ဒီကားလေးကတော့ ဇာတ်ကားနာမည်ကြည့်ရုံနဲ့ လူသတ်သမား ဘယ်သူဆိုတာတန်းသိတဲ့ ဇာတ်ကားမျိုးပေါ့နော်။ ဒါပေမဲ့ လူသတ် သမားဘယ်သူဆိုတာ သိနေတာတောင် ရင်တထိတ်ထိတ်နဲ့ ကြည့်ရှု ရမှာပါ။ နောက်ဆုံးမှာတော့ သားကောင်ဟာ လွတ်မြောက်သွားပါ့ မလား။ လူသတ်သမားလက်ထဲပဲကျရောက်သွားမလားဆိုတာကိုပေါ့။ မက်ဒီက မိခင်ဖြစ်သူဆုံးပြီးတဲ့နောက် ကောလိပ်ကနေလည်း ထွက် လိုက်ပြီး ဘိုင်ကျနေတာမို့လို့ သူ့အဒေါ်ပိုင်တဲ့အိမ်မှာ ခေတ္တသွား‌နေ ပါတယ်။ သူ့အဒေါ်တို့ လင်မယားကမြို့ထဲမှာနေတာဆိုတော့ ဒီအိမ်ကို မက်ဒီ့ကိုခဏပေးနေလိုက်တာပါ။ အဒေါ်ဖြစ်သူကတော့ အာဖရိကကို ခဏတဖြုတ်သွားလည်ပါတယ်။ အဒေါ်ဖြစ်သူရဲ့ယောက်ျားက အိမ်ပိုင် ရှင်ပေါ့လေ။ ကယ်ဗင် ဆိုတဲ့အိမ်နီးချင်းချောချောလေးလည်းရှိတော့ မက်ဒီတစ်ယောက် တစ်ချက်ခုတ်နှစ်ချက်ပြတ်နဲ့ ပီတိတွေဖြာမဆုံးခင်မှာပဲ ထူးထူးဆန်းဆန်းတွေ ကြုံလာရပါတော့တယ်။ သူဒီအဖြစ်တွေကို ဘာလို့ကြုံနေရတာလဲ။ လူသတ် သမားလက်ထဲကနေ လွတ်မြောက်နိုင်ပါ့မလားဆိုတာ ကြည့်ရှုခံစားရမှာဖြစ် ပါတယ်။ မက်ဒီအဖြစ် မင်းသမီးချောEmily Roslyn Villarreal ကပါဝင်သရုပ် ဆောင်ထားပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size..........(1.54 GB) / (522 MB) / (339 MB) Quality............WEB-RIP 1080p / 720p / 480p Duration.........1Hr 28Min Subtitle...........Myanmar Hardsub Format............MP4 Genre..............Thriller Translator.......Ngwe Zin Encoder..........SWM

အယူသည်း / အစွဲလမ်းကြီးတယ်ဆိုတဲ့နေရာမှာ ကောင်းတာတွေလဲ ရှိသလို ဆိုးတတ်တဲ့အရာတွေလဲ ရှိစမြဲပါ ။ ဒီနေ့မှာတော့ CM က ပရိတ်သတ်ကြီး ကို အယူသည်း / အစွဲလမ်းကြီးတတ်တာနဲ့ ပတ်သတ်ပြီး ရိုက်ကူးထားတဲ့ ပညာပေးဇာတ်ကားကောင်းလေးတစ်ကားနဲ့ မိတ်ဆက်ပေးပါရစေ ။ စီးပွားရေးလုပ်ငန်းတိုင်း လုပ်သမျှအဆင်မပြေ အခက်အခဲတွေနဲ့ အမြဲတမ်းရင်ဆိုင်နေရသူ ၊ ၆ လသားအရွယ်သားငယ်လေးဟာလဲ ညညဆို ထူးဆန်းစွာနဲ့ ငိုနေသည်မို့ စိတ်ပူပန်နေရသူ ၊ မိမိလုပ်ကိုင်နေတဲ့ သိုလှောင်ရေးရုံမီးလောင်ပြီး လုပ်ဖော်ကိုင်ဖက်လဲ မီးထဲပါကာ သူ့ရဲ့ဆေးကုစရိတ်နဲ့ လျော်ကြေးငွေတွေပေးအပ်ဖို့ ရင်ဆိုင်နေရသူ - မာယွမ်ဟောက် ဒီလို ကံဆိုးမှုတွေဟာ တိုက်တိုက်ဆိုင်ဆိုင် တစ်ကြိမ်ပြီး တစ်ကြိမ်ဖြစ်ပေါ်လာတဲ့အချိန်မှာတော့ ရှေးရိုးစွဲဆန်ပြီး အယူသည်းတဲ့ မာယွမ်ဟောက်ရဲ့ မိခင်ဟာ နတ်ဆရာတွေကို အတင်းအကျပ် ယုံကြည်ကိုးကွယ်ခဲ့ပါတော့တယ် ။ ယနေ့ခေတ် လူငယ်ပီပီ နတ်တွေ ဝိဉာဥ်တွေမယုံကြည်တဲ့ မာယွမ်ဟောက်တို့ ဇနီးမောင်နှံကလဲ အမေဖြစ်သူရဲ့ လုပ်ရပ်အတွက် အရမ်းကိုစိတ်ကျဥ်းကျပ်နေရရှာပါတော့တယ် ။ ❏ ဒီလိုအခက်အခဲနဲ့ ကြုံနေစဥ်အတွင်းမှာပဲ ကွဲကွာနေတာကြာပြီဖြစ်တဲ့ မာယွမ်ဟောက်ရဲ့ ငယ်သူငယ်ချင်းဖြစ်သူ ကျန်းဟိုင်လင်ဟာ မာယွမ်ဟောက်ရဲ့ နံဘေးကို ပြန်လည်ချဥ်းကပ်ရောက်ရှိလာခဲ့တဲ့အခါမှာ....? ❏ တစ်ဖက်မှာလဲ နတ်ဆရာတွေရဲ့ဟောပြောမှူတွေ ဖိအားပေးမှုတွေကြောင့် ဒီအိမ်ကြီးဟာ မကောင်းဆိုးဝါးကပ်နေသည့်အတွက်ကြောင့် စွန့်ပြစ်ဖို့အခြေအနေထိ ဖြစ်လာတဲ့အခါ....? မာယွမ်ဟောက်တစ်ယောက် ဒီအခက်အခဲတွေကို သူဘယ်လိုဖြေရှင်းမလဲ ။ မိသားစု အယူသည်းတဲ့အမေ မိန်းမဖြစ်သူနဲ့သား အစရှိတဲ့သူတွေ တစ်ပြီးတစ်ခု ပြဿနာတွေကြုံနေရချိန်မှာ ဘယ်လိုတွေရင်ဆိုင်မလဲ ။ အယူသည်းမှုတွေရဲ့ နောက်ကွယ်က အမှန်တရားဟာ ဘာတွေဖြစ်မှာလဲဆိုတာ ဒီဇာတ်ကားလေးကို စိတ်ဝင်တစား ကြည့်ရှုလိုက်ရအောင်ပါနော်။ (Reviewed By Chit Mya Mya Hmwe) Quality : WEB-DL 1080p , 480p Format : mp4 Genres : Thriller Runtime : 1h 30 min Subtitle : Myanmar Subtitle ( Hardsub ) Translated by CM Team Encoded by LK

နာကာတာက အောင်မြင်ကျော်ကြားလှတဲ့ စာရေးဆရာတယောက်.. သူချစ်ရတဲ့ မိန်းမတယောက်ရယ်..... တနေ့ နာကာတာအတွက် ဆုံးရှုံးမှုကြီးက မမျှော်လင့်ပဲ ရောက်လာတယ် သူချစ်ရတဲ့ မိန်းမ မတော်တဆမှုနဲ့ ဆုံးသွားတယ်... အဲဒီနောက်ပိုင်း နာကာတာဟာ နောက်ထပ် အချစ်မရှာတော့ဘူးလို့ ဆုံးဖြတ်ချက်ချလိုက်တယ်.. ဘဝမှာလေ တခါတလေ ကိုယ်မထင်မှတ်တာတွေ ဖြစ်လာတက်တယ် သူဆုံးဖြတ်ချက်ချာ စောသွားတယ်လို့ယူဆရမယ်.... သူ့အနားမှာ အချောလေးတွေ တယောက်ပြီးတယောက် လာဝဲတယ် ယုတ်စွ အဆုံး Lesbian ကအစ သူ့မှ သူပဲ ဖြစ်လာတဲ့အခါ.. လူကြီးကြိုက်အခန်းတွေ ဖောဖောသီသီ တန်ဆာဆင်ထားတာဖြစ်လို့ DS Fans တွေအတွက်တင်ဆက်ပေးလိုက်ပါတယ် File size…1.7GB / 743MB Quality…1080p /720p Format…mp4 Duration….2h 2m Subtitle….Myanmar Subtitle (Hard Sub) Encoder….XCross Translated by Ki Mu Chi

ငယ်ငယ်လေးတုန်းက စွန်းဝူခုန်းရဲ့ အနောက်ဘက်ဆီသို့ ခရီးသွားခြင်းဆိုတဲ့ ဒဏ္ဍာရီလေးကို ကြားဖူးတယ်မလား? ဒါပေမဲ့ အဲ့ဒီ အနောက်ဘက် အနောက်ပင်လယ်ဆီက ဒဏ္ဍာရီလေးတစ်ပုဒ်ကိုတော့ သိကြမယ်မထင်ပါဘူး ။ အနောက်ပင်လယ်မှာ ရှိတဲ့ နဂါးမျိုးနွယ်စုတွေဟာဆိုရင် ကောင်းကင်ဘုံ တရားရုံးတော်ကို ခစားတဲ့အနေနဲ့ အနောက်ပင်လယ်ပြင်ကြီးကို စောင့်ကြပ်ကြရပါတယ်။ ဒါပေမဲ့ ကောင်းကင်ဘုံက နတ်မင်းတွေဟာဆိုရင် နဂါးတွေကို သူတို့လက်ခုတ်ထဲက ရေလိုသဘောထားပြီး စားသောက်ဖွယ်အနေနဲ့ မက်မွန်ပွဲတော်ရောက်တိုင်း နဂါးတွေကို စားသုံးကြပါတယ် ။ အနောက်ပင်လယ် နဂါးတိုင်းပြည်ရဲ့ အိမ်ရှေ့စံဖြစ်သူ အောင်လျဲ့ဟာ ဒီအရာနဲ့ပတ်သတ်ပြီး စိတ်ထဲမှာ လုံးဝကို အခဲမကျေခဲ့ပါဘူး။ အဲဒါကြောင့် နဂါးမျိုးနွယ်စွမ်းအားတွေ ပြန်လည်ဖွဲ့စည်းပြီး နဂါးအသားစားသုံးတဲ့ ဓလေ့ကို ပြောင်းလဲပစ်ဖို့ ဆုံးဖြတ်ခဲ့ပါတယ် ။ တစ်ချိန်ထဲမှာပဲ အောင်လျဲ့တစ်ယောက် သူနဲ့လက်ဆက်ရန် စီစဥ်ထားတဲ့ မင်းသမီးလေး ပိပေါ်ထန်နဲ့ တွေ့ဆုံကာ မြင်မြင်ချင်းချစ်မိသွားပြီး မောက်မာခဲ့တဲ့ နှလုံးသားလေးက အရည်ပျော်ကျသွားရပါတယ် ။ ဒါပေမဲ့လို့ သူချစ်ရတဲ့ ချစ်သူကို ခေါင်းကိုးလုံး မိစ္ဆာဘုရင်က လုယူသွားခဲ့တဲ့အခါမှာတော့...? ❏ ဘာတွေဆက်ဖြစ်ကြမှာလဲ ❏အချစ်အတွက်နဲ့ ဒီခေါင်းကိုးလုံး မိစ္ဆာကြီးကို ချေမှုန်းနိုင်ပါ့မလား ❏ သတ်ဖြတ်ချင်းခံနေရတဲ့ သူ့ရဲ့မျိုးနွယ်စုတွေကိုရောသူကယ်တင်နိုင်ပါ့မလား ဆိုတာ စိတ်ဝင်တစားကြည့်ရှုမဲ့ ဇာတ်ကားကောင်းလေး တစ်ကားဖြစ်တာမို့ အခုပဲကြည့်ရှုရအောင်လားရှင် [ Reviewed By Chit Mya Mya Hmwe ] Quality : WEB-DL 1080p , 480p Format : mp4 Genres : Action , Fantasy Runtime : 1h 33 min Subtitle : Myanmar Subtitle ( Hardsub ) Translated by CM Team Encoded by LK

Shin Kamen Rider (2023) ~ IMDb - 6.6/10, Rotten Tomatoes - 82% ~ မှတ်မှတ်ရရဆို Kamen Rider ခေါ် နှံကောင်ရိန်းဂျားကားတွေကို စကြည့်ကြတော့ ပါဝါရိန်းဂျားတွေထက်တောင် စောဦးမယ်။ ဇာတ်ကိုမမှတ်မိရင်တောင် ကလေးဘဝကကြည့်ခဲ့တဲ့သူတွေ တော်ရုံတော့မေ့မှာမဟုတ်ဘူး။ ဟီးရိုးကားပေမဲ့ ရုပ်ထွက်တွေက ဒိဒတ်ပြီး ကြမ်းသကိုး။ ဗီလိန်တွေဆိုလည်း တော်တော်ရွံစရာကောင်းနေတယ်။ ဒီနှစ်မှာတော့ ဒီ Kamen Riderရဲ့ အနှစ်ငါးဆယ်ပြည့်အထိမ်းအမှတ်အနေနဲ့ Shin Kamen Riderဆိုပြီး ထွက်လာတယ်။ ၂၀၂၁မှာပြည့်ဝာာပေမဲ့ ကိုဗစ်ကြောင့် နောက်ကျသွားတာ‌ပေါ့။ ဇာတ်ကလည်း ကျွန်တော်တို့ငယ်ငယ်က ဇာတ်ကိုမှ ဒါရိုက်တာကလည်း Hideaki Anno ဆိုတော့ အတိုင်းအထက်အလွန်ပါပဲ။ Evangelion တွေရဲ့ ပဲ့ကိုင်ရှင် Hideaki Anno ကိုတော့ ဂျပန်အန်နမဲဖန်တွေထဲ မသိတဲ့လူမရှိလောက်ဘူး။ သူ့အနေနဲ့ Shin Japan Heroes Universe ဆိုပြီး Shinji Higuchi နဲ့တွဲ ရိုက်ထားတဲ့ လေးကားထဲမှာ ဒီကားက နောက်ဆုံးပိတ်ကားပါပဲ။ ကျန်တဲ့သုံးကားကတော့ Shin Godzilla (2016), Evangelion: 3.0+1.0 Thrice Upon a Time (2021) နဲ့ Shin Ultraman (2022) တို့တွေပါ။ ဒီဘဲကို တစ်ပေါက်လေးစားသွားတာက ဒီယူနီဗာ့စ်ကြီးကို သူတို့ထောင်ထားပေမဲ့ ဒီအကောင်တွေအချင်းချင်းပေါင်းရိုက်ပြီး ငွေရှာဖို့ အစီအစဉ်တော့မရှိဘူး။ ပြောရရင် ဒီဟာတွေကို ရုပ်ရှင်အနေနဲ့ တွဲရိုက်ပြဖို့အစီအစဉ်မရှိဘူး။ သူတို့လုပ်ချင်တာက ပစ္စည်းစုရောင်းတာ အရုပ်ရောင်းတာတို့ တီရှပ်ရှောင်းတာတို့ပေါ့။ ဒါပဲ။ ရုပ်ရှင်ကို သွားမထိခိုက်ဘူး။ ဒါနောက်ဆုံးလို့ ပြောထားတော့ နောက်လည်းထိခိုက်လာဖို့ ရှိမယ်မထင်ပါဘူး။ သူ့ယူနီဗာ့စ်ကြီးကို ဒီမှာတင်ပဲ လှလှပပအပြီးသတ်သွားတယ်။ Cast တွေကတော့ Pale Moon တို့၊ Death Note: Light Up the New World တို့၊ Last Samurai တို့ထဲပါဖူးတဲ့ Sosuke Ikematsu, Let Me Eat Your Pancreas LA ထဲက Minami Hamabe, We Couldn't Become Adultsနဲ့ One Million Yen Girl မင်းသား Mirai Moriyama အပြင် အထူးခြားဆုံးကတော့ ကျွန်တော်တို့ရဲ့ အလှနတ်ဘုရားမ Masami Nagasawa ကလည်း ဧည့်သည်သရုပ်ဆောင်လိုလို ဝင်သရုပ်ဆောင်ထားပါသေးတယ်။ Shin Ultraman မှာလည်း အဓိကဇာတ်ကောင်နေရာက သူပါခဲ့ဖူးပါတယ်။ Cast တွေရော ဇာတ်ရော အပြရော အသံရော ရှယ်ကြမ်းတယ်ဆိုပေမဲ့ သဘောအကျဆုံးက သူ့ဇာတ်ပါပဲ။ ဒါတော့ပုဂ္ဂလိက အမြင်နဲ့ဆိုင်လောက်မယ်။ စူပါဟီးရိုးကားတကာထဲ ကျွန်တော့်အကြိုက်ဆုံး မာစတာပိစ်အဖြစ်ဆုံးလို့ ထင်တဲ့ စူပါဟီးရိုးကားက ဇက်စနိုက်ဒါရဲ့ Watchmen ဆိုတော့ ဒီကားထဲက မိန်းဗီလိန်က Ozymandias အငွေ့အသက် ပြေးပြေးရနေသလို ဒီဗီလိန်တွေဖြစ်ပေါ်လာပုံနဲ့ သူတို့ခံယူချက်တွေကို ကာရိုက်တာသွင်းထားတာရော ဇာတ်လမ်းရောက တော်တော်လေး အထာကျတယ်။ ဆရာ့ဆရာရိုက်တာဆိုတော့လည်း သိပ်တော့လည်းမဆန်းပါဘူး။ ဆန်းတာကတော့ ဒီဘဲ Shin Japan Heroes Universe ဆိုပြီးထောင်လိုက်သလို လေးကားလုံးအောင်မြင်ပေမဲ့လည်း ဒါကိုဆက်မလုပ်တော့တာပါပဲ။ အရုပ်ရောင်းဖို့ယူနီဗာ့စ်ထောင်တယ်ဆိုပေမဲ့လည်း ဒီလိုရပ်နိုင်တာကိုက ဘယ်ယူနီဗာ့စ်နဲ့မှ မတူတဲ့ ယူနီဗာ့စ်ဖြစ်သွားစေတာပါပဲ။ အန်နိုရဲ့တွဲဖက် Shinji Higuchi ကတော့ Marvel Cinematic Universe ရဲ့ဖော်မြူလာအတိုင်းမလိုက်ဘဲ ရုပ်ရှင်တွေကို တစ်ကားချင်းစီသီးခြားပဲ ရိုက်ထားတယ်လို့ ပြောခဲ့ရှာပါတယ်။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 1.8GB, 805MB Quality - 1080p, 720p IMDb Rating - 6.6/10 Format - mp4 Duration - 2H 1Min Genre - Action, Adventure, Drama Subtitle - Myanmar Subtitle (Hardsub) Translated by WiRa Aung Encoded by Y

ဒီဇာတ်ကားလေးက စင်ဒရဲလားလေးရဲ့ လူကြီးကြိုက် နောက်ထပ်ဇာတ်လမ်းတစ်ပုဒ် ဒီထဲမှာ စင်ဒရဲလားလေး ကြင်ယာဖြစ်သွားပုံက ထူးဆန်းတယ် အစောင့်ရှောက်ကလဲ ထူးဆန်းတယ် စင်ဒရဲလားလေးကလှတယ်ငယ်ရွယ်တယ် နုပျိုတယ် ဖြူစင်တယ် စင်ဒရဲလားလေးက မယားပါသမီးနဲ့ မိထွေးတို့ရဲ့ အနှိမ်ခံ ဘဝနဲ့အစပျိုးထားပါတယ် ဘုရင့်သားတော်ရဲ့ မွေးနေ့ ကြင်ယာရွေးပွဲ ဖိတ်စာရပေမဲ့ တက်လို့မရအောင် မိထွေးနဲ့ မယားပါသမီးတွေကဖျက်ဆီးပါတယ် အဲဒီကြင်ယာရွေးပွဲကထူးဆန်းပါတယ် မိန်းမတွေအကြောင်းပေါင်းကြည့်မှသိဆိုသလိုပဲ ကံစမ်းမဲနှိုက်ပြီး ခဏတာ ပေါင်းကြည့်တာပါပဲ စင်ဒရဲလားလေးကတော့ သူ့ဖြူစင်တဲ့စေတနာအတိုင်း အချိန်တန်တော့ သူမရဲ့ ကိုယ်စောင့်နတ်နဲ့တွေ့ပြီးအကူညီရပါတော့တယ် အကူညီကလဲ အတော်ထိရောက်ပါတယ် မိန်းမတစ်ယောက်ရဲ့ အဓိကကိုပါ ပြောင်းပေးလိုက်ပါတယ် မိန်းမ တစ်‌ထောင်မှာ တစ်ယောက်မရှိတဲ့ အရာမျိုးပါ အဲဒါကို မင်းသားလေးက စွဲလန်းသွားတဲ့အခါမှာတော့ မင်းသားလေးရဲ့ရှာပုံတော် ကြင်ရာရွေးပွဲ စတာတွေက DS Fans တွေအကြိုက်ဖြစ်နေတာကြောင့် စင်ဒရဲလားရဲ့ ရသတမျိုးကို တင်ဆက်လိုက်ပါတယ်

အခန်းတစ်ခန်းမှာ လူ ၇ ယောက် ဒင်နာအတူစားကြရင်း စကားထိုင်ပြောကြတဲ့ ဒိန်းမတ်စကားပြော comedy/drama ရုပ်ရှင်ဖြစ်ပါတယ် ဇာတ်လမ်းအကျဉ်း… “ပီတာ” နဲ့ “ဟယ်လင်” တို့ လူချမ်းသာ လင်မယားနှစ်ယောက်ရဲ့အိမ်ကို ညီငယ်ဖြစ်သူ “နီကိုလပ်” နဲ့ သူ့ချစ်သူ “လော်ရာ” ကိုမာဝင်နေတဲ့ ပီတာ့ရဲ့ညီတစ်ယောက်ဖြစ်တဲ့ “ဂျက်စပါ”ရဲ့ ချစ်သူ “အရီကာ” ပီတာ့မိန်းမ ဟယ်လင်ရဲ့ မောင်လေး “ဖက်ဘ်” နဲ့ သူ့ရဲ့ လိင်တူချစ်သူ “အီဘာ” တို့… ကိုမာဝင်နေတဲ့ ဂျက်စပါ့အတွက် မွေးနေ့ဆုတောင်းပွဲလေး လုပ်ပေးဖို့ ကိုယ်စီရောက်လာကြပါတယ် ပီတာတို့လင်မယားက ကျိကျိတက်ချမ်းသာတော့ ဧည့်သည်တွေကိုလည်း အကောင်းဆုံးဝိုင် စားသောက်ဖွယ်ရာတွေနဲ့ ဧည့်ခံရင်း လော်ရာက ကစားနည်းတစ်ခုကို မိတ်ဆက်ပေးလိုက်ပါတယ် ကိုယ့်ရဲ့ဖုန်းကို စားပွဲပေါ်တင်ထားပြီး အဝင်ကောလ်မှန်သမျှကို စပီတာ ဖွင့်ပေးရမဲ့အပြင် မက်ဆေ့ဂျ်တွေကိုလည်း အသံထွက်ဖတ်ပြရမှာပါ ဒီလိုနဲ့ ပျော်စရာကောင်းမယ်ထင်တဲ့ ကစားနည်းလေးကနေ သူတို့ ၇ ယောက်ရဲ့ လျှို့ဝှက်ချက်တွေ အလီလီ ပေါ်လာပြီး အရှက်တကွဲ အကျိုးနည်းဖြစ် ကြည်နူးစရာကောင်းတဲ့ ဒင်နာလေးတစ်ခုက ဆူဆူညံညံ အငြင်းပွားစရာတွေ ဖြစ်လာပါတယ် ပိုဆိုးတာက “အီဘာ” နဲ့ “အရီကာ” တို့ အပြင်မှာ ဆေးလိပ်ထွက်သောက်တုန်း ဖုန်းအမျိုးအစား ဆင်တူနေတဲ့ သူတို့ ဖုန်း ၂ လုံးကို လဲကိုင်လိုက်ပါတယ် ဒီလိုနဲ့ ပြဿနာတွေက သပွတ်အူလို ရှုပ်ထွေးသွားပြီး လူတွေရဲ့ အမှောင်ဘက်ခြမ်းတွေ ဘူးပေါ်သလို ပေါ်လာပုံတွေကို ဟာသလေးနှောပြီး တင်ဆက်ထားတဲ့ ဒိန်းမတ်ရုပ်ရှင်လေး ဖြစ်ပါတယ် File size…(1.2 GB)/(640 MB) Quality….Webrip 1080p / 720p Format…mp4 Duration….01:40:00 Genre…Drama, Comedy Subtitle….Myanmar Subtitle (Hardsub) Encoder….Mr. Anderson Translated by Sike Tan

Scalper ဆိုတာက သူ့ရဲ့သားကောင်တွေကို ဓားနဲ့ထိုးသတ်၊ ပြီးရင် အရေခွံတွေကို စုတ်ခဲ့တဲ့သူဖြစ်လို့ အရေခွံခွါသူဆိုပြီးနာမည်ကြီးတဲ့ လူသတ်သမားတစ်ဦး။ Scalper ရဲ့ဒဏ်ကိုခံခဲ့ရတဲ့ နစ်နာသူမိသားစုထဲက ကလမ်မာတိုင်းကာတာဆိုတဲ့အမျိုးသမီးကတော့ Scalper ရဲ့မျက်နှာတည့်တည့်ကို သေနတ်နဲ့ပစ်ကာ Scalper ကိုအဆုံးသတ်ခဲ့တဲ့သူတစ်ဦး။ ကလမ်မာတိုင်းက သာမန်အမျိုးသမီးမဟုတ်ဘူး။ သူကအကြားအမြင်စိတ်ပညာသည်တစ်ဦး။ အထူးသဖြင့် သေဆုံးသွားသူတွေနဲ့ ထိတွေ့မှုလုပ်လိုက်တဲ့ခါ သူတို့ရဲ့ဝိညာန်တွေနဲ့ဆက်သွယ်ပြီး သေဆုံးသူရဲ့ အတိတ်နဲ့ အနာဂတ်တွေကို မြင်တွေ့နိုင်တဲ့အစွမ်းအစရှိသူတစ်ဦး။ အခုလက်ရှိမှာတော့ ကလမ်မာတိုင်းဟာ သူ့ရဲ့စိတ်စွမ်းအင်ကြောင့်နာမည်ကြီးနေပြီး ရေဒီယိုကအစီအစဉ်တစ်ခုမှာပါ ဖိတ်ကြားခံထားရပြီး အသံလွှင့်တင်ဆက်နေပါတယ်။ ဒီလိုနဲ့ ကလမ်မာတိုင်းတို့ အသံလွှင့်တင်ဆက်နေတုန်းမှာ ဖုန်းတစ်ကောလ်၀င်လာပြီး ဒီဖုန်းကော်လ်ကိုနားထောင်လိုက်မိတဲ့ကလမ်မာတိုင်းဟာ သေဆုံးခါနီး ဖုန်းခေါ်သူနဲ့ စိတ်ဆက်သွယ်မှုတစ်ခုရလိုက်ပြီး Scalper ပြန်ရောက်လာတာကိုသိရှိလိုက်ရတဲ့နောက်မှာတော့… ကလမ်မာတိုင်းကိုယ်တိုင် သတ်ခဲ့တဲ့ Scalper က တကယ်ပဲသေရွာကနေပြန်ရောက်လာတာလား၊ ဒါမှမဟုတ် Scalper ရဲ့ခြေရာကိုနင်းမယ့်သူ လူသစ်သမားအသစ်တစ်ယောက်ပေါ်လာတာလား၊ ကလမ်မာတိုင်းကိုရော ဘယ်လိုလက်စားပြန်ချေဦးမလဲဆိုတာ ဆက်လက်ရှုစားလိုက်ကြပါဦး။ File size…(1.2 GB)/(544 Mb) Quality….Webrip 1080p / 720p Format…mp4 Duration….01:23:00 Genre…Horror Subtitle….Myanmar Subtitle (Hardsub) Encoder….Garfield Translated by Steven Khant

Abigail (2024) =========== IMDb Rating – 7.0/10 အက်ရှင် ဟော်ရာ ကားသစ်တစ်ကားလာပါပြီ။ ဒါရိုက်တာကတော့ လိုက်တမ်းပြေးတမ်း နဲ့ အသတ်အဖြတ်တွေ ပိုင်တဲ့ Matt Bettinelli- Olpin ပါပဲ။ Ready or Not နဲ့ Scream VI ရဲ့ ဖန်တီးရှင်ပါ။ မင်းသမီး ကတော့ Melissa Barrera၊ Ant Man ထဲက အချောလေး Kathryn Newton၊ Beauty and the Beast ထဲကမင်းသား Dan Stevens တို့ ပါဝင်ထားပါတယ်။ ဇာတ်လမ်းအကျဉ်း – ဟက်ကာတစ်ယောက်၊ မရိန်းတပ်ထွက်တစ်ယောက်၊ ဆေးတပ်သား ဟောင်းတစ်ယောက်၊ စုံထောက်ဟောင်းတစ်ယောက်၊ ကားသမားတစ် ယောက်ဟာ အိမ်ကြီးတစ်လုံးထဲက ၁၂ သမီးလေးတစ်ယောက်ကို ပြန် ပေးဆွဲလာဖို့ အလုပ်အပ်ခံရလို့ စုပေါင်းပြီး ပြန်ပေးဆွဲလာကြပါတယ်။ ဆွဲပြီးတော့ ကလေးအဖေဆီက သန်း ၅၀ တောင်းဖို့ အိမ်ကြီးတစ်လုံး ထဲမှာ ကလေးကို တစ်ရက်ပိတ်ထားပြီး စောင့်ကြည့်နေကြရတယ်။ ဒါပေမဲ့ အိမ်ကြီးထဲမှာပဲ ကြောက်စရာတွေဖြစ်လာတဲ့အချိန်၊ ကလေး အဖေ ဘယ်သူလဲဆိုတာ သိလာရသလို ကလေးက ဘယ်သူလဲဆိုတာ လည်း သိလာပြီး မုဆိုးဘဝကနေ သားကောင်ဘဝရောက်ကုန်ပါတော့ တယ်။ ဒီအဖွဲ့ထဲက ဘယ်နှယောက်မာလကီးယားပြီး ဘယ်နှယောက် နောက်တစ်ကားရိုက်ဖို့လွတ်လာမလဲ ကြည့်ရမှာပါပဲ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size……….(3.6 GB) / (1.92 GB) / (1.17 GB) Quality…………WEB-DL 4K HEVC/1080p / 720p Duration………1Hr 49Min Subtitle………..Myanmar Hardsub Format…………MP4 Genre…………..Horror, Thriller Translator…….Mr.Anderson Encoder……….SWM

Mula sa Buwan ဆိုတာကတော့ Edmond Rostand ရဲ့ ခေတ်ဟောင်း ဂန္ထဝင် Cyrano de Bergerac ကို အခြေခံပြီး မူရင်း ဖိလစ်ပိုင်ဂီတနဲ့ မမျှတသော ချစ်ခြင်းမေတ္တာ၊ အလှတရားနှင့် ခင်မင်ရင်းနှီးမှုတွေရဲ့ ပုံစုံတွေကို ပိုမိုရင်းနှီးသော ပုံပြင်- OURS အဖြစ် ဖန်တီးထားတာဖြစ်ပါတယ် 1940 ခုနှစ် မနီလာရဲ့ လှပသောရှုခင်းများကို ထည့်သွင်းထားပြီး ပုံဖော်တင်ဆက်ထားတဲ့ ပြဇာတ်လေးပါ အားလုံးခြုံငုံလိုက်ရင်တော့ ကဗျာဆရာ Cyrano၊ရဲ့ သူချစ်ရတဲ့ Roxane နဲ့ ကြင်နာတတ်တဲ့ ခရစ်ယာန်တို့ရဲ့ ကြေကွဲဖွယ်အချစ်ဇာတ်လမ်းတစ်ပုဒ်လို့လည်း ဆိုနိုင််ပါတယ် ။ ( ဘာသာပြန်ပြီး အညွှန်းရေးသားထားသူကတော့ Tartee ပါ ) File size_(4.4GB)/(2.8GB) Quality_Blu-Ray 1080p / 720p Format_mp4 Duration_02:55:00 Genre_Documentry, Musical Subtitle_Myanmar Subtitle (Hardsub) Encoder_a hao Translated by Tartee

အေအိုင်နည်းပညာ သိပ္ပံစိတ်ကူးယဉ်ဇာတ်လမ်းကြိုက်သူတွေအတွက် စိတ်ဝင်စားမယ့်ဇာတ်ကားလေးဖြစ်ပါတယ်။ လူသားDNAနဲ့နာနိုနည်းပညာပေါင်းစပ်ထားတဲ့ ကောင်မလေးတစ်ယောက်ဟာ လက်တွေ့စမ်းသပ်ခန်းမှာရုတ်တရက်နိုးလာပြီးတော့ ထွက်ပြေးသွားခဲ့ပါတယ်။ မှတ်ဉာဏ်တွေရှုပ်ထွေးနေတဲ့ကောင်မလေးက မှတ်ဉာဏ်အပိုင်းအစတွေနောက်လိုက်ရင်း သူဘယ်လိုလဲဆိုတာကိုရှာဖွေနေခဲ့ပါတယ်။ တိုက်တိုက်ဆိုင်ဆိုင် ကောင်မလေးထွက်ပြေးတဲ့အချိန်မှာ မအူမလည်နဲ့ကူညီခဲ့တဲ့ကောင်လေးကလဲ အတိတ်မေ့နေတဲ့ကောင်မလေးကို ပစ်မထားရက်ပဲ အမြဲနောက်ကလိုက်ကူညီနေခဲ့တယ်။ ကောင်မလေးရဲ့မှတ်ဉာဏ်တွေတဖြည်းဖြည်းနဲ့ ပြန်ပေါ်လာတဲ့အခါ သူကနာမည်ကြီးဇီဝဗေဒပါမောက္ခကြီးတစ်ယောက်ရဲ့ သမီးဖြစ်နေတာကိုသိလိုက်ရပြီး သူ့အဖေလုပ်ကြံခံရတာတွေကိုပါမှတ်မိလာတယ်။ မှတ်ဉာဏ်အပိုင်းအစတွေကိုဖော်ထုတ်ရင်း နောက်ဆုံးအမှန်တရားဟာ သူထင်သလိုဖြစ်နေပါ့မလား…… သူတို့၂ယောက်ရဲ့သရုပ်မှန်ဟာဘာတွေဖြစ်နေမလဲ……

Christmas with a Kiss (2023) IMDb Rating (5.7) ကျရောက်လာတော့မဲ့ ခရစ္စမတ်အချိန်အခါသမယမှာ အေးအေးဆေးဆေးကြည့်ရှုလို့ရမဲ့ ကြည်နူးဖွယ်ရာဇာတ်လမ်းလေး တင်ဆက်ပေးလိုက်ပါတယ်။ မိုနာစင်ကလဲဆိုတာ နယူးယော့ခ်မှာ အောင်မြင်နေတဲ့ အင်ဖလူရန်ဆာတစ်ယောက်။ ခရစ္စမတ်အတွက် သူတို့အိမ်မှာရိုးရာတစ်ခုရှိပါတယ်၊ အဘေးဖြစ်သူက စတင်ခဲ့ပြီး မျိုးရိုးစဉ်ဆက် လက်ဆင့်ကမ်းလာတဲ့ ဒီပွဲအတွက် အိမ်ပြန်လာဖို့ သူ့မိဘတွေကခေါ်တော့ မိုနာတစ်ယောက် မွေးရပ်မြေပြန်ဖို့ဖြစ်လာခဲ့တယ်။ မိုနာ့အကြောင်းပြောရရင် အသက် ၃၀ကျော်ပေမဲ့ ရည်းစားနဲ့မမြဲသေးတဲ့ အချစ်ရေးကံမကောင်းတဲ့သူပါ။ အောင်မြင်မှုနောက်ကိုလိုက်ပြီး တစ်ကိုယ်တည်းတောက်ပနိုင်ပေမဲ့ မွေးရပ်မြေကအဒေါ်ကြီးတွေက သူပြန်လာတိုင်း ခုထိရည်းစားမရှိသေးဘူးလား ယောကျာ်းကဘယ်တော့ယူမှာလဲဆိုပြီး နှုတ်ဆက်စကားတွေဆိုကြတော့ လက်တွဲဖော်ရှာဖို့စဉ်းစားလာရပါတယ်။ ဒီလိုနဲ့ မွေးရပ်မြေကိုရောက်တော့ အထက်တန်းတုန်းကပြတ်သွားတဲ့ ရည်းစားဟောင်းနဲ့ပြန်တွေ့ပြီး ပြန်အဆင်ပြေမလိုဖြစ်နေချိန် သူတို့မြို့ကို ဆောင်းပါးရေးမဲ့ သတင်းထောက်တစ်ယောက်ကလည်း တိုက်တိုက်ဆိုင်ဆိုင် သူ့အိမ်မှာ ခေတ္တတည်းခိုဖို့အကြောင်းဖန်လာချိန်မှာတော့ ဘာတွေဆက်ဖြစ်သွားမယ်ဆိုတာ ဆက်လက်ခံစားလိုက်ပါဦး။ (အညွှန်းနဲ့ ဘာသာပြန်ကတော့ Pyae Phyo ဖြစ်ပါတယ်) File size…(1.5 GB) / (790 MB) Quality….WEB-Rip 1080p HEVC / 720p Format…. mkv/mp4 Genre….Comedy, Drama Duration….01:24:39 Subtitle….Myanmar Subtitle (Hardsub) Encoder….Benjamin Translated by Pyae Phyo

Last Breath (2025) IMDb Rating (6.9) / Rotten Tomatoes (79%) နာမည်ကြီး ရုပ်ရှင်စတားတွေဖြစ်တဲ့ Shang Chi မင်းသား Simu Liu , Woody Harrelson , Finn Cole တို့ဦးဆောင်ပါဝင်ထားတဲ့ ဖြစ်ရပ်မှန် ကားကောင်းတစ်ကားပါ။ စကော့တလန်ကမ်းရိုးတန်းက ပင်လယ်ရေအောက်ဓာတ်ငွေ့ပိုက်လိုင်းတွေကို ပြုပြင်တဲ့ ရေငုပ်သမားတစ်ယောက်အကြောင်းကို အခြေခံထားတဲ့ ဖြစ်ရပ်မှန်ဇာတ်လမ်းဖြစ်ပါတယ်။ Last Breath ဆိုတဲ့ နာမည်အတိုင်း ရေငုပ်သမားတစ်ယောက်ရဲ့ နောက်ဆုံးထွက်သက်နဲ့ ပင်လယ်ရေအောက် ပေ ၃၀၀ လောက်က အသက်ရှင်ဖို့ ရုန်းကန်ခဲ့ရတဲ့အကြောင်းကို ရိုက်ပြထားတာပါ။ လူ့ဦးနှောက်ထဲကို အောက်ဆီဂျင် မိနစ် ၂၀ လောက်မဝင်ရင်သေသွားပြီလို့ယူဆရပေမဲ့ ခရစ်ဆိုတဲ့ ရေငုပ်သမားကတော့ ပင်လယ်ဂက်စ်ပိုက်လိုင်းပြင်ရင်း မတော်တဆမှုနဲ့ ဆက်သွယ်ရေးပြတ်တောက်ပြီး ကယ်ဆယ်ရေးမလာခင်အထိ အောက်ဆီဂျင် မရဘဲ မိနစ် ၄၀ လောက်နေလိုက်ရပါတယ်…ကယ်ဆယ်ရေးအဖွဲ့တွေကတော့ အလောင်းပြန်ဆယ်ဖို့သွားပေမယ့် အသက်ရှင်နေသေးတဲ့ ခရစ်ကို ယနေ့ခေတ်ကျွမ်းကျင်သူတွေကလည်း ဘာကြောင့်လဲဆိုတာ အဖြေမရှာနိုင်သေးတဲ့ ဖြစ်ရပ်မှန်ကားလေးပါ။ (အညွှန်းနဲ့ဘာသာပြန်ကတော့ Thiha Yan Naing ဖြစ်ပါတယ်။) File size… (1.7 GB) / (810 MB) Quality….WEB-DL 1080p HEVC / 720p Format…. mkv/mp4 Genre….Drama, Thriller Duration….01:33:28 Subtitle….Myanmar Subtitle (Hardsub) Encoder….Benjamin Translated by Thiha Yan Naing

Channel Myanmar ကနေ 2024 ကမှ ထွက်ရှိထားတဲ့ Horror ကားကောင်းတစ်ကားနဲ့ မိတ်ဆက်ပေးပါရစေ။ ဒီဇာတ်ကားထဲကတော့ အမျိုးသားရေးအစွန်းရောက်ပြီး လူဖြူတွေအားကောင်းအောင် လှုပ်ရှားမှုတွေလုပ် Death Metal သီချင်းတွေတီးခဲ့ဆိုခဲ့တဲ့ လူဝီဆိုတဲ့သူအကြောင်းပါ။ ငယ်ရွယ်ဆိုးမိုက်တဲ့အချိန်တုန်းကတော့ နာဇီဘဲကြီးတွေနဲ့ ပေါင်းမိ သီချင်းတွေတီးခဲ့ ရူးရူးမိုက်မိုက်တွေလုပ်ခဲ့ပေမဲ့ တီးဝိုင်း ဝိုင်းတော်သားတစ်ယောက်ဆုံးပါသွားတဲ့ တစ်ချိန် မှာတော့ ထွက်လာခဲ့ပြီးဘဝကို ရိုးသားစွာဖြတ်သန်းဖို့ ကြိုးစား နေခဲ့တဲ့သူပါ။ သူကတော့ လူမှုရေးအလုပ်တွေလုပ် စကားဝိုင်းတွေမှာ ပြောရင် အတိတ်ကိုကြိုးစားမေ့နေပေမဲ့ သူ့အချစ်ဆုံးသူငယ်ချင်း ကတော့ အတိတ်ကလုပ်ရပ်တွေ အတိတ်ကအကျင့်စရိုက်တွေမှာပဲ ပိတ်မိနေတုန်းပါ။ ဒီလိုနဲ့ ပိုက်ဆံလိုလာတဲ့ လူဝီတစ်ယောက် ချမ်းသာခဲ့တဲ့ သူ့သူငယ်ချင်းဆီဆက်သွယ်ခဲ့မိရင်း တွေ့ကြဖို့ပြောလာတဲ့အခါ……. လူဝီတစ်ယောက်ဘာတွေတွေ့ကြုံရမလဲ သူကိုယ်တိုင်ပဲ လမ်းမှားပြန်ရောက်သွားမလား၊ သူငယ်ချင်းကိုပြန်ခေါ်လာ နိုင်ခဲ့မလားဆိုတာကို ရင်တစ်ထိတ်ထိတ်နဲ့ကြည့်ရှူခံစားရမှာပါ။ ဒါရိုက်တာ Quinn Armstrong ဇာတ်လမ်းရေးသားရိုက်ကူးထားပြီး Michael Kunicki, Quinn Armstrong တို့ကအဓိက သရုပ်ဆောင်တွေအနေနဲ့ အကောင်းဆုံးပုံဖော်ထားပါတယ်။ File size… (1.76GB) / (891 MB) Quality… WEB-DL 1080p HEVC / 720p Format…mkv / mp4 Duration….1h 28m Genre …. Horror Subtitle….Myanmar Subtitle (Hard Sub) Encoder….Min Wai Translated by Aung Khant Paing

Nesippaya (2025) “ချစ်သူသည်သာ…” ဒီတစ်ခါတော့ အချစ်-အလွမ်း-အကြမ်း-ဒရာမာ ရသစုံကြည့်ရှုခံစားရမဲ့ တမီလ်စကားပြော အချစ်-အက်ရှင် ဇာတ်လမ်းတစ်ပုဒ်နဲ့ မိတ်ဆက်ပေးချင်ပါတယ်။ အာဂျွန်ဆိုတဲ့ကောင်လေးဟာ ဒီယာဆိုတဲ့ကောင်မလေးကို မြင်မြင်ချင်းမှာပဲ အရူးအမူးချစ်မိသွားပါတယ်။ ဒီယာကစစချင်းငြင်းပေမဲ့ အာဂျွန်ရဲ့ဇွဲကြောင့် ချစ်သူဘ၀ရောက်ရှိခဲ့ကြပါတယ်။ ဒါပေမဲ့ အကြောင်းကြောင့် နှစ်ဦးသားကွဲကွာသွားခဲ့ပြီး အလုပ်ကိုယ်စီနဲ့ တစ်ယောက်တစ်နိုင်ငံဆီ ကွာဝေးခဲ့ကြပါတယ်။ နှစ်တွေ‌အတော်တော်ကြာတော့မှ ပြဿနာအကြီးကြီးတစ်ခုကြောင့် နှစ်ယောက်သားပြန်ဆုံရဖို့ အကြောင်းဖန်လာခဲ့ပါတယ်။ အဲဒီပြဿနာကတော့ ဒီယာတစ်ယောက် လူသတ်မှုတစ်ခုနဲ့ ပတ်သက်နေခဲ့တာပါပဲ။ နှစ်တွေဘယ်လောက်ကြာကြာ ကျောင်းတော်ကအချစ်ဟောင်းကိုမမေ့နိုင်သေးတဲ့ အာဂျွန်တစ်ယောက် ဒီယာရဲ့ပြဿနာထဲ ဘယ်လို၀င်ပါလာမလဲ…၊ ဒီယာရော စွပ်စွဲခံနေရတဲ့အမှုက လွတ်မြောက်ပါ့မလား၊ နောက်ဆုံးမှာ သူတို့နှစ်ဦးအတွက် ပျော်စရာဇာတ်သိမ်းခန်းလေးရှိပါ့မလားဆိုတာ… ဆက်လက်ကြည့်ရှုကြရမှာ ဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်တွေကတော့ CM Bollywood Team ဖြစ်ပါတယ်။)