Evil Dead 2013 ကို ဆင်ဆာတွေမဖြတ်ထားတဲ့ BluRay Extended Version အသစ်နဲ့တင်ဆက်လိုက်ပါတယ်။ ဇာတ်လမ်းကတော့.... ဒီဇာတ်ကား စစချင်းမှာဆို လူငယ်ငါးယောက်ဟာ တောနက်ထဲက သစ်လုံးအိမ်တစ်ခုကို အကြောင်းကိစ္စတစ်ခုနဲ့အတူ ရောက်လာကြပါတယ်။ ဒါပေမဲ့ သူတို့ဟာ ထိုအိမ်ထဲမှာ အိပ်ပျော်နေတဲ့ မကောင်းတဲ့အရာတစ်ခုကို မထင်မှတ်ဘဲ သွားလှုပ်နိုးမိတဲ့ အခါမှာတော့ အဲ့ဒီမကောင်းဆိုးရွားရဲ့ လက်ကနေ ဘယ်လို အသက်ရှင် ရုန်းကန်လွတ်မြောက်ကြဖို့ ကြိုးစားကြမလဲ ဆိုတာ အရမ်းကို စောင့်ကြည်ချင်စရာ ကောင်းပါတယ်။ အောက်မှာ Review လေးကို ဆက်ဖတ်ကြည့်လိုက် ကြရအောင်ပါ။ **** Evil Dead 2013 ဟာဆိုရင် အရမ်းကို ထိတ်လန့်တုန်လှုပ်ဖွယ်ကောင်းတဲ့ Horror movie တစ်ခုလို့ပြောလာရင် ငြင်းစရာ မရှိပါဘူး။ ဇာတ်လမ်း ဇာတ်ကွက်ကို သေချာထောင့်စိအောင် ပုံဖော် ဖွဲ့စည်းထားတာကိုလဲတွေ့ရမှာ ဖြစ်ပါတယ်။ ဒီဇာတ်ကားကို ကြည့်ပြီးတဲ့အချိန်မှာ 1981ခုနှစ်က ထွက်ရှိခဲ့တဲ့ Possession ဆိုတဲ့ ပြင်သစ် drama/ horror ဇာတ်ကားကို ပြေးမြင်မိရလောက်အောင် ပီပီပြင်ပြင်နဲ့ ကြောက်ရွံ့စိတ်လှုပ်ရှားဖို့ ကောင်းတာကိုလဲ တွေ့ရမှာဖြစ်ပါတယ်။ ဒါပေမဲ့ ဘယ်လိုပဲ စိတ်မသက်မသာ ကြောက်လန့်တုန်လှုပ်ရတဲ့ ဇာတ်လမ်းလို့ပဲဆိုဆို နောက်ဆုံးမိနစ်အပိုင်းအခြားကို ရောက်သည်အထိ တကယ့်ကို သွေးပျက်ထိတ်လန့်ဖွယ်ရာ ပြကွက်တွေနဲ့ သင့်ကို ဇာတ်လမ်းအဆုံးထိ ဆွဲခေါ်သွားမှာပဲဖြစ်ပါတယ်။ ဇာတ်လမ်းဆိုတာ အဆုံးရှိစမြဲဆိုရင်တောင် သင့်အနေနဲ့ နောက်ထပ်အပိုင်းဆက်တွေကို ကြည့်ရဖို့ စိတ်အားထက်သန်နေလိမ့်မယ် ဆိုတာကတော့ အသေအချာပါပဲ။ ဇာတ်လမ်းကို စဖွင့်လိုက်တာနဲ့ အရင်ဆုံး သင့်ကိုဆွဲဆောင်ထားမှာကတော့ ဒီဇာတ်ကားရဲ့ ဇာတ်ဝင် ခန်းတွေမှာ သုံးထားတဲ့ Visual Effects တွေပါပဲ။ သွေးထွက်သံယို ဇာတ်ဝင်ခန်းတွေမှာဆိုရင်လဲ ရုပ်ရှင်ကြည့်နေရတယ်လို့ မထင်မှတ်ရလောက်အောင် သင့်ကို ဆွဲဆောင်ထားနိုင်မှာ ဖြစ်ပါတယ်။ တကယ့် ထိပ်ဆုံးတန်းဝင်တဲ့ ရိုက်ချက်တွေ သတ်ခန်းဖြတ်ခန်းတွေနဲ့ horror ဇာတ်လမ်းတခုလို့တောင် တင်စားလို့ရနိုင်ပါတယ်။ ဇာတ်ဝင်ခန်းတစ်ခုစီရဲ့ တကယ့်အဓိက point တွေအတွက် ဒီဇာတ်ကားမှာ ဘတ်ဂျက်အများကြီးသုံးပြီးဖန်တီးထားတယ်ဆိုတာကိုလည်း settingတွေ ချထားတဲ့ သစ်လူံးအိမ်၊ ဇာတ်ဝင်ခန်းတွေမှာ အသုံးပြုထားတဲ့ ရှေးဟောင်းဓလေ့ထုံးတမ်းနဲ့ဆိုင်တဲ့ ပစ္စည်းတွေကို ကြည့်ရင် သိသာစေနိုင်ပါတယ်။ သေချာတာတခုကတော့ 1981 မှာ ကိုယ်တိုင်ရေးသား ရိုက်ကူးခဲ့တဲ့ Evil Dead ကို အကောင်းဆုံး ပြန်ဖန်တီးတင်ဆက်ထားတဲ့ အနုပညာတခုဆိုတာပါပဲ။ ဒီဇာတ်ကားရဲ့ အသံပိုင်းဆိုင်ရာ audio effect တွေဟာဆိုရင်လည်း သူ့နေရာနဲ့ သူ့ဇာတ်ကွက်နဲ့သူ အပိုအလိုမရှိ တော်တော်လေး တင်ဆက် မှု ကောင်းတာကို တွေ့ရမှာ ဖြစ်ပါတယ်။ Chain saw တခုရဲ့ ခပ်ကြမ်းကြမ်း အသံကနေ စလို့ အသံကြားရုံနဲ့ ဇောချွေးပြန်လာတဲ့အထိ ခြောက်လှန့်နေမယ့် နောက်ခံတီးလူံး၊ မကောင်းဆိုးဝါးတစ်ကောင်ရဲ့ အသံ‌ဗလံတွေ၊ စူးစူးဝါးဝါး အော်ဟစ်လိုက်သံတွေ ဟာ သင့်ရဲ့ကြောက်စိတ်ကို ထုထည်ကြီးကြီးမားမားနဲ့ ဖန်တီး ထိုးဆွနေမှာ ဖြစ်ပါတယ်။ Evil dead ရဲ့ ဇာတ်ဆောင်တွေရဲ့ သရုပ်ဆောင်မှု အရည်အသွေးကတော့ ဒီဇာတ်ကားနဲ့ တော်တော်လေးလိုက်ဖက်ညီပြီး ပြောစရာ မရှိတာကိုတွေ့ရမှာပါ။ ဟာသဇာတ်ဝင်ခန်းတွေဟာ ဒီလိုဇာတ်လမ်းမျိုးနဲ့ မအပ်စပ်သလို တခုကျေးဇူးတင်ဖို့ ကောင်းတာက Evil Dead မှာ ဟာသ အခန်းတွေမပါဝင်လာတာပဲ ဖြစ်ပါတယ်။ တင်စားညွှန်းဆိုပြိး ပြောရမယ်ဆိုရင် သင့်ကို တည်ခင်းဖို့အတွက် အပြင်းထန်အရက်စက်ဆုံး ကြောက်မက်ဖွယ်အကောင်းဆုံး ဇာတ်ကွက်တွေကိုပဲ ဒီဇာတ်ကားက ယူဆောင်လာပေးမှာပါ။ Evil Dead ရဲ့ သရုပ်ဆောင်တွေကို ဘယ်သူက ပိုကောင်း ပါတယ်လို့ ‌နှိုင်းယှဉ်ဖို့ ခက်လောက်အောင်ပဲ တစ်ဦးချင်းစီရဲ့ သရုပ်ဆောင်အရည်အ‌သွေးက ပေါ်လွင်လှပါတယ်။ ဒီဇာတ်ကားထဲက သရုပ်ဆောင်တွေဟာ တစ်ဦးနဲ့ တစ်ဦး တွဲဖက်ညီညီ ပန့်ပိုး သရုပ်ဆောင်သွားတာကိုလဲ သင့်အနေနဲ့ ကြည့်ရှုခံစားရမှာ ဖြစ်ပါတယ်။ ဒါကြောင့်မို့လို့ Horror Rating 9/10 အထိရထားတဲ့ မဖြစ်မနေကြည့်ရှုခံစား စီးမျောသင့်တဲ့ ရက်ပေါင်းများစွာအထိ သင့်မြင်ကွင်းထဲမှာ စွဲထင် ခြောက်လှန့်နေမဲ့ Evil Dead (2013) ပဲ ဖြစ်ပါတော့တယ်။ (ရုပ်ရှင်အညွှန်းကို Final Girl-Horror Fanpage မှကူးယူဖော်ပြပါသည်။) File size…(4.3 GB)/(1.2 GB)/(780 MB) Quality….BluRay Extended 4K HEVC/1080p HEVC/720p Format…mkv/mp4 Duration….01:36:23 Subtitle….Myanmar Subtitle (Hardsub) Encoder….Ka Naung Translated by Mugiwara Ya

IMDb Rating - 6.4/10 ဇာတ်လမ်းအစ မိုးသည်းနေတဲ့ ညတစ်ညမှာ ခရစ်စတန်ဆိုတဲ့ အမျိုးသားက သူ့မိန်းမ လီယိုနိုရာ အပြေးလေ့ကျင့်ပြီးအလာကို စောင့်မျှော်နေပါတယ်။ ခရစ်စတန်ဆိုတဲ့ အမျိုးသားက ဗိသုကာပညာရှင်ဖြစ်ပြီးသူရဲ့ အမျိုးသမီး လီယိုနိုရာက အရမ်းတော်တဲ့ စန္ဒယားပညာရှင်တစ်ဦးပါ။ သူတို့နှစ်ယောက်ရဲ့ သားလေး ဂျိုဟန် အရမ်းနေမကောင်းဖြစ်တော့ လီယိုနိုရာက သူ့ရဲ့ career ဘဝကို စွန့်လွှတ်ပြီး တစ်သက်လုံး သူ့သား ကိုပဲ အမြဲတန်းစောင့်ရှောက်လာခဲ့တာပါ။ တစ်ရက် ခရစ်စတန်က အလုပ်က လုပ်ဖော်ကိုင်ဖက်အမျိုးသမီး စီနာနဲ့ ဖောက်ပြန်နေတာကို လီယိုနိုရာသိသွားတဲ့အခါမှာတော့ သူတို့ရဲ့ အိမ်ထောင်ရေးက ဘယ်လိုဆက်ဖြစ်မလဲ။ အိမ်ထောင်ပြုတယ်ဆိုတာ အမြဲတမ်း ဘဝရဲ့ပျော်ရွှင်မှုအစစ်မဖြစ်နိုင်ဘူး။ အခက်အခဲတွေကို  အများ ကြီး ရင်ဆိုင်ကျော်ဖြတ်လာပြီးမှ အိမ်ထောင်ရေးဖောက်ပြန်မှုတွေ ဖြစ် ပေါ်လာတဲ့အချိန် သူတို့ရဲ့အိမ်ထောင်ရေးကို ဘယ်လိုတည်မြဲအောင် တည်ဆောက်ကြမလဲဆိုတာ ဆက်လက်ကြည့်ရှူပေးပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Parris ဖြစ်ပါတယ်) File Size..........(1.49 GB) / (688 MB) / (406 MB) Quality............WEB-DL 1080p / 720p / 480p Duration.........1Hr 44mins Subtitle...........Myanmar Hardsub Format............MP4 Genre..............Crime, Drama, Thriller Translator.......Parris Encoder..........SWM

မယ်လ်ဒီက အဝတ်လျှော်လုပ်ငန်းတစ်ခုမှာအလုပ်လုပ်တဲ့မိန်းမငယ်တစ်ယောက်၊ ခင်ပွန်းသည်ဒုက္ခိတကြီးကိုပြုစုလုပ်ကျွေးနေသူလဲဖြစ်တော့ သူ့ဘဝကရိုးရှင်းဟန်ရှိတယ်။ ဒါပေမယ့်အပေါ်ယံဖြူစင်တဲ့မျက်နှာစာအောက်မှာ သိပ်ကြောက်စရာကောင်းတဲ့ မိန်းမတစ်ယောက်နေထိုင်တာကို ပတ်ဝန်းကျင်တစ်ခုလုံးမသိရအောင် အနေအထိုင် သိုသိပ်ကျစ်လျစ်ပါတယ်။ သူ့မှာပြင်းပြဖောက်ပြန်တဲ့ တဏှာရမ္မက်တွေရှိတယ်။ သူ့ဖောက်သည်တွေရဲ့အဝတ်အစားတွေ ဝတ်စုံတွေကိုခိုးယူဝတ်ဆင်ပြီး သူပြုသမျှနုရာရှာတဲ့ ခင်ပွန်းသည် ဒုက္ခိတကြီးနဲ့ သူ့ရဲ့ uniform fetish တွေ Roleplay တွေနဲ့ဆန္ဒကိုဖြေဖျောက်ပါတယ်။ ဒါတင်မကပိုကြောက်ဖို့ကောင်းတဲ့အချက်က သူဟာလိုချင်တဲ့အရာတစ်ခုကို သက်မဲ့အရာဝတ္ထုကအစ သက်ရှိဘဝအဆုံး မရရအောင်ယူတတ်တဲ့သူ ရဖို့အတွက်ဘာမဆိုလုပ်ရဲတဲ့သူဖြစ်နေတာပါပဲ။ ဒီလိုနဲ့ သူတို့ရဲ့ဖောက်သည်အသစ်ဖြစ်တဲ့ ရဲအရာရှိနဲ့ချစ်သူမော်ဒယ်မလေးတို့ကိုမြင်ရတဲ့အချိန်မှာ သူဟာ မော်ဒယ်မိန်းကလေးဘဝကိုအားကျပြီး ရဲအရာရှိကိုငမ်းငမ်းတက်လိုချင်လာတဲ့အချိန်... အဲ့ဒါတွေနဲ့ တပြိုင်တည်း သူတို့ဝန်းကျင်မှာဖြစ်ပေါ်နေတဲ့ ရက်စက်ကြမ်းကြုတ်တဲ့ ကွင်းဆက်လူသတ်မှုတွေကိုပါ ဒီရဲအရာရှိက စုံစမ်းစစ်ဆေးဖို့ဖြစ်လာတဲ့အချိန်မှာ သူတို့ချင်းထိပ်တိုက်ဆုံဖို့ ဖြစ်လာပါတော့တယ်။ လုပ်ချင်တာလုပ်ထားပြီးရင် အလှဆုံးပြုံးနေတတ်တဲ့ မင်းသမီးငယ်လေး Ayanna Misola နဲ့ High (School) On Sex ထဲကကျောင်းဆရာမမ Rob Guinto တို့နှစ်ဦးတွဲပွဲကြမ်းထားတဲ့ဇာတ်ကားဖြစ်ပါတယ်။ အရမ်းကောင်းပါတယ် စတော်ဘယ်ရီလိုပါပဲ... (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size - 1.6GB, 690MB Quality - 1080p, 720p Format - mp4 Duration - 1H 44Min Genre - Adult, Thriller Subtitle - Myanmar Subtitle (Hardsub) Translated by Alias Encoded by RGB

မူရာကာမိရဲ့ ၀တ္တုရှည်ကို ပြန်ရိုက်ထားပြီး နာမည်ကျော်တဲ့ တစ်ကားတည်းသောကားပါပဲ။ သို့ပေမဲ့ မူရာကာမိ၀တ္တုတိုတွေကို ရိုက်ထားတဲ့ ကျန်တဲ့နာမည်ကျော်ရုပ်ရှင်တွေဖြစ်တဲ့ Burningတို့ Drive My Carတို့လို မာစတာပိစ်အဆင့်ထိတော့ ဖြစ်မသွားပေမဲ့ Norwegian Woodကို ရိုက်တဲ့ ပြင်သစ်အခြေစိုက် ဗီယက်နမ် ဒါရိုက်တာTran Anh Hung ဟာ The Scent of Green PaPayaတို့ Cycloတို့လို အရည်အသွေးမြင့် Art Filmတွေကို ရိုက်ခဲ့တဲ့သူဆိုတော့ ခပ်ညံ့ညံ့ကားတော့ မဟုတ်ခဲ့ပါဘူး။ စာမျက်နှာ ၃ရာကျော်စာအုပ်ကြီးကို ခြုံလွှမ်းရိုက်ရတာဆိုတော့ စာအုပ်ဖတ်ဖူးတဲ့သူတွေက စာအုပ်ကပေးချင်တဲ့ အချက်ကိုမရဘူးပြောကြပေမဲ့ စာအုပ် မဖတ်ထားရင် သူ့နည်းသူ့ဟန်ကို ကောင်းကောင်းမြင်နိုင်တယ်ဆိုကြပါတယ်။ Cinematographerက ထိုင်၀မ်သား Mark Lee Ping-bingပါ။ ဝေါင်ကာဝေးရဲ့ In The mood for loveအပြင် ထိုင်၀မ်ရဲ့ဆရာတစ်ဆူဖြစ်တဲ့ Hou Hsiao-Hsienရဲ့ ကားတိုင်းနီးပါးမှာလည်း စီနီမာတိုဂရပ်ဖာလုပ်ခဲ့တဲ့သူပါ။ သူ့စီနီမာကို အသည်းစွဲကြိုက်ကြတဲ့သူတွေမနည်းပါဘူး။ သရုပ်‌ဆောင်တွေက Death Note မူလကားရဲ့ L ဖြစ်တဲ့ Kenichi Matsuyama, Drive My Carထဲက Reika Kirishima, ဘရက်ပစ်ရဲ့ babel, Pacific Rim, 47 Roninsတို့ထဲတောင် ပါဖူးတဲ့ Rinko Kikuchiတို့တွေပါ။ Norwegian Woodဆိုတဲ့ နာမည်ဟာ မူရာကာမိ ယူနေကျအတိုင်း the Betales သီချင်းနာမည်ကို ယူထားတာဖြစ်ပြီး Drive my carဆိုတာလည်း the Betales သီချင်းနာမည်ပါပဲ။ မူရင်း Norwegian Woodစာအုပ်ဟာ မူရာကာမိရဲ့ မစ္စတာပိစ်လို့လည်း ပြောကြပါတယ်။ ဇာတ်လမ်းကတော့ မူကာရာမိဆန်ဆန်ပါပဲ။ မူရင်းစာအုပ်ထဲက စာသားတွေကို Narrativeထည့်ပြောသွားပြီး ပုံဖော်သွားပါတယ်။ မူရာကာမိဖန်တွေ ကြိုက်မယ့် ကျန်တဲ့မူရာကာမိကားတွေအတိုင်း ဇာတ်ကောင်ဗဟိုပြုပုံဖော်ထားတဲ့ ရုပ်ရှင်ပါ။ အဟောင်းပေမဲ့ Art Filmကားကောင်းကောင်း တောင့်တနေတဲ့လူတွေအတွက် Norwegian Woodဟာ ရွှေပါပဲ။ **** စာအုပ်ကို အရင်သွားမဖတ်မိဖို့တော့ လိုပါတယ်။ အညွှန်းကိုတော့ WiRa Aung က ရေးထားပေးပြီးတော့ ဘာသာပြန်ထားတာကတော့ Chu Chu ပဲ ဖြစ်ပါတယ်။ Genre.....Drama, Romance Quality….1080p | 720p| 480p File size…2GB | 999MB | 289MB Format…mp4 Duration….2h 13min Subtitle….Myanmar Subtitle (Hardsub) Translator ..... Chu Chu Encoder ..... August

IMDb Rating - 6.7/10 ၁၉ ရာစုအပြီး စပိန်နိုင်ငံမှာ တတိယ ကာလစ်စစ်ပွဲဖြစ်နေတဲ့အချိန်မှာပေါ့ ဒီဇာတ်ကားရဲ့ အဓိက ဇာတ်လိုက်ကောင်မလေးနေတဲ့ မိဘမဲ့ဂေဟာအပေါ်ကို ဗုံးတစ်လုံးကျသွားခဲ့ပြီး အကုန်အနိစ္စရောက်သွားခဲ့တယ်။ သူသတိပြန်ရလို့ ကြည့်လိုက်တော့ ဂေဟာကလူတွေ တစ်ယောက်မှအသက်မရှိတော့ဘူး။ သူကိုယ်တိုင်လည်း သေအံ့ဆဲဆဲဖြစ်နေပြီ။ အဲ့အချိန်မှာ ထူးဆန်းတဲ့ အမျိုးသမီး ကြီးတစ်ယောက်က သူ့ကိုခေါ် ပြီးဆေးကု‌ပေးလိုက်တယ်။ ကောင်မလေး ပြန်နိုးလာတော့ ဒဏ်ရာတွေက ယူပစ်လိုက်သလိုပျောက်သွားပြီး နာကျင်မှု ဆိုတာလည်းမရှိတော့ဘူး။ ဘယ်လိုကုပေးလိုက်လဲလို့မေးလိုက်တော့လည်း "အနမ်းတစ်ပွင့်" နဲ့ ကုလိုက်တယ်လို့ပဲပြန်ဖြေတယ်။ နောက်သူထပ်ပြီးသိလိုက်ရတာ အဲ့အမျိုးသမီးကြီးတင်မဟုတ် သူနဲ့အတူ အခြားလူတွေပါရှိ‌သေးတယ်ဆိုတာပဲ၊ အားလုံးက စစ်သားတွေဆီကနေပုန်းပြီး နေနေကြတယ်။ နောက်နေ့ရောက်တော့ စစ်သားတွေက သူတို့ပုန်းတဲ့နေရာ သိသွားလို့ ဝင်စီးခံရတဲ့အခါ အမျိုးသမီးကြီးနဲ့ကောင်မလေးတို့ နှစ်ယောက်က အတူတူထွက်ပြေးကြတာပေါ့။ ပြေးရင်းပြေးရင်း ချောက်ကမ်းပါး‌နားရောက်သွားတဲ့ အခါမှာ အမျိုးသမီးကြီးက သေနတ်နဲ့ အပစ်ခံလိုက်ရပြီး ကောင်မလေးက ချောက်ထဲကျရော။ အထက်မှာပြောသွားတာတွေက ဇာတ်လမ်းရဲ့ အစပိုင်းအဖြစ်အပျက်တွေလောက် ပါပဲ။ တကယ့်နောက်ဆက်တွဲတွေကတော့ Horror ဆန်ဆန်ဆက်ကြည့်ရမယ့် အခန်းတွေအများကြီးကျန်ပါသေးတယ် . ဇာတ်လမ်းက ဇာတ်ရှိန်အေးအေးနဲ့ Horror ကား ကြိုက်တဲ့သူတွေအတွက်ကြည့်လို့ကောင်းမယ့် ကားမျိုးပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Khant Sett Naing ဖြစ်ပါတယ်) File Size - (1.2 GB) / (540 MB) / (340 MB) Quality – Web-Rip 1080p/ 720p / 480p Duration - 1Hr 42mins Subtitle – Myanmar Hardsub Format – MP4 Genre : Drama, Fantasy, Horror Translator – Khant Sett Naing Encoder – SWM

ဒီတစ်ခါCMပရိသတ်ကြီးကိုကား​ကောင်း​လေးတစ်ကားနဲ့မိတ်ဆက်​ပေးပါရ​စေ ဒီဇာတ်ကား​လေးက​တော့တရုတ်ဒရမ်မာကား​ကောင်း​လေးတစ်ကားပါ ကင်ဆာ​ရောဂါခံစား​နေရတဲ့အဖွားဖြစ်သူကို အသိမ​ပေးဘဲနဲ့ မိသားစု​​တွေကဖုံးကွယ်ထားကြတာ​ပေါ့ နိုင်နိုင်ဆိုတဲ့အဖွားဟာ တရုတ်ပြည်မှာသူ့ညီမရယ် သူ့တူမမိသားစု​တွေနဲ့​နေထိုင်တယ သူမရဲ့သားနှစ်​ယောက်မှာ အ​မေရိကားနဲ့ ဂျပန်ကို​ပြောင်း​ရွေ့​နေထိုင်ခဲ့တာ​ပေါ့ သူတို့ရဲ့အ​မေကင်ဆာ​​ရောဂါကိုခံစား​နေတာ သိတဲ့အတွက်​ကြောင့်​တွေ့ဆုံဖို့လုပ်ခဲ့ကြတာ​ပေါ့ အကုန်လုံးပြန်လာကြရင်သူတို့အ​မေ​ ရောဂါရှိ​နေတာကိုအရိပ်မိ​သွားမှာဆိုးလို့ အဖွားကြီးရဲ့​မြေးမင်္ဂလာ​ဆောင်​ကြောင့်လာခဲ့ကြတယ်ဆိုပြီးလိမ်ညာခဲ့တာ​ပေါ့ ​ အဖွားကြီးမှာသူအရမ်းချစ်ရတဲ့​​မြေးမ​လေး တစ်​ယောက်လည်းရှိတာ​ပေါ့​ ​ မြေးမ​လေးဘီလီက​တော့သူ့အဖွားရဲ့​ရောဂါအ​ကြောင်းကို​ပေးသိ​စေချင်တဲ့သူ​ပေါ့ ​ နောက်ပိုင်းမှာဇာတ်လမ်း​လေးကဘယ်လိုမျိုး​လေးဆက်သွားမလဲဆိုတာ ဆက်လက်ကြည့်ရှု့ကြည့်လိုက်ပါ အဖွား​တွေကိုအရမ်းချစ်တဲ့သူ​တွေဆိုရင် ရင်ထဲထိမယ့်ဇာတ်ကား​လေးတစ်ကားပါ File Size : ( 936 MB , 354 MB) Quality :  WEB-DL 720p Running Time : 1 hr 40 min Format : Mp4 Genre : Comedy , Drama Subtitle : Myanmar Subtitle (Hard Sub) Translated by Hsu Lei Encoded by Moe Myint Lwin

Doom Doom (2021) စိတ်တုန်လှုပ်​ခြောက်ခြားပြီး အစိုးရိမ်လွန်တတ်တဲ့ အ​မေ နဲ့ ​နေထိုင်ရသူ အီနာ့မှာ အ​မေ မသိ​အောင် ဖွက်ထားရတဲ့ သမီး​လေးတစ်ဦး ရှိ​နေတယ်။ သမီးငယ်​လေးကို အ​မေ့အသိ အ​ဒေါ်တစ်​ယောက်စီမှာ အပ်ထားရတဲ့ အီနာ့ရဲ့ ဘဝဟာ ဝန်​တွေ ဖိအား​တွေ အပြည့်နဲ့ဖြစ်​နေ​ရှာတာပေ့ါ။ တစ်ချိန်က လျှမ်းလျှမ်း​တောက် ကလပ် ဒီ​ဂျေ တစ်ဦးဖြစ်ခဲ့​ပေမဲ့ အခု​တော့ ​Call Center မှာ ​​​အော်ပရာတာအဖြစ်သာ လုပ်ကိုင်ရင်း အ​မေ​ပြောတဲ့ သာမန် ဘဝ​လေးထဲ ​နေထိုင်ဖို့ ကြိုးစား​နေလျက်ရှိတယ်။ ဒါ​ပေမဲ့ တစ်​နေ့မှာ လမ်း​လေး​တစ်ခုထဲ ​လျှောက်လာရင်း ရင်ကို တဒိတ်ဒိတ် ခုန်​စေတဲ့ တီးလုံးသံ​တွေကို အီနာ ကြားလိုက်ရချိန်မှာ​တော့ သံစဥ်​တွေရဲ့ ဆွဲ​ဆောင်မှု​အောက် ​မျောပါသွားကာ နှလုံး​စေရာ အတိုင်း ဒီ​​ဂျေ ​လောကထဲ ပြန်လည် ​ခြေချဖို့ ကြိုးစားတဲ့အခါ … အီနာတစ်ယောက် သူ့ရဲ့ အိပ်မက်တွေကို တစ်ဖန် ပြန်လည် အသက်သွင်းနိုင်ပါ့မလား? သူ့သမီးလေးကိစ္စကိုကော ပြေလည်အောင် ဖြေရှင်းနိုင်ပါ့မလား? ဆိုတာတော့ ဒီဒရမ်မာ ဇာတ်လမ်းလေးထဲမှာ ဆက်လက် ကြည့်ရှုလိုက်ကြရအောင်နော်။ (ဇာတ်လမ်းအညွှန်းနဲ့ ဘာသာပြန်က Song Song ပါ။) File Size : 1.9GB, 637MB, 316MB Quality : 1080p WEB-DL, 720p WEB-DL, 480p Format : mp4 Duration : 1hr & 52mins Genre : Drama Translated by Song Song Encoded by Kinnov

Goodbye Cruel World IMDB 5.8 ကားပေါ်မှာ ဒရိုင်ဘာ၊ အဖိုးကြီး၊ ကောင်မလေး၊ လူမိုက်တစ်ယောက် ပေါင်းလေးယောက်ဟာ အချင်းချင်း စကားများရင်း ဟိုတယ်တစ်ခုရှေ့ရောက်လာပြီးနောက်မှာ မျက်နှာဖုံးစွပ် သေနတ်မောင်းတင်ကာ ဟိုတယ်ထဲ ဝင်ရောက်ခဲ့ပါတော့တယ်။ ဂျပန်မှာ ယာကူဇာကို ထိဝံ့သူဟာ အခြားယာကူဇာပဲ ဖြစ်ဖို့များတဲ့ အခြေအနေမှာပဲ ဘယ်အဖွဲ့အစည်းကိုမှ ကိုယ်စားမပြုတဲ့ သည်လူတစ်စုဟာ ယာကူဇာဂိုဏ်းကြီးတစ်ခုရဲ့ ငွေကြေးခဝါချတဲ့ နေရာကို စီးနင်းဝင်ရောက် ဓားပြတိုက်ခဲ့ပါတော့တယ်။ ယန်း သန်း ၁၀၀ကျော်ပါသွားတဲ့နောက် နားရွက်တံတွေးဆွတ်ခံလိုက်ရတဲ့ ယာကူဇာများကလည်း ဓားပြတွေကို အမိဖမ်းနိုင်ရေး ကြိုးပမ်းကြပါတော့တယ်။ ဒီဇာတ်ကားမှာ ယာကူဇာတွေရဲ့ ဩဇာသက်ရောက်နိုင်မှုနဲ့ စွမ်းပကားတွေကို တွေ့မြင်ရမှာဖြစ်ပြီး အကျင့်ပျက်ရဲတစ်ယောက်ဟာ ဘယ်လောက်အတိုင်းအတာထိ ဂိုဏ်းတစ်ခုကို အကျိုးပြုနိုင်သလဲ ပြသထားတာလည်း ဖြစ်ပါတယ်။ ထို့အပြင် တစ်ခါ ယာကူဇာဖြစ်ဖူးလျှင် လူ့အသိုင်းအဝိုင်းထဲ ပြန်တိုးဝင်မရလောက်အောင် ခက်ခဲကြောင်းကိုလည်း ရိုက်ပြထားပါသေးတယ်။ ယာကူဇာကိုမှ သွားထိတဲ့ ဓားပြတွေဟာ ယာကူဇာစက်ကွင်းကနေ လွတ်မြောက်နိုင်ပါ့မလားဆိုတာ ပရိတ်သက်ကြီးတို့ ကိုယ်တိုင်ကိုယ်ကျ ရှုစားလိုက်ကြပါဦးခဗျာ File Size__(2.5GB) / (1GB) Quality__1080p, 720p IMDb Rating__5.9/10 Format__mp4 Duration__02:00:00 Type__Crime Subtitle__Myanmar Subtitle (Hardsub) Translated by Tun Aung Kyaw Encoded by Naing Aung Latt

ဒီဖိလစ်ပိုင်ကားကတော့ မြင်ဖူးနေကျဖိလစ်ပိုင်ကားတွေနဲ့ ကွဲထွက်ပါတယ်။ အရာရာကို သဘာဝရှုခင်းလှလှ၊ ရုပ်ရှင်ဓာတ်ပုံလှလှတွေနဲ့ ငြိမ့်ငြိမ့်လေးပြသွားတာ အချစ်ကဗျာတစ်ပုဒ် ဖတ်နေရသလိုပါပဲ။ အစပိုင်းမှာ ကြည့်ရတာပျင်းကောင်းပျင်းနိုင်ပေမဲ့ စိတ်ရှည်ရှည်နဲ့ဆက်ကြည့်ရင် ဒီရုပ်ရှင်ကပေးစွမ်းချင်တဲ့ရသတွေကို ခံစားရမှာပါ။ အချစ်ဆိုတာလည်း ခက်တော့ခက်သား ဝေးရမယ်ဆိုမှ ပိုတွေ့ချင်မိတယ် ခွဲရမယ်ဆိုမှ ဆွဲထားချင်မိတယ်။ Before Trilogy တွေကိုကြည့်ပြီး မရိုးမရွဖြစ်စေတဲ့အရာကလည်း ဒီလိုပဲ ဘဝမှာအလွယ်ရခဲ့သမျှအချစ်တွေအားလုံးကို ပေါပေါပဲပဲလုပ်ခဲ့ပြီးမှ ရထားခရီးစဉ် ဆုံးရင် ခွဲရတော့မယ့်လူကိုမှ ချစ်မိသွားလို့ နှစ်ယောက်သား နောင်တမရအောင် လမ်းခုလတ်က ဘူတာမှာ တစ်ညတာဆင်းနေခဲ့ကြတယ်မဟုတ်လား။ ကိုယ်ရဲ့ပစ္စုပ္ပန်က မင်းရဲ့အတိတ် မင်းရဲ့ပစ္စုပ္ပန်က ကိုယ့်အနာဂတ်အဖြစ် ၄ နှစ်တာ ကွာဟနေတဲ့ အချိန်ကာလကို ကိုယ်တို့အချစ်နဲ့ ဘယ်လိုပိတ်ဆို့ကြမလဲ။ ကိုယ်ကတော့ ဖုန်းအဟောင်းတစ်လုံးနဲ့ မကျေနပ်နိုင်ဘူး။ မင်းကိုထိတွေ့ခွင့်တွေ၊ မင်းနဲ့အတူထိုင်ပြီး ကော်ဖီသောက်ခွင့်တွေ၊ မင်းချသမျှဆုံးဖြတ်ချက်တိုင်းမှာ အရေးပါခွင့်တွေကို လောဘတက်ချင်သေးတယ်။ မျှော်လင့်ချက်ဟာ အရာရာဆိုတာကို လက်ခံကြလားဗျ။ မျှော်လင့်ချက်ကြောင့် အသက်ရှင်သလို မျှော်လင့်ချက်ကြောင့် သေဆုံးနိုင်တာပါပဲ။ ကိုယ့်ကိုယ်ကိုသေလူလို့ သက်မှတ်ထားတဲ့ကိုယ်က ဒီမျှော်လင့်ချက်တွေကြောင့်ပဲ အသက်ရှင်ချင်လာမိတယ်… ဒီဇာတ်ကားလေးကတော့ Healing movie ကောင်းကောင်းတစ်ခုဖြစ်တဲ့အတွက် အချစ်ကြောင့် စိတ်ပင်ပန်းနွမ်းနယ်နေခဲ့ရင် ဒီကားကိုကြည့်ဖို့ ညွှန်းပေးချင်ပါတယ်ခင်ဗျာ။ File size…1.26GB / 481MB Quality…NF WEB-DL 1080p 5.1 CH/ 720p Format…mp4 Duration….1h 44m Genre ….. Drama Subtitle….Myanmar Subtitle (Hard Sub) Encoder….Min Wai Translated by Jane

ကျွန်တော် ငယ်ငယ်တုန်းက သိပ်ကြိုက်ခဲ့ရတဲ့ သိပ်ကိုကောင်းခဲ့တဲ့ ကောင်းနေဆဲ Nickelodeonက ထုတ်လုပ်ထားတဲ့ Comedy အမျိုးစား ရုပ်ရှင်အသစ်စက်စက်ကို တင်ဆက်ပေးချင်ပါတယ်။ ယခု Good Burger 2မှာ 1 က main castတွေအတိုင်းပဲ Kel Mitchellနဲ့ Kenan Thompsonက ဦးဆောင်ပြီး ပြန်လည်ပွဲထွက်လာပါတယ်။ ဂွတ်ဘာဂါကနေ ထွက်လာခဲ့ပြီး စွန့်ဦးတည်ထွင်လုပ်ငန်းရှင်အဖြစ် လုပ်ကိုင်နေတဲ့ ဒတ်စ် တစ်ယောက် သူ့ရဲ့စမ်းသပ်ချက်မှာ အမှားယွင်းဖြစ်ပြီး ပြဿနာတက်ကုန်လို့ အက်ဒ်ရှိရာ ဂွတ်ဘာဂါဆိုင်ကို ပြန်လာပါတော့တယ်။ ဒတ်စ်ထွက်သွားပြီးကတည်းက အက်ဒ်တစ်ယောက် ကောင်းမွန်တဲ့ပြောင်းလဲခြင်းတွေနဲ့ ဘဝမှာ အဆင်ပြေနေတာကို ဒတ်စ်တစ်ယောက် တွေ့မြင်လိုက်ရပါတယ်။ အဆင်ပြေနေတဲ့ အက်ဒ်တစ်ယောက်ကို ဒတ်စ်က ပြန်တွေ့ပြီး ဂွတ်ဘာဂါဆိုင်မှာ ပြန်လာလုပ်ပါတော့တယ်။ ဂွတ်ဘာဂါကို ပြန်ရောက်လာတဲ့အခါ မထင်မှတ်ထားတဲ့ တိုက်ခိုက်မှုတွေနဲ့ ကြုံတွေ့လာရတဲ့အခါမှာတော့ ….. အမှန်တရားနဲ့ တရားမျှတမှုကို ရရှိသွားအောင် ဘယ်လိုဖော်ဆောင်သွမလဲဆိုတာကို ပေါ့ပေါ့ပါးပါးနဲ့ ကြည့်ရှု့ရမှာဖြစ်ပါတယ်။ ဘဝအမောတွေကို ဖြေဖျောက်နိုင်ဖို့ စိတ်ညစ်ခြင်းကနေ ရုန်းထွက်ချင်နေတယ်ဆိုရင် ဒီရုပ်ရှင်လေးကို ကြည့်ရှု့ဖို့တိုက်တွန်းရင်း နိဂုံးချုပ်အပ်ပါတယ်။ အညွှန်းနဲ့ ဘာသာပြန်သူက Minn Khant Kyi Win ဖြစ်ပါတယ်။ File size…(1.9 GB)/(1.1 GB) Quality….Webrip 1080p / 720p Format…mp4 Duration….01:32:00 Genre…Comedy, Family Subtitle….Myanmar Subtitle (Hardsub) Encoder….Mr. Anderson Translated by Min Khant Kyi Win

The Iron Claw (2023) ~ IMDb – 8/10, RT – 89%, Meta – 73% ~ National Board of Review က အကဲဖြတ်ပေးထားတဲ့ ၂၀၂၃ ရဲ့ Top 10 ၁၀ကားထဲက တစ်ကားပါ။ ဝေဖန်ရေးသမားတွေတော့ တော်တော်ချီးကျူးထားကြပေမဲ့ အော်စကာတော့ တစ်ခုမှကိုမဝင်သွားခဲ့ပါဘူး။ ဒီစာရင်းထဲပါပြီး နောက်ထပ်အော်စကာတစ်ခုမှမဝင်သွားတာကတော့ Ferrari ပါ။ ကျန်တဲ့၈ကားကတော့ Best Picture စာရင်းဝင်ကားတွေချည်းပါပဲ။ A24 က ထုတ်ထားသလို သရုပ်ဆောင်တွေကလည်း Zac Efron, ဒီနှစ်ဆုတွေမနည်းသိမ်းသွားတဲ့ The Bears စီးရီးရဲ့မင်းသား Jeremy Allen White, Triangle of Sadness နဲ့ Where the Crawdads Sing က မင်းသား Harris Dickinson, နောက် Lily James… ဇာတ်ကတော့ ကျွန်တော်တို့ငယ်ငယ်က ဂိမ်းတွေရော အခွေတွေရော ကစားခဲ့ ကြည့်ခဲ့ဖူးတဲ့ စမတ်ဒေါင်း ခေါ် နပန်းပွဲက နပန်းသမားတွေအကြောင်းပေါ့။ အဲဒီနပန်းလောကရဲ့ အကြီးကျယ်ဆုံးမိသားစုအဖြစ် မှတ်ကျောက်တင်ခံခဲ့ရတဲ့ မိသားစုတစ်ခုအကြောင်းပါပဲ။ ဒီမိသားစုရဲ့အစက ဖရစ်ဇ်ဗွန်အဲရစ်လို့ခေါ်တဲ့ ဂန္ထဝင်နပန်းသမားကြီးကနေစတယ်။ သူက ရည်မှန်းချက်ကြီးတယ်။ သူ့လောကမှာ သူအအောင်မြင်ဆုံးဖြစ်ချင်တယ်။ ကျားကုတ်ကျားခဲကြိုးစားခဲ့တယ်။ ဒီလိုကြိုးစားခဲ့လို့ သူချန်ပီယံဆုအကုန်နီးပါးရခဲ့ပေမဲ့ သူမရခဲ့တဲ့တစ်ခုတည်းသောဆုက ကမ္ဘာ့ဟဲဗီးဝိတ်ချန်ပီယံဆု။ နောက်ပိုင်း သူက WCCW လို့ခေါ်တဲ့ World Class Championship Wrestling ပွဲအစီအစဉ်ကို ပိုင်တဲ့သူ။ သူက သူမရခဲ့တဲ့ဆုကို သူ့သားတွေကို ရစေချင်သလို သူတို့မိသားစုကို နပန်းလောကရဲ့ အကြီးကျယ်ဆုံး မိသားစုဖြစ်စေချင်ခဲ့တယ်။ သူ့သားတွေအကုန်လုံးကို နပန်းသမားတွေဖြစ်လာအောင် သူ ကိုယ်တိုင်လေ့ကျင့်ပေးခဲ့တယ်။ ဒီရုပ်ရှင်မှာ နပန်းပွဲတွေနဲ့ သူတို့သားအဖ ညီအစ်ကိုတွေကြားက မိသားစုဒရာမာတွေကို အချိုးကျပြသွားခဲ့တယ်။ WWE Hall of Fame မှာ ဗွန်အဲရစ်မိသားစုကို နပန်းပွဲသမိုင်းရဲ့ အကြီးကျယ်ဆုံးမိသားစုအဖြစ် ၂၀၀၉မှာ မှတ်ကျောက်တင်ခံခဲ့ရတယ်။ The Iron Claw ဟာ ဒီလိုမှတ်ကျောက်အတင်ခံရဖို့ သူတို့မိသားစု ဘယ်လိုကြိုးစားခဲ့ရလဲ ဘယ်လိုကြမ္မာတွေနဲ့ကြုံခဲ့ရလဲဆိုတာကို ပုံဖော်ထားတဲ့ရုပ်ရှင်ပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 7.7GB, 2.65GB, 1.35GB Quality – 4K HEVC, 1080p, 720p IMDb Rating – 8/10 Format – mp4 Duration – 2H 12Min Genre – Biography, Drama, Sport Subtitle – Myanmar Subtitle (Hardsub) Translated by WiRa Aung Encoded by Y

ကိုယ့်ရဲ့အကြီးမားဆုံးရန်သူကဘယ်သူလဲလို့မေးလိုက်ရင် ကိုယ်ကိုယ်တိုင်ပါပဲလို့ပြောရမှာပါပဲ။ကိုယ်ကိုယ်တိုင်ကပဲ ကိုယ့်ဘ၀ကို ကောင်းမွန်အောင် ပျော်ရွင်စရာကောင်းအောင် လုပ်ပေးနိုင်သလို ဝမ်းနည်းစရာကောင်းအောင် အဆိုးဆုံး အခြေအနေဆိုရင် ကိုယ့်အသက်ကိုယ်နှုတ်ယူတဲ့အထိပါ ကိုယ့်ကိုအန္တရာယ်ပေးနိုင်ပါတယ်။ အဲ့ဒါကြောင့်ကိုယ့်ကိုယ်ကိုယ်ဂရုစိုက်ပြီး ရန်သူမဖြစ်စေဘဲ မိတ်ဆွေအဖြစ်ပေါင်းသင်းနိုင်ဖို့ကအရေးကြီးပါတယ်။ အခုတင်ဆက်ပေးမဲ့ဇာတ်ကားလေးကလည်း ဒီလို အကြောင်းအရာမျိုးကို စိတ္တဇဆန်ဆန် သည်းထိပ်ရင်ဖို ဖြစ်အောင်ရိုက်ကူးပြသထားတာဖြစ်ပါတယ်။ ဇာတ်ကားနာမည်ကတော့ Smrst ဖြစ်ပြီး လက်ရှိ IMDb Rating 5.5 အထိရရှိထားပါတယ်။ ဒီဇာတ်ကားရဲ့အဓိကဇာတ်ကောင်ကတော့ မှုခင်းဆေး စိတ်ပညာရှင် မာတင်ဖြစ်ပြီး သူ့အလုပ်ကတော့ ရာဇဝတ်မှု တရားခံတွေရဲ့စိတ်ကျန်းမာရေးကို အကဲဖြတ်သုံးသပ် ပေးရတာပဲဖြစ်ပါတယ်။သူ့မိန်းမပေါင်လာက ကင်ဆာ ရောဂါသည်ဖြစ်နေတဲ့အတွက် သူတို့နှစ်ယောက်လုံး အတွက်အဆင်ပြေဖို့အတွက် ကင်ဆာရောဂါသည်တွေကို ကုသပေးတဲ့ ဟော်တယ်လိုမျိုး ကျန်းမာရေးစခန်းတစ်ခုကို သွားခဲ့ပါတော့တယ်။အဲ့ဒီမှာသူ့မိန်းမအတွက်ကုသမှုခံ နေရင်းနဲ့ သူကိုင်ရမဲ့အမှုဖြစ်တဲ့ လူသတ်မှုတရားခံကို သုံးသပ်ဖို့လုပ်ခဲ့ပါတော့တယ်။လူသတ်မှုလို့ဆိုပေမဲ့ သူအင်တာဗျူးခဲ့တာတွေကို ပြန်လည်စစ်ဆေးကြည့်တဲ့ အခါမှာ တရားခံက သူလုပ်ခဲ့တာမဟုတ်ကြောင်းနဲ့ လေ အမျိုးသမီးလို့ခေါ်တဲ့ ကြောက်စရာကောင်းတဲ့ သဘာ၀ လွန်အရာကြီးအကြောင်းကိုထပ်ခါထပ်ခါပြောနေမှန်း သိခဲ့ရပါတော့တယ်။ဒီလိုနဲ့ အဲ့ဒီအကြောင်းဆက်သုံးသပ်ရင်း ဒီလိုအရာကြီးကတကယ်ရှိတာလား တရားခံကပဲဂျင်းထည့် နေတာလားဆိုတာတွေအပြင် သူတို့လင်မယားနှစ်ယောက် ရော အဲ့ဒီစခန်းကြီးမှာ ဘာတွေဆက်ဖြစ်ဦးမယ်ဆိုတာ တွေကိုရှုစားရမဲ့ ဇာတ်ကားလေးတစ်ကားပဲဖြစ်ပါတယ်။ File size… (1.35GB) / (804MB) Quality… WEB-DL 1080p HEVC / 720p Format…mkv / mp4 Duration….2h 2m Genre …..Thriller Subtitle….Myanmar Subtitle (Hard Sub) Encoder….Min Wai Translated by Saw Lay

Depart from It (2025) အဲလစ်ဆစ်မိုင်းလ်လို့ခေါ်တဲ့ ဆယ်ကျော်သက်ကောင်မလေးတစ်ယောကက်က မူးယစ်ဆေးတွေ လူကုန်ကူးမှုတွေ လိင်အမြတ်ထုတ်မှုတွေကို ကျူးလွန်နေတဲ့လူတစ်ယောက်ရဲ့ သား‌ကောင်ဖြစ်ခဲ့ရပါတယ်။ ပျောက်ဆုံးသွားခဲ့ပြီး သူမကို ပြန်ကယ်တင်နိုင်ခဲ့ကာ ကျူးလွန်သူကို ထောင်ချနိုင်ခဲ့ပေမဲ့ သူမက အရင်တုန်းကလို ပြန်မဖြစ်နိုင်တော့ပါဘူး။ အဲလစ်ဆစ်ရဲ့အဖြစ်အပျက်ကို မြင်တွေ့ခဲ့ကြရတဲ့ သူ့သူငယ်ချင်းတွေကလည်း ကိုယ်စီစိတ်ဒဏ်ရာတွေရကုန်ကြပါတယ်။ အဲ့လိုနဲ့ ၁၈နှစ်‌လောက်အကြာ အဲလစ်ဆစ်က ကြီးပျင်းလာပေမဲ့ ကောင်းမွန်နေတဲ့ ဘဝတစ်ခုမှာရှင်သန်‌နေတာမျိုးတော့မဟုတ်ခဲ့ပါဘူး။ တစ်ရက်မှာတော့ အဲလစ်ဆစ်ရဲ့သူငယ်ချင်းတစ်ယောက်က သူ့ရည်းစားသတ်တာကို ခံလိုက်ရပါတယ်။ အဲ့ကနေ သူတစ်ချိန်က သိခဲ့ဖူးတဲ့ အသိုက်အဝန်းဆီကို ပြန်လာခဲ့ရပါတယ်။ တစ်ချိန်ထဲမှာပဲ ဒီပြစ်မှုတွေကို ကျူးလွန်ခဲ့တဲ့လူက လျှော့ရက်တွေနဲ့ လွတ်လာတာကြောင့် အဲလစ်‌ဆစ်တစ်ယောက် ပြန်လက်စားချေဖို့ ကြံစည်နေလိုက်ပါတယ်။ သူ့သူငယ်ချင်းတွေကတော့ အဲလစ်ဆစ်ကို ဘဝကိုရှေ့ဆက်နိုင်ဖို့ ကူညီနေကြတုန်းပါပဲ။ ဒီလိုနဲ့ပဲ အရင်ကကျူးလွန်ခဲ့တဲ့လူကရော အဲလစ်ဆစ်ကို အလွတ်ပေးပါ့မလား။ အဲလစ်ဆစ်တစ်ယောက်ကလည်း ဆယ်စုနှစ်ကြာ ဒဏ်ရာတွေကနေ ရုန်းထွက်နိုင်မလားဆိုတာကိုကြည့်ရှုကြရမှာဖြစ်ပါတယ်။ (အညွှန်းနဲ့ဘာသာပြန်ကတော့ Lwin ဖြစ်ပါတယ်။) File size… (3.2 GB) / (1.4 GB) Quality…. WEB-DL 1080p HEVC / 720p Format…. mkv/mp4 Genre…. Drama Duration…. 01:53:32 Subtitle…. Myanmar Subtitle (Hardsub) Encoder…. Benjamin Translated by Lwin

Uppu Kappurambu (2025) “သင်္ချိုင်းနေရာ” လူတစ်ယောက်သေဆုံးသွားတဲ့အခါ ကောင်းကောင်းမွန်မွန်မြှုပ်နှံပေးခြင်းဟာ ကျန်ရစ်သူတို့ရဲ့ချစ်ခြင်းတရားကို ပြသခြင်းတစ်မျိုးဖြစ်မယ် ထင်ပါတယ်။ ဒါတွေကလည်း လူတွေရဲ့အယူအဆနဲ့ အခြေအနေအပေါ် မူတည်ပြီး ကွဲပြားသွားမှာပါ။ အခုတင်ဆက်ပေးမဲ့ ကျေးလက်နောက်ခံ ဟာသ-ဒရာမာဇာတ်လမ်းဟာလည်း အဲဒီအကြောင်းကိုအခြေခံပြီး စိတ်ကူးဖန်တီး ရိုက်ကူးထားတာဖြစ်ပါတယ်။ ချစ်တီဂျေယာပူရမ်ဆိုတာ အနီးနားရွာတွေကြားမှာ ထူးခြားလှတဲ့ရွာလေးတစ်ရွာပါ။ အဓိကကတော့ သူ့ရဲ့သမိုင်းကြောင်းနဲ့ သေသူတွေကိုမြှုပ်နှံပေးရာမှာ ထူးခြားတဲ့ အလေ့အထကြောင့်ပါပဲ။ အဲဒီရွာလေးမှာ သေသူတိုင်းကို ပြီးစလွယ်မဟုတ်ဘဲ အုတ်ဂူတွေနဲ့ အသေအချာမြှပ်နှံပေးကြတဲ့ ဓလေ့ရှိပါတယ်။ အုတ်ဂူမှာလည်း နာမည် မွေးရက် သေဆုံးရက်တို့တင်မက သေဆုံးရတဲ့အကြောင်းကိုပါ ရေးထွင်းလေ့ရှိပါတယ်။ သေသူတွေကို ပြီးစလွယ်မမြှုပ်ကြတာဟာလည်း ရွာကလူတွေရဲ့ရှေးသမိုင်းကြောင်းတစ်ခုနဲ့ ဆက်စပ်နေတာကြောင့် ဖြစ်ပါတယ်။ ဒါပေမဲ့ တစ်နေ့တော့ သူတို့ရွာမှာ သင်္ချိုင်းနေရာရှားပါးလာပါတယ်။ သေသူကိုပြီးစလွယ်မြှုပ်နှံလို့မရတဲ့ သမိုင်းအစဉ်အလာကလည်း ရှိနေတာမို့ အဒီကိစ္စဟာ ရွာအတွက် ပြဿနာကြီးတစ်ခု ဖြစ်လာပါတော့တယ်။ အဲဒီအခါ အဖေ့နေရာကိုဆက်ခံပြီး မဖြစ်ချင်ဘဲ ရွာလူကြီးဖြစ်လာရတဲ့ အာပူဗာဆိုတဲ့မိန်းကလေးရယ်၊ သုဘရာဇာလေး ချင်နာရယ်၊ ရွာသူရွာသားတွေရယ် ပူးပေါင်းပြီး ရွာအတွက် ဘယ်လိုအဖြေရှာကြမလဲ၊ ဘာတွေကြုံတွေ့ရမလဲဆိုတာကို ဟာသနှောပြီး တင်ဆက်ထားတာမို့ ရယ်ရယ်မောမော ပေါ့ပေါ့ပါးပါး ကြည့်ရှုခံစားကြရမှာ ဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်တွေကတော့ CM Bollywood Team ဖြစ်ပါတယ်။)

IMDb rating 8.2, rotten tomatoes 99%, letterboxd 4.4 ထိရထားတဲ့ classic အဖြူအမည်းရုပ်ရှင်တစ်ပုဒ်နဲ့ မိတ်ဆက်ပေးပါရစေ ဒီရုပ်ရှင်ဟာ အော်စကာသမိုင်းမှာ အမျိုးသမီးဇာတ်ဆောင် ၄ နေရာထိ ဆန်ကာတင်စာရင်းဝင်ခဲ့တဲ့ ပထမဦးဆုံးရုပ်ရှင်ပါ ဆုတွေလည်း အများကြီး သိမ်းပိုက်ခဲ့ပါတယ် ပါဝင်သမျှ dialogue တိုင်းဟာ လေးနက်ပြီးကျစ်လျစ်တဲ့ မမေ့နိုင်စရာ runtime ၂ နာရီကြာတဲ့ ဒရာမာတစ်ပုဒ်ပါပဲ။ ဇာတ်ကောင်တစ်ယောက်ချင်းစီဟာ ကိုယ့်ဇာတ်ရုပ်ကို ဒီလူဟာ ဒီလိုပါလားလို့ တွေးမိစေရတဲ့ထိ ပီပီပြင်ပြင် ပုံဖော်နိုင်ခဲ့ကြပါတယ်။ တကယ်ကြည့်ကိုကြည့်သင့်တဲ့ ရုပ်ရှင်ကောင်းတစ်ပုဒ်မို့ ခံစားကြည့်ကြစေချင်ပါတယ် ဇာတ်လမ်းကတော့ အောင်မြင်ကျော်ကြားတဲ့ သက်လတ်ပိုင်းအရွယ် ပြဇာတ်သရုပ်ဆောင် Margo Channing ဟာ သူငယ်ချင်းဖြစ်သူ Karen ရဲ့ စောင်မမှုနဲ့ သူ့အပေါ် ဘုရားလိုကိုးကွယ်ရပါတယ်ဆိုတဲ့ Eve Harrington ဆိုတဲ့ မိန်းကလေးတစ်ယောက်နဲ့ ဆုံခဲ့တယ် သူတို့သူငယ်ချင်းတစ်စု ဒီကောင်မလေးရဲ့ အတိတ်ဇာတ်လမ်းကို နားထောင်ပြီး သနားကြင်နာမိကြလို့ Margo က သူ့ရဲ့လက်ထောက်အနေနဲ့ ခေါ်ခန့်ထားခဲ့တယ် လူတိုင်းအမြင်မှာ အပြစ်ကင်းစင်တဲ့ တက်ကြွပြီး ကြိုးစားတဲ့ Eve မှာ အကြံတစ်ခုရှိနေခဲ့တာကိုတော့ ဘယ်သူမှ မရိပ်မိခဲ့ကြပါဘူး Margo ရဲ့လက်ထောက်အဖြစ်လုပ်ရင်း ရက်သတ္တပတ်အနည်းငယ်ကြာတော့ လုပ်ငန်းကိစ္စအားလုံးနီးပါးဟာ Eve ရဲ့ သူ့လက်သူ့ခြေဖြစ်လာတယ် ဒါကိုသတိထားမိသူကတော့ Margo ရဲ့သူငယ်ချင်း Birdie တစ်ယောက်ပါပဲ ဒီလိုနဲ့ တစ်ရက်မှာတော့ Eve ဟာ Margo ရဲ့ချစ်သူ Bill ဆီ အပတ်တိုင်း စာပို့နေကြောင်း Margo သိလိုက်ရတယ် ဒီအချိန်ကျမှပဲ Eve ရဲ့ ထူးဆန်းတဲ့အချက်တွေကို သူ စတွေးမိလာပြီး သံသယတွေ ဝင်လာပါတော့တယ် Eve ကရော ဘာအကြံအစည်တွေရှိနေလဲ Margo စိတ်ထင်နေတာ မှန်ရဲ့လား ဒါက သူတို့သူငယ်ချင်းတစ်စုအပေါ် ဘယ်လိုသက်ရောက်မှုတွေ ရှိလာမလဲ ဆိုတာ ရုပ်ရှင်ထဲမှာ ဆက်လက်ရှုစားကြည့်ပါဗျ File size…(2.4 GB)/(1.8 GB) Quality….Blu-Rau 1080p / 720p Format… mp4 Duration…. 02:18:00 Genre… Drama Subtitle….Myanmar Subtitle (Hardsub) Encoder….Garfield Translated by Khey Ki