“အိုလာတယ်ဆိုတာ ထန်းလျက်ကို ခွေးလျက်သလိုပဲကွ။အကောင်အထည်လိုက် လျော့သွားတာမျိုး မဟုတ်ဘဲ တဖြည်းဖြည်းလုံးပါး ပါးသွားတာမျိုး”တဲ့။ ဒီဇာတ်ကားထဲက နည်းပြဒါမားတိုးကလည်း အဲ့စကားနဲ့ ခပ်ဆင်ဆင်စကားမျိုး ပြောဖူးတယ်။ ”အသက်ကြီးလာတာနဲ့အမျှ ဘဝက ငါတို့ပိုင်ဆိုင်ထားသမျှကို ဖြည်းဖြည်းချင်း ယူယူသွားတယ်” တဲ့။ ကျွန်တော်တို့ဟာ အသက်အရွယ်အိုမင်းလာတာနဲ့အမျှ ခန္ဓာကိုယ်ကဟိုနားကနာ ဒီနားကနာတာမျိုး၊စိတ်သွားတိုင်း ကိုယ်မပါတော့တာမျိုးတွေ တစ်စတစ်စကြုံလာရတတ်တယ်။ ဒီသဘောတရားတွေဟာ အထူးသဖြင့် ခန္ဓာကိုယ်ကြံ့ခိုင်မှုနဲ့ အသက်မွေးဝမ်းကြောင်းပြုရတဲ့ အားကစားသမားတွေအပေါ်မှာဆို ပိုပြီးသက်ရောက်မှုရှိတယ်။ ဒီဇာတ်ကားမှာ ခင်ဗျားဘာတွေမြင်ရမလဲဆိုရင် အသက်အရွယ်ကကိုယ့်ခန္ဓာကိုယ်ကို လှမ်းပြီးစကားပြောလာတဲ့အခါမှာ လက်မခံနိုင်တဲ့၊လက်ခံဖို့ငြင်းဆန်တဲ့ ဂန္ဓဝင်ကစားသမားတစ်ယောက်ကို တွေ့ရမယ်။ မမျှော်လင့်ထားတဲ့ အခွင့်အရေးတစ်ခုကြောင့် နေ့ချင်းညချင်းအောင်မြင်လာပြီး အောက်ခြေလွတ်သွားတဲ့ တက်သစ်စကစားသမားတစ်ယောက်ကို မြင်ရမယ်။ဒီလူနှစ်ယောက်ကိုဗဟိုပြုပြီး အသင်းထဲမှာ ပဋိပက္ခတွေဖြစ်လာတဲ့အခါ အဲ့တာတွေ ဖြေရှင်းဖို့ အတတ်နိုင်ဆုံးကြိုးစားနေတဲ့ နည်းပြတစ်ယောက်ကို တွေ့ရမယ်။ ပြောရရင် ဂန္ဓဝင်ကစားသမား ကပ္ပတိန်ရွန်းနီ၊တက်သစ်စ ဝီလီဘီးမန်းနဲ့ နည်းပြဒါမားတိုးတို့ပေါ့။ ဒီရုပ်ရှင်ထဲမှာ သူတို့သုံးယောက်ကို ဗဟိုပြုပြီး ဘောလုံးလောကထဲက ကစားသမားတွေရဲ့ ဘဝတွေ၊အောင်မြင်လာတဲ့အခါ စရိုက်ပျက်မှုတွေ၊သူတို့ရဲ့ အကျဘက်ကိုရောက်လာမှာကို ကြောက်တဲ့ကြောက်ရွံ့မှုတွေ၊အားကစားလောကထဲက ဓနရှင်တွေရဲ့ ခြယ်လှယ်မှုတွေ စသဖြင့် ဘောလုံးလောကကြီးထဲက လူတွေအကြောင်းကို ချပြထားတယ်။ ခပ်ပေါ့ပေါ့အားကစားဇာတ်ကားတွေလဲ နိုင်ခြင်း၊ရှုံးခြင်းကို အဓိကပြထားတာမဟုတ်ဘဲ လူတွေ၊ဘဝတွေကို အဓိကထားပြထားတာမျိုးပေါ့။ အကောင်းဆုံး(အမေရိကန်)ဘောလုံးဇာတ်ကားလို့ ညွှန်းကြတဲ့အပြင် IMDB လဲ 6.9 အထိ ရထားတာမို့ အချိန်ပေးကြည့်ရတာ တန်မယ့်ကားတစ်ကားလို့ပဲ ညွှန်းချင်ပါတယ်။ File size…(2.3 GB)/(2.0 GB)/(1 GB) Quality….Webrip 1080p / 720p / 480p Format…mp4 Duration….02:38:00 Genre...Drama Subtitle….Myanmar Subtitle (Hardsub) Encoder….Mr. Anderson Translated by Damien

IMDb...7.7 မွန်တီ ခရစ်စတို မြို့စားကြီး ဆိုတာ 1844 ခုနှစ်ကထွက်ရှိခဲ့ စာရေးဆရာ Alexandre Dumasရဲ့ နာမည်ကျော်ဝတ္ထုဖြစ်ပြီးဘာသာပြန်ဝတ္ထုတွေလည်းထွက်ခဲ့ပါသေးတယ်။ ဇာတ်အိမ်ကို 1815–1839ခုနှစ်များဆီမှာအစတည်ထားပြီး နပိုလီယန်ဆီက စာလေးတစ်စောင်နဲ့လမ်းကြုံယူသွားပေးရာကနေအစပြုထားပါတယ်။ အဲ့ခေတ်မှာ နပိုလီယန်ဟာ အာဏာပြန်မရမီ နယ်နှင်ဒဏ်ပေးခံရတဲ့ကျွန်းလေးကို ဇာတ်လိုက်ဖြစ်သူ အက်ဒ်မွန်ဒန်တီနဲ့သူ့သူငယ်ချင်း ဖာနန် မွန်ဒေဂိုတို့ဟာ‌ဆရာဝန်ရှာထွက်ရင်းရောက်ရှိသွားပါတယ်။ နပိုလီယန်ကလည်း စာလေးတစ်စောင်လူကြုံပါးလိုက်တော့ စာမဖတ်တတ်တဲ့အက်ဒ်မွန်က သဘောရိုးနဲ့ယူလာ‌ခဲ့မိပါတယ်။ နပိုလီယန်နဲ့ဆက်သွယ်တာဟာ သစ္စာဖောက်မှုလို့စွပ်စွဲတတ်ကြပါတယ်။ ဖြောင့်မတ်တဲ့အက်ဒ်မွန်ဟာ သူ မကျူးလွန်တဲ့သစ္စာဖောက်မှုအတွက်ပဲ တစ်သက်တစ်ကျွန်းထောင်အချခံလိုက်ရပါတယ်။ ထောင်ကနေဘယ်လိုလွတ်မြောက်မလဲ၊သူ့ကိုဘယ်သူတွေက စွပ်စွဲခဲ့တာလဲ၊ အက်ဒ်မွန်တစ်ဖြစ်လဲ ဇက်တာရာဟာ မြို့စားကြီး မွန်တီခရစ်စတို အဖြစ် ဘယ်လိုများချမ်းသာခဲ့သလဲ၊သူ့ကလဲ့စားဘယ်လို ချေလဲဆိုတာ နာမည်ကြီး ဝတ္ထုဆိုတဲ့အတိုင်း စိတ်ဝင်စားဖွယ်ကြည့်ရှုရမှာပဲဖြစ်ပါတယ် File Size :(2.7GB) (930 MB) and (305MB) Quality : Blu-Ray 1080p5.1ch,720p Format…mp4 Duration…02:11:00 Genre : Action ,Adventure , Drama Subtitle : Myanmar Subtitle (Hard Sub) Translated by Themes Encoded by Phyo Pyae

ဒီဖိလစ်ပိုင်ဇာတ်ကားက Thriller,Psychological ပုံစံပါ။ ကွန်နရာဒိုဟာအောင်မြင်တဲ့စီးပွားရေးလုပ်ငန်းရှင်တစ်ယောက်၊ အလိုက်သိဖြည့်ဆည်းတတ်တဲ့ဇနီးချောနဲ့သမီးလိမ်မာလေးကိုပါ ပိုင်ဆိုင်ထားတဲ့ အားကျစရာဘဝပိုင်ရှင်လူလတ်ပိုင်းတစ်ဦးပါ။ဒါဆိုရင်သူ့မှာ ဘာချို့ယွင်းချက်ရှိနေမလဲဆိုတော့ ဘာမှရှိမနေပါဘူး။ အဲ့ဒါတွေတင်မကပဲနဲ့ စော်လဲမတရားကြည်ပါသေးတယ်။ သူ့ရုံးကလက်ထောက်ကောင်မလေးဆို မနည်းရှောင်တဲ့ကြားထဲက အတင်းကြီး စားပွဲပေါ်လာတင်ကျွေးလို့အားနာပြီးစားလိုက်မိရာကနေ လာလာနွယ်နေလို့သူစိတ်ညစ်နေရတာလေးတစ်ကွက်တော့ရှိတယ်။ပြောရမယ်ဆိုရင်မွေးရာပါ အားနည်းချက်က စော်ကြည်တာပေါ့ဗျာ။ အဲ့ဒီကနေမှသူ့သမီးကျောင်းကိုအသစ်ရောက်လာတဲ့ အတန်းဖော်မိန်းကလေး၊ အထက်တန်းကျောင်းသူလို့မထင်ရစရာ ဖွံ့ဖွံ့ထွားထွားနဲ့ ဆွဲဆောင်မှုပြင်းလွန်းတဲ့ကောင်မလေးကပါ သူ့သမီးကတစ်ဆင့် သူ့ကိုအတင်းဝင်လုံးဝင်ရော နည်းပေါင်းစုံနဲ့ဇာတ်လမ်းတွေထွင် ဗီဒီယိုကောတွေနဲ့ပြ တစ်ဆင့်ပြီးတစ်ဆင့်တက်လှမ်းလာတဲ့အခါ..။ ကောင်မလေးရိုးမှရိုးရဲ့လားလို့တွေးမိကြမှာပါပဲ။ ကောင်မလေးမှာသူမသိတဲ့ဘယ်လိုနောက်ကြောင်းတွေရည်ရွယ်ချက်တွေရှိမလဲ၊ ဒီကောင်မလေး ခြိမ်းခြောက်လာခဲ့သလို သူချစ်တဲ့ဇနီးနဲ့သမီးတို့နဲ့သာယာတဲ့အိမ်ထောင်ရေးကိုထိခိုက်ခံရတော့မှာလား? ဒီရမ္မက်နွံကနေ ဘယ်လိုရုန်းထွက်ရမလဲစတဲ့ မေးခွန်းတွေကို အဖြေရှာရှုစားကြပါ။ မင်းသားကြီးရဲ့ဘဝဟာဆိုရင်ဖြင့် စောင်းပုလွေဘာဂျာအစုံနဲ့ သာယာပုံတွေက တကယ့်ကိုအားကျစရာကြီးဆိုတော့ ငါဆိုရင်ကောရုန်းနိုင်ပါ့မလားဆိုတဲ့မေးခွန်းတော့ ကိုယ့်ကိုယ်ကိုပြန်မေးဖြစ်ကြပါလိမ့်မယ်။ 18+ ပါပဲဆိုတာတော့ပြောစရာမလိုဘူးထင်ပါတယ်။ File size…(800 MB)/(400 MB) Quality….WEB-DL 1080p/720p Format…mp4 Duration….01:28:00 Subtitle….Myanmar Subtitle (Hardsub) Encoder….Ka Naung Translated by Alias

လောကမှာ လူတွေလောက် ကြောက်စရာကောင်းတာ မရှိဘူး သရဲကတောင် လူတွေလောက်ကြောက်စရာမကောင်းဘူးဆိုတဲ့ ဒီကားလေးထဲ စကားကို တကယ်သဘောကျမိသလို လက်လည်းလက်ခံမိပါတယ် အဖေတစ်ခု သားတစ်ခုဘဝနဲ့ အိမ်ပိုင်မရှိ ခဏတိုင်း အိမ်ပြောင်းနေထိုင်ခဲ့ကြရတဲ့ ပတ်ပီဂီတို့သားအဖ... တစ်နေ့ ပတ်ပီဂီ ငယ်ငယ်မှာပဲ အဖေဖြစ်သူ ဆုံးပါးခါနီး နောက်ဆုံးဆန္ဒဟာ သားဖြစ်သူကို ကိုယ်ပိုင်အိမ်ရှိစေချင်ခဲ့တာပါ ဒီလိုနဲ့ ပီဂီတစ်ယောက် ကြီးပြင်းလာတဲ့အခါ သဘောၤသားအဖြစ် အလုပ်ကြိုးစား ငွေစုပြီး ကိုယ်ပိုင်အိမ်လေးတစ်လုံးကို ဝယ်ယူပိုင်ဆိုင်ခဲ့ပေမယ့် ကံဆိုးချင်တော့ ဝယ်လိုက်တဲ့အိမ်မှာ မကျွတ်လွတ်သေးတဲ့ အိမ်စွဲသရဲမလေး ယွန်းဟွါရှိနေတဲ့အခါ... ရယ်ရခက် ငိုရခက် ပီဂီ့ခမျာ သရဲခြောက်လို့ ထံက်ပြေးရင်း မိုးကြိုးပစ်ခံရပြီး သေရွာပြန်ရာက သရဲတွေပါမြင်သွားရတော့ သရဲနဲ့ အမောင်ပီဂီ ဘယ်လိုနှစ်ပါးသွားမလဲ ယွန်းဟွာ မကျွတ်လွတ်သေးတဲ့ အကြောင်းရင်းကို ဘယ်လိုဖော်ထုတ်ပေးမလဲဆိုတာ အခွီလေးတွေပါရောရင်း ကြည့်ရှုလိုက်ရအောင်ပါ ။ ( ဘာသာပြန်ပြီး အညွှန်းရေးသားထားသူကတော့ Hay Mann Thitsar ပါ ) File Size__(2.2GB) / (1GB) Quality__1080p, 720p IMDb Rating__6.1/10 Format__mp4 Duration__02:02:00 Type__Comedy , Horror Subtitle__Myanmar Subtitle (Hardsub) Translated by Hay Mann Thitsar Encoded by Naing Aung Latt

horror fantasy mystery ကား IMDB rating 6.6 ရထားတဲ့ဇာတ်ကားလေးပါ ဇာတ်လမ်းအကျဉ်းကတော့ ကျွန်းတစ်ကျွန်းပေါ်ကိုပြန်ပေးဆွဲခံရတဲ့ညီမတစ်ယောက်ကိုပြန်လိုက်ခေါ်တာ အဲ့ကျွန်းကိုဘုရင်ကိုသစ္စာဖောက်လို့ထွက်ပြေးတဲ့ မယ်ကွန် ဖရန့်ခ် ကွင်ရယ် ကသူတို့နေထိုင်တဲ့လိုရတဲ့ရွာအဖြစ်တည်ဆောက်ထားပြီးလူတွေကိုလက်ခံတယ် ကျွန်းကစိုက်ပျိုးရေးလုပ်ငန်းကိုထိန်းချုပ်ထားတဲ့ ကျွန်ရဲ့အရှင်သခင်မကြီးရှိတယ် မှော်လိုလိုဘာလိုလိုနဲ့ သူ့လိုအပ်တဲ့သွေးတွေမရရင်သီးနှံတွေကိမြေသြဇာကတစ်ဆင့်အဆိပ်ခပ်တယ် အစားအသောက်တွေလိုသလောက်မရတဲ့အချိန်မှာ သူဌေးသမီးတစ်ယောက်ကိုပြန်ပေးဆွဲ့လိုက်တယ် အဲ့အချိနိမှာသူ့အစ်ကိုသောမတ်စ်ကသူ့ညီမကိုလိုက်ရှာတဲ့စွန့့်စားခန်းအကြောင်းကိုရိုက်ပြထားတာပါ သောမတ်စ်တစ်ယောက်သူ့ညီမကိုကယ်နိုင်မလား သူရောအသက်ရှင်လျက်လွတ်မလားဆိုတာတော့ ဆက်ကြည့်ပေးကြပါဦး (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုတင်မျိုးလွင် ပါ) File Size : (950 MB) and (400 MB) Quality : NF WEB-DL 720p Running Time : 2h 10min Format : Mp4 Genre : Fantasy , Horror , Mystery Subtitle : Myanmar Subtitle (Hard Sub) Source : 720p.NF.WEBRip.DD5.1.x264-CM Translated by Tin Myo Lwin Encoded by Thanhtike Zaw

ဒီတစ်ခါမှာတော့ မင်းသားကြီး စတားလုံးရဲ့ ၂၀၀၀ ခုနှစ်မှာ ထွက်ရှိထားတဲ့ Get Carter ဆိုတဲ့ ရုပ်ရှင်လေးကို တင်ဆက်ပေးလိုက်ပါတယ် ။ ကာတာဆိုတာကတော့ သူ့မွေးရပ်မြေမြို့လေးကနေ ထွက်ပြီး အကြွေးလိုက်သိမ်းတဲ့ လူမိုက်တစ်ယောက်အဖြစ် လုပ်ကိုင်နေတဲ့သူတစ်ယောက်ပါ။ တစ်နေ့မှာတော့ အကြောင်းတစ်ခုကြောင့် သူ့မွေးရပ်မြေကို ပြန်လာခဲ့ပါတယ်။ အဲဒါကတော့ သူ့ညီလေး ရစ်ချီ သေဆုံးသွားခဲ့လို့ပါပဲ။ အကုန်လုံးကတော့ အမူးလွန်ကားမောင်းလို့ သေဆုံးသွားခဲ့ရတယ်လို့ ပြောခဲ့ကြပေမယ့် ကာတာတစ်ယောက်ကတော့ မယုံကြည်ခဲ့ပါဘူး။ ဒီလိုနဲ့ ရစ်ချီ သေဆုံးရတဲ့ အမှုမှန်ကို လိုက်တူးဖော်ရင်း ကာတာတစ်ယောက် သူ့မွေးရပ်မြေလေး‌ နောက်ကွယ်ကအရိပ်မည်းတွေကို ရင်ဆိုင်ကြုံတွေ့ခဲ့ရပါတော့တယ်။ File size…(2GB) / (1017MB) / (634MBMB) Quality…. Web 1080P / 720p / 480P Format…mp4 Duration….01:42:00 Genre…Action / Crime / Drama Subtitle….Myanmar Subtitle (Hardsub) Encoder….Mr. Anderson Translated by Chuck

စုံထောက်သိုင်းကားတွေကို နှစ်သက်တဲ့ သူတွေအတွက် effect လှလှလေးတွေနဲ့ သဲထိတ်ရင်ဖိုဖြစ်စေမဲ့ စုံထောက်ကြီးဒီးရန်ကျယ်ကားကို ဘာသာပြန်တင်ဆက်ပေးလိုက်ပါတယ်။ ဇာတ်လမ်းအကျဉ်းလေးကတော့ ဆုတောင်းပွဲတော်လုပ်နေစဉ်အချိန်တွင်းမှာ ကောင်းကင်ပေါ်မှ ခေါင်းပျံကြီးတစ်ခု ထွက်လာကာ နန်းတွင်းတပ်တွေကို တိုက်ခိုက်ခဲ့ပါတယ်။ ချက်ချင်းပဲ တစ်မြို့လုံးမှာ မိစ္ဆာတံခါးပွင့်ပြီဆိုပြီး သတင်းပြန့်သွားပါတော့တယ်။ ဒီးရန်ကျယ်နဲ့ ဟဲ့လျန်ထူရှိုးတို့ ပူးပေါင်းပြီး အမှုလိုက်ရာမှာ အခက်အခဲအများအပြားနဲ့ တွေ့ခဲ့ရပါတယ်။ ဒီးရန်ကျယ်တို့အဖွဲ့ဟာ လျှို့ဝှက်တဲ့ ပေမင်တစ္ဆေမြို့ကိုရောက်လာပြီး ပုန်းခိုတိုက်ခိုက်ခံရသဖြင့် အသက်ပေးရမလို ဖြစ်ခဲ့ပါသေးတယ်။ လော့ယန်ကို ပြန်ရောက်ပြီးနောက် ကောင်းကင်ပေါ်မှာ မိစ္ဆာနိမိတ်ဆိုးတွေ ပြနေပြီး အန္တရာယ်အပြည့် ဖြစ်နေပါတယ်။ နောက် ၅ ရက်အကြာမှာ ကျောင်း ၇ ကျောင်းပွဲတော်ကို ပြုလုပ်တော့မှာဖြစ်လို့ အမှုကို ဖြေရှင်းနိုင်ဖို့ အလျင်လိုနေပါတယ်။ ဒီးရန်ကျယ်တစ်ယောက် အမှုကို အချိန်မီ ဖြေရှင်းနိုင်ဖို့ ဘယ်လိုအန္တရာယ်တွေနဲ့ ကြုံတွေ့ရပြီး ဖြေရှင်းမလဲဆိုတာကို ရုပ်ရှင်လေးနဲ့အတူ သဲထိတ်ရင်ဖို ခံစားကြည့်ရှုလိုက်ပါနော်။

I Like Movies (2023) ဒီဇာတ်ကားကိုတော့ ဆယ်ကျော်သက်တွေကြည့်ဖို့ အထူးညွှန်းပေးချင်ပါတယ်။ ဆယ်ကျော်သက်ကားဆိုလို့ ဖျော်ဖြေရေးပုံစံ ဆယ်ကျော်သက်ကျောင်းသားကားတွေလို ပျော်ကြမြူးကြဒိတ်ကြရယ်ဆိုတဲ့ ဇာတ်လမ်းမျိုးတော့မဟုတ်ပါဘူး။ လေးနက်တဲ့သင်ခန်းစာလေးတွေကို အထက်တန်းကျောင်းသားလေးဆီမှာ ပေါ့ပေါ့ပါးပါးလေးပုံဖော်သွားတဲ့ဇာတ်လမ်းမျိုး။ ရုပ်ရှင်ပရိသတ်တွေနဲ့အလှမ်းဝေးလွန်းတဲ့ဇာတ်ကောင်မျိုးမဟုတ်ဘဲ ဒီဇာတ်ကောင်က ကိုယ့်စာသင်ခန်းထဲကသူငယ်ချင်းတစ်ယောက်ယောက်ဖြစ်နေနိုင်သလို ကိုယ်ကိုယ်တိုင်လဲဖြစ်နေနိုင်ပါတယ်။ လူတွေက အထက်တန်းအရွယ်လောက်မှာ ကိုယ့်အားနည်းချက်အားသာချက်တွေကို စသိလာကြတယ်။ ကိုယ့်အားနည်းချက်ကို သဘောပေါက်ဖို့ဆိုတာတကယ်တော့မလွယ်ပါဘူး။ သိသွားပြီးရင်လဲ လက်မခံချင်သေးဘူး။ လက်ခံပြီးရင်လဲ မပြင်ချင်သေးဘူး ပြင်ရလဲခက်တယ်လေ။ ဒီဇာတ်လမ်းထဲက လောရန့်စ်ဆိုတဲ့ကောင်လေးက ရုပ်ရှင်တွေသိပ်ကြိုက်တယ်။ အထက်တန်းပြီးရင်လဲ NYU မှာရုပ်ရှင်ပညာကိုလေ့လာဖို့အားခဲထားသူပါ။ သူက ကျောင်းပညာရေးမှာလဲထူးချွန်တယ်။ ဒါပေမဲ့ သူ့အားနည်းချက်တွေလဲရှိတာပေါ့။ သူကတစ်ကိုယ်ကောင်းဆန်တယ် အဆိုးဆုံးကတော့ သူ့ကိုယ်သူအထင်ကြီးတတ်သလို သိပ်သနားတတ်တာပဲ။ သူများတွေသူ့ကိုသနားအောင်လဲ သူ့အဖေကသူ့ကိုယ်သူသတ်သေသွားတာ ဆိုတဲ့ကဒ်ကိုမကြာမကြာထုတ်သုံးတတ်သေးတယ်။ ဒါပေမဲ့လောရန့်စ်တစ်ယောက် တက္ကသိုလ်မတက်ခင်ပဲ အချိန်ပိုင်းအလုပ်လုပ်ရင်း လက်တွေ့လောကကြီးနဲ့ထိစပ်မိချိန်မှာ သူ့အားနည်းချက်တွေကထင်းထင်းကြီးပေါ်လွင်လာပြီး လောရန့်စ်ရဲ့ကလေးဘဝကနေ လူကြီးဘဝအကူအပြောင်းကို လက်တွေ့လောကအတိုင်းမြင်ရမယ့် သဘာဝကျတဲ့ဇာတ်လမ်းကောင်းပါပဲ။ အညွှန်း နဲ့ ဘာသာပြန်ကတော့ Rashida ပဲ ဖြစ်ပါတယ်။ Genre….. Comedy Quality…. 1080p | 720p | 480p File size… 1.1GB | 915MB | 282MB Format… mp4 Duration…. 1h 39min Subtitle…. Myanmar Subtitle (Hardsub) Translator ….. Rashida Encoder ….. Aaron

The 36th Chamber of Shaolin (1978) ========================= IMDb Rating – 7.6/10 ဟိုအရင်က ရှောင်လင်သိုင်းကားဆိုပြီး ရုပ်ရှင်ပရိသတ်တွေကြား တော်တော် နာမည်ကြီးခဲ့တာ အားလုံးသိကြမှာပါ။ အဲဒီတစ်ခေတ်တစ်ခါက ထွက်ခဲ့တဲ့ ရှောင်လင်ကားတစ်ကားနဲ့ မိတ်ဆက်ပေးပါမယ်။ ဇာတ်ကားနာမည်ကတော့ The 36th chamber of Shaolin ဖြစ်ပြီးတော့ ၁၉၇၈ ခုနှစ်ကထွက်ရှိခဲ့တဲ့ ဟောင်ကောင်ကွန်ဖူးကား ဖြစ်ပါတယ်။ အင်္ဂလိပ်, ပြင်သစ်, ကွမ်းတုံနဲ့ တရုတ် ဘာသာစကား ၄ မျိုးနဲ့ ထွက်ရှိထားပါတယ်။ ဇာတ်လမ်းအကျဉ်းပြောပြရရင်တော့ မန်ချူးလူမျိုးစုတွေက ကွမ်းကျိုးမြို့ကို အပိုင်သိမ်းထားရာကနေ စတင်ပါတယ်။ သူတို့က မြို့နေပြည်သူတွေကို နိုင်လို မင်းထက်ပြုမူပြီးတော့ သူတို့ကို မထောက်ခံသူမှန်သမျှကို သူပုန်လို့သတ်မှတ်ပြီး သတ်ပစ်ပါတယ်။ ပြည်သူပိုင်ပစ္စည်းတွေကိုလည်း ဖျက်စီးလို့စီးနဲ့ ထင်ရာစိုင်း ကြတာပါ။ မန်ချူးခေါင်းဆောင် ထျန်းသာ့စစ်သူကြီးကို လုပ်ကြံဖို့ ကြိုးစားခဲ့သူက လူလယ်ခေါင်မှာ အသတ်ခံခဲ့ရပါတယ်။ ဒီကိစ္စကို ချုံးဝမ်းကျောင်းတော်က ဆရာ ကြီးဟော့နဲ့ ကျောင်းသားတွေက မကျေနပ်ကြပါဘူး။ ဒါကြောင့် သူတို့က မန်ချူး တွေကို ဆန့်ကျင်ဖို့လုပ်ပါတယ်။ ဒါပေမဲ့ ဘာသိုင်းပညာမှ မတတ်တာမလို့ ကျောင်း တော်အပါအဝင် ကျောင်းသားတွေလည်း သေကြေပျက်စီးကြရတယ်။ အဲဒီထဲကမှ လျိုယွိထယ်ဆိုတဲ့ ကျောင်းသားလေးက မန်ချူးတွေကို ဆန့်ကျင်ဖို့ ရှောင်လင်ကျောင်းမှာ သိုင်းပညာသွားသင်ယူဖို့ ဆုံးဖြတ်လိုက်ပါတယ်။ လျိုယွိထယ် အနေနဲ့ မန်ချူးတွေလက်ကနေ ရှောင်လင်ကျောင်းဆီရောက်အောင် ဘယ်လိုသွား မလဲ၊ ရှောင်လင်သိုင်းပညာဆိုတာမှာရော ဘာတွေပါဝင်လဲ၊ မန်ချူးတွေကိုရော ပြန် လည်တိုက်ထုတ်နိုင်မလား၊ ဘယ်လိုတွေတိုက်ထုတ်မလဲဆိုတာကို ဇာတ်ကားထဲမှာ ကိုယ်တိုင်ပဲ ကြည့်ရှုလိုက်ပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Elizabeth Khant ဖြစ်ပါတယ်) File Size……….(2.4 GB) / (1.08 GB) Quality…………BLU-RAY 1080p / 720p Duration………1Hr 56Min Subtitle………..Myanmar Hardsub Format…………MP4 Genre…………..Action, Adventure, Drama Translator…….Elizabeth Khant Encoder……….SWM

ဒီတစ်ခါ ဇာတ်ကားလေးကတော့ အက်ရှင်ကြိုက်နှစ်သက်သူတွေအတွက်တော့ ရှယ်သဘောကျမယ့်ကားအမျိုးအစားပဲဖြစ်ပါတယ် အချိန်ဆိုတာ တစ်မိနစ် တစ်စက္ကန့်လေးကအစ အရေးပါတယ်ဆိုတဲ့ စကားက ဒီကားနဲ့ လုံးဝကွက်တိဖြစ်ပါလိမ့်မယ် ဒီကားထဲကဓားပြအဖွဲ့ဟာ ဘယ်လောက်တောင်ကျွမ်းကျင်အဆင့်လဲဆိုရင် ခေါက်ဆွဲပြုတ်နေတဲ့ ၁၀မိနစ်အတွင်းမှာ ဘဏ်ကို ဓားပြသွားတိုက်ပြီး ခေါက်ဆွဲဆိုင်မှာ ခေါက်ဆွဲအေးဆေးပြန်လာစားနိုင်တဲ့အထိကို အလန်းဇယားတော်တာပါနော် ခေါက်ဆွဲပဲစားရုံတင်ပဲမထင်လိုက်ပါနဲ့ ရဲတွေအတွက် ခေါက်ဆွဲတောင် ဝယ်ကျွေးသွားပါသေးတယ် အဲ့လောက်ထိ အခန့်မှန်းမှာရော အလုအယက်မှာရော ရဲတွေထက် ရှေ့တစ်လှမ်းအမြဲစောနေတဲ့ ဓားပြအဖွဲ့ကို အပြောင်းရွှေ့ကျလာတဲ့ ရဲအဖွဲ့ခေါင်းဆောင် ကျုံချန်က အမိ ဖမ်းနိုင်ပါ့မလား ဓားပြအဖွဲ့ကရော လှည့်စားမှုတွေနဲ့ ရဲတွေကို ဆက်ပြီးပိုင်ပိုင်နိုင်နိုင်ကစားသွားနိုင်ဉီးမလားဆိုတာကို ဆက်လက် ကြည့်ရှုလိုက်ကြပါတော့နော်

Christmas Cowboy (2024) Genre – Drama, Romance, Comedy IMDb – 6.9/10 Christmas Cowboy ဆိုတာ ခရစ္စမတ်ပွဲတော် နဲ့ ‌‌‌‌ကောင်းဘွိုင်(မြင်းစီးနွားကျောင်းသား)တို့ရဲ့ ရိုးရာပုံစံ၊ တစ်နည်း ဥရောပနှင့် အမေရိကန်တို့၏ ဓလေ့များကို ရောနှောပေါင်းစပ်ထားသော ပွဲလမ်းသဘင်တစ်မျိုးဖြစ်ပါတယ်။ ခရစ္စမတ်ကာလတွင် ခရစ္စမတ်အပြင်အဆင် သို့မဟုတ် ဝတ်စုံများဖြင့် ကောင်းဘွိုင်စွမ်းရည်ပြပွဲများပြုလုပ်ခြင်း သို့မဟုတ် ကောင်းဘွိုင်အပြင်အဆင်ရှိသော ခရစ္စမတ်ပွဲပါတီကျင်းပခြင်းတို့ ဖြစ်နိုင်ပါတယ်။ ဇာတ်လမ်းကတော့ မယ်ရီဆိုတဲ့ မိန်းကလေးဟာ ကျော်ကြားတဲ့ မြင်းစီးပညာရှင်အမေကို အားကျသူဖြစ်ပြီး မြင်း‌ခင်းပွဲကြောင့်ပဲ အမေကိုဆုံးရှူံးလိုက်ရတဲ့အခါမှာတော့ ဇာတိမြို့လေးကို မပြန်ချင်တော့လောက်အောင် စိတ်နာသွားခဲ့ပါတယ်။ တွန်းအားပေးလွန်းတဲ့ အဖေနဲ့လည်း ကတောက်ကဆရှိသူဖြစ်တာကြောင့် အိမ်မပြန်ဖြစ်တာ ဆယ်စုနှစ်ချီပြီ ဖြစ်ပါတယ်။ ဒါပေမယ့် တန်ကြေး ဘီလီယမ်ချီတဲ့ စီမံကိန်းတစ်ခုကြောင့် ခရစ္စမတ်ကာလနီးနေချိန်မှာ ဇာတိကိုမပြန်ချင်ပဲ ပြန်လာခဲ့ရသလို စီမံကိန်းပိုင်ရှင်ကလည်း တခြားကုမ္ပဏီမှ ကိုယ်စားလှယ်နဲ့ သူမကို စာချုပ်ချုပ်ခွင့်ရဖို့အတွက် မိသားစုပြိုင်ပွဲနွှဲခိုင်းပါတယ်။ အဲဒီအခါမှာတော့ သူမနဲ့ စိတ်အစာမကြေတာတွေ ပြည့်နေတဲ့ သူမမိသားစုတို့ ပူးပေါင်းပြီး ပြိုင်ပွဲကို အနိုင်ရဖို့ ကြိုးစားကြတဲ့အခါ… ဒီဇာတ်ကားရဲ့ ထူးခြားချက်ကတော့ တခြား Christmas theme ရုပ်ရှင်တွေလို မဟုတ်ဘဲ ခရစ္စမတ်ကို လုံးဝနီးပါး ဇောင်းပေးမထားတာပါ။ နောက်တစ်ခု credit ပေးချင်တာကတော့ ဗီလိန်ကောင်းပါ။ ဗီလိန်ကောင်းကြောင့် ဇာတ်ကားက အရသာရှိတာလို့ပဲ ပြောချင်ပါတယ်။ ခရစ္စမတ်ရုပ်ရှင်တို့ ထုံးစံအတိုင်း သီချင်းကောင်းလေးတွေနဲ့ ရှုစားရမှာပါ။ သရုပ်ဆောင်တွေကတော့ Eliana Ghen, Gracie Cashman, Courtney Gains နဲ့ Armando Gutierrez တို့က ဦးဆောင်ပါဝင်ပါတယ်။ ဒါရိုက်တာကတော့ Khoa Le ဖြစ်ပြီး ဇာတ်ညွှန်းကို Eliana Ghen ကိုယ်တိုင်ရေးပေးထားပါတယ်။ အညွှန်းနှင့်ဘာသာပြန် TLone ဖြစ်ပါတယ်။

thriller ကို comedy အနှောနဲ့ မပျင်းရအောင် ရိုက်ကူးထားတဲ့ ဒီဇာတ်လမ်းကိုတော့ အဓိကသရုပ်ဆောင်အနေနဲ့ Emmy Raver-Lampman (ဆမ်) ၊Jim Mahoney(ပေါလ်) ၊ Jon Bass (ကလစ်ဖ်)၊ Sarunas J. Jackson (ထရိုင်) Shelley Hennig (အဲလစ်) တို့က သရုပ်ဆောင်ထားပါတယ်။ သူငယ်ချင်းဟောင်းတွေ တစ်ညတာပြန်လည်ဆုံစည်းပြီး ဂိမ်းဆော့ကြပေမဲ့ သူတို့ကစားတဲ့ဂိမ်းက သာမန်မဟုတ် နေခဲ့ပါဘူး။ Gatlopp ဆိုတဲ့ မြွေနဲ့လှေကားလိုဂိမ်းက အံစာတုံးပစ်၊ ကတ်တွေထဲမေးခွန်းတွေကိုဖြေရတဲ့ ရိုးရိုး ဂိမ်းလို့ထင်ရပါတယ်။ ဒါပေမဲ့ တစ်ယောက်ပြီး တစ်ယောက်ရဲ့ လျှို့ဝှက်ချက်တွေကို ဖြည်းဖြည်းဖော်ထုတ်လာပြီး အချင်းချင်းကြားက ကိစ္စတွေကို ပိုကောင်းစေမှာလား ပိုဆိုးစေမှာလား မသဲကွဲတဲ့အဖြစ်အပျက်တွေကြုံရပါတော့ တာပါပဲ ဂိမ်း type မျိုးကိုသဘောကျပြီး supernatural၊ ပေါ့ပေါ့ပါးပါး စိတ်လှုပ်ရှားရတာမျိုး ကြိုက်တတ်တဲ့သူ ဆိုရင် သေချာပေါက်အကြိုက်တွေ့မဲ့ ရုပ်ရှင်ကားကောင်း တစ်ခုပါပဲ။ rating လည်း 6.4 ရရှိထားပါတယ်။ File size… (1.19 GB) / (686 MB) Quality… WEB-DL 1080p HEVC / 720p Format…mkv / mp4 Duration….1h 20m Genre …..Comedy , Thriller , Horror Subtitle….Myanmar Subtitle (Hard Sub) Encoder….Min Wai Translated by Alice

Costao 2025 (ကော်စတောင်ဝ်) ယခုတင်ဆက်ပေးချင်တဲ့ ဇာတ်လမ်းလေးကတော့ ၁၉၉၀ခုနှစ်က ဖြစ်ခဲ့တဲ့ တရားမဝင်ရွှေသယ်မှုအကြောင်းကို ဖမ်းဆီးနိုင်ခဲ့တဲ့ အရာရှိတစ်ဦးအကြောင်း ဖြစ်ရပ်မှန်ကို ရိုက်ကူးတင်ဆက်ပြသထားတာဖြစ်ပါတယ်။ လုံးဝသန့်စင်တဲ့ ရွှေဟာ တန်ဖိုးမဖြတ်နိုင်အောင် ဈေးကြီးပေမဲ့ သူ့ချည်းပဲဆိုရင် အသုံးမဝင်ဘဲ လက်ဝတ်ရတနာတွေပြုလုပ် ဖို့အတွက်ဆိုရင် တခြားပစ္စည်းတွေ ပေါင်းစပ်ဖို့ လိုအပ်ပါတယ်။ ဒီလိုပဲ အရမ်းကို တန်ဖိုးမဖြတ်နိုင်ပေမဲ့ ကမ္ဘာကြီးအတွက် သိပ်အသုံးမဝင်တဲ့သူတစ်ယောက်ရှိပါတယ်။ သူကတော့ ကော်စတောင်ဝ်ပါပဲ။ သူဟာ ရာဇဝတ်မှုဆိုရင် လုံးဝကို သဘောမကျတဲ့သူတစ်ယောက်ပါ၊ ဒီအတွက်နဲ့ ရာဇဝတ်သားတွေကို လိုက်လံဖမ်းဆီးတတ်ပြီး သူ့လုပ်ရပ်အတွက်လည်း ဆုတွေအများကြီးရခဲ့ပါတယ်။ ကော်စတောင်ဝ်ဖမ်းလိုက်တဲ့ ရာဇဝတ်သားဆိုရင် သတင်းစာခေါင်းကြီးပိုင်းမှာ ပါတဲ့အထိ ကော်စတောင်ဝ်တစ်ယောက် နာမည်ကြီးပါတယ်။ သူဟာ ဆုအတွက်နဲ့ ရာဇဝတ်သားတွေကို လိုက်လံဖမ်းဆီးနေတာမဟုတ်ဘဲ သူ့အတွက်သူ ဖမ်းတာလို့လည်း ပြောတတ်ပါသေးတယ်။ ဒီလိုနဲ့ သူတာဝန်ကျတဲ့နယ်မြေအတွင်းမှာ တရားမဝင်ရွှေသယ်ဖို့ ကြိုးစားကြတဲ့သူတွေကို ဘယ်လိုပုံစံမျိုးနဲ့ စုံစမ်းဖော်ထုတ်ပြီး ရင်ဆိုင်ဖြေရှင်းသွားမလဲဆိုတာကို ကြည့်ရှုရမဲ့ ဒရာမာဇာတ်ကားလေးဖြစ်ပါတယ်။ အညွှန်းနဲ့ဘာသာပြန်ကတော့ CM Bollywood Team ပဲဖြစ်ပါတယ်)

Psycho IV Beginning 1990 IMDb: 5.4/10 ဒီတစ်ခေါက်မှာတော့ ဆိုက်ကိုလူသတ်ဇာတ်လမ်းတွေကို သဘောကျကြိုက်နှစ်သက်တဲ့ လူတွေအတွက် အကြိုက်တွေ့စေမယ့် ဇာတ်ကားလေး တင်ဆက်ပေးလိုက်ပါတယ်။ ဒါကတော့ လေးကားမြောက်ဖြစ်ပြီး ရှေ့မှာ sequel 1 2 3 လည်းရှိပါသေးတယ်။ ဇာတ်လမ်းတွေအားလုံးက ပျင်းစရာမကောင်းသွားအောင် plot twist များစွာနဲ့ ဇာတ်လမ်းကိုအဆုံးထိ ဆွဲခေါ်သွားနိုင်မယ့် ဇာတ်ကားမျိုးပါ။ ဒီလိုဇာတ်လမ်းမျိုးကို အသစ်ပုံဖော်ရိုက်ကူးထားတဲ့ Bates Motel (2013)လည်း အတော်လေး လူကြိုက်များခဲ့တာမို့ မူရင်း ဇာတ်ကြောင်းကို တင်ဆက်ပေးလိုက်ပါတယ်။ ဇာတ်လမ်းရဲ့အစမှာ နော်မန်ဘိတ်စ်ဟာ ကိုယ့်ရဲ့မိခင်ဖြစ်သူကို ဘဝနိဂုံးချုပ်စေတဲ့ လူတွေနဲ့ တိုက်ရိုက်ဆွေးနွေးတင်ဆက်တဲ့ ရေဒီယိုတင်ဆက်မှုတစ်ခုကို ဖုန်းခေါ်ရင်းက စတင်ထားပါတယ်။ ရေဒီယိုရှိုး အစီအစဉ်တင်ဆက်သူနဲ့ စိတ်ပညာရှင်တွေဟာ နော်မန်က နာမည်ဆိုးနဲ့ကျော်ကြားတဲ့ တကယ့် လူသတ်သမားဆိုတာကို မသိကြပါဘူး။ ဇာတ်လမ်းဟာ အဲဒီကနေမှ နော်မန့်ရဲ့ ဆိုးရွားတဲ့ ငယ်ဘဝကို နောက်ကြောင်းပြန် ထင်ဟပ်စေရင်း စတင်ခဲ့ပါတယ်။ အဲဒီမှာ သူ့အမေရဲ့ အကျင့်ဆိုးတွေက သူ့စိတ်ကို ဘယ်လို ပြောင်းလဲလာစေတယ်ဆိုတာကို ဖော်ပြလာပါတယ်။ မိခင်ဖြစ်သူ နော်မာ ဘိတ်စ်ဟာ လှည့်စားတတ် ဝန်တိုတတ်ပြီး စိတ်ပိုင်းဆိုင်ရာကို အတော်လေး ဒုက္ခပေးနိုင်လွန်းတဲ့ မိခင်မျိုးပါ။ ဒါကြောင့်ပဲ နော်မန်လေးဟာ လူတစ်ကိုယ်တည်းနဲ့ စိတ်၂မျိုး ဖြစ်မှန်းမသိဖြစ်လာခဲ့ရပါတယ်။ အခုအချိန်မှာတော့ နော်မန်ဟာ အိမ်ထောင်ကျနေပြီဖြစ်ပြီး တည်ငြိမ်သယောင်ရှိနေပေမဲ့ သူဟာကလေးယူလိုက်လို့ သူ့ရဲ့ကလေးက သူ့ဗီဇလိုက်ပြီး မကောင်းဆိုးဝါးလေးတစ်ကောင်ကို လက်သပ်မွေးသလိုဖြစ်လာမှာကို ကြောက်ရွံ့နေခဲ့ပါတယ်။ သူ့လိုမျိုး ဇာတ်နာခဲ့ရတဲ့ ကောင်လေးဘဝကနေ စိတ္တဇလူသတ်သမားဖြစ်လာမှာမျိုးကို သူမလိုလားတဲ့အတွက် ကိုယ်ဝန်ရှိနေတဲ့ မိန်းမကိုပါ သတ်ဖို့ကြံလာပါတယ်။ အဲဒီအကြောင်းတွေကိုလည်း ရေဒီယိုရှိုးမှာ ထုတ်ဖော်ရင်ဖွင့်လာတဲ့အခါ သူ့ရဲ့ကောင်းတဲ့မသိစိတ်ကို တင်ဆက်သူတွေက ပြန်ပြီးကြီးစိုးလာနိုင်အောင် ဝိုင်းဝန်းဖျောင်းဖြရင်း ဇာတ်လမ်းလေးကို စိတ်ဝင်စားဖွယ် ကြည့်ရှုနိုင်မှာဖြစ်ပါတယ်။ File size… 1.8 GB / 970 MB Quality… BluRay 1080p / 720p Format… mp4 Duration…. 1h 36m Genre ….. Horror/Thriller Subtitle…. Myanmar Subtitle (Hard Sub) Encoder…. Thit San Khant Translated… by Kyi Sin Thant

Dramaကားတွေကကြည့်ရတာပျင်းနေတဲ့ ပရိတ်သတ်တွေအတွက် အခုတစ်ခါမှာတော့ ‌တော်တော်လေးကြည့်လို့ကောင်းတဲ့မှုခင်းကားတစ်ကားကို တင်ဆက်ပေးလိုက်ပါတယ်.. အမ်မာဆိုတဲ့မိန်းကလေးဟာ ရှေးရိုးစွဲAmishခရစ်ယာန်အသိုင်းအဝိုင်းထဲက ခပ်ထက်ထက်မိန်းကလေးတစ်ယောက်ပဲဖြစ်ပြီးမိသားစုနဲ့အတူအေးချမ်းတဲ့ဘဝလေးကို ဖြတ်သန်းနေသူလေးတစ်ယောက်ပေါ့.. တစ်နေ့မှာသူ့အဖေသေဆုံးသွားတဲ့အခါ ဒီသေဆုံးမှုဟာသွေးရိုးသားရိုးမဟုတ်ဘူးဆိုပြီးတော့ သံသယဝင်ပြီးစုံစမ်းရာကနေ သူတို့ဘာသာရေးဂိုဏ်းကလူကြီးတွေနဲ့သဘောထားကွဲလွဲကာ စိတ်ဓာတ်ကျနေချိန် တင်းကြပ်တဲ့ သူတို့ဘာသာရေးအသိုင်းကနေ ညဘက်အပြင်ခိုးထွက်လေ့ရှိတဲ့ သူငယ်ချင်းဖြစ်သူရေဗက္ကာရဲ့ကောင်းမှုနဲ့ တစ်ညမှာအပြင်ကိုခိုးထွက်သွားခဲ့ပါတယ်.. အဲဒီလိုခိုးထွက်ရာကနေ ကလပ်မှာဟိသ်ဆိုတဲ့အမျိုးသားနဲ့တွေ့ပြီး အမ်မာတစ်ယောက်ဘဝမှာမကြုံစဖူးဖြစ်ရပ်တွေကိုကြုံတွေ့ရပါတော့တယ်.. အမ်မာတစ်ယောက် ဘာတွေဆက်ပြီးကြုံတွေ့ရမလဲဆိုတာကိုတော့ ဆက်ပြီးကြည့်ရှုလိုက်ရအောင်ပါ… File Size… (1.18 GB) / (660 MB) Quality… WEB-DL 1080p HEVC /720p Format…mkv / mp4 Duration…1h 25m Genre …..Thriller Subtitle….Myanmar Subtitle (Hard Sub) Encoder….Min Wai Translated by Thura Mg Mg