ဒေစီနဲ့ ဟေဇယ်တို့ဟာ ကလေးဘဝကတည်းက အချစ်ဆုံးသူငယ်ချင်းတွေဖြစ်ခဲ့သလို လက်ရှိမှာလည်း အပန်းဖြေစခန်းတစ်ခုတည်းမှာ အတူတူလုပ်နေကြပါတယ်။ သူတို့ဟာ ငယ်ဘဝကတည်းက အချင်းချင်းသဘောတူစာချုပ်တစ်ခုထားရှိခဲ့ပြီး အဲဒါကတော့ ယောက်ျား တစ်ယောက်ကိုဘယ်တော့မှ နှစ်ယောက်လုံး ပြိုင်တူမချစ်မိကြေး၊ ယောက်ျားတစ်ယောက်အတွက် သူတို့ရဲ့သူငယ်ချင်းအချစ် မပြိုကွဲရေးတွေပါပဲ။ ဒါပေမဲ့လည်း ငယ်ဘဝအိပ်မက်တွေနောက်ကို အတူတူလိုက်ကြရင်း အဲဒီအိပ်မက်တွေကို အကောင်အထည်ဖော်ပေးနိုင်မယ့် အလားအလာရှင် ဖော်ရိန်နာတစ်ယောက်ကိုမှ အတူတူမျက်စိကျသွားတဲ့အခါမှာတော့ သဘောတူစာချုပ်တွေ၊ သူငယ်ချင်းသံယောဇဉ်တွေကိုခဏခေါက်ထားပြီးတော့ နှစ်ယောက်ကြားမှာ ပညာကုန်ထုတ်သုံးရင်း မီးပွင့်မတတ်တစ်ဂျိန်းဂျိန်းပြိုင်ရမယ့် ပြိုင်ပွဲတစ်ခု ဖြစ်ပေါ်လာပါတော့တယ်။ မင်းသမီးနှစ်ယောက်ရဲ့ ပွင့်ပွင့်လင်းလင်းပညာပြိုင်ခန်းတွေလည်းအများကြီးပါဝင်သလို အချစ်ဟာသပုံစံမျိုးနဲ့ မြူးမြူးသွက်သွက် တင်ဆက်ထားတဲ့အတွက် ရယ်ရင်းမောနေရမယ့်ဇာတ်ကားတစ်ကားဖြစ်တာမို့ ဆက်လက်ရှုစားလိုက်ကြပါ။ (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size - 6.1GB, 1.95GB, 930MB Quality - 4K HEVC, 1080p, 720p Format - mp4 Duration - 1H 57Min Genre - Comedy Subtitle - Myanmar Subtitle (Hardsub) Translated by Alias Encoded by RGB

~ IMDb - 8.2/10, Rotten Tomatoes - 96% ~ ကူရိုဆာဝါရဲ့ Ran ဟာ ရှိတ်စပီးယားရဲ့ King Lear ပြဇာတ်ကို ပြန်ရိုက်တဲ့ထဲက အခမ်းနားဆုံးနဲ့ အအောင်မြင်ဆုံး ရုပ်ရှင်ပါပဲ။ ၁၉၈၆ အော်စကာမှာ ဂျပန်က လူတွေနဲ့ အဆင်မပြေခဲ့တာကြောင့် Best International Feature အတွက် နိုင်ငံကိုယ်စားပြု အရွေးမခံခဲ့ရပေမဲ့ Main Categories တွေထဲက Best Director, Best Cinematography, Best Art Direction-Set Decoration, Best Costume Design ဆုတွေ ဆန်ခါတင်ဝင်ခဲ့တယ်။ ကူရိုဆာဝါအတွက် ပထမဆုံး Best Director ဆန်ခါတင်ဝင်ခဲ့တဲ့ရုပ်ရှင်လည်းဟုတ်တယ်။ ကံဆိုးချင်တော့ Best Costume Design ဆုပဲရသွားခဲ့တယ်။ သိပ်တော့လည်း အရေးမကြီးလှပါဘူးလေ။ ဘာနေနေ Ran ဟာ တခြားဆုရခဲ့တဲ့ ရုပ်ရှင်တွေထက်ပိုပြီး ဒီနေ့ထက်ထိ ရှင်သန်နေတဲ့ ရုပ်ရှင်ဖြစ်ခဲ့တာပါပဲ။ The Greatest Films Ever Made တွေထဲက တစ်ကားလည်းဖြစ်ခဲ့တယ်။ Ran ဟာ ကူရိုဆာဝါရိုက်ခဲ့တဲ့ နောက်ဆုံး Epic Film ဖြစ်ခဲ့သလို သူ့အတွက် ငွေကုန်ကြေးကျအများဆုံးကားလည်း ဖြစ်ခဲ့တယ်။ အဲဒီကာလက ဂျပန်ရုပ်ရှင်သမိုင်းမှာ ကုန်ကျစရိတ်အများဆုံး ရုပ်ရှင်ဆိုလည်း မမှားဘူး။ Ran ဟာ ကူရိုဆာဝါရဲ့ ရှိတ်စပီးယားပြဇာတ်ကိုပြန်ရိုက်တဲ့ထဲက အခမ်းနားဆုံးကားပေမဲ့ ဒီကားကို ရိုက်ဖို့အကြံရတာကတော့ ရှိတ်စပီးယားဝတ္တုကနေတော့ မဟုတ်ခဲ့ဘူး။ ၁၉၇၅လောက်မှာ သူက စစ်နယ်ရှင်တွေ အပြိုင်အဆိုင်အားပြိုင်နေခဲ့တဲ့ စင်းဂိုခုခေတ်က မိုရိမိုတိုနာရိဆိုတဲ့ စစ်နယ်ရှင်တစ်ပါးအကြောင်း ဖတ်မိရာကနေ ဒီကားရိုက်ဖို့ သူအတွေးပေါက်သွားတာ။ ဘယ်လိုတုန်းဆို မိုတိုနာရိမှာ သား၃ယောက်ရှိတယ်။ အဲဒီသားသုံးယောက်စလုံးက လိမ္မာပြီး သစ္စာရှိပြီး တော်ကြလို့ မိုတိုနာရိဟာ သားလိမ္မာတွေရဲ့အဖေဆိုပြီး ကျော်ကြားခဲ့တယ်။ ဒီမှာ ကူရိုဆာဝါက အဲဒီသားတွေသာ သားဆိုးတွေဖြစ်နေခဲ့ရင် ဘယ်လိုတွေဖြစ်ကုန်မလဲဆိုပြီး စိတ်ကူးကြည့်ရာကနေ Ran ကို ရိုက်ဖို့ အကြံပေါ်လာတာပါပဲ။ စစချင်းကတော့ ကင်းလီယာဇာတ်သုံးဖို့ မရည်ရွယ်ထားပေမဲ့ သူ့စကားအရတော့ မိုတိုနာရိနဲ့ ကင်းလီယာတို့ရဲ့ ဇာတ်လမ်းဟာ ဘာလို့လဲ သူ လုံးစေ့ပတ်ပေ့ မပြောပြတတ်ပေမဲ့ တစ်နည်းနည်းနဲ့တော့ သူ့ဘာသာတစ်သားတည်းဖြစ်သွားတယ်လို့ ဆိုတယ်။ ၁၉၇၅မှာ ကူရိုဆာဝါဟာ Ran အတွက် ဇာတ်ညွှန်းရေးပြီး နောက်နှစ်တွေမှာလည်း သူ့ထုံးစံအတိုင်း သူရိုက်ချင်တဲ့ ဇာတ်ဝင်ခန်းပုံစံအတိအကျကို စတိုရီဘုတ်တွေ ဆွဲခဲ့တယ်။ အဲဒီ စတိုရီဘုတ်တွေကိုကလည်း ပန်းချီကားတွေလို့ ပြောလည်းမမှားပါဘူး။ Ran အတွက် ကူရိုဆာဝါဟာ တော်တော်လေး အားစိုက်ထုတ်ခဲ့တယ်။ ၁၉၈၀မှာ ထွက်ခဲ့တဲ့ သူ့ရဲ့ နာမည်ကျော်ရုပ်ရှင်တစ်ကားဖြစ်တဲ့ Kagemusha ကိုတောင် သူက Ran အတွက် ဇာတ်ဝတ်ဇာတ်စား ရီဟာဇယ်လုပ်တဲ့ ရုပ်ရှင်လို့တောင် ပြောဖူးတယ်။ ၁၉၈၃မှာမှ အခက်အခဲများစွာကြားကနေ Ran ကို သူစရိုက်နိုင်ခဲ့တယ်။ Ran ထဲက ကင်းလီယာတဖြစ်လဲ မိုတိုနာရိတဖြစ်လဲ ဇာတ်ကောင်ကတော့ ဟိဒဲတိုရပါပဲ။ ဟိဒဲတိုရမှာ သားသုံးယောက်ရှိတယ်။ တစ်နေ့ သူအိုပြီဆိုပြီး သားတွေကို အမွေခွဲပေးဖို့လုပ်တာမှာ သားအငယ်ဆုံး စဘုရိုက သူ့ကိုကလန်ကဆန်လုပ်လာတာကြောင့် အမွေဖြတ်စွန့်လွှတ်ပြီး ကျန်တဲ့သား၂ယောက်ကိုပဲ မြှောက်စားလိုက်တာပါပဲ။ သူ့ရဲ့သစ္စာရှိအမတ်ကိုပါ သူ့သားငယ်ဘက်က ဝင်ပါလို့ဆိုပြီး ပြည်နှင်ဒဏ်ပေးပစ်လိုက်တယ်။ ကင်းလီယာအတိုင်းပါပဲ။ မတူတာကတော့ ကင်းလီယာက ဇာတ်ကောင်တွေမှာ အတိတ်မရှိပါဘူး။ ဒီထဲက ဇာတ်ကောင်တွေက အတိတ်ရှိပြီး ပုဂ္ဂလိက အမြင်အရတော့ Ran ထဲက ဇာတ်ကောင်တွေရဲ့ လုပ်ရပ်တွေက ပိုပြီးကျိုးကြောင်းဆီလျော်ပါတယ်။ နောက်တစ်ချက်ကတော့ ကင်းလီယာထဲက လီယာမင်းကြီးဟာ သူခံစားခဲ့ရတဲ့ ဝေဒနာတွေနဲ့ မထိုက်တန်ဘူးလို့ ယေဘုယျသတ်မှတ်လို့ရပေမဲ့ ဟိဒဲတိုရရဲ့ အတိတ်ကို Ran မှာ ကျွန်တော်တို့ကို တဖြည်းဖြည်းပုံဖော်ပေးသွားတာအရတော့ ဟိဒဲတိုရက သူ့ကြမ္မာနဲ့ သူထိုက်တန်တယ်လို့ ပြောရမှာပါပဲ။ ဒါပေမဲ့လည်း ကူရိုဆာဝါဟာ ကင်းလီယာထဲကလို မထိုက်တန်တဲ့ ဝေဒနာတွေကိုလည်း ဇာတ်ကောင်အသစ်တွေဖန်တီးပြီး ထည့်သွင်းပေးထားပါသေးတယ်။ ကူရိုဆာဝါဟာ ရှိတ်စပီးယားဇာတ် ကျောရိုးယူထားပေမဲ့လည်း ဒီရုပ်ရှင်ရဲ့ဇာတ်ကောင် ဟိဒဲတိုရက သူကိုယ်တိုင်ပဲလို့ သူပြောဖူးတယ်။ ဝေဖန်ရေးသမားတစ်ချို့ကလည်း ကူရိုဆာဝါရဲ့ ရန်ဟာ ကင်းလီယာကို မှီးထားပေမဲ့ သူ့ဘဝအကြောင်းလည်း ဖြစ်နိုင်တယ်လို့ ဆိုဖူးတယ်။ သူသေပြီးနှောင်းခေတ်တွေမှာ သူဟာ အကျော်ကြားဆုံး ဒါရိုက်တာတွေထဲက တစ်ယောက်ဖြစ်လာခဲ့ပေမဲ့ သူမသေခင်မှာ သူ့တိုင်းပြည်အတွက်တော့ သူက ဂုဏ်ယူစရာမဖြစ်ခဲ့ဘူး။ သူ့ကားတွေအတွက်လည်း ငွေထုတ်ပေးမယ့်လူ မရှိသလောက်ရှားခဲ့တယ်။ သူ့ဒါရိုက်တာသက်တမ်းရှည်ကြီးရဲ့ ၁၅နှစ်တာကာလမှာပဲ သူလုပ်ချင်တာ သူကောင်းကောင်းလုပ်နိုင်ခဲ့တယ်။ ၁၉၅၀ ရဲ့ "Rashomon" ကနေ ၁၉၆၅ ရဲ့ "Red Beard" အထိအတွင်းပါပဲ။ ဒီကာလတွေအတွင်းမှာ "The Seven Samurai", "The Throne of Blood", "Ikiru", "The Hidden Fortress", "High and Low" တို့လို မာစတာပိစ်ကားတွေ သူထုတ်နိုင်ခဲ့ပါတယ်။ အဲဒီကနေမှ သူနောက်ဆုံးရိုက်ခဲ့တဲ့ ၁၉၉၃အထိ ၂၈နှစ်အတွင်းမှာတော့ ၆ကားလောက်ပဲ ထွက်နိုင်တော့တယ်။ အဲဒီကာလဟာ သူ့အတွက် အဖြူအမဲနဲ့ ရောင်စုံရုပ်ရှင်အကူးအပြောင်း ကာလလည်း ဟုတ်တယ်။ ၁၉၆၅နောက်ပိုင်းမှာတော့ ကူရိုဆာဝါရဲ့ ဒါရိုက်တာဘဝဟာ အဆင်မပြေလှတော့ပါဘူး။ သူရိုက်ချင်တဲ့ကားတွေအတွက် ဘတ်ဂျက်ရှာကြည့်ပေမဲ့ ဂျပန်ကလူတွေက သူ့ကိုမပေးကြသလို နိုင်ငံခြားဘတ်ဂျက်ရှာပြီး ရိုက်တဲ့အခါမှာလည်း ပြည်တွင်းက မကျေနပ်ချက်တွေကို ခံခဲ့ရပြန်တာပါပဲ။ ၁၉၇၅မှာ သူ ကင်းလီယာကို ဆာမူရိုင်းကားအနေနဲ့ ပြန်ရိုက်ချင်တယ်လို့ ‌ကြေညာခဲ့ပေမဲ့ ရန်ပုံငွေမရခဲ့ပါဘူး။ ၁၉၈၃ ကျမှ ပြင်သစ်ပရိုဂျူဆာက ငွေထုတ်ပေးလို့ ရိုက်နိုင်ခဲ့တယ်။ ဒီအချိန်မှာ သူ့အသက်၇၅ရှိနေပြီဖြစ်သလို သူ့မျက်လုံးကလည်း မကောင်းတော့ပါဘူး သတ်သေဖို့တောင် ကြိုးစားပါသေးတယ်။ Ran ကို သူ့နောက်ဆုံးရုပ်ရှင်အဖြစ်လည်း ကြေညာခဲ့သေးပါတယ်။ သူ့မိန်းမဟာလည်း ရုပ်ရှင်ရိုက်နေတုန်း သေသွားသလို သူ့နဲ့တွဲလုပ်နေကျ အသံဖမ်းအင်ဂျင်နီယာကလည်း ရုပ်ရှင်ပြီးလုဆဲဆဲမှာ သေသွားပါတယ်။ ဒါကြောင့်မို့ပဲ Ran မှာ ကူရိုဆာဝါရဲ့ အကြောင်းကိုပါ တွေ့နိုင်တယ်လို့ တချို့က ဆိုကြပါတယ်။ Ran ဟာ လောကကြီးရဲ့ ရက်စက်မှုတွေကို ခါးစည်းခံနေရတဲ့ လောကကြီးထဲ ပြန်မလာချင်လောက်တော့တဲ့ လူအိုကြီးတစ်ယောက်အကြောင်းဆိုလည်း မမှားပါဘူး။ အဲဒီလူအိုကြီးဟာ ကင်းလီယာဖြစ်သလို ဟိဒဲတိုရဖြစ်သလို အဲဒီလူအိုကြီးဟာာ ကူရိုဆာဝါလည်း ဟုတ်ပါတယ်။ ကူရိုဆာဝါဟာ ဒီရုပ်ရှင်အတွက် ဆယ်စုနှစ်နဲ့ချီပြီး အားစိုက်ထုတ်ခဲ့ရတာနဲ့အညီပဲ Ran ဟာ တော်တော်လေးခမ်းနားခဲ့သလို မာစတာပိစ်ရုပ်ရှင်တစ်ကားလည်းဖြစ်လာခဲ့တယ်။ ဒီရုပ်ရှင်မတိုင်ခင်မှာ ကူရိုဆာဝါကို သူ့ရုပ်ရှင်တွေထဲ သူ့အကြိုက်ဆုံးရုပ်ရှင်က ဘာကားလဲမေးတိုင်း ကူရိုဆာဝါက နောက်ရိုက်မယ့်ကားပေါ့လို့ ဖြေတတ်ပေမဲ့ Ran ကို ရိုက်ပြီးတဲ့နောက် ကူရိုဆာဝါဟာ သေတဲ့အထိ ဒီမေးခွန်းမေးတိုင်း Ran လို့ပဲ ဖြေတော့တဲ့အထိ သူ့ကိုယ်သူလည်း အားရခဲ့ပုံပါပဲ။ ခေတ်အဆက်ဆက်ရဲ့ အကောင်းဆုံးရုပ်ရှင်တွေရဲ့ စာရင်းထဲလည်းဝင်ခဲ့ပါတယ်။ ကူရိုဆာဝါဟာ ရှိတ်စပီးယားဇာတ်တွေကို သုံးကားယူသုံးခဲ့ရာမှာ အဲဒီသုံးကားလုံးနီးပါး အဲဒီဇာတ်တွေကိုရိုက်တဲ့ထဲ အကောင်းဆုံးကားတွေဖြစ်ခဲ့ကြပါတယ်။ Ran ကတော့ ဒီထဲကမှ အကောင်းဆုံးကားလို့ ပြောရင်လည်းရပါတယ်။ ဒီကားကိုမကြည့်ခင် မင်းသုဝဏ် ဘာသာပြန်ထားတဲ့ ကင်းလီယာစာအုပ်ကို ကျွန်တော်ဖတ်ကြည့်ရသလောက်တော့ Ran က အကျိုးအကြောင်းပိုပြည့်စုံတယ်လို့လည်း ခံစားရပါတယ်။ ကူရိုဆာဝါဟာ ရုပ်ရှင်လောကရဲ့ ဗင်းဆင့်ဗန်ဂိုးလိုပါပဲ။ ကူရိုဆာဝါဟာ သူ့ဘက်မရှိခဲ့တဲ့ လောကကြီးအတွက် အခမ်းအနားဆုံး အနုပညာတွေချန်သွားပေးခဲ့တဲ့ သူပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.8GB, 1.3GB Quality - 1080p, 720p IMDb Rating - 8.2/10 Format - mp4 Duration - 2H 42Min Genre - Action, Drama, War Subtitle - Myanmar Subtitle (Hardsub) Translated by WiRa Aung Encoded by Y

Penélope Cruz  နဲ့ Javier Bardem တို့လို့ နာမည်ကျော်တွေပါပြီး အတော်ကြမ်းတဲ့ (၁၈+ )ခန်းတွေပါတာမို့ မိသားစုနဲ့အတူမကြည့်သင့်ပါဘူး.. ဇာတ်လမ်းလေးကတော့ အမျိုးသားအောက်ခံဘောင်းဘီထုတ်လုပ်တဲ့ စက်ရုံပိုင်ရှင်ရဲ့သား ဂျိုးလူးဝစ်ဟာသူတို့စက်ရုံက အလုပ်သမားလေး ဆေဗီယာဆိုတဲ့ကောင်မလေးနဲ့ ချစ်ကြိုက်မိသွားကြတယ်။ဆေဗီယာတို့မိသားစုပြေလည်ကြတဲ့သူတွေမဟုတ်ကြပါဘူး၊ ဖခင်ကစွန့်ပစ်သွားတဲ့အတွက် ဆေဗီယာရဲ့မိခင်ဟာသူတို့ညီအစ်မသုံးယောက်ကို ငယ်စဉ်ကတည်းကရှာကျွေးရတယ်။စီးပွားရေးအခြေအနေအရ ဘားလေးတစ်ခုဖွင့်ထားတယ်၊ ပတ်ဝန်းကျင်ကသူ့အမေကိုအပျက်မလို့သမုတ်ကြတယ်၊ဒီလိုနဲ့ ဆေဗီယာဟာလူးဝစ်နဲ့ကိုယ်ဝန်ရှိသွားတယ်၊လူးဝစ်ရဲ့အမေဟာ ဆေဗီယာနဲ့သဘောမတူပါဘူး၊ စက်ရုံမှာကြော်ငြာလာရိုက်တဲ့ ရာဟူးလ်ဆိုတဲ့တစ်ယောက်ကိုပိုက်ဆံပေးပြီး သူတို့နှစ်ယောက်ကိုပြတ်ခိုင်းအောင်ကြံစည်ခိုင်းတဲ့အခါမှတော့..... File Size :(1.9GB)(0.9GB) and (311MB) Quality : Blu-Ray1080p, 720p Format…mp4 Duration…01:35:00 Genre : Comedy , Drama , Romance Subtitle : Myanmar Subtitle (Hard Sub) Translated by Tin Myo Lwin Encoded by Phyo Pyae

အဖေတစ်ခု သမီးတစ်ခုပဲရှိတဲ့သားအဖနှစ်ယောက်တစ်နေ့ မင်္ဂလာဆောင်ကအပြန် ရွာထဲခဏဆိုပြီး ထွက်သွားတဲ့သမီးလေးပြန်မလာလို့ တစ်ညလုံးအနှံ့လိုက်ရှာခဲ့ပေမယ့် မတွေ့ခဲ့ရပဲ နောက်တစ်ရက်မနက်မှာ မီးကျွမ်းထားတဲ့အရိုးစုကိုပဲ တွေ့ရတော့တယ် သမီးလေးအတွက် တရားဥပဒေနဲ့အညီ မျှမျှတတလုပ်ပေးဖို့ တောင်းဆိုခဲ့ပေမယ့် ရွေးကောက်ပွဲနီးကပ်နေတာကို အကြောင်းပြပြီး အနားရှိတဲ့ လူတစ်ယောက်ကိုပဲ တရားခံဆိုပြီး ထောင်ထဲဖမ်းထည့်ထားလိုက်တယ် ရဲမှူးတစ်ယောက်ရဲ့ သူငယ်ချင်းသတ်ခံရတဲ့အမှုနဲ့ပတ်သတ်ပြီး မှုခင်းထောက်လှမ်းရေး ဗိုင်ဗက်ကို တာဝန်ပေးလိုက်တဲ့အချိန် သွားစစ်ဆေးတဲ့အချိန်ပိုင်းအတွင်းမှာပဲ တရားခံဖော်ထုတ်နိုင်ခဲ့တဲ့အတွက် နောက်ထပ်အမှုမှန်မပေါ်သေးတဲ့ မိန်းကလေးတွေ သတ်ခံရတဲ့ အမှုကိုပါ တာ၀န်ပေးဖော်ထုတ်စေခဲ့တယ် မိန်းကလေးတွေ ရက်ရက်စက်စက် အသတ်ခံရတဲ့ တရားခံကို ဘယ်လိုဖော်သွားမလဲ အကွက်ကျကျ ရိုက်ကူးပြထားတဲ့ ဇာတ်ကားကောင်းလေးပါ File size…1.95GB / 996MB Quality…1080p True WEB DL / 720p Format…mp4 Duration….2h Subtitle….Myanmar Subtitle (Hard Sub) Encoder….YK Translated by Bpl & OeliuJ & Kevin Ag & Yunni

မင်းသား Varun Dhawan နဲ့ မင်းသမီး Alia Bhatt တို့ရဲ့ ချစ်စရာဇာတ်ကားလေးပါ။ Badrinath Ki Dulhania ဆိုတာ မြန်မာလိုဆိုရင် ဘဒ်ရီနာသ့်ရဲ့ သတို့သမီးပေါ့ ဒါဆို ဘဒ်ရီနာ့သ် ကဘယ်သူလဲ? ဘဒ်ရီနာသ်က ဂျန်ဆလ်မြို့ရဲ့ မြို့မျက်နှာဖုံး ကျိကျိတက်သူဌေးကြီး အမ်ဘာနသ် ဘန်ဆလ်ရဲ့သား တစ်ယောက် ။ ဒါဆို သူ့သတို့သမီးအကြောင်း နည်းနည်းပြောမယ် သူ့သတို့သမီးဖြစ်ရဖို့က တော်တော်ကံကောင်းမှပဲ ဖြစ်မှာနော် ဘာကြောင့်လဲဆိုတော့ ဟိန္ဒူအယူဝါဒအရ ထိမ်းမြားလက်ထပ်ရင် သတို့သမီးရှင်ဘက်က သတို့သားကို အခန်းဝင်လက်ဖွဲ့ကြေးနဲ့ တင်တောင်းယူရတာဗျာ။ သတို့သမီးက ဘယ်လောက်ပဲ ပညာတတ်တတ် တော်တော် အချိန်တန် အိမ်ထောင်ကျပြီးရင် ဒိုး မီးဖိုချောင် ဒီစနစ် လင်ယောကျ်ားကို ဖြူသည် မဲသည် လာမပွါးနဲ့ ဒီလို မိန်းကလေးအခွင့်ရေးနည်းပါးတဲ့ လူ့အသိုင်းဝိုင်းမှာ အမှန်အကန်သူဌေးသားအတွက်ဆို အခန်းဝင်လက်ဖွဲ့ကြေးကလည်း မနည်းလောက်ပေဘူး ဒါပေမယ့် ဘဒ်ရီကတော့ အဖေစီစဉ်သမျှကို အသံမထွက်ဘဲ နာခံလာပေမယ့် မိတ်ဆွေ တစ်ယောက်ရဲ့ မင်္ဂလာပွဲမှာ ဗီဒဟီဆိုတဲ့ ကောင်မလေးကို တွေ့တွေ့ချင်း စိတ်ဝင်စားခဲ့တယ်။ ဗီဒဟီကလည်း အမျိုးသမီးအခွင့်ရေးမပေးတဲ့ လူ့အသိုင်းဝိုင်းကို မုန်းလွန်းလို့ ကိုယ်ဘဝကိုယ်ရပ်တည်ဖို့ ကြိုးစားနေတဲ့အတွက် အိမ်ထောင်ပြုဖို့ဆိုတာ လုံးဝကို စိတ်မဝင်စားတဲ့ မိန်းကလေးတစ်ယောက်... ဘဒ်ရီအနေနဲ့ ဗီဒဟီကို သူ့သတို့သမီးဖြစ်အောင် ကြိုးစားနိုင်ပါ့မလားဆိုတာကတော့...။ (ဇာတ်လမ်းလေးကလည်း ကြည်နူးစရာတွေ, ဝမ်းနည်းစရာတွေ, မခံမရပ်နိုင်စရာလေးတွေနဲ့ အမှန်အကန် တင်ဆက်ထားတဲ့အတွက်ကြောင့် ဘောလိဝုဒ် ဒရမ်မာလေးတွေကို ကြိုက်တယ်ဆိုရင်ဖြင့် လက်မလွတ်သင့်ဘူးလို့ ထပ်ညွှန်းပါရစေ ) (ရုပ်ရှင်အညွှန်းနဲ့ဘာသာပြန်ကို Zaw Htoo မှ ခံစားတင်ဆက်ထားပါတယ်။) File size…(8.4 GB)/(2.4 GB)/(999 MB) Quality….BluRay 4K HEVC/1080p/ DVDrip 720p Format…mkv/mp4 Duration….02:19:21 Subtitle….Myanmar Subtitle (Hardsub) Encoder….Nyeinsaeya Aung,Than Htike Zaw Translated by Zaw Htoo

ဒီနေ့မှာ Channel Myanmar ပရိတ်သတ်တွေအတွက် တင်ဆက်ပေးချင်တဲ့ တရုတ်ကားကောင်း တစ်ကားကတော့ Monster Hospital လို့ခေါ်တဲ့ ၂၀၂၁ ထွက် အသစ်စက်စက် ဇာတ်ကားတစ်ကားပါ။ ဇာတ်အိမ်လေးက သုံးလောကမှာ သွေးနှောကညာပျိုတစ်ယောက်ပိုင်တဲ့ ဆေးခန်းတစ်ခုရှိတယ်ပေါ့ဗျာ။ ဒီဆေးခန်းရဲ့ သမားတော် ကညာပျိုလေးက မိစ္ဆာတစ်ဝက် လူတစ်ဝက်ဗျ။ သူ့ဆေးခန်းကလည်း မကောင်းဆိုးဝါးနဲ့ မိစ္ဆာတွေကိုပဲ ကုပေးတာ။ ဒါပေမယ့် တစ်ရက်လည်းကျရော မော့ဝမ်လို့ခေါ်တဲ့ မိစ္ဆာဆေးလုံးကို ကိုယ်ဝန်လွယ်ထားတဲ့ လူယောက်ျားတစ်ယောက် ( ကျင်းကျွီကျွင်း) ဆေးခန်းကို ရောက်လာပါလေရော။ ကညာပျိုလေးက သွေးနှောဆိုတော့ ပုံမှန်မိစ္ဆာတွေလို အသက်ရှည်ရှည်မနေနိင်ဘူးတဲ့ဗျာ။ ဒါပေမယ့် မော့ဝမ်ကို စားရင်တော့ ရလာဒ်ကတစ်မျိုးပြောင်းသွားမှာပေါ့။ ဒီတော့ ရေကန်အသင့် ကြာအသင့်ဆိုသလိုပဲ ကျင်းကျွီကျွင်းကို ကူညီပြီး မော့ဝမ်ကိုမွေးပေးတော့တာပေါ့။ အဲဒီနောက်မှာရော သူ့ရဲ့ မူလအစီအစဥ်အတိုင်း မော့ဝမ်ကို စားပြီး အသက်ရှည်ရှည်နေသွားနိုင်မလား? နောက်ပိုင်းမှာ ဒါတွေအားလုံးက နောက်ကွယ်က ဂိုဏ်းချုပ်တစ်ယောက်ရဲ့ အစီအစဥ်ဖြစ်နေပြီးတော့ ကျင်းကျွီကျွင်းကလည်း နယ်ရုပ်တစ်ရုပ်ပဲဆိုတာ သိလိုက်ရတဲ့အခါ? ဘာတွေဆက်ဖြစ်ကြမလဲ? ဇာတ်အိမ်လေးက ခိုင်ခိုင်မာမာနဲ့ ဟာသဆန်ဆန် ပေါ့ပေါ့ပါးပါးရိုက်ကူးထားတာမို့ ရုပ်ရှင်ချစ်ပရိတ်သတ်တို့အနေနဲ့ လက်မလွှတ်ကြဖို့ တိုက်တွန်းလိုက်ပါတယ်ခင်ဗျာ။ File size…1.2GB / 640MB Quality…1080p WEB DLx264 / 720p  Format…mp4 Duration….1h 18 mins Subtitle….Myanmar Subtitle (Hard Sub) Encoder….YK Translated by HM

Chip ‘n Dale: Rescue Rangers (2022) ~ IMDb – 7.3/10, Rotten Tomatoes – 79% ~ Chip ‘n Dale ဟာ လက်ရှိမှာ ကြည့်ပြီးတဲ့ လူတိုင်းနီးပါး အားရတဲ့ Fun တော်တော်ဖြစ်တဲ့ ရုပ်ရှင်ဖြစ်ပြီး နိုင်ငံတကာရုပ်ရှင်ဖန်တွေက Rating – 5/5 , 10/10 တွေ ပေးထားကြပါတယ်။ Chip ‘n Dale: Rescue Rangers ဆိုတဲ့ ဟိုတုန်းက နာမည်ကျော် Dinsey ကာတွန်းဇာတ်လမ်းတွဲထဲက ရှဉ့်ငရှုပ်နှစ်ကောင်ကို အဓိကထားပြီး တခြား ၉၀ပြည့်နှစ်က ကာတွန်းဇာတ်ကောင်တွေအများကိုလည်း cameo ထည့်ထားသလို လက်ရှိ ရုပ်ရှင်တွေကိုလည်း ဖောင်းထုထားတဲ့ တော်တော့်ကို ကြည့်ပျော်တဲ့ ရုပ်ရှင်ပါပဲ။ Nostalgia ဖြစ်စရာတွေလည်း အပြည့်ပါပဲ။ ဒစ္စနေးကားပေမဲ့ Cameo တွေဟာ ဒစ္စနေးက ကာတွန်းဇာတ်ကောင်တွေချည်းမဟုတ်ဘဲ ဝါနာဘရားသား, Comedy Central, ပါရာမောင့်နဲ့ တခြားကုမ္ပဏီပေါင်းများစွာက ဇာတ်ကောင်များစွာကို ယူသုံးထားပါတယ်။ ဒီဇာတ်ကောင်တွေအတွက် လိုင်စင်ယူရမှာနဲ့တင် တော်တော်မလွယ်ပါဘူး။ တော်တော်ကို အားသွန်ခွန်စိုက်လုပ်ပြီး စိတ်ကြိုက်ထည့်ထားကြပုံပါပဲ။ ဘာတွေ ဘယ်လိုပါပါတယ်‌ပြောရင် အေဖိုး၅မျက်နှာစာလောက်ကုန်မှာမို့ မပြောတော့ပါဘူး။ ဟိုးတုန်းက ကာတွန်းကားတွေကို နည်းနည်းပါးပါး သံယောဇဉ်ရှိရင်တောင် စိတ်ထဲ အကြိုက်တွေ့မိမယ့် ရုပ်ရှင်ပါပဲ။ ဆိုခဲ့သလို ဒီလောက်နေရာတကာက Cameo တွေအများကြီးထည့်ထားတာကိုလည်း ဗရုတ်သုတ်ခထည့်ထားတာမဟုတ်ဘဲ အဲဒီကာတွန်းတွေရဲ့ ကမ္ဘာကြီးကို ဇာတ်အိမ်တည်ထားတာပါ။ ဟာသပေါင်းများစွာနဲ့ တော်တော်လည်းရယ်ရလို့ အားလုံးအကြိုက်တွေ့နေကြတဲ့ ရုပ်ရှင်ပါပဲ။ ရှဉ့်၂ကောင်မှာ တစ်ကောင်ကို မူလအတိုင်းထားပြီး တစ်ကောင်ကို CGI သုံး 3D ဆွဲထားလို့ ခေတ်ဟောင်းအရသာရော ခေတ်သစ်အရသာရော ပေါင်းစပ်ရရှိစေမှာပါ။ အိုင်ဒီယာကောင်းတယ် ဆိုရမှာပါပဲ။ လူတွေလည်းခပ်ပါးပါးပါပါတယ်။ ရိတ်တင်လည်းကောင်းနေသလို တစ်ချို့ကလည်း ဒီနှစ်ရဲ့အကြိုက်ဆုံးရုပ်ရှင်လို့ဆိုတဲ့အထိ အမွှန်းတင်နေကြပါတယ်။ ပုဂ္ဂလိကအမြင်အရတော့ ဇာတ်သိမ်း နည်းနည်းတက်သုတ်ရိုက်ဖြစ်နေတာကလွဲ တော်တော်ရယ်ရပြီး အတော်ကြည့်ကောင်းတဲ့ ရုပ်ရှင်တစ်ကားပေါ့။ Size – 1.51GB, 853MB Quality – 1080p, 720p IMDb Rating – 7.3/10 Format – mp4 Duration – 1H 37Min Genre – Animation, Adventure, Comedy Subtitle – Myanmar Subtitle (Hardsub) Translated by WiRa Aung, 666 Encoded by Y

Lesson in Murder (2022) ~ IMDb – 6.3/10, MyDramaList – 7.7/10 ~ ဂျပန်တွေဟာ မှုခင်း Thriller ကားတွေကို အသက်သွင်းတဲ့နေရာမှာ အာရှရဲ့ ဆရာတစ်ဆူလို့ ဆိုလို့ရပါတယ်။ မနှစ်က အော်စကာရခဲ့တဲ့ ဂျပန်ကားရဲ့ ဒါရိုက်တာ ရူဆုခဲဟမဂုချိရဲ့ဆရာအရင်း Kiyoshi Kurosawa ရဲ့ မှုခင်းကားတွေဆိုလည်း မာစတာပိစ်လို့ဆိုလို့ရတဲ့အထိ တန်းမြင့်သလို ကူရိုဆာဝါလို လူကိုယ်တိုင်ရိုက်ခဲ့တဲ့ Crime ကားတွေလည်းရှိခဲ့ပါတယ်။ Takeshi Kitano, Sion Sono, Takashi Miike, Tetsuya Nakashima, Shunji Iwai နဲ့ Hirokazu Kore-eda တို့လို လူတွေရိုက်ခဲ့တဲ့ မှုခင်းကားတွေလည်းရှိပြီး ရိုက်သမျှအကုန်ကောင်းတဲ့ ဘဲတွေရိုက်ထားတဲ့ မာစတာပိစ်တွေလည်း မနည်းပါဘူး။ ဒီတစ်ခါရုပ်ရှင်ကတော့ အပေါ်ကဒါရိုက်တာတွေရိုက်သလို မာစတာပိစ် မဟုတ်ရင်တောင် တော်တော်လေးမိုက်တဲ့ ဂျပန် မှုခင်းကားပါပဲ။ စိတ္တဇ ကွင်းဆက်လူသတ်သမားတစ်ယောက် အကြောင်းကို ရိုက်ပြထားတာဖြစ်ပြီး စိတ္တဇလူသတ်သမားတစ်ယောက်ရဲ့ ဖြစ်တည်လာပုံ တွေးပုံခေါ်ပုံ ထောင်ထဲရောက်သွားပြီးတာတောင် သားကောင်တွေကို ကြိုးကိုင်ထားနိုင်ပုံတွေကို ကောင်းကောင်းကြီးကို တဝတပြဲကြည့်ရမှာဖြစ်သလို ဇာတ်ကလည်း လှလှပပနဲ့ကို မထင်ထားတဲ့အရာတွေအပြည့်နဲ့ တည်ဆောက်ထားပါတယ်။ ရပ်ကွက်လေးတစ်ခုထဲက မုန့်တိုက်ဖွင့်ထားတဲ့ လူတစ်ယောက်ရှိတယ်။ သူက သဘောကောင်းပြီး လူတိုင်းနဲ့ အပေါက်အလမ်းတည့်တယ်။ စာကြိုးစားတဲ့ ကျောင်းသားလေးတွေဆိုလည်း မုန့်တွေအလကားပေးတတ်တယ်။ ဒါပေမဲ့ တစ်နေ့မှာ သိလိုက်ရတာက ဒီလူဟာ ကွင်းဆက်လူသတ်သမားဖြစ်နေပြီး လူ၃၀နီးပါးကို သတ်ထားတဲ့လူဆိုတာပါပဲ။ သူဟာ ၁၇ ၁၈ကြား အထက်တန်းကျောင်းသူ ကျောင်းသားတွေကို သတ်ရတာ သဘောကျသူဖြစ်ပြီး စာကြိုးစားတဲ့ ဆံပင်အနက်ရောင်ရှိတဲ့လူတွေကိုပဲရွေးသတ်တာပါ။ သူတို့နဲ့အရင်ခင်အောင်လုပ်ပြီး သူတို့မထင်ထားတဲ့အချိန်ကျမှ တွေးတောင်တွေးလို့မရတဲ့ သတ်နည်းတွေနဲ့ သတ်တဲ့လူပါ။ သူ့ကိုမိသွားပြီနောက် ထောင်ထဲကနေ ကောလိပ်ကျောင်းသားလေးတစ်ယောက်ဆီ သူ့ကိုလာတွေ့ဖို့ သူစာပို့ခဲ့ပါတယ်။ ကျောင်းသားလေးရောက်လာတဲ့အခါမှတော့ သူက သူ့အမှုတွေအကြောင်းပြောပြရင်း သူ့ကိုဆွဲချက်တင်ထားတဲ့အမှုတွေထဲ သူမသတ်ခဲ့တဲ့လူသတ်မှုတစ်ခုရှိကြောင်းနဲ့ အဲဒီအမှုကိုဖော်ပေးဖို့ အကြောင်းပြောပါတော့တယ်။ ကျောင်းသားလေးဟာ ဒီလူ့အမှုတွေကို ပြန်တူးဖော်ရင်း ဘာတွေ တွေ့ရှိလာမလဲဆိုတာကိုတော့… (ဒီဇာတ်ကားနဲ့အညွှန်းကို W မှ ပြန်ဆို ရေးသားထားပါတယ်) Size – 1.6GB, 650MB Quality – 1080p, 720p IMDb Rating – 6.3/10 Format – mp4 Duration – 2H 8Min Genre – Mystery Subtitle – Myanmar Subtitle (Hardsub) Translated by W Encoded by Y

CM ပရိသတ်ကြီးတို့ကို wuxia ကား ကောင်းကောင်းလေးတစ်ကားနဲ့ မိတ်ဆက်ပေးချင်ပါတယ်။ ဇာတ်ကားနာမည်ကတော့ 14 blades လို့ခေါ်ပြီးတော့ ၂၀၁၀ ခုနှစ်က ထွက်ရှိခဲ့တာပါ။ တရုတ်ကားကောင်းကောင်း ကြည့်ချင်ရင် ကားအဟောင်းတွေ ပြန်ကြည့်ရတယ်ဆိုသလိုမျိုးပဲ ဒီဇာတ်ကားကလည်း ကားကောင်းတွေထဲက တစ်ကားပါ။ အဓိက ဇာတ်ဆောင်အနေနဲ့ကတော့ မြန်မာပြည်က တရုတ်ကားပရိသတ်တိုင်း သိကြတဲ့ မင်းသားကြီး Donnie Yen က ပါဝင်ထားတာ ဖြစ်ပါတယ်။ ဇာတ်လမ်းကတော့ မင်မင်းဆက်ကာလကို အခြေခံရိုက်ကူးထားတာဖြစ်ပါတယ်။ ဇာတ်လမ်းအကျဉ်းချုပ်ကို ပြောပြရရင်တော့ မင်မင်းဆက် နှောင်းပိုင်းမှာ နန်းတွင်းခုံရုံးက အကျင့်ပြက်ခြစားသူတွေ စာရိတ္တပျက်ပြားတဲ့ အမတ်တွေနဲ့ ပြည့်နှက်နေခဲ့တယ်။ ဒါ့အပြင် အဲဒီခေတ်ကာလမှာ လမ်းဘေးလေလွင့်နေတဲ့ မိဘမဲ့ကလေးတွေကို ဖမ်းဆီးပြီး ကျင်းယိဝေ့လို့ခေါ်တဲ့ အထူးစစ်သည်တော်တွေအဖြစ် လေ့ကျင့်ပေးတာမျိုးလည်း ရှိခဲ့တယ်။ ကျင်းယိဝေ့တွေက လျှို့ဝှက်တာဝန်တွေကို ထမ်းဆောင်ကြရတာပါ။ ကျင်းယိဝေ့တွေရဲ့ခေါင်းဆောင် ချင်းလုံ (မင်းသား Donnie Yen) က တာဝန်ထမ်းဆောင်ဖို့ ဓား ၁၄ လက် အပ်နှံခံထားရသူပါ။ တစ်နေ့မှာတော့ သူဟာ ဧကရာဇ်ရဲ့ အနီးကပ်လူယုံဖြစ်တဲ့ ကျားကုန်းကုန်းက ဦးရီးတော်ဖြစ်တဲ့ ချင်းမင်းသားနဲ့ ပူပေါင်းပြီး ပုန်ကန်ဖို့ လုပ်နေတာကို သိသွားခဲ့ပါတယ်။ ဒါကိုသိသွားတဲ့ ချင်းလုံက ကျင်းယိဝေ့ထဲမှာ မနေတော့ဘဲ ထွက်ပြေးတိမ်းရှောင်ရင်း ပုန်ကန်မှုကို လိုက်လံတားဆီးဖို့ ကြိုးစားပါတော့တယ်။ ဒီလိုဆိုရင် ချင်းလုံအနေနဲ့ ပုန်ကန်မှုကို ဖြစ်စေမယ့် ဧကရာဇ်တံဆိပ်တော်ကို ရန်သူတွေလက်ထဲ မရောက်အောင် ဘယ်လိုလိုက်တားဆီးမလဲ၊ သူ ထွက်ပြေးတဲ့ လမ်းတစ်လျှောက်မှာ ဘယ်လိုလူတွေနဲ့ ကြုံတွေ့ရမလဲ၊ ကျားကုန်းကုန်းနဲ့ ချင်းမင်းသားတို့ရဲ့ ပုန်ကန်မှုကိုရော တားဆီးလိုက်နိုင်ပါ့မလားဆိုတာကိုတော့ ပရိသတ်ကြီးတို့ကိုယ်တိုင် ဒီကားလေးထဲမှာ ကြည့်ရှုလိုက်ပါ။ File size… 1.6 GB / 722 MB Quality… BluRay 1080p / 720p Format… mp4 Duration…. 1h 54m Genre ….. Action/History Subtitle…. Myanmar Subtitle (Hard Sub) Encoder…. Thit San Khant Translated by Htet Nyein Khant

ဖရန့်ဆစ် အူမန့်ဟာ ဂေါ့ဖ်ရိုက်တာကို ဝါသနာပါတဲ့ လူငယ်လေးတစ်ယောက်ပါ. သူဟာ ဝါသနာကြီးလွန်းလို့ ငယ်ငယ်ကတည်းက ဂေါက်ကွင်းမှာ အိတ်သယ်အဖြစ် လုပ်ရင်း ဂေါ့ဖ်ရိုက်တဲ့ပညာကို လေ့လာခဲ့ပါတယ်. တစ်နေ့တော့ သူအရမ်းလေးစားအားကျရတဲ့ ဂေါ့ဖ်သမား ဖြစ်တဲ့ ဟယ်ရီ ဗာဒန်ဆိုတဲ့ ပုဂ္ဂိုလ်ကို အပြင်မှာတွေ့ဖို့ ဖြစ်လာပါတယ်. ဟယ်ရီဟာ လက်ရှိမှာ အအောင်မြင်ဆုံး ဂေါ့ဖ်ကစားသမားဖြစ်နေပေမယ့် သူငယ်ငယ်တုန်းကလဲ ဖရန့်ဆစ်လိုမျိုးပဲ ဘဝက ခက်ခဲကြမ်းတမ်းခဲ့တာပါ. အဲဒီ့နောက်တော့ ဖရန့်ဆစ်တို့ ဂေါက်ကွင်းမှာ US Open ပြိုင်ပွဲကြီးလာကျင်းပတဲ့အချိန်မှာ ဖရန့်ဆစ်တစ်ယောက် ပြိုင်ပွဲဝင်ရဖို့ ဘယ်လိုမျိုးတွေ ရင်ဆိုင်ရမယ်. ဒါ့အပြင် ဂေါ့ဖ်ရိုက်တယ်ဆိုတာ အားကစားတစ်ခုထက်ပိုတဲ့ ပြိုင်ပွဲနောက်ကွယ်က နိုင်ငံရေးလှည့်ကွက်တွေလည်းပါတဲ့ ကစားနည်းတစ်ခုလည်း ဖြစ်နေပြန်ပါသေးတယ်. ဆိုတော့ ဖရန့်ဆစ်တစ်ယောက် ဘယ်လိုပြိုင်ပွဲဝင်တွေနဲ့ ရင်ဆိုင်ပြီး အောင်မြင်မှုကို ရယူသွားနိုင်မလား ဒါမှမဟုတ် လမ်းတစ်ဝက်မှာတင် ကျရှုံးသွားနိုင်မလားဆိုတာကို စိတ်ဝင်စားဖွယ်ကောင်းအောင် ရိုက်ကူးတင်ဆက်ထားတဲ့ ဇာတ်ကားကောင်းလေးတစ်ကားဖြစ်ပါတယ်. ဒါ့အပြင် ၂၀၀၆ ခုနှစ်အတွက်လည်း Best Sport Movie ဆုကိုပါရရှိခဲ့ပါသေးတယ် အဓိကသရုပ်ဆောင်အနေနဲ့ Transformers ဇာတ်ကားတွေနဲ့ နာမည်ကြီးခဲ့တဲ့ မင်းသား Shia LaBeouf က သရုပ်ဆောင်ထားပြီး 2005 ခုနှစ်က ထွက်ခဲ့တဲ့ ဇာတ်ကားဆိုတော့ Transformers ရုပ်ရှင်မထွက်ခင် ၂ နှစ်လောက်က ထွက်ရှိထားခဲ့တာမလို့ Shia ရဲ့ ငယ်ရုပ်လေးကို Transformers လို အက်ရှင်ဇာတ်လမ်းမျိုးမဟုတ်ပဲ တစ်မျိုးကွဲထွက်နေတဲ့ သရုပ်ဆောင် တစ်ယောက်အဖြစ် မြင်ရမှာပါ. File size…(2.5GB)/(1.4 GB) Quality….Blu-Ray 1080p / 720p Format…mp4 Duration….02:00:00 Genre…Biography,Drama, Sport Subtitle….Myanmar Subtitle (Hardsub) Encoder….Garfield Translated by Jo Joe

ဒီဇာတ်ကားလေးကတော့ အထက်တန်းကျောင်းသူငယ်ချင်း(၃)ယောက်က သူတို့ပေးခဲ့ကြတဲ့ကတိအတိုင်း (၂၅)နှစ်ကြာတဲ့အခါ ပြန်တွေ့ကြတဲ့အကြောင်းဇာတ်လမ်းလေးဖြစ်ပါတယ်။ အခုခေတ်နေရာတိုင်း လူတိုင်းမှာဖုန်းတွေရှိကြတယ်။ ဒါပေမယ့် တစ်ယောက်နဲ့တစ်ယောက်အသုံးပြုပုံခြင်းမတူကြဘူး။ သူငယ်ချင်းတစ်ယောက်ချင်းစီရဲ့ပြဿနာနဲ့ဇာတ်ကြောင်းလေးတွေပြရင်း လက်ကိုင်ဖုန်းတွေပေါများလာတဲ့ခေတ်မှာ လူငယ်တွေကြားမှာဖြစ်တတ်တဲ့ပြဿနာတွေ၊ ဖုန်းမရှိတဲ့အခါ အဆင်မပြေဖြစ်ရပုံတွေကိုမီးမောင်းထိုးပြသွားပါတယ်။ ((၂၅)နှစ်ကြာမှပြန်တွေ့ကြတဲ့ သက်လတ်ပိုင်းဖြစ်နေပြီဖြစ်ကြတဲ့ သူတို့တွေက ဘယ်လိုတွေပြောင်းလဲသွားကြပြီလဲ ဘာတွေကမပြောင်းလဲပဲအရင်အတိုင်းဖြစ်နေဦးမလဲဆိုတာ အတိတ်ခံစားချက်တွေကိုတမ်းတရင်းကြည့်ရမယ့်ဇာတ်လမ်းလေးဖြစ်ပါတယ်။

The Pursuit of Lust 2 (2025) “The Pursuit of Lust” ဟာနာမည်အတိုင်းပဲ ရမ္မက်နွံမှာနစ်ကျွံကြတဲ့ လူသားတွေအကြောင်း၊သူတို့ကို ဒီလိုဖြစ်လာအောင်တွန်းပို့ခဲ့တဲ့အခြေအနေတွေ၊ သူတို့ရဲ့မွန်းကျပ်မှု စိတ္တဇတွေ ကို ပတ်ဝန်းကျင်မှာမြင်နေကျ ကြားနေကျ ဖြစ်စဉ်တွေအတိုင်းရိုက်ပြထားတဲ့ ဇာတ်ကားတွေဖြစ်ပါတယ်။ ရှားရှားပါးပါးမြင်ရခဲ့တဲ့ မွန်ဂိုလီယာနိုင်ငံထုတ်ကားဖြစ်ပြီး Vivamax ကဖြန့်ပေးထားတာပါ။အလုပ်ကိုဦးစားပေးလွန်းပြီး ဇနီးသည်ကိုလှည့်မကြည့်နိုင်တဲ့ ခင်ပွန်းသည်၊ အိမ်မှာတစ်ယောက်တည်းအထီးကျန်နေပြီး၊ ဥပေက္ခာတွေနဲ့နေသားကျနေတဲ့ အိမ်ထောင်ရှင်မတစ်ယောက်၊ နီးစပ်ရာမှာထွက်ပေါက်ရှာမိတဲ့အဖြစ်တွေကိုနောက်ခံအခြေအနေအမျိုးမျိုးတွေနဲ့တွေ့မြင်ရမှာဖြစ်ပါတယ်။ခံစားကြည့်ကြပါဦး။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size… (440 MB) / (250 MB) Quality….WEB-DL 1080p HEVC / 720p Format…. mkv/mp4 Genre….Drama Duration….00:50:22 Subtitle….Myanmar Subtitle (Hardsub) Encoder….Benjamin Translated by Alias

Another You (2025) IMDb Rating (7.1) ဒီတစ်ခေါက်တင်ဆက်ပေးမှာကတော့ Another You ဆိုတဲ့ အချစ်ဇာတ်လမ်းသိပ်မဆန်တဲ့ အချစ်ဇာတ်လမ်းလေးတစ်ပုဒ်ဖြစ်ပါတယ်။ ကိုရီးယားဇာတ်လမ်းတွဲတစ်ခုဖြစ်တဲ့ Death’s Game ကို အခြေခံပြီး ရိုက်ကူးထားတာဆိုပေမဲ့ original script လို့ ပြောရလောက်အောင် တော်တော်ကောင်းတဲ့ တူရကီဟာသဇာတ်လမ်းတစ်ပုဒ်ပါ။ အဓိကဇာတ်ဆောင်မင်းသားကလည်း တူရကီသရုပ်ဆောင်တွေထဲမှာ နာမည်ကြီးတဲ့ ဟာသသရုပ်ဆောင် Giray Altinok ဖြစ်ပါတယ်။ IMDb rating 7.1 နဲ့ letterboxd review 3.3 ရထားတာဖြစ်တဲ့အတွက် ကြည့်မကောင်းမှာတော့ မပူရပါဘူး။ ဇာတ်လမ်းအကျဉ်း ဘဝတစ်လျှောက်လုံး ကံခေမှုတွေ တစ်ခုပြီးတစ်ခု ကြုံလာရတဲ့ လူတစ်ယောက်ဟာ ကံကြမ္မာဖန်တဲ့တစ်နေ့မှာ ကားပျက်ရင်းနဲ့ အမျိုးသမီးတစ်ဦးနဲ့ ဆုံခဲ့တယ် ကံကဆိုးချင်တော့ နှစ်ဦးသား ဆုံလို့ တစ်နာရီမပြည့်ခင်အချိန်မှာပဲ ကားဝင်တိုက်ခံလိုက်ကြရပါတယ်။ သာမန်ဇာတ်လမ်းမှာဆိုရင်တော့ သေရင်အဆုံးသတ်ပြီဆိုပေမဲ့ ဒီဇာတ်လမ်းမှာတော့ မတူပါဘူး သေမှ အစပြုတယ် ဆိုရမှာပေါ့။ အဲဒီအက်ဆီးဒင့်ဖြစ်သွားပြီးကတည်းနဲ့ သူဟာ နေ့ရက်တိုင်း တစ်နေရာရာက တခြားလူတစ်ယောက်ယောက်ရဲ့ခန္ဓာကိုယ်ထဲမှာ နိုးထလာရပြီး အဲဒီလူရဲ့ နောက်ဆုံးအခိုက်အတန့်ကို သူက အစားခံပေးရပါတယ်။ အဲဒီလို နေ့စဉ်ရက်ဆက်ဖြစ်လာတာ ၃ နှစ် လွန်မြောက်ပြီးတဲ့အချိန်မှာတော့ တစ်ရက် သူဟာ ဆေးပညာဆုပေးပွဲတစ်ခုမှာ Mümtaz ဆိုတဲ့ဆရာဝန်တစ်ဦးရဲ့ခန္ဓာထဲ နိုးထလာခဲ့တယ်။ အဲဒီပွဲမှာပဲ Derya ဆိုတဲ့ အမျိုးသမီးတစ်ဦးနဲ့ ဆုံပြန်တယ် အဲဒီအမျိုးသမီးက တကယ်တော့ သူ့လိုအဖြစ်အပျက်မျိုး တစ်ထပ်တည်းကြုံနေရတဲ့ သူနဲ့ အတူတူကားတိုက်ခံလိုက်ရတဲ့သူ ဖြစ်နေတယ်။ နှစ်ဦးသားက မသိကြဘဲ အစပ်အဟပ်တည့်ကြတဲ့အတွက် တစ်ညတာ အတူတူလွန်မြောက်ပြီးတော့ နောက်နေ့မနက်မှာ ခါတိုင်းလို နေရာနဲ့ ခန္ဓာမပြောင်းသွားဘဲ အဲဒီနေရာ အဲဒီခန္ဓာနဲ့ပဲ နိုးလာခဲ့ကြတဲ့အခါမှာတော့ သူများဘဝမှာ မီးစင်ကြည့်ကကြရင်းနဲ့ ဘယ်လို awkward တွေဖြစ် ဟာသတွေခင်းပြီး သူတို့ရဲ့အချစ်ကို ရှာတွေ့ကြမလဲဆိုတာ ခံစားကြည့်လိုက်ကြပါဦးခင်ဗျာ.. (အညွှန်းနဲ့ဘာသာပြန်ကတော့ Khey Ki ဖြစ်ပါတယ်။) File size… (2.1 GB) / (1 GB) Quality….WEB-Rip 1080p HEVC / 720p Format…. mkv/mp4 Genre….Comedy Duration….01:50:20 Subtitle….Myanmar Subtitle (Hardsub) Encoder….Benjamin Translated by Khey Ki

C 4 Cinta 2025 ရွာလည်တဲ့ဖူးစာ ဒီနေ့မှာ တင်ဆက်ပေးမယ့်ဇာတ်လမ်းလေးကတော့ ဒရာမာတွေအချိုးအကွေ့တွေကြားက သူငယ်ချင်းလေးယောက်ရဲ့ အချစ်ဇာတ်လမ်းကို ဖော်ပြထားတဲ့ မလေးဒရာမာလေးပဲဖြစ်ပါတယ်။ ထုံးစံအတိုင်း လူငယ်တွေကြားက အချစ်ဇာတ်လမ်းဖြစ်လို့ dramatic ဖြစ်သလို ဟာသတွေလည်းပါ အလွမ်းအဆွေးလည်းပါတဲ့ ရသစုံလင် romanceဇာတ်လမ်းလေးပေါ့။ ဟာရီနဲ့ဆိုနီယာတို့က သိပ်ချစ်ကြပေမဲ့ အယူသီးလွန်းတဲ့ဆိုနီယာအမေက ပြဿနာဖြစ်နေပါတယ်။ လက်ထပ်ပွဲအတွက်လေးပတ်ပဲလိုတော့တာတောင် ဇာတာမစစ်ရရင် လုံးဝသဘောမတူနိုင်တဲ့ယောက္ခမကြီးက အခုလည်း မော်လဒိုက်ဟန်းနီးမွန်းခရီးစဉ်အထိ ဝင်ပါပြီး ကန့်လန့်တိုက်နေသလိုဖြစ်နေပြန်တာပေါ့။ အယူ‌သီး တယူသန်တာကတစ်ဖက်၊ အရာရာ သူ့အမေအလိုကိုလိုက်နေတဲ့ဟာရီကို စိတ်ကုန်စပြုလာတဲ့ဆိုနီယာကတစ်ဖက်နဲ့ လက်ထပ်ခါနီးမှ စကားတွေများနေရင်း ဟာရီက မြေစာပင်ဖြစ်နေတာပေါ့။ တစ်ဖက်က ရူပီနီနဲ့ သာမီဇ်ကလည်း သာမီဇ်က အဖေနဲ့တွေ့စေချင် ရူပီနီကမတွေ့ချင် ဒီလိုနဲ့ ဒီနှစ်တွဲလည်းပြဿနာတွေထပ်ဖြစ်ကြပြီး အသည်းတွေထပ်ကွဲကြပြန်တာပေါ့။ ဒီမှာတော့ အသည်းကွဲနေတဲ့ရူပီနီက ဆိုနီယာကို ဟာရီဘက်ကိုလည်းကြည့်ပေးဖို့ ဟာရီရဲ့လေးစားမှုကိုအသိအမှတ်ပြုဖို့ ဖျောင့်ဖျရင်း အဆင်ပြေသရောင်ရောင်ဖြစ်သွားပါတယ်။ ဒီလိုနဲ့ ဟာရီနဲ့ဆိုနီယာတို့ ဖိတ်စာဝေဖို့သွားရင်း လမ်းမှာ ဟန်းနီးမွန်းအကြောင်း စကားစရာက ကတောက်ကဆဖြစ်ကြပြီး ယာဉ်မတော်တဆဖြစ်သွားတဲ့အခါမှာတော့… (အညွှန်းနဲ့ဘာသာပြန်ကတော့ CM B Teamမှပဲဖြစ်ပါတယ်)

Cool Gel Attacks (2010) IMDb – 5.6 Channel Myanmar ပရိသတ်ကြီးတို့အတွက် ပေါ့ပေါ့ပါးပါးနဲ့ ရယ်မောရင်း ကြည့်ရှုရမဲ့ ထိုင်းရုပ်ရှင်ကားလေး တစ်ကားကို တင်ဆက်ပေးလိုက်ပါတယ်။ ဇာတ်လမ်းအညွှန်း ~~~~~~~~~~~~~ ပေါက်စီလုပ်ရောင်းတဲ့ ထီရာချိုင်နဲ့ ရေခဲစက်ရုံပိုင်တဲ့ မဲတို့ဟာ အိမ်နီးချင်းတွေဖြစ်ကြပြီး ကျန်တဲ့မိသားစုဝင်တွေက အချင်းချင်း တည့်ကြပေမဲ့ သူတို့နှစ်ယောက်ကတော့ မျက်လုံးချင်းဆုံလိုက်တိုင်း ရန်ဖြစ်နေတတ်ကြတဲ့ လူနှစ်ယောက်ပါ။ တစ်နေ့မှာတော့ ဘန်ကောက်မှာ ထူးဆန်းတဲ့ဂျယ်လီပိုးကောင်လို အရာတွေ ပေါ်လာပြီးနောက် မြို့သူမြို့သားတွေဟာ ဒါတွေကို ဂြိုဟ်သားတွေလို့ယူဆကြပြီး အတိတ်ကောက်ခါ ထီထိုးကြ ကိုးကွယ်ကြနဲ့ ပျားပန်းခပ်နေကြပါတယ်။ ဒီထဲမှာ မတည့်အတူနေနှစ်ယောက်ဖြစ်တဲ့ ထီရာချိုင်နဲ့ မဲလည်းအပါအဝင်ပေါ့။ ဒါပေမဲ့ ကျန်းမာရေးဝန်ကြီးဌာနက ဒါဟာ ဂြိုဟ်သားမဟုတ်ဘဲ ရေစိမ်ထားတဲ့ အပူကျကပ်ခွာဖြစ်ကြောင်း အတည်ပြုပြီးနောက် ဒီကိစ္စဟာ ဒီမှာတင် ပြီးပြတ်သွားပါတယ်။ ဒါပေမဲ့ တစ်နေ့မှာတော့ အပူကျကပ်ခွာလို့ ထင်ထားခဲ့တဲ့ အဲဒီပိုးကောင်က ထီရာချိုင်တို့အိမ်မှာ လူတစ်ယောက်ကို သတ်လိုက်တဲ့အခါမှာတော့ ပိုးကောင်ဆီကနေ လွတ်မြောက်ဖို့ကြိုးစားရင်းနဲ့ ထီရာချိုင်နဲ့ မဲတို့ ပြန်တည့်သွားမလား.. ပိုးကောင်တွေကိုရော ရှင်းထုတ်နိုင်မလားဆိုတာကို Channel Myanmar နဲ့အတူ ကြည့်ရှုခံစားပေးပါဦးနော်။ (အညွှန်းကိုတော့ Su Sandi က ရေးသားထားပါတယ်) File Size ~~~ 1.66 GB/ 816 MB Quality ~~~ WEB-DL/ 1080p/ 720p Duration~~~1:25:51 Format~~~mp4 Genre ~~~Comedy, Horror, Science Fiction Subtitle ~~~ Myanmar Subtitle (Hard Sub) Translated by ~~~ Su Sandi Encoded by~~~ Treasure Htet