Catatan Harian Si Boy (2011) IMDb rating - 7 ဇာတ်လမ်းအညွှန်း အမေဖြစ်သူ အသည်းအသန်နေမကောင်းဖြစ်လို့ နာတာရှာဟာ လန်ဒန်ကနေ ပြန်လာခဲ့တယ်။ ဆေးရုံရောက်တော့ သူ့အမေအမြဲကိုင်ထားတယ်ဆိုတဲ့ စာအုပ်လေးကို ရတယ်။ စာအုပ်ထဲက လူကိုသာ အမေ့ဆီ ရောက်အောင် ခေါ်ပေးနိုင်မယ်ဆို အခြေအနေပြန်ကောင်းနိုင်မလားလို့ တွေးမိသွားတာပေါ့။ အဲနောက် အိမ်အပြန်လမ်းမှာ သူ့ရည်းစားကောင်လေးရဲ့ အကြွေးရှင်လူဆိုးတွေက ရိုက်နှက်လို့ ကားပါယူသွားတော့ ရဲစခန်းရောက်လာကြတယ်။ အဲ့ဒီမှာ ကားပြိုင်မောင်းရင်း အရှိန်လွန်ကားမောင်းလို့ ရဲဖမ်းခံရတဲ့ ဆထရီယိုနဲ့ သူ့ကိုလာထုတ်ပေးတဲ့ သူ့သူငယ်ချင်းတွေလည်း ရဲစခန်းရောက်နေကြတယ်။ အဲ့လိုနဲ့ ဆထရီယိုတို့သူငယ်ချင်းတစ်စုနဲ့ နာတာရှာနဲ့တွေ့ဆုံမိသွားကြတယ်။ ဆထရီယိုက နာတာရှာကို စိတ်ဝင်စားတာနဲ့ ဒိုင်ယာရီစာအုပ်ထဲက ဘွိုင်း ကို ကူရှာပေးဖို့ အခြေအနေဖန်လိုက်တယ်။ အောင်မြင်နေတဲ့ စီးပွားရေးလုပ်ငန်းရှင် ဘွိုင်းကို တွေ့ဖို့ခက်ခဲတော့ သူတို့ ဘယ်လိုကြိုးစားသွားကြမလဲ... နာတာရှာ့ကောင်လေးက သဝန်တို၊အူတိုတာနဲ့ ပြဿနာတွေ ဖန်တီးလာတော့ သူတို့မိတ်ဆွေတွေကြား ဘယ်လိုတွေဆက်ဖြစ်ကြမလဲ... လူငယ်တွေဆိုတာက ကိုယ်စတင်ထားတဲ့အရာတစ်ခုကို ပြီးမြောက်သည်အထိ လုပ်ဆောင်ကြရတယ်။ စိတ်ဆန္ဒသာပြင်းပြနေပါစေ ဘယ်လောက်ခက်ခဲတဲ့ကိစ္စမဆို အောင်မြင်အောင်လုပ်နိုင်ပါတယ်။ ဆိုတော့ ဆထရီယိုတစ်ယောက် ဘွိုင်းကိုရော နာတာရှာ့အမေ့ဆီကို အရောက်ခေါ်လာပေးနိုင်ပါ့မလား။ ချည်မျှင်လေးတွေ တစ်ခုချင်းကို ရက်မယ်၊ အထည်ဖြစ်လာရင် ဖြတ်မယ်ညှပ်မယ်ဆိုရင် အဝတ်စလေးတွေကို လှပတဲ့ အဝတ်တစ်ထည်တစ်ခု ဖန်တီးနိုင်ပါတယ်။ မိသားစုဝင်တွေ မိတ်ဆွေသူငယ်ချင်းတွေ ချစ်သူရည်စားတွေဆိုတာလည်း ဒီလိုပဲ၊ အစပိုင်းမှာ မတူညီတဲ့ တစ်နေရာဆီကနေ လာကြတာပါ။ အတူတူပေါင်းစည်းလိုက်မယ်ဆိုရင်တော့ လှပတဲ့လူ့ပတ်ဝန်းကျင်တစ်ခုအနေနဲ့ ဖန်တီးနိုင်မှာပါ။ သွေးသားရင်းချာမဟုတ်ကျတဲ့ သူငယ်ချင်းတွေတောင်မှ အချင်းချင်းဖေးမရင်း၊ မေတ္တာထားကြရင်းဆိုရင် "မြိန်ရာ ဟင်းကောင်း၊ ခင်ရာ ဆွေမျိုး" ဆိုတဲ့အတိုင်း မိသားစုတွေ ဖြစ်လာကြမှာပါပဲ။ ဒီဇာတ်ကားလေးမှာ ခုပြောပြနေတဲ့အကြောင်းတွေ ခံစားကြရမှာ ဖြစ်ပါတယ်။ မိတ်ဆွေသူငယ်ချင်းဆက်ဆံရေးတွေ ဖော်ကျူးရိုက်ကူးထားပြီးတော့ ပေါ့ပေါ့ပါးပါးကြည့်ရှုရမယ့် "Boy's Diary" ဆိုတဲ့ အင်ဒိုနီးယားဇာတ်လမ်းလေး တင်ဆက်ပေးလိုက်ပါပြီ၊ ဆက်လက်ကြည့်ရှုလိုက်ကြပါဦးနော်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားသူက Orika ဖြစ်ပါတယ်) File size…  1.2 GB /  650 MB Quality… WEB Rip 1080p / 720p Format… mp4 Duration…. 1h 36m Genre .....  Action , Drama , Romance Subtitle…. Myanmar Subtitle (Hard Sub) Encoder…. Thit San Khant Translated by Orika

Review- Dead Pool ဆိုတဲ့ ဂိမ်းဆိုတာဘယ်သူသေမလဲဆိုတာခန့်မှန်းတဲ့လောင်းကစားပါ ရုပ်ရှင်ဒါရိုက်တာဖြစ်တဲ့ Peter Swan နဲ့ သူ့ရဲ့ရိုက်ကူးရေးအဖွဲ့သားတွေကဒီဂိမ်းကိုဆော့ကစားကြပါတယ် ဒါပေမယ်သူတို့နာမည်ကျော်တွေကိုပဲခန့်မှန်းပြီးကစားကြပါတယ် ဖြစ်ချင်တော့သေဆုံးသူတွေဟာ Peter Swan ရဲ့စာရင်းထဲကလူတွေပဲဖြစ်နေတာကိုသတိထားမိတဲ့နောက်မှာတော့ စုံထောက်ကြီး Harry Callahan သံသယတွေဝင်လာပါတယ် တကယ်ပဲလူသတ်သမားဟာ Peter Swan ဖြစ်နေမလား သူ့ကိုမုန်းတီးတဲ့အခြားတစ်ယောက်လား ဘာလို့ဒီလိုလိုက်သတ်နေရလဲ စုံထောက်ကြီး Callahan ကရောဘယ်လိုဖြေရှင်းမလဲဆိုတာ ကြည့်ရှုရမှာဖြစ်ပါတယ် (ဘာသာပြန်ပြီး အညွှန်းရေးသားထားသူကတော့ Son Gohan ပါ ) File Size__(2GB) / (1GB) Quality__1080p, 720p IMDb Rating__6.3/10 Format__mp4 Duration__01:31:00 Type__Action, Crime, Mystery Subtitle__Myanmar Subtitle (Hardsub) Translated by Son Gohan Encoded by Naing Aung Latt

ဝက်စ်ဘေဒန်မြို့လေးမှာ “ဘရက်ဒ်ဖော့ကျိန်စာ” ဆိုပြီးစိုးမိုးနေတဲ့အချိန် လူတွေကလည်း ဘရက်ဒ်ဖော့လို့ဆိုလိုက်တာနဲ့ အရမ်းကြောက်နေခဲ့ပါတယ်။ တကယ်တော့ သူတို့ကြောက်တာက ကမ့်ဘဲလ်ဘရက်ဒ်ဖော့ဆိုတဲ့လူကိုပါ။ သူကဘယ်လောက်ထိဆိုးသွမ်းလဲဆိုရင် ဘရက်ဒ်ဖော့မိသားစုဝင်တွေပါ အချင်းချင်းပြန်ကြောက်ရတဲ့အထိ သူ့နာမည်က နာမည်ဆိုးနဲ့ကျော်ကြားခဲ့ပါတယ်။ ကမ့်ဘဲလ်ဘရက်ဒ်ဖော့အကြောင်းကို မှတ်တမ်းရုပ်ရှင်ရိုက်ပေးပါဆိုပြီးတော့ အဲရစ်ကာကိုအလုပ်လာအပ်ခဲ့ပါတယ်။ အဲရစ်ကာကလည်း ခေသူမဟုတ်။ သဘာဝလွန်တွေနဲ့ အဆက်အသွယ်ရှိတဲ့ ထူးခြားတဲ့လူတစ်ယောက်ဆိုပြီး မှတ်တမ်းရုပ်ရှင်နယ်ပယ်မှာ နာမည်ကြီးနေတဲ့သူတစ်ယောက်ပါ။ မှတ်တမ်း ရုပ်ရှင်ရိုက်ဖို့ တစ်ခုတည်းသောသဲလွန်စအဖြစ် ကမ့်ဘဲလ်ဘရက်ဒ်ဖော့ရဲ့ မီးခံသေတ္တာထဲမှာသိမ်းထားတဲ့ ရေပုလင်းလေးတစ်ခုပဲရှိပါတယ်။ အဲ့ဒါလေးကို ယူလာပြီး အဲရစ်ကာတစ်ယောက် ဝက်စ်ဘေဒန်မြို့မှာ သဲလွန်စရှာရပါတော့တယ်။ ရေပုလင်းဆိုတော့လည်း ရေဆာနေတဲ့အချိန်၊ စိတ်အိုက်နေတဲ့အချိန် သောက်မိ ကြတာပေါ့နော်။ အဲ့ဒီရေပုလင်းက တကယ်တော့ မကောင်းဆိုးဝါးပါတဲ့။ ဝက်စ် ဘေဒန်မှာလည်း မြေအောက်ရေက အရမ်းအစွမ်းထက်ပါတယ်တဲ့။ အဲ့ဒါတွေကို ဆက်စပ်ကြည့်ရင်းနဲ့... အဲရစ်ကာတစ်ယောက် ဘာတွေရှာတွေ့သွားမလဲ၊ အဲ့ဒီရေ ကရော ဘာကြောင့်ကြောက်ဖို့ကောင်းနေတာလဲ၊ ဘရက်ဒ်ဖော့ဇာတ်လမ်းလေးကရော ဘယ်လိုဖြစ်ဦးမလဲဆိုတာတော့ ရင်တထိတ်ထိတ်နဲ့ ဆက်ကြည့်လိုက်ပါတော့နော် ။ ။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Jo Jo Va ဖြစ်ပါတယ်) File Size..........(983 MB) / (486 MB) Quality............WebRip 1080p / 720p Duration.........1Hr 35mins Subtitle...........Myanmar Hardsub Format............MP4 Genre..............Drama, Horror, Thriller Translator.......Jo Jo Va Encoder..........SWM

ကျွန်တော်တို့အားလုံး ကျောင်းသားဘ၀နဲ့ ပက်သက်တဲ့ အမှတ်တရတွေ ရှိကြမှာပါ။။ကျွန်တော်လဲ ရှိခဲ့ဖူးပါတယ်။။ ဒါပေမယ့် အမှတ်တရကောင်းတော့ မဟုတ်ခဲ့ပါဘူး။ကျွန့်တော့်ရဲ့ အမှတ်တရကို မသန်စွမ်း(နားမကြားမလေး)နဲ့ပဲ စရမှာပေါ့။သူ့ရဲ့ကျောင်းသားသစ် မိတ်ဆက်ပွဲမှာ တမူထူးတဲ့ မိတ်ဆက်ပုံကြောင့် ကျွန်တော်အာရုံစိုက်မိခဲ့ပါတယ်။ သူမိတ်ဆက်ပုံက တွေတွေလေးငေးနေရင်းကနေ လွယ်အိတ်ထဲက စာအုပ်ကို ထုတ်ပြီး သူဟာ အကြားအာရုံမကောင်းကြောင်းနဲ့ သူကို ဒီစာအုပ်လေးကနေ ဆက်သွယ်ခင်မင်စကားပြောပေးဖို့ အပြုံးမှိန်မှိန်လေးနဲ့ မိတ်ဆက်ခဲ့လို့ပါ။ သူ့ရဲ့ လူတကာပေါ်ကောင်းချင်ပြီး အမြဲတမ်း အပြုံးလေးနဲ့ ဆက်ဆံပုံကို ကျွန်တော်က ဟန်ဆောင်တယ်ထင်ပြီး အမြဲနှောင့်ယှက်ဒုက္ခပေးခဲ့ပါတယ်။တနေ့မှာတော့ ကျွန်တော့်ရဲ့စနှောက်မှုတွေက ကျွန်တော့်ရဲ့ဘ၀တစ်ခုလုံးကို ဇောက်ထိုးမိုးမျှော်ဖြစ်စေခဲ့ပါတယ်။အဲ့ဒါက သူ့ရဲ့နားအကြားအကူနားကြပ်တွေကို လွှင့်ပစ်မိတာခဲ့ပါ။ အဲ့နားကြ့ပ်တွေက ဈေးကလဲကြီးပြီး ၈ခုထိကိုကျွန်တော် လွှင့်ပစ်မိတာကြောင့် သူ့အိမ်ကနေ တဆင့် ကျနော်တို့အတန်းဆီပါ ရောက်လာပြီး သူလဲကျောင်းပြောင်းပြီး ကျွန်တော်လဲ ဆရာတွေရဲ့စစ်ဆေးမှူမှာ အမြဲနှောင့်ယှက်တတ်တဲ့ ကျွန်တော်ကို အားလုံးက အပြစ်ပုံချခဲ့ပါတယ်။အနိုင်ကျင့်ယုတ်မာတဲ့လူတစ်ယောက်အဖြစ် ပတ်၀န်းကျင်ရဲ့ ဖယ်ကျဉ်ခြင်းလဲ ခံရပြီး နောင်တကြောင့်ရတဲ့ အပြစ်ရှိခံစားစိတ်နဲ့ အထီးကျန်ဝေဒနာကြောင့် ကျနော်သတ်သေဖို့ကလွဲ ကျန်တာမစဉ်းခဲ့မိပါဘူး။ကျွန်တော့်ရဲ့ မိုက်မဲဆိုးသွမ်းမှုတွေကို သူ့ကို တောင်းပန်ပြီးမှ သေမယ်ဆိုတဲ့စိတ်နဲ့ပဲ ကျွန်တော် အသက်ဆက်ရှင်နေခဲ့ပါတယ် ဒီလိုနဲ့ ကျောင်းပြီးပြီး အလုပ်လျှောက်တဲ့နေ့မှာ သူမနဲ့ပြန်ဆုံတွေ့ပြီး ကျွန်တော်ရဲ့နောက်ဆုံးဆန္ဒဖြစ်တဲ့ သူမကိုတောင်းပန်ရင်း ကျွန်တော်...... ဒီanimationလေးက 2016ခုနှစ်မှာထွက်ခဲ့တဲ့ ဂျပန်အန်နမဲလေးဖြစ်ပြီး အနိုင်ကျင့်တတ်တဲ့ ကျောင်းသားတစ်ယောက်နဲ့ အပြုံးယဲ့ယဲ့လေးနဲ့ နားမကြားကောင်မလေး‌အပေါ် အခြေတည်ရေးဖွဲ့ထားတဲ့ ဇာတ်အိမ်ရိုးရိုးလေးပါပဲ အပြစ်ရှိခံစားစိတ်က လူတစ်ယောက်အတွက် သေစေနိုင်တဲ့ထိ စိတ်ဒဏ်ရာ ရနိုင်တာကို ရိုက်ကူးထားပြီး မသန်စွမ်းတစ်ယောက်ရဲ့ စိတ်နှလုံးသားနူးညံ့ပုံနဲ့ ဇာတ်လမ်းရိုးရိုးလေးကို မွမ်းမံပြီး လူတိုင်းရဲ့စိတ်နှလုံးကို ဖမ်းဆုပ်နိုင်အောင် တင်ဆက်ပေးထားပါတယ်. သိပ်ကို စိတ်ထဲထိခိုက်စေပြီး မျက်ရည်ကျလောက်တဲ့ထိကို ဆွဲဆောင်နိုင်တဲ့ဇာတ်လမ်း‌တပုဒ်ပါပဲ.. Animeဖန်တွေလဲ ကြည့်ကိုကြည့်သင့်တဲ့ဇာတ်လမ်းတပုဒ်ဖြစ်သလို dramaသမားတွေလဲ ကြည့်သင့်တာကြောင့် cmက ပြန်လည်တင်ဆက်ပေးလိုက်ပါတယ်.... Translated by : Idiot Myo Ko( FA) Reviewed and Encoded by : YK Quality : 1080p Blu-Ray H264 and 720p

Luzifer (2021) ~ Rotten Tomatoes – 100% ~ Horror ရုပ်ရှင်ပေမဲ့ ကနေဒါက ရုပ်ရှင်ပွဲတော်တွေမှာ Best Picture ရထားပါတယ်။ Horror ဆိုပေမဲ့ အကြမ်းပတမ်းတွေ မပြဘဲ သိမ်သိမ်မွေ့မွေ့နဲ့ စိတ်ညစ်အောင် ရိုက်ပြထားတဲ့ ရုပ်ရှင်ပါ။ ဂျာမန်စကားပြောရုပ်ရှင်ဖြစ်ပြီး Rotten Tomatoes 100% ရထားတဲ့ Art House ဆန်ဆန် ရုပ်ရှင်လို့ပြောလည်း မမှားပါဘူး။ ဖြစ်ရပ်မှန်ကို အခြေတည်ရိုက်ကူးထားတဲ့ ရုပ်ရှင်ဖြစ်ပြီး ဘာသာရေးတွေ နတ်ဆိုးတွေနဲ့ ဆိုက်ကိုဆန်ဆန် ပုံဖော်ထားပါတယ်။ အသက်ကြီးလာပေမဲ့ ကလေးစိတ်ပဲရှိသေးတဲ့ သားကို ကာကွယ်ပေးချင်လို့ လူမနီးသူမနီးတောကြီးထဲ သွားနေတဲ့အမေနဲ့ သူ့သားကြားက စိတ္တဇဆန်ဆန်ဖြစ်ရပ်တွေကို စိတ်ညစ်စရာကောင်းအောင် ရိုက်ပြထားတဲ့ ရုပ်ရှင်ပါ။ Metaphor တွေ တပုံတပင်သုံးထားတဲ့ ဥရောပ Art Houseရုပ်ရှင်တွေကို မြည်းစမ်းကြည့်ချင်တဲ့သူတွေ ကြည့်သင့်တဲ့ ရုပ်ရှင်ဖြစ်ပြီး Actor တွေရော Actress တွေရော ရုပ်ရှင်ပွဲတော်တွေမှာ ဆုရထားပါတယ်။ တလောကထွက်ခဲ့တဲ့ You Won’t Be Aloneဆိုတဲ့ Art House ဆန်ဆန် စုန်းကားနဲ့ ပြသပုံတောင်နီးစပ်ပါတယ်။ အရသာတော့မတူဘူးပေါ့။ ဒီရုပ်ရှင်က ဘုရားသခင်ကို ယုံကြည်ပြီး နတ်ဆိုးဆိုတာ ဘာလဲအဖြေရှာတဲ့ ရုပ်ရှင်နဲ့ပိုတူပါတယ်။ ရှားရှားပါးပါး Horror ရုပ်ရှင်ကို RT 100% ရထားပြီး ဆုတွေအများကြီးရထားတဲ့ ရုပ်ရှင်လည်းဟုတ်ပါတယ်။ (ဒီဇာတ်ကားနဲ့အညွှန်းကို W မှ ပြန်ဆိုရေးသားထားပါတယ်) Size – 1.31GB, 571MB Quality – 1080p, 720p IMDb Rating – 5.6/10 Format – mp4 Duration – 1H 43Min Genre – Drama, Horror Subtitle – Myanmar Subtitle (Hardsub) Translated by W Encoded by Y

Sins of the Father (2022) =================== ဆာရာနဲ့ အေဒန်တို့သားအမိနှစ်ယောက်ဟာဆိုရင် စွန့်ခွာခဲ့တာ နှစ်ပေါင်း များစွာကြာပြီဖြစ်နေတဲ့ အေဒန့်ဖခင်ဖြစ်သူနဲ့အတူ သူတို့တွေ အရင်ကနေ ထိုင်ခဲ့တဲ့အိမ်ကြီးကို အေဒန့်ဖခင်ဖြစ်သူသေဆုံးအပြီးမှာ ဆာရာတစ်ယောက် အေဒန်နဲ့အတူ ပြန်လည်ရောက်ရှိလို့လာပါတယ်။ အဲဒါဟာလည်း ဆာရာ တစ်ယောက်ငွေလိုအပ်နေလို့ အိမ်ရောင်းချဖို့အတွက် အပြီးသတ်လုပ်စရာ လေးတွေလုပ်ဖို့ ပြန်လာခဲ့ရတာပါ။ ရောက်ရောက်ချင်းမှာပဲ အိမ်တံခါးဝရှေ့မှာ အစားအသောက် ခြင်းတောင်း လေးချထားတာကို ဆာရာတစ်ယောက် ထူးဆန်းစွာနဲ့ပဲ အထိတ်တလန့်ဖြစ်ပြီး အေဒန့်ကို အိမ်ထဲအတင်းဝင်ခိုင်းခဲ့ပါတယ်။ အဲဒီလိုနဲ့နောက်တစ်ရက်မှာ အိမ် ကူရှင်းပေးကြဖို့ဆိုပြီး ဆာရာ့သူငယ်ချင်းတွေနဲ့ အေဒန့်အရွယ်ကောင်မလေး တစ်ယောက်ပါ ရောက်လာခဲ့ကြတာပေါ့။ ရောက်ပြီးသိပ်မကြာခင်မှာပဲ အနီး အနားပတ်ဝန်းကျင်က လူကြီးတစ်ယောက်နဲ့ သားဖြစ်သူစကားပြောနေတာကို တွေ့ပြီး ဆာရာတစ်ယောက် အထိတ်တလန့်ထပ်ဖြစ်ရပြန်ပါတယ်။ ဘာလို့များ ဆာရာတစ်ယောက် ဒီလိုမျိုးထိတ်လန့်တကြားတွေဖြစ်ဖြစ်နေရတာ လဲ။ သူတို့ကိုအန္တရာယ်ပြုနိုင်မယ့်အရာတွေများ ရှိနေတာလား။ လွန်ခဲ့တဲ့နှစ်ပေါင်း များစွာတုန်းကရော ဘယ်အကြောင်းကိစ္စတွေကြောင့် ဆာရာဟာ အေဒန့်ကိုခေါ်ပြီး အဝေးကိုထွက်သွားခဲ့ရတာလဲ။ ဆာရာတစ်ယောက် အေဒန်မသိအောင် ဘာတွေ ကိုများ လျှို့ဝှက်ချက်အနေနဲ့ ထားထားနေတာလဲဆိုတာကိုတော့ ဒီကားလေးကြည့် ပြီးဆက်လက်အဖြေရှာကြည့်ကြည့်လိုက်ပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Fiona Gillen ဖြစ်ပါတယ်) File Size……….(1.6 GB) / (608 MB) Quality…………WEB-DL 1080p / 720p Duration………1Hr 41Min Subtitle………..Myanmar Hardsub Format…………MP4 Genre…………..Horror Translator……Fiona Gillen Encoder……….SWM

Earth Mama (2023) ============== IMDb Rating – 7.0/10 အခုနောက်ပိုင်း ရုပ်ရှင်ကောင်းလက်ရာကောင်းတွေ ဖန်တီးလာတဲ့ A24 စတူဒီယိုရဲ့ နောက်ထပ်လက်ရာကောင်းတစ်ခုဖြစ်ပါတယ်။ လူမည်းအမျိုးသမီး single mom တစ်ယောက်အနေနဲ့ ကလေးစရိတ် မပေးနိုင်တာကြောင့် ကလေးနှစ်ယောက်ကို အစိုးရက အုပ်ထိန်းခွင့် လွှဲပြောင်းဖို့အရေး ကြိုးဆွဲနေရတဲ့ ဘဝတစ်ခုကို မြင်ရမှာဖြစ်ပါတယ်။ ဘဝရဲ့အခက်အခဲတွေ ပတ်ဝန်းကျင်ရဲ့ ဝေဖန်ရိုက်ခပ်မှုတွေကြားက ဘယ်လောက်ပဲ ဆိုးနေတဲ့မိခင်ဖြစ်ပါစေ ကလေးတွေအပေါ်ထားတဲ့ မေတ္တာနဲ့ ကြိုးစားမှုတွေကို အကောင်းဆုံးပုံဖော်ထားတဲ့ ကားကောင်း လေးပဲ ဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thiha Yan Naing ဖြစ်ပါတယ်) File Size……….(3.5 GB) / (696 MB) Quality…………WEB-DL 1080p / 720p Duration………1Hr 41Min Subtitle………..Myanmar Hardsub Format…………MP4 Genre…………..Drama Translator…….Thiha Yan Naing Encoder……….SWM

Restore Point (2023) ~ IMDb – 6.7/10, RT – 95%, Meta – 74% ~ ဒီကားကတော့ ခေတ်လွန်သိပ္ပံကားတွေကို မှုခင်းဒရာမာနဲ့ရောစပ်ပြီး ကြည့်ရတာကြိုက်တဲ့သူတွေ လက်လွတ်မခံသင့်တဲ့ကားပါပဲ။ ချက်ဇ်စကားပြောဇာတ်လမ်းဖြစ်ပြီး ဆန်ခါတင်ဆု နှစ်ဆုလည်း၀င်ထားပါတယ်။ ဇာတ်လမ်းကို ဥရောပအလယ်ပိုင်းမှာအခြေပြုထားပါတယ်။ 2041 ခုနှစ်မှာ လူတွေ သမားရိုးကျမဟုတ်ဘဲသေရင် အသက်ပြန်သွင်းလို့ရတဲ့ ဥပဒေရှိပါတယ်။ အသက်ပြန်သွင်းဖို့အတွက် ၄၈နာရီတစ်ခါ အသက်ပြန်သွင်းပွိုင့်ကို အရံဒေတာကူးပေးရပါတယ်။ အမ်တိုခီနိုဝါစကာက စုံထောက်တစ်ယောက်ဖြစ်ပြီး “ဘ၀ရဲ့မြစ်” လို့ခေါ်တဲ့ အကြမ်းဖက်အဖွဲ့အစည်းနောက်ကိုလိုက်နေတာပါ။ တစ်နေ့တော့ လင်မယားနှစ်ယောက်အသတ်ခံရမှုကိုလိုက်ရင်း ယောက်ျားဖြစ်သူက အသက်သွင်းဌာနရဲ့သုတေသနခေါင်း‌ဆောင်ဖြစ်ပြီး အရံဒေတာကလည်း ဖျက်ခံထားရတဲ့အတွက် အသက်ပြန်သွင်းလို့မရပါဘူး။ အဲဒါအပြင် ဆာဗာတစ်ခုလုံး ဗိုင်းရပ်စ်၀င်တော့ အရံဒေတာတွေ ကျပန်းဖျက်ခံရပြီး လူတွေတကယ်သေလာတဲ့အခါမှာတော့ အမ်တစ်ယောက် တရားခံကိုအပူတပြင်းရှာရပါတော့တယ်။ တရားခံက အမ်လိုက်နေတဲ့ အကြမ်းဖက်အဖွဲ့အစည်းကလား… သုတေသနခေါင်း‌ဆောင်သေဆုံးတဲ့ကိစ္စကရော ဘယ်သူ့လက်ချက်လဲ… ဆိုတာတွေကို အဖြေရှာရင်း စိတ်၀င်တစားကြည့်ရှုရမှာပါ။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size – 2.2GB, 945MB Quality – 1080p, 720p IMDb Rating – 6.7/10 Format – mp4 Duration – 1H 55Min Genre – Crime, Drama, Sci-Fi Subtitle – Myanmar Subtitle (Hardsub) Translated by Soe Thiri Swe Encoded by Y

ပြန်လည်ဆုံတွေ့ကြရာဝယ် (၂၀၂၃) ထိုင်မှာ ဝီးလို့ ခေါ်တဲ့ အရမ်းချစ်ရတဲ့ ကောင်မလေး တစ်ယောက်ရှိပါတယ် သူတို့ လက်ထပ်လိုက်ကြပြီး တစ်ပတ်လောက်မှာ ဝီးတစ်ယောက် ကင်ဆာနဲ့ဆုံးသွားပါတယ် ဝီး ဆုံးသွားတော့နောက်ပိုင်း ထိုင်တစ်ယောက် Move on မလုပ်နိုင်ဘဲ အတိတ်မှာပဲ ကိန်းအောင်နေခဲ့ပါတယ် တစ်နေ့မှာ ထိုင်ရဲ့ သူငယ်ချင်း သမီးလေးတစ်ယောက် မွေးဖွားခဲ့ပါတယ် အဲ့ကလေးမလေးရဲ့ နာမည်က ၀မ်မိုင်ပါ ၀မ်မိုင်က ငယ်ငယ်လေးကတည်း ထိုင်အပေါ် သံယောဇဉ်တွေရှိနေခဲ့ပါတယ် သူ့ရဲ့ တစ်ချို့ အပြုအမူ အပြောအဆိုတွေကလည်း ဝီးနဲ့ သွားဆင်နေပါတယ် ဒီလိုနဲ့ ထိုင်က ၀မ်မိုင်ကို ဝီး၀င်စားတာလို့ ယုံကြည့်ခဲ့ပါတယ် ဆိုတော့ ထိုင် နဲ့ သူ့သမီးလောက်အရွယ်သာရှိတဲ့ ၀မ်မိုင်တို့ရဲ့ အချစ်ဇာတ်လမ်း ဘယ်လို အဆုံးသတ်သွားမှာလဲ ၀မ်မိုင်ကရော တကယ်ပဲ ဝီး၀င်စားတာလားဆိုတာ စောင့်ကြည့်လိုက်ပါ အညွှန်းနဲ့ ဘာသာပြန်တော့ Fake Love ဖြစ်ပါတယ်။ Genre….. Drama Quality…. 1080p | 720p File size… 2GB | 689MB Format… mp4 Duration…. 1h 40min Subtitle…. Myanmar Subtitle (Hardsub) Translator ….. Fake Love Encoder ….. Aaron

New York Stories (1989) ~ IMDb – 6.4/10, Rotten Tomatoes – 76% ~ New York Stories ကို အမေရိကရဲ့ ထိတ်ထိတ်ကြဲ ဒါရိုက်တာတွေဖြစ်တဲ့ Martin Scorsese, Francis Ford Coppola နဲ့ Woody Allen တို့ သုံးယောက်တွဲ ရိုက်ထားတယ်။ ဒီ Anthology Film မှာ Life Lessons, Life Without Zoë, Oedipus Wrecks ဆိုတဲ့ ဇာတ်လမ်း၃ခုပါတယ်။ ဒီသုံးခုလုံးမှာ တူညီတာဆိုလို့ နယူးယောက်မှာ ဇာတ်အိမ်တည်ထားတဲ့အချက်ပဲရှိတယ်။ ထိတ်ထိတ်ကြဲဒါရိုက်တာကြီးတွေချည်း ရိုက်တာပေမဲ့ အများကြီးတော့ မမျှော်လင့်ထားစေချင်ဘူး။ ပထမဆုံးဇာတ်လမ်းဖြစ်တဲ့ Life Lessons ကိုတော့ Martin Scorsese က ရိုက်ထားတယ်။ ဇာတ်လမ်းကိုတော့ ဒီမတိုင်ခင် သူ့ကို The Color of Money (1986) မှာ ဇာတ်ညွှန်းရေးပေးခဲ့တဲ့ Richard Price က ရေးပေးထားတယ်။ သူတို့၂ယောက်က The Color of Money မှာ အတွဲညီသလို ဒီမှာလည်းညီတယ်ပြောရမယ်။ တကယ်လို့သာဆို ဒီဇာတ်နဲ့ ဒီဇာတ်ကောင်တွေက စကောဆေးစိထက် ကော်ပိုလာ့ဟန်နဲ့ သွားတူမယ်။ ဇာတ်အကြောင်းအရာကတော့ ဂျက်ဆန်ပေါလော့လို Abstract Expressionism ပန်းချီဆရာတစ်ယောက်ရဲ့ နယူးယောက်က ဘဝနဲ့ သူ့ရူးသွပ်မှုအကြောင်း ရိုက်ပြထားရုံပဲ။ မင်းသားကိုတော့ Nick Nolte ကို သုံးထားတယ်။ ဒီကားပြီးတဲ့နောက်ထွက်တဲ့ Cape Fear မှာလည်း သူ့ကို ထပ်ထည့်ရိုက်ခဲ့သေးတယ်။ နယူး‌ယောက်စတိုရီဆိုတာနဲ့ အလိုက်ဖက်ဆုံးဇာတ်လမ်းလည်းဟုတ်တယ်။ Life Without Zoë ကတော့‌ ကော်ပိုလာနဲ့ သူ့သမီးဆိုဖီယာကော်ပိုလာက ဇာတ်ညွှန်းရေးထားပြီး ကော်ပိုလာက ရိုက်ထားတယ်။ ဇာတ်တော့ စိတ်ဝင်စားစရာကောင်းမလိုလေးနဲ့ နည်းနည်းဆန်းပြားမလိုလေးနဲ့ အားရစရာမကောင်းဆုံး ဇာတ်ဖြစ်သွားတယ်။ သူတို့သားအဖ၂ယောက်တွဲလုပ်ရင် အကျိုးမပေးတာတော့ အမှန်ပဲ။ ၁၂နှစ်သမီးလေးရယ် သူ့အဖေနဲ့အ‌မေရဲ့ အရှုပ်တော်ပုံတွေရယ် ‌အကြောင်းပေါ့။ ကော်ပိုလာရိုက်တယ်လို့ မထင်အောင် စုတ်ပြတ်တယ်လို့ ပြောချင်ပေမဲ့လည်း ကော်ပိုလာက မထော်မနန်း လုပ်ချင်တာလုပ်တဲ့ဘဲဖြစ်သလို သူ့သမီးဇာတ်ကိုပဲရိုက်ချင်လို့ ပိုမထော်မနန်းလုပ်ချလိုက်လားတော့ မသိဘူး။ စုတ်ပြတ်ပေမဲ့လည်း မထော်မနန်းလုပ်တတ်တဲ့ ကော်ပိုလာရဲ့စရိုက်နဲ့ချိန်ကြည့်ရင် ဖြစ်တတ်ပါတယ်လို့ တွေးရမယ့်ဇာတ်ပဲ။ ဒီထဲက အညံ့ဆုံးဇာတ်လည်းဟုတ်တယ်။ Adrien Brody အတွက်‌တော့ ဒီဇာတ်လမ်းက သူ့အတွက် ပထမဆုံးပွဲဦးထွက်ရုပ်ရှင်ဖြစ်ခဲ့တယ်။ Oedipus Wrecks ကိုတော့ ဝူဒီအယ်လန်ကိုယ်တိုင် ရေးပြီး ရိုက်ပြီး သရုပ်ဆောင်ထားတယ်။ ဒီဇာတ်အတွက်စကားကတော့ ဝူဒီအယ်လန်ကတော့ ဝူဒီအယ်လန်ပဲ။ ဒီဇာတ်နဲ့ ခုနောက်ပိုင်းထိ သူရိုက်နေတဲ့ဇာတ်တွေနဲ့ သူ့ဟန်က သူ့ဟန်အဖြစ်မြင်သာထင်နေတုန်းပဲ။ အယ်လန်ဟာ ပိုစတာမြင်ရင်တောင် သူ့ကားလို့ အလိုလိုသိစေမယ့်ဘဲပီသစွာပဲ ဒီနယူးယောက်စတိုရီရဲ့ ပိုစတာကလည်း သူ့ဟန်လို့ မြင်သာတယ်။ ဇာတ်က‌တော့ တကျီကျီနားပူ လူကြားသူကြားထိပါနားပူ လိုက်အရှက်ခွဲ‌နေတဲ့ အမေကြောင့် တိုင်ပတ်နေတဲ့ အသက်၆၀အရွယ် လူကြီးတစ်‌ယောက်ရဲ့ အဖြစ်ပေါ့။ အသက်သာ ၆၀ဖြစ်လာတယ် သူ့ကိုကလေးလို့ထင်နေသေးတဲ့ သူ့အမကြောင့် သူတိုင်ပတ်ရပုံတွေကိုပြထားတယ်။ ဝူဒီအယ်လန်ရဲ့ဇာတ်လို့ မြင်သာထင်သာရှိတဲ့ဇာတ်ပါပဲ။ ပုဂ္ဂလိက အမြင်အရဆိုရင်တော့ ဒီဇာတ်က ဒီထဲ ကျွန်တော့်အကြိုက်ဆုံးဇာတ်ပဲ။ ဝူဒီအယ်လန် ပရိသတ်ဖြစ်နေတာကြောင့်လည်းပါပါလိမ့်မယ်။ နယူးယောက်စတိုရီဆိုတဲ့ နာမည်နဲ့လိုက်ဖက်တဲ့အရသာတော့ ပေးနိုင်တယ်မမြင်ဘူး။ အဲဒီအရသာကို သူတို့ထဲ စကောဆေးစိတစ်ယောက်ပဲ ပေးနိုင်ခဲ့တာပါပဲ။ ဝူဒီ့ဇာတ်မှာ သရုပ်ဆောင်တွေအဖြစ် သူကိုယ်တိုင်ပါထားသလို သူ့အချစ်တော် Mia Farrow နဲ့ Julie Kavner တို့လည်းပါဝင်ထားတယ်။ Kirsten Dunst ရဲ့ ပွဲဦးထွက်ဇာတ်လမ်းလည်းဟုတ်တယ်။ New York Stories ကို ဒါရိုက်တာကြီး၃ယောက်ရဲ့ လက်ရာတွေကို တစ်ကားတည်းကြည့်ရမယ့် မျှော်လင့်ချက်ကြီးနဲ့တော့ ကြည့်လို့မဖြစ်ပါဘူး။ ပုဂ္ဂလိက အမြင်အရတော့ ဒီထဲ ကိုယ့်ဟန်ကိုယ်ထိန်းထားနိုင်တာ ဝူဒီအယ်လန်ပဲရှိတယ်။ သူတို့၃ယောက်ကို ချစ်လို့ပဲ ကြည့်သင့်တဲ့ ရုပ်ရှင်ပါပဲ။ ဒီလို ထိတ်ထိတ်ကြဲ၃ယောက်တွဲရိုက်ထားတဲ့ ရုပ်ရှင်က မရှိသလောက်ရှားတယ်မဟုတ်လား။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 2.15GB, 955MB Quality – BluRay 1080p, 720p IMDb Rating – 6.4/10 Format – mp4 Duration – 2H 4Min Genre – Satire, Comedy, Drama, Romance Subtitle – Myanmar Subtitle (Hardsub) Translated by WiRa Aung Encoded by Y

Haunters (2010) ***************** IMDb….. 6.3 ဒီတစ်ခေါက်မှာတော့ ၂၀၁၀ခုနှစ်မှာပြသခဲ့တဲ့ Action, Sci-fi ရုပ်ရှင်ကား Hauntersနဲ့ မိတ်ဆက်ပေးချင်ပါတယ်။ အဓိကဇာတ်ကောင်အနေနဲ့ နာမည်ကြီးမင်းသားတွေဖြစ်တဲ့ Gang Dong Won နဲ့ Go Soo တို့ ပါဝင်ထားပါတယ်။ ဇာတ်လမ်းအကျဥ်းကတော့ ကားသင်္ချိုင်းမှာ အလုပ်လုပ်နေတဲ့ အင်ဂယူနမ် (Go Soo)က တစ်နေ့မှာ အလုပ်ပြုတ်ပြီး ယူထိုပီးယားလို့ခေါ်တဲ့ ချေး‌ငွေလုပ်ငန်းတစ်ခုမှာ အလုပ်ရသွားခဲ့တယ်။ အင်ဂယူနမ်က ရိုးသားကြိုးစားပြီး သဘောကောင်းသူမို့ ဆိုင်ရှင်သူ‌ဌေး ဂျောင်ရှစ် (Byeon Hie-Bong)၊ ဆိုင်ရှင်ရဲ့ သမီးဖြစ်သူ ချွဲယောင်းဆု (Jung Eun-Chae)နဲ့ ကောင်းမွန်တဲ့ဆက်ဆံရေးရှိတဲ့အပြင် ကားသင်္ချိုင်းမှာ အတူတူလုပ်ခဲ့တဲ့ သူငယ်ချင်းတွေနဲ့လည်း ရင်းရင်းနှီးနှီးနေတဲ့သူပေါ့။ တစ်ဖက်မှာတော့ သူတစ်ပါးစိတ်ကို ထိန်းချုပ်နိုင်စွမ်းရှိတဲ့ချိုအင် ( Gang Dong Won ) က က‌လေးဘဝထဲက အိမ်တွင်းအကြမ်းဖက်မှုကြောင့် အဖေဖြစ်သူကို ကိုယ်တိုင်သတ်ခဲ့တဲ့ စွမ်းအားရှင်တစ်ယောက်ဖြစ်တယ်။ လူထူးလူဆန်းလို့ သတ်မှတ်ပြီး လူတွေနဲ့အဝေးမှာနေတဲ့ ချိုအင်ကတော့ စိတ်စွမ်းအားကိုသုံးပြီး ချေး‌ငွေလုပ်ငန်းရှင်တွေဆီက ပိုက်ဆံတွေကိုယူပြီး ပြစ်မှုကျူးလွန်နေခဲ့တာဖြစ်တယ်။ တစ်နေ့မှာတော့ အင်ဂယူနမ်တို့ ဆိုင်ကို ရောက်လာပြီးဆိုင်ရှင်သူဌေးကို သတ်ပြီး အင်ဂယူနမ်ကို ဒဏ်ရာရအောင်လုပ်ခဲ့တယ်။ ဆိုင်ရှင်သူဌေးသေသွားရတာကြောင့် အင်ဂယူနမ်က ချိုအင်ကို ဖမ်းဖို့ ကြိုးစားတဲ့အခါမှာတော့… စိတ်ကိုထိန်းချုပ်နိုင်စွမ်းရှိတဲ့ ချိုအင်ကို အင်ဂယူနမ်တစ်ယောက် အနိုင်ယူတိုက်ခိုက်သွားနိုင်မှာလား… အင်ဂယူနမ်မှာရော ဘယ်လိုလျှို့ဝှက်ချက်တွေ ရှိနေလဲဆိုတာကိုတော့ ကြည့်ရှုလိုက်ရအောင်ပါ။ (ဇာတ်လမ်းအညွှန်းနဲ့ ဘာသာပြန်ဆိုသူကတော့ Stary ပဲ ဖြစ်ပါတယ်။) File Size : 1.63GB/ 700MB Quality : Blu-Ray 1080p 5.1 CH/ 720p Format…mp4 Duration…01:48:36 Genre : Action, Drama, Sci-Fi, Thriller Subtitle : Myanmar Subtitle (Hard Sub) Translated by Stary Encoded by Tiff

Killing Season (2013) “ဒီလို ဆိုးရွားလှတဲ့အဖြစ်တွေက ဘုရားသခင် မရှိပါဘူးဆိုတာကို သက်သေပြနေတာမဟုတ်ဘူး။ ဘုရားသခင်ရှိတယ်လို့ သက်သေပြနေတာ။ လူသားတွေချည်းသက်သက်ဆို ဒီလောက် ဆိုးယုတ်တဲ့မကောင်းမှုတွေကို လုပ်နိုင်ကြမှာမဟုတ်ဘူး” ကိုဗက် (ဆာဘီးယား ကင်းမြီးကောက်တပ်ဖွဲ့ဝင်ဟောင်း) “အဆိုးဆိုးကောင်တွေထဲက နည်းနည်းလောက်ကို သတ်လိုက်မယ်ဆိုရင် ဒီလိုအဖြစ်တွေ ပြီးသွားမယ်လို့ငါထင်ခဲ့တာ။ စစ်ပွဲတွေထဲက ငါအမုန်းဆုံးအရာတစ်ခု ငါကိုယ်တိုင်ဖြစ်သွားပြီမှန်း ငါသဘောပေါက်သွားတယ်” ဘန်ဂျမင် (နေတိုးတပ်ဖွဲ့မှ အမေရိကန်စစ်တပ် ဗိုလ်မှူးကြီးဟောင်း) မင်းသားကြီးနှစ်လက်တည်းနဲ့ ဒီလိုဇာတ်ကားမျိုး ရိုက်ပြသွားတာပါပဲလေ။ ဘယ်သူမှမပါဘူး။ ကျန်တာ ဖြတ်လျှောက်နဲ့ တန်းသေပဲ။ သူတို့နှစ်ယောက်ပဲ ဇာတ်လမ်းကို သယ်သွားတာ။ John Travolta ကို ကျွန်တော်တို့က Face off ဇာတ်ကားမှာ နီကိုးလက်စ်ကေ့ခ်ျ နဲ့တွဲပြီး ရင်းနှီးခဲ့တာပေါ့။ အကယ်ဒမီဆုတွေ ဆန်ကာတင်စာရင်းဝင်ခဲ့တာတွေနဲ့ မင်းသားကောင်းတစ်လက်ပါပဲ။ The Godfather ရဲ့ အကောင်းဆုံး အမျိုးသားဇာတ်ပို့ဆုရှင် Robert De Niro ကလည်း ဒီဇာတ်ကားမှာ နွားပျိုသန်လှ နွားအိုပေါင်ကျိုးဆိုတဲ့အတိုင်း အက်ရှင်အသတ်အပုတ် အကြမ်းအရမ်းတွေကို လုပ်ပြသွားပါတယ်။ ဇာတ်လမ်းကတော့ နိုင်ငံနှစ်ခု ကျူးကျော်စစ်ဖြစ်ကြရင်းနဲ့ အပြစ်မဲ့ အရပ်သားပြည်သူတွေ လူမျိုးတုန်းလုနီးပါး အစုလိုက်အပြုံလိုက် အသတ်ခံရတဲ့အခါမှာ နေတိုးအဖွဲ့ကြီးက ကြားဝင်ခဲ့ရတယ်။ ဒီလိုနဲ့ အမေရိကန်စစ်တပ်က တပ်ဖွဲ့အရာရှိလေးတစ်ယောက်က ဆာဘီးယားအကျဉ်းစခန်းတစ်ခုကို ဝင်စီးခဲ့တယ်။ လူမဆန်စွာ ညှင်းပန်းသတ်ဖြတ်ခံထားရတဲ့ အလောင်းတွေကို ကျော်ခွပြီး စခန်းသိမ်းတိုက်ပွဲ ဆင်နွှဲခဲ့တယ်။ ရန်သူတွေ လက်နက်ချလိုက်တဲ့အခါမှာ စစ်သုံ့ပန်းစခန်းကို ခေါ်ဆောင်သွားရမှာဖြစ်ပေမဲ့ ဒီလိုလူမဆန်သူတွေဟာ စစ်ပွဲအပြီး ပြစ်ဒဏ်လွတ်ငြိမ်းလို့ အိမ်ကိုအေးအေးလူလူပြန်ခွင့်ရမှာကိုသိတဲ့ အရာရှိငယ်လေးက ရန်သူတွေကို တန်းစီဒူးထောက်ခိုင်းပြီး ဥပဒေပ သုတ်သင်ခဲ့သတဲ့။ ဒါပေမဲ့ အဲဒီအဖွဲ့ထဲက လူငယ်လေးတစ်ယောက်က အသက်မသေခဲ့ပါဘူး။ ဒီလိုနဲ့ အဲဒီကောင်လေးဟာ သူ့ရဲ့ရန်သူဟောင်းကြီးကို ရေမြေအဆုံး လိုက်ရှာတော့တာပဲ။ အဲဒီမှာပဲ အမေရိကန်အရာရှိလေးက ဗိုလ်မှူးကြီးဘဝနဲ့ အငြိမ်းစားယူလို့ တောင်တန်းကြီးပေါ်က တောင်ပေါ်အမဲလိုက်အိမ်လေးတစ်လုံးမှာ တစ်ဦးတည်းနေထိုင်နေစဉ် အတိတ်ရဲ့တစ္ဆေ အခြောက်ခံလိုက်ရချိန်မှာတော့ …။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှ တင်ဆက်ထားပါတယ်။)

ဒီတစ်ခါတော့ စိတ်အပန်းဖြေအနေနဲ့ကြည့်လို့တော်တော်လေးကောင်းတဲ့ ကာတွန်းကားလေး တစ်ကားနဲ့မိတ်ဆက်ပေးလိုက်ပါတယ်… Count Dracula ဟာသူ့ရဲ့ ဇနီး Martha သေဆုံးပြီး နောက်ပိုင်းမှာ သူ့မိန်းကို ကတိ ပေးထား ခဲ့တဲ့အတိုင်း သူတို့ ၂ ယောက်ရဲ့ သမီးလေး Mavis ကို မျက်စိ အောက်က အပျောက် မခံပဲ ထိန်းသိမ်း စောင့်ရှောက် ခဲ့ပါတယ်။ Count Dracula ဟာ Transylvania လို့ခေါ်တဲ့ Five Star အဆင့်ရှိ Hotel တစ်ခု တည်ဆောက် ခဲ့ပြီး သူ့ရဲ့ သူငယ်ချင်းတွေ ဖြစ်တဲ့ Frank နဲ့ သူ့ဇနီး Eunice, Wayne, Wanda နဲ့ သူတို့ရဲ့ မြေခွေး သားသမီး တစ်ဖွဲ့, Griffin ဆိုတဲ့ ကိုယ်ပျောက် လူသား, Murray ဆိုတဲ့ Mummy အစရှိတဲ့ နာမည်ကြီး Zombie တွေနဲ့ အတူ Human Free Zone ဆိုပြီး Mavis ရဲ့ 118 နှစ်ပြည့် မွေးနေ့ပွဲ ကျင်းပဖို့ ပြင်ဆင် ကြပါတယ်။ Count Dracula ဟာ Mavis ကို အပြင်ထွက်လည် ခွင့်မပေး ချင်ပေမယ့် Mavis ရဲ့ 118 နှစ်ပြည့် မွေးနေ့မှာ Mavis ကို အပြင် ထွက်လည် ခွင့်ပေးခဲ့ပြီး အပြင် လောက လူသားတွေဟာ ကြောက်ဖို့ ကောင်းကြောင်း ရွာတုတစ်ခု တည်ဆောက်ပြီး Mavis ကိုခြောက်လှန့် ခဲ့ပါတယ်။ Mavis ဟာလဲ ဒီခြောက်လှန့် မှုကို တကယ်ထင် သွားပြီး အပြင်လောကကို ဘယ်တော့မှ မထွက်လို တော့ကြောင်း သူ့အဖေကို ပြောခဲ့ပါတယ်။ ဒါပေမယ့် မမျှော်လင့်ပဲ ဟန်ဆောင် ခြောက်လှန့်မှု ပြုလုပ်ပြီး ပြန်လာတဲ့ Zombie တွေရဲ့ နောက်ကနေ 21 နှစ်အရွယ် Jonathan ဆိုတဲ့ လူသား တစ်ယောက်ပါ Hotel ကို ရောက်ရှိ လာခဲ့ပါတယ်။ Jonathan ဟာ Hotel ကိုရောက်စမှာ မကောင်းဆိုးဝါးလို ဝတ်ဆင်ပြီး ပြုလုပ် နေတဲ့ Party ပွဲလို့ ထင်ခဲ့ပြီး လိုက်ကြည့် နေတဲ့ အချိန်မှာ Count Dracula က ဖမ်းစည်း ခေါ်ယူ သွားပြီး ဒီ Hotel ကို ဘယ်လို ရောက်လာကြောင်း မေးမြန်း ခဲ့လို့ အဖြစ်စုံကို Jonathan က ရှင်းပြ ခဲ့ပါတယ်။ Jonathan ကို ပြန်ပို့ဖို့ ကြိုးစား ခဲ့ပေမယ့် Count Dracula ရဲ့ သူငယ်ချင်းတွေ တွေ့သွားတာကြောင့် Human Free Zone လို့ကြွေးကြော် ထားတဲ့ သူ့ရဲ့ Hotel သိက္ခာ ထိခိုက်မှာ ဆိုးတဲ့အတွက် Jonathan ကို Zombie အဖြစ်ဟန်ဆောင် ခိုင်းခဲ့ရာမှ Count Dracula ရဲ့ သမီး Mavis နဲ့ Jonathan တို့ သံယောဇဉ် ဖြစ်မိပြီး….ဘာတွေဆက်ဖြစ်မလဲဆိုတာ ဆက်လက်ကြည့်ရှုကြပါ.. ဒါရိုက်တာ Genndy Tartakovsky ရဲ့ 91 မိနစ် ရှည်တဲ့ Animated Comedy ဇာတ်ကား ဖြစ်ပါတယ်။ အသံ သရုပ်ဆောင်တွေ အဖြစ် Dracula (voice of Adam Sandler), Jonathan (voice of Andy Samberg), Mavis (voice of Selena Gomez) တို့က အဓိက ပါဝင် သရုပ်ဆောင် ထားပါတယ်။

The Fantastic Four: First Steps (2025) HDTC Version Screenshot The Fantastic Four: First Steps (2025) IMDb Rating (7.6) / Rotten Tomatoes (89%) မနေ့က ရုံစတင်ပြီဖြစ်တဲ့ ဖန်တက်စတစ်ဖောရုပ်ရှင် HDTC ကြည်တောက် အဆင့်ရပါပြီ။ Screenshot မှာပြထားတဲ့အတိုင်း ကြည့်လို့ရတဲ့အဆင့်ထိ ကြည်ပြီဖြစ်ပေမယ့် ကြော်ငြာတချို့ပါနေတာမလို့ အရှင်းတော့မဟုတ်ဘူးပေါ့။ စာတန်းထိုးလည်းမရှိတာမို့ နားထောင်ပြီး ရသမျှ ဘာသာပြန်ပေးထားပါတယ်။ စူပါမန်းအရင်ထွက်ပြီး ဒါပဲ တင်ပေးတယ်ဆိုပြီးတော့ စိတ်တော့မကောက်ကြပါနဲ့။ ပြည်တွင်းမှာ ရုံတင်တဲ့ကားတွေကျ ရုံမချမချင်း မတင်ဘူးလို့ ဆုံးဖြတ်ထားရယ် ကြည်တောက်ရှင်းမရသေးတာရယ်ကြောင့် ခနတော့စောင့်စားပေးကြပါဦးနော်။ Endgame အပြီးမှာ အမာခံတွေကလွဲရင် ပရိသတ်တွေကို ဖမ်းစားနိုင်စွမ်းလျော့နေတဲ့ ဇာတ်ကားတွေ ဆက်တိုက်ထွက်နေအပြီးမှာတော့ အခု အရင်လို ပြန်အရှိန်တက်တဲ့ ရုပ်ရှင်ကောင်းမျိုးထွက်လာပါတယ်။ ဇာတ်လမ်း၊ အထူးပြုလုပ်ချက်၊ မပေါတဲ့ဟာသတွေ စသဖြင့် အဆင့်မီမီလေး ကြည့်နိုင်ပါပြီ။ ဒါရိုက်တာ Matt Shakman ကလည်း the boys တို့ game of thrones တို့မှာ အပိုင်းတွေ ဝင်ရိုက်ပေးနေကျမို့ ဆရာပါပဲ။ သရုပ်ဆောင်တွေကလည်း Pedro Pascal, Vanessa Kirby တို့ အစွမ်းပြထားသလို မီးလူသားအဖြစ် ပါဝင်ထားတဲ့ Joseph Quinn ကလည်း Stranger Things မှာကတည်းက ကောင်းခဲ့တဲ့သူဖြစ်သလို ဒီရုပ်ရှင်မှာလည်း သူရဲကောင်းဆန်ဆန် ပုံဖော်ပေးထားပါတယ်။ ဇာတ်လမ်းအကျဉ်း ဒီဇာတ်လမ်းကိုတော့ အပြိုင်ကမ္ဘာ-၈၂၈ မှာ အခြေခံထားပြီး အဓိကကမ္ဘာဖြစ်တဲ့ ၆၁၆ နဲ့ နောက်ပိုင်းမှာ ပေါင်းစပ်လာပါလိမ့်မယ်။ အားလုံးသိတဲ့အတိုင်း အာကာသယာဉ်မှူးလေးဦးဟာ အာကာသလေ့လာရေးခရီးထွက်ရင်း အာကာသမုန်တိုင်းကြောင့် ဒီအန်အေတွေ ပြောင်းလဲသွားပြီး စွမ်းအားရှင်တွေဖြစ်လာပါတယ်။ ကမ္ဘာကိုကယ်တင်နေသူ သူရဲကောင်းတွေအဖြစ် ရှိနေရင်းနဲ့ပဲ ရိဒ်နဲ့ဆူးတို့မှာ ကိုယ်ဝန်ရှိလာပါတယ်။ ကလေးငယ်မွေးခါနီးမှာပဲ မာဗယ်ရဲ့ အကြီးဆုံးဗီလိန်တွေထဲက တစ်ယောက်ဖြစ်တဲ့ ဂြိုလ်ဘူဖေးစားတဲ့ ဂလက်တက်ကြီးရောက်လာပြီး သူတို့ဂြိုလ်ကို စားဖို့ ပြင်ပါတော့တယ်။ ဂလက်တက်ကို တားဖို့ကြိုးစားနေတုန်းမှာပဲ ဂလက်တက်ဟာ ဆူးရဲ့ကလေးဟာ စကြဝဠာအဆင့်စွမ်းအားရှင်ဖြစ်လာမယ်ဆိုတာကိုသိပြီး ကလေးကိုလုဖို့ကြိုးစားလာပါတော့တယ်။ ဖန်တက်စတစ်ဖောအနေနဲ့ သူတို့ဘယ်လိုမှ မယှဉ်နိုင်တဲ့ နတ်ဘုရားအဆင့် ဂလက်တက်ကို ဘယ်လိုရင်ဆိုင်ကြမလဲဆိုတာ ကြည့်ရမှာပါ။ (အညွှန်းနဲ့ဘာသာပြန်ကတော့ Mr. Anderson ဖြစ်ပါတယ်။) File size… (3.7 GB) / (1.4 GB) Quality…. HDTS 1080p HEVC / 720p Format…. mkv/mp4 Genre…. Action, Adventure, Sci-Fi, Superhero Duration….01:55:00 Subtitle…. Myanmar Subtitle (Hardsub) Encoder…. Ka Naung Translated by Mr. Anderson

Okamuro-san (2022) ******************** IMDb… 5.5 ဒဏ္ဍာရီလာ ဆာမူရိုင်းမကောင်းဆိုးဝါးလို့ သိထားကြတဲ့ အိုကာမူရို… သူ့ရဲ့နာမည်ကိုခေါ်ရင် Okamuro လို့ လိုင်းပေါ်မှာရှာရင် ပေါ်လာပြီးတော့ အားလုံးကို ခေါင်းဖြတ်သတ်တတ်တဲ့ မကောင်းဆိုးဝါး… အိုကာမူရိုကို ပြန်ပျောက်သွားစေချင်ရင် အိုကာမူရို အိုကာမူရို အိုကာမူရိုလို့ ၃ ကြိမ်ရွတ်ရတယ်ဆိုတဲ့ယုံတမ်းစကားလေးတစ်ခုရှိတာပေါ့။ ဒါပေမဲ့ ခေတ်အမြင်နဲ့ကြည့်တော့ မကောင်းဆိုးဝါးက အွန်လိုင်းမှာပဲ အက်တစ်ဖြစ်သလိုလို ဘာလိုလိုနဲ့ ရယ်စရာကြီးဖြစ်နေတော့ လူငယ်တွေကတော့ မယုံကြပါဘူး။ ဒီလိုနဲ့ ဆုဇုတို့သူငယ်ချင်းတစ်စု campထွက်ရင်း သရဲပုံပြင်တွေပြောကြ စနောက်ကြရာကနေ အိုကာမူရိုယုံတမ်းပုံပြင်လေးကို စမ်းသပ်ဖို့လုပ်ကြပါတော့တယ်။ ဒါပေမဲ့ ထူးဆန်းစွာနဲ့ ကမ့်ပ်ထွက်တဲ့လူတွေအကုန် ထူးထူးခြားခြား ခေါင်းဖြတ်သတ်ခံရပြီး ဆုဇုတစ်ယောက်တည်း အသက်ရှင်ကျန်ရစ်ခဲ့ချိန်မှာတော့… File Size… 1.14GB/ 530MB Quality… BluRay 1080p/ 720p Format…mp4 Duration…1h 13m Genre …..Horror, Fantasy, Comedy Subtitle….Myanmar Subtitle (Hard Sub)