After ရုပ်ရှင် Franchise ကတော့ After, After We Collided , After We Fell တို့အပြီးမှာ နောက်ဆုံးထွက်လာတဲ့ After Ever Happy ဆိုတဲ့ ၄ ကားမြောက်ရုပ်ရှင်နဲ့ အဆုံးသတ်သွားပါပြီ.... ဟာဒင်စ‌ေကာ့ဆိုတဲ့ ခပ်ဆိုးဆိုးကောင်လေးရဲ့ ဘ၀ထဲကို ၀င်လာတဲ့ တက်စ်ဆာဟာ နှစ်ယောက်အတူတူ လူငယ်ဘ၀ကို အခက်အခဲ အတားဆီး အနိမ့်အမြင့်အတက်အကျတွေကို ဖြတ်သန်းရင်းနဲ့ တည်ငြိမ်တဲ့ Relationship တစ်ခုကို တည်ဆောက်ဖို့ ကြိုးစားလာခဲ့ပါတယ် ။ ဒါပေမယ့် ဟာဒင်ကို တစ်သက်လုံးဖုံးကွယ်လာခဲ့တဲ့ မိဘတွေနောက်ကွယ်က အမှန်တရားကိုသိသွားပြီးနောက်မှာ ... ဟာဒင် တက်စ်တာတို့ရဲ့ ဆက်ဆံရေးဟာလည်း အရင်ကထက် ပိုခက်ခဲတဲ့အခြေအနေကိုရောက်လာပါတယ်.... နှစ်ယောက်သားနေရာတွေပြောင်းကာ တစ်ရောက်တစ်နေရာစီ လမ်းခွဲခဲ့ကြပေမယ့် အချစ်စစ်တို့မှန်ရင် ကံကြမ္မာက ပျော်စရာအဆုံးသတ်ကို ယူလာပေးမှာလားဆိုတာကိုတော့ ဆက်လက်စောင့်ကြည့်ရင်း After ရုပ်ရှင်တွဲတွေကို နှုတ်ဆက်ရပါတော့မယ်။ ( အညွှန်းနဲ့ ဘာသာပြန်ကတော့ Thiha Yan Naing ဖြစ်ပါတယ်) Genre..... Drama, Romance Quality…. 1080p | 720p | 480p File size…1.2GB | 660MB | 299MB Format… mp4 Duration…. 1h 59min Subtitle…. Myanmar Subtitle (Hardsub) Translator ..... Thiha Yan Naing Encoder ..... August

Do Your Worst(2023) ******************* ဆွန်ဒရာဟာ တစ်ချိန်ကနာမည်ကြီးခဲ့ပေမယ့် အခုချိန်မှာအသက်ကြီးနေတဲ့အတွက် ရိုက်ကူးရေး ကျဲနေတဲ့သရုပ်ဆောင်တစ်ယောက်ဖြစ်ပါတယ်။ ဆွန်ဒရာမှာ ကာလာ ခေါ် ကားလ် လို့ခေါ်တဲ့ သွားဖော် လာဖက်၊ ကဲဖော်ကဲဖက် အိမ်ထောင်သည်ငယ်သူငယ်ချင်း တစ်ယောက်ရှိပြီး သူငယ်ချင်းနဲ့ ဗရုတ်သုတ်ခ အတူလုပ်နေကျဖြစ်ပါတယ်။ ဆွန်ဒရာ့အမေကတော့ ယောက်ျားတွေနဲ့ ပွေလီရှုပ်နေတဲ့ သူ့သမီးရဲ့လုပ်ပုံ တွေကို သဘောမတွေ့ဖြစ်နေပြီး ဆွန်ဒရာ့ကို အိမ်ထောင်ပြုပြီး မိသားစုနဲ့ အတည်တကျနေစေလိုသူဖြစ် ပါတယ်။ ညစာစားပွဲတစ်ခုမှာ ကာလာက ဆွန်ဒရာရဲ့ မဟုတ်ကဟုတ်ကအကြောင်းတွေကို သူငယ်ချင်း တွေအများကြီးရှေ့မှာ ဟာသလုပ်ပြောမိပါတော့တယ်။ တင်းသွားတဲ့ဆွန်ဒရာဟာ ရေချိုးခန်းထဲ စိတ်ပြေ လက်ပျောက်ထိုင်နေရင်း ကာလာ့ယောက်ျား ဂျယ်ရီ့ကို မမျှော်လင့်ဘဲ နမ်းမိသွားပါတယ်။ တစ်ဖက်မှာ လည်း ဆွန်ဒရာဟာ တည်တည်တံ့တံ့လူတစ်ယောက်ကို စိတ်ထဲမှာ ကြိတ်သဘောကျမိနေပါတယ်။ ဒီလို အခြေအနေတွေကြားမှာ ဘာတွေဆက်ဖြစ်မလဲဆိုတာ …..။ အိမ်ထောင်သည်မိန်းမတွေနဲ့ အသက်ကြီးတဲ့အထိ အိမ်ထောင်မကျသေးတဲ့မိန်းမတွေရဲ့ အပြု အမူတွေ၊ စိတ်ခံစားချက်တွေ၊ အမူအကျင့်တွေ၊ စိတ်ကစားတတ်ပုံတွေကို ပေါ့ပေါ့ပါးပါး ရိုက်ကူးပုံဖော် ထားတဲ့ ဇာတ်ကားကောင်းလေးဖြစ်ပါတယ်။ အထူးသဖြင့် အမျိုးသမီးတွေရဲ့စိတ်ကိုသေချာသိချင်တဲ့ သူတွေ မဖြစ်မနေကြည့်ရှုသင့်ပါတယ်။ မပြုံးဘဲဝါးလုံးကွဲရယ်ရမယ့် ဟာသတွေ တစ်လှေကြီးနဲ့ပါ။ ဘွင်း ဘွင်းရှင်းရှင်း၊ တစ်တစ်ခွခွစကားလုံးတွေ ပါဝင်တဲ့အတွက် အရွယ်မရောက်သေးသူများနဲ့ မိသားစု အတူ ကြည့်ရှုရန် မသင့်ပါ။ File Size :(2.6GB) and (806MB) Quality : WEB-DL.1080P, 720p Format…mp4 Duration…01:31:00 Genre : Comedy, Romance , Drama Subtitle : Myanmar Subtitle (Hard Sub) Translated by Ko Myo(Kop) Encoded by Phyo Pyae

Critical Eleven (2017) ၂၀၁၇ ခုနှစ်တုနးက ထွက်ရှိထားတဲ့ အင်ဒို အချစ်အိမ်ထောင်ရေး ဇာတ်ကားကောင်ုးတစ်ကားနဲ့ မိတ်ဆက်ပေးပါရစေ။ ဇာတ်လမ်းကတော့ လေယာဉ်ပေါ်မှာ ဆုံတဲ့ ဖူးစာ လို့ ပြောရမှာပါပဲ။ အယ်လီဆိုတဲ့အမျိုးသားနဲ့နှင့် အာဉာဏ်လို့ခေါ်တဲ့အမျိုးသမီးတစ်ဦးဟာ Jakarta ကနေ Sydney ကို သွားတဲ့လေယာဉ်ပေါ်မှာပထမဆုံးတွေ့ဆုံကြပါတယ်။ မြင်မြင်ချင်းအချစ်လို့ခေါ်ရမလိုပဲ သူတို့တစ်ယောက်ကိုတစ်ယောက်‌ လေယာဉ်‌ပေါ်မှာတင်ချစ်သွားကြပါတယ်။ အဲဒီနောက်မှာ‌ေတာ့ အိမ်ထောင်ကျပြီး ကိုယ်ဝန်ရှိလာပါတယ်။ ဘ၀ဆိုတာ အမြဲတမ်း‌ေဖြာင့်ဖြူး‌ေနတာမဟုတ်ပါဘူး အချိုးအကွေ့အလှည့က်အ‌ေပြာင်းဆိုတာရှိပါတယ်။ တစ်‌နေ့မှာတော့ သူတို့နှစ်ယောက်ရဲဆက်ဆံရေးကို သွေးတိုးစမ်းတဲ့ ဖြစ်ရပ်ဆိုးတစ်ခု ပေါ်ပေါက်လာပါတာ့တယ်။ အဲဒီ ဖြစ်ရပ်ဆိုးရဲ့ နောက်ကွယ်မှာ ဘာတွေ ဆကဖြစ်မယ် ဆိုတာတော့ …. အညွှန်း နဲ့ ဘာသာပြန်ကတော့ Kyal Sin Yati Ko ပဲ ဖြစ်ပါတယ်။ Genre….. Drama, Romance Quality…. 1080p | 720p | 480p File size… 1.75Gb | 982MB | 547MB Format… mp4 Duration…. 2h 15min Subtitle…. Myanmar Subtitle (Hardsub) Translator ….. Kyal Sin Yati Ko Encoder ….. August

KKN di Desa Penari: Luwih Dowo, Luwih Medeni (2023) KKN di Desa Penari က အင်ဒိုနီးရှားရုပ်ရှင်မှာ ဝင်ငွေအကောင်းဆုံးရုပ်ရှင်အဖြစ် စံချိန်တင်ထားတဲ့ဖြစ်ရပ်မှန် horror ဇာတ်ကားပါ။ ဒီဇာတ်လမ်းစပေါ်လာပုံကလဲထူးဆန်းပါတယ်။ တွစ်တာမှာ Simpleman ဆိုတဲ့အကောင့်ကနေ ဒီဇာတ်လမ်းကိုစတင်ရေသားခဲ့တာပါ။ ဖြစ်ရပ်မှန်ဇာတ်လမ်းဖြစ်ပြီး လူတွေစိတ်ဝင်စားမှုများလာလို့ရုပ်ရှင်ရိုက်ကူးတဲ့ထိပါ ဖြစ်လာခဲ့ပါတယ်။ ဇာတ်လမ်းကတော့ ကျောင်းသား၆ ယောက်အကြောင်းပါ။ သူတို့က ရွာတစ်ရွာမှာ ရပ်ရွာဝန်ဆောင်မှုပရောဂျက်ကိုသွားလုပ်ခဲ့ပါတယ်။ သူတို့အတွက်ဒီပရောဂျက်အောင်မြင်ပြီးမှပဲဘွဲ့ရမှာပါ။ ဒီရွာနာမည်နဲ့တည်နေရာကိုတော့ ချန်လှပ်ပြသထားပါတယ်။ ဒီရွာရောက်ရောက်ချင်းမှာပဲ ရွာသူကြီးကသူတို့ကို ဆောင်ရန်ရှောင်ရန်တွေညွှန်ကြားပေမယ့် သူကလဲသိပ်တော့မပွင့်လင်းခဲ့ပါဘူး။ ကျောင်းသားတွေကလဲ သူများအကျိုးဆောင်ဖို့လာခဲ့ပေမယ့် ကိုယ့်ကိုယ်ကျိုးတွေဆန္ဒတွေကိုရှေ့တန်းတင်ပြီး မဖောက်သင့်တဲ့စည်းတွေကိုဖောက်မိတဲ့အခါ ဘာတွေဖြစ်ကြမလဲကြည့်ရှုရမှာပါ။ မြန်မာမှာလဲလူကြီးတွေပြောတာကြားဖူးတဲ့ ကျတ်ရွာတို့ အစောင့်လဲတယ်တို့ အစောင့်အရှောက်ရှိတယ်တို့ ဆိုတဲ့အကြောင်းအရာတွေကို ကြားဖူးနားဝကနေ မျက်စိထဲကွက်ကွက်ကွင်းကွင်းမြင်လာတဲ့အထိ ကြက်သီးတဖျင်းဖျင်းနဲ့ကြည့်ရမယ့်ကားပါပဲ။ ဇာတ်ကားရဲ့ခေါ်ဆောင်မှုကဘယ်လောက်အားကောင်းလဲဆိုရင် အပြင်မှာလူတွေက ဒီရွာကိိုလိုက်ရှာကြ ဒီကြုံခဲ့ရတဲ့လူတွေကိုလိုက်ရှာကြတဲ့အထိဖြစ်ခဲ့လောက်အောင်ပါပဲ။ (မူရင်း KKN di Desa Penari ကိုလဲ CM မှာတင်ဆက်ပေးထားပြီးသားပါ။) ဒီဇာတ်လမ်းကဘာကွာသွားလဲဆိုရင် Luwih Dowo Luwih Medeni ဆိုတာက ပိုရှည်လျားသော ပိုကြောက်စရာကောင်းသောလို့အဓိပ္ပါယ်ရပါတယ်။ မူရင်းဇာတ်လမ်းကို မိနစ်၄၀ ပိုဖြည့်ပေးထားပြီး အရင်ဇာတ်လမ်းမှာတုန်းက ပရိသတ်မရှင်းမလင်းဖြစ်ရတဲ့အကြောင်းအရာတွေကိုဖြည့်စွက်ပေးထားတယ် ဇာတ်လမ်းကိုမူရင်းအရေးအသားနဲ့ပိုတူအောင်အားဖြည့်ထားတယ် … တည်းဖြတ်မှုတွေကလဲ မူရင်းထက် ပိုကောင်းလာတာကြောင့် မကြည့်ရသေးသူတွေရော ကြည့်ရှုပြီးသူတွေအတွက်ပါ ပိုပြီးပြည့်စုံတဲ့ဇာတ်လမ်းပါပဲ။ အညွှန်း နဲ့ ဘာသာပြန်ကတော့ Rashida ပဲ ဖြစ်ပါတယ်။ Genre….. Horror, Mystery Quality…. 1080p | 720p | 480p File size… 2.2GB | 1GB | 500MB Format… mp4 Duration…. 2h 55min Subtitle…. Myanmar Subtitle (Hardsub) Translator ….. Rashida Encoder ….. Aaron

နဂါးပုံတက်တူးနဲ့ကောင်မလေးရဲ့ကိုယ်ထဲက နတ်ဆိုးနဲ့ သဘာလွန်ဖြစ်ရပ်‌တွေရဲ့ ညပေါင်း ၃၀ ဆိုတဲ့ ၂၀၁၃တုန်းကထွက်ရှိထားတဲ့ ပေါက်တတ်ကရ ဟာသရုပ်ရှင်ဖြစ်ပါတယ်။ အယ်ရန်ဂေလန်နဲ့ ဒေနာဂေလန်တို့ဟာ လင်မယားနှစ်ယောက်ပါ။ လစ်ဇ်ဂေလန်ကတော့ နဂါးပုံတက်တူးနဲ့ စိတ်ပိုင်းဆိုင်ရာပြဿနာတွေတပုံတပင်နဲ့ အယ်ရန်ဂေလန်ရဲ့မယားပါသမီးပါ။ ဒီလိုနဲ့ သူတို့မိသားစုဟာ ဒေနာဂေလန် ငယ်စဉ်ကကြီးပြင်းခဲ့တဲ့နေအိမ်ကို ပြောင်းရွှေ့လာခဲ့ပါတယ်။ အဲဒီအိမ်မှာ ထူးခြားတဲ့အရာတစ်ခုကတော့ အိမ်ရဲ့မြေအောက်ခန်းထဲမှာ ဒေနာရဲ့အဖေဟာ ရုပ်ရှင်အဖွဲ့တစ်ခုလုံးကို အပနှင်ရင်း ရက်ရက်စက်စက်သတ်ဖြတ်ခဲ့တာပါ။ ဒေနာအနေနဲ့ ဒီကိစ္စသိရှိထားပြီး သူတို့မိသားစု အဲဒီနေအိမ်ကိုပြောင်းရွှေ့လာပြီးတဲ့နောက်မှာတော့ အိမ်မှာ ထူးဆန်းတဲ့သဘာ၀လွန်ဖြစ်ရပ်တွေကို ကြုံတွေ့လာတဲ့နောက်မှာတော့ သူတို့မိသားစုအနေနဲ့ ဘယ်လိုဆက်ရင်ဆိုင်ဖြေရှင်းကြမလဲဆိုတာကို ညစ်တီးညစ်ပတ် ပေါက်လွတ်ပဲစား အခွီဟာသတွေနဲ့ ဆက်လက်ကြည့်ရှုလိုက်ကြပါဦး။ (ဟိုဒင်းဟိုဟာအခန်းတွေ ညစ်ပတ်ရိုင်းစိုင်းတဲ့အသုံးအနှုန်းတွေပါ၀င်တာကိုတော့ သတိပြုပေးပါ) File size…(724 MB) Quality….Webrip 720p Format…mp4 Duration….01:21:00 Genre…Comedy Subtitle….Myanmar Subtitle (Hardsub) Encoder….Mr. Anderson Translated by Steven Khant

The Four Feathers (2002) ဒီရုပ်ရှင်ကို ၁၉၈၇ မှာ Mr. India နဲ့ ၁၉၉၄ မှာ Bandit Queen အစရှိတဲ့ အိန္ဒိယရုပ်ရှင်တွေကိုရိုက်ပြီး နိုင်ငံတကာရဲ့ အာရုံစိုက်မှုရခဲ့တဲ့ အိန္ဒိယဒါရိုက်တာ Shekhar Kapoor က ရိုက်ထားတယ်။ Bandit Queen အရှိန်ကြောင့်ပဲထင်ပါရဲ့… ယူကေမှာ သူဦးဆုံးရိုက်ခဲ့တဲ့ကားက Cate Blanchett နဲ့ရိုက်တဲ့ Elizabeth… နောက် အခုရုပ်ရှင် The Four Feathers ကို ဆက်ရိုက်တယ်။ နောက် Elizabeth: The Golden Age… သူရိုက်တဲ့သုံးကားလုံးက အင်္ဂလန်သမိုင်းကြောင်းနဲ့သက်ဆိုင်တဲ့ ကားတွေချည်းပဲ။ Elizabeth မှာတော့ ကောင်းခဲ့ပေမဲ့ ဒုတိယကား The Four Feathers မှာတော့ ဇာတ်ရှိန်နည်းနည်းသွက်နေတာကြောင့် ကျတော့ကျသွားတယ်။ ဒါပေမဲ့လည်း ရှေးခေတ်စစ်ပွဲတွေအကြောင်း ကြည့်ရမယ့်ရုပ်ရှင်ဆိုတော့ ကြည့်လို့ပျော်သလို ကြည့်လို့လည်းတန်နေသေးတယ်။ အက်ရှင်ခန်းတွေ စွန့်စားခန်းအခန်းတွေလည်း ပါသင့်သလောက်ပါတာဆိုတော့ အက်ရှင်ပရိသတ်တွေအတွက်လည်း အဆင်ပြေလိမ့်မယ်။ Heath Ledger ရိုက်ဖူးခဲ့တဲ့ A Knight’s Tale လိုပဲ အရမ်းကြီးလန်ပျံမနေရင်တောင် အင်တာတိန်းမန့်တော့ တော်တော်ဖြစ်တဲ့ ကားမျိုးပဲ။ ဝတ္တုကတော့ ၁၉၀၂ကတည်းကထွက်ခဲ့တဲ့ A. E. W. Mason ရဲ့ The Four Feathers စာအုပ်ဆိုတော့ ဂန္ထဝင်စာရင်းဝင်တဲ့စာအုပ်ကို ပြန်ရိုက်ထားတယ်ပြောရမယ်။ ဒါကလည်း ပထမဆုံးရိုက်တာမဟုတ်ပါဘူး။ ရှေ့မှာလည်းတော်တော်ရိုက်ခဲ့ကြပြီးသားပဲ။ သရုပ်ဆောင်တွေက Kate Hudson, Heath Ledger, Djimon Hounsou, Wes Bentley, Michael Sheen စတဲ့လူတွေကို သုံးထားတယ်။ အကုန်လုံးတော့ ခင်ဗျားတို့နာမည်နဲ့တွဲသိချင်မှသိမယ်။ ဒါပေမဲ့ ခင်ဗျားတို့ တော်တော်ရင်းနီးပြီးသား လူတွေချည်းပဲ။ ဇာတ်ကတော့ ၁၈၈၄ အင်္ဂလန်မှာ ဇာတ်အိမ်စထားတယ်။ ဗြိတိန်တော်ဝင်တပ်ထဲက သူငယ်ချင်းတစ်အုပ်ရဲ့ ဆက်ဆံရေးကို စပြတယ်။ အဓိကကတော့ မင်းသားရယ် သူ့အခင်ဆုံးသူငယ်ချင်းရယ်ပေါ့။ အဲဒီနောက် သူတို့တပ်ကို အီဂျစ်က ပုန်ကန်သွားတဲ့ကာနယ်အာမက်ကို တိုက်ခိုက်ဖို့ လွှတ်လိုက်တဲ့အချိန်မှာ မင်းသားက တပ်ထဲကနေ နှုတ်ထွက်သွားတယ်။ ဒီနောက် မင်းသားကို သူ့သူငယ်ချင်းသုံးယောက်ရယ် သူလက်ထပ်မယ့်ကောင်မလေးရယ်က ငှက်တောင်မွှေးလေးချောင်းလာပေးသွားကြတယ်။ ငှက်တောင်မွှေးက သူတို့ဆီမှာ သူရဲဘောကြောင်တာကို ကိုယ်စားပြုတယ်။ မင်းသားကို သူရဲဘောကြောင်တဲ့ အလကားကောင်လို့ လာဝိုင်းပြောလိုက်သလိုဖြစ်သွားတယ်။ ဒီလိုနဲ့ နေလာရင်း မင်းသားက ဒီကိစ္စကြီးကို စိတ်ထဲက ဘယ်လိုမှထုတ်မရနိုင်ခဲ့ဘူး။ ဒီတော့ သူ့သူငယ်ချင်းတွေတိုက်ပွဲဝင်နေတဲ့ ဆူဒန်ကို လိုက်သွားပြီး သူ့သတ္တိကို သက်‌သေပြဖို့လုပ်တယ်။ သူကြောက်နေတာက စစ်ပွဲကိုမဟုတ်ဘဲ တခြားအရာတစ်ခုဖြစ်ကြောင်း သက်သေပြဖို့လုပ်ရင်း သူ့သူငယ်ချင်းတစ်ယောက်ချင်းကို သူကယ်တင်ဖို့ကြိုးစားရင်း ဆူဒန်မှာ သူကြုံလာရတဲ့ အခက်အခဲတွေ တိုက်ပွဲတွေကို ပြသွားတယ်။ ဇာတ်တော့ နည်းနည်းသွက်နေပေမဲ့ စစ်ကားတစ်ကားအနေနဲ့ဆို ကြည့်ကောင်းသလို နာမည်ကြီးမင်းသားမင်းသမီးတွေကို မြင်ရမှာဆိုတော့ ကြည့်ဖို့တော့ တန်ပါတယ်။ လွန်လေပြီးသော Heath Ledger ရဲ့ကားဆိုတော့ကာ ဒီရုပ်ရှင်ဟာ ငြင်းစရာတော့မရှိနေပါဘူး။ (ရုပ်ရှင်အညွှန်းနဲ့ဘာသာပြန်ကို W မှ တင်ဆက်ထားပါတယ်။)

The Three Musketeers: D’Artagnan (2023) ~ IMDb – 6.9/10, Rotten Tomatoes – 96% ~ ကျွန်တော်တို့အဘိုးတွေ အဖေတွေခေတ်ကတည်းက ရွှေဥဒေါင်းလက်ရာနဲ့ လူတိုင်းနီးပါးရင်းနှီးခဲ့တဲ့ အလက်ဇန္ဒြားဒူးမားရဲ့ The Three Musketeers ကို ခေတ်အဆက်ဆက် ရုပ်ရှင်အနေနဲ့ အသက်သွင်းခဲ့ကြပြီးပါပြီ။ သိသလောက်ဆို ဒီရုပ်ရှင်တွေက ဝေဖန်ရေးဆရာတွေအမြင်အရ မအောင်မြင်ခဲ့တာတွေက ပိုများတယ်။ ဆန်းတော့လည်းမဆန်းပါဘူး။ အလက်ဇန္ဒြားဒူးမားစာအုပ်တွေကို ရွှေဥဒေါင်းဘာသာပြန်ထားတဲ့ ရတနာသိုက်တို့၊ ကိုယ်ရံတော်တို့၊ သူရဲကောင်းသုံးယောက်တို့ ဖတ်ကြည့်ရုံနဲ့တင် ဒူးမားအနေနဲ့ ဇာတ်ကြွအောင် ပုံဖော်တာပိုင်နိုင်ပုံကို မြင်နိုင်တယ်။ ဒီလိုဇာတ်ကို ပြန်အသက်သွင်းတာကို ဝေဖန်ရေးဆရာတွေ အရမ်းအကြိုက်မတွေ့ခဲ့ကြတာတော့ ဖြစ်သင့်တဲ့ကိစ္စပါပဲ။ ဒီတစ်ခါရုပ်ရှင်ကတော့ ရှေ့ကားတွေထက် ဝေဖန်ရေးဆရာတွေရဲ့ မျက်နှာသာပေးပိုခံရတယ်လို့ ပြောရပါမယ်။ ခရမ်းချဉ်သီး ၉၆လုံး ရထားပါတယ်။ ဟိုးရှေးခေတ်ကတည်းကနေ ခုထိ ရိုက်ခဲ့သမျှတွေထဲ ခရမ်းချဉ်သီးအမြင့်ဆုံးပါပဲ။ သရုပ်ဆောင်တွေကိုလည်း ကားကောင်းတွေရိုက်တာများတဲ့ Vincent Cassel, François Civil, Eva Green, Louis Garrel တို့လို လူတွေကို သုံးပေးထားပါတယ်။ ဇာတ်လမ်းကတော့ ဒူးမားရဲ့ ဇာတ်လမ်းအတိုင်းကိုမှ အနည်းအကျဥ်း အပြောင်းအလဲလေးတော့ရှိတာပေါ့ဗျာ။ ဇာတ်ကားနဲ့ ပတ်သက်ပြီး ယေဘုယျဝေဖန်ချက်တွေကတော့ အဖက်ဖက်မှာ အကောင်းတွေများပြီး ဇာတ်လမ်းပြန်ယူထားတဲ့နေရာမှာတော့ သဘောမကျတဲ့သူတွေရှိပါတယ်။ ဒါပေမဲ့ စာအုပ်က ကောင်းနေတော့ အသစ်ထပ်ပြောင်းတာကို လက်မခံကြတဲ့သူတွေက မကျေမနပ်ဖြစ်ကြတာလည်းဖြစ်နိုင်ပါတယ်။ အက်ရှင်ခန်းတွေလည်း မဆိုးသလို ဟာသလေးလည်းနှောပြီးပြတယ်။ ဇာတ်လမ်းက အရမ်းကြီးလေးမနေသလို စုံထောက်ဇာတ်လမ်းလည်းဆန်တယ်။ Eva Green က Milady နေရာက သရုပ်ဆောင်ထားတာကတော့ အပိုဆုလေးပေါ့။ သူ အဲဒီနေရာက သရုပ်ဆောင်ထားတာက ဇာတ်ကားကို နောက်တစ်ဆင့်မြှင့်ပေးလိုက်သလိုပါပဲ။ ဒီဇာတ်ကားနဲ့ပတ်သက်ပြီး ပြဿနာတက်တဲ့တစ်ချက်က ဘာသာရေးစစ်ပွဲတွေဖြစ်နေတဲ့အချိန် ၁၇ ရာစုလောက်က ဇာတ်ကောင် ပေါသိုး ကို Bi လား Gay လား လုပ်ထားတာတစ်ခုတော့ရှိတယ်။ ဘယ်လိုပဲဖြစ်ဖြစ် ကြည့်လို့ကောင်းတဲ့ ဇာတ်ကားဖြစ်ပြီးတော့ ပထမပိုင်းပဲရှိပါသေးတယ်။ နောက်တစ်ပိုင်းကို မျှော်နေတဲ့သူတွေလည်း အများကြီးပါပဲ။ အဲဒီထဲမှာ ခင်ဗျားပါမလားဆိုတာကတော့ ကြည့်ပြီး ဆုံးဖြတ်ပေါ့ဗျာ။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size – 4.1GB, 1.6GB, 680MB Quality – 4K HEVC, 1080p, 720p IMDb Rating – 6.9/10 Format – mp4 Duration – 2H 1Min Genre – Action, Adventure, History Subtitle – Myanmar Subtitle (Hardsub) Translated by 666 Encoded by Y

ဒီတစ်ခါ CM ကနေခပ်မိုက်မိုက်အက်ရှင်ဇာတ်ကားလေးတစ်ပုဒ်နဲ့မိတ်ဆက်ပေးလိုက်ချင်ပါတယ်။ နာ့ရှ်အုပ်စုရဲ့မင်းသမီးကို စေတန်အဖွဲ့ပြန်ပေးဆွဲထားတာကြောင့် စနိုက်ပါအဖွဲ့ဖြစ်တဲ့မြေခွေးအမဲလိုက်အဖွဲ့က မင်းသမီးကိုကယ်ထုတ်ဖို့ကြိုးစားပါတယ်။ မြေခွေးအမဲလိုက်အဖွဲ့ဆိုတာကတော့ ကြေးစားသေနတ်သမားတွေဖြစ်ပေမဲ့ အ ားနွဲ့သူကိုကူပြီး မတရားအနိုင်ကျင့်တဲ့လူတွေကိုရှင်းပစ်တဲ့အဖွဲ့တစ်ဖွဲ့ပေါ့။ တစ်နေ့မှာခေါင်းဆောင်ချာကျင့်နှုတ်ထွက်သွားတဲ့နောက်မှာတော့ အဖွဲ့လည်းပျက်သွားခဲ့တယ်။ ဒီလိုနဲ့ ၃ နှစ်ကြာပြီးနောက် ချာကျင့်နဲ့သူ့ဇနီးလောင်းလေး စူးယာတို့ကအေးအေးချမ်းချမ်းနဲ့ ၂ ယောက်သားဘဝကိုကြည်ကြည်နူးနူး ဖြတ်သန်းနေချိန် တိုနီဆိုတဲ့ အရင်တုန်းက မြေခွေးအမဲလိုက်အဖွဲ့ဝင်ကချာကျင့်ကိုလာရှာခဲ့တယ်။ အကြောင်းရင်းကတော့ Bettre ပိုးတွေပြန့်နှံ့နေပြီး အဲ့ပိုးဟာတမင်စေတန်ကကြံစည်ထုတ်လွှတ်တာဖြစ်ပြီး အဲ့အတွက်ပိုးသတ်ဆေးကို စျေးကွက်ထဲမှာအဆမတန်စျေးနဲ့ ရောင်းအမြတ်ထုတ်ဖို့ရည်ရွယ်နေတာကြောင့် အဲ့ပိုးဖြန့်ရာစက်ရုံကိုရှင်းဖို့ ချာကျင့်ဆီအကူအညီတောင်းခဲ့တယ်။ ဒါပေမဲ့လည်းချာကျင့်က သူ့ဇနီးနဲ့ဘဝကိုအေးအေးချမ်းချမ်းကုန်ဆုံးခြင်းကြောင်းငြင်းဆန်လိုက်တာပေါ့ ။ဒီလိုနဲ့ ဒုတိယမြောက်နေ့မှာ စူးယာတစ်ယောက်ပြန်ပေးဆွဲခံလိုက်ရတာသိတော့ ချာကျင့်တစ်ယောက်ဒေါတပုန်ထပြီး တိုနီကိုသွားရှာပြီး တိုနီနဲ့ပူးပေါင်းကာ မိန်းမကိုကယ်ထုတ်ဖို့ ကြိုးစားပါတော့တယ်။မထင်ထားတဲ့လှည့်ကွက်တချို့နဲ့ အမိုက်စားအက်ရှင်တွေနဲ့ဖြစ်တာကြောင့် အက်ရှင်ကားကြိုက်နှစ်သက်သူတွေအတွက် သဘောကျမဲ့ဇာတ်ကားလေးတကားပဲဖြစ်ပါတယ်

Exterritorial (2025) ဆာရာဟာ ဂျာမန်စစ်မှုထမ်းဟောင်း အမျိုးသမီးတစ်ယောက်ဖြစ်ပြီးတော့ ဂျော့ရှ်ဆိုတဲ့ ခြောက်နှစ်အရွယ်သားလေးလည်း ရှိပါတယ်။ သူမက အာဖဂန်နစ္စတန်စစ်ဆင်ရေးမှာ ပါဝင်ထမ်းဆောင်ခဲ့ပြီး အဲမှာကြုံတွေ့ခဲ့တဲ့အဖြစ်ဆိုးတွေကြောင့် စိတ်ဒဏ်ရာရပြီး စိတ်ဖောက်ပြန်ချင်သလို ဖြစ်သွားခဲ့လို့ စိတ်ကျန်းမာရေးဆေးရုံမှာ ကုသမှုခံယူခဲ့ရပြီး ပြန်သက်သာလာတာ မကြာသေးပါဘူး။ တစ်နေ့မှာတော့ ဆာရာကို အမေရိကန်လုံခြုံရေးကုမ္မဏီကြီးက သူမရဲ့အတွေ့အကြုံကို သဘောကျလို့ အလုပ်ကမ်းလှမ်းလာတဲ့အခါ သူမဟာ အသစ်တဖန် စတင်ချင်တဲ့အတွက် အလုပ်ကိုလက်ခံဖြစ်ခဲ့ပါတယ်။ ဒီလိုနဲ့ သူမဟာ ဂျာမန်မြေပေါ်က အမေရိကန်ကောင်စစ်ဝန်ရုံးကတစ်ဆင့် လေယာဉ်စီးရမှာမလို့ ကောင်စစ်ဝန်ရုံးကို သွားခဲ့ပါတယ်။ အဲမှာ သူတို့ဟာ လေယာဉ်ကို သုံးနာရီကြာအောင် စောင့်နေပေမဲ့လည်း မရောက်လာသေးတာနဲ့ ဂျော့ရှ်ကလည်း နားနေခန်းနားက ကလေးကစားခန်းကို တွေ့သွားခဲ့ပါတယ်။ ဂျော့ရှ်က ကစားခန်းမှာ ကစားနေတုန်း ဆာရာက ကော်ဖီသွားဝယ်ပြီး ပြန်လာတဲ့အခါမှာ ဂျော့ရှ်ဟာ ပျောက်ချင်းမလှ ပျောက်သွားခဲ့ပါတယ်။ ဒီတော့ ဆာရာဟာ သက်ဆိုင်ရာအရာရှိတွေကို အကူအညီတောင်းတဲ့အခါ အဲရစ်ကင့်ချ်ဆိုတဲ့ အထက်အရာရှိက ဆာရာက ကောင်စစ်ဝန်ရုံးကို တစ်ယောက်တည်း လာခဲ့ကြောင်း၊ ဂျော့ရှ် မပါလာခဲ့ကြောင်း အယုံသွင်းပြီး အတင်းအကြပ်ပြန်လွတ်ပါတော့တယ်။ ဒီတော့ စိတ်ဖောက်ပြန်ဖူးတဲ့ဆာရာက တွေဝေသွားပေမဲ့လည်း သူ့သား ဂျော့ရှ်က ဒီအဆောက်အဦးအတွင်းမှာ ပျောက်သွားတာသေချာတဲ့အတွက် ကောင်စစ်ဝန်ရုံးက ပြန်လွတ်တာကို လက်မခံပဲ အခက်အခဲ အတားအဆီးတွေကြားက ဂျော့ရှ်ကို ဘယ်လိုရှာမလဲဆိုတာကို ရင်တစ်ထိတ်ထိတ်နဲ့ စိတ်ပူဖွယ် စောင့်ကြည့်ရမဲ့ဇာတ်ကားကောင်းလေးပဲဖြစ်ပါတယ်။ (အညွှန်းနဲ့ဘာသာပြန်ကတော့ Matteo ဖြစ်ပါတယ်။) File size… (1.9 GB) / (1 GB) Quality…. WEB-DL 1080p HEVC / 720p Format…. mkv/mp4 Genre…. Action, Thriller Duration…. 01:49:43 Subtitle…. Myanmar Subtitle (Hardsub) Encoder…. Benjamin Translated by Matteo

ဒီဇာတ်ကားက ပထမ Casino Raidersနဲ့ ဇာတ်လမ်းသွား လုံးဝမတူဘဲ ဇာတ်ကောင်တွေနဲ့ ဇာတ်လမ်းကို ပြောင်းလဲ ထားတဲ့ ဇာတ်ကားဖြစ်ပါတယ်။ ပထမကားက Andy Liu ကပဲ ဒီဇာတ်ကားမှာတော့ Chicken Feetဆိုတဲ့ ဇာတ်ရုပ် နဲ့ ရိုက်ကူးထားတာပဲ ဖြစ်ပါတယ်။ ဇာတ်လမ်းက‌တော့ ကစ်နဲ့ Chicken Feetဆိုတဲ့ ညီအစ်ကို ဖဲဝိဇ္ဇာ၂ယောက်နဲ့သူတို့ရဲ့ကျေးဇူးရှင် အန်ကယ်ဖန်းဆိုတဲ့ သင်္ဘောကာစီနိုသူဌေးတို့ကို ဂျိမ်းစ်ဆိုတဲ့ တိုင်းတပါးသား ဖဲဝိဇ္ဇာနဲ့ သူ့ဂိုဏ်းက အကောက်ကြံလိုက်လို့ ကစ်ကလည်း ထောင်ကျသွားသလို အန်ကယ်ဖန်းလည်း ပိုင်ဆိုင်ခဲ့သမျှ အရာအားလုံးဆုံးရှုံးလိုက်ရပါတယ်။ ဒါပေမဲ့ ဂျိမ်းစ်တို့က မ‌ကျေနပ်နိုင်ဘဲ အားလုံးကို အပြစ်ရှင်းပစ်ဖို့ လုပ်လာလို့ သူတို့ကို လက်စားချေဖို့ Chicken Feetနဲ့ ကစ် ညီအစ်ကို ၂‌ယောက်ကြိုးစားရင်း ဘယ်သူတွေ စတေးရမလဲ ဘာကို ထပ်ပြီးဆုံးရှုံးရဦးမလဲဆိုတာ ကြည့်ရမှာပါ။ File size… 3.1 GB / 1.5 GB Quality… BluRay 1080p / 720p Format… mp4 Duration…. 1h 31m Genre ….. Action / Crime / Drama Subtitle…. Myanmar Subtitle (Hard Sub) Encoder…. Thit San Khant Translated… by Thaung Htike Zaw

ဖင်လန်နိုင်ငံကရိုက်တဲ့ ဟာသဇာတ်ကားလေးပါ။ ၂၀၁၈ခုနှစ်ထွက် Heavy Trip ရဲ့ နောက်ဆက်တွဲဇာတ်ကားပါ။ မတ်တယ်လ်ဂီတ (Metal music) ဆိုတာ ရော့ခ်ဂီတရဲ့ မျိုးခွဲတစ်မျိုးပါ။ သူ့ရဲ့ အဓိကလက္ခဏာတွေကတော့ ကျယ်လောင်အားပြင်းတဲ့အသံ၊ လျှပ်စစ်ဂစ်တာကို distortion effect တွေနဲ့ အသုံးပြုတာ၊ ရှုပ်ထွေးတဲ့ ဂစ်တာ riff တွေ၊ အားပါတဲ့ ဒရမ်သံနဲ့ ဘေ့စ်သံတွေ၊ ကျယ်လောင်ပြီး ပြင်းထန်တဲ့ အဆိုတော်ရဲ့ အသံတို့ပဲ ဖြစ်ပါတယ်။ မျိုးခွဲတွေလည်း အများကြီး ရှိပါတယ်။ နာမည်ကြီးတဲ့ မျိုးခွဲတွေကတော့: မက်တယ်လ်ဂီတဟာ ကမ္ဘာတစ်ဝှမ်းမှာ ပရိသတ်အများအပြားရှိတဲ့ ဂီတအမျိုးအစားတစ်ခုပါ။ သူ့ရဲ့ ပြင်းထန်တဲ့ အသံနဲ့ ခံစားချက်တွေကို ပြင်းပြင်းထန်ထန် ဖော်ပြတဲ့ ပုံစံကြောင့် လူအများရဲ့ စိတ်ဝင်စားမှုကို ဆွဲဆောင်နိုင်ခဲ့ပါတယ်။ ဇာတ်လမ်းအကျဉ်းကတော့ Impaled Rektum “တံကျင်လျို” မတ်တယ်လ်တီးဝိုင်းဟာ ပထမဇာတ်ကားက ဖြစ်ရပ်တွေကြောင့် နော်ဝေထောင်တစ်ခုမှာ ထောင်ဒဏ်ကျခံနေရပါတယ်။ အဆိုတော် တိုရို (Johannes Holopainen)၊ ဘေ့စ်ဂစ်တာသမား ဇီထရပ်စ် (Max Ovaska)၊ ဂစ်တာသမား လော့ဗိုနန် (Samuli Jaskio) နဲ့ ဒရမ်သမား အိုလာ (Chike Ohanwe) တို့ကို ဂျာမနီနိုင်ငံ ဗက်ကမ်မှာကျင်းပမယ့် ဂီတပွဲတော်အတွက် ယူရို ၅၀၀၀၀ပေးပြီးကမ်းလှမ်းခဲ့ပေမယ့် ဇီထရပ်စ်က မတ်တယ်လ်ဂီတပွဲမစစ်လို့ဆိုပြီး ငြင်းဆိုခဲ့ပါတယ်။ ဒါပေမယ့် မွေးမြူရေးခြံကိုအပေါင်ဆုံးတော့မယ့် လော့ဗိုနန်ရဲ့အဖေကို ကယ်တင်ဖို့ ‌‌‌‌‌ထောင်ဖောက်ပြေးပြီး ‌‌‌‌‌‌‌‌‌‌‌‌‌‌‌‌‌‌‌‌‌‌‌ပိုက်ဆံရှာဖို့အသည်းအသန်ကြိုးစားကြပုံများကို ဟာသတွေနှောပြီး ကြည့်ရမှာပါ။ တံကျင်လျိုအဖွဲ့ရဲ့ မက်တယ်လ်ဂီတပုံစံကတော့ “”symphonic post-apocalyptic reindeer-grinding Christ-abusing extreme war pagan Fennoscandian metal” ပါတဲ့။ ချစ်စရာ ဂျပန် Baby Metal အဖွဲ့က Cameo ပါဝင်ထားပါတယ်။ ဇာတ်ညွှန်းနဲ့ ဒါရိုက်တာကတော့ Juuso Laatio နဲ့ Jukka Vidgren ဖြစ်ပါတယ်။ အညွှန်းနဲ့ ဘာသာပြန် Thompson ဖြစ်ပါတယ်။ File size… (1.3 GB) / (837 MB) Quality….HEVC / 1080p HEVC / 720p Format…. mkv/mp4 Duration….01:48:00 Genre…Comedy Subtitle….Myanmar Subtitle (Hardsub) Encoder….Swan Min Htet Translated by T Lone

IMDb – 5.5/10 ပန်ဒါဆိုတာ တရုတ်နိုင်ငံနဲ့ ဆိုင်နိုစပီးယားဒေသမှာသာရှိတဲ့ ဝက်ဝံမျိုးဖြစ်ပါတယ်။ တရုတ်နိုင်ငံရဲ့ အမှတ်သင်္ကေတလည်း ဟုတ်ပါတယ်။ ဥရောပနိုင်ငံအများအပြားက စုပေါင်းပြီးထုတ်လုပ်တဲ့ ဒီအန်နီမေးရှင်းရုပ်ရှင်မှာတော့ ဖန်းမ်ဆိုတဲ့ ပန်ဒါလေးရဲ့ စွန့်စားခန်းကိုတွေ့ရမှာပါ။ နဂိုက ရှက်တတ်၊ ကြောက်တတ်တဲ့ ပန်ဒါလေးဟာ အချစ်ဆုံးသူငယ်ချင်း နဂါးမလေးဂျီလုံ ပြန်ပေးဆွဲခံရတဲ့အခါမှာတော့ ဘာကိုမှ မငဲ့ကွက်တော့ဘဲ သူငယ်ချင်းရှိရာ အာဖရိကအထိ လိုက်လံကယ်တင်ပါတော့တယ်။ အာဖရိကမှာ ‌‌‌‌‌‌‌‌မျောက်ကလေးဂျိုဂျို၊ ဟိုင်အီးနားမလေး နီယာလာတို့နဲ့အတူအဖွဲ့ကျပြီး ငှက်ကုလားအုတ်၊ အဝလွန်မိချောင်း၊ ‌‌ဘာဘွန်းမျောက်မ၊ ကြံ့ကြီး၊ မီယာကတ်တပ်ဖွဲ့တို့ကို ရင်ဆိုင်ပြီး ခြင်္သေ့မင်းသားလေး အာဒေရဲ့ နန်းတွင်းရေးကိုလည်း ပါဝင်ကူညီဖြေရှင်းခဲ့ရပါသေးတယ်။ ပန်ဒါလေးရဲ့ အာဖရိကစွန့်စားခန်းကတော့ ရသစုံတယ် ပြောရပါမယ်။ ရုပ်ရှင်ဝေဖန်သူတွေကတော့ ဇာတ်ကောင်တွေများလွန်းတာ၊ ဇာတ်လမ်းသွားကို ခန့်မှန်းရလွယ်လွန်းတာ၊ စကားများလွန်းတာတွေ ‌ထောက်ပြကြပါတယ်။ Lion King, Kung Fu Panda, Jungle Book စတဲ့ နာမည်ကြီးဇာတ်ကားတွေကို တိုက်ရိုက်ကူးချထားတဲ့ဇာတ်ကွက်တွေလည်း ပါဝင်ပါတယ်။ အသံသရုပ်ဆောင်တွေ အများစုဟာ ဇာတ်ကောင်တစ်ကောင်ထက်ပိုပြီး သရုပ်ဆောင်ခဲ့ရပါတယ်။ Yootha Wong-Loi-Sing, Maurits Delchot, Georgina Verbaan, Silas Lekgoathi, Namisa Mdalose, Candice Modiselle တို့က အသံသရုပ်ဆောင်ထားပါတယ်။ ဒါရိုက်တာကတော့ Richard Claus နဲ့ Karsten Kiilerich တို့ဖြစ်ပြီး ဇာတ်ညွှန်းကိုတော့ Richard, Karsten တို့နဲ့အတူ Rob Sprackling တို့ကရေးသားခဲ့ပါတယ်။ အညွှန်းနဲ့ ဘာသာပြန် Thompson ဖြစ်ပါတယ်။ File size…(1.7 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre…Animation, Adventure, Family, Comedy Subtitle….Myanmar Subtitle (Hardsub) Encoder….Swan Min Htet Translated by Thompson

(Warning – FA များ၊ ရည်းစားမရှိသူများ စိတ်မခိုင်လျှင် မကြည့်သင့်ပါ။ အခန့်မသင့်လျှင် ဤကားကြည့်ပြီး မကြာခင် ရည်းစားရသွားနိုင်ပါသည် ? ရည်းစားရှိသော်လည်း မိန်းကလေးတွေအကြောင်း အထာမနပ်သူများ ကြည့်သင့်ကြည့်ထိုက်သော ကားကောင်းတစ်ကားဖြစ်သည်) ဒီကားလေးကို ကြည့်ပြီးသွားကြရင်တော့… ယောက်ျားလေး အများစု မိန်းကလေးတွေနဲ့ ပတ်သတ်ပြီး “ငါမဖြစ်နိုင်ပါဘူးကွာ၊ ငါ့ပုံစံကြီးက သူနဲ့မကိုက်လောက်ပါဘူးကွာ” ဆိုတဲ့ ခံယူချက်၊ ခံစားချက်တွေ လျော့ပါးသွားမှာတော့အသေအချာပါပဲ ဒီကားထဲမှာ ကျွန်တော်တို့ ယောက်ျားလေးအများစုအတွက် ကိုယ်ချစ်ကြိုက်နေတဲ့ ခွက်နေတဲ့ မိန်းကလေးတစ်ယောက်ကို ရည်းစားစကားပြောဖို့ဆိုတာ ဘယ်လောက်တောင်မလွယ်လိုက်လဲဆိုတာ တွေ့ရပါလိမ့်မယ်…(လွယ်လွယ်ကြိုက် လွယ်လွယ်ပြတ် ခေတ်ကြီးထဲမှာ ဒီစကားက ရယ်စရာလဲ ဖြစ်ကောင်းဖြစ်နေပါလိမ့်မယ်) ဒီဇာတ်ကားလေးထဲမှာ… * မိန်းကလေးတစ်ယောက်ကိုတကယ်ချစ်ကြိုက်မိသွားရင် မိန်းမကျမ်းကျေပါတယ်ဆိုတဲ့သူတောင် အထစ်ထစ်အငေါ့ငေါ့ ဖြစ်တတ်ပုံတွေ… >>> မိန်းကလေးတွေ ဘယ်လိုပြုမူပြီ ဘယ်လိုပြောဆိုပြီဆို အဲ့တာဘာကိုဆိုလိုချင်တာ… >>> ပထမဆုံးအနမ်းတစ်ခုအပေါ်မှာ မိန်းကလေးအများစုရဲ့သဘောထား… >>> အချစ်တစ်ခုဖြစ်ပေါ်လာဖို့ဆိုတာ မလွယ်ကြောင်းတွေ အစုံအလင်တွေ့ရပါလိမ့်မယ် * ဇာတ်လမ်းအကျဉ်းလေး ပြောရရင်… >>> အဲလပ်စ်ဟစ်ရှ်(Will Smith)ဆိုတာ Date doctor တစ်ယောက်ပါ(ဖူးစာရေးနတ် သဘောမျိုးပေါ့) မိန်းကလေးတွေနဲ့ပတ်သတ်ပြီး မိမိကိုယ်ကိုသိမ်ငယ်တတ်သူတွေ မဖြစ်နိုင်ပါဘူးဆိုပြီး မြိုသိပ်နေရတဲ့ ယောကျ်ားလေးတွေအတွက်တော့ အားကိုရာဆရာတစ်ပါးပေါ့… >>> ဆာရာမီးလပ်စ်(Eva Mendes)…. ဆိုတာကတော့ ဂျာနယ်တိုက်တစ်ခုက အတင်းအဖျင်းကဏ္ဍအတွက် ပင်တိုင်ဆောင်းပါးရှင်တစ်ယောက်ပါ သူကတော့ အပျိုကြီး မမတစ်ယောက်… ယောက်ျားတွေကို ဖောက်ပြန်တတ်တဲ့သူတွေလို့ပဲ တထစ်ချမှတ်ထားတာ… အပျိုကြီးတွေမှာရော ချစ်တတ်တဲ့ နှလုံးသားရှိပါ့မလား? ? ? အဲလက်စ်ဟစ်ရှ် လို မိန်းမကျမ်းကျေတဲ့ ယောက်ျားမျိုးနဲ့ ဆာရာမီးလပ်စ်လို ယောက်ျားမုန်းဝါဒီသဘောမျိုး လက်ကိုင်ထားသူနှစ်ယောက်တွေ့ပြီး ဘာတွေများဆက်ဖြစ်ကြမလဲ…. အဲလက်စ်ဟစ်ရှ် ရဲ့အလုပ်က လျှို့ဝှက်ပြီးလုပ်ရတဲ့အလုပ် ဆာရာမီးလပ်စ် အလုပ်က ဖော်ကောင်အလုပ်… သူတို့နှစ်ယောက်ဘယ်လိုများ စခန်းသွားကြမှာလဲ? ? ? ဒီနေရာမှာ ဇာတ်ကားတစ်ခုလုံး မပျင်းရလေ အောင် အဆုံးထိခေါ်ဆောင်သွားပေမဲ့ ဇာတ်ကောင်တစ်ဦးရှိပါသေးတယ်… >>> အဲလ်ဘတ်ဘရန်နာမင်း(Kevin James) – သူကတော့ ကျွန်တော်ပြောခဲ့သလိုပဲ”မမှီတဲ့ပန်းကို တုံးခုလှမ်းချင်မိတဲ့တစ်ယောက်” မဝံ့မရဲစိတ်တွေနဲ့ အားငယ်စိတ်တွေနဲ့ ဟစ်ရှ်ဆီရောက်လာရတဲ့အခါ ဟစ်ရှ်တစ်ယောက်အဆင်ပြေအောင် ကူညီပေးနိုင်ပါ့မလား အမြဲတမ်းအလွဲလွဲအချော်ချော်တွေပဲဖြစ်နေတတ်တဲ့ အဲလ်ဘတ်တစ်ယောက်ရော သူချစ်မိသွားတဲ့ အယ်လီဂရာ(Amber Valletta)ဆိုတဲ့ သူရဲ့အလုပ်ရှင် သူဌေးမအကျော်အမော်လေးရဲ့ အချစ်ကို ပိုင်ဆိုင်နိုင်ပမလား? ? ? မင်းသားကြီး Will Smith ရဲ့ရုပ်ရှင်ကားတွေကို တော့ အားလုံးမှတ်မှတ်ရရဖြစ်လောက်မှာပါ… ဒါ့ကြောင့် ဟာသမင်းသားကြီး Kevin James ရဲ့ ကျွန်တော်တို့နဲ့ရင်းနှီးပြီးသားလူသိများတဲ့ကား အချို့ကို ဖော်ပြပေးလိုက်ပါတယ် >>>Paul Blart:Mall Cop, >>>Hotel Transylvania(Frankenstein နေရာ အသံသရုပ်ဆောင်), >>>Zoo Keeper, >>>Pixels, >>>Grown ups … **(ဒီဇာတ်ကားမှာ Idioms အသုံးအချို့ Proverbs အချို့ကို သင့်လျော်သလို အတတ်နိုင်ဆုံးအဓိပ္ပါယ်လဲ မလွဲအောင် ပြန်ထားပါတယ်… အမှားတစ်စုံတစ်ရာရှိခဲ့ရင် ဘာသာပြန်သူကျွန်တော်၏ အမှားသာဖြစ်ပါတယ် ခင်ဗျာ)

Okamuro-san (2022) ******************** IMDb… 5.5 ဒဏ္ဍာရီလာ ဆာမူရိုင်းမကောင်းဆိုးဝါးလို့ သိထားကြတဲ့ အိုကာမူရို… သူ့ရဲ့နာမည်ကိုခေါ်ရင် Okamuro လို့ လိုင်းပေါ်မှာရှာရင် ပေါ်လာပြီးတော့ အားလုံးကို ခေါင်းဖြတ်သတ်တတ်တဲ့ မကောင်းဆိုးဝါး… အိုကာမူရိုကို ပြန်ပျောက်သွားစေချင်ရင် အိုကာမူရို အိုကာမူရို အိုကာမူရိုလို့ ၃ ကြိမ်ရွတ်ရတယ်ဆိုတဲ့ယုံတမ်းစကားလေးတစ်ခုရှိတာပေါ့။ ဒါပေမဲ့ ခေတ်အမြင်နဲ့ကြည့်တော့ မကောင်းဆိုးဝါးက အွန်လိုင်းမှာပဲ အက်တစ်ဖြစ်သလိုလို ဘာလိုလိုနဲ့ ရယ်စရာကြီးဖြစ်နေတော့ လူငယ်တွေကတော့ မယုံကြပါဘူး။ ဒီလိုနဲ့ ဆုဇုတို့သူငယ်ချင်းတစ်စု campထွက်ရင်း သရဲပုံပြင်တွေပြောကြ စနောက်ကြရာကနေ အိုကာမူရိုယုံတမ်းပုံပြင်လေးကို စမ်းသပ်ဖို့လုပ်ကြပါတော့တယ်။ ဒါပေမဲ့ ထူးဆန်းစွာနဲ့ ကမ့်ပ်ထွက်တဲ့လူတွေအကုန် ထူးထူးခြားခြား ခေါင်းဖြတ်သတ်ခံရပြီး ဆုဇုတစ်ယောက်တည်း အသက်ရှင်ကျန်ရစ်ခဲ့ချိန်မှာတော့… File Size… 1.14GB/ 530MB Quality… BluRay 1080p/ 720p Format…mp4 Duration…1h 13m Genre …..Horror, Fantasy, Comedy Subtitle….Myanmar Subtitle (Hard Sub)