ကလေးဘ၀ကတည်းက ရဲအရာရှိတစ်ယောက်ဖြစ်ချင်ခဲ့တဲ့ ရာနာဆိုသူရဲ့ စိတ်အားထက်သန်မှုတွေကို အသားပေးရိုက်ကူးထားတဲ့ Raana ဆိုတဲ့ ဇာတ်ကားလေးနဲ့ မိတ်ဆက်ပေးပါရစေ။ ဖခင်ဖြစ်သူရဲဲ့ နောက်ဆုံးဆန္ဒ တဖြစ်လည်း အမေနဲ့ သူငယ်ချင်းတွေရဲ့ ပံ့ပိုးမှုနဲ့အတူ ရဲတစ်ယောက် မဖြစ်ဖြစ်အောင်ကြိုးစားနေတဲ့ ရာနာ တစ်ယောက်........ သူတို့မြို့မှာ ဘယ်သူမှမယှဉ်ရဲလောက်အောင်ကို အင်အားကြီးတဲ့ ကာပါလီဆိုသူ လူမိုက်တစ်ယောက်ကြီးစိုးနေချိန်.............. တစ်ရက်မှာတော့ လူမသိသူမသိ လုပ်ကြံခံလိုက်ရတဲ့အခါ ကာပါလီနဲ့အငြိုးတွေရှိဖူးတဲ့ ရာနာဆီကို သံသယတွေပုံကျလာပါတော့တယ်။ ရာနာဟာ ရဲသင်တန်းဆင်းပြီး တရား၀င်ရဲတစ်ယောက်ဖြစ်ဖို့ အမှုအခင်းကင်းရှင်းအောင် နေနေရတဲ့သူဖြစ်ပြီး ချစ်သူနဲ့နှစ်ယောက်တစ်ဘ၀နေနိုင်ဖို့ကြိုးစားရင်း ဘ၀ကြီးကသာယာအေးချမ်းနေပေမယ့် အခုလိုစွပ်စွဲချက်တွေကြုံလာရတဲ့နောက် တရားခံအဖြစ်ကနေ လွတ်မြောက်ဖို့အတွက် လူသတ်တရားခံအစစ်ကို ဖော်ထုတ်နိုင်ဖို့ ကြိုးပမ်းရပါတော့တယ်။ 2022 ခုနှစ်ကထွက်ရှိထားပြီး IMDb 8.2 အထိရရှိထားတဲ့ဇာတ်ကားကောင်းဖြစ်တဲ့အတွက် India ဇာတ်ကားကြိုက်သူများဖို့ လက်မလွှတ်သင့်သော ဇာတ်ကားအဖြစ်ညွှန်းဆိုပေးပါရစေ။ File size…1.9GB / 932MB Quality…1080p  WEB DL /720p Format…mp4 Duration….2h Subtitle….Myanmar Subtitle (Hard Sub) Encoder….YK Translated by Haruko & Poe

Sci-fic နဲ့ Survival genreမှာ ဂျပန်ရုပ်ရှင်​​တွေဟာ တန်းတစ်ခုရှိတယ်လို့ သတ်မှတ်နိုင်ပါတယ်။ ​​ထောင်​ချောက်​နဲ့ ပ​ဟေဠိ​တွေ၊ ​ဘယ်အချိန် ဘယ်လိုနည်းနဲ့ ​သေမလဲ မှန်းဆမရမှု​တွေ၊ ပီပြင်ပြီး သွေးသံရဲရဲနဲ့ ​သေဆုံးမှု​တွေ​ကြောင့် ဂျပန် survival genreဟာ Respect​ပေးထားရတဲ့ Genreတစ်ခုပါ။ ဒီရုပ်ရှင်က​တော့ မူရင်း က​နေဒါ film series ဖြစ်တဲ့ Cube ရုပ်ရှင်​တွေရဲ့ ၄ကား​မြောက် ပုံစံမျိုးပါ။ ​ယောကျ်ားသား ၅​ယောက်နဲ့ မိန်းမ ၁​ယောက်၊ ဘယ်လိုဘယ်ပုံနဲ့​​ရောက်လာမှန်းမသိ​လိုက်ဘဲ ကုဗတုံးသဏ္ဍာန် သံအချုပ်ခန်းထဲ အချုပ်ခံထားရသူ​တွေ၊ ဒီလူ၆​ယောက်ဟာ တစ်ဦးနဲ့တစ်ဦးသိတဲ့သူ​တွေမဟုတ်သလို တစ်ကြိမ်တစ်ခါ​တောင် မြင်ဖူးခြင်းမရှိတဲ့ သူစိမ်းသက်သက်​တွေဆို​ပေမယ့် တစ်ဦးချင်းစီရဲ့နောက်​ကြောင်းဟာ ရိုးရှင်းမှု၊ရိုး​ဖြောင့်မှုမရှိတာ​တော့ တူညီ​နေသူ​​တွေ... သူတို့​ရောက်​နေတဲ့ ကုဗတုံးသဏ္ဍာန်အခန်းသည် အလုံပိတ်ရယ်လို့မဟုတ်၊ ​ဘေးဘီမျက်နှာပြင် ၄ဖက်နှင့် အ​ပေါ်​၊ ​အောက်ဖက်မှာ ကပ်လျက်ကုဗတုံးအခန်းများသို့ ကူးစရာ ဂယ်​ပေါက်များရှိ​နေသည်၊ မြင်သာ​​​အောင် ​ပြောရရင် လူ၆​ယောက်ဖမ်းခံထားရ​သော ကုဗတုံးအခန်းအပါအဝင် တခြားကုဗတုံးအခန်းများစွာ စုစည်းပြီး ဧရာမ ကုဗတုံးကြီးသဏ္ဍာန် ဖန်တီးထား​​သော ထူးဆန်းသည့် အ​ဆောက်အအုံကြီးဖြစ်သည်။ လက်ရှိ​ရောက်​နေသည့် အခန်းမှသည် ​ရွေးချယ်စရာ ဂယ်​ပေါက် ၆​ပေါက်အထိ ​ပေးထား၍ ကြိုက်သည့်အ​ပေါက်မှ ကြိုက်သည့်အခန်းသို့ကူးနိုင်သည်၊ သို့​သော် ကိုယ်ကူးသည့်အခန်း မှားရင်​ဖြင့် ပြန်လမ်းမရှိတဲ့ မရဏလမ်းဆီ ​ရောက်နိုင်သည့် ​ထောင်​ချောက်အသီးသီးနဲ့ တိုးပါမည်။ ဘယ်အ​ပေါက်ကကူးလျင် ​ထောင်​ချောက်မရှိတဲ့ အခန်းကိုရောက်မလဲ၊ ထိုမှတဆင့် ဘယ်လို​ရွေးချယ်မှု​တွေနဲ့ပင်မထွက်​ပေါက်ကြီးကို ​ရောက်​အောင်သွားကြမလဲ၊ ဘယ်သူ​​တွေ ရှင်ကျန်ပြီး ဘယ်သူ​တွေသေမလဲ၊ ထောင်​ချောက်ဒီဇိုင်း အမိုက်စား​တွေနဲ့ ဘယ်သူ​တွေ သေပန်းပွင့်မလဲ​ဆိုတာတော့ CMပရိတ်သတ်​တွေ​ ကိုယ်တိုင်ပဲခေါင်းစားကြည့်လိုက်ပါဦး။ အညွှန်း နဲ့ ဘာသာပြန်ကတော့ JimX ပဲ ဖြစ်ပါတယ်။ Genre..... Horror, Mystery, Sci-fi Quality….WEB-DL 1080p and 720p File size… 1.5GB and 779MB Format…mp4 Duration…. 1h 48min Subtitle….Myanmar Subtitle (Hardsub) Translator ..... JimX Encoder ..... August

" ဒီနှလုံးသားက ရှုပ်ထွေးလွန်းလှပါတယ်" မထွက်ခင်က သတင်း... ၁၇ နှစ်လောက် တွဲအလုပ်မလုပ်ဖြစ်တော့တဲ့ ဒါရိုက်တာ ကာရန်ဂျိုဟာ နဲ့ မင်းသမီး အက်ရှ်ဝါရိုင်းတို့ ပြန်လည်ပေါင်းစည်းရိုက်ကူးထားတဲ့ ကားလေးပါ... မင်းသားကတော့ Ranbir Kapoor နဲ့ မင်းသမီး Anushka Sharma(PK) တို့ ပါဝင်ပါသေးတယ်... ကာရန်ဟာ Kuch Kuch Hota Hai ကအစပြု ပြီး Dostana(Shut Up & Bounce) ဒီမှာတော့ အေသင်ရဲ့တင်းတယ် ဖြစ်သွားတဲ့ သီချင်းပါတဲ့ ရုပ်ရှင်နဲ့ တအားအောင်မြင်ခဲ့တဲ့သူပါလို့ အက်ရှ်က ပြောပါသေးတယ်... ပါဝင်သူတို့အကြောင်း... ကာရန်ဂျိုဟာ - ရုပ်ရှင်ကားကို မညွှန်းခင် ဒါရိုက်တာကို အရင် ပြောပါရစေ... သူ့ရိုက်လိုက်တဲ့ ဒရမ်မာကားတွေဆိုရင် ဒရမ်မာကားမကြိုက်တဲ့သူတွေတောင် ကြိုက်ကြတယ်... လူငယ်ဆန်တယ် ပေါ့ပါးတယ်... စကားလုံး ဒိုင်ယာလော့တွေ အမိုက်စားတွေချည်းပဲ... သူနည်းနည်းလေး ဝင်ပါလိုက်တဲ့ ရုပ်ရှင်ဆိုရင်ပဲ သူ့ရဲ့ လက်ရာပါမှန်းသိသာအောင် မိုက်တာ... ရာဘင်ကပူး - သူ့ကိုလဲ Yeh Jawaani Hai Deewani(2013) Tamasha(2015) နှစ်ကားကြည့်မိပြီးကတည်းက သတိထားမိတယ်... လူငယ်ဖန်စီကားကိုမှ တွေးစရာနက်နက် စကားလုံး မိုက်မိုက်တွေနဲ့ တွဲပြီး မှတ်မိနေတယ်... အခုကားမှာဆိုလဲ လူငယ်ဆန်ဆန် အချစ်ကို ရူးမိုက်တာ တော်တော်လေးကို သဘာဝကျပါတယ်... အနူရှကာ - သူမကလဲ ပီကေမှာကတည်းက သတိထားမိတယ်... ဒါပေမဲ့ တကားနဲ့ တကားမှာ ဇာတ်ရုပ်ပေါ်မူတည်ပြီး ရုပ်ပြောင်းသွားတာလေးကိုတော့ သဘောကျတယ်... ဇာတ်ရုပ်နဲ့လိုက်အောင် ဝတ်စား နေထိုင်တာကောင်းတယ်လို့လဲ ပြောချင်တာပေါ့... သူမလဲ သရုပ်ဆောင်လိုက်ရင် ခပ်သွက်သွက်ကားလေးတွေပဲ သရုပ်ဆောင်သလားပဲ လိုက်လဲ လိုက်ပါတယ်... ဒီကားထဲမှာတော့ အချစ်ကိုသိပေမဲ့ အသိရှိတဲ့ သူအဖြစ်နဲ့ သရုပ်ဆောင်ထားပါတယ်... ဆုံးရှုံးဖူးထားတော့ အချစ်ကို ထပ်မဆုံးရှုံးရအောင် ထိန်းသိမ်းထားတာလေးကလဲ ဒီကားမှာ တမျိုးဆွဲဆောင်မှု ရှိနေပါတယ်... အက်ရှ်ဝါရိုင်း - လတ်တလောတော့ ဆာရာဂျစ်ရယ် Jazbaa ရယ် ရုပ်ရှင်ကားတွေနဲ့ အရမ်းသဘောကျနေတာပါ... သူမကတော့ ဒီကားမှာ ဇာတ်ပို့အနေနဲ့ပေါ့... ဒါကလဲ ကျွန်တော်မြင်မိတာပြောတာပါ... ကိုယ့်ကိုယ်ကို ပေးဆပ်ချစ်တတ်သူ နားလည်တတ်သူ၊ ရာဘင်ရဲ့ နှလုံးသားဒဏ်ရာ ကွက်လပ်ကို ဖြည့်ဆည်း ကုသပေးတဲ့ သူ မမကြီး အဖြစ်နဲ့ သရုပ်ဆောင်ထားပါတယ်... ဧည့်သည်သရုပ်ဆောင် - လုံး၀ မထင်ထားတာပါ... ရှရွတ်ခန်းက အက်ရှ်ဝါရိုင်းရဲ့ အရင် Ex အဖြစ်သရုပ်ဆောင်ပေးထားပါတယ်... တခန်းဆို တခန်းပဲ ပြောသွားတာတွေက အရမ်းမိုက်ပါတယ်... အလီဘတ်ကတော့ သိပ်မထင်ရှားပါဘူး ဒီဂျေသူငယ်ချင်း တယောက်အဖြစ်နဲ့ပါ... သီချင်းတွေ - ပါသမျှသီချင်းတွေ အရမ်းကြိုက်ပါတယ်... ရုပ်ရှင်မကြည့်ရခင်ကတည်းက သီချင်းက အလွတ်ရနေတာပါ... အဆိုတော်တွေတော့ မလေ့လာရသေးပေမဲ့ ဇာတ်ကားအရ ရင်ထဲကဆိုမှ တကယ် ပီပြင်တယ်လို့ ပြောထားသလိုပဲ နားထောင်ရင်း ကြက်သီးပါထမိပါတယ်... Channa Mereya သီချင်းဆိုရင် ရာဘင်သရုပ်ဆောင်ထားတာနဲ့ဆို မျက်ရည်ပါဝဲချင်သွားပါတယ်... ရုပ်ရှင်အညွှန်း - အချစ်ကိုပေါ့ပေါ့ပါးပါးပဲလို့ တွေးထားတဲ့ လူငယ်တယောက်(ရာဘင်) ဟာ ခဲမှန်ဖူးတဲ့ (အနူရှကာ) နဲ့ မမျှော်လင့်ပဲ ဆုံခဲ့ပါတယ်... စရိုက်တူတဲ့ သူတို့နှစ်ယောက်ဟာ အတွဲမိသွားပါတယ်... ကိုယ်စီ Ex တွေနဲ့ ဆုံတွေ့ချိန်းပြီး ကလပ်မှာ ကကြရာကနေ အဖြစ်အပျက်တွေ ကပြောင်းကပြန်ဖြစ်သွားတော့တာပါပဲ... စိတ်ပြေလက်ပျောက် ၂ ယောက်သား ခရီးအတူတူထွက်ရင်း တဦးကို တဦး ပုံမှန်ထက်ပိုလိုအပ်တယ်လို့ သိလာရပါတယ်... အဲအချိန်မှာပဲ ကြမ္မာငင်တာကတော့ အနူရှကာရဲ့ မှန်ဖူးတဲ့ခဲလေးက ပြန်လာချိတ်တာပါပဲ... ချစ်တာ နဲ့ လက်ထပ်တာမတူတာကိုသိတဲ့ အနူရှကာက ရွေးချယ်မှုတခုကို ပြုလုပ်ခဲ့ပါတယ်... ဒီတခါမှ အသည်းက ဟက်တက်ကို ကွဲတာ ရာဘင်... ဒါကိုထပ်ဆင့်ဖြစ်စေတာက မင်္ဂလာဆောင်ကို လာချီးမြှင့်ခိုင်းတာပါပဲ... ရင်ထဲက သံစဉ်တွေပွင့်အန်ပြီး Channa Mereya သီချင်းဆိုတော့မှ ရာဘင် တကယ် သူ့ကို ချစ်မှန်းသိသွားတာ... ဒါပေမဲ့ လွန်သွားပြီလေ... မခံစားနိုင်တော့လို့ အိမ်အပြန် လေဆိပ်မှာ ဆုံတွေ့လိုက်တာ အက်ရှ်ဝါရိုင်း... သူမကလဲ နှလုံးသားတံခါး အခေါက်ခံရဖူးသူတယောက် အသက်အရွယ်တခုအရ ရင့်ကျက်သွားလို့ ခံနိုင်ရည်ရှိနေတာပါ... ခံစားချက်တွေကို ရင်ထဲကနေ စာရွက်ထဲကူးပြောင်းထားတဲ့ မမကြီးပေါ့... သူ့ရဲ့ စာအုပ်ကို လက်ဆောင်ပေး နှစ်သိမ့်အပြီးမှာတော့ ထုံးစံအတိုင်း ရာဘင်က အချစ်ဇာတ်လမ်းတပုဒ်ကို ထပ်မံသီကုံးတော့တာပါပဲ... မဆွတ်ခင်ကတည်းက ညွှတ်နေတဲ့ မမကြီးလဲ ကောက်ကောက်ပါသွားတော့တာပေါ့... အပျော်တွေမှ မဆုံးသေးဘူး ဒုတိယတကြိမ် ကြမ္မာဆိုးက ရာဘင်ကို လာနောက်ယှက်တာကတော့ အနူရှကာဆီက ဖုန်းဝင်လာတာပါပဲ... ကလေးတယောက်လို အရွဲ့တိုက်ချင်တာနဲ့ Ex ချင်းပေးတွေ့ ခနဲ့ရာမှာ ရင်ထဲက သရုပ်မှန်တွေထွက်ကျလာပြီး မမကြီးနဲ့ပါ ပြတ်ဆဲသွားတော့တာပါပဲ... ကျန်တာကတော့ ရုပ်ရှင်မှာပဲ ကြည့်တော့ဗျာ... ဟီး... ဆဲလဲခံရတော့မှာပဲ... ထပ်ရေးနိုင်စွမ်းမရှိတော့ဘူး... အရမ်းခံစားရလွန်းလို့ပါ... မထင်ထားတဲ့ ထောင့်တွေက ဝင်လာတဲ့ ဂြိုလ်ဆိုးတွေက ဘယ်လိုနှောက်ယှက်လဲ... အဆုံးမသတ်သွားမယ့် အချစ်ကို ဘယ်လိုဖန်တီးလဲဆိုတာကို ကျွန်တော်တင်တဲ့ ရုပ်ရှင်အစ/အဆုံးကိုသာ ကြည့်တော့ဗျာ...။ (ရုပ်ရှင်အညွှန်းကို bollywoodloversmyanmar မှ ကူးယူဖော်ပြပါသည်။) File size…(9.6 GB)/(3 GB)/(1.6 GB) Quality….BluRay 4K HEVC/ 1080p HEVC / 720p Format…mkv/mp4 Duration….02:36:58 Subtitle….Myanmar Subtitle (Hardsub) Encoder….Nyeinsaeya Aung Translated by Alias

ဒီ Resurrected ဆိုတဲ့ ဇာတ်ကားလေးကတော့ နာမည်အတိုင်းပဲ လူတွေကိုပြန်အသက်သွင်းတဲ့ အကြောင်းအပေါ် ဇာတ်အိမ်တည်ပြီးတော့ ရိုက်ကူးထားတာပါ။ ဒီဇာတ်ကားလေးမှာဆိုရင်တော့ The Walking Dead နဲ့ Logan ဇာတ်ကားမှာ ပါဝင်သရုပ်ဆောင်ဖူးတဲ့ မင်းသား Dave Davis ကနေ ဇာတ်ဆောင်အဖြစ်ပါဝင်သရုပ်ဆောင်ထားပြီးတော့ ၂၀၁၉ နဲ့ ၂၀၂၀ မှာထွက်ထားတဲ့ Manifest နဲ့ Dynasty ဆိုတဲ့ ဇာတ်လမ်းတွဲတွေမှာ ပါဝင်ခဲ့တဲ့ မင်းသမီးချော Erika Chase ကနေပြီးတော့ ပါဝင်အားဖြည့်ပေးထားပါတယ်။ ဒီဇာတ်ကားရဲ့ ဇာတ်လမ်းကတော့ သိပ်မကွာတော့တဲ့ အနာဂတ်ကာလတစ်ခုမှာ ဗာတီကန်ကလူတွေဟာ သေလူတွေကို သေရာကနေပြန်ရှင်လာအောင် အသက်သွင်းတဲ့နည်းလမ်းကို ရှာဖွေတွေ့ရှိသွားတဲ့အကြောင်းပါ။ တစ်ဖက်မှာလည်း အဲ့အချိန်ကာလအတွင်းမှာပဲ မင်းသားကြီး Dave Davis ရဲ့ ဇာတ်ကောင်ဖြစ်တဲ့ စတန်လေမာတင်ဆိုသူရဲ့ သားဟာလည်း မတော်တဆမှုအကြောင့် သေဆုံးသွားခဲ့ရပါတယ်။ ဒီလိုနဲ့ ဗာတီကန်ကလူတွေက စတန်လေမိသားစုရဲ့ အဖြစ်ဆိုးကိုအခွင့်ကောင်းယူပြီး သူတို့သားလေး နစ်ခ်ကိုလက်စ်ကို ပြန်အသက်သွင်းခဲ့ပါတော့တယ်။ ဒီလိုနဲ့ပဲ အချိန်အပိုင်းတစ်ခုကို ကျော်သွားတဲ့အခါမှာ အသက်ပြန်သွင်းတယ်ဆိုတဲ့ ကိစ္စဟာ Trend တစ်ခုလိုဖြစ်လာခဲ့ပြီး ခရစ်ယာန်ဂိုဏ်းတွေမှာ သေဆုံးပြီးတဲ့သူတွေကို ပြန်အသက်သွင်းဖို့လုပ်တာကလည်း တရားဝင်ကျင့်သုံးလာတဲ့ အစဉ်အလာတစ်ခုလိုဖြစ်လာခဲ့ပါတယ်။ ဒါပေမဲ့ ဒီ ပြန်အသက်သွင်းတယ်ဆိုတဲ့ ကိစ္စက သွေးရိုးသားရိုးကော ဟုတ်ရဲ့လား... ဒီလို သေဆုံးပြီးတော့ ပြန်အသက်သွင်းခံလိုက်ရတဲ့သူတွေရော ပုံမှန်လူတွေလိုပြန်ဖြစ်သွားတာပဲလား... ဗာတီကန်ရဲ့နောက်ကွယ်မှာ ဘယ်လိုရှုပ်ထွေးမှုတွေရှိနေမလဲဆိုတာကို ဒီဇာတ်ကားလေးမှာ သည်းထိတ်ရင်ဖို စိတ်ဝင်စားဖွယ် ရှုစားရမှာပဲဖြစ်ပါတယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size - Quality - 1080p, 720p Format - mp4 Duration - 2H 2Min Genre - Horror, Sci-Fi Subtitle - Myanmar Subtitle (Hardsub) Translated by Mark Encoded by Y

(18+)Parasite Choon (2021) ဇာတ်လမ်းဇာတ်ကွက်လေးကောင်းမှ မှောင်ချင်တယ်ဆိုရင် ဒီကားကိုကြည့်ဖို့အကြံပေးပါရစေ Parasite ဇာတ်ကား ကျောရိုးနဲ့ဆင်တူလေး ရိုက်ထားပြီး ဇာတ်လမ်းကလည်းစိတ်ဝင်စားဖို့ကောင်းပါတယ် အဓိကဇာတ်ကကောင်ကတော့ ကိုယ်တွေမြင်နေကြပွဲတိုင်းကျော် ကိုရီးယား18+ဇာတ်ပေါ့ ဒါပေမယ့် ဒီတစ်ခါဇာတ်လမ်းလေးကစိတ်ဝင်စားဖို့ကောင်းတယ် မြင်နေကြ မင်းသားထဲက ပွဲတိုင်းကျော်မင်းသားက ကုမ္ပဏီပိုင်ရှင် သူဌေး တစ်ယောက်အနေနဲ့ သရုပ်ဆောင်ထားပြီး အလှတရားတွေနဲ့ပြည့်စုံနေတဲ့ ကောင်မလေးတစ်ယောက်ကသူ့အိမ်မှာကပ်နေချင်လို့ စပွန်ဆာရှာရင်း တမျိုးလုံးတဆွေလုံး အလုပ်ခေါ်ခန့်လိုက်ရတဲ့ဇာတ်ကြောင်းလေးပါ အကြင်နာတွေလဲပေး အလုပ်လည်းပေး နောက်ဆုံး ဘယ်လိုသင်ခန်းစာရမယ်ဆိုတာတော့ ဒီပညာပေးကားလေးကြည့်ရင် ပညာယူလိုက်ကြပါဦး File size…1.4GB / 652MB Quality…1080p  /720p Format…mp4 Duration….1h 20mins Subtitle….Myanmar Subtitle (Hard Sub) Encoder….X Cross Translated by FOX

အခုတစ်ခေါက် CM က သတ္တဝါကြီးတွေနဲ့ စွန့်စားရေးကားတွေကို ကြိုက်တဲ့ ပရိသတ်တွေအတွက် Deep Sea Walleye ဆိုတဲ့ သိပ္ပံကားလေးကို ဘာသာပြန်တင်ဆက်ပေးလိုက်ပါတယ်။ ဇာတ်လမ်းအညွှန်းကတော့- သင်္ဘောတစ်စင်းမှ သင်္ဘောသားက ဖန်ပြွန်လေးတစ်ခုကိုကောက်ရခဲ့ပါတယ်။ ဖန်ပြွန်ထဲမှာ ရေဘဝဲလေးတစ်ကောင်ပါနေပါတယ်။ ထိုဖန်ပြွန်ထဲက ရေဘဝဲကို ဖက်တီးဆိုသူက စားပြမယ်ဆိုပြီး မီးဖိုချောင်ထဲမှာ လူတွေ စုနေကြသတဲ့။ တစ်ဖက်မှာ ထိုသင်္ဘောပေါ်က သိန်း ၃၀၀ တန် စိန်ကြီးကို ဓားပြတိုက်ဖို ကျန်းယန်နဲ့ ချွေးလီတိုအဖွဲက သင်္ဘောတစ်စင်းဖြင့် ချဉ်းကပ်လာပါတယ်။ ဖန်ပြွန်ထဲက ရေဘဝဲလေးက ဘယ်လို သတ္တဝါကြီး အဖြစ်ပြောင်းလဲသွားပြီး လူတွေကို ဘယ်လို ဒုက္ခပေးမလဲ…… ကျန်းယန်တိုကရော ထို သတ္တဝါကြီးလက်ထဲကနေ အသက်ရှင်နိုင်ပါမလား…… ဆိုတာကို ရုပ်ရှင်လေးနဲ့အတူ သည်းထိတ်ရင်ဖို လိုက်ပါခံစားကြည့်ရှူလိုက်ပါနော်။

Police Story ဆိုတာနဲ့ မင်းသားကြီး ဂျက်ကီချန်းဇာတ်ကားတွေမှန်း သိပြီးသားဖြစ်မှာပါ။ Police Story နာမည်နဲ့ ဂျက်ကီချန်းဇာတ်ကား ၆ ကားထွက်ပါတယ်။ ဒီဇာတ်ကားမှာတော့…. တရုတ်ပြည်မကြီးက လူဆိုးဂိုဏ်းကို ဖြိုခွင်းဖို့ ဟောင်ကောင်ရဲတွေက ထိုးထည့်လိုက်လို့ ဂျက်ကီချန်းတစ်ယောက် အူကြောင်ကြောင်နဲ့ တရုတ်ပြည်ရောက်လာရာက စပါတယ်။ မင်းသမီးကတော့ မီရှဲယိုပါ။ ရှေ့ကဇာတ်ကားတွေနဲ့ချိတ်ဆက်ထားတာကြောင့်လဲ တချို့နေရာတွေမှာ အတော်လေးရယ်ရပါတယ်။ File size…(1.96 GB)/(1.15 GB GB) Quality….Webrip 1080p / 720p Format…mp4 Duration….01:31:00 Genre…Action, Comedy, Crime Subtitle….Myanmar Subtitle (Hardsub) Encoder….Garfield

ဗီး ဆိုတဲ့ လူငယ်လေးဟာ တောရွာလေးမှာ‌ ရွာသူကြီးတွေဖြစ်တဲ့ မိဘတွေနဲ့ အတူနေထိုင်ပါတယ်။ မိဘတွေရဲ့ သည်းသည်းလှုပ် ချစ်ခြင်းကို ခံရပြီး ချစ်စရာကောင်းတဲ့ ချစ်သူကောင်မလေး မူစကန် လည်းရှိပါတယ်။ ပူပန်မှုကင်းတဲ့ ဗီးရဲ့ ဘဝမှာ တစ်ခါတရံ ပေါ်ပေါ်လာတတ်တဲ့ ထူးဆန်းအံ့ဩဖွယ်ရာတွေတော့ရှိလို့နေပါတယ်။ ပုံရိပ်တွေမြင်နေရတာမျိုး ထင်ယောင်ထင်မှား ဖြစ်နေတာမျိုးတွေပါ။ ပြီးတော့ သူ့ငယ်ဘဝနဲ့ ပတ်သတ်တဲ့ အကြောင်းအရာတွေကို ပြန်စဉ်းစားလို့မရပါဘူး။ ဘာကြောင့်ဖြစ်ရတာလဲလို့ မိသားစုအတွင်းကလူတွေကို မေးပေမဲ့ ဘယ်သူမှ တိကျတဲ့အဖြေမပေးဘဲ ဇာတ်လမ်းတစ်မျိုးစီပဲ ပြောပြနေကြတာပါ။ အဲဒီလိုနဲ့ ဗီး နဲ့ မူစကန်တို့ စေ့စပ်ကြတဲ့နေ့မှာပဲ မဖိတ်ခေါ်ထားတဲ့ ဧည့်သည်တွေရောက်လာပြီး ဗီး ကို ရန်ပြုကြပါတော့တယ်။ ဘာကိုမှ နားမလည်နိုင်ဖြစ်နေတဲ့ ဗီးကို မိဘတွေက ဖုံးကွယ်ထားတဲ့အကြောင်းအရာတွေ ထုတ်ပြောလိုက်တဲ့အချိန်မှာတော့ သူ့ဘဝနောက်ကြောင်းတွေကို စုံစမ်းဖို့ မွမ်ဘိုင်းမြို့ကို သွားဖို့ဖြစ်လာပါတော့တယ်။ ဗီး ရဲ့ ဘဝ အမှန်ကဘာလဲ။ သူ့ကိုရန်ပြုကြတဲ့သူတွေကိုရော ဘယ်သူကလွှတ်လိုက်တာလဲ။ ရွာငယ်လေးဆီကိုရော ဘယ်ပုံဘယ်နည်းရောက်လာတာလဲ ဆိုတာတွေကို 2002 မှာထွက်ရှိခဲ့ပြီး မင်းသားကြီး Salman Khan နဲ့ Sushmita Sen တို့ပါဝင်ထားတဲ့ ဇာတ်ကားလေးထဲမှာ ဆက်လက်ပြီးကြည့်ရှု့ခံစားနိုင်ပါတယ်။ International မှာ အရမ်းကြီး Hit ဖြစ်ခဲ့တဲ့ ဇာတ်ကားမဟုတ်ပေမဲ့ Bollywood နဲ့ Salman Khan ပရိသတ်တွေအတွက်တော့ 2000 ပြည့်နှစ်များအလွန်က Bollywood ဇာတ်ကားတွေရဲ့ ရိုက်ကူးတင်ဆက်ပုံ အက အလှတွေကို အလွမ်းပြေမယ့် ဇာတ်ကားလေးပါလို့ ညွန်းချင်ပါတယ်။ File size… 2.5 GB / 1.3 GB Quality… Web-DL 1080p / 720p Format… mp4 Duration…. 2h 40m Genre ….. Action/Romance Subtitle…. Myanmar Subtitle (Hard Sub) Encoder…. Thit San Khant Translated by Sophie

ပန်းသေပန်းညှိးဖြစ်နေလို မိန်းမဖြစ်သူနဲ့ ကွာရှင်းရတော့မဲ့ကိန်းဆိုက်နေပါတယ် ယွန်းဘုံးတစ်ယောက် ကြံရာမရဖြစ်နေတဲ့အချိန်မှာ သူ့ရဲ့ဂျူနီယာ ဟယ်ဆောင်းက အတွင်းခံပဲဝတ်ပြီး ဝန်ဆောင်မှုပေးတဲ့ ဆံပင်ညှပ်ဆိုင်လေးနဲ့ မိတ်ဆက်ပေးခဲ့ပါတယ် အထူးသီးသန့်ဆံပင်ညှပ်ဆိုင်လေးရဲ့ ဝန်ဆောင်မှုကောင်းမှုကြောင့် ယွန်းဘုံးရဲ့ရောဂါ ပြန်လည်သက်သာလာမလား‌ဆို‌တာတော့… File Size : 1.49 GB, 510 MB Quality : 1080p,720p Format…mp4 Duration…01:16:17 Genre : Adult, Drama Subtitle : Myanmar Subtitle (Hard Sub) Translated by ‌SD Encoded by DS

အင်ဒီယာနာဂျုန်းမင်းသားကြီး Harrison Ford နဲ့ Brad Pitt တို့ အပြိုင်ကြဲထားတဲ့ thriller/drama ရုပ်ရှင်ကားကြီးကို တင်ဆက်ပေးလိုက်ပါတယ်.. အရင်ရက်ကထွက်ထားတဲ့ The Banshees of Inisherinကို ကြည့်ထားရင် အချိတ်အဆက်ပိုမိပါတယ်.. အိုင်ယာလန်ပြည်တွင်းစစ်အပြီး နှစ်၅၀ကျော်အကြာ ၁၉၇၂မှာ ဇာတ်လမ်းစထားတာပါ.. ၁၉၆၀နှောင်းပိုင်းကနေ ၁၉၉၈အထိ နှစ်၃၀နီးပါးကြာခဲ့တဲ့ “မြောက်အိုင်ယာလန် ပဋိပက္ခကြီး” ဖြစ်ခဲ့ပါတယ်.. အိုင်ယာလန်သမ္မတစနစ်ထောက်ခံသူ (Republican)နဲ့ မြောက်အိုင်ယာလန်ကို ဗြိတိသျှနဲ့ပေါင်းပြီး ပြည်ထောင်စုဖွဲ့ချင်သူ (Loyalist)တွေကြား ဖြစ်ပွားခဲ့တာပါ.. မြောက်အိုင်ယာလန်လူ့အခွင့်အရေးဆန္ဒပြပွဲကို ဗြိတိသျှတပ်နဲ့ Loyalistတွေပေါင်းပြီး ဖြိုခွဲရာကစပါတယ်.. အဲဒီကနေဆန္ဒပြပွဲတွေ ထပ်ပွားလာပြီး နှစ်၃၀ကြာတဲ့ ဖွဲမီးလှိုက်လောင်ပါတော့တယ်.. လူပေါင်း ၄၈၀သေခဲ့တဲ့ ၁၉၇၂က ပဋိပက္ခရဲ့အဆိုးဆုံးနှစ်ပါပဲ.. ဒါတွေက ရုပ်ရှင်ထဲမှာမပါပါဘူးနော်.. ဇာတ်အိမ်တည်ထားတဲ့ ၁၉၇၂ နဲ့ ၁၉၉၃ကို အကြမ်းဖျင်းသိအောင် ပြောပြတာပါ.. ဇာတ်လမ်းအကျဥ်း ၁၉၇၂မှာ ဖရန်ကီ(Brad Pitt)က ၈နှစ်သားပဲရှိပါသေးတယ်.. မြောက်အိုင်ယာလန်ရဲ့ ကမ်းရိုးတန်း အစွန်အဖျားမှာနေတဲ့ တံငါမိသားစုလေးပေါ့.. တစ်ညမှာအိမ်ထဲကို လူတစ်ယောက်ဝင်ချလာပြီး မျက်စိရှေ့တင် အဖေဖြစ်သူကိုပစ်သတ်သွားပါတော့တယ်.. သူ့အဖေက သမ္မတစနစ်ထောက်ခံသူမလို့ပါတဲ့.. အနှစ်၂၀ကြာပြီး ၁၉၉၃မှာတော့ ဖရန်ကီ နယူးယောက်ကို ရောက်လာပါတယ်.. အသိရဲ့အကူအညီနဲ့ တွမ်(Harrison Ford)ရဲ့ မြေအောက်ခန်းထဲမှာ အလကားနေခွင့်ရခဲ့ပါတယ်.. တွမ်က ဖြောင့်မတ်ပြီးသဘောကောင်းတဲ့ ရဲအရာရှိပါ.. ဖရန်ကီကိုလည်း သားတစ်ယောက်လို သဘောထားပါတယ်.. ဒါပေမယ့် ဖရန်ကီရဲ့ သရုပ်မှန်ကို သိသွားတဲ့အချိန်မှာတော့…. ဖရန်ကီက ဘယ်သူလဲ… နယူးယောက်ကို ဘာလာလုပ်တာလဲ… ဖရန်ကီသရုပ်မှန်ကို သိသွားတဲ့တွမ်ကရော ဘာဆက်လုပ်မှာလဲ….. စိတ်ဝင်စားစရာကောင်းပြီး မင်းသားကြီး၂ယောက် အပြိုင်ကြဲထားတာမလို့ အချိန်ပေးရကျိုးနပ်မှာ အသေအချာပါပဲ File size…(1.6 GB) / (840 MB) Quality….BluRay 1080p / 720p Format…mp4 Duration….01:51:00 Subtitle….Myanmar Subtitle (Hardsub) Encoder….Mr. Anderson Translated by Ei Thwal

ဒီစကြ၀ဠာကြီးထဲမှာ သက်ရှိဆိုလို့ ကျွန်တော်တို့ လူသားတွေပဲ ရှိနေတယ်လို့ ယုံကြည်နေကြတဲ့ လူတွေရှိသလို တခြားဂြိုလ်က ဂြိုလ်သားတွေလိုမျိုး သက်ရှိတွေလည်း ရှိနေဦးမယ်ဆိုပြီး ယုံကြည်တဲ့ လူတွေအများကြီး ရှိနေပါတယ်။အဲ့ဒါကတော့ ၂၀၂၄ ခုနှစ်အထိ ရောက်လာခဲ့တာတောင် အဖြေမပေါ်သေးတဲ့ ငြင်းခုံစရာ ကိစ္စရပ်တစ်ခု ဖြစ်နေတုန်းပါပဲ။သေချာရေရာတဲ့ အဖြေတွေ မထုတ်နိုင်သေးသလို ဂြိုလ်သားတွေနဲ့ ပတ်သတ်ပြီး ကြားခဲ့ဖူးတဲ့ ဟိုသတင်းဒီသတင်းတွေလည်း ရှိပါသေးတယ်။ အဖြေမထုတ်နိုင်ရသေးတဲ့ အဓိကအကြောင်းပြချက်တွေထဲမှာ အစိုးရတွေက အဲ့လိုသတင်းတွေ ထွက်လာရင်ချက်ချင်းဖုံးဖိ တတ်တာမျိုးကလည်း အဓိကဖြစ်နေပါတယ်။အခုတင်ဆက် ပေးမဲ့ဇာတ်ကားကတော့ ၂၀၀၆ ခုနှစ် နိုဝင်ဘာလ ၇ ရက်နေ့ ညနေ ၄ နာရီ ၁၅ လောက်မှာချီကာဂိုအိုဟဲလေဆိပ်အပေါ်မှာ UFO(ပန်းကန်ပြားပျံ)တွေ့ခဲ့ရတယ်လို့ဆိုတဲ့အဖြစ်အပျက် အကြောင်းကိုအသေးစိတ်ပြန်လည် ရိုက်ကူးတင်ဆက်ထားတာပဲ ဖြစ်ပါတယ်။ဇာတ်ကားနာမည်ကတော့ UFO ပဲဖြစ်ပြီး IMDb Rating 6.2 ‌အထိရရှိထားပါတယ်။ ဒဲရက်ဆိုတဲ့ တက္ကသိုလ်က သင်္ချာကြောင် ကျောင်းသား တစ်ယောက်က တစ်နေ့မှာတော့ အထက်မှာပြောခဲ့တဲ့ UFO တွေ့ရှိခဲ့တယ်ဆိုတဲ့ သတင်းကိုကြားခဲ့ပြီး ကျောင်းစာတွေကို ပစ်ကာ အဲ့ဒီအကြောင်းကို လိုက်လံစုံစမ်းပါတော့တယ်။ အစိုးရကတော့ အဲ့ဒီတွေ့ရှိခဲ့ရတဲ့အရာက ဒရုန်းတို့ လေယာဉ်ပျံ တို့လို့ပြောပြီး လိုက်ဖုံးဖိနေသလောက် သူကတော့သူ့ရဲ့သင်္ချာ ဉာဏ်ကြီးရှင်ဦးနှောက်နဲ့ လိုက်လိုက်ဖော်နေတော့တာပါပဲ။ ကျောင်းစာတွေအပြင် ကောင်မလေးနဲ့ သူငယ်ချင်းတို့ကို ပါပစ်ထားပြီး နေ့မအိပ်ညမအိပ်ကြိုးစားခဲ့တဲ့ ရလာဒ်တွေက သူလိုချင်တဲ့အတိုင်း ဖြစ်လာပါ့မလား နောက်ဆုံးမှာအဲ့ဒီ UFO ဆိုတာကြီးက တကယ်ရှိလားဆိုတာကို အဖြေရှာသွားနိုင်ပါ့ မလားဆိုတာကို ခက်ခဲနက်နဲတဲ့ သင်္ချာတွေရူပဗေဒသဘော တရားတွေကိုသုံးပြီး အဖြေရှာသွားပုံတွေကို ကြည့်ရှုရမဲ့ ဖြစ်ရပ်မှန် ဇာတ်ကားတစ်ကားပဲဖြစ်ပါတယ်။ File size…947MB / 402MB Quality…Blu-Ray 1080p / 720p Format…mp4 Duration….1h 28m Genre ….. Drama , Mystery , Sci-Fi Subtitle….Myanmar Subtitle (Hard Sub) Encoder….Min Wai Translated by Saw Lay

Detective Conan: Black Iron Submarine (2023) ~ IMDb – 7.2/10, MyAnimeList– 8.4/10 ~ ၂၀၂၃ ခုနှစ် ဧပြီလကမှထွက်ခဲ့တဲ့ ၂၆ ကားမြောက် “Detective Conan: Black Iron Submarine” ဟာ ကိုနန် (Conan) ရဲ့ မဟာရန်သူတော်အဖွဲ့ကြီးဖြစ်တဲ့ “ကူရိုအဖွဲ့အစည်း (Black Organization)” ကို အဓိကဗီလိန်အဖြစ် ထပ်မံမြင်တွေ့ရမယ့် Movie ဖြစ်ပါတယ်။ ဇာတ်ကြောင်းအနည်းငယ်ပြောရမယ်ဆိုရင်… အင်တာပိုလ် (Interpol) က တစ်ကမ္ဘာလုံးက လုံခြုံရေးကင်မရာတွေကို ချိတ်ဆက်ပြီး မှုခင်းတွေကို နည်းနိုင်သမျှနည်းအောင် တားဆီးနိုင်ဖို့ဆိုပြီးတော့ All Ages Recognition System (အရွယ်စုံပုံရိပ်ဖမ်းယူခြင်းနည်းစနစ်) ကိုအသုံးပြုသွားမယ့် “ပစိဖိတ်ဗော်ယာ (Pacific Buoy)” ဆိုတဲ့ ပင်လယ်ရေအောက်အဆောက်အအုံကြီးတစ်ခုကို တည်ဆောက်ခဲ့တာကနေ စတာပါ။ အရွယ်စုံပုံရိပ်ဖမ်းယူခြင်းနည်းစနစ်ကို ဖန်တီးခဲ့တဲ့ “နာအိုမီ အာဂျန်တို (Naomi Argento)” ကို ကူရိုအဖွဲ့အစည်းကပြန်ပေးဆွဲသွားပြီး အဲဒီနည်းစနစ်ကို ကိုယ်ကျိုးအတွက်သုံးဖို့ လုပ်ခဲ့တယ်။ အဲဒီအချိန်မှာလည်း ကူရိုအဖွဲ့အစည်းကနေ သစ္စာဖောက်ထွက်ပြေးသွားတဲ့ “ရှယ်ရီ (Sherry) [မီယာနိုရှိဟို/ အာအီ ဟိုင်းဘာရ (Miyano Shiho/ Ai Haibara)]” တစ်ယောက် အဲဒီနည်းစနစ်ကြောင့် သူ့ကိုရှာတွေ့သွားမှာဆိုတာကို စိုးရိမ်ဗျာများနေရပါတော့တယ်။ အဲဒီပြန်ပေးဆွဲမှု၊ စိုးရိမ်ပူပန်မှုတွေကို ကိုနန်တစ်ယောက် ဘယ်လိုရင်ဆိုင်ဖြေရှင်းသွားမလဲဆိုတာ ပိတ်ကားထက်မှာ ဆက်လက်ရှုစားလိုက်ကြပါခင်ဗျာ။ Detective Conan ဆိုရင် တကူးတက မိတ်ဆက်ပေးစရာမလိုအောင် Crime Mystery Anime Genre ထဲမှာ နာမည်အကြီးဆုံး စုံထောက် Anime တစ်ခုဖြစ်ပါတယ်။ Gosho Aoyama (1963~) ရေးပြီး ၁၉၉၄ ခုနှစ်မှာ စတင်ထုတ်ဝေခဲ့တဲ့ Meitantei Conan (Detective Conan aka Case Closed) Manga ဟာ အခုဒီစာကိုရေးနေတဲ့အချိန်အထိ ဇာတ်မသိမ်းတဲ့အပြင် ဇာတ်ကောင်ဖြစ်သူ ကိုနန်လည်း ကလေးဖြစ်လိုက်၊ လူကြီးဖြစ်လိုက်နဲ့ မှုခင်းမျိုးစုံ၊ ပြဿနာမျိုးစုံ၊ နေရာမျိုးစုံ၊ လူမျိုးစုံ၊ အဖွဲ့မျိုးစုံ အစရှိသဖြင့် ကျင်လည်ကျက်စား၊ ရင်ဆိုင်ဖြေရှင်းရတာက ဇာတ်လမ်းထဲမှာတော့ နှစ်ဝက်လောက်ပဲရှိဦးမယ်ဆိုပေမဲ့ အပြင်မှာတော့ ဒီနှစ် (၂၀၂၄) ထဲဆိုရင် နှစ်ပေါင်း ၃၀ ရှိနေပါပြီ။ Manga အနေနဲ့ ၁၉၉၄ ခုနှစ်မှာစတင်ခဲ့ပြီး လက်ရှိအထိ Chapter ပေါင်း ၁၁၃၆ ခု နဲ့ Volume ပေါင်း ၁၀၆ တွဲ ထွက်ရှိထားပါတယ်။ Anime အနေနဲ့ ၁၉၉၆ ခုနှစ်မှာ စတင်ပြသခဲ့တာက လက်ရှိအထိ စုစုပေါင်း ၁၁၄၅ ပိုင်းထွက်ရှိထားပါတယ်။ Manga Canon Episodes တွေနဲ့ Filler Episodes (TV Original Episodes) တွေပေါင်းထားတဲ့ အပိုင်းပေါင်း ၁၁၄၅ ပိုင်းတွေထဲမှာ ငါးရာကျော်လောက်က Filler Episodes တွေဖြစ်ပါတယ်။ Movie တွေအနေနဲ့ ၁၉၉၇ ခုနှစ်ကနေ တစ်နှစ်တစ်ကားထုတ်လာခဲ့တာက ဒီနှစ်အထိဆိုရင် စုစုပေါင်း ၂၇ ကားရှိနေပါပြီ။ ကိုနန်ရဲ့မဟာရန်သူတော်အဖွဲ့ကြီး ကူရိုအဖွဲ့အစည်းပါတဲ့ Anime Movie တွေဆိုရင် စာရေးသူမှတ်မိသလောက် Countdown to Heaven (2001), The Raven Chaser (2009), The Darkest Nightmare (2016) တွေဖြစ်ပြီး အခုဘာသာပြန်တင်ဆက်ထားတဲ့ Black Iron Submarine (2023) လည်းအပါအဝင်ပါ။ Black Iron Submarine ကို ရုံမတင်ခင် “Detective Conan: The Story of Ai Haibara ~Black Iron Mystery Train ~” ဆိုပြီး အရင်တုန်းကထွက်ခဲ့တဲ့ Black Organization ပါဝင်တဲ့ အန်နီမဲအပိုင်းတွေကို စုစည်းပြီး Compilation Movie အဖြစ် ရုံတင်သွားခဲ့တဲ့အပြင် အခုဇာတ်ကားရဲ့ Pre-story Episode ကလည်း “Episode 1080: The Cameras Targeting Haibara” ဖြစ်ပါတယ်။ ဒီတစ်ကားတည်းမှာမဟုတ်ဘဲ Conan Anime Movie ဇာတ်ကားတိုင်းမှာ Pre-story Episode တွေ ကိုယ်စီရှိကြပါတယ်။ Black Iron Submarine ထဲမှာ ဇာတ်အိမ်တည်ထားတဲ့ တည်နေရာက အပြင်မှာတကယ်ရှိပြီး ဖိလစ်ပိုင်ပင်လယ်ထဲက ဂျပန်ပိုင်ကျွန်းဖြစ်တဲ့ ဟာချိဂျောဂျီးမား (Hachijojima) ဖြစ်ပါတယ်။ အခုဇာတ်ကားရဲ့ Theme Song ဖြစ်တဲ့ “Utsukushii Hire” ကို Spitz ကသီဆိုထားတာဖြစ်ပါတယ်။ ဒီနှစ်(၂၀၂၄) ဧပြီလထဲ ရုံတင်ခဲ့တဲ့ ၂၇ ကားမြောက် Detective Conan: The Million-dollar Pentagram ကတော့ ဟော့ကိုင်းဒိုး (Hokkaido) က ဟာကိုဒါတဲ (Hakodate) မှာ အခြေတည်ထားပြီး ကိုင်တိုကစ်ဒို (Kaito Kid) နဲ့ ဟာတိုရီ ဟဲဂျိ (Hattori Heiji) တို့က အဓိကပါဝင်ကြမယ်ဆိုတာ Trailer တွေထဲမှာ မြင်ကြမှာပါ။ ဂျပန်ရုံတင်ဝင်ငွေစုစုပေါင်း 13.88 billion Yen ရရှိခဲ့လို့ Detective Conan Movie Franchise ထဲမှာ ရုံတင်ဝင်ငွေစုစုပေါင်း 10 billion yen ထက်ကျော်လွန်ပြီး ပထမဆုံးရရှိသွားဖူးတဲ့ “Detective Conan Movie 26: Black Iron Submarine” ထဲမှာ ကိုနန်တစ်ယောက် သူ့မဟာရန်သူတော်ကြီးအဖွဲ့ဖြစ်တဲ့ ကူရိုအဖွဲ့အစည်းကို ဘယ်လိုရင်ဆိုင်မလဲဆိုတာ ပိတ်ကားထက်မှာ ရှုစားလိုက်ကြပါခင်ဗျာ။ (ဒီဇာတ်ကားနဲ့အညွှန်းကို AK မှ ပြန်ဆို ရေးသားထားပါတယ်) Size – 1.85GB, 890MB Quality – 1080p, 720p IMDb Rating – 7.2/10 Format – mp4 Duration – 1H 49Min Genre – Action, Adventure, Animation, Crime, Mystery, Thriller Subtitle – Myanmar Subtitle (Hardsub) Translated by AK Encoded by Y

Sáng Đèn (2024) IMDb Rating (7.1) “Sáng Đèn” က ၁၉၉၀ ခုနှစ်တွေက ဗီယက်နမ်မှာ ရေပန်းစားခဲ့တဲ့ Cai Luong (ဗီယက်နမ်ရိုးရာ အော်ပရာပြဇာတ်) ရဲ့ ထွန်းတောက်မှုနဲ့ ကျဆင်းမှုကို ပြသထားတဲ့ ဒရာမာရုပ်ရှင်တစ်ခုပါ။ ဒီရုပ်ရှင်ကို Hoang Tuan Cuong က ဒါရိုက်တာအဖြစ် ရိုက်ကူးထားပြီး Huu Chau၊ Cao Minh Dat၊ Bach Cong Khanh နဲ့ Le Phuong တို့လို ဗီယက်နမ်သရုပ်ဆောင်တွေ ပါဝင်ထားတယ်။ ဇာတ်လမ်းက ၁၉၉၄ ခုနှစ်မှာ စတင်ပြီး Cai Luong ပြဇာတ်အဖွဲ့တွေ ပရိသတ်တွေရဲ့ အာရုံစိုက်မှုကို ရရှိခဲ့တဲ့ အချိန်ကို ပြသထားတယ်။ ဇာတ်လမ်းရဲ့ အဓိကဇာတ်ကောင်ဖြစ်တဲ့ Thanh ဆိုတဲ့ ၁၀ နှစ်အရွယ် ငါးဖမ်းလုပ်သားလေးက တစ်နေ့မှာ အန္တရာယ်ကြားက လွတ်ပြီး Mr. Bau ရဲ့ ပြဇာတ်အဖွဲ့ထဲ မွေးစားခံရတယ်။ အဲဒီအဖွဲ့မှာ Kieu Truc Linh ဆိုတဲ့ ၉ နှစ်အရွယ် ချောမောတဲ့ မိန်းကလေးနဲ့ တွေ့ဆုံတယ်။ သူက နာမည်ကြီး Cai Luong အဆိုတော် Kieu Truc Le ရဲ့ သမီးဖြစ်ပြီး၊ သူ့အမေ Truc Le က သမီးဖြစ်သူကို ကာကွယ်ဖို့ ကိုယ့်ကိုယ်ကိုယ် စွန့်လွှတ်ခဲ့ရတယ်။ ၁၀ နှစ်ကြာပြီးတဲ့နောက် Cai Luong ရဲ့ လူကြိုက်များတဲ့အချိန် ကျဆင်းလာပြီး ပြဇာတ်အဖွဲ့ဟာ ရှင်သန်နိုင်ဖို့ နည်းလမ်းမျိုးစုံကို သုံးရတယ်။ တစ်ချိန်က ရိုးရာအနုပညာကို ဖျော်ဖြေခဲ့တဲ့ အဖွဲ့ဟာ အခုဆို ဆပ်ကပ်နဲ့ ထီပြဇာတ်တွေပါ ဖျော်ဖြေနေရတဲ့ အနေအထားရောက်သွားတယ် ဒီရုပ်ရှင်က Cai Luong ရဲ့ ယဉ်ကျေးမှုအနုပညာရဲ့ အတက်အကျကို လှပစွာ ပုံဖော်ထားပြီး အနုပညာရှင်တွေ ရုန်းကန်ရတာနဲ့ စိတ်အားထက်သန်တာကို ဖော်ပြတယ်။ ဒီရုပ်ရှင်ရဲ့ အဓိကထင်ရှားတဲ့ အချက်က Cai Luong ယဉ်ကျေးမှုကို ဗီယက်နမ်သမိုင်းနဲ့ ချိတ်ဆက်ပြသထားတာပဲ။ IMDb မှာ အဆင့် 7.7 ရထားပြီး ဝင်ငွေ $136,860 ရရှိခဲ့တယ်။ ရုပ်ရှင်ရဲ့ ပြသချိန်က ၂ နာရီ ၈ မိနစ်ဖြစ်ပြီး ဗီယက်နမ်ဘာသာနဲ့ ရိုက်ကူးထားတယ်။ ဖေဖော်ဝါရီ ၁၀၊ ၂၀၂၄ မှာ ဗီယက်နမ်မှာ ရုံတင်ပြသခဲ့တယ်။ ဒီရုပ်ရှင်က Cai Luong အနုပညာကို ချစ်မြတ်နိုးသူတွေအတွက်ရောဗီယက်နမ်ယဉ်ကျေးမှုသမိုင်းကို စိတ်ဝင်စားသူတွေအတွက်ပါ ကြည့်ရတာ တန်ဖိုးရှိတဲ့ ရုပ်ရှင်တစ်ခုပါ။ (အညွှန်းနဲ့ဘာသာပြန်ကတော့ Min Khant ဖြစ်ပါတယ်။) File size…(2.7 GB) / (1.3 GB) Quality….WEB-DL 1080p HEVC / 720p Format…. mkv/mp4 Genre….Comedy,Drama,Music Duration….02:09:16 Subtitle….Myanmar Subtitle (Hardsub) Encoder….Double K Translated by Min Khant

916 kunjoottan (2025)”အစစ်အမှန်ကွန်ဂျိုတန်” ===================================== မာလျာလမ်ရုပ်ရှင်တော်တော်များများမှာ ဇာတ်ပို့အဖြစ်ပါဝင်ဖူးတဲ့ အရပ် ၁၆ လက်မပဲရှိတဲ့ လူပုမင်းသား ဂင်းနက်ပါကရူကို ဇာတ်လိုက်နေရာက တင်ရိုက်ထားတဲ့ အက်ရှင် ဟာသဒရာမာရုပ်ရှင်ကို ပရိသတ်တွေအတွက်တင်ဆက်ပေးချင်ပါတယ်။ 916 ဆိုတာကတော့ ရွှေအမျိုးအစားတွေထဲမှာ အသန့်စင်ဆုံးလို့ပြောလို့ရတဲ့ရွှေတမျိုးဖြစ်ပြီး ကွန်ဂျိုတန်ဆိုတာကတော့ ဗမာလိုဆို ငလက်မလို့အဓိပ္ပါယ်ရပါတယ်။ မွေးကတည်းက အကောင်သေးလို့ ငလက်မနာမည်ပေးခံထားရတဲ့ကွန်ဂျိုတန်ဟာ ရွာထဲက လက်ဖက်ရည်ဆိုင်ပိုင်ရှင် ဘောစိရဲ့သားဖြစ်ပါတယ်။ သူဟာ ရွာထဲမှာပဲ ဘော်ဒါတွေနဲ့ အလေလိုက်လိုက်၊ မိန်းမနောက်ပိုးလုပ်လိုက်လုပ်နေရင်း သူ့ဘဝကိုပြောင်းလဲနိုင်မယ့် အခွင့်အရေးတစ်ခုတွေ့လာတဲ့အခါမှာတော့…။ ဘာတွေဆက်ဖြစ်မလဲဆိုတာ ကိုယ်စွမ်းကိုယ်စနဲ့ အရွယ်အစားကိုမဆိုင်ဘူးဆိုတာပြထားတဲ့ ဒီရုပ်ရှင်ထဲမှာ မြင်တွေ့ကြရမှာပါ…။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။)

The Trial (2025) ဒီဇာတ်ကားလေးကတော့ ၂၀၂၅မေလထုတ် ဗြိတိန် ရုပ်သံဒရာမာကားလေး ဖြစ်ပါတယ်။ ဒီအုန်းနဲ့ ဒေးဗစ်စင်ကလဲ တို့ရဲ့ ဆယ်ကျော်သက်သမီးဖြစ်သူ တီး က ပြင်းထန်တဲ့ပြစ်မှုတစ်ခုကို ကျူးလွန်လိုက်ပါတယ်။ သားသမီးပြစ်မှုကျူးလွန်ရင် မိဘတွေပါ တာဝန်ယူရမယ် ဆိုတဲ့ ဥပဒေကြောင့် ဒီအုန်း နဲ့ဒေးဗစ်ဟာ ရုံးမှာ စစ်ဆေးမေးမြန်းခံရပါတော့တယ်။ ဇာတ်ကားလေးက မိဘတာဝန်ယူမှု၊ တရားမျှတမှုတွေကို အခြေခံထားတာ ဖြစ်ပြီး ကြည့်ပြီးတာနဲ့ တွေးစရာတွေအများကြီးပေါ်လာမဲ့ ဇာတ်ကားကောင်းလေး တစ်ပုဒ်ပဲဖြစ်ပါတယ်။ (အညွှန်းနဲ့ဘာသာပြန်ကတော့ Eaint Phu Khin ဖြစ်ပါတယ်။) File size… (340 MB) / (180 MB) Quality…. WEB-DL 1080p HEVC / 720p Format…. mkv/mp4 Genre…. Drama Duration…. 00:45:00 Subtitle…. Myanmar Subtitle (Hardsub) Encoder…. Benjamin Translated by Eaint Phu Khin