ဇာတ်ကားရဲ့အစမှာ မိန်းမတစ်ယောက် ကလေးမွေးနေတဲ့ အခန်းနဲ့ စထားတယ်။ဘေးမှာလည်း မိန်းမဖော်တွေအများကြီးနဲ့ပေါ့ ။ ညွှစ်ထား ထွက်တော့မယ် အားတင်းထား စသဖြင့် အသံတွေ ဆူညံလို့။အဲ့အသံတွေကြားထဲမှာမှ ကိုယ်ဝန်သည်မိန်းမရဲ့ နာကျင် လွန်းလို့ အော်ညည်းသံကတော့ အကျယ်ဆုံးပဲ။သိပ်မကြာလိုက်ပါဘူး။ ထွက်လာပြီဆိုတဲ့ ဝမ်းဆွဲသည်ရဲ့ အသံနဲ့အတူ ကလေးငိုသံလေးကို ကြားလိုက်ရတယ်။ကိုယ်ဝန်သည်မိန်းမဟာ ပင်ပန်းလွန်းလို့ ခြေပစ်လက်ပစ်ပေါ့။အဲ့ဒီအချိန်မှာပဲ မွေးခန်းထဲကို လူတွေ သုတ်သုတ်ပြာပြာ ဝင်လာတယ်။ပေး ပေး ဆိုပြီး ဝမ်းဆွဲသည်ဆီက ကလေးကို လုသွားတယ်။ ပင်ပန်းလွန်းလို့လှဲနေတဲ့ကလေးမိခင်ဟာ ထိတ်ထိတ်ပြာပြာနဲ့ ခေါင်းထောင်လာတယ်။ရှင်တို့ ဘယ်သူတွေလဲ ကျွန်မကလေးကို ဘယ်ခေါ်သွားကြမလို့လဲ မလုပ်ကြပါနဲ့ စသဖြင့် တစာစာအော်လို့။ ဒါပေမယ့် ဟိုလူတွေကတော့ ဂရုမစိုက်ပါဘူး။ခုမှမွေးထားတဲ့ကလေးကို သွေးနုသားနုမိခင်ဆီက ရက်ရက်စက်စက်ပဲ ခေါ်ယူသွားကြတယ်။ ဝမ်းဆွဲသည်တွေကလည်း ဟိုလူတွေကို တားရမယ့်အစား ကလေးမိခင်ကိုပဲ ဝိုင်းချုပ်ထားကြတယ်။ နောက်တစ်ခန်းမှာတော့ အိုမာ နဲ့ ဒီလေ့ဆိုတဲ့ စုံတွဲတစ်တွဲရဲ့ အိမ်ကိုပြတယ်။အခုတလောမှာ ဒီလေ့ဟာ ညဘက်ဆို အိပ်မက်ဆိုးတွေ မက်လာတယ်။သူ့အိပ်မက်ထဲမှာ လူတစ်စုက ကလေးတစ်ယောက်ကို မိခင်ဆီက လုသွားတဲ့ ပုံရိပ်တွေကို ထပ်ခါထပ်ခါမြင်နေတယ်။နောက်တော့ ဒီလေ့ဟာ ဒီစိတ်နဲ့ပဲ ကျန်းမာရေးချို့ယွင်းလာတယ်။မမြင်သင့်တာတွေကို မြင်လာရတယ်။ သူ့ယောကျ်ား အိုမာကတော့ ဒီလေ့ကို စိတ်ရောဂါဆရာဝန်နဲ့ ပြချင်တယ်။ ဒါပေမယ့် ဒီလေ့ရဲ့ သူငယ်ချင်း စုံတွဲကတော့ ဒီကိစ္စကို ပယောဂဆရာနဲ့ ပြကြည့်ဖို့ အကြံပေးတယ်။ ဒီလေ့ဟာ အဲ့ဒီအိပ်မက်တွေကို ဘာလို့ မက်နေတာလဲ။အဲ့ဒီအဖြစ်အပျက်ဟာရော ဒီလေ့နဲ့ ဘယ်လို ပက်သက် နေသလဲ။အိုမာထင်သလိုမျိုး ပင်ပန်းလွန်းလို့ စိတ်ဂယောက်ဂယက် ဖြစ်တာလား။ဒါမှမဟုတ် တကယ်ပဲ ပယောဂလား။ (သရဲကားဆိုမှတော့ သရဲပဲပေါ့နော့် :3) ကျွန်တော်ပြန်ရတဲ့ Dabbe ကားတွေကို Ratting ပေးရရင် ဒီကောင်က နံပါတ်(၂)မှာ ချိတ်တယ်။ သရဲကားဆိုတာထက် လျှို့ဝှက်သဲဖိုဘက် ပိုသွားတယ်။မထင်ထားတဲ့ လှည့်ကွက်တွေများတယ်။ ကြောက်လည်းကြောက် စိတ်လည်းစိတ်ဝင်စားနဲ့ ကြည့်ရမယ့် ကားမျိုးမို့ ညွှန်းပေးချင်ပါတယ်။ IMDB မှာတော့ 5.9 ရထားပါတယ်။ File size…1.73GB / 695MB Quality…WEB-Rip 1080p / 720p Format…mp4 Duration….2h 13m Genre ..... Horror , Mystery Subtitle….Myanmar Subtitle (Hard Sub) Encoder….Min Wai Translated by Damein

၁၉၀၀ခုနှစ်လောက်တုန်းကတောင်အာဖရိက မိုင်းတွင်းတစ်ခုမှာတူးဖော်ရရှိခဲ့တဲ့ ဒေါ်လာသန်း၂၀တန်ဖိုးရှိတဲ့ တောင်အာဖရိကနှလုံးသားလို့ခေါ်တဲ့စိန်တုံးကြီးကို လိုချင်တပ်မက်တဲ့မသမာလောဘသားတွေဟာ သူဌေးကြီးရဲ့သမီးကိုပြန်ပေးဆွဲခဲ့ပါတယ်။ ဓားစာခံကိုကယ်တင်ဖို့နဲ့ ပြန်ပေးတရားခံတွေကိုဖမ်းဆီးနိုင်ဖို့အတွက် ထန်ရှီးယွီတို့အမျိုးသမီးအထူးရဲအဖွဲ့ကိုတာဝန်ပေးအပ်ခဲ့ပါတယ်။ ဒီတစ်ကြိမ်မှာရော ထန်ရှီးယွီတို့အဖွဲ့က ဓားစာခံကိုဘေးကင်းကင်းနဲ့ကယ်တင်နိုင်ပါ့မလား...... ဉာဏ်များတဲ့ပြန်ပေးတရားခံတွေကိုရော အမိဖမ်းနိုင်ပါ့မလား...... မမရှီးယွီတို့အဖွဲ့ ဘယ်လိုတွေလက်စွမ်းပြကြဦးမလဲဆိုတာကို ဆက်ပြီးကြည့်လိုက်ကြပါဦးနော် [ Reviewed By Nu Mon ] Quality : WEB-DL 1080p , 480p Format : mp4 Genres : Action , Crime Runtime : 1h 23 min Subtitle : Myanmar Subtitle ( Hardsub ) Translated by CM Team Encoded by LK

ထိပ်တန်းငှက်လေ့ကျင့်ရေး ဆရာကြီးတစ်ယောက်ဖြစ်တဲ့ မောင်ရှန်းဟောင်ဟာ ဖီးနစ်ကျွန်းကို သွားရောက်ခဲ့ပြီးတော့ ဗီဇပြောင်းငှက်မျိုးစေ့တွေရဲ့ တိုက်ခိုက်ခြင်းကို ခံခဲ့ရပါတယ် ထူးဆန်းစွာနဲ့ပဲ လူတွေကလဲ တစ်ယောက်ပြီးတစ်ယောက် ပျောက်ဆုံးလို့ နေပါတယ် တစ်ဆက်ထဲမှာပဲ မြို့တော်ရဲ့ လူချမ်းသာအိမ်တော်ဖြစ်တဲ့ မုန့်အိမ်တော်ရဲ့ သခင်ကြီးဟာ သေဆုံးရာကနေပြီး ဖုတ်သစ္ဆေတစ်ကောင်ကို ပြန်နိုးထလာခဲ့ပါတယ် ထိပ်တန်းငှက်လေ့ကျင့်ရေး ဆရာကြီး မောင်ရှန်းဟောင်က ဒီသေဆုံးမှုဟာ ငှက်တစ်ကောင်တိုက်ခိုက်ခံရလို့ သေဆုံးတယ်လို့ ကောက်ချက်ချခဲ့ပေမဲ့ ဘယ်သူကမှယုံကြည်ချင်းမရှိခဲ့ပါဘူး မြို့တော်က လူတွေကလဲ ကောလဟာလတွေမှတစ်ဆင့် စိတ်တွေ ကယောင်ခြောက်ခြားတွေဖြစ်လို့လာမှာ အုံကြွမှုတွေပါ ဖြစ်လို့လာပါတယ် ဒီလိုနဲ့ မုန့်အိမ်တော်ရဲ့ သခင်လေးဖြစ်သူလဲဖြစ် ညွှန်ကြားရေးမှူးချုပ်လဲဖြစ်တဲ့ မုန့်ချန်နဲ့ အတူတူ အမှန်တရားကို ရှာဖွေခဲ့ကြတဲ့အခါ - ❏ ဘာတွေဆက်ဖြစ်ကြမှာလဲ ❏ သူတို့ပြောနေတဲ့ ဖုတ်သစ္ဆေဆိုတဲ့ အရာကရော အမှန်ပဲ ဖြစ်နေမလား ❏ အဲဒီတိုက်ခိုက်ကြတဲ့ ငှက်ဆိုးတွေကရော ဘာတွေကြောင့်ဖြစ်နေကြမလဲ ဆိုတာ ရင်တထိတ်ထိတ်နဲ့ စိတ်ဝင်တစားအဖြေရှာကြရမဲ့ horror အမျိုးအစားလေး ဇာတ်ကားကောင်းလေး တစ်ကားဖြစ်လို့ အခုပဲကြည့်ရှုလိုက်ရအောင်လားရှင် [ Reviewed By Chit Mya Mya Hmwe ] Quality : WEB-DL 1080p , 480p Format : mp4 Genres : Action , Thriller , Horror Runtime : 1h 25 min Subtitle : Myanmar Subtitle ( Hardsub ) Translated by CM Team Encoded by LK

ယာဉ်မတော်တဆဖြစ်ပြီးသုံးလလောက်ကိုမာဝင်ခဲ့တဲ့ ဂရေ့စ်တစ်ယောက်ကံကောင်းစွာနဲ့ပဲ သတိပြန်လည်လာခဲ့ပါတော့တယ်။ ဒါပေမယ့် သတိပြန်ရခဲ့တဲ့ဂရေ့စ်ဟာ ယာဉ်မတော်တဆ ဖြစ်ခဲ့အချိန်ကနေ နောက်ပြန်ရေရင်(၅)နှစ်တာကာလအတွင်းကအကြောင်းအရာတွေကို သူ မမှတ်မိတော့ပါဘူး။ ဒီလိုကာလတစ်ခုစာမမှတ်မိတော့တဲ့သူ့မှာ သူ့ကိုချစ်တဲ့သမီးလေးရယ် ယောကျ်ားလေးရယ် ညီမဖြစ်သူနဲ့ မှတ်ဉာဏ်ပြန်ရအောင်ကြိုးစားပြီးပျော်ပျော်ရွှင်ရွှင်နေနေ ခဲ့တာပါ။ ဒါပေမယ့် သူတို့မိသားစုလေးဂုဏ်ပြုညစာစားပွဲလေးကျင်းပနေချိန် ဂရေ့စ်ဆီကို ဖုန်းတစ်ခုဝင်လာရာကနေစတင်လာပါတော့တယ်။ နောက်ပြီး သူစိမ်းတစ်ယောက်ကလည်း သူ့ဘဝထဲကိုအတင်းဝင်ရောက်လာရာက ဂရေ့စ်တစ်ယောက်ပြဿနာတွေတစ်စတစ်တက် လာပါတော့တယ်။ ဒီသူစိမ်းက သူမမှတ်မိတော့တဲ့ငါးနှစ်ဆိုတဲ့ကာလမှာ ဘယ်လိုနေရာက ပါနေတာလဲ။ ဒီငါးနှစ်တာကာလမှာဂရေ့စ်တစ်ယောက်ဘာတွေလုပ်ခဲ့မိတာလဲ။ အခုရော သူဘာတွေကြုံတွေ့လာရမှာလဲကတော့......... Fatal Memory ဒါမှမဟုတ် Deadly Infidelity လို့ အမည်ရတဲ့ဒီကားလေးက (၂၀၂၂)ထွက် Thriller ကားအသစ်လေးဖြစ်ပြီးတော့ Mystery နဲ့ Dramaလေ ခပ်းပါးပါးပုတ်ထားတဲ့ကားလေးတစ်ကားဖြစ်လို့ ကြည့်ရှူခံစားကြည့်ပါဦး။ (ဇာတ်လမ်းအညွှန်းနဲ့ ဘာသာပြန်ရေးသားပေးသူကတော့ Chit Tee ဖြစ်ပါတယ်။) File Size -(2.1 GB) / ( 772.47 MB) / (297.69 MB) Quality – WebRip -(1080p) /  (720p) / (480p) Duration - 1hr 26min Subtitle – Myanmar Hardsub Format – MP4 Genre :  Drama, Thriller Translator – Chit Tee Encoder – San Win Maung

The Irish Connection (2022) ==================== IMDb Rating – 6.1/10 ဒီဇာတ်လမ်းကတော့ အဲလစ်ဘိတ်ကာ ဆိုတဲ့ အိုင်းရစ်အမျိုးသမီး တစ်ယောက်ရဲ့ ငွေတိုက်စာချုပ်တွေ အခိုးခံလိုက်ရတဲ့ အရှုပ်တော်ပုံ ဇာတ်လမ်းလေးတစ်ပုဒ်ပဲ ဖြစ်ပါတယ်။ အော်ရီရယ်က ငွေတိုက်စာချုပ် ပျောက်ဆုံးမှုနဲ့ ပတ်သက်ပြီး စုံစမ်းဖို့ အိုင်ယာလန်ကို စေလွှတ်ခံလိုက်ရတဲ့ အမျိုးသမီးစုံထောက်တစ်ယောက်ပါ။ တစ်ဖက်မှာလည်း အဲလစ်က သူ့ငွေတိုက်စာချုပ်တွေ ပြန်ရဖို့ မောင်ဖြစ်သူ ရိုရီဘိတ်ကာကို တိတ်တဆိတ်စုံစမ်းခိုင်းထားပြီး သံသယရှိသူတွေနောက်ကို လိုက်ဖို့ ညွှန်ကြားထားပါတယ်။ ငွေတိုက်စာချုပ်တွေကို ခိုးယူသွားတဲ့ ခရစ်ယာန်ဘုန်းတော်ကြီးယောင်ဆောင် ထားတဲ့လူက မော်လ်တာဆိုတဲ့ မြို့လေးမှာ ပုန်းရှောင်နေမှန်း သိလိုက်ရတဲ့အခါ ဗြိတိသျှအစိုးရဘက်ကရော အဲလစ်တို့ဘက်ကပါ သူခိုးကို အမိဖမ်းဖို့ အပြိုင် အဆိုင်ကြိုးစားကြပုံတွေကို မြင်တွေ့ရမှာပါ။ ဒါ့အပြင် အက်ရှင် နဲ့ စွန့်စားခန်းတွေကြားက စုံထောက်မလေး အော်ရီရယ်ရဲ့ အချစ်ဇာတ်လမ်းလေးကိုလည်း တွေ့မြင်ရဦးမှာမို့ ရသအစုံပါတဲ့ ဇာတ်ကားလေး တစ်ကားဆိုရင်လည်း မမှားပါဘူး။ နောက်ပြီးတော့ ဒီကားလေးဟာရုပ်ရှင်ပွဲတော် တွေမှာ ဆု (၄) ဆုထိရယူထားနိုင်ခဲ့တဲ့ ဇာတ်ကားကောင်းလေးပဲ ဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ May Thet Khine Soe ဖြစ်ပါတယ်)

အကိတ်တလိုင်းကိုးရီးယားမလေးရဲ့ အလှလေးတွေကို ထပ်ပြီးခံစားရအောင်ဗျာ ဂျင်းဂျူကလှတယ် ဆွဲဆောင်မှုအရမ်းရှိတယ် အခုတော့ သူဌေးတယောက်ရဲ့ ချစ်အမျိုးသမီးဖြစ်နေပြီလေ အမြင်အားဖြင့် သူအဆင်ပြေနေပြီပေါ့ သူမမှာ အတိတ်ဟောင်းကြီးက ခြောက်လှန့်နေဆဲပါပဲ သူမမှာ အဲဒီထက်ကြောက်ဖို့ကောင်းတာရှိနေတာ သူမမသိဘူးလေ သူမ တကယ်ကြောက်နေရတာဘယ်သူလဲ သူမရဲ့အတိတ်ဟောင်းက ဘာလဲဆိုတာ အဖေါ်ချွတ်ခန်းတွေ အယုယခန်းတွေနဲ့ ထုံမွှမ်းထားလို့ DS Fans တွေအတွက် တင်ဆက်ပေးလိုက်ပါတယ်

Fangoria Chainsaw Awards နဲ့ Young Artist Awards ရရှိထားတဲ့ ခြောက်ခြားဖွယ်ကောင်းတဲ့ သဘာဝလွန်ဖြစ်ရပ်ရုပ်ရှင်ကို တင်ဆက်ပေးလိုက်ပါတယ်။ အရှေ့က ၃ကား ကြည့်ပြီးသား လူဆိုရင်တော့ ဒီရုပ်ရှင်အမျိုးစားက ဘယ်လောက်တောင် ကောင်းလဲဆိုတာကို အထူးတလည် ညွှန်းနေစရာ လိုမယ် မထင်ပါဘူး။ Supernatural, Detective Pikachu, The society, The map of tiny perfect things, Ant man 1,2,3 အစရှိတဲ့ ရုပ်ရှင်ကောင်းပေါင်းများစွာထဲက ကျွန်တော်တို့ရဲ့ အချစ်တော် ကောင်မလေး Kathryn Newtonနဲ့အတူ Paranormal Activity ရုပ်ရှင်တွဲရဲ့ မပါမဖြစ် Katie Featherstonနဲ့အတူ နောက်ထပ် သရုပ်ဆောင်ပေါင်းများစွာကို ဒီကားထဲမှာ ခြောက်ခြားဖွယ်မြင်တွေ့ရမှာပါ။ အေးချမ်းလှတဲ့ ရပ်ကွက်ထဲမှာ နေထိုင်ကြတဲ့ အဲလက်စ်နဲ့ ဝိုင်းရက်တို့မိသားစုရဲ့ မျက်နှာချင်းဆိုင်အိမ်ကို မိသားစု တစ်စုပြောင်းလာကြပါတယ်။ အဲလက်စ်နဲ့ ဝိုင်းရက်တို့ မောင်နှမ ၂ယောက်ရဲ့ မိသားစုဘဝလေးထဲကို မျက်နှာချင်းဆိုင်အိမ်က ကလေး ရော်ဘီ ဝင်ရောက်လာတဲ့အခါမှာတော့ မထင်မှတ်တဲ့ သဘာဝလွန်ဖြစ်ရပ်တွေ ဖြစ်ပျက်လာပါတယ်။ ဒီသဘာဝလွန်ဖြစ်ရပ်တွေက ဘယ်လိုတွေဖြစ်လာတာလဲ၊ ဘယ်လိုတွေ ကြမ်းပြသွားမလဲဆိုတာကို Paranormal Activity ရဲ့ ရိုးရာမပျက် စိတ်ခြောက်ခြားဖွယ် ကြည့်ရှု့ရမှာ ဖြစ်ပါတယ်။ အညွှန်းနဲ့ ဘာသာပြန်သူက Minn Khant Kyi Win ဖြစ်ပါတယ်။ File size…(2 GB)/(1 GB) Quality….Webrip 1080p / 720p Format…mp4 Duration….01:28:00 Genre… Horror Subtitle….Myanmar Subtitle (Hardsub) Encoder….Mr. Anderson Translated by Min Khant Kyi Win

ချစ်သူကမုန်း၊ ဖဲကရှုံး… ကံဆိုးမသွားရာ၊ မိုးလိုက်လို့ရွာ… ဒါတွေကတော့ တစ်ခါတစ်လေ စာရေးသူတို့လူ့လောကကြီးမှာ မဖြစ်ချင်ဘဲဖြစ်ရတဲ့၊ အတောမသတ်နိုင်လွဲချော်နေရတဲ့အခြေအနေတစ်ခုကို ထင်ဟပ်ဖော်ပြတဲ့ စကားပုံတွေပဲဖြစ်ပါတယ်။ ကံမကောင်းလို့ ကိစ္စတစ်ခုခုမှာလွဲချော်ပြီးတာတောင် အားမရသေးဘဲ ကံတရားက ထပ်နှိပ်စက်တဲ့အခြေအနေ၊ လောကဓံသရုပ်ကို ပြောချင်တာပါ။ ဒါပေမဲ့လည်း တခါတလေမှာ အဲ့လိုကံဆိုးမိုးမှောင်ကျမှုတွေ၊ အဆင်မပြေလွဲချော်မှုတွေကြားထဲကနေပဲ စာရေးသူတို့တွေဟာ အကောင်းဆုံးရုန်းကန်ကြိုးစားထွက်မြောက်ပြီး အောင်မြင်သွားတတ်ကြသလို အဲ့လိုအဆိုးဆုံးအခြေအနေတွေကြားထဲမှာပင်လျှင် စာရေးသူတို့ဘဝအတွက် သင်ခန်းစာယူစရာတွေ၊ ဆင်ခြင်သုံးသပ်စရာတွေ၊ ဘဝအတွက်ဒဿနတွေ ရှိနေတတ်တယ်ဆိုတာ သတိမူမိဖို့လိုပါတယ်။ တခါတလေမှာ အခြေအနေတစ်ရပ်၊ လူတစ်ယောက်ရဲ့ သရုပ်မှန်ကို အကျပ်အတည်းကြားမှာမှတွေ့ရတတ်သလို အဆိုးဆုံးဆိုတဲ့ အခြေအနေ၊ လူတစ်ယောက်မှာလည်းပဲ သူ့ရဲ့အကောင်းမြင်စရာအနေအထားတစ်ခုတော့ ရှိတတ်စမြဲဆိုတာကို တွေ့ရတတ်ပါတယ်။ ဒါတွေကတော့ အခုတင်ဆက်ပေးမယ့် ဇာတ်ကားလေးကိုကြည့်ရင်း စာရေးသူစိတ်ထဲမှာဖြစ်ပေါ်လာတဲ့ အတွေးစုတွေဖြစ်ပါတယ်။ ဇာတ်ကားရဲ့ ပေးချင်တဲ့ message က တခြားဟာဖြစ်ကောင်းဖြစ်ပေမယ့် ဒါတွေကတော့ စာရေးသူဆက်စပ်တွေးဖြစ်တဲ့ဟာလေးတွေပါ။ အခုဇာတ်ကားလေးကတော့ ၂၀၂၃ ခုနှစ်ထွက် အမေရိကန် crime drama ဇာတ်ကားတစ်ကားဖြစ်ပါတယ်။ Jacob Elordi နဲ့ နာမည်ကြီး Star Trek ဇာတ်ကားတွေမှာပါဝင်ခဲ့တဲ့ Zarchari Quinto တို့ အဓိကဦးဆောင်ပါဝင်ထားပါတယ်။ ဒါရိုက်တာကတော့ Jeffrey Darling ဖြစ်ပြီး အမေရိကန်စာရေးဆရာ Conrad Hilberry ရဲ့ ၁၉၈၇ ခုနှစ်ထွက် မှုခင်းဝတ္တု Luke Karamazov ဝတ္တုထဲကဇာတ်ကောင်ပေါ်ကို အခြေခံပြီး ရိုက်ကူးထားတာဖြစ်ပါတယ်။ ဇာတ်ညွှန်းကိုတော့ Evan M Wiener ကရေးသားပေးထားပါတယ်။ ဇာတ်လမ်းအကျဥ်းကတော့ ဂျင်မ်ဟာ တောရိုင်းတိရစ္ဆာန်တွေလေ့ကျင့်ပေးပြီး ပြစားတဲ့သူတစ်ယောက်ဖြစ်ပါတယ်။ လောလောဆယ်မှာ စပန်ကီဆိုတဲ့ ချန်ပန်ဇီတစ်ကောင်ကို လေ့ကျင့်မွေးမြူထားပြီး ဝယ်လက်တစ်ယောက်ဆီ သွားပို့ဖို့ ထွက်လာတာဖြစ်ပါတယ်။ မျောက်ဝံပြစားတာ ယခင်လိုအလုပ်အကိုင်မကောင်းလို့ စပန်ကီကို ဝယ်လက်ဆီသွားပို့ကာမှ လမ်းမှာကားကပါပျက်ပါတော့တယ်။ ကားပျက်တာပြင်ပြီးလို့ ပြန်အထွက်မှာ ကားကြုံလိုက်မယ့် လူငယ်တစ်ယောက်ကို သနားစိတ်ဝင်ပြီး တင်မိရာကနေ အဲ့လူငယ်ဟာ သူထင်ထားသလို သာမန်ကောလိပ်ကျောင်းသားချာတိတ်မဟုတ်ဘဲ လူငါးယောက်ကိုပူပူနွေးနွေးသတ်လာတဲ့ ကွင်းဆက်လူသတ်သမား ဖြစ်နေတဲ့အခါ၊ သူ့ကိုပါ အနုကြမ်းစီးပြီး ပါတာလေးတွေ ယူလိုက်တဲ့အခါ ဂျင်မ်တစ်ယောက် စုပ်လည်းဆူး၊ စားလည်းရူးအခြေအနေနဲ့ အဆိုပါလူငယ်နဲ့ ရှေ့ဆက်ဖို့ အတော်လေးအခက်ကြုံလာရပါတော့တယ်။ File size…(1.3GB)/(633 Mb) Quality….Webrip 1080p / 720p Format…mp4 Duration….01:35:00 Genre… Crime, Drama, Thriller Subtitle….Myanmar Subtitle (Hardsub) Encoder….Garfield Translated by Ninja

IMDb 8/10 ဒီကာတွန်း​လေးက​တော့ one piece ကာတွန်းစီးရီးရဲ့spin offတစ်ခုပါ ​ပြောရရင်​တော့ Thriller Bark Arcမှာ Zoroနဲ့ သူတင်ကိုယ်တင်ဗျင်းခဲ့ပြီး ကိုင်​ဆောင်တဲ့ Shusuiဓါးကိုပါ Zoroကို​ပေးခဲ့တဲ့ ဒဏ္ဏာရီဆာမူရိုင်းကြီး Ryumaရဲ့ စွန့်စား​ရေးခရီးစဥ်ထဲက အဖြစ်အပျက်​လေးကိုဇာတ်လမ်းဖွဲ့ထားတာပါ ဇာတ်လမ်းအကျဥ်းက​​တော့ Ryumaဟာ နဂါးတစ်​ကောင်ကိုသတ်ဖြတ်ဖူးတယ်ဆိုတဲ့ ဇာတ်လမ်းကိုပဲ ​ဇာတ်လမ်းဆင်ထားတာပါ လွန်ခဲ့တဲ့၁၀နှစ်​လောက်တုန်းက နဂါး​တွေကိုထိန်းချုပ်နိုင်တဲ့ နဂါးခရာဟာ လုယူပြီး​ပျောက်ဆုံးသွားခဲ့ပါတယ်။ အဲ့ဒီခရာနဲ့ပတ်သတ်တဲ့အရှုတ်​တော်ပုံမှာ Ryumaတစ်​ယောက် ဘယ်လိုပတ်သတ်မိသွားတာလဲဆိုတာ​တော့ ၂၅မိနစ်ကြာဒီအပိုင်းမှာကြည့်ရှုကြပါစို့ File size… 305 MB Quality… Web-DL 1080p Format… mp4 Duration…. 25m Genre ….. Comedy/Animation Subtitle…. Myanmar Subtitle (Hard Sub) Encoder…. Thit San Khant Translated by Dr.Nyan

The Iron Claw (2023) ~ IMDb – 8/10, RT – 89%, Meta – 73% ~ National Board of Review က အကဲဖြတ်ပေးထားတဲ့ ၂၀၂၃ ရဲ့ Top 10 ၁၀ကားထဲက တစ်ကားပါ။ ဝေဖန်ရေးသမားတွေတော့ တော်တော်ချီးကျူးထားကြပေမဲ့ အော်စကာတော့ တစ်ခုမှကိုမဝင်သွားခဲ့ပါဘူး။ ဒီစာရင်းထဲပါပြီး နောက်ထပ်အော်စကာတစ်ခုမှမဝင်သွားတာကတော့ Ferrari ပါ။ ကျန်တဲ့၈ကားကတော့ Best Picture စာရင်းဝင်ကားတွေချည်းပါပဲ။ A24 က ထုတ်ထားသလို သရုပ်ဆောင်တွေကလည်း Zac Efron, ဒီနှစ်ဆုတွေမနည်းသိမ်းသွားတဲ့ The Bears စီးရီးရဲ့မင်းသား Jeremy Allen White, Triangle of Sadness နဲ့ Where the Crawdads Sing က မင်းသား Harris Dickinson, နောက် Lily James… ဇာတ်ကတော့ ကျွန်တော်တို့ငယ်ငယ်က ဂိမ်းတွေရော အခွေတွေရော ကစားခဲ့ ကြည့်ခဲ့ဖူးတဲ့ စမတ်ဒေါင်း ခေါ် နပန်းပွဲက နပန်းသမားတွေအကြောင်းပေါ့။ အဲဒီနပန်းလောကရဲ့ အကြီးကျယ်ဆုံးမိသားစုအဖြစ် မှတ်ကျောက်တင်ခံခဲ့ရတဲ့ မိသားစုတစ်ခုအကြောင်းပါပဲ။ ဒီမိသားစုရဲ့အစက ဖရစ်ဇ်ဗွန်အဲရစ်လို့ခေါ်တဲ့ ဂန္ထဝင်နပန်းသမားကြီးကနေစတယ်။ သူက ရည်မှန်းချက်ကြီးတယ်။ သူ့လောကမှာ သူအအောင်မြင်ဆုံးဖြစ်ချင်တယ်။ ကျားကုတ်ကျားခဲကြိုးစားခဲ့တယ်။ ဒီလိုကြိုးစားခဲ့လို့ သူချန်ပီယံဆုအကုန်နီးပါးရခဲ့ပေမဲ့ သူမရခဲ့တဲ့တစ်ခုတည်းသောဆုက ကမ္ဘာ့ဟဲဗီးဝိတ်ချန်ပီယံဆု။ နောက်ပိုင်း သူက WCCW လို့ခေါ်တဲ့ World Class Championship Wrestling ပွဲအစီအစဉ်ကို ပိုင်တဲ့သူ။ သူက သူမရခဲ့တဲ့ဆုကို သူ့သားတွေကို ရစေချင်သလို သူတို့မိသားစုကို နပန်းလောကရဲ့ အကြီးကျယ်ဆုံး မိသားစုဖြစ်စေချင်ခဲ့တယ်။ သူ့သားတွေအကုန်လုံးကို နပန်းသမားတွေဖြစ်လာအောင် သူ ကိုယ်တိုင်လေ့ကျင့်ပေးခဲ့တယ်။ ဒီရုပ်ရှင်မှာ နပန်းပွဲတွေနဲ့ သူတို့သားအဖ ညီအစ်ကိုတွေကြားက မိသားစုဒရာမာတွေကို အချိုးကျပြသွားခဲ့တယ်။ WWE Hall of Fame မှာ ဗွန်အဲရစ်မိသားစုကို နပန်းပွဲသမိုင်းရဲ့ အကြီးကျယ်ဆုံးမိသားစုအဖြစ် ၂၀၀၉မှာ မှတ်ကျောက်တင်ခံခဲ့ရတယ်။ The Iron Claw ဟာ ဒီလိုမှတ်ကျောက်အတင်ခံရဖို့ သူတို့မိသားစု ဘယ်လိုကြိုးစားခဲ့ရလဲ ဘယ်လိုကြမ္မာတွေနဲ့ကြုံခဲ့ရလဲဆိုတာကို ပုံဖော်ထားတဲ့ရုပ်ရှင်ပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 7.7GB, 2.65GB, 1.35GB Quality – 4K HEVC, 1080p, 720p IMDb Rating – 8/10 Format – mp4 Duration – 2H 12Min Genre – Biography, Drama, Sport Subtitle – Myanmar Subtitle (Hardsub) Translated by WiRa Aung Encoded by Y

အရမ်းအေးတဲ့ဒေသမှာနေခဲ့တဲ့ မိသားစုတစ်စုရဲ့ သားဖြစ်သူ Kenji က လိုင်းပေါ်ကနေ အိမ်တစ်လုံးကို တွေ့ခဲ့တယ်. ဒါနဲ့ပဲ ပြောင်းနေကျဖို့ ဆုံးဖြတ်ပြီး အဲ့အိမ်လေးဆီသွားကြည့်‌တော့ အိမ်လေးက အရင်နေတဲ့အိမ်ထက် အများကြီး ပိုသပ်ရပ်ပြီး စျေးလည်းသက်သာနေတာပေါ့ .. ဒါပေမယ့် သူတို့ မသိတဲ့ အဲ့အိမ်က လျို့၀ှက်ချက်တွေက ဘာတွေဖြစ်မလဲ… File size_(1.9GB)/(730MB) Quality_Blu-Ray 1080p / 720p Format_mp4 Duration_01:20:00 Genre_Crime, Drama Subtitle_Myanmar Subtitle (Hardsub) Encoder_a hao Translated by JP

Veronica Mars Series မှာသရုပ်ဆောင်ခဲ့တဲ့ Paul Karmiryan ပါဝင်ထားပြီး Fiona Robertနဲ့ Sophia Robert ညီအစ်မနှစ်ယောက်ပူးပေါင်းရိုက်ကူးထားသော Drama အမျိုးအစားဇာတ်လမ်းပဲဖြစ်ပါတယ် ဇာတ်လမ်းအကျဉ်း လူကုံထံလူတန်းစား အပေါင်းအ‌သင်းတွေနဲ့သာကျင်လည်နေခဲ့တဲ့ Annabel ဆိုတဲ့ကောင်မလေးဟာ တ‌စ်နေ့မှာတော့ Theo Offitဆိုတဲ့ ဓာတ်ပုံဆရာတစ်ယောက်နဲ့ မမျှော်လင့်ပဲတွေ့ဆုံခဲ့ကြရင်း သူတို့နှစ်ယောက်ရဲ့ ရင်းနှီးကျွမ်းဝင်လာခဲ့ပါတယ်။ အထက်တန်းလွှာသူငယ်ချင်းတွေက သာမန်လူတန်းစားလူတွေအပေါ်ခွဲခြားဆက်ဆံတာတွေ၊ Annabel တစ်ယောက် မတူညီတဲ့အသိုင်းအဝိုင်းနှစ်ခုကြားကို ဘယ်လိုပေါင်းသင်းဆက်ဆံနေရတယ်ဆိုတာနဲ့အတူ ချစ်သူရှိပြီးသား Annabel တစ်ယောက် Theo‌ ကြောင့်ချစ်သူနဲ့နားလည်မှုလွဲပြီးပြတ်စဲသွားမလား၊ သူငယ်ချင်းတွေနဲ့ဖယ်ကျဉ်တဲ့ဒဏ်ကို ခံရပြီးနောက် Theo နဲ့ပဲဆက်လက်ခင်မင်သွားမလားဆိုတာကိုခန့်မှန်းကြည့်ရှုရမှာဖြစ်သလို Drama ဇာတ်အေးခုံမင်သူတွေ အကြိုက်တွေ့စေမယ့် ဇာတ်ကားကောင်းလေးပဲဖြစ်ပါတယ် File size…(1 GB)/(661 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Drama Subtitle….Myanmar Subtitle (Hardsub) Encoder….Swan Min Htet Translated by Vivien Cho

Nightman ရုပ်ရှင်ဟာဆိုရင် 2023 ခုနှစ်မှာထွက်ရှိခဲ့တဲ့ Horror ရုပ်ရှင်အမျိုးအစားဖြစ်ပြီး Belgium နိုင်ငံကရိုက်ကူးတင်ဆက်ထားတဲ့ English စကားပြောရုပ်ရှင်ကားတစ်ကားပဲဖြစ်ပါတယ်။ Alex ဆိုတဲ့အမျိုးသမီးဟာ Damian ဆိုတဲ့ အမျိုးသားနဲ့အကြောင်းပါပြီးတဲ့နောက် Damian ဆက်ခံရမယ့်အမွေနဲ့အိမ်ကိစ္စအတွက် Damian ရဲ့မွေးရပ်မြို့ကို ရောက်လာခဲ့ပါတယ်။ Damian ဟာ အရာရာပြည့်စုံတဲ့ ခင်ပွန်းကောင်းလို့ Alex ကယုံကြည်နေခဲ့တာပေါ့။ ဒါပေမယ့်လည်း Alex တစ်ယောက်မသိနိုင်တဲ့ နောက်ကွယ်ကအကြောင်းတွေ ရှိနေပါသေးတယ်။ သူတို့အနီးအနားမှာ ထူးဆန်းတဲ့ပျောက်ဆုံးမှုနဲ့ လူသတ်မှုတွေ ဖြစ်လာတဲ့အချိန် Damian တစ်ယောက် မူမမှန်တဲ့အပြုအမူတွေဖြစ်နေတာကို သတိထားမိရင်း အန္တရာယ်ပေးနိုင်တဲ့ Sleepwalker တစ်ယောက်ဆိုတာပါ Alex သိသွားတဲ့အခါမှာတော့… Damian က ဘယ်လိုလူလဲ ပျောက်သွားတဲ့သူနဲ့ Damian ကရော ဆက်စပ်မှုရှိနိုင်လား အဆုံးသတ်မှာရော Alex တို့နှစ်ယောက် အရာရာ အဆင်ပြေသွားမလားဆိုတာကို တစိမ့်စိမ့်နဲ့ပဟေဠိဆန်ဆန်ကြည့်ရှုရမယ့် ရုပ်ရှင်ကောင်းတစ်ကားဖြစ်တာမို့ ကြည့်ရှုအားပေးကြပါဦး… File size…(1 GB)/(648 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Horror, Thriller Subtitle….Myanmar Subtitle (Hardsub) Encoder….Swan Min Htet Translated by Vivien

Leg Piece (2025) တစ်ပိုင်းတစ်စ မွေးတည်းက ရွှေဇွန်းကိုက် မွေးဖွားလာသူမျိုးမဟုတ်ရင် အသက်ရှင်ရပ်တည်ရေးအတွက် ပုံစံမျိုးစုံနဲ့ ရုန်းကန်ရတာပါပဲ။ ဒီဇာတ်လမ်းလေးထဲမှာလည်း ရုန်းကန်လှုပ်ရှားနေတဲ့ လူလေးဦးရဲ့ ဘဝကိုယ်စီကို ဖော်ပြထားပါတယ်။ ဘယ်သူမဆိုရဲ့အသံကို တုပပြောဆိုနိုင်တဲ့အရည်အချင်းရှိသူတစ်ဦး။ သူက ဈေးထဲကဈေးသည်တွေကိုယ်စား သူတို့လိုချင်တဲ့အသံအတိုင်း ‌ပြောပေးပြီး ကူညီရောင်းချပေးရင်းနဲ့ ဝမ်းစာရှာဖွေရသူပေါ့။ နောက်တစ်ဦးကတော့ ဘရိတ်လည်းမကောင်း ဟွန်းလည်းပျက်နေတဲ့ ဆိုင်ကယ် အစုတ်လေးနဲ့ တစ်လမ်းဝင် တစ်လမ်းထွက် ဆံပင်လိုက်ဝယ်ရင်း အသက်မွေးဝမ်းကျောင်း နေရသူပါ။ နောက်တစ်ယောက်က မွေးတည်းက ထူးခြားတဲ့စွမ်းရည်ရှိတယ်လို့ သူ့ကိုယ်သူ သတ်မှတ်ထားတဲ့ နာနာဘာဝတွေကိုမြင်နိုင်နေတာပါ။ အိမ်ဟောင်း မြေဟောင်းတွေက မကျွတ်မလွတ်သေးတဲ့သူတွေကို ထွက်ခွာစေဖို့လို မကောင်းဆိုးဝါးနှင်တဲ့အလုပ်လုပ်ပါတယ်။ နောက်ဆုံးတစ်ယောက်ကတော့ ကြက်တူရွေးလေးနဲ့ ဗေဒင်ဟောတာပါ။ လက္ခဏာလည်းနည်းနည်းပါးပါး ကြည့်တတ်တဲ့ ဗေဒင်လက္ခဏာပညာရှင်ပေါ့။ ဒီလိုနဲ့တစ်နေ့ သူတို့လေးဦးဟာ လမ်းဆုံတစ်ခုမှာအမှတ်မထင်တွေ့ဆုံပါတယ်။ လေးယောက်တစ်ပြိုင်တည်း ပိုက်ဆံကောက်ရဝာာပါ။ ညီတူမျှတူဝေခွဲရင်း စားသောက်ဆိုင်တစ်ခုမှာ ဘဝအကြောင်း စကားစမြည်ပြောဆိုရင်း ဘဝအလှည့်အပြောင်း ကြုံလာရပုံကို တွေ့မြင်ရမှာပဲ ဖြစ်ပါတယ်။ အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ်။

IMDb Rating (8.0) / Rotten Tomatoes (76%) Big Fish ( 2003 ) အဖေ့ရဲ့ပြာတွေ ဇာတ်လမ်းတွေဆိုတာ ပစ္စုပ္ပန်လည်းမရှိ အတိတ်လည်းမရှိဘူး။ ဇာတ်လမ်းတွေဆိုတာ အနာဂတ်ကို ဦးတည်တတ်တယ်။ အဖြူသက်သက်ကို အဖြူစွတ်ထားတဲ့ ပန်းချီကားတစ်ချပ်ကို အမြဲတမ်းငေးကြည့်နေတတ်တဲ့ လူဆိုးကြီးတစ်ယောက်ပါတဲ့ ဇာတ်လမ်းတွဲတစ်ခု ငါကြည့်ဖူးတယ်။ အဖြူရောင်ပန်းချီကားတွေဟာ ဟိုးအစဆီမှာ တကယ်ရှိခဲ့ဖူးပါတယ်။ ပြာဟာ အသန့်စင်ဆုံးအဖြူရောင်လို့ ငါကြားဖူးတယ်။ အခါခါ လောင်ကျွမ်းခြင်းရဲ့ သန့်စင်တဲ့အဆုံးသတ်… ကြေးချွတ်သန့်စင်ဘုံတစ်ခုကို ဖြတ်သန်းခြင်း…. အဆုံးတစ်ဘက်ဆီမှာလည်း အဖြူရောင်ပြာတွေဟာ တကယ်ဖြူနိုင်တာပါပဲ။ ငါ့ရဲ့ အဖြူရောင်ပန်းချီကားလို ကာလတွေမှာ အရာရာကို သိချင်စိတ်များတဲ့ ကလေးလေးတစ်ယောက်ရဲ့ စေခိုင်းမှုအတိုင်း ငါ့အဖေက ဝက်ဝံရုပ်လေးကို ဓားနဲ့ခုတ်ပေးဖူးတယ်။ ဝက်ဝံရုပ်လေးထဲမှာ ဘာတွေရှိလိမ့်မယ်လို့ ငါမျှော်လင့်ခဲ့မိမှန်းတော့ မမှတ်မိတော့ပါဘူး။ အဲဒီဝက်ဝံရုပ်ကလေးအတွက် ငါ့အဖေအတွက် ဝမ်းနည်းရတဲ့ခံစားချက်က အခုထိ ငါ့ဆီမှာ ကျန်နေတုန်းပဲ။ ဒါပေမဲ့ အဲဒီတုန်းကတော့ အဲဒီပန်းချီကားက အဖြူစွတ်စွတ်ဖြူနေတယ်။ အဖေ့ဘဝမှာ နေပူကြဲတဲ ညနက်သန်းခေါင် နရသိန်နှုတ်ခမ်းဝ အမှောင်မိုက်ဆုံးနဲ့ အပူပြင်းဆုံးနေ့ရက်များစွာ ရှိခဲ့ဖူးတာကို ငါကောင်းကောင်းသိပါတယ်။ အဖြူရောင်မဖြစ်တဖြစ် ပန်းချီကားတစ်ချပ်လိုကာလတုန်းကတော့ ငါရေးတေးတေးပဲ သိခဲ့တယ်။ ငါ့ပန်းချီကားမှာ အရောင်တွေစုံလာမှ သူကြုံခဲ့ရတဲ့အရောင်တွေကို ငါပြန်နားလည်လာနိုင်ခြင်းတွေပေါ့။ ဒါပေမဲ့ ငါ့အဖေက အတ်ဒဝတ်ဘလွန်းမဟုတ်ခဲ့ဘူး။ ပုံပြောကောင်းတဲ့ အဘိုးကြီးမဟုတ်တဲ့ သာမန်အဘိုးကြီးတစ်ယောက်ပဲဖြစ်ခဲ့တယ်။ အော်စကာဝိုင်းပြောသလို အမှန်တရားဆိုတဲ့စကားလုံးမှာ သန့်ရှင်းတယ်ဆိုတာရှားပြီး ရိုးရှင်းတယ်ဆိုတာ ဘယ်တော့မှမရှိဘူး။ ဘာလို့ဆို ငါတို့ရဲ့များသောအားဖြင့် တင်စားချက်တွေမှာ အမှန်တရားဟာ ဖုံးကွယ်ထားတဲ့အရာတစ်ခုနောက်က တကယ့်အဖြစ်မှန်ကို ရည်ညွှန်းနေတတ်တာများတယ်။ အတ်ဒဝတ်ဘလွန်းဟာ ခါးသီးတဲ့အဖြစ်မှန်တွေကို လှပတဲ့ပုံပြင်တွေအဖြစ်ပြောင်းလဲပစ်ပြီး သူ့သားကို ရက်စက်တဲ့အမှန်တရားတွေလက်ကနေ ကာကွယ်ခဲ့တယ်။ ငါ့အဖေကတော့ ငါ့ကိုမပြောပြတဲ့ နည်းနဲ့ပဲ ကာကွယ်ပေးခဲ့တယ်။ ဒါပေမဲ့ ငါရေးရေးသိခဲ့ပါတယ်။ အတ်ဒဝတ်ဘလွန်းရဲ့ ကာကွယ်နည်းက ပိုထိရောက်တာအမှန်ပေမဲ့ ငါ့အဖေဟာ သူစွမ်းသလောက်တော့ ငါ့ကိုကာကွယ်ပေးခဲ့တယ်။ သုခမိန်လှိုင်ရဲ့ဓားလို ကာကွယ်ပေးခဲ့တယ်။ ဓား ငါ ပျော်ရင်တော့ မင်းကို ခွဲပေးပါ့မယ် အဲဒါ လွယ်တယ် ငါ မပျော်ရင်တော့ မင်းကိုခွဲမပေးတော့ဘူး အဲဒါ ခက်တယ် သံက မီးဖိုထဲမှာ အရည်ပျော်ပြီး ပြန်လာသလိုမျိုး Magical Realismရုပ်ရှင်တွေကို ငါသဘောကျတဲ့အချက်က အရက်စက်ဆုံးဇာတ်လမ်းတွေကိုတောင် စိတ်ဝင်စားစရာအကောင်းဆုံး ဇာတ်လမ်းတွေဖြစ်အောင်လုပ်ပစ်နိုင်တာကိုပေါ့။ Big Fishကတော့ ထူးခြားတယ်။ ခါးသီးတဲ့ဇာတ်လမ်းတွေကို လှပတဲ့ပုံပြင်တွေအဖြစ် ပြောင်းလဲပစ်ခဲ့တဲ့ Magical Realismရုပ်ရှင်မျိုးပဲ။ အတ်ဒဝတ်ဘလွန်းဟာ မွေးကင်းစကတည်းကနေ သေတဲ့အထိ ဖမ်းလို့မမိနိုင်တဲ့ငါးကြီးတစ်ကောင်ကို လိုက်ဖမ်းခဲ့တယ်။ အဲဒီငါးကြီးက ပုံစံအမျိုးမျိုးနဲ့တည်ရှိနေတယ်။ အချစ်တွေ, ကိုယ်ချစ်ရတဲ့သူအတွက် အကောင်းဆုံးလုပ်ပေးချင်ခြင်းတွေ, သူ့အခက်ခဲဆုံးအချိန်တွေ ဘေးမှာရှိနေပေးစေခြင်းတွေ, သူဖြစ်ချင်တဲ့အရာတိုင်းကို လုပ်ပေးချင်ခြင်းတွေ, အိပ်မက်တွေပေါ့။ အချစ်ဆိုတဲ့အရာကလည်း ငါတို့ထင်သလောက် မရိုးရှင်းတာ, မသန့်ရှင်းတာ, မချိမြိန်တာကို အနေကြာလာရင်းနဲ့ ငါတို့သိလာတာပါပဲ။ ဒါအမှန်တရားပဲ။ အတ်ဒဝတ်ဘလွန်းက အမှန်တရားက သူ့အချစ်တွေကို ဖုံးလွှမ်းသွားမှာကို ဘယ်တုန်းကမှ မလိုလားခဲ့ဘူး။ အတ်ဒဝတ်ဘလွန်းဟာ တစ်ချိန်လုံး အသိဉာဏ်ထက် ခံစားချက်ကို ဦးစားပေးတဲ့သူဖြစ်ခဲ့တယ်။ ဒီတော့ အတ်ဒဝတ်ဘလွန်းဟာ အချစ်ရဲ့မချိုမြိန်တဲ့ဘက်အခြမ်းတွေကို ပုံပြင်တွေအဖြစ် ပြောင်းလဲပစ်ခဲ့တယ်။ သူဘယ်တော့မှ ဖမ်းလို့မမိမယ့်ငါးကြီးနောက်ကို တစ်သက်လုံးလိုက်ခဲ့တယ်။ ဒီငါးကြီးနောက်ကို အတ်ဒဝတ်ဘလွန်းဟာ တစ်သက်လုံးလိုက်ခဲ့ရင်း နောက်ဆုံး သူကိုယ်တိုင် အဲဒီငါးကြီးဖြစ်သွားခဲ့တယ်။ ဒါပေမဲ့ ဒီဟာရဲ့ Metaphorက မတူဘူး။ မဖြူစင်မှုတွေနဲ့ရှင်သန်ရင်း အခါခါလောင်ကျွမ်းခြင်းရဲ့ အဆုံးသတ်မှာ အဖြူရောင်ပြာတွေက တကယ်ဖြူနိုင်တယ်လို့ ပြောခဲ့တယ်မလား။ ဒီဇာတ်လမ်းပြာ အတ်ဒဝတ်ဘလွန်းရဲ့ အဖြူရောင်ပြာတွေပါပဲ။ ငါ့အဖေလည်း ငါ့ကို အဖြစ်အပျက်တွေမဟုတ်ဘဲ မတူတဲ့ပုံပြင်တွေကို ပြောခဲ့ဖူးတယ်။ သူ့ရဲ့အဖြူရောင်ပြာတွေပေါ့။ လူတစ်ယောက်ဟာ ပုံပြင်တစ်ပုဒ်ကို ထပ်ခါထပ်ခါပြောရင်း သူကိုယ်တိုင် အဲဒီပုံပြင်ကို ယုံသွားတဲ့အဖြစ်မျိုး ခင်ဗျားတို့ကြုံဖူးလား။ ကြုံဖူးမှာပါ။ ပုံပြင်တစ်ပုဒ်ကို ထပ်ခါထပ်ခါပြောရင်း သူဟာ အဲဒီပုံပြင်ဖြစ်သွားလိမ့်မယ်။ သူကိုယ်တိုင်တောင် ပြန်ယုံသွားတဲ့ ပုံပြင်ကို အားလုံးလည်း ယုံသွားကြလိမ့်မယ်။ တစ်ခါတလေကျတော့လည်း အမှန်တရားတွေဆိုတာ နှလုံးသားတွေအတွက်မလိုဘူး။ ပုံပြင်လှလှလေးတွေ , သိပ်လှတဲ့ဇာတ်လမ်းလေးတွေ။ အင်းပေါ့ ခါးသီးတဲ့ အတိတ်တွေအကုန်လုံးကို လောင်ကျွမ်းပြီး ကျန်ခဲ့တဲ့ပြာတွေလို လှပတဲ့ပုံပြင်လေးတွေ။ ပုံပြင်တွေဟာ အတိတ်မဟုတ်ဘူး။ ပစ္စုပ္ပန်မဟုတ်ဘူး။ ပုံပြင်တွေဆိုတာ အနာဂတ်အတွက်ပဲ။ ငါတို့အချစ်တွေကို ငါတို့လည်း ပုံပြင်တွေပြောခဲ့တယ်။ ငါတို့အချစ်တွေကို ငါတို့ ပုံပြင်တွေ ဆက်ပြောနေရဦးမယ်။ (ရုပ်ရှင်အညွှန်းနဲ့ဘာသာပြန်ကို WiRa Aung မှ တင်ဆက်ထားပါတယ်။)