Sulaikha Manzil 2023 (IMDb 8.4/10) ဘဝကြီးမှာ တစ်ခါမှမမြင်ဖူးသေးပဲ တစ်ပတ်လောက်ပဲ သိကျွမ်းဖူးတဲ့ လူတစ်ယောက်ကို လက်ထပ်ရမယ်ဆိုရင် သင်ဘယ်လိုလုပ်မှာလဲ ဝမ်းသာမှာလား ပျော်ရွှင်မှာလား ရင်ခုန်စိတ်လှုပ်ရှားမှာလား ကြည်နူးနေမှာလား ဒီမင်္ဂလာပွဲကြီးကိုရော သင်ဘယ်လိုစီစဉ်မလဲ ဘယ်လိုပြင်ဆင်မလဲ စိတ်ပိုင်းဆိုင်ရာရော ရုပ်ပိုင်းဆိုင်ရာပါ အဆင်သင့်ဖြစ်အောင်ပေါ့ ယခုဇာတ်ကားလေးထဲမှာလည်း အချိန်မယူရသေးဘဲ အလောတကြီးစီစဉ်လိုက်တဲ့ မင်္ဂလာပွဲတစ်ခုကို ကာယကံရှင်နှစ်ယောက်က ဘယ်လိုရင်ဆိုင်ကြမလဲ သူတို့မိသားစုတွေရဲ့ကူညီမှုကရော အကူအညီဖြစ်မှာလား ဖိအားတွေပိုတိုးလာမှာလား သူငယ်ချင်းတွေကရော ကူညီကြမှာလား ကူညီသလိုနဲ့ ဆေးတွေပဲဝိုင်းထိုးနေမလား နောက်ဆုံး အဆင်ပြေပြေနဲ့ပဲ အချစ်တွေပေါက်ဖွားလာပြီး မင်္ဂလာပွဲလေး အောင်မြင်သွားမလား စသည်ဖြင့် ခံစားကြည့်ရှုရမဲ့ ဇာတ်ကားကောင်းလေးပါ ခုချိန်ထိ စော်မရဘဲမရ မိဘပေးစားမှ လင်ရမိန်းမရမဲ့ လူပျိုကြီး အပျိုကြီးများ သို့မဟုတ် အသက်ငယ်ပေမဲ့ အဖြစ်မရှိလို့ မိဘကစောစောစီးစီးပေးစားတာခံရမဲ့ FA ပေါက်စလေးများ ကြည့်ရင်းနဲ့ ပညာလဲရ ကိုယ့်အဖြစ်နဲ့လဲ ယှဉ်ထိုးခံစားလို့ရတာမို့ လက်မလွှတ်တမ်းကြည့်ကြဖို့ ပရိသတ်ကြီးအတွက်တင်ဆက်ပေးလိုက်ပါတယ် ( အညွှန်းရေးသားသူကတော့ Sai~Aditi ဖြစ်ပြီး ဘာသာပြန်တွေကတော့ Sai~Aditi~Chiclon3~Yunni~Nyein~BpL တို့ပဲ ဖြစ်ပါတယ်) File size…2.3GB /1.1GB Quality…1080p WEB DL /720p Format…mp4 Duration….2h  Subtitle….Myanmar Subtitle (Hard Sub) Encoder….YK Translated by  Sai~Aditi~Chiclon3~Yunni~Nyein~BpL

ဒီဇာတ်လမ်းထဲက ကျူတာကတော့အီသန်ပါ။ အီသန်က လူချမ်းသာတွေရဲ့ကလေးတွေကို ကျူတာအဓိကလုပ်ပေးတယ်။ ဘောစိကလေးတွေဆိုတော့ ငဆိုးလေးတွေများပေမယ့် အီသန်ကတော့ ဒီကလေးတွေကို ပညာရေးမှာစိတ်ဝင်စားလာအောင် တိုးတက်လာအောင်ဆွဲခေါ်ပေးနိုင်လို့နာမည်ရတယ်။ တစ်နေ့မှာ ကလေးတစ်ယောက်ကိုစာသင်ပေးဖို့ အီသန့်ကိုဌားတယ်။ ပေးတဲ့လစာကလဲ မယုံနိုင်လောက်အောင်များတယ်။ အီသန်ကလဲပိုက်ဆံလိုတယ်တော့မဟုတ်ပေမယ့် သူ့ချစ်သူကကလေးမွေးတော့မှာဆိုတော့ ပိုက်ဆံများများရတော့လဲကောင်းတယ်ပေါ့။ သူ့ကိုအဲ့လောက်ထိပေးတယ်ဆိုတော့ ဒီကလေးက အားစိုက်သင်ရမယ့်ကလေး စာညံ့တဲ့ကလေးလို့အီသန်ကတွက်ထားတာပေါ့။ ကလေးအဖေဘက်က အီသန့်ကိုသူတို့အိမ်မှာလာနေပြီး အရင်ဆုံးတစ်ပတ်အစမ်းသင်ကြည့်ဖို့ခေါ်တယ်။ တကယ်တမ်းစာသင်ကြည့်တော့ ကလေးကလဲတော်လိုက်တာမှ ဘာမှကိုသင်စရာမလိုလောက်အောင်ပဲ။ အဲ့တော့အီသန့်ကို လစာအများကြီးပေးပြီးခေါ်တာဘာအတွက်လဲ။ ဂျက်ဆန်ဆိုတဲ့ကလေးရဲ့မိသားစုက ပိုက်ဆံတွေများသိပ်ပေါနေလား။ စာသွားသင်တဲ့တစ်ပတ်အတွင်းမှာပဲ ဂျက်ဆန့်ဆီမှာရော အီသန့်ဆီမှာပါ မူမမှန်တာလေးတွေပေါ်ပေါ်လာတော့ ဘယ်သူကဘာတွေကြံစည်နေကြလဲ။ ဘယ်လိုရည်ရွယ်ချက်တွေရှိလဲဆိုတာ Plot Twist ကောင်းကောင်းနဲ့တင်ဆက်ထားတဲ့ဇာတ်ကားပဲဖြစ်ပါတယ် အညွှန်း နဲ့ ဘာသာပြန်ကတော့ Rashida ပဲ ဖြစ်ပါတယ်။ Genre..... Mystery, Thriller Quality…. 1080p | 720p | 480p File size… 1.GB | 521MB | 248MB Format… mp4 Duration…. 1h 32min Subtitle…. Myanmar Subtitle (Hardsub) Translator ..... Rashida Encoder ..... Aaron

6.4/10 IMDb ဒီတစ်ခါပရိတ်သတ်ကြီးကို မိသားစုဒရမ်မာ ဇာတ်ကားကောင်းလေးတစ်ခုနဲ့မိတ်ဆက်ပေးပါရစေ ဒီနေ့ခေတ်မှာ LGBT တွေဟာလူမှုပတ်ဝန်းကျင်မှာ လူနည်းစုသာထောက်ခံသူရှိတဲ့ အသိုင်းအဝိုင်းတစ်ခုဆိုတာ လူတိုင်းသိပြီးဖြစ်မှာပါ... လူပတ်ဝန်းကျင်မှာ သူတို့ရင်ဆိုင်နေရတဲ့အခက်အခဲတွေ မိမိနေချင်သလိုလွတ်လပ်စွာနေလို့မရတဲ့ဘဝမှာ ချိုးနှိမ်ထားရတဲ့စိတ်ဆန္ဒတွေ မိသားစုအတွက်သူတို့ရဲ့တကယ့်စွန့်လွှတ်အနစ်နာခံမှုတွေကို ပေါ်လွင်အောင်ရိုက်ကူးထားတဲ့ မိသားစုဒရမ်မာဇာတ်ကားကောင်းလေးတစ်ခုပါ ဇာတ်လမ်းအမြည်းလေးကတော့ ပါလာဗီဟာသူမရဲ့အတိတ်ကအမှန်တရားကို ဖုံးကွယ်ထားတဲ့ မိသားစုကိုတုန်နေအောင်ချစ်တဲ့အိမ်ထောင်ရှင်မတစ်ယောက်ပါ သူ့ရဲ့သားတေဂျာက USမှာအလုပ်လုပ်နေပြီး ချမ်းသာကြွယ်ဝတဲ့မိသားစုက အီရှာဆိုတဲ့မိန်းကလေးနဲ့ချစ်မိသွားတဲ့အခါ အီရှာရဲ့မိဘတွေက တေဂျာရဲ့မိသားစုနဲ့တွေ့ဖို့အကြောင်းဖန်လာပါတော့တယ် ဒါပေမယ့်ပါလာဗီ့ရဲ့အကြောင်းတွေကောလဟာသပြန့်နှံ့သွားတဲ့အခါ သူတို့ဘယ်လိုအခက်အခဲတွေကိုရင်ဆိုင်ကြရမလဲ.... ဘဝအလှည့်အပြောင်းတွေဘယ်လိုဘယ်ပုံတွေ့ကြုံရမလဲဆိုတာ ရသမျိုးစုံဖန်တီးရိုက်ကူးထားလို့ လိုက်ပါခံစားကြည့်ရှုပေးကြပါဦး File size…1.936B  / 955MB Quality…1080p / 720p Format…mp4 Duration…. Subtitle….Mynamr Subtitle (Hard Sub) Encoder….YK Translated by Thet Ko & BpL & Lwin Htoo & Kevin

အတိတ်က နာကျင်မှုတွေကို သိမ်းဆည်းထားရင်း အရင်ကနေခဲ့ဖူးတဲ့ မြို့ငယ်လေးကို သူမသားလေးနဲ့အတူ ပြန်လည်ရောက်ရှိလာတဲ့ ရဲဝန် ထမ်းဟောင်း Manuela Pipa Pelari။ သူမရဲ့အဒေါ် ဖြစ်သူက ဒီမြို့ငယ်လေးကို ပြောင်းလာဖို့ တိုက်တွန်းမှုကြောင့် မြို့ငယ်လေးမှာပဲ လယ်ယာလုပ်ရင်း single mom အဖြစ် သားငယ်လေးနဲ့ အတူ အေးအေးချမ်းချမ်း ဘဝကို ဖြတ်သန်းနေပါတယ်။ တစ်ရက်ကျတော့ သူတို့ရဲ့မြို့မှာ အိန္ဒိယသွေးနှောမိန်းကလေးတစ်ယောက် မီးလောင်ပြီး သေဆုံး သွားပါတယ်။ ရဲတွေကတော့ ဒီအမှုကို မတော်တဆဖြစ်ခဲ့တာလို့ ယူဆပေမယ့် သူမရဲ့ အဒေါ်က သံသယရှိနေပါတယ်။ ဒါကြောင့် သူ့တူမ Pipa ကိုအကူအညီ တောင်းပြီး အမှုမှန်ပေါ်အောင် စုံစမ်းစစ်ဆေးပါတော့တယ်။ အိန္ဒိယသွေးနှော ကောင်မလေး ဘာကြောင့်ဆုံးသွားတာလဲ၊ ရဲတွေက ဘာကြောင့် မတော်မဆ အမှုလို့ ကောက်ချက်ချတာလဲ၊ Pipa ရဲ့ အတိတ်က နာကျင်မှုတွေက ဘာဖြစ်မလဲ ဆိုတာကို ဆက်လက်ကြည့်ရှူပေးပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Parris ဖြစ်ပါတယ်) File Size..........(1.78 GB) / (858 MB) / (510 MB) Quality............WEBRIP 1080p / 720p / 480p Duration.........1Hr 55mins Subtitle...........Myanmar Hardsub Format............MP4 Genre..............Crime, Drama, Mystery Translator.......Parris Encoder..........SWM

တောင်အာဖရိကက ဂီနီဘီဆူဆိုတဲ့နိုင်ငံမှာ အာဏာသိမ်းမှုဖြစ်ပွါးပြီး မူးယစ်ရာဇာတွေက အာဏာရှင်တွေရဲ့ပစ်မှတ်ဖြစ်လာခဲ့ပါတယ်။ ဘန်ဂီခွေးအများဆိုတဲ့ အဖွဲ့ကတော့ အရမ်းကျွမ်းကျင်တဲ့ ကြေးစားတွေဖြစ်ပြီး အပေးအယူနဲ့ မက္ကဆီကိုနိုင်ငံသား မူးယစ်ရာဇာတစ်ယောက်ကို ဒါကာနိုင်ငံကို ဘေးကင်းကင်းနဲ့ ရောက်အောင်ပို့ပေးရမယ့် မစ်ရှင်ကို လက်ခံလိုက်ပါတယ်။ အဲ့ဒီလိုပို့ပေးနေစဉ်အတွင်းမှာပဲ ဆီတိုင်ကီပေါက်ပြီး ဒါကာကိုမရောက်ခင် ဆင်းသက်လိုက်ရပြီး အင်မတန် ဝေးလံခေါင်သီတဲ့ ဆလုံးဆိုတဲ့ရွာစခန်းလေးတစ်ခုကို ရောက်ရှိသွားပါတော့တယ်။ ရွာသူကြီး အိုမာကလည်း တကယ့်ကို ဖော်ဖော်ရွေရွေပါပဲ။ အဲဒီမှာ တခြားဧည့်သည်တွေလည်းရှိနေပြီး အဲဒီထဲက ဆွံ့အနားမကြားကောင်မလေးက သူတို့သရုပ်မှန်ကိုသိနေတဲ့အပြင် ရဲအရာရှိတစ်ယောက်ပါ ရောက်လာချိန်မှာတော့ ... (ဇာတ်လမ်းအညွှန်းနဲ့ ဘာသာပြန်ကတော့ May Myat Thu ပါ။) File Size          : 2.1GB, 862MB, 398MB Quality            : 1080p WEB-DL AC3 5.1CH, 720p WEB-DL, 480p Format            : mp4 Duration         : 1hr & 24mins Genre              : Horror, Thriller Translated by May Myat Thu Encoded by Kinnov

IMDb Rating - 7.1/10 "ရှေးဟောင်းသုတေသနကို အခြေခံတဲ့ ရုပ်ရှင်တွေကို ကျွန်တော်တို့ကြည့်ကြတဲ့အခါ စိတ်ကူးယဉ်ဆန်လွန်းတဲ့ ရုပ်ရှင်တွေကို တွေ့ရတာများပါတယ်။ ရှေးဟောင်းကျိန်စာတွေ၊ ရွှေပုံကြီးတွေ၊ တူးဖော်တာထက် ဖျက်ဆီးတဲ့ဘက် ပိုရောက်နေတဲ့ ရှေးဟောင်းသုတေသန ပညာရှင်တွေ ပါတတ်တဲ့ ရုပ်ရှင်မျိုးတွေပေါ့။ ဒါပေမဲ့ Netflixရဲ့ The Digကတော့ "ရှေးဟောင်း သုတေသနဆိုင်ရာ တူးဖော်မှုအကြောင်း ပိုသိမြင်နားလည်စေမယ့် ရုပ်ရှင်တစ်ကားပါပဲ။"လို့ ရုပ်ရှင်ဝေဖန်ရေးသမားတစ်ယောက်က ဆိုပါတယ်။ တကယ်လည်း ဟုတ်ပါတယ်။ The Dig ဟာ အင်္ဂလန်ရဲ့အကြီးကျယ်ဆုံး ရှေးဟောင်းသုတေ သနဆိုင်ရာ တွေ့ရှိမှုဖြစ်ခဲ့တဲ့ Sutton Hoo ဆိုက်ကို တွေ့ရှိခဲ့တဲ့အကြောင်းကို ရိုက်ပြထားတာပါ။ Sutton Hoo ဆိုက်ဟာ အမှောင်ခေတ်လို့ခေါ်တဲ့ ၆ရာစုလောက်က Anglo-Saxons‌တွေရဲ့ အကြွင်းအကျန်တွေကိုတွေ့ခဲ့တဲ့ အတော်ရှေးကျတဲ့ ဆိုက်ပါပဲ။ Sutton Hoo ဆိုက်ကို မတွေ့ခင် အထိ အမှောင်ခေတ်မှာ ယဉ်ကျေးမှု၊ အနုပညာနဲ့ ငွေကြေး မရှိဘူးလို့ ယုံကြည်ခဲ့ကြတာဖြစ်ပြီး Sutton Hooဆိုက်က ရခဲ့တဲ့ရှေးဟောင်းပစ္စည်းတွေက ဒီအမြင်ကို ပြောင်းလဲပေးခဲ့ပါတယ်။ ထူးတာက ဒီဆိုက်ကို ဗြိတန်ပြတိုက်က ကမကထပြုတူးဖော်ခဲ့တာမဟုတ်ဘဲ အီဒစ်ပရီတီလို့ခေါ်တဲ့ အင်္ဂလိပ်လူမျိုးမြေပိုင်ရှင်မ တစ်ယောက်က ကမကထပြုပြီး ဘာဆေးဘရောင်းလို့ခေါ်တဲ့ အလယ် တန်းနဲ့ကျောင်းထွက်ခဲ့တဲ့ ရှေးဟောင်းသုတေသနပညာကို ကိုယ်ထူကိုယ်ထ လေ့လာထားတဲ့သူက တူးဖော်ခဲ့တာပါ။ The Dig ဟာ Sutton Hoo ဆိုက်ကို မတူးဖော်ခင် ဘာဆေးဘရောင်းနဲ့ အီဒစ်ပရီတီ စတွေ့ကြတဲ့ အချိန်ကစလို့ ဆိုက်ကို တူးဖော်ရာမှာ ကြုံခဲ့တဲ့ အခက်အခဲတွေ၊ အလယ်ခေတ်က သင်္ဘောစတွေ့တဲ့ အချိန်မှာ ဗြိတန်ပြတိုက်က မောင်ပိုင်စီးလုပ်တာတွေကနေ နောက်ဆုံး ဆိုက်ကရခဲ့တဲ့ ရတနာတွေ ဘာဖြစ်သွားတယ်ဆိုတာအထိ ပြည့်ပြည့်စုံစုံပုံဖော်ထားပါတယ်။ ဒုတိယကမ္ဘာစစ်ပျိုးချိန်ကိုလည်း ထည့်သွင်းပုံဖော်သွားပြီး ကာရိုက်တာတွေကိုလည်း အီဒစ်ရဲ့ဘ၀နဲ့ ဘာဆေးရဲ့ ဘွဲ့ရမဟုတ်ပေမဲ့ သူ့ပညာကိုချစ်တဲ့စိတ် ၊ ဘွဲ့ရမဟုတ်လို့ လူရာမ၀င်ခဲ့ခြင်းတွေကိုပါ ပြည့်ပြည့်စုံစုံပုံဖော်သွားပါတယ်။ ဒုတိယ ကမ္ဘာစစ်ဖြစ်လုဆဲဆဲကာလမှာ တူးကြတာဆိုတော့ စစ်မခြေအနေနဲ့ သူတို့အခြေအနေကိုလည်း ပေါင်းစပ်ပုံဖော်သွားခဲ့ပါတယ်။ ဒုတိယကမ္ဘာစစ်အတွင်းမှာ Sutton Hooက ရတနာတွေကို လန်ဒန် မြေအောက်ဘူတာရုံမှာ သိုဝှက်ထားခဲ့ပါတယ်။ သရုပ်ဆောင်တွေကလည်း ဂတ်စ်ဘီရဲ့ဒေစီ Carey Mulligan၊ စင်ဒရဲလား Lily Jamesနဲ့ Schindler's List, The English Patient ,The King's Manက Ralph Fiennesတို့လို နာမည်ကျော် သရုပ်ဆောင် တွေပါပဲ။ Simon Stoneကရိုက်ထားပြီး Biography , History, Drama အမျိုးအစားကားပေမဲ့ စီနီမာ တိုဂရပ်ဖီဟာ အတော်မျက်စိထဲ ၀င်တာကြောင့် ကြည့်ရတာပျင်းဖို့မကောင်းဘဲ ဆွဲဆောင်မှုရှိပါတယ်။ Sutton Hooဆိုက်ကို တူးဖော်တဲ့အချိန်မှာ ဒုတိယကမ္ဘာစစ် အစပျိုးစပြုနေပါပြီ။ စစ်ဖြစ်တော့မှာမို့ တစ်ချို့လုပ်ငန်းတွေကိုတောင် ရပ်နားထားရပါပြီ။ ဘာဆေးရော အီဒစ်ရော ဗြိတန်ပြတိုက်က တာ၀န်ရှိ သူတွေရောဟာ စစ်ထက် ပိုအရေးကြီးတဲ့အရာလို့ ခံယူပြီး ဆက်တူးဖော်ခဲ့ကြတာပါပဲ။ ရုပ်ရှင်ထဲက ဘာဆေးရဲ့ စကားအတိုင်းပြောရရင် "ရှေးဟောင်းသုတေသနဟာ အတိတ်အတွက်မဟုတ်သလို ပစ္စုပ္ပန်အတွက်လည်း မဟုတ်ပါဘူး။ အနာဂတ်အတွက်ပါပဲ။ ‌ဒါမှနောက်မျိုးဆက်တွေက သူတို့ဘယ်ကဆင်းသက်လာလဲသိမှာဖြစ်ပြီး ရှေးဟောင်းသုတေသနဆိုတာ လူတွေကို သူတို့ဘိုးဘေးဘီဘင်တွေနဲ့ ဆက်စပ်ပေးထားတဲ့ ကြိုးပါပဲ။" ထိုနည်း၎င်းပဲ " သမိုင်းသင်တယ်ဆိုတာ မအအောင်လို့"ဆိုတဲ့ ဒေါက်တာသန်းထွန်းစကားအတိုင်းဆို ရှေးဟောင်းသုတေသနဟာ အနာဂတ်အမျိုးဆက်တွေ မအဖို့အတွက်ပါပဲ။ အနာဂတ်အတွက်ပါပဲ။ The Digဟာ မအအောင် ကြည့်သင့်တဲ့ ရှေးဟောင်းသုတေသနကို လက်တွေ့ကျကျ ပုံဖော်ထားတဲ့ ရှားပါးရုပ်ရှင်ကားပါပဲ။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ WiRa Aung ဖြစ်ပါတယ်) File Size - (1.65 GB) / (772 MB) / (502 MB) Quality – WebRip 1080p / 720p/480p Duration - 1h 52mins Subtitle – Myanmar Hardsub Format – MP4 Genre : Biography, Drama, History Translator – WiRa Aung Encoder – SWM

Pitch Perfect ဆိုတဲ့နာမည်ကြားလိုက်တာနဲ့ အလန်းစားမြူးဇစ်တွေနဲ့ ဇာတ်ကားကောင်းလေးတစ်ကားဆိုတာ ပြောစရာမလိုအောင် သိပြီးသားဖြစ်မှာပါ။ ဒီတစ်ခါကားလေးမှာတော့ ဘယ်လာအဖွဲ့ဝင်တွေ အကုန်လုံးကကျောင်းတွေပြီးလို့ ဘွဲ့ရသွားကြပေမဲ့လဲ သီချင်းအတူဆိုရဖို့ကို အမြဲလိုချင်နေခဲ့ကြတာပါ။ ဒီလိုနဲ့ ပြန်ဆုံတဲ့ပွဲမှာ သီချင်းဆိုရမယ်အထင်နဲ့ သွားခဲ့ကြပေမဲ့ မဆိုရလို့ ကြိမ်မနိုင်ခဲမရဝမ်းနည်းခဲ့ရပြီး မရရတဲ့နည်းနဲ့ သီချင်းအတူဆိုကြဖို့ကြိုးစားခဲ့ကြပါတယ်။ ဒီတစ်ခေါက်သူတို့အဖွဲ့ သီချင်းဆိုရတဲ့ နေရာကတော့ ခါတိုင်းနဲ့မတူဘဲ စစ်တပ်ထဲက စစ်သားတွေကို ဖျော်ဖြေရတဲ့ပွဲမှာပါ။ ဒီပွဲမှာ ဆိုခွင့်ရခဲ့ပေမဲ့လဲ ထုံးစံအတိုင်း အပြိုင်အဆိုင် အခက်အခဲတွေနဲ့ ကြုံခဲ့ရပုံတွေကို ပေါ့ပေါ့ပါးပါးလေး ရိုက်ကူထားတာဖြစ်ပါတယ်။ I am the one သီချင်းကို ဂျက်စတင်ဘီဘာနဲ့တွဲဆိုခဲ့ပြီး billboard မှာနာမည်အရမ်းကြီးခဲ့တဲ့ ဒီဂျေကားလက်လဲ ဒီကားလေးထဲမှာ ပါဝင်ထားပါသေးတယ်။ နောက်ထပ် ထူးခြားတာတစ်ခုက အဖွဲ့ဝင်တွေရဲ့ မိသားစုbackground အကြောင်းလေးတွေပါ စိတ်ဝင်စားဖွယ် ထည့်သွင်းရိုက်ကူးထားလို့ အရင်ကားတွေလိုပဲ ပရိသတ်တွေကို သေချာပေါက် ဆွဲဆောင်နိုင်မယ့် ကားကောင်းလေးတစ်ကားပါပဲ။ File Size : (800 MB)  Quality : Blu-Ray 720p Running Time : 1hr 33min Format : Mp4 Genre :Comedy, Music Subtitle : Myanmar Subtitle (Hard Sub) Source : 1080p.BluRay.x264-DRONES Translated by May Thura and Ei San Encoded by Thanhtike Zaw

Mark Antony (သို့) မာ့ခ် အန်တိုနီ (2023) IMDb – 7.2/10 Amazon Prime Videoက လတ်တလောထွက်ရှိထားတဲ့ မင်းသားကြီး ဗီရှယ်လ်ရဲ့ ရုံတင်ကားကြီးကိုတင်ဆက်ပေးလိုက်ပါတယ်။ ဘတ်ဂျက်ရူပီး ၂၈ကုဋေသုံးထားပြီး ကုဋေတစ်ရာကျော်ပြန်လည်ရရှိခဲ့တဲ့ကားလည်းဖြစ်ပါတယ်။ အချိန်ခရီးသွားတဲ့ကားတွေအများကြီးထဲကမှ ဒီကားမှာတော့ အတိတ်ကို ဖုန်းလှမ်းဆက်လို့ရတဲ့ဖုန်းတစ်လုံးနဲ့အစပြုခဲ့တယ်။ ဒီလို အတိတ်ကိုဖုန်းဆက်ပြီး ပစ္စုပ္ပန်ကိုလိုသလိုပြုပြင်လို့ရတဲ့ဖုန်းကို တီထွင်တဲ့သိပ္ပံပညာရှင်ကိုယ်တိုင်တောင် သူ့ရဲ့သေခြင်းတရားကိုတော့မလွန်ဆန်နိုင်ခဲ့။ ဒါပေမဲ့ အဲဒီဖုန်းကလူဆိုးဂိုဏ်းတစ်ခုဆီရောက်သွားတဲ့အခါမှာတော့။ လူဆိုးဂိုဏ်းခေါင်းဆောင်နှစ်ယောက်ရဲ့ သူငယ်ချင်းသံယောဇဉ်ကြားမှာ အတိတ်ကိုဖုန်းခေါ်လို့ရတဲ့ ဒီလိုဖုန်းရောက်လာတဲ့အချိန်မှာ သူတို့ရဲ့ အနာဂတ်တွေဘယ်လိုပြောင်းလဲသွားမလဲဆိုတာ စောင့်မျှော်ကြည့်ရှုလိုက်ကြပါဦး။ (အညွှန်းနဲ့ဘာသာပြန်သူတွေကတော့ CM Bollywood Teamပဲဖြစ်ပါတယ်) (CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>Click Here )

Into the Darkness ဇာတ်ကားလေးက ၂၀၂၀ ခုနှစ်က ထွက်ခဲ့တဲ့ ဒုတိယကမ္ဘာစစ်ကာလ ဒိန်းမတ်နိုင်ငံက မိသားစုတစ်ခုရဲ့ အကြောင်းကို ရိုက်ကူးထားခဲ့တာဖြစ်ပါတယ်။ ဒီဇာတ်ကားလေးမှာဆို ကားလ်နဲ့ အီဗာတို့ လင်မယားရဲ့ မိသားစုကို အဓိက အသားပေးဖော်ပြထားတာဖြစ်ပါတယ်။ ဒုတိယကမ္ဘာစစ်အစ ဒိန်းမတ်နိုင်ငံကို နာဇီဂျာမနီတွေ ဝင်ရောက်လာတဲ့အခါမှာ ဒိန်းမတ်အနေနဲ့ အလျှော့ပေး အုပ်ချုပ်ခံ မူဝါဒကို ကျင့်သုံးခဲ့ပါတယ်။ အဲ့ဒီအချိန်မှာ ဒိန်းမတ်အနေနဲ့ မဟာမိတ်တွေနဲ့ အဆက်ဖြတ်ပြီး ဂျာမနီနဲ့ ဆက်ဆံရေးတွေ ထူထောင်ရတဲ့အချိန်မှာ စီးပွားရေးလုပ်ငန်းရှင် ကားလ်တစ်ယောက် ဘယ်လို အခက်အခဲတွေ ရင်ဆိုင်ရမလဲ သူ့ရဲ့ မိသားစုဝင်တွေကရော သူ့အပေါ် ကျေနပ်ကြမှာလား ဘယ်လိုတွေ ဖြစ်ပျက်ကုန်မှာလဲ ပုံမှန် ပျော်ရွှင်နေတဲ့ မိသားစုတစ်စုအဖြစ် ဆက်လက်ရပ်တည်နိုင်မှာလား စတာတွေကို ဒုတိယကမ္ဘာစစ် အကြောင်းလည်း ဗဟုသုတရ ရင်ခုန်စိတ်လှုပ်ရှားစရာလည်း ဖြစ်ရပြီး ကြည့်ရှုခံစားရမဲ့ရုပ်ရှင်ကားကောင်းလေးတစ်ကားဖြစ်ပါတယ်ခင်ဗျ…. File size…2.12GB / 987MB Quality…Blu-Ray 1080p 5.1 CH/ 720p Format…mp4 Duration….2h 32m Genre ….. Drama , History , War Subtitle….Myanmar Subtitle (Hard Sub) Encoder….Min Wai Translated by Lin Aung

ကမ်းခြေကနယ်မြို့လေးတစ်မြို့မှာ မန်နူအယ်ဆိုတဲ့ဆယ်ကျော်သက်ကောင်လေးတစ်ယောက်နေပါတယ်။ သူ့မှာ သူငယ်ချင်းတွေအများကြီးရှိပေမယ့် ငယ်ငယ်လေးကတည်းကပေါင်းလာတဲ့ သံယောဇဥ်အရှိဆုံးဖိလစ်ကိုတော့အခင်ဆုံးပေါ့ သူဖိလစ်ကိုဘယ်လောက်အထိခင်လဲဆိုရင် သူငယ်ငယ်ကမွေးနေ့ပွဲမှာ ဖိလစ်မလာရင် မျက်နှာတွေပျက်ပြီး မွေးနေ့မကျင်းပချင်တဲ့အထိပါ ဒီလိုနဲ့ မန်နူတစ်ယောက်ကြီးပြင်းလာပြီး အာဇူးဆိုတဲ့ကောင်မလေးနဲ့ တွဲကြပါတယ် တစ်ရက်သူ့ကောင်မလေးအာဇူးနဲ့ ပထမဆုံးအကြိမ်အတူတူအိပ်ဖို့လုပ်နေချိန်မှာ သူ့စိတ်ထဲမှာတစ်မျိုးကြီးခံစားလိုက်ရပါတယ် ဒါကတော့ သူဟာ ဖိလစ်အပေါ်မှာ သူငယ်ချင်းထက်ပိုနေမိပြီဆိုတာပါပဲ မန်နူတို့သူငယ်ချင်းအုပ်စုဟာ တီးဝိုင်းတစ်ခုလုပ်ပြီး တူရိယာတစ်မျိုးစီတီးကြပါတယ် ဖိလစ်ရဲ့မွေးနေ့ပွဲမှာ ဖျော်ဖြေပွဲလုပ်မယ်ဆိုပြီး အပြင်းအထန်လေ့ကျင့်ကြပါတယ် မန်နူဟာ ဘေ့စ်တီးပြီး ဖိလစ်က ဂီတာတီးပါတယ် မန်နူတစ်ယောက်ဖိလစ်ကိုချစ်မိနေတာကိုသတိထားမိချိန်မှစပြီး သူ့ရဲ့အပြုအမူတွေဘယ်လိုတွေပြောင်းလဲသွားလဲ သူ့ကောင်မလေးအာဇူးနဲ့ကရောအဆင်ပြေပါ့မလား သူတို့ကြိုးစားလေ့ကျင့်နေတဲ့ ဂီတဖျော်ဖြေပွဲကြီးကရော အောင်မြင်ပါ့မလားဆိုတာ ကြည့်ရှုရမှာပါ File size…(1.7 GB)/(820 Mb) Quality….Webrip 1080p / 720p Format…mp4 Duration….01:40:00 Genre…Drama Subtitle….Myanmar Subtitle (Hardsub) Encoder….Garfield Translated by Ruby Jane

၂၀၁၆ခုနစ်ကထွက်ရှိခဲ့တဲ့ ပြင်သစ်-ဘယ်လ်ဂျီယံလျှို့ဝှက်သည်းဖိုဇာတ်လမ်းကို တင်ဆက်ပေးလိုက်ပါတယ်။ ကုမ္ပဏီကနေ ရုတ်တရက်အနားပေးခံလိုက်ရတဲ့ စာရင်းကိုင်ဒူဗယ်။ ဖေးမပေးမဲ့သူတစ်ယောက်မှမရှိဘဲ စိတ်ကျရောဂါခံစားနေရတာမို့ နလန်ထူဖို့ကြိုးစားရင်း အလုပ်ထပ်ရှာပါတယ်။ အလုပ်နားထားတာကြာတာရော အသက်ကြီးနေတာရောမို့ သင့်တော်တဲ့အလုပ်ရှာမတွေ့ခဲ့။ တစ်ရက် ညအချိန်မတော်ကြီးမှာ အင်တာဗျူးလာဖြေဖို့ ဖုန်းဆက်လာပါတယ်။ အလုပ်လိုချင်နေတဲ့ ဒူဗယ်တစ်ယောက် အင်တာဗျူးသွားဖြေတဲ့အခါ သူလုပ်ရမှာက ဖုန်းပြောတာတွေကိုကြားဖြတ်အသံဖမ်းထားတဲ့ တိပ်ခွေတွေနားထောင်ပြီး လက်နှိပ်စက်နဲ့ စာပြန်ရိုက်ပေးရမှာ။ ရမဲ့ပမာဏကိုမက်ပြီးဝင်လုပ်ရာကနေ သူအကျွမ်းတဝင်မရှိတဲ့ နိုင်ငံရေးလောကနဲ့ အရှုပ်တော်ပုံကြီးတစ်ခုထဲကို ရောက်သွားတဲ့အခါမှာတော့…။ (အညွှန်းနဲ့ဘာသာပြန်ကတော့ Pyae Phyoဖြစ်ပါတယ်။) File size…(776 MB)/(503 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Action, Thriller Subtitle….Myanmar Subtitle (Hardsub) Encoder….Swan Min Htet Translated by Pyae Phyo

ဒီကားကိုတော့ ဒါရိုက်တာ Tom Delvin ရိုက်ကူးထားပြီး Kristy Adams, Amber Amlin, Chris Arredondo တို့က အဓိကပါဝင်သရုပ်ဆောင်ထားပါတယ်။ ဒီဇာတ်ကားလေးမှာတော့ နာမည်အတိုင်း တောင်ပေါ်က သားသတ်ရုံမှာပျောက်ဆုံးသွားတဲ့ ဘောလုံးလက်ရွေးစင်ဟောင်း အုပ်စုရဲ့ အမှုအကြောင်း ရိုက်ကူးထားတာပဲ ဖြစ်ပါတယ်။ ဒီကားကတော့ သွေးထွက်သံယိုသတ်ဖြတ်ခန်းတွေကို နှစ်ခြိုက်တဲ့ သူတွေအတွက်တော့ တကယ်ကို ကြိုက်နှစ်သက်မယ့် ပုံစံမျိုး ရိုက်ကူးထားတာပါ။ အရင်ကကျောင်းရဲ့လက်ရွေးစင် ကစားသမားတွေက အရွယ် ရောက်ပြီးကြတဲ့နောက် သူတို့ကျောင်းရဲ့ အားကစားပွဲကို ဆင်နွှဲဖို့ ပြန်လာကြရင်း ပြန်လည်ဆုံတွေ့ကြပါတယ်။ အဲဒီမှာပဲ အရင်က သူတို့ပါတီတွေလုပ်နေကျဖြစ်တဲ့ တောင်ပေါ်က သားသတ်ရုံကို သွားပြီးတော့ အောင်ပွဲခံဖို့ စီစဉ်ကြပါတယ်။ ဒါပေမယ့် သားသတ်ရုံကို သူတို့ရောက်ပြီးတဲ့နောက် ပါတီ လုပ်ကြရင်း အဖွဲ့သားတွေ တစ်ယောက်ပြီးတစ်ယောက် ပျောက်ဆုံးလာကြတဲ့အခါ သူတို့အဖွဲ့ ဘယ်လိုတွေဆက် ဖြစ်သွားမလဲ….. သူတို့က ဘာကြောင့် ပစ်မှတ်ထားခံနေရတာလဲ….. ဝက်အရေခွံခြုံထားတဲ့ လူသတ်သမားနဲ့ သူတို့ကရော ဘယ်လို ဇာတ်လမ်းတွေ ရှိခဲ့ဖူးတာလဲ…… တကယ်ပဲ ကျိန်စာသင့်နေတဲ့ ဝက်ဆိုတဲ့ ဒဏ္ဍာရီတွေက အမှန်ဖြစ်နေမလား။ ဘယ်သူတွေကရော ဒီအိပ်မက်ဆိုးက လွတ်မြောက်သွားမလဲ။ ဒါတွေကို ဒီဇာတ်ကားလေးထဲမှာ ထိတ်လန့်သည်းဖို ဇာတ်ကွက်တွေနဲ့ ရင်တထိတ်ထိတ် ရှုစားရမှာပါ။ File size… (949 MB) Quality… WEB-DL 1080p HEVC Format…mkv Duration….1h 12m Genre …..Horror Subtitle….Myanmar Subtitle (Hard Sub) Encoder….Min Wai Translated by KK

Ben Hur 1959 ဂျူးမင်းသား ဘင်ဟား ယနေ့အချိန်ထိ အော်စကာ အများဆုံးရတဲ့ ရုပ်ရှင်ကား ၃ ကားရှိတယ်။ ၃ ကားစလုံးက အော်စကာ ၁၁ ဆုစီ ရရှိထားကြပါတယ်။ အဲဒီရုပ်ရှင်ကားတွေကတော့ Ben-Hur ( 1959 ), Titanic ( 1997 ) , The Lord of the Rings: The Return of the King ( 2003 ) တွေ ဖြစ်ပါတယ်။ အခုပြောမှာကတော့ တစ်ချိန်က စာအုပ်ရော ရုပ်ရှင်ပါ အလွန်နာမည်ကြီးခဲ့တဲ့ Ben Hur ရုပ်ရှင်အကြောင်းပါ။ လူပြောသူပြောများလွန်းတဲ့ ရုပ်ရှင် ခမ်းနားထည်ဝါလွန်းတဲ့ ရုပ်ရှင်အဖြစ် ပြောစမှတ်ပြုခဲ့ကြတယ်။ စာအုပ်ရဲ့ အရှိန်အဝါကြောင့်ရယ် ခမ်းခမ်းနားနား ရိုက်ကူးခဲ့တာကြောင့်ရယ် နာမည်ကျော်ပါတယ်။ ရုပ်ရှင်၊ စာအုပ် နဲ့ ရုပ်ရှင်နောက်ကွယ်ကအကြောင်း ဆိုပြီး အပိုင်း ၃ ပိုင်းခွဲပြီး ပြောသွားပါမယ်။ ( ၁ ) ရုပ်ရှင် ဇာတ်လမ်းအကျဉ်း ရုပ်ရှင်အဖွင့်ဟာ ရောမတို့ အုပ်စိုးစဉ်ကာလ ရောမအင်ပါယာအတွင်းမှာ ရှိတဲ့ပြည်သူတွေဟာ ဂျေရုဆလင်မြို့ကို သန်းခေါင်းစာရင်းပေးဖို့ လာကြရင်း သခင်ယေရှုခရစ်တော် မွေးဖွားတဲ့အခန်းနဲ့ စဖွင့်ပါတယ်။ ဘင်ဟား ( Ben Hur ) နဲ့ မာဆားလာ ( Messala ) တို့ဟာ ဂျေရုစလင်မှာ အတူတူကြီးပြင်းလာကြတဲ့ အရင်းနှီးဆုံး အချစ်ဆုံး ငယ်သူငယ်ချင်းတွေ ဆိုပေမယ့် အခုချိန်မှာတော့ မာဆားလာဟာ ရောမမြို့သားအဖြစ်ခံယူပြီး ရောမစစ်တပ်ရဲ့ အရာရှိစစ်ဗိုလ်တစ်ယောက် ဖြစ်နေသလို ဘင်ဟားလည်း ဂျေရုစလင်ရဲ့ မင်းသားတစ်ပါး ဖြစ်နေပါပြီ။ ဘင်ဟား နဲ့ မာဆားလာ တို့ဟာ သူငယ်ချင်းတွေဖြစ်သည့်တိုင် ခံယူချက်တွေ လုံးဝမတူညီကြဘူး။ မာဆားလာဟာ ရောမတို့ရဲ့ အင်အား၊ အာဏာကြီးမားမှုကို အထင်ကြီးလေးစားသူ၊ ရောမအင်ပါယာရဲ့ သစ္စာတော်ခံ မင်းမှုထမ်းတစ်ယောက်။ ဘင်ဟားကတော့ ဘုရားသခင်ကို သက်ဝင်ယုံကြည်သူ၊ ကိုယ့်ရဲ့ ဂျူးလူမျိုး ဂျေရုဆလင်မြို့သားတွေကို ကြည့်ရှုစောင့်ရှောက်တဲ့သူ။ ဒါကြောင့် သူတို့ နှစ်ယောက်ရဲ့ ခံယူချက်တွေဟာ ဖြောင့်ဖြောင့်ကြီး ဆန့်ကျင်နေတယ်။ ရောမစစ်သားတွေ ဂျေရုဆလင်မြို့ကို နယ်ချဲ့ရောက်လာချိန်မှာတော့ စစ်ဗိုလ်ဖြစ်တဲ့ မာဆားလာဟာ ရောမတွေကို ဆန့်ကျင်မှုတွေရှိနေတဲ့ ဂျေရုဆလင်မြို့သားတွေကို လက်ခံလာအောင် ပြောဆိုပေးဖို့ ငယ်သူငယ်ချင်း ဘင်ဟားကို အကူအညီတောင်းပါတော့တယ်။ တကယ်လို့ ဂျူးတွေသာ ရောမအင်ပါယာအောက် အလွယ်တကူဝင်ရောက်ဖို့ လာခံလာရင် မာဆားလာဟာ ဒုတိယစစ်ဗိုလ်ချုပ်ရာထူးကို ရရှိမှာပါ။ ဒါပေမယ့် ကိုယ့်လူမျိုးတွေအပေါ် သစ္စာမဖောက်ချင်တဲ့ ဘင်ဟားဟာ မာဆားလာကို မကူညီနိုင်ခဲ့ပါဘူး။ ဒါကြောင့် မာဆားလာက ဘင်ဟားအပေါ် စိတ်ကွက်သွားခဲ့ပါတယ်။ ရောမဘုရင်ခံအသစ်က ဂျေရုဆလင်မြို့ကို ရောက်လာချိန်မှာ မတော်တဆတစ်ခုဖြစ်ပျက်သွားခဲ့တယ်။ ဘုရင်ခံကို လုပ်ကြံတာပါဆိုပြီး မာဆားလာနဲ့ ရောမစစ်သားတွေဟာ ဘင်ဟာနဲ့ သူ့မိခင် သူ့ညီမတွေကို ဖမ်းသွားခဲ့ပါတယ်။ ဘင်ဟားက မာဆားလာကို ဘယ်လောက် တောင်းပန်ပြောဆိုပေမယ့် အလွတ်မပေးခဲ့ပါဘူး။ ဒီလိုနဲ့ ဘင်ဟားမိခင်နဲ့ ညီမဟာ အကျဉ်းချထားခြင်းခံရပြီး ဘင်ဟားကတော့ စစ်တိုက်ဖို့ ကျွန်အဖြစ်နဲ ရေတပ်ကို ပါသွားခဲ့တယ်။ သင်္ဘောပေါ်မှာ ရေတပ်စစ်သူကြီး ကွင်းတပ်အဲရိယပ်က ကျွန်ဘင်ဟားကို သူ့ရဲ့ ခိုင်မာရဲရင့်တဲ့ စိတ်ဓါတ်၊ ယုံကြည်မှုပြင်းထန်တဲ့စိတ်ဓါတ်တွေကြောင့် သတိထားမိခဲ့တယ်။ ပင်လယ်ဓါးပြတွေနဲ့ စစ်ဖြစ်ချိန်မှာ ဘင်ဟားဟာ စစ်သူကြီး အဲရိယပ်ကို အသက်ကယ်ခဲ့တယ်။ ပင်လယ်မှာ တိုက်ပွဲဖြစ်ရင်း စစ်သူကြီး အဲရိယပ်နဲ့ ဘင်ဟာ နှစ်ယောက်ဟာ အခြားစစ်သားတွေနဲ့ တကွဲစီ ကွဲသွားခဲ့တယ်။ စစ်ရှုံးပြီ အထင်နဲ့ စစ်သူကြီး အဲရိယပ်က ကိုယ့်ကိုယ်ကို သတ်သေဖို့ အကြိမ်ကြိမ် ကြိုးစားခဲ့ပေမယ့် ဘင်ဟားကြောင့် ရှင်နေခဲ့ရတယ်။ နောက်မှ သူတို့တပ်နဲ့ ပြန်ဆုံပြီး ရောမတပ်တွေ အနိုင်ရတယ်ဆိုတာ သိရတယ်။ ကျေးဇူးသိတတ်တဲ့ စစ်သူကြီး အဲရိယပ်ဟာ စစ်ပွဲအောင်နိုင်ရပြီး ပြည်တော်ပြန်လာချိန်မှာ ဘင်ဟားကို သူ့မွေးစားသား အဖြစ် ချီးမြှင့်မြောက်စားခဲ့တယ်။ ဒါကြောင့် ဘင်ဟားဟာ ကျွန်အဖြစ်ကနေ လွတ်မြောက်သွားခဲ့သလို ရောမအင်ပါယာမှာ မျက်နှာပွင့်တဲ့ မင်းသားတစ်ပါး ဖြစ်လာပြန်တယ်။ ဒီအချိန်မှာတော့ ဘင်ဟားဟာ တစ်ချိန်က သူချစ်ခဲ့ဖူးတဲ့ ချစ်သူ အက်စတာနဲ့ သူ့မိခင်၊ သူ့ညီတွေကို အသည်းအသန် လိုက်ရှာပါတော့တယ်။ ပြီးတော့ သူ့ကို ကျွန်ဘဝရောက်အောင် လုပ်ခဲ့တဲ့ သူ့မိသားစုအပေါ် ရက်စက်ခဲ့တဲ့ သူငယ်ချင်း မာဆားလာကို လက်စားချေဖို့လည်း ကြိုးစားပါတော့တယ်။ ဒီလိုနဲ့ အကြမ်းတမ်းဆုံးဖြစ်တဲ့ မြင်းစစ်ရထားစီးပြီး ယှဉ်ပြိုင်ဖို့ ဖြစ်လာပါတော့တယ်။ ဇာတ်လမ်းအဆုံးသတ်မှာတော့ သခင်ယေရှု ကားတိုင်မှာ အသတ်ခံရတဲ့အခန်းနဲ့ အဆုံးသတ်ထားပါတယ်။ ဒီရုပ်ရှင်ဟာ Judah Ben Hur ကို ယေရှုမွေးဖွားချိန်မှ သေဆုံးချိန်ထိ timeline တစ်ခုတည်းမှာ ရှင်သန်နေထိုင်ခဲ့တဲ့ ဇာတ်ကောင်အဖြစ် စိတ်ကူးယဉ်ပုံဖော်ထားတာ ဖြစ်ပါတယ်။ ဇာတ်လမ်းတစ်ခုလုံးမှာ ယေရှုရဲ့ အခန်းတွေ နည်းသည့်တိုင် မျက်နှာရော၊ အသံရော လုံးဝမဖော်ပြဘဲ ရိုက်ထားပါတယ်။ ရုပ်ရှင်ဇာတ်အိမ်ဟာ အလွန်ပဲ ရိုးရှင်းပါတယ် ဆိုပေမယ့် ခရစ်ယာန်တစ်ယောက်ဆိုရင်တော့ ဒီကားရဲ့အနှစ်သာရကို ပိုပြီး ခံစားမိစေမယ်လို့ ထင်ပါတယ်။ Evangelism အရမ်းဆန်အောင် ရိုက်ထားတာ မဟုတ်ပေမယ့် ပါးပါးလေး ထည့်ထားပါတယ်။ အထူးသဖြင့် ဒီကားမှာ လူသားပီပီ ဘင်ဟာ ( Charlton Heston ) ရဲ့ ယုံကြည်ချက် အတက်အကျ အလှည့်အပြောင်းဟာ သဘာဝကျလွန်းတာကို ကြိုက်ပါတယ်။ ဒီရုပ်ရှင်ကို ခရစ်ယာန် propaganda ဖြစ်တယ်ဆိုပြီး တရုတ်နိုင်ငံက ပိတ်ပင်ခဲ့ပါတယ်။ ဒီရုပ်ရှင်မှာ ကြိုက်ရတဲ့အချက်က ရိုက်ချက်တွေပါ။ အဲဒီခေတ်က ကွန်ပျူတာ CGI ဆိုတာ မပေါ်သေးတော့ ပင်လယ်ပေါ်မှာ တိုက်တဲ့အခန်း၊ မြင်းလှည်းမောင်းပြီး ပြိုင်တဲ့အခန်းတွေဟာ cinematographer , director တို့ရဲ့ ပညာအစွမ်း အံ့မခန်းလက်ရာများကို မြင်တွေ့ရမှာပါ။ ( အောက်ကအချက်တွေမှာ ဆက်လက်ဖော်ပြထားပါတယ်။ ) ————————————– (၂) ရုပ်ရှင် ဖြစ်လာစေခဲ့တဲ့ စာအုပ် Ben Hur ( 1959 ) ရုပ်ရှင်ဟာ 1925 မှာ ထွက်ခဲ့တဲ့ အဖြူအမည်း အသံတိတ်ရုပ်ရှင် Ben-Hur: A Tale of the Christ ကို remake ပြန်ရိုက်ထားတာပါ။ ၁၈၈၀ ခုနှစ်မှာ ထွက်ခဲ့တဲ့ စာအုပ်ကို မှီးပြီး ရုပ်ရှင်ပြန်ရိုက်ခဲ့တာပါ။ Ben-Hur: A Tale of the Christ ဆိုတဲ့စာအုပ်ဟာ ၁၉ ရာစုမှာ အလွန်နာမည်ကြီးတဲ့ အရောင်းရဆုံးစာအုပ်ပါ။ စာရေးဆရာ Lew Wallace ဟာ သခင်ယေရှုအကြောင်းကို နောက်ခံထားတဲ့ Ben-Hur: A Tale of the Christ ဆိုတဲ့ ဝတ္ထုကို ၁၈၈၀ ခုနှစ်မှာ ထုတ်ဝေခဲ့ပါတယ်။ အဲဒီစာအုပ်ဟာ နာမည်အရမ်းကြီးခဲ့ပြီး ရောင်းရလွန်းလို့ အကြိမ်ရေများစွာ ပြန်လည် ထုတ်ဝေခဲ့ရတယ်။ ဘာသာစကားပေါင်းများစွာ ပြန်ဆိုခြင်း ခံရတယ်။ ၁၀ စုနှစ်တိုင်တိုင် အရောင်းရဆုံးစာရင်းဝင် ဖြစ်ခဲ့တဲ့အတွက် စာရေးဆရာ Lew Wallace ကို သူဌေးဖြစ်စေခဲ့တယ်။ အဲဒီစာအုပ်ဟာ ၁၉ ရာစုနှစ် ခရစ်ယာန်စာပေတွေထဲမှာလည်း အလွမ်းမိုးနိုင်ဆုံးစာအုပ်တစ်အုပ်ဖြစ်ခဲ့တယ်လို့ ဆိုတယ်။ ဝတ္ထုစာအုပ်ဖြစ်ပေါ်လာခြင်း Lew Wallace ဟာ အမေရိကန် စစ်ဗိုလ်ဘဝကနေ အငြိမ်းစား ယူပြီးတဲ့နောက် စာရေးဆရာဘဝကို ကူးပြောင်းခဲ့တယ်။ သူဟာ ဘုရားသခင်ကို ယုံကြည်သူတစ်ယောက် မဟုတ်တဲ့အပြင် ခရစ်ယာန်ဘာသာရေးနဲ့ပါတ်သက်ပြီး ဘာမှ သိပ်သိတဲ့သူမဟုတ်ခဲ့ဘူး။ စာရေးဆရာ Lew Wallace ဟာ တစ်နေ့မှာ အင်ဒီးယားနားပိုးလ်ကို ခရီးသွားရင်းနဲ့ ရထားမှာ Robert G. Ingersoll ဆိုတဲ့ နိုင်ငံရေးသမားတစ်ယောက်နဲ့ အမှတ်မထင် ဆုံမိပြီး ဘာသာရေးအကြောင်း ဆွေးနွေးငြင်းခုံကြတယ်။ ဒါပေမယ့် စာရေးဆရာ Lew Wallace ဟာ ခရစ်ယာန်အကြောင်း ဘာမှ မသိသေးတဲ့အတွက် ရေရေရာရာ မဆွေးနွေးနိုင်ဘူး။ ဒါကြောင့် ခရစ်ယာန်တွေရဲ့ ဘာသာရေးကို ကိုယ်တိုင်သေသေချာချာလေ့လာဦးမယ်လို့ အခိုင်အမာ ဆုံးဖြတ်ချက်ချခဲ့တယ်။ သိပ်မကြာခင်မှာပဲ စာရေးဆရာ Wallace ဟာ သမ္မာကျမ်းစားအကြောင်း ရှေးခေတ်ရောမအင်ပါယာအကြောင်း အဲဒီခေတ်အခါက မြေအနေအထား ပထဝီ၊ ရိုးရာယဉ်ကျေးမှု၊ ဘာသာစကား၊ စတာတွေ သိအောင် ကိုယ်တိုင်လေ့လာ သုတေသနလုပ်ခဲ့တယ်။ စာရေးဆရာ Wallace ဟာ ခရစ်ယာန်အကြောင်း ယေရှုအကြောင်း ဂျူးတွေအကြောင်း လေ့လာရင်းနဲ့ပဲ ခရစ်ယာဘာသာ ပြောင်းလဲသွားခဲ့သလို Ben-Hur: A Tale of the Christ စာအုပ်ကို ရေးဖို့ စိတ်ကူးရခဲ့ပါတယ်။ Ben-Hur: A Tale of the Christ စာအုပ်ဟာ နှစ် ၂၀ အကြာ ၁၉၀၀ ပြည့်နှစ်မှာ ၃၆ ကြိမ်မြောက်ထိ ထုတ်ဝေခဲ့ရပြီး ဘာသာစကားပေါင်း ၂၀ ကျော် ပြန်ဆိုခဲ့ရတယ်။ မာဂရက်မစ်ချဲလ်ရဲ့ Gone With The Wind ( လေရူးသုန်သုန် ) ကိုတောင် ကျော်တက်သွားခဲ့ပြီး အဲဒီခေတ်အခါက သမ္မာကျမ်းစာပြီးရင် ဒုတိယအရောင်းရဆုံး စာအုပ် ဖြစ်လာခဲ့ပါတယ်။ —————————————————– ( ၃ ) ရုပ်ရှင်အဖြစ် ပြန်လည်ရိုက်ကူးခြင်း ၁၉၂၅ မှာ စာအုပ်နာမည်အတိုင်း Ben-Hur: A Tale of the Christ ကို အဖြူအမည်း အသံတိတ်ရုပ်ရှင်အဖြစ် ရိုက်ခဲ့တယ်။ ၁၉၅၉ ခုနှစ်ရောင်စုံကာလာ အသံထွက်ခေတ်မှာ ဒါရိုက်တာ William Wyler က Ben-Hur ကို အော်စကာဆု ၁၁ ဆု ရရှိသည်အထိ တခမ်းတနား ပြန်လည်ရိုက်ကူးခဲ့ပြန်တယ်။ ၁၉၂၅ မှာ MGM က ဘတ်ဂျက် ၄ သန်းနဲ့ ဒေဝါလီခံရကာနီးနီး အကုန်အကျခံရိုက်ကူးထားပြီး ဖြစ်ပေမယ့် ၁၉၅၂ မှာ နောက်တစ်ကြိမ် Ben Hur remake ရိုက်မယ်ပြီး စကြေငြာလိုက်တယ်။ ၁၉၅၆ ရောက်တော့ ရိုက်ကူးရေးစမယ်လို့ ရည်ရွယ်ထားကာမှ ဒါရိုက်တာ Sidney Franklin က နေမကောင်းဖြစ်ပြီး နှုတ်ထွက်သားလို့ မရိုက်ဖြစ်ပဲ ထပ်ကြာသွားပြန်တယ်။ အဲဒီနှစ်မှာ Paramount Pictures က The Ten Commandments ရုပ်ရှင်နဲ့ အကြီးအကျယ် အောင်မြင်သွားတော့မှ MGM က Ben Hur ကို အမြန်ရိုက်ဖို့ အာရုံပြန်စိုက်လာကြတယ်။ ဘင်ဟား မူရင်းဝတ္ထုဟာ စာမျက်နှာ ၅၅၀ တောင် ရှိတာမို့ ပရိုဂျူဆာ Zimbalist ဟာ ဇာတ်ညွန်းရေးဆရာတွေ အများကြီး ခေါ်ပြီး ဇာတ်ညွန်း ရေးခိုင်း ပြင်ခိုင်းပါတယ်။ ဇာတ်ညွန်းပြင်လာလိုက်တာ ဗားရှင်း ဇာတ်ညွန်း ၁၂ မျိုးထိ ထွက်ခဲ့တယ်။ နောက်ဆုံးပြင်ခဲ့တဲ့ Karl Tunberg ရဲ့ ဇာတ်ညွန်းကိုပဲ အတည်ယူလိုက်ကြတော့တယ်။ Ben-Hur ကို ရိုက်ကူးမယ်ဆိုတော့ နှုတ်ထွက်သွားတဲ့ ဒါရိုက်တာနေရာမှာ အစားထိုးဖို့ လိုလာတယ်။ ဒါကြောင့် ၁၉၂၅ ခုနှစ် ဘင်ဟားအသံတိတ်ရုပ်ရှင်ရိုက်တုန်းက လက်ထောက်ဒါရိုက်တာလုပ်ခဲ့တဲ့ William Wyler ကို ငှားလိုက်ကြတယ်။ နာမည်ရပြီး ဒါရိုက်တာ William Wyler ဟာ အလွယ်လက်မခံခဲ့ပါဘူး။ ပရိုဂျူဆာ Zimbalist ဟာ William Wyler ကို ဇာတ်ညွန်းအရင်ပြကြည့်ပြီး မြင်းပြိုင်ပွဲအတွက် ဒေါ်လာ ၁၀ သန်းလောက် သုံးလိမ့်မယ်လို့ ဆွဲဆောင်ပြီး ပြောခဲ့တာကြောင့် ရိုက်ကူးဖို့ စိတ်ဝင်စားခဲ့တယ်။ ဒါပေမယ့် သူလိုချင်တာ တော်တော်များများလုပ်ပေးခဲ့ရတယ်။ လူဦးရေအများအပြားသုံးမယ့်ရုပ်ရှင်ဖြစ်တဲ့အတွက် MGM က ရောမမြို့မှာ ရုံးဖွင့်ပြီး အရံသရုပ်ဆောင်အတွက်တင် လူပေါင်း ၅၀၀၀၀ ကျော်ကို ရွေးချယ်ခဲ့တယ်။ ဂျူးဒ ဘင်ဟားနေရာမှာ သရုပ်ဆောင်ဖို့ အဲဒီခေတ်အခါက နာမည်ကြီးတဲ့ Burt Lancaster, Paul Newman, Kirk Douglas, Marlon Brando တို့ကို ကမ်းလှမ်းခဲ့ပေမယ့် အကြောင်းအမျိုးမျိုးပြပြီး ငြင်းဆိုခဲ့ကြတယ်။ နောက်ဆုံးမှာ Charlton Heston က ဘင်ဟား ဇာတ်ရုပ်အတွက် လက်ခံရိုက်ကူးခဲ့တယ်။ အဲဒီအတွက် အနုပညာကြေး ဒေါ်လာ ၂ သိန်းခွဲ ရခဲ့ပါတယ်။ အမှန်တော့ ဒါရိုက်တာ William Wyler က Charlton Heston ကို ဘင်ဟားနေရာထက် ဗီလိန်မာဆားလာအဖြစ် သရုပ်ဆောင်စေချင်ခဲ့တာပါ။ Esther Role အတွက်လည်း မင်းသမီးပေါင်း ၃၀ ထက်မနည်း ရွေးချယ်စဉ်းစားခဲ့ကြပေမယ့် နောက်ဆုံးမှာ အစ္စရေးမင်းသမီး Haya Harareet ကို ရွေးလိုက်ကြတယ်။ ရိုက်ကူးရေး Filming location အတွက် အစ္စရေး ဒါမှမဟုတ် အီဂျစ် တစ်နိုင်ငံမှာ ရိုက်မယ်လို့ ရည်ရွယ်ခဲ့ပေမယ့် အီတလီ ရောမကိုပဲ ရွေးချယ်ခဲ့တယ်။ ဘာကြောင့်လဲဆိုတော့ ဒါရိုက်တာ William Wyler က Roman Holiday ကို ရောမ ရိုက်ခဲ့ဖူးတာကြောင့် ရောမဟာ သူနဲ့ မစိမ်းဘူး။ ဒါကြောင့် William Wyler အလိုကျ MGM က လိုက်လျောပေးခဲ့တယ်။ အဲဒါအပြင် သူတောင်းဆိုတဲ့အတိုင်း ဒါရိုက်တာကြေး ဒေါ်လာ ၃၅၀၀၀၀ နဲ့ ရုံတင်ငွေအသားတင်အမြတ်ထဲကနေ ၈ ရာခိုင်နှုန်းကိုပါ ပေးဖို့ သဘောတူခဲ့ရတယ်။ အဲဒီခေတ်က ဒါရိုက်တာတစ်ယောက်အတွက် William Wyler ကို ပေးခဲ့ရတဲ့ ပမာဏဟာ အများဆုံးဖြစ်ခဲ့တယ်။ Pre Production အစမှာတင် custume design၊ ဆက်တင် နဲ့ ရုပ်ရှင်ထဲမှာ ပါဝင်မယ့် အသုံးအဆောင်ပစ္စည်းအကုန်လုံးအတွက် ပုံကြမ်းပေါင်း ၁၅၀၀၀ ကျော် အရင်ဆွဲခဲ့ရတယ်။ ကုလားအုတ် ၂၀၀ ၊ မြင်းကောင်ရေ ၂၅၀၀ ကျော်ကို အသုံးပြုခဲ့ရသလို လက်ထောက်ဒါရိုက်တာပေါင်း ၆၀ ကျော် ငှားရမ်းခဲ့ရတယ်။ Cinematographer ကို စဉ်းစားကြတဲ့အခါ အဲဒီခေတ်အခါက အအောင်မြင်ဆုံး Cinematographer ဖြစ်တဲ့ Robert L. Surtees ကိုပဲ ငှားလိုက်ကြတယ်။ Producer နဲ့ MGM က Widescreen နဲ့ ရိုက်ချင်ပေမယ့် ကြီးမားလွန်တဲ့ ပုံရိပ်ပြည့်ထွက်မလာမှာ ကြောင့်ရယ်၊ ရုပ်ရှင်ကင်မရာတွေနဲ့ ရိုက်ရမှာကြောင့်ရယ်၊ ရိုက်ကူးရေးအခက်အခဲကြောင့် အချိန်အလဟသမကုန်ချင်တာကြောင့် ဒါရိုက်တာက မရိုက်ချင်ခဲ့ဘူး။ ဒီအခက်ခဲကို ပြေလည်စေဖို့ ဒေါ်လာ ၁ သိန်းတန်တဲ့ 65 mm မှန်ဘီလူးပါတဲ့ ကင်မရာ ၆ ခုထိ အမေရိကန်က မှာယူပြီး ရိုက်ခဲ့ကြတယ်။ ဒါရိုက်တာ မောင်းချက်ကတော့ ရိုက်ကူးရေးစတော့ တစ်ပတ်ကို ၆ ရက် တစ်ရက်ကို ၁၂ နာရီကနေ ၁၄ နာရီ assign တွေခွဲပြီး မနားတမ်း ရိုက်ကူးခဲ့တယ်။ ဆရာဝန် အနားမှာ ခေါ်ထားပြီး ပင်ပန်းလွန်းတဲ့ သရုပ်ဆောင်တွေကို Vitamin B Complex ထိုးပေးခဲ့ရတယ်လို့ဆိုတယ်။ ဒါရိုက်တာ Wyler ဟာ ဘင်ဟာ အဖြစ် Heston တန်ရဲ့ သရုပ်ဆောင်ပုံတွေကိုလည်း သိပ်ပြီး မကျေနပ်ခဲ့ပါဘူး။ I’m a Jew လို့ အော်တဲ့အခန်းမှာတင် ၁၆ ကြိမ်လောက် ရိုက်ခဲ့ရတယ်။ ဘင်ဟားရုပ်ရှင်ရဲ့ Climax ဖြစ်တဲ့ မြင်းပြိုင်ခန်းဟာ မိနစ် ၄၀ လောက်သာ ကြာပေမယ့် အသုံးစရိတ်ကတော့ ဒေါ်လာ ၁ သန်းလောက် သုံးခဲ့ရတယ်။ ဘင်ဟာနဲ့ မာဆားလာတို့ရဲ့ မြင်း ၄ ကောင် စစ်ရထားပြိုင်ပွဲ အခန်းရိုက်ကူးမှုဟာ အပင်ပန်းဆုံး အကြမ်းတမ်းဆုံး ဖြစ်ခဲ့တယ်။ အဲဒီဆက်တင် ( စစ်ရထားမြင်းပြိုင်ကွင်း ) ဖြစ်လာဖို့ ၁၈ ဧက ကျယ်တဲ့ ကွင်းပြင်ကြီးကို ဒေါ်လာ ၁ သန်း အကုန်အကျခံပြီး ၁ နှစ် ကြာ ဆောက်ခဲ့ရတယ်။ အရည်အသွေးကောင်းတဲ့မြင်းတွေကို ယူဂိုဆလားဗီးယားနဲ့ စစ္စလီကျွန်းက မှာယူပြီး သေချာလေ့ကျင့်ပေးခဲ့ရတယ်။ မြင်းတင်မကဘူး။ Heston ( ဘင်ဟား ) နဲ့ Boyd ( မာဆားလာ ) တို့ဟာလည်း မြင်းစစ်ရထားစီးကျွမ်းကျင်အောင် အစွမ်းကုန် လေ့ကျင့်ခဲ့ရတယ်။ Heston ( ဘင်ဟား ) က တစ်နေ့ကို ၃ နာရီ လေ့ကျင့်ခဲ့ရပါသတဲ့။ ဒီလိုလေ့ကျင့်ရင်းနဲ့ နောက်ပိုင်းမှာ တကယ်ကျွမ်းကျင်တဲ့သူ ဖြစ်လာခဲ့တယ်။ မြင်း ၄ ကောင် စစ်ရထားပြိုင်ပွဲခန်း တကယ်ရိုက်တော့ ၅ ရက်ကြာသွားခဲ့တယ်။ စစ်ရထားပြိုင်ပွဲကိုအားပေးတဲ့ ဘေးကရပ်ကြည့်ပရိတ်သတ်အဖြစ် ပါဝင်ဖို့ လူပေါင်း ၇ ထောင်ကျော် ငှားခဲ့တယ်။ အဝေးရိုက် Long take အခန်းတွေမှာ Double Stunt တွေ သုံးပြီး ရိုက်ခဲ့တယ်။ လက်ထောက်ဒါရိုက်တာရဲ့ သားတစ်ယောက်ဖြစ်တဲ့ စတန့်သမားဟာ မြင်းပြိုင်ခန်းရိုက်ရင်း သေလုနီးပါးဖြစ်ခဲ့တယ်လို့ ဆိုတယ်။ မြင်းတွေဟာ အပြေးမြန်လွန်းလို့ footage ရဖို့အတွက် ဖာရာရီကားကိုတောင် သုံးခဲ့ရပါသတဲ့။ ဒီအခန်းတွေအတွက် ကင်မရာ crew တွေဟာ fixed postion, movement position စသဖြင့် angle အစုံ ရိုက်ရတာကြောင့် မနက် ၆ နာရီကနေ ညနေ ၅ နာရီအထိ အလုပ်လုပ်ခဲ့ရပါတယ်။ ဒီလိုနဲ့ ရုပ်ရှင်ရိုက်ကူးရေးဟာ ၉ လတိုင်တိုင် ကြာခဲ့တယ်။ အဲဒီခေတ်က ဖလင်ခေတ်ဆိုတော့ ဖလင်ရဲ့အတိုင်းအတာဟာ Raw မှာတင် ၃၄၀၀၀၀ မီတာ ရှိခဲ့တယ်။ ၁ ကဒ်ကို ၄ နာရီခွဲလောက် ကြပါသတဲ့။ တကယ်တမ်း Wyler လိုချင်တာက ရုပ်ရှင်တစ်ခုလုံးအတွက် ၃ နာရီခွဲစာ။ တည်းဖြတ်အယ်ဒီတာ John D. Dunning အဆိုအရ သူ့ဘဝမှာ ဘင်ဟာရုပ်ရှင်ဟာ တည်းဖြတ်ဖို့ အခက်ဆုံးဖြစ်ခဲ့တယ်လို့ ဆိုတယ်။ နောက်ဆုံးမှာ ၂၁၃ မိနစ် ( ၄ နာရီနီးပါး ) ရအောင်တည်းဖြတ်ခဲ့ရတယ်။ ဒါကြောင့် Post Production မှာ နောက်ထပ် ၆ လ ထပ်ကြာသွားပြန်တယ်။ ဘင်ဟားရုပ်ရှင်ဟာ ဒေါ်လာ ၆ သန်း၊ ၇ သန်းလောက်သာ သုံးမယ်လို့ မှန်းထားတဲ့ ဘင်ဟား ရုပ်ရှင်ဟာ တကယ်တမ်းရိုက်ကြတော့ ၁၅ သန်းကျော်ထိ ကုန်ကျသွားခဲ့တယ်။ အဲဒီအခေတ်အခါက ဘတ်ဂျက်က ၁ သန်းကနေ အများဆုံး ၅ သန်းလောက်အထိ ပဲ သုံးကြပါတယ်။ ၁၅ သန်းဆိုတာ ကုန်ကျစရိတ် ၃၊ ၄ ဆအထိ မြင့်တက်သွားတဲ့အတွက် ကုန်ကျစရိတ်အများဆုံးရုပ်ရှင်လည်း ဖြစ်ခဲ့ပါတယ်။ Ben Hur 1959 #Epic_Movie Cinemanto (ရုပ်ရှင်အညွှန်းကို Cinemanto FB Page မှ ကူးယူဖော်ပြပါသည်။) 4K ကိုတော့ AI Upscaled Version နဲ့တင်ထားတာမလို့ ရုပ်ထွက်တော့ပိုကြည်ပေမယ့် Reality သိပ်မဆန်ဘူးထင်ရင် BluRay အစစ်ကနေ ထုတ်ထားတဲ့ 1080p Version ကိုကြည့်ပါ။