အဖော်အချွတ် ၊ ဆေးသုံးတဲ့အခန်းတွေ နဲ့ ကြမ်းတမ်းတဲ့စကားလုံးများစွာပါဝင်လို့ မိသားစုနဲ့အတူမကြည့်သင့်ပါဘူး.. ယခုတင်ဆက်ပေးမယ့် ဇာတ်ကားလေးကတော့ ၂၀၁၆ ခုနှစ်ကထွက်ရှိခဲ့တဲ့ American Honey ဆိုတဲ့ ဇာတ်ကားလေးပဲဖြစ်ပါတယ်။ ၇၀ကြိမ်မြောက် BAFTA ရုပ်ရှင်ဆုပေးပွဲမှာ အကောင်းဆုံး British Film အဖြစ် ဆန်ကာတင်ရွေးချယ်ခံခဲ့ရပြီး ၂၀၁၆ ကိန်းစ် ရုပ်ရှင်ပွဲတော်မှာလဲ Palme d'Or ဆုအတွက်ရွေးချယ်ခံခဲ့ရပြီး Jury Prize ဆုကို ရရှိခဲ့ပါတယ်။ အခြားဆုတွေလဲ တစ်သီကြီးရထားတဲ့ ဒရာမာ ဇာတ်ကားကောင်းလေး တစ်ကားဖြစ်ပါတယ်။ IMDB 7/10 ရရှိထားပြီး ခရမ်းချဉ်သီးမှာလဲ Rating ကောင်းကောင်းရရှိထားပါတယ်။ ဇာတ်ကောင်တွေကတော့ Sasha Lane၊ Shia LaBeouf နဲ့ Riley Keough တို့အဓိကထား ပါဝင် သရုပ်ဆောင် ထားပါတယ်။ စတားဆိုတဲ့ ကောင်မလေးတစ်ယောက်ဟာ သူမရဲ့ ကလေးမဟုတ်တဲ့ ကလေးနှစ်ယောက်ကို ထိန်းကျောင်းနေရပြီး အမြဲတစေ လိင်ပိုင်းဆိုင်ရာစော်ကားနေတဲ့ ဖခင်နဲ့အတူ နေထိုင်ပါတယ်။ တစ်ရက်တော့ အိမ်ပြန်ဖို့အတွက် ကားတားနေရင်းနဲ့ ဂျိတ်တို့အဖွဲ့နဲ့တွေ့ပါတော့တယ်။ စူပါမားကတ်ထဲမှာ ကျကျန်ခဲ့တဲ့ ဂျိတ်ရဲ့ ဖုန်းကို လိုက်ပြန်ပေးရင် ဂျိတ်က သူတို့ရဲ့ မဂ္ဂဇင်းရောင်းတဲ့ အဖွဲ့ထဲကို အလုပ်သွင်းပေးလိုက်ပါတော့တယ်။ အဲ့ဒီလိုနဲ့ စတားတစ်ယောက် ဂျိတ်တို့ အရောင်းအဖွဲ့နဲ့ အတူ ကန်းဆက်မြို့ဆီကို လိုက်ပါသွားရင်းနဲ့ သူ့ရဲ့ အိပ်မက်ကို အကောင်အထည်ဖော်ဖို့ကြိုးစားပါတော့တယ်။ စိန်ခေါ်မှုတွေများစွားနဲ့အတူ လမ်းတစ်လျှောက် မဂ္ဂဇင်းရောင်းချရင်း အဖွဲ့နဲ့အတူ သူမရဲ့ ကိုယ်ပိုင်ဘဝလမ်းကြောင်းကို ပုံဖော်ဖို့အတွက် ဆုံးဖြတ်ထားပါတယ်။ ပျော်ရွင်မှု၊ စိတ်ပျက်မှု၊ ခင်မင်မှုနဲ့ ဝယ်သူတွေရဲ့ အန္တရယ်တွေကြားထဲမှာ စတားတစ်ယောက် ဘယ်လိုရှင်သန်နေထိုင်မလဲဆိုတာကို စိတ်ဝင်းစားစရာကြည့်ရှု့ရမှာပါ။ စတားရဲ့ အိမ်ကထွက်လာတာကနေစလို့ တွေ့ကြုံခဲ့ရတဲ့ အခက်ခဲတွေ၊ လူငယ်တစ်ယောက်ရဲ့စူးစမ်းလိုစိတ်၊ စွန့်စားမှုတွေ အိမ်မက်နောက်ကိုလိုက်ပြီးကြိုးစားခဲ့တာတွေကို ဇာတ်လမ်းလေးထဲမှာပဲ ကြည့်ရှု့လိုက်ကြပါခင်ဗျာ… (ဘာသာပြန်နဲ့ အညွှန်းတင်ဆက်သူကတော့ PROXY ဖြစ်ပါတယ်ခင်ဗျာ) File Size :(3.1GB)(2.1GB) and (716MB) Quality : Blu-Ray1080P, 720p Format…mp4 Duration…02:43:00 Genre : Drama, Romance, Adventure Subtitle : Myanmar Subtitle (Hard Sub) Translated by PROXY Encoded by Phyo Pyae

ထိုင်းနိုင်ငံရဲ့ လမ်းမတစ်နေရာမှာ လက်တန်း သရုပ်ဆောင်လေ့ကျင့်နေတဲ့ တော်ဝင် အနုပညာ တက္ကသိုလ်မှ ကျောင်းသူ ယန်ကျန်းကျန်း.... ကပ္ပတိန် ကျန်းရော့ချန် က လမ်းပေါ်မှာ တကယ် ဒုက္ခရောက်နေတယ်ထင်ပြီး ယန်ကျန်းကျန်း ကို အကူအညီပေးခဲ့ပြီးနောက်ပိုင်းမှ အရာအားလုံးက လိမ်လည်လှည့်ဖြားခဲ့တာဆိုတာသိခဲ့လိုက်ရတယ်... နောက်ပြီး အကြောင်းအရင်းတချို့ကြောင့် ဦးလေးဝူ မိသားစုရဲ့ သမီး ဟွမ်းဟွမ်း အဖြစ်သို့ ပြောင်းလဲသွားပြီး မိသားစုမိတ်ဆွေ ဖြစ်ခဲ့ဖူးတဲ့ ကျန်းရော့ချန်နဲ့ပြန်လည်တွေ့ဆုံတဲ့အခါ.... ယန်ကျန်းကျန်း က အထောက်အထားတွေကို ဖျောက်ဖျက် ကာ ဘယ်လိုနည်းပေါင်းစုံနဲ့ ကြိုးစားပြီး အန္တရာယ်မှ အကြိမ်ကြိမ် လွတ်မြောက်နိုင်မလဲ..... ကျန်းရော့ချန်ကရော ဦးလေးဝူအတွက် ဒီအတုအယောင်တွေကို ဘယ်လိုမျိုး ကူညီဖော်ထုတ်ပေးမလဲဆိုတာကိုတော့ စောင့်မျှော် ကြည့်ရှုအားပေးကြပါဦးနော်.... Quality : WEB-DL 1080p , 480p Format : mp4 Genres : Romance , Drama Runtime : 1h 10 min Subtitle : Myanmar Subtitle ( Hardsub ) Translated by CM Team Reviewed By Aye Myat Nwe Encoded by LK

The Harbinger (2022) ပုဗ္ဗနိမိတ် (သို့) ရှေ့တော်ပြေး ဆိုတဲ့ခေါင်းစဥ်အတိုင်း Omen လို နိမိတ်တွေကို အဓိကထားတာ မဟုတ်ဘဲ Devil ရဲ့ ရှေ့တော်ပြေးအကြောင်းကို ရိုက်ကူးထားတဲ့ Horror, Thriller အမျိုးအစားပါ။ ဒန်နီယယ်တို့ဟာ တစ်ချိန်တုန်းက သိပ်ကိုပျော်စရာကောင်းတဲ့ မိသားစုလေးပါ။ ယခုအခါမှာတော့ သမီးလေး ရိုဆလီရဲ့ ထူးဆန်းတဲ့အပြုအမူတွေနဲ့အတူ အလုပ်ကိစ္စကြောင့် တစ်မြို့ပြီးတစ်မြို့ပြောင်းရွေ့နေထိုင်ကြပါတယ်။ ဒီတစ်ခါရောက်သွားတဲ့ မြို့လေးမှာတော့ မိမိကိုယ်ကို သတ်သေမှုတွေ ဆက်တိုက်ဆိုသလို ကြုံလာရတယ်။ အမှုတိုင်းမှာလည်း ရှေးဟောင်းပစ္စည်းလေးတစ်ခုက ရှိနေတယ်။ အဲဒီမြို့လေးမှာ ကျိန်စာသင့်နေတယ်လို့ သမုတ်ကြတဲ့ မူလဇာတိသား အင်ဒီးယန်းလူမျိုးစုတွေရဲ့ ​နယ်မြေလည်း ရှိနေပြန်တယ်။ ဒီသတ်သေမှုတွေက ဒန်နီယယ်တို့ မိသားစုနဲ့ ဘယ်လိုပတ်သတ်နေမလဲ မူရင်း အင်ဒီးယန်းလူမျိုးတွေနဲ့ ဘယ်လိုဆက်စပ်နေမလဲဆိုတာတော့ ကိုယ်တိုင်ကြည့်ရှုအားပေးရင်း ရင်ဖိုနိုင်ရန် ညွှန်းဆိုလိုက်ပါရစေ… (ဒီဇာတ်ကားနဲ့အညွှန်းကို Mugiwara Ya မှ ပြန်ဆို ရေးသားထားပါတယ်) Size – 1.5GB, 730MB Quality – 1080p, 720p Format – mp4 Duration – 1H 54Min Genre – Horror, Mystery, Thriller Subtitle – Myanmar Subtitle (Hardsub) Translated by Mugiwara Ya Encoded by Y

Hidayah (2023) ဘဝရဲ့အလှည့်အပြောင်း လောကဓံအထုအထောင်းတွေကြားမှာ ရွေးရကြပ်တည်းလာတဲ့အခါ ခဲရာခဲဆစ်နဲ့ ကြိုးပမ်းကြသူတွေရှိကြသလို အလွယ်လမ်းလိုက်သူတွေလည်းရှိပါတယ်။ အခုတစ်ခါမှာလည်း အလွယ်လမ်းလိုက်ရာက အဖြစ်ဆိုးနဲ့ကြုံသွားရတဲ့ ရုပ်ရှင်တစ်ကားကို တင်ဆက်ပေးသွားမှာဖြစ်ပါတယ်။ ဘာရီဆိုတဲ့ကောင်‌လေးဟာ တစ်ချိန်ကတော့ ဘာသာရေးကိုင်းရှိုင်းတဲ့ အပနှင်ဆရာလေးတစ်ယောက်ဖြစ်ခဲ့ပါတယ်။ အခုချိန်မှာတော့ အတိတ်ရဲ့ဖြစ်ရပ်ဆိုးတွေကြောင့် မိခင်ကိုဆုံးရှုံးလိုက်ရတဲ့ဘာရီဟာ ယုံကြည်မှုတွေပျောက်ဆုံးနေတဲ့ အတိတ်ရဲ့‌ လောင်းရိပ်အောက်က အလွတ်ရုန်းထွက်နေတဲ့ ထောင်ထွက်လေးဘာရီဖြစ်နေပါပြီ။ ဒီလိုနဲ့ စက်ပြင်ဆရာလုပ်နေတဲ့ဘာရီဆီကို သူ့ရဲ့ဇာတိဖြစ်တဲ့ မာကာဆာဂီရွာကငယ်သူငယ်ချင်း ဟာဆန်ရောက်လာပါတော့တယ်။ မာကာဆာဂီရွာမှာ ထူးဆန်းတဲ့သဘာဝလွန်ဖြစ်ရပ်တွေဖြစ်ပြီး တစ်ရွာလုံးကျီးလန့်စာစားနေရတဲ့အတွက် အပနှင်ပေးဖို့ ဘာရီကိုဟာဆန်က လာခေါ်တာပါ။ တည်ငြိမ်နေတဲ့ရေပြင်ကို ဂယက်ထစေမယ့် ဒီကိစ္စကို ဘာရီတစ်ယောက် သဘောမကျလှပေမဲ့ ဒုက္ခရောက်နေသူက တစ်ချိန်ကသူငယ်ချင်းရတ်နာဖြစ်နေတော့ မငြင်းဆန်နိုင်ဘဲ ရွာကိုသွားဖို့ဖြစ်လာတဲ့အခါ ရတ်နာတစ်ယောက် ညနေ ၆ နာရီတိုင်းမှာ အသံနက်ကြီးနဲ့အော်နေတာ ဘာကြောင့်များလဲ။ ရွာကိုရောက်လာတဲ့ အပနှင်ဆရာလေး ဘာရီကရော သူ့ကိုမကြည်ဖြူချင်ကြတဲ့ရွာသားတွေကို ကူညီသွားမှာလား။ ယုံကြည်မှုတွေပျောက်ဆုံးနေလို့ လမ်းညွှန်မှုကိုရှာနေတဲ့ဘာရီတစ်ယောက် သူ့ရဲ့ဇာတိကနေ လမ်းစပြန်ရလာမလားဆိုတာကိုတော့ ဒီ Hidayahဆိုတဲ့ရုပ်ရှင်လေးမှာ အတူကြည့်ရှုလိုက်ရအောင်ပါ။ အညွှန်း နဲ့ ဘာသာပြန်ကတော့ Mary Christ ပဲ ဖြစ်ပါတယ်။ Genre….. Horror Quality…. 720p File size… 513MB Format… mp4 Duration…. 1h 32min Subtitle…. Myanmar Subtitle (Hardsub) Translator ….. Mary Christ Encoder ….. Aaron

Le Samouraï (1967) ~ IMDb – 8/10, Rotten Tomatoes – 100% ~ Jean-Pierre Melville ဟာ ပြင်သစ်နယူးဝေ့ကို စတင်ခဲ့တဲ့ဒါရိုက်တာတချို့ရဲ့ စိတ်ကူးတွေမြစ်ဖျားခံရာဖြစ်သလို ပြင်သစ်နယူးဝေ့ရဲ့ အမြင်တွေပေါ်ပေါက်လာစေခဲ့တဲ့သူတွေထဲက တစ်ယောက်လည်းဟုတ်တယ်။ ပြင်သစ်နယူးဝေ့ရဲ့ အခရာကျတဲ့ ဒါရိုက်တာစာရင်းမှာတော့ မထည့်ကြပေမဲ့ ပြင်သစ်နယူးဝေ့ရဲ့ Spiritual Father လို့ဆိုကြတယ်။ ပြင်သစ်နယူးဝေ့ထွက်ပေါ်လာတဲ့အထဲ သူ့လွှမ်းမိုးမှုတော်တော်ကြီးခဲ့တယ်။ သူ့ရဲ့ Independence ဖြစ်တဲ့ တင်ပြပုံနဲ့ အတုလုပ်ထားတဲ့ရိုက်ကွင်းမသုံးဘဲ တကယ့်နေရာအစစ်မှာ ရိုက်ကူးခြင်းတွေကို နယူးဝေ့ဒါရိုက်တာတွေဟာ အတုယူခဲ့ကြတယ်။ ပြင်သစ်နယူးဝေ့ရဲ့ နာမည်အကျော်ဆုံးတွေထဲက တစ်ယောက်ဖြစ်တဲ့ Jean-Luc Godard ဟာ ရိုက်ထားတာတွေကို တည်းဖြတ်တဲ့နေရာမှာ အခက်အခဲဖြစ်နေတဲ့အချိန် Melville က ဂိုးဒတ်ကို သူဆို သူရိုက်ထားတဲ့ထဲက အကောင်းဆုံးအပိုင်းတွေကို ဖြတ်ယူလိုက်တာပဲလို့ ပြောပြခဲ့တယ်။ ဂိုးဒတ်ကလည်း အဲဒီနည်းကို နောက်ပိုင်းလည်း ဆက်တိုက်သုံးခဲ့တယ်။ Melville ဟာ Neo-noir တွေကို အရိုက်များခဲ့ပြီး နောက်ပိုင်း Neo-noir ကားတွေ Crime, Action ကားတွေရိုက်တဲ့ ဒါရိုက်တာတွေအားလုံးနီးပါးအပေါ် လွှမ်းမိုးမှုရှိခဲ့တယ်။ ဂျွန်ဝူးကတော့ The Killer ဆိုတဲ့ နာမည်နဲ့ ချောင်ယွန်ဖတ်ကိုသုံးပြီး ဇာတ်ကောင်ကိုနည်းနည်းမှီး ဇာတ်လမ်းကျောရိုးကိုနည်းနည်းမှီးပြီး ဒီအသွားအတိုင်းကို ပြန်ရိုက်ပြီး Heroic Bloodshed ကားတွေလို့ Genre ကွဲတစ်ခု တည်ဆောက်နိုင်ခဲ့တယ်။ ဒါလည်း ဆန်းတော့မဆန်းဘူး။ ဟောင်ကောင် Crime Action တွေဟာ ပြင်သစ်ကားတွေကို ပြန်လည်ဆန်းသစ်ပြီးရိုက်ထားခဲ့ကြတာများတယ်။ Infernal Affairs တို့ City on Fire တို့လည်း ဒီလိုပါပဲ။ ဖြစ်သင့်တဲ့ကိစ္စပဲမလား။ ဂိုးဒတ်တော့ပြောဖူးတာပဲ… ရုပ်ရှင်အတွက် အဓိကလိုတဲ့ Element က သေနတ်တစ်လက်နဲ့ မိန်းမလှတစ်ယောက်ဆိုပဲ။ အက်ရှင်နဲ့ လိင်မှုပေါ့။ Le Samouraï ဟာ ဘယ်လိုရုပ်ရှင်လဲဆို… Hitman တစ်ယောက်အကြောင်းသက်သက်ပဲ။ Hitman တစ်ယောက်က အလုပ်လက်ခံတယ်။ သူ့အလုပ်သူလုပ်တယ်။ ဒါကိုပြတဲ့အထိတော့ သိပ်တော့မဆန်းဘူး။ ဇာတ်ကောင်ပြောခဲ့သလိုပဲ။ လူသတ်ဖို့ငွေပေးထားလို့ သူက လူသတ်ပေးလိုက်ရုံပဲ။ ဒါပေမဲ့ အမှတ်မထင် အဲဒီအလုပ်က နောက်ဆက်တွဲပြဿနာတွေရှိလာတယ်။ ဒီပြဿနာတွေကို သူဖြေရှင်းတဲ့ပုံစံကနေ သူက ဘယ်လိုစိတ်ဓာတ်နဲ့ ဘယ်လိုလူမျိုးလဲဆိုတာကို ကာရိုက်တာတည်ဆောက်ပြသွားတယ်။ ဒီမှာထူးတာက သူ့အပြိုင်ဇာတ်ကောင်ဖြစ်တဲ့ ရဲအရာရှိကိုလည်း သူ့လောက်အချိန်မပေးထားပေမဲ့ သူ့လောက်နီးနီး ခိုင်မာအောင် အခန်းနည်းနည်းနဲ့ တည်ဆောက်ပြသွားတာပဲ။ မင်းသမီးကို သူလိုချင်တဲ့အတိုင်း ထွက်ဆိုလာအောင် နားချတဲ့အခန်းမှာ ဒီရဲဇာတ်ကောင်ကလည်း သူ့အလုပ်သူဖြစ်မြောက်ဖို့ ဘာမဆိုလုပ်မယ့်ဇာတ်ကောင်မျိုးဆိုတာကို မြင်သာစေခဲ့တယ်။ ဒါကြောင့်လည်း Hitman ဇာတ်ကောင်ရဲ့ အခြေအနေက ပိုကျပ်တည်းသွားသလို ကျပ်တည်းသွားတဲ့ အခြေအနေမှာ သူ့ခံယူချက်နဲ့ သူ့စိတ်ဓာတ်က ပိုထင်းလင်းလာတယ်။ ဒါကို Melville က အရိပ်တွေ အမှောင်တွေ အငြိမ်တွေသုံးပြီး ဒိုင်ယာလော့နည်းနည်းနဲ့ တင်ဆက်ထားတဲ့ ရုပ်ရှင်ပါပဲ။ သေချာတာတော့ Le Samouraï မှာ သေနတ်တစ်လက်နဲ့ မိန်းမတစ်ယောက်ပါတယ်။ ဒါပေမဲ့ အဲဒီသေနတ်ကလည်း အငြိမ် အဲဒီမိန်းမကလည်း အငြိမ်ပဲ။ “Action is the enemy of Suspense” ဆိုတဲ့စကားရှိပေမဲ့ Le Samouraï ကတော့ Action မှာ Suspense တွေ တွဲလွဲခိုနေတဲ့ ရုပ်ရှင်လို့ပြောရလိမ့်မယ်။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 3.4GB, 700MB Quality – BluRay 1080p, 720p IMDb Rating – 8/10 Format – mp4 Duration – 1H 41Min Genre – Crime, Drama, Thriller Subtitle – Myanmar Subtitle (Hardsub) Translated by WiRa Aung Encoded by Y

ဒီကားလေးကတော့ Mini ဇာတ်လမ်းတိုလေးဖြစ်ပြီး သူငယ်ချင်းနှစ်ယောက်ရဲ့ အချစ်အကြောင်းကို Bromance ဆန်ဆန် ရိုက်ကူးပြသွားတဲ့ ဇာတ်လမ်းလေးါပ ပန်းချီပညာကို အရမ်းသဘောကျပြီး သူ့ရဲ့ ဆရာက Thesis အနေနဲ့ ရှု့ခင်းပုံဆွဲခိုင်းတာကြောင့် နယ်ဘက်တစ်နေရာကို သွားတာပေါ့ အဲ့မှာ ရှု့ခင်းလှတဲ့နေရာကို သွားပြီး ပုံဆွဲနေရင်း အဲ့က ကောင်လေးတစ်ယောက်နဲ့ ခင်မင်သွားတဲ့ ချိန်မှာတော့ … File size_(450MB) Quality_Blu-Ray 1080p Format_mp4 Duration_00:30:00 Genre_BL, Romance Subtitle_Myanmar Subtitle (Hardsub) Encoder_a hao Translated by a hao

A Normal Family (2024) ************************* IMDb… 7.3 Sky Castle , Penthouse တို့လို vibe မျိုးရစေမဲ့ Family, Thriller ရုံတင်ဇာတ်ကားသစ်ကြီးကို တင်ဆက်ပေးလိုက်ပါတယ်ရှင်။ ၂၀၁၇ ခုနှစ်တုန်းက ထွက်ရှိခဲ့တဲ့ အမေရိကန်ရုပ်ရှင် The Dinner ကို remake ပြန်လည်ရိုက်ကူးထားတာဖြစ်ပြီး The Last Princess ၊ Forbidden Dream တို့ရဲ့ ပဲ့ကိုင်ရှင် ဒါရိုက်တာ Hur Jin-ho က ရိုက်ကူးထားပြီး အားလုံးနဲ့မစိမ်းတဲ့ ဝါရင့်သရုပ်ဆောင်ကြီးများဖြစ်ကြတဲ့ Sul Kyung-Ku ၊ Jang Dong-Gun ၊ Kim Hee-Ae နဲ့ Claudia Kim တို့က အဓိက ပါဝင်သရုပ်ဆောင်ထားပါတယ်။ – ဇာတ်လမ်းအကျဉ်း – ယန်းဂျယ်ဝမ် (Sul Kyung-Ku) ကတော့ ကိုယ့်လောဘတစ်ဖို့စာသာ သိပြီး လူသတ်သမားတွေကို ရှေ့နေလိုက်ပေးဖို့လည်း တွန့်ဆုတ်‌မနေသူပါ။ ဂျီဆူး (Claudia Kim) နဲ့ လက်ထပ်ထားပြီး ဂျီဆူးနဲ့မယူခင် အရင်အိမ်ထောင်နဲ့ရတဲ့ သမီးလေးတစ်ယောက် ရှိပါတယ်။ ယန်းဂျယ်ဂယူ (Jang Dong-Keon) ကတော့ စည်းမျဉ်းစည်းကမ်းများကို အလေးထားတဲ့ ကလေးအထူးကုဆရာဝန်တစ်ယောက်ဖြစ်ပြီး ယွန်း‌ဂယောင်း (Kim Hee-Ae) နဲ့ လက်ထပ်ပြီး သားလေးတစ်ယောက်ရှိပါတယ်။ တစ်ယောက်နဲ့တစ်‌ယောက် ခံယူချက်တွေ မတူညီကြပေမဲ့ အပြစ်အနာအဆာမရှိတဲ့ သာမန်မိသားစုလေးဖြစ်ခဲ့တဲ့ သူတို့လေးဦး… တစ်နေ့မှာ သားနဲ့သမီးဖြစ်သူတို့ ပြစ်မှုကျူးလွန်နေတဲ့ မြင်ကွင်းကို ရိုက်မိထားတဲ့ စီစီတီဗီကို အမှတ်မထင် မြင်သွားတဲ့အခါ… လေးယောက်ကြား အထင်အမြင်တွေ ကွဲလွဲပြီး အေးချမ်းနေခဲ့တဲ့ မိသားစုလေး စတင်လဲပြိုလာတဲ့အခါမှာတော့… ကိုယ့်သွေးသားကိုပဲ ကာကွယ်ပေးမလား.. လူ့ကျင့်ဝတ်ကိုပဲ လိုက်နာမလား… သူတို့လေးဦး ဘယ်လိုရွေးချယ်မှုတွေ လုပ်ကြမလဲဆိုတာကို ဇာတ်လမ်းလေးထဲမှာ ဆက်လက်ကြည့်ရှုပေးကြပါဦးနော်။ ဝါရင့်သမ္ဘာရင့် ထိပ်ထိပ်ကြဲသရုပ်ဆောင်ကြီးတွေ ဖြစ်တဲ့အလျောက် သရုပ်ဆောင်ချက်တွေကအစ မိမိုက်နေတာဖြစ်လို့ ကြည့်ရှုသင့်ပါကြောင်း…။ (ဇာတ်လမ်းအကျဉ်းကို Hnin Wai Oo မှ ရေးသားပေးထားပါတယ်။) File size… 1.16GB/ 480MB Quality…WEB-DL 1080p / 720p Format…mp4 Duration….1h 49m Genre ….. Mystery, Drama Subtitle….Myanmar Subtitle (Hard Sub) Encoder….Tiff Translated by Hnin Wai Oo & Stary

အမေရိကန် ပြည်နယ်စောင့်တပ်ရဲ့ လူသစ်တပ်ခွဲတစ်ခုဟာ နယူးမက္ကဆီကိုပြည်နယ် ယူမာ မြေပြန့်ဒေသထဲမှာ တည်ရှိတဲ့ အမေရိကန်ကြည်းတပ်ပိုင် နယ်မြေတစ်ခုက သိပ္ပံပညာရှင်အဖွဲ့တစ်ဖွဲ့ကို ကူညီဖို့အတွက် သွားရောက်ခဲ့ကြပါတယ်။ ဒါပေမဲ့ သူတို့တွေဟာ စခန်းကို ရောက်ခဲ့တဲ့အချိန်မှာတော့ လူသူအကုန် ပျောက်ဆုံးနေခဲ့တဲ့အပြင် တောင်ပေါ်က ကျန်ရစ်သူတစ်ဦးကိုပါ ကယ်ဆယ်ရေးလုပ်ဖို့ဖြစ်လာပါတော့တယ်။ ဒီလိုနဲ့ပဲ ဒီနေရာမှာ နေထိုင်နေကြတဲ့ မျိုးပြောင်း လူသားစားသူတွေက သူတို့ကို ချောင်းမြောင်းတိုက်ခိုက်လာခဲ့တဲ့အခါမှာတော့ ကယ်ဆယ်ရေးကနေ အသက်အတွက် ရုန်းကန်ရေးဖြစ်လာပါတော့တယ်။ ပါးနပ်လွန်းလှပြီး သူတို့ကို အလွယ်‌လေးရှင်းထုတ်ပစ်နေတဲ့ ဒီလူတွေဆီကနေ ဒီစစ်သားတွေ လွတ်မြောက်နိုင်ကြမှာလား။ အဆုံးမှာ လူသားစားသူတွေကပဲ အနိုင်ရသွားခဲ့မလားဆိုတာကို ကြည့်ရှုခံစားပေးကြပါဦးခင်ဗျ။ (သွေးထွက်သံယို သတ်ဖြတ်ခန်းများ၊ မုဒိန်းပြုကျင့်ခန်းနှင့် ကြမ်းတမ်းသော ဇာတ်ဝင်ခန်းများ ပျို့အန်စရာ ပြကွက်များ ပါဝင်သည့် ဇာတ်ကားဖြစ်သောကြောင့် အသက်မပြည့်သူများ ကြည့်ရှုရန်မသင့်တော်ပါ။) File Size : 1.5 GB, 752 MB Quality : WEB-DL 1080p / 720p Running Time : 1hr 29min Format : Mp4 Genre : Horror, Thriller Subtitle : Myanmar Subtitle (Hard Sub) Translated by : Brackman Encode by : Thit San Khant

ဒီတစ်ခါတော့ စကူဘီတို့ အဖွဲ့ဖြစ်တဲ့ Mystery Inc ဟာ ဖရက်ဒ်ရဲ့ မိဘတွေဆီက လက်ဆောင်ရတဲ့ ဇိမ်ခံသင်္ဘောခရီးစဥ်ကို လိုက်ပါလာကြပါတယ် ထွက်လာကျတဲ့ နေရာကလည်း ဗာမူဒါတြိဂံကို ထွက်လာခဲ့ကြတာပါ အပန်းဖြေဖို့ ထွက်လာခဲ့ကြပေမဲ့ သင်‌္ဘော ခရီးစဥ်တစ်လျှောက် ထူးဆန်းမှုတွေကို ကြုံလာရပါတော့တယ် ဒီတော့ သူတို့ ဘာတွေ ကြုံသွားရမလဲ ကြုံရသမျှကိုရော ဘယ်လိုဖော်ထုတ်သွားမှာလဲဆိုတာတွေကို စကူဘီဒူးရဲ့ ထုံးစံအတိုင်း ဟာသတွေနဲ့ ဒီတစ်ခါမှာတော့ အပန်းဖြေခရီးစဥ်အဖြစ် ကြည့်ရှုရမှာပါ File size… 1.3 GB / 654 MB Quality… WEB-DL 1080p / 720p Format… mp4 Duration…. 1h 10m Genre ….. Adventure / Animation / Comedy Subtitle…. Myanmar Subtitle (Hard Sub) Encoder…. Thit San Khant Translated… by Jia

ရုပ်ရှင်ကားကြီးတွေမှာ မြင်တွေ့နေကျတော့မဟုတ်ပေမဲ့ တချို့နာမည်ကြီး Series တွေမှာမြင်တွေ့နေကျဖြစ်တဲ့ နာမည် မကြီးတကြီးမင်းသားမင်းသမီးတွေနဲ့ရိုက်ကူးထားတဲ့ စုံထောက် ဇာတ်ကားကောင်းလေးတစ်ကားကိုတင်ဆက်ပေးလိုက်ပါတယ်။ ဇာတ်ကားနာမည်ကတော့ The Star City Murders ဖြစ်ပြီး လူသတ်မှုတွေကိုရှာဖွေစုံစမ်းစစ်ဆေးရတဲ့ဇာတ်ကားတွေကို ကြိုက်နှစ်သက်တဲ့ စုံထောက်လောင်းတို့အတွက်တော့ ကြည့်ရတာစိတ်ဝင်စားစရာကောင်းစေမှာဖြစ်ပါတယ်။ ဇာတ်ကားအကျဉ်းချုပ်ကတော့ ဇာတ်ကားနာမည်ကို ကြည့်လိုက်တာနဲ့ စတားစီးတီး(မြန်မာကမဟုတ်) မှာဖြစ်တဲ့ လူသတ်မှုတွေကိုနယ်ခံရဲဌာနကစုံထောက်ကြီးတွေက အဖြေ ရှာရတဲ့ပုံစံမျိုးရိုက်ကူးထားတာဖြစ်ပါတယ်။လူသတ်တဲ့ပုံစံက တခြားလူသတ်သမားတွေနဲ့မတူဘဲ မျက်နှာကိုကြည့်လိုက်ရုံနဲ့ ဘယ်သူမှန်းတောင်မသိနိုင်လောက်တဲ့အထိ မျက်နှာပါမရှိတော့ အောင်လုပ်ပြီးသတ်ဖြတ်ထားတဲ့အတွက် ဒီအမှုကိုအပူတပြင်း ဦးစားပေးပြီး စုံစမ်းနေကြပါတယ်။ အဲ့လိုစုံစမ်းနေရင်းတန်းလန်းနဲ့ကိုမှလူသတ်သမားက နောက်ထပ် တစ်ယောက်ပြီးတစ်ယောက်လိုက်သတ်ရင်းနဲ့မှ သေဆုံးသူတွေ များလာလေလေ သူတို့ကြားကဆက်နွယ်မှုတွေ ပိုသိသာလာ လေလေနဲ့ တစ်ဆင့်ချင်းစီဆက်စပ်ရင်းနဲ့မှ လူသတ်သမားရဲ့ ရည်ရွယ်ချက်နဲ့ တရားခံဘယ်သူလဲဆိုတာတွေကို ဖော်ထုတ် သွားမဲ့ဇာတ်ကားကောင်းလေးတစ်ကားဖြစ်ပါတယ်။ File size… (861 MB) / (389 MB) Quality… WEB-DL 1080p HEVC / 720p Format…mkv / mp4 Duration….1h 19m Genre ….. Adventure , Crime , Mystery , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

ဒီ Bonnie ဆိုတဲ့ဇာတ်ကားလေးက 2024 ကထွက်ခဲ့တဲ့ အင်ဒိုဇာတ်ကားလေးဖြစ်ပါတယ် Action,Drama & High school life Genre ဖြစ်ပါတယ်… ဇာတ်လမ်းအကျဉ်း ++++++++ ယောက်ျားဖြစ်သူ ရန်ပွဲမှာ သေဆုံးသွားလို့ တစ်ချိန်လုံး အရက်သောက်,လောင်းကစားလုပ်နေတဲ့ အမေကိုစိတ်နာပြီး ကိုယ်ခံပညာကလည်း တတ်တော့သူ့ရဲ့မကျေနပ်ချက်တွေကို လက်သီးသုံးပြီး ဖြေရှင်းတတ်တဲ့ကျောင်းသူ ကောင်မလေး တစ်ယောက်ရဲ့အ‌ကြောင်းပါ… သူက မတရားအနိုင်ကျင့်တာတွေ မိန်းကလေးတွေအပေါ် ဖိနှိပ်တာတွေ, sexual assault လုပ်တတ်တဲ့ကောင်မျိုးတွေနဲ့ ဆုံတိုင်း မနက်‌မှာတွေ့ရင် ဟဲ့ကောင်တွေ မနက်စာစားနေကြ တာလားလို့မေးပြီး ဗျင်းလိုက် , ညတွေ့ရင် ညစာစားနေတာ လားမေးရင်းနဲ့ တီးလွှတ်လိုက်နဲ့ အကုန်ပတ်တီးနေတဲ့ ပတ်တီးလေးဆိုတော့ ကျောင်းတွေလည်း ဒီနေ့စတက် မနက်ဖြန် ထွက်ဆိုသလို ခဏခဏပြောင်းရတဲ့ Main Lead ကောင်မလေးရဲ့ ဇာတ်လမ်းပါ ဇာတ်ကြောင်းက အင်မတန်ရိုးရှင်းပြီး run-time သိပ်မကြာဘူးဆိုတော့ ဇာတ်လမ်းအကြောင်းတော့ အများကြီး မပြောတော့ပါဘူး ပေးရတဲ့အချိန်နဲ့ ပြန်ရတာနဲ့ တန်တယ်လို့ ယူဆလို့ရပါတယ်… Main Lead ဖြစ်တဲ့ Bonnie နေရာမှာသရုပ်ဆောင်တဲ့ Livi Ciananta ဆိုတဲ့မင်းသမီးရဲ့ ပွဲဦးထွက်ရုပ်ရှင်ဖြစ်ပြီးတော့ ဒီဇာဝာ်ကားအတွက်မင်းသမီးကိုယ်တိုင် Stuntသမားမသုံးပဲ Martial Arts training တွေကိုယ်တိုင်အချိန်ပေးလေ့ကျင့်ပြီး အင်ဒိုနီးရှားမှာ နာမည်ကြီးတဲ့ ဒါရိုက်တာတွေနဲ့ ရိုက်ကူးထားတာပါ.. ဒီဇာတ်ကားရဲ့ ထူးခြားချက်ကတော့ ရုပ်ရှင်ထဲမှာ ကဗျာ စာသားလေးတွေ ပြန့်ကျဲပြီး နောက်ခံစကားပြောအနေနဲ့ ပါဝင်နေတာပါပဲ Indonesian to English , English to Burmese ဘာသာပြန်ရတဲ့အတွက်ကြောင့် ကဗျာလေးတွေကို ဘာသာပြန်တဲ့နေရာမှာ လိုအပ်ချက်လေးတွေရှိရင် နားလည်ပေး ကြပါ….. ကဗျာလေးတွေရဲ့ Message ကို အတတ်နိုင်ဆုံးခံစားပြီး ဘာသာ ပြန်‌ပေးထားပါတယ်…. တချို့ ကဗျာစာသားလေးတွေက အတော်လေးနက်လို့ ဘာသာပြန်ရင်း ကဗျာ‌ပိုးပါဝင်ပြီး ဇာတ်ကားထဲမှာပါတဲ့ ကိုယ့်ကိုကိုယ်သိထားတာ အကောင်းဆုံးပဲဆိုတဲ့ က‌ဗျာ စာသားလေးကို မှီငြမ်းပြီးတော့ ကဗျာလေးနှစ်ကြောင်းပါ စပ်လိုက်ပါသေးတယ်…. ” In life , it’s better to know your own voice While you’re sailing through the sea of noise ” ကဲ ကဗျာလေးပါ မေတ္တာလက်ဆောင်ထည့်ပေးထားတယ် ဆိုတော့ အားပေးကြပါဦးခင်ဗျာ……………… ( အညွှန်းနဲ့ ဘာသာပြန်ကတော့ Nice Guy ဖြစ်ပါတယ် ) File size… (1.51GB) / (840MB) Quality… WEB-DL 1080p HEVC / 720p Format…mkv / mp4 Duration….2h Genre …..Action , Drama , Thriller Subtitle….Myanmar Subtitle (Hard Sub) Encoder….Min Wai Translated by Nice Guy

Bila Esok Ibu Tiada (2024) “တစ်နေ့နေ့ အမေမရှိတော့တဲ့အခါ…” ဒီတစ်ခါ‌တော့ မိဘရှိသူတိုင်း သားသမီးရှိသူတိုင်း ကြည့်သင့်တဲ့ မိသားစု-ဒရာမာ အင်ဒိုနီးရှားဇာတ်လမ်းလေးတစ်ပုဒ် တင်ဆက်ပေးပါရစေ။ ‘ခလုတ်ထိမှအမိတ’ ဆိုသလိုပဲ လူတော်တော်များများက အရေးမကြုံရင် မိဘကိုမေ့နေတတ်ကြပါတယ်။ ရှိနေတုန်း တန်ဖိုးထားဖို့ မေ့လျော့နေတတ်ကြပါတယ်။ အခုဇာတ်လမ်းလေးကလည်း မိဘနဲ့သားသမီးတွေကြားမှာ ဖြစ်တတ်တဲ့အဲဒီသဘာ၀ကို ရိုးရိုးလေးရိုက်ကူးပြသထားတာပါ…။ ရာမီဟာ ချစ်ခင်ပွန်းရယ် သားသမီးလေးယောက်ရယ်နဲ့ ပျော်စရာမိသားစုဘ၀လေးကို ပိုင်ဆိုင်ထားသူပါ။ ဒါပေမဲ့ လောကဓံရဲ့မမြဲခြင်းတရားက သူတို့ရဲ့မိသားစုဘ၀လေးကို ရိုက်ခတ်သွားခဲ့ပါတယ်။ တစ်နေ့တော့ ခင်ပွန်းသည်ရုတ်တရက်ကွယ်လွန်ပြီး ရာမီ့ကိုခွဲခွာသွားပါတယ်။ အရွယ်ရောက်နေတဲ့ သားသမီးတွေကလည်း အလုပ်အသီးသီးနဲ့ ရာမီ့ကို ထပ်မံခွဲခွာသွားခဲ့ပြန်ပါတယ်။ ဒီလိုနဲ့ အမေ့မွေးနေ့ကိုတောင်မေ့နေကြတဲ့ သားသမီးလေးယောက်နဲ့ အထီးကျန်နေတဲ့ ရာမီတို့ ဘယ်လိုရှေ့ဆက်စခန်းသွားကြမလဲ၊ ဘယ်လိုမိသားစုပြဿနာတွေ ကြုံတွေ့ရဦးမလဲဆိုတာ ကြည့်ကြရမှာ ဖြစ်ပါတယ်။ ဒီဇာတ်လမ်းလေးထဲကအတိုင်း အသက်အရွယ်ရလာတဲ့ မိအိုဖအိုတွေရဲ့အထီးကျန်မှုကို ကိုယ်တိုင်မိဘနေရာရောက်သွားရင်ဆိုတဲ့ ကိုယ်ချင်းစာနာစိတ်နဲ့ ခံစားနားလည်ပေးရင်း ကြည့်ရှုခံစားလိုက်ကြပါဦး။ (ဒီဇာတ်လမ်းအတွက် အညွှန်းနဲ့ဘာသာပြန်တွေကတော့ Cym~Alex~KKKZ~ToMo~Yunni တို့ ဖြစ်ပါတယ်။)

ထူးထူးခြားခြား ချစ်စရာကောင်းတဲ့ ကာတွန်းဇာတ်ကောင် လေးတွေကို ကြောက်စရာကောင်းတဲ့ လူသတ်ဗီလိန်ကြီးတွေ အဖြစ်ပြောင်းလဲရိုက်ကူးထားတာကိုမှ စိတ်ဝင်စားကြတဲ့ လူတွေအတွက် ဒီတစ်ခါမှာတော့ ဟိုးခေတ်လူကြီးတွေက အစ အခုခေတ်ကလေးတွေအထိ မသိသူရှားတဲ့ Mickey Mouse ရဲ့ Horror ဇာတ်ကားလေးကိုတင်ဆက်ပေး လိုက်ပါတယ်။Rating တွေဘာတွေကတော့ ဒီလိုဇာတ်ကား မျိုးတွေရဲ့ထုံးစံအတိုင်း မကြိုက်ကြတဲ့လူများတဲ့အတွက် ကောင်းမှာတော့မဟုတ်ပေမဲ့ စိတ်ဝင်စားတဲ့လူတွေအတွက် ကတော့ ထူးထူးဆန်းဆန်းကြည့်စရာဇာတ်ကားလေး တစ်ကားဖြစ်နေဦးမှာပါပဲ။ ဒီကားလေးကိုတော့ Mickey Mouse ကားတွေ တချို့ကာတွန်း ကားတွေရဲ့ အစမှာတွေ့ရမဲ့ လေလေးချွန်ပြီး လှေမောင်းနေတဲ့ ကြွက်လေးကိုအခြေခံပြီးရိုက်ကူးထားတာဖြစ်ပါတယ်။ အဲ့ဒါကြောင့် ဇာတ်အိမ်တည်မဲ့နေရာကိုတော့ ဖယ်ရီသင်္ဘောကြီး တစ်ခုပေါ်မှာတည်ထားတာတွေ့ရမှာဖြစ်ပါတယ်။ စစချင်းမှာတော့ နယူးယောက်မြို့လေးရဲ့ထုံးစံအတိုင်း ဖယ်ရီ သင်္ဘောပေါ်ကို လူပေါင်းစုံ စရိုက်ပေါင်းစုံတက်လာခဲ့ပြီး ပျော်တဲ့သူကပျော် အနားယူတဲ့သူကအနားယူနဲ့ သာယာတဲ့ ညနေခင်းလေးကိုတွေ့ရမှာဖြစ်ပါတယ်။ ဒါပေမယ့် သိပ်မကြာခင်မှာပဲ ဒီဇာတ်ကားရဲ့အဓိကဗီလိန်ကြီး ပေါ်လာပြီး လူတွေကိုတစ်ယောက်ပြီးတစ်ယောက်ဘယ်လို သတ်ဦးမလဲ ဘာရည်ရွယ်ချက်နဲ့လဲဆိုတာတွေအပြင် ဒီလို သည်းထိပ်ရင်ဖိုကားတွေရဲ့ထုံးစံအတိုင်း အသက်ရှင်ကျန် သူတွေရောရှိပါ့ဦးမလားဆိုတာကို ရှုစားရဦးမဲ့ ဇာတ်ကားလေး တစ်ကားပဲဖြစ်ပါတယ်။ File size… (1.15 GB) / (714 MB) Quality… WEB-DL 1080p HEVC / 720p Format…mkv / mp4 Duration….1h 42m Genre …..Comedy , Horror Subtitle….Myanmar Subtitle (Hard Sub) Encoder….Min Wai Translated by Saw Lay

Street Fighter The Legend of Chun-Li (2009) Street Fighter ဂိမ်းကို ရုပ်ရှင်တွေ၊ Animation Movie တွေအဖြစ် များစွာအသက်သွင်းခဲ့တဲ့ ဇာတ်ကားတွေထဲမှာမှ ဒီဇာတ်ကားက ပရိသတ်အချစ်တော် ချွန်းလီရဲ့ဒဏ္ဍာရီကို တင်ဆက်ထားတာဖြစ်ပါတယ်။ ချွန်းလီဖခင်ရဲ့အိပ်မက်ကတော့ သူ့သမီးလေးကို စန္ဒရားပညာရှင်တစ်ယောက်အဖြစ် ကြီးပြင်းအောင်မြင်စေချင်ခဲ့တာပဲဖြစ်ပါတယ်။ အောင်မြင်တဲ့စီးပွားရေးသမားတစ်ယောက်ဖြစ်တဲ့ ဖခင်ဖြစ်သူရဲ့ အလုပ်အကိုင်ကို ဂဃနဏမသိခဲ့ရဘဲ အိမ်ခဏခဏရွှေ့ပြောင်းနေရတာကိုပဲ ငယ်ရွယ်စဉ်ဘဝမှာ အမှတ်ရနေခဲ့ပါတယ်။ တစ်ရက်မှာတော့ ချွန်းလီရဲ့ဖခင်ကို ရှာဒါလောင်း ဒုစရိုက်အဖွဲ့အစည်းကြီးရဲ့ခေါင်းဆောင် ဘိုင်ဆန်က အတင်းအကျပ် ဖမ်းဆီးခေါ်ဆောင်သွားခဲ့ပါတယ်။ ဖခင်ကို ဖမ်းဆီးသွားရတဲ့ ရည်ရွယ်ချက်ကို မသိရှိခဲ့ရဘဲ မိခင်နဲ့အတူ ကြီးပြင်းခဲ့ရပြီး သူ့အဖေဖြစ်စေချင်တဲ့ စန္ဒရားပညာရှင်တစ်ယောက် ဖြစ်လာခဲ့ပါတယ်။ ရောဂါသည်မိခင်ဖြစ်သူကို ပြုစုရင်း ဘဝကို စန္ဒရားပညာရှင်အဖြစ် ဖြတ်သန်းနေတဲ့ ချွန်းလီရဲ့ဘဝထဲကို ရှေးဟောင်းတရုတ်စာတွေ ရေးသားထားတဲ့ ထူးခြားတဲ့စာလိပ်တစ်ခု ရောက်လာခဲ့ပါတယ်။ မိခင်ဖြစ်သူ ဆုံးပါးပြီးနောက် ဘဝရည်မှန်းချက်တွေ ပျောက်ဆုံးနေတဲ့ချွန်းလီအတွက် အဆိုပါစာလိပ်ရဲ့ ပဟေဠိကို စူးစမ်းရှာဖွေဖို့ ဖြစ်လာခဲ့ပါတယ်။ အဆိုပါစာလိပ်ကို ကုဒ်ဖော်ပေးမယ့် တရုတ်အမျိုးသမီးကြီးတစ်ဦးနဲ့ တွေ့ခဲ့ပြီးတော့ သူ့ရဲ့ကံကြမ္မာအရ ဘန်ကောက်ကိုသွားပြီး ပင့်ကူအိမ်အဖွဲ့ရဲ့ခေါင်းဆောင် ဂန်ကို ရှာဖွေဖို့ သူ့ကို စေလွှတ်ခဲ့ပါတယ်။ သူ့ရဲ့ဘဝဟောင်းကို စွန့်ခွာပြီး ဘန်ကောက်မှာ ရရာခိုကပ်စားသောက်ရင်းနဲ့ပဲ ဂန်ဆိုတဲ့သူကို နေဝင်နေထွက် ရှာဖွေနေခဲ့ပါတယ်။ နောက်ဆုံးမှာတော့ ဘန်ကောက်လမ်းသရဲတွေနဲ့ ခိုက်ရန်ဖြစ်ပွားပြီး သတိမေ့နေခဲ့တဲ့ ချွန်းလီကို လူတစ်ယောက်က ကယ်ဆယ်သွားခဲ့ပါတယ်။ အဆိုပါသူဟာ ချွန်းလီအရမ်းတွေ့ချင်နေသူဖြစ်တဲ့ ပင့်ကူအိမ်အဖွဲ့ရဲ့ခေါင်းဆောင် ဂန် ဖြစ်နေပြီး သူ့အဖေ ဘယ်မှာရှိတယ်ဆိုတာကို သိကြောင်း ပြောပြခဲ့ပါတယ်။ သူ့အဖေကို ချက်ချင်းကယ်ဆယ်ချင်နေတဲ့ ချွန်းလီကို သူရင်ဆိုင်ရမယ့် ရှာဒါလောင်းအဖွဲ့အစည်းအကြောင်းကို ခရေစေ့တွင်းကျ ရှင်းပြခဲ့ပါတယ်။ ဖခင်နဲ့အတူ ဝူရှူးသိုင်းပညာကို သင်ကြားဖူးခဲ့တဲ့ ချွန်းလီဟာ ဂန့်ရဲ့တပည့်အဖြစ် ခံယူပြီး ဘိုင်ဆန်ကို ရင်ဆိုင်နိုင်တဲ့ အထိ လေ့ကျင့်ခဲ့ရပါတယ်။ သာမန်စန္ဒရားပညာရှင်လေးဘဝကနေ ကျော်ကြားတဲ့ Street Fighter ချွန်းလီ အဖြစ်သို့ ကူးပြောင်းလာပုံများကို ပရိသတ်ကြီးအနေနဲ့ ရှုစားရမှာဖြစ်ပါတယ်။ File size… 2 GB / 1 GB Quality… BluRay 1080p / 720p Format… mp4 Duration…. 1h 36m Genre ….. Action/Thriller Subtitle…. Myanmar Subtitle (Hard Sub) Encoder…. Thit San Khant Translated… by Sai Sumali

ဇာတ်လမ်းက ဆယ်ကျော်သက်အရွယ်ကတည်းက ရင်းနှီးခဲ့တဲ့ Oriyomi နဲ့ Ifelolu ဆိုတဲ့ သူငယ်ချင်းနှစ်ယောက်အကြောင်း ပါ။ Oriyomi က မိဘမဲ့ဖြစ်ပြီးတော့ အင်္ဂလန်ကနေ လာဂို့စ်ကို ပြန်လာနေထိုင်တဲ့သူ၊ Ifelolu ကတော့ အစ်ကိုဖြစ်သူ ဆုံးသွားပြီးနောက် တစ်ဦးတည်းသောသားဖြစ်လာတယ်။ သူတို့နှစ်ယောက်က လာဂို့စ်မှာ တွေ့ဆုံပြီး မတူညီတဲ့ ပင်ကိုယ်စရိုက်တွေရှိပေမယ့် ခိုင်မာတဲ့ သံယောဇဉ်တစ်ခု ဖြစ်လာတယ်။ အရွယ်ရောက်လာတော့ Mama ‘O’ Events ဆိုတဲ့ ပွဲစီစဉ်တဲ့ ကုမ္ပဏီတစ်ခုကို အတူတည်ထောင်ပြီး Oriyomi က မုန့်ဖုတ်တဲ့သူ၊ Ifelolu က ဓာတ်ပုံဆရာမအဖြစ် လုပ်ကိုင်ကြတယ်။ သူတို့ဘဝထဲမှာ အချစ်ရေးတွေ ဝင်လာတယ်။ Oriyomi က သူ့ရဲ့ ငယ်ချစ်ဦး Akin နဲ့ ပြန်ဆုံပြီး လက်ထပ်တယ်။ Ifelolu ကတော့ Akin ရဲ့ သူငယ်ချင်း Efe နဲ့ လက်ထပ်တယ်။ အရာအားလုံး အဆင်ပြေနေပုံရပေမယ့် သူတို့နှစ်ယောက် လျှို့ဝှက်ထားတဲ့ သဘောတူညီချက်တစ်ခုကြောင့် ဘဝတွေ ပြိုလဲလာတယ်။ ဒီလျှို့ဝှက်ချက်က သူတို့ရဲ့ သူငယ်ချင်းဆက်ဆံရေးကို စမ်းသပ်ရုံတင်မကဘဲ မမျှော်လင့်ထားတဲ့ အကျိုးဆက်တွေဆီ ဦးတည်သွားတယ်။ ဒီဇာတ်ကားက စိတ်ခံစားချက်တွေ ယဉ်ကျေးမှု မိသားစုတန်ဖိုးတွေ နဲ့ လျှို့ဝှက်ချက်တွေကို ပြထားတယ်။ နိုင်ဂျီးရီးယားရဲ့ လှပတဲ့ နေရာတွေကို ပြသထားတာက ရုပ်ရှင်ကို ပိုမိုဆွဲဆောင်မှုရှိစေတယ်။ တေးဂီတတွေကလည်း ဇာတ်လမ်းနဲ့ လိုက်ဖက်ပြီး စိတ်ခံစားချက်ကို ပိုမြှင့်တင်ပေးတယ်။ Cannes World Film Festival မှာ Best International Feature Film နဲ့ Best Acting Debut ဆုတွေ ရရှိခဲ့ပြီး Nollywood Week Film Festival (Paris) နဲ့ Cannes 7th Art Awards မှာလည်း ရွေးချယ်ခံရပါတယ်။ ရိုးရိုးဇာတ်လမ်းထက် စိတ်ခံစားချက်နဲ့ လှည့်ကွက်တွေ ပေါင်းစပ်ထားတဲ့ ဇာတ်ကားမျိုးကြိုက်ရင် “What No One Knows” က ကြည့်သင့်ပါတယ်။ ဒါပေမယ့် အက်ရှင် ဒါမှမဟုတ် ပေါ့ပါးတဲ့ ဇာတ်ကွက်မျိုးမျှော်လင့်ထားရင်တော့ နည်းနည်းလေးလေးနက်တယ်လို့ ခံစားရနိုင်ပါတယ်နော်။ File size…(1.5 GB)/(766 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Drama, Thriller Subtitle….Myanmar Subtitle (Hardsub) Encoder….Swan Min Htet Translated by Min Khant