Tayuan (2023) ~ IMDb rating - 7.7/10 ~ အယ်လာ (Angeli Khang) ဟာ ငယ်ရွယ်ပြီးထက်မြက်တဲ့ ကိုယ်ပိုင်လုပ်ငန်းရှင် မိန်းမငယ်တစ်ယောက်ဖြစ်ပြီး ယောက်ျားတွေကို အပျင်းပြေ စားစရာလို့ပဲ သဘောထားတတ်သူပါ။ ယောက်ျားတွေနဲ့ပတ်သက်ရင် သူ့မှာ စည်းမျဉ်းတွေများစွာရှိပြီး လူတစ်ယောက်ကို နှစ်ခါပြန်မတွေ့တာ၊ ကိုယ့် ကိုယ်ရေးကိုယ်တာ အချက်အလက်တွေကိုပြောမပြတာ အစရှိတာတွေ ပါဝင်ပါတယ်။ ဒါတွေဟာလည်း ငယ်ရွယ်စဉ် အချစ်ဦးနဲ့ ခါးသီးတဲ့အတွေ့အကြုံတွေကြောင့်ဖြစ်ပြီး နောက်ပိုင်းတွေ့ကြုံလာရတဲ့ယောက်ျားမှန်သမျှ သူ့စံနှုန်းတွေနဲ့ မကိုက်ညီတာကြောင့်လည်းဖြစ်ပါတယ်။ ဒါပေမဲ့လည်း သူ့အလိုဆန္ဒကိုပြီးမြောက်အောင် ဖြည့်ဆည်းမပေးနိုင်တဲ့ ယောက်ျားတွေကိုကြုံရဖန်များလာတဲ့နောက် အယ်လာတစ်ယောက် ပုံမှန်လုပ်ရိုးလုပ်စဉ်ကနေ ခွဲထွက်ပြီး စွန့်စားကြည့်ဖို့ဆုံးဖြတ်လိုက်ပါတယ်။ အဲဒီမှာ ရီကိုဆိုတဲ့လူကိုတွေ့ခဲ့ရတာပါပဲ။ ရီကိုဆိုတာ အယ်လာ ကားမအားတဲ့ရက် အလုပ်အသွားမှာ ဘတ်စ်ကားစီးမိတဲ့ လမ်းကြောင်းပေါ်က လက်မှတ်ရောင်းသမား (စပယ်ယာ) တစ်ယောက်ပါ။ စံချိန်စံညွှန်းမြင့်မား စည်းကမ်းချက်တွေများလှတဲ့ အယ်လာတစ်ယောက် သာမန်ဘတ်စ်ကားလက်မှတ်ရောင်းလေးကိုမှ အစွဲလန်းကြီးစွဲလန်းပါတော့တယ်။အစပိုင်းမှာတော့ သွေးသားဆန္ဒအတွက်သက်သက် နှစ်ယောက်လုံး ရည်ရွယ်ခဲ့ပေမဲ့ တစ်ဖြည်းဖြည်းသံယောဇဉ်တွယ်တာခိုင်မာလာပြီး ခံစားချက်တွေပိုလာတဲ့အချိန်မှာတော့... 18 နှစ်အထက်အခန်းတွေ ခပ်များများနဲ့ အချစ်ဟာသဇာတ်ကားကောင်းလေးတစ်ကားဖြစ်ပါတယ်။ ဇာတ်လမ်းလေးကြည့်ကောင်းသလို မင်းသမီးလေးကလည်း အထူးတလည် မိတ်ဆက်ပေးစရာမလိုတဲ့အတွက် အားလုံး အကြိုက်တွေ့ကြမှာပါ။ (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size - 2.1GB, 830MB Quality - 1080p, 720p IMDb Rating - 7.7/10 Format - mp4 Duration - 1H 42Min Genre - Drama Subtitle - Myanmar Subtitle (Hardsub) Translated by Alias Encoded by RGB

Sports Type နဲ့ Basketball ကြိုက်တဲ့ဘရားသားတို့အတွက် ဇာတ်ကားကောင်းလေးလာပါပြီ။ 1992 ကထွက်ထားတဲ့ White Men Can't Jump ကို remake ပြန်လုပ်ထားတဲ့ကားပါ။ 1992 ရုပ်ရှင်မှာတော့ Zombieland မင်းသားကြီး Woody Harrelson နဲ့ Blade မင်းသားကြီး Wesley Snipesတိုက အတွဲမိမိတင်ဆက် သွားခဲ့ပါတယ်။ ရုပ်ရှင်နာမည်တူနေတာကလွဲလို ဇာတ်လမ်းဇာတ် အိမ်ကတော့ ပြောင်းလဲသွားတယ် အရင်ကားက လူတွေလည်း ပြန်မပါလာဘူး ပထမကားလောက် အောင်မြင်မှုမရခဲ့ပေမယ့် သူ့ပုံ စံနဲ့သူ ကွဲထွက်နေပြီး ကြည့်လိုအဆင်ပြေပါတယ်။ ဒီဇာတ်ကားရဲ့တွဲဖက်နှစ် ယောက်က Jeremy အဖြစ်နဲ့အမေရိကန် ရက်ပ်ပါ Thomas Harley၊ ပြီးတော့ Kamal အဖြစ် Sinqua Walls တို့ သရုပ်ဆောင်ထားပါတယ်။ Kamal Allan ရဲ့ဘတ်စကတ်ဘောစကေးက NBA မှာကစားခွင့်ရဖို့ အထိ ရေပန်းစားနေသလို အောင်မြင်မှုအမြောက်အမြားရထားတဲ့ ဆယ်ကျော်သက် တက်သစ်စအထက်တန်း ကျောင်းသားလေးပါ။ သူရဲ့အဖေရဲ့ စနစ်တကျပျိုးထောင်ပေးမှုနဲ့ ဒီလိုအခြေအနေအထိ တက် လှမ်းလာနိုင်ခဲ့တယ်။ ဒါပေမယ့် အရာရာက မျှော်လင့်ထားသလိုဖြစ် မလာဘဲ သူ့ဘဝရဲ့အမှောင်နေ့ရက်တွေကို ဖြတ်သန်းဖိုဖြစ်လာခဲ့တယ်။ တစ်ဖက်က Jeremy၊ သူလည်း အထက်တန်းကျောင်းလက်ရွေးစင် ဟောင်းဒူးဒဏ်ရာကြောင့် ဆက်ကစားနိုင်ခြင်းမရှိတော့ဘဲ လူငယ်လေး တွေကို ထရိန်နင်ပေးနေတဲ့ ထရိန်နာတစ်ယောက်၊ သူတို့စိတ်ထဲက တူ ညီတဲ့အချက်တစ်ခုကြောင့် ထိပ်တိုက် တွေ့ဖိုဖြစ်လာပါတယ်။ သူတို့ ဘဝကို ပြောင်းလဲသွားစေမယ့်ပြိုင်ပွဲတစ်ခုက သူတိုနှစ်ယောက်ကို တ တွဲတွဲဖြစ်စေဖိုအကြောင်းဖန်လာပါတော့တယ်။ ဒီဇာတ်ကားမှာ မိသားစုဘဝဇာတ်အိမ်လေးတွေ၊ ရဲဘော်ရဲဘက်စိတ် ဓါတ်၊ အဖေတစ်ယောက်ရဲ့ချစ်ခြင်းမေတ္တာတွေအပြင် တခြားသောရသ မျိုးစုံကိုပါ ခံစားရစေစေမှာပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ ZWT ဖြစ်ပါတယ်) File Size..........(2.11 GB) / (971 MB) / (580 MB) Quality............WEB-DL 1080p / 720p / 480p Duration.........1Hr 41Mins Subtitle...........Myanmar Hardsub Format............MP4 Genre..............Comedy, Drama, Sport Translator.......ZWT Encoder..........Zin Phyo Aung

ဒီဇာတ်ကားလေးဟာ Annie Ernaux ရဲ့ "Happening" ဆိုတဲ့ ဝတ္ထုလေးကို အခြေခံ ရိုက်ကူးထားတာဖြစ်ပြီး IMDb 7.4 အထိရရှိခဲ့တဲ့အပြင် BAFTA Award တွေအတွက် ဆန်ခါတင်စာရင်းမှာ ပါခဲ့သလို အခြား ဆုတွေလည်း ၁၃ ခုလောက် ရရှိထားခဲ့တဲ့ ဒရမ်မာ ဇာတ်ကားကောင်းလေး တစ်ကားပါ။ ကိုယ်ဝန်ဖျက်ချတာဟာ တရားဝင်တယ် တရားမဝင်ဘူး ဆိုတာ အခု ၂၂ ရာစုအထိ နိုင်ငံအချို့မှာ debate လုပ်နေကြဆဲဖြစ်ပါတယ်။ 1960 ခုနှစ်တွေတုန်းက ပြင်သစ်နိုင်ငံမှာ ကိုယ်ဝန်ဖျက်ချတာဟာ တရားမဝင်ပါဘူး။ ကိုယ်ဝန်ဖျက်ချရင် ဖျက်ပေးတဲ့ ဆရာဝန်ရော ကိုယ်ဝန်ရှိသူပါ ထောင်ချခံရတဲ့ အခြေအနေပေါ့။ ဇာတ်လမ်းအကျဉ်းကတော့ ... အန်းဆိုတဲ့ စာပေ မေဂျာ ကျောင်းသူလေးက ပညာရေးမှာ ပါရမီပါပြီး ထူးချွန်တယ်။ လူဆိုတာကတော့ အမှားနဲ့ မကင်းကြပါဘူး။ အမှားနဲ့မကင်းတဲ့ထဲမှာမှ ကံဆိုးသွားသူက အန်း ပေါ့။ တစ်ညတာလေး မှားမိခဲ့တာဟာ အန်း ဘဝကို ဇောက်ထိုးမိုးမျှော် ဖြစ်သွားစေခဲ့တယ်။ ဟုတ်ပါတယ် အန်းတစ်ယောက် ကိုယ်ဝန်ရသွားခဲ့တယ်။ အန်းက ဘဝရှေ့ရေး ရှိသေးတာမို့ ကလေးယူဖို့ တာဝန်မယူနိုင်သေးတဲ့အတွက် ကိုယ်ဝန်ဖျက်ချဖို့ ကြိုးစားခဲ့ပါတယ်။ ဒါပေမဲ့ ဘယ်ဆရာဝန်မှ မကူညီပေးခဲ့ဘူး။ ဥပဒေကလည်း လက်မခံခဲ့ဘူး။ မိဘတွေကိုလည်း ဖွင့်မပြောရဲ၊ သူငယ်ချင်းတွေကိုလည်း ဖွင့်မပြောရဲတဲ့ အန်းတစ်ယောက် ဒီအခက်အခဲကို တစ်ယောက်တည်း ဘယ်လို ကျော်လွှားနိုင်မလဲ? ဆိုတာကိုတော့ စိတ်ဝင်စားဖွယ်၊ ရင်နင့်ဖွယ် ကြည့်ရှုခံစားကြရမှာပါ။ (ဇာတ်လမ်းအညွှန်းနဲ့ ဘာသာပြန်ကတော့ Kit ပါ။) File Size : 2.2GB, 1.1GB, 463MB Quality : 1080p WEB-DL, 720p WEB-DL, 480p Format : mp4 Duration : 1hr & 40mins Genre : Drama Translated by Kit Encoded by Kinnov

IMDb (7.1) / Rotten Tomatoes (84%) ဒီကားက သိပ်ထွေထွေထူးထူး ညွှန်းပြနေစရာမလိုတော့ပါဘူး။ ပထမကားမှာ အောင်မြင်ခဲ့တဲ့ ဘိုရတ် ရုပ်ရှင်ဇာတ်ကားဟာ ဒုတိယကားမှာ နိုင်ငံရေးသရော်မှုတွေနဲ့အတူ ပြန်လာပါပြီ။ ဒီကားရဲ့အစမှာတော့ ဘိုရတ်ဟာ ပထမကားမှာ အောင်မြင်ခဲ့ပေမဲ့ သူ့နိုင်ငံဖြစ်တဲ့ ကာဇက်စတန်ကတော့ ကမ္ဘာ့အလယ် အဟားခံစရာ နိုင်ငံတစ်နိုင်ငံ ဖြစ်သွားခဲ့ရတာမို့ ဘိုရတ်ဟာ အလုပ်ကြမ်းနဲ့ ထောင်ဒဏ် တစ်သက်တစ်ကျွန်း ပြစ်ဒဏ်ခံခဲ့ရပါတယ်။ ပြစ်ဒဏ်ကျခံပြီး ၁၄ နှစ်ကြာပြီးနောက်မှာ ဘိုရတ်ဟာ သမ္မတနန်းတော်ဆီကို ဆင့်ခေါ်ခြင်းခံခဲ့ရပါတယ်။ အကြောင်းကတော့ အမေရိကန်မှာ သမ္မတအပြောင်းအလဲတွေ ဖြစ်ခဲ့ပြီး နောက်ဆုံးသမ္မတဖြစ်တဲ့ ဒေါ်နယ်ထရန့်ဟာ ကမ္ဘာ့လူကြမ်းခေါင်းဆောင်ကြီးတွေဖြစ်တဲ့ ပူတင်တို့ ကင်မ်ဂျုံအွန်းတို့နဲ့ ဘော်ဒါတွေဖြစ်နေပြီး ကာဇက်စတန်ကို အဖက်မလုပ်ဘဲ ပစ်ထားနေတာမို့ ကာဇက်စတန် သမ္မတက သူတို့နိုင်ငံကို ဒေါ်နယ်ထရန့် အရေးလုပ်ဖို့အတွက် လက်ဆောင်ပဏ္ဏာဆက်သဖို့ ဘိုရတ်ကို စေလွှတ်ချင်လို့ပဲဖြစ်ပါတယ်။ ဘိုရတ်ဟာ ၁၄ နှစ် အလုပ်ကြမ်းနဲ့ ထောင်ဒဏ်ကျခံရပြီးနောက် အမေရိကန်ကို တစ်ဖန်ပြန်သွားရပါတော့တယ်။ သူရောက်သွားတဲ့အခါမှာတော့ အမေရိကန်ဟာ သူအရင်ကသိခဲ့တဲ့ အမေရိကန်မျိုး မဟုတ်တော့ပါဘူး။ အရမ်းကိုပြောင်းလဲသွားပါပြီ။ ထို့နောက် ဘိုရတ်ဘာဆက်ဖြစ်မလဲဆိုတာကိုတော့ ဒီရုပ်ရှင်ဇာတ်ကားမှာ ဆက်လက်ကြည့်ရှုလိုက်ပါ။ အာမခံချင်တာတစ်ခုကတော့ အရမ်းအရမ်းကို ရယ်ရပါတယ် ပြီးတော့ မိသားစုနဲ့ အတူမကြည့်ပါနဲ့ ဖြစ်နိုင်ရင် ဘယ်သူနဲ့မှ မကြည့်ပါနဲ့ တစ်ယောက်တည်း ကြည့်ပါ။ တစ်ယောက်တည်း ကြည့်ပြီး အားရပါးရခွီလိုက်ပါ ပြီးမှ ကြည့်ပြီးတဲ့သူငယ်ချင်းတွေနဲ့ ပြန်ပြောရင်း ထပ်ခွီပါ။ ဒီဇာတ်ကားထဲမှာ လက်ရှိဖြစ်ပျက်နေတဲ့ ကိုရိုနာဗိုင်းရပ်စ်ကိစ္စတွေလည်း ပါဝင်ပြီး ကိုရိုနာဗိုင်းရပ်စ်ကို နှိမ်နှင်းနည်းတွေကအစပါဝင်တာမို့ ပညာရတယ်လို့ ပြောရင်း ဒီဇာတ်ကားရဲ့ အညွှန်းကို အဆုံးသတ်လိုက်ပါတယ်။ File size…(999 MB) Quality…Blu-Ray Rip 720p Format…mp4 Duration….01:35:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

ဒီကားလေးကတော့ rating မြင့် Drama ကားကြည့်ချင်သူများအတွက် ဇာတ်ကားကောင်းလေးပါ။ IMDb rating 7.5 အထိရရှိထားပြီး Daniel Day-Lewis ၊ Lesley Manville နဲ့ Vicky Krieps တို့ပါဝင်သရုပ်ဆောင်ထားပါတယ်။ စစ်ကြီးပြီး ၁၉၅၀ခုနှစ်နှောင်းပိုင်း လန်ဒန်မြို့တွင် ဇာတ်အိမ်တည်ထားပါတယ်။ Reynolds နဲ့ သူ့ရဲ့အစ်မဖြစ်သူ Cyril တို့ဟာ ဗြိတိသျှဖက်ရှင်လောကတွင် အထင်ကရမျက်နှာကြီးသူတွေဖြစ်ပြီး တော်ဝင်မျိုးနွယ်များ၊ ရုပ်ရှင်အကျော်အမော်များ၊ နာမည်ကျော်ကြားသူများအတွက် ဝတ်စုံချုပ်လုပ်ဖန်တီးသူတွေပဲဖြစ်ပါတယ်။ တစ်ကိုယ်တည်းနေ ၂ယောက်အတူနေနိုင်ကြတဲ့ အဲဒီမောင်နှမနှစ်ယောက်ဟာ သူတို့ရဲ့ဖက်ရှင်အလုပ်မှာပဲ စိတ်နှစ်မြုပ်ထားတာပဲဖြစ်ပါတယ်။ Reynold ဘဝမှာ သူ့ရဲ့ဝတ်စုံတွေဝတ်ဖို့ မော်ဒယ်တွေနဲ့အများကြီးပတ်သက်ဖူးထားသူဖြစ်ပေမယ့် အိမ်ထောင်ပြုခြင်းလည်းမရှိပါဘူး။ သူ့ဘဝကိုသူ စိတ်ကြိုက်မွမ်းမံဖြတ်သန်းနေသူပါ။ ဒါပေမယ့် ကံကြမ္မာတစ်ကွေ့မှာတော့ Alma ဆိုတဲ့အမျိုးသမီးတစ်ယောက်နဲ့တွေ့ဆုံပြီးနောက်ပိုင်း သူ့ရဲ့ဘဝမှာ တဖြေးဖြေးပြောင်းလဲလာပါတော့တယ် သူကိုယ်တိုင်တည်ဆောက်ထားတဲ့ဘဝဟာ အချစ်ကြောင့် ပြောင်းလဲမှုတွေဖြစ်ပေါ်လာပြီး အရာရာဟာတစ်မူထူးခြားလာတဲ့နောက်…… သူဘယ်လိုလုပ်မလဲ၊ Alma ကရောဘယ်လိုအမျိုးသမီးလေးမျိုးလဲ၊ သူတို့ကြားကဘယ်လိုတွေ ဆက်နွယ်မှုတွေရှိလာမလဲဆိုတာကိုတော့ ဒါရိုက်တာ Paul Thomas Anderson ကစိတ်ကူးကွန့်မြူးကာ ရိုက်ကူးထားတာကို ကြည့်ရှုရမှာပါ။ Rating မြင့်တဲ့ ဇာတ်ကားလေးဖြစ်သလို တွေးစရာလေးလည်း တစ်မျိုးတစ်ဖုံခံစားစရာလေးတွေ လည်းရမှာပဲဖြစ်ပါတယ် (ဇာတ်လမ်းအညွှန်းဘာသာပြန်သူကတော့ မေသရဖီလွင်ပါ) File Size : (0.99 GB) Quality : Blu-Ray 720p Running Time : 2hr 10min Format : Mp4 Genre : Drama, Romance Subtitle : Myanmar Subtitle (Hard Sub) Source : 720p.BluRay.x264-GECKOS Translated by May Tharaphi Lwin Encoded by Thanhtike Zaw

Bianka လို့ခေါ်တဲ့ ကောင်မလေး တစ်ယောက် ကတော့ ကလေးထိန်းတစ်ဦး ဖြစ်ပါတယ် လူတွေ သိပ်မသိတဲ့ အချက်က သူက Lesbian တစ်ဦး ဖြစ်ရုံမက စေတန်ကိုးကွယ်တဲ့ အဖွဲ့ဝင် တစ်ဦးလည်းဖြစ်ပါတယ် တစ်ရက်မှာတော့ မြို့ထဲက ပလတ်စတစ်ဆာဂျင် တို့ လင်မယား အိမ်ကို သူတို့ရဲ့ ၁၃ နှစ် သမီးလေး ညလုံးပေါက် ထိန်းဖို့ သွားရမှာပါ သူရဲ့ ရည်ရွယ်ချက် အမှန်ကရော သူတို့သမီးလေး ကို ထိန်းဖို့ အတွက်လားဘီယန်ကာ နဲ့ သူ့ သူငယ်ချင်း ချာလီတို့ကရော အပျိုစင် ကောင်မလေး ကို ဘာလို့ အသည်းအသန် လိုက်ရှာနေတာလဲ သူတို့ ရဲ့ မျက်နှာဖုံး အောက်က အမှန်တရားက ဘာလဲ Horror ဇာတ်ကားမျိုး ဖြစ်ပေမယ့် ရယ်စရာတွေလည်း အတော်ပါတာကြောင့် ဘယ်လို တိုင်ပတ်ပြီး အလွဲတွေ ဖြစ်ဦးမလဲ ဆိုတာ ကြည့်ကြရမှာပါ File size…(975MB/(512MB)/(263MB) Quality….Webrip 1080p / 720p / 480p Format…mp4 Duration….01:15:00 Genre…Comedy / horror Subtitle….Myanmar Subtitle (Hardsub) Encoder….Mr. Anderson Translated by Kevin

Prime က ရိုက်ကူးထားတဲ့ လူငယ်ဆယ်ကျော်သက် သရဲကားကောင်းလေးနဲ့ မိတ်ဆက်ပေးချင်ပါတယ်။ ၁၉၇၀ , ၈၀ ကာလမှ ဇာတ်အိမ်တည်ထားတဲ့အတွက် Stranger Things ဆန်ဆန်အငွေ့အသက်တွေနဲ့ ရစေမှာပါ… အက်ဘီနဲ့ဂရက်ချန်လန့်ဆိုတဲ့ သူငယ်ချင်းကောင်မလေး ၂ ယောက်ရှိပြီး တစ်ယောက်နဲ့တစ်ယောက် အတိုင်အဖောက်ညီပြီး အရမ်းခင်ကြပါတယ်… တစ်နေ့ ကျောင်းက သူငယ်ချင်းတစ်စုနဲ့ မြို့အစွန်က ရေကန်အိမ်မှာ ပျော်ပွဲစားထွက်ကြရင်း ညဘက် သရဲခေါ် ဘုတ်ပြားဂိမ်းအတူတူဆော့တာကနေ ဇာတ်လမ်းစပါတော့တယ်။ ဂရက်ချန်ကို အမည်မသိ မကောင်းဆိုးတစ်ကောင်ဝင်ပူးသွားပြီး….ဘယ်သူမှမသိလိုက်ပါဘူး ကျန်တဲ့ သူငယ်ချင်းတွေလည်း ဘာမှမဖြစ်သလိုပုံမှန်ပဲနေခဲ့ကြပြီး….နေ့စဉ်ဘဝကို ဆက်လက်ဖြတ်သန်းနေပါတယ် ဒါပေမယ့် ဝင်ပူးခံရတဲ့ ဂရက်ချန်ရဲ့ အပြုအမူတွေကဟာ တစ်နေ့တစ်နေ့ပိုပိုဆိုးလာပြီး အက်ဘီက ရိပ်မိသွားပါတော့တယ်….အက်ဘီတစ်ယောက် သူ့အချစ်ဆုံး သူငယ်ချင်းကို ဘယ်လို သရဲနှင်မလဲဆိုတာကိုတော့ ဒီကားလေးမှာ ကြည့်ရှုရမှာ ဖြစ်ပါတယ်။ (အညွှန်းနဲ့ ဘာသာပြန်ကိုတော့ Thiha Yan Naing ကရေးသားထားပါတယ်) File size…(1.95GB)/(877MB)/(428Mb) Quality….Webrip 1080p / 720p / 480p Format…mp4 Duration….01:37:00 Genre…Horror / / Comedy / Thriller Subtitle….Myanmar Subtitle (Hardsub) Encoder….Mr. Anderson Translated by Thiha Yan Naing

စစ်ထွက် လူပေလူတေကြီးတစ်ယောက် ပိုက်ဆံမရှိ နေစရာမရှိ အလုပ်မရှိ လျှောက်သွား တောင်းစား အရက်ကိုမိုးမလင်းသောက် ဘဝရဲ့ အလင်းရောင် ပျောက်နေရှာသူကြီး…. အဲဒီလူကြီးကို သေဘေးကနေ ကယ်တင်ပေးလိုက်တဲ့ ပြည့်တန်ဆာမလေးတစ်ယောက် နေစရာပေး ပိုက်ဆံပေး အလုပ်ခန့် လစာပေး ခန္ဓာကိုယ်ပါပေး နောက်ဆုံး အချစ်တွေပါ ပေးလိုက်ပါသတဲ့ အဲဒီပြည့်တန်ဆာမလေးကို လူတစ်အုပ်က အနိုင်ကျင့်သတ်ဖြတ်ပြီး စစ်သားထွက်ကြီးကို လူသတ်တရားခံ မုဒိမ်းကောင်အဖြစ် အကွက်ဆင်ထားခဲ့ပြီး နံရံတွေနောက် ၁၄ နှစ် ရောက်သွားရတဲ့ ကံဆိုးသူမောင်ရှင်…. သူထွက်လာတဲ့တစ်နေ့မှာ အဲဒီနေ့က လူတစ်အုပ်ကို တစ်ယောက်ချင်း ရှာဖွေလို့ ပြန်လှန်လက်စားချေတဲ့အခါမှာတော့… စစ်သားအိုကြီး နံရံတွေနောက်ကထွက်လာ ‌ေြခတုန်လက်တုန်နဲ့ သေနတ်ကိုင် လက်စားချေခရီးကြမ်းကို အပြီးထိလှမ်းနိုင်ပါ့မလား… ဒီဇာတ်ကားမှာ အပေါ်ပိုင်းဗလာကျင်းတာတွေ လိင်အသားပေးစကားတွေ အဆဲအဆိုတွေကြောင့် မိသားစုနဲ့ အတူတော့ မကြည့်သင့်ပါဘူး ။ File Size__(1.1GB) / (550MB) Quality__WEB-DL_1080p, 720p IMDb Rating__4.6/10 Format__mp4 Duration__01:32:00 Type__Crime , Thriller Subtitle__Myanmar Subtitle (Hardsub) Translated by Arr Khun Winchester Encoded by Naing Aung Latt

SongJiang GodFather ဆိုတဲ့ Action ရုပ်ရှင်လေးပဲ ဖြစ်ပါတယ်။ ဇာတ်လမ်းအကျဉ်းလေးကတော့- 1930 ခုနှစ် အစောပိုင်းလောက်မှာ ဂျပန်က တရုတ်ပြည်မထဲက ဟယ်နန်ပတ်ဝန်းကျင်မှာ စီးပွားရေးတိုးချဲ့ရန် ကြိုးစားနေပါတယ်။ ထိုအချိန်မှာ ဂျပန်မှ ရင်းနှီးမြှုပ်နှံမှုတွေ များစွာဝင်လာခဲ့ပါတယ်။ ဂျပန်လျှို့ဝှက်တပ်ဖွဲ့တွေကလဲ ကျန့်ကျိုးတစ်ဝိုက်မှာ လျှို့ဝှက်စွာ စုံစမ်းစစ်ဆေးမှုတွေ လုပ်နေပါတယ်။ ဂျပန်တွေ ဖက်ကလဲ ဂျပန်တုန်းယန်ကုမ္ပဏီတည်ထောင်ပြီး စီးပွားရေး ဆိပ်ကမ်းတည်ဆောက်ရန်အတွက် ပြည်မအတွင်းမှ ကုန်သည်များအဖွဲ့နဲ့ ပူးပေါင်းရန် လိုအပ်နေပါတယ်။ ဒါကို ကုန်သည်များအဖွဲ့ဥက္ကဌကြီးကုက လက်မခံခဲ့ပါဘူး။ သို့သော် ဥက္ကဋ္ဌကြီးရဲ့ သားအရင်းဖြစ်သူ ကုရှီးကွမ်းကတော့ ဂျပန်တွေနဲ့ ပူးပေါင်းပြီး အကျိုးအမြတ်ရချင်တဲ့အတွက် အ ဖေဖြစ်သူကို သတ်ခဲ့ပြီး သူ့ရဲ့မွေးစားညီဖြစ်သူ ကုယန့်ချိုးကို စွပ်စွဲခဲ့ပါတယ်။ လူသတ်သမားအဖြစ် စွပ်စွဲခံထားရတဲ့ ကုယန့်ချိုးတစ်ယောက် သူအပြစ်ကင်းကြောင်းကို သက်သေပြဖို့ ဘယ်လို ကြိုးစားရမလဲ…… သူ့အဖေကို သတ်ခဲ့တဲ့လူကိုရော ကလဲ့စားပြန်ချေနိုင်ပါ့မလား ဆိုတာကို ရုပ်ရှင်လေးကိုပဲ ကြည့်ရှုခံစားလိုက်ပါနော်။

Samara (2023) “ဇာတ်ရှုပ်” ===================== IMDb 8.6 အန်တိုနီဆိုတဲ့ ရဲအရာရှိဟာ နှင်းတွေဖုံးလွှမ်းနေတဲ့ အစွန်အဖျားဒေသက မြို့လေးတစ်မြို့ကို တာဝန်ထမ်းဆောင်ဖို့ ရောက်လာခဲ့ပါတယ်။ အဲဒီမြို့လေးမှာ လူတွေဟာ ထူးဆန်းတဲ့ပုံစံနဲ့ တစ်ယောက်ပြီးတစ်ယောက် သေနေပါတယ်။ အန်တိုနီဟာ အဲဒီ လူတွေသေနေရတဲ့အကြောင်းအရင်းကို ဖြေရှင်းဖို့ကြိုးစားရာကနေ ဇီဝစစ်ပွဲဖြစ်လာနိုင်တဲ့ နောက်ကွယ်ကကိစ္စတွေကို ဖော်ထုတ်မိကုန်ပါတော့တယ်။ ဒီ Samara ဆိုတဲ့ရုပ်ရှင်ဟာဆိုရင် ဒါရိုက်တာ Charles Joseph ရဲ့ ပွဲဦးထွက် သိပ္ပံစိတ်ကူးယဉ် သည်းထိတ်ရင်ဖိုရုပ်ရှင်ပဲဖြစ်ပါတယ်။ ရုပ်ရှင်ထဲမှာပါဝင်တဲ့ သရုပ်ဆောင်တွေက ပရိသတ်တွေအတွက် အမြင်စိမ်းနေနိုင်ပေမဲ့ ဇာတ်လမ်းက စပိုင်ဇာတ်လမ်းဆန်ဆန်နဲ့ ဇာတ်အိမ်ခိုင်တဲ့အတွက် ပရိသတ်တွေ သဘောကျနိုင်မယ့် ရုပ်ရှင်လေးတစ်ခုပါပဲ…။ ( ဒီရုပ်ရှင်ရဲ့ အညွှန်းနဲ့ ဘာသာပြန်တွေကတော့ Yunni, V, BpL နဲ့ Zwe Yan တို့ပဲဖြစ်ကြပါတယ်။ ) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood)

ဒါလေးကတော့ အပိုင်း (၁) ရဲ့ အဆက်ပဲ ဖြစ်ပါတယ်။ စုစုပေါင်း ၆ ကားရှိတာဖြစ်ပြီး အကုန်တင်ဆက်သွားမှာပါ အစအဆုံးတွေကို အောက်ကလင့်လေးကိုနိပ့်ပီးရှာလို့ရပါတယ် The Legend of Detective Sleek Rat – Channel Myanmar ထူလုံအဖွဲ့ကိုချေမှုန်းနိုင်ခဲ့ပြီ ဆိုပေမယ့် သတ်ဖြတ်မှုတွေက ရှိနေပါသေးတယ်။ မင်းကြီးက ပေါင်ချိန်နဲ့ ပိုင်ယွိထန်တို့ ထူလုံအဖွဲ့ကို ရှင်းလင်းလိုက်နိုင်ခဲ့ကြောင်းကို သိရှိခဲ့ပေမယ့် ရာထူးနဲ့ ဆုလာဘ်တော်တွေ မချီးမြှင့်ပေးခဲ့ပဲ ပေါင်ချိန်ကို ဇာတိပြန်ခိုင်းခဲ့ပါတယ်။ သတ်ဖြတ်မှုတွေ တဖန်ပြန်စတင်လာချိန်မှာ ပိုင်ယွိထန်က သူ့သိုင်းပညာနဲ့ ဉာဏ်ပညာကိုအသုံးပြုပြီး လိုက်လံသတ်ဖြတ်မှုတွေကို ရှောင်ရှားနိုင်ခဲ့ပေမယ့် ဖမ်းမိန့်ထုတ်ခံခဲ့ရပါတယ်။ စုံစမ်းစစ်ဆေးပြီးနောက်မှာတော့ နောက်ကွယ်က အဓိကကြံစည်သူပေါ်ထွက်လာခဲ့ပြီး အမှန်တရားလည်း ပေါ်ထွက်လာခဲ့ပါတယ်။ အဓိက ကြံစည်သူက ဘယ်သူဖြစ်လိမ့်မလဲ…… မင်းကြီးနဲ့ မယ်တော်ကြီးတို့ တော်ဝင်မိသားစုအတွင်းမှာရော ဘယ်လို လျှို့ဝှက်ချက်တွေ ရှိနေမလဲ ဆိုတာကို ဆက်လက်ကြည့်ရှုလိုက်ရအောင်နော်။

Kayla’s Kin 2024 ================= နိုင်ဂျီးရီးယား ကနေပြီးတော့ movie တွေထွက်လာတဲ့အထဲမှာ ဇာတ်ညွှန်းလေးတွေကမဆိုးဘူးလို့ပြောလို့ရတယ်။ ပညာပေးကလဲ ဇာတ်လမ်းတိုင်းလိုနည်းနည်းမှာ တစ်နည်းနဲ့မဟုတ်တစ်နည်း ထည့်ပြီးတော့ ပညာပေးတတ်ပါသေးတယ်။ သရုပ်ဆောင်တွေရဲ့အရည်ချင်းလဲ မဆိုးဘူးပြောလို့ရပါတယ်။ သူတို့ဒီလိုမျိုးဆက်ပြီး ကြိုးစားသွားမယ်ဆိုရင်တော့ တစ်နေရာရာတော့ ရောက်လာမှာပါ။ ဇာတ်လမ်းအကျဉ်းလေးကိုပဲ ဆက်ပြီးပြောလိုက်ကြပါ‌စို့ … ကေလာဆိုတဲ့မိန်းကလေးတစ်ယောက်က အောင်မြင်နေတဲ့ အမျိုးသမီးလုပ်ငန်းရှင်တစ်ယောက်ပါ။ ဒါပေမဲ့ သူရဲ့ငယ်ဘဝကတော့ လွယ်ကူခဲ့တာတော့မဟုတ်ပါဘူး။ ဖခင်ကလူမိုက်ခေါင်းဆောင် မိခင်ဖြစ်သူက ဖခင်ရဲ့ရန်ကိုကြောက်တော့ သေချင်ယောင်ဆောင်ပြီးတော့ သမီးလေးကို ဖခင်နဲ့ဝေးရာမှာ တစ်ဦးတည်းပြုစုပျိုးထောင်ခဲ့တာပါ။ ဒီလို ဖခင်မျိုးရှိတာကြောင့် ကေလာက ယောကျာ်းသားတွေဆို မုန်းတီးပြီး‌မြင်သမျှယောကျာ်းတွေကို အယုံကြည်မရှိတော့တာ။ ဒါကိုပြုပြင်ပေးဖို့ကို မိခင်ဖြစ်သူကကော သူငယ်ချင်းကကော ကြိုးစားပေမဲ့မအောင်မြင်ခဲ့ဘူး။ ဒါပေမဲ့ တစ်နေ့မှာတော့ သူ့ကိုသဘောကျတဲ့ကောင်လေးတစ်ယောက် ချစ်ရေးဆိုဖို့ကြိုးစားလာတဲ့အခါမှာတော့ ကေလာ တစ်ယောက်သူ့ဆုံးဖြတ်ချက်နဲ့သူ့ဘဝကို ဘယ်လိုတွေကပြောင်းကပြန်ဆန်စေမလဲဆိုတာတော့ ဆက်လက်ရှုစားကြပါဦး

ဒီဇာတ်ကားလေးကတော့ ၂၀၂၅ ခုနှစ်ထွက် Mystery/Thriller အမျိုးအစားဇာတ်ကားကောင်း‌လေးဖြစ်ပြီး IMDb rating 5.6/10 ရရှိထားတာလည်းဖြစ်ပါတယ်။ လွန်ခဲ့တဲ့ ၂၇ နှစ်တုန်းက Huntsville မြို့ငယ်လေးမှာ ကတ်ထရီနာ ဆိုတဲ့ မိန်းကလေးငယ်လေးတစ်ဦး အဓမ္မပြုကျင့် သတ်ဖြတ် ခံခဲ့ရပါတယ်။ ဒီအမှုအတွက် ကလေးထိန်းဖြစ်သူ အသက် ၁၄ နှစ် အရွယ် ဂျက်ဟဲရစ် ဟာ တရားခံအဖြစ် စွပ်စွဲထောင်ချခံခဲ့ရပါတယ်။ ဆယ်စုနှစ် ၃ ခုနီးပါးအကြာ ထောင်ထဲမှာနေခဲ့ရပြီး နောက်ဆုံး အမှုကို ပြန်လည်စစ်ဆေးချိန်မှာ သက်သေခံပစ္စည်းတွေဟာ မှားယွင်းနေခဲ့ကြောင့် သက်သေထွက်လာတဲ့အတွက် အပြစ်မရှိဘဲ မှားယွင်းဆုံးဖြတ်ခံရတယ်လို့ စီရင်ချက်ချပြီး ပြန်လည်လွတ် မြောက်လာပါတယ်။ ဒါပေမဲ့လည်း နာမည်ဂုဏ်သတင်းဟာ သေသွားခဲ့ပြီ ဖြစ်တာကြောင့် မြို့ဟာ သူ့ကို အရင်လို မကြည်ဖြူ တော့ပါဘူး။ အသတ်ခံလိုက်ရတဲ့ကောင်မလေးရဲ့ မိဘတွေဟာလည်း ဂျက်ဟဲရစ် ကို မကျေနပ်ပဲ သူ သတ်ခဲ့တယ်လို့သာ ယူဆထား တာကြောင့် လှုပ်ရှားမှုတွေ စတင်ပြုလုပ်လာပါတော့တယ်။ ဂျက်ဟာလည်း နာမည်ဂုဏ်သတင်းကို ပြန်လည်အဖတ်ဆည်ဖို့ အတွက် တရားခံအစစ်ကို ရှာဖွေဖို့ စတင်ကြိုးစားခဲ့ပါတော့တယ်။ ဒီလိုနဲ့ပဲ နှစ်ဘက်ထိပ်တိုက်တွေ့ကြချိန်မှာတော့ ဘယ်လို တွေဖြစ်သွားမလဲ….. ဘယ်သူတွေမှားလို့ ဘယ်သူတွေမှန်ကြလဲ … အသည်းတအေးအေးနဲ့ ကြည့်ရှုခံစားလိုက်ကြပါစို့ခင်ဗျာ။ File size… (1.22GB) / (721MB) Quality… WEB-DL 1080p HEVC / 720p Format…mkv / mp4 Duration….1h 26m Genre …..Thriller Subtitle….Myanmar Subtitle (Hard Sub) Encoder….Min Wai Translated by Wil

ကိုလမ်ဘိုဟာ ဘာကိုမှ အလေးအနက်မထားဘဲ ကားပြင်တဲ့ ဆိုင်တစ်ခုမှာ အလုပ်လုပ်ရင်း ဘဝကိုဖြစ်သလို ဖြတ်သန်းနေတဲ့သူပါ.. သားဖြစ်သူရဲ့ မွေးနေ့ကိုပါ မမှတ်မိတာကြောင့် ဇနီးဖြစ်သူက ကွာရှင်းပေးဖို့ တောင်းဆိုခံလိုက် ရပါတော့တယ်.. အဲဒီအချိန်မှာ ကြိုးကြာငှက်တွေကို သွားကြည့်ချင်တဲ့ အဘိုးကြီးမာရီယိုက ကိုလမ်ဘိုတို့ရဲ ဆိုင်ကို ရောက်လာပြီး သူ့ကို ကားသမားအဖြစ် ငှားရမ်းခဲ့ပါတယ် ကိုလမ်ဘိုလည်း ငွေလိုနေချိန်ဖြစ်တာကြောင့် ပိုက်ဆံအများကြီး ပေးမယ်ဆိုတဲ့ မာရီယိုနောက်ကို လိုက်လာပါတော့တယ်.. ဒီလိုနဲ့ နှစ်ယောက်အတူ ခရီးထွက်လာကြရင်း ဘယ်လိုပြဿနာတွေကို ကြုံတွေ့ရပြီးတော့ မာရီယိုတစ်ယောက် သူမြင်ချင်တဲ့ ကြိုးကြာငှက်တွေကို မြင်တွေ့ခွင့်ရမလားဆိုတာကို ကြည့်ရှုရမှာပဲ ဖြစ်ပါတယ်.. ဒိတ်ဒိတ်ကြဲ နာမည်ကြီးသရုပ်ဆောင်တွေ မပါပေမဲ့ ဘဝမှာ တွေ့ကြုံရတတ်တဲ့ အခက်အခဲ‌တွေအကြောင်း ရိုက်ကူးထားတာဖြစ်ပြီး စပိန်နိုင်ငံအပြင် ဥရောပတိုက် တစ်လွှားမှာရှိတဲ့ နိုင်ငံပေါင်းများစွာမှာ ရိုက်ကူးထားတာ ဖြစ်လို့ အဲဒီနိုင်ငံတွေရဲ့ လှပတဲ့ရှူခင်းတွေကိုပါ ခံစားရမှာ ဖြစ်ပါတယ်.. ဒါကြောင့်မို့ လက်မလွှတ်တမ်း ကြည့်ရှုသင့်တဲ့ ဇာတ်လမ်းလေးတစ်ပုဒ်ဖြစ်ပါတယ်…. File size… (1.53 GB) / (894 MB) Quality… WEB-DL 1080p HEVC /720p Format…mkv / mp4 Duration….1h 40m Genre …..Adventure , Comedy , Drama Subtitle….Myanmar Subtitle (Hard Sub) Encoder….Min Wai Translated by okka

3BHK (2025) နွေးထွေးတဲ့ အိပ်မက်အိမ်ကလေး IMDb -7.6/10 သာမန်မိသားစုလေးတစ်ခုရဲ့ ရိုးရှင်းနွေးထွေးတဲ့ အိပ်မက်လေးတစ်ခုအကြောင်းကို ဒရာမာခပ်နည်းနည်းနဲ့ တင်ပြထားတဲ့ ရုပ်ရှင်လေးတစ်ခုကို တင်ဆက်ပေးချင်ပါတယ်။ အိမ်ပိုင်မဟုတ်တဲ့ အိမ်ထောင်စုလေးတစ်ခုရဲ့ အခန်းကိုယ်စီနဲ့အိမ်လေးရဖို့ ကြိုးစားမှုလေးက အတော်လေးချစ်စရာကောင်းတာမလို့ ခုပဲ ရှုစားလိုက်ရအောင်ပါ။ ဗာဆူဒေဗန်က သားတစ်ယောက် သမီးတစ်ယောက်ရှိတဲ့ မိသားစုလေးရဲ့ အိမ်ထောင်ဦးစီး သူ့ရဲ့ ကာလရှည်ကြာအိပ်မက်တစ်ခုက မြို့ထဲမှာ အခန်းကိုယ်စီပါတဲ့ တိုက်ခန်းကောင်းကောင်းတစ်လုံး ဝယ်ဖို့ပါပဲ။ ဒါပေမဲ့ ရတဲ့လစာနဲ့ မိသားစုတွေစားစရိတ် သားသမီးတွေရဲ့ ကျောင်းစရိတ်က လောက်ငှရုံလေးဆိုတော့ အိပ်မက်က လိုက်လေပြေးလေ တွေးလေဝေးလေဖြစ်နေတာပေါ့။ ဒီလိုနဲ့ ဆင်ခြေဖုံးရပ်ကွက်မှာ အိမ်ဝယ်တော့မယ်လို့အတွေး မြို့ထဲကတိုက်ခန်းကို ငေးကြည့်နေတဲ့ အဖေ့ရဲ့ဆွေးရိပ်ထင်နေတဲ့မျက်နှာကိုကြည့်ပြီး သူတို့တစ်မိသားစုလုံး အိမ်ဝယ်ဖို့ ကြိုးစားပါတော့တယ်။ ကဲ သူတို့အိပ်မက်ထဲက Home sweet homeလေးကို ပိုင်ဆိုင်ခွင့် ရသွားကြမလားကတော့ အတူရှုစားကြပါဦးစို့။ (အညွှန်းနဲ့ဘာသာပြန်ကတော့ CM B Teamမှပဲဖြစ်ပါတယ်)