb Rating (7.9) / Rotten Tomatoes (94 %) MCU ရဲ့ အရေးအပါဆုံးဇာတ်ကောင်ဖြစ်တဲ့ မင်းသားကြီး Robert Downey Jr. ရဲ့ Iron Man ကို ပထမဆုံး မိတ်ဆက်ခဲ့တဲ့ ရုပ်ရှင်ဖြစ်ပါတယ်။ Budget $130–140 million ကုန်ကျခဲ့ပြီး Box office ဝင်ငွေ $585.8 million ထိပြန်လည်ရရှိခဲ့သလို အောင်မြင်မှုလဲကြီးမားခဲ့ပါတယ်။ Marvel Studios အနေနဲ့ ဒီလို Cinematic Universe ကြီး အစတည် ဖြစ်တည်လာဖို့အတွက် ၁၇ နှစ်တာအချိန်ယူပြင်ဆင်ခဲ့ရပါတယ်။

Darla in Space (2024) ဒါလာဆိုတဲ့ အမျိုးသမီး တစ်ယောက်က Kitty casket လို့ ခေါ်တဲ့ ကြောင် လေးတွေ သေသွားရင် မြှုပ်ဖို့ အခေါင်းလေးတွေကို စိတ်တိုင်းကျ လုပ်ပေးတဲ့ လုပ်ငန်း တစ်ခုကို လုပ်ကိုင်ပါတယ်။ တနေ့မှာတော့ ဒေါ်လာ သုံးသောင်းခွဲလောက် အခွန်ဆောင်ရမယ်ဆိုတာ သိလိုက်ရတာ့ အတော်လး တိုင်ပတ်သွားခဲ့ပါတယ်။ ဒီလိုနဲ့ တစ်နေ့မှာ မထင်မှတ်ပဲ ပြီးမြောက်မှုကို ပေးစွမ်းနိုင်တဲ့ အသိစိတ်ရှိတဲ့ ကွန်ဘူချာ တစ်ခုကို တွေ့လိုက်တဲ့ အခါမှာတော့.. အဲ့ဒီအရာကို အသုံးချပြီး အခွန် ဆောင်ဖို့ ငွေရှာဖို့ အသုံးပြုတဲ့အခါမှာတော့.. အသိစိတ် ရှိတဲ့ ကွန်ဘူချာက သူ့ကို အာကာသထဲ ပို့ပေးရင် ငွေရှာတဲ့ နေရာမှာ ကူညီပေးမယ်လို့ ပြောလိုက်တဲ့ အခါမှာတော့ ဒါလာ တစ်ယောက် အခွန်ဆောင်ဖို့ ငွေတွေရှာနိုင်ပြီးတာ့ ကွန်ဘူချာကိုလည်း အာကာသထဲ ပို့ပေးနိုင်ပါ့မလားဆိုတာကတာ့ ဇာတ်လမ်းထဲမှာ ကြည့်ရှု့ ခံစားလိုက်ပါခင်ဗျ။ (အညွှန်းနဲ့ဘာသာပြန်ကတော့ Ko Dee ဖြစ်ပါတယ်။) File size… (1.5 GB) / (720 MB) Quality…. WEB-Rip 1080p HEVC / 720p Format…. mkv/mp4 Genre…. Comedy, Science Fiction Duration…. 01:34:23 Subtitle…. Myanmar Subtitle (Hardsub) Encoder…. Benjamin Translated by Ko Dee

ယခုတစ်ခေါက်တင်ဆက်ပေးမယ့် ဇာတ်ကားလေးကတော့ Action/War အမျိုးအစားဇာတ်ကားလေးပဲဖြစ်ပါတယ်.. ရုပ်ရှင်ပညာဆုပေါင်းများစွာရရှိထားပြီး အော်စကာဆု စကာတင်စာရင်းမှာ ပါဝင်ခဲ့ဖူးတဲ့ မင်းသားကြီး Eric Roberts ဟာ ဒီဇာတ်ကားလေးမှာ မဟာမိတ်တပ်ပေါင်းစုရဲ့ ဗိုလ်ချုပ်နေရာက ပါဝင်သရုပ်ဆောင်ထားပါတယ်…. ဒုတိယကမ္ဘာစစ်အတွင်း နော်မန်ဒီကမ်းတက်တိုက်ပွဲအတွက် ယူရီကာရေဒါအချက်ပြစနစ် နေရာချထားပေးရမယ့် လေထီးခုန်တပ်သားတွေရဲ့ သက်စွန့်စံဖျားကြိုးစားအားထုတ်မှုကို ရင်တထိတ်ထိတ်နဲ့ ကြည့်ရှုခံစားရမှာပဲဖြစ်ပါတယ်.. နာမည်ကျော် နော်မန်ဒီကမ်းတက်တိုက်ပွဲဟာ ဂျာမန်နာဇီဝါဒချုပ်ငြိမ်းဖို့အတွက် အရေးပါခဲ့တဲ့ တိုက်ပွဲတွေထဲက တစ်ခုဖြစ်ပြီး လေထီးခုန်တပ်ဖွဲ့တစ်စုဟာ ကမ်းတက်တိုက်ပွဲမတိုင်ခင်မှာပဲ တိုက်ပွဲအတွက်အရေးပါတဲ့ စစ်ဆင်ရေးပြုလုပ်ခဲ့ရပါတယ်.. ၎င်းတို့ဟာ ဂျာမန်များသိမ်းပိုက်ထားတဲ့ နယ်မြေအတွင်းသို့ ဝေဟင်မှတဆင့်စိမ့်ဝင်ပြီး စစ်မျက်နှာပြင်တစ်ခုဖွင့်ဖို့ ကြိုးစားရပါတယ်.. သို့သော်လည်း ပြင်သစ်နိုင်ငံရဲ့ ထူထဲလှတဲ့မြူဟာ လေထီးခုန်တပ်ဖွဲ့များ ဆင်းသက်ရာစုရပ် ရှာရေးဖွေရေးကို ကြီးစွာဒုက္ခပေးလျက်ရှိရာ ယူရီကာရေဒါအချက်ပြစနစ်ဟာ အဖြေတစ်ခုဖြစ်လာခဲ့ပါတယ်.. ထိုစနစ်ဟာ မြေပြင်မှာ သုံးရတာဖြစ်တဲ့အတွက်ကြောင့် လေထီးခုန်တပ်ဖွဲ့များအားလုံး မထိုးဖောက်မီ တပ်ကြပ်ကြီစတီးတို့တပ်စုဟာ ယူရီကာရေဒါ အချက်ပြစနစ်တပ်ဆင်ရေးအတွက် ကြိုတင်နေရာချထားခံရပါတယ်.. မြူဆိုင်းတဲ့ပြင်သစ်ရာသီဥတုရဲ့ ရက်စက်မှုကြောင့် ၎င်းတို့တပ်စုဟာ ဆင်းသက်ရာမြေပြင်ရှာမရဘဲ တစ်ယောက်တကွဲစီ ပြန့်ကျဲကာ နောက်ဆုံး လူ ၄ ယောက်သာ အသက်ရှင်နိုင်ခဲ့ပါတယ်. ဂျာမန်များစိုးမိုးရာ နယ်မြေအတွင်း ဌာနချုပ်နဲ့ပါ အဆက်အသွယ်ပြတ်သွားသူ ၄ ယောက်တည်း လှုပ်ရှားရတဲ့ ယူရီကာရေဒါအချက်ပြစနစ်တပ်ဆင်မှုစစ်ဆင်ရေးဟာ အောင်မြင်ဖို့ရာ အခွင့်အလမ်းနည်းပါးလာတဲ့နောက်မှာတော့… ဒီဇာတ်ကားလေးဟာဆိုရင် အပစ်အခတ်များ မြိုင်မြိုင်ဆိုင်ဆိုင်နဲ့ အက်ရှင်ကားချစ်သူများအတွက် ရွေးချယ်ကြည့်ရှုချင်စရာဖြစ်ပြီး စစ်မြေပြင်ရဲ့ မြင်ကွင်းတွေ အဆုံးအရှုံးများရပုံတွေကို မြင်တွေ့နိုင်လို့ စစ်ကားကြိုက်နှစ်သက်သူ ပရိသတ်များလည်း ရွေးချယ်ကြည့်ရှုနိုင်စေရန် ညွှန်းဆိုတင်ဆက်ပေးလိုက်ရပါတယ်ခင်ဗျ… File size… (1.25 GB) / ( 763 MB) Quality… WEB-DL 1080p HEVC /720p Format…mkv / mp4 Duration….1h 23m Genre …..Action , War Subtitle….Myanmar Subtitle (Hard Sub) Encoder….Min Wai Translated by Ye Thiha Htet

Becoming Led Zeppelin (2025) IMDb Rating (7.5) / Rotten Tomatoes (84%) Stairway to Heavenတို့ Whole Lotta Loveတို့ Ramble Onတို့ Misty Mountain Hopတို့ What Is and What Should Never Beတို့ကို ဖန်တီးခဲ့တဲ့ Led Zeppelin တီးဝိုင်းအကြောင်း ဒိုကူမန်ထရီက သူ့နာမည်Becoming Led Zeppelinနဲ့ လိုက်အောင်ပဲ သူတို့ ဖြစ်တည်လာခြင်းအကြောင်းကို အသေးစိတ် ပြပေးထားတယ်။ တစ်ချက်ရှိတာက ပုံမှန်ဒိုကူတွေ ဒိုကူဒရာမာတွေမှာ သူတို့နဲ့သက်ဆိုင်တဲ့ အတင်းအဖျင်းတွေ ဘာတွေကို ပြတတ်ပေမဲ့ ဒီထဲမှာတော့ ဂီတနဲ့ ဂီတကို ချစ်တဲ့အကြောင်းတွေ ဂီတကို ယုံယုံကြည်ကြည် အသစ်တွေ ဖန်တီးခဲ့တဲ့အကြောင်းတွေကလွဲ ဘာမှမပါဘူး။ သူတို့အဖွဲ့က အတင်းအဖျင်းတော်တော်များခဲ့တဲ့ အဖွဲ့နဲ့မလိုက်အောင်ပဲ ဘာမှမပါဘူး။ ဂျင်မီပေ့စ်က ၁၄နှစ်သမီးလေးနဲ့တွဲခဲ့တာတို့။ နတ်ဆိုးကို ကိုးကွယ်တာတို့။ Stairway to Heavenသီချင်းကို Reverseလုပ်ပြီး နားထောင်ရင် Satanic Messages ကို ကြားရတာတို့ မနည်းပေမဲ့ ဒီမှာ ဘာမှမပါဘူး။ ဘာမှ ထည့်မရှင်းသွားဘူး။ သူတို့ကလဲ ပေးမထည့်ဘူးထင်ပါတယ်။ ဒါပေမဲ့ ဒါကပဲ ဒီဒိုကူမန်ထရီကို ဂီတဒိုကူမန်ထရီ စစ်စစ်ဖြစ်အောင် လုပ်ပေးလိုက်ပုံပဲ။ အရသာကတော့ ဘန်တွေအကြောင်းတွေ စိတ်ဝင်စားရင် ဂေါ်တယ်။ ပုံစံကတော့ သူတို့နဲ့အင်တာဗျူးတယ်။ အရင်ကဗီဒီအဟောင်း ပုံအဟောင်းတွေပြတယ်။ သူတို့ငယ်ကတည်းက ဂီတကို ဘယ်လိုစလုပ်ဖြစ်တယ်ဆိုတာတွေကနေ စတယ်။ တော်တော်ချီးကျူးစရာကောင်းတဲ့လူတွေဆိုတဲ့ အပိုင်းတွေပေါ့။ နောက် သူတိုအပေါ် လွှမ်းမိုးမှုရှိခဲ့တဲ့လူတွေ ဂီတအမျိုးအစားတွေကိုပြတယ်။ သူတို့က လူထက် ဂီတအမျိုးအစားတွေကို ပိုအသားပေးပြောသလိုလိုပါပဲ။ သူတို့ပြောတဲ့ ဂီတအမျိုးအစားတွေက ကျွန်တော်တော့ မသိတာက ခပ်များများ။ ဆန်းတော့လည်း မဆန်းပါဘူး။ ဂီတအမျိုးအစားက Sub- Genreခွဲရင် ၁၆၀၀က အနည်းဆုံးလို့ ပြောကြသကိုး။ သူတို့ပြောတာတွေကို လိုက်နားထောင်ရင်းတော့ သူတို့ရဲ့ ဖန်တီးနိုင်စွမ်းနဲ့ လေ့လာအားက အားကျစရာကောင်းနေတယ်။ ဒီဘန်ရဲ့ထူးခြားချက်တွေထဲက တစ်ခုက The Lord of the Ringsစာရေးဆရာ J.R.R. Tolkienရဲ့ Refတွေကို သီချင်းတွေထဲ ထည့်ပုံဖော်တတ်တာပါပဲ။ “Ramble On,” “The Battle of Evermore,” and “Misty Mountain Hop”နဲ့ ” Stairway to Heaven”သီချင်းက စာသားတွေမှာ မြင်သာတယ်။ နောက် “Zeppelin is not a nostalgia band”ဆိုတဲ့ အတိုင်း အသစ်အသစ်တွေကို ရှာဖွေဖန်တီးကြတာတွေကိုလည်း ပြောပြထားတယ်။ ဒီဒိုကူမန်ထရီမှာ ကျွန်တော့်အတွက် ကြည့်ရတာ အရသာရှိခဲ့တဲ့ တစ်ချက်က စစချင်းမှာ သူတို့ဝိုင်းပေါင်းစုံ ဟိုရောက် ဒီရောက် လိုက်တီးရာကနေ သူတို့လူစုမိသွားတာတွေ သူတို့နဲ့ သူတို့ဖန်တီးချင်တဲ့ပုံစံကို အတူတူဖန်တီးနိုင်တဲ့ ဝိုင်းတွေဆီ ကူးလိုက်ပြောင်းလိုက် လုပ်ရင်း နောက်ဆုံးမှ နေရာမှန် တွေ့သွားတာတွေပေါ့။ ဒီမှာလည်း လက်ရှိဝိုင်းတော်တော်များများကြား ခပ်ဆင်ဆင်လေးတွေဖြစ်နေတာတွေဆိုတော့ ဒီကလူတွေကိုတောင် ပိုနားလည်သွားသလိုလိုတော့ ခံစားရတယ်။ Pink Nationဘန်က လွင်ဦးမောင်က Lwin Iz Elephantဆိုပြီး တစ်ကိုယ်တော် မတူတဲ့ဂီတပုံစံနဲ့ သက်သက်လုပ်တာတို့, Pseudo Humanနဲ့ The Peacistsက front man ၂ယောက်ပေါင်းပြီး Double Troubleဆိုတဲ့နာမည်နဲ့ ဘန်တစ်ခု သီးသန့်ထားထားပြီး မတူတဲ့ပုံစံတွေ ဖန်တီးတာတို့ , Square Lake Piratesက တုံတုံနဲ့ Papillons The Bandထဲက ကိုပလောင်နဲ့ Pink Nationက မဏ္ဍိုင်တို့ Mountain Peak Tunesဆိုပြီး မတူတဲ့ပုံစံလုပ်တာတွေ, Talking Dogsတို့ Abnormal Decemberတို့လည်း ဘန်နာမည်ပြောင်းတာတို့ လူပြောင်းတာတို့ လုပ်ရတာတွေမြင်နေရသလို Square Lake Piratesကလူတွေ Orpheus Revivalထဲ ရောက်သွားနိုင်တဲ့ ပုံတွေ မြင်နေရတော့ ဒီဒိုကူကြည့်ရင်း လက်ရှိဝိုင်းတွေနဲ့တောင် ပိုနီးသွားသလိုလို ခံစားချက်တော့ရတယ်။ ဒိုကူထဲတော့ အရင်က စာပေလောကရဲ့ လေထန်ကုန်းလို ဂီတသမားတွေ တီးဖို့ ဝိုင်းလိုက်ရှာလို့ကောင်းတဲ့ နေရာတစ်နေရာရှိတာလေးက သဘောကျစရာတော့ကောင်းတယ်။ ဂီတသမားတွေရဲ့ အရွေ့တွေ လှုပ်ရှားမှုတွေ ဖြစ်တည်လာပုံတွေအကြောင်း ကြည့်ရတာ ကြိုက်ရင်တော့ ဒီဒိုကူက ခြောက်ပြစ်ကင်းတယ်။ မဟုတ်ရင်တော့ ဓာတ်မတည့်လောက်ဘူး။ ဒီမှာလည်း ဒါမျိုးပုံစံလုပ်ကြရင်တော့ ရတော့ရတယ်။ ဝိုင်းအဟောင်းတွေအကြောင်းပေါ့။ မဇ္စိုမလှိုင်းက လူတွေထဲ ကိုနေဝင်းပဲ ကျန်ပေမဲ့ သူ့ကိုနည်းနည်းဗျူးပြီး ရှေ့ကလူတွေ ဖြေပြီးသားတွေ ပုံတွေ သူတို့နဲ့ဆက်စပ်တဲ့ တခြားအင်တာဗျူးတွေနဲ့ တည်းဖြတ်ပြီး လုပ်ရင်တော့ ရတော့ရတယ်။ ဘယ်ဝိုင်းကိုပဲဖြစ်ဖြစ် လုပ်ခဲ့ကြရင်လည်း ကြည့်ချင်ပါသေးတယ်။ (အညွှန်းနဲ့ဘာသာပြန်ကတော့ WiRa Aung ဖြစ်ပါတယ်။) File size… (4.4 GB) / (2.5 GB) Quality…. WEB-DL 1080p HEVC / 720p Format…. mkv/mp4 Genre…. Documentary,Music Duration…. 02:02:02 Subtitle…. Myanmar Subtitle (Hardsub) Encoder…. Double K Translated by WiRa Aung