တရုတ်အကယ်ဒီမီကစာရင်းလုပ်ခဲ့တဲ့ တရုတ်ပြည်သုံးခြမ်းလုံးမှာ ထွက်ခဲ့တဲ့သမျှ အကောင်းဆုံးကားတစ်ရာထဲ နံပါတ်၄၄နေရာယူထားတဲ့ ရုပ်ရှင်ပါ။ ဒါရိုက်တာကတော့ Rouge (1987)ကားကို ရိုက်ခဲ့တဲ့ Stanley Kwanပါပဲ။ Center Stage ဟာ ၁၉၃၀ပြည့်နှစ်တွေတုန်းက နာမည်ကျော်ခဲ့တဲ့ မင်းသမီးရွမ်လင်းယုအကြောင်းကို ရိုက်ကူးထားတဲ့ ရုပ်ရှင်ဖြစ်ပြီး။ ဒိုကူမန်ထရီလိုလိုတစ်ခြမ်း ဇာတ်အိမ်ဆင်ရိုက်ပြတာတစ်ခြမ်း နှစ်ခြမ်းကို တစ်လှည့်စီပြနေတဲ့ရုပ်ရှင်ပါပဲ။ ပြောရရင် ဒီရုပ်ရှင်မှာ ပါဝင်နေသမျှ ဒါရိုက်တာအဆုံး မင်းသားမင်းသမီးတွေအကုန်လုံးဟာ ၁၉၆၀နဲ့ အနီးတစ်ဝိုက်မှာ မွေးခဲ့တဲ့သူတွေဖြစ်ပြီး သူတို့မမွေးခင် နှစ်၃၀လောက်က နာမည်ကျော်ခဲ့တဲ့ မင်းသမီးအကြောင်းကို ၁၉၉၀လောက်မှာ ခြေရာပြန်ကောက်ကြ ဆွေးနွေးကြတာကိုလည်း တစ်လှည့်ရိုက်ပြထားပါတယ်။ ဒီရုပ်ရှင်ထဲ သူတို့ရိုက်ပြထားတဲ့ မင်းသမီးက ၁၉၃၀ဝန်းကျင် အသံတိတ်ခေတ်လောက်က မင်းသမီး ရွမ်လင်းယုပါ။ သူဟာ အသက်၂၄နှစ်မှာတင် အောင်မြင်နေတုန်းမှာတင် သက်သေခဲ့ပေမဲ့ တရုတ်ရုပ်ရှင်လောကရဲ့ အမှတ်သညာတစ်ခု ဖြစ်လာခဲ့တဲ့သူပါ။ သူဟာ ၁၉၂၇မှာ မင်းသမီးစလုပ်ခဲ့ပြီး ၁၉၃၅မှာ သတ်သေခဲ့ပါတယ်။ ၈နှစ်ကာလအတွင်း ရုပ်ရှင်၃၀ကျော်ရိုက်ကူးခဲ့ပြီး သရုပ်ဆောင်စွမ်းရည်လည်း တော်တော်ကောင်းခဲ့တဲ့သူပါ။ သူ့လက်တွေ့ဘဝမှာတော့ သူဟာ သူ့အပြစ်လို့ပြောမရတဲ့ အိမ်ထောင်ရေးအရှုပ်အရှင်းတွေ များခဲ့တဲ့သူဖြစ်ပြီး လူတကာရဲ့အမြင်မှာတော့ ဒီအရှုပ်အရှင်းတွေဟာ သူ့အပြစ်လိုလိုဖြစ်နေခဲ့ပါတယ်။ လူတွေရဲ့ကြောက်စရာကောင်းတဲ့ အတင်းအဖျင်းတွေကို သေရမှာထက်ပိုကြောက်ခဲ့တဲ့ ရွမ်လင်းယုဟာ သူ့ရဲ့အောင်မြင်နေတဲ့ဘဝကို ကျောခိုင်းပြီး သတ်သေသွားခဲ့ပါတယ်။ ဒီရုပ်ရှင်မှာတော့ သူ့အကြောင်းတွေ သူတို့ခေတ်က မင်းသမီးတွေ ဒါရိုက်တာတွေအကြောင်းတွေကို ဒီရုပ်ရှင်ရဲ့ ဝိုင်းတော်သားတွေက ဝိုင်းဆွေးနွေးခဲ့ကြသလို ဇာတ်အိမ်မှာလည်း ၁၉၃၀ဝန်းကျင်က တရုတ်ပြည်ရုပ်ရှင်လောကက အခြေအနေတွေ လူတွေ ရုပ်ရှင်တွေအကြောင်း ပြထားခဲ့ပါတယ်။ Center Stageဟာ မက်ဂီချောင်ရဲ့ အလှည့်အပြောင်းအတွက် အရေးပါတဲ့ ရုပ်ရှင်လည်းဖြစ်ခဲ့ပါတယ်။ မက်ဂီကိုယ်တိုင်ကလည်း ဒီရုပ်ရှင်ထဲရွမ်လင်းယုနဲ့ သူက ကံကြမ္မာချင်းတောင် ဆင်တယ်ပြောလို့ရတယ်ပြောပါတယ်။ ဘာလို့ဆို ရွမ်လင်းယုဟာ နည်းနည်းနှောင်းပြီးမှ ဇာတ်ကောင်းဇာတ်လေးတွေရခဲ့သလို မက်ဂီကိုယ်တိုင်လည်း ဝေါင်ကာဝေးကား၂ကားနဲ့ ဒီကားမတိုင်ခင် အစောပိုင်းကာလတွေမှာ ပေါ့ပေါ့ပါးပါးကားတွေပဲ ရိုက်ခဲ့တာ ဖြစ်လို့ပါပဲ။ As tears go by နဲ့ Days of Being Wild ဝေါင်ကာဝေးကား၂ကားက သူ့ဇာတ်ကောင်တွေကလည်း အရမ်းဝန်ပိတဲ့ဇာတ်ကောင်တွေမဟုတ်ခဲ့တာမို့ ပြောချင်ရင် ဒီကားကနေမှ သူ သူ့သရုပ်ဆောင်အစွမ်းကို ပေါ်လွင့်မယ့် ဇာတ်ကောင်းစရခဲ့တယ်လို့ပြောရင်လည်း မမှားလောက်ပါဘူး။ ဒီရုပ်ရှင်နဲ့ မက်ဂီချောင်ဟာ ဘာလင်အပါအဝင် တခြားရုပ်ရှင်ပွဲတော်တွေမှာ သရုပ်ဆောင်ဆုရခဲ့ပါတယ်။ တခြားလူသိများတဲ့ မင်းသားတွေအနေနဲ့ ဘစ်တိုနီလို့ ဟောင်ကောင်ရုပ်ရှင်လောကမှာ လူသိများတဲ့ တိုနီလျောင်ခဖိုင်နဲ့ တိုနီလျောင်ချူဝေရဲ့မိန်းမ ကာရီနာလောင်တို့ပါပါတယ်။ တိုနီလျောင်နှစ်ယောက်ဖြစ်နေလို့ ခဖိုင်ကို ဘစ်တိုနီလို့ နာမည်ပေးထားကြတာပါပဲ။ ရုပ်ရှင်ပွဲတော်အများစုမှာ best actress ဆုတွေရခဲ့ပြီး ရုပ်ရှင်ပွဲတော် ၂ခုမှာတော့ Best Cinematography ,Best Art Direction , Best Original Film Score ,Best Original Film Song ဆုတွေရခဲ့ပါတယ်။ နာမည်ကျော်ဝေဖန်ရေးဆရာတစ်ယောက်ဆို ၁၉၉၀ခုနှစ်ရဲ့ တစ်ကမ္ဘာလုံးမှာ ထွက်ခဲ့သမျှထဲ သူ့အကြိုက်ဆုံးကားလို့ ဆိုခဲ့ဖူးပါတယ်။ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(1.5GB) Quality__720p IMDb Rating__7.5/10 Format__mp4 Duration__02:06:00 Type__Biography, Drama, Romance Subtitle__Myanmar Subtitle (Hardsub) Translated by WiRa Aung Encoded by Naing Aung Latt

CM ကနေ ဒီတစ်ခါမှာတော့ ခေတ်ရေစီးကြောင်းအလိုက် မကောင်းမှုတွေကျူးလွန်တဲ့အကြောင်းကို ရိုက်ကူးထားတဲ့ ဇာတ်ကားလေးနဲ့ မိတ်ဆက်ပေးချင်ပါတယ် ဇာတ်လမ်းလေးကတော့ အက်တာနက်ပေါ်ကနေ လိမ်လည်မှုတွေကို လိုက်လံဖမ်းဆီးမှုတွေ တင်းကြပ်လာတဲ့အချိန်မှာတော့ မကောင်းမှုကျူးလွန်သူတွေကတော့ လုပ်နေကျအတိုင်း မလုပ်ရမနေနိုင်ဘဲ ဆက်လက်လုပ်ကိုင်ရာကနေမှ နောက်ဆုံးမှာ ဘဝနိဂုံးချုပ်သွားရတဲ့အကြောင်း မကောင်းမှုကျူးလွန်ရတဲ့အကြောင်းရင်းအမြောက်အမြားရှိသော်ငြားလည်း မကောင်းမှုပြုသူတို့ဟာ မကောင်းမှုမှန်သမျှတို့ရဲ့ အကျိုးဆက်ကို ပြန်လည်ခံစားသွားရတဲ့အကြောင်းကို ရိုက်ကူးပြသထားတာဖြစ်ပြီးတော့ ဒီကားလေးကနေတစ်ဆင့် ယနေ့ခေတ်မှာဖြစ်ပျက်နေတဲ့ နည်းပညာပိုင်းဆိုင်ရာလိမ်လည်မှုတွေကို သင်ခန်းစာယူလို့ရတာဖြစ်လို့ ကြည့်ရှုကြည့်ဖို့ တိုက်တွန်းလိုက်ပါတယ်နော်....... Quality : WEB-DL 1080p , 480p Format : mp4 Genres : Action , Crime Runtime : 1h 20 min Subtitle : Myanmar Subtitle ( Hardsub ) Translated by CM Team Reviewed By Kyawt Encoded by LK

အနာဂတ်မှာ စစ်ပွဲတွေဖြစ်ပြီး စစ်ပွဲမှာသုံးတဲ့ ဓာတုလက်နက်တွေရဲ့ ဘေးထွက်ဆိုးကျိုးတွေ‌ကြောင့် ကမ္ဘာကြီးမှာ ကပ်ဘေးရော အငတ်ဘေးပါ ကြုံနေတဲ့အချိန်၊ အဲ့အချိန်ကာလကို ဇာတ်အိမ်တည်ထားတဲ့ ဩစတြီးယား Sci-Fi ဇာတ်ကားတစ်ကားဖြစ်ပါတယ်။ တပ်မှူး ဝက်ဂ်နာ နဲ ဓာတုဗေဒပညာရှင် ဒေါက်တာ ကရိုင်လို တို့နှစ်ယောက် အာကာသစခန်းဆီ သွားဖို့အတွက် ယာဉ်ပျံနဲ့ထွက်လာပေမယ့်။ လမ်းပျောက် သွားလို့ ဝက်ဂ်နာ က လက်စွမ်းပြပြီး ကိုယ်တိုင်မောင်းပေးလိုက်လို့ စခန်းကို ဆိုက်ဆိုက်မြိုက်မြိုက်ရောက်သွားတယ်ပေါ့။ နောက်ရက်နည်းနည်းကြာတော့ ကမ္ဘာနားမှာ မြူတွေဖုံးနေလို့ စုံစမ်းကြည့်ဖို့ ယာဉ်တစ်စင်းလွှတ်လိုက်ပေမဲ့ အဲဒီယာဉ်က မြူတွေထဲပိတ် အဆက်အသွယ်ပျက်သွားလို့ ဝက်ဂ်နာတို့နှစ်ယောက် မြူတွေကြောင့် အသက်ရှူကြပ်နေတဲ့ ယာဉ်ပေါ်ကလူကို ကယ်ပေးလိုက်ရတယ်။ ကမ္ဘာကြီးမှာလည်း ခံတပ်တွေထဲ‌ဝင်ပုန်းပြီး ရှင်တဲ့သူကရှင် အပြင်မှာသေတဲ့လူ ကလည်းသေကုန်ကြပြီ ကံကကောင်းချင်တော့ ဒေါက်တာ ကရိုင်လိုက အောက်စီဂျင် ထုတ်ပေးတဲ့ရေညှိတွေကိုစမ်းသပ်ထုတ်နေတာဆိုတော့ သူတို့ ကမ္ဘာကိုပြန်ပြီး အသက်ရှင်နေတဲ့လူတွေကို ကူညီမလား။ သူတို့ဒီအတိုင်း ယာဉ်ပေါ်မှာပဲနေပြီး တစ်‌ကိုယ်ကောင်းဆန်မလားဆိုတာကို ကြည့်ရမယ့် ဇာတ်ကားလေးဖြစ်တယ်။ (ဒီဇာတ်လမ်းရဲ့အညွှန်းကို Khant Sett Naing မှရေးသားပေးပြီး၊ ဘာသာပြန်ရေးသား ပေးသူများကတော့ May Thet Khine Soe, Khant Sett Naing တို့ဖြစ်ပါတယ်) File Size..........(1.13 GB) / (650 MB) / (330 MB) Quality............WebRip 1080p / 720p / 480p Duration.........1Hr 50mins Subtitle...........Myanmar Hardsub Format............MP4 Genre..............Drama, Sci-Fi Translator.......May Thet Khine Soe, Khant Sett Naing Encoder..........SWM

Suzhou River (2000) ———————– Directed by Lou Ye အဖြူစွတ်စွတ်တွေ… အလွမ်းပြာပြာတွေ… အမှီသဟဲတွေ… ဒိုက်သရိုက်တွေ… မုသားတွေ… ဝေးလွင့်ကင်းကွာခြင်းတွေ… ဒဏ္ဍာရီတွေ… မြစ်တစ်စင်းဟာ သိမ်ဆည်းထားတယ်။ အသစ်တွေ ဘယ်လိုပဲ ကမ်းကုန်အောင်ခြယ်သပါစေ လမ်းဆုံအောင်ဆယ်မရပါတဲ့ မြစ်တစ်စင်းရဲ့ ရပ်ဝန်းက အဟောင်းတွေ ။ မြစ်တစ်စင်းပေါ် စီးဆင်းနေတဲ့ အတိတ်အက်ကြောင်း နေ့ရက်ဟောင်းတွေကို ဘယ်လိုမှော်ဆေးနဲ့ ဖာထေးမလဲ။ ဒီအိပ်မက်တွေ လွမ်းသူပျိုု့မစပ်ချင်တော့လည်း ဒီမြစ်ကြီးကို မီးတင်ရှို့လို့မှမရနိုင်ခဲ့။ ဆူကျိုးတံတားထက် လက်ပိုက်ရင်းလျှောက်လာတဲ့ သူမရဲ့ ပုံရိပ်တွေ။ ရပ်တန့်ရင်းစောင့်လည်း အဖတ်ဆည်မရတော့ပါတဲ့ ဒဏ္ဍာရီအပျက်တွေ။ ပြောကြတယ် ဒီမြစ်ကြီးထဲမှာ ရေသူမတစ်ကောင်ရှိသတဲ့။ ကျွန်တော်မယုံခဲ့ပါဘူး။ လူတွေပြောနေကျ ယုံတမ်းစကားတွေဟာ ဖြေရှင်းမဆုံးနိုင်အောင် မကုန်မခန်းနိုင်တွေပဲမို့လား။ သူမနဲ့ပထမဆုံးတွေ့တော့ ဘာရယ်ဘာကြောင့်မသိ အဲဒီယုံတမ်းစကားကို ကျွန်တော်ယုံခဲ့ရတယ်။ သူမဟာ ရေသူမလေးတစ်ကောင်ပါပဲ။ သူမဟာ ရေသူမပါလို့ ဘာအတွက်ဘာကြောင့် ကျွန်တော်ယုံစားခဲ့မိလဲတော့ မသေချာပါဘူးပေါ့။ ချစ်ခြင်းဟာ ဒီလိုပဲမို့လား။ အကျိုးလည်းမသိ အကြောင်းလည်းမသိ အဆိုးလည်းမရှိ အပြောင်းလဲမရှိ။ သူ့မျက်ဝန်းတွေ ကောက်ကာငင်ကာကြီး ညှိုးကျသလို သူ့နှုတ်ခမ်းတွေ ကောက်ကာငင်ကာကြီး ပြုံးပြသလို ရေသူမလေးတစ်ကောင်ဟာ ကျွန်တော့်ဘဝထဲ ဗိန်းဗောင်းဆင့် ရောက်ချလာခဲ့တယ်။ ဒီလိုပါပဲ မနက်မိုးလင်းပေါက်လို့ လူပျင်းတစ်ကောင်ကျောခင်းလောက်ပြီဆို အဲဒီရေသူမကလေးဟာ ဆိုင်းမဆင့်ဗုံမဆင့် ထွက်သွားတတ်တယ်။ အဲဒီရဲ့နေ့တွေဆို မြစ်ခင်းတံတားလေးတစ်စင်းပေါ် သူလက်ပိုက်လို့လျှောက်မလာခင်အထိ ပြတင်းပေါက်နံပါးကနေ ရပ်စောင့်လို့ ကျွန်တော်မျှော်နေတတ်တယ်။ တစ်ခါတလေကျ အဲဒီရေသူမလေးက ကျွန်တော့်ကို အသစ်မဟုတ်တော့တဲ့ ဆူကျိုးမြစ်ရဲ့ ဒဏ္ဍာရီတစ်ပုဒ်ကို ပြောပြတတ်တယ်။ ဟိုးတမျှော်တခေါ် တံတားပေါ်က ခုန်ချသွားတဲ့ကောင်မလေးတစ်ယောက်ကို ရွာရိုးကိုးပေါက် အရှာမဆုံးခဲ့တဲ့ မာဒါလို့ခေါ်တဲ့ လူတစ်ယောက်အကြောင်းပေါ့။ သူပျောက်သွားခဲ့ရင် ကျွန်တော်လည်း သူ့လို ရှာပုံတော်ဖွင့်မလား မေးတော့ ကျွန်တော်လည်း ဘူမသိကိုးမသိ ခေါင်းညိတ်ခဲ့ရတယ်။ အဲဒီနေ့ကစ အိမ်ဝင်းတံခါးအပျက်ကနေ သူကျောခိုင်းလို့ထွက်သွားတိုင်း ဒီနေ့ဟာ သူမကိုမြင်ရတဲ့ နောက်ဆုံးနေ့များဖြစ်နေမလားဆိုတဲ့စိုးစိတ်နဲ့ တိုးတိတ်စိုးထိတ်ခဲ့ရတာပါပဲ။ သာမန်ညနေတစ်ခုရဲ့ သာမန်တိမ်တွေအောက်မှာ သာမန်မဟုတ်တော့တာကတော့ ပိုက်ထားတဲ့လက်ကလေးတွေရဲ့ လမ်းကူးဖို့အပြင်ကို ကျွန်တော် မဖူးမမြင်ရတော့တာပါပဲ။ သာမန်လိုပါပဲ။ ဆူကျိုးမြစ်ကနေ ပင်လယ်ပြင်အထိ ဘောလောမျောရင်း အရှေ့အရပ်ကနေ နေဝန်းထွက်လာလိမ့်မယ်။ မြစ်ရေက ကြည်လင်အေးမြလို့ ငါးတွေ တဖွေးဖွေးလှနေလိမ့်မယ်။ မာဒါက သူ့ကောင်မလေးကို ရှာပုံတော်ဖွင့်သလို သူပုန်းကွယ်ရာအရပ်ကို ကျွန်တော်ရှာမယ်။ ညနေဆို သူလက်ကလေးပိုက်လို့ မြစ်ခင်းတံတားလေးထက်ဆိုက်လာချိန်ကို ကျွန်တော်စောင့်မယ်။ ဒီလိုသာလုပ်ဖြစ်ခဲ့ရင် ကျွန်တော်တို့ရဲ့ အချစ်ဇာတ်လမ်းကလေးက ဆက်လျက်ဖူးပွင့်နေမှာပဲ။ ဒါပေမဲ့လည်း ကျွန်တော် အဲဒီရေသူမလေးကို မရှာဖြစ်ခဲ့ပါဘူး။ ထာဝစဉ်မြဲတဲ့တရားဆို ဒီကမ္ဘာမှာ ဘယ်ရှိလို့တုန်း။ အရက်နောက်တစ်ခွက်သောက်ရင်း မျက်လုံးတွေမှိတ်ရင်း နောက်ထပ် အချစ်တစ်ပွင့် ပွင့်လို့လာမှာကိုပဲ ကျွန်တော် စောင့်စားနေလိုက်တော့တယ်…. ဆူကျိုးမြစ်ရုပ်ရှင်ဟာ တရုတ်ပြည်မရုပ်ရှင်ရဲ့ ခြောက်ဆက်မြောက်မျိုးဆက် ဒါရိုက်တာတွေထဲက နာမည်ကျော်တစ်ယောက်ဖြစ်တဲ့ လုရီရဲ့ နာမည်အကျော်ဆုံး ရုပ်ရှင်ပါပဲ။ သူဟာ ဆင်ဆာကြမ်းတဲ့ တရုတ်အစိုးရရဲ့ ဘန်းတာကို ပထမကားနဲ့တင်ခံခဲ့ရတဲ့သူဖြစ်ပြီး ဒီဒုတိယရုပ်ရှင်ကိုလည်း တရုတ်အစိုးရ ခွင့်ပြုချက် မရှိဘဲ ရုပ်ရှင်ပွဲတော်တစ်ခုမှာပြခဲ့လို့ ၂နှစ်အဘန်းခံခဲ့ရပါတယ်။ တန်ပါတယ် ဆုတော့ရခဲ့ပါတယ်။ သူ့တင်ပြပုံနဲ့ အပေါက်အလမ်းမတည့်တဲ့ တရုတ်အစိုးရ ဘန်းတာကို ခဏခဏခံခဲ့ရပေမဲ့ လုရီဟာ နိုင်ငံတကာအသိအမှတ်ပြုခံရတဲ့ ဒါရိုက်တာတစ်ယောက်တော့ဖြစ်ခဲ့ပါတယ်။ ဒီရုပ်ရှင်ကို မြစ်ကမ်းဘေးက ဂိုဒေါင်တွေ ဘာတွေလို အဟောင်းအနွမ်းနေရာတွေမှာပဲရိုက်ထားပြီး တိုးတက်နေတဲ့ အသစ်အသစ်သောပုံရိပ်တွေကို မသုံးထားခဲ့ပါဘူး။ သူဟာ ဟောင်ကောင်ဒါရိုက်တာ ဝေါင်ကာဝေးရဲ့ လွှမ်းမိုးမှုတစ်ပိုင်းတစ်စရှိနေတဲ့ ရုပ်ရှင်ဒါရိုက်တာတစ်ယောက်လို့ ဆိုကြသလို ဒီရုပ်ရှင်ကနေလည်း ခပ်ဆင်ဆင်အရသာလေးရပါတယ်။ ထူးတာကတော့ အဓိကဇာတ်ကောင်လို့လည်း ပြောလို့ရတဲ့ Narratorကို လူလည်းမပြထားသလို Creditလည်းမပေးထားဘဲ ကိုယ်က အဲဒီလူလို ဝင်ခံစားလို့ရအောင် သူမြင်ရတဲ့ပုံစံကနေ ပြသွားတာကလည်း ဒီရုပ်ရှင်ကို ကျွန်တော်တို့နဲ့ ပိုနီးစပ်သွားစေတဲ့ တစ်ချက်ပဲလို့ထင်ပါတယ်။ နောက်နီးစပ်စေတဲ့အချက်ကတော့ အချစ်နဲ့မြစ်ပေါ့။ မြစ်တစ်မြစ်မှာ ရေနှစ်ခါချိုးမရနိုင်ဘူးလို့ ဘယ်လိုပဲဆိုဆို ကျွန်တော်တို့စိတ်တွေကတော့ ဘယ်သောအခါမှ သစ်မလာနိုင်ဘူးမလား။ စိတ်သစ်လူသစ်ဆိုတာ ပုံပြင်ဟောင်းတွေပဲမို့လား။ ဆူကျိုးမြစ်ရုပ်ရှင်ဟာ လူအဟောင်း စိတ်အဟောင်းတွေကို မြစ်အဟောင်းထဲက ရပ်ဝန်းအဟောင်းကိုခေါ်သွားပြီး အဖြစ်ဟောင်းတွေနဲ့ ခင်ဗျားရဲ့မသိစိတ်ထဲက အဟောင်းတွေကို ပြန်တူးဖော်ပေးမယ့်ရုပ်ရှင်ပါပဲ။ အောက်ဖော်ပြပါကတော့ ခင်ဗျားစိတ်ပါရင် တွဲဖက်ခံစားလို့ရမယ့် သီချင်းဟောင်းလေးပေါ့။ ” တစ်ညမက နှစ်ညမက တစ်ညတစ်ည မင်းခွင့်ပြုသလောက်နဲ့ မင်းလင်းလက်သရွေ့ ငါငြိမ်သက်မြဲပါ ” – ခင်ဝမ်း ( မြစ် ) ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(3.5GB) / (1.22GB) Quality__BluRay_1080p, 720p IMDb Rating__7.4/10 Format__mp4 Duration__01:30:00 Type__Drama, Romance Subtitle__Myanmar Subtitle (Hardsub) Translated by WiRa Aung Encoded by Naing Aung Latt

File size…(1.6 GB)/(791 MB) Quality….Webrip 1080p / 720p Format…mp4 Duration….01:24:00 Genre…Action, Comedy, Horror Subtitle….Myanmar Subtitle (Hardsub) Encoder….Mr. Anderson Translated by Matteo

House of Sand and Fog (2003) ~ IMDb – 7.5/10, RT – 74%, Meta – 71% ~ မြူတွေ သဲတွေကြားက အိမ်ကလေး တစ်လုံးမှာ ဖြစ်သွားတဲ့ ဇာတ်လမ်းလေးတစ်ပုဒ်ပါ။ မမ Jennifer Connelly နဲ့ Ben Kingsley တို့ပါဝင်သရုပ်ဆောင်ထားပြီး အော်စကာ ၃ ဆု ဆန်ခါတင်ပါဝင်ခဲ့ရုံတင်မက အခြားဆု ၁၃ ဆုကို ရရှိထားပါတယ်။ 1999 မှာ ထွက်ရှိထားတဲ့ Andre Dubus III ရဲ့ နာမည်တူ စာအုပ်ဖြစ်တဲ့ House of Sand and Fog ကို ရုပ်ရှင်အနေနဲ့ ပြန်လည်ရိုက်ကူးထားတာပါ။ Crime Drama အမျိုးအစားဖြစ်ပြီး ဇာတ်လမ်းက ရှင်းသလောက် တော်တော်လေးကို မအီမလည်နဲ့ မွန်းကြပ်သလိုခံစားချက်မျိုးပေးတဲ့ ဇာတ်ကားပါပဲ။ ဇာတ်လမ်းအကျဉ်းကတော့ ယောက်ျားက ပစ်သွားတာခံရလို့ အဖေ့ဆီက အမွေရထားတဲ့အိမ်ထဲမှာ အိမ်တွင်းပုန်းပြီးနေနေတဲ့ ကတ်သီနစ်ကိုလိုရဲ့ အိမ်ကို အခွန်ရုံးကလူတွေက ပေးစရာမလိုတဲ့ အခွန်တွေကောက်ပြီး အခွန်မဆောင်တဲ့အတွက် သိမ်းလိုက်ပါတယ်။ သိမ်းထားတဲ့ အိမ်ကိုလေလံတင်လိုက်တဲ့အချိန် ဝယ်တဲ့သူက အစ္စရေးက စစ်ရာဇဝတ်သားတစ်ဖြစ်လဲ အမေရိကန်နိုင်ငံသားခံယူထားတဲ့ ကာနယ်တစ်ယောက်ပါ။ ငွေရှာဖို့လိုနေတဲ့ ကာနယ်က အိမ်ကို ဝယ်ပြီးပြီးချင်း ပြင်လိုက်ပြီး စျေးကိုလေးဆတင်ပြီးရောင်းဖို့လုပ်တယ်။ အဲဒီတော့ အခွန်ရုံးက အမှားဖြစ်တာသိပြီး အိမ်ကို ပြန်ဝယ်ဖို့လုပ်တဲ့အချိန်မှာ ကာနယ်က သူဝယ်ထားတဲ့စျေးနဲ့ လက်မလွှတ်နိုင်ပါဘူးဆိုပြီး ငြင်းတဲ့အချိန်မှာ ပြဿနာတွေဖြစ်ကြတော့တာပါပဲ။ တစ်ဖက်မှာက အဖေအမွေပေးထားတဲ့ အိမ်လေးကို အမြန်ဆုံးပြန်လိုချင်နေတဲ့ အမျိုးသမီးလေး၊ တစ်ဖက်မှာက အိမ်ကနေ အမြတ်ရမှ အဆင်ပြေနိုင်မဲ့ ရွှေ့ပြောင်းမိသားစုတစ်စု၊ အသုံးမကျတဲ့ အခွန်ဝန်ထမ်းတွေရဲ့ လက်ချက်နဲ့ နှစ်ဖက်စလုံးဒုက္ခများသွားတာကိုတွေ့ရမှာပါ။ မွန်းမွန်းကြပ်ကြပ် Crime Drama ဇာတ်ကားမျိုးကြိုက်တဲ့သူတွေ လက်မလွှတ်သင့်တဲ့ ဇာတ်ကားကောင်းတစ်ကားပါပဲ။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size – 2.8GB, 1GB Quality – 1080p, 720p IMDb Rating – 7.5/10 Format – mp4 Duration – 2H 6Min Genre – Crime, Drama Subtitle – Myanmar Subtitle (Hardsub) Translated by 666 Encoded by Y

April Story (1998) ~ IMDb – 7.1/10, Rotten Tomatoes – 81% ~ Directed by “Shunji Iwai” ဂျပန်စီနီမာရဲ့ အားသာချက်က ဘာမှမဟုတ်တဲ့ တစ်နေ့တာအဖြစ်လေးတွေမှာ အလှတရားထင်ဟင်အောင် အလှဆုံးပြနိုင်တာလို့ ဆိုကြတယ်။ ဂျပန်ရုပ်ရှင်တွေကို ကြိုက်တတ်တဲ့ အိုဇုကို သိပ်ချစ်တဲ့ Wim Wenders တောင် Perfect Days ကို အဲဒီဘောင်ထဲ ဝင်အောင် ရိုက်ပြသွားနိုင်ခဲ့တယ်။ အင်တာနေရှင်နယ်ရုပ်ရှင်လောကမှာ အီတလီတို့ ပိုလန်တို့ ပြင်သစ်တို့ ဟောင်ကောင်တို့ ထိုင်ဝမ်တို့က ဘဲတွေ ဟောလိဝုဒ်တက်ရိုက်လိုက်၊ ဂျပန်က ဘဲတွေ ကိုရီးယားကားရိုက်လိုက်၊ ဂျာမန်ကဘဲက ဂျပန်တက်ရိုက်လိုက်ဖြစ်တာက ဆန်းတော့မဆန်းပါဘူး။ ပြဿနာက အဲဒီလိုရိုက်လိုက်တဲ့အခါတိုင်း သူတို့အငွေ့အသက်တွေကျန်ရင်တောင် အပြည့်အဝမရတော့တာပဲ။ ဂျွန်ဝူးတို့ ဝေါင်ကာဝေးတို့ အန်းလီတို့တက်ရိုက်လိုက်တဲ့ ဟောလိဝုဒ်ကားတွေ၊ Kore-eda ရိုက်လိုက်တဲ့ ကိုရီးယားနဲ့ အီဝေကိုယ်တိုင် ရိုက်ထားတဲ့ တရုတ်ကားကို ကြည့်ရင်ကို ဒါက မြင်သာတယ်။ ကျွန်တော်တို့ရဖူးတဲ့ သူတို့အရသာတွေ အပြည့်အဝမရတော့ဘူး။ Kore-eda ရိုက်လိုက်တဲ့ ကိုရီးယားကားဆို ဂျပန်ကားလို့ပြောရမှာလည်း အဆင်မပြေသလို ကိုရီးယားလို့တပ်ဖို့လည်း မဖြစ်နိုင်ဘူး။ Wim Wenders ကတော့ ဂျပန်ကားကို အောင်မြင်အောင်ရိုက်နိုင်ခဲ့တယ်။ အိုဇုနဲ့ ဂျပန်စီနီမာကို ချစ်တာကြောင့် ဒီစီနီမာနဲ့သိပ်ရင်းနှီးနေတာကြောင့်လားတော့ မသိနိုင်ဘူး။ ဆိုလိုရင်းကတော့ ဂျပန်ရုပ်ရှင်တွေရဲ့ အငွေ့အသက်က သီးခြားရပ်တည်နေတယ်။ တခြားနိုင်ငံက သရုပ်ဆောင်တွေသုံးပြီး ဂျပန်ရဲ့ထိတ်ထိတ်ကြဲ ဒါရိုက်တာတွေရိုက်တောင် ဂျပန်ရုပ်ရှင်အငွေ့အသက် အပြည့်ရမှာမဟုတ်ဘူး။ Shunji Iwai ကတော့ အဲဒီဂျပန်ရုပ်ရှင်ရဲ့ အငွေ့အသက်ကို အပေးနိုင်ဆုံး ဒါရိုက်တာလို့ ကျွန်တော်တော့ ပုဂ္ဂလိက အမြင်အရ မြင်တာပဲ။ အီဝေရဲ့ ရုပ်ရှင်အားလုံးနီးပါးဟာ ရိုးရှင်းတယ်။ လှပတယ်။ ဒါပေမဲ့ ထိခတ်တယ်ဆိုတဲ့ အမျိုးအစားတွေပဲ။ ဧပရယ်စတိုရီမှာဆိုလည်း ဇာတ်လမ်းကြာချိန်က ၆၇မိနစ်။ အကြောင်းအရာက ကောင်မလေးတစ်ယောက် အေးချမ်းအေးစိမ့်တဲ့ ဟော့ခိုင်ဒိုကနေ နွေးထွေးစည်ကားတဲ့ တိုကျိုကို တက္ကသိုလ်သွားတက်တဲ့ ကနဦးအချိန်ကို ရိုက်ပြထားတာ။ တိုကျိုရောက်တယ်။ နေရာချတယ်။ ကျောင်းတက်တယ်။ သူငယ်ချင်းတွေတွေ့တယ်။ ကျောင်းမှာနည်းနည်းဖြတ်သန်းပြတယ်။ တိုကျိုမှာ တစ်ကိုယ်ရေနေနေတဲ့ သူ့ဘဝကိုပြတယ်။ ဒါပဲ။ ဘာမှမပိုဘူး။ အဲဒီကောင်မလေးနေရာက Takako Matsu က သရုပ်ဆောင်ထားတယ်။ သူ့ရဲ့ဓာတ်ရယ် အီဝေရဲ့ဓာတ်ရယ် ပေါင်းလိုက်တဲ့အခါ ဒီရိုးရှင်းတဲ့ဇာတ်လမ်းက ဘာမှပြစရာမရှိတော့တာတောင် တိုလွန်းတယ် ခံစားရတဲ့အထိ အရသာပေါ်လာတယ်။ တစ်ခန်းမှာ ကျွန်တော်ပြေးမြင်တာက ကိုရီးယားရိုမန့်တွေထဲ ကျွန်တော်အကြိုက်ဆုံးဖြစ်ဖူးတဲ့ဖြစ်နေဆဲဖြစ်တဲ့ The Classic က အလှဆုံးအခန်းကိုပဲ။ အဲဒီအခန်းဟာ The Classic ကို အလှပဆုံးဖြစ်စေခဲ့သလိုပဲ ဧပရယ်စတိုရီမှာလည်း အလားတူအခန်းက ဒီဇာတ်လမ်းကို ကြည့်လို့မဝနိုင်ဖြစ်သွားစေတယ်။ ၂ကားလုံးကြည့်ဖူးရင်တော့ သတိထားမိကြမှာပါပဲ။ သေချာတာတော့ April Story (1998) ဟာ အီဝေရဲ့အပြတွေကို လူ့ပြည်မှာ နိဗ္ဗာန်တည်ထားသလိုလို့ ပြောကြတာမလွန်ကြောင်း သက်သေတစ်ခုပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 1.3GB, 650MB Quality – 1080p, 720p IMDb Rating – 7.1/10 Format – mp4 Duration – 1H 7Min Genre – Drama, Romance Subtitle – Myanmar Subtitle (Hardsub) Translated by WiRa Aung Encoded by Y

Kaagaz 2 (2024) IMDb – 7.6/10 2021 တုန်းက အိန္ဒိယအစိုးရနဲ့ 19 နှစ်တိတိ ယှဉ်ပြိုင်ခဲ့တဲ့ လူတစ်ယောက်အကြောင်း ရိုက်ကူးထားတဲ့ Kaagaz 1ရဲ့အောင်မြင်မှုတွေအပြီးမှာတော့ Kaagaz 2 ထပ်မံထွက်ရှိလို့လာပါပြီ။ Life Struggleကိုပြသချင်တာချင်းတော့တူပေမဲ့ ဒီတစ်ခါမှာတော့ political satire မဟုတ်ဘဲ past traumaတွေနဲ့အိန္ဒိယစစ်သားလေးတစ်ယောက်ရဲ့ သူရဲကောင်းဘဝခရီးလေးပေါ့။ ငယ်ငယ်ထဲက ဆရာမကဘာလုပ်ချင်လဲမေးရင် စစ်သားကြီးဖြစ်ချင်တယ်လို့ဖြေခဲ့တဲ့ အူဒေးတို့သူငယ်ချင်းနှစ်ယောက် အရွယ်ရောက်လာတော့ အိပ်မက်အတိုင်းပဲ စစ်ထဲဝင်လို့ စစ်သင်တန်းကျောင်းတက်ကြတာပေါ့။ စစ်ယူနီဖောင်းကသာကြည့်ကောင်းပေမဲ့ တပ်စည်းကမ်းနဲ့ တပ်လေ့ကျင့်ရေးတွေက ပျော်စရာမဟုတ်တဲ့အတွက် အူဒေးတစ်ယောက် စိတ်ညစ်လာပါတော့တယ်။ တကယ်တော့ သူစစ်ထဲဝင်ချင်တာ မိသားစုဂုဏ်ကြောင့်တို့ အမိမြေကြီးကိုချစ်လို့တို့မဟုတ်ဘဲ Daddy Issues တွေနဲ့ကြီးပြင်းခဲ့တဲ့သူဆို‌တော့ သူသတ္တိရှိကြောင်းကိုပြချင်ခဲ့တဲ့အတွက်ပါ။ ဒီလိုနဲ့ပဲ ထွက်မယ်တကဲကဲလုပ်နေတဲ့အူဒေးကို သူငယ်ချင်းက ချစ်သူမွေးနေ့မှာ ခိုးထုတ်ပေးမယ်ဆိုပြီး ချွေးသိပ်လိုက်တာပေါ့။ ချစ်သူတာနူနဲ့တွေ့ပြီးအပြန်မှာ လူတစ်စုက မိန်းကလေးကို ဣန္ဒြေပျက်အောင် စော်ကားနေတာမြင်တော့ သူရဲကောင်းဖြစ်ချင်နေတဲ့အူဒေးလည်း ထုံးစံအတိုင်း ဟီးရိုးဝင်လုပ်ပါတော့တယ်။ ဟီးရိုးဆိုရင် ချီးမြှောက်ခံရမယ်ထင်ပေမဲ့ လက်တွေ့မှာ အိန္ဒိယစစ်စည်းကမ်းနဲ့အပြစ်ပေးခံလိုက်ရတော့ ကျောင်းပြေးလေးလုပ်ချင်နေတဲ့အူဒေးတစ်ယောက် ရင်ထဲကအစိုင်အခဲတွေကြီးမားလာတဲ့အခါ…. အူဒေးတစ်ယောက် ကျောင်းပြေးလေးပဲဖြစ်သွားမလား တပ်ထဲမဝင်ခင်က သူရဲဘောမကြောင်ဘဲ သူရဲကောင်းလုပ်မယ်ဆိုတဲ့ သူ့ရဲ့ကတိကိုပဲ ဖြည့်ဆည်းနိုင်သွားမလားဆိုတာ ဆက်လက်ရှုစားကြပါဦး။ (အညွှန်းနဲ့ဘာသာပြန်ကတော့ CM Bollywood Team မှပဲဖြစ်ပါတယ်)

Sibila ( 2023 ) စီဘယ်လ် ဒီတစ်ခါ CM ပရိသတ်ကြီးကို တင်ဆက်ပေးမှာကတော့ Sibila ဆိုတဲ့ ဖြစ်ရပ်မှန်ပေါ်တူဂီကားပဲဖြစ်ပါတယ်။ မှတ်တမ်းတင်ရုပ်ရှင်ကားမျိုးဖြစ်ပြီး ၂၀ရာစုအလယ်ပိုင်း ပေါ်တူဂီမြောက်ပိုင်း ကျေးလက်ဒေသကို အခြေတည်ရိုက်ကူးထားတာဖြစ်ပါတယ်။ ဇာတ်လမ်းကတော့ Sibila ဆိုတဲ့အမျိုးသမီးရဲ့ ငယ်စဉ်ဘ၀ကနေ စတင်ထားပါတယ်။ အိမ်မှာအချစ်မခံရတဲ့ ဒီမိန်းကလေးဟာ အမည်မသိရောဂါတစ်ခုကြောင့် တစ်နှစ်လောက်အိပ်ရာထဲလဲပြီးနောက်မှာတော့ အကြားအမြင်ရသလိုလို နမိတ်ဖတ်သူလိုလိုနဲ့ အားလုံးရဲ့အာရုံစိုက်မှုတွေရအောင် ဖန်တီးလာပါတယ်။ နောက်ပိုင်း သူ့အဖေသေပြီး မောင်တွေလည်း တကွဲတပြား ကိုယ့်အိမ်ကိုယ်တည်ထောင်ပြီးနေကြပါတော့တယ်။ အဲဒီကနေ သူ့ရဲ့သက်လတ်ပိုင်းဘ၀နဲ့ မှတ်တမ်းတင်ရုပ်ရှင်ရိုက်ရလောက်အောင် ဘာအကြောင်းများရှိလို့လဲဆိုတာတွေကိုတော့ သူနဲ့အတူငယ်ဘ၀ကနေ ကြီးတဲ့အထိ လိုက်ပါခံစားပေးပါဦးဗျာ ( အညွှန်းနဲ့ဘာသာပြန်ကတော့ Yunni , KKKZ, Bluri , Zwe Yan , LinnLunn တို့ပဲဖြစ်ပါတယ် )

The Rover (2014) review The Rover ဟာ Western Film ဆန်ဆန် ရိုက်ကူးထားတဲ့ ဩစတြေးလျ ဇာတ်ကားတစ်ကား ဖြစ်ပါတယ်။ ကမ္ဘာ့စီးပွားရေးပျက်ကပ်အပြီး ၁၀ နှစ်အကြာ ဩစတြေးလျရဲ့ လူအရောက်အပေါက်နည်းတဲ့ သဲကန္တာရဆန်ဆန် နေရာတစ်ခုကို အခြေတည်ထားပြီး အဓိကဇာတ်ဆောင်တွေအဖြစ် Guy Pearce နဲ့ Robert Pattinson တို့ ပါဝင်သရုပ်ဆောင်ထားပါတယ်။ ဇာတ်လမ်းအနေနဲ့ ဩစတြေးလျရဲ့ ကြီးမားတဲ့တောဧရိယာတစ်ခုလုံးဟာ စွန့်ပစ်နယ်မြေ ဖြစ်နေပြီး ဥပဒေမဲ့ ရမ်းကားမှုတွေ ကြီးစိုးနေပါတယ်။ လုယက်မှုတစ်ခု မအောင်မြင်တဲ့နောက်မှာတော့ အာချီ၊ ကေလက်ဘ်နဲ့ ဟင်နရီက ထွက်ပြေးခဲ့ပြီး ဟင်နရီ ရဲ့ ညီ ရေး (Robert Pattinson) ကို ဒဏ်ရာကြောင့်သေပြီလို့ ယူဆကာ ထားခဲ့ကြပါတယ်။ ရေးကို ထားခဲ့ရတဲ့အပေါ် အာချီ နဲ့ ဟင်နရီတို့ အချင်းများရာကနေ ၃ ယောက်သားစီးလားတဲ့ ကားက လမ်းကနေ တိမ်းချော်ပြီး အပျက်အစီးပုံထဲကို ဝင်တိုးခဲ့ပါတယ်။ ကားကို ပြန်ဆွဲမထုတ်နိုင်တဲ့နောက် အာချီက လမ်းဘေးက တွေ့တဲ့ကားတစ်စီးကို သော့ဖျက်ပြီး ခိုးယူမောင်းနှင်သွားခဲ့ပါတယ်။ သူမသိတာကတော့ အဆိုပါကားက တစ်ကိုယ်တည်းသမား အဲရစ် (Guy Pearce) ရဲ့ ကားဖြစ်နေတာပါပဲ။ အဲရစ်က သူတို့ရဲ့ကားကို ဆွဲထုတ်နိုင်ခဲ့ပြီးတော့ နောက်ကနေ တောက်လျှောက်လိုက်လာခဲ့ပါတယ်။ အတော်လေးအကြာမှာ ဟင်နရီက အဲရစ်ကို ကားရပ်ပြီး ဆင်းတွေ့ခဲ့ပါတယ်။ အာချီက ထုံးစံအတိုင်း အာဝင်ချောင်တော့ အဲရစ်က လည်ပင်းထညှစ်တာ ခံရပါတယ်။ ဟင်နရီလည်း အဲရစ်ကို သေနတ်ဒင်နဲ့ မိတ်ဆက်ပေးပြီး လမ်းပေါ်မှာ တစ်ရေးသိပ်ခဲ့ပါတယ်။ အဲရစ်လည်း နိုးလာခဲ့ပြီးတော့ သူတို့ရဲ့ထရပ်ကားကြီးနဲ့ပဲ ကားပျောက်ရှာပုံတော်ဖွင့်ပါတော့တယ်။ နေရာ တော်တော်များများကို ဝင်မေးပြီးတဲ့နောက်မှာ ဟင်နရီတို့သေပြီလို့ထင်ကာ ထားခဲ့တဲ့ ရေးနဲ့ တွေ့ခဲ့ပါတယ်။ ရေးကလည်း သူတို့ကားကိုတွေ့တော့ သူ့အစ်ကို ဟင်နရီအကြောင်းကို မေးသလို အဲရစ်ကလည်း ရေးရဲ့အစ်ကို ဘယ်မှာလဲ အတင်းမေးမြန်းခဲ့ပါတယ်။ သေနတ်ဒဏ်ရာနဲ့ ပင်ပန်းမှုဒဏ်ကြောင့် မေ့လဲသွားတဲ့ ရေးကို စတိုးဆိုင်ပိုင်ရှင်အကူအညီနဲ့ ဆရာဝန်တစ်ယောက် ရှိတဲ့ဆီကို ခရီးဆက်ခဲ့ပါတယ်။ ရေးရဲ့ဒဏ်ရာကို ခွဲစိတ်အပြီးမှာတော့ ဟင်နရီ ရှိနိုင်မယ့်နေရာကို ရေးကို သေနတ်နဲ့ချိန်ပြီး မေးပါတော့တယ်။ ရေးက သူကိုယ်တိုင် လိုက်ပို့ပေးမယ်လို့ သိမ်းသွင်းကာ ရည်ရွယ်ချက်မတူတဲ့ လူနှစ်ယောက်ရဲ့ တူညီတဲ့ခရီးစဉ်ကို စတင်ပါတော့တယ်။ သူ့ရဲ့ကားနောက်ကို ရေကုန်ရေခမ်းလိုက်နေတဲ့ အဲရစ်ရဲ့ တကယ့်ရည်ရွယ်ချက်က ဘာလဲ…. ရေးရဲ့ သူ့အစ်ကို ကို တွေ့ချင်စိတ်က သံယောဇဉ်လား လက်စားချေချင်စိတ်လား… တစ်ခရီးတည်းသွားကြမယ့် သူတို့နှစ်ယောက်ကရော ရည်ရွယ်ချက်တွေ ပြည့်မြောက်နိုင်မလား ဆိုတာကတော့ မေးခွန်းထုတ်စရာဖြစ်ပါလာတော့တယ်။ File size… 1.4 GB / 577 MB Quality… BluRay 1080p / 720p Format… mp4 Duration…. 1h 45m Genre ….. Action / Crime / Drama Subtitle…. Myanmar Subtitle (Hard Sub) Encoder…. Thit San Khant Translated by Sai Sumali

“Retreat Vama Veche” ဆိုတဲ့ရိုမေးနီးယားရုပ်ရှင်က Eva ဆိုတဲ့ ဇာတ်ကောင်ဟာ သူ့ရဲ့မေ့မရနိုင်တဲ့ဘဝဇာတ်လမ်းကို ပြန်ပြောပြတဲ့ ပုံစံအဖြစ်ရိုက်ကူးထားတဲ့ကားလေးဖြစ်ပါတယ်။ ဇာတ်လမ်းလေးရဲ့အစကိုတော့ Evaနဲ့ သူ့အချစ်ဆုံးသူငယ်ချင်း နှစ်ယောက်တို့ရဲ့ သူငယ်ချင်းဆက်ဆံရေးနဲ့အစပြုထားပါတယ်။ Evaဟာ သူမင်္ဂလာဆောင်ဖြစ်မဲ့အချိန်ကျရင်Vamaဆိုရဲ့ရွာလေးကို အတူတူပြန်လာကြမယ်လို့ ကတိပေးခဲ့ပါတယ်။ ကတိပေးထားတဲ့အတိုင်းကမ်းခြေရွာလေးကို သုံးယောက်သား ပြန်သွားဖြစ်တဲ့အခါ Evaတို့က မထင်မှတ်ထားတဲ့အရာတစ်ခုနဲ့ ကြုံတွေ့ခဲ့ရပါတော့တယ်။ အကြောင်းကတော့ Evaဟာ ငယ်စဥ်ကတည်းက ချစ်ခဲ့ရပြီး အကြောင်းပြချက်မရှိဘဲ ပျောက်ကွယ်သွားခဲ့တဲ့ မေ့မရနိုင်ခဲ့တဲ့ ငယ်ချစ်ဦးနဲ့ပြန်တွေ့ခဲ့ရလို့ပါပဲ။ သူ့ငယ်ချစ်ဦးကလည်း မိန်းမရနေပြီးသားဖြစ်နေပါတယ်။ အဲ့လိုနဲ့ Eva က အကြောင်း ပြချက်မပေးဘဲ ပျောက်ကွယ်သွားရခြင်းရဲ့အမှန်တရားကို သိရဖို့ကြိုးစားပါတော့တယ်။ Evaက အမှန်တရားကို သိရဖို့ဘယ်လိုအခက်အခဲတွေနဲ့ကြုံတွေ့ရမှာလဲ။ အမှန်တရားကို လက်ခံနိုင်ခဲ့သလား စတာတွေကို ကြည့်ရှူခံစားရမယ့် အပြင် comedy ကားလေးဖြစ်တာမိုလို့ တစ်ကားလုံးမပျင်းရဘဲ သူငယ်ချင်းသုံးယောက်ရဲ့ ဘဝအခက်အခဲပြဿနာတွေကို ပေါ့ပေါ့ပါးပါးနဲ့ ကြည့်နိုင်မဲ့ကားလေးလည်းဖြစ်ပါတယ်။ File size… (1.88GB) / (0.99GB) Quality… WEB-DL 1080p HEVC / 720p Format…mkv / mp4 Duration….1h 30m Genre ….. Comedy Subtitle….Myanmar Subtitle (Hard Sub) Encoder….Min Wai Translated by Koo Luu Moo

ဟိုးယခင်တည်းက တရုတ်ပြည်ကြီးမှာ နာမည်ကြီးတဲ့ဓလေ့ထုံတမ်းစဉ်လာတခုရှိကြတယ်။ ဒါကတော့ မွေးမွေးချင်းမငိုတတ်တဲ့မွေးကင်းစကလေးတွေဟာ သရဲ တစ္ဆေစတဲ့နာနာဘာဝတွေကိုမြင်နိုင်ပြီးတော့ အနာဂတ်ကိုကြိုတင်မြင်နိုင်စွမ်းရှိကြတယ်လို့ပြောကြတယ်။ ဒီလိုမွေးကင်းစကလေးတွေကို ဒေသအလိုက် ပြောင်းခေါ်လေ့ရှိပြီးတော့ ဒီကားလေးထဲမှာချင်းရွှေမြို့ဆိုတဲ့မြို့လေးတစ်မြို့မှာတော့ သူတို့ကိုသိုက်ကလာသူတွေလို့ခေါ်ကြတယ်။တနေ့မှာ ရွာအကြီးအကဲမိသားစုထဲ သမီးလေးတစ်ယောက်မွေးဖွားလာပြီးတော့သူ့ကို ကျင်းလင်လို့အမည်မှည့်ပေးခဲ့တယ်။ အဲ့သမီးလေးက သိုက်ကလာသူဖြစ်နေမှန်းသိကြတဲ့အခါ ရွာသားတွေက သူ့သမီးကိုဖမ်းချုပ်ပြီး သမီးခန္ဓာကိုယ်ထဲကမြေခွေးမကောင်းဆိုးဝါးကို ဖယ်ထုတ်ဖို့မီးရိူ့သတ်ပစ်ကြိုးစားကြပါတော့တယ်။ ဒီအချိန်မှာပဲ မြေခွေးဖြူလေးတကောင်ရွာထဲကိုရောက်လာတဲ့အချိန်မှာ ရွာသားတွေကကျင်းလင်ဟာမြေခွေးမကောင်းဆိုးဝါးဖြစ်ကြောင်း ပိုမိုယုံကြည်လာကြတဲ့အချိန်မှာ စုန့်ထိုက်လိုင်လို့အမည်တွင်ပြီး သိုင်းလောကမှာတော့ သခင်ကြီး (၉) လို့နာမည်တွင်တဲ့အဖိုးအိုက လာရောက်တားဆီးပြီးကျင်းလင်ကိုကယ်တင်ပေးခဲ့တယ်။ အဲ့အချိန်ကနေစပြီး ချင်းရွှေမြို့မှာဆက်တိုက်ထူးဆန်းတဲ့ကိစ္စတွေပေါ်ပေါက်လာပြီးတော့ ဒီအမှုကိုဖြေရှင်းပေးဖို့သခင်ကြီး (၉) ကိုတောင်းဆိုတဲ့အခါမှာတော့ဘာတွေဆက်ဖြစ်ကြမလဲ

Dead Again (2017) ***************** ထူးဆန်းတဲ့ ကျိန်စာဆိုးတွေ ဆန်းကြယ်မှုတွေနဲ့ ပြည့်နှက်တဲ့ ကားမျိုးကို သဘောကျတဲ့ ပရိသတ်တို့အတွက် More Then Friend, Korea-Khitan War တို့က မင်းသား Kim Dong Jun၊ Kim Sung Yoonနဲ့ Joo Ah Reum တို့က အဓိက ပါဝင်ထားတဲ့ Horror ကားလေးတစ်ကားကို တင်ဆက်ပေးလိုက်ပါတယ်။ ဇာတ်လမ်းအညွှန်း **************** Thomas က ရှေးဟောင်းနယ်မြေတစ်ခုမှာရှိတဲ့ ဒိုင်ယာရီအဟောင်းတစ်ခုကို ကောက်ရခဲ့တယ်။ ဒိုင်ယာရီထဲက စွဲလမ်းဖို့ကောင်းတဲ့ ပုံပြင်တစ်ပုဒ်ကို ဖတ်နေတုန်းမှာပဲ ဒီဒိုင်ယာရီထဲမှာ ကြောက်ဖို့ကောင်းတဲ့ ကျိန်စာတစ်ခုရှိနေတာ သိလိုက်ရပါတယ် ။ စာရေးဆရာ Jeong Hoon က ဒိုင်ယာရီကို ရေးခဲ့သူဖြစ်ပြီး ဒီစာအုပ်ကို စထိလိုက်တာနဲ့ အဲဒီလူက ကျိန်စာကို ဖြစ်မြောက်အောင် ဆောင်ရွက်ပေးမဲ့သူဖြစ်သွားစေသတဲ့ .. အဲဒါကို မယုံကြည်တဲ့ Thomas ဟာ စာအုပ်ထဲက အချက်အလက်တွေကို စူးစမ်းရှာဖွေရင်းနဲ့ စာရေးဆရာ Jeong Hoon အကြောင်းသာမက နောက်ကွယ်မှာ နတ်ဆိုးကိုးကွယ်မှုတွေပါ ပါဝင်ပတ်သက်နေတာကို သိလိုက်ရတဲ့အခါ .. File size…1.29GB / 513MB Quality… WEB-DL 1080p/ 720p Format…mp4 Duration….1 hr. 31 min. Genre ….. Mystery, Horror, Romance, Supernatural Subtitle….Myanmar Subtitle (Hard Sub) Translated by Yati Naing & Vanessa Encoded by AHtet

Mudo Kannu (2024) “သွေးပျက်စရာ မှုခင်း” တေလဂူး မှုခင်းရုပ်ရှင်ဇာတ်လမ်းလေးတစ်ပုဒ်ပါ ဇာတ်လမ်းအစမှာ သတင်းသမားတစ်ယောက်က အငြိမ်းစားရဲအရာရှိကို အင်တာဗျူးရာကနေ စထားပါတယ် ရဲအရာရှိကြီးရဲ့ ရဲလုပ်သက်တစ်လျှောက်လုံးမှာ မမေ့နိုင်တဲ့ မှုခင်းဖြစ်ရပ်တွေရှိနေပါတယ် အဲဒီထဲကတစ်ခုကတော့ ကလေးနှစ်ယောက်ကို သတ်ပြီး အလောင်းနဲ့ထွက်ပြေးသွားတဲ့ ဖခင်တစ်ယောက်အမှုပါပဲ ဒီဖြစ်စဉ်မှာ အိမ်မွေးခွေးလေးတစ်ကောင် ကလေးနှစ်ယောက်ကို ကိုက်မိတာကနေစလို့ ဘယ်လိုအခြေအနေထိ ရောက်သွားခဲ့လဲ ရက်ရက်စက်စက် လူသတ်မှုကရော ဘယ်လိုအကြောင်းရင်းကြောင့်များလဲ…။ နောက်ထပ် ရာဇဝတ်မှုခင်းတွေကရော ဘာတွေလဲဆိုတာ ကြည့်ရှုအားပေးကြပါဦး။ အညွှန်းနဲ့ ဘာသာပြန်ကတော့ KKKZ ~ V ~ Yunni တို့မှ ဖြစ်ပါတယ်

Drive Back Home” (2024) ဇာတ်ကားက ၁၉၇၀ ခုနှစ်က ကနေဒါရဲ့ ဆောင်းရာသီမှာ တည်ထားတဲ့ ဒရာမာဇာတ်လမ်းလေးတစ်ပုဒ်ပါ။ ဇာတ်လမ်းက ညီအစ်ကိုနှစ်ယောက်ရဲ့ ဆက်ဆံရေးကို ခံစားမှုအပြည့်နဲ့ ရိုက်ပြထားတယ်။ ဝဲလ်ဒန် (Weldon) ဆိုတဲ့ နယ်မြို့လေးက ရိုးသားတဲ့ ပိုက်ပြင်သမားတစ်ယောက်ဟာ သူ့အစ်ကိုဖြစ်သူ ပါလီ (Perley) ကို ထောင်ကနေ လွှတ်ပေးဖို့ မိခင်ရဲ့အမိန့်နဲ့ တိုရွန်တိုကို ခရီးထွက်ရပါတယ်။ ပါလီဟာ လိင်တူချစ်သူတစ်ယောက်ဖြစ်ပြီး အဲဒီခေတ်က လူထုအလယ်မှာ လိင်ဆက်ဆံတာကြောင့် ဖမ်းခံရတာပါ။ ဒီလိုနဲ့ နှစ်ပေါင်းများစွာ အဝေးမှာ နေခဲ့ကြတဲ့ ညီအစ်ကိုနှစ်ယောက်ဟာ မိခင်ရဲ့ ဆန္ဒအရ နယူးဘရန်းစဝစ်ကို အတူတူ ကားနဲ့ ပြန်လာရပါတယ်။ ဒီခရီးစဉ်က ရိုးရှင်းတဲ့ အိမ်ပြန်လမ်းတစ်ခုမဟုတ်ဘဲ သူတို့ရဲ့ အတိတ်က စိတ်ဒဏ်ရာတွေ မိသားစုရဲ့ ဖိနှိပ်မှုတွေနဲ့ လူ့အဖွဲ့အစည်းရဲ့ ဘက်လိုက်မှုတွေကို ရင်ဆိုင်ရတဲ့ စိတ်ခံစားမှု ခရီးတစ်ခုပါပဲ။ ဝဲလ်ဒန်ရဲ့ ရိုင်းစိုင်းတဲ့ သဘောထားနဲ့ ပါလီရဲ့ ပြတ်သားတဲ့ စိတ်ဓာတ်က တစ်ခါတလေ ထိပ်တိုက်တွေ့ပေမယ့် ခရီးတစ်လျှောက် သူတို့ဟာ တစ်ယောက်ကိုတစ်ယောက် နားလည်ဖို့ ကြိုးစားရင်း အချင်းချင်း ရင်းနှီးလာကြပါတယ်။ ဒီဇာတ်ကားက ဟာသလေးတွေ ရင်ဖိုစရာ စကားပြောသံတွေနဲ့ အဲဒီခေတ်က လိင်တူချစ်သူတွေရဲ့ ဘဝကို ပြတ်ပြတ်သားသား ဖော်ပြထားတယ်။ အထူးသဖြင့် အလန်ကမ်းမင်း (Alan Cumming) နဲ့ ချာလီခရီးဒ်-မိုင်းလ် (Charlie Creed-Miles) တို့ရဲ့ သရုပ်ဆောင်ချက်တွေက ဇာတ်ကားကို ပိုပြီး အသက်ဝင်စေပါတယ်။ ဒါရိုက်တာ မိုက်ကယ်ကလိုဝေတာ (Michael Clowater) ရဲ့ ဖြစ်ရပ်မှန်ကို အခြေခံထားတဲ့ ဒီဇာတ်လမ်းဟာ မိသားစု ချစ်ခြင်းမေတ္တာနဲ့ နားလည်မှုအကြောင်း နွေးထွေးတဲ့ သတင်းစကားတစ်ခုကို ပေးတယ်။ ရိုးရှင်းပြီး နှလုံးသားထဲ ရောက်တဲ့ ရုပ်ရှင်ကြည့်ချင်ရင် “Drive Back Home” က အားလုံးအတွက် ရွေးချယ်စရာတစ်ခုပါပဲ။ File size…(1.1 GB)/(756 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Drama Subtitle….Myanmar Subtitle (Hardsub) Encoder….Swan Min Htet Translated by Min Khant