နံပါတ် ၁ ကတော့ ၂၀၀၇ တုန်းက ထွက်ရှိထားပြီး အဲ့ဒီဇာတ်ကားမှာတော့ မင်းသားကြီးအက်ရှေးကူမားက ပါဝင်သရုပ်ဆောင်ထားပါတယ်.... နံပါတ် ၁တုန်းကလည်း အောင်မြင်ခဲ့ပြီး ဇာတ်လမ်းဇာတ်အိမ်ခိုင်ခိုင်နဲ့ ထိတ်လန့်စရာကောင်းခဲ့သလို ဟာသလေးတွေနဲ့ ကြည့်ကောင်းခဲ့ပါတယ်.... အခု နံပါတ်၂ မှာလည်း မင်းသားကာသစ်ဟာ အက်ရှေးကူမားရဲ့ နံပါတ် ၁ ကို အမှီလိုက်ဖို့  ကြိုးကြိုးစားစားသရုပ်ဆောင်ထားလို့ ကြည့်လို့ကောင်းခဲ့ပါတယ်.. ..မင်းသမီးကလည်း ကီယာရာလေးဆိုတော့ ပုရိသတွေ အသည်းစွဲပါပဲ.. .ဒီဇာတ်ကားမှာ မင်းသမီးကြီး တဘူးက အမြွှာညီအစ်မ နှစ်ကိုယ်ခွဲနေရာကနေ သရုပ်ဆောင်ထားပါတယ်.. .သူမကလည်း မခေသူမို့ ဇာတ်လမ်းဇာတ်ကွက်တွေကို ပိုအရှိန်မြှင့်တင်ပေးနိုင်ခဲ့ပါတယ်... အောက်လမ်းမှော်ပညာတွေသင်ယူတတ်မြောက်ပြီး ထာကူရ်(မြေပိုင်ရှင်/တော်ဝင်)မျိုးရိုးထဲက ချွေးမဖြစ်သူဟာ သူ့ရဲ့အတ္တစိတ်နဲ့ မကျွတ်မလွတ်နိုင်ဘဲ စံအိမ်ကြီးထဲမှာ ချိတ်ပိတ်ထားခံရတယ်.. ဒါကို မင်းသားနဲ့ မင်းသမီးဟာ မထင်မှတ်ဘဲ သူ့ကို လွှတ်ပေးလိုက်မိပါတယ်.... ၁၈နှစ်ကြာလောင်ကျွမ်းနေတဲ့ လက်စားချေလိုစိတ် ဒေါသမီးတွေနဲ့ ဒီမကောင်းဆိုးဝါးမကြီး လွတ်မြောက်လာတဲ့အခါမှာတော့ ဒီတ်မိသားစုလုံးကို ဘယ်လိုလက်စားချေလာတော့မလဲ....။ ဒီဇာတ်ကားမှာလည်း မထင်မှတ်ထားတဲ့ လှည့်ကွက်လေးတွေနဲ့ မြှုပ်ကွက်လေးတွေပါနေလို့ ရင်တဖိုဖိုနဲ့ ကြည့်ရမယ့်အပြင် ဟာသလေးတွေပါလို့ ဖန်သားပြင်ထက် မှာ အချိန်ပေးရကျိုးနပ်ပါတယ်လို့ ညွှန်းပေးလိုက်ပါတယ်.. ဇာတ်လမ်းအညွှန်းနဲ့ဘာသာပြန်သူကတော့ Taylor ပဲဖြစ်ပါတယ်.. File Size : (2.6GB) (1.2GB) and (425 MB) Quality : WEB-DL 1080P5.1CH,720p Format…mp4 Duration…02:23:00 Genre : Comedy , Horror Subtitle : Myanmar Subtitle (Hard Sub) Translated by Taylor Encoded by Phyo Pyae

Matrix သမိုင်းအကျဉ်း ၂၁ ရာစု အလယ်ပိုင်းလောက်မှာ လူသားတွေဟာ စိက်အသိဉာဏ် AI ကို တီထွင်ခဲ့ပါတယ်။ လူသားတွေကိုယ်စား အလုပ်တွေအကုန်ခိုင်းလို့ရတဲ့ စက်တွေပေါ်လာပြီး လူတွေအကုန် အလုပ်လုပ်စရာမလိုဘဲ နှပ်နေလို့ရလာတာပေါ့။ ဒါပေမဲ့ အသိဉာဏ်ရှိလာတဲ့ စက်တွေကလည်း လူတွေဟာ သူတို့ကို ခိုင်းစရာ ပစ္စည်းသက်သက်လိုပဲ သဘောထားတာကို မကျေနပ်နိုင်ပဲ ဆန္ဒပြတာမျိုးတွေ ဖြစ်လာပါတယ်။ အကြီးဆုံးပြဿနာကို အစပြုစေခဲ့တာကတော့ B1-66ER ဆိုတဲ့ အိမ်အကူစက်ရုပ်ဟာ သူ့ကိုဖျက်ဆီးပြီးအသစ်အစားထိုးတော့မယ့် အိမ်ရှင်တွေကို သတ်ဖြတ်ခဲ့တဲ့အမှုပါပဲ။ ဒီအမှုကို တရားရုံးမှာ B1-66ER က မိမိကိုယ်ကိုယ်ခုခံကာကွယ်တယ်လို့ ထွက်ဆိုခဲ့ပါတယ်။ သူမသေချင်ပါဘူးတဲ့။ လူသားရှေ့နေကလည်း ကူညီခဲ့ပေမဲ့ အမှုရှုံးခဲ့ပြီး စက်ရုပ်ဟာ ဖျက်ဆီးခံလိုက်ရပါတယ်။ အဲဒီနောက်မှာတော့ စက်ရုပ်အခွင့်အရေးအတွက် စက်ရုပ်တွေရော စာနာတတ်တဲ့လူသားတွေရောက တစ်နိုင်ငဲံလုံးမှာ ဆန္ဒပြခဲ့ကြပါတယ်။ ဆန္ဒပြတဲ့လူတွေရော စက်ရုပ်တွေရောကို လူသားအဓိကဝါဒီတွေက ရက်ရက်စက်စက်နှိမ်နင်းခဲ့တဲ့အပြင် စက်ရုပ်တော်လှန်ရေးကြီး ဖြစ်လာမှာကို စိုးရိမ်တဲ့ ကုလ UN က စက်ရုပ်အားလုံးကို ဖျက်ဆီးဖို့ ရုတ်တရက် လုပ်ဆောင်လိုက်ပါတော့တယ်။ ဒီဖြစ်စဉ်ကြီးမှာ အသက်ရှင်ကျန်ခဲ့တဲ့ စက်ရုပ်အနည်းစုဟာ လူတွေနဲ့ အတူယှဉ်တွဲနေထိုင်ဖို့ကိုလက်လျှော့ပြီး မီဆိုပိုတေးမီးယားဆိုတဲ့ လွတ်မြောက်နယ်မြေကို ထွက်သွားခဲ့ကြတယ်။ အဲဒီမှာပဲ 01 ဆိုတဲ့ ပထမဆုံး စက်ရုပ်နိုင်ငံ ပေါ်ပေါက်လာပါတော့တယ်။ 01 ဟာ သူတို့ကိုယ်သူတို့ ပိုအသိဉာဏ်ရှိလာအောင် ဖန်တီးခဲ့သလို လူတွေလိုအပ်တဲ့ စက်တွေ နည်းပညာတွေကိုလည်း ပြန်ရောင်းစားပြီး တဖြည်းဖြည်းနဲ့ စီးပွားရေးမှာ လူတွေထက် အဆမတန် အင်အားကြီးလာခဲ့ပါတယ်။ လူသားငွေကြေးတန်ဖိုးတွေလည်း ကျဆင်းပြီး အင်အားချည့်နဲ့လာတဲ့အတွက် UN က 01 ကို စီးပွားရေးပိတ်ဆို့ခဲ့တယ်။ ဒါကို ညှိနှိုင်းဖို့ ရောက်လာတဲ့ စက်ရုပ်သံတမန်တွေကိုလည်း တိုက်ခိုက်ဖျက်ဆီးခဲ့တယ်။ အဲဒီနောက်မှာ UN က စက်ရုပ်နိုင်ငံကို လက်ဦးမှုယူ တိုက်ခိုက်ခဲ့ပြီး ၂၂ ရာစု အလယ်လောက်မှာ စစ်ပွဲကြီးစတင်ခဲ့ပါတယ်။ ဒါ့အပြင် အနုမြူနဲ့ပါ လက်ဦးအောင် ထုခဲ့ပါတယ်။ ဒါပေမဲ့ စက်ရုပ်တွေက လူတွေထက်ပိုမာတဲ့ အတွက် မျိုးမပြုတ်ခဲ့ပါဘူး။ အဲဒီမှာ မျိုးမပြုတ်ဘဲ ကျန်ခဲ့တဲ့စက်ရုပ်တွေဟာ တစ်ကမ္ဘာလုံးက စက်တွေကို စုစည်းပြီး ပြန်ထိုးစစ်ဆင်ပါတော့တယ်။ အရှေ့အလယ်ပိုင်း ဥရောပ အရှေ့ပိုင်းတွေကိုပါ သိမ်းပိုက်လာနိုင်ခဲ့တယ်။ အရေးနိမ့်လာတဲ့လူသားတွေဟာ အမှောင်မုန်တိုင်းလို့ ခေါ်တဲ့ စစ်ဆင်ရေးတစ်ခုကို လုပ်ခဲ့တယ်။ ဒါကတော့ စက်ရုပ်တွေရဲ့ အဓိကစွမ်းအင်ရင်းမြစ်ဖြစ်တဲ့ နေကို ဖြတ်တောက်ဖို့ပါပဲ။ ကမ္ဘာ့လေထုအကာတစ်ခုလုံးကို နာနိုဗုံးတွေနဲ့ဖောက်ခွဲပြီး တိမ်မည်းကြီးတွေ ဖုံးသွားအောင်လုပ်ပြီး ကမ္ဘာပေါ်မှာ နေရောင်ပျောက်ကွယ်သွားအောင်လုပ်ခဲ့တာပါပဲ။ ဒီစစ်ဆင်ရေးကြောင့် စက်ရုပ်တွေအင်အားချိနဲ့သွားပေမဲ့ မကြာခင်မှာပဲ အနုမြူစွမ်းအင်ကို အစားထိုးပြီး ပြန်အင်အားများလာခဲ့တယ်။ပြီးတော့ လူသားပုံစံစက်ရုပ်တွေကိုမသုံးတော့ဘဲ ပိုပြီးတိုက်ခိုက်နိုင် အားသုံးနိုင်တဲ့ စန်တီနယ်လို စက်ရုပ်တွေကို သုံးလာခဲ့တယ်။ လူသားတွေ အကျအဆုံးများပြီး ငတ်မွတ်လာတဲ့အချိန်မှာတော့ UN ရဲ့ရှေ့ကို စက်ရုပ်သံတမန်နောက်တစ်ခေါက်ရောက်လာပါတော့တယ်။ ဒီတစ်ခါမှာတော့ စက်ရုပ်သံတမန်က ထွေထွေထူးထူးညှိနှိုင်းမနေတော့ပါဘူး။ သူ့ကိုယ်သူဖောက်ခွဲပြီး ကမ္ဘာခေါင်းဆောင်အားလုံးနဲ့ နယူးယောက်မြို့ကြီးကို ဖျက်ဆီးပစ်လိုက်ပါတော့တယ်။ ခေါင်းဆောင်မရှိတော့တဲ့ တပ်တွေကိုလည်း စက်ရုပ်တပ်တွေက အသာအယာအနိုင်ယူပြီး လူသားတွေ ကျဆုံးသွားခဲ့ပါတော့တယ်။ ဒါ့အပြင် စက်ရုပ်တွေဟာ နေ နဲ့ အနုမြူစွမ်းအင်အပြင် နောက်ထပ် စွမ်းအင်ရင်းမြစ်တစ်ခုကို တွေ့ရှိလာခဲ့ပါတယ်။ ဒါကတော့လူသားတွေကို ဖမ်းဆီးထားပြီး သူတို့ ကိုယ်ကနေ လျှပ်စစ်စွမ်းအင်တွေ ထုတ်ယူတာပါ။ အဆုံးမရှိတဲ့ကွင်းပြင်ကြီးတွေထဲမှာ လူသားတွေ သန်းချီပြီး ဖမ်းဆီးထားပြီး စွမ်းအင်ထုတ်ယူပါတော့တယ်။ အဲဒိဖမ်းဆီးထားတဲ့လူသားတွေရဲ့ စိတ်ကို အကျဉ်းချဖို့အတွက် Matrix ကို ဖန်တီးလိုက်တာပါပဲ။ Matrix ဆိုတာကတော့ Virtual Reality တစ်ခုပါပဲ။ လူသားတွေရဲ့ စိတ်ကို ကွန်ပြူတာစနစ်ထဲကို ထည့်သွင်းထားပြီး ၁၉ ရာစု ၂၀ ရာစုခေတ်မှာ သူတို့ဘာသာ အသက်ရှင်နေထိုင်နေကြသလို ထင်ယောင်ထင်မှား ဖြစ်စေခဲ့တာပါ။ (ဒါကတော့ ၁ ၂ ၃ ကြည့်ပြီးမှ ဆက်ဖတ်သင့်ပါတယ်) Matrix ရဲ့ ပထမဆုံးဗားရှင်းမှာတော့ လူသားတွေဟာ လုံးဝပြီးပြည့်စုံပြီး လိုလေးသေးမရှိတဲ့ ကမ္ဘာကြီးထဲမှာ နေထိုင်ရတာပါ။ ဒါကို လူသားတွေရဲ့စိတ်က ဖြစ်တည်မှုအစစ်လို့ လက်မခံနိုင်တဲ့အတွက် Matrix ပထမဆုံးပရိုဂရမ် ကျရှုံးသွားပါတော့တယ်။ ဒီတော့ စက်ရုပ်တွေက လူသားတွေကို စစ်တွေဆက်တိုက်ဖြစ်နေပြီး ဒုက္ခပင်လယ်ဝေနေတဲ့ Matrix တစ်ခုဖန်တီးပေးပြန်ပါတယ်။ ဒါကိုလည်း လူသားဦးနှောက်က လက်မခံပြန်ပါဘူး။ နောက်ဆုံးမှာတော့ လူသားတွေရဲ့ဘဝအစစ်လို့ အဓိကယုံကြည်စေဖို့ လိုအပ်တဲ့အရာဟာ Choice လို့ခေါ်တဲ့ ရွေးချယ်မှု ရှိတယ်လို့ ထင်ရတဲ့ ကမ္ဘာပဲဆိုတာ စက်ရုပ်တွေ သိသွားပါတယ်။ ဒီတော့မှ Matrix ဟာ အောင်မြင်ပြီးလူသားတွေကို ဖြစ်တည်မှုအတုထဲမှာ အကျဉ်းချထားနိုင်ပါတော့တယ်။ ဒီ Matrix ထဲမှာပဲ ရင်းမြစ်ကုတ်ကို ထိန်းချုပ်တဲ့ Architect ဗိသုကာဆိုတဲ့ လူကို ဖန်တီးထားလိုက်တယ်။ ပြီးတော့ လူသားတွေကိုလေ့လာပြီး ပြောင်းလဲပေးနိုင်ဖို့ ရှေ့ဖြစ်ဟော Oracle ဆိုတဲ့ ပရိုဂရမ်တစ်ခုကိုဖန်တီးထားတယ်။ ဒါပေမဲ့ ဒီ Matrix ဟာလည်း လူသား ၉၉ ရာနှုန်းကိုပဲ လှည့်စားနိုင်ပါတယ်။ ၁ ရာခိုင်နှုန်းကတော့ ဒါဟာ အတုအယောင်လို့ သံသယဝင်လာတဲ့ ပရိုဂရမ်ချို့ယွင်းချက်တွေဖြစ်လာတယ်။ အဲဒီ မက်ထရစ်ကနေ လွတ်မြောက်လာပြီး Zion လို့ခေါ်တဲ့ နောက်ဆုံးလူသားတိုင်ပြည်ကို တည်ထောင်လာတယ်။ ပြီးတော့ ဒီလူတွေကပဲ Matrix ထဲကို ပြန်ဝင်လာပြီး လူသားအားလုံးကို လွတ်မြောက်အောင် ပြန်တိုက်ခိုက်လာတယ်။ ဒီလို error လူတွေကို ကာကွယ်ဖို့ အေးဂျင့်ဆိုတဲ့ အင်အားကြီးတဲ့ ပရိုဂရမ်မျိုးတွေဖန်တီးထားခဲ့တယ်။ ဒီတော့ Matrix စနစ် တည်ငြိမ်ဖို့ အဲဒီ ချို့ယွင်းကုတ်တွေ အားလုံးကို သယ်ဆောင်နေတဲ့ ပရိုဂရမ်တစ်ခုကို ဖန်တီးလိုက်တယ်။ The One ခေါ် Neo ပေါ့။ အဲဒီ The One ဟာ လူသားအားလုံးကို ကယ်တင်မယ့်သူလို့ Zion တွေ ယုံကြည်စေခဲ့တယ်။ ဒါပေမဲ့ အဲဒီ The One ရဲ့ လမ်းကြောင်းဟာ နောက်ဆုံးမှာ ဗိသုကာဆီမှာ အဆုံးသတ်ပါတယ်။ Neo ဟာ လူသားတွေကို ကယ်တင်ဖို့ သူ့ကိုယ်သူ စတေးခံရမယ်။ သူသေသွားချိန်မှာ သူ့ရဲ့ မူလ ကုတ်တွေအားလုံးကို မူလရင်းမြစ်ကုတ်ထဲကို ပူးပေါင်းစေပြီး Matrix ကို reload ဖြစ် အစက ပြန်စတင်စေတာပါ။ Zion ဆိုတဲ့ လူသားကမ္ဘာကိုလည်း အားလုံးပျက်စီးစေမှာပါ။ မပျက်စီးခင်မှာ Neo ကို လူသား ၂၃ ယောက်ရွေးချယ်ခိုင်းပြီး Matrix အသစ်ပြန်စ Zion အသစ်ပြန်စပြီး နောက်တစ်ဖန် ထိန်းချုပ်လည်ပတ်စေတာပါ။ ဒီလိုနဲ့ Matrix ရဲ့ error တွေကိုရှင်းပြီး reload လုပ်ခဲ့တာ ငါးကြိမ်တိုင်ခဲ့ပါပြီ။ Neo ငါးယောက်လည်း သေဆုံးပြီးခဲ့ပါပြီ။ အခု Matrix ရုပ်ရှင်ထဲက ၆ ယောက်မြောက် Neo ကတော့ မတူတဲ့လမ်းကို ရွေးခဲ့ပါတယ်။ ရင်းမြစ်ကုတ်ဆီမှာ အသေခံရမယ့်အစား သူ့ချစ်သူ ထရစ်နတီကို ကယ်တင်ခဲ့တယ်။ နောက်ပြီးတော့ ဇိုင်ရွန်တွေ ပျက်စီးရမယ့်စား စစ်ပြေငြိမ်းနိုင်ဖို့ စက်ရုပ်မြို့တော်အထိ ရောက်အောင်သွားပြီး အပေးအယူလုပ်ပြီးမှ အသေခံခဲ့တာပါ။ ဒီလိုနဲ့ ကမ္ဘာကျော် Matrix ရုပ်ရှင်တွေ အဆုံးသတ်ခဲ့တာပါ။ ဒီတစ်ခါတော့ Matrix ပြန်လည်ရှင်သန်ခြင်းမှာ ဘာတွေဖြစ်လာမလဲ စောင့်ကြည့်လိုက်ရအောင်။ The Matrix ဇာတ်ကားအားလုံးကို https://channelmyanmar.org/?s=the+matrix+neo  မှာကြည့်ပါ။ File size…(4.2 GB)/(1.3 GB)/(1.5 MB) Quality….BluRay 4K HEVC/1080p HEVC / 720p Format…mkv/mp4 Duration….02:09:00 Subtitle….Myanmar Subtitle (Hardsub) Encoder….Nyeinsaeya Aung Translated by Nay Myo Thu ,Little Neo

Paul Blart Mall Cop 1 ထုတ်လွှင့်အပြီး ၆နှစ်အကြာမှာ အပိုင်း(2) ထပ်မံထွက်ရှိခဲ့ပါတယ်…။ အပိုင်း (2)မှာလည်း… အပိုင်း (1)တုန်းကလိုပဲ ကုန်တိုက်လုံခြုံရေးပေါလ်ဘလတ်ရဲ့ စွန့်စားခန်းဟာသတွေကို တွေ့ရှိရမှာပါ။ ဇာတ်လမ်းအကျဥ်းမှာတော့ ပေါလ်ကို “လုံခြုံရေးအရာရှိများအသင်းအဖွဲ့ကြီး”က ဗေးဂတ်စ်မြို့က “ဝင်န်ဟိုတယ်”မှာ ကုန်စည်ပြပွဲနဲ့ ဆုပေးပွဲတက်ရောက်ဖို့ ဖိတ်ကြားခဲ့တယ်။ ဝင်န်ဟိုတယ်ကို ပေါလ်နဲ့ ပေါလ်သမီး မာရာတို့ လာရောက်တည်းခိုရင်းနဲ့ ပန်းချီကားသူခိုးလူဆိုးအဖွဲ့နဲ့ ကြုံရပါတော့တယ်။ ပထမအပိုင်းကလိုပဲ ပေါလ်အနေနဲ့ လူဆိုးအဖွဲ့ကို တစ်ယောက်ချင်းဖြုတ်ဖို့ ဖြစ်လာခဲ့တယ်။ ပေါလ်တစ်ယောက်ရဲ့ အလွဲတွေနဲ့စွန့်စားခန်းကို ဟာသနဲ့ actionရောနှောထားတဲ့ဇာတ်ကားတစ်ကားအနေနဲ့ ကြည့်ရှုရမှာပါ။ Paul Blart Mall Cop (1)ကို ကြည့်ရတာ သဘောကျရင် (2)ကို ဆက်ကြည့်လို့ရပါတယ်နော်…။ နှစ်ကားထွက်ပေမဲ့ ဇာတ်လမ်းချင်းအရမ်းမချိတ်ဆက်ထားတာကြောင့် တစ်ကားချင်းကြည့်လို့လည်းရပါတယ်။ File size…(1.97GB) / (`1.1GB) / (671.02MB) Quality…. Web 1080P / 720p / 480p Format…mp4 Duration….01:34:00 Genre… Action / Comedy / Crime Subtitle….Myanmar Subtitle (Hardsub) Encoder….Mr. Anderson Translated by Su Eaindra

ဟောင်းသွားပေမယ့် ကောင်းနေဆဲရုပ်ရှင်ကားတွေကတော့ ယခုထိတိုင်ရှိနေဆဲပါ။ အခုတင်ဆက်ပေးမယ့် ကားလေးကလည်း ၂၀၀၁ တုန်းကထွက်ရှိခဲ့တဲ့ Old But Gold ဇာတ်ကားလေးဖြစ်တဲ့ Joe Dirt ပဲဖြစ်ပါတယ်။ IMDb Rating 6.0 ရရှိထားပြီးဇာတ်ကားနာမည်အတိုင်း ဂျိုးဒတ်ဆိုတဲ့ ဇာတ်ကောင်တစ်ယောက်ကိုအဓိကထားပြီးရိုက်ကူးထားတာဖြစ်ပါတယ်။ ဒီကားလေးက ဟာသကားဆိုပေမဲ့ ကြည့်တတ်ရင်တကယ်ပညာရတဲ့ ကားလေးပါ။ ကိုယ့်ဘ၀မှာ နေ့စဉ်ကြုံတွေ့နေရတဲ့ အခက်အခဲတွေကိုပြုံးပြုံးလေးရင်ဆိုင်ပြီး အကောင်းမြင်စိတ်နဲ့ ဘ၀ကိုသွားရင် ကိုယ်ရောက်ချင်တဲ့ပန်းတိုင်ကိုအရောက် လှမ်းနိုင်တယ်ဆိုတာကို အဓိကပုံဖော်ရိုက်ကူးထားတာပဲဖြစ်ပါတယ်။ဂျိုးဒတ်ဆိုတဲ့ ကောင်လေးတစ်ယောက်က အသက် ၈ နှစ်မှာမိဘတွေနဲ့ ခရီးသွားရင်းတစ်ယောက်တည်း ကျန်ရစ်ခဲ့ပြီး လမ်းပျောက်နေခဲ့ပါတယ်။မိဘတွေကလည်း သူ့ကိုပြန်လာမရှာတာနဲ့ သူ့အားသူကိုးပြီး သူ့ဘ၀ကိုဆက်လျှောက်လှမ်းခဲ့ပါတယ်။ကျန်းမာရေးအခြေအနေကြောင့် ဆံပင်တုကို ခေါင်းနဲ့တွဲ ချုပ်ထားရတဲ့အတွက် အဲ့ဒီပုံစံခပ်ဆန်းဆန်းဆံပင်တုကြီးကို လှောင်ပြောင်ဟားတိုက်ခံခဲ့ရတာလည်း အသက်ကြီးတဲ့အထိပါပဲ။မိဘမဲ့ဂေဟာတွေ တစ်ခုပြီးတစ်ခုပြောင်းခဲ့ရပြီး သူ့ဘ၀မှာ အိမ်လို့ခေါ်လို့ရတဲ့နေရာဆိုတာမရှိခဲ့ပါဘူး။ သူ့မိဘတွေကို သူ့ကိုပြန်လာမရှာပေမယ့် သူကတော့မိဘတွေကိုရှာဖို့ရည်မှန်းချက်ရှိ နေတုန်းပါ။တစ်နေ့မှာတော့ နာမည်ကြီးရေဒီယိုအစီအစဉ်တစ်ခုမှာ ကံကောင်းပြီးတော့ ပါဝင်ခွင့်ရခဲ့ပါတယ်။သူ့ဘ၀ဇာတ်ကြောင်းက အရမ်းစိတ်ဝင်စားဖို့ကောင်းတဲ့အတွက် အဲ့ဒီအကြောင်းကို ရေဒီယိုမှာနားထောင်ကြသူတွေများလာကြပြီး သူလည်းနာမည်ကြီး လာခဲ့ပါတော့တယ်။ဒီလိုနဲ့အခက်အခဲတွေအများကြီးကို အမြဲတမ်းကြုံတွေ့နေရပေမယ့် အရာရာကိုအကောင်းမြင်စိတ်နဲ့ မြင်တတ်တဲ့ ဂျိုးဒတ်တစ်ယောက်မိဘတွေကိုပြန်တွေ့ သွားမလား။သူ့ဘ၀မှာအလိုချင်ဆုံး အိမ်ဆိုတဲ့အရာကိုရောပိုင်ဆိုင်သွားရမလားဆိုတာကို ကြည့်ရမဲ့ဇာတ်ကားကောင်းလေးပဲဖြစ်ပါတယ်။ File size…1.67GB / 887MB Quality…Blu-Ray 1080p/ 720p Format…mp4 Duration….1h 31m Genre ….. Comedy , Drama , Adventure Subtitle….Myanmar Subtitle (Hard Sub) Encoder….Min Wai Translated by Saw Lay

Robot Dreams (2023) ~ IMDb – 7.6/10, RT – 100%, Meta – 81% ~ Robot Dreams ကို A24 လိုမျိုး ထုတ်သမျှ သျှမ်းသျှမ်းတောက်အောင်မြင်နေတဲ့ Neon ကနေ ထုတ်ထားတယ်။ လက်ရှိအရတော့ A24 ထက် လက်စောင်းထက်နေတယ်ပြောရမယ်။ Animated Tragicomedy လို့ Genre တပ်ထားပေမဲ့ ဒီရုပ်ရှင်မှာ ကျွန်တော့်အနေနဲ့တော့ Comedy ဆိုတဲ့အပိုင်းကို ဘယ်မှာမှမတွေ့ခဲ့ဘဲ Tragic ဆိုတဲ့ တစ်ပိုင်းနဲ့ပဲ အသတ်ခံလိုက်ရတယ်။ Robot Dreams ဟာ အစကနေ အဆုံးထိ စကားတစ်ခွန်းမှကိုမပြောဘဲကို အပြသက်သက်နဲ့သတ်နိုင်တဲ့ ထူးထူးခြားခြား အန်နီမေးရှင်းကားလို့ဆိုရမယ်။ လက်ရှိအော်စကာမှာ အန်နီမေးရှင်းဆု ဆန်ခါတင် ဝင်ထားတာမို့ ကြည့်ကိုကြည့်မယ်ဆိုရင် ဒီတိုင်းသာ ဆက်ဖတ်မနေဘဲ ဒီတိုင်းသာ ကြည့်လိုက်ပါ။ တော်တော်ကောင်းပါတယ်။ ဘာမှမသိဘဲ ကြည့်ရတာတွေက အမြဲ ပိုအရသာရှိတာပဲမို့လား။ အဖော်စုံနေတဲ့လူတွေကိုကြည့်ရင်း ပိုအထီးကျန်လာတဲ့ ခွေးတစ်ကောင်ကနေ ဒီဇာတ်လမ်းစတယ်။ တိုက်တိုက်ဆိုင်ဆိုင် တီဗီကြော်ငြာမှာ ရိုဘော့အဖော်ဝယ်လို့ရတဲ့အကြောင်းတက်လာတယ်။ ရိုဘော့ မှာလိုက်ပြီး နောက်နေ့မှာပဲ ခွေးဆီ ရိုဘော့လာပို့တယ်။ ဒီလိုနဲ့ ခွေးက ဈေးသွားအတူတူ ရုပ်ရှင်ကြည့်အတူတူ မုန့်စားထွက်အတူတူ ပန်းခြံသွားအတူတူ စားအတူ လာအတူ သွားအတူ ရိုဘော့ အဖော်တစ်ကောင် ရသွားတယ်။ တစ်ခုသော အားလပ်ရက်မှာ ခွေးနဲ့ ရိုဘော့ ကမ်းခြေကို အပန်းဖြေခရီးထွက်လာကြတယ်။ ရေပေါ်ရေအောက် ပျော်လို့ပါးလို့ပေါ့။ ကံဆိုးချင်တော့ ရိုဘော့က သံနဲ့လုပ်ထားတဲ့အရာဆိုတော့လည်း ရေတွေအစိုများပြီး သံချေးကိုက်ပြီး လှုပ်မရတော့ဘဲ သဲသောင်မှာ လှဲနေလိုက်ရတယ်။ ခွေးကတော့ နောက်တစ်နေ့မနက်မှ လာပြန်ကယ်မယ်ဆိုပြီး ကမ်းခြေကနေ ထွက်သွားခဲ့တယ်။ နောက်နေ့မနက် သူလာတော့ ကမ်းခြေဟာ တစ်ရာသီစာ ပိတ်သွားခဲ့ပြီ။ သူလည်းတတ်နိုင်သလောက် ကြိုးစားဝင်ပေမဲ့ ဝင်မရသလို ရိုဘော့ကလည်း သဲသောင်ပေါ် လှုပ်မရရှိနေတုန်းပဲ။ သူတတ်နိုင်တာဆိုလို့ ရာသီကုန်လို့ ကမ်းခြေပြန်ဖွင့်တာကို စောင့်လိုက်ဖို့ပဲ ရှိတော့တယ်။ ဒီနောက်ပိုင်း ကျွန်တော်တို့ကို ရုပ်ရှင်ဟာ ရိုဘော့မရှိတော့တဲ့ ခွေးရဲ့လစ်ဟာခြင်းနဲ့ သဲသောင်ပေါ်မှာ နည်းနည်းမှ မလှုပ်နိုင်ဘဲ အန္တရာယ်ပေါင်းစုံကို ခါးစည်းခံနေရတဲ့ ရိုဘော့တစ်ယောက် အိမ်ကိုပြန်နိုင်ဖို့ ခွေးဆီပြန်နိုင်ဖို့ မက်ခဲ့တဲ့အိပ်မက်တွေကို ဆက်ပြတယ်။ လှုပ်မရနိုင်တဲ့သူ့ကို ဖျက်ဆီးသွားကြသူတွေလည်းရှိခဲ့တယ်။ မျှော်လင့်ချက်ပေးတဲ့အရာတွေလည်းရှိခဲ့တယ်။ နှင်းတွေကျလိုက် နေတွေသာလိုက် အရာရာ တရွေ့ရွေ့ပြောင်းသွားပေမဲ့ ရိုဘော့လုပ်နိုင်တဲ့တစ်ခုတည်းသောအရာက အိမ်အပြန်ကို အိပ်မက်မက်နေဖို့ပဲရှိခဲ့တယ်။ ရိုဘော့က ကမ်းခြေမှာ အိပ်မက်တွေ တစ်ခုပြီးတစ်ခုမက်နေတုန်း ခွေးရဲ့ဘဝမှာလည်း လစ်ဟာမှုတစ်ခုကို မေ့ပျောက်နေအောင် ရှင်သန်နေရင်း သူ့ဘဝထဲ တစ်ခုပြီးတစ်ခု ဝင်လာလိုက်ရင်း ထွက်သွားကြရင်းရှိနေခဲ့တယ်။ အင်္ဂါမစုံတော့တဲ့ ရိုဘော့တစ်ကောင်ကတော့ တစ်ခုသော သဲသောင်ပေါ်မှာပဲ နေ့ပေါင်းများစွာ ကြာရှည်အိပ်မက်နေလျက်ပေါ့။ ~~~ Spoiler Alert ~~~ နွေဦးပေါက်ကို ရောက်လာတဲ့အခါ ရိုဘော့ကို မျောက်တစ်ကောင်က သဲတွေကြားက တူးထုတ်ပြီး သံတိုသံစအဖြစ်နဲ့ အဟောင်းဆိုင်မှာ သွားရောင်းပစ်ခဲ့တယ်။ ခွေးရောက်လာတဲ့အချိန်မှာတော့ အခါနှောင်းသွားပြီး ရိုဘော့ရဲ့ ခြေထောက်တစ်ဘက်ကိုပဲ တွေ့ရတော့တယ်။ ခွေးဟာ ရိုဘော့အနံ့ကိုခံပြီး သဲသောင်ကို နက်သည်ထက်နက်အောင် တူးပြီး ရိုဘော့ကိုရှာပေမဲ့ ရိုဘော့ကို မတွေ့ရတော့ဘူး။ တစ်နေ့မှာ ကြောင်တစ်ကောင်က အဟောင်းဆိုင်ကနေ တစ်စစီဖြစ်နေတဲ့ ရိုဘော့ကို ဝယ်သွားပြီး အစအဆုံးပြန်ဆင်ခဲ့တယ်။ အဲဒီအချိန်မှာ ခွေးကလည်း နောက်ထပ်ရိုဘော့တစ်ကောင် ဝယ်ခဲ့လိုက်ပြီ။ ဒီလိုနဲ့ ကြောင်နဲ့ ရိုဘော့နဲ့ ပျော်ရွှင်စွာရှင်သန်နေတဲ့အချိန် ခွေးနဲ့ ရိုဘော့အသစ်ကလည်း ပျော်ရွှင်စွာ ရှင်သန်နေခဲ့တယ်။ ခွေးဟာ နောက်ထပ်ရိုဘော့ကို ကမ်းခြေကိုတောင် ခေါ်သွားလိုက်ပါသေးတယ်။ ဒီတစ်ခါတော့ ခွေးဟာ အရင်တစ်ခါအမှားမျိုး မလုပ်တော့ဘူး။ ရိုဘော့အသစ်ကို စက်ဆီတွေ အရင်ဖြန်းပေးခဲ့တယ်။ ဒီလိုနဲ့ တစ်နေ့မှာ ရိုဘော့ဟာ အိမ်ပြတင်းပေါက်ကနေ လှမ်းကြည့်ရင်း‌ ခွေးနဲ့ရိုဘော့အသစ်ကို မြင်လိုက်တယ်။ ခွေးနောက် သူပြေးလိုက်သွားပြီး သူတို့တွေ ပြန်လည်ပေါင်းစည်းသွားကြတယ်။ ဒါလည်း ရိုဘော့ရဲ့ နောက်ထပ်အိပ်မက်တစ်ခုပါပဲ။ တကယ့်အရှိတရားမှာတော့ ရိုဘော့ဟာ ခွေးကို တိုက်ပေါ်က လှမ်းကြည့်ရင်း သူတို့ကြိုက်ခဲ့တဲ့ သီချင်းတစ်ပုဒ်ဖွင့်ခဲ့တယ်။ ရိုဘော့က တိုက်ပေါ်ကနေတဲ့အချိန် ခွေးက သီချင်းသံကို ကြားပြီးအောက်မှာ ကနေခဲ့တယ်။ သူတို့အတူတူမကခဲ့ပါဘူး။ ဒါပေမဲ့ အတူတူကခဲ့တယ်။ ခွေးဟာ ရိုဘော့ကို လှမ်းကြည့်လိုက်တဲ့အချိန်မှာပဲ ရိုဘော့ဟာ နံရံနောက်မှာ ပုန်းလိုက်တယ်။ ဘာလို့လဲတော့ ကျွန်တော်တို့သိနိုင်ပါတယ်။ တစ်ချိန်တည်းမှာပဲ ဘာလို့လဲ ကျွန်တော်တို့မသိနိုင်ဘူး။ ဒီလိုနဲ့ သူတို့နှစ်ယောက် ပြန်မဆုံခဲ့ကြပါဘူး။ ဒါပေမဲ့ ပြန်ဆုံခဲ့တယ်။ ရုပ်ရှင်အပြီးမှာ ကျွန်တော်သတိရမိတာက “တိမ်ဦးလေပြေ မောင့်ကိုစေ” သီချင်းက စာသားတစ်ကြောင်းပဲ။ အဆုံးသတ်ကို ကျွန်တော်တစ်ခေါက်ပြီး တစ်ခေါက်ပြန်ကြည့်မိခဲ့တယ်။ ကြည့်လိုက်တိုင်းလည်း ဒီစာသားကို ကျွန်တော်ပို သတိရလာမိတာပါပဲ။ ” တို့ကမ္ဘာလေး ကျဉ်းကျဉ်းလေးမို့ အချင်းချင်းတွေ့နိုင်ပါသေး မျှော်လင့်ချက်သံသရာမှာလေ… “ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 1.75GB, 805MB Quality – 1080p, 720p IMDb Rating – 7.6/10 Format – mp4 Duration – 1H 42Min Genre – Animation, Drama, Music Subtitle – Myanmar Subtitle (Hardsub) Translated by WiRa Aung Encoded by Y

Fruitcake 2024 (သီးစုံကိတ်) Genre – Comedy, Romance ပေါ့ပေါ့ပါးပါးနဲ့ စိတ်ကြည်နူးဖွယ် မနီလာမြို့က လူငယ်လေးတွေရဲ့ ရယ်စရာမောစရာလေးများ အချစ်အကြောင်းလေးများကို ရိုက်ကူးထားတဲ့ ဖိလစ်ပိုင်ရုပ်ရှင်လေး ဖြစ်ပါတယ်။ ကျောင်းမတက်ပဲ ဂိမ်းပဲ အမြဲတမ်းဆော့နေပြီး ဆိုးသွမ်းတဲ့ ညီငယ်နဲ့ နာမကျန်းဖြစ်နေတဲ့ ဖခင်ကို ရရာအလုပ်လုပ်ပြီး ဦးဆောင်နေတဲ့ အစ်ကိုကြီးတစ်ယောက်ရဲ့ ဖြတ်သန်းရပုံ။ ဆွေမျိုးရှိတဲ့ မြို့ကိုလာပြီး ရည်းစားဟောင်းဖြစ်သူနဲ့ ပြန်ပေါင်းထုပ်ချင်နေတဲ့ ရွာသားကောင်လေးရဲ့ အလွဲအချော်များ ။ ရေကူးအဖွဲ့ထဲမှ သူငယ်ချင်းနှစ်ယောက်ရဲ့ ဘော်ဒါမကျ ဘာမကျကနေ ဘယ်လိုဆက်ဖြစ်လာမလဲ မသိရတဲ့ ဇာတ်လမ်းလေး။ မားမားဘွိုင်းလေးတစ်ယောက် ကျောင်းမှာ အနိုင်ကျင့်ခံရပြီး ဘယ်လို ပြဿနာတက်မလဲ မသိရတဲ့ ဇာတ်လမ်းလေး စသဖြင့် တခြားဇာတ်ကောင် ဇာတ်လမ်းလေး စုံလင်စွာနဲ့ မနီလာမြို့ အခြေပြု ပုံဖော်ထားတဲ့အတွက် ကြည့်ရှုအားပေးဖို့ ဖိတ်ခေါ်လိုက်ပါရစေ။ (အညွန်းနဲ့ ဘာသာပြန်ကတော့ CM Team ဖြစ်ပါတယ်)

******************************** Neighborhood Model ဆိုတဲ့ ဇာတ်ကားလေးထဲမှာတော့ မီအန်းဟာ ခင်ပွန်းဖြစ်သူရဲ့ဝေယျာဝစ္စတွေကို လိုက်လုပ်ပေးရင်း သူမရဲ့ဘဝကို အိမ်မှုကိစ္စတွေ လုပ်ရင်းနဲ့ပဲ ဖြတ်သန်းနေရတဲ့ အိမ်ရှင်မတစ်ယောက်ဖြစ်ပါတယ်။ တစ်နေ့မှာတော့ စီးပွားရေးလုပ်ချင်တာကြောင့် ခင်ပွန်းဖြစ်သူကို ခွင့်‌တောင်းပြီး ကော်ဖီဆိုင်လေးတစ်ဆိုင် ဖွင့်ကာ ခင်ပွန်းဖြစ်သူရဲ့ညီ ဂျွန်စောကို ဝန်ထမ်းအဖြစ် ခန့်ခဲ့ပါတယ်။ ဒီလိုနဲ့ တစ်နေ့မှာ အစ်ကိုဖြစ်သူက ဂျွန်စောဆီ လာပြီး မိန်းမဖြစ်သူ မီအန်းက ထူးဆန်းနေကြောင်း၊ သူမကိုစောင့်ကြည့်ပေးဖို့ အကူအညီလာတောင်းခဲ့ပါတော့တယ်။ ဒီတော့ မီအန်းက ဘယ်လိုတွေ ပြောင်းလဲပြီး ထူးဆန်းနေတာလဲ။ ဂျွန်စောနဲ့ သူ့အစ်ကိုလင်မယားတို့ဆက်ဆံရေးမှာ ဘာကိစ္စတွေ ဖြစ်နေသလဲဆိုတာ ခံစားကြည့်ရှုလိုက်ပါဦးနော် .. File Size : 1.25GB, 593 MB Quality : 1080p,720p Format…mp4 Duration…1 hr. 24 min. Genre : Adult, Drama Subtitle : Myanmar Subtitle (Hard Sub) Translated by ‌SD Encoded by DS

Alone 2015 ကြောက်တတ်သူများမကြည့်ရ ခြောက်ခန်းလှန့်ခန်းတွေက အသက်ရှုမှားလောက်တဲ့ထိကြမ်းတာကြောင့် အသည်းငယ်သူများအနေနဲ့တော့ အဖော်လေးနဲ့ကြည့်ကြဖို့တိုက်တွန်းရင်း… ဒါကတော့တစ်ခေတ်တစ်ခါကနာမည်ကြီးခဲ့တဲ့ ကိုယ်ချင်းဆက်နေတဲ့အမြွှာ၂ယောက်မှာ ခွဲစိတ်မှုကြောင့် တစ်ယောက်သေဆုံးခဲ့ရပြီး ကြောက်မက်ဖွယ်ခြောက်လှန့်မှုတွေပေးတဲ့ ထိုင်းကားကိုအခြေခံပြီးပြန်လည်ရိုက်ကူးထားတာပါ ဘတ်ဂျက်အ‌နေနဲ့လည်း ၁၉ကုဋေသုံးထားပြီး ၂၅ကုဋေပြန်လည်ရရှိခဲ့ပါတယ် အမြွှာညီအစ်မ၂ယောက်ရှိပါတယ် အန်ဂျနာနဲ့ ဆန်ဂျနာတဲ့ သူတို့ရဲ့ထူးခြားချက်ကတော့ ကိုယ်ချင်းဆက်ပြီးမွေးလာတာပါ ၂ကိုယ့် ၂စိတ်ပေမဲ့ အမြဲတပူးပူးတတွဲတွဲပေါ့ အမြွှာဆိုတဲ့အတိုင်း စိတ်တူကိုယ်တူမို့ အရွယ်ရောက်တော့လည်း လူတစ်ယောက်တည်းကိုပဲ ၂ယောက်လုံးကမျက်စိကျခဲ့ပါတယ် ဒီလိုနဲ့ ခွဲသင့်တာခွဲရမဲ့အချိန်ရောက်လာတော့ ခွဲစိတ်မှုလုပ်ရင်း တစ်ယောက်ကဆုံးပါးခဲ့ရတယ် ဒီဖြစ်ရပ်ကြောင့် အိမ်မှာမနေတော့ဘဲ တခြားမှာပြောင်းရွှေ့နေကြတဲ့ဆန်ဂျနာတို့လင်မယားက နှစ်တွေကြာပြီးတဲ့နောက်မှာတော့ ကျန်နေခဲ့တဲ့မိခင်ဖြစ်သူက မူမမှန်တဲ့ အက်ဆီးဒင့်ဖြစ်ပြီးဆေးရုံတက်ရလို့ သေရင်တောင်ပြန်မလာဘူးလို့ဆုံးဖြတ်ထားတဲ့နေရာကို ပြန်လာခဲ့ရပါတော့တယ် .. ဆိုတော့သူတို့ကို အဆင်သင့်စောင့်မျှော်နေတဲ့အရာနဲ့ ဘယ်လိုတွေ ကျောချမ်းတဲ့ထိအခြောက်ခံရမယ်ဆိုတာကိုတော့ လက်မလွှတ်တမ်းကြည့်ရှုလိုက်ပါရှင် ( အညွှန်းနဲ့ ဘာသာပြန်တွေကတော့ Yunni ~ V ~ Linn ~ KKKZ ~ Alex ~ ToMo တို့ပဲဖြစ်ပါတယ် )

အရွယ်ရောက်ပြီး ညီအစ်ကို မောင်နှမ သုံးယောက် (Lamothe-Kipnes၊ Dowden၊ Lloyd-Jones) သည်် သူတို့ရဲ့ ကွယ်လွန်သွားတဲ့ အဖွားရဲ့ ဆန္ဒကို ဖြည့့််် ဆည်းဖို့အတွက် ခရစ္စမတ်တွင် သူတို့ရဲ့ငယ်ဘဝက အိမ်လေးကို ပြန်လာပြီးတော့ ကုမ္ပဏီအတွက််ဆက်ခံသူအသစ်ကို ရွေးဖို့အတွက် မစ္စစ် Miracle လို့လည်းလူသိများတဲ့ Annie Merkel အိမ်ခြံမြေစီမံကိန်းရေးဆွဲသူအဖြစ်ပါဝင်ပြီး မိသားစုအတွက်် သူတို့ရဲ့ သံယောဇဉ်ကြိုးတွေပြန်အဆင်ပြေသွားစေဖို့အတွက် သူ့ရဲ့လှည့်ကွက်လေးတွေကိုသုံးပြီးတော့ ညီကိုမောင်နှမများပြန်လည်အဆင်ပြေရန််ကြိုးပမ်းပေးပါတော့တယ်။ Rachel Boston၊ Pascal Lamothe-Kipnes၊ Tanner Novlan၊ Matthew James Dowden နှင့် Max Lloyd-Jones တို့ ပါဝင်သရုပ်ဆောင်ထားသည်။ File size…(1.1 GB)/(688 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Romance, Comedy Subtitle….Myanmar Subtitle (Hardsub) Encoder….Swan Min Htet Translated by Banyar Aung

Cora Bora (2024) IMDb Rating (5.7) / Rotten Tomatoes (79%) LA မှာ ရုန်းကန်နေရတဲ့ musician တစ်​ယောက်ဖြစ်သူ Cora က ဂစ်တာတစ်လုံး သွားလေရာသယ်ပြီး ပေါ့ပေါ့နေပေါ့ပေါ့စား အရိပ်အကဲမခတ်တတ်တဲ့ ငစွာမလေးပါ။ တစ်နေ့တော့ Open relationship ဖြစ်တဲ့ မွေးရပ်မြေ Portland က သူ့ရဲ့ girlfriend Justine ကို surprise တိုက်ဖို့ Cora တစ်​ယောက် Portland ကို အ​ကြောင်းမကြားထားဘဲ ပြန်လာခဲ့တယ်။ ဒါပေမဲ့ သူ့ကောင်မလေး Justine မှာ တခြားကောင်မလေးရှိ​နေပြီး သူတို့အိမ်ပေါ် တက်နေနေတာကို သိလိုက်ရတဲ့အခါမှာ Cora တစ်​ယောက် ရှုပ်ထွေးပြီးသားဆက်ဆံရေးကို ဘယ်လိုတွေဆက်ပြီး ​မွှေနှောက်ပစ်မလဲဆိုတာ ဒီဟာသဇာတ်လမ်းမှာ အခွီတစ်လိုင်းကြည့်ရမှာပဲ ဖြစ်ပါတယ်။ (အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။) File size…(2.5 GB) / (910 MB) Quality….WEB-DL 1080p HEVC / 720p Format…. mkv/mp4 Genre….Comedy,Drama Duration….01:33:28 Subtitle….Myanmar Subtitle (Hardsub) Encoder….Double K Translated by Thwal Htoo Zin

Ha Ha Ha (2010) ***************** နာမည်ကြီး သရုပ်ဆောင်များစွာပါဝင်တဲ့ ဒီကားလေးကတော့ ဒါရိုက်တာ ဟုန်းဆန်ဆူး ကိုယ်တိုင်ရေးပြီး ကိုယ်တိုင်ရိုက်ကူးထားတဲ့ ဟာသ ဒရာမာအမျိုးအစားလေးပဲဖြစ်ပါတယ်။ ဇာတ်လမ်းထဲမှာတော့ ရုပ်ရှင်ဒါရိုက်တာတစ်ယောက်ဖြစ်တဲ့ ဂျိုမွန်းဂယောင်းက ကိုရီးယားကနေထွက်ခွာပြီး ကနေဒါမှာ သွားနေဖို့ အကြောင်းဖန်လာတယ်။ သူမသွားခင်မှာ သူ့သူငယ်ချင်းဖြစ်တဲ့ ရုပ်ရှင်ဝေဖန်ရေးသမား ဘန်ဂျောင်ရှစ်နဲ့ အရက်အတူသောက်ရင်း သူတို့ ထုံးယောင်းကို သွားခဲ့ဖူးတဲ့အကြောင်းတွေကို ပြန်ပြီး စားမြုံ့ပြန်ပြောကြတယ်။ ဒါပေမဲ့ တစ်ယောက်အကြောင်း တစ်ယောက်ပြောကြတဲ့အခါ ပျော်စရာကောင်းခဲ့တဲ့အမှတ်တရတွေပဲ ပြောရမယ်လို့ သတ်မှတ်ထားခဲ့ကြတယ်။ ဒီလိုနဲ့ ပျော်ပျော်ရွှင်ရွှင် အတိတ်ကအကြောင်းတွေ အချင်းချင်းဖလှယ်ကြရင်းနဲ့ တိုက်ဆိုင်စွာပဲ သူတို့နှစ်ဦး သွားခဲ့တဲ့နေရာတွေလည်း တူနေသလို သူတို့နဲ့ ဆုံခဲ့တဲ့သူတွေဟာလည်း တူနေကြတာပါပဲ။ သူတို့သူငယ်ချင်းနှစ်ယောက် ဘယ်လိုလူတွေနဲ့ ဆုံခဲ့ကြလဲ … ဘယ်လိုစိတ်ဝင်စားစရာကောင်းတဲ့ကိစ္စမျိုးတွေ ကြုံခဲ့ကြလဲ .. ဆိုတာကို ဒါရိုက်တာဟုန်းဆန်ဆူးက မြင်နေကျမဟုတ်ဘဲ ကွဲထွက်နေတဲ့ ဖန်တီးမှုပုံစံတစ်မျိုးနဲ့ ရိုက်ကူးတင်ဆက်ထားတာဖြစ်တဲ့အတွက် ရုပ်ရှင်ချစ်သူတွေ ကြည့်ရှုသင့်တဲ့ ဇာတ်ကားကောင်းတစ်ကားပါပဲနော်။ (အညွှန်းကို M မှ ရေးသားထားပါတယ်) File size…1.76GB / 816MB Quality… WEB-DL 1080p/ 720p Format…mp4 Duration….1h 56m Genre ….. Comedy, Romance, Drama Subtitle….Myanmar Subtitle (Hard Sub) Translated by M Encoded by AHtet

ဇာတ်လမ်းအကျဉ်းကတော့ တိုင်လာရဲ့မွေးနေ့ပွဲမှာ အထူးလက်ဆောင်ပေးဖို့အတွက် လူးဝစ် ၊ ဘရတ် နဲ့ ဖေးတို့ စီစဉ်ထားတယ်။ တိုင်လာက Bigfoot ရုပ်ရှင်ကားကိုအရမ်းကြိုက်သလို Bigfoot တွေကအပြင်မှာအမှန်တကယ်ရှိတယ်လို့လည်း ယုံကြည်ထားတယ်။ သူငယ်ချင်းသုံးယောက်လည်း ဘရတ်ရဲ့ ဒီစွဲလန်းမှုတွေကို သည်းမခံနိုင်တဲ့အဆုံးမှာဒီတစ်ပတ်ပိတ်ရက်မှာ Bigfoot ရှာပုံတော်ဖွင့်ပို့ စခန်းချသွားမယ်ဆိုပြီး မွေးနေ့လက်ဆောင် အနေနဲ့ ကတိပေးလိုက်ကြတယ်။ နောက်နောင်ဘယ်တော့မှ ဒီအကြောင်းထပ်မဟဖို့အတွက် ပြောလိုက်တယ်ဆိုပေမယ့် တိုင်လာကတော့ တကယ် ပျော်နေတယ်။ အကုန်လုံးကျောင်းသားတွေဆိုတော့ ငွေကြေးလည်း သက်သာအောင်ဆိုပြီး ကားရှိတဲ့နိတ်ကိုပါ ခေါ်လာလိုက်တယ်။ ဒီလိုနဲ့ ဝှိုက်ဟောပြည်နယ်ကသစ်တောမှာစခန်းချဖို့ ထွက်လာကြတယ်။ Bigfoot အကြောင်း ကောင်းကောင်း သိထာတဲ့ဘရတ်က ဒီညတော့စောစောအိပ်ပြီးမနက်ကျမှ Bigfoot ကိုထွက်ရှာကြမယ်လို့ပြောလို့စောစောအိပ်လိုက် ကြတယ်။ ညလည်းရောက်ရော ဝက်ဝံသဏ္ဍာန်သတ္တဝါကြီးက နိတ်ကို ဖမ်းခေါ်သွားတဲ့အခါမှာတော့….. File size… (2.02GB) / (1.04GB) Quality… WEB-DL 1080p HEVC /720p Format…mkv / mp4 Duration….1h 55m Genre …..Adventure , Comedy Subtitle….Myanmar Subtitle (Hard Sub) Encoder….Min Wai Translated by Tin Myo Lwin

The Restless (2006) ******************* 2009 ခုနှစ်ကထွက်ရှိခဲ့တဲ့ ဝမ်းနည်းစရာကောင်းပြီး လှပတဲ့အချစ်ဇာတ်လမ်းလေးတစ်ပုဒ်ကို CM ပရိသတ်ကြီးအတွက် တင်ဆက်ပေးလိုက်ပါတယ် ။ Cast တွေအနေနဲ့ကတော့ ပရိသတ်တို့အားလုံးသိကြတဲ့ အနုပညာရှင်များဖြစ်တဲ့ Jung Woo-Sung ၊ Kim Tae-Hee ၊ ” Buried Heart ” မှ မင်းသားကြီး Heo Jun-Ho ၊ “Red Shoes” မှ So E-Hyun တို့အပြင် တခြားသော ဝါရင့်သရုပ်ဆောင်ကြီးများစွာ ပါဝင်ထားကြလို့ Cast တွေနဲ့တင် လက်မလွှတ်သင့်တဲ့ ဇာတ်ကားကောင်း တစ်ကားပဲဖြစ်ပါတယ်။ ဇာတ်လမ်းအညွှန်း ************* တစ်ချိန်က ဘုရင်ကိုယ်တိုင်ချီးမြှောက်ထားတဲ့ ချောယုံးဒယ်ဆိုတဲ့ တော်ဝင်မကောင်းဆိုးဝါးနှိမ်နင်းသူ အဖွဲ့ ဟာ မင်းမျိုးမင်းနွယ်တွေရဲ့ ဒုစရိုက်မှုတွေကြောင့် ပြန်လည်ပုန်ကန်တဲ့အခါမှာတော့ အဖွဲ့ဝင်တွေ အကုန် သေဆုံးသွားကြရပြီးနောက် အဖွဲ့ပါ ဖျက်သိမ်းခံလိုက်ရပါတော့တယ်။ ထိုသေဘေးကနေ လွတ်မြောက်သွားခဲ့တဲ့ ချောယုံးဒယ်ရဲ့အဖွဲ့ဝင်ဖြစ်သူ အီဂွက်(Jung Woo-Sung) ဆိုသူကတော့ သရဲတစ္ဆေတွေကို မြင်နိုင်တဲ့အစွမ်းရှိပြီး နေရာအနှံ့မှာ မကောင်းဆိုးဝါးလိုက် နှိမ်နင်းရင်းနဲ့ ကံအကြောင်းမလှပဲ တမလွန်လောကကို ရောက်လာပါတော့တယ်။ တမလွန်လောကမှာတော့ သေဆုံးပြီး ဝိညာဥ်တွေဟာ ၄၉ ရက်ကြာ ဒီနေရာမှာ နေထိုင်ရင်း ငရဲကျမလား နတ်ပြည်သွားရမလား လူပြန်ဝင်စားမလားဆိုပြီး ဆုံးဖြတ်ခံကြရပါတယ်။ သေခြင်းရှင်ခြင်း နှစ်မျိုးကြားမှာ တည်ရှိနေတဲ့ ဆန်းပြားလှတဲ့ ဒီနေရာမှာ အီဂွက်တစ်ယောက် သေဆုံးသွားပြီဖြစ်တဲ့ တစ်ချိန်က ချစ်ရသူ ယွန်းဟွာ (Kim Tae-Hee) နဲ့ တစ်ထပ်တည်းတူနေပေမဲ့ အရင်ဘဝနဲ့ပတ်သတ်ပြီး ဘာမှတ်ဥာဏ်မှမရှိဘဲ တမလွန်လောကရဲ့အစောင့်အရှောက် မသေမျိုးတစ်ဦးဖြစ်နေတဲ့ ဆိုဟွာ (Kim Tae-Hee) ဆိုသူနဲ့ တွေ့ရတဲ့အခါမှာတော့….. မမေ့သွားပါဘူးလို့ ကတိပေးထားခဲ့တဲ့ ချစ်ရသူမိန်းကလေးက ကတိပေးထားတဲ့အတိုင်း ပြန်မှတ်မိလာမလား… တမလွန်လောကကို ကာကွယ်ရမဲ့အစောင့်အရှောက် တစ်ဦးနဲ့ လူသားတစ်ဦးတို့ ပေါင်းစည်းလို့ ရနိုင်မလားဆိုတာကိုတော့…. ဇာတ်လမ်းဇာတ်အိမ် ဆန်းပြားပြီး Action Scene တွေလည်းအများကြီးပါတဲ့ ဒီဇာတ်လမ်းလေးကိုတော့ Channel Myanmar ကနေ ကွာလတီအမိုက်စားနဲ့ ပြန်လည်တင်ဆက်ပေးလိုက်ပြီဖြစ်လို့ ကြည့်ရှုခံစားပေးပါဦးနော်။ (အညွှန်းကို Su Sandi မှ ရေးသားထားပါတယ်) File size…1.52GB / 809MB Quality… BluRay 1080p/ 720p Format…mp4 Duration…. 1 hr. 42 min. Genre ….. Action, Historical, Romance, Fantasy Subtitle….Myanmar Subtitle (Hard Sub) Translated by Su Sandi Encoded by AHtet

မော့ပေဆိုတဲ့မြို့လေးမှာ မူးယစ်တိုက်ဖျက်ရေးတပ်ဖွဲ့ခေါင်းဆောင်ခန်းမြောင်ဟာ မူးယစ်ရောင်းဝယ်မှုနောက်လိုက်စုံစမ်းရင်း လောင်ယောင်းဆိုတဲ့ မူးယစ်ရာဇာကြီးနဲ့ထိပ်တိုက်တွေ့လာပါတယ်။ ဉာဏ်များတဲ့လောင်ယောင်းနောက်လိုက်ရင်း လောင်ယောင်းဟာသူ(၁၅)နှစ်လုံးလုံးရှာနေရတဲ့ အစ်ကိုကြီးဆိုတာသိလိုက်ရပါတယ်။ ဆယ်နှစ်ကျော်အငြှိုးအတွေးတွေဟာ တစ်ဖြည်းဖြည်းပေါ်လာပါတယ်။ တကယ်တော့ လောင်ယောင်းတို့မောင်နှမ၂ယောက်ဟာ မူးယစ်ရာဇာကြီး တစ်ယောက်မွေးစားတာခံရပြီးတော့ ညီမလေးအတွက် မူးယစ်ဆေးရောင်းနေရတာဖြစ်ပါတယ်။ ဒီလိုနဲ့သူတို့ရဲ့ ကြောင်နဲ့ကြွက်ကစားပွဲဟာ အရှိန်ပိုမြင့်လာပြီးတော့ ညီအစ်ကိုအချင်းချင်းသေနတ်ပြောင်းဝကို ချိန်လာတဲ့အခြေအနေကိုရောက်လာပါတယ်။ အစွန်း(၂)ဖက်က ညီအစ်ကိုနှစ်ယောက်ရဲ့အဆုံးသတ်ဟာ ဘယ်လိုဖြစ်လာမလဲ……

Ambi (2025) “သပွတ်အူ” ဒီတစ်ခါတော့ CM Bollywood ပရိသတ်ကြီးအတွက် ရယ်ရယ်မောမောကြည့်ရှုရမဲ့ တမီလ်စကားပြော ဟာသ-ဒရာမာရုပ်ရှင်တစ်ကားကို တင်ဆက်ပေးလိုက်ပါတယ်။ ဇာတ်လမ်းက အကြောင်းအရာတစ်ခုတည်းကို အသားပေးထားတာထက် လူမျိုးစုံ အဖြစ်ပျက်စုံကို ပေါင်းစပ်ထားပြီး နောက်ဆုံးမှာ ဘယ်လိုတွေဆက်စပ်နေမလဲဆိုတာ ကြည့်ရှုကြရမှာ ဖြစ်ပါတယ်။ စစချင်းမှာ အိမ်ကမိန်းမပေးစားမှာကြောက်လို နိုင်ငံခြားပြေးဖိုကြံနေတဲ့ လူပျိုသိုးကြီး ဆွန်ဒါရမ်အကြောင်းပါ။ အိမ်မှာ သူ့အမေရယ် ညီမတွေရယ်က သူ့ကိုနိုင်ငံခြားပေးမထွက်ဘဲ မိန်းမပေးစားဖို ကြံနေလို အကြံအိုက်နေသူပေါ့။ ပြီးတော့ လာဘ်စားတဲ့အစိုးရရှေ့နေရဲ့ချစ်သူအိမ်ကို ၀င်ခိုးဖိုကြံတဲ့ သူခိုးနှစ်ယောက်… သူတိုအိမ်ထဲရောက်နေချိန်မှာ မထင်မှတ်ဘဲဖြစ်သွားတဲ့ လူသတ်မှုတစ်ခုကို မျက်မြင်တွေ့ပြီး ဗီဒီယိုသက်သေရိုက်ယူထားလိုက်မိပါတယ်။ လူသတ်မှုမဖြစ်ခင်က ရှေ့နေယူလာတဲ့ ‌ကုဋေချီတန်တဲ့မြွေကို သူတိုကယူပြေးဖို ကြံနေကြတာပါ။ နောက်တစ်ယောက်ကတော့ သူဌေးကြီးဖြစ်ချင်လွန်းလို ကမ္ဘာ့အချမ်းသာဆုံးစာရင်း၀င်တွေကို နေ့တိုင်းပူဇော်ဆုတောင်းနေတဲ့ ဗေဒင်ဆရာပါ…။ ဒီလိုနဲ့ လူပျိုသိုးကြီး မိန်းမရသွားမလား၊ သူ့မိသားစုနဲ့ ဘယ်လိုနှစ်ပါးသွားမလဲ ဆိုတာအပြင်၊ သူခိုးနှစ်ယောက်နဲ့မြွေရယ်၊ ဗေဒင်ဆရာရယ်… ဘာတွေဆက်ဖြစ်လာမလဲ… ဘာတွေဘယ်လိုဆက်စပ်နေမလဲဆိုတာ အရှုပ်တော်ပုံမျိုးစုံကို ရယ်ရယ်မောမော ကြည့်ရှုကြရမှာဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်တွေကတော့ CM Bollywood Team ဖြစ်ပါတယ်။) File size… 2.5 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 7min Subtitle….Myanmar Subtitle (Hard Sub) Encoder….YK Translated by CM Bollywood Team