IMDb 6.3 Rotten Tomatoes 83% 2 wins ,6 nominations ဒီကားလေးကတာ့ ၂၀၂၂တုန်းကထွက်ခဲ့တဲ့ မိသားစုဒရာမာကားကောင်းလေးပါ။ မော်နီကာဆိုတဲ့အမျိုးသမီး ဘရိန်းကျူမာရောဂါခံစားနေရတဲ့မိခင်အိုကြီးကိုဂရုစိုက်ပေးဖို့ နှစ်၂၀အတွင်းမှာ အိမ်ကိုပထမဦးဆုံးပြန်လာဖို့ဆုံးဖြတ်ခဲ့ပါတယ်။ မော်နီကာဟာ မိခင်ဖြစ်သူ ယူဂျီးနီးယားက သူ့ကိုမှတ်မိဖို့ရာ မသေချာပေမယ့် သူ့ရဲ့ငယ်ဘ၀တုန်းကအိမ်လေးမှာ မိသားစုဝင်တွေနဲ့ပြန်ဆုံဆည်းပြီး အတိတ်ကဒဏ်ရာတွေကိုကုသရင်း ခွင့်လွှတ်ခြင်း၊ လက်ခံခြင်းတွေနဲ့အတူ သူ့ဘ၀အတွက်လမ်းအသစ်ဖောက်ဖို့ ကြိုးစားပါတော့တယ်။ ဒီရုပ်ရှင်က မော်နီကာဆိုတဲ့အမျိုးသမီးရဲ့ နာကျင်မှုတွေ၊စိတ်ဒဏ်ရာတွေ၊လိုအင်ဆန္ဒတွေကို ရိုက်ပြထားပြီး မိသားစုတစ်ခုအတွင်းက ချစ်ခြင်းမေတ္တာ၊ခွင့်လွှတ်နားလည်ပေးမှု၊ပစ်ပယ်ခံရမှုတို့ကိုလည်း မီးမောင်းထိုးရိုက်ကူးပြထားတဲ့ healing drama ကားကောင်းလေးမလို့ ကြည့်ဖြစ်အောင်ကြည့်ကြဖို့ တိုက်တွန်းလိုက်ပါတယ်။ (Nudity နဲ့ sex scene တချို့ပါတာကိုတော့သတိပြုပေးပါ) File size…(2.2 GB)/(1.2 GB)/(590 Mb) Quality….Webrip 1080p / 720p / 480p Format…mp4 Duration….01:54:00 Genre...Drama Subtitle….Myanmar Subtitle (Hardsub) Encoder….Mr. Anderson Translated by Steven Khant

ဒီကားလေးကတော့ Tad ရဲ့ တတိယမြောက်စွန့်စားခန်းကားနော်။ Tad က သိပ်တော်တဲ့ရှေးဟောင်းသုတေသနပညာရှင်ဖြစ်ပေမဲ့ ခုချိန်ထိ လူတွေက သူ့ကို ဘာမှမဟုတ်တဲ့သူလို့ ထင်နေသေးတယ်။ ဒီကားမှာတော့ Tad က Saraရဲ့အဖွဲ့နဲ့အတူ ဂူတူးပြီး ရှေးဟောင်းပစ္စည်းရှာနေရင်းနဲ့ အီဂျစ်အခေါင်းကြီးရှာတွေ့ပါတယ်။ အဲ့ဒီကနေ သူတော်တာပြမယ်ဆိုပြီး အီဂျစ်ခေါင်းကို ထားထားတဲ့ကျောင်းထဲ ခိုးဝင်ရာက Tad ရဲ့သူငယ်ချင်း Mummy က ကျိန်စာမိသွားပါရော ... ဒီကျိန်စာကိုပြယ်စေဖို့ နှစ်ထောင်ချီ ပျောက်နေတဲ့ ရှေးဟောင်း မြကျောက်ပြားကို ရှာဖို့ရာဖြစ်လာတော့ Tad တစ်ယောက် ဘယ်လိုရှာမလဲ? သူ့သူငယ်ချင်းတွေနဲ့ ဘယ်လို စွန့်စားခန်းတွေ ကြုံရမလဲ? ဆိုတာတော့ ဆက်ပြီး ကြည့်ရှုလိုက်ကြရအောင်နော်။ (ဇာတ်လမ်းအညွှန်းနဲ့ ဘာသာပြန်ကတော့ Marie ပါ။) File Size          : 1.3GB, 542MB, 316MB Quality            : 1080p WEB-DL AC3 5.1CH, 720p WEB-DL, 480p Format            : mp4 Duration         : 1hr & 30mins Genre              : Animation, Adventure, Comedy Translated by Marie Encoded by Kinnov

အမေရိကန်နိုင်ငံ ဝါရှင်တန်ပြည်နယ်က မြို့‌လေးတစ်မြို့မှာ အမ်မလီမယ်ရီပိုဆာ ဆိုတဲ့ အမျိုးသမီးငယ်လေးတစ်ဦးက သူမရဲ့သူငယ်ချင်းနဲ့အတူ လိပ်ပြာ‌လေးတွေကိုမွေး၊ ပြီးရင် မွေးနေ့ပွဲတို့ မင်္ဂလာဆောင်တို့လို ပွဲတွေမှာ လိပ်ပြာလေးတွေကိုလွှတ်ပေးရတဲ့ အသက်မွေးဝမ်းကျောင်းအလုပ်ကို လုပ်တယ်။ အတိတ်အချစ်ရေးကံဆိုးခဲ့သူတစ်ယောက်ဖြစ်လို့ ထပ်ပြီးရင်ခုန်ဖို့မလွယ်‌ကူတော့တဲ့ သူမဘ၀ဟာ မွေးနေ့ပါတီတစ်ခုမှာ လိပ်ပြာလွှတ်ပေးဖို့ စပြီးတာဝန်ယူရာကနေ single dad လူချောလေး ဂဲရက်နဲ့တွေ့ပြီးနောက်မှာ ပြောင်းလဲသွားခဲ့တယ်။ အကြောင်းဖန်ချင်တော့ နာမည်ကြီးမော်ဒယ်တစ်ယောက်ရဲ့မင်္ဂလာပွဲအတွက် လိပ်ပြာအကောင်ရေ ၅၀၀ လွှတ်ဖို့အတွက် ဂဲရက်တို့သားအဖက ဝင်ရောက်ကူညီပေးလာတဲ့အခါမှာ‌တော့ ကြည်နူးစရာအချစ်ဇာတ်လမ်းလေး စတင်လာနိုင်ပါ့မလားဆိုတာကို မြင်တွေ့ရမှာဖြစ်ပါတယ်။ နောက်ပြီး သဘာဝတရားကြီးနဲ့ အင်းဆက်နွယ်မျိုး လိပ်ပြာတွေရဲ့ဆက်စပ်နေပုံတွေ၊ လိပ်ပြာလေးတွေကို ဂရုတစိုက်စောင့်ကြည့်မွေးမြူရပုံတွေ၊ အရောင်အသွေးစုံလင်တဲ့လိပ်ပြာအမျိုးအစားလေးတွေကို မျက်စိပသာဒဖြစ်စွာနဲ့ ကြည့်ရှုရမှာဖြစ်လို့ အချစ်ကားအေးအေးလေးတွေကို နှစ်သက်ကြတဲ့ပရိသတ်များ လက်မလွှတ်သင့်တဲ့ကားလေးဖြစ်ကြောင်း ညွှန်းဆိုပါရစေ။ ( အညွှန်းနဲ့ဘာသာပြန်ကတော့ Thwal Yadi ဖြစ်ပါတယ်) Genre.....Comedy, Drama, Romance Quality….WEB-DL 1080p and 720p File size…1.3GB and 650MB Format…mp4 Duration….1h 23min Subtitle….Myanmar Subtitle (Hardsub) Translator ..... Thwal Yadi Encoder .....August

၂၀၂၀ ခုနှစ်ကထွက်ရှိလာထားတဲ့ ဂျပန်ဇာတ်ကားကောင်းတစ်ကားဖြစ်ပါတယ်။ ဂိမ်းတွေ၊ ပရိုဂရမ်တွေနဲ့ အဓိကဇာတ်ကောင်ကိုပဲဦးတည်ရိုက်ကူးထားတာကြောင့် ဇာတ်ကားရဲ့ Genre ကိုတော့ အတိအကျမသတ်မှတ်နိုင်ပေမယ့် စိတ်ဝင်စားစရာကောင်းတာကတော့ အသေအချာပါပဲ။ ဇာတ်လမ်းအကျဉ်းကိုပြောရရင် Shogi ကစားနည်းမှာတစ်ဖက်ကမ်းခတ်ကျွမ်းကျင်ဖို့ အိပ်မက်တစ်ခုရှိနေတဲ့ Eiichi ဆိုတဲ့လူငယ်တစ်ယောက်ဟာ ဂျပန် Shogi အသင်းအဖွဲ့ရဲ့ အတတ်သင် ကျောင်းမှာ သွားရောက်လေ့ကျင့်နေခဲ့ပါတယ်။ Shogi ဆိုတာကတော့ ဂျပန်ရိုးရာစစ်တုရင်ကစားနည်းတစ်မျိုးပါ။ သူအမြဲကြိုးစားသင်ယူနေပေမယ့်လည်း ကျောင်းရဲ့ဆရာတစ်ဆူဖြစ်နေတဲ့ Riku ဆိုတဲ့ကစားသမားကိုတော့ ဘယ်လိုမှမယှဥ်နိုင်ခဲ့ပါဘူး။ ဒီလိုနဲ့ Eiichi တစ်ယောက်စိတ်ကုန်လာပြီး သူ့ရဲ့ Shogi ကစားသမားဖြစ်ချင်တဲ့အိပ်မက်ကလည်း တဖြည်းဖြည်းဝေဝါးလာခဲ့ပါတော့တယ်။ အဲဒီနောက် သူဟာတက္ကသိုလ်တစ်ခုကိုဝင်လျှောက်ပြီး သာမန်ဘဝနဲ့နေဖို့ဆုံးဖြတ်လိုက်ပေမယ့် သူ့ဘဝတစ်လျှောက်လုံးနီးပါး Shogi အပေါ်မှာပဲစိတ်နှစ်ထားခဲ့တာကြောင့် ပေါင်းသင်းဆက်ဆံမှုလည်းအားနည်းတဲ့အတွက် မိတ်ဆွေအပေါင်းအသင်းတွေမရှိလာခဲ့ပါဘူး။ တစ်နေ့မှာတော့ Eiichi တစ်ယောက် မထင်မှတ်ပဲ AI ကို အခြေခံထားတဲ့ Shogi ကွန်ပျူတာပရိုဂရမ်တစ်ခုကိုတွေ့ရှိခဲ့ပြီး အဲဒီပရိုဂရမ်ဟာသူထင်ထားတာထက်ကို အဆင့်မြင့်နေခဲ့ပါတယ်။ အဲဒီကနေစပြီးတော့ Eiichi လည်းကွန်ပျူတာပရိုဂရမ်တွေ အထူးသဖြင့် Shogi နဲ့ပတ်သက်တဲ့ဂိမ်းတွေကို စိတ်ဝင်စားလာပါတော့တယ်။ အဲဒါကြောင့် AI လေ့လာရေးအဖွဲ့ကိုရောက်သွားပြီး စီနီယာကျောင်းသား Isono နဲ့ဆုံခဲ့ပါတယ်။ Isono ဆီကနေ AI ပရိုဂရမ်တွေအ ကြောင်းသင်ကြားရင်း သူ့ဘဝရဲ့အိပ်မက်ကလည်း တစ်မျိုးတစ်ဖုံပြောင်းလဲသွားခဲ့ပါတော့တယ်။ ဒီတစ်ခါမှာရော သူ့ရဲ့အိပ်မက်ကိုအကောင်အထည်ဖော်နိုင်ပါ့မလား။ အဲဒီအိပ်မက်ကရောဘာဖြစ်မှာလဲ။ သူလက်လျှော့ခဲ့တဲ့ Shogi ထိပ်တန်းကစားသမားဖြစ်ဖို့ဆိုတဲ့ အိပ်မက်ကိုရော သူဆက်မက်နိုင်မှာလား။ Shogi ရဲ့စည်းမျဥ်းတွေနဲ့ အခေါ်အဝေါ်တွေဟာ စစ်တုရင်နဲ့အနည်းငယ်ကွဲပြားတဲ့အတွက် တချို့နေရာတွေမှာ နားလည်ရခက်နိုင်ပေမယ့် ဇာတ်လမ်းဇာတ်အိမ်နဲ့ အကြောင်းအရာကရှင်းလင်းပြီးသားဖြစ်တာကြောင့် ဒီကစားနည်းတွေအကြောင်းနားမလည်ရင်တောင် ရုပ်ရှင်ပရိသတ်တွေအတွက် ကြည့်ရကျိုးနပ်စေမယ့် ဇာတ်ကားကောင်းတစ်ကားလို့ပဲညွှန်းလိုက်ပါရစေ။ File size…1.2GB / 600MB Quality…1080p NF WEB DL AAC 5.1CH / 720p Format…mp4 Duration….1h 59m Subtitle….Myanmar Subtitle (Hard Sub) Encoder….YK Translated by Haruko

ကဲ ပရိသတ်ကြီးရေ ဒီတစ်ခါတော့ လှည့်ကွက်ကြီး ၁၀ခုအကြောင်းကို တင်ဆက်ပေးလိုက်ပါပြီ ရုပ်ရှင်လေးကတော့ အဖြူ အမဲ ကားလေးပါပဲ လှည့်ကွက်ကြီး ၁၀ခုဆိုလို့ ပိုက်ဆံလိမ်တာတို့ ဘာတို့တွေအထိ မတွေးလိုက်ကြပါနဲ့ အနီးအနားက ကိစ္စလေးတွေကိုပဲ တွေးလိုက်ကြပါ ယောကျာ်းထုကြီးအတွက် ကတော့ ကြည့်လို့လည်းကောင်းသလို ပညာတွေလည်းတစ်လှေကြီးရနိုင်မဲ့ ကားလေးပါပဲ အဲ အိမ်ထောင်ရှင် မမများအတွက်တော့ ကိုယ့် ယောကျာ်းထက်ခြေလှမ်း တစ်လှမ်းသာနေချင်ရင် ဒီကားလေးကိုကြည့်ပြီးသာ ပညာယူထားရမှာပါ ဟုတ်ကဲ့ ဒီရုပ်ရှင်ရဲ့ အဓိက လှည့်ကွက်ကြီး ၁၀ခုကတော့ ပြည့်တန်ဆာအိမ်မှာ ယောကျာ်းတွေလုပ်လေ့ လုပ်ထရှိတဲ့ အကြောင်းတွေပါပဲ အဲဒါအပြင် အိမ်တိုင်ရာရောက်ဝန်ဆောင်မှုပေးတဲ့ အကြောင်းလေးတွေရယ် အမ်းနိုင်သမျှအမ်းလွန်းတဲ့ မမကြီးတွေရဲ့ နှင်းဆီခိုင်လေးတွေအကြောင်းရယ်ကို သဘာဝကျကျ အဖြစ်ကိုအဖြစ်အတိုင်း ရိုက်ပြထားတဲ့ကားလေးဖြစ်ပါတယ် (ဘာသာပြန်နေရင်းတောင် ငယ်ငယ်က သူငယ်ချင်းကိုသတိရမိသွားတဲ့အထိပါပဲ)အဲဒီတော့ ဇာတ်လမ်းရယ်ဆိုတာတော့ သေချာမရှိဘဲ ဖြစ်တတ်တဲ့သဘောတရားတွေကို ရိုက်ပြထားတာမို့လို့ တစ်ကားတည်းနဲ့ ဇာတ်လမ်းပေါင်း များစွားကို အဝကြီးကြည့်ရှုရမှာပါ ဒါပေမဲ့ ဒီကားလေးကိုကြည့်ရင် ရနိုင်မဲ့ အကျိုးကျေးဇူးလေးတွေကတော့ အဲဒီလိုနေရာကိုသွားရင် ဘာတွေကို ရှောင်ရမလဲ ဆောင်ရမလဲ ကိုယ်ကတော့ ကြွေသွားအောင်လုပ်လိုက်တာပဲ သူတို့အမြင်မှာတော့ဘယ်လိုဖြစ်သွားမလဲ ကောင်းမလေးတွေရဲ့ စိတ်ထားကို အပြည့်အဝမဟုတ်ဘူးဆိုပေမဲ့ ဘယ်လိုလေးနားလည်ထားအောင်လုပ်မလဲ အိမ်ထောင်သည် ယောကျာ်းတွေထဲမှာမှ အပျော်ရှာပြီးသွားတတ်တဲ့သူရှိသလို မိန်းမကရောဂါခံစားနေရလို့ ဘာမှမလုပ်ပေးနိုင်တာတောင် စည်းစောင့်တဲ့သူတွေဆိုတာ တကယ်ပဲရှိတာလား ပိုက်ဆံကျိကျိတက်ချမ်းသာပေမဲ့လည်း မိန်းမကအငြိမ်နေနိုင်ပါ့မလား ဆိုတာတွေကို အများကြီးကြည့်ရှုရမှာပါ လှည့်ကွက်တွေကိုတော့ မျက်လှည့်အကွက်လေးတွေနဲ့ နှိုင်းယှဉ်ပြထားပြီး မျက်လှည့်ဆရာတစ်ယောက်ရဲ့ ခံစားချက်လေးပါ ပေါ်လွင့်အောင်ရိုက်ပြထားလို့ ကြည့်ကိုကြည့်သင့်တဲ့ကားလေးတစ်ကားပါပဲဗျာ မှတ်ချက် လူ ၁၈ယောက်တော့ စုကြည့်မှရမှာပါ မိသားစုနဲ့ကြည့်ဖို့မသင့်တော်ပါဘူး ပြီးတော့ အဲဒီထဲကမင်းသမီးလေး က သေးသေးလေးနဲ့ချစ်ဖို့ကောင်းတယ်ဆိုပြီး စိတ်ကူးမိရင်လည်း Google လေးတော့ ခေါက်ကြည့်လိုက်ပါဦးနော် ဂျင်းဆိုတာက စားတတ်ရင် ကားမူးသက်သာပါစေပါတယ် File size…(2.1 GB)/(1.14GB)/(621 Mb) Quality….Webrip 1080p / 720p / 480p Format…mp4 Duration….01:28:00 Genre…Comedy, Drama Subtitle….Myanmar Subtitle (Hardsub) Encoder….Mr. Anderson Translated by Garfield

၂၀ရာစုအစပိုင်းကာလရဲ့နိုင်ငံရေးနဲ့ စီးပွားရေးအပြောင်းအလဲတွေကြားမှာ လုပ်ရှားရုန်းကန်ခဲ့ရတဲ့ မိသားစုလေးအကြောင်းကိုရိုက်ပြထားတဲ့ Animation/Coloring Cartoon ဇာတ်ကားကောင်းလေးတစ်ကားပဲဖြစ်ပါတယ် ဒီဇာတ်ကားလေးရဲ့ထူးခြားချက်ကတော့ အဲဒီကာလအတွင်းမှာဖြစ်ပျက်ခဲ့တဲ့ မိသားစုနဲ့ နိုင်ငံရေးအခက်အခဲတွေကို သရုပ်ဆောင်တွေနဲ့ သရုပ်ဆောင်တာမဟုတ်ဘဲနဲ့ ကာတွန်းဇာတ်ကောင်လေးတွေနဲ့ သရုပ်ဆောင်ပြီးတော့ ဇာတ်ကွက်ကို ပုံဖော်သွားတာပဲဖြစ်ပါတယ် အီတလီနိုင်ငံမြောက်ပိုင်း အူတဲရာ ကျေးရွာလေးမှာနေထိုင်တဲ့မိသားစုလေးရဲ့ဘဝဇာတ်ကြောင်းကို မြေးတော်စပ်သူတစ်ယောက်ကနေ Background Story အနေနဲ့ပြန်လည်တမ်းတတဲ့ဇာတ်လမ်းလေးတစ်ပုဒ်ပေါ့ ဒီဇာတ်ကားလေးကို ကြည့်ရင်းကြည့်ရင်းနဲ့ ရင်ထဲမှာ ခံစားချက်တစ်ခုခုကျန်ခဲ့မယ့် Feeling မျိုးပေးစွမ်းမယ့် အကြောင်းအရာတွေကို ဇာတ်ကားလေးထဲမှာပဲ ကြည့်ရှုခံစားလိုက်ကြပါဦးနော်။ Rating ကလည်းကောင်းကောင်းနဲ့ဆိုတော့ ပြောစရာမလိုတော့ဘူးပေါ့ ဒီဇာတ်ကားကိုအညွှန်းရေးပြီး ဘာသာပြန်ပေးထားတာကတော့ Leo ဖြစ်ပါတယ်။ File size…(930 Mb)/(470 Mb) Quality….Webrip 1080p / 720p Format…mp4 Duration….01:10:00 Genre…Animation Subtitle….Myanmar Subtitle (Hardsub) Encoder….Garfield Translated by Leo

Set It Up (2018) IMDb (6.5) / Rotten Tomatoes (68 %) Rating မြင့်မြင့်ရရှိထားတဲ့ Comedy,Romance အမျိုးအစား ဒီရုပ်ရှင်လေးကတော့ လုပ်ငန်းခွင်ဝင်လူလတ်ပိုင်းအရွယ်တို့ရဲ့အချစ်ဇာတ်လမ်းလေးဖြစ်ပြီး အချစ်ဇာတ်လမ်းကြိုက်တဲ့သူတွေအတွက် အထူးသင့်လျော်မယ့်ဇာတ်ကားလေးပါ။ Before I fall ရုပ်ရှင်ထဲက မင်းသမီးချောလေး Zoey Deutch ပါတဲ့ကားပါ။ မင်းသားကတော့ ဓာတ်ပုံထဲမှာမချောပေမဲ့ ရုပ်ရှင်ထဲမှာတော့ ခန့်ချောပါ။ ပြီးတော့ တရုတ်နဲ့အမေရိကန်ကပြားမင်းသမီး Lucy Liu ကလည်း နာမည်ကြီးဆောင်းပါးရေးသူ၊မင်းသမီးရဲ့သူဌေးမအဖြစ်ပါဝင်သရုပ်ဆောင်ထားပါတယ်။ ဒါရိုက်တာကတော့ Claire Scanlon ပါ။ ဇာတ်လမ်းအကျဉ်းချုပ်ကတော့… ဟာပါဆိုတဲ့အရမ်းအလုပ်ကြိုးစားတဲ့ကောင်မလေးက ခရစ်စတန်ဆိုတဲ့သူဌေးမရဲ့လက်ထောက်ဖြစ်ပြီး သူရဲ့အိပ်မက်ကဆောင်းပါးရေးတဲ့စာရေးဆရာမဖြစ်ချင်တယ်….ဒါပေမဲ့ သူက အလုပ်မှာ ခိုင်းဖက်လေးပေါ့ တစ်နေ့ မထင်မှတ်ထားတဲ့ အဖြစ်အပျက်ကြောင့် ရုံးအဆောက်အအုံတစ်ခုတည်းမှာအလုပ်လုပ်တဲ့ ချာလီ(မင်းသား) နဲ့တွေ့ခဲ့တယ်ချာလီကလည်း ဟာပါလိုပဲ ရစ်ခ်ဆိုတဲ့သူဌေးတစ်ယောက်ရဲ့လက်ထောက်ဖြစ်ပြီး ရာထူးတိုးချင်နေတဲ့သူပေါ့ နစ်ယောက်လုံးက ရုံးမှာဆို နောက်ဆုံးမှအိမ်ပြန်ရတဲ့သူ၊ တစ်နေကုန် အလုပ်ကလည်းရှုတ် အရမ်းဇီဇာကြောင်တဲ့သူဌေးတွေရဲ့ဒဏ်ကိုလည်းခံရနဲ့ နှစ်ယောက်သား သူဌေးတွေရဲ့အတင်းကိုပြောရင်း သူတို့သူဌေးနှစ်ယောက်ကို အောင်သွယ်ပေးဖို့ အကြံရသွားကြတယ် သူတို့ရဲ့ရည်ရွယ်ချက်က သူဌေးနှစ်ယောက်ဒိတ်လုပ်ရင် သူတို့အေးဆေးနေလို့ရတယ်ဆိုပြီး နည်းအမျိုးမျိုးနဲ့ကို အောင်သွယ်တော့တာပဲ အောင်သွယ်ရင်းနဲ့မှ သူတို့နှစ်ယောက်ပဲ ချစ်ကြိုက်သွားမလား သူဌေးနှစ်ယောက်ပဲအဆင်ပြေသွားမလား သူတို့ရဲ့အိမ်မက်ကိုကော အကောင်အထည်ဖော်နိုင်မလားဆိုတာကိုတော့ ဇာတ်လမ်းထဲမှာဆက်လက်ကြည့်ရှုကြပါရှင့်။ ဇာတ်လမ်းလေးက ပေါ့ပါးပြီး ရယ်လည်းရယ်ရတယ် ချစ်ဖို့လည်းကောင်းတယ် လူတွေရဲ့သဘာဝအရ အိမ်မက်တွေကို အကောင်အထည်ဖော်ရင်း ဒီအိမ်မက်ယောင်ယောင်ထဲမှာပဲ နှစ်မြုပ်နေတတ်တယ် အဲ့ဒီကနေ ဘယ်လို ပြန်ရုန်းထွက်မလဲ စတဲ့ စိတ်ဝင်စားစရာအကြောင်းအရာတွေပါဝင်တဲ့ ကြည့်သင့်တဲ့ ဇာတ်ကားလေးဖြစ်ပါတယ်။ (ရုပ်ရှင်အညွှန်းကို Ann Mary မှတင်ဆက်ထားပြီး ဘာသာပြန်ကတော့ Yazar Htun ပါ။)

ပုံမှန် Horror movie တွေနဲ့ မတူတဲ့ The Exorcism of Saint Patrick ဇာတ်ကားဟာ ဘာသာရေး အစွန်းရောက်မှုတွေ၊ တယူသန်မှုတွေရဲ့ နောက်ဆက်တွဲ အကျိုးဆက်တွေကို သိသာပေါ်လွင်အောင် ရိုက်ကူး ပြထားတဲ့ ဇာတ်ကားလို့ ပြောလို့ရပါတယ်။ ဇာတ်ညွှန်းပြောရရင်တော့ ပတ်ထရစ်လို့ ခေါ်တဲ့ ဆယ်ကျော်သက် ဂေးလူငယ်တစ်ယောက်ဟာ ဘာသာရေးကိုင်းရှိုင်းတဲ့ မိဘတွေ အလိုကျ ဂေးဖြစ်တည်မှု အစွဲကို ချွတ်ဖို့ သင်းအုပ်ဆရာ ပတ်ထရစ်နဲ့အတူ လူသူဝေးတဲ့ အိမ်လေးတစ်လုံးမှာ ရက်အတန်ကြာ နေဖို့ ဖြစ်လာခဲ့တာပါ။ (ဂေးဖြစ်တည်မှုဆိုတာ နတ်ဆိုးနှောင့်ယှက်မှုကြောင့် ဆိုတဲ့ ရှေးရိုးဆန် ဘာသာရေးအစွန်းရောက် ယုံကြည်မှု ရှိခဲ့ပါတယ်) အပြောချိုသာပြီး စိတ်ကောင်းနှလုံးကောင်း ရှိပုံပေါက်တဲ့ သင်းအုပ်ဆရာ ပတ်ထရစ်ဟာ အမှန်တကယ်မှာတော့ ဘာသာရေးကို အရေခြုံ ဗန်းပြပြီး ရုပ်ပိုင်းဆိုင်ရာသာမက စိတ်ပိုင်းဆိုင်ရာ အရပါ အနိုင်ကျင့် နှိပ်စက်တတ်တဲ့ သူတစ်ယောက် ဖြစ်နေတာပါ။ ဒီလူငယ်လေး မတိုင်ခင်မှာ သူကိုင်တွယ် ခဲ့ဖူးတဲ့ လူငယ်တချို့ဟာ သေကြောင်းကြံစည်ခဲ့တဲ့အထိ ဆိုးရွားခဲ့တာပါ။ ဒီဇာတ်ကားမှာ ပေးချင်တဲ့ မက်ဆေ့ပြောရရင် မကောင်းဆိုးဝါး နတ်ဆိုးဗီဇ ဆိုတာ သေလွန်ပြီးသား သူတွေမှာပဲ ရှိနိုင်တာ မဟုတ်ဘဲ ဟန်ဆောင် မျက်နှာဖုံးတွေနဲ့ နေထိုင်ရှင်သန်နေကြသူတွေထဲမှာလည်း ရှိနိုင်တယ် ဆိုတာပါပဲ။ File size…1.17GB / 613MB Quality…WEB-DL 1080p HEVC / 720p Format…mkv / mp4 Duration….1h 30m Genre ….. Horror Subtitle….Myanmar Subtitle (Hard Sub) Encoder….Min Wai Translated by Aoi

Take Point (2018) ******************* အမေရိကန်နိုင်ငံမှာရွေးကောက်ပွဲပြန်လုပ်နေတဲ့အချိန်… လက်ရှိသမ္မတရဲ့ မဲအခြေအနေကအကျဘက်ကိုရောက်နေတဲ့အချိန်မှာ… စစ်ရေးနည်းနဲ့ မြှင့်တင်ဖို့ကြိုးပမ်းလာတယ်…အဲဒီအချိန်မှာပဲ… အမေရိကန်ကမြောက်ကိုရီးယားကိုနူးကလီးယားလက်နက်ဖျက်သိမ်းဖို့တွန်းအားပေးမယ်… တကယ်လို့အောင်မြင်ရင်တစ်နိုင်ငံလုံးကသူ့ကိုထောက်ခံမယ်ပေါ့… အဲဒီလိုလုပ်ဖို့မြောက်ကိုရီးယားထိပ်သီးခေါင်းဆောင်တစ်ယောက်ကို ဆုကြေးငွေထုတ်ပြီးဖမ်းမိန့်ထုတ်လိုက်တယ်… သိတဲ့အတိုင်းဒီလိုကိစ္စမျိုးဆိုတာပေါ်တင်လုပ်လို့မရတဲ့အတွက် စီအိုင်အေဟာ… ထုံးစံအတိုင်းတရားဝင်အဖွဲ့အစည်းကိုမသုံးဘဲ ကြေးစားတစ်ဖွဲ့ကိုငှါးခဲ့တယ်..ဒါမှလည်း… သူတို့ဘက်အမှုပြန်မပတ်မှာကိုး…အဲဒီကြေးစားတပ်ဖွဲ့ဟာ တကယ့်ကိုကျွမ်းကျွင်သူတွေနဲ့ … ဖွဲ့စည်းထားတယ်…ဒီအဖွဲ့ရဲ့ခေါင်းဆောင် အေဟတ်ဟာ ဒီမစ်ရှင်အဆင်ပြေပြေနဲ့… အစီအစဉ်အတိုင်းဆောင်ရွက်သွားနိုင်မလား…ဘယ်လိုအခက်အခဲအချိုးအကွေ့တွေနဲ့ .. ကြုံတွေ့သွားရမလဲဆိုတာကိုတော့…ဒီကိုးရီးယားကားဟာ အက်ရှင်ဦးစားပေး ဇာတ်ကားမှာ စောင့်ကြည့်ပေးပါဦး… ကိုးရီးယားရဲ့ နာမည်ကြီးသရုပ်ဆောင်တွေဖြစ်တဲ့ Jung-woo Ha က အဓိက သရုပ်ဆောင်ထားတာပါ… ဇာတ်လမ်းက မထင်မှတ်တဲ့လက်ကွက်တွေပါသလို ရိုက်ချက်တွေကလည်း အတော်ကြီးကိုကောင်းပါတယ်… ဒါကြောင့်လည်း ကိုးရီးယားမှာ ဝင်ငွေအကောင်းဆုံးစာရင်းဝင်ဖြစ်သွားပါတယ်…ခံစားကြည့်ကြပါဦး.. ဇာတ်လမ်းအညွှန်းနဲ့ ဘာသာပြန်သူကတော့ Zwe Zan Aung ပဲဖြစ်ပါတယ်…. File size… 3.69GB / 1.25GB Quality…WEB-DL 1080p 720p Genres: Action, Military, Thriller, Mystery Duration: 2 hr 5 mins Subtitle….Myanmar Subtitle (Hard Sub) Translated By Zwe Zan Aung Encoded By Heather Oo

Miracle (2011) **************** Family drama အမျိုးအစားဖြစ်တဲ့ Miracle ဆိုတဲ့ ဇာတ်ကားကောင်းလေးမှာ‌တော့ Boys Over Flower (F4) ကားထဲက မင်းသမီးရဲ့မောင်အနေနဲ့ သရုပ်ဆောင်ထားတဲ့ ကလေးသရုပ်ဆောင် Park Ji bin, ဒီကားနဲ့ debut လုပ်တဲ့ ကလေးသရုပ်ဆောင်လေး Lee Seul-Gi နဲ့ The Fiery Priest ကားထဲက မင်းသားကြီး Lee Moon Sik တို့က အဓိက ပါဝင်သရုပ်ဆောင်ထားပါတယ် .. ဇာတ်လမ်းအညွှန်း ************** အွန်းချောလ် (Park Ji bin) နဲ့ အွန်းဟာ (Lee Seul-Gi) တို့ဟာ မိဘများဆုံးပါးသွားတဲ့အတွက် နာမကျန်းဖြစ်နေတဲ့အဘွားဖြစ်သူနဲ့ အတူနေနေရတဲ့ မောင်နှမနှစ်ယောက်ဖြစ်ပါတယ်.. ကံဆိုးမသွားရာ မိုးလိုက်လို့ရွာဆိုသလို အွန်းဟာလေး မျက်စိအမြင်အာရုံ ပျောက်ကွယ်ရတော့မဲ့အချိန်မှာ အဘွားဖြစ်သူဟာလည်း လူကြီးရောဂါနဲ့ ဆုံးပါးသွားရှာပါတော့တယ်… ကလေးမလေး အွန်းဟာတစ်ယောက် အသိအစ်ကိုတစ်ယောက်ရဲ့ ဗဟုသုတမျှဝေမှုကြောင့်နဲ့ ဝေလငါးတွေနဲ့ပတ်သက်ပြီး ရူးသွပ်လာတဲ့အခါ အစ်ကိုဖြစ်သူ အွန်းချောလ်အပေါ် ဝေလငါးကို အပြင်မှာ တွေ့မြင်နိုင်ဖို့အတွက် ပူဆာပါတော့တယ်… နိုဒေါ့ဆူ (Lee Moon-Sik) ဟာ သူဌေးဖြစ်သူကို သတ်မှုနဲ့ အလိုရှိဆုံးရာဇဝတ်သားဖြစ်ကာ ပြစ်မှုကိုရှောင်ရှားဖို့အတွက် အွန်းဟာတို့မောင်နှမရှိရာ တောရွာလေးဘက်ကို ရောက်လာကာ အွန်းဟာတို့ အွန်းချောလ်တို့နဲ့ ဘယ်လို သံယောဇဉ်တွေတွယ်သွားမလဲ အွန်းချောလ်တို့ရဲ့ ဝေလငါးသွားကြည့်မဲ့အစီအစဉ်ကိုလည်း ဘယ်လိုအကူအညီပေးသွားမလဲ ကလေးတွေအပေါ် ဘယ်လိုတွေ မေတ္တာထားပေးသွားမလဲဆိုတာကိုတော့ မျက်ရည်ဖြိုင်ဖြိုင်ကျကာ ကြည့်ရမဲ့ ရင်ကို ထိစေမဲ့ ဇာတ်ကားကောင်းလေးပဲဖြစ်တာမို့လို့ ခံစားကြည့်ရှုလိုက်ပါဦး‌နော် .. (အညွှန်းကို Theint မှ ရေးသားထားပါတယ်) File size…1.82GB / 772MB Quality… WEB-DL 1080p/ 720p Format…mp4 Duration…. 1 hr. 40 min. Genre ….. Life,Family, Drama Subtitle….Myanmar Subtitle (Hard Sub) Translated by Theint Encoded by AHtet

Kingdom III: The Flame of Destiny (2023) ~ IMDb – 6.9/10, RT – 83%, MyDramaList – 8.1/10 ~ အားလုံးစောင့်မျှော်နေကြတဲ့ Kingdom Live-Action ကားတွေရဲ့ တတိယမြောက်ဇာတ်ကားဖြစ်တဲ့ Kingdom III: The Flame of Destiny ထွက်ရှိလို့လာပါပြီ။ Kingdom Live Action အနေနဲ့ ၄ ကားထိထွက်ထားပြီး ဒီလင့်မှာ https://www.channelmyanmar.to/?s=kingdom+live+action အကုန်လုံးကိုကြည့်လို့ရပါတယ်။ Kingdom III: The Flame of Destiny (2023) ကိုမကြည့်ခင် Kingdom (2019) နဲ့ Kingdom II: Far and Away (2022) တို့ရဲ့ဇာတ်ကြောင်းကိုပြန်နွှေးကြရအောင်။ ပထမကားကတော့ တရုတ်ပြည် ချင်ပြည်ထောင် (Qin State) က မိဘမဲ့လည်းဖြစ်၊ ကျွန်လည်းဖြစ်ပေမဲ့ တစ်မိုးအောက်စစ်သူကြီးဖြစ်ရမယ် ဆိုတဲ့ ရည်ရွယ်ချက်ရှိတဲ့ ရှင်း (Shin) နဲ့ တရုတ်ပြည်ကြီးကို တစ်စုတစ်စည်းဖြစ်အောင်လုပ်ပြီး ပထမဆုံးဧကရာဇ်ဖြစ်စေချင်တဲ့ ချင်ပြည်ထောင်ဘုရင် အဲ့ဆေး(King Ei Sei of Qin State) တို့ မမျှော်လင့်ထားတဲ့အဖြစ်အပျက်တွေကြောင့် ဆုံစည်းခဲ့ကြပါတယ်။ ဒုတိယကားမှာတော့ ဘုရင်အဲ့ဆေးကို လုပ်ကြံတဲ့ဇာတ်ဝင်ခန်းနဲ့စထားပြီး ချင်ပြည်ထောင်ရဲ့အိမ်နီးချင်းနိုင်ငံဖြစ်တဲ့ ဝေပြည်ထောင် (Wei State) က လာရောက်ကျူးကျော်လို့ ဝေပြည်ထောင်နဲ့ချင်ပြည်ထောင်တို့ စစ်ခင်းကြတဲ့ ဒါကန်လွင်ပြင် (Daken Plains) ဆီကနေ ရှင်းတစ်ယောက် နှစ်ဖက်သောစစ်သူကြီးတို့ရဲ့စစ်ဗျူဟာတွေ၊ စစ်ပရိယာယ်တွေ၊ အနိဋ္ဌာရုံတွေကို ပထမဆုံးအကြိမ် မျက်ဝါးထင်ထင်တွေ့လိုက်ရပြီး သူကိုယ်တိုင်လည်း စွမ်းဆောင်ပြနိုင်ခဲ့လို့ တပ်သား ၁၀၀ တပ်မှူးဖြစ်သွားပါတော့တယ်။ ရှေ့နှစ်ကားအကြောင်းကို မှတ်မိသွားကြပြီဆိုရင် Kingdom III ရဲ့ ဇာတ်ကြောင်းကိုပြောပြပါမယ်။ ဒီတစ်ခါ ချင်ပြည်ထောင်ကိုလာရောက်ကျူးကျော်တာကတော့ ကျောက်ပြည်ထောင် (Zhao State) ကပါ။ ချင်ပြည်ထောင်ကို ချောဟဲလူသတ်ပွဲ (Chohei Massacre) ကြောင့် ရန်ငြိုးအကြီးအကျယ်ရှိလို့ လာ‌ရောက်ကျူးကျော်တာပါ။ ထုံးစံအတိုင်း တပ်သား ၁၀၀ တပ်မှူးဖြစ်သွားတဲ့ ရှင်းက ချင်ပြည်ထောင်နဲ့ ကျောက်ပြည်ထောင်တို့ စစ်ခင်းကြတဲ့ ဘာရို (Bayo) ဆီသွားပါတော့တယ်။ ဒီတစ်ခါ စစ်ပွဲကနေရော ဘယ်လိုအတွေ့အကြုံတွေရမလဲ၊ ဘာအခက်အခဲတွေတွေ့မလဲဆိုတာ ဇာတ်ကားထဲမှာကြည့်ရှုလိုက်ပါခင်ဗျာ။ Kingdom Live-Action ဇာတ်ကားတွေကို Yasuhisa Hara ရေးတဲ့ “Kingdom” Manga ကို အခြေခံပြီး ရိုက်ကူးထားတာပါ။ ၂၀၀၆ ခုနှစ်မှာရေးထားခဲ့တဲ့ Kingdom က အခုထိဇာတ်မသိမ်းသေးပါဘူး။ လက်ရှိအချိန်အထိ စုစုပေါင်း 70 volumes နဲ့ 768 chapters အထိ ထွက်ရှိထားပါတယ်။ Anime အနေနဲ့လည်း Studio Pierrot နဲ့ Studio Signpost ကနေ Season 1-4 (129 episodes) အထိထွက်ရှိထားပြီး Season 5 ကိုလည်း ဒီနေ့ကစပြီး ပြသတော့မှာပါ။ Live-Action အနေနဲ့လည်း ၂၀၁၉ ခုနှစ်ကတည်းက ရိုက်လာရင်း အခုဆိုရင် စတုတ္ထမြောက်ဇာတ်ကား Kingdom IV: Return of the Great General (2024) အထိရောက်ရှိလာပါပြီ။ ဂျပန်မှာ ဒီနှစ် ဇူလိုင်လကျရင် ရုံတင်ပြသသွားမှာဖြစ်ပါတယ်။ Kingdom Live-Action လေးကားစလုံးကို Alice in Borderland ရဲ့ဒါရိုက်တာ Sato Shinsuke ကပဲ ရိုက်ကူးထားတာဖြစ်ပါတယ်။ Kingdom III မှာ ပထမနှစ်ကားထဲက သရုပ်ဆောင်တွေပြန်ပါလာသလို Anne Watanabe, Yuki Yamada, Koji Yamamoto, Ainosuke Kataoka တို့လို သရုပ်ဆောင်အသစ်၊ ဇာတ်ကောင်အသစ်တွေပါလာပါတယ်။ ဇာတ်ဝင်သီချင်းဖြစ်တဲ့ “Gold (Until We Meet Again)” ကို Hikaru Utada ကဆိုပေးထားပါတယ်။ Kingdom III ကိုကြည့်ပြီးတာနဲ့ Kingdom IV ကို ဆက်ကြည့်ချင်ကြပါလိမ့်မယ်။ တကယ့်ကို ဆန့်တငင်ငင်နဲ့ဇာတ်သိမ်းသွားခဲ့တာမို့လို့ပါ။ စကားမစပ် စိတ်မကောင်းစွာနဲ့ပြောရရင် တောင်တန်းဘုရင်မ ရိုတန်ဝါ (Youtanwa) ကိုစောင့်မျှော်နေကြသူများအတွက်တော့ ဒီဇာတ်ကားထဲမှာလည်း (တကယ်) မပါသေးပါဘူး။ (ဒီဇာတ်ကားနဲ့အညွှန်းကို AK မှ ပြန်ဆို ရေးသားထားပါတယ်) Size – 2.05GB, 1GB Quality – 1080p, 720p IMDb Rating – 6.9/10 Format – mp4 Duration – 2H 9Min Genre – Action, History, War Subtitle – Myanmar Subtitle (Hardsub) Translated by AK Encoded by Y

Bonhoeffer: Pastor. Spy. Assassin (2024) IMDb Rating (6.3) / Rotten Tomatoes (64%) ဒီဇာတ်ကားကတော့ ဒုတိယကမ္ဘာစစ်မစမှီ စစ်ပွဲအစချီလာတဲ့ ကာလကို မှီငြမ်းပြီးရိုက်ကူးထားတဲ့ ဖြစ်ရပ်မှန်ပေါ်အခြေခံထားတဲ့ ဇာတ်လမ်းတစ်ပုဒ်ဖြစ်ပါတယ်။ အားလုံးသိကြတဲ့အတိုင်း ဒုတိယကမ္ဘာစစ်ဆိုတာကတော့ ဟစ်တလာရဲ့ ဒိဌိတွေကြားကနေ အစပျိုးလာတာပေါ့။ ဒီဇာတ်လမ်းထဲမှာတော့ ဂျာမနီမှာ ဟစ်တလာ အာဏာရလာပုံကို လူငယ်တစ်ယောက်နဲ့ ဇာတ်အိမ်တည်ပြီးတော့ ရိုက်ကူးတင်ဆက်ထားတာကိုတွေ့ရမှာပဲဖြစ်ပါတယ်။ ဇာတ်လမ်းအကျဉ်း ——————— ဒီထရစ်ဆိုတဲ့ လူငယ်လေးတစ်ယောက်ဟာ ငယ်ငယ်လေးကတည်းက အဆော့သန်တဲ့သူပါ။ အစ်ကိုကို အရမ်းချစ်တဲ့ဒီထရစ်ဟာ တစ်နေ့မှာ သူ့အစ်ကို စစ်မှုထမ်းဖို့အကြောင်းဖန်လာတာကိုတွေ့ခဲ့ပါတယ်။ စစ်ပွဲကနေ ပြန်မရောက်လာခဲ့တဲ့ ဒီထရစ်ဟာ သူ့အစ်ကိုအတွက် စိတ်မကောင်းဖြစ်ပြီး စစ်ပွဲတွေအကြောင်းကို လေ့လာခဲ့ပါတယ်။ အချိန်အတော်အတန်ကြာသွားတဲ့အချိန်မှာအမေရိကကိုရောက်သွားတဲ့ ဒီထရစ်ဟာ ဂျာမနီမှာ ဟစ်တလာတဖြည်းဖြည်းအာဏာရလာတာကိုသိသွားပါတယ်။ ဒီလိုနဲ့ အမေရိကမှာ ခရစ်ယာန်စစ်ဖြစ်သွားပြီး ဂျာမနီကို ပြန်ရောက်သွားတဲ့ ဒီထရစ်ဟာ ဂျာမနီမှာ ခရစ်ယာန်ဘာသာကိုတောင် မှားယွင်းတဲ့ဝါဒီကိုဖြန့်ပြီး လွှမ်းမိုးသွားတဲ့ ဟစ်တလာဝါဒကို ဘယ်လိုတိုက်ဖျက်မလဲဆိုတာကို ဒီဇာတ်ကားထဲမှာတွေ့မြင်ရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size…(1.8 GB) / (850 MB) Quality….WEB-DL 1080p HEVC / 720p Format…. mkv/mp4 Genre….Drama,History,War Duration….02:13:17 Subtitle….Myanmar Subtitle (Hardsub) Encoder….Double K Translated by Mark

ဒီရုပ်ရှင်ကတော့ လူတွေရဲ့လောဘအကြောင်းကို ပုံဖော်ထားတဲ့ ရယ်လည်းရယ်ရတဲ့ စပိန်ကားလေးတစ်ကားပါ အူနှိပ်ရယ်ရတဲ့ကားမျိုးတော့ မဟုတ်ဘူးနော် လူ့အဖွဲ့အစည်းကို လှောင်ထားတဲ့ထေ့လုံးတွေ ဇာတ်ကောင်တွေကြောင့် ပြုံးရတဲ့ အက်ရှင်ကားမျိုးပေါ့ ဂျူလီယာဆိုတဲ့ အိမ်ခြံမြေအကျိုးဆောင်က အခန်းတစ်ခန်းကို သွားပြရင်း မထင်မှတ်ပဲ သေသွားတဲ့ အဖိုးကြီးတစ်ယောက်ရဲ့ ငွေထုပ်ကြီးကို ရသွားတဲ့အခါမှ သူ သူဌေးမကြီးဖြစ်ပြီဆိုပြီး လောဘတွေ တက်လာတယ် ဖြစ်ချင်တော့ အဲဒီအဖိုးကြီးမှာ ပိုက်ဆံတွေရှိနေတာကို အဲဒီတိုက်မှာရှိတဲ့ သူတွေ အကုန်လုံးက သိနေကြပြီး သူသေသွားရင် အတူတူခွဲဝေယူကြမယ်ဆိုပြီး အစီအစဉ်ဆွဲထားကြတာပေါ့ လောဘနောက်လိုက်ကြရင်း တစ်ယောက်အသက်ကို တစ်ယောက် ရန်ရှာမိကြတဲ့အထိပေါ့ နောက်ဆုံးမှာ ပိုက်ဆံတွေကို ရသွားတဲ့သူက ဘယ်သူများဖြစ်မလဲ ဂျူလီယာတစ်ယောက် အသက်ရှင်ရက်နဲ့ အဲဒီတိုက်ထဲကနေ ထွက်လာနိုင်မှာလား ကဲ ကြည့်ကြည့်လိုက်နော် File size…(2.3 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre…Comedy, Thiller, Crime Subtitle….Myanmar Subtitle (Hardsub) Encoder….Swan Min Htet Translated by Bunny

Poison Ivy 2: Lily (1996) IMDb Rating (4.4) / Rotten Tomatoes (14%) Poison Ivy II: Lily ကတော့ Poison Ivy စီးရီးရဲ့ ဒုတိယမြောက် ရုပ်ရှင်ဖြစ်ပါတယ်။ ဒါရိုက်တာ Anne Goursaud နှင့် Chloe King မှရေးသားထားပါတယ် အဓိက မင်းသမီးကတော့ Lily အဖြစ် Alyssa Milano ဖြစ်ပါတယ်။ အခြားသရုပ်ဆောင်တွေကတော့ Xander Berkeley၊ Johnathon Schaech နဲ့ Belinda Bauer တို့ ပါဝင်ပါတယ်။ ဇာတ်လမ်းက Ivy နဲ့ဆိုင်တဲ့ ဒိုင်ယာရီဟောင်းကို ရှာတွေ့တဲ့ ရှက်တတ်တဲ့ အနုပညာကျောင်းသူ Lily အကြောင်းပါ။ အဲဒါကိုဖတ်ပြီးရာကနေ သူ ပြောင်းလဲလာတယ်။ သူ ပိုပြီး ယုံကြည်မှုရှိလာတယ်၊ ရဲရင့်လာပြီး ဆွဲဆောင်မှုရှိလာတယ်။ သူ စွန့်စားပြီး အန္တရာယ်ရှိတဲ့ ဆက်ဆံရေးတွေမှာ ပါဝင်နေပါတယ်။ ဒီဇာတ်ကားက အချစ်၊ ဆန္ဒ၊ အပြောင်းအလဲ တွေအကြောင်းပါ။ ယေဘူယျအားဖြင့် Poison Ivy II- Lily က သူရဲ့ရိုင်းစိုင်းတဲ့အခြမ်းကို ရှာဖွေတွေ့ရှိပြီး အမျိုးသမီးတစ်ဦးအကြောင်း စိတ်လှုပ်ရှားဖွယ်ရာ သည်းထိတ်ရင်ဖိုဇာတ်ကားဖြစ်ပါတယ်။ ဆွဲဆောင်မှုရှိတဲ့ ဒရာမာဇာတ်ကားဖြစ်လို့ ပရိသတ်တွေအတွက် ဖျော်ဖြေမှုတစ်ခုပါပဲ။ 18+ အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။ (အညွှန်းနဲ့ဘာသာပြန်ကတော့ Banyar aung ဖြစ်ပါတယ်။) File size…(2.6 GB) / (980 MB) Quality….Blu-Ray 1080p HEVC / 720p Format…. mkv/mp4 Genre….Drama,Romance,Thriller Duration….01:48:09 Subtitle….Myanmar Subtitle (Hardsub) Encoder….Alvar Translated by Banyar aung

ယခုတစ်ခေါက်တင်ဆက်ပေးမယ့် ဇာတ်ကားလေးကတော့ Action/War အမျိုးအစားဇာတ်ကားလေးပဲဖြစ်ပါတယ်.. ရုပ်ရှင်ပညာဆုပေါင်းများစွာရရှိထားပြီး အော်စကာဆု စကာတင်စာရင်းမှာ ပါဝင်ခဲ့ဖူးတဲ့ မင်းသားကြီး Eric Roberts ဟာ ဒီဇာတ်ကားလေးမှာ မဟာမိတ်တပ်ပေါင်းစုရဲ့ ဗိုလ်ချုပ်နေရာက ပါဝင်သရုပ်ဆောင်ထားပါတယ်…. ဒုတိယကမ္ဘာစစ်အတွင်း နော်မန်ဒီကမ်းတက်တိုက်ပွဲအတွက် ယူရီကာရေဒါအချက်ပြစနစ် နေရာချထားပေးရမယ့် လေထီးခုန်တပ်သားတွေရဲ့ သက်စွန့်စံဖျားကြိုးစားအားထုတ်မှုကို ရင်တထိတ်ထိတ်နဲ့ ကြည့်ရှုခံစားရမှာပဲဖြစ်ပါတယ်.. နာမည်ကျော် နော်မန်ဒီကမ်းတက်တိုက်ပွဲဟာ ဂျာမန်နာဇီဝါဒချုပ်ငြိမ်းဖို့အတွက် အရေးပါခဲ့တဲ့ တိုက်ပွဲတွေထဲက တစ်ခုဖြစ်ပြီး လေထီးခုန်တပ်ဖွဲ့တစ်စုဟာ ကမ်းတက်တိုက်ပွဲမတိုင်ခင်မှာပဲ တိုက်ပွဲအတွက်အရေးပါတဲ့ စစ်ဆင်ရေးပြုလုပ်ခဲ့ရပါတယ်.. ၎င်းတို့ဟာ ဂျာမန်များသိမ်းပိုက်ထားတဲ့ နယ်မြေအတွင်းသို့ ဝေဟင်မှတဆင့်စိမ့်ဝင်ပြီး စစ်မျက်နှာပြင်တစ်ခုဖွင့်ဖို့ ကြိုးစားရပါတယ်.. သို့သော်လည်း ပြင်သစ်နိုင်ငံရဲ့ ထူထဲလှတဲ့မြူဟာ လေထီးခုန်တပ်ဖွဲ့များ ဆင်းသက်ရာစုရပ် ရှာရေးဖွေရေးကို ကြီးစွာဒုက္ခပေးလျက်ရှိရာ ယူရီကာရေဒါအချက်ပြစနစ်ဟာ အဖြေတစ်ခုဖြစ်လာခဲ့ပါတယ်.. ထိုစနစ်ဟာ မြေပြင်မှာ သုံးရတာဖြစ်တဲ့အတွက်ကြောင့် လေထီးခုန်တပ်ဖွဲ့များအားလုံး မထိုးဖောက်မီ တပ်ကြပ်ကြီစတီးတို့တပ်စုဟာ ယူရီကာရေဒါ အချက်ပြစနစ်တပ်ဆင်ရေးအတွက် ကြိုတင်နေရာချထားခံရပါတယ်.. မြူဆိုင်းတဲ့ပြင်သစ်ရာသီဥတုရဲ့ ရက်စက်မှုကြောင့် ၎င်းတို့တပ်စုဟာ ဆင်းသက်ရာမြေပြင်ရှာမရဘဲ တစ်ယောက်တကွဲစီ ပြန့်ကျဲကာ နောက်ဆုံး လူ ၄ ယောက်သာ အသက်ရှင်နိုင်ခဲ့ပါတယ်. ဂျာမန်များစိုးမိုးရာ နယ်မြေအတွင်း ဌာနချုပ်နဲ့ပါ အဆက်အသွယ်ပြတ်သွားသူ ၄ ယောက်တည်း လှုပ်ရှားရတဲ့ ယူရီကာရေဒါအချက်ပြစနစ်တပ်ဆင်မှုစစ်ဆင်ရေးဟာ အောင်မြင်ဖို့ရာ အခွင့်အလမ်းနည်းပါးလာတဲ့နောက်မှာတော့… ဒီဇာတ်ကားလေးဟာဆိုရင် အပစ်အခတ်များ မြိုင်မြိုင်ဆိုင်ဆိုင်နဲ့ အက်ရှင်ကားချစ်သူများအတွက် ရွေးချယ်ကြည့်ရှုချင်စရာဖြစ်ပြီး စစ်မြေပြင်ရဲ့ မြင်ကွင်းတွေ အဆုံးအရှုံးများရပုံတွေကို မြင်တွေ့နိုင်လို့ စစ်ကားကြိုက်နှစ်သက်သူ ပရိသတ်များလည်း ရွေးချယ်ကြည့်ရှုနိုင်စေရန် ညွှန်းဆိုတင်ဆက်ပေးလိုက်ရပါတယ်ခင်ဗျ… File size… (1.25 GB) / ( 763 MB) Quality… WEB-DL 1080p HEVC /720p Format…mkv / mp4 Duration….1h 23m Genre …..Action , War Subtitle….Myanmar Subtitle (Hard Sub) Encoder….Min Wai Translated by Ye Thiha Htet