Musical Film အမျိုးအစားကို သဘောကျနှစ်ခြိုက်ကြတဲ့သူတွေအတွက် Killing Romance ဇာတ်ကားသစ်လေး ထွက်ရှိလာပါပြီ ဒီဇာတ်ကားထဲမှာသုံးထားတဲ့ Concept ကိုကြည့်လိုက်ရင် ရုပ်ပြဆန်ဆန် ပုံပြင်တစ်ပုဒ်ကိုကြည့်နေရသလို ခံစားချက်မျိုးဖြစ်နေမှာပါ ဇာတ်လမ်းအကျဉ်းကတော့ သရုပ်ဆောင်မင်းသမီးဘဝကနေ အနားယူလိုက်တဲ့ ဟွမ်ယောရယ်ဟာ တောင်ပစိဖိတ်မှာရှိတဲ့ Qualla ကျွန်းပေါ်ကို ရောက်ရှိသွားရာကနေ ဇာတ်လမ်းစပါတယ်။ အရင်က ကိုယ့်စိတ်ကိုယ့်ခန္ဓာကို ကိုယ်ပိုင်ခဲ့တဲ့ ဟွမ်ယောရယ်တစ်ယောက် Qualla ကျွန်းပေါ်က ဘီလူးခေါင်းနဲ့သူဌေးကို မင်းသားလေးလို့မှတ်ထင်ပြီး အိမ်ထောင်ပြုလိုက်မိတဲ့အခါမှာတော့ ရဲတိုက်လိုစံအိမ်ကြီးထဲမှာ အကျဉ်းကျနေရသလို ဖြစ်ခဲ့ရပါတော့တယ် ဒါပေမဲ့ သူတို့အိမ်ရဲ့ဘေးကပ်ရပ်မှာနေတဲ့ စာမေးပွဲ ၃ ခါကျ ကောင်လေးနဲ့ အမှတ်မထင် သိကျွမ်းသွားခဲ့တဲ့အခါမှာတော့ အကျဉ်းကျနေသလို ဘဝကြီးကနေ လွတ်မြောက်အောင် ယောရယ်တစ်ယောက် အဲဒီကောင်လေးနဲ့အတူ ဘယ်လိုကြိုးစားသွားမလဲ‌ဆိုတာ ကြည့်ရှုခံစားကြရမှာပါ Casts တွေအနေနဲ့ အားလုံးသိကြပြီးသား မင်းသမီးကြီး Lee Honey, မင်းသား Lee Sun Kyun နဲ့ Gong Myung တို့က အဓိကပါဝင်ထားကြပါတယ် အညွှန်းကိုတော့ Hmwe Thet Winn က ရေးထားပေးပြီးတော့ ဘာသာပြန်ထားတာကတော့ Joyz and Hmwe ပဲ ဖြစ်ပါတယ်။ Genre..... Comedy, Music, Romance Quality…. 1080p | 720p | 480p File size… Format… mp4 Duration…. 1h 46min Subtitle…. Myanmar Subtitle (Hardsub) Translator ..... Joyz and Hmwe Encoder ..... Aaron

Killing Eve ဇာတ်လမ်းတွဲနဲ့လူသိများတဲ့ ကိုရီးယားမင်းသမီး Sandra Oh ဦးဆောင်ပါဝင်ထားတဲ့ Horror ကားကောင်းလေး ဖြစ်ပါတယ်။ Asian အငွေ့အသက်တွေပါတဲ့ Horror Genre အမျိုးအစားဖြစ်တာကြောင့် ကြောက်ဖို့ မကောင်းမှာတော့ မပူရပါဘူး။ ဇာတ်လမ်းပုံစံကတော့ မိခင်ရဲ့ညှင်းပန်းနှိပ်စက်မှုကြောင့် ကိုရီးယားကနေ US ကိုထွက်ပြေးပြီး အခြေချနေထိုင်လာခဲ့တဲ့ အမန်ဒါဟာ ခရစ်ဆိုတဲ့ သမီးလေးတစ်ယောက် အရွယ်ရောက်လာတဲ့အထိပါပဲ။ သားအမိနှစ်ယောက် ပျားမွေးမြူရေးလုပ်ကိုင်ရင်း ဖုန်းမရှိ..အီးမေးလ်မရှိ အင်တာနက်မရှိဘဲ ပတ်ဝန်းကျင်နဲ့အဆက်သွယ်ဖြတ်ကာ ဇာတ်မြှုပ်နေထိုင်ခဲ့ကြပါတယ်။ ရှောင်လွှဲလို့မရတဲ့ ကံကြမ္မာဖန်လာတော့ အမန်ဒါရဲ့ ဦးလေးဖြစ်သူဟာ ကိုရီးယားကနေ အိမ်ရှေ့တံခါးဝဆီကို ဆိုက်ဆိုက်မြိုက်မြိုက်ရောက်လာပါတယ်။ သူနဲ့အတူ သေဆုံးသွားတဲ့ အမန်ုဒါအမေရဲ့ အရိုးပြာနဲ့အကြွင်းအကျန်ပစ္စည်းတွေ ပါလာခဲ့ပါတယ်။ သမီးကိုနောက်ဆုံးစွဲလန်းစိတ်နဲ့သေသွားခဲ့တဲ့ အမန်ဒါရဲ့ မိခင် ဝိဉာဉ်ဟာ ခရစ်နဲ့အမန်ဒါတို့ နှစ်ယောက်ဘဝထဲ ဂြိုလ်ဆိုးတွေဝင်လာခဲ့တဲ့အခါမှာတော့... ဘာတွေဆက်ဖြစ်သွားမလဲဆိုတာ ဒီ Umma ဆိုတဲ့ဇာတ်ကားလေးမှာ ကြည့်ရှုရမှာပါ။ (အညွှန်းနဲ့ ဘာသာပြန်ကိုတော့ Thiha Yan Naing ကရေးသားထားပါတယ် Genre.....Drama,Horror, Mystery Quality….WEB-DL 1080p and 720p and 480p File size… 1.47GB and 728MB and 288MB Format…mp4 Duration….1h 23min Subtitle….Myanmar Subtitle (Hardsub) Translator ..... Thiha Yan Naing Encoder ..... August

Kaathuvaakula Rendu Kaadhal ကားထဲက နာမည်ကြီး ဘောလိ၀ုဒ်မင်းသမီး Nayanthara နဲ့ နာမည်ကြီး ကလေးသရုပ်ဆောင် Rithvik တို့ ပါဝင်သရုပ်ဆောင်ထားတဲ့ O2 ဆိုတဲ့ Disney+Hostarကထုတ်လွှင့်တဲ့ တမီးလ် Thriller ဇာတ်ကားလေး ထွက်ရှိလာပါပြီ။ ဇာတ်လမ်း ဇာတ်အိမ်ကိုက တခြားတမီးလ်ကားတွေနဲ့ မတူပဲ ထူးထူးခြားခြားလေး ရိုက်ကူးထားပြီး မိခင်မေတ္တာကိုအပြည့်အဝဖော်ပြထားတဲ့ ကားကောင်းလေးတစ်ကားပါ ။ ဒီကားလေးထဲမှာ မင်းသမီး Nayanthara က မုဆိုးမ ကျန်းမာရေးမကောင်းတဲ့ သားလေးကို ပိုင်ဆိုင်ထားတဲ့ သားတစ်ယောက်မိခင် ပါဗက်သီ နေရာကနေ ပါဝင်သရုပ်ဆောင်ထားတာပါ .... ဗီရာကတော့ ပါဗက်သီရဲ့ သားလေးဖြစ်ပြီး ငယ်စဉ်ထဲက cystic fibrosis လို့ခေါ်တဲ့ အသက်ရှူလမ်းကြောင်း နံရံတွေထူတဲ့ ရောဂါဝေဒနာကို ခံစားနေရတာကြောင့် သွားလေရာနေရာ အောက်စီဂျင်အိုးသယ်သွားပြီး အောက်စီဂျင်နဲ့ အသက်ဆက်နေရတဲ့ ဝေဒနာသည်ကလေးလေးပါ သားဖြစ်သူကို ခွဲစိတ်ကုသဖို့အတွက် ကုမ်ဘာတာကနေ ကိုချင် ကို ဘတ်စ်ကားနဲ့ ခရီးထွက်လာတဲ့ အချိန် ..... တစ်ချိန်ထဲမှာပဲ အဲဒီဘတ်စ်ကားပေါ်မှာ အကျင့်ပြက် ချစားတဲ့ ရဲအရာရှိရယ် ခိုးရာလိုက်ဖို့ အခွင့်အရေးကို စောင့်ဆိုင်းနေတဲ့ အတွဲရယ် လွှတ်တော်အမတ်ဟောင်းတစ်ယောက် ဘတ်စ်ကားမောင်းတဲ့ဆရာနဲ့ ကျန်တဲ့ ခရီးသည်တစ်ချို့ပါ ပါလာခဲ့ပါတော့တယ် အဲဒီလိုနဲ့ သူတို့ ခရီးစတင်လာပြီးတဲ့နောက်မှာတော့ ကိုချင်ကို ပုံမှန်မောင်းနေတဲ့လမ်းကြောင်းမှာ ယာဉ်တိုက်မှုအကြီးကြီးဖြစ်ထားတဲ့အတွက် ကားလမ်းတွေ ပိတ်မိနေခဲ့ပါတယ် ကိုချင်ကို အချိန်မှီရောက်ရမယ်လို့ မှာလိုက်တဲ့ ကားသမားကတော့ နောက်တစ်လမ်းကို ရွေးပြီး သွားဖို့ ဆုံးဖြတ်ပြီးတဲ့အချိန်မှာတော့ မမျှော်လင့်တဲ့ အဖြစ်အပျက်ဆိုးကြီးနဲ့ ကြုံတွေ့လိုက်ရပါတော့တယ် ..... သူတို့ ကားတစ်စီးလုံးက မြေပြိုတဲ့အထဲပါသွားရာကနေ သူတို့ ဘတ်စ်ကားတစ်စီးလုံး သဲအောက်ကို နစ်မြုပ်သွားပါတော့တယ် .... မမျှော်လင့်ထားတဲ့ အဖြစ်ဆိုးကြီးကို ကြုံတွေ့ရပြီးတဲ့နောက် လူသားတွေရ​ဲ့စိတ်ထဲမှာ ပုန်းကွယ်နေတဲ့ နတ်ဆိုးက ထွက်ပေါ်လာတဲ့အခါ ..... ပါဗက်သီနဲ့ သူ့သားလေး ဗီရာတို့ ဒီအခက်အခဲကြီးကနေ အချိန်မှီ လွတ်မြောက်နိုင်ပါ့မလား ............ ကားပေါ်က ကျန်တဲ့ ခရီးသည်တွေကရော ဘာတွေဆက်ဖြစ်ကြမလဲ ...... ဒီ ကားလေးက တော်တော်လေးကောင်းတဲ့ survival drama အမျိုးအစားလေးပါ နောက်ပိုင်းမှာ ဖြစ်လာတယ့် အဖြစ်အပျက်တွေက ရုပ်ရှင် အစပိုင်းက ရိုက်ကွက်တွေကို ပြန်ပြန်ပြီး ပုံဖော်လိုက်သလိုပါပဲ ဒါကြောင့် သေချာလေး စောင့်ကြည့်သင့်တဲ့ Nayanthara ရဲ့ O2 ဇာတ်ကားလေးကို ပရိသတ်အားလုံး ခံစားကြည့်ရှုနိုင်အောင် တင်ဆက်ပေးလိုက်ပါတယ် File size…1.7GB / 855MB Quality…1080p WEBDL Tamil AAC5.1CH / 720p Format…mp4 Duration….2h Subtitle….Myanmar Subtitle (Hard Sub) Encoder….YK Translated by Poe & Go-O & OeliuJ

2009 ခုနှစ်ကထုတ်ဝေထားပြီး review ကောင်းတွေနဲ့နာမည်ကျော်တဲ့ Steve Harvey ရဲ့ "Act like a lady, think like a man" ဆိုတဲ့မိန်းမတွေအတွက်ယောက်ျားတွေရဲ့လျှို့ဝှက်ချက်တွေကိုဖော်ထုတ်ပြထားတဲ့စာအုပ်ကိုအခြေခံရိုက်ကူးထားတာပဲဖြစ်ပါတယ် IMDb 6.5/10. Rotten tomatoes 54%ထိရရှိထားပြီးဗျူဟာအသစ်တွေနဲ့အချစ်စမ်းကြမဲ့အမျိုးသမီးတွေနဲ့ အမျိုးသားထုကြီးအကြောင်းကိုဟာသဆန်ဆန်ရိုက်ကူးထားတာကိုတွေ့ရမှာပါ Kevin Hart နဲ့သူငယ်ချင်းတွေကတော့အမျိုးသားထုကြီးကိုကိုယ်စားပြုထားတာဖြစ်ပြီး Steve ရဲ့စာအုပ်ကြောင့်သူတို့ရဲ့အချစ်ရေးကိစ္စတွေမှာပရမ်းပတာတွေဖြစ်သွားပါတော့တယ် စာအုပ်ဖတ်ပြီးတစ်ကွက်ကြိုမြင်နေတဲ့အမျိုးသမီးတွေဖက်ကစစချင်းတစ်ပန်းသာနေခဲ့ပေမဲ့ ကစားပွဲအလှည့်အပြောင်းတစ်နေရာအရောက်မှာတော့... နည်းဟောင်းတွေနဲ့တိုက်လို့မရတော့တဲ့အတွက်‌အမျိုးသားထုကြီးကလည်းဗျူဟာအသစ်တွေထုတ်သုံးရပါတော့တယ် ဒီလိုနဲ့အမြဲတမ်းလွန်ဆွဲနေတဲ့အချစ်စစ်ပွဲမှာဘယ်သူတွေကအနိုင်ရသွားမလဲဆိုတာကိုပေါ့ပေါ့ပါးပါးကြည့်ရှုရမဲ့ဇာတ်ကားကောင်းတစ်ကားဖြစ်ပါတယ်

ဒီရုပ်ရှင်ကတော့ အိုလံပတ်ဖောလန်း၊ လန်ဒန်ဖောလန်း ရုပ်ရှင်တွေရဲ့ အဆက်လို့ပြောလို့ရသလို ရသတစ်မျိုးခံစားရအောင် အဆင့်မြှင့်ထားတယ်လို့ ပြောရင်လည်းရပါတယ်.. သမ္မတလုပ်ကြံခံရတယ်၊ မိုက်ဘန်းနင်းက လိုက်ကယ်တယ်။ သို့ပေမယ့် ဘာကွာသွားလဲဆိုတော့ ကျွန်တော်တို့ဇာတ်လိုက်ကျော်ကြီး မိုက်ဘန်းနင်းကြောင့် လုပ်ကြံခံရမှုကြီး အထမြောက်သွားတယ်လို့ တကမ္ဘာလုံးက ထင်အောင်ကို အကွက်ဆင်ခံလိုက်ရတာပါပဲ... မိုက်ဘန်းနင်းခဗျာ အစိုးရဘက်က လူတွေရန်ကလည်း လွတ်အောင် အသည်းအသန်ရှောင် ရသလို အချိန်မရွေးအသက်ပျောက်သွားနိုင်တဲ့ သမ္မတကြီးကိုလည်း ကယ်ဖို့အတွက် စက္ကန့်မလပ်ကြိုးစားရပါတယ်... အမိုက်စားအက်ရှင်ခန်းတွေ ဝေေ၀ဆာဆာပါသလို သုံးထားတဲ့ လက်နက်တွေ အခြားအထောက်အကူပြုပစ္စည်းတွေကလည်း အကုန် Upgrade ပါပဲ...ခံစားကြည့်ကြပါဦး... File Size : ( 1 GB , 379 MB) Quality :  WEB-DL 720p Running Time : 2 hr 01 min Format : Mp4 Genre : Action , Thriller Subtitle : Myanmar Subtitle (Hard Sub) Translated by Little Neo Encoded by Moe Myint Lwin

The Four Feathers (2002) ဒီရုပ်ရှင်ကို ၁၉၈၇ မှာ Mr. India နဲ့ ၁၉၉၄ မှာ Bandit Queen အစရှိတဲ့ အိန္ဒိယရုပ်ရှင်တွေကိုရိုက်ပြီး နိုင်ငံတကာရဲ့ အာရုံစိုက်မှုရခဲ့တဲ့ အိန္ဒိယဒါရိုက်တာ Shekhar Kapoor က ရိုက်ထားတယ်။ Bandit Queen အရှိန်ကြောင့်ပဲထင်ပါရဲ့… ယူကေမှာ သူဦးဆုံးရိုက်ခဲ့တဲ့ကားက Cate Blanchett နဲ့ရိုက်တဲ့ Elizabeth… နောက် အခုရုပ်ရှင် The Four Feathers ကို ဆက်ရိုက်တယ်။ နောက် Elizabeth: The Golden Age… သူရိုက်တဲ့သုံးကားလုံးက အင်္ဂလန်သမိုင်းကြောင်းနဲ့သက်ဆိုင်တဲ့ ကားတွေချည်းပဲ။ Elizabeth မှာတော့ ကောင်းခဲ့ပေမဲ့ ဒုတိယကား The Four Feathers မှာတော့ ဇာတ်ရှိန်နည်းနည်းသွက်နေတာကြောင့် ကျတော့ကျသွားတယ်။ ဒါပေမဲ့လည်း ရှေးခေတ်စစ်ပွဲတွေအကြောင်း ကြည့်ရမယ့်ရုပ်ရှင်ဆိုတော့ ကြည့်လို့ပျော်သလို ကြည့်လို့လည်းတန်နေသေးတယ်။ အက်ရှင်ခန်းတွေ စွန့်စားခန်းအခန်းတွေလည်း ပါသင့်သလောက်ပါတာဆိုတော့ အက်ရှင်ပရိသတ်တွေအတွက်လည်း အဆင်ပြေလိမ့်မယ်။ Heath Ledger ရိုက်ဖူးခဲ့တဲ့ A Knight’s Tale လိုပဲ အရမ်းကြီးလန်ပျံမနေရင်တောင် အင်တာတိန်းမန့်တော့ တော်တော်ဖြစ်တဲ့ ကားမျိုးပဲ။ ဝတ္တုကတော့ ၁၉၀၂ကတည်းကထွက်ခဲ့တဲ့ A. E. W. Mason ရဲ့ The Four Feathers စာအုပ်ဆိုတော့ ဂန္ထဝင်စာရင်းဝင်တဲ့စာအုပ်ကို ပြန်ရိုက်ထားတယ်ပြောရမယ်။ ဒါကလည်း ပထမဆုံးရိုက်တာမဟုတ်ပါဘူး။ ရှေ့မှာလည်းတော်တော်ရိုက်ခဲ့ကြပြီးသားပဲ။ သရုပ်ဆောင်တွေက Kate Hudson, Heath Ledger, Djimon Hounsou, Wes Bentley, Michael Sheen စတဲ့လူတွေကို သုံးထားတယ်။ အကုန်လုံးတော့ ခင်ဗျားတို့နာမည်နဲ့တွဲသိချင်မှသိမယ်။ ဒါပေမဲ့ ခင်ဗျားတို့ တော်တော်ရင်းနီးပြီးသား လူတွေချည်းပဲ။ ဇာတ်ကတော့ ၁၈၈၄ အင်္ဂလန်မှာ ဇာတ်အိမ်စထားတယ်။ ဗြိတိန်တော်ဝင်တပ်ထဲက သူငယ်ချင်းတစ်အုပ်ရဲ့ ဆက်ဆံရေးကို စပြတယ်။ အဓိကကတော့ မင်းသားရယ် သူ့အခင်ဆုံးသူငယ်ချင်းရယ်ပေါ့။ အဲဒီနောက် သူတို့တပ်ကို အီဂျစ်က ပုန်ကန်သွားတဲ့ကာနယ်အာမက်ကို တိုက်ခိုက်ဖို့ လွှတ်လိုက်တဲ့အချိန်မှာ မင်းသားက တပ်ထဲကနေ နှုတ်ထွက်သွားတယ်။ ဒီနောက် မင်းသားကို သူ့သူငယ်ချင်းသုံးယောက်ရယ် သူလက်ထပ်မယ့်ကောင်မလေးရယ်က ငှက်တောင်မွှေးလေးချောင်းလာပေးသွားကြတယ်။ ငှက်တောင်မွှေးက သူတို့ဆီမှာ သူရဲဘောကြောင်တာကို ကိုယ်စားပြုတယ်။ မင်းသားကို သူရဲဘောကြောင်တဲ့ အလကားကောင်လို့ လာဝိုင်းပြောလိုက်သလိုဖြစ်သွားတယ်။ ဒီလိုနဲ့ နေလာရင်း မင်းသားက ဒီကိစ္စကြီးကို စိတ်ထဲက ဘယ်လိုမှထုတ်မရနိုင်ခဲ့ဘူး။ ဒီတော့ သူ့သူငယ်ချင်းတွေတိုက်ပွဲဝင်နေတဲ့ ဆူဒန်ကို လိုက်သွားပြီး သူ့သတ္တိကို သက်‌သေပြဖို့လုပ်တယ်။ သူကြောက်နေတာက စစ်ပွဲကိုမဟုတ်ဘဲ တခြားအရာတစ်ခုဖြစ်ကြောင်း သက်သေပြဖို့လုပ်ရင်း သူ့သူငယ်ချင်းတစ်ယောက်ချင်းကို သူကယ်တင်ဖို့ကြိုးစားရင်း ဆူဒန်မှာ သူကြုံလာရတဲ့ အခက်အခဲတွေ တိုက်ပွဲတွေကို ပြသွားတယ်။ ဇာတ်တော့ နည်းနည်းသွက်နေပေမဲ့ စစ်ကားတစ်ကားအနေနဲ့ဆို ကြည့်ကောင်းသလို နာမည်ကြီးမင်းသားမင်းသမီးတွေကို မြင်ရမှာဆိုတော့ ကြည့်ဖို့တော့ တန်ပါတယ်။ လွန်လေပြီးသော Heath Ledger ရဲ့ကားဆိုတော့ကာ ဒီရုပ်ရှင်ဟာ ငြင်းစရာတော့မရှိနေပါဘူး။ (ရုပ်ရှင်အညွှန်းနဲ့ဘာသာပြန်ကို W မှ တင်ဆက်ထားပါတယ်။)

ကလေးဘဝတုန်းကအရမ်းသဘောကျခဲ့ရတဲ့ ဘယ်အချိန်ကြည့်ကြည့်မရိုးနိုင်တဲ့ ရှောင်လင်ကိုယ်တော်လေးနှစ်ယောက်ကို တင်ဆက်ပေးလိုက်ပါတယ်။ စုစုပေါင်းသုံးကားရှိပြီး ရှေ့ ၂ ကား ကိုတင်ဆက်ပေးပြီးဖြစ်ပါတယ် ၃ ကားလုံးကို ဒီလင့်မှာရှာလို့ရပါတယ် Shaolin Popey 3 မှာတော့ ရှောင်လင်ကိုယ်တော်လေးတို့ မောင်နှမ၂ယောက်ဟာ ကမ္ဘာကိုယ်ခံပညာပြိုင်ပွဲကိုဝင်ပြိုင်ဖို့ ဟာဝိုင်ယီကိုသွားကြရမှာဖြစ်ပါတယ်။ ဟာဝိုင်ယီကိုရောက်တဲ့အခါ အဲဒီမှာအခြေချနေထိုင်နေတဲ့ ညီအစ်ကို(၂)ယောက်နဲ့ရေစက်ဆုံပြီး လူဆိုးတွေရန်ကကူညီပေးလိုက်တဲ့အချိန်မှာ အစ်ကိုဖြစ်တဲ့သူက ရှောင်လင်ကိုယ်တော်လေးရဲ့အစ်မ ရှောင်ယင်ကိုမြင်မြင်ချင်းချစ်မိသွားပါတယ်။ လူဆိုးဂိုဏ်းခေါင်းဆောင်ကြီးက ရှောင်လင်ကွန်ဖူးရဲ့အစွမ်းကိုကြားသွားပြီးတော့ သူတို့ရှောင်လင်ကိုယ်တော်လေးကိုဖမ်းခေါ်သွားပါတယ်။ ကိုယ်တော်လေးကိုပြန်ကယ်ဖို့ကြိုးစားရင်း ဟာဝိုင်ယီကိုသိုင်းပြိုင်ပွဲအမည်ခံနဲ့ရောက်လာပေမယ့် တခြားတာဝန်ရှိသေးတာကြောင့် သူတို့ရဲ့ချစ်ဇာတ်လမ်းကရှေ့ဆက်ဖို့ခက်ခဲနေပါတယ်။ ဟာဝိုင်ယီမှာပါ ကိုယ်တော်လေးတို့ဘယ်လိုအစွမ်းပြမလဲဆိုတာ ကြည့်လိုက်ပါဦးနော်။

သာယာတဲ့ ပုံမှန်​နေ့​လေးတစ်​နေ့မှာ Uda မိသားစုအ​နေနဲ့ အဖြစ်ဆိုးကြီးတစ်ခု ကြုံရပါ​တော့တယ်။ မိသားစုထဲက အငယ်ဆုံး​လေး Yuzuha ကို မတရား ပြန်​ပေးဆွဲခံရတဲ့ အ​ကြောင်းပြချက်က နိုင်ငံ​ရေးမှာ ရာထူးကြီးသူ ဖြစ်တဲ့ အဖိုးဖြစ်သူနဲ့ တိုက်ရိုက်ပတ်သက်​နေတဲ့ အခါ သူတို့ ဘာ​တွေ ဆက်လုပ်ကြမလဲ။ အမှန်တရားကို ရှာ​ဖွေချင်တဲ့ ဦး​လေးဖြစ်သူ Kouji Uda ​ရော တူမ​​လေးကို အချိန်မီ ကယ်တင်နိုင်ပါ့မလား။ အာဏာရှိသူ​တွေ ကစားကြတဲ့ နိုင်ငံ​ရေး အရှုပ်​တော်ပုံကစားပွဲ မှာ တကယ်နာကျင်ထိခိုက်ရသူ​တွေက ဘယ်သူ​တွေလဲ။ တကိုယ်ရည်စာ ချရတဲ့ ဆုံးဖြတ်ချက်​တွေက​တောင် အ​လျော်အစားကြီးမားလွန်း​နေချိန်မှာ၊ လူအများကြီးရဲ့ ဘဝကို ​ပြောင်းလဲ​စေတဲ့ ​ရွေးချယ်မှု​တွေ ကို ပြုလုပ်ရတာဟာ တကယ်ကိုပဲ တာဝန်ကြီးလွန်းတာကို တ​စေ့တ​စောင်း ပြသ​နေတဲ့ရုပ်ရှင်ပဲ ဖြစ်ပါတယ်။ Yuichi Shinpo ရဲ့ ဝတ္ထုကို ရုပ်ရှင်အဖြစ် ပြန်လည်အသက်သွင်းထားတာ ဖြစ်ပြီး ကြည့်ဖူး​နေကျ Crime/ Thriller ​တွေနဲ့ မတူတဲ့ ခံစားမှု တစ်ခုကို ​ပေးစွမ်းနိုင်တဲ့ ကားတစ်ကားပဲ ဖြစ်ပါတယ်။ နာမည်ကြီး ဂျပန် သရုပ်​​ဆောင်​တွေ အများအပြားပါဝင်သရုပ်​ဆောင်ထားပြီး cinematographyနဲ့ ​နောက်ခံအသံ အပြင်၊ အ​ရောင်​ရွေးချယ်မှု​တွေလည်း ​ကောင်းမွန်တာ​ကြောင့် တကားလုံးကို စိတ်ဝင်စားဖွယ်ရာ ကြည့်ရှုရမှာပါ။ အမှန်တရား၊ မိသားစု၊ ​ဥစ္စာဓန၊ တရားမျှတမှု၊ ပြစ်မှု နှင့် ပြစ်ဒဏ် စတာ​တွေကို ​မေးခွန်းထုတ်​စေမိတဲ့ ရသစုံလင်တဲ့ Imdb 6.7ရ ရုပ်ရှင်တကားပဲ ဖြစ်ပါတယ်။ File size…(1.2 GB)/(690 Mb) Quality….Blu-Ray 1080p / 720p Format…mp4 Duration….01:41:00 Genre… Crime, Drama Subtitle….Myanmar Subtitle (Hardsub) Encoder….Garfield Translated by Summer Lin

မအောင်မြင်သေးတဲ့ ဇာတ်လမ်းတိုတွေရိုက်ကူးတဲ့ filmmaker တစ်ယောက် မထင်မှတ်ထားဘဲ ၉၀ခုနှစ်ကို ပြန်ရောက်သွားတဲ့အခါမှာ တော့ မထင်မှတ်ထားတာ‌တွေကြုံတွေ့ပြီး အဲ့မှာ သူ့ဘ၀ကို ပြောင်းလဲပေးမယ့် ကောင်မ‌လေးတစ်ယောက်နဲ့ အမှတ်မထင်တွ့ကာ ဘယ်လိုတွေ ဆက်ဖြစ်မလဲဆိုတာကို ကြည့်ရှု့ကြရမှာပါ File size_(1.5GB)/(750MB) Quality_Blu-Ray 1080p / 720p Format_mp4 Duration_01:45:00 Genre_Romance Subtitle_Myanmar Subtitle (Hardsub) Encoder_a hao Translated by Thiha

ဒီတစ်ခေါက် မိတ်ဆက်ပေးချင်တာကတော့ IMDB 5.9/10 ရရှိထားတဲ့ Comedy/Crime ဇာတ်ကားလေးပဲဖြစ်ပါတယ်။ လယ်ရီက Prince Edward Island ကျွန်းရဲ့ တစ်ဦးတည်းသော ပုဂ္ဂလိက စုံစမ်းရေးမှူးပါ။ ကျွန်းတစ်ကျွန်းလုံးမှာ သူတစ်ယောက်ပဲရှိတာဆိုတော့လည်း ဈေးကွက်ကို လက်ဝါးကြီးအုပ်ထားတယ်ဆိုပြီး အမြဲကြွားဝါလေ့ရှိပါတယ်။ ဒါပေမဲ့ တကယ်တမ်း သူ လိုက်စုံစမ်းပေးရတဲ့အမှုတွေကတော့ ဘိုးဘွားပိုင် အိုးခွက်ပန်းကန်တွေ ပျောက်ဆုံးမှုလောက်ပါပဲ။ ဒီလိုနဲ့ သာယာနေတဲ့သူ့ဘဝထဲကို ကံကောင်းခြင်းလား၊ ကံဆိုးခြင်းလား မသိတာကို ယူဆောင်ပေးဖို့ ရောက်လာခဲ့သူကတော့ လုခ်ပါ။ ပင်လယ်စာ ဖြန့်ဖြူးရောင်းချသူ လူချမ်းသာ လုခ်က သူ့ကို အမှုတစ်ခု လာအပ်ပြီး အဆင်ပြေရင် ဘောနပ်စ်တွေပါ ပေးမယ်ဆိုတာမို့ လယ်ရီတစ်ယောက် အချီကြီးပွမယ့်အမှုကို အားတက်သရောလိုက်ခဲ့ပါတော့တယ်။ သူစုံစမ်းရမယ့် အမှုကတော့ ဂလန်းဆိုတဲ့ တံငါသည်က ပုစွန်တုပ်တွေကို လုခ်ဆီမရောင်းဘဲ မှောင်ခိုဈေးကွက်မှာ ရောင်းချနေတာမို့ နောက်ကွယ်က ဝယ်သူကို ရှာပေးရမှာပဲဖြစ်ပါတယ်။ ဟိုဟိုဒီဒီ စုံစမ်းရင်း ရွန်ဒါဆိုတဲ့ အမျိုးသမီးတစ်ယောက်နဲ့ တွေ့ဆုံခဲ့ပြီး နှစ်ယောက်သားအတူတကွ ပူးပေါင်းခဲ့ပါတယ်။ ဒီလိုနဲ့ လယ်ရီက သူ့ရဲ့ စုံစမ်းထောက်လှမ်းရေး အတတ်ပညာတွေကို အစွမ်းကုန်အသုံးချပြီး ရှာဖွေခဲ့ရာမှာတော့ မထင်မှတ်ထားတဲ့ သတင်းအချက်အလက်တွေကိုပါ သိရှိသွားခဲ့ပါတော့တယ်။ လယ်ရီက ဘာတွေသိသွားတာလဲ။ သူသိထားတဲ့အချက်အလက်တွေကို လုခ်ကို ပြောလိုက်လို့ရောဖြစ်ပါ့မလား။ ဒီအမှုက သူ့ဘဝကို ဘယ်လိုအကျိုးသက်ရောက်မှုတွေ ဖြစ်လာနိုင်မလဲဆိုတာကိုတော့ ဇာတ်လမ်းထဲမှာပဲ ကြည့်ရှုလိုက်ကြပါဦး။ (ဒီဇာတ်ကားရဲ့ အညွှန်းနဲ့ ဘာသာပြန်ကတော့ Emily ပါ။) File size…(1.5 GB)/(852 MB) Quality….Webrip 1080p / 720p Format…mp4 Duration….01:18:00 Genre… Comedy, Mystery Subtitle….Myanmar Subtitle (Hardsub) Encoder….Mr. Anderson Translated by Emily

Twilight Gangsters (2010) **************************** ဒီဇာတ်ကားလေးကတော့ လောကဓံကို ရင်ဆိုင်အန်တုပြီး ဆိုးအတူကောင်းအတူ အမြဲအတူတူ ရှိလာတဲ့ သူငယ်ချင်း ၃ယောက်ရဲ့ ဇာတ်လမ်းလေးဖြစ်ပြီး တကယ့် ဝါရင့်သရုပ်ဆောင်ကြီးတွေဖြစ်တဲ့ နာမွန်းဟီး၊ ဂင်ဆူမီ၊ ဂင်ဟယ်အို့တို့က အဓိကဇာတ်လိုက်တွေအဖြစ် သရုပ်ဆောင်ထားတဲ့ ဇာတ်ကားလေးပဲဖြစ်ပါတယ်။ ဇာတ်လမ်းအကျဉ်း- ဂျောင်ဂျာ၊ ယောင်းဟီးနဲ့ ရှင်းဂျာဆိုတဲ့ သူငယ်ချင်း ၃ယောက်ဟာ ဟာဝိုင်အီကို အထူးပက်ကေ့ချ်နဲ့ ခရီးသွားဖို့အတွက် ပိုက်ဆံတွေကို ခက်ခက်ခဲခဲ နဲ့ စုလာခဲ့ကြတာ ၈နှစ်ကြာတဲ့နောက်မှာတော့ သူတို့ လိုချင်တဲ့ပမာဏ ပြည့်သွားကြပါတယ်။ အဲဒါနဲ့ ခရီးစဥ်ပက်‌ကေ့ချ်အတွက် ငွေသွင်းဖို့ ဘဏ်သွားရာမှ ကံမကောင်းစွာနဲ့ ဘဏ်ဓားပြတိုက်ခံရပြီး သူတို့ရဲ့ ပိုက်ဆံတွေ အကုန်ပါသွားပါတော့တယ်။ ဘဏ်ကလည်း ဓားပြတိုက်ခံရတဲ့ ငွေတွေကို တာဝန်မယူဘဲ ခေါင်းရှောင်တဲ့အခါမှာတော့ အာဂအဘွားကြီး ၃ယောက်ဟာ ဘဏ်ကို ပြန်ဓားပြတိုက်ပြီး သူတို့ရဲ့ ဆုံးရှုံးသွားတဲ့ ‌ငွေတွေကို ရအောင် ပြန်ယူဖို့ ဆုံးဖြတ်လိုက်တဲ့အခါ…။ ဘဝဇာတ်ခုံပေါ်မှာ တွေ့ကြုံရတဲ့ လောကဓံတရားတွေကို ရသမျိုးစုံနဲ့ ရိုက်ကူးထားတဲ့အပြင် အချိန်တွေ အကြာကြီး အတူတူရှိလာကြတဲ့ သူငယ်ချင်းအဘွားကြီး ၃ယောက်ရဲ့ သံယောဇဉ်တွေ၊ ချစ်ခြင်းမေတ္တာတွေ၊ တစ်ယောက်အပေါ်တစ်ယောက် အနစ်နာခံမှုတွေကို ပုံဖော်ရိုက်ကူးထားတဲ့ ဇာတ်လမ်းကောင်းလေး တစ်ကားဖြစ်တာမို့ တင်ဆက်ပေးလိုက်ပါတယ်။ (ဇာတ်လမ်းအကျဉ်းကို Htoo Htoo Aung မှ ရေးသားပေးထားပါတယ်။) File size…2.95GB / 1.17GB Quality…WEB-DL 1080p/ 720p Format…mp4 Duration….1h 49m Genre ….. Comedy, Crime, Drama Subtitle….Myanmar Subtitle (Hard Sub) Encoder….Tiff Translated by Htoo Htoo Aung

Look Back (2024) ~ IMDb – 8.1/10, RT – 100%, MyAnimeList – 8.8/10, Meta – 87% ~ “Chainsaw Man” ရဲ့ Manga Artist ဖြစ်သူ Tatsuki Fujimoto ရေးဆွဲထားပြီး Anime Movie အဖြစ် ထွက်လာခဲ့တဲ့ “Look Back” ကို တင်ဆက်ပေးလိုက်ပါတယ်။ မူလတန်းကျောင်းသူ အာယူမူဖူဂျီနို (Ayumu Fujino) ဟာ ကျောင်းတွင်းသတင်းစာမှာ တစ်မျက်နှာလေးကွက်မန်းဂလို့ခေါ်တဲ့ Yonkoma ကိုရေးဆွဲလေ့ရှိသူပါ။ သူ့သူငယ်ချင်းတွေကလည်း သူ့လက်ရာတွေကိုချီးကျူးကြပြီး မန်းဂဆရာ (Manga Artist) လုပ်သင့်တယ်လို့အကြံပေးကြတယ်။ တစ်နေ့ ကျောင်းလာမတက်ဘဲ အိမ်တွင်းပုန်းဖြစ်သူ ကရိုမိုတို (Kyomoto) ဆိုတဲ့ ကျောင်းသူတစ်ယောက်ရဲ့ Yonkoma က သူ့ Yonkoma နဲ့ယှဉ်ပြီးပါလာလို့ ကရိုမိုတိုရဲ့လက်ရာကအများကြီးပိုသာနေတာကို တွေ့လိုက်ရတယ်။ ဖူဂျီနိုလည်း မနာလိုစိတ်ဝင်သွားပြီး သူ့ထက်သာအောင်လုပ်မယ်ဆိုပြီး မန်းဂဆွဲတဲ့ဘက်ကို ဇောက်ချလုပ်ပေမဲ့လည်း မူလတန်းဆဋ္ဌမနှစ်ရောက်တဲ့အထိ သူဘယ်လိုပဲကြိုးစားကြိုးစား ကရိုမိုတိုရဲ့လက်ရာကို မမီမှန်းသိလိုက်ရတော့ လမ်းခုလပ်မှာ မန်းဂဆွဲတာကိုရပ်လိုက်တော့တယ်။ အဲဒီလိုနဲ့ မူလတန်းကျောင်းပြီးသွားတဲ့အချိန်ရောက်တော့ ဖူဂျီနိုတစ်ယောက် ကရိုမိုတိုရဲ့မူလတန်းအောင်လက်မှတ်ကို ဆရာဖြစ်သူခိုင်းလို့ သွားပေးရတဲ့နေ့ကစပြီး သူတို့နှစ်ယောက်ရဲ့ဆက်ဆံရေးက ကောင်းမွန်တဲ့ဆက်ဆံရေးဖြစ်သွားမလား ဆိုးဝါးတဲ့ဆက်ဆံရေးဖြစ်သွားမလဲဆိုတာ ပိတ်ကားထက်မှာ ဆက်လက်ရှုစားလိုက်ပါခင်ဗျာ။ “Look Back” Manga ကို ၂၀၂၁ ခုနှစ်မှာ Tatsuki Fujimoto က ရေးဆွဲပြီး Shuheisha ရဲ့ Shonen Jump+ မှာ One-Shot Manga (တစ်ထိုင်တည်းဖတ် သို့ တစ်အုပ်တည်းအပြီးမန်းဂ) အဖြစ်ထုတ်ဝေခဲ့ပါတယ်။ Studio Durian ကနေထုတ်လုပ်ပြီး Kiyotaka Oshiyama (Chainsaw Man, Devilman Crybaby) တာဝန်ယူရိုက်ကူးထားတဲ့ “Look Back” Anime Movie ကိုတော့ ဒီနှစ် ဇွန်လမှာရုံတင်ခဲ့ပြီးနောက် ဒီလအတွင်းမှာ Amazon Prime Video ကနေ ပြသခဲ့ပါတယ်။ Look Back ကို Manga ရော Movie ရော ဖတ်ပြီး ကြည့်ပြီးသူအနေနဲ့ အမြင်ကိုပြောပြပါဆိုရင်တော့… Fujimoto-sensei ရဲ့လက်ရာကို ဖတ်ဖူးသူတွေ သိကြမှာပါ။ အပြောထက် အပြကိုဉီးစားပေးလေ့ရှိပါတယ်။ ဒီ Look Back မှာလည်း အပြောနည်းနည်း အပြများများနဲ့ ဇာတ်လမ်းကိုတည်ဆောက်သွားခဲ့တာပါ။ အဲဒါကို ဒါရိုက်တာက Manga ထဲက Panel တွေအတိုင်း တစ်ကွက်ချင်းစီ ပိုင်ပိုင်နိုင်နိုင် လှလှပပ Adapt လုပ်ပြသွားတာက ချီးကျူးစရာကောင်းပါတယ်။ နောက်ပြီး တစ်ကားလုံးမှာ ရုပ်ရှင်အနုပညာ (Hollywood, Manga, Anime) နဲ့ဆိုင်တဲ့ Reference တွေကို မသိမသာရော သိသိသာသာရော ဖော်ပြထားတာမို့လို့ Easter Egg ရှာသလို ရှာကြည့်လိုက်ပါ။ ဒီ Look Back ထဲက Shark Kick ဆိုတာ Chainsaw Man ကို အစအဆုံး Reference လုပ်ထားတာပါ (ကြည့်ရင်သိပါလိမ့်မယ်)။ Look Back ဇာတ်လမ်းတည်ထားတဲ့ခုနှစ်က Movie ထဲမှာမပါပေမဲ့ Manga ထဲမှာတော့ ၂၀၀၆ ခုနှစ်နဲ့ ၂၀၁၆ ခုနှစ် ဆိုပြီး ဖော်ပြထားပါတယ်။ Look Back က စာရေးသူအတွက်တော့ မျှော်လင့်ထားတာနဲ့ကွက်တိဖြစ်သွားပြီး အကြိုက်တွေ့မိခဲ့လို့ Fujimoto-sensei ရဲ့ နောက်ထပ် One-Shot Manga တွေဖြစ်တဲ့ Goodbye, Eri (2022) နဲ့ Just Listen to the Song (2022) ကို Anime Movie အဖြစ် ကြည့်ချင်သွားပါပြီ။ Anime ကို ခဏလေးနဲ့လည်းမကြည့်ချင်ဘူး၊ အကြာကြီးလည်းမကြည့်ချင်ဘူး၊ စိတ်ဝင်စားစရာလည်းကောင်းရမယ်၊ ခေါင်းမစားတစားလည်းဖြစ်ချင်တယ်၊ ခံစားချက်တစ်ခုခုလည်းရသွားချင်တယ်ဆိုရင် ဒီ ၅၈ မိနစ်စာရှိတဲ့ Look Back ကကွက်တိပါပဲ။ (ဒီဇာတ်ကားနဲ့အညွှန်းကို AK မှ ပြန်ဆို ရေးသားထားပါတယ်) Size – 830MB, 400MB Quality -1080p, 720p IMDb Rating – 8.1/10 Format – mp4 Duration – 58Min Genre – Anime, Coming-of-Age, Hand-Drawn Animation, Shōnen, Animation, Drama Subtitle – Myanmar Subtitle (Hardsub) Translated by AK Encoded by Y

လူငယ်ပီပီ လွတ်လပ်ပြီး အပူအပင်ကင်းတဲ့ ဂျင်ဒရစ္စကာ ဆိုတဲ့ ကောင်မလေးဟာ သူတို့အိမ်ကို အကြွေးသမားတွေ သိမ်းဖို့ရောက်လာချိန်မှာပဲ သူ့အဖေမှာ အကြွေးတွေအများကြီး တင်နေတာကို သိလိုက်ရပါတယ်။ တစ်နေ့တည်းမှာပဲ ဂျင်ဒရစ္စကာရဲ့ ကမ္ဘာကြီး ပြိုလဲသွားပြီး သူ့အဖေကို ကူညီပေးရမလား ၊ ဒါမှမဟုတ် အရမ်း နောက်မကျခင် သူ့ကိုယ်သူ ကယ်ရမလား ဆိုတာ ရွေးချယ်ဖို့ ဖြစ်လာခဲ့ပါတော့တယ်။ 2024 တုန်းက ထွက်ရှိခဲ့တဲ့ Czech coming-of-age ရုပ်ရှင်ဇာတ်လမ်း ဖြစ်ပါတယ်။ ဇာတ်လမ်းက အရမ်း မရှည်တဲ့အတွက် အများကြီး ပြောစရာမရှိပါဘူး။ မှုန်မှိုင်းပြီး တချို့နေရာတွေမှာ မွန်းကြပ်စရာကောင်းပါတယ်။ ဒါရိုက်တာကတော့ ဒီဇာတ်လမ်းဟာ လွန်ခဲ့တဲ့ နှစ်တွေတုန်းက သူ ကြုံတွေ့ခဲ့ရတဲ့ အဖြစ်အပျက်တွေရဲ့ လွှမ်းမိုးမှုတွေ အများကြီး ပါဝင်နေတယ်လို့ ဆိုထားပါတယ်။ File size… (1.5 GB) / (852 MB) Quality….HEVC / 1080p HEVC / 720p Format…. mkv/mp4 Duration….01:48:00 Genre… Drama Subtitle….Myanmar Subtitle (Hardsub) Encoder….Swan Min Htet Translated by OliveLyu

Barry Lyndon Review Stanley Kubrick လိုပြောလိုက်ရင် ရုပ်ရှင်ချစ်တဲ့သူတွေ ရုပ်ရှင်ကို စွဲစွဲမြဲမြဲကြည့်တဲ့သူတွေဆိုသိကြမှာပါ။ The Shining , Full Metal Jacket , 2001 : A Space Odyssey လိုမျိုး Masterpiece ရုပ်ရှင်တွေကိုရိုက်ခဲ့တဲ့ ဒါရိုက်တာတစ်ဦးပါ။ သူ့ရဲ့ ရုပ်ရှင်တွေက ဟောလိဝုဒ်မှာတင်မဟုတ်ပဲ တမ္ဘာလုံးက ရုပ်ရှင်တွေထဲမှာပါ လွှမ်းမိုးမှု အများဆုံးဖြစ်ပြီး သူကိုယ်တိုင်ကလည်း အသိအမှတ်အပြုခံရဆုံး သူတစ်ဦးပါ။ ဒီဇာတ်ကားက သူ့ရဲ့ လက်ရာအမြောက်ဆုံး ရုပ်ရှင်တစ်ကားမဟုတ်တောင် ဂန္တဝင်အမြောက်ဆုံး ရုပ်ရှင်တစ်ကားလို့ဆိုချင်ပါတယ်။ Stanley Kubrick ကရုပ်ရှင်ရိုက်တဲ့နေရာမှာ Perfectionist လို့ပြောခံရတဲ့အထိ ဇာတ်ကွက်တွေ Scene တစ်ခုကို သူလိုချင်တဲ့ အတိုင်း သူဖြစ်ချင်တဲ့အတိုင်း ပေါ်ဖော်ထားတဲ့ အတိုင်းရတဲ့ အထိရိုက်ယူတဲ့ ဒါရိုက်တာတစ်ယောက်ပါ။ ဒီဇာတ်လမ်းက ဥရောပရဲ့ ၁၈ရာစုကို ခြေခံထားတာဖြစ်ပြီး စာရေးဆရာ William Makepeace Thackeray ရဲ့ ဝတ္ထုကို အခြေခံပြီးရိုက်ထားတဲ့အတွက် ၁၈ ရာစု က အင်္ဂလိပ်ပန်းချီကားတွေထဲက အတိုင်း အပြင်အဆင်တွေအဝတ်အစားတွေ Setting တွေက အစ တထေရာတည်းတူအောင် ရိုက်ခဲ့ပါတယ်။ ဒီဇာတ်ကားပေါ်မှာ Stanley မနေနဲ့ ဘယ်လောက်စိတ်မြှပ်နှံထားသလဲ ဆိုတာကတော့ ဒီထဲကတစ်ချို့ဇာတ်ဝင်ခန်းတွေမှာ ပြင်ပ Lighting တွေမသုံးပဲနဲ့ ဖယောင်းတိုင်းမီးနဲ့ရိုက်ရတဲ့ အခန်းတွေအတွက် လိုအပ်တဲ့ Low Light Camera lens တွေက NASA က Space Mission တွေ အတွက်သုံးတာဖြစ်လို့ ဒီ Lens တွေကို ရဖို့ နှစ်နဲ့ချီစောင့်ခဲ့တယ်လို့ သိရပါတယ်။ သူက ဒီဇာတ်ဝင်ခန်းတွေကိုအပြင်ကအတိုင်း Lighting လိုချင်တဲ့အတွက် ဆက်မရိုက်နဲ့ နှစ်ချီစောင့်ပြီးမှရိုက်ခဲ့တာပါ။ ဒီဇာတ်ကားက Stanley Kubrick အတွက် အရမ်း personal ဖြစ်တဲ့ဇာတ်ကားတစ်ကားလို့မြင်မိပါတယ်။ 2001 : A Space Odyssey က Space Exploration နဲ့ AI Dilemma ကိုပြတယ်ဆိုရင် Barry Lyndonက ၁၈ ရာစုရဲ့ Social Mobility ကိုပြချင်တာပါ။ ဆုအတွေအနေနဲ့ကလည်း ၁၉၇၆ ခုနှစ်အတွက် အကောင်းဆုံး Cinematography , အကောင်းဆုံး ဝတ်စုံဒီဇိုင်း, အကောင်းဆုံး ထုတ်လုပ်ရေး ဒီဇိုင်း နဲ့ အကောင်းဆုံး ဇာတ်လမ်းနောက်ခံတီးလုံး ဆုတွေကို ရခဲ့ပါတယ်။ ဒီရုပ်ရှင်ကို မကြည့်ခင်ကြိုပြောချင်တာကတော့ ဒီဇာတ်ကားက ဇာတ်လမ်းအနေနဲ့ ထူးခြားတာတွေ အရမ်းကြမ်းတဲ့ Plot twist တွေနဲ့ အရမ်းမိုက်တဲ့ သရုပ်ဆောင်တွေပါတဲ့ ဇာတ်ကားမဟုတ်ပါဘူး။ ဒါပေမဲ့ ဒီရုပ်ရှင်တကားလုံးက အရမ်းလက်ရာမြောက်တဲ့ ပန်းချီကားတစ်ချပ်ကို တစိမ့်စိမ့်ထိုင်ကြည့်ပြီး တွေးရင်း ငေးရင် အရသာခံရတဲ့ ရုပ်ရှင်မျိုးပါ။ ဒီရုပ်ရှင် Runtime က ၃ နာရီနဲ့ ၅ မိနစ်ကြာပါတယ်။ ဇာတ်လမ်းကလည်းနောက်ခံ Narrative နဲ့ ဖြည်းဖြည်းချင်းစီသွားတဲ့အတွက် ဒါရိုက်တာပြချင်တာကိုမှ မသိရင် ကြည့်ရတာအတော်ပျင်းဖို့ကောင်းတဲ့ ရုပ်ရှင်ပါ။ ဒါကြောင့် ဒီရုပ်ရှင်ကိုမကြည့်ချင် ဒီထဲက ဘာတွေအကောင်းဆုံးမျှော်လင့်လို့ရမလဲဆိုတာကို တွေးပြီးကြည့်တာအကောင်းဆုံးဖြစ်ပါလိမ့်မယ်။ ဇာတ်လမ်းအကျဉ်း ဘယ်ရီ အိုင်ယာလန်က အလယ်အလတ်တန်းစားလူတစ်ယောက်ဖြစ်ပြီး သူရဲ့ ဝမ်းကွဲ ဖြစ်တဲ့ နိုရာဆိုတဲ့ကောင်မလေးကို ကြိုက်မိပြီး ကောင်မလေးက အရာရှိ အင်္ဂလိပ်စစ်ဗိုလ် တစ်ယောက်နဲ့ယူတော့မယ်ဆိုတဲ့ ဟာကိုတားဖို့ ကြိုးစားရင်းက ဘယ်ရီ ဘဝ အရွှေ့ပြောင်းတွေကို ၁၇၃၀ ခုနှစ် ဥရောပ စစ်ပွဲနဲ့ တော်ဝင်မျိုးနွယ်တွေကြားမှာ ဘယ်ရီတစ်ယောက် လောကဓံတွေထဲ ကခုန်ရင်း ဘဝအနိမ့်အမြင့်အတက်အကျတွေကိုပုံဖော်ထားတာပါ။ ဒီဇာတ်လမ်းမှာ ဘယ်ရီက ဘယ်နားတွေမှာ မှားခဲ့သလဲ။ သူကတကယ်ပဲ မှားခဲ့တာလားလူအသိုင်းအဝိုင်းကြီးထဲ ဝင်ဆံဖို့ အပေါ်ရောက်ဖို့ ကြိုးစားတာက မှားတာလား။ စနစ်ကြီးကမှားနေတာလားစစ်ကြီးကမှားနေတာလား အချစ်ကြီးတာက မှားနေတာဆိုတာတွေကိုတော့ ကြည့်ရှုသူကပဲ ဆုံးဖြတ်ချက်ပေးရပါလိမ့်မယ်။ (ဒီဇာတ်လမ်းမှာ ရှေးခေတ် အင်္ဂလိပ်အသုံးအနှုန်းတွေ စကားတွေအရမ်းများတာကြောင့် ကြည့်ရှုသူနားလည်လွယ်အောင် အတတ်နိုင်ဆုံး ကြိုးစားပြန်ပေးထားပါတယ်။) ဘာသာပြန်အညွှန်းရေးသူကတော့ Nikobaby ပဲဖြစ်ပါတယ်။ File size… 4.39 GB / 2.13 GB Quality… BluRay 1080p / 720p Format… mp4 Audio… AAC Duration…. 3h 5m Genre ….. Drama / War / Dark Comedy / Epic / History Subtitle…. Myanmar Subtitle (Hard Sub) Encoder…. Thit San Khant Translated… by Nikobaby

The Royal Tailor (2014) ************************ ဒီတစ်ခေါက်မှာတော့ Dr. Romantic 3 ထဲက မင်းသားကြီး Han Suk-kyu နဲ့ Missing: The other side ထဲမှာ မင်းသား Ko Soo, When the phone rings ထဲမှ မင်းသားYoo Yeon-Seok နဲ့ နာမည်ကျော်မင်းသမီး Park Shin-hye တို့အပြင် မင်းသား Ma Dong-seok တို့ တို့ ပါဝင်ထားကြတဲ့ ၂၀၁၄ ခုနှစ်ထွက် နန်းတွင်းဇာတ်ကားလေး တစ်ပုဒ်နဲ့မိတ်ဆက်ပေးလိုက်ပါတယ်။ ဇာတ်လမ်းအညွှန်း ************ Dol-Seok(Han Suk-kyu)က ဘုရင်မင်းဆက် ၃ ဆက်တိုင်အောင် တော်ဝင်မိသားစုတွေရဲ့ အဝတ်အစားတွေကို ချုပ်လုပ်ပေးနေတဲ့ ဂျိုဆွန်းပြည်ရဲ့အတော်ဆုံး အပ်ချုပ်သမားခေါင်းဆောင်ပါ .. သူဟာ အဝတ်အစားတွေကို ချုပ်လုပ်တဲ့နေရာမှာ စည်းမျဉ်းစည်းကမ်းတွေကို တသွေမတိမ်း လိုက်နာတတ်တဲ့လူစားမျိုးဖြစ်ပါတယ် .. ။ တစ်ဖက်မှာ Kong-Jin(Ko Soo)ဆိုသူက တီထွင်ဆန်းသစ်အမြင်ရှိလှပြီး ခေတ်မီဆန်းသစ်တဲ့ အဝတ်အစားတွေကို ချုပ်လုပ်နိုင်တဲ့ နန်းတော်အပြင်ဘက်က ရွက်ပုန်းသီး အပ်ချုပ်သမားလေးပေါ့ .. တစ်ရက် အမတ်ကြီး Pan-Soo(Ma Dong-seok) ရဲ့ ထောက်ခံမှုကြောင့် အရည်အချင်းရှိတဲ့ Kong-Jin ဟာ နန်းတော်ထဲကို ဝင်ရောက်ပြီး ဘုရင်မင်းမြတ်တို့ရဲ့ အဝတ်အစားတွေကို ချုပ်လုပ်ပေးဖို့ ဖြစ်လာပါတော့တယ်။ အဲဒီလိုကနေ ဘုရင်မင်းမြတ်(Yoo Yeon-Seok) နဲ့ မိဖုရားခေါင်ကြီး(Park Shin-hye)တို့ကပါ Dol-Seok နဲ့ Kong-Jin တို့ ချုပ်လုပ်လိုက်တဲ့ ဝတ်စုံတွေကြောင့် တိုင်းပြည်ရေးရာအရှုပ်အထွေးတွေကြားမှာ ပါဝင်ဖို့ဖြစ်လာတဲ့အခါ ဘာတွေဆက်ဖြစ်သွားမလဲ… Kong-Jin တစ်ယောက် ရာထူးကြီးမြတ်သူတွေရဲ့ လောဘတွေ၊မနာလိုမှုတွေ၊အငြှိုးတေးထားမှုတွေ၊ အငုံစိတ်တွေကို ဘယ်လိုကြုံတွေ့ရပြီး သူ့အတွက် ဘယ်လိုဇာတ်သိမ်းမျိုးက စောင့်မျှော်နေလဲဆိုတာကို ကြည့်ရှုသွားရမဲ့ဇာတ်လမ်းလေးဖြစ်တာကြောင့် ခံစားကြည့်လိုက်ပါဦးနော် .. ။ (အညွှန်းကို Yati Naing မှ ရေးသားထားပါတယ်) File size…1.85GB / 898MB Quality… WEB-DL 1080p/ 720p Format…mp4 Duration…. 2 hr. 7 min. Genre ….. Historical, Drama Subtitle….Myanmar Subtitle (Hard Sub) Translated by Yati Naing Encoded by AHtet