ဒီတစ်ခေါက်မှာ CM သိုင်းလောကသားတွေအတွက်ကို Tai Chi's Beast Mound (2022)ဆိုတဲ့ဇာတ်ကားလေးကို ဘာသာပြန်တင်ဆက်ပေးလိုက်ပါတယ်... သိုင်းလောကသားတိုင်း ထိုက်ကျိသိုင်းကို သိပြီးသားမို့ အထူးအထွေ မရှင်းပြတော့ဘူး... အခု အလှည့်ကျတဲ့ ဇာတ်လမ်းလေးရဲ့ ဇာတ်လမ်းအကျဉ်းလေး ပြောပြရမယ်ဆိုရင် ချန်မျိုးရိုးမို့ အထိုက်အလျောက် ဂိုဏ်းချုပ်နေရာကိုဆက်ခံခဲ့ပြီးနောက် ချန်ချန်ဖုန်းတစ်ယောက်ထိုက်ကျိဂိုဏ်းရဲ့ အနှစ်သာရကို သေချာနားမလည်တဲ့အပြင် ဦးလေးရဲ့ စကားအောက်မှာပဲ ဦးလေး အလိုကျ နေခဲ့တာပေါ့... ဒီလိုနဲ့ အနားက လူတချို့ နဲ့ အပြစ်မဲ့လူသားတွေ ဒုက္ခရောက်ကုန်တာမြင်လာရပြီးနောက် သူလက်စားချေဖို့ စတင်စဉ်းစားပါတော့တယ်... ဒီလက်စားချေမယ့် အစီစဉ်ကြောင့်လည်း ဘိုးဘေးလက်ထက်တည်းက တားမြစ်ထားတဲ့ နယ်မြေက ထိုက်ကျိကျောက်တုံးကို အရယူဖို့ ဆုံးဖြတ်ခဲ့တာပေါ့... ကဲ ဘာကြောင့် ဘိုးဘေးတွေက တားမြစ်ခဲ့တာလဲ... နောက်ပြီး ဒီတားမြစ်နယ်မြေကိုသွားတာ ချန်ချန်ဖုန်းကို ဘယ်လိုရလဒ်မျိုးသယ်ဆောင်လာမှာလဲ... နောက်ဆုံး ထိုက်ကျိဂိုဏ်းရဲ့ အဓိပ္ပာယ်ကို ချန်ချန်ဖုန်း နားလည်သွားမှာလား... ထုံးစံအတိုင်း ဇာတ်ကားလေးဒေါင်းပြီး ပုံဖော်ကြည့်လိုက်တော့နော် Quality : WEB-DL 1080p , 480p Format : mp4 Genres : Action , Fantasy Runtime : 1h 32min Subtitle : Myanmar Subtitle ( Hardsub ) Translated by CM Team Encoded by LK

Rating အမြင့်တွေပဲ ရထားတဲ့ Coming of Age ရုပ်ရှင်လေးပါ။ ဘာလင် ဒတ်ဗလင် တိုင်ပေ အိုင်းရစ် ရုပ်ရှင်ပွဲတော်တွေမှာ ဆုတွေ တသီကြီးလည်း ရထားပါတယ်။ 2023 အော်စကာအတွက် အိုင်ယာလန်ကနေ Best International Feature Film အရွေးခံဖို့အတွက် ကိုယ်စားပြုရုပ်ရှင်အနေနဲ့ ရွေးထားတဲ့ရုပ်ရှင်လည်း ဟုတ်ပါတယ်။ ဇာတ်လမ်း သရုပ်ဆောင် စီနီမာ အကုန်လှပနေတဲ့ ဒီရုပ်ရှင်လေးက တော်တော်တော့ ရိုးရှင်းပါတယ်။ ဆင်းရဲပြီး ကလေးတွေအများကြီးရှိတဲ့ မိသားစုတစ်ခုဟာ နောက်ကလေးထပ်မွေးတော့မှာမို့ သူတို့ရဲ့အငယ်ဆုံးသမီးလေးကို ဝမ်းကွဲအမအိမ်ပို့ထားတဲ့အကြောင်း ဇာတ်လမ်းလေးပါပဲ။ အမေရဲ့ ဝမ်းကွဲအစ်မအိမ်မှာ ကလေးမလေးဖြတ်သန်းခဲ့ရတဲ့ အချိန်တွေအကြောင်းသက်သက်ပဲ။ သို့ပေမဲ့ သူဇာတ်အိမ်တည်ဆောက်ထားတဲ့ပုံလေးက မြင်နေကျမဟုတ်ဘဲ ဆန်းတော့ဆန်းပါတယ်။ ဒီလို Coming of Age ကားတွေဟာ သိပ်မကောင်းတောင် ပရိသတ်ရင်ကို ငြိနေကျမို့ ဒီရုပ်ရှင်ကလည်း Coming of Age ကားကောင်းတစ်ကားဆိုတော့ အကြိုက်တွေ့ကြမယ်လို့ပဲ ညွှန်းချင်ပါတယ်။ အဓိကသရုပ်ဆောင်ကလေးမလေးက ချစ်ဖို့လည်းကောင်း သရုပ်ဆောင်လည်းကောင်းသလို ဒါရိုက်တာကလည်း သူ့ကာရိုက်တာကို တော်တော် support ပေးနိုင်ခဲ့တာမို့ အသက်ဝင်လှပနေတဲ့ ထိခတ်စေမယ့် ရုပ်ရှင်တစ်ကားပါပဲ။ (ဒီဇာတ်ကားနဲ့အညွှန်းကို "___" မှ ပြန်ဆို ရေးသားထားပါတယ်) Size - 1.65GB, 850MB Quality - 1080p, 720p IMDb Rating - 8.1/10 Format - mp4 Duration - 1H 34Min Genre - Drama Subtitle - Myanmar Subtitle (Hardsub) Translated by "___" Encoded by Y

ဒီကားက ၁နာရီခွဲသာကြာပြီး ဇာတ်လမ်းအစမှာတင် ကမ္ဘာတစ်ခုလုံးကရေတွေက အဆိပ်တောက်ဖြစ်ပြီး လူတွေကိုသတ်နေခဲ့တာကြောင့်လူတွေကရေကိုအောင်စတွေနဲ့ တစ်နေ့ကိုဘယ်လောက်ဆိုပြီးတိုင်းတာပြီးသောက်သုံးနေကြရတယ် အဲ့တာကိုဖြေရှင်းဖို့ကမ္ဘာ့ထိပ်တန်းသိပ္ပံပညာရှင်တွေကကြိုးစားနေပြီး အထူးသဖြင့်အဖြေနဲ့အနီးကပ်ဆုံးလို့ထင်ရတဲ့Dr.Ashgrove, Jenniferအနေနဲ့Amanda Brugelကသရုပ်ဆောင်ထားပါတယ် သူ့ခင်ပွန်းအနေနဲ့ကတော့Jasonအဖြစ်နဲ့Jonas Charnickပေါ့ လူသားတွေကိုကယ်တင်ရမယ့်တာဝန်တွေပိနေတဲ့မိန်းမတစ်ယောက်က အလုပ်မှာပဲတာဝန်ပိနေခဲ့ပြီးအိမ်ထောင်ရေးဘက်ကိုလည်းဂရုမစိုက်နိုင်ဖြစ်ပြီး အတိတ်မေ့ရောဂါစတင်ခံစားလာခဲ့ရတာပေါ့ အဲ့ကနေမှအလုပ်ကခနအနားယူတာကနေ အိမ်ထောင်ရေးပဋိပက္ခတွေကို သဘာဝဆန်ဆန်ရိုက်ကူးထားပါတယ် ဇာတ်လမ်းကကြည့်ရှုသူတွေကို၁နာရီအစောပိုင်းမှာအနည်းငယ်ပျင်းနေစေလိမ့်မယ် ဒါပေမဲ့ နောက်မှတစ်ကယ့်big twistတစ်ခုပေါ်လာပြီး ဪဆိုပြီးဖြစ်သွားစေမယ့်ဇာတ်ကားတစ်ကားပါ အဲ့တော့ဒီဇာတ်လမ်းမှာ လူသားမျိုးနွယ်တစ်ခုလုံးအတွက်မဖြစ်မနေလိုအပ်တဲ့ရေကပ်ရောဂါကိုဘယ်လိုဖြေရှင်းဖို့နည်းလမ်းတွေ့မလဲနဲ့ Jasonနဲ့Jenniferတို့ရဲ့သဘာဝကျလွန်းတဲ့သရုပ်ဆောင်ချက်တွေကကြည့်ရှုသူကိုဆွဲခေါ်သွားမှာတော့အမှန်ပါပဲ IMDB 5.9/10ရထားပြီး ခရမ်းချဉ္သီးRatingကတော့89%ရထားတဲ့ဇာတ်ကားကောင်းတစ်ကားမို့ကြည့်ရှုဖို့တိုက်တွန်းလိုက်ရပါတယ်ခင်ဗျာ File size…(1.18GB)  / (`631MB) / (299MB) Quality…. Web 1080P / 720p / 480p Format…mp4 Duration….01:32:00 Genre...  Drama Subtitle….Myanmar Subtitle (Hardsub) Encoder….Mr. Anderson Translated by Hein Htet Aung

‘ကံကောင်းမှုဆိုတာမရှိပါဘူး ကံတရားဆိုတာက ငါ့လက်ထဲမှာပဲရှိတယ်’ ဒီကားလေးကတော့ Feb 12 မှာမှ လတ်လတ်ဆတ်ဆတ်ထွက်ရှိထားတဲ့ Sports Comedy အမျိုးအစား ဇာတ်ကားကောင်းလေး တစ်ကားပဲဖြစ်ပါတယ် သာမန်ရွာလေးတစ်ရွာက ဂေါ်လီပစ်ရင်းပေါ့ပေါ့ပါးပါးသွက်သွက်လက်လက် ကြီးပြင်းလာတဲ့ သာမန်ကောင်မလေးတစ်ယောက်ဟာ အရွယ်ရောက်လို့ လက်ထပ်ထိမ်းမြားရတော့မယ့်အချိန်မှာ ကံဆိုးစွာနဲ့ သတို့သားလောင်းက ဆုံးပါးသွားရပါတော့တယ် ဒီလိုနဲ့ အကြောင်းတွေတိုက်ဆိုင်သွားပြီး သေနတ်ပစ်လေ့ကျင့်ကာ ပြိုင်ပွဲဝင်ဖို့ ဖြစ်လာတဲ့အကြောင်းကို ကြည့်ရှုရမှာပါ ဒီဇာတ်ကားလေးက အစအလယ်အဆုံး ပျင်းစရာမကောင်းဘဲ တက်ကြွဖျတ်လတ်နေတဲ့ မင်းသမီးလေးကလည်း အတော်ချစ်ဖို့ကောင်းပါတယ် ဝါရင့်မင်းသားကြီး Jagapathi Babu ရဲ့ သရုပ်ဆောင်ချက်တွေကလည်း မိမိုက်နေတာပါပဲ…ဇာတ်ဝင်တေးလေးတွေလည်း နားထောင်ကြည့်ရင် အတော်ကောင်းပြီး သီချင်းနောက်ခံဇာတ်ကွက်လေးတွေကလည်း ချစ်စရာရယ်စရာကောင်းတာမို့ တစ်ကားလုံးမရစ်ဘဲ ကြည့်လိုက်ဖို့ အကြံပေးလိုက်ပါရစေ File size…4Gb / 900MB Quality…1080p H264 AAC 5.1CH / 720p  AAC 2.0CH Format…mp4 Duration….2h 10m Subtitle….Myanmar Subtitle (Hard Sub) Encoder….YK Translated by Go - O & Shwe Pwint & Haruko

Taipei Story ( 1985 ) ————————– IMDb – 7.6 Rotten Tomatoes – 100% Directed By Edward Yang New Taiwenese Cinema ရဲ့ အစောပိုင်းရုပ်ရှင်တွေထဲ တစ်ကားအပါအဝင်ဖြစ်တဲ့ ထိုင်ပေစတိုရီကို ထိုင်ဝမ်ရုပ်ရှင်သစ်ရဲ့ ပဲ့ကိုင်ရှင်တွေထဲက တစ်ယောက်ဖြစ်တဲ့ အတ်ဒဝတ်ယန်းက ရိုက်ကူးထားပါတယ်။ Criterion Collectionကလည်း World CInema Project အတွက် 4k နဲ့ပြန်ထုတ်ခဲ့တဲ့ ထိုင်ဝမ်ရုပ်ရှင်ရဲ့ မှတ်တိုင်တစ်ခုလို့ ပြောလို့ရပါတယ်။ A Brighter Summer Day မှာ ယန်းဟာ ပြည်မနဲ့ထိုင်ဝမ် ခွဲထွက်တဲ့ကာလကို ရိုက်ပြပြီး အဲဒီခေတ်က အခြေအနေတွေကို ထင်ဟင်အောင်ရိုက်ပြခဲ့သလို ဒီရုပ်ရှင်မှာလည်း ယန်းဟာ ဂျပန်နဲ့ အမေရိကန်လွှမ်းမိုးမှုအောက်က ထိုင်ဝမ်စီးပွားရေးအခြေအနေကို သူ့ဟန်အတိုင်း ကာရိုက်တာတွေအများကြီးသုံးပြီး ပုံဖော်ရိုက်ကူးသွားတာပါပဲ။ ရိုးရိုးရှင်းရှင်းဇာတ်ဝင်ခန်းတွေ tragedy တွေ မထင်ရင်မထင်သလို တော်တော်လှလာတတ်တဲ့ စီနီမာတိုတွေကို သုံးပြီး ၁၉၆၉ဝန်းကျင်က ထိုင်ပေမြို့ပြရဲ့ အခြေအနေကို မသိမသာရော သိသိသာသာရော ပြထားတဲ့ ရုပ်ရှင်ပါ။ ဒီကာလဟာ ယန်းလည်း ၂၀ဝန်းကျင်လောက်ပဲ ရှိသေးတဲ့ကာလဖြစ်သလို ဒီရုပ်ရှင်ရဲ့ တရုတ်နာမည်က ငယ်ဘဝရည်းစားကို ရည်ညွှန်းတယ်ဆိုတော့ ဒီရုပ်ရှင်ထဲက ကာရိုက်တာဟာ သူ့အကြောင်း တစ်စိတ်တစ်ပိုင်းလည်း ဖြစ်ကောင်းဖြစ်နိုင်ပါတယ်။ မင်းသမီးကတော့ သူနဲ့ယူလိုက်တဲ့ Tsai Chin ကို သုံးထားပြီး မင်းသားက‌တော့ သူ့ရောင်းရင်း ထိုင်ဝမ် new wave ဒါရိုက်တာတစ်ယောက်ဖြစ်တဲ့ Hou Hsiao – Hsien ပါ။ ယန်းဟာ တော်တော်တော်တဲ့ ဒါရိုက်ပေမဲ့ That Day on the beach , Taipei Story , Terrorizers , A brighter Summer Day , A Confucian Confusion , MahJong, Yi YI အစရှိသဖြင့် features Film ၇ကားပဲရိုက်ကူးခဲ့ပြီး CMမှာတော့ A Brighter Summer day , Yi Yi နဲ့ အခု ထိုင်ပေစတိုရီ ၃ကားတင်ပြီးပါပြီ။ ယန်းရဲ့ ရုပ်ရှင်တွေဟာ ထိုင်ဝမ်ရဲ့ မာစတာပိစ်တွေအကြောင်း ပြောရင် ဖယ်ထားလို့မရတဲ့ ရုပ်ရှင်တွေပါပဲ။ ထိုင်ပေစတိုရီဟာ ထိုင်ပေမြို့ပြလရောက်တမ်းခြင်းလို့ ပြောရင်လည်း မမှားပါဘူး။ ယန်းရဲ့ A brighter Summer Dayနဲ့တန်းတူ critic rating 100% ရထားတဲ့ ရုပ်ရှင်လည်း ဟုတ်ပါတယ်။ (ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(2.1GB) / (1GB) Quality__1080p, 720p IMDb Rating__7.6/10 Format__mp4 Duration__01:59:00 Type__Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Oh My Ghost! The Fierce Escape from Covid-19 (2021) ကျိန်စာမိလာတဲ့ မဟာဒေဝီကြီးတစ်ယောက် အာခွေတို့သားအမိ ပိုင်ဆိုင်တဲ့ ဟိုတယ်ကို တည်းတဲ့ညမှာတင် မကြံဖူးတဲ့ အဖြစ်အပျက်တစ်ခု ဖြစ်ပျက်ခဲ့ပါတယ်။ အဲမကြုံဖူးတဲ့အဖြစ်အပျက်ကြီးကို ဖြေရှင်းနေဆဲမှာတင် မွေးနေ့ပွဲတက်ခဲ့တဲ့ အာခွေတို့သားအမိဟာ ကိုဗစ်စည်းကမ်းချက်အရ ဟိုတယ်ကို ၁၄ ရက် ပိတ်လိုက်ရပါတော့တယ်။ ခိုကိုးရာမဲ့လုလု အာခွေတို့သားအမိနှစ်ယောက်ကို ကယ်တင်ဖို့ ပန်ကိတ်မလေး ရောက်လာတဲ့အခါမှာတော့…… ကိစ္စက ရှင်းသွားရမှာမဟုတ်ဘဲ ထင်တာထက်ပိုနက်နဲနေတဲ့အခါ….. အာခွေတို့သားအမိ ပဟေဠိအဖြေညှိနိုင်ပါ့မလား။ ပန်ကိတ်ကရော ဘယ်လောက်အထိ ကူညီပေးနိုင်မှာလဲ။ ပြဿနာတွေက မဟာဒေဝီရဲ့ ကျိန်စာနဲ့များ ဆက်စပ်နေမလား။ မဟာဒေဝီကရော ဘယ်သူလဲ။ ဘယ်ကလာလို့ ဘာကျိန်စာတွေမိခဲ့တာလဲ။ ပုံမှန်သရဲတွေတင်မဟုတ်ဘဲ ဇွန်ဘီးတွေပါ ပါလာတဲ့အခါမှာတော့ ….. ဒါတွေကို သူတို့ဖြေရှင်းနိုင်ပါ့မလား။ ဆိုရှယ်ဒစ်စတန်းဆင်းဆိုပေမယ့် ပန်ကိတ်မတို့ အခေါ်တစ်ခေါက်မတို့ တစ်သိုက် ဘယ်လိုဗရုတ်ကျဦးမလဲဆိုတာ အရယ်မရပ်ရစေဘဲနဲ့ ကြည့်ရှုခံစားကြရဦးမှာပါ။ အညွှန်း နဲ့ ဘာသာပြန်ကတော့ Hazel ပဲ ဖြစ်ပါတယ်။ Genre….. Comedy, Horror Quality…. 720p File size… 792MB Format… mp4 Duration…. 1h 50min Subtitle…. Myanmar Subtitle (Hardsub) Translator ….. Hazel Encoder ….. Aaron

Making It Up [Maquillame Otra Vez] (2023) ============================== အန်နာဆိုတဲ့ မိတ်ကပ်ပညာရှင်မလေးက အဲလက်စ်လို့ခေါ်တဲ့ သူငယ်ချင်းဖြစ်သူနဲ့ လုပ်ငန်း အတူတူအောင်မြင်ရာကနေ အဲလက်စ်ရဲ့ တလွဲလုပ်မှုတွေကြောင့် ဘဝပျက်ခဲ့ရပါတယ်။ အဲဒီမှာပဲ တခြားသူငယ်ချင်းဖြစ်တဲ့ ရီတာ့ဆီ သွားနေပြီး နောက် ထပ် ဆိုနီယာဆိုတဲ့တစ်ယောက်နဲ့ မိတ်ကပ်ပညာရှင် ၃ ယောက် သား မွဲတေပြီး ဘဝကို ကြိုးစားဖြတ်သန်းနေခဲ့ရပါတယ်။ ဒီမှာတင် အရင်တုန်းက အန်နာ့ကို ဒုက္ခပေးတဲ့ အဲလက်စ်က မင်္ဂလာ ဆောင်ပွဲတစ်ခုကို မိတ်ကပ်လိမ်းပေးဖို့ ပြန်လည် ဆက်သွယ်ခဲ့ ရာမှာ အန်နာက သူ့ဆီ ပြန်မသွားချင်ပေမဲ့ ရီတာတို့က ဘိုင်ပြတ် နေကြတာကြောင့် လိမ်းဖို့ လက်ခံလိုက်ပြီး အဲလက်စ်ရဲ့ အမွှေအ နှောက်တွေအောက် ဘယ်လို ပြဿနာတက်ကြရမလဲ ကြည့်ရမှာ ဖြစ်ပါတယ်။ စပိန်စကားပြော မက်ဆီကို ရုပ်ရှင် ဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thura Aung ဖြစ်ပါတယ်) File Size……….(1.39 GB) / (568 MB) Quality…………WEB-RIP 1080p / 720p Duration………1Hr 21Min Subtitle………..Myanmar Hardsub Format…………MP4 Genre…………..Comedy Translator…….Thura Aung Encoder……….SWM

အသတ်အပုတ်ကောင်းတဲ့ ဖိုက်တာမင်းသားကြီး Scott Adkinsအဓိက သရုပ်ဆောင်ထားတဲ့ကားမို့ အက်ရှင်ခန်းတွေကတော့ အများကြီးကြည့် ရတော့မှာပါ…။ ဒီရုပ်ရှင်ဟာ 2021ထွက် one shotရဲ့ sequelပါ…။ ဇာတ်လမ်းအကျဥ်းကတော့ ဝါရှင်တန်ဒီစီတစ်မြို့လုံးကို ရေဒီယို ဓာတ်သတ္တိကြွဗုံးဖောက်ခွဲဖို့ အကြမ်းဖက်သမားက ဗုံးပို့ထားပါတယ်…။ ဒီအကြမ်းဖက်သမားကိုလည်း ရှေ့ဇာတ်ကားမှာ ဖမ်းဆီးရမိ၊ခေါ်ဆောင်လာပြီးသားပါ…။ ဗုံးကဘယ်နားမှာလဲဆိုတာကို စစ်မေးဖို့ပဲကြံပါတယ်…။ ဒါပေမဲ့ ပြဿနာက လုံခြုံရေးတွေအထပ်ထပ်ရှိနေတဲ့ကြားက ဒီအကြမ်းဖက်သမားကို ပြန်လာဖမ်းတဲ့ကြေးစားလက်နက်ကိုင် အဖွဲ့တစ်ခုထပ်ပေါ်လာပြန်ပါတယ်…။ ပစ်ခတ်မှုတွေကြား နိုင်ငံ့မြို့တော်ကြီးတစ်ခုလုံး မီးမြိုက်ခံရမယ့်အရေးကို ဘယ်လိုကာကွယ်မလဲ… အကြမ်းဖက်သမားတွေရဲ့ရည်ရွယ်ချက်အစစ်ကရောဘာဖြစ်မလဲဆိုတာကို တစ်ဝကြီးခံစားရမယ့်ဇာတ်ကားပါပဲ….။ File size…2.14 GB/ 1.01 GB Quality…WEB-Rip 1080p 5.1 CH/ 720p Format…mp4 Duration….1h 43m Genre ….. Action , Thriller Subtitle….Myanmar Subtitle (Hard Sub) Encoder….Min Wai Translated by Themes

ကဲ စပိုက်ဒါမန်း စကြဝဠာရဲ့ rating အနိမ့်ဆုံး ရုပ်ရှင်လာပါပြီ။ အသည်းလေး Sydney Sweeney တို့ အသည်းကြီး Dakota Johnson တို့လို မင်းသမီးအလန်းတွေသုံးပြီး ဘက်ဂျက်တွေသုံး Marvel’s Defenders တို့ Jessica Jones တို့ရဲ့ ဒါရိုက်တာ S.J. Clarkson က ရိုက်ရဲ့သားနဲ့ ဘာလို့ ရိတ်တင် နည်းသွားတာလဲဆိုတာ ကိုယ်တိုင်ကြည့်ပြီး ဆုံးဖြတ်ရအောင်ပါ။ မင်းသမီး Dakota Johnson ရဲ့အင်တာဗြူးအရ မူရင်းဇာတ်ညွှန်းဟာ ဗီလိန် အီဇီကီရယ်က ပီတာပါကာ မွေးမလာအောင် အချိန်ခရီးသွားပြီး မယ်ရီပါကာကို သတ်ဖို့ကြိုးစားတာကို မဒမ်ဝက်ဘ်နဲ့ စပိုက်ဒါဝီးမန်းတွေက ကာကွယ်တဲ့ဇာတ်လမ်းဖြစ်ပါတယ်။ ဒါပေမဲ့ တကယ်ရိုက်ကူးတဲ့အချိန်မှာတော့ ဇာတ်ညွှန်းတစ်ခုလုံး မမှတ်မိနိုင်လောက်အောင် ပြောင်းသွားပြီး အခုဇာတ်လမ်းကြီး ထွက်လာတာပဲဖြစ်ပါတယ်။ အဆက်ထွက်ခဲ့ရင်တော့ နောက်တစ်ကားမှာတော့ ပိုကောင်းနိုင်မဲ့အလားအလာရှိပါတယ် ဘာလို့လဲဆိုတော့ ဒီထက်ဆိုးအောင်ရိုက်ဖို့မလွယ်တော့လို့ပါပဲ။ ဇာတ်လမ်းအကျဉ်း ကတ်စီ ဝက်ဘ် ဟာ အရေးပေါ်ကယ်ဆယ်ရေး ဆေးအကူဖြစ်ပါတယ်။ တစ်ရက်မှာတော့ ကယ်ဆယ်ရေးလုပ်ရင်း ရေထဲကျသွားပြီး နှလုံးရပ်သွားပါတယ်။ နှလုံးပြန်နိုးလာပြီး အသက်ရှင်လာချိန်မှာတော့ အနာဂတ်ရဲ့ဖြစ်ရပ်တွေကို ဖြတ်ခနဲ ဖြတ်ခနဲ မြင်နေရပြီးကိုယ့်ကိုယ်ကိုယ် နားမလည်နိုင်အောင်ဖြစ်နေခဲ့ပါတယ်။ အဲဒီအချိန်မှာပဲ ပင့်ကူအစွမ်းတွေရှိနေတဲ့ အီဇီကီရယ်ဆိုတဲ့လူကလည်း သူ့အနာဂတ်ကို ကြိုမြင်နိုင်နေပြီး အနာဂတ်မှာသူ့ကိုသတ်မဲ့ ပင့်ကူမယ် ၃ ယောက်ကို ဆယ်ကျော်သက်ဘဝမှာလိုက်သတ်ဖို့ ကြိုးစားပါတော့တယ်။ အဲဒီ ကလေးမ သုံးယောက်ကို ကတ်စီဝက်ဘ်က အီဇီကီရယ် လက်ထဲက‌နေ ဘယ်လို ကယ်တင်ပြီး ပြန်တိုက်ကြမလဲဆိုတာကို ကြည့်ရမှာပါ။ ဘယ်လိုတိုက်တိုက် Sydney Sweeney နဲ့ Dakota Johnson တို့တိုက်မှာမို့ ကြည့်ဖြစ်အောင် ကြည့်လိုက်ကြပါဦး။ 4K ကိုတော့ CM App မှာ Streaming လဲ ကြည့်လို့ရသလို One Click Download လဲ ပြုလုပ်နိုင်ပါတယ်။ CM App ကို www.cmapp.tv မှာ ရယူပါ။ File size…(4.5 GB)/(1.4 GB)/(1 GB) Quality….WEB-DL 4K HEVC/ 1080p / 720p Format…mp4 Duration….01:56:00 Genre…Action, Adventure, Sco-Fi Subtitle….Myanmar Subtitle (Hardsub) Encoder….Ka Naung, Thit San Khant Translated by Mr. Anderson

ဖီလစ်ဆိုတဲ့သူဟာ နယူးယောက်မြိုမှာ လေလွှင့်နေတဲ့ဂျာနယ်လစ်ပါ။ မြူးနစ်ကိုအပြန် အဲလစ်ဆိုတဲ့ကလေးမလေးရယ် သူ့အမေရယ်နဲ့ ဆုံတွေ့ခဲ့ပါတယ်။ သူ့အမေဟာ အဲလစ်ကို ဖီလစ်နဲ့ထားခဲ့တဲ့အချိန်မှာ ဖီလစ်ဟာ အဲလစ်ရဲ့အဘွားကိုရှာပုံတော်ဖွင့်ရပါတော့တယ်။ ၉နှစ်အရွယ်အဲလစ်လေးနဲ့ လေလွှင့်နေတဲ့ဂျာနယ်လစ် ဖီလစ်တို့အဲလစ်အဘွားကိုရှာတွေ့နိုင်ပါ့မလား? File size…(2.9 GB)/(2 GB) Quality….Blu-Ray 1080p / 720p Format… mp4 Duration…. 01:53:00 Genre… Drama Subtitle….Myanmar Subtitle (Hardsub) Encoder….Garfield Translated by Inzali

တရုတ်အမျိုးသမီးသူရဲကောင်းတစ်ယောက်အကြောင်းကိုအခြေခံပြီး ရိုက်ကူးထားတဲ့ မူလန်ဇာတ်ကားဟာ 1998 ကထွက်ရှိထားခဲ့တဲ့ Walt Disney က Mulan Animation ဇာတ်ကားနဲ့မတူတဲ့ဖန်တီးချက်တွေနဲ့ တင်ဆက်ထားတာပါ။… နေမကောင်းတဲ့နေတဲ့ဖခင်ရဲ့ကိုယ်စားအတွက် သမီးဖြစ်သူဟွားမူလန်က စစ်မှုထမ်းဖို့အတွက်ယောကျာၤးလေးအယောင်ဆောင်ပြီးစစ်ထဲကိုဝင်ခဲ့ရပါတယ်… ကိုယ်ခံအားကောင်းပြီး တိုက်ရည်ခိုက်ရည်ရှိတဲ့ မူလန်ဟာတပ်ကိုဦးဆောင်နိုင်ရုံမကပဲ တရုတ်သမိုင်းတစ်လျောက်မှာအကျော်ကြားဆုံး မိန်းကလေးစစ်သူကြီးတစ်ယောက်ဖြစ်လာခဲ့ရပါတယ်… တိုက်ပွဲတိုင်းမှာအောင်နိုင်ခဲ့ပေမယ့် ပင်ကိုယ်အခံကမိန်းကလေးဖြစ်နေသောကြောင့် သနားကြင်နာတတ်တဲ့စိတ်နဲ့အကြောက်တရားဟာ သူမအတွက်အားနည်းချက်တစ်ခုလိုဖြစ်လာခဲ့ရပါတယ်… တစ်ခုသောတိုက်ပွဲမှာသူမအားထားရတဲ့ ညီအစ်ကိုတွေကိုဆုံးရှုံးလိုက်ရတဲ့အခါ သူမအတွက်အကြီးမားဆုံးထိုးနှက်ချက်တစ်ခုလိုဖြစ်လာခဲ့ရပါတော့တယ်… ဒီကားရဲ့ အဓိကဇာတ်ကောင် မူလန်နေရာမှာ တရုတ်နိုင်ငံရဲ့နာမည်ကြီးမင်းသမီးတစ်ဦးဖြစ်တဲ့ Zhao Wei ကသရုပ်ဆောင်ထားပါတယ်… ဒီဇာတ်ကားနဲ့ မင်းသမီး Zhao Wei ဟာ 10th Changchun Film Festival : Actress Award 300th Hundred Flowers Award : Best Picture Award & Best Actress Award 19th Shanghai Film Critics Award : Best Actress Award Vietnam DAN Movie Awards : Favorite Actress Award စတဲ့ဆုတို့ကို ရရှိခဲ့ပါတယ်… Rating 6.8 ရရှိထားပြီး တရုတ်နိုင်ငံအမျိုးသမီးစစ်သူကြီးတစ်ယောက်အကြောင်းကို ရိုက်ကူးထားတဲ့ Mulan 2009 ဟာတရုတ်ပြည်သူများအပြင်တခြားနိုင်ငံကလူများကပါ အထူးနှစ်သက်ခဲ့ကြတဲ့တရုတ်အက်ရှင်ကားကောင်းတစ်ခုအဖြစ်ရပ်တည်နိုင်ခဲ့ပါတယ်….။

ဒီဇာတ်လမ်လေးတော့ အိမ်ထောင်ရေးအကြောင်းကိုဟာသDrama အဖြစ်နဲ့ ရိုက်ကူးထားတဲ့ အင်ဒိုနီးရှားဇာတ်လမ်းတစ်ပုဒ်ပဲဖြစ်ပါတယ်.. မာတင်နဲ့ ဒါရာတို့ဟာ အိမ်ထောင်ကျခါစမှာတော့ ချစ်ခင်ခင်နဲ့ အစစအရာရာ အဆင်ပြေသာယာနေခဲ့ပါတယ်.. ဒီလိုနဲ့ အိမ်ထောင်သက် ၁၀နှစ်လောက်ကိုရောက်လာတဲ့အချိန်မှာတော့သူတို့ရဲ့ ဆက်ဆံရေးအခြေနေတွေက ညားခါစကလိုမျိုး မဟုတ်တော့ပါဘူး. အိမ်ထောင်ရေးဖောက်ပြန်တာမျိုး တခြားပြဿနာမျိုးတွေရှိနေတာမျိုး မဟုတ်ဘဲပုံမှန်ဆက်ဆံရေးမှာဆိုရင် နွေးနွေးထွေးထွေးနဲ့ အဆင်ပြေနေပေမဲ့ လိင်မှုကိစ္စနဲ့ ပတ်သက်လာရင် လက်ထပ်ပြီးခါစကလိုမျိုး စိတ်အားထက်သန်မှုတွေမရှိတော့ဘဲနဲ့ တစ်ယောက်အပေါ်တစ်‌ယောက် တပ်မက်မှုမရှိတော့သလို ဖြစ်လာကြတာပါ. ဒါကြောင့်မို့ တစ်အိမ်တည်းနေပြီး အတူတူအိပ်ကြတဲ့ လင်မယားဖြစ်ပေမဲ့လိင်မဆက်ဆံဖြစ်ကြတာ လနဲ့ချီအောင် ကြာလာကြပါတယ်. လိင်ဆက်ဆံတယ်ဆိုတာ အိမ်ထောင်ရေးတစ်ခုမှာ မရှိမဖြစ် လိုအပ်တဲ့အရာတစ်ခုလို့လူတော်တော်များများက လက်ခံယူဆထားကြတာပါ.. ဒါကြောင့် သူတို့နှစ်ယောက်ကြားမှာ တစ်ခုခုလိုအပ်နေသလိုမျိုးခံစားလာရတဲ့အတွက် တစ်ယောက်အပေါ်တစ်ယောက်ပြန်ပြီးတော့ လိုချင်တပ်မက်စိတ်ရှိလာအောင် မျှားနတ်မောင်ဆေးခန်းဆိုတဲ့ စုံတွဲတွေ ပြန်အဆင်ပြေအောင် လုပ်ပေးတဲ့ဆေးခန်းတစ်ခုဆီကို သွားခဲ့ကြပါတယ်.. အပြန်အလှန် ငြီးငွေ့သလိုမျိုး ဖြစ်လာကြတဲ့ မာတင်နဲ့ ဒါရာတို့ စုံတွဲအနေနဲ့အဲဒီဆေးခန်းနဲ့ အတွေ့မှာ အဆင်ပြေသွားကြမလား …. ဆေးခန်းဘက်ကရောသူတို့ကို ဘယ်လိုဝန်ဆောင်မှုမျိုးတွေ လုပ်ပေးမလဲဆိုတာကိုဟာသနှောပြီးတော့ ကြည့်ရှုရမှာပဲ ဖြစ်ပါတယ်.. အရမ်းကို ရယ်မောရမဲ့ ဇာတ်ဝင်ခန်းတွေ ပါဝင်တာကြောင့်မို့ဟာသရုပ်ရှင်တွေကို ကြိုက်နှစ်သက်သူတွေအနေနဲ့ လက်မလွတ်တမ်းကြည့်ရှုသင့်တဲ့ ဇာတ်လမ်းလေးပဲ ဖြစ်ပါတယ်.. File Size… (1.23 GB) / ( 702 MB) Quality… WEB-DL 1080p HEVC /720p Format…mkv / mp4 Duration….1h 37m Genre …..Comedy , Romance Subtitle….Myanmar Subtitle (Hard Sub) Encoder….Min Wai Translated by okka

Ben Hur 1959 ဂျူးမင်းသား ဘင်ဟား ယနေ့အချိန်ထိ အော်စကာ အများဆုံးရတဲ့ ရုပ်ရှင်ကား ၃ ကားရှိတယ်။ ၃ ကားစလုံးက အော်စကာ ၁၁ ဆုစီ ရရှိထားကြပါတယ်။ အဲဒီရုပ်ရှင်ကားတွေကတော့ Ben-Hur ( 1959 ), Titanic ( 1997 ) , The Lord of the Rings: The Return of the King ( 2003 ) တွေ ဖြစ်ပါတယ်။ အခုပြောမှာကတော့ တစ်ချိန်က စာအုပ်ရော ရုပ်ရှင်ပါ အလွန်နာမည်ကြီးခဲ့တဲ့ Ben Hur ရုပ်ရှင်အကြောင်းပါ။ လူပြောသူပြောများလွန်းတဲ့ ရုပ်ရှင် ခမ်းနားထည်ဝါလွန်းတဲ့ ရုပ်ရှင်အဖြစ် ပြောစမှတ်ပြုခဲ့ကြတယ်။ စာအုပ်ရဲ့ အရှိန်အဝါကြောင့်ရယ် ခမ်းခမ်းနားနား ရိုက်ကူးခဲ့တာကြောင့်ရယ် နာမည်ကျော်ပါတယ်။ ရုပ်ရှင်၊ စာအုပ် နဲ့ ရုပ်ရှင်နောက်ကွယ်ကအကြောင်း ဆိုပြီး အပိုင်း ၃ ပိုင်းခွဲပြီး ပြောသွားပါမယ်။ ( ၁ ) ရုပ်ရှင် ဇာတ်လမ်းအကျဉ်း ရုပ်ရှင်အဖွင့်ဟာ ရောမတို့ အုပ်စိုးစဉ်ကာလ ရောမအင်ပါယာအတွင်းမှာ ရှိတဲ့ပြည်သူတွေဟာ ဂျေရုဆလင်မြို့ကို သန်းခေါင်းစာရင်းပေးဖို့ လာကြရင်း သခင်ယေရှုခရစ်တော် မွေးဖွားတဲ့အခန်းနဲ့ စဖွင့်ပါတယ်။ ဘင်ဟား ( Ben Hur ) နဲ့ မာဆားလာ ( Messala ) တို့ဟာ ဂျေရုစလင်မှာ အတူတူကြီးပြင်းလာကြတဲ့ အရင်းနှီးဆုံး အချစ်ဆုံး ငယ်သူငယ်ချင်းတွေ ဆိုပေမယ့် အခုချိန်မှာတော့ မာဆားလာဟာ ရောမမြို့သားအဖြစ်ခံယူပြီး ရောမစစ်တပ်ရဲ့ အရာရှိစစ်ဗိုလ်တစ်ယောက် ဖြစ်နေသလို ဘင်ဟားလည်း ဂျေရုစလင်ရဲ့ မင်းသားတစ်ပါး ဖြစ်နေပါပြီ။ ဘင်ဟား နဲ့ မာဆားလာ တို့ဟာ သူငယ်ချင်းတွေဖြစ်သည့်တိုင် ခံယူချက်တွေ လုံးဝမတူညီကြဘူး။ မာဆားလာဟာ ရောမတို့ရဲ့ အင်အား၊ အာဏာကြီးမားမှုကို အထင်ကြီးလေးစားသူ၊ ရောမအင်ပါယာရဲ့ သစ္စာတော်ခံ မင်းမှုထမ်းတစ်ယောက်။ ဘင်ဟားကတော့ ဘုရားသခင်ကို သက်ဝင်ယုံကြည်သူ၊ ကိုယ့်ရဲ့ ဂျူးလူမျိုး ဂျေရုဆလင်မြို့သားတွေကို ကြည့်ရှုစောင့်ရှောက်တဲ့သူ။ ဒါကြောင့် သူတို့ နှစ်ယောက်ရဲ့ ခံယူချက်တွေဟာ ဖြောင့်ဖြောင့်ကြီး ဆန့်ကျင်နေတယ်။ ရောမစစ်သားတွေ ဂျေရုဆလင်မြို့ကို နယ်ချဲ့ရောက်လာချိန်မှာတော့ စစ်ဗိုလ်ဖြစ်တဲ့ မာဆားလာဟာ ရောမတွေကို ဆန့်ကျင်မှုတွေရှိနေတဲ့ ဂျေရုဆလင်မြို့သားတွေကို လက်ခံလာအောင် ပြောဆိုပေးဖို့ ငယ်သူငယ်ချင်း ဘင်ဟားကို အကူအညီတောင်းပါတော့တယ်။ တကယ်လို့ ဂျူးတွေသာ ရောမအင်ပါယာအောက် အလွယ်တကူဝင်ရောက်ဖို့ လာခံလာရင် မာဆားလာဟာ ဒုတိယစစ်ဗိုလ်ချုပ်ရာထူးကို ရရှိမှာပါ။ ဒါပေမယ့် ကိုယ့်လူမျိုးတွေအပေါ် သစ္စာမဖောက်ချင်တဲ့ ဘင်ဟားဟာ မာဆားလာကို မကူညီနိုင်ခဲ့ပါဘူး။ ဒါကြောင့် မာဆားလာက ဘင်ဟားအပေါ် စိတ်ကွက်သွားခဲ့ပါတယ်။ ရောမဘုရင်ခံအသစ်က ဂျေရုဆလင်မြို့ကို ရောက်လာချိန်မှာ မတော်တဆတစ်ခုဖြစ်ပျက်သွားခဲ့တယ်။ ဘုရင်ခံကို လုပ်ကြံတာပါဆိုပြီး မာဆားလာနဲ့ ရောမစစ်သားတွေဟာ ဘင်ဟာနဲ့ သူ့မိခင် သူ့ညီမတွေကို ဖမ်းသွားခဲ့ပါတယ်။ ဘင်ဟားက မာဆားလာကို ဘယ်လောက် တောင်းပန်ပြောဆိုပေမယ့် အလွတ်မပေးခဲ့ပါဘူး။ ဒီလိုနဲ့ ဘင်ဟားမိခင်နဲ့ ညီမဟာ အကျဉ်းချထားခြင်းခံရပြီး ဘင်ဟားကတော့ စစ်တိုက်ဖို့ ကျွန်အဖြစ်နဲ ရေတပ်ကို ပါသွားခဲ့တယ်။ သင်္ဘောပေါ်မှာ ရေတပ်စစ်သူကြီး ကွင်းတပ်အဲရိယပ်က ကျွန်ဘင်ဟားကို သူ့ရဲ့ ခိုင်မာရဲရင့်တဲ့ စိတ်ဓါတ်၊ ယုံကြည်မှုပြင်းထန်တဲ့စိတ်ဓါတ်တွေကြောင့် သတိထားမိခဲ့တယ်။ ပင်လယ်ဓါးပြတွေနဲ့ စစ်ဖြစ်ချိန်မှာ ဘင်ဟားဟာ စစ်သူကြီး အဲရိယပ်ကို အသက်ကယ်ခဲ့တယ်။ ပင်လယ်မှာ တိုက်ပွဲဖြစ်ရင်း စစ်သူကြီး အဲရိယပ်နဲ့ ဘင်ဟာ နှစ်ယောက်ဟာ အခြားစစ်သားတွေနဲ့ တကွဲစီ ကွဲသွားခဲ့တယ်။ စစ်ရှုံးပြီ အထင်နဲ့ စစ်သူကြီး အဲရိယပ်က ကိုယ့်ကိုယ်ကို သတ်သေဖို့ အကြိမ်ကြိမ် ကြိုးစားခဲ့ပေမယ့် ဘင်ဟားကြောင့် ရှင်နေခဲ့ရတယ်။ နောက်မှ သူတို့တပ်နဲ့ ပြန်ဆုံပြီး ရောမတပ်တွေ အနိုင်ရတယ်ဆိုတာ သိရတယ်။ ကျေးဇူးသိတတ်တဲ့ စစ်သူကြီး အဲရိယပ်ဟာ စစ်ပွဲအောင်နိုင်ရပြီး ပြည်တော်ပြန်လာချိန်မှာ ဘင်ဟားကို သူ့မွေးစားသား အဖြစ် ချီးမြှင့်မြောက်စားခဲ့တယ်။ ဒါကြောင့် ဘင်ဟားဟာ ကျွန်အဖြစ်ကနေ လွတ်မြောက်သွားခဲ့သလို ရောမအင်ပါယာမှာ မျက်နှာပွင့်တဲ့ မင်းသားတစ်ပါး ဖြစ်လာပြန်တယ်။ ဒီအချိန်မှာတော့ ဘင်ဟားဟာ တစ်ချိန်က သူချစ်ခဲ့ဖူးတဲ့ ချစ်သူ အက်စတာနဲ့ သူ့မိခင်၊ သူ့ညီတွေကို အသည်းအသန် လိုက်ရှာပါတော့တယ်။ ပြီးတော့ သူ့ကို ကျွန်ဘဝရောက်အောင် လုပ်ခဲ့တဲ့ သူ့မိသားစုအပေါ် ရက်စက်ခဲ့တဲ့ သူငယ်ချင်း မာဆားလာကို လက်စားချေဖို့လည်း ကြိုးစားပါတော့တယ်။ ဒီလိုနဲ့ အကြမ်းတမ်းဆုံးဖြစ်တဲ့ မြင်းစစ်ရထားစီးပြီး ယှဉ်ပြိုင်ဖို့ ဖြစ်လာပါတော့တယ်။ ဇာတ်လမ်းအဆုံးသတ်မှာတော့ သခင်ယေရှု ကားတိုင်မှာ အသတ်ခံရတဲ့အခန်းနဲ့ အဆုံးသတ်ထားပါတယ်။ ဒီရုပ်ရှင်ဟာ Judah Ben Hur ကို ယေရှုမွေးဖွားချိန်မှ သေဆုံးချိန်ထိ timeline တစ်ခုတည်းမှာ ရှင်သန်နေထိုင်ခဲ့တဲ့ ဇာတ်ကောင်အဖြစ် စိတ်ကူးယဉ်ပုံဖော်ထားတာ ဖြစ်ပါတယ်။ ဇာတ်လမ်းတစ်ခုလုံးမှာ ယေရှုရဲ့ အခန်းတွေ နည်းသည့်တိုင် မျက်နှာရော၊ အသံရော လုံးဝမဖော်ပြဘဲ ရိုက်ထားပါတယ်။ ရုပ်ရှင်ဇာတ်အိမ်ဟာ အလွန်ပဲ ရိုးရှင်းပါတယ် ဆိုပေမယ့် ခရစ်ယာန်တစ်ယောက်ဆိုရင်တော့ ဒီကားရဲ့အနှစ်သာရကို ပိုပြီး ခံစားမိစေမယ်လို့ ထင်ပါတယ်။ Evangelism အရမ်းဆန်အောင် ရိုက်ထားတာ မဟုတ်ပေမယ့် ပါးပါးလေး ထည့်ထားပါတယ်။ အထူးသဖြင့် ဒီကားမှာ လူသားပီပီ ဘင်ဟာ ( Charlton Heston ) ရဲ့ ယုံကြည်ချက် အတက်အကျ အလှည့်အပြောင်းဟာ သဘာဝကျလွန်းတာကို ကြိုက်ပါတယ်။ ဒီရုပ်ရှင်ကို ခရစ်ယာန် propaganda ဖြစ်တယ်ဆိုပြီး တရုတ်နိုင်ငံက ပိတ်ပင်ခဲ့ပါတယ်။ ဒီရုပ်ရှင်မှာ ကြိုက်ရတဲ့အချက်က ရိုက်ချက်တွေပါ။ အဲဒီခေတ်က ကွန်ပျူတာ CGI ဆိုတာ မပေါ်သေးတော့ ပင်လယ်ပေါ်မှာ တိုက်တဲ့အခန်း၊ မြင်းလှည်းမောင်းပြီး ပြိုင်တဲ့အခန်းတွေဟာ cinematographer , director တို့ရဲ့ ပညာအစွမ်း အံ့မခန်းလက်ရာများကို မြင်တွေ့ရမှာပါ။ ( အောက်ကအချက်တွေမှာ ဆက်လက်ဖော်ပြထားပါတယ်။ ) ————————————– (၂) ရုပ်ရှင် ဖြစ်လာစေခဲ့တဲ့ စာအုပ် Ben Hur ( 1959 ) ရုပ်ရှင်ဟာ 1925 မှာ ထွက်ခဲ့တဲ့ အဖြူအမည်း အသံတိတ်ရုပ်ရှင် Ben-Hur: A Tale of the Christ ကို remake ပြန်ရိုက်ထားတာပါ။ ၁၈၈၀ ခုနှစ်မှာ ထွက်ခဲ့တဲ့ စာအုပ်ကို မှီးပြီး ရုပ်ရှင်ပြန်ရိုက်ခဲ့တာပါ။ Ben-Hur: A Tale of the Christ ဆိုတဲ့စာအုပ်ဟာ ၁၉ ရာစုမှာ အလွန်နာမည်ကြီးတဲ့ အရောင်းရဆုံးစာအုပ်ပါ။ စာရေးဆရာ Lew Wallace ဟာ သခင်ယေရှုအကြောင်းကို နောက်ခံထားတဲ့ Ben-Hur: A Tale of the Christ ဆိုတဲ့ ဝတ္ထုကို ၁၈၈၀ ခုနှစ်မှာ ထုတ်ဝေခဲ့ပါတယ်။ အဲဒီစာအုပ်ဟာ နာမည်အရမ်းကြီးခဲ့ပြီး ရောင်းရလွန်းလို့ အကြိမ်ရေများစွာ ပြန်လည် ထုတ်ဝေခဲ့ရတယ်။ ဘာသာစကားပေါင်းများစွာ ပြန်ဆိုခြင်း ခံရတယ်။ ၁၀ စုနှစ်တိုင်တိုင် အရောင်းရဆုံးစာရင်းဝင် ဖြစ်ခဲ့တဲ့အတွက် စာရေးဆရာ Lew Wallace ကို သူဌေးဖြစ်စေခဲ့တယ်။ အဲဒီစာအုပ်ဟာ ၁၉ ရာစုနှစ် ခရစ်ယာန်စာပေတွေထဲမှာလည်း အလွမ်းမိုးနိုင်ဆုံးစာအုပ်တစ်အုပ်ဖြစ်ခဲ့တယ်လို့ ဆိုတယ်။ ဝတ္ထုစာအုပ်ဖြစ်ပေါ်လာခြင်း Lew Wallace ဟာ အမေရိကန် စစ်ဗိုလ်ဘဝကနေ အငြိမ်းစား ယူပြီးတဲ့နောက် စာရေးဆရာဘဝကို ကူးပြောင်းခဲ့တယ်။ သူဟာ ဘုရားသခင်ကို ယုံကြည်သူတစ်ယောက် မဟုတ်တဲ့အပြင် ခရစ်ယာန်ဘာသာရေးနဲ့ပါတ်သက်ပြီး ဘာမှ သိပ်သိတဲ့သူမဟုတ်ခဲ့ဘူး။ စာရေးဆရာ Lew Wallace ဟာ တစ်နေ့မှာ အင်ဒီးယားနားပိုးလ်ကို ခရီးသွားရင်းနဲ့ ရထားမှာ Robert G. Ingersoll ဆိုတဲ့ နိုင်ငံရေးသမားတစ်ယောက်နဲ့ အမှတ်မထင် ဆုံမိပြီး ဘာသာရေးအကြောင်း ဆွေးနွေးငြင်းခုံကြတယ်။ ဒါပေမယ့် စာရေးဆရာ Lew Wallace ဟာ ခရစ်ယာန်အကြောင်း ဘာမှ မသိသေးတဲ့အတွက် ရေရေရာရာ မဆွေးနွေးနိုင်ဘူး။ ဒါကြောင့် ခရစ်ယာန်တွေရဲ့ ဘာသာရေးကို ကိုယ်တိုင်သေသေချာချာလေ့လာဦးမယ်လို့ အခိုင်အမာ ဆုံးဖြတ်ချက်ချခဲ့တယ်။ သိပ်မကြာခင်မှာပဲ စာရေးဆရာ Wallace ဟာ သမ္မာကျမ်းစားအကြောင်း ရှေးခေတ်ရောမအင်ပါယာအကြောင်း အဲဒီခေတ်အခါက မြေအနေအထား ပထဝီ၊ ရိုးရာယဉ်ကျေးမှု၊ ဘာသာစကား၊ စတာတွေ သိအောင် ကိုယ်တိုင်လေ့လာ သုတေသနလုပ်ခဲ့တယ်။ စာရေးဆရာ Wallace ဟာ ခရစ်ယာန်အကြောင်း ယေရှုအကြောင်း ဂျူးတွေအကြောင်း လေ့လာရင်းနဲ့ပဲ ခရစ်ယာဘာသာ ပြောင်းလဲသွားခဲ့သလို Ben-Hur: A Tale of the Christ စာအုပ်ကို ရေးဖို့ စိတ်ကူးရခဲ့ပါတယ်။ Ben-Hur: A Tale of the Christ စာအုပ်ဟာ နှစ် ၂၀ အကြာ ၁၉၀၀ ပြည့်နှစ်မှာ ၃၆ ကြိမ်မြောက်ထိ ထုတ်ဝေခဲ့ရပြီး ဘာသာစကားပေါင်း ၂၀ ကျော် ပြန်ဆိုခဲ့ရတယ်။ မာဂရက်မစ်ချဲလ်ရဲ့ Gone With The Wind ( လေရူးသုန်သုန် ) ကိုတောင် ကျော်တက်သွားခဲ့ပြီး အဲဒီခေတ်အခါက သမ္မာကျမ်းစာပြီးရင် ဒုတိယအရောင်းရဆုံး စာအုပ် ဖြစ်လာခဲ့ပါတယ်။ —————————————————– ( ၃ ) ရုပ်ရှင်အဖြစ် ပြန်လည်ရိုက်ကူးခြင်း ၁၉၂၅ မှာ စာအုပ်နာမည်အတိုင်း Ben-Hur: A Tale of the Christ ကို အဖြူအမည်း အသံတိတ်ရုပ်ရှင်အဖြစ် ရိုက်ခဲ့တယ်။ ၁၉၅၉ ခုနှစ်ရောင်စုံကာလာ အသံထွက်ခေတ်မှာ ဒါရိုက်တာ William Wyler က Ben-Hur ကို အော်စကာဆု ၁၁ ဆု ရရှိသည်အထိ တခမ်းတနား ပြန်လည်ရိုက်ကူးခဲ့ပြန်တယ်။ ၁၉၂၅ မှာ MGM က ဘတ်ဂျက် ၄ သန်းနဲ့ ဒေဝါလီခံရကာနီးနီး အကုန်အကျခံရိုက်ကူးထားပြီး ဖြစ်ပေမယ့် ၁၉၅၂ မှာ နောက်တစ်ကြိမ် Ben Hur remake ရိုက်မယ်ပြီး စကြေငြာလိုက်တယ်။ ၁၉၅၆ ရောက်တော့ ရိုက်ကူးရေးစမယ်လို့ ရည်ရွယ်ထားကာမှ ဒါရိုက်တာ Sidney Franklin က နေမကောင်းဖြစ်ပြီး နှုတ်ထွက်သားလို့ မရိုက်ဖြစ်ပဲ ထပ်ကြာသွားပြန်တယ်။ အဲဒီနှစ်မှာ Paramount Pictures က The Ten Commandments ရုပ်ရှင်နဲ့ အကြီးအကျယ် အောင်မြင်သွားတော့မှ MGM က Ben Hur ကို အမြန်ရိုက်ဖို့ အာရုံပြန်စိုက်လာကြတယ်။ ဘင်ဟား မူရင်းဝတ္ထုဟာ စာမျက်နှာ ၅၅၀ တောင် ရှိတာမို့ ပရိုဂျူဆာ Zimbalist ဟာ ဇာတ်ညွန်းရေးဆရာတွေ အများကြီး ခေါ်ပြီး ဇာတ်ညွန်း ရေးခိုင်း ပြင်ခိုင်းပါတယ်။ ဇာတ်ညွန်းပြင်လာလိုက်တာ ဗားရှင်း ဇာတ်ညွန်း ၁၂ မျိုးထိ ထွက်ခဲ့တယ်။ နောက်ဆုံးပြင်ခဲ့တဲ့ Karl Tunberg ရဲ့ ဇာတ်ညွန်းကိုပဲ အတည်ယူလိုက်ကြတော့တယ်။ Ben-Hur ကို ရိုက်ကူးမယ်ဆိုတော့ နှုတ်ထွက်သွားတဲ့ ဒါရိုက်တာနေရာမှာ အစားထိုးဖို့ လိုလာတယ်။ ဒါကြောင့် ၁၉၂၅ ခုနှစ် ဘင်ဟားအသံတိတ်ရုပ်ရှင်ရိုက်တုန်းက လက်ထောက်ဒါရိုက်တာလုပ်ခဲ့တဲ့ William Wyler ကို ငှားလိုက်ကြတယ်။ နာမည်ရပြီး ဒါရိုက်တာ William Wyler ဟာ အလွယ်လက်မခံခဲ့ပါဘူး။ ပရိုဂျူဆာ Zimbalist ဟာ William Wyler ကို ဇာတ်ညွန်းအရင်ပြကြည့်ပြီး မြင်းပြိုင်ပွဲအတွက် ဒေါ်လာ ၁၀ သန်းလောက် သုံးလိမ့်မယ်လို့ ဆွဲဆောင်ပြီး ပြောခဲ့တာကြောင့် ရိုက်ကူးဖို့ စိတ်ဝင်စားခဲ့တယ်။ ဒါပေမယ့် သူလိုချင်တာ တော်တော်များများလုပ်ပေးခဲ့ရတယ်။ လူဦးရေအများအပြားသုံးမယ့်ရုပ်ရှင်ဖြစ်တဲ့အတွက် MGM က ရောမမြို့မှာ ရုံးဖွင့်ပြီး အရံသရုပ်ဆောင်အတွက်တင် လူပေါင်း ၅၀၀၀၀ ကျော်ကို ရွေးချယ်ခဲ့တယ်။ ဂျူးဒ ဘင်ဟားနေရာမှာ သရုပ်ဆောင်ဖို့ အဲဒီခေတ်အခါက နာမည်ကြီးတဲ့ Burt Lancaster, Paul Newman, Kirk Douglas, Marlon Brando တို့ကို ကမ်းလှမ်းခဲ့ပေမယ့် အကြောင်းအမျိုးမျိုးပြပြီး ငြင်းဆိုခဲ့ကြတယ်။ နောက်ဆုံးမှာ Charlton Heston က ဘင်ဟား ဇာတ်ရုပ်အတွက် လက်ခံရိုက်ကူးခဲ့တယ်။ အဲဒီအတွက် အနုပညာကြေး ဒေါ်လာ ၂ သိန်းခွဲ ရခဲ့ပါတယ်။ အမှန်တော့ ဒါရိုက်တာ William Wyler က Charlton Heston ကို ဘင်ဟားနေရာထက် ဗီလိန်မာဆားလာအဖြစ် သရုပ်ဆောင်စေချင်ခဲ့တာပါ။ Esther Role အတွက်လည်း မင်းသမီးပေါင်း ၃၀ ထက်မနည်း ရွေးချယ်စဉ်းစားခဲ့ကြပေမယ့် နောက်ဆုံးမှာ အစ္စရေးမင်းသမီး Haya Harareet ကို ရွေးလိုက်ကြတယ်။ ရိုက်ကူးရေး Filming location အတွက် အစ္စရေး ဒါမှမဟုတ် အီဂျစ် တစ်နိုင်ငံမှာ ရိုက်မယ်လို့ ရည်ရွယ်ခဲ့ပေမယ့် အီတလီ ရောမကိုပဲ ရွေးချယ်ခဲ့တယ်။ ဘာကြောင့်လဲဆိုတော့ ဒါရိုက်တာ William Wyler က Roman Holiday ကို ရောမ ရိုက်ခဲ့ဖူးတာကြောင့် ရောမဟာ သူနဲ့ မစိမ်းဘူး။ ဒါကြောင့် William Wyler အလိုကျ MGM က လိုက်လျောပေးခဲ့တယ်။ အဲဒါအပြင် သူတောင်းဆိုတဲ့အတိုင်း ဒါရိုက်တာကြေး ဒေါ်လာ ၃၅၀၀၀၀ နဲ့ ရုံတင်ငွေအသားတင်အမြတ်ထဲကနေ ၈ ရာခိုင်နှုန်းကိုပါ ပေးဖို့ သဘောတူခဲ့ရတယ်။ အဲဒီခေတ်က ဒါရိုက်တာတစ်ယောက်အတွက် William Wyler ကို ပေးခဲ့ရတဲ့ ပမာဏဟာ အများဆုံးဖြစ်ခဲ့တယ်။ Pre Production အစမှာတင် custume design၊ ဆက်တင် နဲ့ ရုပ်ရှင်ထဲမှာ ပါဝင်မယ့် အသုံးအဆောင်ပစ္စည်းအကုန်လုံးအတွက် ပုံကြမ်းပေါင်း ၁၅၀၀၀ ကျော် အရင်ဆွဲခဲ့ရတယ်။ ကုလားအုတ် ၂၀၀ ၊ မြင်းကောင်ရေ ၂၅၀၀ ကျော်ကို အသုံးပြုခဲ့ရသလို လက်ထောက်ဒါရိုက်တာပေါင်း ၆၀ ကျော် ငှားရမ်းခဲ့ရတယ်။ Cinematographer ကို စဉ်းစားကြတဲ့အခါ အဲဒီခေတ်အခါက အအောင်မြင်ဆုံး Cinematographer ဖြစ်တဲ့ Robert L. Surtees ကိုပဲ ငှားလိုက်ကြတယ်။ Producer နဲ့ MGM က Widescreen နဲ့ ရိုက်ချင်ပေမယ့် ကြီးမားလွန်တဲ့ ပုံရိပ်ပြည့်ထွက်မလာမှာ ကြောင့်ရယ်၊ ရုပ်ရှင်ကင်မရာတွေနဲ့ ရိုက်ရမှာကြောင့်ရယ်၊ ရိုက်ကူးရေးအခက်အခဲကြောင့် အချိန်အလဟသမကုန်ချင်တာကြောင့် ဒါရိုက်တာက မရိုက်ချင်ခဲ့ဘူး။ ဒီအခက်ခဲကို ပြေလည်စေဖို့ ဒေါ်လာ ၁ သိန်းတန်တဲ့ 65 mm မှန်ဘီလူးပါတဲ့ ကင်မရာ ၆ ခုထိ အမေရိကန်က မှာယူပြီး ရိုက်ခဲ့ကြတယ်။ ဒါရိုက်တာ မောင်းချက်ကတော့ ရိုက်ကူးရေးစတော့ တစ်ပတ်ကို ၆ ရက် တစ်ရက်ကို ၁၂ နာရီကနေ ၁၄ နာရီ assign တွေခွဲပြီး မနားတမ်း ရိုက်ကူးခဲ့တယ်။ ဆရာဝန် အနားမှာ ခေါ်ထားပြီး ပင်ပန်းလွန်းတဲ့ သရုပ်ဆောင်တွေကို Vitamin B Complex ထိုးပေးခဲ့ရတယ်လို့ဆိုတယ်။ ဒါရိုက်တာ Wyler ဟာ ဘင်ဟာ အဖြစ် Heston တန်ရဲ့ သရုပ်ဆောင်ပုံတွေကိုလည်း သိပ်ပြီး မကျေနပ်ခဲ့ပါဘူး။ I’m a Jew လို့ အော်တဲ့အခန်းမှာတင် ၁၆ ကြိမ်လောက် ရိုက်ခဲ့ရတယ်။ ဘင်ဟားရုပ်ရှင်ရဲ့ Climax ဖြစ်တဲ့ မြင်းပြိုင်ခန်းဟာ မိနစ် ၄၀ လောက်သာ ကြာပေမယ့် အသုံးစရိတ်ကတော့ ဒေါ်လာ ၁ သန်းလောက် သုံးခဲ့ရတယ်။ ဘင်ဟာနဲ့ မာဆားလာတို့ရဲ့ မြင်း ၄ ကောင် စစ်ရထားပြိုင်ပွဲ အခန်းရိုက်ကူးမှုဟာ အပင်ပန်းဆုံး အကြမ်းတမ်းဆုံး ဖြစ်ခဲ့တယ်။ အဲဒီဆက်တင် ( စစ်ရထားမြင်းပြိုင်ကွင်း ) ဖြစ်လာဖို့ ၁၈ ဧက ကျယ်တဲ့ ကွင်းပြင်ကြီးကို ဒေါ်လာ ၁ သန်း အကုန်အကျခံပြီး ၁ နှစ် ကြာ ဆောက်ခဲ့ရတယ်။ အရည်အသွေးကောင်းတဲ့မြင်းတွေကို ယူဂိုဆလားဗီးယားနဲ့ စစ္စလီကျွန်းက မှာယူပြီး သေချာလေ့ကျင့်ပေးခဲ့ရတယ်။ မြင်းတင်မကဘူး။ Heston ( ဘင်ဟား ) နဲ့ Boyd ( မာဆားလာ ) တို့ဟာလည်း မြင်းစစ်ရထားစီးကျွမ်းကျင်အောင် အစွမ်းကုန် လေ့ကျင့်ခဲ့ရတယ်။ Heston ( ဘင်ဟား ) က တစ်နေ့ကို ၃ နာရီ လေ့ကျင့်ခဲ့ရပါသတဲ့။ ဒီလိုလေ့ကျင့်ရင်းနဲ့ နောက်ပိုင်းမှာ တကယ်ကျွမ်းကျင်တဲ့သူ ဖြစ်လာခဲ့တယ်။ မြင်း ၄ ကောင် စစ်ရထားပြိုင်ပွဲခန်း တကယ်ရိုက်တော့ ၅ ရက်ကြာသွားခဲ့တယ်။ စစ်ရထားပြိုင်ပွဲကိုအားပေးတဲ့ ဘေးကရပ်ကြည့်ပရိတ်သတ်အဖြစ် ပါဝင်ဖို့ လူပေါင်း ၇ ထောင်ကျော် ငှားခဲ့တယ်။ အဝေးရိုက် Long take အခန်းတွေမှာ Double Stunt တွေ သုံးပြီး ရိုက်ခဲ့တယ်။ လက်ထောက်ဒါရိုက်တာရဲ့ သားတစ်ယောက်ဖြစ်တဲ့ စတန့်သမားဟာ မြင်းပြိုင်ခန်းရိုက်ရင်း သေလုနီးပါးဖြစ်ခဲ့တယ်လို့ ဆိုတယ်။ မြင်းတွေဟာ အပြေးမြန်လွန်းလို့ footage ရဖို့အတွက် ဖာရာရီကားကိုတောင် သုံးခဲ့ရပါသတဲ့။ ဒီအခန်းတွေအတွက် ကင်မရာ crew တွေဟာ fixed postion, movement position စသဖြင့် angle အစုံ ရိုက်ရတာကြောင့် မနက် ၆ နာရီကနေ ညနေ ၅ နာရီအထိ အလုပ်လုပ်ခဲ့ရပါတယ်။ ဒီလိုနဲ့ ရုပ်ရှင်ရိုက်ကူးရေးဟာ ၉ လတိုင်တိုင် ကြာခဲ့တယ်။ အဲဒီခေတ်က ဖလင်ခေတ်ဆိုတော့ ဖလင်ရဲ့အတိုင်းအတာဟာ Raw မှာတင် ၃၄၀၀၀၀ မီတာ ရှိခဲ့တယ်။ ၁ ကဒ်ကို ၄ နာရီခွဲလောက် ကြပါသတဲ့။ တကယ်တမ်း Wyler လိုချင်တာက ရုပ်ရှင်တစ်ခုလုံးအတွက် ၃ နာရီခွဲစာ။ တည်းဖြတ်အယ်ဒီတာ John D. Dunning အဆိုအရ သူ့ဘဝမှာ ဘင်ဟာရုပ်ရှင်ဟာ တည်းဖြတ်ဖို့ အခက်ဆုံးဖြစ်ခဲ့တယ်လို့ ဆိုတယ်။ နောက်ဆုံးမှာ ၂၁၃ မိနစ် ( ၄ နာရီနီးပါး ) ရအောင်တည်းဖြတ်ခဲ့ရတယ်။ ဒါကြောင့် Post Production မှာ နောက်ထပ် ၆ လ ထပ်ကြာသွားပြန်တယ်။ ဘင်ဟားရုပ်ရှင်ဟာ ဒေါ်လာ ၆ သန်း၊ ၇ သန်းလောက်သာ သုံးမယ်လို့ မှန်းထားတဲ့ ဘင်ဟား ရုပ်ရှင်ဟာ တကယ်တမ်းရိုက်ကြတော့ ၁၅ သန်းကျော်ထိ ကုန်ကျသွားခဲ့တယ်။ အဲဒီအခေတ်အခါက ဘတ်ဂျက်က ၁ သန်းကနေ အများဆုံး ၅ သန်းလောက်အထိ ပဲ သုံးကြပါတယ်။ ၁၅ သန်းဆိုတာ ကုန်ကျစရိတ် ၃၊ ၄ ဆအထိ မြင့်တက်သွားတဲ့အတွက် ကုန်ကျစရိတ်အများဆုံးရုပ်ရှင်လည်း ဖြစ်ခဲ့ပါတယ်။ Ben Hur 1959 #Epic_Movie Cinemanto (ရုပ်ရှင်အညွှန်းကို Cinemanto FB Page မှ ကူးယူဖော်ပြပါသည်။) 4K ကိုတော့ AI Upscaled Version နဲ့တင်ထားတာမလို့ ရုပ်ထွက်တော့ပိုကြည်ပေမယ့် Reality သိပ်မဆန်ဘူးထင်ရင် BluRay အစစ်ကနေ ထုတ်ထားတဲ့ 1080p Version ကိုကြည့်ပါ။

IMDb (7.1/10) မင်းသားကြီး Vin Diesel ရဲ့ နာမည်ကျော် အာကာသဖိုက်တာ Riddick ဇာတ်ကားတွေပါ။ Sci-Fi အမျိုးအစားဇာတ်ကားတွေထဲမှာတော့ Action အသားပေးအနေနဲ့ အမြဲအမှတ်ရနေမိမယ့်ဇာတ်ကားမျိုးတွေပါ။ ဒီဇာတ်ကားတွေကို ကြည့်မိတိုင်း ကျွန်တော်ဟာ အာခေါင်ခြောက်ကပ်ပြီး အနာဂတ်ကိုလှမ်းမြင်နေရသလို ရင်ထိတ်လာတယ်။ အထွေထွေပျက်စီးနေတာကို တရားကျရင်း ဘာအတွက်မှန်းမသိတဲ့ အတ္တတွေ အစဉ်အဆက်ကြီးထွားနေတာကို ရွံ့မုန်းလာမိရဲ့။ တစ်ခါတစ်ခါတော့ ရှင်သန်ခြင်းကို ဇယားချကြည့်တယ်…သေခြင်းကလွဲလို့အားလုံးက မှုန်ဝါးနေရော။ ဒီလိုအချိန်မှာ Riddick ရဲ့ ဝိဉာဉ်ကို မြင်မိတာအကြိမ်ကြိမ်အခါခါ။ Riddick ဟာ တစ်စုံတစ်ခုကို ဆုပ်ကိုင်လမ်းပြထားတယ်..ကျွန်တော်တို့ ခံစားကြည့်ပါစို့။ Riddick ဇာတ်ကားအားလုံးကို Riddick မှာကြည့်ပါ။ ——————————————————————————– မင္းသားၾကီး Vin Diesel ရဲ႕ နာမည္ေက်ာ္ အာကာသဖိုက္တာ Riddick ဇာတ္ကားေတြပါ။ Sci-Fi အမ်ိဳးအစားဇာတ္ကားေတြထဲမွာေတာ့ Action အသားေပးအေနနဲ႔ အျမဲအမွတ္ရေနမိမယ့္ဇာတ္ကားမ်ိဳးေတြပါ။ ဒီဇာတ္ကားေတြကို ၾကည့္မိတိုင္း ကြ်န္ေတာ္ဟာ အာေခါင္ေျခာက္ကပ္ျပီး အနာဂတ္ကိုလွမ္းျမင္ေနရသလို ရင္ထိတ္လာတယ္။ အေထြေထြပ်က္စီးေနတာကို တရားက်ရင္း ဘာအတြက္မွန္းမသိတဲ့ အတၱေတြ အစဥ္အဆက္ၾကီးထြားေနတာကို ရြံ႕မုန္းလာမိရဲ႕။ တစ္ခါတစ္ခါေတာ့ ရွင္သန္ျခင္းကို ဇယားခ်ၾကည့္တယ္…ေသျခင္းကလြဲလို႕အားလံုးက မႈန္ဝါးေနေရာ။ ဒီလိုအခ်ိန္မွာ Riddick ရဲ႕ ဝိဥာဥ္ကို ျမင္မိတာအၾကိမ္ၾကိမ္အခါခါ။ Riddick ဟာ တစ္စံုတစ္ခုကို ဆုပ္ကိုင္လမ္းျပထားတယ္..ကြ်န္ေတာ္တို႕ ခံစားၾကည့္ပါစို႕။ Riddick ဇာတ္ကားအားလံုးကို Riddick မွာၾကည့္ပါ။ File size… 2.1 GB / 1.1 GB Quality… BluRay 1080p / 720p Format… mp4 Duration…. 1h 52m Genre ….. Action / Sci-Fi Subtitle…. Myanmar Subtitle (Hard Sub) Encoder…. Thit San Khant

The Life Aquatic with Steve Zissou (2004) ********************************************** The Life Aquatic with Steve Zissou ရုပ်ရှင်ဟာ 2004 ခုနစ်မှာ ထွက်ရှိခဲ့ပြီး ဒါရိုက်တာ Wes Anderson က ပုံဖော်ရိုက်ကူးထားတာ ဖြစ်ပါတယ်။ ဇာတ်လမ်းလေးကတော့ အများနဲ့မတူ တမူထူးခြားတဲ့ အဏ္ဏဝါဗေဒပညာရှင် Steve Zissou ဟာ သူ့ရဲ့အချစ်ဆုံးသူငယ်ချင်း ငါးမန်းအစားခံလိုက်ရတဲ့နာက်မှာတော့ လျှို့ဝှက်ဆန်းကြယ်တဲ့ ငါးမန်းကို ရှာဖွေဖို့အတွက် ထူးဆန်းတဲ့ရေအောက်စွန့်စားခန်းတစ်ခုကို စတင်ခဲ့ပါတယ်။ လမ်းတလျှောက်မှာ တောရိုင်းပင်လယ်သတ္တဝါ တွေ ပင်လယ်ဓားပြတွေနဲ့ ကိုယ်ရေးကိုယ်တာ ပြဿနာ အမျိုးမျိုးကို ရင်ဆိုင်ခဲ့ကြရပါတယ်။ Steve Zissou တစ်ယောက် သူ့အဖွဲ့ဝင်တွေနဲ့အတူ ငါးမန်းကို ရှာဖွေတွေ့ရှိသွားမလား၊ ပင်လယ်ရေပြင်တလျှောက် ဘယ်လိုထူးခြားဆန်းကြယ်မှုတွေ ကြုံရမလဲဆိုတာကို စိတ်ဝင်စားစွာ စောင့်မျှော်ကြည့်ရှုရမယ့် ဇာတ်လမ်း‌ကောင်း တစ်ခုဖြစ်ပါတယ်။ File Size – 2.96 GB/ 1.27 GB Quality – BluRay 1080p/ 720p Duration – 1h 59m Format – mp4 Genre – Action, Drama, Comedy, Romance Subtitle – Myanmar Subtitle (Hard Sub)