The House Of No Man(2023) ************************** ငါမိဘမို့လို့ ငါသာအမှန်ဆိုတဲ့ မိဘမျိုးတွေကို မြင်ဖူးကြမယ်ထင်ပါတယ်... ဒီကားလေးထဲမှာလည်း ဒီလိုပါပဲ..Nu ဆိုတဲ့ အမျိုးသမီးဟာ အတ္တကြီးပြီး သမီးတွေအပေါ်မှာ ချုပ်ခြယ်လွန်းပါတယ်... အဲ့ဒီကြားက သမီးအကြီးက သူသဘောမကျတဲ့သူနဲ့ အိမ်ထောင်ကျသွားတဲ့အခါမှာ သမီးငယ်လေးကို ပိုလို့ချုပ်ခြယ်လာပါတယ်.. လူတွေဟာ ချုပ်ခြယ်ခံရလွန်းတဲ့အခါ ပိုရုန်းကြတယ်မလား .. ဒီလိုပါပဲ သူ့ရဲ့သမီးငယ်လေးဟာလည်း သူ့ရဲ့ကြိုးဆွဲကနေရတဲ့ ဘဝကိုငြီးငြူလာတဲ့တစ်နေ့မှာတော့ သူမထင်မှတ်ထားတာကို လုပ်လိုက်မိပါတယ်... ဒီကားလေးက သားသမီးနဲ့မိဘကြားဖြစ်တတ်တဲ့ ကတောက်ကဆလေးတွေကို ရိုက်ပြထားတာမို့ အိမ်နဲ့အဆင်မပြေသူလေးတွေကြည့်သင့်ပါတယ်.. သားသမီးနဲ့မိဘကြားတင်မကပါဘူး လူအချင်းချင်းထားရမယ့် respect... ကိုယ့်အိမ်ထောင်ဖက်ပေါ်ထားရမယ့် respect စတာတွေကိုလည်း ထည့်ရိုက်ထားတာမို့ ကြည့်သင့်ပါကြောင်း.... File Size :(1.5GB) and (713MB) Quality : WEB-DL1080p, 720p Format…mp4 Duration…01:42:00 Genre : Comedy, Drama Subtitle : Myanmar Subtitle (Hard Sub) Translated by Eric Encoded by Phyo Pyae

IMDB – 7.1/10 Q ဌာနပရိတ်သတ်တွေအတွက် ဒုတိယကားတင်ဆက်ပေးလိုက်ပါပြီဗျာ။ ပထမကားမကြည့်ရသေးတဲ့လူတွေလည်း CM မှာ The Keeper of Lost Causes ဆိုပြီး ရိုက်ရှာလို့ရပါတယ်။ ပထမကားကြည့်ထားမှ ဒီ Q ဌာန ဘယ်လိုဖြစ်လာသလဲ သိမှာမို့လို့ပါ။ ကဲ ဒုတိယကားမှာတော့ ပထမဆုံးအမှု အောင်မြင်ထားတော့ Q ဌာနကို ချီးကျုးနေကြပြီပေါ့လေ ကားလ်နဲ့ အာဆတ်တို့လည်း အတွင်းရေးမှူးအသစ် ရိုစ့်ဆိုတာကို အဖွဲ့ထဲခေါ်လိုက်ကြတယ်။ ဒီလိုနဲ့တစ်ရက် ဌာနပါတီအပြီး ကားလ်အပြန် လူတစ်ယောက်က သူ့သားသမီးအမွှာလေး အသတ်ခံရတဲ့ကိစ္စ ကားလ်ဆီကို ပို့ထားတာ မကြည့်ပေးဘူးလား ဘာလား ဇွတ်ပြောတော့ ကားလ်က မောင်းထုတ်ခဲ့ပါတယ်။ သိပ်မကြာခင်မှာပဲ ဒီလူကြီး ကိုယ့်ကိုကိုယ်သတ်သေသွားကြောင်း ကားလ်သိလိုက်ရပြီး ဒီလူဟာ အရင်တုန်းက ရဲအရာရှိဖြစ်ကြောင်း လွန်ခဲ့တဲ့ အနှစ် ၂၀ လောက်က သူ့သားနဲ့သမီး အသတ်ခံရတာကို စုံစမ်းပြီး အငြိမ်းစား ယူထားကြောင်း သိရတဲ့အပြင် ကားလ်ဆီကိုပို့ဖို့ အထုပ်ကြီးပြင်ထား တာကိုပါ တွေ့လိုက်ရပါတယ်။ ဒါနဲ့ ကားလ်တစ်ယောက် ဒီအမှုကို လိုက်ကြတဲ့အခါ ဒီနှစ်လောင်းပြိုင် လူသတ်မှုဆိုတာက ပင့်ကူအိမ်ထဲက အမျှင်တစ်မျှင်သာ ဖြစ်နေတာကို တွေ့ရှိရပြီး လွန်ခဲ့တဲ့ အနှစ် ၂၀ က ဖုံးကွယ်ထားတဲ့ ရက်စက်တဲ့နောက်ကြောင်းတွေ ပေါ်လာပါတော့တယ်။ ဂရစ်ဖင်ဟွန်းဆိုတဲ့ ဘော်ဒါကျောင်းမှာ ဘာတွေဖြစ်ခဲ့ကြသလဲ၊ တနင်္ဂနွေဆိုတာကရော ဘာသက်ရောက်မှု ရှိတာလဲ၊ ကင်မီဆိုတဲ့ ကောင်မလေးကရော ဘယ်သူလဲ စသဖြင့် မေးခွန်းပေါင်းများစွာနဲ့ နောက်ထပ် သပွတ်အူအမှုကို ကားလ်တို့ ၃ ယောက်သား စွန့်စွန့်စားစား ဉာဏ်သုံးအဖြေရှာကြတာကို ဇိမ်ရှိရှိ ကြည့်ရမှာပဲ ဖြစ်ပါတယ်။ ဒီကားမှာတော့ ပထမကားလို တရားခံကို နောက်ဆုံးမှ ပြတာမဟုတ်ပဲ အစကတည်းက ပြပြီး ဘယ်လို တစ်ဖက်နဲ့ တစ်ဖက် ဉာဏ်ကစားကြမလဲ ကြည့်ရမှာပါ။ ဒီကားမှာတော့ မုဒိမ်းမှုတွေပါ ပါဝင်တဲ့အပြင် ပြထားတဲ့ ရိုက်ကွက်တွေလည်း ခပ်ရှင်းရှင်းဖြစ်တဲ့အတွက် ကြည့်ရှုသူများအဖို့ သတိပြုစေလိုပါတယ်ဗျ။ File size…1.53GB / 552.7MB Quality…Blu-Ray 1080p 5.1CH/ 720p Format…mp4 Duration….1h 59m Genre ..... Crime , Drama , Mystery Subtitle….Myanmar Subtitle (Hard Sub) Encoder….Min Wai Translated by Thura Aung

ဒီကားကတော့ သည်းထိတ်ရင်ဖို post-apocalypse ရုပ်ရှင်တွေကိုမှ ကြည့်ချင်တယ်ဆိုတဲ့ သူတွေအတွက် ကြည့်ကို ကြည့်သင့်တဲ့ ဇာတ်ကားကောင်းတစ်ခုပဲဖြစ်ပါတယ်။ ဇာတ်လမ်းအကျဉ်းကတော့ ကင်းစ်ဗီးမြို့မှာနေတဲ့ သာမာန်မိသားစုလေးဖြစ်တဲ့ ရေးလ်၊ ကလာရာနဲ့ သူတို့ရဲ့သမီးလေး ဇိုဝီတို့ဟာ သူတို့ရဲ့မြို့ငယ်လေးမှာ ဗိုင်းရပ်စ်ကူးစက်တဲ့ ဖြစ်ရပ်ဆိုးကြီးဖြစ်ခဲ့အပြီးနောက်မှာ "ဘရီသာ" ဆိုတဲ့အမျိုးအမည်မသိ သတ္တဝါတွေဆီကနေ ပုန်းနေဖို့အတွက် မြေအောက်ဗုံးခိုကျင်းထဲမှာပဲ နေနေခဲ့ကြရတာ ရက်ပေါင်း 301 ရက်ရှိနေခဲ့ပါပြီ။ ဒီအချိန်မှာသူတို့ရဲ့ ရိက္ခာတွေကိုလာခိုးတဲ့ ကြွက်တ‌စ်ကောင်ကို အကြောင်း ပြုပြီးသူတို့ရဲ့ကံကြမ္မာကိုပြောင်းလဲသွားစေမဲ့ဖြစ်ရပ်ကြီးတခုဖြစ်သွားခဲ့ပြီး ဘရီသာ" တွေကို သူတို့ရဲ့နေရာကိုဖော်ပြလိုက်မိသလိုဖြစ်သွားခဲ့ပါတယ်။ ဒီတော့ "ဘရီသာ" ဆိုတဲ့ အမျိုးအမည်မသိသတ္တဝါတွေကပဲ သူတို့ကိုရှာတွေ့ သွားမလား၊ "ဘရီသာ" တွေကရော ဘာသတ္တဝါတွေလဲ၊ ဗိုင်းရပ်စ်ကရော ဘယ်လိုကူးစက်တာလဲ၊ သူတို့မိသားစုကရောလွတ်မြောက်သွားမှာလား ဆိုတာကို ရင်တထိတ်ထိတ်နဲ့ကြည့်ရှုရမဲ့ post-apocalypse ဇာတ်ကားကောင်းတစ်ကားပဲဖြစ်ပါတယ်ခင်ဗျ။ File size…1.16GB / 394MB Quality…WEB-DL 1080p / 720p Format…mp4 Duration….1h 24m Genre ..... Horror , Sci-Fi , Thriller Subtitle….Myanmar Subtitle (Hard Sub) Encoder….Min Wai Translated by Tmmt

ကိုယ့်ကိုယ်ကို သေကြောင်းကြံရတော့မယ်ဆိုရင် ဘယ်လိုနည်းလမ်းက အကောင်းဆုံးဖြစ်မလဲ.. ဆေးတွေသောက်မလား.. ကြိုးဆွဲချမလား.. ဒါမှမဟုတ် ဘဝမှာမရှိမဖြစ်လိုအပ်တယ်ဆိုတဲ့အရာတစ်ခုခုကို သတ်ပစ်လိုက်ရင်း ကိုယ့်ဘဝပါ အတူလိုက်သေမလား.. ဒီဇာတ်ကားမှာတော့ အပေါ်ကပြောထားတဲ့ သတ်သေဖို့နည်းလမ်းတွေကို အလွဲအမျိုးမျိုးနဲ့ ကြိုးစားခဲ့တဲ့ ဇာတ်ကောင် Garrettကို တွေ့ရမှာပါ။ တစ်ဖက်သတ်ချစ်ရတဲ့ မီယာရဲ့ လျစ်လျူရှုမှုတွေကို suicideနည်းလမ်းနဲ့ ဖြေရှင်းဖို့ကြိုးစားရင်း မထင်မှတ်ဘဲ ထွက်ပေါက်မရှိအောင် ရှုပ်ထွေးလာတဲ့ ဇာတ်ရဲ့ အရှိန်ကောင်းတဲ့ အနိမ့်အမြင့်တွေကို တွေ့ရမှာလည်း ဖြစ်ပါတယ်။ ဇာတ်ကောင်ဖောင်းပွခြင်းမရှိဘဲ ရှိပြီးသား ဇာတ်ကောင်အနည်းငယ်နဲ့ Garrettတို့ကြားက ပြဿနာတွေ၊ twists and turnsတွေကို ရင်တမမနဲ့ ကြည့်ရမှာပါ.. Comedy, Horrorအမျိုးအစားဖြစ်တာကြောင့် စိတ်လှုပ်ရှားစရာ၊ ထိန်လန့်စရာ ဇာတ်ကြောင်းကို လေးပင်ဖျင်းတွဲမနေအောင် ဟာသမြောက်တဲ့ dialogueတွေ၊ ဇာတ်ကောင်တွေရဲ့ ဟန်ပန်တွေနဲ့ ထိန်းသွားတာဖြစ်ပါတယ်..။ ဒါကြောင့် pure horror မကြည့်ရဲသူတွေအတွက် အဆင်ပြေတဲ့ ဇာတ်ကားတစ်ကားလည်း ဖြစ်ပါတယ်။ Age ratingမပေးရသေးတာကြောင့် ကလေးငယ်များကို ပြသမယ်ဆိုရင်တော့ အုပ်ထိန်းသူများက အရင်သုံးသပ်စေလိုပါတယ်..။ ။ ( ဘာသာပြန်ပြီး အညွှန်းရေးသားထားသူကတော့ Khu ပါ ) File Size__(1.7GB) / (800MB) Quality__WebDL_1080p, 720p IMDb Rating__5.6/10 Format__mp4 Duration__01:34:00 Type__Comedy, Horror Subtitle__Myanmar Subtitle (Hardsub) Translated by Khu Encoded by Naing Aung Latt

Promising Young Woman အညွှန်း ကတ်စီ ရဲ့ဘဝမှာ အရာရာတိုင်းက ထင်ထားသလို မဟုတ်ပါဘူး သူမဟာ လှသလောက် ဉာဏ်နီဉာဏ်နက်များပြီး ကလိမ်ကကျစ်လည်း ကျပါတယ် သူမဟာ ညဘက်ရောက်ရင် ကလပ်မှာ ယောက်ျားတွေကို အမူးလွန်ချင်ယောင်ဆောင်ပြီး လှည့်ဖြားတတ်တဲ့ မိန်းမတစ်ယောက်ပါ တစ်ချိန်က အရမ်းစာတော်တဲ့ ဆေးကျောင်းသူလေးက ဒီလိုဘဝမျိုးကို ဘယ်လိုများ ရောက်လာတာလဲ? တစ်ချိန်က စိတ်ဒဏ်ရာဖြစ်စေခဲ့တဲ့ အဖြစ်ဆိုးကို သူရင်ဆိုင်ဖြေရှင်းနိုင်ပါ့မလား Promising Young Woman 2020 ဟာ 92% tomatometer ရထားပြီး IMDB score 7.4 ရထားတဲ့ ထိတ်လန့်သဲဖို ကားကောင်းတစ်ကားပဲဖြစ်ပါတယ် အပြင်ပန်းမှာ အချစ်ဟာသကားယောင် ဆောင်ထားပေမယ့် လူမှုအသိုင်းအဝိုင်းကြောင့် ဖြစ်လာနိုင်တဲ့ စိတ်ဒဏ်ရာအကြောင်း နက်နက်နဲနဲ ရိုက်ကူးပြထားတဲ့ ကားကောင်းလေးပဲဖြစ်ပါတယ် Translated by : Htet Wai Lwin Encoded by : YK Quality : 720 p WEBSCR File Size : 1.2Gb Duraion .1h 53min Subtitle :Myanmar (Hardsub)

My Policeman (2022) ================ IMDb Rating – 6.3/10 One Direction အဖွဲ့က ဟယ်ရီစတိုင် ခေါင်းဆောင်မင်းသားအဖြစ် ပါဝင်ထားတဲ့ BL ရုပ်ရှင်အသစ်တစ်ကားဖြစ်ပါတယ်။ ကျွန်တော့်ရဲ့ ရဲသားကြီးဆိုတဲ့နာမည်နဲ့ နာမည်ကျော်ဝတ္ထုကို ပြန်ရိုက်ကူးထားတာပါ။ Firebird ဇာတ်လမ်းနဲ့ဆင်သလိုလိုပဲလို့ ပြောရမှာပါပဲ။ Call Me by Your Name ကိုမမီပေမဲ့ အတော်လေးကောင်းတဲ့ ဗြိတိန်အချစ်ဇာတ်လမ်းပါပဲ။ ဇာတ်လမ်းအကျဉ်း ============= တွမ်ဟာ စိတ်ထားကောင်းပြီး ယဉ်ကျေးတဲ့ ရဲတပ်သားလေးတစ်ယောက် ပါပဲ။ တွမ့်ကိုအရမ်းကြိုက်နေတဲ့ မာရီရွန်ဆိုတဲ့ကောင်မလေးကတော့ ကျောင်းဆရာမလေးပေါ့။ သူတို့နှစ်ယောက်ရဲ့ အရင်းနှီးဆုံး သူငယ်ချင်း ဖြစ်လာသူကတော့ ပြတိုက်မှူး ပန်းချီဆရာ ပတ်ထရစ်ပါပဲ။ ဇာတ်အိမ်တည်ထားတာက ဗြိတိန်ရဲ့ ၁၉၅၀ ကျော်ကာလဖြစ်လို့ လိင်တူ ချစ်ကြိုက်မှုဟာ ပြစ်မှုမြောက်ပါတယ်။ ထောင်ကျပါတယ်။ ဒီတော့ သူတို့ သုံးယောက်ဘာတွေဘယ်လိုဆက်ဖြစ်ကြမလဲဆိုတာ ဆက်ကြည့်ရမှာပါပဲ။ သိုင်းချခန်းအချို့ပါဝင်လို့ မိသားစုနဲ့တော့ ကြည့်လို့မသင့်တော်ပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Mr.Anderson ဖြစ်ပါတယ်) File Size……….(500 MB) Quality…………Web-DL 720p Duration………1Hr 53mins Subtitle………..Myanmar Hardsub Format…………MP4 Genre…………..Drama, Romance Translator…….Mr.Anderson Encoder……….SWM

Love is in the air (2023) Love is in the air ဆိုတဲ့ Australian romantic, comedy ဇာတ်ကားလေးကို တင်ဆက်ပေးပါ့မယ်။ Dana က မိခင်ဆုံးသွားပြီးတဲ့နောက်ပိုင်း သူ့အမေအရမ်းချစ်မြတ်နိုးတဲ့ မိသားစုပိုင်လေကြောင်းလိုင်းကို အဖေနဲ့အတူတူ ဦးစီးလုပ်ကိုင်နေတဲ့သူပါ။ သူတို့လေကြောင်းလိုင်းက မြို့နဲ့ဝေးတဲ့နေရာက ကမ်းခြေတွေ၊ ကျွန်းတွေဆီကို စာတွေ၊ ပစ္စည်းတွေပို့ပေးပြီး အရေးပေါ်ကိစ္စကူညီတာတွေကို အဓိကလုပ်ပေးနေတော့ လုပ်ငန်းရဲ့ ဘဏ္ဍာရေးအခြေအနေက ချွတ်ခြုံကျလာရော။ William ကတော့ ချမ်းသာတဲ့မိသားစုရဲ့ အမွေဆက်ခံသူ သားတစ်ယောက်ဖြစ်ပြီးတော့ ဖခင်စိတ်ကျေနပ်အောင် အမြဲကြိုးစားပေးနေတဲ့သူပေါ့။ တစ်နေ့ သူတို့လုပ်ငန်းလက်အောက်မှာရှိတဲ့ Dana တို့မိသားစုပိုင် လေကြောင်းလိုင်းကို အမြတ်အစွန်းမရလို့ဆိုပြီး အပြီးပိတ်ပစ်ဖို့လုပ်ပါတော့တယ်။ အဲဒါနဲ့ ဩစတေးလျကိုသွားပြီး လုပ်ငန်းအခြေအနေကို စစ်ဆေးဖို့ William ကို သူ့အဖေက လွှတ်လိုက်တဲ့အခါမှာတော့ Dana တစ်ယောက် သူ့အမေချန်ခဲ့တဲ့ တစ်ခုတည်းသောအရာကို ဆက်ပြီး ကာကွယ်သွားနိုင်ပါ့မလားဆိုတာကို ဇာတ်ကားထဲမှာပဲ ဆက်ကြည့်လိုက်ရအောင်နော်။ အညွှန်း နဲ့ ဘာသာပြန်ကတော့ Moh Moh ပဲ ဖြစ်ပါတယ်။ Genre…..Comedy, Romance, Drama Quality…. 1080p | 720p File size…1.5GB | 748MB Format… mp4 Duration….1h 28min Subtitle…. Myanmar Subtitle (Hardsub) Translator ….. Moh Moh Encoder ….. Aaron

Guntur Kaaram 2024 (IMDB 6.1/10) အမိမဲ့သား NF WEB DL အကြည်ဗားရှင်းကိုသာ တင်ဆက်ထားပါတယ် ======================================= အားလုံးနဲ့ရင်းနှီးတဲ့ ဝန်ကြီးချုပ်မင်းသား တောင်ပိုင်းစတားမဟေ့ရှ်ဘာဘူရဲ့ ရုံတင်ကားသစ်လေးကို Netflix ကနေ ထုတ်လွှင့်လိုက်တာနဲ့ တစ်ပြိုင်နက် CM ကနေပါ တင်ဆက်ပေးလိုက်ပါတယ်…. ခေါင်းဆောင်မင်းသား မဟေ့ရှ်ဘာဘူအပြင် ပရိသတ်တွေနဲ့မစိမ်းတဲ့ Dhamaka ထဲက မင်းသမီးချောလေး ဆရီလီလာကို အဆစ်ငမ်းရမယ့်အပြင် လတ်တလောထွက်ရှိထားတဲ့ Hi Nanna ထဲကယောက္ခထီးကြီး ဂျာရရမ် ပါလေရာမင်းသားကြီး ပရာကတ်ရှ်ရာ့ဂျ်တို့လို ဇာတ်ပို့တွေနဲ့ပါ မြိုင်မြိုင်ဆိုင်ဆိုင်ရိုက်ကူးထားတဲ့ ရုံတင်ကားကြီးပဲဖြစ်ပါတယ် ဇာတ်လမ်းအစ ရာမာနာ(မဟေ့ရှ်ဘာဘူ) ဆယ်နှစ်သားအရွယ်မှာ သူ့အမေကသူ့ကိုစွန့်ပစ်ခဲ့ပါတယ် သူ့အဖေကိုလည်းထားခဲ့ပြီးတော့ နောက်အိမ်ထောင်ပြု သားထပ်မွေးသွားပါတယ် အရွယ်ရောက်လာချိန်မှာတော့ ရာမာနာဟာ ဘယ်သူမှထိန်းမရတဲ့ ဘယ်သူ့ကိုဂရုမစိုက်တဲ့လူတစ်ယောက် ဖြစ်နေခဲ့ပါပြီ သူ့စိတ်ထဲမှာမမေ့နိုင်သေးတာတော့ သူ့အမေပေါ့ သူ့အဘိုး ဗန်ကတ်ဆွာမိဟာ နာမည်ကြီး နိုင်ငံရေးသမားတစ်ယောက်ပါ အဲ့ဒါအပြင် သူ့အမေရော သူ့ရဲ့အဖေကွဲညီကိုပါ နိုင်ငံရေးလုပ်ခိုင်းထားပါတယ် သူတို့မိသားစုရဲ့နိုင်ငံရေးလောကမှာ ပထမသားကို စွန့်ပစ်ခဲ့တယ်ဆိုတဲ့ အမည်းစက်တစ်ခုဖြစ်နေတဲ့အခါမှာ ရာမာနာကို ဟိုက်ဒရာဘတ်ကိုခေါ်ပြီး အမွေ ဖြတ်ဖို့လုပ်ပါတော့တယ် အဲ့ချိန်မှာ ရာမာနာနဲ့ သူချစ်ရတဲ့အမေမိသားစုကြားဘာတွေဆက်ဖြစ်မလဲဆိုတာတော့……. CM ပရိသတ်ကြီးပဲ ဒီအချစ်အက်ရှင်ဇာတ်ကားလေးကို ဆက်လက်ခံစားကြည့်ရှုပေးကြပါလို့ ပြောကြားလိုပါတယ် အညွှန်းနဲ့ဘာသာပြန်ကိုတော့ CM Bollywood Team ကနေ တင်ဆက်ပေးထားတာဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood )

Epic Sci-fi အမျိုးအစားဖြစ်တဲ့ Star Wars ဇာတ်လမ်းတွေကို စုစည်းတင်ဆက်ပေးထားပါတယ်။ သိပ္ပံစိတ်ကူးယဉ်ရုပ်ရှင်တွေထဲမှာ သမိုင်းတလျှောက်အအောင်မြင်ဆုံး ရုပ်ရှင်တွဲတွေထဲက တစ်ခုပါပဲ။ နောက်ပိုင်းထွက်သမျှ ရုပ်ရှင်တွေထဲမှာလည်း ဒီရုပ်ရှင်တွေထဲက စကားစုတွေ ကိုးကားချက်တွေကို မကြာခဏတွေ့ရတတ်ပါတယ်။ ပညာရှိ ဆရာဆိုရင် Master Yoda ကိုအမြဲတင်စားကြသလို ဗီလိန်ဆိုရင်လည်း Darth Vader ဟာ ပြောစမှတ်တွင်ကျန်ခဲ့တာပါပဲ။ ဇာတ်လမ်းကတော့ ဟိုးအတိတ်ကာလတစ်ခုတုန်းက ဝေးကွာလှတဲ့ နဂါးငွေ့တန်းကြယ်စုတွေကြားထဲမှာ ဖြစ်ပျက်နေတဲ့အကြောင်းတွေပါ။ အစဦးမှာ ကြယ်စုတွေ ဂြိုလ်တွေဟာ လွှတ်တော်ဖွဲ့စည်းထားပြီး ဒီမိုကရေစီ စနစ်နဲ့ အုပ်ချုပ်မှုအောက်မှ နေထိုင်ကြပါတယ်။ လွှတ်တော်နဲ့အတူ ဂလက်ဆီကြီးတစ်ခုလုံးရဲ့ တရားမျှတမှုနဲ့ ငြိမ်းချမ်းမှုကို ထိန်းသိမ်းပေးတဲ့ သူရဲကောင်းအဖွဲ့တစ်ခုလည်း ရှိနေပါတယ်။ အဲဒီသူတွေကိုတော့ Jedi တွေလို့ ခေါ်ကြပြီး သူတို့မှာ Lightsaber ဆိုတဲ့ အလင်းဓားလက်နက်တွေ ပိုင်ဆိုင်ကြပါတယ်။ ဒါ့အပြင် သူတို့ကို သာမန်လူတွေထဲ ထူးခြားတဲ့ စိတ်စွမ်းအင်တွေနဲ့ ခွန်အားတွေကို Force ဆိုတဲ့ အရာကနေ ယူငင်သုံးစွဲကြပါတယ်။ Force ဆိုတာကတော့ သက်ရှိသက်မဲ့တွေ အားလုံး အတွင်းထဲ အပြင်ထဲမှာ ဝိုင်းရံနေတဲ့ စွမ်းအင်တစ်မျိုးဖြစ်ပြီး Jedi တွေသာ ခံစားနိုင် သုံးစွဲနိုင်ကြပါတယ်။ အဲဒီ Jedi တွေရဲ့ လုံးဝဆန့်ကျင်ဖက်လမ်းစဉ်ကို လိုက်တဲ့သူတွေကိုတော့ Sith တွေလို့ခေါ်ပြီး သူတို့က ဒေါသနဲ့အမုန်းတွေကို အခြေခံတဲ့ အမှောင်ခြမ်းစွမ်းအင် Dark Side of the Force ကို သုံးစွဲကြပါတယ်။ ဒီ star wars ရုပ်ရှင်တွေအတွင်းမှာ Jedi နဲ့ sith တွေရဲ့ အပြန်အလှန်အားပြိုင်မှုတွေ တော်လှန်ရေးအဖွဲ့တွေနဲ့ အင်ပါယာတပ်တွေရဲ့ တိုက်ပွဲတွေအကြောင်းတွေ ခံစားကြည့်ရှုနိုင်ပါလိမ့်မယ်။ စတားဝါးရုပ်ရှင်တွေကို ထုတ်လုပ်ခဲ့တဲ့ခုနှစ်အတိုင်း အစဉ်လိုက်ကြည့်ရှုမယ်ဆိုရင်အောက်ပါအတိုင်းကြည့်ရှုလို့ရပါတယ်။ 1. Star Wars IV : A New Hope (1977) 2. Star Wars V : The Empire strikes back (1980) 3. Star Wars VI : Return of the Jedi (1983) 4. Star Wars I : Phantom Menace (1999) 5. Star Wars II : Attack of The Clones (2002) 6. Star Wars III : Revenge of The Sith (2005) 7. Star Wars VII: The Force Awakens (2015) 8. Rogue One : A Star Wars Story (2016) 9. Star Wars VIII : The Return of the Jedi (2017) 10. Solo : A Star Wars Story (2018) 11. Star Wars IX : The Rise of the Skywalker (2019) တကယ်လို့ Star Wars Timeline အတိုင်းကြည့်မယ်ဆိုရင်တော့ အောက်ပါအတိုင်းကြည့်ရှုလို့ရပါတယ်။ 1. Star Wars I : Phantom Menace (1999) 2. Star Wars II : Attack of The Clones (2002) 3. Star Wars III : Revenge of The Sith (2005) 4. Solo : A Star Wars Story (2018) 5. Rogue One : A Star Wars Story (2016) 6. Star Wars IV : A New Hope (1977) 7. Star Wars V : The Empire strikes back (1980) 8. Star Wars VI : Return of the Jedi (1983) 9. Star Wars VII: The Force Awakens (2015) 10. Star Wars VIII : The Return of the Jedi (2017) 11. Star Wars IX : The Rise of the Skywalker (2019) ( Littleneo မှ ဘာသာပြန်တင်ဆက်ထားပါတယ်။) Star Wars ရုပ်ရှင်အားလုံးကို https://channelmyanmar.to/category/special-package/star-wars/ မှာကြည့်ရှုနိုင်ပါတယ်။ 4K ကိုတော့ www.cmapp.tv မှာ မန်ဘာဝင်ပြီး CM App ကနေ လွယ်ကူစွာတိုက်ရိုက်ကြည့်ရှုနိုင်သလို One Click Download လဲ ပြုလုပ်နိုင်ပါတယ်။ +++++++++++++++++++++++++++++ Star Wars: Episode V – The Empire Strikes Back (1980) Star Wars: Episode IV – A New Hope (1977) ရဲ့အဆက်ဖြစ်ပြီး ဒုတိယမြောက် ထွက်ရှိခဲ့တဲ့ စတားဝါးစ်ရုပ်ရှင်ကားဖြစ်ပါတယ်။ ပထမကား Star Wars: Episode IV – A New Hope (1977) မှာ သေမင်းကြယ်ကိုဖျက်ဆီးခဲ့ပြီးနောက် ဒါ့သ်ဗိတ်ဒါဟာ လုခ် စကိုင်းဝေါ်ကာရဲ့နောက်ကို လိုက်ဖမ်းနေပြီး..အင်ပါယာတပ်တွေကလည်း တော်လှန်ရေးတပ်တွေရဲ့ စခန်းကို ပြန်ပြီးတိုက်ခိုက်ချေမှုန်းရာကနေ ဇာတ်လမ်းကိုစထားပြီး ကပ္ပတိန် Han Solo နဲ့ မင်းသမီး Leia Organa တို့လည်း အင်ပါယာတပ်တွေရဲ့လက်ကနေ ဘယ်လိုရှောင်ပြေးကြရမယ်ဆိုတာ…။

1940အတွင်းမှာဖြစ်ပွားခဲ့တဲ့ဒုတိယကမ္ဘာစစ်အကြောင်းကိုအခြေခံပြီးရိုက်ကူးထားတဲ့ War Film တစ်ပုဒ်ပဲဖြစ်ပါတယ် ဟစ်တလာဦးဆောင်တဲ့ နာဇီအုပ်စုတွေဟာ သဘာဝကိုလွန်ဆန်ပြီး သေခြင်းတရားကိုအံတုနိုင်တဲ့ Super Soldiers တွေကို ဖန်တီးဖို့အတွက် ကလေးလူငယ်ကျားမ မရွေးကို ဖမ်းဆီးခဲ့ပြီး စမ်းသပ်မှုများကို ပြုလုပ်ခဲ့ကြပါတယ် သို့သော်လည်း စမ်းသပ်မှုတွေကအလုပ်မဖြစ်ခဲ့ပါဘူး အလုပ်မဖြစ်ခဲ့ပေမယ့်လည်း Mathilde ဆိုတဲ့ ကောင်မလေးတစ်ယောက်ကတော့ ကံကောင်းထောက်မစွာနဲ့ပဲ စမ်းသပ်မှုမှာအောင်မြင်ခဲ့ပါတယ် ပြုသမျှနုနိုင်အောင် သူမကိုဝိုင်းပြီးဦးနှောက်ဆေးခဲ့ကြပေမယ့်လည်း ဦးနှောက်မပြောင်ခဲ့တဲ့အတွက်ကြောင့် ကလေးမလေးကို စွန့်ပစ်ခဲ့ကြပြီးနောက်ပိုင်း ဖြစ်ပေါ်လာမယ့် ဇယားအရှုပ်အရှင်းတွေကို ကြည့်ရှုခံစားနိုင်မှာပဲဖြစ်ပါတယ် File size…(1.6 GB)/(753 MB) Quality….Webrip HEVC 1080p / 720p Format…mp4/ mkv Duration….01:48:00 Genre…War Subtitle….Myanmar Subtitle (Hardsub) Encoder….Swan Min Htet Translated by Myat Noe Yamone

Street Fighter II: The Animated Movie (1994) IMDb Rating (7.2) / Rotten Tomatoes (80%) ၉၀ ခုနှစ်များဆီက ကလေးတိုင်းရဲ့ အသည်းစွဲ ဂိမ်းမြောက်များစွာကို ထုတ်လုပ်ပေးနိုင်ခဲ့တဲ့Capcom ရဲ့ ဂိမ်းတစ်ခုဖြစ်တဲ့ Street Fighter ဟာလည်း အောင်မြင်ခဲ့တဲ့ဂိမ်းတစ်ခု ဖြစ်ပါတယ်။ဂိမ်းမှာလည်း အောင်မြင်ခဲ့သလို ရုပ်ရှင်တွေ၊ Animation Movie တွေမှာလည်း လူကြိုက်များခဲ့ပါတယ်။ 1991 ခုနှစ်က ထွက်ရှိခဲ့တဲ့ Street Fighter II – The World Warrior ဂိမ်းရဲ့ အောင်မြင်မှုကြောင့်ပဲ Street Fighter II The Movie ဆိုပြီး Animation ရုပ်ရှင်တစ်ကား ပေါ်ထွက်လာခဲ့တာဖြစ်ပါတယ်။ပရိသတ်အချစ်တော် ဇာတ်ကောင်တွေ ဖြစ်တဲ့ Ryu နဲ့ Ken၊ Chun-Li၊ Guile၊ Fei Long၊ Dhalsim၊ Honda တို့အပြင် Zangief ကိုပါ မြင်တွေ့ခဲ့ရပြီး ငွေကြေးအရလည်း အောင်မြင်ခဲ့ပါတယ်။ ဇာတ်လမ်းအကျဉ်းအနေနဲ့ကတော့ – တရားရေးဌာနဝန်ကြီးကို အမ်အိုင်-၆ အေးဂျင့် တစ်ယောက်ဖြစ်တဲ့ ကမ်မီဝှိုက်က လုပ်ကြံသတ်ဖြတ်ခဲ့ပါတယ်။ အင်တာပိုအေးဂျင့်တစ်ယောက်ဖြစ်တဲ့ ချွန်းလီက ဒီလုပ်ကြံမှုကို အမေရိကန်စစ်တပ်အဖွဲ့အစည်းနဲ့ ပူးပေါင်းဖော်ထုတ်ဖို့ ဆန္ဒရှိနေပါတယ်။ အမေရိကန်လေတပ်က ကပ္ပတိန် ဂိုင်းလ်ကတော့ သူ့သူငယ်ချင်းသေဆုံးရမှုအတွက် ကိုယ်တိုင်သာ လက်စားချေချင်နေသူ ဖြစ်ပါတယ်။ အစပိုင်းမှာ ငြင်းဆန်ခဲ့ပေမယ့် ချွန်းလီရဲ့ဖြောင့်ဖြနားချမှုကြောင့်ပဲ ဘိုင်ဆန်ဦးဆောင်တဲ့ ရှဲဒိုးလော အဖွဲ့အစည်းကို ဖြုတ်ချဖို့ ပူးပေါင်းခဲ့ပါတယ်။ မကောင်းမှုဒုစရိုက်မှန်သမျှ လက်မလွတ်တမ်း ကျူးလွန်နေတဲ့ ရှဲဒိုးလော အဖွဲ့အစည်းရဲ့ ပဲ့ကိုင်ရှင်ဘိုင်ဆန်ကတော့ သူကြိုးဆွဲရာကမယ့် အကောင်းဆုံးတိုက်ခိုက်ရေးသမား ရုပ်သေးရုပ်ကို ဖန်တီးဖို့ ကြံစည်နေခဲ့ပါတယ်။သူ့တပည့်ဖြစ်သူ ဆာဂတ်ကို အနိုင်ယူသွားနိုင်ခဲ့ပြီးတော့ ကမ္ဘာပတ်ပြီး ထိုက်တန်တဲ့ပြိုင်ဘက်ကို လိုက်ရှာနေတဲ့ ရူကို ဒီပရောဂျက်အတွက် မျက်စိကျလာခဲ့ပါတယ်။ ရူရဲ့အချစ်ဆုံးသူငယ်ချင်း ဖြစ်တဲ့ ကန်ကတော့ ချစ်သူနဲ့အတူ အခြေကျနေပေမယ့် ဒိုဂျိုတစ်ခုတည်းမှာကိုယ်ခံပညာသင်ခဲ့တဲ့ ရူကို မပြတ်သတိရနေတဲ့သူလည်း ဖြစ်ပါတယ်။ သူ့ရဲ့စောင့်ကြည့်ရေးဆိုင်ဘော့ဂ်တွေကနေတစ်ဆင့်ကန်ရဲ့ တိုက်ခိုက်ပုံတွေကို တွေ့မြင်သွားတဲ့ ဘိုင်ဆန်က သူ့ရဲ့ဆိုက်ကိုစွမ်းအားနဲ့ ကန်ကိုသူ့ကိုယ်ပိုင် လူသတ်စက်တစ်ခုအဖြစ်ဖန်တီးဖို့ ကြိုးပမ်းလာပါတော့တယ်။ စိတ်စွမ်းအားရှင် ဘိုင်ဆန်နဲ့ အပေါင်းအပါတွေကို ဖြုတ်ချဖို့ ရူ နဲ့ ဟွန်ဒါတို့ကတစ်ဘက်၊ ချွန်းလီနဲ့ ကပ္ပတိန်ဂိုင်းတို့ အင်တာပိုအဖွဲ့အစည်းက တစ်ဘက် ဘယ်လောက်ထိ ကြိုးပမ်းသွားရမလဲဆိုတာကို ကြည့်ရှုသွားရမှာဖြစ်ပါတယ်။ (အညွှန်းနဲ့ဘာသာပြန်ကတော့ Sai Sumali ဖြစ်ပါတယ်။) File size…(2 GB) / (1 GB) Quality….Blu-Ray 1080p / 720p Format…. mp4 Genre….Action,Animation Duration….01:41:56 Subtitle….Myanmar Subtitle (Hardsub) Encoder….Thit San Khant Translated by Sai Sumali

Undead Lovers (2024) IMDb – 6 ဇာတ်လမ်းအညွှန်း ~~~~~~~~~~~~~ တကယ်လို့ ကိုယ်ချစ်ရတဲ့သူကို ဖွင့်ပြောပြီး တစ်ဖက်ကလည်း ပြန်ကြိုက်ပြီဆိုတာနဲ့ သူက ကိုယ့်ရှေ့ကနေ ပျောက်သွားရင် ဘယ်လိုလုပ်ကြမလဲ။ ဒီဇာတ်ကားထဲမှာတော့ သူကြိုက်တဲ့ကောင်လေးကို ဖွင့်ပြောပြီးတိုင်း အဲဒီကောင်လေးက ပျောက်သွားလို့ လိုက်ရှာရတဲ့ အထက်တန်းကျောင်းသူလေးရဲ့ တမူထူးခြားတဲ့ romance ဇာတ်လမ်းလေးပဲဖြစ်ပါတယ်။ “ရိနို ဟဆဲဘဲ”ဆိုတဲ့ ကောင်မလေးက သူငယ်ငယ်တုန်းက ဆုံဖူးပြီး သူ့အသက်ကို ကယ်ခဲ့တဲ့ “ဂျွန် ခိုနို”ဆိုတဲ့ ကောင်လေးကို ပြန်တွေ့ရဖို့ မျှော်လင့်နေတဲ့ကောင်မလေးပါ။ တစ်နေ့မှာတော့ ကျောင်းလမ်းမှာ ကောင်လေးတစ်ယောက်နဲ့ တွေ့ခဲ့ပြီး အဲဒီကောင်လေးက သူရှာနေခဲ့တဲ့ ဂျွန်ဖြစ်နေခဲ့တာပါ။ သူက ဂျွန်ကို အားကစားပြိုင်ပွဲဝင်ဖို့ ကူညီပေးခဲ့ပြီး တစ်ချိန်မှာတော့ ချစ်တဲ့အကြောင်းဖွင့်ပြောခဲ့ပါတယ်။အဲဒါကြောင့် ဂျွန်ကလည်း သဘောကျနေတာဖြစ်ကြောင်း ပြန်ပြောနေဆဲမှာပဲ ရိနိုရှေ့ကနေ ပျောက်ကွယ်သွားခဲ့ပါတယ်။ နောက်ပိုင်းမှာလည်း ဂျွန်က ရိနိုရှေ့ကို ပုံစံမျိုးစုံနဲ့ ပြန်လည်ရောက်ရှိလာခဲ့ပေမဲ့ သူဖွင့်ပြောလိုက်တိုင်း ကောင်လေးက ပြန်ပျောက်သွားခဲ့ပါတယ်။ အချစ်ရူးလေး ရိနိုလည်း သူ့ရဲ့ဖူးစာရှင် ဂျွန်ကို လိုက်ရှာနေရပေမဲ့ ချစ်တဲ့စိတ်ကတော့ လျော့မသွားခဲ့ပါဘူး။ ဒီလို သံသရာထဲမှာ ရိနိုတစ်ယောက် ဘာလို့ တဝဲလည်လည်ဖြစ်နေရလဲဆိုတာနဲ့ သူတို့နှစ်ယောက်ကြားက အချစ်ကရော ဘယ်လိုပုံစံမျိုးနဲ့ အမှန်တကယ်ဖြစ်တည်လာမှာလဲဆိုတာကို ဇာတ်လမ်းလေးထဲမှာ ကြည့်ရှုနိုင်ပါပြီ။ File Size – 1.61 GB/ 654 MB Quality – WEB-DL 1080p/ 720p Duration – 1:44:36 Format – mp4 Genre – Comedy, Drama, Fantasy, Romance Subtitle – Myanmar Subtitle (Hard Sub) Translated by – Roseline Encoded by – Treasure Htet

Amongst the Wolves (2025) Danny က အာဖဂန်စစ်ပွဲကနေ ပြန်လာပြီး PTSD ရှိတဲ့ အိမ်ခြေမဲ့ စစ်သားဟောင်းတစ်ဦးဖြစ်တယ်။ သူက သူ့ရဲ့သားလေးကို အုပ်ထိန်းစောင့်ရှောက်ခွင့်လိုချင်ပေမဲ့ သူ့ရဲ့ဇနီးက အိမ်ခြေမဲ့ဖြစ်နေတဲ့ Danny ကို သားလေးနဲ့ တွေ့ခွင့်မပေးတဲ့ ပြဿနာတွေလည်းရှိနေတယ်။ အဲဒီအချိန်မှာ Power ဆိုတဲ့ မူးယစ်ဆေးခေါင်းဆောင်နဲ့ အဖွဲဆီက ထွက်ပြေးနေတဲ့ Will လိုခေါ်တဲ့ ဆယ်ကျော်သက် အိမ်ခြေမဲ့ကောင်လေးနဲ့ Danny တိုတွေ့ပြီး သံယောဇဉ်တွေ တွယ်လာကြတယ်။ Danny က Will ကို မူးယစ်ဆေးမှောင်ခိုအဖွဲကနေ ဘယ်လိုတွေကာကွယ်ပေးပြီး သူ့အတိတ်ကအမှားတွေကို ပြန်ပြင်မလဲ၊ Power ရဲ့ ရန်ကနေ သူ့မိသားစုအပေါ်ခြိမ်းခြောက်မှုတွေပါ ဘယ်လိုရင်ဆိုင်ဖြေရှင်းမလဲ ဆိုတာကိုတော့ ဒီဇာတ်လမ်းထဲမှာ သည်းထိတ်ရင်ဖိုစရာ အခန်းတွေနဲ့ ဆက်လက်ကြည့်ရှုလိုရပါတယ်။ (အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။) File size… (1.4 GB) / (840 MB) Quality…. WEB-Rip 1080p HEVC / 720p Format…. mkv/mp4 Genre…. Thriller Duration…. 01:43:18 Subtitle…. Myanmar Subtitle (Hardsub) Encoder…. Benjamin Translated by Thwal Htoo Zin

ဒါရိုက်တာ Evan Jacobs ရိုက်ကူးထားတဲ့ Horror ဇာတ်လမ်းဖြစ်ပြီး၊ ဇာတ်လမ်းထဲမှာ လူသတ်သမားနှစ်ယောက်အကြောင်းကို ရိုက်ကူးထားတာပါ။ ထိုလူနှစ်ယောက်က မမျှော်လင့်ထားတဲ့ သေဆုံးမှုတွေနဲ့ ရင်ဆိုင်လာရပြီး သူတို့အလုပ်လုပ်တဲ့ အလုပ်ချိန်အတွင်း စိတ်ပျက်စရာအဖြစ်တွေနဲ့ ကြုံတွေ့လာရတာကို ရိုက်ပြထားတာပါ။ ဇာတ်လမ်းအကျဉ်း —————- ဇာတ်လမ်းထဲမှာ သူငယ်ချင်းနှစ်ယောက် လူးကတ်နဲ့ ဘန်တို့ အလုပ်မလာခင် လူတစ်ယောက်ကိုသတ်ဖို့အကြောင်း ကြံရွယ်ထားကြပါတယ်။ အလုပ်ရောက်တော့ ထူးဆန်းတဲ့အဖြစ်အပျက်များနဲ့ ကြုံတွေ့လာရပြီး တစ်ယောက်ကိုယ်တစ်ယောက် သံသယဝင်လာခဲ့ကြပါတယ်။ ထို့နောက် thrid person ရဲ့နှောင့်ယှက်မှုတွေကြောင့် အလုပ်မလုပ်နိုင်ဖြစ်နေကြတဲ့ သူငယ်ချင်းနှစ်ယောက် မထင်မှတ်ပဲ လူသေလောင်းတစ်ခုကို တွေ့လိုက်ရတဲ့အခါမှာ…… အလောင်းကရော ဘယ်ကရောက်လာတာလဲ ? လူးကတ်နဲ့ဘန်တို့ကရော ဒီအလောင်းနဲ့ပတ်သတ်ပြီး ဘယ်လိုများပတ်သတ်နေမလဲဆိုတာ…….. File size…(1.3 GB)/(609 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Thriller Subtitle….Myanmar Subtitle (Hardsub) Encoder….Swan Min Htet Translated by Karmt

Boléro (2024) IMDb Rating (6.6) ပြင်သစ် သီချင်းရေးဆရာကြီး Maurice Ravel ရဲ့ ဘဝနဲ့ သူ မသေဆုံးခင်မှာ Ida Rubinstein ဆိုသူဘဲလေးကချေသည်အမျိုးသမီးအတွက် ရေးပေးခဲ့တဲ့ နာမည်ကြီး Boléro ဆိုတဲ့ တေးသွားကို ရေးစပ်ခဲ့ပုံကို Director Anne Fontaine က ရိုက်ကူးထားတာပါ။ Maurice Ravel ရေးစပ်ခဲ့တဲ့ Boléro တေးသွားဟာ ၁၇မိနစ် ကြာမြင့်ပြီး ၁မိနစ်စာ တေးသွားကို ၁၇ခါပြန်ကျော့ထားတာလည်းဖြစ်ပါတယ်။ အောင်မြင်မှုအနေနဲ့ ကမ္ဘာတစ်ဝှမ်းမှာလည်း လူမျိုးပေါင်းစုံ ယဥ်ကျေးမှုပေါင်းစုံက တင်ဆက်မှုအမျိုးမျိုးနဲ့ ဒီတေးသွားကိုပြန်လည် တီးခတ်ထားကြပါတယ်။ ဇာတ်လမ်းအစမှာ Maurice ဟာ သူ့မိတ်ဆွေ ဘဲလေးကချေသည် Ida ကို စက်ရုံတစ်ခုကို ခေါ်သွားပြီး စက်ရုံက ဆူညံသံတွေက သူ့အတွက် တေးဂီတဖြစ်ကြောင်း ရှင်းပြခဲ့ပါတယ်။ Ida နဲ့ Maurice ဟာ 1927 ခုနှစ်ဧည့်ခံပွဲတစ်ခုမှာတွေ့ဆုံခဲ့ပြီး Ida ရဲ့ ဘဲလေးကဇာတ်အတွက် Maurice ကို သီချင်းတစ်ပုဒ်ရေးစပ်ခိုင်းခဲ့တာပါ။ ပုံမှန်ဆို Mauriceဟာ စိတ်ကူးတစ်ခု ရဖို့ ၁၀စုနှစ် တစ်ခုလည်း ကြာရင်ကြာသွားတတ်ပြီး သူ့ရဲ့ အနုပညာဟာ အချိန်အကြာကြီး လိုအပ်ကြောင်း အမေရိကား နယ်လှည့်ဖျော်ဖြေပွဲမှာ စာနယ်ဇင်းသမားတွေကို ပြောသွားခဲ့ပါတယ်။ ဒါပေမယ့် အမေရိကားက ပြန်ရောက်ရောက်ချင်း Ida က Maurice ကို တေးသွားတစ်ပုဒ်စပ်ဖို့ ၂လပဲ အချိန်ပေးခဲ့ပါတယ်။ အဲ့ဒီ၂လမှာ စိတ်ကူးတွေ အကြံဥာဏ်တွေပေါ်လာအောင် ကမ်းခြေဘက်လည်း ခရီးသွားခဲ့ပေမယ့် ၂ပတ်လောက် အလိုအထိကို ဘာမှ မရေးမစပ်နိုင်ခဲ့ပါဘူး။ သို့ပေမယ့်လည်းသတ်မှတ်ချိန်ပြည့်သွားတဲ့အခါမှာ ဂန္တဝင် တေးသွားတစ်ပုဒ်ဖြစ်တဲ့ Boléro က Ida Rubinstein ရဲ့ ဘဲလေးကဇာတ်ကနေ မွေးဖွားလာခဲ့ပါတယ်။ Maurice Ravelဟာ သူ့ဘဝ နေဝင်ချိန်မှာ ဦးနှောက် အာရုံကြောရောဂါကို ခံစားခဲ့ရပြီး သီချင်းမရေးနိုင်၊ ဘာကိုမှ မမှတ်မိတော့တဲ့ အချိန်မှာ သူရေးစပ်ခဲ့တဲ့ Bolero ကိုတောင် မမှတ်မိတော့ပါဘူး။ ဒါပေမယ့်လည်း သူဟာ နောက်ဆုံးအချိန်ထိ သူ့အာရုံနဲ့ စိတ်ဝိဥာဥ်ကို တေးဂီတထဲမှာ မြှုပ်နှံခဲ့တဲ့ ပညာရှင်ကောင်းတစ်ယောက်ဖြစ်ခဲ့ပါတယ်။ (အညွှန်းနဲ့ဘာသာပြန်ကတော့ Leonie ဖြစ်ပါတယ်။) File size…(1.9 GB) / (770 MB) Quality….WEB-DL 1080p HEVC / 720p Format…. mkv/mp4 Genre….Drama,History,Music Duration….02:02:09 Subtitle….Myanmar Subtitle (Hardsub) Encoder….Double K Translated by Leonie