Bitter Moon (1992) ~ IMDb - 7.2/10, Rotten Tomatoes - 63% ~ ခေတ်လိုအပ်ချက်အရရော လူ့လိုအပ်ချက်အရရော Erotic ကားတွေကို ရိုက်ခဲ့ကြတဲ့ အထဲမှာ ထိတ်ထိတ်ကြဲဒါရိုက်တာတွေလည်း မကင်းခဲ့ပါဘူး။ မင်းသားမင်းသမီးတွေကတော့ ပိုမကင်းပေါ့။ အရှေ့တိုင်း အနောက်တိုင်းအပါအဝင် နာမည်ကြီးစီနီမာတော်တော်များများက ဒါရိုက်တာတွေထဲ ဒီလိုကားတွေရိုက်ခဲ့တဲ့သူတွေ မနည်းပါဘူး။ ဒီတစ်ခါကားကို ရိုက်တဲ့သူက ရိုမန်ပိုလန်စကီးပါ။ ရိုမန်ပိုလန်စကီးနာမည်ကို ဂိတော်တော်များများလည်း ရင်းနှီးပြီးသားပါပဲ။ သူ့မရင်းနှီးတောင် သူရိုက်ခဲ့တဲ့ကားတွေကိုတော့ ရင်းနှီးကြမှာပါပဲ။ The Pianist, Rosemary's Baby, Chinatown စသဖြင့် မာစတာ့ မာစတာပိစ်တွေကားတွေကို ရိုက်ခဲ့တဲ့ ဆရာကြီးပါပဲ။ ဒီဘဲက အော်စကာ၊ ဗြိတိန်အကယ်ဒမီ၊ ဆီဇာ၊ ရွှေကမ္ဘာလုံး၊ ရွှေဝက်ဝံ၊ Palme d'Or စသဖြင့် ထိပ်တန်းတကာထိပ်တန်းဆုကြီးတွေနဲ့ အမြဲ မျက်မှန်းတန်းမိနေတဲ့ လူဆိုလည်းမမှားဘူး။ ဒီတော့ သူ့စကေးကိုတော့ သွားရှုပ်လို့မရဘူးပေါ့။ ဒီဘိုးအေကြီးက ဟိုးဟောလိဝုဒ်ရွှေခေတ်ကတည်းကရှိခဲ့တဲ့သူဖြစ်သလို ဒီနှစ် ၂၀၂၃မှာလည်း ကားအသစ်ထွက်ဖို့ရှိသေးပြန်တာပါပဲ။ ဒီကားကလည်း သူကိုယ်တိုင်ရိုက်ထားတဲ့ Erotic ဆန်ဆန်ကားဆိုတော့ ဇာတ်ကတော့ ကြမ်းပါတယ်။ ဒါပေမဲ့လည်း သူ့ကားကိုမျှော်မှန်းထားမယ့်လူတွေအတွက် စံတင်လောက်စရာမဖြစ်ခဲ့လို့လားမသိ ရိတ်တင်ကတော့ မကောင်းသွားရှာပါဘူး။ အဲဒီလိုဆိုရင်တောင် Erotic ဆန်ဆန်ကားကိုမှ ဇာတ်အိမ်အလန်းစားကြီးနဲ့ ကြည့်ချင်ကြတဲ့လူတွေအတွက် ကြည့်ကို ကြည့်သင့်တဲ့ရုပ်ရှင်တစ်ကားဆိုမမှားပါဘူး။ (ဒီဇာတ်ကားနဲ့အညွှန်းကို W မှ ပြန်ဆို ရေးသားထားပါတယ်) Size - 2.2GB, 940MB Quality - 1080p, 720p IMDb Rating - 7.2/10 Format - mp4 Duration - 2H 19Min Genre - Drama, Romance, Thriller Subtitle - Myanmar Subtitle (Hardsub) Translated by W Encoded by Y

ဒီဇာတ်ကားကတော့ ထိုင်းမင်းသားမာရီယို နုစဉ်ကာလက ရိုက်ကူးထားတဲ့ 18+ Erotic Drama ထိုင်းရုပ်ရှင်ဇာတ်ကားဖြစ်ပါတယ်... မွေးဖွားတုန်းက မိခင်ဆုံးပါးသွားတာကြောင့် ဖခင်ဖြစ်သူရဲ့ မုန်းတီးခြင်းကိုခံခဲ့ရတဲ့ ဂျန် အဘွားဖြစ်သူရဲ့ ကယ်တင်မှုကြောင့် မွေးမွေးပြီးခြင်း အသက်ဘေးကလွတ်ခဲ့ရတဲ့ ဂျန် မိခင်ဖြစ်သူရဲ့ ညီမဝမ်းကွဲ အဒေါ်ဖြစ်သူရဲ့ ပြုစုစောင့်ရှောက်မှုကြောင့် လူလားမြောက်ခဲ့ရတဲ့ ဂျန် ဆိုတဲ့ကောင်လေးတစ်ယောက်အကြောင်းပေါ့။ ၁၉၁၅ ခုနှစ် မုန်တိုင်းထန်တဲ့ ညတစ်ည ဘန်ကောက်မြို့ ဗလန်ပူးအိမ်တော်ကြီး မှာ ပျားပန်းခေတ်မျှအလုပ်ရှုပ်နေကြတဲ့ အလုပ်သမားများနဲ့ မခံမရပ်နိုင်နာကျင်မှုကို အံတုပြီး မိမိရဲ့ ရင်သွေးကို မွေးဖို့ ကြိုးစားနေတဲ့ အိမ်တော်ရဲ့ သခင်မ ဒါရာဟာ သူမရဲ့သားလေး ဂျန်ကို မွေးမွေးပြီးခြင်း လောကကြီးကို ကျောခိုင်းစွန့်ခွာသွားခဲ့ပါတယ်။ မိန်းမဖြစ်သူကို ဆုံးရှုံလိုက်ရတဲ့ ဖခင်ဖြစ်သူ ဝစ်စနန်ဒီချာက ဂျန်ကို သတ်ပစ်ဖို့အထိ မိုက်လုံးကြီးခဲ့ပေမယ့် ဘွားအေဖြစ်သူ၏ကယ်တင်မှုကြောင့် လောကကြီးမှာ ဆက်လက်ရှင်သန်ခွင့်ရခဲ့သလို ဖခင်ဖြစ်သူရဲ့ အမုန်းတရားကိုပါ မွေးမွေးပြီးခြင်းလက်ခံရရှိလိုက်ပါတော့တယ်။ မိခင်ရဲ့ ညီမဝမ်းကွဲ အဒေါ်ဖြစ်သူ ဝက်ဒ်ရဲ့ ပြုစုမှုနဲ့သာ ဂျန်ဟာ လူလားမြောက်ခဲ့ရပါတယ်။ ဖခင်ဖြစ်သူ ဝစ်စနန်ဒီချာဟာ မိန်းမဖြစ်သူ သေဆုံးပြီး အစောပိုင်းမှာ ငြိမ်နေခဲ့ပေမယ့် ဗလန်ပူးအိမ်တော်ကြီးရဲ့ အုပ်ချုပ်သူဖြစ်တဲ့ မိန်းမရဲ့အဘွား ခရီးထွက်နေချိန်မှာတော့ ဗလန်ပူးအိမ်တော်ကြီးကို သိမ်းပိုက်ဖို့ကြိုးစားပါတော့တယ်။ သူ့အမိန့််မနာခံတဲ့ အစေခံယောကျာ်းတွေကို အလုပ်ထုတ်ပစ်တာအပြင် အစေခံမိန်းမများကို အပျို/အအို မရွေးဘဲ သူ့နည်းသူ့ဟန်နဲ့ စည်းရုံးသိမ်းသွင်းပါတော့တယ်...နောက်ပိုင်းမှာ အိမ်ကြီးတခုလုံးကို သိမ်းပိုက်ပြီး မရီးဖြစ်သူ ဝက်ဒ်ကိုပါ သိမ်းပိုက်ဖို့ ကြံစည်လာတဲ့အခါ.... အမေ တဖြစ်လဲ အဒေါ်ဖြစ်သူ ဝက်ဒ်က ဂျန်ကို သတ်ချင်နေတဲ့ သူ့အဖေအနေနဲ့ ဂျန်ကို ထပ်ပြီးရန်မရှာဖို့ ကတိတောင်းခံခဲ့ပြီး သူမရဲ့ဘဝနဲ့ အလဲအထပ်ပြုလုပ်လိုက်ပါတယ်။ ဒီလိုနဲ့ အရွယ်ရောက်လာချိန်မှာတော့ ဖခင်ဖြစ်သူရဲ့ မုန်းတီးနှိပ်စက်မှုတွေကြောင့် စိတ်ဒဏ်ရာများစွာရရှိခဲ့တဲ့ ဂျန်ဟာ ဖအေတူမအေကွဲညီမဖြစ်သူနဲ့ သူငယ်ချင်းတို့နှစ်ယောက် လူငယ်ဘာဝဖြစ်ပျက်နေကြပုံကို မမျှော်လင့်ထားဘဲ တွေ့မြင်သွားတဲ့အခါ...။ ငယ်ရွယ်စဉ်ကတည်းက ဖခင်ဖြစ်သူနဲ့ အစေခံမိန်းမတွေရဲ့ ဖောက်ပြန်မှုတွေကို တွေ့မြင်ဖူးထားတဲ့ ဂျန်က ဘယ်လို လက်တည့်စမ်းမှုတွေပြုလုပ်မလဲ ... ဖခင်ဖြစ်သူရဲ့ရည်းစားဟောင်းကို ဖခင်ဖြစ်သူက အိမ်ကို ခေါ်ဆောင်လာတဲ့ အခါမှာရော ဂျန်နဲ့ဘယ်လိုတွေဖြစ်ကြမလဲ ... ဖခင်ဖြစ်သူ ဝစ်စနန်ဒီချာကရော ဘယ်လိုဆက်လိုဇာတ်လမ်းဆက်မလဲ... ဘွားအေဖြစ်သူကကော ဘယ်လိုလှည့်ကွက်တွေပြုလုပ်ထားခဲ့သလဲ ဆိုတာကိုတော့... တသီတတန်းကြီး မနားတမ်းကြည့်ရှုရမှာပါ။ အဆက်အနေနဲ့ Jan Dara: The Finale (2013) ဆက်ထွက်ထားပြီး Jan Dara ကားများကို ဒီမှာ https://channelmyanmar.org/?s=jan+dara ကြည့်ပါ။ မာရီယိုပရိတ်သတ်တွေလဲ မာရီယိုရဲ့စကေးတွေကို လက်လွတ်မခံသင့်သလို လူ့သဘောမနောအမှောင်ခြမ်းတွေအကြောင်းလဲ ဖော်ပြထားတာကြောင့် ပညာပေးဇာတ်လမ်းအဖြစ်လဲ လက်လွတ်မခံသင့်ပါဘူး။ File size…(2.2 GB)/(940 MB) Quality….BluRay 1080p/720p Format…mp4 Duration….02:17:00 Subtitle….Myanmar Subtitle (Hardsub) Encoder….Nyeinsaeya Aung Translated by Hseng Hom

IMDB Rating (6.9) ဂျပန်နင်ဂျာဆာမူရိုင်းကားဆိုတာ ဒါမျိုးလို့ ဆိုရလောက်အောင် Azumi ဇာတ်ကား ၂ ကားလုံးက အခုတ်အဖြတ် အတိုက်အခိုက်တွေနဲ့ နာမည်ကြီးခဲ့တဲ့ တကယ့်ဖိုက်တာ ဂျပန်ကားတွေပါပဲ။ ဇာတ်လမ်းကတော့ Azumi ဆိုတဲ့ ဂျပန် နင်ဂျာမလေး တစ်ယောက်အကြောင်းကို အခြေပြုထားပါတယ်... သူမဟာ ရုပ်ကလေးလှပြီးနုဖတ်နေပေမယ့် လူသတ်ဖို့ မျက်တောင်မခတ်တမ်း ရက်စက်တတ်သူ ဖြစ်ပြီး လူပုံစံ ပျော့ပျောင်းသလောက် စိတ်ဓါတ်ခိုင်မာသူ တစ်ယောက်လဲ ဖြစ်ပါတယ်... အုပ်ချုပ်ရေး အဖွဲ့တစ်ခုကို ဆန့်ကျင်တော်လှန်သူခေါင်းဆောင်တစ်ယောက်ဟာ နှစ်ပေါင်းများစွာတိုင် ကလေး တစ်ချို့ကို ဓါးသိုင်း လက်ထပ် သင်ကြားပျိုးထောင်ခဲ့ပါတယ်...အဲ့ဒီ့ကလေးတွေ အရွယ်ရောက်ပြီး ပညာစုံလာတဲ့အခါမှာ လူရောစိတ်ရောမာကျောလာဖို့နဲ့ တာဝန်တွေကို လုံးဝလိုက်နာဖို့ ပြင်းထန်တဲ့ သင်ခန်းစာကို ရက်စက်စွာ သင်ကြားပါတော့တယ်။ အဲ့ဒီ့ သင်ခန်းစာထဲမှာ ရက်စက်တတ်တဲ့ လူသတ်သမားအချို့သာ အသက်ရှင်ကျန်မှာဖြစ်ပြီး ဒီထဲမှာ မိန်းမလှလေး Azumi ဟာလဲ ပါဝင်ခဲ့ပါတယ်။ အာဇုမိဟာ Jidaigeki အမျိုးအစား ရုပ်ရှင်တစ်ကားပါ။ Jidaigekiဆိုတာကတော့ ဂျပန်သမိုင်းရဲ့ 1603 ကနေ 1868အထိအတွင်းက တိုခုဂဝရဲ့ခေတ်မှာ အဓိကဇာတ်အိမ်တည် ရိုက်တတ်တဲ့ သမိုင်းကားတွေကို ခေါ်တာပါ။ဂျပန်သမိုင်းရဲ့ အကြီးကျယ်ဆုံး ဆာမူရိုင်းစစ်ပွဲ၁၁ခုထဲက တစ်ခုဖြစ်ခဲ့တဲ့ တိုခုဂဝရဲ့ ခေတ်မှာ ဇာတ်အိမ်တည်ထားပြီး တိုခုဂဝနာမည်ကိုလည်း ဇာတ်ကားထဲမှာ သုံးထားတယ်။ ဇာတ်လမ်းကတော့ အဲဒီခေတ်က အကြီးကျယ်ဆုံး ဆာမူရိုင်းစစ်ဘုရင်တစ်ယောက်ဖြစ်ခဲ့တဲ့ တိုရိုတိုမိနဲ့တိုခုဂဝတို့ခေတ်မှာ ဇာတ်အိမ်တည်ထားပါတယ်။ အဲဒီခေတ်မှာ လုပ်ကြံရေးသမားအဖွဲ့တစ်ခုပေါ်ပေါက်ခဲ့ပါတယ်။ သူတို့အဖွဲ့က စစ်ကို ဘယ်သူပဲနိုင်နိုင် သတ်ဖြတ်မှုတွေကရှိနေမှာမို့ စစ်နယ်ရှင်တွေကို လုပ်ကြံဖို့ အသန်မာဆုံး ဆာမူရိုင်းတွေဖြစ်လာအောင် လေ့ကျင့်ပေးတဲ့ အဖွဲ့ပါပဲ။ စစ်ပွဲမရှည်ရအောင် တိုရိုတိုမိရဲ့ မဟာမိတ်စစ်နယ်ရှင်သုံးယောက်ကို လုပ်ကြံဖို့ ဖွဲ့ထားတဲ့ အဖွဲ့လည်းဟုတ်ပါတယ်။ အချင်းချင်းပြန်သတ်ခိုင်းပြီး ကျန်တဲ့လူကိုပဲ ဆက်ရှင်သန်ခွင့်ပေးတဲ့အထိကို လေ့ကျင့်မှုတွေက ပြင်းထန်ပါတယ်။ အာဇုမိရုပ်ရှင်ဟာ ဒီလေ့ကျင့်ရေးပြီးမြောက်ပြီးတဲ့နောက် စစ်ကိုတားဖို့ စစ်နယ်ရှင်တွေကို သတ်ဖြတ်လုပ်ကြံတဲ့အကြောင်း ရိုက်ထားတဲ့ ခပ်ကြမ်းကြမ်းဆာမူရိုင်းကားတစ်ကားပါပဲ။ တစ်နဲ့နှစ် နှစ်ကားထွက်ထားပြီး နှစ်ကားစလုံး အချိန်တစ်ဆက်တည်းပါပဲ။ Part 1, Part 2လို့ခေါ်ရင် ပိုမှန်ပါလိမ့်မယ်။ အာဇုမိဟာ Kenshin ဇာတ်ကားတွေလောက်နီးနီး နာမည်ကျော်ခဲ့တဲ့ တစ်ခေတ်တစ်ခါက ဆာမူရိုင်းကား ဖြစ်တာနဲ့အညီ Fight Sceneတွေလည်း တော်တော်ကောင်းပါတယ်။ မူရင်းမန်ဂါကလည်း တော်တော်နာမည်ကြီးခဲ့သလို ရုပ်ရှင်ဟာလည်း အတိုင်းအတာတစ်ခုအထိ အောင်မြင်ခဲ့ပါတယ်။ Azumi ဇာတ်ကား ၂ ကားလုံးကို ဒီမှာ https://channelmyanmar.org/?s=azumi  ကြည့်ပါ။ (ရုပ်ရှင်အညွှန်းနဲ့ဘာသာပြန်ကို Phoo Lin မှ တင်ဆက်ထားပါတယ်။) File size…(2.8 GB)/(1.5 GB) Quality….BluRay 1080p/720p Format…mp4 Duration….02:15:o2 Subtitle….Myanmar Subtitle (Hardsub) Encoder….Nyeinsaeya Aung Translated by Phoo Lin

ဒီကားလေးကတော့ Christmas movie ကြိုက်သူတွေအတွက် အကြိုက်တွေ့စေမှာဘဲဖြစ်ပါတယ်။ Rotten Tomatoes 85%ရရှိထားတဲ့ဒီရုပ်ရှင်ထဲမှာThe outfit ထဲကမင်းသမီးချော Zoey Deutch ကလည်းမတူညီတဲ့ပုံစံတစ်မျိုး‌ေလးနဲ့သရုပ်‌ေဆာင်ထားတာကိုတွေ့ရမှာဘဲဖြစ်ပါတာ်။ Christmasကာလမှာ မိသားစုနဲ့ဖြစ်စေ တစ်ယောက်ထဲဖြစ်စေ Romance ဇာတ်ကားလေးကို Christmas vibeလေးနဲ့ကြည့်ချင်တယ်ဆိုရင်တော့ဒီကားလေးကသင့်တော်တဲ့ကားလေးတစ်ကားဘဲဖြစ်ပါတယ်။ ( ဘာသာပြန်ပြီး အညွှန်းရေးသားထားသူကတော့ Min Phoon Pyae ပါ ) File Size__(1.7GB) / (700MB) Quality__WEB-DL_1080p, 720p IMDb Rating__6.2/10 Format__mp4 Duration__01:22:00 Type__Comedy, Family Subtitle__Myanmar Subtitle (Hardsub) Translated by Min Phoon Pyae Encoded by Naing Aung Latt

မားပက်ထ်ဆိုတာက ငယ်ငယ်က‌ကလေးတိုင်းရဲ့အကြိုက်ဆုံး တီဗီရှိုးတစ်ခုဖြစ်ခဲ့ပြီး မားပက်ထ် character တွေဟာလည်း အားလုံးရဲ့အချစ်ခံတွေ ဖြစ်ခဲ့တာပေါ့။ ဒါပေမဲ့လည်း ကမ္ဘာကြီးက တိုးတက်ပြောင်းလဲလာတာနဲ့အမျှ ပိုကောင်းပြီးလူကြိုက်များတဲ့ တီဗီရှိူးတွေက အစားထိုးဝင်ရောက်လာခဲ့ပြီး မားပက်ထ်ရှိုးကတော့ အပိုင်းသစ်ရိုက်ကူးခြင်းလည်းမရှိတော့သလို မားပက်ထ်ဇာတ်ကောင်တွေကိုယ်တိုင်လည်း တကွဲတပြားစီနဲ့ တိမ်မြုပ်ပျောက်ကွယ်ကုန်ကြပါတယ်။ မားပက်ထ်စတူရီယိုကိုယ်တိုင်တောင် ပရိသတ်တွေအတွက် အလည်အပတ်နေရာတစ်ခုအဖြစ်ပဲ ကျန်ရှိပါတော့တယ်။ ဝေါလ်တာကတော့ စမောတောင်းလို့ခေါ်တဲ့ မြို့ငယ်လေး‌တစ်မြို့က ကောင်လေးတစ်ယောက်ဖြစ်ပြီး မားပက်ထ်ကိုအရူးအမူးစွဲလမ်းသူပါ။ ဒီလိုနဲ့တစ်ရက်မှာတော့ ဝေါ်လ်တာရယ်၊ သူ့အစ်ကိုဂယ်ရီနဲ့ မယ်ရီတို့ဟာ အလည်အပတ်ခရီးထွက်ရင်း မားပက်ထ်စတူရီယိုကို ရောက်လာကြပါတယ်။ ဒီမှာတင်ထင်မှတ်မထားဘဲ ဆိုးဝါးတဲ့ရေနံလုပ်ငန်းရှင်တစ်ယောက်ရဲ့ စတူရီယိုကိုဖြိုချပြီး ရေနံတူးမဲ့အစီအစဉ်ကို ကြားခဲ့ရပါတယ်။ မားပက်ထ်တွေအနေနဲ့ကလည်း ပိုင်ဆိုင်မှုလွဲအပ်ကြောင်းစာချုပ်က ချုပ်ဆိုပြီးသားဖြစ်နေပြီး စာချုပ်ဖျက်သိမ်းဖို့ တစ်ခုတည်းသောနည်းလမ်းက ဒေါ်လာ (၁၀) မီလီယံလျော်ဖို့ပါပဲ။ ဒီလိုနဲ့သုံးယောက်သားဟာ မားပက်ထ်ကိုပြန်ကယ်တင်ဖို့ရည်ရွယ်ချက်နဲ့ တကွဲတပြားစီဖြစ်နေတဲ့ မားပက်ထ်တွေကို လိုက်လံစုစည်းပါတော့တယ်။ The Muppets ဇာတ်ကားဟာ 2011 တုန်းကထွက်ရှိခဲ့တဲ့ ဇာတ်ကားတစ်ကားဖြစ်ပြီး Musical ကားတစ်ကားဖြစ်ပေမဲ့ ပျင်းစရာကောင်းလောက်အောင် သီချင်းတွေဆိုနေတာမျိုးမဟုတ်ဘဲ comedy ဆန်ဆန်နဲ့ ကြည့်ရှုသူကိုဆွဲခေါ်သွားပြီး IMDB rating 7.1 အထိရရှိထားတာမို့ အားလပ်ရက်မှာ အပန်းဖြေရင်းကြည့်သင့်တဲ့ ဇာတ်ကားကောင်းတစ်ကားပါပဲ Quality….Webrip 1080p / 720p Format…mp4 Duration….01:43:00 Genre…Music, Comedy Subtitle….Myanmar Subtitle (Hardsub) Encoder….Mr. Anderson Translated by Mariposa

လူသားတွေရဲ့ ကမ္ဘာကြီးဟာ လောဘမောဟဒေါသတွေနဲ့ တဖြည်းဖြည်း ပျက်စီးလာနေပါပြီ။စီးပွားရေးတွေဆုတ်ယုတ်နေသလို နည်းပညာတွေကလဲ မတိုးတက်တော့ပါဘူး။အဲ့ဒီအချိန်မှာ ကမ္ဘာဂြိုလ်ပေါ်ကို ဗက်လို့ခေါ်တဲ့ ဂြိုလ်သားတွေရောက်လာခဲ့ပါတယ်။ စစချင်းတုန်းကတော့ လူတွေရဲ့ထုံးစံ အတိုင်းငြင်းဆိုခဲ့ကြပေမဲ့ အကွက်မြင်တတ်ကြတဲ့စီးပွားရေးသမားတွေက ဗက်တွေရဲ့နည်းပညာ မြင့်မားမှုတွေကိုမြင်ပြီးသူတို့နဲ့ပူးပေါင်းခဲ့ပါတယ်။ အဲ့ဒီနောက်မှာတော့ကမ္ဘာကြီးက တကယ်နှစ်ခြမ်းကွဲသွားခဲ့ပါတယ်။ အလယ် ကနေဟက်တက်ကွဲသွားတာမျိုးမဟုတ်ပဲနဲ့အပေါ်နဲ့အောက်နဲ့ကွဲသွားခဲ့တာ ဖြစ်ပါတယ်။လေပေါ်လွင့်မြောနေတဲ့ကမ္ဘာကြီးရဲ့အပေါ်မှာ နေရတဲ့လူတွေက ချမ်းသာတဲ့လူတွေ ဂြိုလ်သားတွေကိုကပ်ဖားရပ်ဖားလုပ်ပြီး ကောင်းကောင်း မွန်မွန်နေထိုင်နေရတဲ့ လူတွေဖြစ်ပြီး မြေကြီးပေါ်မှာနေရတဲ့လူတွေကတော့ ဆင်းရဲပြီးကြမ်းတမ်းခက်ခဲတဲ့ ဘဝတွေကိုကြုံတွေ့နေရတာပဲဖြစ်ပါတယ်။ အက်ဒမ်ဆိုတဲ့ ကောင်လေးတစ်ယောက်ကနိမ့်ကျတဲ့ မြေကြီးပေါ်ကမ္ဘာမှာ နေနေရတဲ့ကောင်လေးတစ်ယောက်ဖြစ်ပါတယ်။ ဒါပေမယ့်သူ့မှာ တခြားသူတွေထက်သာတဲ့အရာက သူတို့မိသားစုမှာ နေစရာ အိမ်တစ်လုံးရှိနေတာပါပဲ။တစ်နေ့မှာတော့ အက်ဒမ်ကကျောင်းမှာ ကလိုဝီဆိုတဲ့ အိမ်ခြေရာမဲ့ ကောင်မလေးနဲ့တွေ့ပြီးစိတ်ကောင်းရှိသူကြီးပီပီ ကောင်မလေးရဲ့ တစ်မိသားစုလုံးကိုအိမ်ပေါ်ခေါ်တင်ထားပါတော့တယ်။ဒီလိုနဲ့ နောက်ပိုင်းမှာ သူတို့တွေနဲ့ဂြိုလ်သားတွေကြားမှာ ဘယ်လိုစိတ်ဝင်စားစရာတွေ ဘယ်လိုအဆင့် အတန်းခွဲခြားမှုတွေရှိလဲ ဆိုတာကိုကြည့်ရင်းနဲ့ ကိုယ်တွေကမ္ဘာကိုဂြိုလ်သားတွေ လာသိမ်းပိုက်လာရင်ဘယ်လိုတွေဖြစ်လောက်မလဲ ဆိုတာကိုရိုက်ကူးထားတဲ့ စိတ်ကူးယာဉ်ဇာတ်ကားလေးတစ်ကားပဲဖြစ်ပါတယ်။ File size…2.77GB / 861MB Quality… AMZN.WEB-DL 1080p 5.1 CH / 720p Format…mp4 Duration….1h 45m Genre ….. Comedy , Drama , Sci-Fi Subtitle….Myanmar Subtitle (Hard Sub) Encoder….Min Wai Translated by Saw Lay

Shot Boot Three (2023) “ခွေးလေးမက်စ်နဲ့ သူငယ်ချင်းတစ်စု” IMDb-8.7/10 မိသားစုတွေအတူတူ ပေါ့ပေါ့ပါးပါးနဲ့ကြည့်လို့ရမယ့် တမီးလ်မိသားစုဟာသဇာတ်မြူးလေးကိုတင်ဆက်ပေးလိုက်ပါတယ်။ အဓိကဇာတ်ကောင်ကတော့ ကလေးလေးယောက်နဲ့ ခွေးလေးတစ်ကောင်ပေါ့။ ဟာသမင်းသားကြီး ယိုဂီဘာဘူပါဝင်အားဖြည့်ပေးထားပါတယ်။ တစ်ကျောင်းတည်းအတူတက်နေတဲ့ သူငယ်ချင်းသုံးယောက်။မိဘဖြစ်သူတွေက အလုပ်တွေများတော့ ကလေးအပေါ်မှာ အချိန်မပေးနိုင်။ဒီတော့ သူငယ်ချင်းသုံးယောက်ထဲက တစ်ယောက်ဖြစ်သူက ခွေးလေးတစ်ကောင်မွေးလိုက်ပါတယ်။သူငယ်ချင်းသုံးယောက်လုံးဒီခွေးလေးနဲ့ အချိန်ကုန်ပျော်ရွှင်နေကြပါတယ်။ နောက်တော့ ခွေးလေး ပျောက်သွားတဲ့အတွက် သူငယ်ချင်းသုံးယောက်ပေါင်းပြီး ခွေးပျောက်ရှာပုံတော်ဖွင့်ကြပါတော့တယ်။ မိဘတွေ ကိုယ့်သားသမီးကိုပစ်ထားခဲ့မိတာတွေကို နောင်မှရတဲ့နောင်တတွေ၊ သူငယ်ချင်းတွေကြားက သံယောဇဉ်တွေနဲ့အတူ ရယ်စရာပြုံးစရာဇာတ်ကွက်လေးတွေနဲ့ ပေါ့ပေါ့ပါးပါးကြည့်ရှုခံစားလိုက်ကြပါဦး။ (အညွှန်းနဲ့ဘာသာပြန်သူတွေကတော့ CM Bollywood Teamမှပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood )

New Normal (2023) ပုံမှန်မြင်တွေ့နေကျ K Drama တွေနဲ့မတူဘဲ တမူထူးခြားတဲ့ ဇာတ်လမ်းပုံစံလေးနဲ့ New Normal (2023) ကတော့ ၂၀၂၂ ခုနှစ်အတွင်း ဆိုးလ်မြို့ရဲ့ နေ့ရက် ၄ ရက်အကြောင်းကို ရိုက်ကူးထားတာဖြစ်ပါတယ်။ ဒီ ၄ ရက်တာကို အပိုင်းလေးတွေခွဲထားပြီး တစ်ပိုင်းနဲ့တစ်ပိုင်းဟာလည်း အနည်းအကျဉ်းစီ ဆက်စပ်နေကြပါတယ်။ တစ်ပိုင်းချင်းစီမှာ ကိုယ့်အနေနဲ့ တစ်ခါမှကြုံတွေ့ဖူးမှာမဟုတ်တဲ့ အံ့အားသင့်ထိတ်လန့်စရာ နေ့ရက်တစ်ရက်စီကို ရိုက်ကူးပြထားပြီး နေ့စဉ်ဘဝမှာ ကိုယ်မျှော်လင့်မထားမိတဲ့ အန္တရာယ်နဲ့အကြောက်တရားတွေအကြောင်း သရုပ်ဖော်ပြထားတာပါ။ SHINee’s Minho, Strong Girl Gang Nam Soon ထဲက Lee Yoo Mi တို့အပြင် Choi Ji Woo တို့လို မင်းသမီးကြီးတွေပါ ပါဝင်ထားတာမို့ ကြည့်ရတန်စေမယ်လို့ ထင်ပါတယ်နော်။ အညွှန်း နဲ့ ဘာသာပြန်ကတော့ Hmwe ပဲ ဖြစ်ပါတယ်။ Genre….. Comedy, Horro, Thriller Quality…. 1080p | 720p File size…1.1GB | 422MB Format… mp4 Duration…. 1h 52min Subtitle…. Myanmar Subtitle (Hardsub) Translator ….. Hmwe Encoder ….. Aaron

ဒီရုပ်ရှင်လေးကတော့ ဒုစရိုက်သမားတွေနဲ့ ရဲတပ်ဖွဲ့တို့ အချင်းချင်း လက်ရုံးရည်နဲ့ နှလုံးရည် ယှဉ်ပြိုင်ကြတဲ့ကားလေး ဖြစ်ပါတယ်။ ဇာတ်လမ်းအကျဉ်းလေးကတော့- 1999 ခုနှစ်မှာ တရုတ်နိုင်ငံမှ တိုင်းပြည်လိုအပ်ချက်ကြောင့် ငွေစက္ကူအသစ် သိန်း၁၀၀၀ ရိုက်နှိပ်ပြီး ကျန်းယန်ဘဏ်မှ တစ်ဆင့် ဖြန့်ဝေဖို့ ရထားနဲ့ သယ်ဆောင်လာခဲ့ပါတယ်။ အဲ့ဒီငွေတွေကို လက်နက်ကိုင် ဓားပြတစ်ဖွဲ့က ဘူတာမှာတိုက်ခိုက်လုယက်သွားခဲ့တဲ့အတွက် မှုခင်းရဲအဖွဲ့ခေါင်းဆောင် ချန်ရုန်က လိုက်လံ စုံစမ်းနေပါတယ်။ အဲ့လို လိုက်လံစုံစမ်းခြင်းကနေ သဲလွန်စ အသစ်တွေ အများအပြား ပေါ်ထွက်လာခဲ့ပါတယ်။ နောက်ဆုံးမှာတော့ ချန်ရုန်ရဲ့ ဦးဆောင်မှုအောက်မှာ ရဲတပ်ဖွဲ့ဝင်တို့ အခက်အခဲတွေ အန္တရာယ်တွေကို မမှုပဲ ဒုစရိုက်သမားတွေကို ဖမ်းဆီးနိုင်ဖို့ အစွမ်းကုန်ကြိုးစားရပါတော့တယ်..အခက်အခဲတွေကြားထဲက ပေးဆပ်စွန့်လွှတ်မှုတွေကြားမှာ လုပ်ငန်းစဉ်အောင်မြင်နိုင်ပါ့မလားဆိုတာကိုတော့ ရင်တထိတ်ထိတ်နဲ့ကြည့်ရှုခံစားရမှာပဲဖြစ်ပါတယ်

Criticsနဲ့Audienceတွေရဲ့တခဲနက် အားပေးမှုတွေ ရထားတဲ့ animation ကိုမှ live actionနဲ့ပေါင်းစပ်ကာ ပုံစံအဆန်းနဲ့ ရိုက်ကူးထားတဲ့ ရုပ်ရှင်ကို တင်ဆက်ပေးချင်ပါတယ်။ သရုပ်ဆောင်တွေအနေနဲ့လည်း Killers of the Flower Moon, Fancy Dance, The Last Manhunt, The Walking Outတို့ထဲက Lily Gladstoneအပြင် Twilight saga ရုပ်ရှင်ထဲက Kiowa Gordonနှင့်အတူ Geoff Marslett၊ David Arquette၊ Patrick Pageတို့လို သရုပ်ဆောင်တွေနဲ့ ဇာတ်ကိုကွန့်မြူးအောင် ပုံဖော်ထားပါတယ်။ ဇာတ်လမ်းကို မပြောခင်မှာ အချိန်နဲ့ အပြိုင်စကြာဝဠာအကြောင်းကို နည်းနည်းတော့ ပြောဖို့လိုမယ်။ အချိန်ဆိုတာက ဘာလဲ၊ ကျွန်တော်တို့ သိထားသလို အမြဲတသတ်မတ်တည်း သွားနေတဲ့အရာလား ဒါမှမဟုတ် အချိန်ဆိုတာက ဖန်တလဲလဲ ပြန်ဖြစ်တတ်တဲ့ loopလိုမျိုးလား၊ အချိန်ဆိုတာက ဘာလဲ၊ အချိန်ကို အသွားပြန်လုပ်လို့ရလား၊ အချိန်က ကွေးနိုင်ဆန့်နိုင်တဲ့အရာလား။ အပြိုင်စကြာဝဠာတွေကရော အချိန်နဲ့ပတ်သက်နေလား၊ အချိန်ကြောင့် အပြိုင်စကြာဝဠာတွေဖြစ်လာတာလား၊ အပြိုင်စကြာဝဠာတွေကြောင့် အချိန်တွေက ဖြစ်လာတာလား။ အချိန်စီးကြောင်းကရော ဘယ်သူက သတ်မှတ်ပေးတာလဲ။ Marvelက He who remains လို လူတစ်ယောက် ရှိနေလား။ အပြိုင်စကြာဝဠာတွေ အချင်းချင်းတိုက်မိကုန်ရင် ဘယ်လိုဖြစ်လာမလဲ၊ ပင်မ အချိန်စီးကြောင်းကို မတိုက်မိ၊ မထိခိုက်အောင် ဘယ်သူက လုပ်ပေးတာလဲ။ ဒီရုပ်ရှင်က ဇာတ်ကြောင်းထက်စာရင် အချိန်နဲ့အပြိုင်စကြာဝဠနဲ့ ပတ်သက်နေတော့ ပိုပြီးတော့ စိတ်ဝင်စားဖို့ကောင်းသွားတယ်။ ဖရန့်နဲ့ ဘရူနိုနဲ့က မြင်းချီးကြုံးဖော်ကြုံးဖက်သူငယ်ချင်းတွေ။ သူငယ်ချင်း ၂ယောက်ထဲမှာ ဖရန့်ဆိုတဲ့ တစ်ယောက်က နည်းနည်းလောဘကြီးတယ်။ တနေ့ မြို့ထဲမှာ ဘလက်ကီလို့ခေါ်တဲ့ အဆိုတော်ဖျော်ဖြေနေတာကို တမြို့လုံးက သွားကြည့်ကြတယ်၊ အဲအချိန်မှာ ဖရန့်က လူမရှိတဲ့ဆိုင်ကို ဓားပြဝင်တိုက်ရင်း ဖမ်းမိသွားတယ်။ ဖရန့်ကို ဖမ်းရင်း မတော်တဆ ဘလက်ကီက ကြားထဲက ဆုံးသွားရရှာတယ်။ ဒီလိုနဲ့ ၃နှစ်ကြာတော့ ဖရန့်က ထောင်ထဲကလွတ်လာပြီး ဘရူနိုနဲ့ပြန်တွေ့တယ်။ အဲအချိန်မှာ ဘရူနိုက ဘလက်ကီ သေပြီလို့ပြောပေမယ့် ဖရန့်ကတော့ မဟုတ်ဘူး မသေသေးဘူးပဲငြင်းတယ်။ ပြောမရတဲ့အဆုံး ဖရန့်နဲ့ဘရူနိုက ဘလက်ကီကို လိုက်ရှာကြတယ်။ အဲဒီလိုနဲ့သေပြီးသားလူကိုပြန်ရှာသလိုဖြစ်ပြီး paradoxတွေဖြစ်လာပြီး အချိန်ကမောက်ကမတွေဖြစ်လာရင်း အချိန်စီးကြောင်းကြီးကို ထိခိုက်မိလာတယ်။ ဒီလိုနဲ့ ဆက်လက်ပြီး ဇာတ်လမ်းက ဆက်တည်သွားတာပါ။ ဘလက်ကီက တကယ်သေပြီလား၊ ဖရန့်တို့ ဘလက်ကီတို့ ပြန်ရှာလို့တွေ့မှာလား၊ paradox ကရော ဘယ်လိုတွေကြောင့်ဖြစ်သွားတာလဲ၊ အချိန်က ဒီဇာတ်လမ်းထဲမှာ ဘယ်လိုအလုပ်လုပ်တာလဲ၊ HWRလိုမျိုး ပုဂ္ဂိုလ်ကရော အချိန်စီးကြောင်းတွေ မတိုက်မိအောင် ဖရန့်နဲ့ဘရူနိုကို ဘယ်လိုတားမလဲ။ ဒီလိုမျိုးအရာတွေကို တင်ပြပုံအဆန်းလေးကိုမှ လိုက်ပြီးစဥ်းစားစီးမြောလို့ရမယ့် ရုပ်ရှက်ကားကောင်း တစ်ခုဖြစ်ပါတယ်။ အညွှန်းနဲ့ဘာသာပြန်သူက Minn Khant Kyi Win ဖြစ်ပါတယ်။ File size…(2.1 GB)/(941 MB) Quality….Webrip 1080p / 720p Format…mp4 Duration….01:38:00 Genre… Animation, Adventure, Western, Science Fiction Subtitle….Myanmar Subtitle (Hardsub) Encoder….Mr. Anderson Translated by Min Khant Kyi Winn

All Too Well ( Short Film ) 2021 IMDb – 9.1/10 ကဲ YouTube မှာ ထွက်တာ 24 နာရီပြည့်ပြီးသွားပြီဆိုတော့ CM မှာ တင်ပေးပါပြီ ဒီ short film လေးကတော့ Taylor Swift ကိုယ်တိုင် ရေးသားရိုက်ကူးထားတဲ့ ကြေကွဲဖွယ် ဇာတ်လမ်းလေးတစ်ပုဒ်ပါ Stranger Things ထဲက အားလုံးရဲ့ အချစ်တော်လေး Sadie နဲ့ Teen Wolf, Maze Runner, Love & Monster တို့ရဲ့ မင်းသား Dylan O’Brien တို့က အဓိကပါ၀င် သရုပ်ဆောင်ထားပါတယ် သီချင်းရှင်မမ Taylor လည်း ပါပါတယ် Short Film ဆိုပေမဲ့ သီချင်းကို ရိုက်ကူးထားတာဖြစ်လို့ dialogue တွေအပြင် သီချင်းလေးကိုပါ ခံစားရင်း ကြည့်ရှုနိုင်မှာပါ အသက်အရွယ် အလွန်ကွာခြားလွန်းတဲ့ relationship တစ်ခုကို ပုံဖော်ရိုက်ကူးထားပါတယ် အားလုံးပဲ ရှုစားပေးကြပါဦး File Size : 168 MB Quality : 1080p Running Time : 15min Format : Mp4 Genre : Biography, Drama, Romance Subtitle : Myanmar Subtitle (Hard Sub) Translated by : Yoon Sandi Aung Encode by : Thit San Khant

Scandal Makers (2008) ************************ ဘဝကို ကြိုစားနေထိုင်လာရင်းနဲ့ အနုပညာလောကမှာ လူသိရှင်ကြား အောင်မြင်နေတဲ့အချိန် ရုတ်တရက် အိမ်ရှေ့တံခါးကို ဘယ်တုန်းက မွေးခဲ့လဲတောင် မသိလိုက်တဲ့ ကိုယ့်ရဲ့သမီးအရင်းနဲ့ မြေးတို့ ရောက်လာပြီး လူပျိုလို့ ထင်ခဲ့တဲ့ကိုယ်က ရုတ်တရက် အဘိုးဖြစ်နေတာကို သိလိုက်ရတဲ့အခါ သင်တို့သာဆိုရင်ရော ဘယ်လိုဖြစ်သွားမလဲ??? Park Bo-young , Cha Tae-hyun , Wang Suk-hyun တို့ သုံးယောက် အဓိကဇာတ်ကောင်နေရာကနေ ပါဝင်သရုပ်ဆောင်ထားပြီး တခြားနိုင်ငံက remake တွေ ပြန်ရိုက်လောက်ရတဲ့အထိ ဆုပေါင်းများစွာကို ဆွတ်ခူး အောင်မြင်ခဲ့တဲ့ 2008 ခုနှစ်က ထွက်ရှိခဲ့တဲ့ နာမည်ကြီးဇာတ်ကားပဲဖြစ်ပါတယ်။ ဇာတ်လမ်းအညွှန်း ****************** အသက် သုံးဆယ်အရွယ် လူလတ်ပိုင်း Nam Hyun-Soo(Cha Tae-hyun) ဟာ နာမည်ကြီးရေဒီယိုအစီအစဉ်တစ်ခုရဲ့ အောင်မြင်နေတဲ့ MC တစ်ယောက်ပါ။ သူ့ရဲ့ရေဒီယို အစီအစဉ်ကို အကြောင်းအရာတွေပို့နေကျ တစ်ကိုယ်တော်မိခင်လေးတစ်ယောက်ရှိပါတယ်။ တစ်ရက်မှာတော့ အဲဒီတစ်ကိုယ်တော်မိခင်လေးကို ရှိလို့ရှိမှန်းတောင် မသိနေတဲ့ သူ့အဖေဖြစ်သူကို သွားတွေ့လိုက်ပါဆိုပြီး အာချောင်ပြီးတဲ့နောက် .. တကယ်တမ်း အဲဒီအဖေက ကိုယ်ဖြစ်နေပြီး အိမ်တံခါးဝအထိပါ သမီးနဲ့မြေးဖြစ်သူတို့ ရောက်ချလာကြတဲ့အခါ… ခြေတစ်ချက်ချော်ရုံနဲ့ အောက်ဆုံးထိ ထိုးကျသွားနိုင်တဲ့ အနုပညာ လောကမှာ ဘယ်တုန်းက မွေးလိုက်ခဲ့မှန်းတောင် မသိခဲ့တဲ့ သားသမီးတစ်ယောက် ရှိနေတယ်ဆိုတာကို ဘယ်လိုဖုံးကွယ်ထားမလဲ?? မေတ္တာအစစ်အမှန်နဲ့ရော ချစ်ပေးနိုင်ပါ့မလားဆိုတာကို ဟာသလေးနှောရင်း ရေထက်သွေးက ပိုပျစ်ကြောင်းကို ဖခင်မေတ္တာနဲ့ ရိုက်ကူးပုံဖော်ထားတဲ့ မိသားစုဇာတ်လမ်းလေးဖြစ်တာကြောင့် ခံစားကြည့်ရှုကြည့်ကြပါဦးနော်… (အညွှန်းကို Yati Naing မှ ရေးသားထားပါတယ်) File size…1.68GB / 650MB Quality… WEB-DL 1080p/ 720p Format…mp4 Duration….2h 00m Genre ….. Comedy, Drama Subtitle….Myanmar Subtitle (Hard Sub) Translated by Yati Naing Encoded by AHtet

ယိုကိုက လူတွေနဲ့ အဆက်အဆံမလုပ်ဘဲ သူ့ရဲ့ တိုက်ခန်းသေးသေးထဲမှာပဲ နေတဲ့သူပါ။ သူရဲ့ အိပ်မက်တွေကို လက်လျှော့လိုက်ရပြီးတဲ့ နောက် ဒီလိုနေလာတာ နှစ်ကို ဆယ်နဲ့ချီကြာနေပါပြီ။ တစ်နေ့မှာ သူ့အစ်ကို ဝမ်းကွဲ ရောက်လာပြီး ယိုကိုရဲ့ အဖေဆုံးပြီ ဖြစ်ကြောင်း သတင်ပေးလာပါတယ်။ စျာပနပွဲအတွက် မွေးရပ်မြေကို အတူပြန်ခဲ့ကြပါတယ်။ ကားရပ်နားစခန်းမှာ မတော်တဆတစ်ခုကြောင့် လူချင်းကွဲသွားကြပြီး မွေးရပ်မြေကို ပြန်ဖို့ ကားကြုံစီးဖို့ ကြိုးစားရပါတော့တယ်။လူတွေနဲ့ အဆက်အဆံမလုပ်တတ်တဲ့ ယိုကိုတစ်ယောက် လူတွေကို အကူအညီတောင်းရာမှာ အဆင်ပြေပါ့မလား? လမ်းခရီးမှာရော ဘာဆက်ဖြစ်ကြမှာလဲ ဆိုတာကို စိတ်ဝင်စားသဖွယ် ရိုက်ပြထားပါတယ် File size…(1.6 GB)/(730 Mb) Quality….Blu-Ray 1080p / 720p Format… mp4 Duration…. 01:53:00 Genre… Drama Subtitle….Myanmar Subtitle (Hardsub) Encoder….Garfield Translated by Boomer

The Witch (2024) IMDb Rating (6.5) ဒီဇာတ်ကားလေးကတော့ 2024 ခုနှစ်မှာထွက်ရှိခဲ့တဲ့ တူရကီ horror , thriller ရုပ်ရှင်အမျိုးအစားဖြစ်ပါတယ်။ မင်းသား Furkan Andic နဲ့ မင်းသမီး abuse Meral တို့အဓိက ပါဝင်သရုပ်ဆောင်ထားပြီး ဒါရိုက်တာ Erman Boston ရိုက်ကူးထားပါတယ်။ ဇာတ်လမ်းအကျဉ်း ငယ်ရွယ်တဲ့ တစ်ခုလပ်အမျိုးသမီးလေးဖြစ်တဲ့ Fikriye ဟာ Nasit Nefi Efendi ဆိုတဲ့ လူချမ်းသာတစ်ဦးကို လက်ထပ်ဖို့ဖြစ်လာပြီး သူနေထိုင်တဲ့ စံအိမ်ကြီးထဲကို သွားရောက်နေထိုင်ရပါတော့တယ်။ ဒီစံအိမ်ကြီးရဲ့ ကြောက်စရာကောလဟလ တွေကလည်းလူတွေရဲ့ ပါးစပ်ဖျားမှာပြောစမှတ်ဖြစ်နေပြီးတော့ Fikriye လေးဟာ ကြောက်လန့်လို့နေခဲ့ပါတယ်။ ဒီစံအိမ်ကြီးနဲ့ သူ့ခင်ပွန်းသည် တို့ရဲ့ ခြောက်ခြားစရာအမှန်တရားတွေကို Fikriye တစ်ယောက်ဘယ်လိုရှာဖွေဖြေရှင်းသွားမလဲဆိုတာစိတ်လှုပ်ရှားဖွယ်စောင့်ကြည့်ရမယ့် ဇာတ်လမ်းလေးဖြစ်ပါတယ်။ (အညွှန်းနဲ့ဘာသာပြန်ကတော့ Nay ဖြစ်ပါတယ်။) File size…(2 GB) / (1.2 GB) Quality….WEB-DL 1080p HEVC / 720p Format…. mkv/mp4 Genre….Drama, Horror, Thriller Duration….02:14:32 Subtitle….Myanmar Subtitle (Hardsub) Encoder….Benjamin Translated by Nay

When Morning Comes, I Feel Empty (2024) ***************************************** IMDb… 6.8 မနက်အိပ်ရာထ၊ အလုပ်သွား၊ အလုပ်ပြန်၊ စားချိန်တန်ရင်စား၊ အိပ်ချိန်တန်ရင် အိပ်၊ ပြီးရင် မနက် ထချိန်တန်ရင်ထ၊ ဒီလို အချိန်စက်ဝန်းကြီး တစ်ခုထဲမှာ နစ်မြုပ်ဖူးကြလား.. ကိုယ့်ကိုယ်ကိုယ် ဘာဖြစ်ချင်မှန်းမသိ၊ ပန်းတိုင်မရှိ၊ ရည်ရွယ်ချက်မရှိဘဲ ပျောက်ဆုံးနေတဲ့ ခံစားချက်ကြီးကို တော်တော်များများ ခံစားဖူးကြပါလိမ့်မယ်.. ဒီဇာတ်ကားထဲက အသက် ၂၄ နှစ်အရွယ် အိဇုကိုကလည်း ဒီ ဖန်တလဲလဲ သံသရာထဲမှာ ကျင်လည်နေခဲ့တာပါ။ ဒါပေမဲ့ တစ်ရက်မှာ “တော်လောက်ပြီ” ဆိုတဲ့ စိတ်ကလေး ဝင်လာတဲ့ တဒင်္ဂအခိုက်အတန့်မှာ နေ့တိုင်းနီးပါး အချိန်ပိုဆင်းရတဲ့ ကြော်ငြာအေဂျင်စီကနေ အလုပ်ထွက်ပြီး ၂၄နာရီ စတိုးဆိုင်မှာ အချိန်ပိုင်းအလုပ်လုပ်ပါတယ်။ သူ့ရဲ့ နေ့စဉ်ဘဝက သာမန်ဖြစ်ပေမဲ့ ရယ်စရာကောင်းပြီး ကြင်နာတဲ့ လုပ်ဖော်ကိုင်ဖက်တွေကြောင့် ပျော်ရွှင်မှုအနည်းငယ်ရှိပါတယ်။ ဒါပေမဲ့လည်း မိဘတွေဆီကို အလုပ်ထွက်လိုက်ကြောင်း မပြောရဲတာကတစ်ကြောင်း၊ အရင်အလုပ်က ရခဲ့တဲ့ စိတ်ဖိစီးမှုတွေဆီက ရုန်းမထွက်နိုင်သေးတာက တစ်ကြောင်း စိတ်ပင်ပန်းနေမှုကတော့ ပိုများနေတာပေါ့,,, တစ်နေ့မှာတော့ သူ့ရဲ့ အလယ်တန်းကျောင်း အတန်းဖော်ဟောင်း အိုတိုမိုနဲ့ မထင်မှတ်ဘဲ ပြန်လည်ဆုံတွေ့မိပြီး သူ့ရဲ့ စိတ်ခံစားချက်တွေဟာ နည်းနည်းချင်းစီ healing ဖြစ်လာပါတော့တယ်။ ဒီဇာတ်ကားဟာ အစမှာတော့ ဇာတ်လမ်းက အေးတယ်ထင်ရနိုင်ပေမဲ့ နောက်ပိုင်း ခံစားချက်တွေကို ဖွင့်ထုတ်တဲ့အချိန်မှာတော့ အရိုးရှင်းဆုံးဟာ အဆန်းသစ်ဆုံးဆိုတဲ့ ခံစားချက်ကို ရရှိမှာပါ။ ဘယ်လောက်ပဲ မှုန်မှိုင်းတဲ့ အချိန်ကာလတွေပဲ ကြုံတွေ့နေရပါစေ ပျော်ရွှင်ဝမ်းမြောက်စရာ သေးငယ်တဲ့ ကိစ္စရပ်လေးတွေက ကိုယ့်ဘေးမှာ ရှိနေသေးကြောင်း အမှတ်ရမိစေမှာပါ။ ကိုယ်တိုင်က ဘေးပတ်ဝန်းကျင်ကို တစ်ချက်လှည့်ကြည့်ဖို့ပဲ လိုပါတယ်။ (ဇာတ်လမ်းအညွှန်းနဲ့ ဘာသာပြန်ဆိုသူကတော့ Reddy ပဲ ဖြစ်ပါတယ်။) File Size : 820MB/ 380MB Quality : WEB-DL 1080p/ 720p Format…mp4 Duration…1hr15m Genre : Life, Drama Subtitle : Myanmar Subtitle (Hard Sub) Translated by Reddy Encoded by Tiff