ဝန်ဒိုနဲ့မူဂယ်နီတို့ဟာ အာဖရိကန်နိုင်ငံတစ်နိုင်ငံကလွတ်လပ်ရေးရပြီးကတည်းက သမိုင်းစဉ်ဆက် အားပြိုင်နေတဲ့မတူညီတဲ့မိသားစုနှစ်စုက ချစ်သူတွေဖြစ်ပါတယ်။ ဝန်ဒိုဟာ ရှေးရိုးစွဲ လူမျိုးစွဲတွေကို ဆန့်ကျင်ပြီး ဇာတိမြေကောင်းစားရေးအတွက်ကြိုးပမ်းနေတဲ့ အမတ်လောင်းအတွက် မဲဆွယ်စည်းရုံးရေးမှာ ပါဝင်ကူညီနေတာဖြစ်ပါတယ်။ လူမျိူးစွဲ ပါတီစွဲများကြောင့် ဝန်ဒိုရဲ့အလုပ်ဟာသူတို့ချစ်သူနှစ်ဦးရဲ့ရှေ့ဆက်မယ့်လမ်းမှာ အဟန့်အတားဖြစ်လာပါတော့တယ်။ ဒီဇာတ်လမ်းမှာတော့ ချစ်သူနှစ်ဦးရဲ့ချစ်ခရီးလမ်းမှာ နှောင့်ယှက်လာတဲ့နိုင်ငံရေး လူမျိုးရေးအရှုပ်တော်ပုံကို ဖြေရှင်းကြပုံ၊ နိုင်ငံရေးသမားများ အကျင့်ပျက်ချစားမှု လူမျိုးစွဲမှုတို့ကြောင့် ပြည်သူများနစ်နာရပုံ၊ မဲအနိုင်ရဖို့အတွက် ဘာမဆိုလုပ်ကြမယ့်နိုင်ငံရေးသမားတို့ရဲ့လောဘကို ပေါ်လွင်အောင်ရိုက်ကူးပြထားပါတယ်။ File size…(1.7 GB)/(1 GB)/(500 Mb) Quality….Webrip 1080p / 720p / 480p Format…mp4 Duration….01:40:00 Genre...Drama, Thriller Subtitle….Myanmar Subtitle (Hardsub) Encoder….Mr. Anderson Translated by Eunice

ချစ်ခြင်းမေတ္တာဆိုတဲ့အရာက ယောကျ်ား၊ မိန်းမမခွဲခြားဘဲ တစ်ယောက်လက်ကို တစ်ယောက်တွဲပြီး လောကဓံကို အတူရင်ဆိုင်ဖြတ်သန်းကြတာပါ...... မိဘတွေဆုံးပါးသွားပြီးနောက်ပိုင်း ခရစ်စမတ်ကို တစ်ယောက်ထဲ အထီးကျန်စွာ ဖြတ်သန်းနေတဲ့ အက်ဘီ..... ပြီးပြည့်စုံတဲ့ မိသားစုတစ်စုဖြစ်ဖို့ မိမိရဲ့ပုံစံအမှန်ကို ဖုံးကွယ်ထားရတဲ့ ဟက်ပါ...... ဟက်ပါနဲ့ အက်ဘီတို့က lesbian ချစ်သူတွေပါ။ ဟက်ပါက သူမိသားစုနဲ့အတူ ခရစ်စမတ်မှာ အတူဖြတ်သန်းပြီး မိဘတွေနဲ့ မိတ်ဆက်ပေးဖို့ အက်ဘီကို အိမ်ခေါ်သွားပါတယ်။ ခရစ်စမတ်မှာ အက်ဘီတစ်ယောက် ဟက်ပါကို လက်ထပ် ခွင့်တောင်းဖို့ ရည်ရွယ်ပြီး ဟက်ပါအိမ်ကို လိုက်သွားပါတော့တယ်။ အဲ့လိုနဲ့ ဟက်ပါတို့ မိသားစုရဲ့ အိမ်တွင်းရေးအခြေ အနေနဲ့ ခရစ်စမတ်မှာ မပျော်တတ်တဲ့ အက်ဘီတို့ကြား ပြဿနာလေးတွေ၊ ကတောက်တဆလေးတွေနဲ့၊ LGBT တွေမှာသာ ရင်ဆိုင်ကြုံတွေ့ရတဲ့ ပြဿနာတွေနဲ့ သူတို့ရဲ့ ခံစားချက်တွေကို နားလည်ပေးနိုင်ဖို့ ဘယ်လိုဖြေရှင်းရမယ်ဆိုတာကို ဒီဇာတ် ကားမှာ စီးမျောခံစားနိုင်မှာပါ။ ဒီကားထဲမှာ မင်းသမီး Kisten Stewart ကို lesbian တစ်ယောက်အဖြစ် မြင်တွေ့ရမှာပါ။ Comedy , Romance ကားလေးမို့လို့ ရယ်လည်းရယ်ရပြီး ခရစ်စမတ်အငွေ့အသက်တွေအပြည့် ချစ်ခြင်းမေတ္တာတွေအပြည့်ကို ဒီဇာတ်ကားတစ်ကားထဲမှာတင် မြင်တွေ့ရမှာမို့ အများကြီးမပြောတော့ဘူးနော်။ ခရစ်စမတ်မှာ ချစ်ရတဲ့ မိသားစုတွေ သူငယ်ချင်း တွေနဲ့ ပျော်ပျော်ရွှင်ရွှင် ဖြတ်သန်းနိုင်ကြပါစေ...... (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Parris ပဲဖြစ်ပါတယ်။) Quality – 720p WebRip Duration - 1h 42min Subtitle – Myanmar Hardsub Format – Mp4 Genre : Comedy, Romance Source : 1080p.WebRip Translator – Parris Encoder – SWM

Green Dragon (2001) =============== IMDb Rating – 6.1/10 ဒရာမာကားကောင်းလေးတွေကို သဘောကျသူတွေအတွက် 2001ခုနှစ်က ထွက်ရှိခဲ့တဲ့ Green Dragon ဆိုတဲ့ကားလေးကို တင်ပေးလိုက်ပါတယ်။ ဇာတ်လမ်းကတော့ ဗီယက်နမ်ပြည်တွင်းစစ်အပြီး စစ်ဘေးဒုက္ခ သည်များ အမေရိကန်က ဒုက္ခသည်စခန်းတွေမှာ နေထိုင်ကြပုံကို ရိုက်ကူးထားတဲ့ သမိုင်းမှတ်တမ်းတင် ဇာတ်လမ်းမျိုးဖြစ်ပါတယ်။ ပြည်တွင်းစစ်ဆိုပေမယ့်လည်း အမေရိကန်၊ ရုရှား၊ တရုတ် စတဲ့ နိုင်ငံကြီးတွေပါ ပါဝင်လာခဲ့ပြီး ကွန်မြူနစ်နဲ့ ဒီမိုကရေစီအင်အားစုတို့ အားပြိုင်မှုဖြစ်ပါတယ်။ ဒါပေမယ့် ဒီဇာတ်ကားကတော့ စစ်ပွဲအကြောင်းကို အဓိကထားရိုက်ထားတာမဟုတ်ပါဘူး။ အဓိကကတော့ စစ်ပွဲတစ်ခု ဖြစ်ရင် ခံရသူကတော့ ပြည်သူတွေပါပဲ။ စစ်ပွဲကြောင့်နေထိုင်ရမလုံခြုံလို့ တစ်ခြားနိုင်ငံမှာ ဝင်ရောက်ခိုလှုံရတဲ့ ဒုက္ခသည် ပြည်သူတွေအကြောင်းကို ရိုက်ကူးထားတာပါ။ သမိုင်းမှတ်တမ်းတင် ကားဆိုပေမယ့်လည်း ပျင်းစရာကောင်းတာမျိုးမရှိဘဲ ပျော်စရာ လွမ်းစရာ အစုံနဲ့ ရသစုံပါတာမို့ ကြည့်ကောင်းတဲ့ ဇာတ်ကားလေးဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Zaw Myo Thu ဖြစ်ပါတယ်) File Size……….(1.5 GB) / (450 MB) / (250 MB) Quality…………WEB-DL 1080p / 720p / 480p Duration………1Hr 55mins Subtitle………..Myanmar Hardsub Format…………MP4 Genre…………..Drama Translator…….Zaw Myo Thu Encoder……….SWM

The Deer Hunter (1978) =================== စစ်ပွဲတစ်ခုဆိုတာ လူတွေကို ဘာများ ပြောင်းလဲသွားစေနိုင်သလဲ….။ လူတွေရဲ့ နေ့စဉ် နိစ္စဓူဝတွေအပေါ် ဘာတွေသက်ရောက်မှုရှိသွားနိုင်သလဲ….။ ပင်ဆဲဗေးနီးယားက မြို့ငယ်လေးတစ်မြို့မှာ သူငယ်ချင်းတွေ အုပ်စုလိုက်ရှိကြတယ် ၊ စက်ရုံမှာ အလုပ်အတူတူလုပ်တယ်၊ အမဲလိုက်တူတူထွက်ကြတယ်၊ အရက်ဆိုင်လေးမှာ ပျော်ပျော်ပါး တူတူသောက်ကြတယ်။ သူငယ်ချင်း မင်္ဂလာပွဲမှာ စိတ်လွတ်ကိုယ်လွတ် လူငယ်သဘာဝ ပျော်ရွှင်ကြမယ် ဗီယက်နမ် စစ်ပြန်တွေကို အားကျတယ်။ ဒီလိုနဲ့ အဖွဲ့ထဲက လူငယ်လေး ၃ ယောက်ဟာ တိုင်းပြည်ကို စစ်မှုထမ်းပေးချင်တာကြောင့် ဗီယက်နမ်ကို စစ်လိုက်ခဲ့ပါတော့တယ်။ ဒီမှာ သူတို့ထင်ထားသလိုမဟုတ်ပဲ ဗီယက်နမ်နိုင်ငံက သူတို့ကို ရက်စက်စွာနဲ့ ကြိုဆိုခဲ့ပါတော့တယ်၊ သေအံ့နီးနီး အဖြစ်အပျက်တွေကနေ မနည်းအသက် လွတ်အောင် ရုန်းကန်ခဲ့ရပြီး တကွဲတပြားနဲ့ ပြန်ရောက်လာခဲ့ပါတယ်။ ဒီမှာပဲ ဘဝတွေဟာ ပြောင်းလဲလာပါတော့တယ် ကိုယ့်မြို့လေးကို ပြန်လာနိုင်ခဲ့တယ် ဆိုပေမယ့် ဒီစစ်ကြီးရဲ့ ဆိုးရွားတဲ့အမှတ်တရဟာ နေ့စဉ်နှိပ်စက်လာပါတော့တယ်။ သွားခဲ့တဲ့ သူငယ်ချင်း ၃ ယောက်ဟာ တစ်ယောက်တစ်မျိုးစီ ဘယ်လိုတွေ ဖြစ်ပျက်ခဲ့သလဲ၊ ပြန်ပြီး အံဝင်ခွင်ကျဖြစ်အောင် ဘယ်လိုကြိုးစားနေထိုင် ကြမလဲ၊ ကိုယ့်မြို့ကိုပြန်ရောက်တဲ့လူရော ရှိလား မရှိရင် ဘာတွေဖြစ်နေမလဲ၊ ဒီလောက်ထိ ဆိုးဝါးတဲ့ အတွေ့အကြုံဟာ ဘာတွေများဖြစ်နေလို့လဲ စသဖြင့် ရင်သပ်ရှုမောဖွယ်ရာကို ၃ နာရီစာ အားပါးတရ မင်းသားကြီးကောင်းကောင်း တွေနဲ့ ကြည့်ရှုရမှာပဲ ဖြစ်ပါတယ်။ အမေရိကန်အတွက် ဒီဗီယက်နမ်စစ်ကြီးဟာ ကောင်းကျိုးမရပဲ ရှုံးနိမ့်ခဲ့တဲ့ တစ်ခုတည်းသောစစ်ပွဲဖြစ်ပြီး ဘာတွေကြောင့်များ ဒီလိုဖြစ်ရသလဲဆိုတာ တစ်ပိုင်းတစ်စတွေ့မြင်ရမှာလည်း ဖြစ်ပါတယ်။ မင်းသားကြီး Robert De Niro ကတော့ ဒီထဲမှာ နုပျိုငယ်ရွယ်တုန်းဖြစ်ပြီး သူ့ရဲ့ အားပါလှတဲ့ သရုပ်ဆောင်ကောင်းမှုတွေကြောင့် ဇာတ်လမ်းကို စီးမျောနိုင်ဦးမှာပဲဖြစ်ပါတယ်….။ File size…2.97GB / 1.06GB Quality…WEB-DL 1080p5.1CH/ 720p Format…mp4 Duration….3h 3m Genre ….. Drama , War Subtitle….Myanmar Subtitle (Hard Sub) Encoder….Min Wai Translated by Thura Aung

လွန်ခဲ့သော ၁၇ နှစ်က Moving (သို့မဟုတ်) Heroes 2006 Season 1 2 3 4 complete အခုလက်ရှိ လူကြိုက်များနေတဲ့ Moving စီးရီးက အတော်ကောင်းပါတယ်။ အက်မင်လည်းကြည့်ပါတယ်။ Moving ကိုကြည့်ကြည့်မိချင်းမှာ ပြေးသတိရသွားတာကတော့ ၂၀၀၆ လောက်က အခွေနဲ့ စောင့်ကြည့်ခဲ့ရတဲ့ ဒီစီးရီးပါပဲ။ Moving လိုစီးရီးမျိုးကိုကြိုက်လို့ ခပ်ဆင်ဆင်ကြည့်ချင်တဲ့သူတွေ၊ စူပါပါဝါစီးရီးမျိုးကိုမှ English taste နဲ့ ကြည့်ချင်တဲ့သူတွေအတွက် ညွှန်းပေးရင်း ပြန်တင်ပေးထားတာပါ။ ဒီစီးရီးက အခွေခေတ်ကဆိုတော့ စီစန် -၁ ကတော့ Dvd 360p ပဲရှိပေမဲ့ ကျန်တဲ့စီစန်တွေကိုတော့ အကြည်တင်ပေးထားပါတယ်။ ဒီစီးရီးဟာ စူပါဟီးရိုးကြိုက်သူတွေအတွက်တော့ ရွှေပါပဲ။ လူတိုင်းတစ်ယောက်ချင်းစီမှာ ထူးဆန်းတဲ့အစွမ်းတွေ ပိုင်ကြပါတယ်။ မိုးပေါ်ပျံနိုင်တာ၊ ဒဏ်ရာပြန်ကောင်းတာ၊ အချိန်ကိုထိန်းချုပ်နိုင်တာ စသဖြင့် အစွမ်းအစုံပါပါတယ်။ ဒီစီးရီးရဲ့ ကောင်းတဲ့အချက်ကတော့ ဇာတ်ကောင်အဆက်အစပ်ပါပဲ။ ဇာတ်ကောင်တွေဟာ တစ်နေရာစီ မဆိုင်သလိုဖြစ်နေပေမဲ့ တစ်ချိန်မှာ တွေ့ကြ ပေါင်းစပ်မိကြပြီး စွမ်းအားတွေကလည်း တစ်ယောက်နဲ့တစ်ယောက်ပေါင်းမှ အောင်မြင်မှာတွေ ဖြစ်လာပါတယ်။ ပေါင်းစပ်ပုံတွေကတော့ moving ထက် အတော်လေးကို ပိုရှုပ်ထွေးပြီး ဇာတ်အိမ်ပိုခိုင်ပါတယ်။ အပိုင်းပိုများလို့လည်း ဖြစ်မှာပါ။ နောက်ပြီး မိသားစုဒရာမာ၊ ညီအစ်ကိုဒရာမာတွေက အတော်ကောင်းပါတယ်။ ကိုရီးယားစတိုင်တော့မဟုတ်ဘဲ အမေရိကန်စတိုင် ဒရာမာပါပဲ။ နောက်ပြီး ရန်သူမိတ်ဆွေပုံသေမရှိဘဲ အခြေအနေရ တွဲကြ ခွဲကြတာတွေနဲ့ နောက်ကွယ်က ပဟေဠိဆန်ဆန်အဖွဲ့တွေနဲ့မို့ မထတမ်းကြည့်ချင်စရာတောင် ကောင်းပါတယ်။ မကြည့်ဖူးသေးရင် မြည်းကြည့်လိုက်ကြပါဦး။ Thit San Khant =========== Season-2 Season-3 Season-4

2024 ရဲ့နှစ်ဦးပိုင်းမှာ Netflix ကနေ Streaming လုပ်ထားတဲ့ Sci-fi/ Drama/ Thriller ဇာတ်ကားကောင်းလေးတစ်ကားနဲ့မိတ်ဆက်ပေးချင်ပါတယ် Sci-fi နဲ့ Animation Director တစ်ယောက်ဖြစ်တဲ့ Kibwe Tavares နဲ့ Co-Director အဖြစ် Black Panther တို့ Spider Man:Across the Spider-Verse တို့တွေထဲမှာ ပါဝင်သရုပ်ဆောင်ထားတဲ့ Oscar ဆုရသရုပ်ဆောင် Daniel Kaluuya တို့ပူးပေါင်းဖန်တီးထားပြီး England Film Actor/Producer/ Director တစ်ယောက်ဖြစ်တဲ့ Kano(IV) နဲ့ ကလေးသရုပ်ဆောင် Jedaiah Bannerman တို့အဓိကပါဝင်သရုပ်ဆောင်ထားတဲ့ ဇာတ်ကားလေးတစ်ကားပါ ဇာတ်အိမ်လေးကတော့ မိမိတို့ရဲ့လက်ရှိနေရာကနေဘယ်လိုမှမခွာနိုင်တဲ့ Kitchen လို့အမည်ပေးထားတဲ့ လူနေရပ်ကွက်တစ်ခုမှာ ကျွန်တော်တို့လူသားသမိုင်းရဲ့ မလွှဲမရှောင်သာဖြစ်လာတော့မယ့် လူတန်းစားခွဲခြားတာ၊ ရက်စက်ကြမ်းကြုတ်တာ၊ နိုင်ထက်စီးနင်းလုပ်တာ နဲ့ လူ့အခွင့်အရေးချိုးဖောက်ခံရပြီး လူသားချင်းသာတူညီမျှမှုမရှိတော့ဘဲ လူတန်းစားကွာခြားမှုပိုပိုများလာပြီး အဖိနှိပ်ခံနဲ့ အသာစံ လူတန်းစားနှစ်ရပ်ကြားက ကျောတစ်ခင်းစာနဲ့ စားစရာအတွက် စိတ်မချမ်းသာစရာ ပဋိပက္ခတွေကြားက London မြို့ကြီးရဲ့ မဝေးတော့တဲ့အနာဂတ်တစ်ခုရဲ့ လူ့အဖွဲ့အစည်းကြီးအကြောင်းကို ရိုက်ကူးထားတာပါ သေပြီးသွားတဲ့နောက် မြေချစရာနေရာအတွက်တောင် မတတ်နိုင်တဲ့လူတန်းစားတစ်ရပ်အတွက် Life After Life ဆိုတဲ့ Company Service တစ်ခုကနေ သေပြီးသွားတဲ့လူတွေကို ပြာချပြီး သစ်ပင်တစ်ပင်အဖြစ်ပြောင်းလဲပြီး ဘယ်နေရာမှန်းမသိတဲ့နေရာတွေမှာ သဘာဝပတ်ဝန်းကျင်အတွက်အကြောင်းပြပြီး ပြောင်းရွှေ့စိုက်ပျိုးခြင်းခံရတယ် Kitchen မှာနေထိုင်တဲ့ အိဇီ ဆိုတဲ့တစ်ကောင်ကြွက်တစ်ယောက်ဟာ အဲဒီ service မှာအလုပ်လုပ် ငွေစုပြီး Kitchen ဆိုတဲ့ ချီးတွင်းထဲကနေရုန်းထွက်ပြီး လူလတ်တန်းစားဘဝတစ်ခုမှာ နေစရာတိုက်ခန်းတစ်ခုရဖို့အတွက်ကို အသည်းအသန်ကြိုးစားနေရတဲ့လူတစ်ယောက်ပေါ့ တနေ့တော့ မမျှော်လင့်ထားဘဲနဲ့ သူတို့ service မှာ အသုဘလာလုပ်တဲ့ သေဆုံးသူအမျိုးသမီးရဲ့ ဘင်ဂျီ ဆိုတဲ့ကျန်ရစ်သူ တစ်ကောင်ကြွက်သားတစ်ယောက်အဖြစ်နဲ့တွေ့ဆုံပြီး သူဘဝရဲ့ ကြိုးစားမှုအလှည့်အပြောင်းတွေနဲ့ အဖိနှိပ်ခံ Kitchen သားတွေရဲ့ အုံကြွမှုတွေကြားမှာ ဘဝကို ဘယ်လိုရုန်းကန်ကြမလဲဆိုတာကိုတော့……. ဒီဇာတ်ကားကိုအညွှန်းရေးပြီး ဘာသာပြန်ပေးထားတာကတော့ Leo ဖြစ်ပါတယ် File size…(1.9 GB)/(996 MB) Quality….Webrip 1080p / 720p Format…mp4 Duration….01:48:00 Genre…Science Fiction, Thriller, Action, Adventure Subtitle….Myanmar Subtitle (Hardsub) Encoder….Mr. Anderson Translated by Leo

You Get Me (2017) ဒီကားလေးကတော့ မင်းသမီးချောလေး”ဘယ်လာသွန်း”က အဓိကဇာတ်ကောင် “ဟိုလီ” အဖြစ်ပါဝင်ထားတဲ့ Crime Mystery ရုပ်ရှင်ကားကောင်းလေးတစ်ကားပဲဖြစ်ပါတယ်။ “ဟိုလီ” ဟာ ဒီမြို့မှာ သူ့မိထွေးနဲ့အတူအခြေချခါစ ကောင်မလေးတစ်ယောက်ဖြစ်တယ်။ တစ်နေ့ “ဟိုလီ”ပါတီတက်ရင်း “တိုင်လာ”ဆိုတဲ့ကောင်လေးနဲ့တွေ့ပြီး တစ်ညနဲ့ နောက်နေ့တစ်ဝက်တာအချိန်ကို ပျော်ပျော်ပါးပါး အတူကုန်ဆုံးခဲ့ကြတယ်။ “ဟိုလီ”အတွက် သူတို့အတူကုန်ဆုံးခဲ့တဲ့အချိန်ဟာထူးခြားပေမဲ့လို့ “တိုင်လာ”အတွက်တော့ ပျော်ခဲ့ရတဲ့သာမန်အချိန်တွေပဲဖြစ်ခဲ့ဟန်တူပါတယ်။ “တိုင်လာ”ဟာ ပါတီမှာတုန်းက သူ့ကောင်မလေး”အယ်လီ”နဲ့ ကတောက်ကဆတ်ဖြစ်ခဲ့တာကြောင့် သူတို့ ၂ဦးကိစ္စပြတ်သွားပြီလို့ထင်နေခဲ့ပေမဲ့ ကောင်မလေးရဲ့ ဖြေရှင်းချက်တွေကို နားထောင်အပြီးမှာတော့ သူတို့ချစ်သူ၂ဦး ပြန်လည်ပေါင်းထုပ်သွားခဲ့ကြတယ်။ ဒီလိုနဲ့ ကျောင်းဖွင့်ချိန်ရောက်လာတဲ့အခါမှာ အသစ်ရောက်လာတဲ့ကျောင်းသူဟာ အခြားသူမဟုတ်၊ “တိုင်လာ”နဲ့ နီးစပ်ဖို့ ကြိုးစားနေတဲ့ “ဟိုလီ”ပဲဖြစ်ပါတယ်။ တဖြည်းဖြည်း “ဟိုလီ”တစ်ယောက် သူတို့သူငယ်ချင်းအုပ်စုထဲကို ဝင်ရောက်လာပြီး “အယ်လီ”နဲ့ လက်ပွန်းတတီး ခင်မင်လာခဲ့တယ်။ “တိုင်လာ”ကတော့ “အယ်လီ”နောက်ကွယ်မှာ မှားမိထားတာကို ထုတ်မပြောနိုင်ဖြစ်နေခဲ့တယ်။ အလန်းဇယားလေး”ဟိုလီ”က Social Media မသုံးတာဟာ “အယ်လီ့”သူငယ်ချင်းအတွက် အထူးအဆန်းဖြစ်နေခဲ့တယ်။ တစ်နေ့တော့ အဲဒီသူငယ်ချင်းဟာ ကျောင်းမှာ ရုတ်တရက်ကြီး သူနဲ့မတည့်တာကိုသောက်မိပြီး တက်ကာ သတိလစ်သွားခဲ့တယ်။ “ဟိုလီ”ဟာ “တိုင်လာ”နဲ့နီးစပ်ဖို့ကို နည်းမျိုးစုံသုံး ကြိုးစားနေပြီး သူလိုချင်ရဖို့အတွက် ဘေးလူထိခိုက်တာကိုလည်း မမှုတဲ့သူဖြစ်လာပါတော့တယ်။ တစ်နေ့မှာတော့ “တိုင်လာ”တစ်ယောက် “ဟိုလီ့”နာမည်အပြည့်အစုံကိုသိလိုက်ရပြီး အွန်လိုင်းမှာရှာကြည့်တဲ့အခါမှာတော့ “ဟိုလီ”ဟာ အန္တရာယ်ရှိတဲ့ပြဿနာအိုးတစ်ယောက်ဖြစ်နေတာကို သိလိုက်ရပါတော့တယ်။ ဒီအချိန်မှာတော့ “တိုင်လာ”ဟာ အသိနောက်ကျသွားပြီလား… “ဟိုလီ”တစ်‌ယောက် ဘယ်လောက်အထိ လက်လွန်ကြက်သွန်လိုက်ပြီလဲ… ဆိုတာ‌ကိုတော့ စိတ်ဝင်စားဖွယ်ကြည့်ရှုရမှာပဲဖြစ်ပါတယ်။ (ဒီဇာတ်ကားနဲ့အညွှန်းကို Jina မှ ပြန်ဆို ရေးသားထားပါတယ်) Size – 1.75GB, 710MB Quality – 1080p, 720p Format – mp4 Duration – 1H 29Min Genre – Crime, Drama, Mystery Subtitle – Myanmar Subtitle (Hardsub) Translated by Jina Encoded by Y

အကြမ်းဖက်ဝါဒ (terrorism) တစ်ကမ္ဘာလုံးက အစိုးရတွေရော၊ သာမန်လက်နက်မဲ့ပြည်သူတွေကိုပါ အနုနည်း၊ အကြမ်းနည်းနဲ့ ဒုက္ခပေးနေတဲ့ အကြမ်းဖက်ဝါဒနဲ့ အကြမ်းဖက်သမားတွေအကြောင်းကို နိုင်ငံတကာက ဇာတ်လမ်းအမျိုးမျိုး၊ ဝတ္တုအမျိုးမျိုးနဲ့ မရိုးနိုင်အောင်ရိုက်ကူးရေးသား ဖော်ပြခဲ့ကြ၊ ဖော်ပြနေကြဆဲပါ။ အခုတင်ဆက်မယ့်ဇာတ်ကားလေးကလည်း အဲ့ထဲကတစ်ခုအပါအဝင်ဖြစ်ပါတယ်။ အကြမ်းဖက်သမားတွေရဲ့ အကျင့်အတိုင်း ဘာသာရေး၊ နိုင်ငံရေး၊ လူမျိုးစုကောင်းစားရေး စတဲ့မြင့်မြတ်သန့်စင်တဲ့အကြောင်းအရာတွေကို မစားရဝခမန်းပြောပြီး သူတို့လိုချင်တဲ့အရာကို သူရဲဘောနည်းစွာသူတို့ကိုယ်တိုင်မလုပ်ဘဲ အသိဉာဏ်နည်းပါးတဲ့ အူကြောင်ကြားတွေ၊ ဂေါက်သီးတွေ၊ စိတ်မူမမှန်သူတွေ၊ အစွန်းရောက်တွေကို ချကျွေးပြီး ယုတ်မာတာဟာ အကြမ်းဖက်ဝါဒပါပဲ။ ဒီဇာတ်ကားထဲမှာလည်း ဘာသာရေးအကြောင်းပြပြီး လူငယ်သုံးယောက်ကို လေဆိပ်မှာ အသေခံဗုံးခွဲခိုင်းပါတယ်။ နှစ်ယောက်က အောင်မြင်စွာခွဲနိုင်ခဲ့ပေမယ့် တစ်ယောက်ကတော့ မအောင်မြင်ဘဲ လေဆိပ်ကနေ တက္ကစီသမားတစ်ယောက်ကိုတားစီးပြီး ကိုယ်လွတ်ရုန်းထွက်ပြေးတာနဲ့ ဇာတ်လမ်းစဖွင့်ပါတယ်။ ဒဏ်ရာရသူထင်ပြီး ဆေးရုံပို့ပေးဖို့ စေတနာနဲ့တင်ခေါ်ခဲ့တဲ့ တက္ကစီသမားခမျာ သူ့နားထင်ကိုသေနတ်နဲ့အထောက်ခံပြီး ပြန်ပေးဆွဲခံရမှ အဖြစ်မှန်သိလိုက်ရပါတော့တယ်။ အဲ့ကတဆင့် တက္ကစီသမားနဲ့ မအောင်မြင်ခဲ့တဲ့အကြမ်းဖက်သမား ဘယ်လိုနှစ်ပါးသွားကြမလဲ၊ ရဲတပ်ဖွဲ့နဲ့ သက်ဆိုင်ရာတာဝန်ရှိသူတွေကရော ဗုံးခွဲတရားခံတွေနဲ့ တက္ကစီသမားကိုဓားစာခံလုပ်ထားတဲ့ အကြမ်းဖက်သမားကို ဘယ်လိုဖြေရှင်းမလဲဆိုတာ ရင်တမမနဲ့ ကြည့်ရှူကြရမှာပါ။ Rating အများကြီးရမထားပေမယ့် ကျွန်တော့်အနေနဲ့ကတော့ ဇာတ်လမ်းအစမှအဆုံးထိ ဇာတ်အိမ်ခိုင်ခိုင်နဲ့ တောက်လျှောက်မလွတ်တမ်း ကြည့်ဖြစ်အောင် ဆွဲခေါ်သွားနိုင်တဲ့ ဇာတ်လမ်း၊ အခက်အခဲကြုံရချိန်မှာ ရှိလာတတ်တဲ့ မိသားစုသံယောဇဥ်စိတ်ကိုဖော်ကျူးနိုင်တဲ့ ဇာတ်လမ်းအဖြစ် အသိအမှတ်ပြုမိပါတယ်။ ဥရောပရုပ်ရှင်ဇာတ်ကားတွေထဲကမှ စပိန်ဇာတ်ကားတွေရဲ့ ထုံးစံအတိုင်း dialouge နည်းနည်း၊ idea များများ ပုံစံမျိုးနဲ့ လေးနက်တဲ့ရသတစ်မျိုး ခံစားမိမှာပါ။ စပိန်ဒါရိုက်တာ Daniel Calparsoro ကရိုက်ကူးပေးထားပြီး Luis Tosar၊ Inma Cuesta၊ Nourdin Batan၊ Patricia Vico၊ Lucas Nabor၊ Antonio Buil စတဲ့စပိန်သရုပ်ဆောင်များ ပါဝင်သရုပ်ဆောင်ထားပါတယ်။ IMDb rating 5.7 ရရှိထားပါတယ်။ File size…(1.7 GB)/(960 Mb) Quality….Blu-Ray 1080p / 720p Format…mp4 Duration….01:45:00 Genre…Action, Adventure, Drama Subtitle….Myanmar Subtitle (Hardsub) Encoder….Garfield Translated by Ninja

ဒီဇာတ်လမ်းလေးကတော့ ၂၀၂၂ ခုနှစ်က ထွက်ရှိခဲ့တဲ့ ချက်ဇ်နိုင်ငံကရိုက်ထားတဲ့ ဒရာမာဇာတ်လမ်းတစ်ပုဒ်ပါ။ ဒီဇာတ်လမ်းမှာတော့ အသက် ၇၅ နှစ်အရွယ် စာရေးဆရာကြီးတစ်ယောက်ဟာ သူ့ဘဝရဲ့နေဝင်ချိန်ကို ရောက်လုနီးပါးရှိနေပြီလို့ထင်ပြီး သူ့ရဲ့ခေါင်းထဲမှာရှိနေတဲ့ မပြီးပြတ်သေးတဲ့ ဇာတ်လမ်းသုံးပုဒ်ကို လက်စသတ်ဖို့လုပ်ပါတယ်။ ဒီဇာတ်လမ်းတွေထဲက ဇာတ်ကောင်တွေကလည်း အပြင်လက်တွေ့ဘဝမှာပေါ်လာပြီး သူတို့ရဲ့ဇာတ်လမ်းတွေကို အဆုံးသတ်ပေးဖို့ စာရေးဆရာကြီးကို တောင်းဆိုကြပါတယ်။ ပထမဇာတ်လမ်းထဲက စာရေးဆရာ မာတက်ဂ်ျကတော့ ချောမောလှပပြီး ချဉ်းကပ်လို့မရနိုင်လောက်အောင် မာနကြီးတဲ့ကောင်မလေးတစ်ယောက်ကိုရနိုင်ဖို့အတွက် သူ့ဇာတ်လမ်းကို ဖန်တီးပေးဖို့ စာရေးဆရာကြီးဆီမှာ အပူလာကပ်တဲ့အကေကြာင်းဖြစ်ပြီး နောက်ထပ်ဇာတ်လမ်းတစ်ပုဒ်ကတော့ ဆေးကုဆရာတစ်ယောက်ဖြစ်ချင်တဲ့ ကားပြင်ဆရာတစ်ယောက်အကြောင်းပါ။ နောက်‌ဆုံးဇာတ်လမ်းကတော့ autism ဖြစ်နေတဲ့သားအတွက် ပုံမှန်ဘဝရနိုင်ဖို့ ဆန်းကြယ်မှုတစ်ခုကို လိုအပ်နေတဲ့ဖခင်တစ်ယောက်ရဲ့အ‌ဖြစ်‌ပေါ့။ စာရေးဆရာကြီးက ဒီဇာတ်လမ်းသုံးပုဒ်ကို အပြီးသတ်ဖို့လုံးပန်းနေချိန်မှာ တစ်ဖက်မှာလည်း စာရေးတာကိုရပ်ပြီး နောက်ဆုံးအချိန်မှာ သူ့ကိုဂရုစိုက်ပေးစေချင်တဲ့ ဇနီးကရှိနေပြန်ပါရော။ ဒီလိုနဲ့ စာရေးဆရာကြီးတစ်ယောက် ဒီဇာတ်လမ်းတွေနဲ့ ဇနီးသည်အကြား နှစ်ပါးသွားကြပုံကို ဟာသဆန်ဆန် ရိုက်ကူးထားတဲ့ ဇာတ်လမ်းတစ်ပုဒ်ပါပဲ စိတ်ကူးယဉ်ဇာတ်ကောင်တွေရဲ့ အချစ်၊ အိမ်ထောင်ရေးဘဝ၊ ယုံကြည်ချက်တွေနဲ့ ဆန်းကြယ်မှု‌တွေအကြောင်း ပေါ့ပေါ့ပါးပါးကြည့်ရှုရမယ့် ဇာတ်လမ်းတစ်ပုဒ်ဖြစ်ပါတယ်။ File size…(1.8 GB)/(1 GB) Quality….Webrip 1080p / 720p Format…mp4 Duration….01:39:00 Genre…Comedy Subtitle….Myanmar Subtitle (Hardsub) Encoder….Mr. Anderson Translated by Su Eaindra

ယခုအခါတင်ဆက်ပေးလိုက်တာကတော့ ၂၀၀၇ ခုနှစ်ထွက် အချစ်ဟာသဇာတ်လမ်းလေးပဲဖြစ်ပါတယ်။ ဇာတ်လမ်းလေးကပေါ့ပေါ့ပါးပါးနဲ့ စိတ်ကိုလွတ်လပ်ပေါ့ပါးစေမဲ့ကားလေပါ။ဆု‌တွေလည်းရရှိထားပါတယ်။ ဇာတ်လမ်းရဲ့အဓိကဇာတ်ဆောင်တွေကတော့ Dane Cook၊ Dan Foglerနဲ့ မင်းသမီးကတော့ Fantastic four ဇာတ်ကားထဲကမင်းသမီး Jessica Alba ကသရုပ်ဆောင်ထားပါတယ်။ ဇာတ်လမ်းကတော့ဆန်းဆန်းလေးနဲ့ရီရပါတယ်။ သွားဆရာဝန် ဒေါက်တာချာလီလိုဂန်ဟာ ငယ်စဉ်ကလေးဘဝတုန်းက ဆော့ကစားရင်နဲ့ ကလေးတစ်‌ယောက်ရဲ့ကျိန်စာအတိုက်ခံခဲ့ရပါတယ်။ သူနဲ့တွဲတဲ့မိန်းကလေးတိုင်း နောက်ကောင်တစ်ယောက်ဆီပါသွားစေရမယ်ဆိုပြီး ကျိန်စာတိုက်ခံလိုက်ရတာပါ။ အသက်ကြီးလာတော့ ရည်စားအများကြီးတွဲခဲ့ဖူးပေမဲ့လည်း အချစ်စစ်ကိုမခံစားဖူးခဲ့ပါဘူး။ သူဟာသူရည်းစားဟောင်းရဲ့မင်္ဂလာဆောင်ကိုသွားရင်းနဲ့ အမျိုးသမီးတွေကြားနာမည်ကျော်ကြားသွားပါတယ်။ သတို့သမီးကချာလီနဲ့ပြတ်ပြီးတော့မှ သူ့ရဲ့အချစ်စစ်ကိုတွေ့ရှိခဲ့ကြောင်းပြောလိုက်တဲ့အတွက် ချာလီကိုလာဘ်ကောင်လေး‌ဆိုပြီးအမျိုးသမီးတွေကထင်မှတ်လာကြပါတယ်။ ဒီတော့အမျိုးသမီးတွေကချာလီနဲ့အတူအိပ်ခွင့်ရဖို့ကြိုးစားလာကြပါတယ်။ ချာလီကတော့ ဒီကိစ္စကိုအယုံအကြည်မရှိပေမဲ့လည်း သူ့သူငယ်ချင်း ‌ဒေါက်တာစတူရဲ့မြှောက်ပင့်ပြောဆိုမှုကြောင့် မိန်းကလေးတွေကိုပါရမီဖြည့်ပေးတဲ့အနေနဲ့ သူတို့နဲ့အတူအိပ်ပေးခဲ့ပါတယ်။ (အတော်ကံကောင်းတဲ့လူပါ) ကြာလာတဲ့အခါချာလီဟာဒီကိစ္စကိုစိတ်ကုန်လာပါတယ်။ အချစ်မပါတဲ့လိင်ဆက်ဆံရေးလည်းဖြစ်၊ဒီမိန်းကလေးတွေကလည်းသူနဲ့အတူဆက်ဆံနေချိန်မှာတောင် သူ့အပေါ်စိတ်မရောက်နေပဲ အချစ်စစ်ဖြစ်လာမဲ့ နောက်ကောင်တစ်ယောက်အကြောင်းတွေးနေကြလို့ပါ။ ချာလီဟာဒီလိုလာဘ်ကောင်ကိစ္စဖြစ်ပြီးတဲ့နောက်မှာ သူဟာအမျိုးသမီး‌တွေရဲ့အသုံးချခံပဲဖြစ်နေတယ်လို့ထင်မှတ်လာပြီး အချစ်စစ်ကိုလိုချင်လာပါတော့တယ်။ သူကသူရဲ့လက်တွဲဖော်ဟာ မင်္ဂလာဆောင်မှာတွေ့ခဲ့တဲ့ ပင်ဂွင်းစောင့်ရှောက်ရေးမှာအလုပ်လုပ်တဲ့ ကမ်ဝက်ဇ်လာလို့ထင်မှတ်ပါတယ်။ကမ်ဝက်ဇ်လာကတော့ချာလီရဲ့လာဘ်ကောင်ကိစ္စကြောင့်ချာလီကိုမတွဲချင်ခဲ့ပါဘူး။ ဒါပေမဲ့ ချာလီရဲ့ကြိုးစားမှုကြောင့်ကမ်ဝက်ဇ်လာကချိန်းတွေ့ကြဖို့သဘောတူလိုက်ပါတယ်။ အဲ့ဒီမှာပြဿနာစတာပါပဲ။ ချာလီဟာကမ်နဲ့အတူအိပ်လို့မရပါဘူး။ အိပ်လိုက်တာနဲ့နောက်ကောင်တစ်ယောက်ဆီကိုပါသွားမှာပါ။ ဒီတော့ချာလီနဲ့ကမ်တို့နှစ်ယောက် ဘယ်လိုဆက်ဖြစ်မလဲ…ပေါင်းဆက်ဖြစ်မလားဆိုတာကိုဆက်လက်ခံစားကြပါခင်ဗျာ။ ဒီဇာတ်လမ်းလေးကမထင်မှတ်ထားတဲ့အချိန်မှာ မထင်မှတ်ထားတဲ့ဟာသပြကွက်လေးတွေနဲ့ဆို‌တော့ကြည့်ပျော်ပါတယ်။ မင်းသမီးရဲ့နမော်နမဲ့နိုင်ပုံလေး‌တွေကလည်းချစ်ဖို့ကောင်းပါတယ်။ တစ်ခုရှိတာက 18 + ဇာတ်ဝင်ခန်းများ၊အသုံးအနှုန်းများပါဝင်တဲ့အတွက် ကလေးငယ်များကြည့်ရှုရန်မသင့်တော်ပါဘူးခင်ဗျာ။ File size…(2.1 GB)/(1.2 GB) Quality….Webrip 1080p / 720p Format…mp4 Duration….01:41:00 Genre…Comedy, Romance Subtitle….Myanmar Subtitle (Hardsub) Encoder….Mr. Anderson Translated by AKM

အကယ်ဒမီဆုရှင် ဝါရင့်မင်းသား Sean Penn နဲ့ X-Men မင်းသား Tye Sheridan တို့နှစ်ယောက် အဓိကပါဝင်ထားတဲ့ နယူးယောက်မြို့က ကြက်ခြေနီတွေအကြောင်း ရိုက်ကူးထားတဲ့ ကားလေးဖြစ်ပါတယ် နယူးယောက်မြို့ ညချမ်းကာလတွေမှာ လှပတဲ့နေရာတွေ အစုံအလင်ရှိသလို တဖက်မှာလည်း သေနတ်ပစ်သံတွေ၊ ရုန်းရင်းဆန်ခတ်ဖြစ်မှု၊ အက်ဆီးဒင့်တွေနဲ့လည်း ဟန်ချက်ညီစွာ ပျားပန်းခတ်လို့နေပါတယ် Rut (Sean Penn) က စီနီယာ ကြက်ခြေနီဖြစ်ပြီး ခရော့စ် ကတော့ ဆေးကျောင်းဝင်ခွင့်စာမေးပွဲအတွက် တဖက်ကကြိုးစားရင်း အခုမှ ကြက်ခြေနီအလုပ်ကို စဝင်လာသူပါ သူတို့အလုပ်မှာ လူ့အသက်နဲ့ရင်းပြီး လုပ်ရတဲ့အပြင် ဖိအားဒဏ်တွေ၊ ဘယ်လောက်စေတနာထားထား အဆဲအဆိုချည်း ခံရပုံတွေ၊ အခက်အခဲတွေအပြင် ကျဥ်းထဲကျပ်ထဲမှာ ရွေးချယ်မှုတွေ ပြုလုပ်ရတာမို့… သူတို့ ဆေးဝန်ထမ်းတွေကိုယ်တိုင်လည်း ကိုယ်ရေးကိုယ်တာ စိတ်ခံစားချက် ထွေပြားမှုတွေ၊ စိတ်သံသယ၊ ယုံကြည်မှုပျောက်ဆုံးဖြင်း၊ မျှော်လင့်ချက်မဲ့ခြင်းတို့ပါ မျက်ဝါးထင်ထင်မြင်ရအောင် တင်ဆက်ထားပြီး သူတို့ရဲ့ ပရဟိတ စိတ်ဓာတ်၊ လူသားဆန်ခြင်းတို့ကို ပရိသတ်ကြီး ခံစားရမှာပါ File size…(2.2 GB)/(1.2 GB) Quality….Webrip 1080p / 720p Format…mp4 Duration….02:05:00 Genre…Drama, Thriller Subtitle….Myanmar Subtitle (Hardsub) Encoder….Garfield Translated by Sike Tan

Too Much Love (2023) Netflix ကနေထုတ်ထားတဲ့ ၂၀၂၃ ခုနှစ်တုန်းကထွက်ရှိထားတဲ့ တူရကီကားလေးတင်ဆက်ပေးလိုက်ပါတယ်။ ဖောရက်ပြောခဲ့သလိုပဲ ဘဝဆိုတာ ချောကလက်ဗူးလေးလိုပဲ မင်းဘာရလာမလဲဆိုတာ ဘယ်တော့မှမသိနိုင်ဘူးတဲ့ ဒါကိုကလဲ ဘဝရဲ့အဓိပ္ပာယ်နေမှာ။ ဒီဇာတ်ကားလေးမှာဆိုရင်လဲ လူငယ်တစ်ယောက်ပေတေလေလွင့်နေရာကနေ အချစ်နဲ့တွေ့ပြီး ဘဝကို ဘယ်လိုအနိမ့်အမြင့်တွေနဲ့ ကြုံတွေ့ရမလဲဆိုတာကို Comedy ဆန်ဆန်လေးနဲ့ တင်ဆက်ထားပါတယ်။ ဇာတ်လမ်းအကျဉ်းလေးကတော့ တစ်နေ့ကျရင် ဇတ်ညွှန်းရေးမယ် ရုပ်ရှင်တွေရိုက်မယ်ဆိုပြီး အိပ်မက်တွေရှိတဲ့ ဂျော့ခွန်ဆိုတဲ့ လူငယ်လေးတစ်ယောက် ဘဝမှာအချစ်နဲ့ပထမဆုံး စတင်ထိတွေ့မိခဲ့တဲ့အချိန်ကစပြီး သူ့ဘဝဟာ တစ်ဆစ်ချိုးပြောင်းလဲသွားပါတယ်။ သူ့အချစ်အတွက် သူ့ဝါသနာနဲ့ ယှဉ်လာတဲ့အခါမှာ ဘယ်အရာကိုဦးစားပေးရမလဲဆိုတာ ဝေခွဲရခက်လာပါပြီ။ ဝါသနာကိုလဲ မစွန့်လွှတ်နိုင်သလို အချစ်ကိုလဲ မစွန့်လွှတ်နိုင်တဲ့ လူငယ်လေးတစ်ယောက် သူ့ဘယ်အရာတွေကိုဦးစားပေးပြီး ဘယ်အရာကိုလက်လွှတ်မှာလဲ နှစ်ခုလုံးကိုကော ပိုင်ဆိုင်နိုင်မလားဆိုတာကိုတော့ ဟာသဆန်ဆန်လေးနဲ့ တင်ဆက်ထားတာမို့ ကြည့်ရှုအားပေးလိုက်ကြပါဦး …. အညွှန်း နဲ့ ဘာသာပြန်ကတော့ K.Hein ပဲ ဖြစ်ပါတယ်။ Genre….. Comedy, Romance Quality…. 1080p | 720p File size… 1.8GB | 988MB Format… mp4 Duration…. 1h 41min Subtitle…. Myanmar Subtitle (Hardsub) Translator ….. K.Hein Encoder ….. Aaron

အဖွင့်မှာတော့ ရိုးရှင်းတဲ့ဇာတ်အိမ်လေးနဲ့ အစပြုထားပြီး မထင်မှတ်ထားတဲ့ အလှည့်အပြောင်းတွေနဲ့ဆွဲခေါ်သွားမယ် သံယောဇဉ်တွေ မေတ္တာတွေအကြောင်း လှလှပပဖော်ပြသွားတဲ့ဇာတ်လမ်းတစ်ပုဒ်ဖြစ်ပါတယ်။ သူတစ်ပါးကို လိမ်လည်လှည့်ဖြားရင်း အသက်မွေးကြတဲ့ မြေးအဘိုးနှစ်ယောက် ဘယ်လိုတွေဉာဏ်ဆင်ကြမလဲ။ လမ်းဘေးမှာနေရပေမယ့် မြေးဖြစ်သူက လိမ္မာယဉ်ကျေးကာ လူရမ်းကားမဖြစ်စေလိုတဲ့ အဘိုးတစ်ယောက်ရဲ့ဆန္ဒ ၊ဘဝအကြောင်းမလှသော်လည်း မြေးဖြစ်သူအားမငယ်အောင် မိမိတို့ဘဝကို ကြံဖန်ဂုဏ်ယူပြောတတ်သော အဘိုးတစ်ယောက်ရဲ့မေတ္တာ အဆုံးသတ်မှာ မြေးလေးကောင်းစားဖို့ အဘိုးတစ်ယောက်ရဲ့ အနစ်နာခံပုံတို့ကို ရင်နင့်အောင်ခံစားကြည့်ရှုရမည့် ဇာတ်လမ်းကောင်းတစ်ပုဒ်ဖြစ်ပါတယ်။ File size…(1.4 GB)/(813 MB) Quality….Webrip 1080p / 720p Format…mp4 Duration….01:37:00 Genre… Drama, Family Subtitle….Myanmar Subtitle (Hardsub) Encoder….Mr. Anderson Translated by Eunice

၁၉၅၇ မှာ ထွက်ရှိခဲ့တဲ့ ဂန္ဓဝင်ရုပ်ရှင်တွေထဲက တစ်ကားဖြစ်တဲ့ ပထမကမ္ဘာစစ်နောက်ခံ ရုပ်ရှင်ပဲ ဖြစ်ပါတယ် စစ်ကားဆိုတာထက် စစ်ဆန့်ကျင်ရေးရုပ်ရှင်ဆိုရင် ပိုမှန်မှာပါ ပြင်သစ်တပ်က Anthill အမည်ရ ဂျာမန်တပ်စွဲထားရာ နယ်မြေတစ်ခုကို သိမ်းချင်နေပါတယ် ရာထူးတိုးချင် အဆောင်အယောင်ကိုမက်မောတဲ့ စစ်ဦးစီးတွေက မဖြစ်နိုင်တဲ့အင်အားနဲ့ တိုက်ခိုက်ဖို့ ကာနယ် Dax ကို အမိန့်ပေးလာပါတယ် ဒါပေမဲ့ မအောင်မြင်တဲ့အခါမှာ သိက္ခာဆယ်တဲ့အနေနဲ့ တပ်သားသုံးယောက်ကို ရမ်းသမ်းရွေးစေပြီး “သူရဲဘောကြောင်မှု” ခေါင်းစဥ်တပ်ကာ ခုံရုံးတင်ပါတယ် တပ်သားသုံးယောက်ဘက်ကနေ ရှေ့နေလိုက်ပေးမယ့်လူကတော့ အမှန်တရားဘက်က ရပ်တည်ပြီး ရိုးသားဖြောင့်မတ်တဲ့ ကာနယ် Dax ပါပဲ ကျန်တာကတော့ ပရိသတ်ကြီးပဲ ရှုစားအားပေးကြပါဦး တိုက်ပွဲက ဇာတ်ဝင်ခန်းနှစ်ခန်းလောက်သာပါပြီး နောက်ဆက်တွဲဖြစ်ရပ်တွေ အငြင်းအခုံတွေကို စိတ်ဝင်တစားကြည့်ရှုရမယ့် ဇာတ်ကားလေးပါ File size…(2 GB)/(1 GB) Quality….Webrip 1080p / 720p Format…mp4 Duration….01:28:00 Genre… War, Drama, History Subtitle….Myanmar Subtitle (Hardsub) Encoder….Mr. Anderson Translated by Sike Tan

သရဲမြူးတဲ့ဟောလိုးဝင်းကြီးနီးကပ်လာပြီဖြစ်တဲ့အတွက် နှစ်တစ်နှစ်ရဲ့ ဒီလိုအချိန်မှာ ဟောလိုးဝင်းနဲ့သက်ဆိုင်တဲ့ Horror ဇာတ်ကားတွေစုပြုံ ထွက်လာကြတာပုံမှန်ပါပဲ။ဒီအချိန်မှာ ရုပ်ရှင်ကုမ္ပဏီအကြီးကြီးတွေကလည်း ရေကုန်ရေခမ်းအကြမ်းစားတွေချပြကြသလို တက်သစ်စ စတူဒီယို အသေးလေးတွေအတွက်လက်စွမ်းပြလို့ကောင်းတဲ့အချိန်ဖြစ်ပါတယ်။ အဲ့ဒါကြောင့် Horror ချစ်သူတွေအတွက်တော့လက်ညှိုးထိုးမလွဲ Horror ဇာတ်ကားတွေကိုအကြိုက်ရွေးချယ်ကြည့်ရုံပါပဲ။ အခုတင်ဆက်ပေးမဲ့ Isleen Pines ဆိုတဲ့ဇာတ်ကားလေးကလည်း Terrifier တို့လိုမျိုးလူသတ်ဟောလိုးဝင်းဇာတ်ကားတစ်ကားဖြစ်ပြီး တက်သစ်စလေးတွေရိုက်ကူးထားတဲ့ကားဖြစ်တဲ့အတွက် အပြစ်မမြင်ပဲ ချစ်ချင်တဲ့စိတ်နဲ့ပဲကြည့်ရင်တော့ အပျင်းပြေကြည့်လို့ကောင်းမဲ့ Horror ဇာတ်ကားလေးတစ်ကားပဲဖြစ်ပါတယ်။ ဟောလိုးဝင်းနေ့ရောက်လာပြီဆိုရင် အက်စလင်းပိုင်းစ်မှာပါတီကြီး တစ်ခုလုပ်ပေးပြီးတော့ ဝတ်စုံပြိုင်ပွဲလုပ်ကြပါတယ်။အဲ့ဒီမြို့သူမြို့သား တော်တော်များများကလည်း လူကြီးလူငယ်မရွေးအဲ့ဒီပြိုင်ပွဲမှာပျော်ပျော် ရွှင်ရွှင်ဝင်ပြိုင်ကြပါတယ်။အဲ့ဒီထဲမှာဆယ်ကျော်သက်သူငယ်ချင်း ၄ ယောက်အဖွဲ့လည်းအပါအဝင်ဖြစ်ပြီးတော့ပါတီကိုအတူတူသွားဖို့ သူငယ်ချင်းတစ်ယောက်ရဲ့အိမ်မှာလူစုနေကြပါတော့တယ်။ တစ်ယောက်ပြီးတစ်ယောက် နောက်ကျမှရောက်လာရင်းနဲ့ သူငယ်ချင်းတွေစုံလို့ သွားတော့မယ်လည်းဆိုရော သူငယ်ချင်း တစ်ယောက်က ကောက်ကာငင်ကာကြီးသေဆုံးသွားပါတော့တယ်။ ဒီလိုနဲ့အကုန်လုံး ပြာယာခတ်ကုန်ကြပြီး အကူအညီတောင်းဖို့ကြိုးစား တော့လည်း ဖုန်းလိုင်းမမိ အပြင်ထွက်ဖို့ကြံတော့လည်း အိမ်ပြင်မှာ သူတို့မမျှော်လင့်ထားတဲ့ထိတ်လန့်စရာကြီးကစောင့်ဆိုင်းနေတဲ့ အတွက် ဘာလုပ်ရမှန်းမသိဘဲ တိုင်ပတ်နေကြပြီး အသက်မသေဘဲ လွတ်မြောက်ဖို့ကြိုးစားကြပုံတွေကိုတွေ့ရမှာဖြစ်ပါတယ်။ File size…895MB / 451MB Quality…WEB-DL 1080p HEVC / 720p Format…mkv / mp4 Duration….1h 24m Genre ….. Comedy , Horror , Sci-Fi Subtitle….Myanmar Subtitle (Hard Sub) Encoder….Min Wai Translated by Saw Lay