ဒီကားလေးကတော့ ဖီလစ်ပိုင်လိင်ပညာပေးကားလေးပါ ကြည့်သင့်တယ်ပေါ့နော် ဇာတ်လမ်းအစမှာ လက်မထက်ရသေးတဲ့စုံတွဲတစ်တွဲက အားလပ်ရက်ခရီးလေး ဆန်တာမာရီယာကမ်းခြေကိုသွားကြတယ် အဲ့ဒီက Resort ကသူတို့သူငယ်ချင်းပိုင်တာကိုး ကောင်လေးက အရင်အိမ်ထောင်နဲ့ကွဲနေပြီး ကလေးတစ်ယောက်ရှိတယ် သူ့ဇနီးဟောင်းကဖုန်းဆက်တာကို ကောင်မလေးကမကြိုက်တော့ဆက်ဆံရေးက အဆင်မပြေဘူး ကောင်လေးက ကုတင်ပေါ်မှာကျတော့လဲပုံမလာဘူးအဲ့လိုဖြစ်နေတဲ့သူတို့နှစ်ယောက်ကြားထဲကိုဝင်လာတဲ့သူကတော့ပရိတ်သတ်ကြီးပဲကြည့်လိုက်ပါတော့ ဘယ်လောက်တောင်လဲဆို လခွမ်းကွာ လို့တောင်ထအော်မိလိမ့်မယ့်ပညာပေးကားကောင်းလေးပါ File size…1.2GB / 597MB Quality…1080p WEB DL / 720p Format…mp4 Duration….1h 43m Subtitle….Myanmar Subtitle (Hard Sub) Encoder….X Cross Translated by Andrew Mason

စိတ်ရောဂါအကြောင်း၊ စိတ်ရောဂါနဲ့ပတ်သက်လို့ ပြောကြတဲ့အခါ စိတ်ရောဂါမျိုးစုံလည်းရှိတဲ့အပြင် အဲဒီ့စိတ်ရောဂါဖြစ်စေနိုင်တဲ့ အကြောင်းအရာမျိုးစုံကလည်းစုံလင်လှသဗျာ၊ စိတ်ရောဂါဆိုတာလည်း စိတ်ဒဏ်ရာခဏခဏရတာမျိုးတွေကနေဖြစ်‌တတ်တော့ စိတ်ရောဂါနဲ့စိတ်ဒဏ်ရာဟာ အညမညသဘောနဲ့ အတူတွဲနေတတ်တယ်ဗျ။ အိမ်ရာတစ်ခုထူထောင်ကြပြီဆိုရင် အိမ်ထောင်ဦးစီးဆိုတဲ့ အမျိုးသားဖြစ်သူက ဒီစိတ်ပိုင်းဆိုင်ရာကိစ္စကို သိပ်ပြီးဂရုစိုက်ရတယ် သားသမီးမွေးတဲ့အခါပိုဆိုးတယ်၊ ကိုယ့်သားသမီး ကိုယ့်ရဲ့လက်တွဲဖော်သူတို့တွေစိတ်ဒဏ်ရာမရအောင် သူတို့တွေအပေါ်မှာ မရက်စက်မိအောင်ဒါတွေက သိပ်ကိုအရေးကြီးတယ်။ဒီဇာတ်လမ်းကတော့ အိမ်ထောင်ဦးစီးမပီသတဲ့ယောက်ျားတစ်ယောက်နဲ့ သူ့အမျိုးသမီးရဲ့ စိတ်ဒဏ်ရာ သူ့သမီးလေးနေထိုင်ရတဲ့ပတ်ဝန်းကျင်ဒါမျိုးတွေကို သေချာလေးဖော်ညွန်းထားနိုင်တဲ့ ဇာတ်ကားမျိုးလို့ဆိုရမယ်။ ပုံမှန် သရဲပေါကားတွေလိုမျိုးအကောင်ကြီးတွေဘွားဆိုပေါ်လာမယ်၊ လန့်သွားမယ် ဟောပြီးသွားပြီ ဒါမျိုးကားမျိုးတွေသဘောကျတတ်ရင်တော့ ဒီဇာတ်ကားနဲ့ အလာ့ဂျစ်ရှိနိုင်တယ်၊ ပုံမှန်ဟောလိဝုဒ်ကားတွေကြည့်နေကြလူတွေအတွက်တော့ ရုရှားကားဖြစ်တဲ့အတွက် အမြင်တစ်မျိုးလေးနဲ့ကြည့်ရမယ်။ ဘယ်ချိန်သရဲပေါ်လာမလည်းဆိုပြီးစောင့်ကြည့်နေရမယ့်ကားမျိုးဆိုတာထက် တစိမ့်စိမ့်ကြည့်ရမယ့်ကားမျိုးဆိုရင်ပိုမှန်လိမ့်မယ်။ တကယ်တော့ သရဲတို့ နတ်ဆိုးတို့ကြောက်စရာကောင်းတယ်ဆိုတာ လူတွေကိုဘယ်မှီမလဲ၊ ဒီလိုတွေးမိရင်တော့ ဒီသရဲကားကသိပ်ကြောက်စရာကောင်းတော့မယ်မထင်ပါဘူး... (ဇာတ်ကားနဲ့အညွှန်းကို Murphy မှ ပြန်ဆိုရေးသားထားပါတယ်) Size - 650MB, 350MB Quality - 1080p, 720p Format - mp4 Duration - 1H 32Min Genre - Horror, Thriller Subtitle - Myanmar Subtitle (Hardsub) Translated by Murphy Encoded by Y

Murder at Yellowstone City (2022) ========================= မွန်တားနားနယ်မြေရဲ့ ရဲလိုးစတုန်းမြို့လေးက တစ်ချိန်တုန်းက ရွှေတွေအများကြီးထွက်ပြီး စည်ကားခဲ့တဲ့မြို့လေးပေါ့။ ဒါပေမယ့် နောက်ပိုင်းကျတော့ အခက်အခဲအကျပ်အတည်းတွေနဲ့ဖြစ်သွားရော။ အဲဒီအချိန်မှာ ဒွန်နီဂန် ဆိုတဲ့ မြို့အပြင်မှာနေတဲ့ အမျိုးသားတစ် ယောက်က ရွှေတူးတာရသွားလို့ မြို့ထဲလာပြီး သူ သူဌေးဖြစ်ကြောင်း လာကြွယ်ပြီး တစ်မြို့လုံးကို အရက်တွေပါ ဝယ်တိုက်ပစ်တာ။ ကံဆိုးချင်တော့ သိပ်မကြာခင်မှာပဲ သူက အသတ်ခံရလိုက်ရတယ်။ သူတင်မဟုတ်ဘူး နောက်ပိုင်း တစ်‌ယောက်ပြီးတစ်‌ယောက် ဘာကြောင့် မှန်းမသိအသတ်ခံရတဲ့အကြောင်းကို မြို့ရဲ့ အရာရှိက ဘယ်လိုဖော်ထုတ် မလဲဆိုတာ ကြည့်ရမယ်။ အနောက်တိုင်း ကောင်းဘွိုင်ခေတ်အကြောင်း ရိုက်ပြထားတဲ့ ဇာတ်ကားတစ်ကားဖြစ်တယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Khant Sett Naing ဖြစ်ပါတယ်) File Size……….(1.34 GB) / (740 MB) / (431 MB) Quality…………WebRip 1080p / 720p / 480p Duration………2Hr 07mins Subtitle………..Myanmar Hardsub Format…………MP4 Genre…………..Western Translator…….Khant Sett Naing Encoder……….SWM

အိမ်ယာမြေအကျိုးဆောင်က “ကျန်းရှို့”ဆိုသူဟာ “လီလိရာ”ဆိုသူကို ‘ရှောင်ယန်လုံ’လို့ခေါ်တဲ့နှစ်ထပ်အိမ်လေးတစ်လုံး ငှားပေးခဲ့ပါတယ် “လီလိရာ”ဟာ တိုက်ခန်းငှားပြီး မကြာခင်မှာပဲ စိတ်ကစဉ့်ကလျားဖြစ်ကြောင်းကြားပြီး သွားကြည့်ခဲ့ရာမှာ ကျိန်စာတိုက်ပြီး ကိုယ့်ကိုယ်ကိုသတ်သေသွားပါတော့တယ်… သို့သော်ရိုးရှင်းတဲ့ သာမာန်သေဆုံးမှုတော့ မဟုတ်ခဲ့ပါဘူး။ -ဒီနှစ်ထပ်အိမ်လေးနောက်ကွယ်မှာရော ဘယ်လိုရာဇဝင်တွေရှိနေမလဲ? အလင်းရောင်တံတိုင်းခြားထားတဲ့အမှောင်ထုကို သူတို့တွေဘယ်လိုရှာဖွေ‌သွားမလဲဆိုတာကို… “အလင်းကမ္ဘာရဲ့အမှောင်ထု”ဆိုတဲ့ ဒီရုပ်ရှင်ဇာတ်ကားလေးမှာ စိတ်ဝင်စားစွာနဲ့ ဖြစ်ရပ်တွေရဲ့သမိုင်းကြောင်းဇစ်မြစ်တွေကို ခန့်မှန်းရင်း ထိုင်းနိုင်ငံရဲ့အငွေ့အသက်တွေနဲ့အတူ ကြည့်ရှုရမှာပဲဖြစ်ပါတယ်

1001 Nunakal (2022) IMDb-8.0/10 ဇာတ်လမ်းတင်ဆက်ပုံခပ်ဆန်းဆန်းလေးနဲ့ အိမ်ထောင်သည်တွေ၊ အိမ်ထောင်တခုထူထောင်ဖို့ စဉ်းစားနေသူတွေကို အသိလေးတခုပေးနိုင်တဲ့ အိန္ဒိယကားလေးကိုတင်ဆက်ပေးလိုက်ပါပြီ။ ဇာတ်လမ်းနာမည်က မုသားစကား ၁၀၀၁တဲ့။ ဒီဇာတ်လမ်းမှာ အဓိကဇာတ်ဆောင်တွေကို မျက်နှာသစ်သရုပ်ဆောင်တွေ သုံးထားပေမယ့် ကျရာဇာတ်ရုပ်နဲ့လိုက်ဖက်အောင် ပါဝင်နိုင်ကြတာကို စိတ်ဝင်တစားနဲ့ကြည့်ကြရမှာပါ။ နေရာတခုတည်းမှာပဲ အဓိကတည်ပြီး ရိုက်ထားတဲ့ဇာတ်လမ်းတွေကိုကြည့်လိုက်ရင် စိတ်ဝင်စားစရာကောင်းရင်ကောင်း မဟုတ်ရင် ပျင်းစရာကောင်းလာရော။ကျွန်တော့်အမြင်အရကတော့ ဒီဇာတ်လမ်းကစိတ်ဝင်စားစရာပဲ။ဘာလဲဆိုတော့ ကြုံဖူးသိဖူးနေကြအကြောင်းရာတွေပါသလို ဘာတွေဖြစ်လာဦးမလဲ ဘာတွေပေါ်လာဦးမလဲဆိုတာမျိုးကို သိချင်စိတ်ဖြစ်အောင် ရိုက်ထားနိုင်လို့။ ဇာတ်လမ်းအကျဉ်းကိုပြောရရင် အဆောက်အဦးကြီးတခုမီးလောင်တယ်။အဲဒီမှာနေတဲ့ တိုက်ခန်းတွေက မိသားစုနှစ်ခုက သူတို့သူငယ်ချင်းအရင်းကြီးတယောက်အိမ်မှာ ခဏလာတည်းတယ်။ညစာစားကြရင်း နောက်ရက်မှာ အိမ်ရှင်လင်မယားရဲ့ ဆယ်နှစ်ပြည့်မင်္ဂလာနှစ်ပတ်လည်နေ့ရောက်မယ်ဆိုတာသိတော့ ပြန်မယ့်ဟာ မပြန်ကြသေးဘဲ ပွဲလေးကျင်းပကြတာပေါ့။တကယ်ခင်မင်ကြတဲ့ သူငယ်ချင်းအရင်းကြီးတွေပဲစုပြီးပွဲလေးလုပ်ရော။ အဲဒီမှာ သူငယ်ချင်းတွေဝိုင်းထိုင်ကြရင်း သူတို့တွေပြောကြတဲ့အကြောင်းအရာတွေ အဖြစ်အပျက်တွေက ဇာတ်လမ်းကိုဆွဲခေါ်သွားတာပဲ။ကွဲပြားတဲ့အမြင်တွေ အယူအဆမတူညီကြတာတွေကနေ သူတို့ရဲ့ဘ၀တွေကို စကားတွေကနေတဆင့် တင်ဆက်ပြသသွားတာကို ကြည့်လိုက်ကြပါဦး။ (အညွှန်းနဲ့ဘာသာပြန်သူတွေကတော့ V~BpL~Zwe~Yunniတို့ဖြစ်ပါတယ်)

တိုင်တန်းနစ် မင်းသမီး Kate Winslet ၊ ဟယ်ရီပေါ်တာရုပ်ရှင်တွေမှာ ပါမောက္ခ စနိတ်အဖြစ်သရုပ်ဆောင်ခဲ့တဲ့ မင်းသားကြီး Alan Rickman ၊ ဒလောရပ်စ်အဖြစ်သရုပ်ဆောင်ခဲ့တဲ့ မင်းသမီးကြီး Imelda Staunton၊ House M.d မှာ ဒေါက်တာဟောက်စ်အဖြစ် သရုပ်ဆောင်ခဲ့တဲ့ မင်းသားကြီး Hugh Laurie တို့ အပြင်မင်းသမီး Emma Thompson နဲ့ မင်းသား Hugh Grant တို့ ပါဝင်သရုပ်ဆောင်ထားတဲ့ 1995 ခုနှစ်ထွက် ရုပ်ရှင်ကားကောင်းလေးကို တင်ဆက်ပေးလိုက်ပါတယ်။ Jane Austen ရဲ့ 1811 ခုနှစ်မှာထုတ်ဝေခဲ့တဲ့ Sense and Sensibility ဝတ္တုကို ရုပ်ရှင်ပြန်ရိုက်ထားတာဖြစ်ပြီး အော်စကာဆန်ခါတင် နေရာ (၇) ခုအထိ ဝင်ခဲ့တဲ့အပြင် အကောင်းဆုံးဇာတ်ညွှန်းဆုနဲ့ အော်စကာရခဲ့ပါတယ်။ ဒါအပြင် တခြားဆုပေါင်း (၃၃) ခုလည်း ရရှိခဲ့ပါသေးတယ်။ ဇာတ်လမ်းအကျဉ်းကတော့ ချမ်းသာတဲ့ သူဌေးကြီးဖြစ်သူ မစ္စတာဒတ်ရ်ှဝုဒ်ဆုံးသွားတဲ့အချိန်မှာ ဥပဒေအရသူ့ရဲ့ပထမအိမ်‌ထောင်မှာ ရခဲ့တဲ့ သားဖြစ်သူ ဂျွန် ဒတ်ရှိဝုဒ်က ပိုင်ဆိုင်မှုအကုန်လုံးကို အမွေဆက်ခံခဲ့ပါတယ်။ သူ့ရဲ့ ဒုတိယအိမ်ထောင်မှာရခဲ့တဲ့ အမျိုးသမီး မစ္စဒတ်ရှ်ဝုဒ်နဲ့ သမီးသုံးယောက်ကတော့ တစ်နှစ်ကိုမှ ပေါင်ငါးရာပဲရမှာဖြစ်တဲ့အပြင် လန်ဒန်မှာနေတဲ့ မစ္စတာဂျွန်နဲ့ ဖန်နီ တို့ရောက်လာရင် သူတို့နေတဲ့ အိမ်က‌နေပြောင်းပေး လိုက်ရတော့မှာပါ။ ဂျွန် တို့ရောက်လာတဲ့အချိန်မှာတော့ ဖန်နီရဲ့ မောင်လေးဖြစ်သူ အက်ဒဝပ် ဖာရာ့စ်လည်းပါလာခဲ့ပြီး သမီးကြီး အယ်လီနာနဲ့ ပိုပြီးရင်းနှီးလာခဲ့ပါတယ်။ ဒီအချိန်မှာပဲ မစ္စဒတ်ရှ်ဝုဒ်ရဲ့ ဝမ်းကွဲအကို ဆာဂျွန် မစ်ဒဲတန်က ဒေဗွန်ရှိုင်ယာက ဘာတွန်ပန်းခြံ မှာရှိတဲ့ သူရဲ့တစ်ထပ်တိုက်အိမ်အလွတ်မှာ နေခွင့်ပေးလိုက်လို့ အယ်လီနာတို့လည်း ဘာတွန်ကိုပြောင်းခဲ့ကြပါတယ်။ ဂျွန် မစ်ဒဲတန်ရဲ့ ယောက္ခမဖြစ်သူ မစ္စ ဂျန်းနင်းစ်က သူတို့ရဲ့အသိမိတ်ဆွေဖြစ်သူ ကာနယ် ဘရန်ဒန်နဲ့ အယ်လီနာကို မိတ်ဆက်ပေးခဲ့ပေမဲ့လည်း ညီမလေးဖြစ်သူ မယ်ရီအန်းကိုပဲ ပိုပြီးစိတ်ဝင်စားသွားခဲ့ပါတယ်။ ဒီလိုနဲ့ မယ်ရီအန်းကိုပိုးပန်းတဲ့ လူနောက်တစ်ယောက်ပေါ်လာခဲ့ပြီး မယ်ရီအန်းဘယ်သူ့ကိုရွေးချယ်မလဲ၊ ပိုက်ဆံအများကြီးမရှိတဲ့ ညီအစ်မနှစ်ယောက်ရဲ့အချစ်ရေးလေးကတော့ အဆင်ပြေဖြောင့်ဖြူးသွားမလား၊ အယ်လီနာရော သူ့သဘောကျတဲ့ အက်ဒဝပ်နဲ့ ပြန်တွေ့ရမလားဆိုတာကို ဆက်လက်ကြည့်ရှုလိုက်ကြပါဦး။ File size…(2.6 GB)/(1.3 GB) Quality….Webrip 1080p / 720p Format…mp4 Duration….02:16:00 Genre…Drama, Romance Subtitle….Myanmar Subtitle (Hardsub) Encoder….Garfield Translated by TMMT

အငြိမ်းစားစစ်သား ကြေးစားလူသတ်သမားကြီးအဖြစ် လီယံနီဆန် သရုပ်ဆောင်ထားတဲ့ အိုင်ယာလန်ရုပ်ရှင်သစ်ထွက်လာပါပြီ။ ဒီရုပ်ရှင်ဟာ အိုင်ယာလန်တော်လှန်ရေးနဲ့ ပြည်တွင်းစစ်အပြီးကာလကို အခြေခံထားတာမို့ အိုင်ယာလန်သမိုင်းကို နည်းနည်းသိထားရင် ကြည့်ရအဆင်ပြေမှာပါ။ လက်ရှိရုပ်ရှင်ကတော့ ၁၉၇၂ နောက်ပိုင်းဖြစ်လို့ ဗုံးခွဲတဲ့သူတွေက Provisional IRA ပဲ ဖြစ်ပါတယ်။ သမိုင်းအကျဉ်း အိုင်ယာလန်ဟာ ၁၂ ရာစု အန်ဂလို-နော်မန် ကျူးကျော်စစ်အပြီးမှာ ယူကေ ခေါ် ဂရိတ်ဗြိတိန် လက်အောက်ကို ကျရောက်ခဲ့ပါတယ်။ ၁၉၁၉ မှာတော့ အိုင်ယာလန် ရီပက်လစ်ကန် အာမီ (IRA) ကိုဖွဲ့စည်းပြီး အိုင်ယာလန်လွတ်မြောက်ရေးအတွက် ဗြိတိသျှတပ်တွေကို တိုက်ခိုက်ခဲပါတယ်။ တိုက်ပွဲက နှစ်နှစ်လောက်ပဲကြာခဲ့ပေမဲ့ အိုင်ယာလန်ပြောက်ကြားတွေ စစ်ရေးအရေးသာလာတာကြောင့် အန်ဂလို-အိုင်းရစ် သဘောတူညီချက်စာချုပ်ကို ချုပ်ဆိုနိုင်ခဲ့ပါတယ်။ ဒီမူရင်း IRA ကို မူလလက်ဟောင်း Old IRA လို့ခေါ်ပါတယ်။ အဲဒီစာချုပ်အရ ၂၆ ပြည်နယ်နဲ့ လွတ်လပ်သော အိုင်ယာလန်ကို တည်ထောင်နိုင်ခဲ့ပေမဲ့ အိုင်ယာလန်မြောက်ပိုင်းကတော့ UK လက်အောက်မှာပဲ ဆက်တည်ရှိနေပါတယ်။ ဒါကိုသဘောတူလိုက်တဲ့အချက်ကလည်း အိုင်ယာလန်မြောက်ပိုင်း ပရိုတက်စတင့်နဲ့ အခြားပြည်နယ်တွေက ကတ်သလစ်ဘာသာဝင်တွေကို အတူစည်းရုံးလို့မရမဲ့အတူတူဆိုပြီး သဘောတူလိုက်တာများပါတယ်။ ဒီစာချုပ်ကြောင့် IRA နှစ်ခြမ်းကွဲသွားခဲ့ပြီး စာချုပ်ကိုသဘောတူတဲ့ IRA နဲ့ သဘောမတူတဲ့ IRA ဆိုပြီး အချင်းချင်းထချကြလို့ အိုင်ယာလန်ပြည်တွင်းစစ် ၁၉၂၂ မှာဖြစ်သွားပါတော့တယ်။ အိုင်ယာလန်အကွဲအပြဲတွေကို သရော်တဲ့အနေနဲ့အလကားနေရန်ထဖြစ်တဲ့ သူငယ်ချင်းနှစ်ယောက်အကြောင်းကို ရိုက်ထားတဲ့ The Banshees of Inisherin ကိုလည်း ချန်နယ်မြန်မာမှာ တင်ပေးထားပါသေးတယ်။ ပြည်တွင်းစစ်မှာ စာချုပ်သဘောတူတဲ့အဖွဲ့က အစိုးရတပ်ဖွဲ့ Provisional Government of Irelandဖြစ်လာပြီး မတူတဲ့အဖွဲ့က anti-Treaty Irish Republican Army ဖြစ်လာခဲ့ပါတယ်။ စာချုပ်ဆန့်ကျင်ရေး IRA ၁၉၂၃ စစ်ရှုံးသွားခဲ့ပေမဲ့ လက်နက်မချဘဲ ၁၉၆၉ အထိ ဆက်လက်တည်ရှိခဲ့ပါတယ်။ ဒီဆန့်ကျင့်ရေးအဖွဲ့ကို အင်္ဂလန်ဗုံးခွဲမှုတွေနဲ့ ၁၉၃၁ မှာ တရားမဝင်အဖွဲ့အစည်းကြေညာခံခဲ့ရပါတယ်။ ဒုတိယကမ္ဘာစစ်အတွင်းမှာတော့ ဗြိတိန်ကိုတိုက်ချင်ဇောနဲ့ ဟစ်တလာဆီက အကူအညီတောင်းခံခဲ့လို့ IRA ခေါင်းဆောင် ၅ ယောက်ကြိုးပေးခံခဲ့ရပါတယ်။ ၁၉၆၉ မှာကျတော့ အဲဒီ ဆန့်ကျင်ရေး IRA က ထပ်ပြီး ကွဲသွားပါတယ်။ ရိုမန်ကတ်သလစ်၊ ပရိုတက်စ်တန့်ဘာသာအရေးအခင်းကြောင့်ပါပဲ။ ဆန့်ကျင်ရေး IRA ကိုမှ Official IRA နဲ့ Provisional IRA ဆိုပြီးကွဲသွားတာပါ။ Official IRA က နိုင်ငံရေးလိုင်းကနေ အိုင်ယာလန်ကို ပေါင်းစည်းဖို့ကြိုးစားပြီး Provs IRA ကတော့ အကြမ်းဖက်လိုင်းဖြစ်သွားပါတယ်။ IRA ဗုံးခွဲတဲ့ကိစ္စနဲ့ပတ်သတ်တဲ့ဇာတ်ကားကိုတောင် The Foreigner ဆိုပြီး ဂျက်ကီချန်းနဲ့ရိုက်ထားတာရှိပါတယ်။ ဒီလက်နက်ကိုင် Prov IRA ဟာ ၂၀၀၅ မှာမှ စစ်ရေးဆန့်ကျင်မှုတွေကနေ နိုင်ငံရေးအဖြစ် ပြောင်းလဲဖို့ ကြေညာခဲ့တာဖြစ်ပါတယ်။ ဇာတ်လမ်းအကျဉ်း ဇာတ်လမ်းကတော့ ရိုးရှင်းပါတယ်။ စစ်ပြန်ကြီး ဖင်းဘားဟာ မိန်းမဖြစ်သူသေဆုံးသွားပြီးနောက်ပိုင်း ကြေးစားလူသတ်သမားအလုပ်နဲ့အသက်မွေးပါတယ်။ ဒီလိုနဲ့အသိဝင်လာပြီးအနားယူတော့မဲ့အချိန်မှာမှ IRAဖောက်ခွဲရေးသမား ဝရမ်းပြေးတစ်ယောက်က သူ့ရွာမှာ လာပုန်းနေရင် ကလေးမလေးတစ်ယောက်ကို နှိပ်စက်နေတာတွေလို့ သတ်လိုက်မိပါတယ်။ အဲဒီ IRA ရဲ့ အပေါင်းအပါတွေကို လက်စားချေဖို့ လိုက်ရှာတာကို ပြန်ရင်ဆိုင်ရတဲ့ဇာတ်လမ်းပဲဖြစ်ပါတယ်။ ဇာတ်လမ်းနာမည်ဖြစ်တဲ့ သူတော်စင်တွေနဲ့အပြစ်သားတွေရဲ့မြေဆိုတာက အများအားဖြင့် ဘာသာရေးကိုင်းရှိုင်းပြီး ညစ်ညမ်းတဲ့အပျော်အပါးတွေပေါတဲ့ မြို့တွေကို တင်စားခေါ်ကြတာများပါတယ်။ ဒီရုပ်ရှင်မှာတော့ နှလုံးလှတဲ့လူသတ်သမားရဲ့ ဝိရောဓိကိုလည်း တင်စားတာ ဖြစ်နိုင်ပါတယ်။ ကောင်းဘွိုင်ဆန်ဆန် ရွာလေးထဲကလူနည်းစု တိုက်ပွဲတွေကလည်း အရသာတစ်မျိုးမို့ ကြည့်လိုက်ကြပါဦး။ File size… 1.40GB / 625MB Quality…WEB-DL 1080p 5.1CH / 720p Format…mp4 Duration….1h 46m Genre ….. Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Mr.Anderson

ဒီဇာတ်ကားလေးမှာတော့ ဟောင်ကောင်ရွှေခေတ်ကမင်းသားမင်းသမီးတွေဖြစ်တဲ့ ဂျက်ကီချန်း စတီဗင်ချောင် ရှုကြည် တိုနီလောင်တို့ ပါဝင်သရုပ်ဆောင်ထားတဲ့အချစ်ဟာသဇာတ်ကားလေးဖြစ်ပါတယ်။ ဇာတ်လမ်းအကျဉ်းကတော့ အားပူဆိုတဲ့မိန်းကလေးဟာ ဘဝကို စိတ်ကူးယဉ်ဆန်ဆန်ဖြတ်သန်းနေထိုင်တတ်တဲ့ ထိုင်ဝမ်ကျွန်းဆွယ်မြို့လေးတစ်မြို့က ကောင်မလေးဖြစ်ပါတယ်။ သူဟာ တစ်နေ့မှာ ပင်လယ်ကမ်းစပ်ကိုမျှောလာတဲ့ ပုလင်းလေးတစ်ပုလင်းထဲက စာလေးတစ်စောင်ကိုတွေ့ပြီး စာရေးတဲ့ကောင်လေးကို သိချင်လို့ ဟောင်ကောင်ထိတစ်ယောက်တည်းလိုက်သွားရာကနေ စီးပွားရေးလုပ်ငန်းရှင်ကြီးဖြစ်တဲ့ ချန်နဲ့ ဘယ်လိုများ နဖူးစာရွာလည်မလဲ ဘယ်လိုအခက်အခဲလေးတွေကြားကနေ သူတို့အချစ်ကို ရှာဖွေတွေ့ရှိကြမလဲဆိုတာကို ရိုက်ကူးထားတဲ့ ကြည်နူးဖွယ်ရာဇာတ်ကားကောင်းလေးဖြစ်ပါတယ်။ File size…(2 GB)/(1 GB) Quality….Webrip 1080p / 720p Format…mp4 Duration….02:01:00 Genre…Action, Comedy, Romance Subtitle….Myanmar Subtitle (Hardsub) Encoder….Garfield Translated by Matteo

Legend (1985) IMDB: 6.3/10 Rotten Tomatoes: 41% Metacritic: 30% Genre: Dark Fantasy Legend (1985) ရုပ်ရှင်ဟာ Gladiator, The Martian, Alien တို့လို နာမည်ကြီးကားတွေကို ရိုက်ကူးခဲ့တဲ့ နာမည်ကြီး ဒါရိုက်တာ Ridley Scott ရဲ့ လက်ရာတစ်ပုဒ်ဖြစ်ပါတယ်။ ဒါတင်မကသေးပဲ မင်းသားကလည်း အချစ်တော် Tom Cruise ဖြစ်တာကြောင့်ကြည့်ရတာ တန်မှာဖြစ်ပါတယ်။ ဇာတ်ညွှန်း အမှောင်သခင်ကြီးမှာ ရည်ရွယ်ချက်တစ်ခုရှိပါတယ်။ အဲဒါကတော့ နေကိုထာဝရပျောက်ကွယ်သွားအောင် ပြုလုပ်ပြီး အမှောင်ထုနဲ့ ကမ္ဘာကြီးကိုကြီးစိုးဖို့ဖြစ်ပါတယ်။ နေကိုထာဝရ ဝင်စေချင်ရင် ကမ္ဘာပေါ်မှာ ကျက်စားနေတဲ့ ယူနီကွန်းမှောင်နှံကိုသတ်မှပဲရမှာပါ။ ပြဿနာက သူဟာ နေရောင်နဲ့ထိတွေ့လို့မရပါဘူး။ ဒါ့ကြောင့် သူ့ရဲ့လက်ပါးစေထဲမှာမှ အမုန်းတရားတွေနဲ့ပြည့်နှက်နေတဲ့ ဘလစ်ဇ် ဆိုတဲ့မှင်စာတစ်ကောင်ကို ခေါ်ပြီး ယူနီကွန်းနှစ်ကောင်ကိုသတ်ဖို့ ကမ္ဘာမြေပေါ်ကိုလွှတ်လိုက်ပါတော့တယ်။ လီလီဆိုတာ တိုင်းပြည်တစ်ခုရဲ့ အိမ်ရှေ့မင်းသမီးလေးတစ်ပါးဖြစ်ပါတယ်။ ငယ်ရွယ်တယ်၊ အပြစ်ကင်းစင်တယ်၊ ချစ်ဖို့ကောင်းတယ်၊ ဟန်ဆောင်မှုမရှိဘူး။ ဂျက်ခ်ဟာတောထဲမှာနေထိုင်တဲ့ ကောင်လေးတစ်ယောက်ဖြစ်ပါတယ်။ ဂျက်ခ် ဟာလီလီကို ယူနီကွန်းတွေကိုတွေ့ရဖို့ခေါ်သွားခဲ့ပေမယ့် လီလီက မထင်မှတ်ထားတာကိုလုပ်ခဲ့ပြီး ယူနီကွန်းတစ်ကောင်ကိုလက်နဲ့ထိလိုက်ပါတယ်။ ကံမကောင်းစွာနဲ့ မှင်စာပစ်လိုက်တဲ့အဆိပ်မြားကလည်း ယူနီကွန်းအထီးကိုထိခဲ့ပါတယ်။ ကမ္ဘာကြီးတစ်ခုလုံးရေတွေခဲသွားပြီး အမှောင်ထုကြီးကကြီးစိုးသွားပါတော့တယ်။ မင်းသမီးလေး လီလီနဲ့ ဂျက်ခ်တို့နှစ်ယောက်လည်း လမ်းကွဲသွားခဲ့ပါတယ်။ ဂျက်ခ်တစ်ယောက် ဘယ်လိုများဒီကိစ္စကြီးကိုပြန်ပြင်မှာလဲ။ ဂျက်ခ်အဖြစ် မင်းသားချော Tom Cruise လီလီ အဖြစ် မင်းသမီးချော Mira Sara တို့မှသရုပ်ဆောင်ထားပါတယ်။ File size… 4.1 GB / 1.5 GB Quality… BluRay 1080p / 720p Format… mp4 Duration…. 1h 34m Genre ….. Adventure/Fantasy/Romance Subtitle…. Myanmar Subtitle (Hard Sub) Encoder…. LegoHeart Translated by Lucifer Maximoff

When I Turned Nine (2004) ************************* ဒီတစ်ခေါက် တင်ဆက်ပေးမဲ့ကားလေးက (၂၀၀၄) ခုနှစ်၊ (၁၂) ကြိမ်မြောက် Chunsa Film Art Awards မှာ Best Film, Best Director, Best Screenplay နဲ့ Best Child Actor/Actress ဆုတွေအများကြီး ဆွတ်ခူးရရှိခဲ့တဲ့ When I turned nine ဆိုတဲ့ movie လေးပဲ ဖြစ်ပါတယ် .. သရုပ်ဆောင်တွေအနေနဲ့ ဘဲ့ယောမင်းအဖြစ် ဂင်ဆော့၊ ဂျန်ဝူရင်း အဖြစ် The Red Sleeve, The Law Cafe တို့မှ ပရိသတ်တို့ အချစ်တော် မင်းသမီးလေး အီဆယ်ယောင်းတို့ ပါဝင်ထားပြီး ဒီကားလေးမှာတော့ အီဆယ်ယောင်းကို ချစ်စရာ(၉)နှစ်သမီးလေးအနေနဲ့ မြင်တွေ့ရမှာပဲဖြစ်ပါတယ် .. ဇာတ်လမ်းအညွှန်း ************* ဘဲ့ယောမင်းဟာ အသက် (၉) နှစ် အရွယ်နဲ့မလိုက်အောင် ရင့်ကျက်တဲ့ ကောင်လေးဖြစ်ပြီး မျက်လုံးတစ်ဖက်မမြင်တော့တဲ့ အမေဖြစ်သူနဲ့အတူနေထိုင်သူပါ.. အမေ့အတွက် မျက်မှန်ဝယ်ပေးချင်တာကြောင့် ကျောင်းတက်ရင်း အချိန်ပိုင်းအလုပ်တွေ လုပ်နေခဲ့ပါတယ်… ဂျန်ဝူရင်းကတော့ ဆိုးလ်ကနေ ကျောင်းပြောင်းလာတဲ့ ခပ်စွာစွာကောင်မလေးပါ… ဘဲ့ယောမင်းတစ်ယောက် ဝူရင်းကို မြင်မြင်ချင်းမှာတင် သဘောကျသွားခဲ့ပြီး သူတို့နှစ်ယောက် ဘယ်လိုတွေ ဆက်ပြီးဖြစ်လာမလဲ .. ဝူရင်းလေးကရော ဘဲ့ယောမင်းကို ပြန်ပြီး သဘောကျလာမှာလား .. (၉)နှစ် အရွယ်ကလေးတွေရဲ့ အချစ်နဲ့ သူငယ်ချင်းသံယောဇဥ်တွေကို ချစ်စရာကောင်းအောင် ပုံဖော်သွားတာကို စိတ်ဝင်စားဖွယ် ကြည့်ရှုခံစားရမဲ့ ကားကောင်းလေးပဲဖြစ်ပါတယ် .. အညွှန်းကို Htoo Pyae Pyae Aung မှ ရေးသားပေးထားပါတယ် .. File size…2.2GB / 964MB Quality… WEB-DL 1080p/ 720p Format…mp4 Duration….1h 45m Genre ….. Life, Youth, Drama Subtitle….Myanmar Subtitle (Hard Sub) Translated by Milk & Htoo Pyae Pyae Aung Encoded by AHtet

Girlfriends (2009) ******************* လက်ရှိရည်းစားရဲ့ Side Chick လေးတွေနဲ့ ညီအစ်မလိုဖြစ်နေတဲ့သူလေးတွေ ရှိကြလား .. ယောက်ျားတစ်ယောက်အပေါ် အကြိုက်ချင်းတူတဲ့ မိန်းကလေး ၃ယောက်ဟာ သူတိုချင်း ရင်းနှီးသွားတဲ့အခါ ရည်းစားကိုတောင် သတိမရတော့ဘဲ အချင်းချင်း အရမ်းချစ်ခင်သွားကြတဲ့ အကြောင်းကို 2009 ခုနှစ်မှာ ထွက်ခဲ့တဲ့ Girlfriends ဆိုတဲ့ ဇာတ်ကားလေးမှာ သရုပ်ဖော်ထားရိုက်ကူးထားတာဖြစ်ပါတယ် … ဇာတ်လမ်းအကျဉ်းလေးကတော့ ************************ အသက် ၂၉ နှစ် အရွယ် ဆုန်းရီက လုပ်ဖော်ကိုင်ဖက်ဖြစ်တဲ့ ဂျင်းဟိုနဲ့ မထင်မှတ်ဘဲ တွဲဖို့ဖြစ်လာတာကနေ စခဲ့တာပဲဖြစ်ပါတယ်။ ရည်းစားဖြစ်တဲ့ ဂျင်းဟိုက အခြားမိန်းမတစ်ယောက်နဲ့ ဖောက်ပြန်နေတယ်ထင်ပြီး အဲဒီမိန်းကလေးနဲ့ တွေ့ဖို့ ချိန်းခဲ့ပါတယ်။ အဲဒီအချိန်မှာပဲ ဆုန်းရီထင်ခဲ့သလို တစ်ယောက်တည်း မဟုတ်ဘဲ နောက်ထပ်တစ်ယောက်ပါ ရှိနေတာကိုသိသွားခဲ့ပါတယ်။ ယောက်ျားတစ်ယောက်တည်းကိုပဲ ချစ်နေတဲ့ မိန်းကလေး ၃ ယောက်ရဲ့ ဆက်ဆံရေးက ဘယ်လိုတွေ ပြောင်းလဲသွားမလဲဆိုတာ ဒီကားလေးမှာ ကြည့်ရှုခံစားကြည့်ပါဦးနော် .. (အညွှန်းကို Estel မှ ရေးသားထားပါတယ်) File size…2.41GB / 956MB Quality… WEB-DL 1080p/ 720p Format…mp4 Duration…. 1 hr. 54 min. Genre ….. Comedy, Romance Subtitle….Myanmar Subtitle (Hard Sub) Translated by Estel Encoded by AHtet

Into the Forest (2015) IMDb Rating (5.8) / Rotten Tomatoes (76%) ဒီဇာတ်ကားဟာ Musical film ဖြစ်တဲ့ Into the Woods ကိုမှီငြမ်းထားပါတယ်။ ဒါရိုက်တာ Patricia Rozemaရိုက်ကူးထားပြီး မင်းသမီး Elliot Page, Evan Rachel Wood နဲ့မင်းသား Max Minghella တို့အဓိကပါဝင်ထားပါတယ်။ ဇာတ်လမ်းအကျဉ်းကတော့ တစ်ရက်မှာ နေရာအနှံ့အပြားအကြီးအကျယ် လျပ်စစ်ဓာတ်အားနဲ့ ဖုန်းလိုင်းတွေ ပြတ်တောက်သွားတဲ့အခါ ဒီမိသားစုဟာ တောထဲကသူတို့အိမ်မှာသောင်တင်နေခဲ့ပါတယ်။ မကြာခင်မှာပဲသူတို့ဟာ အသက်ရှင်ဖို့အတွက်တိုက်ပွဲဝင်ရတော့မယ်ဆိုတာ သဘောပေါက်လိုက်ပါတယ်။ ညီအစ်မ၂ယောက်ဟာ သံယောဇဉ်တွေနဲ့ တစ်ယောက်ကိုတစ်ယောက် ဘယ်လိုကူညီပြီး အသက်ရှင်အောင်ကြိုးစားရလဲဆိုတာ စိတ်လှုပ်ရှားဖွယ်ကြည့်ရှုရမှာပါ။ (အညွှန်းနဲ့ဘာသာပြန်ကတော့ Na Ei ဖြစ်ပါတယ်။) File size…(1 GB) / (930 MB) Quality….Blu-Ray 1080p HEVC / 720p Format…. mkv/mp4 Genre….Drama,Science Fiction Duration….01:42:28 Subtitle….Myanmar Subtitle (Hardsub) Encoder….Double K Translated by Na Ei

ဘရစ်ခ်ဟာ အားကစားသမားတစ်ယောက်ဖြစ်ခဲ့ပေမဲ့ အခုချိန်မှာတော့ အရက်သမားဖြစ်နေတယ်။ လှရက်လိုက်ပါဘိလို့ တရလောက်တဲ့ မြင်သူတကာငေးရတဲ့ သူ့မိန်းမဖြစ်သူ မက်ဂီကို ထိတွေ့ဖိုမပြောနဲ့ စေ့စေ့တောင်ကြည့်မရဖြစ်နေပေမဲ့ သူတို့တွေဟာ ပေါင်းသင်းနေကြတုန်း။ မက်ဂီက သူဟာ ‌သွပ်ပြားပူခေါင်မိုးပေါ်က ကြောင်တစ်ကောင်လိုဖြစ်နေတယ်တဲ့။ ကြောင်တွေက အမြင့်ကနေခုန်ချရင်တောင် အနာတရမဖြစ်တတ်လို့ ခုန်ချလိုက်စမ်းပါဆိုပြီး ဘရစ်ခ်ကပြန်ပြောတယ်။ မက်ဂီက ဘာအမှားတွေလုပ်ထားလို့ ဘရစ်ခ်က အဲဒီလိုမျိုးအပြစ်ပေးနေရတာလဲ ဘယ်လောက်ကြာကြာ အပစ်ပေးမှာလဲ။ ဘရစ်ခ်ဟာ ‌စိုက်ခင်းမြေဧကပေါင်း ၂၈၀၀၀ ပိုင်ဆိုင်တဲ့သူဌေးကြီးရဲ့ အငယ်ဆုံးသား။ သူဌေးကြီး နေမကောင်းဖြစ်နေတာကြောင့် သေရင်အမွဲလုဖိုကြိုးစားနေကြတဲ့ သူ့အစ်ကိုလင်မယားရယ် သူတိုကြားကပြဿနာတွေနဲ့ အတိတ်ကအကြောင်းတွေရယ်….. File size…(2.1GB)/(1 GB) Quality….Blu-Ray 1080p / 720p Format… mp4 Duration…. 01:48:00 Genre… Tragedy, Drama Subtitle….Myanmar Subtitle (Hardsub) Encoder….Garfield Translated by Su

The Beta Project (2025) သဘာဝလွန်ရုပ်ရှင်တွေကို ကြည့်ရတာစိတ်ဝင်စားတဲ့သူတွေအတွက် ဒီလထဲအသစ်ထွက်ထားတဲ့ အက်ရှင်ဇာတ်လမ်းကောင်းတစ်ပုဒ်နဲ့ မိတ်ဆက်ပေးချင်ပါတယ်။ Supernatural တွေကိုလိုက်ရှာပြီး ရှင်းလင်းနေတဲ့ “The Project” ဆိုတဲ့ အဖွဲ့အစည်းဟာ နတ်ဆိုးတွေရဲ့မိခင်ကြီး Lilith ကို ရှင်းလင်းဖို့အတွက် အသုံးဝင်မယ့် အရည်အချင်းကိုယ်စီရှိတဲ့ အမျိုးသမီးလေးယောက်ကို လိုက်လံရှာဖွေစုဆောင်းဖို့ ကြံစည်ထားခဲ့ကြပါတယ်။ အဲ့ဒီအမျိုးသမီးလေးယောက်က ဘယ်သူတွေလဲ…တကယ်ပဲအားလုံးကို စုစည်းနိုင်မှာလား..? The Project ရဲ့ အစီအစဉ်တွေကရော အကုန်အထမြောက်ပါ့မလား အစရှိတဲ့စိတ်ဝင်စားစရာအကြောင်းအရာတွေအပြင် ကံကြမ္မာအကြောင်းကိုပါ ဒီဇာတ်လမ်းလေးထဲမှာ တစေ့တစောင်းကြည့်ရှုနိုင်မှာဖြစ်ပါတယ်။ Plot twist တွေပါ ပါဝင်တာကြောင့် တွေးရတာကြိုက်တဲ့သူတွေဆိုရင်တော့ လက်လွှတ်မခံဖို့ အကြံပြုချင်ပါတယ်။ (အညွှန်းနဲ့ဘာသာပြန်ကတော့ Theint Waddy Lynn ဖြစ်ပါတယ်။) File size… (1.2 GB) / (540 MB) Quality…. WEB-Rip 1080p HEVC / 720p Format…. mkv/mp4 Genre…. Acrion Duration…. 01:23:23 Subtitle…. Myanmar Subtitle (Hardsub) Encoder…. Benjamin Translated by Theint Waddy Lynn

Talisman: The Luck Stealer (2022) ******************************** ကံကောင်းမှုတွေဟာ သတ်မှတ်ထားတဲ့ပမာဏရှိတာမို့ တစ်ယောက်က ကံကောင်းရင် တစ်ယောက်က ကံဆိုးတတ်ပါတယ်တဲ့။ အရည်အချင်းရဲ့နောက်မှာ ကံကပါ ကပ်လိုက်လာတယ်ဆိုတာကို ယုံကြည်ကြတဲ့ သူတွေအတွက် ဒီကားလေးကို တင်ဆက်ပေးလိုက်ပါတယ်။ ဇာတ်လမ်းအညွှန်း- ကံဆိုးလှတဲ့ ဂျောင်ဂီဆမ်း (Joo Young Ho) ဟာ ၁၀နှစ်​ကျော်ကြာ လူရွေးပွဲတွေ လိုက်ဖြေနေသော်လည်း ကျမြဲကျဆဲဖြစ်ပြီး နာမည်မရှိ သရုပ်ဆောင်အဖြစ်နဲ့ပဲ ကျင်လည်နေရတဲ့သူပါ။ ဒါ့ကြောင့် သူ့ခမျာ ထိပ်တန်းကြယ်ပွင့်ဖြစ်ပြီး ဟောလီးဝုဒ်အထိပါ ခြေဆန့်တော့မယ့် မင်းသား ဂျောင်အွန်းချော (Kwon Hae Sung) ကို တိတ်တိတ်လေး မနာလိုဖြစ်နေရတော့တာပေါ့။ တစ်နေ့မှာတော့ ချက်ချင်းကြီး ကံဇာတာအရမ်းတက်သွားတဲ့ သူငယ်ချင်းရဲ့ ပြောကြားချက်အရ သူဒီလိုကံတွေဆိုးနေရတာဟာ သူ့ရဲ့ကံကောင်းမှုတွေကို လုယူသွားတဲ့လူရှိလို့ဆိုတာနဲ့ ကံပြန်ကောင်းလာဖို့အတွက် အဆောင်ရေးပေးတဲ့ ရှေ့ဖြစ်ဟောဆရာမရှိကြောင်း သိသွားတဲ့အခါမှာ​တော့ ဂျောင်ဂီဆမ်းတစ်ယောက် သူ့ကိုကံဆိုးစေခဲ့တဲ့လူအကြောင်းသိရဖို့ ရှေ့ဖြစ်ဟောဆရာမဆီ ချက်ချင်းလိုက်သွားပါတော့တယ်။ ဒီလိုနဲ့ သူ့ရဲ့ကံကောင်းမှုတွေကို လုယူသွားတဲ့သူက သူအမြဲမနာလိုဖြစ်နေရတဲ့ မင်းသား ဂျောင်အွန်းချောဆိုတာကို သိလိုက်ရပြီး ကံကောင်းမှုကိုပြန်လည်ရယူဖို့အတွက် ရှေ့ဖြစ်ဟောဆရာမ ရေးပေးလိုက်တဲ့ အဆောင်နဲ့အတူ ညွှန်ကြားချက်အတိုင်း မန္တန်ရွတ်ဖို့ ကြိုးစားတဲ့အခါမှာတော့ ဂျောင်ဂီဆမ်းတစ်ယောက် ကံကောင်းမှုတွေ ပြန်ရလာနိုင်ပါ့မလား.. မန္တန်ရွတ်ဖို့အတွက်ရော အစစအရာရာ ရှောရှာရှူရှူဖြစ်သွားပါ့မလား….ဆိုတာကို မင်းသားတွေရဲ့ ယုတ္တိဆန်ဆန် သရုပ်ဆောင်ချက်တွေနဲ့အတူ စိတ်ဝင်စားဖွယ် ကြည့်ရှုသွားရမှာပဲဖြစ်ပါတယ်။ (ဇာတ်လမ်းအညွှန်းနဲ့ ဘာသာပြန်ဆိုသူကတော့ Hsu Pyae ပဲ ဖြစ်ပါတယ်။) File Size : 940MB/ 460MB Quality : WEB-DL 1080p/ 720p Format…mp4 Duration…01:21:55 Genre : Action, Drama, Mystery Subtitle : Myanmar Subtitle (Hard Sub) Translated by Hsu Pyae Encoded by Tiff