ဆမ်ချီလ်ဒါးစ်ဟာ ထောင်ထဲကိုဝင်လိုက်ထွက်လိုက် လုပ်နေတဲ့လူဆိုးဂိုဏ်းဝင်တစ်ယောက်ဖြစ်ပါတယ်။ နောက်ဆုံး ထောင်ကထွက်လာတော့ မိန်းမဖြစ်သူက ဘုရားသခင်ရဲ့ ကရုဏာနဲ့ အပြစ်တွေဆေးကြောပြီး ဘဝသစ် စနေကြောင်း၊ ချီလ်ဒါးစ်ကိုလည်း အတိတ်ကလိုမနေဖို့ ပြောပေမယ့် လူဆိုးလုပ်ရတာ မဝသေးတဲ့ ချီလ်ဒါးစ်ဟာ အရင်လို ပြန်ဆိုးမိုက်နေပါတယ်။ ဒါပေမယ့် မမျှော်လင့်ဘဲ သူဟာ ဘုရားကျောင်းကို လိုက်သွားပြီးတဲ့ နောက်မှာ သူ့လုပ်ရပ်တွေကို နောင်တရပြီး ပြန်လည်ဆေးကြောဖို့ အသိဝင်လာပါတယ်။ ဒါကြောင့် အာဖရိကကို သွားပြီးတော့ ပရဟိတလုပ်ငန်းတွေကို စတင်လုပ်ဆောင်ပါတယ်။ အတိတ်ကလုပ်ရပ်တွေကြောင့် သူ့ကို အထင်သေးနေကြတဲ့ လူတွေကြားမှာ ချီလ်ဒါးစ်ရဲ့ လုပ်ငန်းတွေ အောင်မြင်ပါ့မလား၊ သူ့ရဲ့ စေတနာနဲ့ လုပ်သမျှဟာ အဆင်ပြေချောမွေ့ နေပါ့မလားဆိုတာ ဇာတ်လမ်းထဲမှာ ရှုစားနိုင်ပါတယ်ဗျာ။ ဒီကားဟာ အပြင်မှာ တကယ်ရှိတဲ့ Sam Childers (ဆမ်ချီလ်ဒါးစ်)ရဲ့ စာအုပ်ကို အခြေခံပြီး ရိုက်ကူးထား တာဖြစ်ပါတယ်။ ကိုယ့်ဘဝအမှားတွေကို ပြန်လည်ဆေးကြောချင်သူတိုင်း လက်မလွှတ်တမ်းကြည့်သင့်တဲ့ ဇာတ် ကားလေး ဖြစ်ပါတယ်။ File Size :(2.7GB)(1.03 GB) and (367 MB) Quality : Blu-Ray 1080P,720p Format…mp4 Duration…02:09:00 Genre : Action, Crime , Biography Subtitle : Myanmar Subtitle (Hard Sub) Translated by Ko Myo Encoded by Phyo Pyae

ဒီတစ်ခါ CMက တင်ဆက်ပေးလိုက်တဲ့ ဇာတ်ကားလေးကတော့ The Fate Of SwordsManဆိုတဲ့ ဇာတ်ကားလေးပဲဖြစ်ပါတယ် ထန်မင်း‌ဆက်ခေတ် လီမျိုးနွယ်စုဆို မင်းဧကရာဇ်အဖြစ် စိုးမိုးနေတဲ့အချိန်ကိုရိုက်ပြထားတဲ့ဇာတ်လမ်းလေးတစ်ပုဒ်ဖြစ်ပါတယ် မင်းကြီးမှာ အငယ်ဆုံးသားတော် ချုံမောက်လို့ခေါ်တဲ့ မင်းသားလေးတစ်ပါးရှိပါတယ် ချုံမောက်ကငယ်စဉ်အခါထဲက နန်းတော်ထဲအနေပဲ မြို့တော်ပြင်ပမှာရှိတဲ့ ချွမ်ယန်နန်းတော်ဆောင်မှာနေပါတယ် တစ်နေ့မှာ မင်းကြီးနေမကောင်းဖြစ်တော့ သူ့သားငယ်ကိုတွေ့ချင်ပါတယ်ဆိုပြီး ချုံမောက်ကိုမြို့တော်ပြန်ခေါ်ရာမှ လမ်းခရီးတစ်ဝက်မှာ လုပ်ကြံမှုတွေနဲ့ကြုံခဲ့ရပါတယ် ဒီဇာတ်ကားမှာတော့ ကျွန်တော်တို့ရဲ့ မင်းသား ရှဲ့ယွင်လျိုကတော့ ချွမ်ယန်ဂိုဏ်းရဲ့ အကြီးဆုံးတပည့်ပေါ့ သူက ချုံမောက်ကိုနန်းတော်ဆီသို့ပြန်လိုက်ပို့ရင်း အိမ်ရှေ့စံမင်းသားနဲ့ မင်းသမီးကို အမှတ်မထင်ကယ်တင်ခဲ့မိရာမှ တော်ဝင်မျိုးနွယ်စုရဲ့ နန်းလုနေတဲ့ရန်ပွဲထဲကိုအမှတ်မထင်ဝင်ရောက်မိခဲ့တယ် နောက်ဆုံးမှာ ရှဲ့ယွင်လျိုနဲ့ တော်ဝင်မျိုးနွယ်စုတို့ ဘယ်လိုဆက်ပတ်သက်ကြမလဲဆိုတာတော့ ဇာတ်လမ်းလေးကိုကြည့်ရှုရင်းစောင့်ကြည့်လိုက်ရအောင် Quality : WEB-DL 1080p , 480p Format : mp4 Genres : Adventure , Thriller Runtime : 1h 2min Subtitle : Myanmar Subtitle ( Hardsub ) Translated by Xing Er Encoded by LK

ဒါကတော့ အမေရိကန်နိုင်ငံ Indiana ပြည်နယ်ကနာမည်ကျော်အမှုတစ်မှုအကြောင်းရိုက်ထားတဲ့ Documentary ပါ။Doctor Donald Cline ဆိုတဲ့Fertility (မျိုးပွား) specialist တစ်ယောက်ဟာသူရဲ့လူနာအမျိုးသမီးအများအပြားကို သူတို့ခွင့်ပြုချက်မပါဘဲ သူ့ရဲ့ သုတ်ပိုးနဲ့ကိုယ်၀န်တည်စေခဲ့ပါတယ်။ လူနာအမျိုးသမီးတွေကတော့ အပြင်အလှူရှင်ရဲ့ သုတ် သို့မဟုတ် သူတို့အမျိုးသားတွေရဲ့ သုတ်လို့ပဲ ထင်နေကြတာပါ။ နှစ်ပေါင်းများစွာကြာချိန်မှာတော့ DNA နည်းပညာတွေတိုးတက်ထွန်းကားလာတာကြောင့်အမျိုးသမီးတစ်ယောက်ဟာ DNA စစ်ကြည့်ရင်းနဲ့ သူ့မှာ ဖအေတူမအေကွဲ မောင်နှမ ညီအစ်မတွေအများကြီးရှိတာကို ထိတ်လန့်ဖွယ် တွေ့ရှိလိုက်ရပါတယ်။ သူတို့မောင်နှမတွေစုပေါင်းပြီး တရားခံကိုဖော်ထုတ်ပြီး တရားစွဲဖို့ကြိုးစားကြပုံကို ရိုက်ကူးထားပါတယ်။ဖြစ်ရပ်မှန်ဆိုတာ ဇာတ်လမ်းထက်ပိုဆန်းတယ် ဆိုတဲ့အတိုင်း မယုံနိုင်စရာ ဒီအမှုဟာနောက်ဆုံးဘယ်လိုပြီးသွားလဲ၊ ကျုးလွန်ခံရသူတွေကရော သူတို့ဘ၀ကိုဘယ်လို လက်ခံကြမလဲ၊ ဒီဆရာ၀န်ကလည်း ဘာလို့ဒီလိုလုပ်ရတာလဲဆိုတာအဖြေရှာကြပုံကို ကြည့်ရှူရမှာပါ။ File size…(1.5GB)/(752MB)/(358MB) Quality….Webrip 1080p / 720p / 480p Format…mp4 Duration….01:36:00 Genre...Conedy /Drama Subtitle….Myanmar Subtitle (Hardsub) Encoder….Mr. Anderson Translated by....SP

ကမ္ဘာကြီးမှာ ဒုက္ခတွေ အလိုရမက်လောဘသားတွေ ထူပြောလာတာနဲ့အမျှဆေးကြောသုတ်သင်မယ့်သူတွေပေါ်လာစမြဲပါပဲ Kingmans:The Secret Service ထဲက ဗယ်လတိုင်းလိုမျိုး ဒါမှမဟုတ်Avengers:Age of Ultron ထဲက Ultronကြီးလိုမျိုးပေါ့ ဒါပေမယ့်အခုဇာတ်ကားမှာတော့ နတ်ဆိုးလိုလိုဘာလိုလိုအမျိုးအမည် မသိတဲ့ ကောင်ကြီးအနေနဲ့မြင်ရမှာပါသူတို့ကို မမြင်ရဘူး မြင်ရ ရင်လဲအဲ့လူကအသက်မရှင်ဘူး ကိုယ့်ကိုကိုယ်သတ်သေမိတော့တာပဲ ဇာတ်လမ်းအကျဉ်းက တော့ အဲ့သဘာဝလွန်ကောင်ကြီးထွက်လာတယ်ပေါ့ လူတွေလဲ အစကမသိတော့ကြည့်မိကြပြီး ရူးကုန်တယ် ကိုယ့်ကိုကိုယ်သတ်သေတယ် စိတ်တွေ လွတ်ထွက်ကုန်တယ် တစ်ရက် မယ်လိုရီဆိုတဲ့ ကျွန်တော်တို့မင်းသမီးချောကြီး Sandra Bullock တစ်ယောက် သူ့ညီမဖြစ်သူနဲ့ ဗိုက်သွားပြတာပေါ့ လမ်းမှာ အဲ့ကမ္ဘာပျက်မယ့်အဖြစ် အပျက်နဲ့ ကြုံတွေ့မိတာပဲ ကံကောင်းချင်တော့ကယ်မယ့်သူပေါ်လာပြီး အိမ်တစ်အိမ်ထဲရောက်ခဲ့တယ် အဲ့အိမ်မှာလဲအခြားသူတွေရှိတာပေါ့ ဒီတော့ဇာတ်လမ်းက survival ဇာတ်လမ်း အဲ့အိမ်ထဲမှာပိတ်မိနေတဲ့သူတို့Medusa လိုမျိုးအကြည့်တစ်ချက်နဲ့ရူးစေတဲ့နတ်ဆိုးကြီးဘေးက ကမ္ဘာပျက်ကပ်ဆိုက်နေတဲ့ဘေးကဘယ်လိုရှင်သန်အောင်လုပ်ကြမလဲ ဇာတ်သိမ်းလေးဘယ်လိုဖြစ်သွားမလဲကတော့ ကိုယ့်ဖာသာပဲကြည့်ရှုခံစားကြည့်ပါဆိုတော့တာ ဒီကားလေးက rating သိပ်မများပေမယ့် အတော်လေးသပ်ရပ်လှပတဲ့ကားလို့မြင်မိပါတယ် နာမည်လေးကလဲBird Box ငှက်အိမ်လေးတဲ့ ဒီနာမည်ပေးထားတာလေးကိုချီးကျူးမိတယ် ဇာတ်လမ်းနဲ့လဲဆက်စပ်နေတာကိုး ဆိုတော့ကာ plotကကျွန်တော်ပြောခဲ့သလိုပဲဘာမှ သိပ်ထူးထူးခြားခြားကြီးမရှိဘူး ဒါပေမယ့်ကြည့်ရတာတော့သိပ်ကိုထူးခြားမှာပါ အဲ့လိုထူးခြားအောင်လဲ မင်းသမီးကြီး Sandra Bullockကဆွဲခေါ်ပေးသွားတာပါ ကလေးသရုပ် ဆောင်နှစ်ယောက်ကလဲလျှမ်းလျှမ်းတောက်ပဲ မင်းသမီးကြီးကို The Blind Side တို့Gravity တို့မှာကတည်းကကြွေတာ အခုဒီကားမှာလဲ သူတစ်ယောက်တည်းနဲ့တင်ဇာတ်အိမ်တစ်ခုလုံးစလယ်ဆုံး survival ဆိုတဲ့အခြေနေကိုပေါ်လွင်အောင်ဖမ်းစားပေးနိုင်တယ် ဒီကားက thriller နဲ့ dramatype လို့ပြောထားပေမယ့် thriller ကိုတော့သိပ်မခံစားရဘူး drama ဘက်ပိုအလေး သာတယ်လို့ ထင်မိတယ်အဲ့ဒါကလဲ ဒါရိုက်တာ Susanne Bier ကြောင့်နေမယ်သူက drama တွေအရိုက်များတယ်ဆိုတော့thriller ဖြစ်စေမယ့် scene တွေမှာသမားရိုး ကျဆန်နေတယ်ဒီ Bird Box လေးဟာ 2014 ကအမေရီကန်စာရေးဆရာ Josh Malermanရဲ့ ဝတ္ထုကိုပြန်အသက်သွင်းထားတာမို့လို့movie ရဲ့ပေးချင်တဲ့ message က စာအုပ် နဲ့ထပ်တူထပ်မျှပါပဲ demon ကောင်တွေ ဘာညာတွေက အဓိကမဟုတ်ဘူးပေါ့ သင်သာ survival အခြေနေရောက်ရင်ဘယ်သွားသွားမျက်လုံးအဝတ်စည်းပြီး သွားရ မယ်ဆိုရင်ဘယ်လိုခံစားရမလဲ ဘယ်လောက်ထိ ရဲဆေးတင်ဖို့လိုမလဲဆိုတာကို မိန်းမတစ်ယောက်ရဲ့ ခွန်အားဆုံးဖြတ်နိုင် စွမ်းနဲ့ Sandra Bullock ရဲ့ အနုပညာ အရောနှောလေးပေါင်းပြီး End of the Worldဖီလင်လေးကို ခံစားကြည့်ရတာ သင့်အတွက်တွေးစရာလေးတစ်ခုရသွားမယ်ဆိုရင်တော့ မမှားပါဘူး ဒီရုပ်ရှင်ကားကို ဟိန်းသက်နိုင်က ဘာသာပြန်ပေးထားပြီး အညွှန်းကိုလဲ ကိုယ်တိုင်ရေးပေးထားပါတယ် Rating IMDb-6.6 Rotten Tomatoes-64%

Tango & Cash (1989) ၁၉၈၀ ခုနှစ်တွေတုန်းက လျှမ်းလျှမ်းတောက်အောင်မြင်နေခဲ့တဲ့ Sylvester Stallone နဲ့ Kurt Russell တို့လို အက်ရှင်မင်းသားတွေကို ဇာတ်ဆောင်တင်ရိုက်ထားတဲ့ Action, Comedy ရုပ်ရှင်ကားကောင်းတစ်ခုပါ။ Stallone ကလည်း Rambo ၃ကား နဲ့ Rocky ၄ကားထွက်ပြီးတဲ့အချိန်၊ Kurt ကလည်း Escape from Newyork နဲ့ Big Trouble in Little China တို့လို အက်ရှင်ကားတွေရိုက်ကူးထားပြီးချိန်ပါ။ မင်းသား ၂ယောက်ရဲ့ ဩဇာရှိန်တက်နေဆဲအချိန်ပေါ့။ လော့စ်အိန်ဂျလိစ်ရဲတပ်ဖွဲ့မှာ အတော်ဆုံးလို့ သတ်မှတ်ထားရတဲ့ စုံထောက် ၂ ယောက်ရှိပါတယ်။ အနောက်ဘက်က တန်ဂိုနဲ့ အရှေ့ဘက်က ကက်ရှ် တို့ပါ။ နေရာချင်းမတူသလို စရိုက်ချင်းကလည်းမတူပါဘူး။ တန်ဂိုဟာ သပ်သပ်ရပ်ရပ်ဝတ်စားပြီး လူကြီးလူကောင်းဂိုက်နဲ့ အမြဲနေပေမဲ့ ကက်ရှ်ကတော့ ပိုလွတ်လပ်တဲ့ လမ်းသရဲစတိုင်ရှိပါတယ်။ ဒီလိုအတော်ဆုံးရဲ ၂ ယောက်က လော့စ်အိန်ဂျလိစ်မှာ ရှိနေတော့ ရာဇဝတ်ဂိုဏ်းတွေအနေနဲ့ အခက်ကြုံပါပြီ။ ဒါကြောင့် သူတို့ ၂ ယောက်ကို ရှင်းပစ်ဖို့ကြံပါတော့တယ်။ သူတို့ကိုရှင်းပစ်ချင်တာကတော့ ပရက်လို့ ခေါ်တဲ့ လက်နက် နဲ့ မူးယစ်ဆေးရာဇာကြီးပါ။ အဲဒါနဲ့ တစ်နေ့မှာ သူတို့ ၂ ယောက်လုံးဆီ သတင်းအမှားတစ်ခုကို ပေးပြီး ထောင်ချောက်ဆင်ချလိုက်ပါတယ်။ အဲဒါနဲ့ တန်ဂိုနဲ့ ကက်ရှ်တို့ နာမည်လည်းပျက်တဲ့အပြင် ထောင်ပါကျသွားတာပေါ့လေ။ အဲဒီကနေ သူတို့ ၂ ယောက် နာမည်ဘယ်လိုပြန်အဖတ်ဆယ်မလဲ… မူးယစ်ဂိုဏ်းကို ဘယ်လိုပြန်လိုက်မလဲ… ဆိုတာကို အက်ရှင်ခန်းကောင်းကောင်းနဲ့ ကြည့်ရှုရမှာဖြစ်ပါတယ်။ ဒီရုပ်ရှင်ရဲ့ စတန့်ခန်း အတော်များများကို မင်းသားတွေကိုယ်တိုင် သရုပ်ဆောင်ခဲ့ပါတယ်။ အက်ရှင်ခန်းတွေ မပီပြင်မှာစိုးလို့ပါတဲ့လေ။ အဲဒါကြောင့် Stallone ကလည်း နံရိုးတစ်ချောင်းကျိုးခဲ့ပေမဲ့ ပြီးတဲ့အထိတော့ ရိုက်ကူးခဲ့ပါတယ်။ သူတို့ ၂ ယောက်ရဲ့ ရိုက်ကွင်းပြင်ပ ရင်းနှီးမှုကတော့ ရုပ်ရှင်ထဲအထိပါ ရောင်ပြန်ဟပ်နေသလိုပါပဲ။ စရိုက်ချင်းမတူပေမဲ့ အစပ်အဟပ်တည့်နေတာမျိုးပေါ့။ ဒါ့အပြင် ငယ်ငယ်ရွယ်ရွယ် မမ Teri Hatcher လည်း ပါပါသေးတယ်။ ဒါရိုက်တာကလည်း ဟာသတွေကို ပေါပေါပဲပဲဖြစ်အောင်မသုံးထားဘဲ အံဝင်အောင်သုံးထားတဲ့အပြင် ရိုက်ကူးတဲ့နေရာမှာလည်း အက်ရှင်ခန်းတွေကို ရှုထောင့်ကောင်းကောင်းကနေ ရိုက်ကူးထားပါတယ်။ ဒီဇာတ်ကားရုံတင်ခဲ့တုန်းက ဝေဖန်ရေးဆရာတွေဟာ ဇာတ်လမ်းကတော့ အော်စကာရဖို့အထိမဖြစ်နိုင်ပေမဲ့ အက်ရှင်ခန်းတွေ ကောင်းကြောင်း နဲ့ ဇာတ်ဆောင်၂ ယောက်ကြားက အတွဲညီမှုကို အထူးတလှယ်ချီးကျူးခဲ့ပါတယ်။ ဒီဇာတ်ကားဟာ 1989 ခုနှစ်ရဲ့ ဝင်ငွေအကောင်းဆုံး ရုပ်ရှင်တွေထဲက တစ်ခုဖြစ်ခဲ့ပြီး Sylvester Stallone နဲ့ Kurt Russell တို့ကို အက်ရှင်ထိပ်သီးတွေနေရာမှာ ပိုတည်မြဲစေခဲ့ပါတယ်။ ဇာတ်လမ်းက မြုပ်ကွက်အများကြီးနဲ့ စုံထောက်ကားလိုမဟုတ်ပေမဲ့ ကိုယ်ကြိုက်ရတဲ့ အက်ရှင်မင်းသားတွေနဲ့ အက်ရှင်ခန်းကောင်းကောင်းတွေကို နှစ်သက်တယ်ဆိုရင်တော့ မြည်းစမ်းကြည့်သင့်တဲ့ ရုပ်ရှင်တစ်ခုပါ။ (ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်) Size – 2.5GB, 998MB Quality – 1080p, 720p IMDb Rating – 6.4/10 Format – mp4 Duration – 1H 44Min Genre – Action, Comedy, Crime Subtitle – Myanmar Subtitle (Hardsub) Translated by Min Thant Bo Encoded by Y

Ullozhukku 2024 (သိုဝှက်နက်ရှိုင်းသောခံစားချက်များ) IMDb – 7.9/10 ဇာတ်အေးအေးလေးကိုမှ တစိမ့်စိမ့်အတွေးထဲစီးမျောခံစားချင်သူတွေ အကြိုက်တွေ့မယ့် ဇာတ်လမ်းလေးတစ်ပုဒ်ကို တင်ဆက်ပေးချင်ပါတယ်။ ဒီဇာတ်ကားလေးကတော့ ယောက္ခမဖြစ်သူလီလာမာနဲ့ ချွေးမဖြစ်သူအန်ဂျူးကြားက ခံစားချက်တွေကို ပုံဖော်ထားတဲ့family dramaလေးဆိုပေမဲ့ မထင်မှတ်ထားတဲ့plot twistလေးတွေလည်း ပါဦးမှာပါ။ ချစ်သူရှိပေမဲ့ မရေရာတဲ့အနာဂတ်ကို ပုံမအပ်ချင်တာကြောင့် အိမ်ကပေးစားတဲ့သူကို မျက်စိမှိတ်ပြီးယူလိုက်ရတဲ့အန်ဂျူးရဲ့ဘဝမှာ ပျော်ရွှင်မှုဆိုတာ ဆိတ်သုဉ်းနေတာပေါ့။ ခင်ပွန်းဖြစ်သူသောမတ်စ်ကူတီကလည်း အန်ဂျူးကိုချစ်ရှာပေမဲ့ ကံဆိုးချင်တော့ မင်္ဂလာဆောင်ပြီးမကြာခင်မှာပဲ သောမတ်စ်တစ်ယောက် အကြီးအကျယ်နာမကျန်းဖြစ်ပြီး အိပ်ရာထဲလဲတော့ ရောဂါသည်ခင်ပွန်းနဲ့ ယောက္ခမလီလာမာကို ပြုစုရတဲ့တာဝန်က အန်ဂျူးပခုံးပေါ်ရောက်လာတော့တာပေါ့။ နဂိုကတည်းကမှ အချစ်နဲ့စခဲ့တဲ့အိမ်ထောင်ရေးမဟုတ်ရတဲ့ထဲ ဝန်ပိုတွေတိုးလာချိန်မှာ မွန်းကြပ်နေတဲ့ အန်ဂျူးတစ်ယောက် ခင်ပွန်းကိုပါ ထပ်ပြီးဆုံးရှုံးလိုက်ရတဲ့အပြင် သင်္ဂြိုဟ်ခါနီးမှာမှ ရေဘေးကထပ်သင့်ပြန်ပါတယ်။ အလောင်းကြီး အိမ်ထဲထားပြီး တစ်နေ့တာကိုမွန်းကြပ်စွာနဲ့ သမီးယောက္ခမနှစ်ယောက် ဖြတ်သန်းနေတုန်း အန်ဂျူးတစ်ယောက် ချစ်သူဟောင်းနဲ့ အဆက်အသွယ်ပြန်ရပြီး မထင်မှတ်ထားတာတွေ ဖြစ်လာချိန်မှာတော့….. (အညွှန်းနဲ့ဘာသာပြန်ကတော့ Alex ~ ToMo ~ V ~ BpL တို့ပဲဖြစ်ပါတယ်။)

IMDb 8/10 မင်းသားကြီး Paul Bettany နဲ့ မင်းသမီးကြီး Nicole Kidman တို့အဓိကပါဝင်သရုပ်ဆောင်ထားတဲ့ Crime/ Drama ဇာတ်ကားကောင်းလေးတစ်ကားပဲဖြစ်ပါတယ် Director Lars Von Trier ရဲ့ ကိုယ်တိုင်ရေး ကိုယ်တိုင်ရိုက် လက်ရာကောင်းတစ်ခုပါ Manderlay 2005 ရဲ့ Trilogy ဖြစ်ပြီး Manderlay ဇာတ်ကားကိုလည်း ကိုယ်တိုင်ရေး ကိုယ်တိုင်ရိုက်အနေနဲ့ပဲ ဖန်တီးထားပါသေးတယ် နှစ်ကားစလုံး ဆုတွေအများကြီးရထားတာပါ နှစ်ကားစလုံးရဲ့ထူးခြားချက်ကလည်း ရိုက်ကွင်းကို စတူဒီယိုခန်းကြီးထဲက အနက်ရောင်စတိတ်စင်ကြီးပေါ်မှာ ပုံစံဖော်ပြီးရိုက်ကူးထားတာက တခြားရုပ်ရှင်ကားတွေနဲ့မတူတဲ့ Director Lars Von Trier ရဲ့ထူးခြားတဲ့ Idea တစ်ခုပဲဖြစ်ပါတယ် ဇာတ်အိမ်ကိုတော့ အမေရိကန်နိုင်ငံ ရော့ကီတောင်တန်းပေါ်က ဒေါ့ဗေးလ် ဆိုတဲ့မြို့လေးတစ်မြို့အကြောင်းကို တည်ပြီးရိုက်ကူးထားတာပါ တစ်ညမှာ ဝတ်ကောင်းစားလှတွေဝတ်ထားတဲ့ ချောမောလှပတဲ့ ဂရေ့စ် ဆိုတဲ့ မိန်းကလေးတစ်ယောက်ဟာ လူဆိုးတွေရဲ့လက်ကနေ ထွက်ပြေးလာရင်းနဲ့ ဒေါ့ဗေးလ် ဆိုတဲ့မြို့လေးကို ရောက်ရှိလာပါတယ် ဒေါ့ဗေးလ် မြို့မှာ လူ့ကျင်ဝတ်အကြောင်းကိုဟောပြောလေ့ရှိတဲ့ စာရေးစရာပေါက်စ တွမ် ဟာ ဂရေ့စ် နဲ့တွေ့ခဲ့ပြီး ဂရေ့စ် ကို ဒေါ့ဗေးလ် မြို့မှာနေထိုင်နိုင်ဖို့နဲ့ မြို့သူမြို့သားတွေလက်ခံလာနိုင်ဖို့အတွက် ကြိုးစားကြပါတော့တယ် တွမ် ကလည်း ဂရေ့စ် ကိုအကြံပေးရင်းနဲ့ မြို့သူမြို့သားတွေကိုလည်း လက်ခံလာနိုင်အောင်စည်းရုံးနဲ့ပေါ့လူဆိုးတွေရဲ့လက်ထဲကိုပြန်မရောက်ချင်တဲ့အချက်က ဂရေ့စ် အတွက်အားနည်းချက်တစ်ခုဖြစ်နေခဲ့ပြီး မြို့သူမြို့သားတွေက အဲဒီအားနည်းချက်ကိုချနင်းပြီး လူ့ကျင့်ဝတ် လူ့စည်းကမ်းတွေကို အမျိုးမျိုးချိုးဖောက်ခံရတဲ့ အကြောင်းကို ရိုက်ကူးထားတာပဲဖြစ်ပါတယ် ဇာတ်လမ်းဟာ ရင်နာစရာ၊ စိတ်နာစရာ၊ သံဝေဂရစရာ၊ ဒေါသထွက်စရာ၊ ကိုယ်ချင်စာစရာ စတဲ့ ရသပေါင်းစုံကိုပေးစွမ်းနိုင်တဲ့လက်ရာကောင်းတစ်ခုပါ ကျွန်တော်တို့လူသားတွေရဲ့ အမှောင်ဘက်ခြမ်းဟာ ဘယ်လောက်ကြောက်ဖို့ကောင်းလဲဆိုတာကို တဖြည်းဖြည်းနဲ့ ဇာတ်ရှိန်မြင့်လာအောင်ရိုက်ကူးထားပါတယ် လောကနိယာမရဲ့ တူသောအကျိုးကိုပြန်ခံစားရမယ်ဆိုတာကိုပါမြင်ရတာကြီးကတော့ တကယ်ကို ကြောက်စရာကောင်းလှပါတယ် Director Lars Von Trier ရဲ့ဘယ်လိုတင်ဆက်ထားသလဲဆိုတာကိုတော့ ကြည့်ရှုခံစားကြည့်ကြဖို့ တိုက်တွန်းလိုက်ပါရစေ ဒီဇာတ်ကားလေးကိုအညွှန်းရေးပြီး ဘာသာပြန်ပေးထားတာကတော့ Leo ပဲဖြစ်ပါတယ် File size…(2.9 GB)/(1.3 GB) Quality….Blu-Ray 1080p / 720p Format… mp4 Duration…. 02:58:00 Genre… Crime, Drama Subtitle….Myanmar Subtitle (Hardsub) Encoder….Garfield Translated by Leo

Under the Sand (2000) ~ IMDb – 7/10, Rotten Tomatoes – 93% ~ “ကျွန်မထပ်ပြီး ရူးသွားတော့မယ်ထင်တယ်။ ကျွန်မခေါင်းထဲမှာ အသံတွေကြားနေရတယ်။ အလုပ်ကို အာရုံစိုက်လို့မရတော့ဘူး။ ကျွန်မ တိုက်ခိုက်ဖို့ ကြိုးစားချင်ပေမဲ့ ကျွန်မဆက်ပြီး အားတင်းမထားနိုင်တော့ဘူး။ ကျွန်မဘဝရဲ့ ပျော်ရွှင်မှုတွေ အားလုံးက ရှင့်ကျေးဇူးကြောင့်ပါပဲ။ ရှင်က ကျွန်မအတွက်တော့ အပြည့်အဝကောင်းတဲ့သူပါ။ ကျွန်မရှင့်ဘဝကို မဖျက်စီးချင်တော့ဘူး…” စိတ်အတက်အကျ ပြင်းထန်တဲ့ရောဂါဖြစ်နေတဲ့ နာမည်ကျော်စာရေးဆရာမကြီး ဗာဂျီးနီးယားဝုဖ် ကိုယ့်ကိုယ်ကိုယ်သတ်မသေခင် သူ့အမျိုးသားအတွက်ရေးထားခဲ့တဲ့စာကို ဇာတ်ကားထဲမှာ ကိုးကားထားတဲ့အတိုင်း ရေးထားတာပါ။ မူရင်းကပိုပြီး ခြောက်ခြားဖွယ်လှပနေတာကို တွေ့ရမှာပါ။ ဒီဇာတ်ကားကလည်း ဗာဂျီးနီးယားဝုဖ်ရဲ့ သေတမ်းစာလိုပဲ စိတ်ကို ညစ်ညူးစေပေမဲ့ လှပနေတဲ့ ဇာတ်ကားမျိုးပါ။ မူရင်းခေါင်းစဉ်က Sous le sable ဖြစ်ပြီး ပြင်သစ်နိုင်ငံရဲ့ ၂၇ ကြိမ်မြောက် César Awards ရုပ်ရှင်ဆုချီးမြှင့်ပွဲမှာ ဇာတ်ကားဆု၊ ဒါရိုက်တာဆု၊ ဇာတ်ဆောင်အမျိုးသမီးဆု ဆန်ခါတင်စာရင်းအများကြီးဝင်ခဲ့ပေမဲ့ ကံမကောင်းစွာနဲ့ ဆုမရခဲ့ပါဘူး။ ဒါပေမဲ့လည်း ရုပ်ရှင်ဇာတ်ကားတစ်ကားကောင်းမကောင်းဆိုတာ ကြည့်တဲ့သူရဲ့ နှလုံးသားပေါ်ပဲ မူတည်တာမဟုတ်လား။ ဒီဇာတ်ကားက ဆုမရပေမဲ့ နှလုံးသားတွေကိုတော့ ထိခတ်အောင်လုပ်နိုင်လိမ့်မယ်လို့ ထင်ပါတယ်။ အိမ်ထောင်သက် ၂၅ နှစ်ကျော်ပေါင်းသင်းလာတဲ့ အချစ်ရဆုံးသူ ခင်ပွန်းသည် ပျောက်သွားတဲ့ ဇနီးသည်တစ်ယောက်ရဲ့ ခံစားချက်နဲ့ အတွေးတွေကို ထင်ထင်ရှားရှားနဲ့ မြင်သာလာအောင် ပြပေးထားပါတယ်။ ကိုယ်ချစ်ရတဲ့သူတစ်ယောက် သေသွားတာနဲ့ ပျောက်သွားတာ ဘယ်ဟာကပိုပြီး ခံရခက်ပါသလဲ။ ကျွန်တော့်အမြင်ကတော့ သေသွားပြီဆိုရင် တစ်ခါတည်း အပြီးပိုင်လက်လွှတ်ရပေမဲ့ ပျောက်သွားတာဆိုရင် ပြန်တွေ့လေမလားမျှော်နေရင်း ပြန်မတွေ့ရလို့ ဝမ်းနည်းနေရသလို တစ်နေရာရာမှာ ဒုက္ခရောက်နေမှာကို တွေးရင်း စိတ်ပူရင်းဝမ်းနည်းရပြန်လို့ ပျောက်တာက သေတာထက် ပိုဆိုးတယ်ထင်ပါတယ်။ အဲဒါကြောင့် ဒီဇာတ်ကားကိုကြည့်ပြီး အကြောင်းအမျိုးမျိုးကြောင့် ချစ်ရခင်ရတဲ့သူတွေနဲ့ ဝေးကွာနေရတဲ့သူတွေရှိရင် စိတ်ပူပင်နေတာတွေ ပျောက်သွားအောင် ဖုန်းတစ်ချက်ဆက်လိုက်ဖို့ တိုက်တွန်းချင်ပါတယ်။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size – 1.75GB, 800MB Quality – 1080p, 720p IMDb Rating – 7/10 Format – mp4 Duration – 1H 32Min Genre – Drama, Mystery Subtitle – Myanmar Subtitle (Hardsub) Translated by 666 Encoded by Y

Herb (2007) ************* 2007 ခုနှစ်ကထွက်ရှိခဲ့တဲ့ ဒီကားလေးကတော့ Chunsa Film Art Awards အပါအဝင် Best New Actor Award ,Excellent Actor Award ဆုတွေပါ ရရှိထားပြီး Cast တွေအနေနဲ့ကလည်း မင်းသမီးကြီး Bae Jong-Ok , ချစ်စရာမင်းသမီးလေး Kang Hye -Jung နဲ့ မင်းသားချော Jung Kyung -Ho တို့မှ အဓိကပါဝင်သရုပ်ဆောင်ထားပါတယ်။ ဇာတ်လမ်းအညွှန်း ~ ချာဆန်းအွန်းဆိုတဲ့ အသက်၂၀ အရွယ်ကောင်မလေးဟာ ရုပ်လေးလည်း လှသလို စိတ်ထားကောင်းပြီး ကြင်နာတတ်တဲ့အပြင် စက္ကူရုပ်မျိုးစုံကိုလည်း ခေါက်တတ်တဲ့ ပါရမီပါသူလေးပါ။ ဒီလို ပြီးပြည့်စုံပေမဲ့လည်း သူမဟာ ဉာဏ်ရည်နှောင့်နှေးတဲ့ရောဂါကို ခံစားနေရတာကြောင့် အသက် ၇နှစ်အရွယ် ဉာဏ်ရည်ကိုသာ ပိုင်ဆိုင်ထားသူလေးဖြစ်ပါတယ် ။ ဒီလိုမျိုး လူ့လောကအကြောင်းကို အပြည့်အဝနိုင်လည်နိုင်စွမ်းမရှိဘဲ ပုံပြင်ထဲက မင်းသားလေးကိုပဲ စောင့်မျှော်နေပြီး ကလေးတစ်ယောက်လို ဖြူစင်လှတဲ့ ဆန်းအွန်းလေးကိုယ်တိုင် အရာရာကို ကိုယ့်အားကိုယ်ကိုးပြီး လုပ်နိုင်ဖို့ အတွက် သူမ အရမ်းချစ်ရတဲ့အမေက အမြဲတမ်း သင်ကြားပေးနေတတ်ပါတယ် ။ တစ်နေ့မှာတော့ တွေ့သမျှ မိန်းကလေးချောချောလှလှလေးတွေကို လိုက်ကြောင်တတ်တဲ့ ဂျုံဘမ်းဆိုသူ လူရှုပ်လေးက ဆန်းအွန်းကို ရှေ့နေလို့အထင်မှားသွားပြီး ပညာအရည်အချင်းရှိတဲ့ မိန်းမလှလေးဆိုပြီး လိုက်ကြောင်ရာကနေ ဆန်းအွန်းရဲ့ ရောဂါအကြောင်းကို သိသွားပြီးနောက်မှာတော့ ထွက်ပြေးသွားခဲ့ပါတယ် ။ ဒီလိုနဲ့ပဲ ဂျုံဘမ်းကို သူစောင့်မျှော်နေခဲ့ရတဲ့ မင်းသားလေးလို့ထင်ပြီး သဘောကျမိသွားတဲ့ ဆန်းအွန်းလေးဟာ ချစ်ရသူကြောင့် စိတ်ထိခိုက်သွားရတဲ့အပြင် သူမအမေရဲ့ သတင်းဆိုးကိုပါ သိသွားပြီးနောက်မှာတော့ …. ဂျုံဘမ်းက ဆန်းအွန်းဆီ ပြန်လာပါ့မလား…. အမေဖြစ်သူရဲ့သတင်းဆိုးကနေတစ်ဆင့် ဆန်းအွန်းလေးမှာ ဘာတွေပြောင်းလဲလာမလဲ .. ၁၅၀၀ မေတ္တာအပြင် ၅၂၈ မေတ္တာကိုပါ ရယ်ရင်းငိုရင်း အပြည့်အဝကြည့်ရှုခံစားရမဲ့ ကားကောင်းလေးဖြစ်တာကြောင့် CM ကနေ ကွာလတီကောင်းကောင်းနဲ့ တင်ဆက်ပေးလိုက်ရပါတယ်….. (အညွှန်းကို Su Sandi မှ ရေးသားထားပါတယ်) File size…2.4GB / 954MB Quality… WEB-DL 1080p/ 720p Format…mp4 Duration….1 hr. 53 min. Genre ….. Comedy, Romance, Drama, Melodrama Subtitle….Myanmar Subtitle (Hard Sub) Translated by Su Sandi Encoded by AHtet

ဒီဇာတ်ကားက နာမည်‌ကျော်ဇာတ်ကားကြီး တစ်ခုဖြစ်တဲ့ Willy Wonka and the Chocolate Factoryကို မှီငြမ်းပြီးရိုက်ကူးထားတဲ့ Tom & Jerry ဇာတ်ကားပဲ ဖြစ်ပါတယ်။ ဇာတ်လမ်းအသွားအလာကတော့ ရုပ်ရှင်အတိုင်း ဖြစ်ပြီး နာမည်ကျော် ဝန်ကာချောကလက်စက်ရုံက တစ်သက်စာ ချောကလက်တွေကို ရွှေလက်မှတ်ရှာတွေ့တဲ့ ကံထူးရှင် ငါးယောက်ကို ပေးသွားမယ်ဆိုတဲ့ ကြေညာချက်နဲ့ အတူ ရွှေလက်မှတ်တွေကို ချောကလက်ချောင်းထဲ ထည့်ပေး လိုက်တာကြောင့် ကလေးလူကြီးမရွေး ချောကလက်လုပွဲတစ်ခုဖြစ်သွားခဲ့ပါတယ်။ ရွှေလက်မှတ်ပိုင်ရှင်တွေထဲမှာ ချာလီလေးလည်း တစ်ယောက်အပါအဝင် ဖြစ်ပါတယ်။ တွမ်နဲ့ဂျယ်ရီတို့ကတော့ ချာလီလေးရဲ့ မိတ်ဆွေတွေပေါ့။ အဲဒီလိုနဲ့ ချာလီတို့အဖွဲ့ ဝန်ကာရဲ့ချောကလက်စက်ရုံထဲကို အလည်အပတ်ရောက်သွားခဲ့ကြပါတယ်။ စက်ရုံထဲမှာ ဝန်ကာတီထွင်ထားတဲ့ ထူးဆန်းတဲ့သွားရည်စာတွေနဲ့အတူ မထင်တားတဲ့ အန္တရာယ်တွေလည်း ရှိနေတာကို ချာလီတို့ သိလာခဲ့ပါတယ်။ တစ်ဖက်မှာလည်း ဝန်ကာရဲ့စက်ရုံကြီး ဒေဝါလီခံရအောင် ကြိုးစားနေတဲ့ ဆလက်ဂ်ဝေါ့ရှ်ဆိုတဲ့စီးပွားပြိုင်ဖက်တစ်ယောက်ရဲ့ အန္တရာယ်လည်း ရှိတာမို့ ချာလီနဲ့ တွမ် ဂျယ်ရီတို့ အဲဒီပြဿနာတွေကို ဖြေရှင်းပုံကိုကြည့်ရှုရမှာပဲ ဖြစ်ပါတယ်။ File size… 1.6 GB / 828 MB Quality… BluRay 1080p / 720p Format… mp4 Duration…. 1h 19m Genre ….. Adventure / Animation / Comedy Subtitle…. Myanmar Subtitle (Hard Sub) Encoder…. Thit San Khant Translated… by JimX

Dead Again (2017) ***************** ထူးဆန်းတဲ့ ကျိန်စာဆိုးတွေ ဆန်းကြယ်မှုတွေနဲ့ ပြည့်နှက်တဲ့ ကားမျိုးကို သဘောကျတဲ့ ပရိသတ်တို့အတွက် More Then Friend, Korea-Khitan War တို့က မင်းသား Kim Dong Jun၊ Kim Sung Yoonနဲ့ Joo Ah Reum တို့က အဓိက ပါဝင်ထားတဲ့ Horror ကားလေးတစ်ကားကို တင်ဆက်ပေးလိုက်ပါတယ်။ ဇာတ်လမ်းအညွှန်း **************** Thomas က ရှေးဟောင်းနယ်မြေတစ်ခုမှာရှိတဲ့ ဒိုင်ယာရီအဟောင်းတစ်ခုကို ကောက်ရခဲ့တယ်။ ဒိုင်ယာရီထဲက စွဲလမ်းဖို့ကောင်းတဲ့ ပုံပြင်တစ်ပုဒ်ကို ဖတ်နေတုန်းမှာပဲ ဒီဒိုင်ယာရီထဲမှာ ကြောက်ဖို့ကောင်းတဲ့ ကျိန်စာတစ်ခုရှိနေတာ သိလိုက်ရပါတယ် ။ စာရေးဆရာ Jeong Hoon က ဒိုင်ယာရီကို ရေးခဲ့သူဖြစ်ပြီး ဒီစာအုပ်ကို စထိလိုက်တာနဲ့ အဲဒီလူက ကျိန်စာကို ဖြစ်မြောက်အောင် ဆောင်ရွက်ပေးမဲ့သူဖြစ်သွားစေသတဲ့ .. အဲဒါကို မယုံကြည်တဲ့ Thomas ဟာ စာအုပ်ထဲက အချက်အလက်တွေကို စူးစမ်းရှာဖွေရင်းနဲ့ စာရေးဆရာ Jeong Hoon အကြောင်းသာမက နောက်ကွယ်မှာ နတ်ဆိုးကိုးကွယ်မှုတွေပါ ပါဝင်ပတ်သက်နေတာကို သိလိုက်ရတဲ့အခါ .. File size…1.29GB / 513MB Quality… WEB-DL 1080p/ 720p Format…mp4 Duration….1 hr. 31 min. Genre ….. Mystery, Horror, Romance, Supernatural Subtitle….Myanmar Subtitle (Hard Sub) Translated by Yati Naing & Vanessa Encoded by AHtet

ဇာတ်ကြောင်းလေးကတော့ ပီအီးလုပ်ငန်းစုဟာ R hemagglutinin ဆိုတဲ့ သွေးရည်ကြည်ဆေးကို ထုတ်လုပ်ဖို့စမ်းသပ်ခဲ့ပါတယ် ဒါပေမဲ့ အဲ့ဒီဆေးဟာ လူရဲ့ရိုးတွင်းချဉ်ဆီထဲက သွေးကိုသုံးပြီး စမ်းသပ်ရတဲ့အတွက်ကြောင့် ဆေးထုတ်လုပ်ခြင်းကို ရပ်ဆိုင်းလိုက်ပါတယ် အဲ့ဒီလိုရပ်စဲတာကိုမကျေနပ်နိုင်တဲ့ ဝိသမလောဘသားတစ်စုဟာ လျှို့ဝှက်ပြီး R hemagglutinin ကိုဆက်လက်စမ်းသပ်ဖို့ကြံပါတော့တယ် R hemagglutinin စမ်းသပ်ဖို့အတွက်ဓားစာခံလူတွေများစွာကို ဖမ်းဆီးစမ်းသပ်နေတာကို ရဲ့ရင့်ပြီးတာဝန်ယူစိတ်အပြည့်ရှိတဲ့ စစ်သားဟောင်း ဝူဝေသိသွားချိန်မှာတော့… ဝူဝေတစ်ယောက် မိတ်ဆွေတွေနဲ့ ပူးပေါင်းကာ ဘယ်လိုမျိုးစွန့်စားကယ်တင်မလဲဆိုတာ ဒီဇာတ်ကားလေးမှာ ဆက်လက်ကြည့်ရှုကြရမှာပါ

Wall to Wall (2025) ******************* **4K in CM App** ဇာတ်ရုပ်မှန်သမျှ ပီပြင်အောင်သရုပ်ဆောင်နိုင်တဲ့ မင်းသား Kang Ha-Neul နဲ့ The Glory, When Life Gives You Tangerines ထဲမှ မင်းသမီးကြီး Yeom Hye Ran, A Shop for Killers, Seoul Busters ထဲမှ Seo Hyeon Woo နဲ့အတူ တခြားသရုပ်ဆောင်ပေါင်းများစွာရဲ့ Thriller ဆန်ဆန် ခပ်မိုက်မိုက်ဇာတ်ကားအသစ်လေး ထွက်ရှိလာပါပြီ။ ဇာတ်လမ်းအညွှန်း **************** သာမန် ရုံးဝန်ထမ်းတစ်ယောက်ဖြစ်တဲ့ အူဆောင်း (Kang Ha-Neul) ဟာ ဘဝတစ်လျှောက်လုံး အိပ်မက်မက်ခဲ့ရတဲ့ ကိုယ်ပိုင်တိုက်ခန်းတစ်ခန်းကို သူ့အသက် ၃၀ ကျော်အရွယ်မှာ ဝယ်ယူနိုင်ခဲ့ပါတယ်။ ဒါပေမဲ့ ဝမရှိဘဲ ဝိလုပ်ချင်သူ အူဆောင်းတစ်ယောက် တိုက်ခန်းဝယ်နိုင်ဖို့ ချေးငွေတွေ အများကြီးယူခဲ့တာကြောင့် အခုအချိန်မှာတော့ အတိုးပြန်ဆပ်နိုင်ဖို့ကိုတောင် မနည်းရုန်းကန်နေရရှာပါတော့တယ်။ တစ်နေ့မှာတော့ သူဝယ်ထားတဲ့တိုက်ခန်းရဲ့ အပေါ်ထပ်နဲ့ အောက်ထပ်ကနေ အမည်မသိတဲ့ ဆူညံသံတွေ တရစပ်ကြားလာရပြီး ဘယ်လိုမှ အိပ်မရအောင်အထိ နေ့စဥ်ရက်ဆက် ဖြစ်လာလို့ သည်းမခံနိုင်တော့တဲ့အဆုံး တိတ်တိတ်နေပေးဖို့ ကိုယ်တိုင်သွားပြောလိုက်ပေမဲ့ အဲဒီဆူညံသံတွေက သူ့တိုက်ခန်းကနေ ထွက်လာတာဖြစ်ကြောင်း နေထိုင်သူအားလုံးဆီကနေ ရုတ်တရက်ကြီး ဝိုင်းစွပ်စွဲခံလိုက်ရတဲ့အခါမှာတော့… အူ​ဆောင်းတစ်ယောက် သူမဟုတ်ကြောင်း သက်သေပြဖို့အတွက် အပေါ်ထပ်က ဂျင်ဟို (Seo Hyun-Woo) ဆိုသူနဲ့ ပူးပေါင်းပြီး ဆူညံသံရဲ့အရင်းအမြစ်ကို ရှာဖွေဖော်ထုတ်ရင်း ဘယ်လိုဆန်းကြယ်တဲ့ဖြစ်ရပ်တွေဖြစ်ပေါ်လာမလဲဆိုတာကို ရင်ခုန်စိတ်လှုပ်ရှားစွာနဲ့ကြည့်ရှုလိုက်ရအောင်ပါနော်။ (ဇာတ်လမ်းအညွှန်းကိုတော့ Hsu Pyae မှ ရေးသားပေးထားပါတယ်ပါတယ်။) File Size… 4.84GB/ 1.52GB/ 680MB Quality… NF WEB-DL 4K HEVC/ 1080p/ 720p Format…mkv / mp4 Duration…1h 59m Genre …..Thriller, Mystery, Psychological, Drama Subtitle….Myanmar Subtitle (Hard Sub) Encoder….Tiff, Min Wai Translated by Theint, Thinn, Su Sandi, Phyo & M

Bystanders (2024) အက်ဘီနဲ့ သူ့သူငယ်ချင်းတွေဟာ သူတို့နဲ့သိတဲ့အခြားကောင်လေးတွေလုပ်တဲ့ ပါတီပွဲတစ်ခုကိုသွားဖို့ ဖြစ်လာခဲ့ပါတယ်။ ဖြစ်ချင်တော့ အဲဒီပွဲက ဟိုးတောနက်တစ်ခုထဲက သူငယ်ချင်းတစ်ယောက်ရဲ့ အဖေပိုင်တဲ့ အားလပ်ရက်သစ်သားအိမ်လေးမှာဖြစ်ပါတယ်။ အက်ဘီတို့ဟာ ရောက်ရောက်ချင်းမှာတော့ လူငယ်တွေဆိုတဲ့အတိုင်း ပျော်ပါးခဲ့ကြပေမယ့်လည်း ရုတ်ချည်းဆိုသလို မူးလဲသွားကြပါတယ်။ ပြန်နိုးလာတဲ့အချိန်ကျမှ သူတို့ ဆေးခတ်ခံရပြီး အကြမ်းဖက်ခံရတော့မယ်ဆိုတာကို သိသွားပါတယ်။ ပိုဆိုးချင်တော့ ကောင်လေးတွေက သူတို့ကို ဒီတိုင်း မထားဘဲ အသက်အန္တရာယ်ခြိမ်းခြောက်ပြီး စိန်ပြေးလိုက်တမ်း ကစားရင်း လွှတ်အောင်ပြေးနိုင်ရင် လွှတ်ပေးမယ်ဆိုလို့ ညသန်းခေါင်အချိန်လောက်မှာ သူတို့ကို တောထဲပြေးခဲ့ပါတယ်။ သူ့ရဲ့ သူငယ်ချင်းတွေ တစ်ယောက်ပြီး တစ်ယောက်ဖမ်းမိခံလိုက်ရတဲ့နောက်မှာ အက်ဘီတစ်ယောက်ထဲ လွတ်ကျန်နေခဲ့ပြီး မျှော်လင့်ချက်မဲ့ချင်သလိုဖြစ်တဲ့အချိန်မှာ သူပြေးသွားခဲ့တဲ့ ကားလမ်းမပေါ်ရောက်လာတဲ့ လင်မယားနှစ်ယောက်ရဲ့ကားကို တားလိုက်ပါတယ်။ အစတုန်းကတော့ ထွက်ပြေးဖို့လုပ်နေခဲ့ပေမယ့်လည်း လင်မယားနှစ်ယောက်က အက်ဘီ့ကို လိုက်ဖမ်းနေတဲ့ကောင်တွေထက် ပိုဆိုးတဲ့ စိတ္တဇလူသတ်သမားတွေဖြစ်နေတဲ့အခါမှာတော့.. (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (1.6 GB) / (770 MB) Quality…. WEB-DL 1080p HEVC / 720p Format…. mkv/mp4 Genre…. Horror, Thriller Duration…. 01:21:48 Subtitle…. Myanmar Subtitle (Hardsub) Encoder…. Benjamin Translated by Mark