IMDB 6.6/10 Based on True Story Bisbee's Black & Blue ပြိုင်ပွဲဆိုတာ Super Bowl ပွဲလောက်ကြီးမားတဲ့ ကမ္ဘာ့ငါးဖမ်းပြိုင်ပွဲကြီးပါ ။ Blue Merlin လို့ခေါ်တဲ့ မာလင်ငါးပြာကြီးတွေကို ပင်လယ်ထွက်ပြီး တံငါတွေ အဖွဲ့လိုက် ဒေါ်လာ ၁ သန်းဆုကြေးအဖြစ်ဖမ်းယူ ယှဉ်ပြိုင်ရတဲ့ ပြိုင်ပွဲပေါ့။ ဒီပြိုင်ပွဲကို ထပ်မံယှဉ်ပြိုင်ဖို့ စိတ်အားထက်သန်သူဟာ ချန်ပီယံ ၂ ကြိမ်ဆုရဖူးတဲ့ ချန်ပီယံဟောင်း ကပ္ပတိန် ဝိတ်မာလိုပါ ။ ဒါပေမယ့် သူဟာ နာမည်ကြီးထမင်းငတ်ဖြစ်ပြီး ချန်ပီယံ ၂ ကြိမ်ရခဲ့ပေမယ့် အရှုံးတွေနဲ့ဆက် တိုက်ရင်ဆိုင်ပြီး မိသားစုကစွန့်ပစ်သွားတာကြောင့် လှေပေါ်မှာပဲ လေလွင့်နေတဲ့ ဂွစာအဘိုးကြီးပေါ့။ ဒါကြောင့် လာမယ့်ပြိုင်ပွဲမှာ ချန်ပီယံဆုကို ပြန်သိမ်းပိုက်ပြီး သူ့မိသားစုဆီ ပြန်သွားဖို့ တေးထားပါတယ်။ တစ်ဖက်မှာလည်း ကာဆိုဟိုဂါလို့ခေါ်တဲ့ မိဘမဲ့ဂေဟာက အိုမာတို့ဇနီးမောင်နှံဟာ ဘဏ်ကြွေး ဒေါ်လာ ၁ သိန်းကျော်တင်ပြီး ဂေဟာကိုပိတ်သိမ်းပြီး မိဘမဲ့ကလေးတွေ အကုန်လုံး လမ်းပေါ်ရောက်မယ့်အခြေအနေဖြစ်နေပါပြီ။ ပြိုင်ပွဲသတင်းကို ကြားမိတဲ့ အိုမာနဲ့ကပ္ပတိန် ဝိတ်တို့ဟာ တိုက်တိုက်ဆိုင်ဆိုင် သွားဆုံပြီး အသင်းတစ်ခုထဲဖွဲ့ကာ သူတို့ရဲ့ ရည်မှန်းချက် ကိုယ်စီအတွက် ချန်ပီယံဆုကို စိန်ခေါ်ယှဉ်ပြိုင်တာကို ကြည့်ရမှာဖြစ်ပါတယ်။ ဖြစ်ရပ်မှန်ကို အခြေခံထားပြီး ၂၀၁၄ Bisee ငါးဖမ်းပြိုင်ပွဲမှာ ကမ္ဘာ့အကြီးဆုံးမာလင်ငါးပြာကြီးကို ဖမ်းမိခဲ့တဲ့ မက္ကဆီကို ကာဆိုဟိုဂါမိဘမဲ့အသင်းကို အခြေခံရိုက်ကူးထားတဲ့ ဇာတ်ကားကောင်းလေးဖြစ်ပါတယ်။ (ဒီကားမှာ မင်းသားကြီးနှစ်ယောက်ဖြစ်တဲ့ Dennis Quaid နဲ့ Jimmy Gonzale တို့က အဓိကသရုပ်ဆောင်ထားပါတယ်။) (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Thiha Yan Naing ဖြစ်ပါတယ်) File Size - (2.11 GB) / (966 MB) / (638 MB) Quality – WebDL 1080p / 720p/480p Duration - 1h 35mins Subtitle – Myanmar Hardsub Format – MP4 Genre : Adventure, Biography, Drama Translator – Thiha Yan Naing Encoder – SWM

ကားနာမည်အတိုင်းပါပဲ...အစ်မရဲ့ ဘော်ဒါ မမကိုမှကြွေမိသွားတဲ့ ကောင်ဆိုးလေးတစ်ယောက်ရဲ့  အချစ်ဇာတ်လမ်းပေါ့..... ကွီးယား ၁၈+ ဖြစ်သည့်အတိုင်းမမချောချောကြီးတွေနဲ့ အလန်းစားအခန်းတွေမို့ထွေထူးမညွှန်းတော့ပါဘူး... File size…1.3GB / 736MB Quality… WEB-DL1080P / 720p Format…mp4 Duration….1h 38m Genre ….. Adult , Drama Subtitle….Myanmar Subtitle (Hard Sub) Encoder….DS Translated by SD

1080p BluRay 5.1 DTS Quality ဖြင့် Marvel Cinematic Universe (MCU) Collection ကိုစုပေါင်းတင်ဆက်ပါသည်။ MCU ဇာတ်ကားအားလုံးကို https://channelmyanmar.org/category/marvel-universe/ မှာ Download နိုင်ပါသည်။ ++++++++++++++++++++++++++++ Marvel Cinematic Universe Intro ======================= Marvel ထုတ်လုပ်ရေးမှ Marvel Cinematic Universe(MCU) ကို လွန်ခဲ့တဲ့ ၁၀ နှစ်က စပြီးတည်ဆောက်ခဲ့ပါတယ်။ ပထမဆုံး ဇာတ်လမ်းဖြစ်တဲ့ Iron Man-1 နဲ့ဖြစ်ပါတယ်။ နောက်ဆုံးအပိတ်ကတော့ Endgame (2019) ဖြစ်ပါတယ်။ Marvel Universe မှာ Infinity Stone လို့ ခေါ်တဲ့ စွမ်းအား အကြီးဆုံး ကျောက်တုံး(၆) လုံးရှိပါတယ်။ အဲဒီကျောက်တုံးတွေဟာ စကြဝဠာအနှံ့မှာ ပြန့်ကျဲနေတယ် ဆိုပါတော့။ ကျောက်တုံးတစ်တုံးချင်းစီမှာ သီးခြားအစွမ်းတွေ ရှိပြီး သာမာန်လူတွေ ကိုင်တွယ်သုံးစွဲဖို့ မဖြစ်နိုင်သလောက်ပါပဲ။ Infinity War ရဲ့ အဓိက ဗီလိန်ဖြစ်တဲ့ Mad titan လို့ခေါ်ကြတဲ့ Thanos က ဒီကျောက်တုံးတွေကို စုစည်းပြီး စကြဝဠာကို သူ့သဘောအတိုင်းဖန်တီးဖို့ကြိုးစားပါလိမ့်မယ်။ ဒါကို Avengers( Captain America, Iron Man, Hulk, Thor, Black Widow, Hawkeye, Vision,Scarlet Witch,Antman,Falcon) တို့နဲ့ Spiderman, Doctor Strange, Black Panther, Guardians of the Galaxy အဖွဲ့တို့ ပူးပေါင်းတားဆီးကြရင်း ဖြစ်လာတဲ့ စစ်ပွဲပါ။ Infinity Stones 6 လုံးရဲ့ တည်နေရာတွေကတော့ ၁. Space Stone aka Tesseract (Blue) (Captain America: the first avenger ဇာတ်ကားမှာ နာဇီတွေဆီက လုယူရတဲ့ ကျောက်တုံးဖြစ်ပြီး Avengers ဇာတ်ကားမှာ လိုကီက ဂြိုလ်သားတွေကို ကမ္ဘာကိုခေါ်ဖို့ ဝင်ပေါက်ဖွင့်တဲ့နေရာမှာ အသုံးပြုခဲ့ပါတယ်၊ လက်ရှိကတော့ Asgard ဂြိုလ်ပေါ်မှာ သိမ်းဆည်းခဲ့ရင်း Thor: Ragnarok ကားအဆုံးမှာ လိုကီ ခိုးယူခဲ့တာကို တွေ့ရမှာပါ) ၂။ Reality Stone aka Aether (Red) ( စကြဝဠာကို Big Bang မတိုင်ခင်အထိတောင် ပြန်ပြောင်းပစ်နိုင်ပါတယ်။ Thor 2: The Dark World မှာ ပါလာခဲ့ပြီး နောက်ဆုံး credit scene မှာ Collector ဆိုသူဆီမှာ သိမ်းဆည်းထားပါတယ်) ၃။ Power Stone (Purple Orb) ( ဂြိုလ်တစ်ခုလုံးကို အသာလေးဖျက်ပစ်လို့ရတဲ့ raw power တွေပါပါတယ်။ Guardian of the Galaxy 1 မှာ ပါဝင်ခဲ့ပြီး Xander က Nova Corps စစ်တပ်လက်ထဲမှာ သိမ်းဆည်းထားပါတယ်။) ၄။ The Time Stone ( The Eye of Agomotto, Green) ( အချိန်ကို လိုသလိုအသုံးချနိုင်ပါတယ်။ Doctor Starnge ဇာတ်လမ်းမှာ ပါဝင်လာပြီး လက်ရှိ ဒေါက်တာ စထ်ရိန့်က စောင့်ရှောက်ထားပါတယ်) ၅။ Mind Stone (Yellow) ( ဉာဏ်ရည်ကို မြှင့်တင်ခြင်းနဲ့ စိတ်ညို့ခြင်းတွေ ပြုလုပ်နိုင်ပါတယ်။ Avengers 1 မှာ ပါဝင်ခဲ့ပြီး လက်ရှိ Vision ရဲ့ နဖူးထဲမှာ မြှပ်ထားတာပါ) ၆။ Soul Stone (Orange) ( သက်ရှိ သက်မဲ့ အခြေအနေတွေကို ထိန်းချုပ်နိုင်ပါတယ်။ Planet Vormir မှာရှိပါတယ်။ ) အဆိုပါ ကျောက်တုံး ၆ တုံးကို သုံးနိုင်ဖို့ Infinity Gauntlet ဆိုတဲ့ လက်အိတ်ကို လိုပါတယ်။ အဲဒီလက်အိတ်ကိုတော့ Thanos ပိုင်ဆိုင်ထားပါတယ်။ ဒီလောက်ဆို Marvel Universe ကိုကြည့်ဖို့ အကြမ်းဖျဉ်းလုံလောက်ပြီ ထင်ပါတယ်။ File size…(2.3 GB) and (1.2 GB in Openload) Quality…1080p BluRay 5.1 DTS Format…mp4 Duration….01:57:00 Subtitle….Myanmar Subtitle (Hardsub) Encoder….Nyeinsaeya Aung Translated by Little Neo

1883: The road west (2022) ===================== IMDb Rating – 8.6/10 ရဲလိုးစတုန်းကောင်းဘွိုင်စီးရီးရဲ့ မူလဇာစ်မြစ်ကြောင်းကို ပြန်ရိုက်ထားတဲ့ “1883”စီးရီးကို (2021)ခုနှစ်မှာ ထုတ်လွှင့်ခဲ့ပါတယ်။ အခုဟာကတော့ “1883”စီးရီးရဲ့ ရိုက်ကွင်းနောက်ကွယ်က ပုံရိပ်တွေနဲ့ သရုပ်ဆောင်တွေကို အင်တာဗျူးထားတာတွေပါ။ ဒီထဲမှာဆိုရင် “1883”လို စီးရီးကောင်းတစ်ခု ရလာဖို့ ဇာတ်ကောင်နေရာအတွက် ဘယ်လိုပြင်ဆင်လေ့ကျင့်ခဲ့ရပုံတွေ၊ ရိုက်ကူးရေးအဖွဲ့သားတွေ ဘယ်လိုကြိုးစားပြင်ဆင်ခဲ့ရပုံတွေအပြင် သရုပ် ဆောင်တွေရဲ့ ဒီဇာတ်ကားအပေါ်ထားတဲ့ခံစားချက်တွေကိုပါ ကြည့်ရှုရမှာပါ။ ရဲလိုးစတုန်းဖန်တွေ၊ “1883”ဖန်တွေအတွက် အလွမ်းဖြေစရာလေး‌ဖြစ်ပါလိမ့် မယ်။ တကယ်ကောင်းတဲ့ စီးရီးတွေဖြစ်ပြီး CMမှာလည်း တင်ဆက်ပေးထားတာ မို့လို့ မကြည့်ဖူးသေးတဲ့သူတွေကိုလည်း ကြည့်ကြည့်ပါလို့တိုက်တွန်းလိုက်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size……….(767 MB) / (307 MB) Quality…………WEB-DL 1080p / 720p Duration………40Min Subtitle………..Myanmar Hardsub Format…………MP4 Genre…………..Western Translator……Ngwe Zin Encoder……….SWM

Leave the World Behind (2023) ~ IMDb – 6.7/10, RT – 74%, Meta – 68% ~ ကမ္ဘာပျက်နေချိန်မှာ အသက်ရှင်ဖို့ကြိုးစားရတဲ့ ရုပ်ရှင်အမျိုးအစား နောက်တစ်ကားပါပဲ။ ဒီကားကတော့ အက်ရှင်မဟုတ်ဘဲ ဆိုက်ကို သည်းထိပ်ရင်ဖိုအမျိုးအစားဖြစ်ပြီး ဇာတ်လမ်းအဆုံးမှာတောင် အဖြေကို ရှာတွေ့သလို မတွေ့သလိုနဲ့ ပဟေဠိဆန်ဆန်ရိုက်ထားတဲ့ကားမျိုးပါ။ Mr. Robot စီးရီးရဲ့ ဖန်တီးရှင် Sam Esmail က ရိုက်ကူးထားပြီး နာမည်ကြီး မင်းသားမင်းသမီးတွေဖြစ်တဲ့ Julia Roberts, Mahershala Ali, Ethan Hawke တို့လို ဆရာကြီးတွေ ပါဝင်ထားပါတယ်။ Kevin Bacon ကတောင် ဝင်ပြီးအားဖြည့်ပေးထားပါသေးတယ်။ ~ ဇာတ်လမ်းအကျဉ်း ~ လင်မယားနှစ်ယောက် သားတစ်ယောက်နဲ့ သမီးတစ်ယောက်ဟာ ကျေးလက်အိမ်တစ်လုံးငှားပြီး အပန်းဖြေဖို့ထွက်လာကြပါတယ်။ အငယ်ဆုံးသမီးလေးက FRIENDS တီဗီစီးရီးကို အသည်းအသန်စွဲလမ်းနေတဲ့သူဖြစ်ပြီး ဇာတ်သိမ်းပိုင်းကို အားလပ်ရက်မှာ ကြည့်ဖို့ အားခဲ့ထားတာပါ။ ဒါပေမဲ့ အပန်းဖြေအိမ်ကိုရောက်ရောက်ချင်းမှာပဲ ဖုန်းလိုင်းတွေ အင်တာနက်တွေအကုန်ပြတ်တောက်သွားပြီး ညအချိန်မတော်ကြီးမှာ အိမ်ရှင်သားအဖကပါ မြို့ပေါ်ကနေ သူတို့အိမ်ကို ပြေးလာခဲ့ပါတယ်။ အိမ်ငှားတွေနဲ့ အိမ်ရှင်တွေ တစ်ယောက်ကိုတစ်ယောက် သံသယတွေနဲ့ မီးပျက်တာတွေ လိုင်းပျက်တာတွေကို အဖြေရှာဖို့ ကြိုးစားရင်း အသက်ရှင်ဖို့ ကြိုးစားကြရပါတော့တယ်။ အငယ်ဆုံး သမီးလေးကတော့ FRIENDS ဇာတ်သိမ်းပိုင်းကို ကြည့်ဖို့ပဲ တလျှောက်လုံး ကြိုးစားနေပါတော့တယ်။ ချန်နယ်မြန်မာမှာ ကြည့်လို့ ရတဲ့အကြောင်းတောင် ပြောချင်သွားပါတယ်။ ကျန်တာကတော့ ဇာတ်လမ်းအဆုံးမှာ အဖြေတွေပေါ်လာသလို ကိုယ့်အတွေးနဲ့ကိုယ်လည်း ဆက်ပြီးစဉ်းစားလို့ရတဲ့အကြောင်းပဲ ပြောချင်ပါတယ်။ ကြည့်လိုက်ကြပါဦး။ (ဒီဇာတ်ကားနဲ့အညွှန်းကို Mr. Anderson မှ ပြန်ဆို ရေးသားထားပါတယ်) Size – 2.1GB, 1.1GB Quality – 1080p, 720p IMDb Rating – 6.7/10 Format – mp4 Duration – 2H 18Min Genre – Drama, Thriller Subtitle – Myanmar Subtitle (Hardsub) Translated by Mr. Anderson Encoded by Y

Always: Sunset on Third Street (2005) ~ IMDb – 7.7/10, RT – 90%, MyDramaList – 7.9/10 ~ ~~~~~~~~~~~~~~~~~~~~ ဓား ငါ ပျော်ရင်တော့ မင်းကို ခွဲပေးပါ့မယ် အဲဒါ လွယ်တယ် ငါ မပျော်ရင်တော့ မင်းကို ခွဲမပေးတော့ဘူး အဲဒါ ခက်တယ် သံက မီးဖိုထဲမှာ အရည်ပျော်ပြီး ပြန်လာသလိုမျိုး။ ။ ~ သုခမိန်လှိုင် (ချစ်သော တောပန်းကလေးများ – ၂၀၁၅) ~~~~~~~~~~~~~~~~~~~~ Always ဟာ ၁၉၅၈၊ ၁၉၅၉၊ ၁၉၆၄ စတဲ့ နှစ်ကာလသုံးခုရဲ့ တိုကျိုမြို့ တိုကျိုတာဝါနားက ရပ်ကွက်ကလေးအကြောင်းကို ခုနှစ်တစ်ခုကို တစ်ကားနှုန်းနဲ့ Trilogy ထုတ်ထားတဲ့ ရုပ်ရှင်ပါ။ ရုပ်ရှင်ကတော့ ရပ်ကွက်တစ်ခုထဲကလူတွေနဲ့ သူတို့ရဲ့ ဆက်ဆံရေးကိုပြထားတာပါပဲ။ဆိုပေမဲ့ ထူးထူးခြားခြား ဆူဇူကီးမော်တော်ကားကုမ္ပဏီရဲ့ မူလဘူတလို့ ယူဆရတဲ့ ဆူဇူကီးဆိုတဲ့ လူတစ်ယောက်ပါတယ်။ သူကလည်း မော်တော်ကားကုမ္ပဏီနာမည်တပ်ထားတဲ့ ကုမ္ပဏီမဖြစ်သေးတဲ့ ၀ပ်ရှော့လေးကိုထောင်ထားတယ်။ Fictional Founder ပါပဲ။ အပြင်က တကယ့်ဆူဇီးကီးကတော့ ရုပ်ရှင်ထဲက ဆူဇူကီး၀ပ်ရှော့အဆင့်ပဲရှိသေးတဲ့ 1958 လောက်မှာ ကားကုမ္ပဏီကို ထောင်ပြီးနေပြီ။ ကျားကုတ်ကျားခဲ ကြိုးစားခဲ့ရတာချင်းတော့တူတယ်။ ဂျပန်ရဲ့ Image ကိုဖော်ပြချင်လို့ ဂျပန်ရဲ့နာမည်ကျော် ဆူဇူကီးကုမ္ပဏီရဲ့ ဇာစ်မြစ်ဆန်ဆန်ဇာတ်ကောင်ကို ထည့်သွင်းထားတာ ဖြစ်နိုင်ပါတယ်။ ဇာတ်ကောင်ရဲ့ ဒေါသထိန်းမရတဲ့စရိုက်အပါအဝင် မတော်မတည့်စရိုက်အချို့ကြောင့် မူလလူနဲ့ကွဲလွဲအောင် ဖန်တီးပေးထားတာဖြစ်မယ်။ ဆူဇူကီးအိမ် မျက်စောင်းထိုးမှာက ဂျပန်ရဲ့အမြင့်ဆုံးစာပေဆုဖြစ်တဲ့ အခုတဂဝစာပေဆုရဖို့ကြိုးစားရင်း ဖြစ်မလာဘဲ ကလေးစာပေတွေပဲ ရေးနေရတဲ့ စာရေးဆရာ နေတယ်။ ဒီဇာတ်လမ်းမှာ သူက Emotional အဖြစ်ဆုံးဇာတ်ကောင်။ စားဖို့အနိုင်နိုင်ဘဝမှာ သူများကလေးကို အိမ်ခေါ်တင်ထားပြီး ဂေးရှားမယ်ကလေးကို ချစ်မိခဲ့တဲ့ ခပ်ညံ့ညံ့စာရေးဆရာပေါ့။ နောက်ဇာတ်ကောင်က အကြွေးတွေဆပ်ဖို့ ဂေးရှားမယ်လုပ်ခဲ့ပြီး ရပ်ကွက်ထဲ အရက်ဆိုင်လာဖွင့်ထားတဲ့ မိန်းကလေး။ နောက်တစ်ယောက်က ရွာကနေ ဆူဇူကီးကားကုမ္ပဏီမှာ အလုပ်လာလုပ်တဲ့ ကောင်မလေး။ စစ်အတွင်းမှာ သူ့ဇနီးနဲ့ သားသမီးကိုဆုံးရှုံးလိုက်ရတဲ့ ရပ်ကွက်ဆရာ၀န်။ ဇာတ်လမ်းကတော့ သူတို့ အပါအဝင် သူတို့မိသားစုတွေရဲ့ ငိုစရာ ရယ်စရာ ဘဝအကြောင်းလေးတွေပါပဲ။ ဇာတ်ကောင်တွေ ဇာတ်အိမ်တွေရဲ့ ချစ်ဖို့ကောင်းချက်ကတော့ ကြည့်နေရင်း ပြုံးမိခဲ့တာ ခဏခဏကိုပါပဲ။ ဇာတ်ကောင်တိုင်းဟာ တစ်နည်းမဟုတ်တစ်နည်းနဲ့ ကျွန်တော်တို့ဘ၀ထဲက လူတွေ သို့မဟုတ် ကျွန်တော်တို့ကိုယ်တိုင်နဲ့ ဆင်တူနေတယ်။ ဒါကြောင့်ပဲ ဇာတ်ကောင်တွေရဲ့ စိတ်ထဲကို လွယ်လွယ်ကူကူနဲ့ ၀င်ရောက်နိုင်ခဲ့တယ်။ တစ်ဖက်ကကြည့်ရင် ဇာတ်လမ်းဟာပေါ့ပါးပေမဲ့ တစ်ဖက်ကကြည့်တော့လည်း နည်းနည်းလေးနက်တယ်။ သူ့အငွေ့အသက်က ဂျပန်စာပေရဲ့ အငွေ့အသက်တော့ မကင်းဘူး။ ဖတ်ဖူးတဲ့ ဂျပန် ဘာသာပြန်စာအုပ်တစ်ချို့မှာ နှောင်းခေတ်အတော်ကြာအောင် ဂျပန်တွေဟာ ဒုတိယကမ္ဘာစစ်ရဲ့ ဒဏ်တွေရဲ့ စိတ်ပိုင်းဆိုင်ရာ ရိုက်ခတ်မှုကိုခံနေရတုန်းဆိုတာ ပေါ်လွင်အောင် ထည့်သွင်း ရေးသားထားတတ်ကြတယ်။ ဒီရုပ်ရှင်က ဇာတ်ကောင်တစ်ချို့ကလည်း ဒီအခြေအနေကိုပုံဖော်ထားတယ်။ ရပ်ကွက်ဆရာဝန်ဆို စစ်အတွင်းက သူ့ဇနီးနဲ့သမီးကိုဆုံးရှုံးထားပြီး ၁၃နှစ်ကြာတဲ့အထိ စိတ်ဝေဒနာ ဖြစ်နေတုန်းပဲ။ ဆူဇူကီးဆိုလည်း စကားပြောရင် စစ်ပွဲအကြောင်း မပါမဖြစ်ပြောတတ်တယ်။ စစ်အတွင်းမှာကျဆုံးခဲ့တဲ့ သူ့ရဲဘော်တွေအတွက် လိပ်ပြာမလုံတဲ့စိတ်ကို ခံစားနေရတုန်းပဲ။ နောက် ဂျပန်ဆိုတာကို ထင်ဟပ်စေတဲ့ အရာတစ်ချို့လည်း သုံးထားတယ်။ ရုပ်ရှင်တစ်ကားကနေ ဘာမက်ဆေ့ရပါတယ်လို့ ကျွန်တော် မပြောချင်ပါဘူး။ ပြောလိုက်ရင်လည်း သူ့အနုပညာကို စော်ကားလိုက်သလိုပဲ။ Always က ပေးနိုင်တဲ့အရာဟာ နေဝင်ချိန်တစ်ခုပါပဲ။ ဘာလို့နေဝင်ချိန်လဲဆိုရင်… အားလုံးမှာအဆင်မပြေဖြစ်ခဲ့ကြတဲ့ နေ့တို့တွေ ရှိခဲ့ဖူးမှာပဲ။ မအောင်မြင်ခဲ့ကြတဲ့… တစ်စုံတစ်ရာကို ဆုံးရှုံးခဲ့ကြတဲ့… မျှော်လင့်ချက်မဲ့နေ့တို့တွေ ရှိခဲ့ဖူးမှာပဲ။ မီးဖိုထဲက အရည်ပျော်ပြီး ပြန်လာရတဲ့နေ့တွေရဲ့ အဆုံးမှာ နေဝင်ချိန်လေးတစ်ခုကို တစ်ခါတလေတော့လည်း ငေးမောဖူးမှာပေါ့။ မလှပခဲ့တဲ့နေ့ရက်တွေရဲ့ လှပတဲ့နေဝင်ချိန်ကလေးတစ်ခုဟာ မနက်ဖြန်ဟာတော့ လှပဦးမှာပါလို့ မျှော်လင့်ချက်ရှိစေခဲ့တယ်။ စိတ်ပျက်လက်ပျက်နေ့တွေကို ကြုံပြီးတဲ့အခါ ဆည်းဆာလှတတ်တဲ့ ညနေခင်းတွေဆို တိမ်တွေကို မြင်ရတဲ့ လက်ဖက်ရည်ဆိုင်ကလေးရဲ့ တစ်ထောင့်မှာ သောက်ရတဲ့ ချိုစိမ့်တစ်ခွက်ရဲ့အရသာဟာ ဒီကမ္ဘာမှာ ကျွန်တော်အသက်ပြင်းခဲ့ရတဲ့ အကြောင်းတရားတစ်ရံပေါ့။ ဒီထက်ပိုတဲ့အရာတွေလည်း ရှိကောင်းရှိလိမ့်မယ်။ ဒီတစ်ခုကတော့ ပိုသေချာတယ်လို့ ကျွန်တော်ယုံတယ်။ ကံဟာ ဘယ်တော့မှ ထင်တိုင်းမဖြစ်ခဲ့ရင်တောင် အနည်းဆုံးအားဖြင့် ဆွဲယူသွားလို့မရနိုင်တဲ့အရာပေါ့။ အဲဒီနေ၀င်ချိန်တွေဟာ အမြဲတမ်းလှပနေဦးမှာပဲ။ ဘယ်လောက်ပဲ မျှော်လင့်ချက်မဲ့နေပါစေ မနက်ဖြန်တွေဟာလည်း အမြဲတမ်းဆက်ရှိနေဦးမယ်။ ဒီရုပ်ရှင်ဟာ ရှေ့ဆက်ရဦးမယ့် မနက်ဖြန်များမှာ အမြဲတမ်းရှိနေဦးမယ့် နေ၀င်ချိန်တွေအကြောင်းပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 2.7GB, 1.1GB Quality – 1080p, 720p IMDb Rating – 7.7/10 Format – mp4 Duration – 2H 13Min Genre – Comedy, Drama, Family Subtitle – Myanmar Subtitle (Hardsub) Translated by WiRa Aung Encoded by Y

ဒီဇာတ်ကားလေးထူးခြားပါတယ်။ ကျွန်တော်စကြည့်တုန်းက ဘာမှမျှော်လင့်မထားပေမယ့် အခုတော့ ကျွန်တော်အကြိုက်ဆုံး stop motion ဇာတ်ကားလို့တောင် ပြောလို့ရပါတယ် ။ အားလုံး stop motion ကာတွန်းလေးတွေကြည့်ဖူးကြမယ် ထင်ပါတယ်။ အများစုကတော့ Shawn The Sheepတို့လို ချစ်စရာ ကောင်းပြီးတော့ ရယ်ရတာမျိုးတွေ များပါတယ်။ ဒါပေမယ့် ဒီဇာတ်ကားလေးကတော့ ဇာတ်လမ်းအစကနေ အဆုံးအထိ မိဘမဲ့ကလေးတွေ ကြုံတွေ့ခဲ့ရတာတွေ၊ သူတို့ရဲ့ စိတ်ဒဏ်ရာတွေကို ပျော်စရာတမျိုး၊ ဝမ်းနည်းစရာတမျိုး၊ နွေးထွေးစရာတမျိုး ရသအဖုံဖုံ မြောက်အောင် တင်ဆက်ပေးထားလို့ ကျွန်တော်တော့ တော်တော် သဘောကျပါတယ်။ ဇာတ်လမ်း‌အကျဥ်းက Zucchini (ကျွန်တော်ကတော့ ဖိုးသခွားလို့ ချစ်စနိုးနဲ့ ဘာသာပြန်ထားပါတယ်ခင်ဗျာ) ဆိုတဲ့ ကလေးလေးက သူ့အမေနဲ့ နှစ်ယောက်တည်းအတူနေရတာပါ။ တနေ့ကျတော့ Zucchini က သူ့အမေကို မရည်ရွယ်ပဲ သတ်လိုက်သလို ဖြစ်သွားတာကြောင့် မိဘမဲ့ဂေဟာကို အပို့ခံလိုက်ရပါတယ်။ အဲဒီမိဘမဲ့ဂေဟာရောက်မှ သူ့ဘဝဟာ စတာပါ။ ဘဝတူကလေး အချင်းချင်းရဲ့ နားလည်မှုတွေ ချစ်ခြင်းတရားတွေ ယုံကြည်မှုတွေ တစ်ယောက်ယောက်တယောက် ကာကွယ်စောင့်ရှောက်ကြပုံတွေကြောင့် ကျွန်‌တော်ကြည့်နေရင်း မျက်ရည်ဝဲမိပါတယ်။ ဇာတ်ကား‌လေးကို ကြည့်ပြီးမှ ကျွန်တော့်မိဘတွေကို ပိုပြီး တန်ဖိုးထားမိပါတယ်။ IMDB အနေနဲ့ 7.8 ရထားပြီးတော့ ခရမ်းချဥ်သီး 99% တောင် ရထားတာမလို့ stop motion ဇာတ်လမ်းတွေထဲမှာတင်မကပဲ animation တွေထဲမှာတောင် rating က အရမ်းကောင်းတဲ့ ထဲ ပါတာမလို့ ဇာတ်လမ်းဘယ်လောက် ကောင်းကြောင်းကတော့ ညွှန်းနေစရာ လိုမယ် မထင်ပါဘူး။ မြင်တွေ့နေကျနဲ့ မတူထူးခြားတဲ့ My Life As a Zucchini ရဲ့ စိတ်ခံစားချက်နဲ့လိုက်တဲ့ အရောင်တင်ဆက်ပြသမှုတွေ ဇာတ်အိမ်ကောင်းမှုတွေကို ခံစားကြည့်ကြပါလို့ပဲ တိုက်တွန်းလိုက်ပါတယ်။ မှတ်ချက် – ပြင်သစ်ဇာတ်လမ်းမလို့ English ဘာသာပြန်ထားတဲ့ စာဖိုင်ကို ပြန်ကြည့်ပြီး မြန်မာမှုပြု ဘာသာပြန်ရတာမလို့ ကျွန်တော်ကြည့်ပြီးပြန်တဲ့ စာဖိုင်နဲ့ ဇာတ်လမ်းထဲက အသံနဲ့က ကွဲနိုင်လို့ ဘာသာပြန်လိုအပ်ရင် နားလည်ခွင့်လွှတ်ပေးကြပါခင်ဗျာ။ File size… 863 MB / 372 MB Quality… BluRay 1080p / 720p Format… mp4 Duration…. 1h 10m Genre ….. Comedy/Animation Subtitle…. Myanmar Subtitle (Hard Sub) Encoder…. Thit San Khant Translated by DrZac

Undercover Brother (2002) ==================== IMDb Rating – 5.9/10 အမေရိကားနိုင်ငံမှာ အာဖရိကန် – အမေရိကန်တွေရဲ့ယဉ်ကျေးမှုဟာ ၁၉၇၀ ခုနှစ်ကာလတွေမှာ တရှိန်ထိုးတိုးတက်မြင့်မားလာခဲ့ပေမယ့်လို့ ၁၉၈၀ ခုနှစ် မှာတော့ ဖြစ်ရပ်ပေါင်းများစွာနဲ့အတူ တဖြည်းဖြည်းနဲ့လျော့နည်းကျဆင်းလို့ လာခဲ့ပါတယ်။ တကယ်တော့ ဒါဟာ လူမည်းတွေကို မုန်းတီးတဲ့ လူဖြူဖြစ်သူ “The Man” ရဲ့ နောက်ကွယ်ကနေ ကြံစည်ကြိုးကိုင် အကွက်ချထားမှုတွေ ကြောင့်ပဲဖြစ်ပါတယ်။ ဒါပေမယ့် “The Man” မှာလည်း သူထင်ထားသလို၊ ဖြစ်စေချင်သလို ခရီးလမ်းမပေါက်ရောက်နိုင်ဘဲဖြစ်နေရပါတယ်။ ဒါဟာဘာ ကြောင့်လဲဆိုတော့ “ဘရားသားဟုဒ်” လို့ခေါ်တဲ့လူမည်းတွေနဲ့ဖွဲ့စည်းထာတဲ့ လျှို့ဝှက်အဖွဲ့အစည်းတစ်ခုရဲ့ လိုက်လံတားဆီးမှုတွေကြောင့်ပါ။ ဒီလိုနဲ့ တစ်နေ့မှာတော့ အမေရိကန်သမ္မတနေရာမှာ ဝင်အရွေးခံမယ်လို့ သတင်း တွေထွက်နေပြီးတော့ လူမည်းတွေရဲ့ထောက်ခံမှုတွေကိုလည်း အများကြီးရထားတဲ့ ဗိုလ်ချုပ်ဘောက်ထ်ဝေလ်ဟာ သတင်းစာရှင်းလင်းပွဲတစ်ခုမှာ သူ့အနေနဲ့ ရွေး ကောက်ပွဲကို ဝင်အရွေးခံယှဉ်ပြိုင်မှာ မဟုတ်ဘဲ ကြက်ကြော်ဆိုင်သာ ဖွင့်ပြီးရောင်း စားတော့မယ်လို့ ကြေညာခဲ့လိုက်ပါတယ်။ ဒါဟာ ဘယ်သူမှ ဘယ်လိုမှ ထင်မှတ် မထားခဲ့မိတဲ့ အကြောင်းအရာဖြစ်နေတာကြောင့် “ဘရားသားဟုဒ်” အဖွဲ့အနေနဲ့ ဒီကိစ္စဟာ “The Man” ရဲ့စနက်မကင်းဘူးဆိုတာကို ရိပ်မိပေမယ့် အရင်လို မဟုတ် ဘဲ စုံစမ်းဖို့ခက်ခဲနေပါတော့တယ်။ ဒီအချိန်မှာ ကယ်တင်ဖို့ ရောက်လာတာကတော့ သူ့ဟာသူ တစ်ကိုယ်တော်လှုပ်ရှားနေတဲ့ “Undercover Brother” ခေါ် သူလျှိုဘရား သားပဲဖြစ်ပါတယ်။ သူဟာ ဘယ်လိုမျိုးတွေတော်နေလို့ “ဘရားသားဟုဒ်” ကနေ လက်တွဲခေါ်ချင်နေရ တာလဲ၊ သူ့အနေနဲ့ “ဘရားသားဟုဒ်” ရဲ့ကမ်းလှမ်းချက်ကို လက်ခံပြီးတော့ “The Man” ရဲ့ အကြံအစည်တွေကို ဖော်ထုတ်နိုင်ပါ့မလား၊ “The Man” ရဲ့ အကြံအစည် တွေကရော ဘာတွေလဲ၊ သူနဲ့ ဗိုလ်ချုပ်ဘောက်ထ်ဝေလ်ရဲ့ သမ္မတဝင်အရွေးမခံဘဲနဲ့ ကြက်ကြော်ဆိုင်ပဲ ဖွင့်မယ်ဆိုတဲ့ဆုံးဖြတ်ချက်ကရော တစ်နည်းနည်းနဲ့ပတ်သတ်နေ မလား… ဒါတွေအားလုံးရဲ့အဖြေကိုတော့ ဒီ “Undercover Brother” ဆိုတဲ့ spy action comedy ကားလေးကိုကြည့်ရင်းနဲ့ ရှာဖွေဖော်ထုတ်ကြည့်လိုက်ပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Fiona Gillen ဖြစ်ပါတယ်) File Size……….(1.8 GB) / (823 MB) Quality…………WEB-DL 1080p / 720p Duration………1Hr 26Min Subtitle………..Myanmar Hardsub Format…………MP4 Genre…………..Action, Comedy Translator…….Fiona Gillen Encoder……….SWM

BrokeBack Mountain (2005) ===================== IMDb Rating – 7.7/10 Crouching Tiger, Hidden Dragon (2000)လို အနောက်နိုင်ငံတွေမှာ ရှေးဦးအကြီးအကျယ်အောင်မြင်ခဲ့တဲ့ တရုတ်သိုင်းရုပ်ရှင်ရဲ့ ဒါရိုက်တာ…. Director … Ang Leeက ရိုက်ကူးပြီး သရုပ်ဆောင်အနုပညာမှာ မှော်ဝင် စားလွန်းတဲ့ လူလွန်မသားသရုပ်ဆောင်နှစ်ယောက်ဖြစ်တဲ့ Hearth Ledger နဲ့ Jake Gyllanhaal တို့က Mian Castအဖြစ် သရုပ်ဆောင်ထားပါတယ်။ Nominee 8ခုဝင်ထားပြီး အော်စကာသုံးခုရထားတဲ့ Ang Leeကို အော်စကာ ရစေခဲ့တဲ့ကားလည်း ဟုတ်ပါတယ်။ Homophobia တွေမနှစ်မြို့လောက်မယ့် LGBTကားဆိုတာ ကိုတော့ သတိချပ်စေချင်ပါတယ်။ ဒီရုပ်ရှင်မှာ သရုပ်ဆောင်ထားတဲ့ Hearth Ledgerနဲ့ Jake တို့ဟာ Homo တွေမဟုတ်ပေမယ့် Homoတွေရဲ့ခံစားချက်တို့ကို ကောင်းကောင်းကြီး ပြ သွားနိုင်ခဲ့သလို Real World က သူတို့ကြားက ရင်းနှီးမှုကြောင့်လည်း ဒီကား ဟာ ပိုအသက်ဝင်တယ် ဆိုကြပါတယ်။ ချစ်သူနဲ့လက်ထပ်ဖို့ စရိတ်စကရအောင် Brokebackတောင်ပေါ်မှာ အလုပ် လုပ်မယ့် Ennis Del Marနဲ့ အဖေနဲ့အတူလုပ်ရတာ အဆဲပဲခံနေရလို့ လာ လုပ်တဲ့ Jack Twistတို့ဟာ BrokeBack တောင်ကြီးပေါ်မှာ သိုးတွေကို စောင့်ရှောက်ဖို့ အတူတူအလုပ်လုပ်ဖြစ်ကြပါတယ်။ စကားနည်းလွန်းတဲ့ Ennisနဲ့ Jackတို့ဟာ အစမှာ ခပ်စိမ်းစိမ်းဖြစ်နေပေမဲ့လည်း သူ့ဘဝကိုယ့် ဘဝ အကြောင်းတွေပြောရင်း ရင်းနှီးလာကြတာပါပဲ။ BrokeBackတောင် ကြီးပေါ်မှာ လေတွေနှင်းတွေ ဝေတဲ့ ညတစ်ခုမှာတော့ ကမ္ဘာကြီးရဲ့ သဘာဝ ထဲက သမားရိုးကျမဟုတ်တဲ့ လိင်ဆက်ဆံမှုတစ်ခုကို ပြုမိမှားခဲ့ကြပါတယ်။ ထိုခေတ်ထိုကာလအရ လိင်တူချစ်သူတွေကို နှိပ်စက်သတ်တဲ့အထိပါလုပ် တတ်တာတွေကို မျက်မြင်ကိုယ်တွေ့ မြင်ဖူးကြုံဖူးတာကြောင့် မိုက်ရူးရဲဆန် ဆန်ရှေ့ဆက်ဖို့ မဝံ့တဲ့ Ennisဟာ ဒီအမှားကို ခဏအမှားလို့ပဲ ဆုံးဖြတ်ခဲ့ပါသတဲ့။ လိင်တူတူ လိင်ကွဲကွဲ ခံစားချက်ရှိကြတဲ့ လူသားတွေပါပဲ ခံစားချက်တို့ ဘာသာ သဘာဝအတိုင်းပါပဲ.. တားမြစ်ထားရင် ပိုရုန်းတတ်ပါတယ်။ အချစ်နဲ့ ပက်သက် ကြလို့ဖြင့် မှန်ရာမြင်နိုင်ပါတဲ့ လူတွေကို ကျွန်တော် သိပ်မတွေ့ခဲ့ဖူးပါဘူး။ မိန်းမတွေ ကလေးတွေရပြီးပေမဲ့ ခံစားချက်တွေ အာသာတွေကို မလွန်ဆန်နိုင် တဲ့အခါ သူတို့ ဒီ Brokeback တောင်ကြီးဆီ ထပ်ထွက်ခဲ့ကြတာပါပဲ။ နှစ်တိုင်း လိုဆုံကြတွေ့ကြရင်း ကာလအတော်ကြာ ဖြတ်သန်းခဲ့ကြပေမယ့် စိတ်ရှိတိုင်း ရွေးချယ်ခွင့် မရတဲ့ဘဝထဲမှာ ကစဉ့်ကလျားတွေဖြစ်လာတဲ့အခါ….. (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ WiRa Aung ဖြစ်ပါတယ်) File Size……….(2.4 GB) / (900 MB) Quality…………WEB-DL 1080p / 720p Duration………2Hr 14Min Subtitle………..Myanmar Hardsub Format…………MP4 Genre…………..Drama, Romance Translator…….WiRa Aung Encoder……….SWM

ကောလိပ်ကျောင်းပြီးခါစအန်နီဆိုတဲ့ကောင်မလေးဟာ နွေရာသီမှာ အိမ်မပြန်နိုင်သေးဘဲ ကျောင်းရှိရာ ဖီလာဒဲလ်ဖီးယားမြို့မှာပဲ တဝဲလည်လည်ဖြစ်နေတဲ့အချိန် ဘားတစ်ခုမှာ တိုင်လာဆိုတဲ့ကောင်မလေး၊ ဒန်နီဆိုတဲ့ ကောင်လေးနဲ့သူငယ်ချင်းတွေဖြစ်သွားခဲ့ပါတယ်။ တိုင်လာက အန်နီကိုမိန်းကလေးချင်းစလိုက်ရာကနေ အန်နီဟာ တိုင်လာကိုတကယ်ချစ်မိသွားခဲ့ပါတယ်။ ဒါပေမဲ့ သူတို့ သူငယ်ချင်းသုံးယောက်အတူတူရှိနေတဲ့အချိန်တွေမှာ တစ်စုံတစ်ခုက သူတို့ရဲ့ဆက်ဆံရေးကိုလေးလံနေစေတယ် ဆိုတာကို အန်နီတစ်ယောက်သတိထားမိလာခဲ့ပါတယ်။ ဖခင်ကိုအဖော်ပြုပေးဖို့ ဖခင်ရှိရာမှာအခြေချနေထိုင်သွားဖို့ စီစဉ်ထားတဲ့အန်နီဟာ တိုင်လာနဲ့ရှေ့ရေးအတွက် ဖီလာဒဲလ်ဖီးယားမှာ ဆက်နေသွားဖို့အထိ ဆုံးဖြတ်ချက်တွေ ခိုင်မာခဲ့ပေမယ့် တိုင်လာဘက်ကတော့ အဲဒီလိုမဟုတ်ဘဲ အန်နီ၊ တိုင်လာနဲ့ ဒန်နီတို့ရဲ့သုံးပွင့်ဆိုင်အချစ်ရေးက ပိုရှုပ်ထွေးလာခဲ့ပါတော့တယ်။ File size…1.71GB / 603MB Quality…WEB-DL 1080p 5.1CH / 720p Format…mp4 Duration….1h 27m Genre ….. Drama Subtitle….Myanmar Subtitle (Hard Sub) Encoder….Min Wai Translated by JULY

The Entitled (2022) ဆင်းရဲသားရပ်ကွက်မှာ ကြီးပြင်းလာတဲ့ တောသူကောင်မ​လေး Belinda က ရုတ်တရက် သူ့အဖေအရင်း ဟိုတယ်ပိုင်ရှင်သူဌေးကြီးနဲ့ ပြန်တွေ့ပြီး အထက်တန်းလွှာအဆင့်အတန်းမှာ နေထိုင်နိုင်ဖို့ ကြိုးစားရတော့တယ်။ သူ့ရဲ့ပင်ကိုယ် အာကြမ်းလျှာကြမ်း ရိုးသားတဲ့အပြုအမူကနေ အဆင့်အတန်းမြင့်တဲ့ အမျိုးသမီးတစ်ယောက်ဖြစ်အောင် ကြိုးစားရမဲ့အပြင်၊ သူ့အဖေရဲ့ဟိုတယ်ကိုပါ ကြီးကြပ်ဖို့အတွက် ရှေ့နေအချောလေးနဲ့ လေ့ကျင့်ရေးတွေ ဆင်းရတဲ့အခါ ဘယ်လိုအလွဲတွေဖြစ်မလဲ၊ နောက်ကွယ်က ​မထင်မှတ်ထားတဲ့အနှောင့်အယှက်တွေ ရှိနေမလားဆိုတာကိုတော့ ဒီဖီလစ်ပိုင် အချစ်ဟာသဇာတ်လမ်းလေးထဲမှာ ဆက်လက်ကြည့်ရှုလို့ရပါတယ်။ (အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။) File size…(5.6 GB) / (2.3 GB) / (1 GB) Quality….WEB-DL 4K HEVC / 1080p HEVC / 720p Format…. mkv/mp4 Duration….01:39:59 Subtitle….Myanmar Subtitle (Hardsub) Encoder….Benjamin Translated by Thwal Htoo Zin

Abandon (2002) IMDb Rating (4.8) နာမည်ကြီးသရုပ်ဆောင်တွေပါဝင်ထားပြီး ဇာတ်ညွှန်းရေးသားသူနဲ့ဒါရိုက်တာကစတီဖန်ဂက်ဟန်(Stephen Gaghan)ဖြစ်ပါတယ်။ ရဲအရာရှိ ဝိတ်ဟန်ဒလာ(ဘင်ဂျမင်ဘရတ်)ကို လွန်ခဲ့တဲ့နှစ်နှစ်က ပျောက်သွားတဲ့ကောလိပ်ကျောင်းသား အမ်ဘရီလားကင်(ချာလီ ဟန်နမ်)ရဲ့အမှုကိုစုံစမ်းဖို့တာဝန်ပေးလိုက်ပါတယ်။ ဝိတ်ဒ်ကအမ်ဘရီရဲ့ရည်းစားကောလိပ်ကျောင်းသူကေတီဘာ့ခ်(ကေတီဟုမ်း) နဲ့သူငယ်ချင်းတွေကို မေးမြန်းစုံစမ်းရင်းတစ်ဖြည်းဖြည်းကေတီနဲ့ တော်တော်ရင်းနှီးလာပါတယ်။ ကေတီက အိပ်ပျော်ဖို့ခက်ခဲတာရယ် စိတ်ဖိစီးမှုရှိတာရယ်ကြောင့် ဒေါက်တာဒေ့ဗ်ဆီမှာသွားပြနေရပါတယ်။ကေတီက အမ်ဘရီ့ကိုအမြဲအိပ်မက်မက်နေတတ်ပါတယ်။ ကေတီ့အပြောအရ အမ်ဘရီပြန်လာပြီဆိုတာကိုဝိတ်ဒ်နဲ့ကေတီ့သူငယ်ချင်းဆမန်သာသိလိုက်ရပါတယ်။ အမ်ဘရီပြန်ရောက်လာတဲ့အခါရဲအရာရှိဝိတ်ဒ်ကိုရော သူငယ်ချင်းဟာရစ်ဆင်ကိုပါ မနာလိုဖြစ်နေပါတယ်။ ကြားထဲမှာဟာရစ်ဆင်ပျောက်သွားလို့ အမ်ဘရီကတစ်ခုခုလုပ်လိုက်တယ်ထင်ပြီး ကေတီက အမ်ဘရီ့ကျေးလက်အိမ်ထိလိုက်မေးပါတယ်။ အမှုအတွက်ရလာတဲ့ သက်သေခံပစ္စည်းတစ်ချို့ကို ကျွမ်းကျင်သူဆီမှာစစ်ခိုင်းတာမှာ ထူးဆန်းတဲ့အချက်တွေပေါ်လာပြန်ပါတယ်။ နှစ်နှစ်ကြာပြီးမှအမ်ဘရီဘာလို့ ပြန်ပေါ်လာသလဲ ဟာရစ်ဆင်ဘာဖြစ်သွားလဲဝိတ်ဒ်နဲ့ အမ်ဘရီတွေ့မလား? ကေတီနဲ့ပြန်ပေါင်းထုပ်မှာလား။ ရုပ်ရှင်က လှည့်စားချက်ကလေးတွေနဲ့ စိတ်ဝင်စားစရာကောင်းအောင်ရိုက်ပြထားတဲ့အတွက် အဆုံးကျမှဇတ်ရည်လည်ပြီး ခေါင်းထဲစွဲကျန်စေမယ့်ဇာတ်ကားမျိုးဖြစ်ပါတယ်။ အမေရိကန်နိုင်ငံက ကောလိပ်ကျောင်းတက္ကသိုလ်တွေရဲ့ အလေ့အထတစ်ချို့နဲ့ကျောင်းသူကျောင်းသားတွေရဲ့ကျောင်းသားဘဝ ပညာရေးနဲ့အလုပ်အကိုင်အခွင့်အလမ်းတွေကိုလည်းမြင်ရမှာဖြစ်ပါတယ်။ (အညွှန်းနဲ့ဘာသာပြန်ကတော့ Khin Sakar Khin ဖြစ်ပါတယ်။) File size…(1.6 GB) / (780 MB) Quality….WEB-Rip 1080p HEVC / 720p Format…. mkv/mp4 Genre….Drama, Mystery, Romance, Thriller Duration….01:39:12 Subtitle….Myanmar Subtitle (Hardsub) Encoder….Benjamin Translated by Khin Sakar Khin

လူသားတွေရဲ့ ကမ္ဘာမှာ Noosphere (နိုစဖီးယား) ဆိုတဲ့ လူသားတွေရဲ့ အတွေးအခေါ် တွေကျင်လည်တဲ့ ကမ္ဘာနဲ့ Biosphere (ဘိုင်အိုစဖီးယား) ဆိုတဲ့ လူသားတွေရဲ့ ဇီဝရုပ်ခန္ဓာတွေကျင်လည်တဲ့ ကမ္ဘာဆိုပြီး နှစ်ခုပိုင်းခြားထားတယ်။ ဒီ (Zone) ဇုန်လို့ ခေါ်တဲ့ နေရာကြီးကတော့ အထက်ပါ လူသားကမ္ဘာနှစ်ခု ပွတ်တိုက်ပြီးမညီမျှမှုကြောင့် ဖြစ်ပေါ်လာတဲ့ အကျိုးဆက်လို့ လူသားတွေက ယုံကြည်ကြတယ်။ အဆိုပါ ဇုန် နဲ့ အတူပဲ မိုနိုလစ် ဆိုတဲ့ မျိုးဗီဇကွဲသက်ရှိ အသစ်တွေပါ ပေါ်ပေါက်လာခဲ့တယ်။ ဇာတ်လမ်းလေးရဲ့အစကိုတော့ Zone လို့ခေါ်တဲ့ ကန့်သတ် ဧရိယာတစ်ခုထဲကနေ ထွက်လာတဲ့ လှိုင်းတစ်ခုကို အကြောင်းပြုပြီး စတင်ထားပါတယ်။ အဆိုပါ လှိုင်းဟာ လူသားတွေရဲ့ အမူအကျင့်တွေအပေါ်လွှမ်းမိုးပြီး အန္တရာယ်ပြုနေတာကြောင့် အဲဒီလှိုင်း ကို စုံစမ်းထောက်လှမ်းဖို့နဲ့ ဖျက်ဆီးပစ်ဖို့ အထူးတပ်ဖွဲ့ တစ်ဖွဲ့ကို စေလွှတ်ခဲ့ပါတော့တယ်။ ဒီဇာတ်ကားလေးကတော့ Sci-fi Action အမျိုးအစားဖြစ်တာနဲ့အညီ အက်ရှင်ခန်းတွေကိုလည်း စုံစုံလင်လင်ရှုစားကြရမှာဖြစ်ပြီးတော့ ဒီ Zone လို့ခေါ်တဲ့ ပဟေဠိဆန်တဲ့အရာကြီးက ဘာလဲ၊ ထုတ်လွှင့်နေတဲ့လှိုင်းကရော ဘာအတွက်လဲ၊ အထူးတပ်ဖွဲ့အနေနဲ့ အဆိုပါ ပဟေဠိတွေကို စုံစမ်းဖော်ထုတ် သွားနိုင်မလားဆိုတာကို ကြည့်ရှုကြရမှာပါ။ File size… (769MB) / (408MB) Quality… WEB-DL 1080p HEVC / 720p Format…mkv / mp4 Duration….1h 12m Genre ….. Action , Sci-Fi , Thriller Subtitle….Myanmar Subtitle (Hard Sub) Encoder….Min Wai Translated by Wil

Mountainhead (2025) IMDb Rating (5.5) / Rotten Tomatoes (80%) ဒီကားလေးကတော့ လက်ရှိ billionaire အချို့ရဲ့ အစွန်းရောက်နိုင်မှုကို ထင်ဟပ်ထားပါတယ်။ AI ထုတ် သတင်းအမှားတွေကြောင့် ကမ္ဘာတစ်ဝှမ်း အုတ်အော်သောင်းနင်းဖြစ်နေစဉ်မှာ ကျိကျိတက်ချမ်းသာတဲ့သူဌေးသူငယ်ချင်းလေးယောက်က မောင်တိန်ဟာ့ဒ်ဆိုတဲ့နေရာမှာ အားလပ်ရက်ကို လာအပန်းဖြေကြတယ်။ ဒါပေမဲ့ သူတို့တစ်ဦးချင်းစီမှာက လျှို့ဝှက်ချက်ကိုယ်စီရှိနေကြပါတယ်။ ရလေလိုလေအိုတစ္ဆေဆိုသလိုပဲ လူတစ်ယောက်က ဘယ်လောက်ပဲစည်းစိမ်တွေရှိနေပါစေ ကိုယ့်ထက်သာတဲ့လူကိုအမြဲမျှော်ငေးနေရင်ကတော့ ကျေနပ်မှုက ဘယ်လိုမှမရလာတတ်ဘူး။ အဲ့ဒါကပဲ သူတို့လေးယောက်ကြားမှာ စိတ်၀မ်းကွဲစရာဖြစ်လာတယ်။ သူတို့လေးယောက်ပဲရှိတဲ့ ဒီမောင်တိန်ဟာ့ဒ်နေရာကြီးမှာ ကိုယ်ကျိုးအတွက် ကိုယ်စီလှုပ်ရှားရုန်းကန်ကြတဲ့အခါ ဘာတွေဖြစ်ကုန်မလဲ‌ဆိုတာတော့ ဆက်လက်ကြည့်ရှု့လိုက်ကြနော်။ (အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။) File size… (3.3 GB) / (1.1 GB) Quality…. WEB-DL 1080p HEVC / 720p Format…. mkv/mp4 Genre…. Drama Duration…. 01:50:37 Subtitle…. Myanmar Subtitle (Hardsub) Encoder…. Benjamin Translated by Phu Thet Khin