ပါးစပ်မစေ့ပဲနဲ့ ရယ်နေရမယ့် ဟာသကားလေး လာပါပြီဗျာ တစ်ခုတော့ပြောမယ် IMDB Rating သွားမကြည့်လိုက်နဲ့ ဒီကားမှာတော့ အဲဒီဟာ တကယ်မှားတယ်၊ ကြည့်ကြည့်လိုက် မင်းသား Rob Schneider ရဲ့ အဖောက်သရုပ်ဆောင်ချက် တွေနဲ့တင် တန်စေရမယ်။ ဇာတ်လမ်းအကျဉ်းလေးက ဒီလို ကိုယ်တွေဆရာသမား မာဗင်ဆိုတာ သောက်တလွဲကောင် အရှုံးသမား၊ အဖေက ရဲဖြစ်ခဲ့လို့ ရဲဖြစ်ချင်ပေမဲ့ အရည်အချင်း မပြည့်မှီတဲ့ကောင် ရဲဖြစ်ဖို့ စာမေးပွဲ ဖြေတိုင်းလည်း အမြဲကျနေကြ၊ ကြိုက်တဲ့ ဆော်လေးကလည်း သဘာဝထိန်းသိမ်းရေးနဲ့ တိရစ္ဆာန်ချစ် ဘာညာပေါ့ဗျာ။ စခန်းမှာလည်း အကုန်လုံး ဝိုင်းနှိမ်ခံထားရတော့ တစ်ရက်ကျ တစ်စခန်းလုံး ဘောပွဲသွားနေကြတုန်း ဓားပြမှု ဖုန်းဝင်လာတယ်၊ အရာရှိတွေ ဆက်မရတဲ့အဆုံး သူကိုယ်တိုင် သွားကယ်တင်ရာကနေ လမ်းမှာတင် ကားမှောက် ခွေးဖြစ်ပါ လေရော သေလုနီးပါးပဲ။ ဒါပေမဲ့ နောက်နေ့ကျ ပြန်ကောင်းလာတယ် ထင်တာ တကယ်က မဟုတ်ဘူး သူပျောက်နေတာ ၈ ရက်လောက် ရှိနေပြီ နောက်ပြီး သူ ထူးဆန်းနေတယ် သတ္တဝါပေါင်းစုံလို ပြုမူနေပြီး ထိန်းချုပ်မှု လွတ်လွတ်သွားတယ်။ တကယ်တမ်း အဲဒီအတွက် အဖြေက သူ ကားမှောက်နေတဲ့အချိန် သိပ္ပံပညာရှင် ဆရာဝန်ကြီးက တွေ့ပြီး ကယ်ဖို့ အင်္ဂါအစိတ်အပိုင်းလိုတာကို တိရစ္ဆာန်ဟာတွေ ထည့်ပြီး ခွဲစိတ်ကုသလိုက်ရာကနေ လူစင်စစ် ကနေ တိရစ္ဆာန်လုံးလုံး ဖြစ်သွားခဲ့တာပါ။ ဒါပေမဲ့ တဖြည်းဖြည်း လူသားစိတ်ကိုကျော်လွန်ပြီး တိရစ္ဆာန်စိတ် များလာတဲ့အချိန် မှာတော့…..။ အညွန်းအတိုင်းပါပဲ ဒီဘဲကြီး တိရစ္ဆာန်စိတ်ပေါက်ပြီး ပရမ်းပတာလုပ်တဲ့အချိန်တွေ အခွီရဆုံး အချိန်တွေပါပဲ ခွေးတွေ လိုဖြစ်တာတို့ မိတ်လိုက်ချင်တာတို့ဆို တကယ်အတောမသတ်ရပဲ ရယ်နေရတာ။ ဒီဟာသမင်းသားကြီး သရုပ်ဆောင်ပြီး ထိန်းသွား တာလည်းပါတယ် မင်းသမီးလေးကလည်း ငယ်ဘဝတုန်းက ချစ်သုဝေ တို့လို ဒီဇိုင်းနဲ့ ချစ်စရာလေး ခက်တာ ဒီကားပြီးတော့ ဆက်ရိုက်ကူးခြင်း မရှိခဲ့တော့ အလွမ်းပြေပဲ ကြည့်ရတာပေါ့လေ။ ကဲ စိတ်ညစ်နေရင် တော့ ဒေါင်းသာကြည့်လိုက်ပါတော့ တစ်ခုရှိတာက အဖော်အချွတ် အိပ်ရာခန်းမပါပေမဲ့ လိင်ဟာသလေးတွေ ပါတာမို့ ကလေးသူငယ်ရှိ တစ်ချက် သတိထားစေလိုပါတယ်ဗျ။ File size…1.54GB / 820MB Quality…WEBRip 1080p / 720p Format…mp4 Duration….1h 24m Genre ..... Comedy , Sci-Fi Subtitle….Myanmar Subtitle (Hard Sub) Encoder….Min Wai Translated by Thura Aung

~ IMDb - 7.7/10, Rotten Tomatoes - 92% ~ ဒီဇာတ်ကားအကြောင်းပြောမယ်ဆိုရင် ပါတဲ့လူ ၂ ယောက်အကြောင်းက စပြောရပါလိမ့်မယ်။ အမေရိကန် ပြဇာတ်ရေးဆရာ Wallace Shawn နဲ့ ပြင်သစ်-အမေရိကန် ပြဇာတ်ဒါရိုက်တာ Andre Gregory တို့ပေါ့။ ဇာတ်လမ်းထဲမှာလည်း သူတို့နာမည်ရင်းပဲသုံးထားတယ်။ ဒီဇာတ်ကားရိုက်ဖြစ်မယ့်အချိန်တုန်းက Andre ဟာ နှစ်နဲ့ချီခရီးတွေထွက်နေခဲ့လို့ အနုပညာကိစ္စတွေနဲ့ဝေးနေတဲ့အချိန်... အဲဒီမှာသူ့လုပ်ဖော်ကိုင်ဖက်ဟောင်း Wallace Shawn ကိုဆက်သွယ်ပြီး အနုပညာနဲ့ပတ်သက်တဲ့တစ်ခုခုလုပ်ကြဖို့ ပြောခဲ့တယ် (အဲဒီလိုဆက်သွယ်လာတာကို ရုပ်ရှင်ထဲမှာတော့ ညစာစားဖို့ဆက်သွယ်လာခဲ့ကြောင်း ထည့်ရိုက်ထားတယ်) Wallace ကလည်း လက်ခံလိုက်ပေမယ့် ဘာလုပ်ရမှန်းသိခဲ့တာမဟုတ်ဘူး။ သူတစ်ခုသိတာက Andre အနေနဲ့ သူတို့ချင်းမတွေ့ရတဲ့အတောအတွင်းက ဇာတ်ကြောင်းတွေပြန်ပြောပြချင်မယ်ဆိုတာပဲ။ အဲဒါကို တည်ပြီး မိတ်ဆွေနှစ်ယောက် ညစာစားရင်း စကားပြောကြတဲ့ပုံစံမျိုးနဲ့ ရုပ်ရှင်ရိုက်တယ်။ သူတို့နှစ်ယောက်ပဲ ဇာတ်ညွှန်းရေးတယ်။ ဒါရိုက်တာက Louis Malle... 1950 ‌ဝန်းကျင် ပြင်သစ်ရုပ်ရှင်လောက‌အကြောင်းပြောရင် မပြောမဖြစ်ထည့်ပြောရမယ့်၊ ဗင်းနစ်ရုပ်ရှင်ပွဲတော်ရဲ့ ရွှေခြင်္သေ့ဆုကို နှစ်ကြိမ်ရထားတဲ့ ဒါရိုက်တာတစ်ယောက်။ ရိုက်ပုံရိုက်ကွက်တွေက ‌Reality ဆန်တယ်၊ တချိန်တည်းမှာပဲ အနုပညာမြောက်တယ်။ ဒီရုပ်ရှင်က အခုအချိန်ထိ ရုပ်ရှင်လောကမှာလွှမ်းမိုးမှုကြီးနေသေးတာကလည်း သူရိုက်ကူးခဲ့တာကြောင့် တစ်စိတ်တစ်ပိုင်းပါပါလိမ့်မယ်။ ဇာတ်လမ်းအကြောင်းအရာအရဆိုရင် ဒီဇာတ်ကားက ရိုးလည်းရိုး ဆန်းလည်းဆန်း လန်းလည်းလန်း လို့ပြောလို့ရတယ်။ ဇာတ်လမ်းအစမှာတော့ ကိုယ့်ဘဝကိုယ်မကျေမနပ်ဖြစ်နေပြီး ပုံစံခွက်တစ်ခုထဲ ပိတ်မိနေတဲ့ ဝေါလေ့စ် တစ်ယောက် ညစာစားဖို့ အန်ဒရေ ဆီ သွားရာကစထားတယ်။ လမ်းမှာလည်းသူ့ဘဝသူ ငြီးတွားရင်းပေါ့။ စားသောက်ဆိုင်ကို အန်ဒရေရောက်လာတော့ အန်ဒရေက သူပျောက်နေတဲ့အတောအတွင်းအဖြစ်အပျက်တွေကို ရေပက်မဝင်ပြောတော့တာပဲ။ သူ ပိုလန်က တောထဲရောက်သွားပြီး စိတ်လိုလက်ရ စိတ်ထဲရှိတဲ့အတိုင်းလုပ်ခဲ့တဲ့အကြောင်းတွေ... ဆာဟာရထဲသွားပြီး ဘုန်းကြီးတစ်ပါးနဲ့ ပြဇာတ်ရိုက်ဖို့လုပ်ခဲ့ပုံတွေ... စကော့တလန်က ဖင်းန်ဟွန်းဆိုတဲ့အဖွဲ့ဆီသွားခဲ့ပုံတွေ... ဟောလိုးဝင်းမှာအရှင်လတ်လတ် မြေမြုပ်ခံခဲ့ပုံတွေပေါ့။ အဲဒီနေရာတွေကို အန်ဒရေ သွားခဲ့ရတာကလည်း သူ့အနေနဲ့ သူနေထိုင်နေရတဲ့ဘောင်လေးထဲကနေရုန်းထွက်ပြီး တကယ့် လူစစ်စစ်ဖြစ်ဖို့၊ လူလူချင်းအမှန်တကယ်ဆက်နွယ်မိဖို့နဲ့ ပကတိတရားနဲ့ ထိတွေ့ဖို့ အတွက်ဆိုပြီး အကြောင်းပြချက်ပေးတယ်။ လူစစ်စစ်ဖြစ်ဖို့ဘာတွေလိုလဲ... လူတွေဟာ အခုလို စက်ရုပ်ကြီးအတိုင်း ကိုယ်လုပ်နေကျကိစ္စတွေကို လုပ်‌ရင်းပဲ သေဆုံးသွားရမှာလား... ပကတိတရား သဘာဝတရားကြီးနဲ့ထိတွေ့မှုရှိမှ လူစစ်စစ်ဖြစ်နိုင်မယ့်အကြောင်းကိုပြောတယ်။ ဝေါလေ့စ်ကတော့ သူ့အမြင်တွေကို သိပ်သဘောမတူဘူး။ လူတိုင်းဟာ ပကတိတရားနဲ့ထိတွေ့ဖို့ အဲဒီလောက်မလုပ်နိုင်ဘူးလို့သူယုံတယ်။ သူ့အမြင်တွေကို သူ လျှပ်စစ်စောင်လေးကိုကြိုက်ပုံ၊ ကော်ဖီအသင့်ဖြစ်နေတာလေးကို ကျေနပ်ပုံတွေနဲ့ ပြန်ရှင်းပြတယ်။ အဲဒီလို သူတို့ရဲ့ရှုထောင့်ကိုယ်စီကနေ အဲဒီခေတ်နဲ့ အခုခေတ်လူတွေကြုံတွေ့နေရတဲ့ လစ်ဟာမှုကို အဓိပ္ပာယ်ဖွင့် ဖြေရှင်းချက်ထုတ်ဖို့ကြိုးစားကြတာပေါ့။ စကားလေးတွေ‌ပဲပြောပေမဲ့ ကြည့်နေတဲ့သူက ပုံရိပ်တွေတစ်ကွက်ပြီးတစ်ကွက် ကြည့်နေရသလိုခံစားရတယ်။ လူလူချင်း လက်တွေ့ဆက်နွယ်‌မှုပျောက်နေတဲ့အကြောင်း၊ လူတိုင်းဟာ ကိုယ်ပိုင်စိတ်ကူးယဉ်ကမ္ဘာထဲ နေထိုင်နေတဲ့အကြောင်းတွေ ပြောတဲ့အခါ ကိုယ့်အဖြစ်တွေနဲ့ပါ တိုက်ဆိုင်ဆက်စပ်ကြည့်ရင်း ကိုယ့်ရဲ့လောကအပေါ် ရှုမြင်ပုံတွေပါ တစ်မျိုးလေးပြောင်းသွားနိုင်မယ်လို့ယုံပါတယ်။ ဒီထဲမှာ မင်းသားချောချောလေးမပါဘူး။ မင်းသမီးချောချောလေးလည်းမပါဘူး။ ဗီလိန်ကြီးလည်း မပါသလို စားပွဲထိုးတစ်ယောက်ကလွဲလို့ တခြား ဇာတ်ပို့ဇာတ်ရံတွေလည်းမပါဘူး။ ပျင်းစရာကြီးနေမှာပေါ့ လို့ထင်နေပြီဆိုရင်တော့ "သားကြီးမင်းမှားမယ်နော်" လို့ပဲ ပြောချင်ပါတယ်။ ဒီဇာတ်ကားက ကြည့်‌နေရင်း ဪ ဒီလိုပါလားလို့ ဒဲ့ဒိုးသိလာတာမဟုတ်ဘဲ ကိုယ့်စိတ်ထဲကနေ တစ်ခုခုကို နားလည်လာသလို ခံစားချက်မျိုးပေးနိုင်တဲ့ကားမျိုး။ အနုပညာဆိုတာ ဒါပါပဲ... ရုပ်ရှင်တစ်ကားလုံး စကားလေးပြောရင်း ကားချပ်တစ်ခုကိုခြယ်သွားတယ်၊ မယ်လိုဒီ တစ်ပုဒ်ကို စပ်သွားတယ်၊ ပေလိပ်တစ်ခုကိုလှစ်သွားတယ်၊ ပုခုံးပေါ်ကဝန်ထုပ်တွေကို ဘယ်လိုပစ်ချရမလဲ အရိပ်အမြွက်လေးပြသွားတယ်၊ ဖြစ်တည်မှုကို မေးခွန်းထုတ်သွားတယ်၊ မမြဲခြင်းတရားကို မမေ့ဖို့သတိပေးသွားတယ်။ ဒီလိုရသပေါင်းစုံကို ဖန်သားပြင်က ကြည့်နေတဲ့လူတစ်ယောက်ရဲ့ မသိစိတ်ထဲနစ်ဝင်အောင်ရိုက်ပြသွားနိုင်တာကတော့ ဒီရုပ်ရှင်ရဲ့ လေးစားစရာတစ်ခုပဲဖြစ်ပါတယ်။ ရုပ်ရှင်မကောင်းလို့ စွတ်ညွှန်းတာမဟုတ်ပါဘူး။ ကျွန်တော်တောင်နောက်ကျမှကြည့်မိရလေခြင်းလို့ နည်းနည်းတောင်ရင်နာမိပါသေးတယ်။ ဒီရုပ်ရှင်ကောင်းလွန်းလို့ ကြည့်သင့်တဲ့ကားတစ်ကားကို မကြည့်လိုက်ရလေခြင်းဆိုပြီး နောင်တမရစေချင်ရုံပါ။ အချိန်ကလည်း ၂ နာရီမပြည့်ဘူးဆိုတော့ ၂နာရီမပြည့်တဲ့အချိန်အတွင်း ကိုယ့်ဘဝကိုယ် မေးခွန်းထုတ်ကြည့်လိုက်ကြပါစို့ဗျာ။ (ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်) Size - 2.2GB, 950MB Quality - 1080p, 720p IMDb Rating - 7.7/10 Format - mp4 Duration - 1H 50Min Genre - Comedy, Drama Subtitle - Myanmar Subtitle (Hardsub) Translated by Min Thant Bo Encoded by Y

တိုင်းပြည်တစ်ပြည်ရဲ့မင်းကြီးနတ်ရွာလားသွားပြီးတဲ့နောက် အဲဒီတိုင်းပြည်က မင်းသားလေးအရွယ်မရောက်ခင်အထိ မှော်ဆရာတစ်ယောက်က ရင်ခွင်ပိုက်အုပ်ချုပ်ခဲ့ပါတယ်။ မင်းသားလေးအရွယ်ရောက်လို့ ထီးနန်းလွှဲပေးရမယ့်အချိန်ဟာာ မှော်ဆရာဟာ အရင်မင်းကြီးကို အဆိပ်ခတ်လုပ်ကြံခဲ့သလို မင်းသားလေးကို သတ်ဖို့ကြံပါတယ်။ အဲဒီအချိန်မှာ Pil ဟာ အဆိပ်ဖော်တဲ့နေရာကို ခိုးဝင်လာပြီး ဆေးတွေကို ဗြောင်းဆန်အောင်လုပ်ပစ်တာမို့ မင်းသားလေးဟာ ဆေးသောက်မိတဲ့နောက် မသေသွားဘဲ ကြက်ကြောင်ဖြစ်သွားပါတယ်။ ကြက်ခေါင်း ကြောင်ကိုယ်နဲ့ ကြက်ကြောင်ပါ။ ကြက်ကြောင်ဖြစ်သွားတဲ့မင်းသားလေးကို Pil က မှော်ဆရာရဲ့  Maleficient ဆန်ဆန် မွေးစားအမေ‌နေတဲ့ ကျိန်စာသင့်တောအုပ်ကြီးထဲ ခေါ်သွားပြီး ဖြေဆေးရအောင်ကူညီပေးပါတယ်။ အပြန်အလှန်အနေနဲ့ပေးရမှာကတော့ အရင်မင်းကြီးချန်ထားခဲ့တဲ့ ရတနာသိုက်ကြီးပါ။ ဒီလိုနဲ့ ကူကယ်ရာမဲ့ ကချော်ကချွတ်ဖြစ်နေတဲ့ ကြက်ကြောင်ကြီးဟာ ကြောင်တိကြောင်တောင်အစောင့်ရယ် ကိုယ့်အားကိုယ်ကိုး နေနေရတဲ့ ကလေးမလေးရယ် ၊ ကက်ကက်လန်အောင် ကန့်လန့်ဖီလာတိုက် ကန်းမစကားဆိုနေတဲ့ ရုပ်သေးရုပ်ရယ်။ ကိုရိုးကားရား ကိုးလိုးကန့်လန့် အကောင်လေး၃ကောင်နဲ့အတူ ကျိန်စာကျိန်ချက်မိနေတဲ့ ကြီးကြီးမားမား တောအုပ်ကြီးထဲ ကောင်းကောင်းကန်းကန်း ပြန်ဖြစ်အောင်လုပ်ပေးမယ့် စုန်းမကြီးဆီ ကတ်သီးကတ်သတ် ကတ်ဖိုးကတ်ဖဲ့ ကုတ်ကုတ်ကျစ်ကျစ်သွားကြပါတယ်။ သူတို့နောက်ကို မှော်ဆရာက လွှတ်သတ်ခိုင်းထားတဲ့ ကြေးစားလူသတ်သမားတွေရော ယူနီကွန်းကိုမှ ဗလကောင်းကောင်းယူနီကွန်းတွေရော ခွေးပျံကြီးနဲ့ရော ရင်ဆိုင်ကြရမှာပါ။ မက်ဆေ့လိုချင်သူတွေအတွက်လည်း ဖရန့်ရှစ် မေတ္တာ အုပ်ချုပ်ရေး မက်ဆေ့အကုန်ပေးနိုင်သလို ရုပ်ရှင်ကို ရုပ်ရှင်လိုပဲ စိတ်ကျေနပ်ရုံကြည့်ချင်တဲ့သူတွေအတွက်လည်း ဇာတ်လမ်းက တော်တော်ကြည့်ပျော်ပါတယ်၊။ ရယ်လည်းရယ်ရပါတယ်။ ကယောင်ကချောင်နဲ့ ကမောက်ကမဖြစ်နေတဲ့ ကြောင်တိကြောင်တောင်ခေတ်ကြီးမှာ တစ်ခါငိုပြီးတိုင်း တစ်ခါပြန်ပြုံးနိုင်ဖို့ ကြည့်ထားသင့်တဲ့ ချစ်စရာဟာသကာတွန်းရုပ်ရှင်လေးပါပဲ။ (ဒီဇာတ်ကားနဲ့အညွှန်းကို W မှ ပြန်ဆို ရေးသားထားပါတယ်) Size - 1.6GB, 830MB, 604MB Quality - 1080p, 720p, 480p IMDb Rating - 6.2/10 Format - mp4 Duration - 1H 29Min Genre - Animation, Adventure, Fantasy Subtitle - Myanmar Subtitle (Hardsub) Translated by W Encoded by Y

၂၀၂၂ရဲ့နောက်ဆုံးထွက် သည်းထိတ်ရင်ဖို ဂျပန်ရုပ်ရှင်ကို CMပရိတ်သတ်ကြီးအတွက် တင်ဆက်ပေးလိုက်ပါတယ်။ Howling Village,Suicide forest villageလို နာမည်ကြီးဇာတ်ကားတွေကို ရိုက်ကူးခဲ့တဲ့ဒါရိုက်တာရဲ့ ၃ကားမြောက် Horrorကားပါ။ စစချင်းမှာ ဟိုတယ်ပျက်ထဲကို သွားပြီးliveလွှင့်ပြထားတာကြောင့် "Gonjiam"လိုမျိုး ဇာတ်လမ်းလားလို့တောင် သွားသတိရမိပါသေးတယ်။ ဇာတ်လမ်းအကျဉ်းကတော့ - အထက်တန်းကျောင်းသူလေး ၃ယောက်က သရဲခြောက်တယ်လို့နာမည်ကြီးတဲ့ ဟိုတယ်ပျက်ထဲကို liveလွှင့်ပြရာကနေ စပါတယ်။ သူတို့ထဲက "ရှိအွန်"ဆိုတဲ့ကျောင်းသူလေးကတော့ liveထဲမှာ သူ့ရုပ်ပါမှာစိုးလို့ နွားခေါင်း ခေါင်းစွပ်ကိုဆောင်းထားခဲ့ပါတယ်။ အဲဒါနဲ့ ကျန်တဲ့ကောင်မလေးတွေက ရှိအွန်ကို အခန်းတစ်ခုထဲမှာ အတင်းပိတ်ထားလိုက်ကြပါတယ်။ ခဏကြာတော့ တံခါးကိုဖွင့်ပြီးပြန်ရှာကြည့်ပေမဲ့ ရှိအွန်ကတော့ ထူးဆန်းစွာနဲ့ ပျောက်ဆုံးသွားခဲ့ပါပြီ။ ဒီအဖြစ်အပျက်ကို ကြည့်မိသွားတဲ့သူတော့ "ခန်အွန်"လို့ခေါ်တဲ့ကောင်မလေးပါ။ သူဟာ videoထဲက နွားခေါင်းဝတ်ထားတဲ့ ရှိအွန်နဲ့ ရုပ်ချင်းခွဲမရအောင် တူနေတာမို့ ဒီထူးဆန်းတဲ့ဖြစ်ရပ်ကိုစိတ်ဝင်စားသွားခဲ့ပါတယ်။ ခန်အွန်လည်း နွေရာသီကျောင်းပိတ်ရက်မှာ သူ့ရဲ့အီစီကလီကောင်လေး "ရန်"နဲ့အတူ liveထဲက ရေပူစမ်းဟိုတယ်ပျက်ကြီးရှိတဲ့မြို့ကို သွားကြပါတယ်။ အဲဒီမှာပဲ သူတို့ကိုလိုက်ပို့ပေးတဲ့taxiသမားက နွားခေါင်းပုံပြင်အကြောင်းကိုပြောပြပါတယ်။ ဒီပုံပြင်ကိုနားထောင်မိတဲ့သူတိုင်းဟာ ကျိန်စာမိပြီး သေဆုံးရမယ်လို့ ယုံတမ်းစကားရှိပါတယ်တဲ့။ ဒါပေမဲ့ သူတို့ကတော့မယုံဘဲ ဟိုတယ်ပျက်နဲ့အတူ နွားခေါင်းအကြောင်း ဆက်ပြီးစုံစမ်းကြတဲ့အခါ... ခန်အွန်နဲ့ နွားခေါင်းစွပ်ထားတဲ့ ရှိအွန် ၂ယောက်သားနဲ့ နွားခေါင်းကျိန်စာက ဘယ်လိုမျိုးတည်ရှိနေပြီး လာသက်ဆိုင်နေရတာလဲ။ ဒီကျိန်စာကို ဘာကြောင့်တည်ရှိနေပြီး လူငယ်တွေကဘယ်လိုကျော်လွှားကြမှာပါလဲ။ ရှေးခေတ်ရဲ့ဓလေ့တွေနဲ့ သဘာဝလွန်ဖြစ်ရပ်ဆန်းတွေကို ဆက်စပ်စိတ်ကူးယဉ်ရိုက်ကူးထားတဲ့ ဂျပန်Horrorဇာတ်လမ်းကောင်းတစ်ပုဒ်ပါပဲ။ ( ဘာသာပြန်ပြီး အညွှန်းရေးသားထားသူကတော့ Ingyin San ပါ ) File Size__(1.9GB) / (900MB) Quality__WEB-DL_1080p, 720p IMDb Rating__5.1/10 Format__mp4 Duration__01:55:00 Type__Horror, Mystery Subtitle__Myanmar Subtitle (Hardsub) Translated by Ingyin San Encoded by Naing Aung Latt

ဒီတစ်ခါတော့ အမေနဲ့ ဟန်းနီးမွန်း ထွက်ကြည့်ကြရအောင်ပါ။ မင်္ဂလာဆောင်မှာ ကတိသစ္စာပြုတော့မယ့်ဆဲဆဲ သတို့သမီးကို သူ တကယ်ချစ်ရတဲ့သူက အချစ်သူရဲကောင်းဆန်ဆန် လာခေါ်သွားတဲ့ ဇာတ်ဝင်ခန်းမျိုး ကြည့်ဖူးကြမှာပါ။ ဒီဇာတ်လမ်းရဲ့ဇာတ်လိုက်ကြီးကတော့ ကြောင်တောင်တောင်နဲ့ ကျန်ရစ်ဖြစ်ခဲ့ရတဲ့ သတို့သားကြီး ဟိုဆေးလူးဝစ်ပါ။ မင်္ဂလာပွဲ ကုန်ကျ စရိတ်လည်းဆုံး သတို့သမီးလည်းဆုံး ဖြစ်နေတဲ့ ဟိုဆေးတစ်ယောက် ဟန်းနီးမွန်းအတွက် ပေးထားတဲ့ ပိုက်ဆံကလည်း ပြန်အမ်းခိုင်းလို့မရ ဖြစ်ရာကနေ သူ့အမေရဲ့ အကြံအတိုင်း အမေနဲ့အတူ ဟန်းနီးမွန်းထွက်ဖို့ ဖြစ်လာပါတော့တယ်။ သားအမိနှစ်ယောက် မော်ရေးရှပ်စ်ကျွန်းကို ဟန်းနီးမွန်းထွက်ကြရင်း ဇနီးမောင်နှံဟန်ဆောင်ကြရပုံတွေ တလွဲဖြစ်ကြပုံတွေကို ဟာသဆန်ဆန် ရိုက်ကူးထားတဲ့အပြင် သားအမိတွေကြားမှာ ဖြစ်လေ့ဖြစ်ထရှိတဲ့ နားလည်မှုအလွဲတွေ အမေတစ်ယောက်ရဲ့ ခံစားချက်တွေကိုပါ မီးမောင်းထိုးပြထားတဲ့ ဇာတ်လမ်းလေး ဖြစ်တာကြောင့် ကြည့်ရှူခံစားလိုက်ကြပါဦး။ အညွှန်း နဲ့ ဘာသာပြန်ကတော့ Roman NoX ပဲ ဖြစ်ပါတယ် Genre.....Comedy Quality….WEB-DL 1080p and 720p File size…1.5GB and 830MB and 283MB Format…mp4 Duration….1h 50min Subtitle….Myanmar Subtitle (Hardsub) Translator ..... Roman NoX Encoder ..... August

‌ဆက်​ပ်​ပါ​ဘေကွန်​ဆိုတာက​တော့ အလွန်​​ငြိမ်​းချမ်​းပြီး​တော့၊မြို့ကြီးပြကြီး​တွေလိုကားသံယာဉ်​သံ​တွေနဲ့ရှုပ်​​ထွေးကြပ်​ညှပ်​​နေခြင်​းမရှိတဲ့ ​တောမကျမြို့မကျ​နေရာ​လေးတစ်​ခုပဲဖစ်​ပါတယ်​။ ဇာတ်​လမ်​း​လေးက​တော့ ၁၉၄၀-၅ဝဝန်​းကျင်​​တွေ​လောက်​ကကြီးထွားခဲ့တဲ့ လူဖြူလူမည်​းခွဲခြား​ရေးပြဿ နာ​ပေါ်မူတည်​ပြီး ဇာတ်​အိမ်​ဖွဲ့ရိုက်​ကူးထားတာဖြစ်​ပါတယ်​။ အဆိုပါ ဆက်​ပ်​ပါ​ဘေကွန်​ဟာ​တော့ လူဖြူအများစုသာ​နေထိုင်​ကြတဲ့​ဒေသဖြစ်​ပါတယ်​။ တ​နေ့မှာ​တော့ လူမည်​းမိသားစုဖြစ်​တဲ့ ​မေယာတို့မိသားစုဟာအဆိုပါ​ဒေသကို​ပြောင်​း​ရွေ့လာတဲ့အခါမှာ​တော့လူဖြူ​တွေကအပြင်​းအထန်​ကန်​့ကွက်​ကြပြီး လူမည်​းမိသားစုကိုဆက်​ပ်​ပါ​ဘေကွန်​ကထွက်​ခွာသွား​အောင်​ နည်​းအမျိုးမျိုးနဲ့လုပ်​​ဆောင်​ပါ​တော့တယ်​။ သို့​ပေမယ်​့ ဒီဇာတ်​ကားထဲမှာ​တော့ အဲ့ဒီလူမည်​းမိသားစုဟာ ဒီဇာတ်​လမ်​းရဲ့အဓိကဇာတ်​​ဆောင်​​တွေမဟုတ်​ဘဲနဲ့သူတို့ရဲ့အိမ်​နီးနားချင်​းဖြစ်​တဲ့ ​လောချ်​့မိသားစုကအဓိကဇာတ်​​ဆောင်​ဖြစ်​​နေပါတယ်​။ ​ မစ္စတာ​လော့ခ်​ဟာ​အောက်​ပိုင်​းမသန်​​တော့တဲ့ သူ့ဇနီးဖြစ်​သူရယ်​ သူ့ရဲ့တစ်​ဦးတည်​း​သောသားက​လေးရယ်​၊ ခယ်​မဖြစ်​သူတို့နဲ့အတူ​နေပါတယ်​။ တစ်​ညမှာ မစ္စတာ​လော့ချ်​တို့မိသားစုမှာ အကြမ်​းဖက်​မှုဖြစ်​ပွားခဲ့ပြီး မသန်​စွမ်​းတဲ့ဇနီးသည်​ရဲ့အသက်​​ဆုံးရှုံးခဲ့ရပါတယ်​။ အဆိုပါ အကြမ်​းဖက်​မှုမှာ မစ္စတာ​လော့ချ်​ကိုယ်​တိုင်​ပါဝင်​ပက်​​နေတာဖြစ်​ပါတယ်​။ ဘာ​ကြောင်​့မစ္စတာ​လော့်​ချ်​က ဒီလိုမျိုးလုပ်​ရတယ်​၊ အဲ့ဒီက​နေပြဿ နာ​တွေကြီးထွားလာပြီးဘာဆက်​ဖြစ်​မယ်​၊ ဘယ်​လိုအလိမ်​​တွေ​ပေါ်ကုန်​မလဲ၊ ဘယ်​လို​ဖြေရှင်​းကြမယ်​ဆိုတာကို​တော့ ဇာတ်​လမ်​းက​လေးမှာဆက်​လက်​ကြည့်​ရှု့လိုက်​ပါ။ ဒီဇာတ်​​လမ်​းကို ကြည်​့ဖြစ်​​အောင်​ကြည်​့လိုက်​ကြပါ။ ဘာဖြစ်​လို့လဲဆို​တော့ ဒီဇာတ်​လမ်​း​လေးဟာ ကြည်​့ပြီးသွားရင်​ ဘာမှမရလိုက်​တဲ့​ပေါကားဇတ်​လမ်​းမျိုးမဟုတ်​ပါဘူး။ ကြည့်​ပြီးတာနဲ့ တစိမ်​့စိမ်​့နဲ့စဉ်​းစားစရာ​တွေချန်​ထားခဲ့မယ်​ဇာတ်​ကားမျိုးဖြစ်​ပါတယ်​။ ဇာတ်​လမ်​း​လေးရဲ့အဓိက​ပေးချင်​တဲ့ မက်​​ဆေ့ချ်​က​တော့ လူ​တွေရဲ့အပြင်​ပန်​းအသွင်​အပြင်​နဲ့အသားအ​ရောင်​​တွေကိုကြည့်​ပြီး​တော့ လူမျိုး​ရေးခွဲခြား​နေတာဟာ လုံးဝမဖြစ်​သင်​့​ကြောင်​းပြသသွားတာပါ။ လူမည်​းဖြစ်​​ပေမယ်​့စိတ်​ထားဖြူစင်​တဲ့ မိသားစုကို​တော့လူ​တွေကပစ်​ပယ်​ကြပြီး၊ လူဖြူ ဖြစ်​ပြီး စိတ်​ဓာတ်​ညစ်​နွမ်​းတဲ့မိသားစုကို​တော့ သနား​နေကြတဲ့ပုံကိုပညာသားပါပါ​လေးတင်​ပြသွားတာပါ။ ကြည်​့ပြီးရင်​မိမိအတွက်​တစ်​ခုခုပြန်​ရလိုက်​မယ်​့ဇာတ်​ကား​လေးဖြစ်​လို့ ကြည်​့ဖြစ်​​အောင်​ကြည့်​လိုက်​ကြပါဦး File Size : (900 MB) and (360 MB) Quality : Blu-Ray 720p Running Time : 1hr 45min Format : Mp4 Genre :Crime, Drama, Mystery Subtitle : Myanmar Subtitle (Hard Sub) Source : 1080p.BluRay.x264-Replica Translated by Ye Yint Encoded by Thanhtike Zaw

Memorial Day (2012) ================ IMDb Rating – 6.1/10 ဒီဇာတ်ကားဟာ ပစ်တယ်၊ ခတ်တယ်၊ လူတွေ သေတယ်ဆိုတဲ့ သာမန်ရိုးကျ စစ်ကားတစ်ကားမဟုတ်ပါဘူး။ စစ်ပွဲ တစ်ပွဲမှာ ပါဝင်ဆင်နွှဲခဲ့ကြပြီး စစ်ပြန် စစ်သားဟောင်းတွေရဲ့ နောက်ကွယ်က ခံစားချက်တွေကို ‌ဖော်ပြပေးနေတဲ့ စစ်ပွဲနောက်ခံပြု ဇာတ်ကား ကောင်း တစ်ကားဖြစ်ပါတယ်။ အီရတ်မှာ တာဝန်ထမ်း‌ဆောင်နေတဲ့ ဆာဂျင် ကိုင်းလ် ဗိုဂယ်ဟာ စစ်ဆင်ရေးလုပ်ဆောင်ရင်း အမှတ်တရပစ္စည်းတွေ စုဆောင်းတတ်သူ တစ်ယောက်ပါ။ တစ်နေ့မှာ စစ်ဆင်‌ရေးလုပ်ဆောင်ရင်း ကိုင်းလ် တစ်ယောက် ဒဏ်ရာရပြီး ဆေးရုံတက်လိုက်ရပါတော့တယ်။ ဆေးရုံတက်ရင်း အဘိုးဖြစ်သူပြောပြခဲ့တဲ့ ဇာတ်လမ်းများကို ပြန်ပြောင်းပြောဖို့ ဖြစ်လာပါတော့တယ်။ ကိုင်းလ်ရဲ့ အဘိုးဖြစ်သူ ဘက်တ်ဗိုဂယ်ဟာ ဒုတိယကမ္ဘာစစ်မှာ တိုက်ပွဲဝင်ခဲ့တဲ့ စစ်သားဟောင်းကြီး တစ်ယောက်ပါ။ ဘက်တ်ဟာ စစ်ပွဲအတွင်းမှာ ဖြစ်ပျက်ခဲ့တာတွေကို ဘယ်သူ့ကိုမှပြန်မပြောဘဲ အမှတ်တရပစ္စည်းများကိုသာ သိမ်းထားပါတယ်။ ကိုင်းလ် ငယ် စဥ်က တူတူပုန်းတမ်းကစားရင်း အဘိုးရဲ့ ပစ္စည်းတွေ သိမ်းထားတဲ့ သေတ္တာကြီးကို တွေ့သွားပါတော့တယ်။ ထိုသေတ္တာကြီးကို တွေ့ရာမှ အဘိုးဖြစ်သူရဲ့ လျှို့ဝှက်ထားတဲ့ စစ်ပွဲအတွင်း အဖြစ်အပျက်တွေကို ကိုင်းလ် နားဆင်ရပါတော့တယ်။ စစ်ပွဲဆိုတာ ခေတ်သာ ပြောင်း သွားတယ် အဖြစ်အပျက်တွေက အတူတူပါပဲ။ စစ်ပွဲကတော့ စစ်ပွဲပါပဲ။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Leonard Lin ဖြစ်ပါတယ်) File Size – (2.21 GB) / (1.09 GB) Quality – Blu-Ray 1080p/ 720p Duration – 1Hr 44mins Subtitle – Myanmar Hardsub Format – MP4 Genre : Action, Drama, History Translator – Leonard Lin Encoder – SWM

Sugar (2022) လွန်ခဲ့တဲ့ 6 နှစ်တုန်းက ကနေဒီးယန်း Ig ဆယ်လီ စော်လေးနှစ်‌ယောက်ဟာ ဩစတြေးလျနိုင်ငံ ဆစ်ဒနီဆိပ်ကမ်းမှာ ဒေါ်လာသုံးဆယ်မီလီယံလောက် တန်ကြေးရှိတဲ့ ကိုကိန်းတွေ မှောင်ခိုသယ်မှုနဲ့ အဖမ်းခံခဲ့ရပါတယ် ခုဇာတ်ကားလေးကတော့ အဲ့ဖြစ်ရပ်မှန်ကို ပြန်ရိုက်ထားတဲ့ ကမ္ဘာလှည့်ခရီးသွား ဆယ်လီလေးနှစ်‌ယောက် ဘယ်ကနေဘယ်လို မူးယစ်မှောင်ခိုသမားဖြစ်သွားလဲဆိုတာပါပဲ ဖြစ်ရပ်မှန်ပြန်ရိုက်ထားတယ်ဆိုပေမဲ့ ဇာတ်ကောင်တွေ အကုန်လုံးက စိတ်ဝင်စားဖို့ကောင်းမွန်ပြီး ထင်မှတ်မထားတဲ့ မြှပ်ကွက်တွေလဲထည့်သွင်းထားတာတွေ့ရမှာပါ Lead actress မင်းသမီးနှစ‌်ယောက်ကလဲ Instagram celebrity ဆိုတဲ့ဇာတ်ကောင်စရိုက်နဲ့အညီ တော်တော်လေးကို ဆွဲဆောင်မှုရှိတာမို့ လက်လွတ်မခံသင့်ကြောင်း လက်တို့ပေးပါရစေ အညျွန်း နဲ့ ဘာသာပြန်ကတော့ Sai Thurein Lynn ပဲ ဖြစ်ပါတယ်။ Genre….. Crime, Drama Quality…. 1080p | 720p | 480p File size… 1.7GB | 941MB | 501MB Format… mp4 Duration…. 1h 40min Subtitle…. Myanmar Subtitle (Hardsub) Translator ….. Sai Thurein Lynn Encoder ….. August

Voice of Sathyanathan (2023) (IMDb 7.2/10) ရယ်ရယ်မောမောနဲ့ အက်ရှင်အကွက်တွေကို ကြည့်ရှုလို့ရ‌မယ့် ဇာတ်‌လမ်းကောင်းလေးကို စောင့်မျှော်နေတာဆိုရင်တော့ ဒီဇာတ်လမ်းလေးကို ကြည့်ကြည့်လိုက်ပါနော်။ မင်းသားကြီး Dileepရဲ့ ရယ်ရမလိုလို ငိုရမလိုလို သရုပ်ဆောင်ချက်တွေကိုလည်း ကြည့်ရှုခံစားနိုင်မယ့် ဇာတ်လမ်းတစ်ပုဒ်ဖြစ်ပါတယ် ဇာတ်ကောင်”ဆပ်သရာနာသ်”တစ်ယောက်ကတော့ ပေါက်ပန်းလေးဆယ်ပြောတတ်တဲ့တစ်ယောက်ဖြစ်ပါတယ်။ ပြောချင်တာပြောပြီးလို့ ပြဿနာတွေတတ်လာရင် ဒရာမာတွေခင်းပြီး ဖြေရှင်းလို့ရမယ်လို့ ယုံကြည်ထားတဲ့သူတစ်ယောက်။ တစ်နေ့မှာတော့ အရမ်းကြီးတဲ့အမှုကိစ္စတစ်ခုမှာ မထင်မှတ်ပဲပါသွားမိရာက…. ပတ်ဝန်းကျင်က ပြဿနာတွေကို ဒရာမာအမျိုးမျိုးခင်းဖြေရှင်းလို့ရပေမဲ့ ရဲတွေနဲ့ကျရင်ရော ဒရာမာတွေခင်းခွင့်ရပါဦးမလား… ဒါ့အပြင် တွဲဖက်တွေနဲ့ ဟန်ချက်ညီညီဟာသရုပ် သရုပ်ပေါ်အောင်တစ်မျိုး thriller ပုံစံတစ်မျိုး ပေါ်အောင် ရိုက်ကူးထားတဲ့ ဇာတ်လမ်းလေးကို ဇာတ်အိမ်ထဲမျောရင်းတစ်ခါတည်း ကြည့်လိုက်ကြရအောင်ပါ…. ဒီဇာတ်လမ်းလေးကိုတော့ CM Bollywood Team မှ ဘာသာပြန်ဆိုပြီး အညွှန်းရေးပေးထားပါတယ်။

Latvia ဆိုတဲ့ဥရောပနိုင်ငံတစ်ခုက ဒရာမာအမျိုးအစားရုပ်ရှင်ကားလေးပါဗျ။အဖေနဲ့အမေကအိမ်ထောင်ရေးအဆင်မပြေတဲ့ကောင်မလေးတစ်ယောက်ရဲ့လူငယ်ဘဝလေးအကြောင်းကိုရိုက်ပြထားတာပါ။ ဇာတ်လမ်းအကြောင်းပြောရင်တော့ “လိုင်း” ဆိုတဲ့အသက် ၂၀အရွယ်ကောင်မလေးရှိပါတယ်။ သူမရဲ့မိဘတွေဟာအိမ်ထောင်ရေးအဆင်မပြေကျတော့ သူမကစိတ်‌ထွက်ပေါက်ရှာတဲ့အနေနဲ့ သူငယ်ချင်းတစ်ယောက်နဲ့အတူ DJ ပွဲတစ်ခုကိုရောက်သွားခဲ့ပါတယ်။ အမေကနိုင်ငံခြားရောက်နေပြီးအဖေကလည်းအိမ်နဲ့အလုပ်ပဲဖြစ်နေတော့ သူမဟာ DJ ပွဲတွေကိုအမြဲတမ်းလိုလိုသွားဖြစ်ခဲ့ပါတယ်။ DJ ပွဲကနေသူငယ်ချင်းတွေရပြီးအချစ်ကိုလည်းတွေ့ရှိသွားပါတယ်။ဒီလိုနဲ့ဆေးတွေပါသုံးလာပါတယ်။ ပြီးတော့ “လိုင်း” မှာမောင်လေးတစ်ယောက်ရှိပါတယ်။မောင်လေးကလည်းမိသားစုကအဆင်မပြေတော့အပြုအမူတွေကပုံမှန်မဟုတ်ပဲဆေးခန်းပြနေရတာပါ။ အမေကနိုင်ငံခြားမှာ၊အဖေကလည်းအလုပ်တစ်ဖက်နဲ့ဆိုတော့မောင်လေးအတွက်မိဘဆရာဆွေးနွေးပွဲသွားတာမျိုး စတဲ့မောင်လေးရဲ့တာဝန်ကိုလည်းယူပေးရပါတယ်။ ဒီရုပ်ရှင်ကားလေးက မိသားစုအဆင်မပြေမှု၊ချစ်ခြင်းမေတ္တာ၊ဆေးသုံးတာ စတဲ့အရာတွေကြားဗျာများနေတဲ့ကောင်မလေးအကြောင်းကိုရိုက်ထားတာပါ။ခံစားကြည့်ကြပါခင်ဗျာ။ File size…(1.7 GB)/(940 MB) Quality….Webrip 1080p / 720p Format…mp4 Duration….01:42:00 Genre…Drama Subtitle….Myanmar Subtitle (Hardsub) Encoder….Mr. Anderson Translated by AKM

LOL (2012) ========== ဒီဇာတ်လမ်းက ကျောင်းဖွင့်ဖွင့်ချင်းမှာ သူ့ကောင်လေးဆီက ဖောက်ပြန်ခံရတာကိုသိပြီး အသည်းကွဲနေတဲ့ Lola နဲ့ သူ့ကို တစ်ဖက်သတ်ချစ်နေတဲ့ အချစ်ဆုံးသူငယ်ချင်း Kyle ရဲ့ ကျောင်း သားအချစ်ဇာတ်လမ်းတစ်ပုဒ်ပါ။ ဒီကားထဲမှာ ဆယ်ကျော် သက်အချစ်အပြင် အချင်းချင်းမရည်ရွယ်ဘဲ ပြဿနာတွေတက် ရင်း ပြန်ပြေလည်အောင်ဖြေရှင်းကြတဲ့ Lola နဲ့သူ့အမေတို့လို မိသားစုအချစ်ကိုလည်း ဖော်ကျူးထားပါတယ်။ Lola နေရာမှာ သရုပ်ဆောင်ထားသူကတော့ Miley Cyrus ပဲ ဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Miley Cyrus ဖြစ်ပါတယ်) File Size……….(1.41 GB) / (552 MB) Quality…………WEB-DL 1080p / 720p Duration………1Hr 37Min Subtitle………..Myanmar Hardsub Format…………MP4 Genre…………..Comedy, Drama, Romance Translator…….Miley Cyrus Encoder……….SWM

ဒါကတော့ 1988 တုန်းကရိုက်ကူးထားတဲ့ အမေရိကန်-ဗြိတိသျှ မှုခင်းဟာသဇာတ်ကားဖြစ်ပြီး IMDB 7.5 ရရှိထားပါတယ်။ သမီးရည်းစားနှစ်ယောက်ဖြစ်ကြတဲ့ ဂျော့ဂျ်တွမ်မဆန်နဲ့ ဝန်ဒါဂတ်ရှဝတ်ဇ်တို့ဟာ ဝန်ဒါရဲ့အစ်ကိုဖြစ်သူ အော်တိုဝက်စ်နဲ့ စကားထစ်တဲ့ သူငယ်ချင်းဖြစ်သူ ခန်ပိုင်းလ်နဲ့အတူ ရတနာဆိုင်တစ်ဆိုင်ကို ဓားပြတိုက်ကြတယ်။ အောင်မြင်သွားပြီး စိန်တွေရသွားခဲ့ပေမဲ့ သူတို့အဖွဲ့က စိန်တွေကို လေးပုံပုံပြီးခွဲမယူချင်ကြဘဲ အပြန်အလှန်သစ္စာဖောက်ဖို့ ကြိုးစားကြတယ်။ အဲဒီအချိန်မှာ ခေါင်းဆောင်ဖြစ်တဲ့ ဂျော့ဂျ်က အဖမ်းခံလိုက်ရပြီး ပြဿနာကပိုဆိုးသွားတယ်။ ဝန်ဒါက သက်သေအဖြစ် တရားရင်ဆိုင်ပေးရမှာဆိုပေမဲ့ သူကဉာဏ်နီဉာဏ်နက်များတယ်။ တကယ်တော့ အော်တိုကသူ့အစ်ကိုမဟုတ်ဘဲ ရည်းစားဖြစ်နေတယ်။ သူတို့နှစ်ယောက်တည်း စိန်တွေကို အပိုင်လိုချင်တော့ ဂျော့ဂျ်ကိုသစ္စာဖောက်ဖို့လုပ်တယ်။ ဒါပေမဲ့ ဝန်ဒါကလည်း အော်တိုကိုသစ္စာထပ်ဖောက်ဖို့ လုပ်နေတာကို ဘယ်သူမှမသိခဲ့ဘူး… သရုပ်ဆောင်တွေလည်း ကောင်းသလို မှုခင်းနဲ့ဟာသကို အရမ်းမပေါသွားစေသလို အရမ်းလေးမသွားအောင် ပြသသွားတဲ့ ဇာတ်ကားကောင်းတစ်ကားမို့ ကြည့်ရှုဖို့ တိုက်တွန်းလိုက်ပါတယ်။ File size… 2.9 GB / 1.2 GB Quality… BluRay 1080p / 720p Format… mp4 Duration…. 1h 48m Genre ….. Comedy/Crime Subtitle…. Myanmar Subtitle (Hard Sub) Encoder…. Thit San Khant Translated by Kasashi

ရွန်နဲ့မာနက်တို့ဟာ ကြင်စဦးဇနီးမောင်နှံဖြစ်ပြီး ရွန်ကတော့ မာနက်ရဲ့ဒုတိယအိမ်ထောင်ဖြစ်ပါတယ်။ပထမအိမ်ထောင်ဖက်ဆုံးပါးပြီးမကြာခင်မှာ ရွန်နဲ့ခပ်မြန်မြန်လက်ထပ်လိုက်တာဖြစ်တဲ့အတွက် ပတ်ဝန်းကျင်က မာနက်ကိုအယုံလွယ်သူ၊ ရွန်ကိုတော့ သိုက်တူးသမားအဖြစ်စကားတင်းဆိုကြပါတယ်။မာနက်ရဲ့ငယ်သူငယ်ချင်းဖြစ်သူ ဂျေစီကလည်း ရွန်ကိုအမြင်မကြည်ပါဘူး။တစ်နေ့တော့ သူတို့အိမ်ကို အယ်လီဆာဆိုတဲ့ကိုယ်ဝန်ဆောင်မိန်းကလေးတစ်ယောက်ရောက်လာပြီးသူဟာ ရွန်ရဲ့သမီးဖြစ်တယ်လို့ပြောလာပါတယ်။အယုံလွယ်တတ်တဲ့ မာနက်ကအလွယ်တကူပဲ ကောင်မလေးကိုလက်ခံပြီးအိမ်ပေါ်တင်ထားပြီးတဲ့နောက်မှာတော့ မထင်မှတ်တဲ့ဇာတ်ရှုပ်တွေတစ်ဖြည်းဖြည်းပေါ်လာပါတော့တယ်။Angelica Hart နဲ့ မင်းသမီးသစ်လေး Mariane Saint ကိုတွဲဖက်မိတ်ဆက်ပေးထားတဲ့ ဇာတ်ကားသစ်ပါ။( ဘာသာပြန်ပြီး အညွှန်းရေးသားထားသူကတော့ alias ပါ )File size_(1GB)/(500MB) Quality_Blu-Ray 1080p / 720p Format_mp4 Duration_01:06:00 Genre_Adult Subtitle_Myanmar Subtitle (Hardsub) Encoder_a hao Translated by alias Download Nulled Scripts and Plugins Download Nulled Scripts and Plugins.generalmenu { font-size:0; }

Holy Mother (2024) IMDb Rating (6.0) ၉ ရာစုအလယ်ခေတ်ကတစ်ကျော့ပြန်ခေတ်လို့‌သမုတ်ကြပေမဲ့ တစ်ဖက်မှာလည်း အမှောင်မိုက်ဆုံးအခြမ်းရှိနေပါတယ်။ အမ်မာက အသက် ၁၇ နှစ်သာရှိသေးပေမဲ့ ခရစ်ယာန်ကျောင်းထိုင်သီလရှင်အဖြစ်ခံယူခဲ့ပြီး သူတို့နေထိုင်တဲ့ဒေသမှာ လူဦးရေတိုး‌တက်အောင်လုပ်ဖို့ဆိုတဲ့ သမိုင်းပေးတာဝန် (ဝါ) ဖခင်ပေးတာဝန်ကို ထမ်းဆောင်ဖို့ဖြစ်လာပါတယ်။ သူမက နာခံတတ်တဲ့သူဖြစ်တဲ့အလျောက် သူ့တာဝန်သူ စည်းဘောင်တွေကြားထဲကနေ ရအောင်လုပ်ဆောင်ခဲ့ပါတယ်။ တစ်ချိန်တည်းမှာ သူတို့ဒေသထဲမှာ မော်ရ်တွေရဲ့ကျူးကျော်မှုရန်ကရှိနေ‌သေးတဲ့အပြင်ကိုမှ ကျောင်းတိုက်ထဲမှာပါ အရှုပ်တော်ပုံကိစ္စတွေဖြစ်လာပါတော့တယ်။ ဒီလိုအရှုပ်ကိစ္စ‌တွေနဲ့ အလယ်ခေတ်ရဲ့ဖိုဝါဒီကြီးစိုးမှုတွေကြားကနေ စစ်စတားတစ်ယောက် ဘယ်လိုတွေရုန်းကန်မလဲဆိုတာကြည့်ရှုရမဲ့ စပိန်ဘာသာရေး ဇာတ်ကားလေး တစ်ကားပဲဖြစ်ပါတယ်။ (အညွှန်းနဲ့ဘာသာပြန်ကတော့ Khant Sett Naing ဖြစ်ပါတယ်။) File size…(2.5 GB) / (910 MB) Quality….WEB-DL 1080p HEVC / 720p Format…. mkv/mp4 Genre….Drama Duration….01:57:57 Subtitle….Myanmar Subtitle (Hardsub) Encoder….Double K Translated by Khant Sett Naing

Cinta Dari Timor (2024) IMDb Rating (4.9) “ငါတို့နာမည်တွေကလိုက်ဖက်တယ်” “ဘာလို့လိုက်ဖက်တာလဲ” “ကြယ်တွေရှိတဲ့နေရာမှာ ကောင်းကင်ရှိတယ်လေ” “ကြယ်” လို့အဓိပ္ပာယ်ရတဲ့ဘင်တန်ဆိုတဲ့ကောင်မလေးနဲ့ “ကောင်းကင်” လို့အဓိပ္ပာယ်ရတဲ့လန်ဂစ်ဆိုတဲ့ကောင်လေးဟာ ၁၉၉၉ ခုနှစ်က အင်ဒိုနီးရှားနိုင်ငံရဲ့အကောင်းဆုံးတက္ကသိုလ်တစ်ခုမှာ ချစ်ကြိုးသွယ်မိခဲ့ကြပါတယ်။ ဒါပေမဲ့ အင်ဒိုနီးရှားကနေ အရှေ့တီမောခွဲထွက်တဲ့လူထုဆန္ဒခံယူပွဲကြောင့် ဘင်တန်တို့မိသားစုက အရှေ့တီမောကိုပြန်ဖို့ဆုံးဖြတ်ခဲ့ကြပါတယ်။ အင်ဒိုနီးရှားမှာပဲ လန်ဂစ်နဲ့အတူနေခဲ့ချင်တဲ့ဘင်တန်ဟာ အိမ်ကထွက်ပြေးပြီး လန်ဂစ်လာအခေါ်ကိုစောင့်ဆိုင်းနေခဲ့ပေမယ့် ရောက်မလာခဲ့တဲ့လန်ဂစ်ကြောင့် စိတ်အနာကြီးနာခဲ့ရပါတယ်။ ရှစ်နှစ်ကြာအောင် လန်ဂစ်ကြောင့်ခံစားနေရဆဲဖြစ်တဲ့ဘင်တန်တစ်ယောက် တစ်ရက်မှာတော့ မမျှော်လင့်ဘဲ လန်ဂစ်ကိုပြန်တွေ့လိုက်ရပြီး သူသိခဲ့တဲ့လန်ဂစ်မဟုတ်တော့ဘဲ အပြောင်းလဲကြီးပြောင်းလဲနေခဲ့ပါပြီ။ လန်ဂစ်တစ်ယောက် သူသိပ်ချစ်ခဲ့တဲ့ချစ်သူဘင်တန်ဆီ ဘာလို့ရောက်မလာခဲ့တာလဲ။ ရှစ်နှစ်အကြာမှာ လန်ဂစ်က ဘာလို့ပြောင်းလဲနေခဲ့တာလဲဆိုတာ ရုပ်ရှင်မှာဆက်လက်ကြည့်ရှုရမှာပဲဖြစ်ပါတယ်။ အင်ဒိုနီးရှားအချစ်ဇာတ်လမ်းကောင်းတစ်ပုဒ်ဖြစ်ပြီး အင်ဒိုနီးရှားရဲ့နိုင်ငံရေးသမိုင်းကြောင်းနောက်ခံတွေကိုပါ ထည့်သွင်းရိုက်ကူးထားပါတယ်။ (အညွှန်းနဲ့ဘာသာပြန်ကတော့ Aye Yu Naing ဖြစ်ပါတယ်။) File size…(1.4 GB) / (640 MB) Quality….WEB-DL 1080p HEVC / 720p Format…. mkv/mp4 Genre….Drama,Romance Duration….01:22:11 Subtitle….Myanmar Subtitle (Hardsub) Encoder….Double K Translated by Aye Yu Naing