ဒီရုပ်ရှင်လေးဟာ 2016ခုနှစ်ကထွက်ရှိခဲ့တဲ့ Tomorrow I Will Date With Yesterday’s Youရုပ်ရှင်ကို ရိုက်ကူးခဲ့တဲ့ ဒါရိုက်တာတစ်ဦးတည်းကပဲရိုက်ကူးထားပြီး ကြည်ကြည်နူးနူး ဆွေးဆွေးမြေ့မြေ့ ခံစားရမယ့် ခံစားချက်vibeလေးကလည်းအတူတူပါပဲ။ ဇာတ်လမ်းအကြောင်းအရာကတော့ Toruဟာသူငယ်ချင်းဖြစ်သူအနိုင်ကျင့်ခံရတာကနေ ကယ်တင်ဖို့ဆိုပြီး Hinoဆိုတဲ့အတန်းဖော်ကောင်မလေးဆီ ချစ်ကြိုက်ကြောင်းဟန်ဆောင်ဝန်ခံခဲ့ရပါတယ်။ Hinoကလည်း Toruကိုရည်းစားအဖြစ်လက်ခံခဲ့ပေမယ့် စည်းကမ်းချက်လေးသုံးချက်ကိုတော့ လိုက်နာခိုင်းပါသတဲ့။ ၃ချက်ထဲက တစ်ချက်ကတော့ တကယ်ချစ်သွားလို့မရဘူး ဆိုတာပါပဲ။ နောက်ပြီး Hinoဆိုတဲ့အမျိုးသမီးလေးဟာ ကားမတော်တဆမှုတစ်ခုကြောင့် မှတ်ဉာဏ်အသစ်တွေမမှတ်နိုင်ဘဲ အိပ်ပျော်သွားတာနဲ့ ဒီနေ့အတွက်မှတ်ဉာဏ်တွေပျောက်သွားရသူပါ။ အဲ့ဒီနောက်မှာတော့................... File Size :(1.4GB) and (549MB) Quality :Blu-Ray 1080P5.1Ch,720p Format…mp4 Duration…02:01:00 Genre :Drama , Romance Subtitle : Myanmar Subtitle (Hard Sub) Translated by  Themes Encoded by Phyo Pyae

မြို့ငယ်လေးတစ်ခုက ရှိသမျှ‌လူတွေအားလုံးကို နာရီပိုင်းလောက်နဲ့ အသက်ဇီဝိန်ချွေသွားတဲ့ အဖြစ်အပျက်ကြီး အမေရိကားမှာ ဖြစ်ပေါ်ခဲ့ပါတယ်။ ဇာတ်ကားကိုပြောတာနော်။ တကယ်မဟုတ်ဘူး။ မနက်ခင်းကြီး မြို့ငယ်ကနေထွက်၊ ရည်းစားတစ်ကောင်နဲ့ ပရောပရည်လုပ်နေတဲ့ အယ်လ်အေက ညီမကို အတင်းအကျပ်ပြန်ခေါ်လာတဲ့ အစ်မကြီးလုပ်သူ ညနေခင်းအချိန် မြို့ထဲအရောက်မှာ လူတွေအားလုံး ပျောက်သူပျောက် သေ‌သူသေဖြစ်ကုန်ကြပါတယ်။ ညီအစ်မနှစ်ယောက်သား မြို့ထဲကပြန်ထွက်ဖို့ နည်းမျိုးစုံကြိုးစားပေမဲ့ ပိတ်မိသွားတဲ့အခါ... လူသားမျိုးနွယ်ရဲ့ မျိုးတုံး‌ပျက်သုဉ်းခြင်းကို ယူဆောင်လာနိုင်တဲ့၊ လူတွေလိုပဲ စဉ်းစားဉာဏ်အသိပညာနဲ့ Stranger thing (လူထူးသူစိမ်း) ကြီးကို အဏုဇီဝပညာရှင်တစ်ယောက်၊ ရဲအရာရှိတစ်ယောက်၊ ဆရာဝန်မတစ်ယောက်နဲ့ မနူးမနပ်အပျိုပေါက်မလေးတို့ လေးယောက်သား ဘယ်လိုရင်ဆိုင်ခဲ့သလဲဆိုတာ အထိတ်ထိတ်တလန့်လန့်ကြည့်ရှုရမယ့် ၁၉၉၈ က ဇာတ်ကားတစ်ကားပါ။ တစ်ခါတစ်ခါကျ ဇာတ်ကား Rating တွေထက် သရုပ်ဆောင်တွေက အလေးပိုသာသွားတဲ့အချိန်ရှိတတ်သလိုပဲ ဒီကားထဲပါတဲ့ သရုပ်ဆောင်များကတော့ နှယ်နှယ်ရရ မဟုတ်ပါဘူး။ ပထမဆုံး သရုပ်ဆောင်နဲ့ ဇာတ်ညွှန်းဆရာ Ben Affleck ကို မြင်တွေ့ရပါမယ်။ Pearl Harbor (2001) ရဲ့ မင်းသားကြီး၊ Good Will Hunting (1997) ရဲ့ သရုပ်ဆောင်နဲ့ ဇာတ်ညွှန်းရေးဆရာ၊ ရွှေကမ္ဘာလုံးဆု သုံးဆုရှင်ကြီးက ဦးဆောင်ပါဝင်ထားပါတယ်။ မင်းသမီးကတော့ Horror Films Queen ဖြစ်တဲ့ သရဲကားထိပ်ခေါင်တင် Rose McGowan ပါပဲ။ Scream (1996) နဲ့ Devil in the Flash (1998) တို့ရဲ့ အကြီးအကျယ်အောင်မြင်ခဲ့သူ မင်းသမီးကြီးပါ။ အခြား သရုပ်ဆောင်များအနေနဲ့ Lawrence of Arabia (1962) ရဲ့ မင်းသားကြီး Peter O'Toole ရယ်၊ Joanna Going တို့လိုသရုပ်ဆောင်များနဲ့ ဝေဝေဆာဆာရိုက်ကူးထားလို့ ကြည့်ရှုအားပေးသင့်တဲ့ ဇာတ်ကားဟောင်းလေးပါလို့... (ဒီဇာတ်ကားနဲ့အညွှန်းကို Arr Khun Winchester မှ ပြန်ဆို ရေးသားထားပါတယ်) Size - 1.85GB, 840MB Quality - 1080p, 720p IMDb Rating - 5.4/10 Format - mp4 Duration - 1H 36Min Genre - Horror, Sci-Fi, Thriller Subtitle - Myanmar Subtitle (Hardsub) Translated by Arr Khun Winchester Encoded by Y

Dogworld လို့လည်း လူသိများတဲ့ ဒီဇာတ်ကားလေးဟာ အက်ရှင်ကား ကောင်းကောင်းလေးတွေမှ ကြိုက်နှစ်သက်တယ်ဆိုတဲ့ သူတွေ လုံးဝ လက်မလွှတ်သင့်တဲ့ အီတလီ အက်ရှင် ဇာတ်ကားလေး ဖြစ်ပါတယ်။ ဘုရားသခင်ဆိုတာ ဘာမှန်းတောင် မသိတဲ့ သူငယ်ချင်း၂ ယောက် ပင်လယ်ထဲမှာ ငါးမျှားလိုက် ရေကူးလိုက်နဲ့ အိမ်ခြေရာမဲ့ လွင့်ချင်တိုင်း လွင့်နေခဲ့ကြတယ်။ သူတို့ရဲ့ အိပ်မက်က Ants ဆိုတဲ့ ဂိုဏ်းထဲကို ဝင်ပြီး လူမိုက်လုပ်ဖို့ပေါ့။ တစ်နေ့ အခွင့်အ‌ရေးတစ်ခုက သူတို့ဆီ ဆိုက်ရောက်လာတယ်။ စတိုးဆိုင်တစ်ခုကို မီးရှို့ပေးပြီး Ants အဖွဲ့ထဲကို ဝင်ခွင့်ရသွားတယ်။ နယ်မြေရဲတွေကလည်း Ants အဖွဲ့ကို လိုက်ဖမ်းနေတာ ၁ နှစ်ရှိပြီ တည်နေရာကို မသိရသေးဘူး။ လူဆိုးဂိုဏ်းထဲကို ရောက်သွားတဲ့ အရမ်းချစ်ကြတဲ့ သူငယ်ချင်း ၂ ဦးမှာ တစ်ဦးက လက်ရဲဇာက်ရဲ ဂိုဏ်းနဲ့ ကိုက်တယ်ပေါ့။ ကျန်တဲ့ တစ်ယောက်ကတော့ လူသတ်တာမျိုး မလုပ်ရဲဘူး။ ဒီလိုနဲ့ သူငယ်ချင်း ၂ ဦးကြား ဘယ်လို ပဋိပက္ခတွေ ဖြစ်လာမလဲ? သူတို့ချင်း ပြေလည်အောင် ဘယ်လို ဖြေရှင်းကြမလဲ? လူဆိုး ဂိုဏ်းကိုရော ရဲတွေက ဖမ်းမိနိုင်မှာလား? ဆိုတာတွေကို သိရအောင် ဇာတ်ကားလေးကို ကြည့်လိုက်ကြရအောင်နော် (ဇာတ်လမ်းအညွှန်းနဲ့ ဘာသာပြန်က Kit ပါ။) File Size : 2.1GB, 878MB, 395MB Quality : 1080p Blu-ray AC3 5.1CH, 720p Blu-ray, 480p Format : mp4 Duration : 1hr & 50mins Genre : Action, Sci-fi Translated by Kit Encoded by Kinnov

Tebus (2023) အန်နဟာ မီဒီယာတွေပေါ်မှာတော့ အရာရာပြည့်စုံပြီး ဆိုးသွမ်းနေတဲ့ ဆူချီလက်၀တ်ရတနာရဲ့ ဆက်ခံသူသူ‌ဌေးသမီးတစ်ဦးပေါ့။ ဒါပေမယ့်အဖေအရင်း ဆုံးပြီးတဲ့နောက်မှာ မပျော်မရွှင်နေနေရတဲ့အန်နရဲ့အဖြစ်ကို ဘယ်သူမှမသိကြပါဘူး။ အန်န့အဖေရဲ့ သူငယ်ချင်းလည်းဖြစ် လုပ်ဖော်ကိုင်ဖက်လည်းဖြစ်တဲ့ ဘာကာက အန်န့အဖေဆုံးပြီးတဲ့နောက် ဆူချီလုပ်ငန်းကို ဦးစီးလိုက်ပြီး အန်န့အမေနဲ့လက်ထပ်ကာ အန်နရဲ့အဖေအသစ်ဖြစ်လာပါတော့တယ်။ သူက ဂရုစိုက်တဲ့အဖေအဖြစ် ကြင်နာတတ်တဲ့ခင်ပွန်းကောင်းအဖြစ်နေနေပေမယ့် ထက်မြတ်တဲ့အန်နကသာ အဲ့မျက်နှာဖုံးအောက်မှာဘာရှိလဲ သိနေခဲ့ပါတယ်။ အန်န့အမေဟာလည်း ဘာကာရဲ့အယုံသွင်းခြင်းခံထားရတာမို့ အန်နပြောတာတွေလည်းနားမထောင်ပေးတော့ပါဘူး။ ဆူချီလက်၀တ်ရတနာဆိုင်တစ်ခုရဲ့ အရည်အချင်းရှိတဲ့လုံခြုံရေး၀န်ထမ်း ဂျိုဟန်ဟာ အကြောင်းကြောင်းကြောင့် အန်နရဲ့ကိုယ်ရံတော်တစ်ယောက်ဖြစ်လာပါတယ်။ ဂျိုဟန်ရဲ့ ညီလေးက နှလုံးမှာစက်တပ်ထားရပြီး နှလုံးအစားထိုးမခွဲစိတ်ရရင် နှစ်ပတ်အတွင်းသေဆုံးတော့မှာဖြစ်ပါတယ်။ ညီလေးအတွက် ဘယ်လိုအခွင့်အရေးမျိုးကိုမဆို အရယူမယ့် ဂျိုဟန် နဲ့ ပထွေးကို ရင်ဆိုင်တိုက်ခိုက်ရမယ့် အန်နတို့ နောက်ဆုံးမှာ ဘယ်လိုအဆုံးသတ်ကြမလဲဆိုတာကို စိတ်လှုပ်ရှားစရာအက်ရှင်ဇာတ်၀င်ခန်းတွေနဲ့ အတူ ဂျိုဟန်ရဲ့ညီလေးအပေါ်မေတ္တာကို ကြည်နူးဖွယ်ကောင်းစွာ ကြည့်ရှုရမှာပဲဖြစ်ပါတယ်။ Genre….. Action Quality…. 1080p | 720p File size… 1.9GB | 902MB Format… mp4 Duration…. 1h 52min Subtitle…. Myanmar Subtitle (Hardsub) Translator ….. Jane Encoder ….. Aaron

Moon Students (2023) ~ IMDb – 5.4/10, Rotten Tomatoes – 92% ~ သူငယ်ချင်းတစ်စုနဲ့ ဒုက္ခရောက်နေတဲ့ ပါမောက္ခတစ်ဦး Pandemic အတွင်း စိန်ခေါ်မှုတွေနဲ့ စာသင်နှစ်ကို ဖြတ်ကျော်ပြီး သူတို့ရဲ့စစ်မှန်တဲ့အသံတွေကို ရှာဖွေဖို့ ကြိုးစားတဲ့ ဇာတ်လမ်းဖြစ်ပါတယ်။ လူမျိုးရေးခွဲခြားတာတွေ၊ လူမည်းတွေအတွက် Black Lives Matter ကြိုးပမ်းမှုတွေနဲ့ Apollo 11 အာကာသယာဉ် လပေါ်ဆင်းသက်ခဲ့တာတွေကိုပါ ထည့်သွင်းပြီး အဆိုးဆုံးအချိန်တွေမှာတောင် ကိစ္စတွေပြီးအောင်လုပ်နိုင်တာ ကျော်လွှားနိုင်တာကို မက်ဆေ့ပေးထားပါတယ်။ အချိန်အပိုင်းအခြားတွေကို လပြည့် လဆုတ် Moon Phase တွေနဲ့ ယှဉ်ပြထားပါသေးတယ်။ ဇာတ်လမ်းအစမှာ COVID ကြောင့် Lockdown မချခင် အတန်းနောက်ဆုံးရက်မှာ ပါမောက္ခက ကျောင်းသား၂ယောက်ကို Presentation ပေးခိုင်းပါတယ်။ သူတို့၂ယောက်က မပြင်ဆင်ရသေးဘဲ အလွဲတွေဖြစ်တဲ့အတွက် ရုံးခန်းခေါ်ခံရပြီး ပြသာနာတက်ခဲ့ပါတယ်။ ဒီကျောင်းသားတွေရော ဆရာရောက ကိုယ်ချစ်ရတဲ့သူတွေ ကိုယ်စီ ဆုံးရှုံးထားသူတွေပါ။ သူတို့တွေရဲ့ ပူဆွေးမှု ကိုယ့်ကိုကိုယ်အပြစ်တင်မှုတွေကိုပါ ပေါ်လွင်အောင် ထည့်ထားပြီး ဗဟုသုတအစုံ ရသစုံပေးစွမ်းနိုင်တဲ့ ကားတစ်ကားလို့ ဆိုချင်ပါတယ်။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size – 2.25GB, 885MB Quality – 1080p, 720p IMDb Rating – 5.4/10 Format – mp4 Duration – 1H 49Min Genre – Adventure Subtitle – Myanmar Subtitle (Hardsub) Translated by Shune Lai KK Encoded by Y

တူရကီရုပ်ရှင်တွေထဲက Netflixမှာ လူကြည့်အများဆုံးနဲ့ နိုင်ငံတကာရုပ်ရှင်ဝေဖန်ရေးသမားတွေကအစ ချီးကျူးထားတဲ့ ဇာတ်ကားလေးတစ်ကားကို တင်ဆက်ပေးချင်ပါတယ်။ iMDbကိုယ်တိုင်ကိုက အော်စကာနဲ့ထိုက်တန်တဲ့ရုပ်ရှင်ကားလို့ ညွှန်းထားပြန်ပါတယ်။ လူတွေဟာ ကိုယ်မရခဲ့တဲ့အရာဆို သူများအတွက်ဖြည့်ပေးချင်ကြတာချည်းပါပဲ။ Mehmetဟာ အစ္စတန်ဘူးဆင်းရဲသားရပ်ကွက်မှာ ဘူးခွံပလုံးခွံတွေ ကတ်ထူစက္ကူတွေကို အမှိုက်ပုံးထဲကလိုက်ကောက်ရင်း ပိုက်ဆံစုကာ ကျောက်ကပ်အစားထိုးဖို့ အလှူရှင်ကိုစောင့်ဆိုင်းနေသူပေါ့။ တွယ်တာစရာ သိပ်မရှိလှပေမဲ့ ဘဝတူဆင်းရဲသားတွေနဲ့ ညီအစ်ကိုလိုနေရင်း ပတ်ဝန်းကျင်ကို ကူညီတတ်သူဖြစ်ပြီး အသက်ရှင်နေဖို့ သိပ်စိတ်ပါလှတယ်တော့မဟုတ်ပါဘူး။ တစ်နေ့တော့ ဆာလာအိတ်ထဲမှာ ၈နှစ်အရွယ်ကောင်လေးတစ်ယောက်ပါ လာပါတယ်။ ကောင်လေးကို ဘယ်ကလာလဲ မင်းအိမ်ဘယ်မှာလဲမေးပေမဲ့ ခေါင်းတွင်တွင်ခါရင်း ကျွန်တော်ပိုက်ဆံရှာချင်တယ် အမေ့ကိုကယ်မယ်ပဲ ပြောနေပါတယ်။ Mehmetလည်း ကောင်လေးကို ခဏခေါ်ထားပြီး နောက်မှ သူ့အမေဆီပြန်ပို့မယ်ဆိုတဲ့အကြံနဲ့ ခဏတာလက်ခံထားပြီးနောက်မှာ သူ့ဘဝဟာ ပြောင်းလဲသွားပါတော့တယ်။ Spoilerမမိစေချင်တာကြောင့် ဒီအထိပဲပြောပြပါရစေ။ ငယ်ဘဝစိတ်ဒဏ်ရာတွေ၊ ဆေးသုံးစွဲမှုတွေ၊ အသက်အန္တရာယ်ကို ခြိမ်းခြောက်နေတဲ့ စိတ်အခြေအနေတွေ၊ ဆင်းရဲနွမ်းပါးမှုတွေနဲ့ပုံဖော်လို့ သရုပ်ဆောင်တွေရဲ့ သရုပ်ဆောင်စွမ်းရည်တင်မက ရုပ်ရှင်ဓာတ်ပုံပိုင်းကပါ ဒီဇာတ်ကားကို အပြည့်ဖြည့်ပေးထားပါတယ်။ ပြောစရာတစ်ခုရှိတာကတော့ သီချင်းတစ်ပုဒ်ကို စောစီးစွာအသုံးပြုထားခြင်းပါပဲ။ ဒါပေမဲ့ ဒီဇာတ်လမ်းကို ဆုံးအောင်ကြည့်မယ်ဆိုရင် ဒီသီချင်းကို ဘာလို့သုံးခဲ့လဲဆိုတာကို နားလည် ပေးနိုင်မယ်ထင်ပါရဲ့။ ရုပ်ရှင်အဆုံးဟာ လုံးဝကိုခမ်းနားပြီး အစပိုင်းမှာ နားမလည်နိုင်ခဲ့တဲ့သရုပ်ဆောင်မှုတွေကို ဒါကဒီလိုပါလာဆိုပြီး စေ့စေ့တွေး ရေးရေးပေါ်စေပါလိမ့်မယ်။ ဒီ ၁ နာရီနဲ့ ၃၇ မိနစ်ဟာ လုံးဝနောင်တမရစေမယ့်အချိန်လို့ အာမခံပါတယ်ခင်ဗျာ။ File size…1.47GB / 737MB Quality…WEB-DL 1080p 5.1 CH/ 720p Format…mp4 Duration….1h 36m Genre ….. Drama Subtitle….Myanmar Subtitle (Hard Sub) Encoder….Min Wai Translated by Jane

{21+} During My Wife Pregenancy [JUQ-016] ============================================ အသက်ကြီးလေ လှသွေးကြွယ်လေဆိုတာ မင်းသမီးRiriko Kinoshitaကို ပြောတယ်ပဲပြောရပါမယ်… ဝိုင်းစက်ရွှန်းလဲ့နေတဲ့ မျက်ဝန်းတွေက ထွက်နေတဲ့ညို့ဓာတ်တွေ ခန္ဓာကိုယ်ရဲ့ အချိုးအစားကျနနေမှုတွေနဲ့အတူ ဝင်းလဲ့တောက်ပနေတဲ့အသားရည်တွေကြောင့် ၄၀နီးပါးမမဆိုတာ မထင်ရက်စရာပါပဲ…. ခုဇာတ်ရုပ်မှာဆိုလဲ သူမရဲ့ မျက်ဝန်းတွေရဲ့အသက်ဝင်မှုကို အကြင်နာပို သနားဟန်နဲ့အတူ မြင်တွေ့ရဦးမှာပါ နှစ်ချို့ဝိုင်လို ချိုမြနေစေမဲ့ မမရဲ့အလှတွေကို ခံစားလိုက်ကြပါဦးဗျာ… (Dark Side Production မှ တင်ဆက်သည်။) Dark Side Production Facebook Page ခနခနပျက်နေတာကြောင့် Telegram https://t.me/Darksideproductionmm မှာ Join ထားပေးကြပါ။

After the Storm (2019) ဒီရုပ်ရှင်လေးထဲမှာတော့ သူတစ်ပါးကိုကူညီတတ်တဲ့ ကျောင်းဆရာမလေးနဲ့ တစ်နယ်တည်းသားချင်း နယ်ခံလက်သမားလေးတို့ကြားက အချစ်ဇာတ်လမ်းလေးတစ်ပုဒ်နဲ့အတူ ကျေးလက်ရဲ့ အငွေ့အသက်၊ သာယာလှပမှုတို့ကိုပါ ပူးတွဲခံစားရမှာပဲဖြစ်ပါတယ်။ တစ်နေ့မှာ ကျေးလက်ဒေသလေးတစ်ခုဟာ သူတို့ရဲ့သမိုင်းမှာ အပြင်းထန်ဆုံးဖြစ်လာခဲ့တဲ့ လေမုန်တိုင်းတစ်ခုနဲ့ကြုံတွေ့ခဲ့ရပြီး များပြားလှစွာသော အပျက်အစီးတွေကြားရောက်ခဲ့ရပါတယ်။ သေသူ‌ကသေ၊ ထိခိုက်ဒဏ်ရာရသူကရ၊ အိမ်ပြိုသူကပြိုနဲ့ အတော်လေးကိုကမောက်ကမဖြစ်နေတဲ့ အချိန်ကာလတစ်ခုဖြစ်နေခဲ့တယ်။ မုန်တိုင်းရဲ့ဒဏ်ကို အကြီးအကျယ်ခံလိုက်ရတဲ့သူတွေထဲမှာ လော်ရန်ဆိုတဲ့ကျောင်းဆရာမလေးတစ်ယောက်လည်း အပါအဝင်ဖြစ်တယ်။ လော်ရန်ဟာ ချောင်လည်တဲ့စီးပွားရေးသမားတစ်ဦးဖြစ်တဲ့ ဒန်နဲ့စေ့စပ်ထားတဲ့မိန်းကလေးတစ်ယောက်ဖြစ်တယ်။ မုန်တိုင်းကျတဲ့အချိန်မှာ ဒန်ဟာ ဩစတေးလျကို အလုပ်ကိစ္စနဲ့ရောက်နေပြီး လော်ရန်ကတော့ ကိုယ့်အိမ်ကိုယ့်ရာရဲ့ တင်းကုပ်ထဲမှာရှိနေခဲ့တယ်။ မနက်မိုးလင်းထွက်အကြည့်မှာတော့ သူ‌တို့မိသားစုလက်ဆင့်ကမ်းခဲ့ကြတဲ့ သူ့ရဲ့အိမ်လေးဟာ ရာသီဥတုရဲ့ဆိုးရွားတဲ့ရိုက်ချက်မှာ အထိနာခဲ့တာကို တွေ့လိုက်ရပါတော့တယ်။ လော်ရန်ဟာ စိတ်ဓာတ်မကျပဲ နွေရာသီအားလပ်ချိန်လည်းဖြစ်တာကြောင့် သူ့အိမ်ကို သူကိုယ်တိုင်ပြန်ဆောက်မယ်လို့ ဆုံးဖြတ်လိုက်ပါတော့တယ်။ ပြန်လည်တည်ဆောက်ရေးလုပ်ငန်းစဉ်မှာ အဝေးရောက်သူတို့သားလောင်းရဲ့ သူ့နည်းသူ့ဟန်နဲ့ သူကောင်းမယ်ထင်သလို လော်ရန့်ကို ကူညီပေးလိုက်တာဟာ သူတို့ကြားကအချင်းချင်းနားလည်မှုနဲ့ ဆက်ဆံရေးအခြေအနေကို အလင်းပွင့်စေခဲ့တယ်။ တစ်ဖက်မှာတော့ လော်ရန်နဲ့ အတိတ်မှာဇယားလေးတွေရှိခဲ့ကြဖူးတဲ့ တစ်နယ်တည်းသား မောင်ကော်လင်းဟာ စိတ်ပါလက်ပါ ထဲထဲဝင်ဝင် ရပ်ကွက်‌ဒေသပြန်လည်ထူထောင်ရေး၊ ရှာဖွေကယ်ဆယ်ရှင်းလင်းရေးတို့မှာ အားတက်သရော ပါဝင်လှုပ်ရှားနေခဲ့တာဖြစ်တယ်။ လော်ရန် သူ့မိသားစုအိမ်ကိုပြန်ဆောက်တဲ့ကိစ္စမှာလည်း လော်ရန့်စိတ်သဘောကို သူနားလည်ပြီး သူကိုယ်တိုင် လူအင်အားဖြည့်ပေးမယ်လို့ စပြီး အကြိမ်ကြိ‌မ်ကမ်းလှမ်းခဲ့တယ်။ အချိန်ကြာလာတာနဲ့အမျှ ပြန်လည်ရင်းနှီးလာကြပြီး အရင်ကကျန်သေးတဲ့မီးပွားစလေးတွေ တောက်လောင်လာခဲ့တယ်။ ဆိုတော့ လော်ရန်တစ်‌ယောက် နောက်ဆုံးမှာ ဘယ်သူ့ကိုရွေးမှာလဲ၊ ဘယ်လိုဆုံးဖြတ်ချက်ချမလဲဆိုတာကတော့ အားလုံးအတူ လိုက်ပါကြည့်ရှုလိုက်ကြရအောင်။ (ဒီဇာတ်ကားနဲ့အညွှန်းကို Jina မှ ပြန်ဆို ရေးသားထားပါတယ်) Size – 1.6GB, 722MB Quality – 1080p, 720p IMDb Rating – 5.4/10 Format – mp4 Duration – 1H 31Min Genre – Romance Subtitle – Myanmar Subtitle (Hardsub) Translated by Jina Encoded by Y

Hellraiser: Inferno (2000) (function(f,b,n,j,x,e){})(); ရှေ့က Hellraiser တွေနဲ့ အများကြီးကွဲထွက်နေတဲ့ ဇာတ်ကားလေးပါ။ Body Horror ထက် ဇာတ်လမ်းအသားပေး Horror, Mystery, Crime ဇာတ်ကား ဆန်နေပါတယ်။ Cenobite တွေပါပြီး ငရဲအကြောင်းကို ခပ်ပါးပါးပြောပြသွားတာကလွဲပြီး စုံထောက်ကားပါပဲ။ ဒါရိုက်တာကတော့ Dr. Strange နဲ့ အခြား Sinister လို၊ The Exorcism of Emily Rose လို နာမည်ကျော် Horror ဇာတ်ကားတွေကို ကိုယ်တိုင်ရေး ကိုယ်တိုင် ရိုက်ကူးထားတဲ့ Scott Derrickson ပါ။ Saw Franchise ရဲ့ Spiral ဇာတ်ကားက ဒီဇာတ်ကားကို မှီးထားတာလို့လည်း ပြောကြပါတယ်။ ဇာတ်လမ်းက အကျိုးအကြောင်းနဲ့ ယုတ္တိဗေဒကိုလက်ကိုင်ထားပြီး အရာတိုင်းကို အဖြေရှာရတာကို စွဲလန်းနေတဲ့ စုံထောက်တစ်ယောက် သေတ္တာနဲ့ တွေ့သွားတဲ့ အကြောင်းပါ။ Hellraiser အကြောင်းကို သိမထားရင်တော့ အဆုံးသတ်ကို နားလည်ဖို့အဆင်မပြေပါဘူး။ Hellraiser Franchise ရဲ့ ငါးကားမြောက်ဇာတ်ကားဖြစ်ပြီး ကျွန်တော့်အမြင်အရတော့ ရှေ့ကထွက်ဖူးသမျှထဲဇာတ်ကားတွေနဲ့ယှဉ်ရင် အကောင်းဆုံးလို့ ပြောချင်ပါတယ်။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size – 2.45GB, 930MB Quality – 1080p, 720p IMDb Rating – 5.4/10 Format – mp4 Duration – 1H 39Min Genre – Crime, Horror, Mystery Subtitle – Myanmar Subtitle (Hardsub) Translated by 666 Encoded by Y

Charulata ( 1964 ) ဆတ္တရာဂျစ်ရေးရဲ့ Charulata ဟာ တဂိုးလို့သိကြတဲ့ ဘင်္ဂါလီကဗျာဆရာ ရာဘင်္ဒြာနတ်တဂိုး ၁၉၀၁ခုနှစ်တုန်းက ရေးသားခဲ့တဲ့ ဝတ္တုဖြစ်တဲ့ Nastanirhခေါ် The Broken Nestဆိုတဲ့ ဝတ္တုကို ပြန်ရိုက်ထားတယ်။ Charulataကို ရေးရဲ့အကောင်းဆုံးလက်ရာတွေထဲက တစ်ကားလို့ဆိုကြသလို the greatest films ever made စာရင်းထဲ မကြာမကြာ ပါတတ်တဲ့ ရုပ်ရှင်ဆိုလည်း ဟုတ်တယ်။ တဂိုးရဲ့ ဝတ္တုမှာတော့ Charulataကို ၁၉ရာစုမှာ ဇာတ်အိမ်တည်ထားပေမဲ့ ရေးကတော့ ၁၈၉၇မှာ ဇာတ်အိမ်ပြောင်းတည်ခဲ့တယ်။ ဒီလိုတည်ဖို့လည်း ရေးအနေနဲ့ သမိုင်းနောက်ခံတွေကို လပေါင်းများစွာ လေ့လာခဲ့ရတယ်။ တကယ်ရိုက်တဲ့အခါမှာလည်း ၁၈၈၀ခုနှစ်ရဲ့ အိန္ဒိယကို ပုံဖော်နိုင်တဲ့ ဆက်တင်တွေဖြစ်အောင် အကုန်လုံး ပြင်ဆင်ရိုက်ကူးခဲ့တယ်။ ရေးအတွက် Charulataဟာ သူ့ရုပ်ရှင်ရိုက်သက်တမ်းတစ်လျှောက်မှာ deadline မသက်မှတ်ထားခဲ့တဲ့ ပထမဆုံးကားဖြစ်ခဲ့သလို သူကိုယ်တိုင်ကလည်း သူ့ကားတွေထဲက သူ့အကြိုက်ဆုံးကားလို့ ပြောခဲ့ဖူးတယ်။ ဆတ္တရာဂျစ်ရေးဟာ တဂိုးတည်ထောင်ခဲ့တဲ့ Visva-Bharati University မှာ ကျောင်းတက်ခဲ့တဲ့သူဖြစ်သလို တဂိုးဟာလည်း ကျွန်တော်တို့သိတဲ့ ဘင်္ဂါလီကဗျာဆရာတွေထဲ အကြီးကျယ်ဆုံးဖြစ်သလို ရေးကိုယ်တိုင်ကလည်း ဘင်္ဂါလီဒါရိုက်တာတွေထဲ အကြီးကျယ်ဆုံးသူဖြစ်နေတော့ တဂိုးရဲ့ဝတ္တုကို ရေးကရိုက်တဲ့ ဒီကားရဲ့အတွဲအဖက်က မဆန်းပြားရင်တောင် ထူးခြားနေတယ်ပြောရမယ်။ ဒီကားအရှေ့မှာလည်း ရေးဟာ နီရူးရဲ့ ထောက်ပံ့မှုနဲ့ Rabindranath Tagoreဆိုတဲ့ တဂိုးဒိုကူမန်ထရီကိုလည်း ရိုက်ခဲ့သေးတယ်။ Charulataဟာ ရေးရဲ့ ရုပ်ရှင်ရိုက်ကူးရေးဘဝမှာ တစ်ဆစ်ချိုးလို့ပြောလို့လည်းရတယ်။ Charulataမတိုင်ခင်မှာ ရေးဟာ မျက်မှောက်ခေတ်အိန္ဒိယလူနေမှုဘဝကို ပုံဖော်ခဲ့တာမျိုးမရှိခဲ့ပေမဲ့ Charulataနှောင်းပိုင်းမှာတော့ ရေးဟာ သိပ္ပံစိတ်ကူးယဉ်တွေ စုံထောက်ဇာတ်လမ်းတွေရိုက်လာတယ်။ ဒီကားတွေထဲမှာ ရေးဟာ သူ့မျက်မှောက်ခေတ်က အိန္ဒိယကိုလည်း ပုံဖော်ခဲ့တယ်။ ရေးရဲ့ရုပ်ရှင်တွေဟာ ရွှေရောင်ခရုတစ်ကောင်လို တရွေ့ရွေ့ချင်းသွားနေတယ်လို့ တစ်ချို့ကပြောကြသလို ဝေဖန်ရေးသမားတစ်ချို့ကလည်း ဒီလိုရိုးရှင်းတဲ့ ဇာတ်အိမ်မှာ ဒီလိုတရွေ့ရွေ့ချင်းသွားတာမျိုးကို ဝေဖန်ခဲ့ကြတယ်။ အကီရာ ကူရိုဆာဝါကတော့ ရေးဘက်ကနေ ကာပြောပေးခဲ့တဲ့စကားကတော့ ရေးရဲ့ရုပ်ရှင်တွေက အထနှေးတာမဟုတ်ဘူး။ ရေးဟာ သူ့ရုပ်ရှင်တွေကို မြစ်ကြီးတစ်စင်းစီးဆင်းနေသလို ရိုက်ထားတာလို့ ကာကွယ်ပေးခဲ့တယ်။ Charulataဟာ ဘင်္ဂါလီတွေရဲ့ ခေတ်သစ်ဖြစ်လာတော့မယ်အချိန်အစမှာ ဇာတ်အိမ်တည်ထားတယ်။ ဒီကာလကို Bengal Renaissanceလို့ခေါ်ပြီး ဒီကာလမှာ ဘင်္ဂါလီတွေရဲ့ နိုင်ငံရေး လူမှုရေး ပညာရေး ယဉ်ကျေးမှု အနုပညာတို့မှာ အပြောင်းအလဲတွေ စဖြစ်လာနေပြီ။ ရေးကတော့ အဓိကကျတဲ့ ဒီအပြောင်းအလဲတွေအကုန်လုံးကို Charulataမှာ သိသိသာသာရော မသိမသာပါ ထည့်သွင်းပြသွားခဲ့တယ်။ ဒါပေမဲ့ သူထည့်သွင်းပြပုံကလည်း ဒီထဲက အဓိကဇာတ်ကောင်၃ကောင်ကို တစ်ကောင်ကို တစ်ခုနှုန်းကို သူတို့ဇာတ်ကောင်တွေရဲ့ ယုံကြည်ချက် ခံယူချက် ခံစားချက်တွေထဲ ထည့်သွင်းပြီး ပြသွားတယ်လို့ပြောရမယ်။ တစ်ခုထက်ပိုသွားတဲ့ ဇာတ်ကောင်တွေလည်းရှိခဲ့တယ်။ ဇာတ်ရဲ့ အဓိကကတော့ ချာရူလတ္တာလို့ခေါ်တဲ့ သူ့ဇာတ်ကောင်တွေအားလုံးရဲ့ ဗဟိုတည့်တည့်မှာ ရပ်နေတဲ့ဇာတ်ကောင်ပါပဲ။ နိုင်ငံရေးသတင်းစာတိုက်ထောင်ပြီး နိုင်ငံရေးအပြောင်းအလဲကို ဖန်တီးချင်နေတဲ့ ချာရူလတ္တာရဲ့ ယောက်ျားဘူပါတီနဲ့ ကျောင်းပြီးစ အနုပညာကို ရူးသွပ်ပြီး ဘဝကိုပေါ့ပေါ့ပါးပါးပဲ ဖြတ်သန်းချင်တဲ့ သူ့ယောက်ျားရဲ့ ညီဝမ်းကွဲ အာမယ်တို့ကြားမှာ ချာရူလတ္တာရဲ့ အထီးကျန်ဆန်တဲ့ဇာတ်ကောင်ဟာ ရပ်တည်နေခဲ့တယ်။ ဒီဇာတ်ကောင်၂ခုလုံးကိုလည်း ချာရူလတ္တာဇာတ်ကောင်ဟာ ဆန့်ကျင်နေခဲ့တယ်။ ဇာတ်ကောင်တွေရဲ့ အတွင်းစိတ်ရဲ့ ရှုပ်ထွေးမှုနဲ့ ဇာတ်ရဲ့ရိုးရှင်းမှုကြားမှာ ရေးဟာ သူ့ဝသီအတိုင်းပဲ အရေးပါတဲ့တစ်ချို့အရာတွေကို ချန်လှပ်ခဲ့တဲ့ဟန်ကိုလည်း သုံးထားဆဲပဲ။ ဒီကားမှာ သတင်းစာတိုက်လုပ်ငန်းဟာလည်း အဓိကကျတဲ့ သက်မဲ့အရာတစ်ခုအဖြစ် ရပ်တည်နေတော့ မဂ္ဂဇင်းအယ်ဒီတာ လုပ်ဖူးတဲ့ရေးက ဒီသက်မဲ့အရာကိုသုံးပြီး သူပြချင်တဲ့ Bengal Renaissanceကိုပါ ပေါ်အောင်ပြနိုင်ခဲ့တယ်။ သေချာတာတော့ ချာရူလတ္တာရဲ့ ဇာတ်ကောင်ပုံစံဟာ အဲဒီဘက်ခေတ်က ဘင်္ဂါလီမှာဖြစ်ဖြစ် အိန္ဒိယမှာဖြစ်ဖြစ် တော်ရုံရိုက်ပြကြမယ့် ဇာတ်ကောင်ပုံစံမျိုးမဟုတ်ခဲ့ဘူး။ ဒီဘက်ခေတ်အထိလည်း ဖြစ်ကောင်းဖြစ်နိုင်ပါတယ်။ ဝေဖန်ရေးသမားတစ်ချို့ကလည်း ချာရူလတ္တာဟာ စိတ်နဲ့နှလုံးသားအတွက် လိုအပ်တဲ့ကားမျိုးလို့ ပြောကြတယ်။ သေချာတာကတော့ ချာရူလတ္တာဟာ တဂိုးဝတ္တုကို ရေးက အသက်အဝင်ဆုံးဖြစ်အောင် ပုံဖော်ထားတဲ့ ရုပ်ရှင်ပါပဲ။ အညွှန်း နဲ့ ဘာသာပြန်ကတော့ WiRa Aung ပဲ ဖြစ်ပါတယ်။ Genre….. Drama, Romance Quality…. 1080p | 720p File size… 2.8GB| 1.3GB Format… mp4 Duration….1h 57min Subtitle…. Myanmar Subtitle (Hardsub) Translator ….. WiRa Aung Encoder ….. Aa ron

Sex Tape (2014) မင်းသမီး Cameron Diaz နဲ့ မင်းသား Jason Segel တို့ပါဝင်ပြီး ပွဲကြမ်းထားတဲ့ ဟာသဇာတ်ကားလေးပါ။ ဇာတ်လမ်းကတော့ လင်မယားတွေဖြစ်ကြတဲ့ Jay နဲ့ Annie တို့ဟာ ကလေးတွေမရှိတုန်း ငယ်မူပြန် ပွဲကြမ်းကြတာကို Video ရိုက်ထားမိကြပါတယ်… ဒီ Video ကြီးကို အမှတ်မထင်ဘဲ iPad တွေကို Sync လုပ်မိရာကတစ်ဆင့် Cloud ကနေ တခြားလူတွေဆီ ရောက်သွားပါတော့တယ်။ အစက ဒါကို သတိမထားမိသေးပဲ Jay ဖုန်းကို တစ်စုံတစ်ယောက်က အဲ့ဒါနဲ့ပတ်သတ်ပြီး စာပို့တော့မှ သတိထားမိတာပါ။ ဘယ်သူပို့လည်းတော့ မသိပါဘူး။ ဒါကြောင့် Annie နဲ့ Jay တို့ နှစ်ယောက် iPad ပေးထားတဲ့သူတွေဆီသွားပြီး အဲ့ဒီ ဗီဒီယိုဖိုင်ကို ဖျက်ဖို့ကြိုးစားကြရင်း message ကို ဘယ်သူပို့လည်းဆိုတာ စုံစမ်းပါတော့တယ်။ သူတို့နှစ်ယောက် iPad တွေ ပြန်ယူဖို့ကြိုးစားကြပုံကို ဟာသရောနှောကာ ရိုက်ကူးတင်ဆက်ထားပြီး အဲ့ဒီ စာပို့သူဟာ သူတို့ မထင်ထားတဲ့သူတစ်ယောက်ဖြစ်ပြီး ဘယ်လိုတွေဖြစ်ပျက်မလည်းဆိုတာကို ရယ်ကာမောကာကြည့်ကြရမှာပါ။ (R Rated ဇာတ်ကားမလို့ မိသားစုနဲ့ကြည့်ဖို့တော့ အဆင်မပြေလောက်ပါဘူး။)

2023ကထွက်ရှိထားတဲ့ စပိန်ဒရာမာရုပ်ရှင်လေးကို တင်ဆက်ပေးလိုက်ပါတယ်။ နာတာလီယာက အာဖရိကဘက်ကတချို့စစ်ဖြစ်တဲ့နေရာတွေကနေပြေးရှောင်လာတဲ့ စစ်ဘေးရှောင်ခိုလှုံသူတွေပြောပြတဲ့စကားတွေကို ဘာသာပြန်ပေးတဲ့ ဘာသာပြန်ဆရာမပါ။ သူတို့ချစ်ရသူတွေဆုံးရှုံးခဲ့ရတဲ့အကြောင်းတွေ၊ သူတို့ရဲ့ခက်ခဲမှုတွေ၊ နာကျင်ခံစားမှုတွေအကြောင်းပြောပြတာကို ဘာသာပြန်ဖြစ်တဲ့နာတာလီယာက အမြဲနားထောင်နေခဲ့ရတာပေါ့။ ဒီလိုအကြောင်းတွေပဲ နေ့စဉ်ရက်ဆက်ကြားလာရတဲ့အခါ သူလဲကြာကြာခံနိုင်ရည်မရှိခဲ့ပါဘူး။ နောက်ဆုံး ထိုအလုပ်ကထွက်လာခဲ့ပြီး မြို့ကြီးပြကြီးနဲ့ဝေးလံနဲ့နယ်မြို့‌လေးတစ်မြို့မှာ အခြေချဖို့စဉ်းစားခဲ့တယ်။ ဒါပေမဲ့ ထိုမြို့လေးမှာကလဲ သူထင်သလောက်တော့ လွယ်လွယ်ကူကူအဆင်မပြေတဲ့အခါမှာတော့ သူဘာလုပ်မလဲ? ထိုမြို့ကလူထုနဲ့ဝင်ဆံ့နိုင်အောင်ဘယ်လိုကြိုးစားမလဲဆိုတာ ကြည့်ရှုလိုက်ကြပါဦး။ File size…(1.8 GB)/(1.5 GB) Quality….Webrip HEVC 1080p / 720p Format…mp4/ mkv Duration….01:48:00 Genre… Drama, Romance Subtitle….Myanmar Subtitle (Hardsub) Encoder….Swan Min Htet Translated by Mastero

ဒီတခါတင်ဆက်ပေးမှာကတော့ မူခင်းရုပ်ရှင်ဇာတ်ကားလေးပါပဲ သည်းထိတ်ရင်ဖိုကြိုက်သူတွေ မူခင်းစုံထောက်ကားကြိုက်တဲ့သူတွေအတွက်တော့ အကြိုက်တွေ့မဲ့ဇာတ်ကားတစ်ကားလို့ထင်မြင်မိပါတယ် ဇာတ်လမ်းအညွန်းကတော့ ရှင်းပြလို့မရနိုင်တဲ့ မီးလောင်မှုတစ်ခု၊ ဘယ်သူမှန်းမသိရတဲ့ အမျိုးသမီး အလောင်းတစ်လောင်း နဲ့ ဘယ်ကလာမှန်းမသိတဲ့ ငွေညှစ်စာတစ်စောင်တို့က အပြစ်ကင်းတဲ့ ဟိုတယ်ပိုင်ရှင် တုန်းဟုန်လျှန်ရဲ့ ငြိမ်းချမ်းတဲ့ ဘဝကို အဆုံးမရှိတဲ့ အနက်ရှိုင်းဆုံး တွင်းထဲကိုဆွဲချသလိုဖြစ်သွားခဲ့တယ် ဒီအမှုကို ရဲအရာရှိ ရဲဝမ်ထောင်ရဲ့ ပါဝင်ပတ်သက်မှုကတဆင့်ပြီးတော့ သဲလွန်စတွေက အခုထိကို မဖြေရှင်းရသေးတဲ့ အမှုဟောင်းတခုဆီကိုပါ ဆက်လက်ဦးတည်သွားခဲ့ပါတော့တယ် ဒီလိုအရှုပ်အထွေးတွေရဲ့ နောက်ကွယ်က အမှန်တရားကဘာများဖြစ်နေမလဲ သတ်ဖြတ်မှုတွေကရော အဆုံးသတ်နိုင်ပါ့မလား ???

Kryptic (2024) IMDb Rating (4.3) / Rotten Tomatoes (63%) ကေးဟောလ်ဟာ အမျိုးသမီးတောင်တက်အဖွဲ့တစ်ဖွဲ့နဲ့အတူ ခရီးစဉ်တစ်ခုအတူလိုက်ပါခဲ့ရင်း တောအုပ်ထဲမှာလူကွဲသွားရာကနေ ထူးဆန်းပြီး ပဟေဠိဆန်တဲ့ သတ္တဝါတစ်ကောင်နဲ့ရင်ဆိုင်တွေ့ခဲ့ပြီး မှတ်ဉာဏ်တွေပျောက်ဆုံးသွားခဲ့ပါတယ်။ သေချာတာ တစ်ခုကတော့ သူဟာ အရင်က ဒီနားတစ်ဝိုက်မှာ ပျောက်ဆုံးသွားခဲ့တဲ့၊ ပဟေဠိဆန်တဲ့သတ္တဝါဆိုင်ရာကျွမ်းကျင်သူ ဘာ့ဘ်ဗယ်လင်တိုင်းဆိုသူနဲ့ တစ်ထေရာတည်းတူနေတယ်ဆိုတာပါပဲ။ အဲ့ဒီတစ်ခုကလွဲလို့ သူကိုယ်တိုင် ဘယ်သူဘယ်ဝါလဲ ဘာအလုပ်လုပ်လဲဆိုတာ မမှတ်မိတော့တဲ့အတွက် ဘာ့ဘ်ဗယ်လင်တိုင်း ပျောက်ဆုံးသွားခဲ့တဲ့ ခရီးစဉ်အတိုင်းခြေရာကောက်လိုက်ရှာဖို့ကြိုးစားပါတော့တယ်။ အဲ့ဒီအချိန်မှာ သူမြင်မြင်လာတတ်တဲ့ အိမ်မက်ဆိုးဆန်ဆန်၊ တစ်ခါတစ်လေကျတော့လည်း ရမ္မက်သွေးကြွစရာ ပုံရိပ်တွေ၊ အမြင်တွေဟာ လက်ရှိဖြစ်ရပ်တွေနဲ့ဘယ်လိုပတ်သက်နေလဲ၊ သူနဲ့ရင်ဆိုင်ခဲ့တဲ့ ထူးဆန်းတဲ့သတ္တဝါဟာ တကယ်ရှိနေတာလား? ဒါမှမဟုတ် သူ့စိတ်ရဲ့စေ့ဆော်မှုတွေထဲက တစ်ခုလား? ပဟေဠိဆန်ဆန်အဖြေရှာရတာတွေကိုကြိုက်နှစ်သက်တဲ့သူတွေဆိုရင်တော့ ဒီကားကိုသဘောကျကြလိမ့်မယ်ထင်ပါတယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size… (1.4 GB) / (770 MB) Quality…. WEB-DL 1080p HEVC / 720p Format…. mkv/mp4 Genre…. Drama, Horror, Mystery, Thriller Duration…. 01:43:28 Subtitle…. Myanmar Subtitle (Hardsub) Encoder…. Benjamin Translated by Alias

Ee Saraina (2025) “ရည်ရွယ်ရာလမ်း…” ဒီတစ်ခါမှာတော့ ကျေးလက်သဘာ၀ကိုကြည့်ရှုခံစားရမဲ့ တေလဂူစကားပြော ဒရာမာဇာတ်လမ်းတစ်ပုဒ်ကို တင်ဆက်ပေးချင်ပါတယ်။ ရာဂျူးဟာ ဘွဲ့ရပြီး အစိုးရအလုပ်‌ရဖို့ အကြောင်းကြားစာစောင့်ဆိုင်းနေတဲ့ လူငယ်တစ်ယောက်ပါ။ ၀င်ခွင့်စာမေးပွဲတွေ ၀င်ဖြေခဲ့ပေမဲ့ တစ်ခုမှမအောင်ခဲ့ပါဘူး။ ရွာမှာလယ်ပိုင်ယာပိုင်ဖြစ်ပေမဲ့ ပတ်၀န်းကျင်ရဲ့ဖိအားကြောင့် အစိုးရအလုပ်ရရှိရေးကို 0အသည်းအသန်မျှော်လင့်နေခဲ့ပါတယ်။ ပိုဆိုးတာက သူကြိုက်နေတဲ့ ဆီရီရှာဆိုတဲ့ ကောင်မလေးက ရွာမှာ အစိုးရ၀န်ထမ်းကျောင်းဆရာမလေး ဖြစ်နေတာပါပဲ။ ရွာကသက်ကြီးပိုင်းတွေက သူနဲ့‌ဆီရီရှာကို နှိုင်းပြောတတ်ကြသလို ဆီရီရှာ့အဖေကြီးကလည်း အစိုးရအလုပ်ကိုမှ အထင်ကြီးသူပါ။ ဒီလိုနဲ့ ဘွဲ့ရအလုပ်လက်မဲ့လေး ရာဂျူးတစ်ယောက် သူမျှော်နေတဲ့အစိုးရအလုပ် ရပါ့မလား၊ သူ့အချစ်ရေးကရော အဆင်ပြေပါ့မလား ဆိုတာကို… ဟာသလေးတွေနှောပြီး ‌ကြည့်ရှုကြရမှာမို့ စိတ်အပန်းပြေစေမဲ့ ဇာတ်လမ်းတစ်ပုဒ်အဖြစ် ညွှန်းပေးလိုက်ပါရစေ။ (ဒီဇာတ်လမ်းအတွက် အညွှန်းနဲ့ဘာသာပြန်တွေကတော့ Cym~KKKZ~ZweYan~Alex ဖြစ်ပါတယ်။)