UK ဇာတ်ကားလေးတစ်ကားဖြစ်တဲ့ ဒီကားလေးမှာအဓိကဇာတ်ဆောင်လည်းဖြစ် ကိုယ်တိုင်ရေး ကိုယ်တိုင်ရိုက် ကိုယ်တိုင်ထုတ်ဝေသူ လုပ်ထားတဲ့ မင်းသား Adam Starks ရဲ့ Crime ဇာတ်ကားလေးတစ်ကားနဲ့ မိတ်ဆက်ပေးချင်ပါတယ် ဇာတ်လမ်းပုံစံကတော့ ရိုင်ရန်နဲ့ ဂျိမ်းစ်ဆိုတဲ့ ညီအစ်ကိုနှစ်ယောက် ကံမကောင်းစွာနဲ့ပဲ အရှုပ်ထုပ်ထဲမှာ ပါဝင်ပတ်သတ်မိခဲ့ကြတဲ့အကြောင်းပါရာဇဝတ်မှုတွေကိုကြူးလွန်နေတဲ့ အကောင်းကြီးကြီး အမြှီးရှည်ရှည် လူတစ်ယောက်နဲ့ ဘုမသိဘမသိ ပတ်သတ်မိခဲ့ကြတဲ့ညီအစ်ကိုနှစ်ယောက်ရဲ့ ကံကြမ္မာကို Crime ဇာတ်ကားတွေရဲ့ plot လေးတွေအတိုင်းမတူညီတဲ့ပုံစံလေးတွေနဲရိုက်ကူးတင်ဆက်ပေးထားပါတယ် အဲ့ဒီ ရာဇဝတ်မှုတွေရဲ့နောက်ကွယ်က ဘယ်သူတွေလဲဘယ်သူတွေပါဝင်ပတ်သတ်နေတာလဲ ဘယ်လိုတွေစုံစမ်းဖေါ်ထုတ်သွားလဲဆိုတာကိုတော့ ဇာတ်လမ်းထဲမှာ ဆက်လက်ခံစားကြပါဦး........ဒီဇာတ်ကားကိုအညွှန်းရေးပြီး ဘာသာပြန်ပေးထားတာကတော့ Leo ပဲဖြစ်ပါတယ် File size…(1.1 GB)/(540 MB)/(280 Mb) Quality….Webrip 1080p / 720p / 480p Format…mp4 Duration….01:15:00 Genre...Crime, Thriller Subtitle….Myanmar Subtitle (Hardsub) Encoder….Mr. Anderson Translated by Leo

The Wrath of Becky (2023) =================== IMDb Rating - 6.0/10 2020 တုန်းက ထွက်ထားတဲ့ Becky ကားရဲ့ Sequel ပါ။ 2020 ကားထက်လည်း IMDb rating ပိုမြင့်ပါတယ်။ ပထမ ကားမှာ သူ့အဖေကို သတ်သွားတဲ့ လူလေးယောက်ကို ပြန်သတ် ခဲ့တဲ့ ဘက်ကီက မိဘမဲ့ဖြစ်သွားတော့ မွေးစားမဲ့သူတွေရှိလာ ပေမဲ့လည်း ဘက်ကီက သူ့ခွေးလေး ဒီယေးဂိုကိုခေါ်ပြီး တစ် အိမ်ပြီးတစ်အိမ်ကနေ ထွက်ပြေးပါတယ်။ တစ်နေ့မှာတော့ အယ် လီနာဆိုတဲ့ အဘွားကြီးတစ်ယောက်က ဘက်ကီ့ကိုလမ်းကြုံခေါ် တင်ပေးရာကနေ ဘက်ကီတို့နှစ်ယောက် အယ်လီနာနဲ့ပဲ နေဖြစ် သွားကြပါတယ်။ ဒါပေမဲ့ ကံကြမ္မာကဖန်လာပြန်တော့ ဘက်ကီ့ကြောင့်ပဲ အယ်လီနာ အသတ်ခံလိုက်ရပါတယ်။ ဒီလိုနဲ့ ဘက်ကီ့ရဲ့ လက်စားချေတဲ့ခရီးစဉ် ကြီး ပြန်လည်စတင်ပါတော့တယ်။ ၁၃နှစ်အရွယ်ဘက်ကီနဲ့ ၁၆နှစ် အရွယ် ဘက်ကီတို့ ဘယ်လိုကွာခြားသွားမလဲ၊ သစ္စာရှိခွေးလေး ဒီယေးဂိုကရော ဒီတစ်ခေါက်မှာ ဘက်ကီ့ကိုဘယ်လိုကူညီဦးမလဲ။ ရက်ရက်စက်စက် သွေးထွက်သံယို လူသတ်မှုတွေပါဝင်တဲ့အတွက် ကြောင့် အသည်းငယ်သူများ ကြည့်ရှုဖို့မသင့်တော်ပါဘူး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ EL ဖြစ်ပါတယ်) File Size..........(772 MB) / (406 MB) Quality............WEB-RIP 1080p / 720p Duration.........1Hr 24Min Subtitle...........Myanmar Hardsub Format............MP4 Genre..............Action, Horror, Thriller Translator.......EL Encoder..........SWM

အရင် Mummy ဇာတ်ကား တွေနဲ့ မတူတဲ့အချက်ကတော့ မင်းသား တွမ်ခရုဇ်က ခေါင်းဆောင်ပါဝင်ထားတာဖြစ်ပြီးအရင်ဇာတ်ကားတွေနဲ့ ကွဲပြားအောင် ဘယ်လိုဇာတ်အိမ်တည်ထားသလဲဆိုတာ စိတ်ဝင်စားစရာပါ။ ခရူးဆိတ်စစ်ပွဲမှာပါဝင်ခဲ့တဲ့ သူရဲကောင်း အဖွဲ့ဟာ အေဒီ ၁၁၂၇ မှာရှေးဟောင်းအီဂျစ်နိုင်ငံကနေ ပတ္တမြားကြီးတစ်လုံးရခဲ့ပြီး ဂူတစ်ခုထဲမှာ အမှတ်သညာနဲ့ မြှုပ်နှံထားပါတယ်။ ယနေ့ခေတ်လန်ဒန်မြို့မြင်ကွင်းနဲ့အတူ မြေအောက်ရထား လမ်းဖောက်လုပ်တဲ့ လုပ်သား တွေဟာ ခရူးဆိတ်စစ်ပွဲ  သူရဲကောင်းရဲ့ ဂူကိုရှာဖွေတွေ့ရှိခဲ့ပြီး လုပ်ငန်းခွင်ထဲက ထူးဆန်းတဲ့အရာတွေကိုလည်း ထပ်မံတွေ့ရှိခဲ့ပါတယ်။ ဂူတွေကို စူးစမ်းလေ့လာရင်း အမှတ်အသားတစ်ခုအရ နောက်ကြောင်း ပြန်ကြည့်တဲ့အခါ ဖာရိးဘုရင်တစ်ပါးရဲ့ သမီးတော် အာမာနက်မင်းသမီးနဲ့ ပတ်သက် တဲ့အကြောင်းအရာပေါ်လာခဲ့ပါ တယ်။ အာမာနက် မင်းသမီးဟာ ထီးနန်းအမွေဆက်ခံမယ့် မင်းသမီးတစ်ပါးအဖြစ် နေရာရခဲ့ပေမယ့်သူ့ခမည်းတော်ရဲ့ ဒုတိယဇနီးက သားတော်မွေးဖွားခဲ့တဲ့အတွက် မင်းသမီးရဲ့ အခွင့်အာဏာတွေအကုန်လုံး လက်လွှတ်ရမယ့် အနေအထားဖြစ်ခဲ့ပါတယ်။ အဲဒါနဲ့ အာမာနက်ဟာ သူသာလျှင် ထီးနန်းဆက်ခံသူဖြစ်ခွင့် ရှိတယ်လို့ ဆုံးဖြတ်ခဲ့ပြီး အီဂျစ် နတ်ဆက်ကို သူ့ရဲ့ဝိညာဉ်ကို ယစ်ပူဇော်ခဲ့ပါတယ်။ မကောင်းဆိုးဝါး တစ်ယောက်လိုဖြစ်သွားတဲ့ အာမာနက်ဟာ သူ့ခမည်းတော်နဲ့တကွမိသားစုအားလုံးကို သတ်ပစ်ခဲ့ပြီး ဆက်ကိုလူသားတစ်ယောက် အသွင်ဖန်တီးဖို့အတွက် အာမာနက်ဟာ သူ့ချစ်သူကိုစတေးပစ်ခဲ့ ပါတယ်။ ဒါပေမဲ့လည်း ဖာရိုးဘုရင်ကြီးရဲ့ ဘုန်းတော်ကြီးတွေက ဆက်ရဲ့ ဝိညာဉ်ရှိနေတဲ့ အာမာနက်ချစ်သူ ခန္ဓာကိုယ်ကို မံမီလုပ်ခဲ့ပြီး အာမာနက် ကိုယ်ထဲကမကောင်းဆိုးဝါး ထွက်မလာနိုင်အောင် ဂူဘေးမှာ ပြဒါးတွေဝန်းရံ ပြီး အရှင်လတ်လတ်မြေမြှုပ်ပစ်ခဲ့ပါတယ်။ ယနေ့ခေတ်အီရတ်နိုင်ငံမြင်ကွင်းနဲ့အတူ အမေရိကန်စစ်တပ် အရာရှိ နစ်မော်တန်နဲ့ သူ့လုပ် ဖော်ကိုင်ဖက် ခရစ္စဗေးလ်တို့ဟာ အာမာနက်ရဲ့ ဂူကိုမမျှော်လင့်ဘဲ တွေ့ခဲ့ကြပါတယ်။  နစ်ရဲ့ချစ်သူ ဟောင်းရှေးဟောင်း သုတေသန ပညာရှင် ဂျန်နီဟာလ်ဆေလည်း ရောက်လာပြီး နစ်တို့တွေ့ထားတဲ့ ဂူကိုလာပြီး စူးစမ်းလေ့လာခဲ့ပါ တယ်။ နောက်တော့နစ်ရဲ့ အရာရှိ ကာနယ်ကရင်းဝေးရဲ့ ညွှန်ကြား ချက်နဲ့ အာမာနက်ရဲ့အခေါင်းကို အင်္ဂလန်မှာ ဆက်လေ့လာဖို့ လေ ယာဉ်နဲ့ အင်္ဂလန်ကို သယ်ယူခဲ့ ပါတယ်။ အဲဒီလို သယ်သွားရင်း ဗေးလ်ဟာအခေါင်းထဲက ပင့်ကူ တစ်ကောင်ရဲ့ အကိုက် ခံရပြီးမှာ မကောင်းဆိုးဝါးဝင်ပူးခံရပြီး အာ မာနက်အခေါင်းကို ဖွင့်ဖို့ကြိုးပမ်းပါတော့တယ်။ နောက်ထပ်ထူးဆန်းတဲ့ကိစ္စတစ်ခုကတော့ လေယာဉ်ကို ကျီးအုပ်ကြီးဝင်တိုးခဲ့တဲ့ အတွက် လေယာဉ်ပျက်ကျခဲ့ပါတယ်။ နစ်က ဂျန်နီကိုလေထီးနဲ့ လွှတ်လိုက်တဲ့အတွက် ဂျန်နီလွတ်မြောက်ခဲ့ပေမယ့် နစ်တို့ကတော့ လေယာဉ်နဲ့အတူ  ပါသွားခဲ့ပါတယ်။ အောက်စဖို့ဒ်က ရင်ခွဲရုံကို ရောက်သွားခဲ့တဲ့နစ်ဟာ နောက်ရက်မှာ အသက်ပြန်ရှင်လာခဲ့ပြီး သူ့မိတ်ဆွေဗေးလ်ဟာ အာမာနက်ရဲ့အစွမ်းကြောင့် မကောင်းဆိုးဝါးအဖြစ် ပြောင်းလဲသွားတာ သိခဲ့ပါတယ်။ အဲဒီနောက်အာမာနက်  လွတ်မြောက်သွားခဲ့ပြီး သူ့ရဲ့ အစွမ်းအစတွေနဲ့ ဒုက္ခပေးပါ တော့တယ်။ အာမာနက်နဲ့နစ်၊ ဂျန်နီတို့ ထပ်တိုက်တွေ့တဲ့အခါ ဘာတွေ ဆက်ဖြစ်ကြမှာလဲ၊ အာမာနက်ကို ပြန်ထိန်းချုပ်နိုင်ပါ့မလားဆိုတာ အက်ရှင်ပြကွက်တွေနဲ့အတူ ရင်တဖိုဖိုနဲ့ ဆက်ကြည့်ဖို့ ညွှန်းပေးလိုက်ပါတယ်။ ဒီဇာတ်ကားမှာ တွမ်ခရုဇ်၊ အန်နာဘဲလ်ဝေါလစ်၊ ဆိုဖီယာ ဘိုတယ်လာ၊ ဂျိတ်ဂျွန်ဆင်၊ ကော့တနီဘီဗန့်စ်စတဲ့ သရုပ်ဆောင်များစွာပါဝင်ထားကြပါတယ်။        ။ (ဇာတ်လမ်းအညွှန်းကိုတော့ 7daydaily မှကူးယူဖော်ပြပါသည်။) File size…(5.3 GB)/(1.3 GB) /(800 MB) Quality….BluRay 4K HEVC/1080p HEVC/720p Format…mkv/mp4 Duration….01:50:06 Subtitle….Myanmar Subtitle (Hardsub) Encoder….Ka Naung

IMDb – 6.7/10 ရဲလုပ်သက်လည်းရင့်ပြီး လူဂွစာကြီးလည်းဖြစ်တဲ့ အက်ဒီ ဒူဂန် (Richard Gere) ဟာ အငြိမ်းစားယူဖို့အတွက် ကြိုးစားနေတဲ့သူပါ။ ဒီလိုနဲ့ အငြိမ်းစားယူဖို့တစ်ပတ်အလိုမှာ ဌာနကလုပ်တဲ့ ပရိုဂရမ်အသစ်မှာပါဝင်ဖို့ ဝာာဝန်ပေးခံလိုက်ရပြီး ရဲတပ်သားအသစ်လေးကို လေ့ကျင့်ပေးတဲ့အနေနဲ့ သူနဲ့အတူခေါ်ပြီး လှည့်ကင်းထွက်ရပါတော့တယ်။ ကလဲရန့်စ် (Don Cheadle)ကတော့ စားပွဲခုံမှာအလုပ်လုပ်ရတဲ့ရာထူးအဆင့်အထိတိုးရဖို့ ရည်ရွယ်ချက်နဲ့ တန်ဂို ဆိုတဲ့ နာမည်ဝှက်ကိုသုံးပြီး မူးယစ်ဆေးဝါးဂိုဏ်းတစ်ခုမှာ အသွင်ယူနေတဲ့ ရဲတစ်ယောက်ပါ။ ဒီလိုအသွင်ယူမှုကြောင့် သူ့ရဲ့ အိမ်ထောင်ရေးကလည်း ပျက်ပြားသွားခဲ့ပြီး သူကိုယ်တိုင်ကလည်း ထောင်ထဲမှာ အသွင်ယူနေတုန်းက သူ့ရဲ့အသက်ကို ကယ်တင်ပေးခဲ့ဖူးတဲ့ မူးယစ်ရာဇာ ဂိုဏ်းခေါင်းဆောင် ကတ်ဇ် ကို မိတ်ဆွေရင်းချာတစ်ယောက်အဖြစ်မှတ်ယူထားသူပါ။ တစ်နေ့မှာတော့ သူ့ရဲ့ မိတ်ဆွေကြီး ကတ်ဇ်ကို ‌ထောင်ထဲပြန်ထည့်ဖို့အတွက် အထက်လူကြီးတွေက တာဝန်ပေးလာခဲ့ပါတော့တယ်။ ဆဲလ် (Ethan Hawke) ကတော့ မူးယစ်ရဲတပ်ဖွဲ့က တစ်ယောက်ဖြစ်ပြီး သူလက်ရှိ‌ နေထိုင်နေတဲ့အိမ်က မှိုပြဿနာတက်နေတာကြောင့် သူ့မိန်းမရဲ့ကိုယ်ဝန်ကိုထိခိုက်လာတဲ့အတွက်‌ကြောင့် သူ့မိသားစုနေထိုင်ဖို့အတွက် အိမ်အသစ်ဝယ်ဖို့ပိုက်ဆံစုနေတဲ့သူပါ။ သာမာန်ရဲဝန်ထမ်းလစာကနည်းတဲ့အပြင်ငွေချေရမဲ့ရက်ကတဖြည်းဖြည်းနီးကပ်လာတဲ့အတွက် အိမ်ကိုရောင်းမဲ့သူကလည်း ‌တချိန်လုံးဖုန်းဆက်ပြီး မေးနေတာကြောင့် မူးယစ်ဆေးဝါးဂိုဏ်းတွေကိုဝင်စီးတဲ့အချိန်မှာ ရှိနေတဲ့ပိုက်ဆံတွေကို ဘတ်ဖို့ကြိုးစားပါတော့တယ်။ ဒီလိုနဲ့ ဌာနလည်းမတူ၊ တစ်ယောက်ကိုတစ်ယောက်လည်းမသိကြပဲ၊ ဘာဆိုဘာမှချိတ်ဆက်မှုမရှိကြတဲ့ ဘရွတ်ကလင်းကရဲသုံးယောက် သူတို့ရဲ့ကိုယ်ပိုင်ပြဿနာတွေကိုဖြေရှင်းကြရင်း ဘယ်လိုအခက်အခဲတွေကိုကြုံတွေ့ရင်ဆိုင်ပြီး ဖြေရှင်းကြရမလဲ၊ ဆဲလ်ကရော သူလိုတဲ့ပိုက်ဆံကိုရှာနိုင်သွားမလား၊ ကလဲရန့်စ်ကရော သူ့လိုချင်တဲ့ရာထူးကိုယူမလား၊ သူ့ရဲ့မိတ်ဆွေကြီးကိုကယ်နိုင်မလား၊ ဒူဂန်ကရော သူ့ဘဝရဲ့ အငြိမ်းစားယူချိန်လေးမှာ ဘာတွေလုပ်သွားနိုင်မလဲ၊ ခုနှစ်ရက် ဆိုတဲ့ တစ်ပတ်တာကာလအတွင်းမှာ သူတို့သုံး‌ယောက်ဘယ်လိုတွေကြုံတွေကြရမလဲဆိုတာကိုတော့ ဆက်လက်ကြည့်ရှုလိုက်ကြပါဦး။ အမေရိကန်က ရဲတွေကြုံတွေ့ကြရတဲ့ပြဿနာတွေ၊ လစာနည်းပါးတာတွေ၊ အမေရိကန်အပြင် ကမ္ဘာပေါ်မှာ ယနေ့တိုင်ဖြစ်နေတဲ့ လူမျိုးရေးခွဲခြားမှုတွေ၊ လာဘ်စားမှုတွေ၊ ရာဇဝတ်မှုတွေ၊ မူးယစ်ဆေးဝါးဂိုဏ်းတွေကြားကပြဿနာတွေနဲ့ လူတွေရဲ့စိတ်အကြောင်းကို ရသစုံစုံလင်လင်နဲ့ကြည့်ရှုရမဲ့ ဇာတ်ကားကောင်းလေးတစ်ကားဖြစ်ပါတယ်။ MCU က War Machine သရုပ်ဆောင် မင်းသားကြီး Don Cheadle လည်းပါဝင်သရုပ်ဆောင်ထားတာမလို့ ကြည့်ရှုအားပေးလိုက်ကြပါဦးဗျ။ File size…1.72GB / 636.8MB Quality…Blu-Ray 1080p 5.1CH / 720p Format…mp4 Duration….2h 12m Genre ….. Action , Crime , Drama Subtitle….Myanmar Subtitle (Hard Sub) Encoder….Min Wai Translated by Tmmt

Pleasantville (1998) ~ IMDb – 7.5/10, Rotten Tomatoes – 86% ~ ဒီခေတ်က ဖြစ်ရပ်တွေကိုကြည့်ရင်း “အရင်ခေတ်ကလူတွေသာ ဒါကိုမြင်ရင် ဘယ်လိုနေမလဲ” ဆိုတာမျိုးကို တစ်ခါလောက်တော့ တွေးမိဖူးကြမယ့်လူတွေများပါလိမ့်မယ်။ ဒီရုပ်ရှင်ကတော့ အဲဒီလိုအရင်ခေတ်တစ်ခုကိုပြန်ရောက်သွားတာပါ။ သိပ္ပံကားတွေလို အချိန်ခရီးသွားရင်း တကယ့်သမိုင်းထဲရောက်တာမျိုးတော့မဟုတ်ဘူးပေါ့။ ဒေးဗစ် နဲ့ ဂျန်နဖာဆိုတဲ့ အမွှာမောင်နှမ ၂ယောက်က ၁၉၅၀ လောက်က တီဗီရှိုးတစ်ခုဖြစ်တဲ့ Pleasantville ဆိုတဲ့အစီအစဉ်ထဲကို ပဉ္စလက်ဆန်ဆန် ဝင်ရောက်သွားတာဖြစ်ပါတယ်။ ပလဲဆန့်ဗေးလ်က ပြောရမယ်ဆိုရင် စိတ်ကူးယဉ်အိပ်မက်ကမ္ဘာလိုပါပဲ။ လူတိုင်းတာဝန်ကိုယ်စီနဲ့၊ နေ့တိုင်းကလည်း ဒီလို မပြောင်းမလဲ၊ အိမ်တွေကအစတူပြီး မီးတောင်မလောင်တတ်လို့ မီးသတ်ဆိုတာ သစ်ပင်ပေါ်တက်ပြီးပြန်မဆင်းတတ်တဲ့ကြောင်လေးတွေကို ကယ်ဖို့လောက်အသုံးဝင်တာပါ။ ရာသီဥတုကလည်း အမြဲတစ်ချိုးတည်း၊ အပူချိန်ကလည်း မတက်မကျ။ ဒီလို သူ့နေရာနဲ့သူ အံဝင်ခွင်ကျဖြစ်ပြီး ပြည်သူတွေအားလုံးပျော်နေကြတဲ့ ပလဲဆန့်ဗေးလ်တီဗီရှိုးထဲက ပလဲဆန့်ဗေးလ် မြို့ကလေးပါ။ ဒါပေမဲ့ ဒေးဗစ်တို့မောင်နှမ ၂ ယောက်ရောက်သွားပြီး ပြောင်းလဲမှုတွေ အံမဝင်မှုတွေနဲ့ ထိတွေ့ပေးလိုက်တဲ့အခါ အဖြူအမည်းလောကကြီးက တစ်စ တစ်စ အရောင်တွေပေါ်လာပါတော့တယ်။ လူတွေ လမ်းတွေ ပန်းတွေ အရောင်တွေစပေါ်လာကြတော့ လူတိုင်းက အထူးအဆန်းလိုဖြစ်သွားကြတာပေါ့။ ဘာကြောင့်များအရောင်ပေါ်လာတာလဲ…။ အဖြူအမည်းလူတွေက ဒါကိုအစိုးရိမ်ကြီးစိုးရိမ်ပြီး ပလဲဆန့်ဗေးလ်က အရင်လို အဖြူအမည်းနဲ့မှလှကြောင်း၊ ပုံစံခွက်ထဲက မထွက်ဖို့၊ ရှိရင်းစွဲအလုပ်တွေကိုပဲ လုပ်ဖို့၊ ကိုယ့်တာဝန်နဲ့ကိုယ် နေကြဖို့ လိုက်ဆော်ဩပြီး အရောင်ရှိသူတွေနဲ့ အဖြူအမည်းလူတွေလို့ ခွဲခြားသတ်မှတ်လိုက်ပါတယ်။ အဖြူအမည်းလူတွေကပဲ လူနေမှုစံစည်းမျဉ်းဆိုတဲ့ စည်းမျဉ်းထုတ်ပြီး လူတိုင်းယှဉ်တွဲနေလို့ရအောင်ဆိုတဲ့ ခေါင်းစဉ်အောက်ကနေ အရောင်ရှိသူတွေတွေကို ဖိနှိပ်ထားတဲ့ စည်းမျဉ်းတွေကိုထုတ်ပြန်လိုက်ပါသေးတယ်။ လူတွေဟာ ဘာကြောင့် အရောင်မဲ့နေတာလဲ… ဘာကြောင့် အရောင်စုံလာတာလဲ… ရုပ်ရှင်လေးကြည့်ရင် ဒီအဖြေကိုသိရပါလိမ့်မယ်။ ဒါရိုက်တာ Gary Ross ကလည်း အင်တာဗျူးတစ်ခုမှာ “တစ်ကိုယ်ရည်စိတ်တွင်းဖိနှိပ်ထားရမှုဟာ အခြားကျယ်ပြန့်တဲ့လူ့အဖွဲ့အစည်းကိုပါ လိုက်လံဖိနှိပ်မှုဆီ ဦးတည်ပါတယ်။ ဒီရုပ်ရှင်က ကျွန်တော်တို့ဟာ စိတ်တွင်းအရာတစ်ခုခုကိုကြောက်တဲ့အခါ… ဒါမှမဟုတ် အပြောင်းအလဲလုပ်ရမှာကိုကြောက်တဲ့အခါ အဲဒီအကြောက်တရားကို တခြားသူတွေဆီပုံချတဲ့အခါ ပိုရုပ်ဆိုးအကျည်းတန်တဲ့ လူမှုရေးပြဿနာတွေကို ဦးတည်သွားတတ်တဲ့အကြောင်း ရိုက်ကူးထားတဲ့ရုပ်ရှင်ပါ” လို့ပြောထားခဲ့တယ်။ ရုပ်ရှင်ရဲ့ အဖြူအမည်း၊ အရောင်ရှိ အရောင်မဲ့ ဆိုတာ အရောင်သဘာဝထက်ကိုပိုတဲ့ လေးနက်တဲ့အရာတွေကို ရည်စူးထားခဲ့တာပါ။ တွေးနိုင်ရင်တွေးနိုင်သလောက် အယူအဆကြိုးရှည်တွေ တစ်သီကြီး ဆွဲဆန့်နိုင်မယ့်ရုပ်ရှင်ပါပဲ။ ဒီရုပ်ရှင်က Gary Ross ကို ပွဲဦးထွက်မှာတင် လျှမ်းလျှမ်းတောက်စေခဲ့တဲ့ရုပ်ရှင်ပါ။ သူကိုယ်တိုင်ရေး၊ Co-poduce လုပ်ပြီး သူကိုယ်တိုင်ရိုက်ကူးခဲ့ပါတယ်။ Cast ကလည်း Tobey Maguire, Jeff Daniels, Joan Allen နဲ့ Reese Witherspoon တို့လို ခုခေတ်ရဲ့ထိတ်ထိတ်ကြဲတွေအပြင် Paul Walker တောင် ပါထားပါသေးတယ်။ ဇာတ်လမ်းက သိပ်ပါးနပ်တယ်။ ရိုက်ကွက်တွေက သိပ်ကိုလှလွန်းပါတယ်။ အဖြူအမည်းတွေကနေ အရောင်လေးတွေစုံလာပုံများ… တကယ့်မျက်စိပသာဒဖြစ်စရာပါ။ ရုပ်ရှင်ကြည့်ရင်း အဖြူအမည်းကို ဘယ်လိုရောသလဲ သိချင်လာလို့ အကြမ်းဖျင်းရှာကြည့်ခဲ့သလောက်ဆိုရင် ရုပ်ရှင်တစ်ကားလုံးကို အစက အရောင်နဲ့ရိုက်ထားတာပါတဲ့။ ပြီးမှ လိုတဲ့အပိုင်းတွေကို အရောင်နဲ့ဆက်ထားရင်ထား၊ အဖြူအမည်းပြောင်းရင်ပြောင်း လုပ်တာပါတဲ့။ ဝတ်စုံတွေ မိတ်ကပ်တွေလည်း တော်တော်သုံးပြီး တကယ်ခေါင်းအစားခံ ရိုက်ကူးထားပါတယ်။ ဒါကြောင့်လည်း အော်စကာဆု သုံးခုအတွက် ဆန်ကာတင်ဝင်ခဲ့တဲ့အပြင် ဆုပေါင်း ၁၈ခုရရှိပြီး တခြားဆုပေါင်း ၄၈ နေရာမှာ ‌ဆန်ကာတင်စာရင်းဝင်ခဲ့ပါတယ်။ The Beatles တို့ရဲ့ “Across the Universe” Adapted Version ကလည်း ရုပ်ရှင်နဲ့အံဝင်ခွင်ကျပါပဲ။ “Nothing’s gonna change my world…” ဆိုတဲ့စာသားနဲ့အတူ အရောင်မဲ့အပြောင်းအလဲတွေကိုဖက်တွယ်သင့်လား… ဘဝကြီးကို ‌အရောင်စုံဖြတ်သန်းသင့်သလား… ဆိုတာကိုတော့ Comedy, Drama, Fantasy ဆိုတဲ့ Genres တွေခံစားရင်း ကြည့်ကြတာပေါ့ဗျာ။ (ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်) Size – 2.40GB, 1.1GB Quality – 1080p, 720p IMDb Rating – 7.5/10 Format – mp4 Duration – 2H 4Min Genre – Comedy, Drama, Fantasy Subtitle – Myanmar Subtitle (Hardsub) Translated by Min Thant Bo Encoded by Y

Big Momma’s House (2000) ===================== စုံထောက်မင်းသားက မိန်းမဝဝ ဝတ်စုံကြီးဝတ်ပြီး အမှုလိုက်တဲ့ကားလို့ ကျွန်တော်တို့ငယ်ငယ်က သိခဲ့တဲ့ Big Momma’s House ကို CM ပရိတ် သတ်ကြီးအတွက် တင်ဆက်ပေးလိုက်ပါတယ်။ Big Momma’s House (1,2,3)ဆိုပြီး 3ကားရှိတဲ့ထဲက ဒါကတော့ (2000)ခုနှစ်မှာ ထွက်ခဲ့တဲ့ ပထမ ဆုံးကားဖြစ်ပါတယ်။ ကျွန်တော်ငယ်ငယ်ကလည်း အရမ်းကြိုက်ခဲ့ရတဲ့ ငယ်ဘဝအမှတ်တရကားဖြစ်ပြီး ဒီကားက ကျွန်တော့်ထက် ၅နှစ်တောင် ကြီးပါသေးတယ်။ ဇာတ်လမ်းအညွှန်းကတော့ FBIရဲဝန်ထမ်း မယ်လ်ကွန်ဟာ ထောင်ဖောက် ပြေးတဲ့အကျဉ်းသားကို ပြန်လိုက်ဖမ်းတဲ့မစ်ရှင်မှာ ထောင်ဖောက်အကျဥ်း သားရဲ့ ရည်းစားဟောင်းကောင်မလေးရှယ်ရီပီးယားစ်ရဲ့ ကွဲကွာနေတဲ့အဘွား ဖြစ်သူ (Big Momma-မေမေကြီး)ရဲ့အိမ်ကို စောင့်ကြည့်ရတဲ့တာဝန်ကိုယူ ရပါတယ်။ တစ်နေ့ မေမေကြီးမရှိခိုက် ရှယ်ရီက အိမ်ကိုပြန်လာမယ်ဆိုတဲ့ သတင်းကြောင့် မယ်လ်ကွန်က မိန်းမဝဝ ဝတ်စုံကြီးဝတ်ပြီး မေမေကြီးနေရာ ဝင်နေလိုက်ပါတယ်။ အဲဒီနောက် အလွဲပေါင်းစုံနဲ့ မယ်လ်ကွန့်မစ်ရှင်ကြီး စတင်တော့တာပေါ့ဗျာ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size……….(1.93 GB) / (939 MB) Quality…………BLU-RAY 1080p / 720p Duration………1Hr 39Min Subtitle………..Myanmar Hardsub Format…………MP4 Genre…………..Action, Comedy, Crime Translator…….Ngwe Zin Encoder……….SWM

ဒီရုပ်ရှင်က အသက်မပြည့်တဲ့ကလေးငယ်တွေ ကလေးအချင်းချင်း အုပ်စုဖွဲ့အနိုင်ကျင့်လုယက်တဲ့ ဖြစ်ရပ်မှန်ကိစ္စရပ်တွေပေါ်မှာ အခြေခံပြီး ရိုက်ကူးတင်ဆက်ထားတာပါ။ ဆွီဒင်နိုင်ငံရဲ့ ဒုတိယအကြီးဆုံးမြို့ ဂိုသန်ဘာ့ဂ်မြို့အလယ်ပိုင်းမှာ အသက် ၁၂နှစ်နဲ့ ၁၄နှစ်ကြားကလေးငယ်တွေ အုပ်စုဖွဲ့ပြီး တခြားကလေးတွေကို အနိုင်ကျင့်လုယက်ခဲ့တာဟာ ၂၀၀၆ခုနှစ်ကနေ ၂၀၀၈ခုနှစ်အတွင်းမှာ သိရှိရတဲ့အကြိမ်ရေပေါင်း လေးဆယ်ခန့်ရှိပါတယ်။ ဒီကလေးတွေက အနိုင်ကျင့်လုယက်တယ်ဆိုပေမဲ့ ရုပ်ပိုင်းဆိုင်ရာအနိုင်ကျင့်တာထက် စကားလုံးတွေနဲ့ ဆွဲဆောင်အကျပ်ကိုင်ပြီး လုယက်ကြတာပါ။ ဒီဇာတ်လမ်းမှာဆိုလည်း ရွှေ့ပြောင်းလုပ်သားမိသားစုက လူမဲကလေးငါးယောက်အုပ်စုဟာ ကလေးငယ်လေးတွေဆီကနေ အဖိုးတန်ပစ္စည်းတွေကို လုယူတာမျိုးမဟုတ်ဘဲ ငါတို့ရှုံးလို့ပေးလိုက်ရတယ်ဆိုတာမျိုးဖြစ်အောင် နည်းအမျိုးမျိုးနဲ့ လှည့်ပတ်ပြောဆိုပြီး လုယက်တာကို တွေ့ရမှာပါ။ ဒီရုပ်ရှင်ဟာ ၂၀၁၂ခုနှစ်မှာ နော်ဒစ်နိုင်နိုင်ငံများရုပ်ရှင်အဖွဲ့ကပေးတဲ့ ထူးချွန်ဆုကို ဆွတ်ခူးခဲ့သေးတာမို့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ Pyae Phyoပဲဖြစ်ပါတယ်) File size…(2.1 GB)/(1.1 GB) Quality….Blu-Ray 1080p / 720p Format…mp4 Duration….01:58:00 Genre…Drama Subtitle….Myanmar Subtitle (Hardsub) Encoder….Garfield Translated by Pyae Phyo

Hanu-man (2024) Imdb8.4/10 Rtscore 86% လက်ရှိမှာ ဟင်ဒီအသံဖြင့်သာ အကြည်ထွက်ရှိလာသေးတာမလို့ ဟင်ဒီအကြည်ဗားရှင်းဖြင့်သာ တင်ဆက်ပေးထားပါတယ် ======================== စူပါမျောက်မင်း ဟာနုမန် ဒီတစ်ခါ CM ပရိသတ်ကြီးကိုတင်ဆက်ပေးချင်တဲ့ဇာတ်ကားလေးကတော့ တီလဂူလ်စူပါဟီးရိုးကားလေးပဲ ဖြစ်ပါတယ် အမြတ်ငွေလည်း ၃၅၀ ကုဋေလောက်ရရှိခဲ့ပြီး 2024 မှာ ဒုတိယရုံဝင်ငွေအကောင်းဆုံးကားဖြစ်ပါတယ် ဇာတ်လမ်းလေးကို ပြောရရင် rating တွေ ကြည့်ရုံနဲ့ မခေလှတာကိုတော့ တွေ့မှာပါပဲ အထူးပြုလုပ်ချက်ဘာညာကလည်း ရိုးရာလဲမပျက် ခေတ်လဲမှီတဲ့ပုံစံလေးမို့ မဆိုးဘူးလို့ပဲ မှတ်ချက်ပေးရမှာပါ တစ်ခုပြောပြရမှာကတော့ ဗီလိန်ကတော့ ဆရာဘတ်နဲ့အဲဖရက်ကို Ref ယူထားတာပါ ဆရာဘတ်လိုမိဘတွေသေမှ စူပါဟီးရိုးဖြစ်မှာဆိုပြီး ကိုယ့်မိဘကိုယ်ပြန်သတ်တဲ့ ဆရာဘတ်အဇာတသတ် ဗားရှင်းကဗီလိန်ကြီးပါ အဲ့ချိန်မှာ မင်းသားတို့ရဲ့ရွာလေးမှာလည်း ရွာကိုအနိုင်ကျင့်စားနေတဲ့ လူမိုက်ခေါင်းဆောင်နဲ့ သူ့တပည့်တွေရှိပါတယ် အဲ့ကောင်တွေက မင်းသားရဲ့ကောင်မလေးနဲ့ ပြသနာဖြစ်လို့ အဲ့ကောင်မလေးကို သတ်ဖို့လုပ်တာကို မင်းသားကအချစ်စွမ်းအားနဲ့ ကြားကဝင်တားတာ ဟိုကောင်တွေက ချောက်ထဲကိုကန်ချလိုက်ပါတယ် ချောက်ထဲပြုတ်ကျပြီး သိုင်းကျမ်းမရပဲ အစွမ်းရသွားတဲ့ စူပါဟာနုမန်နဲ့ စူပါဟီးရိုးဖြစ်ချင်လှတဲ့ ဆရာဘတ်အတုတို့ ရင်ဆိုင်ကြရတဲ့အခါမှာတော့….. ပရိသတ်ကြီးပဲ အာရှစူပါဟီးရိုးကားလေးကို အားပေးကြပါဦး အခြေအနေကောင်းရင် စူပါဒဿဂီရိတွေ ထပ်ထွက်လာနိုင်ပါသေးတယ်… အညွှန်းနဲ့ဘာသာပြန်ကတော့ Saii ~ BpL ~ V ~ Thaik San တို့ပဲ ဖြစ်ပါတယ်

The Chapel – La Ermita ( 2023 ) ဘုရားကျောင်းကြီး ဒီတစ်ခါ စုန်း ၊ နတ်၀င်သည် ၊ သရဲတစ္ဆေအကြောင်းစိတ်၀င်စားသူ CM ပရိသတ်တို့အတွက် ၂၀၂၃ ခုနှစ်ထုတ် The Chapel ဆိုတဲ့ သဘာ၀လွန်စပိန်ဇာတ်ကားတစ်ကားကို တင်ဆက်ပေးချင်ပါတယ်။ ဇာတ်လမ်းအကျဉ်းကတော့ – ၁၆၃၁ ခုနှစ် ပလိပ်ရောဂါတွေပြန့်နှံ့လာတဲ့အခါ ငှက်လူသားလို့ခေါ်တဲ့သူတွေဟာ ပလိပ်ရောဂါဖြစ်နေသူတွေကို ဘုရားကျောင်းကြီးထဲမှာ ရာသက်ပန်အကျဉ်းချဖို့ ခေါ်သွားကြပါတယ်။ ခေါ်သွားခံရသူတွေထဲမှာ အူဆိုရာလို့ခေါ်တဲ့ကလေးမလေးတစ်ယောက်လည်းပါ၀င်သွားရှာပါတော့တယ်။ နှစ်တွေကြာပြီးတဲ့နောက်မှာ နတ်၀င်သည်တစ်ယောက်ဟာ ဒီရဲတိုက်ကြီးထဲကနေ မိန်းကလေးတစ်ယောက်ရဲ့ငိုသံကို အမြဲကြားနေရတယ်လို့ပြောကာ အဲဒါက အရုပ်လေးကျပျောက်သွားလို့ ငိုနေတဲ့ အူဆိုရာရဲ့၀ိဉာဉ်လေးလို့ဆိုပါတယ်။ ဒါကြောင့် နှစ်တိုင်းရဲ့ အောက်တိုဘာ ၂၉ရက်နေ့တိုင်းမှာ ရဲတိုက်ကြီးကို ၅ ရက်တိုင်တိုင်ဖွင့်လှစ်ပေးပြီး ကလေးမလေးကို ၀ိဉာဉ်ကိုနှစ်သိမ့်ဖို့ရာ လက်ဆောင်တွေ ယူလာပေးကြတဲ့ဓလေ့ဖြစ်လာပါတယ်။ အဲဒီနောက် အသည်းအသန်နာမကျန်းဖြစ်နေတဲ့ မိခင်ဖြစ်သူ ကွယ်လွန်သွားခဲ့ရင် မိခင်နဲ့အဆက်အသွယ်မပြတ်ဖို့ နတ်၀င်သည်ဖြစ်ချင်နေရှာတဲ့ အီမာဆိုတဲ့ကလေးမလေးဟာ ဒီပုံပြင်ကိုကြားပြီးတဲ့နောက်မှာ အူဆိုရာနဲ့သူငယ်ချင်းအဖြစ်မိတ်ဖွဲ့ဖို့ ကြိုးစားပါတော့တယ်။ အီမာလေးရယ် ဘုရားကျောင်းကြီးရယ် နတ်၀င်သည်တွေရယ်နဲ့ ဒီဇာတ်လမ်းမှာ ဘာတွေဆက်ဖြစ်ဦးမလဲဆိုတာတော့ ပရိသတ်ကြီးတို့ပဲ ရင်တဖိုဖိုနဲ့ စီးမျောခံစားပေးကြပါဦးဗျာ.. ( ဘာသာပြန်နဲ့အညွှန်းကတော့ CM Team မှဖြစ်ပါတယ် )

My Boo (2024) IMDb Rating (6.5) Netflix က ထွက်ရှိလာတဲ့ ထိုင်းသရဲဟာသကားလေးရပါပြီ။ သရဲကားလေးကိုမှ ပေါ့ပေါ့ပါးပါးနဲ့ ဟာသလေးစွက်လို့ ရှုစားလိုသူတွေအတွက် P’Bow ရဲ့ ရိုမန့်သရဲကားလေးပါ။ သရဲကားဆိုပေမဲ့ ရိုးရှင်းတဲ့ plotကိုမှ အခွီဘက် အသားပေး တင်ဆက်ထားတာမလို့ သရဲကြောက်တတ်တဲ့လူတွေတောင် သဘောကျမိမယ့် ဇာတ်လမ်းမျိုးလေးဖြစ်ပါတယ်။ ဂျိုးဆိုတဲ့ gamer ကောင်လေးတစ်ယောက်ဟာ ဘဝကို ရေသာခိုအချောင်လိုက် ပေါ့ပေါ့နေပေါ့ပေါ့စားရှင်သန်လာရင်းနဲ့ သူဌေးဖြစ်သူ သူ့အဘိုးဆုံးသွားတော့ အမွေထုပ်ကြီးကြီးရဖို့ မျှော်လင့်နေပေမဲ့ ကံဆိုးချင်တော့ သေတမ်းစာက သူ့နာမည်အရောက်မှာ အဆုံးသတ်သွားသတဲ့။ ဒီတော့ အစ်ကိုဖြစ်သူက ဂျိုးကိုသနားတာနဲ့ပဲ သူ့အမွေထဲက ပါထုန်ထာနီကအိမ်ကြီးကို ညီဖြစ်သူဂျိုးကို ခွဲပေးလိုက်တော့တာပေါ့။ ဘာအလုပ်မှလုပ်မစားတဲ့ဂျိုးလည်း အမွေရပြီဆိုတာနဲ့ အမွေရထားတဲ့အိမ်ကြီးကို ရောင်းစားဖို့ဆိုပြီး ပွဲစားခေါ်ပြီး ချက်ချင်းလာအကြည့်မှာ အိမ်ထဲက သရဲတွေနဲ့ ပက်ပင်းတိုးပါတော့တယ်။ တကယ်တော့ ဒီအိမ်ကြီးမှာ လွန်ခဲ့တဲ့နှစ်တွေက ဓားပြတိုက်တုန်းက အိမ်ကြီးရှင်သခင်မလေးအနုန်နဲ့အတူ အစေခံနှစ်ယောက်ပါ လူမသိသူမသိအသတ်ခံလိုက်ရပြီး သရဲအဖြစ် မကျွတ်မလွတ်ဖြစ်နေကြတာပါ။ ဒီတော့ အိမ်ကိုရောင်းချင်တဲ့ဂျိုးနဲ့ ဘဝမကူးနိုင်ရင် အိမ်ကဖယ်မှာမဟုတ်တဲ့ သရဲ ၃ ကောင် ဘယ်လိုအလွဲ‌တွေနဲ့ရှေ့ဆက်ကြမလဲဆိုတာ ရှုစားကြပါဦး။ (ရုပ်ရှင်အညွှန်းနဲ့ဘာသာပြန်ကို CM Thai Team မှ တင်ဆက်ထားပါတယ်။)

Made in China (2014) ******************** ၂၀၁၄ ခုနှစ်က ထွက်ထားခဲ့တဲ့ ဒီဇာတ်ကားလေးမှာတော့ Park Ki Woong ကို တရုတ်လူမျိုးတစ်ယောက်အနေနဲ့ သရုပ်ဆောင်ထားတာ မြင်တွေ့ရမှာဖြစ်ပါတယ်… Action, Romance, Melodrama လေးဖြစ်လို့ ဖိုက်တင်ပလေးတာတွေလည်း ကြည့်ရမှာပါ… ဇာတ်လမ်းအကျဉ်း ————- ‘ချန်း’ ဟာ တရုတ်လူမျိုးတစ်ယောက်ဖြစ်ပြီးတော့ ငါးရှဉ့်မွေးမြူရေးလုပ်ငန်း လုပ်ကိုင်ပါတယ်… တစ်ရက်မှာတော့ ကိုရီးယားနိုင်ငံဆီ တင်ပို့လိုက်တဲ့ သူ့မွေးမြူရေးခြံကငါးရှဉ့်တွေမှာ ပြဒါးဓာတ်ပါဝင်မှုကြောင့် ဈေးကွက်တင်ရောင်းချဖို့ အရည်အသွေးမမီဘူးဆိုပြီးတော့ ပယ်ချခံလိုက်ရပါတယ်… ဒါပေမဲ့ ပယ်ချခံရတဲ့ ငါးရှဉ့်တွေလည်း သူ့ဆီပြန်ရောက်မလာဘဲ ပျောက်ဆုံးနေခဲ့ပါတယ်… ဒါကြောင့် ချန်းတစ်ယောက် သူ့ရဲ့ ငါးရှဉ့်တွေဟာ အရည်အသွေးမီကြောင်းပြမယ် ပြန်စစ်ဆေးပေးဖို့တောင်းဆိုမယ်ဆိုပြီး ကိုရီးယားနိုင်ငံထဲကို ငါးရှဉ့် ၃ ကောင်ထည့်ထားတဲ့ သေတ္တာလေးတစ်လုံးနဲ့ ခိုးဝင်လာခဲ့ပါတယ်… ကိုရီးယားစကားလည်း တစ်လုံးမှနားမလည် တရားမဝင် ဝင်ရောက်လာသူလည်းဖြစ်တဲ့ ‘ချန်း’ တစ်ယောက်… ဘယ်လိုအခက်အခဲတွေနဲ့ ရင်ဆိုင်ရမလဲ။ သူလုပ်ချင်တဲ့အရာတွေကိုရော အောင်အောင်မြင်မြင်နဲ့လုပ်နိုင်ပါ့မလား… ဒီဇာတ်လမ်းလေးထဲမှာ ဆက်လက်ကြည့်ရှုပါရှင်… File Size : 1.27GB / 574MB Quality : WEB-DL 1080p / 720p Duration : Action, Romance, Life, Melodrama Genre : 1 hr. 40 min. Subtitle : Myanmar Subtitle (Hard Sub) Translated by Angel Encoded by Heather Oo

******************************** အင်ဟျော့ဆိုတဲ့ လူငယ်လေးက လူချမ်းသာမိဘတွေ ကျေးဇူးကြောင့် ငယ်စဉ်ကတည်းက ပူပင်ကြောင့်ကြမရှိ နေခဲ့ရသူလေးပါ .. ဒါပေမဲ့ တစ်နေ့မှာ အဖေဖြစ်သူက ချောက်ချခံရပြီး တရားရင်ဆိုင်စရာကိစ္စပေါ်လာပါတော့တယ် ဒါကြောင့် အင်ဟျော့လည်း ပစ္စည်းပို့ အချိန်ပိုင်းအလုပ်ကို စလုပ်ဖြစ်ခဲ့ပြီး ပစ္စည်းလိုက်ပို့ရင်း ရပ်ကွက်တစ်ခုက အဒေါ်ကြီးသုံးယောက်နဲ့ ငြိသွားတဲ့အခါမှာတော့… File Size : 1.86GB, 665MB Quality : 1080p,720p Format…mp4 Duration…1 hr. 24 min. Genre : Adult, Drama Subtitle : Myanmar Subtitle (Hard Sub) Translated by ‌SD Encoded by DS

In His Mother’s Eyes (2024) IMDb Rating (7.1) အော်တစ်ဇင်ဖြစ်နေတဲ့ ကောင်လေးတစ်ယောက်ရဲ့ ကမ္ဘာကိုတင်ဆက်ပြသထားတဲ့ ဖိလစ်ပိုင်ကားလေးပါ။ ကမ္ဘာဆိုတဲ့‌နေရာမှာ အော်တစ်ဇင်တစ်ယောက်ရဲ့ အမြင်ကနေ မြင်ရမယ့် ကမ္ဘာကို ပြထားတာတော့မဟုတ်ပါဘူး။ ဒီလိုကမ္ဘာကိုတော့ The Reason I Jumpလို ရုပ်ရှင်မျိုးမှာ လက်တွေ့ကျကျပြထားတယ်။ ဝူယောင်းဝူလို ဇာတ်လမ်းတွဲမျိုးမှာလည်းပြထားပေမဲ့ ဒီမှာကတော့ သူ့ဘေးပတ်ဝန်းကျင်က ဆက်ဆံမှုတွေကြား သူနေရတဲ့ ကမ္ဘာကို ဦးတည်ပါတယ်။ အော်တစ်ဇင်ဆိုပြီး နှိမ်ချင် ကြဉ်ချင်ကြတဲ့လူတွေ သနားသလိုနဲ့ အမြတ်ထုတ်ချင်နေတဲ့လူတွေနဲ့ ဆက်ဆံနေရတဲ့ကမ္ဘာကြီမှာ သူ့ဘက်ကရပ်တည်ပေးတဲ့ လူနည်းစုက ရပ်ကြည့်နေရတဲ့ အကြောင်းတွေ။ နောက် ရပ်မကြည့်ခဲ့တဲ့ သူ့အမေရဲ့ သူ့တုံ့ပြန်မှုနဲ့ သူ့ကမ္ဘာကလူတွေရဲ့ တုံ့ပြန်မှုတွေကို ပြထားတယ်။ ကောင်းကွက်ကတော့ ဒီလိုဘီအဆင့်အာရှရုပ်ရှင်တွေမှာ ကျွန်တော်တို့ကို လက်တွေ့ကျတဲ့ ဇာတ်သိမ်းခန်းတွေ ပေးတာရှားပါတယ်။ ကမ္ဘာနဲ့ငါ ပြန်ပေါင်းထုပ်ကျလေသတည်းနဲ့ ပျော်ရွှင်စွာဇာတ်သိမ်းခန်းတွေကို မြင်ရတာများပေမဲ့ ဒီရုပ်ရှင်ကတော့ အသိမ်းကိုတော့ လက်တွေ့ကျကျ သိမ်းပေးထားတယ်။ အော်တစ်ဇင် အနည်းနဲ့အများဖြစ်နေကြတဲ့ ကလေးတွေ ပမာဏတစ်ခုအထိရှိတဲ့ကိစ္စကို အဲဒီဘက်လိုင်းကို အားစိုက်နေတဲ့ အသိတစ်ယောက်ပြောဖူးတယ်။ သူတို့မြင်တဲ့ကမ္ဘာနဲ့ ကျွန်တော်တို့မြင်တဲ့ကမ္ဘာတော့ မတူကြပေမဲ့ ကျွန်တော်တို့ကမ္ဘာကို သူတို့နားလည်ဖို့ခက်နေရင် ကျွန်တော်တို့က သူတို့ကမ္ဘာကို နားလည်အောင်လုပ်ပေးဖို့လိုပါတယ်။ သူတို့ခံစားချက်ကို ထုတ်ပြဖို့က သူတို့အတွက်ခက်ခဲနေရင် သူတို့ခံစားချက်ကို ကျွန်တော်တို့က နားလည်အောင်လုပ်ပေးဖို့လိုပါတယ်။ ဘာလို့ဆို မမြင်နိုင်တဲ့အကြောင်းတရားတွေနဲ့ ဂြိုဟ်တွေ ကမ္ဘာတွေက အမြဲ တစ်ခုအတွက်တစ်ခု အမှီသဟဲဖြစ်နေတာပဲ မဟုတ်လား။ ဇာတ်လမ်းဇာတ်အိမ်က ခြောက်ပြစ်ကင်းနေတာကြီးတော့ မဟုတ်ပေမဲ့ သူတို့ကမ္ဘာကို ပိုနားလည်လာအောင် ကြည့်သင့်တဲ့ ရုပ်ရှင်လို့ပဲမြင်ပါတယ်။ (အညွှန်းနဲ့ဘာသာပြန်ကတော့ W ဖြစ်ပါတယ်။) File size…(6 GB) / (1.9 GB) / (760 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Drama Duration….01:49:11 Subtitle….Myanmar Subtitle (Hardsub) Encoder….Double K Translated by W

မိစ္ဆာနှိမ်နင်းသူတစ်ယောက်နဲ့သူ့ရဲ့ဇနီးဟာအရမ်းချစ်ခဲ့ကြတယ်။ လူသားမိစ္ဆာမခွဲခြားပဲလူတိုင်းကိုမေတ္တာထားတတ်တဲ့သူ့ရဲ့မိန်းမလေးဟာ တစ်နေ့မှာတော့ မိစ္ဆာရဲ့လက်မှာသေဆုံးသွားခဲ့ပါတယ်။ ရသေ့ကြီးတစ်ပါးက မိစ္ဆာဝိညာဉ်တစ်ထောင်ကိုစုပြီး ဇာမဏီငှက်မွှေးနဲ့ပေါင်းစပ်လိုက်ရင် သူ့ရဲ့ချစ်သူကို အသက်ပြန်သွင်းပေးနိုင်လို့ပြောပါတယ်။ အချစ်ကြောင့်ဘာမှမမြင်နိုင်တဲ့မိစ္ဆာနှိမ်နင်းသူဟာ သူ့အချစ်ကိုအသက်ပြန်သွင်းဖို့ခရီးကိုစတင်လိုက်ပါတယ်။ မိစ္ဆာတွေရဲ့ဝိညာဉ်ကိုလိုက်စုနေရင်း တစ်နေ့မှာမိစ္ဆာတွေဟာလဲ လူသားတွေလိုပဲအချစ်ရှိပြီး အချစ်အတွက်နဲ့အသက်ကို စွန့်ဝံ့တယ်ဆိုတာသိလိုက်ရပါတယ်။ဒါပေမယ့် သူ့ရဲ့ဇနီးလေးကိုအသက်ပြန်သွင်းဖို့ဆက်ပြီးကြိုးစားနေတုန်းပါပဲ။ တစ်ဖြည်းဖြည်းနဲ့မိစ္ဆာတွေဟာသူထင်သလောက်မဆိုးမှန်းသိလာရပြီးတော့ လူသားတွေဟာလဲထင်ထားတာထပ်ပိုပြီးယုတ်မာနိုင်တယ် ဆိုတာကိုသိလာရပါတယ်။ ကံကြမ္မာကိုတွန်းလှန်မယ့်သူ့ရဲ့ ခရီးဟာနောက်ဆုံးမှာဘယ်လိုအဆုံးသတ်မလဲ……