Daughter of the Bride (2023) ~ IMDb - 7.3/10, Rotten Tomatoes - 50% ~ အခု မိတ်ဆက်ပေးမယ့် Daughter of the Bride ဆိုတဲ့ ဇာတ်ကားလေးကတော့ IMDb 7.3/10 အထိ ရရှိထားတဲ့ ဟာသဇာတ်ကားလေးတစ်ကားပဲဖြစ်ပါတယ်။ ၂၀၁၅ တုန်းက ထွက်ရှိထားတဲ့ Scout Guide to the Zombie Apocalypse မှာ မင်းသမီးတစ်ဦးအဖြစ်ပါဝင်သရုပ်ဆောင်ထားပြီးတော့ အခြားနာမည်ကြီး Drama ဇာတ်ကားတွေမှာလည်း ဇာတ်ဆောင်အဖြစ်ပါဝင်သရုပ်ဆောင်ထားတဲ့ မင်းသမီးလေး Halston Sage ရဲ့ကားသစ်လေးပါ။ ဒါ့အပြင် နှစ်ပေါင်း ၃၀ ကျော် ဝါရှိတဲ့ သရုပ်ဆောင် Aidan Quinn နဲ့ မင်းသမီးကြီး Marcia Gay Harden ကပါ အဓိကဇာတ်ဆောင်အနေနဲ့ ပါဝင်ထားတာဖြစ်လို့ သရုပ်ဆောင်ပိုင်းကတော့ လုံးဝကို ရှယ်ပါပဲ။ ဇာတ်ကြောင်းလေးဟာဆိုရင်တော့ဖြင့် ဖခင်နဲ့ အကြောင်းအမျိုးမျိုးကြောင့်ကွဲသွားခဲ့ရတဲ့ သမီးနဲ့အမေနှစ်ဦးအပေါ် အခြေခံပြီးတော့ ရိုက်ကူးထားပါတယ်။ ဇာတ်ဆောင် မင်းသမီးလေးဖြစ်တဲ့ ကိတ်ဟာ ငယ်စဉ်ကတည်းက မိခင်နဲ့ပဲ နှစ်ဦးတည်းကြီးပြင်းလာခဲ့ပါတယ်။ သူတို့နှစ်ယောက်ဟာလည်း ရှိရင်းစွဲအခြေအနေမှာပဲ ကျေနပ်တင်းတိမ်ခဲ့ကြပါတယ်။ ဒါပေမဲ့ အားလုံးသိကြတဲ့အတိုင်း အချစ်ဆိုတဲ့ ဆန်းကြယ်တဲ့အရာကို နှစ်ဦးလုံး မြည်းစမ်းလိုက်ရတဲ့အခါ သမီးနဲ့မိခင်နှစ်ဦးကြားမှာ ပြဿနာ အကြောင်းကြောင်းဖန်လာပါတော့တယ်။ ကိတ်တီလေးဟာ မိခင်ရဲ့ နောက်အိမ်ထောင်ပြုမယ့်ကိစ္စကြောင့် စိတ်သောကရခဲ့ရုံသာမက သူကိုယ်တိုင်ကလည်း ဘယ်လိုရိုမန်တစ်ဆန်ဆန် အဖြစ်အပျက်တွေကို ရင်ဆိုင်ကြုံတွေ့ခဲ့ရလဲဆိုတာအပြင် ရသမျိုးစုံ ခံစားရစေမယ့် ဇာတ်ကားလေးတစ်ကားပဲဖြစ်ပါတယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size - 1.9GB, 790MB Quality - 1080p, 720p IMDb Rating - 7.3/10 Format - mp4 Duration - 1H 42Min Genre - Comedy Subtitle - Myanmar Subtitle (Hardsub) Translated by Mark Encoded by Y

ညတစ်ညနဲ့စတင်ခဲ့တဲ့ ‌ဇာတ်လမ်းလေးပေါ့... Luiဆိုတဲ့ကောင်မလေးက ၁၉နှစ်အရွယ်Amaဆိုတဲ့ကောင်လေးကို ရူးရူးမူးမူးချစ်မိသွားခဲ့တယ် ကောင်လေးကလျှာနှစ်ခွဖြတ်ထားတာကြောင့် သူပါလိုက်လုပ်ချင်တဲ့အထိကောင်လေးကိုစွဲလမ်းသွားတယ် တ‌စ်နေ့ လျှာသွားဖောက်ရင်းနဲ့ tattoo ဆရာရဲ့ အထိအတွေ့တွေအောက်မှာသာယာသွားမိတဲ့အခါ သုံးပွင့်ဆိုင်ဇာတ်လမ်းလေးကိုကြည့်ရှုခံစားရမှာဖြစ်ပါတယ် နာကျင်မှုနဲ့အတူဆက်ဆံရတဲ့ လိင်ပိုင်းဆိုင်ရာအထိအတွေ့ကိုသဘောကျတဲ့ Luiနဲ့ အချစ်ကိုနူးညံ့သိမ်‌မွေ့စွာတန်ဖိုးထားတတ်တဲ့ Ama မျက်ရည်မြင်မှ လိင်စိတ်ကြွတဲ့ tattoo ဆရာShibaတို့ရဲ့ အရှုပ်ထွေးတွေကို ပဟေဠိဆန်ဆန် ခံစားစီးမျောရမှာဖြစ်ပါတယ် File Size__(2GB) / (1GB) Quality__1080p, 720p IMDb Rating__6.2/10 Format__mp4 Duration__02:03:00 Type__Adult, Thriller Subtitle__Myanmar Subtitle (Hardsub) Translated by DS Team Encoded by Dark Devil

CM ရဲ့ ပရိသတ်တွေအတွက် The Guqin Requiem ဆိုတဲ့ သိုင်းကားလေး တစ်ကားကို ဘာသာပြန်တင်ဆက်ပေးလိုက်ပါတယ်။ ဇာတ်လမ်းအကျဉ်းလေးကတော့- သိုင်းလောကမှ ကျိုရှောင်းစောင်းကို ရရှိသူက သိုင်းလောကတစ်ခုလုံးကို အုပ်ချုပ်နိုင်မယ်ဆိုတဲ့ ဒဏ္ဍာရီတစ်ခုက စပါတယ်။ ထိုစောင်းကို လုယူနေကြတဲ့အချိန်မှာ လောကသားတွေက သူသေကိုယ်သေ တိုက်ခိုက်ခဲ့ကြပါတယ်။ နောက်ဆုံးမှာ စစ်သူကြီးဝေ့ချီချိုးရှန်းက ရရှိခဲ့ပြီး ဖုန်းယွဲတိုင်းပြည်ကို ယူဆောင်သွားခဲ့ပါတယ်။ ထိုနောက် ကျိုရှောင်းစောင်းကို ဖုန်းယွဲတိုင်းပြည်ရဲ့ ရတနာအဖြစ်သတ်မှတ်ခဲ့ပြီး သိုင်းလောကလဲ ခဏတာ ငြိမ်းချမ်းသွားခဲ့ပါတယ်။ ဒါပေမဲ့ တိုင်းပြည်ရတနာကို လိုချင်မှုကြောင့် အိမ်နီးချင်းနိုင်ငံမှ ဖုန်းယွဲတိုင်းပြည်ကို စစ်ခင်းခဲ့ပါတော့တယ်။ ဝေ့ချီချိုးရှန်းနဲ့ လျန်းရီးတိုက တိုင်းသူပြည်သားတွေ ဒုက္ခရောက်နေတာကို မကြည့်ရက်သဖြင့် ရန်သူကို အသက်ပေးတိုက်ခိုက်ပြီး တိုင်းပြည်ကို ကာကွယ်ခဲ့ပါတယ်။ ကျိုရှောင်းစောင်းလဲ ထိုနောက် ပျောက်ကွယ်သွားတော့တယ်။ ၁၇ နှစ်ကြာပြီးနောက် ဖုန်းယွဲတိုင်းပြည် ချင်းဟိုင်ယန့်တွင် လျှိဝှက်တဲ့ ချင်းနန်ဖန်သခင်က သိုင်းလောကထဲမှ လူတော်တွေကို ဂီတစမ်းသပ်ပွဲသို ဖိတ်ခေါ်ခဲ့ပါတယ်။ လျှိဝှက်ပြီးထူးခြားတဲ့ မိန်းကလေး လင်ကျွင်းနဲ့ ရုပ်ရည်ချောမောတဲ့ ဂီတပညာရှင်လင်လွင်တို့ တစ်ချိန်တည်း မြိုအဝင်ဝမှာ ဆုံတွေ့ခဲ့ပြီး အထင်လွှဲမှုတွေ ဖြစ်ခဲ့ပါတယ်။ လင်ကျွင်းရဲ့ အိတ်ထဲကနေ ကျိုရှောင်းစောင်းကြီး ထွက်လာတဲ့အခါ ...... သူတိုနှစ်ယောက် ဂီတပွဲတော်သွားတဲ့ လမ်းတစ်လျှောက် ဖြောင့်ဖြူးအဆင်ပြေပါ့မလား ...... ကျိုရှောင်းစောင်းကို လိုချင်နေတဲ့ လူတွေကရော ဘယ်သူတွေလဲ ...... နှစ်ပေါင်းများစွာ ဖုံးကွယ်ထားတဲ့ လျှိဝှက်ချက်ကရော ဘာဖြစ်နေမလဲဆိုတာကို ....... ဇာတ်လမ်းလေးထဲမှာပဲ အတူတကွ ကြည့်ရှုအဖြေရှာကြရအောင်နော်။ [ Reviewed By Moon ] Quality : WEB-DL 1080p , 480p Format : mp4 Genres : Fantasy , Action Runtime : 1h 18 min Subtitle : Myanmar Subtitle ( Hardsub ) Translated by CM Team Encoded by LK

CM ကနေ ရုပ်ရှင်ကားကောင်းကောင်းလေးတွေကို အမြဲတင်ဆက်ပေးနေကျဖြစ်သလို အခုတစ်ခါမှာတော့ စိတ်ဝင်စားဖွယ်ကောင်းတဲ့ ငွေကြေးခဝါချမှုတွေ တရားမဝင်ငွေချေးမှုတွေ အကြောင်းရိုက်ကူးထားတဲ့ ကားလေးကို တင်ဆက်ပေးမှာပဲ ဖြစ်ပါတယ် ဇာတ်လမ်းအကျဉ်းလေးကို ပြောပြရမယ်ဆိုရင် တက္ကသိုလ်ကျောင်းသူလေး ကျောက်ရွှယ်နင်တစ်ယောက် ချေးငွေကိစ္စနဲ့ပက်သက်ပြီး အာမခံကုမ္ပဏီရဲ့ အပေါ်ဆုံးထပ်ကနေ ခုန်ချသွားခဲ့ပါတယ် ဝမ်းဟိုင်မြို့မှာ တာဝန်ကျတာမကြာသေးတဲ့ မှုခင်းရဲအရာရှိ ချန်ရွေ့တစ်ယောက်က ဒီအမှုကို လက်ခံပြီး ရှာဖွေစုံစမ်းရာမှာတော့ ကိုယ့်ကိုယ်ကိုယ်အဆုံးစီရင်မှုမဟုတ်ဘဲ လူသတ်မှုလို့ သံသယရှိလာခဲ့ပါတယ် အဲ့နောက်မှာတော့ အထက်အရာရှိ စခန်းမှူးတုက ဒီအမှုကို အမြန်ဆုံးစုံစမ်းဖော်ထုတ်ခိုင်းပါတော့တယ် ချန်ရွေ့တစ်ယောက် ဒီအမှုရဲ့ကြိုးစကို စတင်ဖြည်ရင်း ပိုပိုရှုပ်ထွေးလာမှန်းသိလိုက်ရပါတယ် အာမခံကုမ္ပဏီအပြင်ကို မြို့ရဲ့ မျက်နှာဖုံး စီးပွားရေးသမား အန်းယိမင်နဲ့သူ့ဇနီး ကျိုးထုံတို့လည်း ပါဝင်ပက်သက်နေတာကို သိလိုက်ရပါတယ် တွင်းနက်လေလေ နှိုက်ရခက်လေလေဆိုတော့ ဒီဝမ်းဟိုင်မြို့မှာ မကောင်းမှုပပျောက်ရေးလှုပ်ရှားမှုကို ဘယ်လိုမျိုး ပြီးမြောက်အောင် လုပ်ဆောင်သွားမှာလဲ ဒီအမှုတွေရဲ့နောက်ကွယ်မှာ ဘယ်လိုအကြံစည်တွေ ရှိနေမှာလဲဆိုတာကိုတော့ ခုတင်ဆက်ပေးမယ့် ကားလေးမှာ ကြည့်ရှုလို့ရပါတယ်နော်~~~~~~~~ [ Reviewed By Kyawt ] Quality : WEB-DL 1080p , 480p Format : mp4 Genres : Crime , Action Runtime : 1h 14 min Subtitle : Myanmar Subtitle ( Hardsub ) Translated by CM Team Encoded by LK

The Rifleman လို့လည်း လူသိများတဲ့ ဒီဇာတ်ကားလေးဟာ ပထမ ကမ္ဘာစစ်ကာလက အသက် ၁၆ နှစ်အရွယ် လူငယ်လေးတစ်ယောက်အကြောင်း ဖြစ်ရပ်မှန်ကို အခြေပြုထားတာပါ။ သူရဲကောင်းဖြစ်ချင်တဲ့စိတ်နဲ့ ပထမကမ္ဘာစစ်ကို ဝင်တိုက်ခဲ့ပေမဲ့ စစ်ရဲ့ အနိဌာရုံတွေကို မြင်တွေ့ခဲ့ချိန်၊ ကိုယ့်ရဲ့ မိသားစုဝင်ကိုပါ ဆုံးရှုံးလိုက်ရချိန်မှာတော့ သူ့ရဲ့ ဦးတည်ချက်က သူရဲကောင်းဖြစ်ဖို့မဟုတ်တာ့ဘဲ အမိတိုင်းပြည်မှာ မိသားစုဝင်တွေကို တစ်စုတစည်းတည်း ပြန်ဖြစ်စေဖို့ ကြိုးစားပုံတွေကို ရိုက်ကူးပုံဖော်ထားတာပါ။ ဇာတ်လမ်းအညွှန်းအနေနဲ့ကတော့ ... အချိန်အားဖြင့် 1900 ကျော် ပထမကမ္ဘာစစ်ကြီးဖြစ်ခါနီးအချိန်ပေါ့၊ လာဗီယာဆိုတဲ့ ရုရှားနဲ့ ဂျာမနီနိုင်ငံကြားက နိုင်ငံငယ်လေးတစ်ခုမှာ အာတူ့စ်ဆိုတဲ့ ချာတိတ်လေးတစ်ယောက်ဟာ သူ့မိဘနှစ်ပါးရယ် အစ်ကိုဖြစ်သူရယ်နဲ့ နေထိုင်ပါတယ်။ ပထမကမ္ဘာစစ်ကြီးစဖြစ်တော့ သူ့မိခင်ကို ဂျာမန်စစ်သားတွေက သတ်သွားတယ်။ စစ်ပြန်ဖခင်ဖြစ်သူနဲ့ သူတို့ညီအစ်ကိုနှစ်ဦးလည်း လာဗီယာတပ်ဖွဲ့ထဲဝင်ပြီး စစ်တိုက်ထွက်ကြရတဲ့အချိန်ပေ့ါ။ အဲဒီချိန်မှာ လာဗီယာနိုင်ငံက ရုရှားလက်အောက်ခံအဖြစ်ပဲ ရှိပါသေးတယ်။ ရုရှားအတွက် စစ်တိုက်ပေးရင်း ဆိုဗီယက်ရုရှားဟာ လာဗီယာနိုင်ငံကို တကယ် လွတ်လပ်ရေးပေးမှာမဟုတ်ဘူး ဆိုတာကိုပါ အာတူ့စ်တို့နားလည်လာတဲ့အချိန်မှာတော့ ... ဒီလိုနဲ့ လွတ်လပ်ရေးရဖို့ အရွယ်မရောက်ရှာသေးတဲ့ အာတူ့စ်တစ်ယောက် ဘယ်လိုပါဝင်ပေးဆပ်အနစ်နာခံခဲ့ရလဲ ဆိုတာကို ရင်နင့်ဖွယ် ကြည့်ရှုရမှာပဲ ဖြစ်ပါတယ်။ (ဇာတ်လမ်းအညွှန်းနဲ့ ဘာသာပြန်ကတော့ May Myat Thu ပါ) File Size          : 3.2GB, 1.4GB & 657MB Quality            : 1080p WEB-DL, 720p WEB-DL & 480p Format            : mp4 Duration         : 2hr & 3mins Genre              : Action, History, Drama Translated by  May Myat Thu Encoded by Kinnov

Spirit Doll (2023) CM ပရိသတ်ကြီး ညဘက်ကြည့်ဖို့ အင်ဒိုနီးရှား Horror ကားပါ အာရှသရဲကားတွေက ဟောလိဝုဒ်သရဲကားတွေနဲ့ atmosphere (အငွေ့အသက်) ရော theme(အာဘော်) ပါ ကွဲပြားတာများပါတယ် ကျွန်တော့်အမြင်အရဆိုရင် အာရှ horror ကားတွေက အယူအဆတွေက ကျွန်တော်တို့ရဲ့ ရိုးရာဓလေ့တွေနဲ့ ပိုပြီးနီးစပ်တာမို့ ပိုပြီး ကြောက်စရာကောင်းတယ် ထင်ပါတယ် ရုပ်ရှင်နာမည်အတိုင်းပဲ ဝိညာဥ်အရုပ်လေး တစ်ရုပ်အကြောင်းပါပဲ ဇာတ်လမ်းအကျဥ်းကတော့ ဒါရာ ဆိုတဲ့ နာမည်ကြီး horror queen မင်းသမီးတစ်ယောက် ရိုက်ကွင်းမှာ သုံးတဲ့ spirit doll အရုပ်လေးကို အိမ်ယူလာပါတယ် သူ့ရဲ့ အမျိုးသားနဲ့ကွာရှင်းထားတာဖြစ်ပြီး သမီးလေးတစ်ယောက်ကတော့ အဖေအိမ်နဲ့ အမေ့အိမ်တစ်လှည့်စီ သွားနေနေရပါတယ် သမီးလေးကလည်း အဖေ့ဆီမှာပဲ အမြဲနေချင်တာကြောင့် သားအမိနှစ်ယောက် ပြဿနာတက်ကြရင်း တစ်နေ့ သမီးလေး လှေကားပေါ်က မတော်တဆ ကျပြီး သေဆုံးသွားပါတော့တယ် “မိခင်သောက” အင်ဒိုဗားရှင်းကို ကျောထဲစိမ့်နေအောင် ညဘက် မီးပျက်တဲ့အချိန် စောင်ခြုံသာ ကြည့်ကြပါ အညွှန်းရေးသားသူက KKKZ ဖြစ်ပြီး ဘာသာပြန်ကတော့ Zwe Yan ~ KKKZ တို့ဖြစ်ပါတယ်

Titan A.E. (2000) ~ IMDb – 6.6/10, Rotten Tomatoes – 50% ~ အဟောင်းထဲက ဇာတ်ကားကောင်းတစ်ကားဖြစ်ပြီး Matt Damon နဲ့ Drew Barrymore တို့လို နာမည်ကြီးတွေ အသံသရုပ်ဆောင်ထားတဲ့ Animation ဇာတ်ကားကောင်းတစ်ခုပေါ့။ ဂလက်ဆီ တစ်ခုလုံးကို ခြိမ်းခြောက်နေတဲ့ ဒရက်ဂ်ျ ဆိုတဲ့ မျိုးနွယ်စုကြီးတစ်ခု ရှိပါတယ်။ 3028 ခုနှစ်မှာတော့ ကမ္ဘာမြေမှာ အရမ်းကို စွမ်းအားကြီးတဲ့ တိုက်တန် ပရောဂျက်တစ်ခုကို လူသားမျိုးနွယ်တွေ ပြင်ဆင်ထားခဲ့ပါတယ်။ ဒရက်ဂ်ျတွေဟာ ဒီတိုက်တန်ပရောဂျက်ကို တားဆီးဖို့အတွက် လူသားမျိုးနွယ်ကို မျိုးသုဉ်းဖျက်ဆီးပြီး ကမ္ဘာမြေကို ဖောက်ခွဲပစ်ခဲ့ပါတယ်။ တိုက်တန်ပရောဂျက်ရဲ့ အဓိက ခေါင်းဆောင် ဆမ်ဟာ လူမမယ်‌သားလေး ကေးလ်ကိုတော့ လွတ်မြောက်ရေးယာဉ်ထဲ ထည့်ပေးလိုက်ပြီး သူကတော့ ဒရက်ဂ်ျတွေနဲ့ ရင်ဆိုင်ခဲ့ပါတယ်။ နှစ်ပေါင်းများစွာ ကြာတဲ့အခါမှာ အနည်းငယ်သာ ကျန်ရှိတော့တဲ့ လူသားမျိုးနွယ်စု ဆက်လက်ရှင်သန်ရေးက ကေးလ်တစ်ယောက် သူ့အဖေဝှက်ထားခဲ့တဲ့ တိုက်တန်ကို ပြန်ရှာတွေ့တဲ့အပေါ် မူတည်နေတဲ့အခါမှာတော့ ကေးလ်ဟာ တိုက်တန်ရှာဖွေရေးစွန့်စားခန်းခရီးကို စတင်ရပါတော့တယ်။ Old-school 2D Animation ကို 3D နဲ့ ပေါင်းစပ်ထားတဲ့ ဇာတ်လမ်း ဇာတ်ကွက် ကောင်းကောင်းနဲ့ ဇာတ်ကားတစ်ကားမို့ အချိန်ပေးကြည့်ရတာ တန်စေမှာပါ။ (ဒီဇာတ်ကားနဲ့အညွှန်းကို Chuck မှ ပြန်ဆို ရေးသားထားပါတယ်) Size – 1..75GB, 910MB Quality – 1080p, 720p IMDb Rating – 6.6/10 Format – mp4 Duration – 1H 34Min Genre – Animation, Action, Adventure Subtitle – Myanmar Subtitle (Hardsub) Translated by Chuck Encoded by Y

၂၀၂၂ ခုနှစ်ကထွက်ရှိခဲ့တဲ့ Love in the Limelight ရုပ်ရှင်ဟာ အမေရိကန်ရုပ်ရှင်မင်းသားနဲ့ဒါရိုက်တာ Wille Anmes နဲ့ဇနီးသည် Winnie Hung တို့ရဲ့အချစ်ဇာတ်လမ်းဖြစ်ရပ်မှန်ကို အခြေခံပြီး ဇာတ်ကောင်တွေ၊ နာမည်တွေပြောင်းလဲရိုက်ကူး ထားတာဖြစ်ပါတယ်။ ဇာတ်လမ်းကို Wille Anmes ကိုယ်တိုင်ပါဝင်တွဲဖက် ရေးသားထားပြီး Alexa PenaVega နဲ့ Carlos PenaVega တို့က အဓိကပါဝင်သရုပ်ဆောင်ပေးထားပါတယ်။ ဇာတ်လမ်းအကျဉ်း *************** တစ်ချိန်က ဆယ်ကျော်သက်နှုတ်ခမ်းနီမလေးတွေရဲ့ အသည်းစွဲဖြစ်ခဲ့တဲ့ အဆိုတော်နစ်မန်းဒက်ဇ်ဟာ နာမည်ကျချိန်မှာ ရည်းစားကလည်းပစ်၊ အဆိုတော်လောကမှာလည်း ပြန်လက်တွဲခေါ်ချင်သူမရှိတော့ပါဘူး။ နစ်ခ်ကိုယ်တိုင်ကလည်း သီချင်းတွေဆိုဖို့၊ သီချင်းတွေရေးဖို့တောင် စိတ်အာရုံစုစည်း မရဖြစ်နေခဲ့ပါတယ်။ တစ်ရက်မှာတော့ Salt Lake City ကိုသွားရောက်ဖျော်ဖြေဖို့ဖြစ်လာခဲ့ပြီး သူနဲ့ ၁၅ နှစ်ကြာအောင် အပြန်အလှန်စာတွေပို့နေခဲ့ကြတဲ့သူငယ်ချင်းမလေးနဲ့ အပြင်မှာ တကယ်တွေ့ရဖို့ဖြစ်လာခဲ့ပါတယ်။ ဆမ်းမားကတော့ နစ်ခ်ဆီကို ပရိသတ်စာတစ်စောင်ရေးရာကနေ နစ်ခ်နဲ့ ၁၅ နှစ် ကြာအောင် လေလှိုင်းထဲကသူငယ်ချင်းဖြစ်ခဲ့သူလေးပါ။ ပျော်ရွှင်မှု၊ ဝမ်းနည်းမှုနဲ့လောကဓံအတက်အကျအားလုံးကို နှစ်ပေါင်းများစွာအတူမျှဝေခဲ့ကြတဲ့သူတို့နှစ်ယောက်ဟာ အပြင်မှာတကယ်တွေ့ရချိန်မှာတော့ သူငယ်ချင်းသံယောဇဉ်တွေက အရောင်ပြောင်းလဲလာခဲ့ပါတော့တယ်။ File size…1.91GB / 770 MB Quality…WEB-DL 1080p 5.1CH / 720p Format…mp4 Duration….1h 24m Genre ….. Comedy , Romance Subtitle….Myanmar Subtitle (Hard Sub) Encoder….Min Wai Translated by JULY

Love and Shukla (2017) “ကြင်စဦးမောင်နှံ” ဒီတစ်ခါမှာ ရီဗျူးကောင်းလေးတွေရရှိထားတဲ့ အချစ်/ဒရာမာ ရုပ်ရှင်အဟောင်းလေးကို CM ပရိသတ်ကြီးအတွက် ဘာသာပြန်တင်ဆက်ပေးလိုက်ပါတယ် ရှူကလာဟာ သုံးဘီးမောင်းသမား ဖြစ်ပြီး မိန်းမအတွေ့အကြုံလုံးဝမရှိတဲ့သူပါ မိန်းကလေးတစ်ယောက်ကို စိုက်ကြည့်လို့တောင် မသင့်ဘူးလို့ ငယ်ငယ်ကတည်းက မှတ်ထားတာကြောင့် ဘော်ဒါတွေကြားမှာ သူ့အတွေ့အကြုံက ဝိုင်းနောက်စရာဖြစ်နေပါတယ် ဖြစ်ချင်တော့ လူကြီးတွေ ပေးစားလို့ ရလာတဲ့ ဇနီးသည် လက်ရှ်မီးကလည်း သိပ်ကိုရှက်တတ်တဲ့ မိန်းကလေးဖြစ်နေပြန် … သူ့အဖေနဲ့အမေကပါ ပုဏ္ဏားဟောထားတဲ့ အတိုင်း အချိန်မသင့်သေးဘူးလို့ ယုံကြည်ထားတာကြောင့် ကြင်စဦးလင်မယားအိမ်မှာ ညလုံးပေါက် တီဗွီကြည့်ကြ၊ အိပ်တဲ့အခါမှာလည်း လေးယောက်သား အတူတူအိပ်ကြရတဲ့အခါ … ကိုယ်ရေးကိုယ်တာ လွတ်လပ်ဖို့ရန်နှင့် နှလုံးသားချင်းနီးစပ်နိုင်ဖို့ရော ဘယ်လိုကြိုးစားသွားကြမလဲဆိုတာကတော့ ပရိသတ်ကြီး ဆက်လက်ကြည့်ရှုပေးပါဦး အညွှန်းနဲ့ ဘာသာပြန်ကတော့ KKKZ ~ ToMo ~ Thura ~ Yunni ~ Linn တို့ ဖြစ်ပါတယ်

ဒီဇာတ်ကားမှာတော့ ဆရာ တော် ရှန်ကျန်းနဲ့ တပည့်ကျော် သုံးဦးဖြစ်တဲ့ ဝူခုံး၊ ပါကျဲနဲ့ ဝူဂျင်းတို့တွေ မိန်းမလှနိုင်ငံကို ရောက် သွားပြီး ကြုံဆုံရတာတွေကို ဇာတ်အိမ်တည်ထားတာ ဖြစ်ပါတယ်။ ဆရာတော် ရှန်ကျန်းနဲ့ တပည့်ကျော်တွေဟာ ကျမ်းစာ အုပ်တွေ ယူဆောင်ဖို့ အနောက် ဘက်ကို ခရီးဆန့်ကြရင်း တစ် ရက်မှာတော့ စုလစ်မွမ်းချွန်တွေ နဲ့ ခမ်းနားတဲ့ နေရာတစ်ခုကို ရောက်ရှိခဲ့ပါတယ်။ အဲဒီနေရာက တော့ ငယ်ငယ်ချောချော ဘုရင်မ လေးအုပ်ချုပ်ရာ မိန်းမလှ တိုင်း ပြည်ပဲ ဖြစ်ပါတယ်။ အဲဒီကို ရောက်သွားပြီးတဲ့ နောက်မှာတော့ ဆရာတော် ရှန် ကျန်းနဲ့ ဘုရင်မလေးတို့ကြားမှာ သံယောဇဉ်ဖြစ်ခဲ့ပါတော့တယ်။ ဒါပေမဲ့ ဘုရင်မလေးရဲ့ အကြံပေး မိန်းကလေးကတော့ သူတို့နိုင်ငံ ရဲ့ စည်းမျဉ်းစည်းကမ်းအရ သူတို့ဆီကို ရောက်လာတဲ့ ဘယ် ယောကျ်ားသားကိုမဆို သတ်ပစ်ဖို့လုပ်ခဲ့တာ မို့ ပြဿနာနဲ့ ရင်ဆိုင်ရပါတော့ တယ်။ အဲဒါနဲ့ ဝူခုံး၊ ပါကျဲနဲ့ ဝူဂျင်း တို့တွေဟာ လွတ်မြောက်မယ့် နည်းလမ်းရှာတဲ့အခါမှာ မိန်းမလှ နိုင်ငံကို ဖုံးအုပ်ထားတဲ့ ဧရာမ မှော်ပိုက်ကွန်ရှိနေတယ်ဆိုတာသိခဲ့ပြီး အန္တရာယ် ဂိတ်တံခါးကို ကျော် ဖြတ်နိုင်ဖို့ တစ်ခုတည်းသော နည်းလမ်းက ချစ်ခြင်းမေတ္တာဆိုတဲ့ သောနဲ့ ဖွင့်မှပဲ ဖြစ်ပါတယ်။ ဆရာတော် ရှန်ကျန်းအဖို့ ကျမ်းစာတွေသယ်ဖို့ ခရီးဆက် ထွက်မလား၊ အချစ်အတွက် ပေး ဆပ်မလားဆိုတာ ဝေခွဲမရဖြစ်နေ ချိန်မှာ ကွမ်ရင်မယ်တော်ရောက် လာပြီး အမှန်မြင်နိုင်ဖို့ လမ်းပြခဲ့ ပါတယ်။ အဲဒီအခါမှာ ဆရာတော်ရှန် ကျန်းတို့ရဲ့ မေတ္တာဇာတ်လမ်းက ဘယ်လိုပုံစံနဲ့ အဆုံးသတ်မလဲဆို တာကို အမိုက်စားဆက်တင်တွေ၊ ရိုက်ချက်တွေနဲ့ ဆက်ကြည့်ဖို့ ဖော်ပြလိုက်ပါတယ်။ ပါဝင်ထားတဲ့ သရုပ်ဆောင် တွေက မျောက်မင်းဝူခုံးအဖြစ် Aaron Kwok၊ ဆရာတော်ရှန် ကျန်းအဖြစ် Feng Shaofeng၊ မိန်းမလှဘုရင်မအဖြစ် Zhao Liying၊ ပါကျဲအဖြစ် Xiao Shenyang၊ ဝူဂျင်းအဖြစ် Him Law တို့ပဲ ဖြစ်ပါတယ်။

A Hard Day (2014) ******************* ကိုရီးယားရုပ်ရှင်လောကရဲ့ ကြွေလွင့်သွားရတဲ့ ကြယ်ပွင့်တစ်ပွင့်ဖြစ်တဲ့ မင်းသားကြီး Lee Sun-Kyun ရဲ့ Crime ,Action ,Thriller ,Police အမျိုးအစား ဇာတ်လမ်းကောင်းတစ်ပုဒ်ပဲ ဖြစ်ပါတယ်။ ဇာတ်လမ်းအညွှန်း ************* အမေဖြစ်သူရဲ့ ဈာပနကို သွားနေတဲ့လမ်းမှာ စုံထောက်ဂိုဂွန်းဆူ(Lee Sun-Kyun)တစ်ယောက် ဘယ်ကပေါ်လာမှန်းမသိတဲ့ လူကို ကားနဲ့တိုက်မိသွားပါတယ်။ တိုက်မိသွားတဲ့လူဟာ လမ်းပေါ်မှာတင် ပွဲချင်းပြီးသေသွားတော့ စုံထောက်ဂိုဟာ အရမ်းလန့်သွားပြီး ကြံရာမရတဲ့အဆုံး အဲဒီအလောင်းကို ကားနောက်ဖုံးထဲ တင်ခေါ်ခဲ့ရာကနေ စုံထောက်ဂိုဂွန်းဆူရဲ့ ခက်ခဲသော နေ့တစ်နေ့ (A Hard Day) စတင်ပါတော့တယ်…..။ ဇာတ်လမ်းအစ ၄မိနစ်ကတည်းက တက်လာခဲ့တဲ့ ဇာတ်ရှိန်က ဇာတ်လမ်းပြီးတဲ့အထိကို တစ်ချက်မှ ကျမသွားဘဲ မင်းသားကြီးရဲ့ ပီပြင်လှတဲ့သရုပ်ဆောင်ချက်တွေနဲ့အတူ နစ်မြောခံစားသွားရမဲ့ အချိန်ပေးရကျိုးနပ်တဲ့ဇာတ်ကားကောင်းတစ်ခုဖြစ်တာကြောင့် CM ပရိသတ်ကြီးအတွက် တင်ဆက်ပေးလိုက်ရပါတယ်။ (အညွှန်းကို Yati Naing မှ ရေးသားထားပါတယ်) File size…1.82GB / 766MB Quality… WEB-DL 1080p/ 720p Format…mp4 Duration…. 1 hr. 51 min. Genre ….. Action, Thriller, Mystery, Crime Subtitle….Myanmar Subtitle (Hard Sub) Translated by Yati Naing Encoded by AHtet

ဒီဇာတ်ကားလေးကတော့ ၂၀၂၄ ခုနှစ်မှာထွက်ရှိခဲ့တဲ့ ဒရာမာ ဇာတ်လမ်းကောင်းလေးဖြစ်ပါတယ်။ “ဟေး ဂျိုး” ဆိုတာကတော့ အီတလီရောက် အမေရိကန်တွေ နားမစိမ်းတော့တဲ့ စကားတစ်ခုပါပဲ။ ဖောက်သည်ရှာတဲ့အခါဖြစ်ဖြစ်၊ မှောင်ခိုလုပ်ဖို့ချဥ်းကပ်တာ ဖြစ်ဖြစ် အီတလီသားတွေက အမေရိကန်စစ်သားတွေကို “ဟေး ဂျိုး” လို့ လိုက်ခေါ်လေ့ရှိကြပါတယ်။ ဒင်းန် ဆိုတဲ့ အမေရိကန် စစ်သားတစ်ယောက်က ၁၉၄၄ ခုနှစ် ဒုတိယကမ္ဘာစစ်အတွင်း အီတလီနိုင်ငံ နေပယ်မြို့ကို စစ်ဆင်ရေးတာဝန်နဲ့ရောက်လာပြီး အီတလီသူလေး လူစီယာ နဲ့ မေတ္တာမျှခဲ့ကြပါတယ်။ ဒီလိုနဲ့ပဲ ဒင်းန်ဟာ စစ်ဆင်ရေးတာဝန်ပြီးဆုံးလို့ ပြည်တော်ပြန်သွားရချိန်မှာ လူစီယာမှာ ဒင်းန် နဲ့ ရထားတဲ့ သားယောက်ျားလေး ကိုယ်ဝန်ကျန်ရစ်ခဲ့ပါတယ်။ ဒင်းန် ဟာ လူစီယာ ကို ပြန်လာခဲ့မယ်လို့ ကတိပေးခဲ့ပေမဲ့ အကြောင်းအမျိုးမျိုးကြောင့် ပြန်မလာနိုင်ခဲ့ပါဘူး။ နှစ်ပေါင်းများစွာအကြာ ၁၉၇၇ ခုနှစ် ရောက်မှ ဒင်းန် ဟာ ရှိသမျှအကုန်ရောင်းပြီး အမေရိကန် ကနေ ထွက်လာကာ သားဖြစ်သူကို ရှာဖို့ နေပယ်မြို့ကို ပြန်ရောက်လာခဲ့ပါတယ်။ ဒီဇာတ်လမ်းလေးမှာတော့ သားပျောက်လိုက်ရှာတဲ့ ဒင်းန် အကြောင်းကို အချိတ်အဆက်မိမိတင်ဆက်ထားပြီးတော့ သားဖြစ်သူနဲ့ ပြန်တွေ့ချိန်မှာ ကြုံရမဲ့ အခက်အခဲတွေ၊ စိန်ခေါ်မှုတွေကို စိတ်ဝင်စားဖွယ်ရာ ရိုက်ကူးထားတာ ဖြစ်ပါတယ်။ အားလပ်ရက်မှာ အချိန်ပေးကြည့်ရှုလိုက်လို့ နောင်တရစေရမဲ့ ဇာတ်ကားမျိုးမဟုတ်တာကြောင့် တင်ဆက် ပေးလိုက်ရပါတယ်ခင်ဗျာ။ File size… (1.88 GB) / (999 MB) Quality… WEB-DL 1080p HEVC / 720p Format…mkv / mp4 Duration….1h 57m Genre …..Drama Subtitle….Myanmar Subtitle (Hard Sub) Encoder….Min Wai Translated by Wil

IMDb rating – 7.1% ဒီတစ်ခါမှတော့ 1999 ခုနှစ်မှာထွက်ရှိထားတဲ့ ဗြိတိန်ဟာသကားလေးတစ်ကားကိုတင်ဆက်ပေးပါရစေ။ ဒါရိုက်တာ Justin Kerrigan ကရိုက်ကူးထားပြီး John Simm, Shaun Parkes, Lorraine Pilkington, Nicola Reynolds တို့နဲ့ Danny Dyer တို့က အဓိကပါ၀င်သရုပ်ဆောင်ထားပါတယ်။ ဒီဇာတ်ကားလေးက 1990 နှောင်းပိုင်း ဗြိတိန်ရဲ့ လူငယ်ယဉ်ကျေးမှု၊ အထူးသဖြင့် ကလပ်ယဉ်ကျေးမှု၊ အရက်နဲ့ မူးယစ်ဆေးဝါး အနုပညာကို ဟာသဆန်ဆန်နဲ့ စိတ်လှုပ်ရှားဖွယ်ရိုက်ကူးထားပါတယ်။ အဓိကဇာတ်ကောင်တွေဟာ ဇာတ်လမ်းထဲမှာ အလုပ်တွေ လူမှုရေး တွေကြောင့် ဖိစီးမှုကို ခံစားနေရပြီး သောကြာနေ့ညမှာ ကလပ်ကိုသွားပြီး အပျော်ရှာကြပါတယ်။ သူတို့ရဲ့ အတွေ့အကြုံတွေကို ဟာသဉာဏ်ရည်၊ စိတ်ကူးယဉ်ဆန်မှုတွေနဲ့ တင်ဆက်ထားပြီး လူငယ်ဘ၀၊ မိတ်ဆွေသူငယ်ချင်းကြားက ဆက်ဆံရေး၊ စိတ်ဖိစီးမှုတေကနေ လွတ်မြောက်ဖို့ ဘယ်လို ကြိုးပမ်းကြသလဲဆိုတာကြည့်ရှုကြရမှာပဲဖြစ်ပါတယ်။ File size… (2.1 GB) / (1.5 GB) Quality….HEVC / 1080p HEVC / 720p Format…. mkv/mp4 Duration….01:48:00 Genre…Comedy, Drama Subtitle….Myanmar Subtitle (Hardsub) Encoder….Swan Min Htet Translated by Ivy Noe

Nobody’s Home (2013) IMDb Rating (6.5) ဒီဇာတ်ကားလေးကတော့ ဘဝသရုပ်ဖော်သရုပ်မှန် တူရကီဇာတ်ကားကောင်းလေးပါ။ ဒီဇာတ်ကားက အစ္စတန်ဘူလ် ရုပ်ရှင်ပွဲတော်မှာ အကောင်းဆုံးဇာတ်ကားဆုကိုရထားပါတယ်။ ဒါရိုက်တာ Deniz Akcay Katiksizကလည်း Poeple’Choice Award ဆုကိုရထားပါတယ်။ ငယ်ငယ်တုန်းကဖတ်ဖူးတာ ဘဝမှာစာအုပ်နှစ်အုပ်ရှိတယ်တဲ့ စာအုပ်အစစ်ရယ် ပတ်ဝန်းကျင်မှာဖြစ်နေတဲ့အရာတွေရယ်တဲ့။အတွေ့အကြုံဗဟုသုတတွေရပြီး သင်ခန်းစာယူနိုင်ဖို့ပါ။ ရုပ်ရှင်ဆိုတာကလဲ သူများရဲ့အတွေ့အကြုံဗဟုသုတကိုပါပေးတဲ့နေရာတစ်ခုပါပဲ။ကျွန်မကတော့ သူများနိုင်ငံတွေကပြည်သူတွေရဲ့ဘဝကိုလည်းစိတ်ဝင်စားမိပါတယ်။ လူတိုင်းတစ်အားပြည့်စုံအဆင်ပြေတာမျိုးရှိတဲ့နိုင်ငံတွေရှိပေမဲ့ ရှားနိုင်ပါတယ်။ ဒီဇာတ်ကားမှာလဲ လူငယ်တွေစိတ်လေ အပေါင်းအသင်းမှားပြီးပျက်စီးနေတာ အိမ်နဲ့သဟဇာတမဖြစ်တာမိဘနဲ့နွေးထွေးတဲ့ဆက်ဆံရေးမရှိတာ လိင်ကိစ္စလက်တည့်စမ်းချင်တာ ဆေးစွဲနေတာတွေတွေ့ရမှာပါ။ လင်ဆိုးမယားတဖားဖား သားဆိုးအမေတစ်ပေပေဆိုသလိုပဲ အမေတွေရဲ့ဒုက္ခကလည်းမသေးပါဘူး။ အလုပ်တွေတော့ရှိပါရဲ့ ရတဲ့လခကမိသားစုမှာတက္ကစီတောင်မစီးနိုင်တာလဲတွေ့ရမှာပါ။အတောင်အလက်စုံလို့ မိဘရင်ခွင်ထဲကထွက်သွားတဲ့အခါခံစားရတဲ့ခံစားချက်တွေကလည်းကရုဏာသက်စရာပါ။ ရိုက်ချက်တွေလှသလို တေးဂီတနည်းနည်းနဲ့သဘာဝအသံလေးတွေကိုသုံးထားပါတယ်။ ဇာတ်လမ်းအကျဥ်း ယောကျာ်းရှိတုန်းကအကုန်အဆင်ပြေပြီး ယောကျာ်းလည်းသေရော ဘတ်စ်ကားတောင်မစီးတတ်တဲ့နားကန်တစ်ယောက် သားသမီးသုံးယောက်နဲ့ကျန်ခဲ့ပါတယ်။ နားကန်ရဲ့အမေကအခြားအိမ်တစ်လုံးမှာနေနေတာပါ။ သားလတ်အစ်လ်ကာကပြောစကားနားမထောင်ပြန်ပြောတတ်ပြီးထင်ရာလုပ်တတ်ပါတယ်။ကျောင်းလည်းမှန်မှန်မတက်ဘဲ သူငယ်ချင်းတွေနဲ့ ဆေးချတတ်ပါသေးတယ်။ သမီးငယ်လေးကကျောင်းသူပါ။ အမေကိုချစ်တတ်ပြီးအနေအေးပါတယ်။ သမီးကြီးဖဲရစ်ဒဲက ကုမ္မဏီတစ်ခုမှာအလုပ်လုပ်ပြီး အမြဲအစည်းအဝေးတွေနဲ့အလုပ်ရှုပ်နေတတ်ပါတယ်။အိမ်ကိုလခအကုန်အပ်ရတဲ့အပြင်သူ့အမေက ဘာမှမလုပ်တတ်လို့ပိုက်ပြင်သမားကအစ ဖဲရစ်ဒဲကခေါ်ပေးရပါတယ်။ ဖဲရစ်ဒဲရဲ့ ရုံးကလုပ်ဖော်ကိုင်ဖက် ဂူလ်လပ်က သူတို့အိမ်ရဲ့ကိစ္စတွေကိုလာကူလုပ်ပေးတတ်ပါတယ်။ နေ့စဥ်သူတို့ရဲ့နေထိုင်မှုဘဝ လူမှုရေးကျန်းမာရေးအခက်အခဲတွေကို ကြည့်ရင်းဖဲရစ်ဒဲဘာဆက်ဖြစ်မလဲ အစ်လ်ကာဘာဆက်ဖြစ်လဲ နားကန်ဘာတွေကြုံရမလဲဆိုတာကိုဖန်သားပြင်ပေါ်ဆက်ကြည့်နိုင်ပါတယ်။ (အညွှန်းနဲ့ဘာသာပြန်ကတော့ Khin Sakar Khin ဖြစ်ပါတယ်။) File size…(1.4 GB) / (610 MB) Quality….WEB-DL 1080p HEVC / 720p Format…. mkv/mp4 Genre….Drama Duration….01:21:39 Subtitle….Myanmar Subtitle (Hardsub) Encoder….Double K Translated by Khin Sakar Khin

The Bhootnii 2025 (ချစ်ခြင်းကိုတောင့်တနေတဲ့ အချစ်သရဲမလေး) နာမည်ကြီးမင်းသားကြီး ဆန်ဂျေးပါဝင်သရုပ်ဆောင်ထားတဲ့ ဇာတ်လမ်းဇာတ်ကွက်ကောင်းကောင်းနဲ့ ဟာသလေးတွေနှောပြီး ကြည့်ရှုရမဲ့ သရဲကားအသစ်စက်စက်ကြီးထွက်ရှိလို့လာပါပြီ။ စိန့်ဗင်ဆင့်ဆိုတဲ့ ကျောင်းတော်ကြီးမှာ ထုံးတမ်းဓလေ့ပွဲတစ်ခုရှိပါတယ်။ အဲဒီဓလေ့ပွဲကတော့ သူတို့ကျောင်းဝင်းထဲမှာရှိတဲ့ အပျိုစင်သစ်ပင်ဆိုတဲ့ သစ်ပင်ကြီးကို နှစ်စဉ်နှစ်တိုင်း ချစ်သူများနေ့မှာ ပူဇော်လေ့ရှိတဲ့ ဓလေ့ပဲဖြစ်ပါတယ်။အဲဒီလို အပျိုစင်သစ်ပင်ကြီးကို ပူဇော်ရင် အချစ်စစ်နဲ့တွေ့ရမယ်ဆိုတဲ့ အယူရှိကြပါတယ်။ သို့ပေမဲ့လည်း အဲဒီသစ်ပင်ကြီးမှာ သရဲမတစ်ယောက်ရှိနေပြီး အဲဒီသရဲမဟာ ချစ်သူများနေ့မှာပဲ ပေါ်လာတတ်ပါတယ်။ အဲဒီလို သရဲမက ပေါ်လာပြီဆိုရင်လည်း ယောက်ျားလေးတွေ တစ်ယောက်မဟုတ် တစ်ယောက် သတ်သေတာမျိုးက နှစ်စဉ်နှစ်တိုင်းကြုံတွေ့လာရပါတယ်။ အဲဒီအကြောင်းကို ကျောင်းသူလေးတစ်ယောက်က သတိထားမိသွားရာကနေတဆင့် ကျောင်းမှ တာဝန်ရှိသူများက ဒီဖြစ်ရပ်ကို တားဆီးနိုင်ဖို့ လုပ်ကြတဲ့အခါမှာတော့ ……… ကျောင်းမှ တာဝန်ရှိသူများမှ ဒီကျောင်းရဲ့ ကျောင်းသားဟောင်းဖြစ်တဲ့ ဘာဘာလို့ခေါ်တဲ့ သဘာဝလွန်ဖြစ်ရပ်တွေကို သိပ္ပံနည်းကျ ဖြေရှင်းပေးတဲ့သူကို ဒီကိစ္စတွေ ဖြေရှင်းပေးဖို့ ခေါ်လိုက်ရာကနေ အပျိုစင်သစ်ပင်မှာရှိတဲ့ သရဲမက ဘယ်လိုအကြောင်းတွေကြောင့် ဒီသစ်ပင်ကြီးမှာရှိနေရတာလဲ …….. ဒီသရဲမရဲ့ ဘဝ ဇာတ်ကြောင်းကရော ဘာလဲ …… ဘာဘာ တစ်ယောက်ရော အပျိုစင်သစ်ပင်ပေါ်က သရဲကို နှိမ်နင်းပေးလိုက်နိုင်မှာလား …… ဆိုတာကို ဟာသလေးတွေနှောရင်း ကြည့်ရှုရမဲ့ သရဲကားဇာတ်လမ်းကောင်းလေးဖြစ်ပါတယ်။ (အညွှန်းနဲ့ ဘာသာပြန်ကတော့ CM Bollywood Team ပဲဖြစ်ပါတယ်)