ကြောက်ရွံ့မှုသဘောတရားကို အခြေတည်ပြီးရိုက်ကူးထားတဲ့ Horror ကားသစ်တစ်ကားဖြစ်ပါတယ်။ ရွန်နဲ့ သူ့ချစ်သူတို့ဟာ ပိတ်ရက်ကို သူငယ်ချင်းတွေနဲ့ အတူတူပျော်ရွှင်စွာ ဖြတ်သန်းဖို့ ခရီးထွက်လာကြပါတယ်။ အခြေအနေက ဗိုင်းရပ်စ်ပိုးတွေ ကူးစက်မှု ငြိမ်နေတဲ့ကာလဖြစ်ပြီး ရွန်က သူ့ချစ်သူကို လက်ထပ်ခွင့်တောင်းမှာ ဖြစ်တဲ့အတွက် သူငယ်ချင်းတွေအားလုံး ဆုံဖြစ်အောင် လာကြတာပါ။ ရွန်က နာမည်ကြီးအကောင်းအားအကောင်းဆုံး ၀တ္ထုရေးဆရာဖြစ်ပြီး သူ့ရဲ့နောက်ထွက်မယ့်စာအုပ်အတွက် လေ့လာစုဆောင်းနေတုန်းဖြစ်ပါတယ်။ သူတို့တွေ တည်းခိုရမယ့်နေရာက စတော်ဘယ်ရီတည်းခိုရိပ်သာပါတဲ့။ အဲဒီရိပ်သာက လှပတဲ့တောအုပ်ထဲမှာရှိပြီး ပိတ်ရက်ကို အပန်းဖြေချင်သူတွေအတွက် ငှားပေးတာပါ။ အစက ရောက်ရောက်ချင်းမှာ ရွန်က ချစ်သူ ဘီရန်ကာကို လက်ထပ်ခွင့်တောင်းဖို့ စီစဉ်ထားတာဖြစ်ပေမယ့် တကယ်တမ်းကျတော့ မတောင်းဖြစ်လိုက်ပါဘူး။ ရိပ်သာမှာ သူတို့ကိုချက်ကင်၀င်ပေးတဲ့ အမျိုးသမီးကြီးက သူတို့အဖွဲ့ကို ဓာတ်ပုံရိုက်ပေးပြီး လက်ဆောင်အဖြစ် သူတို့ကိုယ်ပိုင်လုပ်တဲ့ ဝိုင်တစ်ပုလင်းပေးခဲ့ပါတယ်။ ညနေဘက်မှာ ရွန်တို့သူငယ်ချင်းတစ်စု စုဝေးကြတုန်း ရွန်က ဒီဒေသနဲ့ ဒီရိပ်သာရဲ့ သမိုင်းကြောင်းပုံပြင်ကိုပြောပြပါတယ်။ ဒီဒေသက အရင်က အမေရိကန်လက်အောက်မခံခင် စပိန်တွေရဲ့နယ်မြေဖြစ်ပြီး စုန်းမတွေနဲ့ ရိုးရာပွဲတွေ အစီအရင်လိုမျိုး တွေ ရှိခဲ့ပါတယ်တဲ့။ အဲဒီအကြောင်းတွေပြောရင်းနဲ့ ရွန်တို့က သူတို့ရဲ့ ကိုယ်စီအကြောက်ရွံ့ဆုံးအရာတွေကို ဖွင့်ဟပြောခဲ့ကြပါတယ်။ နောက်တော့ အပိတ်အနေနဲ့ လက်ဆောင်ရခဲ့တဲ့ ဝိုင်ပုလင်းကို ဖောက်သောက်ခဲ့ကြပါတယ်။ ဝိုင်က အရသာ ထူးဆန်းတဲ့အတွက် အကုန်တော့ မသောက်ခဲ့ကြပါဘူး။ အဲဒီကနေ ဇာတ်လမ်းစတာပါ။ တီဗီသတင်းမှာလည်း အမျိုးအမည်မသိ အရင်းမြစ်မသိတဲ့ ဗိုင်းရပ်စ်ပိုးက ပျံ့နှံ့နေပြီဖြစ်တဲ့အတွက် ကျန်းမာရေးဌာနက လူတွေအားလုံးကို အပြင်မထွက်ဖို့ ဂရုစိုက်ဖို့ကြေညာနေပါတယ်။ ရွန်တို့လည်း ရွေးစရာမရှိဘဲ ဒီရိပ်သာကြီးထဲမှာ ပိတ်မိနေကြပါတယ်။ ဒီမှာပဲ အောက်လမ်းအတတ်က အလုပ်စလုပ်နေပြီဖြစ်ပါတယ်။ သူတို့သူငယ်ချင်းတွေအားလုံး ထင်ယောင်ထင်မှားဖြစ်ပြီး ထိတ်လန့်စရာတွေ စဖြစ်လာပါတော့တယ်။ ဆက်ပြောရင် Spoil သလိုဖြစ်တော့မှာမို့ ဇာတ်လမ်းအကျဉ်းကို ဒီမှာတင် ရပ်လိုက်ပါမယ်။ သူတို့ကိုယ်စီ အကြောက်ဆုံးအရာတွေနဲ့ ရင်ဆိုင်ရပြီးနောက် သိလာရတဲ့ အကြောင်းအရာတွေက ဘာဖြစ်မလဲ... ဒီရိပ်သာကြီးနဲ့ ပတ်သက်တဲ့အမှန်တရားကရော ဘာလဲ... အဆုံးသတ်မှာ ဒီကြောက်စရာအဖြစ်ဆိုးကနေ လွတ်မြောက်အောင် သူတို့ဘယ်လို အဖြေရှာကြမလဲ...ဆိုတာတွေကို အသည်းတအေးအေးနဲ့ မျက်တောင်မခတ်တမ်း ကြည့်လိုက်ကြပါဦး။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size - 2.2GB, 560MB Quality - 1080p, 720p Format - mp4 Duration - 1H 38Min Genre - Horror Subtitle - Myanmar Subtitle (Hardsub) Translated by Shune Lai KK Encoded by Y

ကျွန်တော်တို့တွေ ကြားဖူးနေကျ မိထွေဇာတ်လမ်းတိုင်းလိုလိုမှာ သားသမီးဖြစ်သူနေရာက ဝင်ခံစားပြီး မိထွေးဖြစ်သူကို အဆိုးမြင်ခဲ့တာတွေများပါတယ်။ ဒါပေမဲ့ ကိုယ့်သားသမီးလည်းမဟုတ်တဲ့ကလေးတွေကို မိခင်တာဝန်ချက်ချင်းယူလိုက်ရတဲ့ မိထွေးနေရာကနေ တစ်ချက်ဝင်ခံစားကြည့်မယ်ဆိုရင်လည်း သိပ်လွယ်ကူတဲ့ကိစ္စမဟုတ်ဘူးဗျ။ ကလေးတွေရဲ့ငြိုငြင်မှုတွေ မိခင်အရင်ဖြစ်သူရဲ့ အမြင်မကြည်မှုတွေစတဲ့ အခက်အခဲတွေကို ရင်ဆိုင်ရတာချည်းပါပဲ။ ဒီဇာတ်ကားမှာလည်း မင်းသမီးကြီး Julia Robertsက Lucyနေရာကနေ သရုပ်ဆောင်ပြီး မကြာခင်မှာလက်ထပ်မယ့်ချစ်သူ Lukeရဲ့ ကလေးတွေနဲ့ အတူတူနေနေရပါတယ်။ ချစ်သူရပြီးမှ ဝုန်းကနဲ မိခင်တာဝန်ယူလိုက်ရတဲ့ Lucyအတွက်တော့ ကလေးတွေနဲ့ ကီးကိုက်အောင်ကြိုးစားပေမဲ့ စေတနာက ဝေဒနာဖြစ်သွားတာချည်းပါပဲ။ ကလေးတွေအတွက်ကျတော့လည်း အမေ့နေရာကို ဘာမဆိုင်ညာမဆိုင်ဝင်မလာတဲ့ အစိမ်းသက်သက်အမျိုးသမီးတစ်ယောက်ကို ဘယ်အမြင်ကြည်ပါ့မလဲ။ ဒါ့အပြင် ကျောင်းကြိုဖို့နောက်ကျနေတာတွေ ဟင်းကောင်းကောင်းမချက်တတ်တာတွေကြောင့် Lucyအတွက်တော့ ကလေးတွေနဲ့ အဆင်ပြေနိုင်ဖို့ ဝေလာဝေးပါပဲ။ ဒါပေမဲ့ Lucyကတော့ ဒါကိုစိန်ခေါ်မှုတစ်ရပ်အနေနဲ့ ကလေးတွေနဲ့ အဆင်ပြေပြေဖြစ်ဖို့ ကြိုးစားချင်နေဆဲပါ။ Lucyနဲ့ကလေးတွေအကြား ဘာတွေဆက်ဖြစ်မလဲ ကလေးတွေရဲ့အမေအရင်းနဲ့ရော ဘယ်လိုပြဿနာတွေကြုံရမလဲဆိုတာ ဆက်လက်ကြည့်ရှုလိုက်ကြရအောင်ဗျာ။ File Size :(1.9GB) and (823MB) Quality : BLU-RAY 1080P, 720p Format…mp4 Duration…02:05:00 Genre : Drama Subtitle : Myanmar Subtitle (Hard Sub) Translated by Jane Encoded by Phyo Pyae

ဒီဇာတ်ကားကတော့ 2007 က ထွက်ရှိခဲ့တဲ့ Ghost Rider Origin Story ရဲ့ အဆက်ဖြစ်ပါတယ်။ Ghost Rider 1 Elements တွေနဲ့ တိုက်ပွဲအပြီးမှာ identity ပေါ်သွားတဲ့ Jhonny Blaze ဟာ သူ့ရဲ့အောင်မြင်ကျော်ကြားတဲ့ ဘဝကို ချန်ထားခဲ့ပြီး ဆိုင်ကယ်တစ်စီးနဲ့ နှစ်ပေါင်းများစွာ လေလွင့်သွားလာနေခဲ့ပါတယ်။အဲ့လိုသွားလာရင်းနဲ့ သူ့ကိုယ်ထဲက နတ်ဆိုးကျိန်စာကို ဖြေနိုင်ဖို့ နည်းလမ်းတွေလည်းရှာဖွေခဲ့ပါတယ်။ တစ်နေ့မှာတော့ သူ့ဆီကို မော်ရူဆိုတဲ့ အရက်သမားဘုန်းတော်ကြီးတစ်ပါး ရောက်ချလာပါတယ်။ပြီးတော့ ကလေးတစ်ယောက်ကို ကယ်ပေးဖို့ အကူအညီတောင်းလာပါတယ်။အလဲအလှယ်အနေနဲ့ သူ့ကိုယ်ထဲက ကျိန်စာကို ဖြေပေးမယ်လို့လဲ ဆိုပါတယ်။ အဲ့ကလေးကလည်း တခြားသူမဟုတ်ပါဘူး။သူနဲ့ စာချုပ်ချုပ်ပြီး သူ့ကို လှည့်စားသွားတဲ့ နတ်ဆိုးရဲ့သားပါ။ဖြစ်ချင်တော့ အဲ့ကလေးဟာလည်း သူ့လို အပေးအယူတစ်ခုကြောင့် သဘာဝလွန် မွေးဖွားလာတာဖြစ်ပြီး နတ်ဆိုးရဲ့ အစွမ်းတွေကိုလည်း ပိုင်ဆိုင်ထားပါသေးတယ်။ ဒီကားမှာတော့ Jhonny Blaze တစ်ယောက် နတ်ဆိုးရဲ့ ကလေးကို ကယ်ရင်း သူ့ကိုယ်ထဲက ကျိန်စာကိုဖြေနိုင်ဖို့ကြိုးစားပုံကို မြင်တွေ့ရမှာ ဖြစ်ပါတယ်။ Ghost Rider အဖြစ် မင်းသားကြီး Nicolas Cage နဲ့ Moreau အဖြစ် မင်းသားကြီး Idris Elba တို့ကသရုပ်ဆောင်ထားပါတယ်။ File size…(1.9 GB)/(1.1 GB) Quality….BluRay 1080p HEVC/720p Format…mkv/mp4 Duration….01:35:31 Subtitle….Myanmar Subtitle (Hardsub) Encoder….Ka Naung Translated by Damien

ဒီတစ်ခါ CM ရဲ့ တရုတ်ကားကြိုက်သူလေးတွေအတွက် အစဉ်အလာမပျက် စွန်းဝူခုန်းဇာတ်ကြောင်းကို version တစ်မျိုးနဲ့ တင်ဆက်ထားတဲ့ Marble Mountain ဆိုတဲ့ကားလေးကို ဘာသာပြန်တင်ဆက်ပေးလိုက်ပါတယ်... ဒီဇာတ်လမ်းအကျဉ်းလေးကို ပြောပြရမယ်ဆိုရင်တော့... စွန်းဝူခုန်းဇာတ်ကြောင်းကို အရင်ဇာတ်ကားတွေလို မက်မွန်သီးခိုးစားလို့ လူ့ပြည်ရောက်လာတာလည်းမဟုတ်... အချစ်ဇာတ်လမ်းလေးကြောင့် စွန်းဝူခုန်းဖြစ်လာတာမျိုးမဟုတ်ဘဲ... လက်နက်မဲ့ ပြည်သူတွေအတွက် စွန့်စွန့်စားစား မိစ္ဆာတွေကို ချေမှုန်းခဲ့ရာကနေမှ တရားစစ် တရားမှန်ကို သဘောပေါက်နားလည်ပြီး စွန်းဝူခုန်းဖြစ်လာခဲ့တာလို့ ပြောင်းလဲ တင်ဆက်ပြထားတာပေါ့... ဒီဇာတ်လမ်းထဲမှာ တခြားဇာတ်ကောင်တွေနဲ့ တခြား ပုံစံဆန်းလေးတွေ တင်ဆက်ပြထားတာမို့ အက်ရှင်ကားတွေကြိုက်ပြီး စွန်းဝူခုန်းကားကိုမှကြည့်ချင်တယ်ဆိုသူတွေ ဒေါင်းကြည့်သင့်တာမို့ ကြည့်ဖြစ်အောင်ကြည့်လိုက်ကြနော်... Quality : WEB-DL 1080p , 480p Format : mp4 Genres : Fantasy , Adventure , Action Runtime : 1h 35 min Subtitle : Myanmar Subtitle ( Hardsub ) Translated by CM Team Encoded by LK

မြွေဖြူမြွေစိမ်းဇာတ်ကားလို့ပြောလိုက်ရင် အားလုံးက မြွေဖြူကိုအဓိကသရုပ်ဆောင်အဖြစ်ထားပြီး ရိုက်ကူးထားတဲ့ဇာတ်ကားတွေများပါတယ် ဒီတစ်ခါမှာတော့ ထူးထူးခြားခြား မြွေစိမ်းမလေးအဓိက ပါဝင်သရုပ်ဆောင်ထားတဲ့ The Fate Of Reunionဆိုတဲ့ ဇာတ်လမ်းလေးကို CMက တင်ဆက်ပေးလိုက်ပါတယ် ပုံမှန်အတိုင်း မြေစိမ်းမလေးရဲ့ နာမည်က ချင်းအာပါ ချင်းအာရဲ့ ချစ်သူ တောက်ချင်းက သူမကိုကယ်တင်ရင်း နတ်စည်းကမ်းကိုချိုးဖောက်မိလို့ လူသားအဖြစ်ပြန်ဝင်စားဖို့ အပြစ်ပေးခံလိုက်ရပါတယ် ချင်းအာက နှစ်ပေါင်းများစွာသူ့ရဲ့ချစ်သူကိုစောင့်မျှော်ရင်း ရှာဖွေနေရာမှ ချွဲလျန်ဆိုတဲ့ ဘုန်းကြီးတစ်ပါးနဲ့တွေ့သွားပါတယ် (ချွဲလျန်ကတော့ တောက်ချင်းရဲ့ လူဝင်စားထားတဲ့ နောက်တစ်ဘဝပါ) ဘုန်းကြီးဆိုတော့ အားလုံးသိတဲ့အတိုင်းမိစ္ဆာတွေကိုနိပ်နင်းရင်း မြွေစိမ်းနဲ့တွေ့ရာမှ ဘယ်လိုဆက်ဖြစ်မလဲဆိုတာကို အားလုံးဆက်လက်ကြည့်ရှုလိုက်ရအောင် Quality : WEB-DL 1080p , 480p Format : mp4 Genres : Romance , Fantasy Runtime : 1h 27 min Subtitle : Myanmar Subtitle ( Hardsub ) Translated by Xing Er Encoded by LK

IMDb Rating - 6.2/10 ဂီတဝါသနာရှင်တို့အတွက် inspiring ဖြစ်စရာဂီတ ရုပ်ရှင်လေး တစ်ပုဒ် ထပ်မံထွက်ရှိလာပါတယ်။ ဒီဇာတ်လမ်းဟာ ကန်းထရီး သီချင်းတွေ ကြိုက်နှစ်သက်သူတွေအတွက်လည်း ဘ၀င်ကျစရာ ဇာတ်လမ်းတစ်ပုဒ်ပါ။ ပါ၀င်တဲ့ ဇာတ်၀င်တေးတွေကလည်း ကန်းထရီးသီချင်းတွေပီပီ မြုးကြွချိုမြနေပါတယ်။ ဒီဇာတ်လမ်းရဲ့ ဇာတ်လိုက်ကျော်မလေးကတော့ ဟေးလီဆိုတဲ့ ကောင်းဘွိုင်မလေးပါပဲ။ သူဟာ ဂီတကို ဝါသနာပါပြီး အဘွားဖြစ်သူလို နာမည်ကျော် အဆိုတော် ဖြစ်ချင်သူပါ။ တစ်နေ့တော့ ဟေးလီရဲ့ အဖေဟာ သူ မကျူးလွန်တဲ့ ပြစ်မှုအတွက် ထောင်ကျသွားတော့ မိခင်ဖြစ်သူမှာ သားအမိသုံးယောက်စာ ငွေရှာရ ခက်ခဲတဲ့အတွက် ဟေးလီတို့ညီအစ်မ နှစ်ယောက်ကို အဖွားဖြစ်သူနဲ့အတူ နေစေခဲ့ပါတယ်။ ဒီလိုနဲ့ ဟေးဘီ တစ်ယောက်ဂီတ လမ်းကြောင်းပေါ် ရောက်မယ့် ကံကြမ္မာနဲ့ ဆုံလာခဲ့ပါတယ်။ ဟေးလီရဲ့ အဘွားဖြစ်သူ စေတနာ့၀န်ထမ်းလုပ်တဲ့ လူမှုရေးစင်တာတစ်ခုမှာ ဟေးလီ ဂစ်တာတီးသီချင်းဆိုနေတာကို ရုဖက်စ်ဆိုတဲ့ ကောင်လေးက ကြားသွားပြီး တေးရေး-တေးဆိုလုပ်ဖို့ သူ့ကို ကမ်းလှမ်းလာပါတော့တယ်။ ဒါပေမယ့်ပထမဆုံး ဖျော်ဖြေမှုမှာ စင်ကြောက်ပြီး မဖျော်ဖြေနိုင်ခဲ့တဲ့အပြင် ကိုယ်စားလှယ်ကပါ အပြစ်တင်လိုက်တော့ ဟေးလီစိတ်ဓာတ်တွေ အောက်ဆုံးထိ ထိုးကျသွားပြီး လုံး၀ သီချင်းမဆိုဖို့ဆုံးဖြတ်လိုက်ပါတော့တယ်။ သို့ပေမဲ့ ရုဖက်စ်က သူ့ကို ပြန်လာခေါ် ပြီးအဆိုတော်ကောင်း ဖြစ်နိုင်ဖို့ ပြန်လေ့ကျင့်ပေးတဲ့ အချိန်မှာ သူ့ရဲ့ အနာဂတ်လေးဟာပြန်လည် ထွန်းလင်းတောက်ပလာခဲ့သလားဆိုတာကတော့ . . . (ဒီဇာတ်လမ်းရဲ့ အညွှန်းကို Yoon Sandi Aung မှရေးသားပေးပြီး၊ ဘာသာပြန် ရေးသားပေးသူများကတော့ CM Team  မှဖြစ်ပါတယ်။) File Size - (1.75 GB) / (862 MB) / (581 MB) Quality – WEB-DL 1080p / 720p / 480P Duration - 1Hr 33Mins (@Episode) Subtitle – Myanmar Hardsub Format – MP4 Genre : Drama, Music Translator – CM Team Encoder – SWM

Platform 9¾ ကနေ ပြန်လည် ကြိုဆိုပါတယ်။ Hogwarts ရထားကြီးနဲ့ wizarding world ကို အလည်တစ်ခေါက် ထပ်သွားပြီး Chapter တစ်ခုချင်းစီကို အစဉ်လိုက် ပြန်အလွမ်းသည်ကြမယ်ဗျာ ... ခင်ဗျားက muggle မဟုတ်ရင်တော့ အသက်ရှင်ကျန်ခဲ့သူ ကောင်လေးအကြောင်း ကြားဖူးပြီးသားဖြစ်မှာပါ ... သူ့နာမည်က Harry Potter တဲ့ .. ထင်ရှားတဲ့အမှတ်အသားဆို နဖူးမှာ အမာရွတ်လေးနဲ့ မှန်ကြောင်ကောင်လေးတစ်ယောက်ပါပေါ့ ။ ဒီ အမာရွတ်လေး ရခဲ့တဲ့ ညကနေ စလို့ သူဟာ သူကိုယ်တိုင် မသိပါဘဲ မှော်လောကမှာ ကျော်ကြားလာခဲ့တယ်... မနာခံသူ မှန်သမျှ အရှင်မထားတတ်တဲ့ မှော်ဆရာကြီး တစ်ယောက်ရဲ့ လက်က လွတ်မြောက်ခဲ့သူအဖြစ်ပေါ့... မှော်ဆရာကြီးက ဘယ်သူလဲတော့ လာမမေးပါနဲ့ ... ကျွန်တော်တို့ သူ့နာမည်ကို ထုတ်မပြောကြဘူး ... သိုပေမဲ့ Harry Potter ဆိုတဲ့ မှော်ဆရာလေးကတော့ ငယ်ငယ်ရွယ်ရွယ်နဲ့ ရဲစွမ်းသတ္တိအပြည့်မွေးပြီး ရွန်၊ ဟာမွိုင်နီဆိုတဲ့ သူငယ်ချင်း ၂ ယောက်နဲ့အတူ ဒီမှော်ဆရာကြီးနဲ့ အချိန်အကြာကြီး ရင်ဆိုင်ခဲ့ပါတယ် ... အဆိုးနဲ့အကောင်း အမှောင်နဲ့အလင်း အမည်းနဲ့အဖြူလို ဆန့်ကျင်နေတဲ့ ဒီ မှော်ဆရာ ၂ ယောက်ရဲ့ တိုက်ပွဲရှည်ကြီးကို ပြန်လှန်လေ့လာလိုက်ကြပါစို့... မြန်မြန်တက်ကြဗျို့ Hogwarts ရထားကြီး ထွက်တော့မယ် !! File size…(5 GB) /(1.6 GB)/(900 MB) Quality….BluRay 4K HEVC/1080p /720p Format…mkv/mp4 Duration….02:26:02 Subtitle….Myanmar Subtitle (Hardsub) Encoder….Nyeinsaeya Aung Translated by Min Thet Oo

IMDb - 7.6/10_____Rotten - 90% ဒီဇာတ်ကား အကြောင်းမပြောခင်မှာ Planet of the Apes အကြောင်း နည်းနည်းပြောပြချင်ပါတယ်။ Planet of the Apes ဇာတ်လမ်းတွေက ၁၉၆၈ ထဲက စတင် ရိုက်ကူးခဲ့တာဖြစ်ပြီး၊ Planet of the Apes (February 8, 1968), Beneath the Planet of the Apes (May 27, 1970), Escape from the Planet of the Apes (May 21, 1971), Conquest of the Planet of the Apes (June 29, 1972), Battle for the Planet of the Apes (June 15, 1973) ဆိုပြီး ၅ ကားရှိခဲ့သလို၊ Mark Wahlberg ရဲ့ ၂၀၀၁ ခုနှစ် Remake ဆိုပြီး ရှိပါတယ်။ လက်ရှိဇာတ်ကားတွေကတော့ ဒီ Series ရဲ့ Reboot တွေဖြစ်ပြီး Rise of the Planet of the Ape က ပထမဆုံး ဇာတ်ကားဖြစ်ပါတယ်။ ၁၉၆၈ ခုနှစ်က ဇာတ်ကား နဲ့ ဇာတ်လမ်းမတူတော့ပဲ၊ ဇာတ်လမ်း သဘောတရားကိုပဲ ပြန်ယူသုံးထားတာဖြစ်ပါတယ်။ အခု Dawn of the Planet of the Apes ဇာတ်ကားကတော့ ၁၉၆၈ Planet of the Apes ပြီးရင် အကောင်းဆုံး ဇာတ်ကားလို့ သတ်မှတ်လို့ရ လောက်အောင်ကောင်းပါတယ်။ ဇာတ်လမ်းကတော့ Rise of the Planet of the Apes အပြီးမှာ၊ မျောက်တွေ လွတ်သွားသလို၊ သူတို့ ကို စမ်းသပ်နေတဲ့ Virus ပြန်သွားပြီး လူတော်တော်များများ သေကုန်ကြပါတယ်။ Caesar ဦးဆောင်တဲ့ မျောက်တွေကတော့ San Francisco မြို့နားကတောထဲမှာ အေးအေးဆေးဆေးနေနေ ကြပါတယ်။ ဒါပေမယ့် တစ်ရက်မှာ အမှတ်မထင် ပဲ မင်းသား Malcolm (Jason Clark) ဦးဆောင်တဲ့ လူတွေရောက်လာပြီး၊ မျောက်တစ်ကောင်ကို သေနတ်နဲ့ ပစ်မိသွားတာကနေစပြီး ဘာတွေဖြစ်လာကြမလဲဆိုတာ…………။ ဒီဇာတ်ကားက အကောင်း ဆုံး အထူးပြုလုပ်ချက်တွေနဲ့ ပုံဖော်တင်ပြထားပါတယ်။ ကောင်းမွန်တဲ့ အထူးပြု လုပ်ချက်တွေကြောင့် လူဝံတွေရဲ့ ဒေါသ၊ ဆုံးရှုံးမှု၊ နာကြည်းချက်နဲ့ ခံစားမှုတွေကို ပရိသတ်တွေကပါ လိုက်ပါခံစားရပါတယ်။ အထူးသဖြင့် လူဝံ ခေါင်းဆောင် Caesar အဖြစ် သရုပ်ဆောင်ချက် တွေဟာ အော်စကာတစ်ကြိုပေး မှုနဲ့ ထိုက်တန်တယ်လို့ ဝေဖန်ရေး ဆရာတွေက ရေးသားထားပါ တယ်။ Caesar အဖြစ် သရုပ် ဆောင် Andy Serkis က သရုပ် ဆောင်ထားတာပါ။ နောက်တစ်ခု မှတ်မှတ်ရရ ဝေဖန်ရေးဆရာတွေ ပြောကြ တာကတော့ Dawn of the Planet of the Apes ဇာတ်ကားဟာ ခေါင်းဆောင်မှုအရည်အသွေး တွေကို အထူးအမွှမ်းတင်ထားတဲ့ ကားလို့ ဆိုပါတယ်။ အရမ်းကောင်းတဲ့ဇာတ်ကားကောင်းတစ်ကားပါ။ လူနဲ့ မျောက်လို့ဆိုပေမယ့်၊ အသွင်မတူတဲ့ လူတွေ တူတူ မနေနိုင်တဲ့သဘာဝကို ထင်ဟပ်ပြထားပါတယ်။ စစ်ရဲ့ ဆိုးကျိုးနဲ့ သဘောတရားကို လည်း လူတွေ မြင်သာအောင် တင်ဆက်နိုင်ခဲ့ပါတယ်။ ဘာသာပြန်  ကျော်ကျော် (CU-Mdy) ရဲ့ စာဖိုင်ကို အသုံးပြုထားပြီး Myanmar & English  ၂ မျိုး ပြောင်းလဲ ကြည့်ရှုနိုင်တဲ့ BluRay Movie အဖြစ် တင်ဆက်ပေးထားပါတယ်။ ဒီရုပ်ရှင်ကားကို Myanmar & English စတဲ့ Subtitle ၂ မျိုးကို ပြောင်းကြည့်နိုင်သလို စာတန်းထိုး ကိုလဲ ဖျောက်ပြီး ကြည့်နိုင်ပါတယ် မြန်မာစာ ရှိသော မည်သည့် ကွန်ပြုတာ ၊ လပ်တော့ ၊ Device မဆို Phone & Tablet မဆို မြန်မာစာ မရှိသော MKV စနစ်ကို Support လုပ်သော Device များတွင်လဲ Subtitle ကို ပြောင်းကြည့် ဖျောက်ကြည့်နိုင်ပါသည်။ File Size - 4.1 GB Quality - Bly-Ray 1080p Format - mkv Duration - 02:10:00 Subtitle - English & Myanmar (Unicode/Zawgyi) Translator - ကျော်ကျော် (CU-Mdy) Encoder - Thit San Khant

Toshimaen:Haunted Park (2019) ကျိန်စာနဲ့ သည်းထိတ်ရင်ဖိုသရဲဇာတ်လမ်းတွေကို စိတ်ဝင်စားကြတဲ့သူတွေအတွက် ကောင်မလေးတစ်သိုက်နဲ့တိုရှိမအန်ကျိန်စာအကြောင်း ဇာတ်ကားကိုတင်ဆက်ပေးလိုက်ပါတယ် ။ အထက်တန်းကျောင်းတည်းက ခင်ခဲ့ကြတဲ့ကောင်မလေးတစ်စုက ၃နှစ်ကြာမှ ပြန်ပြီးဆုံကြပါတယ်။ သူတို့အထဲက “စခိ”ဆိုတဲ့ကောင်မလေးက နိုင်ငံခြားမှာပညာတော်သင်သွားတော့မှာဖြစ်လို့ နှုတ်ဆက်ရင်းပြန်ဆုံကြတာပါ။ သူတို့က ကျောင်းသူဘဝမှာတည်းက ဖုန်းအလွန်သုံးပြီး အင်တာနက်နဲ့အကျွမ်းတဝင်ရှိကြပါတယ်။ သူတို့ရဲ့သူငယ်ချင်းတစ်ယောက်ဖြစ်တဲ့ ယုက ကတော့ လွန်ခဲ့တဲ့နှစ်တွေမှာ ရုတ်တရက်ပျောက်ဆုံးသွားခဲ့ပါတယ်။ ဒီနေ့မှာတော့ ပြန်ဆုံတဲ့ပွဲအတွက် အသွားမှာ “စခိ”က ပျောက်သွားတဲ့ယုကရဲ့ အမေဖြစ်သူနဲ့ဆုံခဲ့ပါတယ်။ စခိနဲ့ယုက က အရမ်းခင်ခဲ့တာမို့ ကစားကွင်း ဝင်ခွင့်အခမဲ့လက်မှတ်တွေကို ယူထားဖို့ပေးခဲ့ပါတယ်။ ဒီလိုနဲ့တွေ့ဆုံပွဲကိုရောက်တော့ ကျန်တဲ့သူငယ်ချင်းတွေကပါ ကစားကွင်းကိုသွားချင်နေတာမို့ သွားဖို့စီစဉ်လိုက်ကြပါတယ်။ သူတို့သွားတဲ့ကစားကွင်းမှာ တိုရှိမအန်ကျိန်စာဆိုတာရှိပါတယ်။ စည်းကမ်းချက်တွေထဲက တစ်ချက်ကို ဖောက်ဖျက်မိတာနဲ့ လျှို့ဝှက်နေရာကိုထာဝရခေါ်ဆောင်သွားခံရတော့မှာပါ။ ဒီလိုနဲ့ သူတို့သူငယ်ချင်းတစ်စုလည်း ဒီကျိန်စာကို စမ်းသပ်ကြည့်ဖို့ဖြစ်လာတဲ့အခါ သူတို့ကိုယ်တိုင်ကလည်း အကြောင်းအရင်းတစ်ခုကြောင့် ဒီကျိန်စာနဲ့ပြန်ပတ်သက်ရဖို့ ဖြစ်လာတာမို့ ဘာတွေကြုံရမလဲ ဘယ်လိုတွေကျိန်စာမိကြမလဲဆိုတာကို ကြည့်ရှုရမှာဖြစ်ပါတယ်။ ( ဘာသာပြန်ပြီး အညွှန်းရေးသားထားသူကတော့ Ingyin San ပါ ) File Size__(1.6GB) / (800MB) Quality__WEB-DL_1080p, 720p IMDb Rating__5.5/10 Format__mp4 Duration__01:32:00 Type__Horror Subtitle__Myanmar Subtitle (Hardsub) Translated by Ingyin San Encoded by Naing Aung Latt

The Communion Girl (2022) ===================== Horror ဇာတ်လမ်းဆိုရင် Annabelle ကို ပြေးမြင်ရတဲ့အထိ အရုပ်လေး တစ်ရုပ်ရဲ့ ဖြစ်တည်မှုက လူတွေကို Trauma ရတဲ့အထိ သွေးပျက်စေခဲ့ဖူး တယ်မဟုတ်လား။ ဒီဇာတ်လမ်းကလည်း အရုပ်လေးတစ်ရုပ်ကနေ စတင် လာခဲ့တဲ့ ကြောက်မက်ဖွယ် ကျိန်စာသင့်ဇာတ်လမ်းလေးတစ်ပုဒ်ပါပဲ။ ဆာရာ ဆိုတဲ့ ကောင်မလေးတို့ မိသားစုက မြို့လေးတစ်မြို့ဆီကို ပြောင်း ရွှေ့လာကြတဲ့ လူသစ်တွေပါ။ နေရာအသစ် ကျောင်းအသစ်မှာ ဆာရာ့ အတွက် တစ်ဦးတည်းသောအဖော်က ရေဘက်ကာဆိုတဲ့ ခပ်ဆိုးဆိုး ကောင်မလေးတစ်ယောက်ပါပဲ။ တစ်ရက်မှာတော့ ဆာရာတို့ သူငယ်ချင်း နှစ်ယောက် တခြားမြို့က ကလပ်တစ်ခုဆီ သွားပျော်ခဲ့ကြတယ်။ အပြန်လမ်း မှာတော့ ကလပ်မှာတွေ့ခဲ့တဲ့ ကောင်လေးနှစ်ယောက်ရဲ့ကားကို လိုက်စီး ကြရင်း တောလမ်းတစ်နေရာစီ အရောက်မှာတော့ ဝတ်စုံဖြူဝတ်ထားတဲ့ ကောင်မလေးတစ်ယောက်ကို ကားနဲ့ တိုက်မိမလို ဖြစ်သွားခဲ့တယ်။ သူတို့တွေ ကားပေါ်ကနေ ဆင်းပြီး ရှာကြတဲ့အချိန်မှာတော့ ကောင်မလေး အစား အရုပ်လေးတစ်ရုပ်ကိုပဲ တွေ့ခဲ့ကြရတယ်။ မြို့ခံကောင်လေးတွေက တော့ ဒီအရုပ်ရဲ့ ရာဇဝင်ကို သိထားကြပေမဲ့ ဆာရာကတော့ မသိခဲ့ပါဘူး။ ဒီလိုနဲ့ ဆာရာတစ်ယောက် အဲဒီအရုပ်လေးကို အိမ်ကိုသယ်လာခဲ့ပြီး နောက် ပိုင်းမှာတော့…….။ အရုပ်ဆိုရင် မြင်တောင်မမြင်ချင်တဲ့အထိ ဖြစ်စေဦးမှာပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ May The Khine Soe ဖြစ်ပါတယ်) File Size……….(1.25 GB) / (503 MB) Quality…………WEB-DL 1080p / 720p Duration………1Hr 38Min Subtitle………..Myanmar Hardsub Format…………MP4 Genre…………..Horror Translator……May The Khine Soe Encoder……….Zin Phyo Aung

Major Payne (1995) Genre – Adventure, Comedy, Family IMDB – 6.3/10 မေဂျာပိန်းဆိုတာက အမေရိကန်စစ်တပ်က အားထားရတဲ့ အထူးရှယ် လူသတ်လက်နက်ကြီးပေါ့။ ဒါပေမဲ့ နောက်ထပ် စစ်မြေပြင်တွေ မရှိတော့တဲ့အခါမှာ မေဂျာပိန်းအတွက် အလုပ်လက်မဲ့ ဖြစ်ခဲ့ရပါတော့တယ်။ အရပ်သားဘဝနဲ့ ကြိုးစားနေကြည့်တော့လည်း အဆင်မပြေမှုပေါင်းများစွာနဲ့ ဖြတ်သန်းနေရရော။ ဒီလိုနဲ့ အထက်အရာရှိကို တောင်းပန်ပြီး စစ်တပ်နဲ့ သက်ဆိုင်ရာ အသတ်အဖြတ်အလုပ်လေး တောင်းကြည့်တော့ အကယ်ဒမီကျောင်းတစ်ခုက ပရိုဂရမ်နဲ့ ဗိုလ်လောင်းလေးတွေကို နည်းပြလုပ်ရမယ်ဆိုပြီး အလုပ်တစ်ခု ရသွားခဲ့တယ်။ ဖြစ်ချင်တော့ ဗိုလ်လောင်းတွေဆိုတာက တကယ့်ကို နှပ်ချေးတွဲလောင်း ၆ နှစ်သားလောက်ကစပြီး ဆယ်ကျော်သက်အရွယ်ထိ အရွယ်စုံ လူစုံ ပေါင်းစုံ စုဝေးထားတဲ့ မျှော်လင့်ချက်မဲ့ ဗရုတ်သုတ်ခ ကလေးတစ်သိုက် ဖြစ်နေပါတယ်။ အဲဒီမှာတင် စည်းကမ်းတင်းကြပ်လွန်းတဲ့ မေဂျာပိန်းတစ်ယောက် ကလေးတစ်သိုက်ကို ဘယ်လိုတွေ ပြုစုပျိုးထောင် လေ့ကျင့်ပေးသွားမလဲ၊ အကြံပေးဆရာမလေးရဲ့ အကူအညီကို ဘယ်လိုယူပြီး ပြောင်းလဲသွားမလဲ၊ သံမဏိစိတ်ဓာတ်နဲ့ အသည်းမာတဲ့ မေဂျာပိန်းတစ်ယောက် သူ့တပ်ဖွဲ့မှာ ဘုနဲ့ဘောက် ဘယ်လိုတွေ ဆက်ဖြစ်မလဲဆိုတာကို ရယ်မောစရာလေးတွေနဲ့ တင်ဆက်ထားတဲ့ ၉၀ ခုနှစ် ကာလရဲ့ မိသားစု ဟာသကားလေးပဲ ဖြစ်ပါတယ်။ File size… 2.8 GB / 1.2 GB Quality… BluRay 1080p / 720p Format… mp4 Duration…. 1h 35m Genre ….. Family , Comedy Subtitle…. Myanmar Subtitle (Hard Sub) Encoder…. Thit San Khant Translated by Thura Aung

Close Your Eyes (2017) *********************** အခုတစ်ခေါက် တင်ဆက်ပေးချင်တဲ့ ဇာတ်ကားဟောင်းလေးကတော့ 2017 တုန်းက ထွက်ခဲ့တဲ့ Close Your Eyesဆိုတဲ့ ဇာတ်ကားလေးပဲဖြစ်ပါတယ်။ သရုပ်ဆောင်တွေအနေနဲ့ကတော့ B1A4ရဲ့ အဖွဲ့ဝင်ဟောင်း ချာဆွန်းနူ(ဘာရို)နဲ့ Twinkling Watermelon ဇာတ်လမ်းတွဲထဲက မင်းသမီးလေး ဆောအင်နာတို့ပဲဖြစ်ပါတယ်။ ဂင်ဟျွန်းဝူဟာ ဈေးဝယ်စင်တာထဲမှာ သီချင်းဆိုဖျော်ဖြေတဲ့သူတစ်ယောက်ပါ။ တစ်နေ့မှာ သူသီချင်းဆိုပြီးလို့ ခဏနားနေတဲ့အချိန် ယောက်ျားတစ်ယောက်က သူ့ဘေးနားလာပြီး အဲဒီလူရေးနေတဲ့ လူသတ်ဝတ္ထုအကြောင်းပြောပြလာပါတယ် .. ထိုအချိန်ကစပြီး ဂင်ဟျွန်းဝူနေထိုင်ရာ ရပ်ကွက်မှာလည်း ကွင်းဆက်လူသတ်မှုကြီးတစ်ခု ဖြစ်ပေါ်လာပါတော့တယ်။ ကိုယ်ကြားသိထားတဲ့ဝတ္ထုဇာတ်လမ်းထဲကအတိုင်း အပြင်မှာ လူသတ်မှုဖြစ်နေတဲ့အပြင် လူသတ်မှုရဲ့နစ်နာသူတွေကပါ ကိုယ့်အနီးနားကသူတွေဖြစ်နေတဲ့အခါ… ဂင်ဟျွန်းဝူတစ်ယောက် ဘာဆက်လုပ်မလဲ… လူသတ်သမားကရော ဘယ်သူဖြစ်မလဲဆိုတာကိုတော့ Close Your Eyes ကားလေးမှာ အဖြေရှာလိုက်ကြည့်ကြပါစို့နော် .. (အညွှန်းကို Double M မှ ရေးသားပေးထားပါတယ်) File size…2.39GB / 860MB Quality… WEB-DL 1080p/ 720p Format…mp4 Duration….2 hr. 24 min. Genre ….. Thriller, Mystery, Crime, Drama Subtitle….Myanmar Subtitle (Hard Sub) Translated by Double M Encoded by AHtet

Far Haven (2023) IMDb Rating (5.8) / Rotten Tomatoes (67%) ကောင်းဘွိုင်ချစ်သူတို့အတွက် ကောင်းဘွိုင်ဆန်ဆန် မိသားစု ဇာတ်ကားလေးဖြစ်ပါတယ်။ ဒီဇာတ်ကားဟာ IMDB မှာ 5.8 အထိပဲရရှိထားတယ်ဆိုပေမယ့် ဆုပေါင်း ၅ ဆုနဲ့ ဆန်ကာတင်စာရင်း ၇ ခုအထိ ချိတ်ထားခဲ့တဲ့ ဇာတ်ကားကောင်းတစ်ကားဖြစ်ပါတယ်။ ဒီဇာတ်လမ်းထဲမှာတော့ ကောင်းဘွိုင်တစ်ယောက်ရဲ့ မိသားစုဘဝကို ဇာတ်အိမ်တည်ထားပြီးတော့ ဇာတ်လမ်း နောက်ခံကို နည်းနည်းပေးနာထားပါတယ်။ ဇာတ်လမ်းအကျဉ်း ဟန်တာဘရက်ဒေါ့လို့ခေါ်တဲ့ ကောင်းဘွိုင်ရွာက ယောက်ျားသားတစ်ယောက်ဟာ အချိန်တန်တော့ စစ်တပ်ထဲဝင်ခဲ့ပါတယ်။ ဒါပေမဲ့ စိတ်ကောင်းစွာနဲ့ဘဲ အမေရိကန်တို့ရဲ့ထုံးစံအတိုင်း အချုပ်အခြာအာဏာစနစ်သည်သာ အဓိကဖြစ်တဲ့အတွက် အထက်လူကြီးရဲ့စကားကို လက်အောက်ခံတပ်သားတွေက ဖီဆန်ခွင့်မရှိပါဘူး။ သို့ပေမယ့်လည်း ကိုယ့်ရဲ့အထက်လူကြီးက စစ်သုံးပန်းဖြစ်သော်ငြားလည်း အပြစ်မဲ့တဲ့ အမျိုးသမီးနဲ့ ကလေးတွေကို ရက်ရက်စက်စက် ပစ်သတ်ခိုင်းတဲ့အခါမှာ ဘရက်ဒေါ့ဟာသည်းမခံနိုင်ဘဲ တာဝန်ထမ်ဆောင်ရင်းတန်းလန်း စစ်တပ်ထဲက ရဲဘော်ရဲဘက်တွေကို ချန်ထားခဲ့ပြီးအိမ်ပြန်လာခဲ့ပါတယ်။ ဒီလိုနဲ့ ဥပဒေရဲ့အထက်မှာ ဘယ်သူမှမရှိဆိုသလိုပဲ အချိန်တန်တဲ့အခါ ဘရက်ဒေါ့ဟာထောင်ချခံလိုက်ရပါတယ်။ ဖြစ်ချင်တော့ ဒီကိစ္စတွေအားလုံးကို သူ့ရဲ့ဆုံးပါးသွားတဲ့ အမျိုးသမီးကလွဲရင် ဘယ်သူမှမသိပါဘူး။ ဒီလိုနဲ့ သူ့ရဲ့ ထောင်ဒဏ်ပြည့်သွားတဲ့အခါ နေရပ်ကျေးရွာကို သစ္စာဖောက်နာမည်တပ်ခံရပြီး ပြန်လာခဲ့ပါတယ်။ ဒီလိုနဲ့ ငကြောက်လို့ ရွာကလူကြီးတွေ မုန်းနေခဲ့ကြတဲ့ ဘရက်ဒေါ့ဟာ လူအများထင်ခဲ့သလို သူရဲဘောကြောင်တဲ့သူမျိုးမဟုတ်ဘဲ ရွာတကယ်အရေးကြုံလာတဲ့အခါမှတော့ ရဲစွမ်းသတ္တိကို ပြသနိုင်ခဲ့ပါတယ်။ Far Haven “ရပ်ဝေးမြေကနားခိုရာ” ဆိုတဲ့ဒီဇာတ်ကားမှတော့ လက်ရုံးရည်သာမက နှလုံးရည်ကိုပါ ကွက်ကွက်ကွင်းကွင်းရိုက်ထားတာဖြစ်လို့ တနည်းတဖုံ entertain လုပ်ပေးနိုင်မယ့် ဇာတ်ကားတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size…(2.3 GB) / (1.2 GB) Quality….WEB-Rip 1080p HEVC / 720p Format…. mkv/mp4 Genre….Action, Drama, Western Duration….01:41:46 Subtitle….Myanmar Subtitle (Hardsub) Encoder….Benjamin Translated by Mark

American Pie ဇာတ်ကားတွေဆိုတာနဲ့ အူတက်အောင် ရယ်နေရတဲ့ ကျောင်းသားဟာသ အခွီကားတွေမှန်း သိကြမှာပါ။ ဒါပေမယ့် အဲ့လိုဟာသက်သက် အပြောင်အပျက်ဇာတ်ကားတွေမဟုတ်ဘဲ သူ့မှာ တခြားအဓိပ္ပါယ်ရှိတဲ့ ချစ်ခြင်းမေတ္တာ နွေးထွေးမှုတွေအကြောင်း အများကြီးပါဝင်နေပါတယ်။ ဒါကို ရှင်းပြဖို့ဆို American Pie ဇာတ်ကားတွေကို အပိုင်း (၂)ပိုင်းနဲ့ ရှင်းပြဖို့လိုပါတယ်။ American Pie ရဲ့ Original မူလဇာတ်ကြောင်းက ဇာတ်ကား (၄) ကားပဲရှိတယ်။ – American Pie (1999) – American Pie 2 (2001) – American Wedding (2003) – American Reunion (2012) ဒီရုပ်ရှင်ကား ၄ ကားသာလျင် သရုပ်ဆောင်တွေရော ဇာတ်လမ်းရောက တဆက်တည်းဖြစ်ပါတယ်။ လူငယ်သဘာဝ လူပျိုဖော်ဝင်စ အပျိုဖော်ဝင်စ ပြသနာတွေနဲ့ ကျောင်းသားဟာသတွေကို အစပြုထားပြီးတော့ သူငယ်ချင်းတွေကြားက ခင်မင်မှုတွေ၊ ချစ်သူတွေကြားက ကြင်နာယုယမှုတွေ၊ မိသားစုတွေကြားက နွေးထွေးတဲ့မေတ္တာတွေကို အဓိကထားတင်ဆက်ထားတာမလို့ ရယ်လဲရယ်နေရသလို နွေးထွေးတဲ့ ချစ်ခြင်းမေတ္တာတွေအကြောင်းကိုလဲ ခံစားမိစေမှာပါ။ ဒီရုပ်ရှင်ကား ၄ ကားစလုံးရဲ့ ကုန်ကျစရိတ်က Budget $147 million ခန့်သာရှိခဲ့ပေမယ့် ရုံတင်ဝင်ငွေ Box office $989.5 million ပြန်ရတဲ့ထိ အောင်မြင်ခဲ့ပြီး Rating တွေလဲ ထိုက်သင့်သလောက်ကောင်းမွန်ခဲ့သလို ဝေဖန်ရေးဆရာတွေလဲ အကြိုက်တွေ့ခဲ့ကြတဲ့ ဇာတ်ကားတွေဖြစ်ပါတယ်။ နောက်တပိုင်းကတော့ American Pie ရဲ့ Spin-off ဇာတ်ကားတွေဖြစ်တဲ့ American Pie Presents ဇာတ်ကားတွေပါ။ – American Pie Presents: Band Camp (2005) – American Pie Presents: The Naked Mile (2006) – American Pie Presents: Beta House (2007) – American Pie Presents: The Book of Love (2009) – American Pie Presents: Girls’ Rules (2020) ဒီ American Pie Presents ဇာတ်ကားတွေကတော့ ဇာတ်လမ်းတွေ ဆက်စပ်မှုသိပ်မရှိတော့ဘဲ ဆယ်ကျော်သက် ပါတီတွေ၊ နောက်ပြောင်မှုတွေ၊ လိင်မှုဆိုင်ရာ ဟာသတွေကိုသာ အသားပေး တင်ဆက်ထားပါတယ်။ မူလဇာတ်ကြောင်းထဲက Jim ရဲ့ အဖေဖြစ်သူနဲ့ Stifler ရဲ့မိသားစုကိုသာ အခြေခံထားပြီး Stifler ရဲ့ညီဝမ်းကွဲတွေက အဓိကဇာတ်ကောင်အဖြစ်ပါဝင်သွားပါတယ်။ ဒီ American Pie Presents ဇာတ်ကားတွေကတော့ direct-to-video(DVD)လိုအဖြစ်သာ ရိုက်ကူးထားတာဖြစ်လို့ Rating တွေလဲ သိပ်မကောင်းခဲ့ဘဲ ကျောင်းသားဟာသဇာတ်ကားတွေအဖြစ်သာ ကြည့်ရှုကြရမှာဖြစ်ပါတယ်။ +++++++++++++++ American Pie (1999) IMDb Rating (7.0) ဒီကားကတော့ American Pie ဇာတ်လမ်းတွေရဲ့ ပထမဆုံးရုပ်ရှင်ကားဖြစ်ပြီး အရယ်ရဆုံးနဲ့ အကြိုက်ဆုံးဇာတ်ကားဖြစ်ပါတယ်။ အထက်တန်းကျောင်းပြီးတော့မယ့် ကျောင်းသားအုပ်စုတစု ကောလိပ်မရောက်ခင် ကျောင်းနှုတ်ဆက်ပါတီမှာတင် လူပျိုဘဝကိုစွန့်လွှတ်နိုင်ရမယ်ဆိုတဲ့ သံဓိဌာန်တွေချပြီး ချစ်သူရည်းစားအသီးသီးရှာကြပါတယ်။ – ရည်းစားလဲမထားဖူး မိန်းကလေးတွေကို စကားတောင် ရဲရဲမပြောရဲသူဆိုပေမယ့် လုပ်ချင်တာလဲအလွန်ဖြစ်နေသူ ဝင်းနုသမားလေး Jim – ရည်းစားတော့ရှိပေမယ့် ခရီးအဆုံးထိမသွားဖူးလို့ အချိန်ကောင်းကိုစောင့်ဆိုင်းနေတဲ့ BJ သမားလေး Kevin – ရှိတဲ့ရည်းစားကို စောင်တလွဲတွေသွားပြောမိလို့ ဖြတ်ခံလိုက်ရပြီး လူမသိသူမသိကောင်မလေးကိုထပ်ကြိုးစားမယ့် ကဗျာသမားလေး Oz – လူနားမလည်တဲ့စကားတွေပြောလို့ အရင်က ဘယ်ကောင်မလေးမှစိတ်မဝင်စားပေမယ့် ဘယ်ကမှန်းမသိတဲ့ သတင်းတခုကြောင့်ကောင်မလေးတွေကြား ရေပန်းစားလာတဲ့ Finch – တွေ့သမျှချောက်တွန်း ရှိသမျှချကျွေး ကြုံသမျှဆော်တဲ့ သဘောကောင်းလူမိုက်ကြီး Stifler ဒီလို တကယ့်ကောင်တွေစုထားတဲ့ သူငယ်ချင်းအုပ်စုလိုက်ကြီး သူတို့ရည်မှန်းထားသလို ဖြစ်လာနိုင်ပါ့မလား ဘယ်လိုတွေအလွဲလွဲအချော်ချော်နဲ့ ခွီနေကြရမလဲဆိုတာ…….။ ဘာဆင်ဆာမှမဖြတ်ထားတဲ့ Unrated Version ကို တင်ဆက်ထားပြီး CM အနေနဲ့ မြန်မာစာတန်းထိုးကိုလဲ ယခင်ကထက်ပိုမိုကောင်းမွန်အောင် ပြင်ဆင်ပေးထားပါတယ်။ (American Pie ဇာတ်ကားတွေက အဖော်အချွတ်ခန်းတွေနဲ့ အပြောအဆိုတချို့ကြောင့် R-Rated အဆင့်ဖြစ်ပြီး မိသားစုနဲ့ကြည့်လို့မရပါဘူး။)

Blended Christmas (2024) IMDb Rating (6.2) လက်ထပ်ပြီးခါစ ကြင်စဉီးဇနီးမောင်နှံနှစ်ယောက်ဟာ ဟန်းနီးမွန်းခရီးထွက်ဖို့ပြင်ဆင်ခဲ့ပါတယ်။ ဖြစ်ချင်တော့ အမျိုးသားဖြစ်သူရဲ့ ဇနီးဟောင်းဟာ ရုတ်တရက်ကားအက်ဆီးဒင့်ဖြစ်ပြီး ဆေးရုံတင်လိုက်ရတဲ့အထိဖြစ်သွားပါတယ်။ ဒီလိုနဲ့ အမျိုးသားဟာ သူ့ရဲ့အရင်မိန်းမနဲ့ရထားတဲ့ ကလေးနှစ်ယောက်ကို ဒီတိုင်းမချန်ခဲ့နိုင်ဘူးဆိုပြီး သူ့အရင်မိန်းမကို သွားကြည့်ရင်း ကလေးတွေကို ခဏတဖြုတ်အုပ်ထိန်းဖို့ဖြစ်လာပါတယ်။ ဒီလိုနဲ့ သူ့ရဲ့ပထမဆုံးအကြိမ်ဖြစ်တဲ့ ဟန်နီးမွန်းကို မသွားလိုက်ရတဲ့ ဇနီးသစ်လေးက အမျိုးသားအပေါ် ကတောက်ကစဖြစ်လာပါတယ်။ ခရစ်စမတ် အချိန်ကလည်း ရောက်လုနီးပြီဖြစ်၊ ကောလိပ်ကတည်းက ချစ်ကြိုက်လာကြပေမယ့်လည်း အခြေအနေအကြောင်းအမျိုးမျိုးကြောင့် ကြားထဲမှာဝေးကွာခဲ့ရတဲ့ ဇနီးဖြစ်သူဟာ ဆုံးရှုံးခံရတဲ့မိခင်ဖြစ်သူအကြောင်းစဉ်းစားမိရင်း သူနောက်ထပ်အရမ်းချစ်ရတဲ့ ခင်ပွင်းဖြစ်သူကိုပါ ဆုံးရှုံးရတော့မှာကို ​တွေးယောင်ပြီး ဝမ်းနည်းနေရှာပါတယ်။ ဒါပေမဲ့ နတ်သမီးတစ်ယောက်က လူဖြစ်ဟန်ဆောင်ပြီး ဇနီးဖြစ်သူကို အဘက်ဘက်ကနေ ကူညီပေးတဲ့အခါမှာတော့ မင်းသမီးတို့ မိသားစု ခရစ်စမတ်ကို လူစုံတက်စုံဘယ်လိုဖြတ်သန်းကြမလဲဆိုတာကို ရသမျိုးစုံခံစားရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size…(1.6 GB) / (780 GB) Quality….WEB-Rip 1080p HEVC / 720p Format…. mkv/mp4 Genre….Family Duration….01:23:05 Subtitle….Myanmar Subtitle (Hardsub) Encoder….Benjamin Translated by Mark