Datshin Review : Me Before You (2016) Drama, Romance --- Plot --- . အသက် ၂၆ နှစ်အရွယ်ရှိ Louisa Clark ဟာ စားပွဲထိုးအလုပ်ကနေ ပြုတ်သွားပြီး အတူနေ မိဘနဲ့ ညီမသားအမိကို ထောက်ပံ့ဖို့ လိုတဲ့အတွက် အလုပ်သစ်တစ်ခု အသည်းအသန်ရှာရတဲ့အခါမှာ မသန်စွမ်းတစ်ယောက်ကို စောင့်ရှောက်ရမယ့် အလုပ်ကို လက်ခံခဲ့ပါတယ်။ သူစောင့်ရှောက်ရတဲ့သူက လွန်ခဲ့တဲ့ နှစ်နှစ်က မော်တော်ဆိုင်ကယ် မတော်တဆမှုမှာ တစ်ကိုယ်လုံးသေ (လက်ချောင်းတစ်ချောင်းနှစ်ချောင်းနဲ့ ခေါင်းလောက်ပဲ လှုပ်နိုင်တော့တဲ့) Will Traynor ပါ။ Will ဟာ မတော်တဆမှု မတိုင်ခင်က အောင်မြင်နေတဲ့ လူငယ် ဘဏ်လုပ်ငန်းရှင်လဲဖြစ်ပြီး ချမ်းသာတဲ့မိဘက ပေါက်ဖွားလာလို့ ရုပ်လဲချော ပညာလဲတတ် ကျားကျားယားယားလဲရှိနဲ့ အရာအားလုံး ပြည့်စုံနေတဲ့သူ ဖြစ်ခဲ့သူပေါ့။ ကို့ယို့ကားယား ကြောင်တောင်ကျားတား ဝတ်စားတတ်ပြီး ပေါ့ပေါ့ပါးပါးနေတတ်သူ Lou နဲ့ အရာရာကို စိတ်အချဉ်ပေါက်ပြီး တစ်ချိန်လုံးဒေါသထွက် လောကကြီးကို မကောင်းမြင်နေတဲ့ Will တို့နှစ်ယောက်ရဲ့ ကံကြမ္မာဟာ သူတို့ထင်ထားတာထက်ပိုပြီး ယှက်နွယ်လာခဲ့ကြပါတယ်။ . --- Review --- . Jojo Moyes ရဲ့ Best seller ဝတ္တုကို ပြန်ရိုက်ထားတဲ့ ဒီကားကို သေချာပေါက် ကြိုက်မယ့်လူ ၂မျိုးရှိပါလိမ့်မယ်။ ၁) The Fault in Our Stars လို မငိုငိုအောင် လုပ်ထားတဲ့ ဇာတ်လမ်းမျိုး ကြိုက်တဲ့သူတွေရယ် ၂) British accent ကို ကြိုက်ပြီး အင်္ဂလန်တောတောင်ရေမြေသဘာဝအလှကို ကြိုက်တဲ့သူတွေရယ်။ . ဘယ်နေရာကိုမဆို သွားနိုင်လာနိုင်တဲ့အခွင့်အရေးရှိနေပါရက်နဲ့ ဒီမြို့လေးကလွဲရင် ဘယ်ကိုမှ မသွားချင် မသွားဖူးတဲ့ မိန်းကလေးနဲ့ ကမ္ဘာကြီးရဲ့ အလှအပတွေကို ကိုယ်တိုင်မြင်ဖူးခဲ့ပြီးမှ ဘယ်မှ သွားလို့မရပဲ ဘီးတပ်ကုလားထိုင်ပေါ်မှာပဲ အချိန်ကုန်နေရတဲ့ အမျိုးသားတို့ဟာ တစ်ယောက်နဲ့တစ်ယောက် အားကျနေကြရတာပေါ့။ လူတိုင်းက သူ့ဆို ငပေါ ဉာဏ်ထိုင်းလို သဘောထားတဲ့အပေါ် အသားကျနေတဲ့ Lou ကို အမြဲတမ်းထိပ်ဆုံးမှာပဲ နေချင်တဲ့ Will က အားမရဖြစ်၊ ချမ်းသာပြီး အရာအားလုံးပြည့်စုံ (ကျန်းမာရေးကလွဲ)နေရဲ့သားနဲ့ အားလုံးကလဲ ဝိုင်း ဂရုစိုက်နေရဲ့သားနဲ့ ဂျစ်ကန်ကန်ဖြစ်နေရလားဆိုပြီး Lou က သိပ်သည်းမခံချင်။ ဒါပေမယ့် သံယောဇဉ်တွေ အပြန်အလှန်တွယ်ခဲ့ပြီး Lou ရဲ့ အမြင်တွေ တဖြည်းဖြည်း ပြောင်းလဲလာပြီးမှ ဘာကြောင့် သူ့ကို ခြောက်လပဲ ငှားရမ်းရလဲ ဆိုတာရဲ့ အကြောင်းပြချက်ကို သိသွားတဲ့အခါမှာ Lou ဘက်ကကော Will Traynor ရဲ့ စိတ်ကို ပြောင်းလဲနိုင်ပါ့မလားဆိုတာကတော့ ကိုယ်တိုင်ပဲ ကြည့်ကြည့်ပါတော့။ . အင်္ဂလိပ်ကားတို့ ထုံးစံအတိုင်း ရှုခင်းလှလှလေးတွေ မြင်ကွင်းလှလှလေးတွေနဲ့ လှတပတလေး ရိုက်ထားတာပါ။ နောက်တစ်ခုက မင်းသားမင်းသမီးတွေက မြင်ဖူးနေကြမျက်နှာတွေပါပဲ။ Louisa Clark အဖြစ် GOT ရဲ့ အသည်းကျော် နဂါးမေမေ Emilia Clarke ဖြစ်ပြီး Will Traynor အဖြစ် hottie လေး Sam Claflin တို့ပါ။ နောက် Harry Potter ထဲက Neville Longbottom ဖြစ်တဲ့ Matthew Lewis၊ နောက် Doctor Who series ထဲက Doctor’s Companion လေး Clara Oswald ဖြစ်တဲ့ Jenna Coleman တို့လဲ ပါဝင်ပါတယ်။ နဂါးမေမေပါတယ်ဆိုပြီး GOT ထဲကလိုတော့ မထင်ထားကြပါနဲ့ဦး။ Emilia Clarke တို့ ဒီကားထဲမှာ လုံခြုံချက်များ ဘာဆို ဘာမှ မပေါ်ပါဘူး။ . အချစ်ဇာတ်လမ်းလို့ပြောပေမယ့် ဖက်ရမ်းနမ်းရှုံ့အခန်းတွေတောင် မပါမဖြစ်နေရာလောက်လေးပဲ ပါတဲ့အတွက် ကလေးတွေကြည့်လို့ရပါတယ်။ တစ်ခုပဲ… British accent နဲ့ဆိုတော့ သူတို့ပြောတာတွေ ဖမ်းမိဖို့ တော်တော်မလွယ်။ စာတန်းထိုးနဲ့ ကြည့်မှပဲ ဇာတ်ကားအရသာကို ကောင်းကောင်း ဖမ်းမိမယ် ထင်ပါတယ်။ . အစမှာ ပြောခဲ့သလိုပဲ ဝမ်းနည်းလာတာ ဝမ်းနည်းလာတာဆိုတာ မျက်ရည် ဘူးသီးလုံးလောက်ကျရပါတယ်။ သရုပ်ဆောင်ကောင်းလွန်းလို့တော့ မဟုတ်လှဘူး။ မင်းသားကော မင်းသမီးကောက ကားစ ကားဆုံး ရုပ်သေနေသလိုပဲ။ မင်းသားကတော့ ထားပါတော့ သူ့ဇာတ်ကောင်ကိုက တစ်ကိုယ်လုံးသေနေတာဆိုတော့။ ဇာတ်လမ်းကပေးချင်တဲ့ message ကိုက ဝမ်းနည်းစရာကောင်းနေတာဆိုတော့ ဘာပဲဖြစ်ဖြစ် ငိုရမယ်ဆိုသလိုပါပဲ။ ဒီကားပြီးရင်တော့ စဉ်းစားစရာလေးတွေ ကျန်ခဲ့မှာပါ။ အသက်ရှင်နေထိုင်ဖို့ ဘာလိုလဲ။ ဘဝကို ဘယ်လိုနေမလဲဆိုတာ စိတ်ကြိုက်ရွေးချယ်ခွင့်ရှိရင် ဘယ်လိုသေမလဲဆိုကော ရွေးချယ်ခွင့် ရှိပါ့မလား။ စိတ်ဒဏ်ရာပေးခဲ့တဲ့ အတိတ်ရဲ့ အရိပ်ဆိုးတွေကို လက်မြှောက်အရှုံးပေးလိုက်တော့မှာလား။ Will ပြောသလို “Will you let this moment define you?”.. စသဖြင့် စသဖြင့် မေးခွန်းတွေ ကိုယ့်ကိုကိုယ်ပြန်မေးမိမှာပါ။ ဒဿနိကပိုင်းအရ အရမ်းနက်နဲလှတယ် မဆိုနိုင်ပေမယ့် အသက်ရှင်နေရခြင်းကို bite size စဉ်းစားစရာလေးတွေ ပေးမှာပါ။ စာအုပ်ဖတ်ပြီးသားလူတွေကတော့ ဖြစ်နေကြအတိုင်း သိပ် စိတ်တိုင်းကျမယ် မထင်ပါဘူး။ . --- Movie Info --- Director: Thea Sharrock Top-billed Cast: Emilia Clarke, Sam Claflin Runtime: 1 hour 50 min Screenplay: Jojo Moyes, Scott Neustadter, Michael H. Weber Distribution : Warner Bros. Budget : $20 Million Box Office : $157.8 Million --- Ratings --- Datshin: 3.5/5 IMDb: 7.6/10 Rotten Tomatoes: 43% -Jen (ရုပ်ရှင်အညွှန်းကို DatShin Facebook Page မှ ကူးယူဖော်ပြပါသည်။) File size…(3.2 GB)/(1.3 GB)/ (830 MB) Quality….WEB-DL 4K HEVC /1080p HEVC/720p Format…mkv/mp4 Duration….01:50:12 Subtitle….Myanmar Subtitle(Hardsub) Encoder….Ka Naung Translated by ^May^

ဒီတစ်ခါမိတ်ဆက်ပေးသွားမယ့် ဇာတ်ကားလေးကတော့ The Ancestral ဆိုတဲ့ သဲထိတ်ရင်ဖို ဇာတ်ကားလေးပဲဖြစ်ပါတယ်။ Horror ဇာတ်လမ်းလေးဆိုပေမဲ့ ယန်းတို့မိသားစုဝင်တွေကြားက ချစ်ခြင်းမေတ္တာတွေကို အများကြီး ဖော်ပြထားတဲ့ drama ဆန်ဆန်ကားလေးပါ။ ဇာတ်လမ်းအညွှန်းကတော့ ... အိပ်ရင် ဘီလူးစီးတဲ့ ရောဂါကို ခံစားနေရတဲ့ယန်း၊ ယန်းဆိုတာကတော့ ဗီယက်နမ်လူမျိုး မိသားစုလေးတစ်ခုက သမီးလေးပါ။ သူခံစားနေရတဲ့ ဝေဒနာနဲ့ပတ်သက်ပြီး အဖြေရှာဖို့ သူတို့တစ်မိသားစုလုံးက ရှေးဟောင်းအိမ်ကြီးတစ်ခုကို ပြောင်းလာခဲ့ပါတယ်။ အဲ့ဒီနောက်မှာတော့ ယန်းတစ်ယောက်တည်းမဟုတ်တော့ဘဲ အဲ့ဒီ မိသားစုက သမီးငယ်လေးနှစ်ယောက်လုံး ဘယ်သူမှ မမြင်ရတာတွေကို မြင်လာရပါတယ်။ ဒီကိစ္စကိုဖြေရှင်းဖို့ အဖေဖြစ်သူက စိတ်ကျန်းမာရေး အထူးကု နဲ့ ကြိုးစား ကုသပေးပေမဲ့ ကိစ္စတွေက ထင်ထားတာထက်ပိုပြီး နက်နဲနေတဲ့ အခါ ... ဘာတွေဆက်ဖြစ်မလဲ ရုပ်ရှင်ထဲ ကြည့်ရှုရင်း အဖြေရှာလိုက်ကြရအောင်ပါ။ (ဇာတ်လမ်းအညွှန်းနဲ့ ဘာသာပြန်ကတော့ Eric ပါ။) File Size : 1.7GB, 731MB & 350MB Quality : 1080p WEB-DL AC3 5.1CH, 720p WEB-DL & 480p Format : mp4 Duration : 1hr & 41mins Genre : Horror Translated by Eric Encoded by Kinnov

A Good Lawyer’s Wife (2003) ~ IMDb rating – 6.2/10 ~ (ဒီလိုကားတွေထုံးစံအတိုင်း လုံးဝအကြည်မလွယ်လို့ 720p ကိုပဲ အတတ်နိုင်ဆုံး ဖန်တီးပေးလိုက်ပါတယ်) ဒီကားကို 2010 မှာ The Housemaid နဲ့တစ်‌ခေါက်၊ 2012 မှာ The Taste of Money နဲ့တစ်ခေါက် ကိန်းမှာ ပြိုင်ဖို့ အဖိတ်ခံခဲ့ရတဲ့ Im Sang-soo က ရိုက်ထားတာပါ။ ကိုရီးယားရဲ့ ပါချီပါချက်မဟုတ်တဲ့ A+ မင်းသားစာရင်း၀င် Hwang Jung Min က အဓိက ပါ၀င် သရုပ်ဆောင်ထားပါတယ်။ Hwang ဟာ Ode to My Father, Veteran, New World, Deliver us from Evil စတဲ့ ကားတွေမှာ သရုပ်ဆောင်ခဲ့ဖူးပါတယ်။ မင်းသမီးကတော့ တောင်ကိုရီးယားရဲ့ အတော်ဆုံးဒါရိုက်တာတစ်ယောက်ဖြစ်တဲ့ လီချန်းဒုံရဲ့ လက်စွဲတော် မင်းသမီး Moon So Ri ပါ။ ကိုရီးယားမင်းသမီးပေမဲ့ Minari နဲ့ အော်စကာပါရဖူးတဲ့ မင်းသမီးကြီး Youn Yuh-jung ကလည်း အားဖြည့်ထားပါသေးတယ်။ ဇာတ်လမ်းကတော့ ရှေ့နေနဲ့ သူ့မိန်းမကြားက အိမ်ထောင်ရေး အရှုပ်အရှင်းတွေ၊ ရှေ့နေမိသားစုရဲ့အကြောင်းတွေ၊ သူတို့မွေးစားထားတဲ့ ကလေးရဲ့ အကြောင်းတွေကို ပြသထားတာဖြစ်ပြီး ရှေ့နေကားနဲ့ တိုက်မိတဲ့ စာပို့သမားရဲ့အကြောင်းကိုပါ အရန်အနေနဲ့ ပုံဖော်ထည့်ထားပြီး သူ့အခန်းကတော့ တော်တော်လေး အသက်၀င်လွန်းပါတယ်။ သူ့ဇာတ်ကောင်ဟာ ဘာမှဆုံးရှုံးစရာမကျန်တော့တဲ့ သူတစ်ယောက်က ဘယ်လောက်ထိ လုပ်နိုင်လဲနဲ့ လူတစ်ယောက်ရဲ့ အငုံ့စိတ်က ဘယ်လိုမျိုးလဲ သေချာပုံဖော်သွားတဲ့ ဇာတ်ကောင်ပါပဲ။ Hwang Jung Min ဟာ A+ စာရင်း၀င် မင်းသားပီပီသသ အကောင်းဆုံး သရုပ်ဆောင်နိုင်ခဲ့သလို မင်းသမီးကြီး၂ယောက်ကလည်း ပြောင်မြောက်အောင် ပုံဖော်နိုင်ခဲ့ကြပါတယ်။ ဒီလိုသရုပ်ဆောင်တွေနဲ့တင် ကြည့်သင့်တဲ့ ကားကောင်းပါပဲ။ (ဒီဇာတ်ကားနဲ့အညွှန်းကို 6 9 မှ ပြန်ဆို ရေးသားထားပါတယ်) Size – 2.1GB Quality – 720p IMDb Rating – 6.2/10 Format – mp4 Duration – 1H 28Min Genre – Drama, Romance Subtitle – Myanmar Subtitle (Hardsub) Translated by 6 9 Encoded by RGB

The Magician’s Elephant (2023) “ဘောလ်တိစ်” ဆိုတဲ့ မြို့ငယ်လေးက မျှော်လင့်ချက်တွေဆိတ်သုဥ်းနေတဲ့မြို့လေးလို့ပြောရမယ်။ သူတို့ကြုံခဲ့ရတဲ့စစ်ပွဲကြီးအပြီးမှာ လူတွေကမပျော်ရွှင်ကြတော့ပါဘူး။ စစ်ကြီးကလဲ ပြီးတာ ဒီကားထဲက ဇာတ်လိုက်လေးရဲ့တစ်သက်ရှိနေပြီ။ ဒါပေမဲ့လူတွေက ပျော်ရွှင်မှုတွေမရကြသေးဘူး။ မျှော်လင့်ချက်တွေ ယုံကြည်မှုတွေ ပြန်မရှင်သန်ကြသေးဘဲ အဆိုးတွေပေါ်ပဲအာရုံစိုက် အဆိုးတွေကိုပဲမျှော်လင့်ပြီးနေကြသူတွေပေါ့။ တစ်နေ့မှာမျက်လှည့်ဆရာကြီးက ဒီလူတွေအတွက် မျှော်လင့်ချက်တွေပြန်ရှင်သန်စေဖို့ မန္တန်ကြီးတစ်ခုကိုလုပ်ဖို့ဆုံးဖြတ်လိုက်ပါတယ်။ သူ့ခဗျာမှာလဲ သိပ်မကျွမ်းကျင်တော့ ဆင်ကြီးတစ်ကောင်သာအမိုးကနေပွင့်ပြီးပြုတ်ကျလာပါတယ်။ မျက်လှည့်ဆရာကြီးက သူ့မန္တန်ကမအောင်မြင်ဘူးထင်တာပေါ့။ မျက်လှည့်ဆရာကြီးကိုယ်တိုင်လဲ သူ့ဆင်ကြီးက အဖွားကြီးတစ်ယောက်ပေါ်သွားပိတာကြောင့် ဂျေးထဲအောင်းသွားရပါတယ်။ ဒါပေမဲ့ ဒီဆင်ကြီးရောက်လာတာကပဲ ဒီကားထဲကဇာတ်လိုက်လေးအတွက် ယုံကြည်မှုတွေကိုအသက်သွင်းရာမှာ၊ သူ့မိသားစုကိုရှာဖွေရာမှာ အရေးအကြီးဆုံးနဲ့ပထမဆုံးခြေလှမ်းဖြစ်ပြီး ဘယ်လိုအံ့ဖွယ်ရာတွေကိုထပ်ဖြစ်စေမလဲဆိုတာကြည့်ရမှာပါ။ ဇာတ်လမ်းလေးက ကာတွန်းဆန်ဆန် ရယ်စရာမောစရာမှော်ဆန်ဆန်ဇာတ်လမ်းလေးဖြစ်တဲ့အပြင် ပေးချင်တဲ့မက်ဆေ့ချ်ကလဲ မျှော်လင့်ချက်ပျက်သုဥ်းနေသူတွေအတွက်၊ အကောင်းတွေအများကြီးထဲကအဆိုးတစ်ခုလောက်ကိုမှရွေးပြီး မျှော်လင့်ချက်ပျက်တတ်တဲ့လူတွေအတွက် အရာအားလုံးကဖြစ်နိုင်တယ်ဆိုတာမျိုးစိတ်ခွန်အားပေးထားတဲ့အတွက် ကလေးတွေရောလူကြီးတွေပါကြည့်သင့်တဲ့ဇာတ်လမ်းလှလှလေးပါပဲ။ အညွှန်း နဲ့ ဘာသာပြန်ကတော့ Rashida ပဲ ဖြစ်ပါတယ်။ Genre….. Animation, Adventure, Comedy Quality…. 1080p | 720p | 480p File size… 1.35GB | 766MB | 362MB Format… mp4 Duration….1h 39min Subtitle…. Myanmar Subtitle (Hardsub) Translator ….. Rashida Encoder ….. Aaron

Elvis & Anabelle (2007) ================= IMDb Rating – 7.1/10 အလှမယ် အန်နာဘဲလ်က Miss Taxas Rose အဖြစ် သရဖူရပြီး စက္ကန့်ပိုင်းမှာပဲ မေ့လဲပြီး သေဆုံးသွားခဲ့တယ်။ အလှမယ်သေဆုံး ကြောင်း သတင်းတွေလည်းပြန့်နေပြီး သုဘရာဇာလုပ်တဲ့ ဆယ် ကျော်သက်ကောင်လေး အယ်လ်ဗစ်က အန်နာဘဲလ်အလောင်းကို ဆေးစီရင်ဖို့လုပ်နေချိန်ပဲ အန်နာဘဲလ်က ရုတ်တရက်ကြီး အသက် ရှင်ပြီး ထလာခဲ့တယ်။ နောက်ပိုင်းမှာတော့ သေရွာကပြန်လာတဲ့ အန်နာဘဲလ်တစ်ယောက် သူ့အမေရဲ့ထိန်းချုပ်မှုအောက်ကလွတ်ပြီး ဘဝကိုပျော်ပျော်ရွှင်ရွှင် နေထိုင်ဖို့စိတ်ကူးနဲ့ အိမ်ကထွက်ပြေးပြီး အယ်လ်ဗစ်ဆီ သွားပါတော့ တယ်။ နောက်ပိုင်း သူစိမ်းတွေဖြစ်တဲ့ အယ်လ်ဗစ်နဲ့အန်နာဘဲလ်တို့ ဆက်ဆံရေး ဘယ်လိုဆက်ဖြစ်လာမလဲ​ဆိုတာကို ဒီအချစ်ဇာတ်လမ်း မှာ ဆက်လက်ကြည့်ရှုကြပါလို့။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thwal Htoo Zin ဖြစ်ပါတယ်) File Size……….(2.1 GB) / (817 MB) Quality…………WEB-DL 1080p / 720p Duration………1Hr 46Min Subtitle………..Myanmar Hardsub Format…………MP4 Genre…………..Drama, Romance Translator…….Thwal Htoo Zin Encoder……….SWM

IMDB: 5.5 Rotten Tomatoes: 10% Genre: Comedy/Romance ဇာတ်ကားကောင်းကြည့်ချင်တယ်ဆိုရင် Rating အပေါ်ကိုပဲမမှီခိုနဲ့ဆိုပြီးကြားဖူးတယ်။ တကယ်လည်း မှန်တယ်လို့ကျွန်တော်လက်ခံပါတယ်။ Bride Wars (2009) ကသက်သေပါပဲ။ တော်တော်လေးကြည့်လို့ကောင်းတဲ့ ဇာတ်လမ်းတစ်ခုဖြစ်ပြီး မင်းသား၊ မင်းသမီးတွေကလည်း ပရိသတ်အချစ်တော်တွေမလို့ ကြည့်ရတာ တော်တော်လေးကိုတန်ပါတယ်။ ဇာတ်ညွှန်း သူငယ်ချင်းနှစ်ယောက် “အမ်မာ နဲ့ လစ်ဗ်” ဆိုပြီးရှိတယ်။ နှစ်ယောက်လုံးရဲ့ အိမ်မက်လည်း ဇွန်လထဲ ပလာဇာဟိုတယ်ကြီးမှာ မင်္ဂလာဆောင်ဖို့ အမ်မာရဲ့ကောင်လေးက လဖက်ချ်ချာ၊ လစ်ဗ်ရဲ့ကောင်လေးက ဒန်နီယယ်။ သူတို့နှစ်ယောက်ရဲ့ ခင်မင်မှုသက်တမ်းကလည်း နှစ် ၂၀ တောင်ရှိနေပြီမလို့ သူတို့နှစ်ယောက်ရဲ့ခင်မင်မှုကို ဘာနဲ့မှဖျက်လို့မရခဲ့ပါဘူး။ ဒါကတော့ အထင်ပေါ့လေ။ ဒီလိုနဲ့ နှစ်ယောက်ဟာရှေ့ဆင့်နောက်ဆင့်ပဲ ကောင်လေးတွေရဲ့ လက်ထပ်ခွင့်တောင်းခြင်းကိုခံရပြီး မင်္ဂလာဆောင်ဖို့ဖြစ်လာခဲ့ပါတယ်။ သူတို့ရဲ့အိမ်မက်ဖြစ်တဲ့ ဇွန်လထဲ ပလာဇာဟိုတယ်မှာပဲဆောင်ဖို့ဆုံးဖြတ်ချက်ချလိုက်ပါတယ်။ ဒါပေမယ့်လည်း ဇွန်လအတွက် ပွဲချိန် သုံးခုစာပဲကျန်ပါတော့တယ်။ ကံဇာတ်ဆရာ ရွဲ့တော့ နှစ်ယောက်ရဲ့ မင်္ဂလာပွဲက တိုက်တိုက်ဆိုင်ဆိုင် ရက်သွားတူနေပါတော့မယ်။ ကဲ အဲဒီမှာ အချစ်ဆုံးသူငယ်ချင်းကနေ၊ အမုန်းဆုံးသူငယ်ချင်းတွေ ဘယ်လိုများဖြစ်သွားမလဲဆိုတာကို ခံစားကြည့်လိုက်ကြပါဦး။ အမ်မာ အဖြစ်မင်းသမီး Anne Hathaway (မကြာနု) လစ်ဗ်အဖြစ် မင်းသမီး Kate Hudson ဒန်နီယယ်အဖြစ် မင်းသား Steve Howey ဖလက်ချ်ဂျာအဖြစ် မင်းသား Chris Pratt တို့က သရုပ်ဆောင်ထားပါတယ်။ File size… 2.3 GB / 1 GB Quality… WEB-DL 1080p / 720p Format… mkv / mp4 Duration…. 1h 29m Genre ….. Comedy / Romance Subtitle…. Myanmar Subtitle (Hard Sub) Encoder…. Thit San Khant Translated by Lucifer Maximoff

Netflixကနေ ထုတ်လွှင့်သွားခဲ့တဲ့ အမေရိကန်ကျောင်းသားဟာသရုပ်ရှင်လေးကို တင်ဆက်ပေးပါရစေ။ ဘန့်ဂျ်ဆိုတာ အထက်တန်းကျောင်းတက်မဲ့ ဆယ်ကျော်သက်ကောင်လေးတစ်ယောက်။ အစ်မဖြစ်သူရဲ့သူငယ်ချင်း ဘေလီကို သေအောင်ကြွေပြီး သူ့ကိုပြန်ကြိုက်ဖို့အရေးအသည်းအသန်ဖြစ်နေသူပေါ့။ ဒါပေမဲ့ ဘန့်ဂျ်တို့ဘော်ဒါတစ်စုက ကျောင်းမှာ လူသစ်လည်းဖြစ် ဘောင်မဝင်တဲ့ကောင်လေးတွေဖြစ်နေရော။ တစ်နေ့ သူတို့အုပ်စုထဲက ဘော်ဒါတစ်ကောင်ရဲ့အစ်ကိုအိမ်မှာ ပါတီလုပ်မှာကို ဖရက်ရှာလေးတွေဖြစ်တဲ့ ဘန့်ဂျ်တို့အုပ်စု ဝင်ရောဖို့ကြိုးစားကြပါတယ်။ ဘန့်ဂျ်ကတော့ ပါတီထက် ပါတီကိုလာမဲ့ ဘေလီ့ကိုဝင်လုံးဖို့အရေးပဲ ဇောသန်နေခဲ့တာပေါ့။ ဒီမှာပဲ ဘန့်ဂျ်တစ်ယောက် ပါတီမှာတလွဲတွေဖြစ်ရာကစ ကျောင်းကို ကားကြုံအတူစီးတဲ့ စီနီယာဖြစ်သူက ဗီတာမင်ဒီဆေးပြားတွေကို မူးယစ်ဆေးဆိုပြီး လိမ်ရောင်းနေရာမှာ ဝင်ပါမိရက်သားညားတဲ့အခါမှာတော့…။ အဖော်အချွတ်နဲ့ အပြောအဆိုလေးတွေကြမ်းတာမို့ မိသားစုနဲ့အတူကြည့်ဖို့ မသင့်တော်ပါဘူးဗျ။ (အညွှန်းနဲ့ ဘာသာပြန်ကတော့ Pyae Phyoဖြစ်ပါတယ်) File size…(1.4 GB)/(840 MB) Quality….Webrip 1080p / 720p Format…mp4 Duration….01:56:00 Genre… Comedy Subtitle….Myanmar Subtitle (Hardsub) Encoder….Mr. Anderson Translated by Pyae Phyo

IMDB Rating – 4.7/10 Genre – Romance , Comedy , Drama ဒီတစ်ခါမှာတော့ Rating ကြည့်ပြီးမဆုံးဖြတ်သင့်တဲ့ ကားကောင်းတစ်ကားနဲ့ မိတ်ဆက်ပေးချင်ပါတယ်။ Chosen Family ရုပ်ရှင်က ခံစားမှုတွေနဲ့ စိတ်နှလုံးသားကို နူးညံ့စွာ ပွတ်တိုက်သွားစေမယ့် ရုပ်ရှင်ကားကောင်း တစ်ကားပါ။ မိသားစုဆိုတဲ့ အနှစ်သာရကို ဖော်ကျူးနိုင်ရုံ သာမက ကိုယ့်စိတ်နဲ့ အနီးစပ်ဆုံး သူငယ်ချင်းတွေကြားက သံံယောဇဥ် နဲ့ ယုံကြည်မှုကို ဖော်ပြထားတာကိုလည်း တွေ့ရပါတယ်။ ဒီရုပ်ရှင်က လူတိုင်းရဲ့ ဘဝထဲမှာရှိနေတဲ့ ချစ်ခြင်းမေတ္တာ၊ အပြန်အလှန်ကူညီမှုနဲ့ ယုံကြည်မှုတို့ကို ရိုးရိုးရှင်းရှင်းနဲ့ နက်နက်ရှိုင်းရှိုင်း တင်ပြပေးထားတာကြောင့် ကြည့်ရှုသူတွေအနေနဲ့ မိသားစုတန်ဖိုးနဲ့ ခေတ်ကာလအရ မိတ်ဆွေအချင်းချင်းအကြား ယုံကြည်မှုက ဘယ်လောက်အရေးကြီးကြောင်း သတိချပ်စေမှာဖြစ်ပါတယ်။ ရုပ်ရှင်ရဲ့ ဇာတ်လမ်းအရ သက်ဆိုင်တဲ့ လူမှုရေးအတွေ့အကြုံတွေကို ပြန်လည်မွမ်းမံပေးနိုင်ပြီး၊ လူတိုင်းရဲ့ မိသားစုနဲ့ ပတ်သက်တဲ့ အတွေးအခေါ်တွေကို နူးညံ့စွာ ပြသထားတာကပဲ ဒီကားရဲ့ အဓိက အားသာချက်တစ်ခုလို့ ပြောနိုင်ပါတယ်ရှင်။ File size…(1.8 GB)/(974 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Drama, Comedy, Romance Subtitle….Myanmar Subtitle (Hardsub) Encoder….Swan Min Htet Translated by Ivy Noe

Alien weekend ယခုအခါတင်ဆက်ပေးလိုက်တာကတော့ ၂၀၂၄ ခုနှစ်ထွက် sci-fi အမျိုးအစားရုပ်ရှင်လေးပဲဖြစ်ပါတယ် ဗိုင်အိုလက်၊တက်စ်၊ဂါတီနဲ့ကင်မီတို့က ဆယ်ကျော်သက်အရွယ် သူငယ်ချင်းမလေးတွေပဲဖြစ်ပါတယ်… ဗိုင်အိုလက်ကရုပ်ပြစာအုပ်ဆိုင်တစ်ခုမှာသူနဲ့အတူအလုပ်လုပ်တဲ့ အောဂတ်စ်ဆိုတဲ့ကောင်လေးနဲ့ချစ်ကြိုက်နေတာပါ….ဗိုင်အိုလက်အလုပ်လုပ်နေတဲ့ရုပ်ပြစာအုပ်ဆိုင်ကို သူ့သူငယ်ချင်းသုံးယောက်ကညခင်းလာကြိုပါတယ်….အဲ့ညမှာပဲဗိုင်အိုလက်ကအန်ချင်သလိုလိုဖြစ်နေလို့ စစ်ကြည့်လိုက်တော့ ကိုယ်ဝန်ရှိနေမှန်းသိခဲ့ရပါတယ်…. ထို့နောက်သူမတို့သူငယ်ချင်းလေးယောက်ဗန်ကားမောင်းလာရင်း သူမတို့ကားရှေ့ကနေအရာဝတ္ထုတစ်ခု ဖြတ်သန်းသွားပြီးတော့ပျက်စီးသွားတာကိုတွေ့လိုက်ရပါတယ်….,ထိုအရာကတော့ ဂြိုလ်သားမျိုးနွယ်စုတစ်စုရဲ့ဥတစ်လုံးပဲဖြစ်နေပါတော့တယ်….ထိုအခါဗိုင်အိုလက်ကအဲ့ဥကိုသူမအိမ်ကိုယူလာပြီးတော့ထိန်းသိမ်းထားချင်ပေမဲ့ သူငယ်ချင်းတွေကတော့သက်ဆိုင်ရာကိုပို့‌ဖို့အကြံပေးခဲ့ကြပါတယ်…. ဒီတော့ ဂြိုလ်သားဥကကမ္ဘာပေါ်ကိုဘာကြောင့်ရောက်လာတာလဲ….ဗိုင်အိုလက်တို့ရောထိုဥကိုစောင့်ရှောက်ရင်းနဲ့ဘာတွေဘယ်လိုကြုံတွေ့ရမလဲဆိုတာကိုဆက်လက်ကြည့်ရှုကြပါခင်ဗျာ….. File size… (1.1 GB) / (592 MB) Quality….HEVC / 1080p HEVC / 720p Format…. mkv/mp4 Duration….01:48:00 Genre…Comedy, Science Fiction Subtitle….Myanmar Subtitle (Hardsub) Encoder….Swan Min Htet Translated by AKM

A Cruel Attendance (2006) ************************* IMDb… 6.4 CM ပရိသတ်ကြီးတို့အတွက် ဒီတစ်ခါမှာတော့ The fortune tellers,Romantic heaven က မင်းသားကြီး Kim Soo Ro, Parasite, Land of happiness က မင်းသားကြီး Lee Sun Kyun တို့ အဓိကပါဝင်ထားတဲ့ ရာဇဝတ်ဟာသကားလေးကို တင်ဆက်ပေးလိုက်ပါတယ်နော်။ ~ ဇာတ်လမ်းအညွှန်း ~ မိသားစုအပေါ် အင်မတန် ချစ်မြတ်နိုးပြီး ဂရုစိုက်တဲ့ ခင်ပွန်းကောင်း၊ ဖခင်ကောင်းတစ်ယောက်ဖြစ်တဲ့ အိုဒုံးချောက ပုံမှန်လခစားရုံးဝန်ထမ်းဖြစ်ပေမဲ့ စတော့ရှယ်ယာ ကစားမိလို့ အကြွေးပုံထဲမှာနစ်ပြီး ဒုက္ခရောက်နေသူတစ်ဦးပေါ့။ တစ်လတစ်ခါ အတိုးပြန်ဆပ်ဖို့ နည်းမျိုးစုံနဲ့ ကြိုးစားရင်းနဲ့ပဲ အရင်းကို ပြန်ဆပ်ရမဲ့နေ့ကလည်း မြန်မြန်ဆန်ဆန်ကို ရောက်လာပါတော့တယ်။ အဲဒီအချိန်မှာ သူနဲ့ ဘဝတူ အကြွေးနွံထဲနစ်ပြီး လတိုင်း အတိုးပြန်ဆပ်နေရတဲ့ မန်းဟိုနဲ့ တွေ့ဆုံခဲ့ပြီးနောက် ကလေးတစ်ယောက်ကို ပြန်ပေးဆွဲပြီး မိဘတွေကို ပိုက်ဆံနဲ့ လာပြန်ရွေးခိုင်းဖို့ ကြံစည်ခဲ့ပေမဲ့လည်း အကြောင်းအမျိုးမျိုးနဲ့ သူတို့ရဲ့ အစီအစဉ်ပျက်ခဲ့ရပါတော့တယ်။ အဲဒီနောက် ကြံရာမရတဲ့အဆုံး ပိုက်ဆံချမ်းသာတဲ့ သူဌေးသမီးဖြစ်တဲ့ အထက်တန်းကျောင်းသူလေး ထယ်ဟီးကို ပြန်ပေးဆွဲပြီး ငွေညှစ်ဖို့ နောက်တစ်ခါ ထပ်ကြိုးစားခဲ့ရာမှ ဒုံးချောဆီကို “မင်းရဲ့ သမီးကို ပြန်ပေးဆွဲထားတယ် ” ဆိုတဲ့ ဖုန်းတစ်ကောလ် ဝင်လာတဲ့အခါ… ဒီတစ်ခါမှာရော သူတို့နှစ်ယောက်ရဲ့ ပြန်ပေးဆွဲတဲ့အစီအစဉ်လေးက ထင်ထားသလို ချောချောမွေမွေ့နဲ့ဖြစ်သွားပါ့မလား… သူများသမီးကို ပြန်ပေးဆွဲရင်း ကိုယ့်သမီးလေးကလည်း ပြန်ပေးဆွဲခံထားရတယ်ဆိုတာကို ကြားပြီး ဒုံးချောတစ်ယောက် ဘယ်လိုဆက်လုပ်သွားမလဲဆိုတာကို ဒီကားလေးထဲမှာ အလွဲလေးတွေနဲ့ ဟာသလေးနှောပြီး ကြည့်ရှုရမှာပဲ ဖြစ်ပါတယ်။ (ဇာတ်လမ်းအညွှန်းနဲ့ ဘာသာပြန်ဆိုသူကတော့ May Thet ပဲ ဖြစ်ပါတယ်။) File Size : 2.38GB/ 1.11GB Quality : WEB-DL 1080p/ 720p Format…mp4 Duration…01:48:13 Genre : Crime, Comedy Subtitle : Myanmar Subtitle (Hard Sub) Translated by May Thet Encoded by Tiff

” ကျော်ပြီးသွားရင် ဘယ်တော့မှ ပြန်လှည့်လိုမရတော့တဲ့စည်းတစ်ခုရှိတယ်။ ကျော်လိုက်ပြီဆိုတာနဲ့ အဲဒီစည်းရဲ့အဆုံးမှာဘာပဲရှိနေရှိနေ သွားရတော့မယ်” ။ ကာလီတိုဘရီဂန်တေ (Al Pacino)ဟာ ထောင်ဒဏ် အနှစ် ၃၀ ကျခံထားရတာနေ သူငယ်ချင်းရှေ့နေဒေးဗစ်ခလိုင်းဖီး(Sean Penn)ကောင်းမှုနဲ့ ၅ နှစ်မြောက်မှာ အယူခံ၀င်ပြီး လွတ်လာခဲ့တယ်။ သူဟာ အရင်ကအလုပ်တွေကို ပြန်မလုပ်တော့ဘဲ သန့်သန့်ရှင်းရှင်းနေတော့မယ်လို ဆုံးဖြတ်ထားပြီးသား။ သူ့မှာအိပ်မက်တစ်ခုရှိတယ်။ ငွေ ၇ သောင်းခွဲသာရရင် အဲဒီအိပ်မက်ကိုအကောင်အထည်ဖော်နိုင်မှာမို့လို့ ‌ပြဿနာတွေကြားထဲ၀င်မပါဘဲ ကလပ်တစ်ခုကိုဦးစီးပြီး အေးဆေးနေဖို့လုပ်ထားပေမဲ့ သူမကျော်ချင်တဲ့စည်းကို မကျော်ဘဲ နေလို့ရပါ့မလား။ File size…(8.6 GB)/(1.7 GB)/(1 GB) Quality….BrRip 4K HEVC/1080p / 720p Format… mp4 Duration…. 02:24:00 Genre… Crime, Drama, Thriller Subtitle….Myanmar Subtitle (Hardsub) Encoder….Garfield Translated by Su

အမည်မသိ သတ္တဝါတစ်ကောင်က သယ်လာတဲ့ အကျိုးကျေးဇူးနဲ့အတူ လူ့အသက်အန္တရာယ်အကြောင်းကို အခြေခံရိုက်ကူးပုံဖော် ထားတဲ့ကားလေးကို ဘာသာပြန်တင်ဆက်ပေးလိုက်ပါတယ်… ဒီကားလေးမှာ တိုးတက်လာတဲ့ နည်းပညာနဲ့အတူ လူတွေက အိုမင်းမှုကိုနှောင့်နှေးစေဖို့ ရှာရင်း… အမည်မသိသတ္တဝါကို ရှာတွေ့ခဲ့တာပေါ့… တစ်ချိန်တည်းမှာပါပဲ ဒီသတ္တဝါကလေ လူသားတွေကိုလည်း အသက်အိုးအိမ်ဖျက်စီးနိုင်တယ်တဲ့… တစ်ဖက်မှာလည်း လုံခြုံရေးအဖွဲ့က လုံရှောင်ဟူကတော့ ဒီအရေးကြောင့် ဇနီးသည်ကို ဆုံးရှုံးခဲ့တဲ့အပြင်… ဒီအမှုရဲ့ နောက်ကွယ်ကြိုးကိုင်သူအဖြစ်ပါ ဝရမ်းထုတ်ခံထားရပြန်တာမို့… သူ့ကို ယုံကြည်ပေးတဲ့ မိတ်ဆွေတွေရှိနေခဲ့တာကြောင့် အမှန်တရားကို ဖော်ထုတ်ဖို့ခက်ခဲခဲ့ပါတယ်… တစ်ဖက်မှာလည်း သူ့ညီအစ်ကိုရဲ့ ညီမလေးက ပြန်ပေးဆွဲခံထားရသေးတော့ သူတို့မှာ ကြံရာမရဖြစ်ပေမယ့်လည်း… ယုံကြည်ချက်တစ်ခုအတွက် ကြိုးစားခဲ့ကြတာပေါ့… ကဲ ရှောင်ဟူတစ်ယောက် နာမည်ကိုပြန်သန့်စင်နိုင်မှာလား… ပြန်ပေးသမားလက်ထဲက သူငယ်ချင်းညီမလေးကိုရောကယ်တင်နိုင်မှာလား… ဇာတ်လမ်းလေးက ဘယ်လိုအဆုံးသတ်မယ်ဆိုတာကို ဇာတ်ကားလေး ကြည့်လိုက်ပါတော့နော်

အသက် ၃၇ နှစ်အရွယ်ရှိ မီလာဂရို့စ်ဆိုတဲ့အမျိုးသမီးဟာ သူ့လက်ကျန်ဘဝမှာ အထီးမကျန်ချင်တဲ့အတွက်လက်မထပ်ဘဲကလေးမွေးချင်နေပါတယ်။ လွတ်လပ်မှုကိုခံစားချင်တဲ့အတွက် အသည်းကွဲနေတဲ့သူ့ရဲ့ ဂေးသူငယ်ချင်း ဂျွန်နသန်နဲ့ကိုခေါ်ကာ Conrvair ကားဟောင်းလေးတစ်စီးနဲ့ စပိန်တောင်ပိုင်းဖက်ကိုအပန်းဖြေထွက်လာပါတော့တယ်။ သူတို့နဲ့အတူ ရေသူမလေးတစ်ယောက်လည်းပါလာပြီး သူကတော့ အိမ်ထောင်ရှင်မကောင်းဖြစ်ချင်ဆိုတဲ့ဆန္ဒပဲတစ်ချိန်လုံးရှိနေတယ်။ လမ်းခရီးတစ်လျှောက်မှာ သူတို့ရဲ့ ဘဝတွေ အတွေးတွေ ကိုတိုင်ပင်ဖလှယ်ကြရင်းနဲ့ တစ်နည်းတစ်ဖုံသူတို့ရဲ့ရည်မှန်းချက်တွေကိုဖြည့်ဆည်းဖို့ကြိုးစားပါတော့တယ်။ ကလေးရဖို့အသည်းသန်ကြိုးစားမယ့် မီလာဂရို့စ်၊ အသည်းကွဲတာကိုဖြေဖျောက်မယ့် ဂျွန်နသန်နဲ့ လက်တွဲဖော်ရှာမတွေ့သေးတဲ့ ရေသူမလေးတို့က ရည်မှန်းချက်အောင်ဘယ်လိုလုပ်ကြမလဲဆိုတာ ဆက်လက်ကြည့်ရှုပေးပါဦး…………. File Size… (1.74 GB) / ( 1.18 GB) Quality… WEB-DL 1080p HEVC /720p Format…mkv / mp4 Duration…1h 12m Genre …..Adventure , Comedy, Drama Subtitle….Myanmar Subtitle (Hard Sub) Encoder….Min Wai Translated by TML

Sira (2024) ဒီကားက‌တော့ အာဖရိကရုပ်ရှင်ဖြစ်ပြီး ဒါရိုက်တာ Apolline Traoré က မကြာခဏ ဖြစ်ပွားနေတဲ့ အကြမ်းဖက်တိုက်ခိုက်မှုတွေရှိတဲ့ အာဖရိကမြောက်ပိုင်း Sahel ဒေသမှာရှိတဲ့ အမျိုးသမီးတွေရဲ့ လက်တွေ့ဘဝကို အခြေခံထားပါတယ်။ “မကြာခဏဆိုသလို အမျိုးသမီးတွေကို မျှော်လင့်ချက်မဲ့တဲ့ သားကောင်တွေအဖြစ် မြင်တတ်ကြတယ်” လို့ Apolline က Toronto မှာ ကျင်းပတဲ့ မြောက်အမေရိကရှိ ပထမဆုံးပြသပွဲမှာ ပြောကြားခဲ့ပါသေးတယ်။ ဇာတ်လမ်းအကျဉ်း မင်္ဂလာဆောင်မည့်အမျိုးသမီးဖြစ်သူ စီရာဟာ ချစ်သူနဲ့အတူရှိဖို့ မိတ်ဆွေများ၊ မိသားစုဝင်များနဲ့အတူ လူသူမနေတဲ့ ကျယ်ပြန့်တဲ့ ကန္တာရကြီးကို ဖြတ်သန်းနေစဉ်မှာ၊ မွတ်စ်လင်မ်ဘာသာဝင်မဟုတ်တဲ့သူနဲ့ လက်ထပ်ဖို့ ရည်ရွယ်ထားကြောင်း သတင်းက ပျံ့နှံ့သွားပါတယ်။ အဲ့တာကြောင့် လက်နက်ကိုင်အစွန်းရောက်သမားများက ရောက်ရှိလာပြီး သူတို့အုပ်စုကို တိုက်ခိုက်ကာ စီရာကို ရိုက်နှက်ပြီး ပြန်ပေးဆွဲသွားခဲ့ပါတယ်။ ဒါပေမယ့် စီရာက မျှော်လင့်ချက်ကို လွယ်လွယ်မစွန့်လွှတ်တတ်တဲ့သူမို့ ဘယ်လိုစွန့်စားခန်း‌တွေထုတ်ပြီး လက်စားပြန်‌ချေမလဲဆိုတာ ကြည့်ရှုရမှာပါ။ သရုပ်ဆောင်မှုနဲ့ စကားပြောဆိုမှုများ အားနည်းနေ‌ပေမယ့် ဒီရုပ်ရှင်လေးဟာ ဒေသခံ အမျိုးသမီး‌တွေရဲ့ ဖြစ်ရပ်နဲ့ သူတို့လေးတွေရဲ့ သတ္တိကိုအဓိကထားပြီး ရိုက်ကူးထားတာဖြစ်ပါတယ်။ (အညွှန်းနဲ့ဘာသာပြန်ကတော့ Ivy Noe ဖြစ်ပါတယ်။) File size… (1.6 GB) / (960 MB) Quality…. WEB-Rip 1080p HEVC / 720p Format…. mkv/mp4 Genre…. Drama Duration…. 02:03:56 Subtitle…. Myanmar Subtitle (Hardsub) Encoder…. Benjamin Translated by Ivy Noe

Grace by Night (2024) IMDb Rating (6.5) ဖြစ်ရပ်ဆိုးတစ်ခုနဲ့ ကြုံတွေခဲ့ရတဲ့ ဂျွန်အိန်းဟာ ကံကြမ္မာနဲ့ ဘဝရဲ့ အဓိပ္ပာယ်အပေါ် မေးခွန်းထုတ်လာခဲ့ပါတယ်။ အဲဒီရဲ့အဖြေကို ရှာဖို့အတွက် သူဟာ အရေးပေါ်အခြေအနေတွေကြုံတွေ့နေရတဲ့ လူတွေကို 24/7 ကူညီပေးတဲ့အလုပ်ကို စေတနာ့ဝန်ထမ်းအနေနဲ့ လုပ်ခဲ့ပါတယ်။ ဒီလိုမျိုး မျှော်လင့်ချက်ပျောက်ဆုံးနေသူတွေကို ကူညီပေးရင်းနဲ့ သူ့ကိုယ်တိုင်က ပြန်ပြီးအကူအညီပြန်ရသလိုဖြစ်ခဲ့ပါတယ်။ ဒီလိုနဲ့ တစ်နေ့မှာ အရေးပေါ်ကူညီကယ်ဆယ်ရင်းနဲ့ကယ်လ်ဗင်ရိဒ်ဆိုတဲ့ ကောင်လေးတစ်ယောက်နဲ့တွေ့ဆုံခဲ့ပါတယ်။ မိဘရဲ့ဂရုစိုက်မှုကို မခံရဘဲ အခြေမဲ့အနေမဲ့ပုံစံဖြစ်နေတဲ့ ဒီကောင်လေးကို ကူညီရင်းနဲ့ ကောင်လေးရဲ့ ရည်မှန်းချက်အိပ်မက်တစ်ခုကို အကောင်အထည်ဖော်ပေးဖို့အထိ ဖြစ်လာခဲ့ပါတယ်။ ဒီလိုနဲ့ သူတို့နှစ်ဦးဟာ ဘဝနဲ့ဆိုင်တဲ့မေးခွန်းများစွာကို အဖြေရှာကြရင်း အိပ်မက်ကိုအကောင်အထည်ဖော်ကြပုံကို တွေ့မြင်ရမှာပါ။ ဒီကားလေးဟာ နပန်းအားကစားအကြောင်းရိုက်ကူးထားပြီး ၊ ယုံကြည်မှုနှင့် ဝိဉာဉ်ရေးရာအကြောင်းအရာများပါသည့် Sport, Faith and Spirituality, Drama အမျိုးအစားကားလေးဖြစ်ပါတယ်။ ဒီဇာတ်ကားးလေးကိုကြည့်ပြီး တစ်ခါတစ်ရံမှာ အကြီးကျယ်ဆုံးသောအလုပ်တွေဟာ အကျိုးအပဲ့တွေကနေတစ်ဆင့် ဖြစ်ပေါ်လာတယ်ဆိုတာကို message တစ်ခုရကြမှာပါ။ (အညွှန်းနဲ့ဘာသာပြန်ကတော့ ZMT ဖြစ်ပါတယ်။) File size…(1.9 GB) / (930 MB) Quality….WEB-Rip 1080p HEVC / 720p Format…. mkv/mp4 Genre….Drama Duration….02:17:20 Subtitle….Myanmar Subtitle (Hardsub) Encoder….Double K Translated by ZMT