သရဲခြောက်တယ်လို့ သတင်းကြီးတဲ့ Haunted Valley လေးကို ခံစားကြည့်ကြပါဦး။ အဲ့ဒီတောင်ကြားမြို့ရဲ့ လမ်းမထက်မှာ ဒါမှ မဟုတ် လမ်းကြိုလမ်းကြားမှာ လေလွင့်နေတဲ့ဝိဉာဉ်တွေ သွားလာ နေတတ်ကြပါတယ်။ သူတို့ဝင်ပူးလို့ရမယ့်သူကို ရှာနေရင်းနဲ့ မကောင်း ဆိုးဝါးတွေကို ဗိုင်းရပ်ပိုးလို ဖြန့်ဖို့အခွင့်ကောင်းကို စောင့်နေကြတယ် လို့ဆိုပါတယ်။ ဘက်သနီတို့အိမ်က သရဲခြောက်တယ်လို့ နာမည်အကြီးဆုံးအိမ်တွေ ထဲကတစ်အိမ်နဲ့ တစ်လမ်းတည်းရှိပါတယ်။ စစဦးဆုံးသတိထားမိတာ ကတော့ ဘက်သနီရဲ့ သားနဲ့သမီးပေါ့။ တစ်ခါတစ်လေ ပုံစံမမှန်တဲ့ဝိဉာဉ် ကိုတွေ့ရသလို၊ တစ်ခါတစ်လေ မိန်းမကြီးပုံစံလည်းတွေ့ရတတ်ပါတယ်။ ဘက်သနီကလည်း သူ့ခင်ပွန်းကနောက်အိမ်ထောင်ပြုတော့မှာမို့ စိတ် ရှုပ်နေပြီး စိတ်ဓါတ်အကျဆုံးအချိန်ကိုရောက်နေတာမို့ လေလွင့်နေတဲ့ ဝိဉာဉ်က သူ့ခန္ဓာကိုယ်ထဲကို ဘယ်လိုမျိုးအခွင့်အရေးရှာပြီး ဝင်ပူးဖို့လုပ် မလဲဆိုတဲ့အဖြေကို စောင်လေးခြုံ၊ မီးလေးပိတ်ပြီး ကြည့်ကြည့်လိုက်ပါ တော့နော်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Jo Jo Va ဖြစ်ပါတယ်) File Size..........(1.79 GB) / (660 MB) / (424 MB) Quality............WEB-Rip 1080p / 720p / 480p Duration.........1Hr 33Mins Subtitle...........Myanmar Hardsub Format............MP4 Genre..............Horror Translator.......Jo Jo Va Encoder..........SWM

ရိုးရိုးသားသားပြောရရင်တော့ ဒီတရုတ်ကားက သာမန်ကျောင်းသားအချစ်ကားပါပဲ။ You're the apple of my eyeတို့လို စတိတ်ကျောင်းမှာတွေ့ ကြိုက် ကောလိပ်မှာဇာတ်လမ်းဆက် ဒီလိုပုံစံပါပဲ။ ရိုက်ကူးပုံတို့ စီနီမာတို့ အရောင်တို့ကလည်း ထိုနည်းလည်းကောင်းပဲပြောရမယ်။ You're the apple of my eyeလောက်ကြီးတော့ မကောင်းပေမဲ့ အခြေခံအရသာအရတော့ ခပ်ဆင်ဆင်ပါပဲ။ You're the apple of my eyeက မဆုံလိုက်ရတဲ့ဘဝတွေအကြောင်းဆိုတော့ ပိုနတ်ကြီးတာပေါ့။ ဒီရုပ်ရှင်က ပစ်မှတ်ထားတဲ့ ပရိသတ်ကတော့မတူဘူးရယ်။ အဲဒီလိုပုံစံခပ်ဆင်ကိုမှ LDRSအချစ်အကြောင်းကို ဦးစားပေးထားတာဆိုရမယ်။ မင်းသား မင်းသမီးတွေကလည်း ချောပေမဲ့ မြင်နေကြုံနေကျ ရုပ်တွေလိုနဲ့ မထူးခြားနားပြထားတော့ သဘာဝကျတယ်လို့တော့ ခံစားလို့ရတယ်။ ပိုစတာမှာသာ လူရုပ်ထွက်မနေတာပါ အထဲမှာလူရုပ်ပါပဲ။ လှပေမဲ့ အပြင်မှာ ဘယ်သူမှပါးစပ်က ထုတ်ပြောမှာမဟုတ်တဲ့ စကားတွေ တစ်ချက်တစ်ချက်ပြောတတ်တာကလွဲလို့ နည်းနည်းပေါတာကလွဲ ကြည့်ပျော်တဲ့ လိုက်ဖီးလ်လို့ကောင်းတဲ့ မဆိုးတဲ့ ရုပ်ရှင်ပါပဲ ဒီရုပ်ရှင်မှာ ခပ်တည်တည်နဲ့ ဒဲ့ကြီးရွတ်သွားတဲ့ အချစ်အကြောင်းလေးတွေ ပါသလို ဒဲ့ကြီးမရွတ်ဘဲ လှတပတလေး ပြသွားတာလေးတွေလည်းပါတယ်။ ကျွန်တော်သဘောကျတဲ့ အခန်းလေးက ပြောရရင် ဆရာသုခမိန်လှိုင်ရဲ့ ကျွန်တော်တော်တော်ညိတဲ့ ရိုးရိုးရှင်းရှင်းလေးနဲ့ ဆန်းပြီး စာခြောက်ကြောင်းနဲ့ အချစ်ဆိုတာဘာလဲ လုံးဝပေါ်လွင်တဲ့ ကဗျာလိုမျိုးပဲ။ အဲဒီကဗျာ နာမည်က " ဓား"တဲ့။ " ငါပျော်ရင်တော့ မင်းကို ခွဲပေးပါ့မယ် အဲဒါလွယ်တယ် ငါမပျော်ရင်တော့ မင်းကို ခွဲမပေးတော့ဘူး အဲဒါခက်တယ် သံက မီးဖိုထဲမှာ အရည်ပျော်ပြီး ပြန်လာသလိုမျိုး" တစ်ခါတုန်းကတော့ ဆော့ခရိတ္တိက အချစ်ဆိုတာ လှတာကိုလိုချင်တာလို့ပြောဖူးတယ်။ ဒါလည်း အတိုင်းအတာတစ်ခုအထိတော့ မမှားပါဘူး။ နောက်ကျ ပလေးတိုးနစ်အချစ်ကို ချပြလာတယ်။ ဒါလည်း အတိုင်းအတာတစ်ခုအထိတော့ မမှားပါဘူး။ ပုဂ္ဂလိကအမြင်အရတော့ အချစ်ဟာ ဒီထက်ကျယ်ပြန့်တယ်လို့တော့ ကျွန်တော်ထင်တာပါပဲ။ ရုပ်ဝတ္တုအသစ် အတတ်အသစ်သစ်တွေ များပြားလာ ၊ လက်လှမ်းမီတာတွေရော မမီတာတွေရောများလာတဲ့နောက်၊ နဂိုကတည်းက မရိုးရှင်းလှတဲ့ လူ့အသိုင်းအဝိုင်းကြီးမှာ အစကတည်းက အရည်ပျော်ရတာတွေထက် ပိုအရည်ပျော်တာရတာတွေလည်းရှိလာတာပဲ။ ဘာကောင်ကြီးပဲဖြစ်နေဖြစ်နေ တစ်ခါတလေတောင် အရည်မပျော်ဖူးတဲ့ လူတွေတော့ ရှိလိမ့်မယ်မထင်ဘူး။ အရည်ပျော်ရတဲ့နေ့ရက်နေ့တွေမှာ တစ်ခါတလေကျတော့လည်း ဖြေသာစရာဟာ ကျွန်တော်တို့အားလုံးချစ်ကြတဲ့ ဆရာစိုင်းခမ်းလိတ်ကြီးရဲ့ စကားလိုပဲ။ "ဝေဒနာတွေသိပ်ဆိုးလာတော့လည်း အနားမှာနွဲ့တင်ရှိရင်ပြီးတာပါပဲ"ဆိုသလိုပဲပေါ့။ ချစ်ခြင်းဟာ အားဖြစ်စေခဲ့မှာပဲ။ ဒါပေမဲ့ ချစ်ခြင်းဟာ များသောအားဖြင့်တော့ အဲဒီအရည်ပျော်ရတဲ့အကြောင်းရင်းကိုတော့ ခွဲပေးချင်မှာမဟုတ်ဘူးပေါ့။ ဆော့ခရိတ္တိတို့ ပလေတို့ခေတ်ကတော့ အချစ်ဟာ ဘယ်လိုပုံစံနဲ့ရှိနေခဲ့လဲမသိပေမဲ့ ယုံကြည်ရင်တော့ အချစ်ဟာ ဖြစ်တည်မှုတစ်ခုပါပဲ။ မယုံရင်လည်း မဟုတ်ဘူးပေါ့။ ဒီရုပ်ရှင်ဟာ ယုံကြည်သူနှစ်ယောက်ရဲ့ ဖြစ်တည်မှုတစ်ခုလိုဖြစ်သွားတဲ့ အချစ်တစ်ခုအကြောင်းပါပဲ။ အရမ်းကြီးကောင်းလှတယ်မဟုတ်ပေမဲ့ အကြောင်းကြောင်းနဲ့ ဒီခေတ်မှာ ချစ်လျက်နဲ့ဝေးရတဲ့ ကြမ္မာဖိစီးခံရတဲ့ အချစ်တွေအတွက်တော့ ခံစားလို့ကောင်းမယ့် ရုပ်ရှင်တစ်ကား ဖြစ်မှာပါ။ ရိုးရိုးရှင်းရှင်းပြောရရင် LDRSခဏဖြစ်ဖြစ် အမြဲဖြစ်ဖြစ် ဖြစ်နေတဲ့လူတွေအတွက် ဟတ်ထိစေမယ့်ရုပ်ရှင်ပါ။ HONEST REVIEWပါ။ ကျွန်တော်လည်း အဆုံးနား ၁၅မိနစ်လောက် အတည်မျက်ရည်ဝဲသွားပါတယ်။ လူပေါ်မူတည်ပါလိမ့်မယ်။ မှန်တဲ့လူ ထိပေါ့။ ဖီးလ်ရတဲ့အခန်းလေးတွေနဲ့ အချစ်သီချင်းချိုချိုလေးတွေကို တစ်ဆက်တည်းတွဲဆက်ပြီး ပိုဖီးလ်လို့ကောင်းအောင် လည်းလုပ်သွားပါတယ်။ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(2GB) / (1GB) Quality__WEB-DL_1080p, 720p IMDb Rating__7.5/10 Format__mp4 Duration__01:48:00 Type__Drama, Romance, School, LDRS Subtitle__Myanmar Subtitle (Hardsub) Translated by WiRa Aung Encoded by Naing Aung Latt

"မိဘတွေကို ရှိနေတုန်းကောင်းပေးပါ" တဲ့ ဆိုးချင်တိုင်းဆိုး မိုက်ချင်တိုင်းမိုက်ပြီး မိဘတွေမရှိတော့မှ နောင်တရနေလည်း အပိုပါပဲ ဒီဇာတ်လမ်းကလည်း သားသမီးတွေရဲ့ မိဘအပေါ်ထားတဲ့ စိတ်နဲ့ မိဘတွေက သားသမီးတွေအပေါ်ထားတဲ့ သဘောထားတွေကို သုံးဘက်မြင်အနေနဲ့ ပေါ်လွင်အောင် ရိုက်ကူးထားပါတယ် ဇာတ်လမ်းအစမှာတင် ဇာတ်လိုက် ဟိုဆောင်းတို့ရဲ့ အဖေသေဆုံးမှုနဲ့ စတင်ထားပါတယ် လူမိုက်ကြီးဖြစ်တဲ့ သားအကြီးဟိုဆောင်းကတော့ ဖခင်ဖြစ်သူရဲ့ ဈာပနအကူငွေတွေနဲ့ လုပ်ငန်းစ,လုပ်ဖို့ ကြံစည်နေတာပါ ဒါပေမဲ့ သူထင်သလိုဖြစ်မလာဘဲ တစ်လျှောက်လုံး အလွဲတွေချည်းပဲဖြစ်လာပါတယ် ဇာတ်အိမ်တစ်ခုလုံးကတော့ ဈာပနကျင်းပတဲ့နေရာမှာ တည်ထားတယ်ဆိုပေမဲ့ လူ့သဘာဝဖြစ်တတ်တဲ့ စိတ်တွေ လောဘတွေကို မီးမောင်းထိုးပြတဲ့အပြင် အလွဲတွေချည်းဆိုတာလည်း မရိုးနိုင်အောင်ပါပဲ နောက်ဆုံးအထိ ရယ်ရမလား ငိုရမလားဖြစ်လောက်အောင်အထိ အပူသည်ရုပ်နဲ့ အလွဲတွေဖြစ်သွားတဲ့ ဟိုဆောင်းအဖြစ်ကို ကြည့်ပေးကြပါဦးနော် ဟိုဆောင်းအဖြစ် မင်းသားကြီး Son Hyun Joo ပါဝင်ထားပြီး ဟိုဆောင်းရဲ့သမီးကတော့ Sh**ting Stars မှာသတင်းထောက်အဖြစ်ပါဝင်ထားတဲ့ Park So Jin ဖြစ်ပါတယ် အညွှန်း နဲ့ ဘာသာပြန်ကတော့ Joyz ပဲ ဖြစ်ပါတယ်။ Genre.....Drama Quality….1080p | 720p| 480p File size… 1.5GB | 740MB | 297MB Format…mp4 Duration….1h 42min Subtitle….Myanmar Subtitle (Hardsub) Translator ..... Joyz Encoder ..... August

Sync (2023) IMDb - 7.3/10 အခုတစ်ခါမှာတော့ Rating ကောင်းပြီး ဇာတ်လမ်းတင်ဆက်ပုံ ထူးထူးခြားခြားနဲ့ကြည့်ရမဲ့ Horror/ thriller ရုပ်ရှင်ကားကို တင်ဆက်ပေးလိုက်ပါတယ်။ ဇာတ်လမ်းအကျဉ်း အလုပ်မှာ အဆင်မပြေတာတွေအမြဲကြုံနေကြတော့ သူငယ်ချင်းလေးယောက် စိတ်လွတ်ကိုယ်လွတ်ပျော်ဖို့ နေ့ချင်းပြန်ခရီးတစ်ခု စီစဉ်ခဲ့ကြပါတယ်။ သို့ပေမဲ့ လမ်းခရီးမှာ ကားချို့ယွင်းချက်ကြောင့် လူတစ်ယောက်ကို မတော်တဆတိုက်မိပြီး ထွက်ပြေးခဲ့ကြတဲ့အချိန်မှာတော့ ... အပြစ်ရှိတဲ့သူတွေဟာ အပ်ကျရင်တောင်ကြောက်တတ်ကြတာမလို့ သူတို့လေးယောက်ကို ဘယ်လိုအရာတွေကခြောက်လှန့်နေမှာလဲ အရင်နဲ့မတူ တမူထူးတဲ့ ခြောက်နည်းခြောက်ဟန်တွေကြား သူတို့ကိုယ်လွတ်ရုန်းဖို့ ဘယ်လိုတွေချောက်တွန်းကြမလဲဆိုတာ ထင်မှတ်မထားတဲ့ Plot twist နဲ့ စိတ်ခြောက်ခြားဖွယ် ကြည့်ရှုရမှာပါ။ (အညွှန်းနဲ့ ဘာသာပြန်ကတော့ Moon ~ BpL~ Yunni ~ Aditi ~ Cherry ~ V တို့ပဲဖြစ်ပါတယ်) File size…875MB / 389MB Quality…1080p WEB DL/ 720p Format…mp4 Duration….1h 17mins Subtitle….Myanmar Subtitle (Hard Sub) Encoder….YK Translated by  Moon ~ BpL~ Yunni ~ Aditi ~ Cherry ~ V

ဂေါ်ဇီလာရုပ်ရှင်တော်တော်များများကို ကျွန်တော်တို့ကြည့်ဖူးကြပါတယ်.. ကြည့်လိုက်တိုင်းလည်း လူသားတွေရဲဲ့ပြသနာရှာမှု့တွေကို ဂေါ်ဇီလာကပဲ လိုက်ဖြေရှင်းတိုက်ခိုက်ပေးနေရတာပါ... ပြောရမယ်ဆိုရင် လူသားတွေကတိုက်တန်ကြီးတွေကိုမုန်းတယ် ဒါပေမယ့် တကယ်တမ်းပြသနာတက်လာခဲ့ရင်လည်း အဲဒီတိုက်တန်တွေရဲ့ဘုရင်ကြီးကပဲ ထွက်လာရတာပါပဲ.... အဲချိန်ကျမှ ဟေးခနဲ ၀ါးခနဲ အသံတွေနဲ့ပျော်နေကြတာလည်း လူသားတွေပါပဲ.. ဒီကားမှာလည်း နဂိုထဲကပျောက်ကွယ်လုနီးပါးဖြစ်နေတဲ့ Ghidorah (ခေါင်းသုံးလုံးနဂါး) ကိုထွက်လာအောင်သွားလုပ်လို့ ဘုရင်ကြီးကပဲ မနေနိုင်မထိုင်နိုင်ဖြစ်ပြီးထွက်ကယ်ရပြန်ပါတယ်.... အသေချကြပါတယ်.....  အကောင်ကြီးတွေချတာကြည့်ပြီး ကြက်သီးလည်းထတယ်.. အကောင်းဆုံးကတော့ ဂေါ်ဇီလာရဲ့ theme song ပြန်ပါလာပါတယ်.... အဲအသံကိုကြားတဲ့ချိန်ပျော်တယ်ဆိုတာထက်  မိုက်တယ်ကွာလို့တောင် ပြောမိတယ်.... ကျွန်တော်တို့ ဟာခနဲ ဟင်ခနဲ ဖြစ်သွားစေတဲ့  Epic Battle တစ်ခုကိုခံစားပြီးပါပြီ... End Game က Final Scene ပါ.... နောက် Epic Battle တစ်ခုကိုပြောပါဆိုရင်တော့ ဒီကားထဲက Godzilla နဲ့  Ghidorah (ခေါင်းသုံးလုံးနဂါး) တို့ရဲ့ တိုက်ပွဲပါပဲ... တကယ်လည်းမိုက်တယ် .... အသေချတယ်.... ကြည့်ရတဲ့လူအဖို့ ဂေါ်ကြီးနိုင်ပါစေ .... ဂေါ်ကြီးထိသွားရင်လည်း ဟာခနဲဖြစ်ပြီး ရင်ခုန်ပြီးကြည့်နေရတာပါ.... ဒီကားက တိုက်တန်ကြီးတွေချတာကိုကြည့်တာနဲ့တင် လုံးဝတန်နေပြီဖြစ်တဲ့ ကားလို့တောင်ပြောလို့ရပါတယ်... ဒါကြောင့် ဒီကားရဲ့ ဇာတ်လမ်းအကြောင်းကို အားလုံးလည်းနားလည်အောင် အနည်းငယ်တင်ဆက်ပေးပါရစေ... ဒီရုပ်ရှင်ကတော့ ၂၀၁၄ ဂေါ်ဇီလာကားရဲ့ အဆက်ဖြစ်ပြီးတော့ Rating 6.6 ရရှိထားပါတယ်.. Rating နည်းတာကိုမကြည့်ပါနဲ့...တိုက်တန်ကြီးတွေရဲ့ Battle တွေကိုကြည့်ကြည့်ပါ... လုံးဝအလန်းကြီးတွေပါ......... ဇာတ်လမ်းသဘောအရတော့  ဂေါ်ဇီလာနဲ့ တိုက်တန်အချို့တိုက်ပွဲအပြီးမှာ မိုနာ့ခ် အဖွဲ့ကြီးဟာ အခြားသော တိုက်တန်တွေကို ရှာဖွေထိန်းသိမ်းနေကြပါတယ်။ ဒေါက်တာ အမ်မာကတော့ တိုက်တန်တွေကို အမိန့်ပေးနိုင်မယ့် အော်ကာလို့ ခေါ်တဲ့ စက်တစ်မျိုးကို တီထွင်နိုင်ခဲ့တယ်။ အဲဒီစက်ကနေ ဂီဒီုရာနိုးထလာပြီး အခြားတိုက်တန်တွေရဲ့ ဘုရင်နေရာအတွက် ဂေါ်ဇီလာနဲ့ အားပြိုင်မှုတွေ ဖြစ်လာပါတော့တယ်......

Eli ဆိုတဲ့ကလေးလေးက ထူးခြားတဲ့ရောဂါတစ်ခုဖြစ်နေပါတယ်။ အဲဒါကတော့ လေနဲ့မတည့်တာပါ။ လေရှုလိုက်ရင် သူ့အရေပြားတွေလောင်ကုန်ပြီး ပေါက်ကွဲမလိုဖြစ်တဲ့ ရောဂါဆန်းပါ။ သူအိမ်မှာနေရလဲ မှန်လုံအိမ်ထဲလိုနေရာမျိုးမှာလေ Filter နဲ့နေရပါတယ်။ လေတင်မကဘူး ရေလည်းထိလို့မရပါဘူး ?။ အဲတာနဲ့ပဲ သူ့အဖေနဲ့အမေက သူ့ကို ဆေးကုဖို့ Doctor Horn ဆိုတဲ့ ဆရာဝန်မ အိမ်မှာနေရင်းဆေးကုဖို့ လုပ်ခဲ့ကြပါတယ်။ အဲဒီ အိမ်က လေ filtration နဲ့ရေ filtration system တွေပြည့်နေတာမို့ Eli လေးတစ်ယောက် မှန်လုံအိမ်နဲ့ အလုံပိတ်ထားတဲ့ အင်္ကျီထဲမှာနေစရာ မလိုတော့ပါဘူး။ သူ့ကိုဆေးကုနေရင်းနဲ့ပဲ Step 1 အဆင့်မှာ ဒီအိမ်ကသာမန်မဟုတ်ပဲ သရဲခြောက်တဲ့အိမ်ဆိုတာသိခဲ့ရတယ်။ သူကအပြင်ထွက်မရပေမယ့် အပြင်ဘက်မှာ Harley ဆိုတဲ့ မိန်းကလေးနဲ့ မှန်တစ်ဖက်တစ်ချက်စီက စကားပြောရင်းခင်ခဲ့ပါတယ်။ သရဲတွေကခြောက်တာ တဖြည်းဖြည်းဆိုးလာတာတွေရော Harley ကြောင့်ပါ ဒီအိမ်ကြီးက လုံးဝမူမမှန်သလို Doctor Horn ကလည်းသူထင်ခဲ့သလို မဟုတ်မှန်းသိလာခဲ့တယ်။ သရဲတွေက Doctor Horn သတ်ခဲ့တဲ့ကလေးတွေလား ?... Doctor Horn ကဘာလို့ သူမကယ်နိုင်မှန်းသိတဲ့ကလေးတွေကိုသတ်ရတာလဲ ? ကလေးတွေကို စမ်းသပ်ချင်ရုံ သက်သက်လား ? သူ့အဖေနဲ့အမေကရော ဘာလို့ Eli ပြောသမျှမယုံပဲ ဒီဆရာဝန်မလက်ထဲ အပ်ချင်နေရတာလဲ........ Brainwashed ခံထားရပြီးလား....သူ့တစ်ယောက်ထဲ ဒီအိမ်ကြီးကနေဘယ်လိုရုန်းထွက်မလဲ ထွက်ပြေးမလဲဆိုတာ... ?Review ( Spoiler alert) ? Netflix ကနေ Halloween အတွက်ရုပ်ရှင်တွေအများကြီးထွက်လာသလို In the tall grass ဆိုလည်းတော်တော်ကောင်းပါတယ်။ Netflix က Horror movie တွေကတော့ အရမ်းမကောင်းရင်တောင်အထင်သေးလို့မရပါဘူး။ ဒီဇာတ်ကားကိုလည်း Trailer ကြည့်ပြီးကတည်းက Sci Fi လိုလို ဇာတ်လမ်းမျိုးကို Horror ထည့်ပြီးရိုက်ထားတဲ့ ဇာတ်ကား ဆိုပြီး မထွက်ခင်ကတည်းကအရမ်းကြည့်ချင်နေခဲ့တာပါ။ ကြည့်ပြီးသွားတော့လည်း ကိုယ့်အကြိုက်နဲ့ ထပ်တူမကျခဲ့ပေမယ့် Plot Twist လေးတွေကိုကြိုက်မိတာတော့အမှန်ပဲ။ ကိုယ်မှန်းသမျှ လွဲတာဒီကားပဲရှိဦးမယ်?။ လုံးဝမထင်မှတ်ထားတဲ့ Plot တွေနဲ့ ချပြသွားတာ Woww ကနဲ ပဲ... အဆုံးသတ်ထိ အော်အာ့လိုလားဆိုပြီးဖြစ်သွားတာလားဆိုပြီး အံ့သြစရာအတွေးတွေနဲ့ကျန်နေခဲ့တယ် .. horror ကားတွေကြိုက်တဲ့သူတွေအတွက်တော်တော်ကြည့်ကောင်းမယ့် ဇာတ်ကားပါပဲ။ အိမ်ကြီးထဲမှာကလေးလေးတစ်ယောက်ပဲ အသက်ဘေးအတွက်ရုန်းကန်နေတာကိုကြည့်ရတာလဲ အသက်ပါရှုရခက်သလို အရမ်းလည်းကြည့်ကောင်းပါတယ်။ Harley နေရာကသရုပ်ဆောင်တဲ့မင်းသမီးကလည်း Stranger things ထဲက Max ပါပဲ။ Eli နေရာကသရုပ်ဆောင်တဲ့ကလေးကလည်း ဝါရင့်သရုပ်ဆောင်ပီပီ သရုပ်ဆောင်တော်တော်ကောင်းပါတယ်။ Eli ရဲ့သရုပ်ဆောင်ချက်တွေကအံ့မခန်းပါပဲ။ IMDb 6 သာရထားပေမယ့် အဲဒီ Rating ထက်ပိုပေးချင်ပါတယ်။ (ရှပ်ရှင်အညွှန်းကို Naw Pyae Sone FB မှ ကူးယူဖော်ပြထားတာဖြစ်ပြီး ဘာသာပြန်သူကတော့ May Myat Thu ပါ)

လူတွေရဲ့ဘာမှမဖြစ်လောက်ပါဘူးဆိုတဲ့ အတွေးလေးနဲ့ ကျူးလွန်မိတဲ့ပေါ့ဆမှုအမှားဟာ ဘယ်လောက်ထိဒုက္ခရောက်စေနိုင်လဲ? စစ်သားဟောင်းကြီးတစ်ယောက်ဖြစ်တဲ့ရှောင်းဖုန်းနဲ့ သူငယ်ချင်းတစ်စုဟာကျောင်းသားဟောင်းတွေ့ဆုံပွဲလုပ်နေကြတယ်။ သူတို့အနီးနားမှာ ဆီဘောက်ဆာကားကိုကားဆရာက စည်းမဲ့ကမ်းမဲ့ရပ်ထားမိတဲ့အတွက်ကြောင့် မတော်တဆဆီယိုစိမ့်ပြီး အဆိပ်ဓာတ်ငွေ့တွေပြန့်သွားပါတယ်။ လေထုထပ်သိပ်သည်းစများတဲ့ အဆိပ်ဓာတ်ငွေ့တွေကြောင့် လူတွေဟာတိုက်အိမ်တွေရဲ့အမြင့်နေရာကိုတက်ပြီး ကယ်ဆယ်ရေးကိုစောင့်မျှော်ကြရတယ်။ စစ်သားဟောင်းကြီးရှောင်းဖုန်းနဲ့ သူ့ရဲ့မတွေ့တာ၃နှစ်ကြာတဲ့ ချစ်သူဟောင်း ဆရာဝန်မလေးစူးယွဲ့ဟာ လူတွေလွတ်မြောက်ဖို့ကူညီဖို့ဆုံးဖြတ်လိုက်ကြတယ်။ အများပြည်သူကိုကယ်ဖို့အတွက်နဲ့ သူတို့ရဲ့လွတ်မြောက်ခွင့်တွေကိုလက်လွှတ်လိုက်ရတယ်။ သူတို့၂ယောက်ဟာ အဆုံးထိလျှောက်လှမ်းနိုင်ပါ့မလား ဆိုတာကို ရင်တစ်ထိတ်ထိတ်ကြည့်ရမယ့်အပြင် အန္တရာယ်တွေကြားကသူတွေတို့သံယောဇဉ်ချစ်ခြင်းလေးတွေက ဘယ်လိုဖြစ်လာမလဲဆိုတဲ့ ဒရာမာလေးပါခံစားကြည့်ရှုရမှာပါ။ သဲထိတ်ရင်ဖို ကယ်ဆယ်ရေးဇာတ်လမ်းလေးတွေ နှစ်သက်သူလေးတွေ လက်မလွှတ်သင့်တဲ့ကားလေးပဲနော် ..

Yung Libro sa Napanood Ko (2023) ဒီကားလေးကတော့ ဖိလစ်ပိုင် အချစ်ဒရမ်မာကားလေးပါ။ ပုံမှန်အချစ်ကားတွေနဲ့ မတူတာတော့ ကြိုပြောထားချင်ပါတယ်။ မင်းသမီးက ဖိလစ်ပိုင်က ရောင်းအားအကောင်းဆုံး စာရေးဆရာမလေး ဖြစ်ပါတယ်။ သူက Kdrama ဖန်ဖြစ်တာမို့ သူ့ကြည့်ခဲ့ဖူးတဲ့ ဇာတ်လမ်းကို အခြေခံပြီး ရေးသားထားတဲ့ အခန်းနံပါတ် ၁၉ ဆိုတဲ့ စာအုပ်က တအားနာမည်ကြီးပါတယ်။ အဲ့မှာပဲ ကိုရီးယားက အိုပါးတယောက်က သူ့စာအုပ်ကို ဖတ်ပြီး သူ့ပရိသတ် ဖြစ်သွားပြီး စာအုပ်လက်မှတ်ထိုးပွဲမှာ လာပြီး မင်းသမီးရဲ့ လက်မှတ်လာထိုင်းခိုင်းတာကနေ ဇာတ်လမ်းစတာပါပဲ။ အဲ့မှာ ကိုရီးယားဇာတ်ကား ပရိသတ်မို့ သူ့ဖန်လေးက ကိုရီးယားကို အလည်ခေါ်တော့ စာရေးဆရာမလည်း ကောက်ကောက်ပါအောင် လိုက်သွားပါတော့တယ်။ တကယ်က စာရေးဆရာမလေးကလည်း အိုပါးမှာ မေရီဆိုတဲ့ ရည်းစားရှိနေမှန်း စတွေ့ကတည်းက သိခဲ့တာပါ။ အဲ့တော့ စာရေးဆရာမလေးနဲ့ ကင်ချီမြေက သူ့ဖန်လေးတို့ ဇာတ်လမ်းလေး ဘာဆက်ဖြစ်မလဲ အိုပါးရဲ့ ရည်းစား မေရီက ဘယ်သူလဲ ဆိုတာ သိချင်ရင်တော့ ဆက်ကြည့်ရှုခံစားလိုက်ပါဦးနော်။ အညွှန်း နဲ့ ဘာသာပြန်ကတော့ Hetang ပဲ ဖြစ်ပါတယ်။ Genre…..Drama Quality…. 1080p | 720p File size… 956MB | 500MB Format… mp4 Duration….1h 43min Subtitle…. Myanmar Subtitle (Hardsub) Translator ….. Hetang Encoder ….. Aaron

ဘယ်နေရာမှန်း မသိတဲ့အိမ်ကြီးတစ်လုံးရဲ့အခန်းထဲမှာ အဖမ်းခံထားရတဲ့ ကောင်မလေးတစ်ယောက်။သူ့ကိုယ်သူ ဘယ်ရောက်နေမှန်းမသိဘူး.. သူဒီကို ရောက်နေတာဘယ်လောက်ကြာပြီဆိုတာကိုလည်း မသိဘူး. သူသိတာဆိုလို့ သူ့ကိုဖမ်းထားတဲ့လူတွေက သူ့ကိုမဖွယ်မရာတွေပြုလုပ်တယ် အစာကျွေးတယ် ရေတိုက်တယ်ဆိုတာပဲသိတယ်။ ဒါပေမယ့် တစ်နေ့မှာတော့ အဲ့လိုမတော်မတရားအလုပ်ခံနေရာကို စိတ်ကုန်နေတဲ့ ကောင်မလေးက သူ့ကိုဖမ်းထားတဲ့ လူကိုတိုက်ခိုက်ပြီးထွက်ပြေးလာပါတော့တယ်။ ဒါပေမယ့် သူ့လိုမျိုးတခြားအဖမ်းခံထားရတဲ့ ကောင်မလေးတွေရှိသေးတယ်ဆိုတာကို သိရတဲ့အခါမှာ သူ့ကိုဖမ်းထားတဲ့ လူကိုသတ်ဖို့ကလည်းမဖြစ်နိုင်တဲ့အတွက် အဲ့ဒီလူကို ပြန်ဖမ်းထားပြီးတော့ တခြားကောင်မလေးတွေကို လိုက်ကယ်ပါတော့တယ်။ ဒါပေမယ့် အဲ့လိုသူရဲကောင်းလုပ်ရတာက ထင်သလောက်မလွယ်ကူဘဲ တခြားခက်ခဲတဲ့ အရာတွေလဲ အများကြီးရှိနေတဲ့အခါမှာတော့ ဘာတွေဖြစ်လာမလဲဆိုတာကို စိတ်ဝင်စားစရာကြည့်ရှုရမဲ့ 2015 တုန်းကထွက်ရှိခဲ့တဲ့ Bound To Vengeance ဆိုတဲ့ဇာတ်ကားပဲဖြစ်ပါတယ်။ File size…1.03GB / 492MB Quality…Blu-Ray 1080p 5.1 CH/ 720p Format…mp4 Duration….1h 33m Genre ….. Horror , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

ခရစ္စမတ်လည်းနီးလာပြီးဆိုတော့ အသစ်ထွက်ထားတဲ့ ခရစ္စမတ်ဇာတ်ကားလေးတစ်ကားနဲ့မိတ်ဆက်ပေးချင်ပါတယ် မင်းသားကြီး Victor Webster နဲ့ မင်းသမီးကြီး Erica Cerra တို့ပါဝင်သရုပ်ဆောင်ထားကြတဲ့ Mystry/Holiday/Thriller Family ဇာတ်ကားလေးတစ်ကားပါ မိဘ၊ သားသမီး၊ အဘိုး၊ အဘွား၊ ဆွေမျိုး၊ မိတ်ဆွေ၊ လုပ်ဖော်ကိုင်ဖက် တွေနဲ့ လူ့အသိုင်းအဝိုင်းမှာ ကျင်လည်နေကြတဲ့ ကျွန်တော်တို့လူသားတွေအတွက် လောဘ ဒေါသ မောဟ တွေကြားမှာ ရုန်ကန်ရှင်သန်နေကြရင်နဲ့ လူ့အဖွဲ့အစည်းကြီးမှာ တဖြည်းဖြည်းနဲ့ လျှော့ပါးပျောက်ဆုံးလာနေတဲ့ ချစ်ခြင်းမေတ္တာတရားအကြောင်းကို ခရစ္စမတ်ရိုးရာလေးနဲ့ နှောပြီးတော့ ဘယ်လိုမေတ္တာဖွဲ့တင်ဆက်ထားသလဲဆိုတာကိုတော့ ဇာတ်လမ်းလေးထဲမှာပဲ ကြည်နူး ခံစားကြည့်လိုက်ကြပါဦးနော်……… ဒီဇာတ်ကားကိုအညွှန်းရေးပြီး ဘာသာပြန်ပေးထားတာကတော့ Leo ဖြစ်ပါတယ် File size…(1.5 GB)/(809 Mb) Quality….Webrip 1080p / 720p Format…mp4 Duration….01:30:00 Genre…Mystery Subtitle….Myanmar Subtitle (Hardsub) Encoder….Garfield Translated by Leo

၂၀၂၃ ခုနှစ်ကထွက်ရှိထားတဲ့ Mallari ရုပ်ရှင်ဟာ Horror အမျိုးအစားဖြစ်ပါတယ်။ အောက်လမ်းအတတ်၊ ရက်ရက်စက်စက်လူသတ်ခန်းတွေနဲ့အတူ သရဲတွေကိုပါ အချိန်ခရီးသွားနိုင်တဲ့ဇာတ်ကောင်တွေနဲ့အတူ ပေါင်းစပ် ကြည့်ရှု့ရမှာဖြစ်ပါတယ်။ အသံပိုင်းဆိုင်ရာ၊ အထူးပြုလုပ်ချက်တွေ၊ ရုပ်ရှင်ရိုက်ကူးမှု၊ တည်းဖြတ်မှုနဲ့ သရုပ်ဆောင်ပိုင်းတွေအတွက် ဆုပေးပွဲတွေမှာ အမည်တင်သွင်းခံခဲ့ရသလို ဆုတွေလည်းအများကြီးရထားတဲ့ သရဲကားဖြစ်လို့ Horror ဖန်တွေအကြိုက်ဖြစ်စေမှာကတော့ သေချာပါတယ်။ ဖိလစ်ပိုင်နိုင်ငံရဲ့ပထမဆုံးမှတ်တမ်းရုပ်ရှင်ဖြစ်တဲ့ဆက်တိုက် လူသတ်သမား Severino Mallari အကြောင်း ဖြစ်ရပ်မှန်ကို အခြေခံရိုက်ကူးထားပြီး ရုပ်ရှင်ထဲမှာ ၁၈၁၂၊ ၁၉၄၈ နဲ့ ၂၀၂၃ ဆိုတဲ့အချိန်ကာလသုံးခုပါဝင်တဲ့အနက် ၁၉၄၀ နဲ့ ၂၀၂၃ အချိန် ကာလကအဖြစ်အပျက်တွေကတော့ စိတ်ကူးယဉ်ဖန်တီးမှု သာဖြစ်ပါတယ်။ ဖိလစ်ပိုင်ကို စပိန်တွေအုပ်စိုးချိန် ၁၉ ရာစုက နာမကျန်းဖြစ်နေတဲ့မိခင်အတွက် လူ ၅၇ ယောက်သတ်ဖြတ်ခဲ့တဲ့ ဖာသာ Severino Mallari ဟာ ကြိုးမိန့်ပေးခံခဲ့ရပါတယ်။ Mallari မိသားစုက မတူညီတဲ့အချိန်ကာလသုံးခုမှာရှိနေတဲ့ Juan Severino၊ Johnrey နဲ့ Jonathan ဆိုတဲ့မျိုးဆက်သုံးခု အကြောင်း ရိုက်ကူးပြသထားပါတယ်။ ၁၈၁၂ က Severino က အစေခံတွေရဲ့ပြုစားတာခံလိုက်ရတဲ့ မိခင်အသက်ကိုကယ်ဖို့ မကောင်းတဲ့လူတွေကိုအပြစ်ပေးတာ ဆိုတဲ့အကြောင်းပြချက်နဲ့ လူ ၅၇ ယောက်ကိုသတ်ပြီး မိခင်ကိုစားစေခဲ့ပါတယ်။ ၁၉၄၈ က Mallari မျိုးဆက်တစ်ဦးဖြစ်တဲ့ Johnrey က မှတ်တမ်းရုပ်ရှင်ရိုက်ကူးသူဖြစ်ပြီး သူတို့မိသားစုထဲကလူတချို့မှာ အချိန်ခရီးသွားနိုင်စွမ်းရှိတာကို ရှာဖွေတွေ့ရှိခဲ့သူပါ။ Severino မရှိတော့ပေမယ့် လူသတ်မှုတွေကမရပ်သေးလို့ စုံစမ်းရာကနေ Severino ရှိရာ ၁၈၁၂ ကို မှတ်တမ်းရုပ်ရှင် သွားရိုက်နိုင်ခဲ့သလို အနာဂတ်က Jonathan ကိုလည်း အန္တရာယ်ကိုသတိပေးခဲ့သူဖြစ်ပါတယ်။ ၂၀၂၃ ခုနှစ်က Jonathan ကတော့ ဆရာဝန်တစ်ဦးဖြစ်ပြီး အထပ်ထပ်အခါခါမက်နေတဲ့အိပ်မက်ဆိုးတွေကြောင့် မိသားစုအတိတ်ကိုပြန်လည်တူးဆွဖို့ Mallari နေအိမ်ကြီးကို ပြန်လည်ရောက်ရှိလာခဲ့ပါတယ်။ တကယ်တမ်းမှာ Jonathan က အိပ်မက်မက်နေတာမဟုတ်ဘဲ အချိန်ခရီးသွားနေခဲ့တာသာ ဖြစ်ကြောင်းသိရှိလိုက်ရပြီး အနာဂတ်ကချစ်သူ Agnes ရဲ့ အသက်ကိုကယ်ဖို့အစွမ်းကုန်ကြိုးပမ်းရာကနေ မတူးဖော် သင့်တာတွေကိုပြန်လည်တူးဆွမိခဲ့ပါတော့တယ်။ File size…1.45GB / 628MB Quality…NF WEB-DL 1080p 5.1CH / 720p Format…mp4 Duration….2h 9m Genre ….. Drama , Horror , Mystery Subtitle….Myanmar Subtitle (Hard Sub) Encoder….Min Wai Translated by JULY

Dave Bautista ရဲ့ အက်ရှင်ကားအသစ် ထွက်လာပါပြီ။ ဟာသ အက်ရှင်အမျိုးအစားဖြစ်ပြီး တိုက်ခိုက်ခန်းတွေရော ဇာတ်လမ်း‌ရော ကောင်းပါတယ်။ ဇာတ်လမ်းအကျဉ်း ဂျိုးဖလက်ဆိုတဲ့လူဟာ ဥရောပရဲ့ အတော်ဆုံး ကြေးစားလက်မရွံ့ပါ။ တစ်နေ့မှာတော့ သူဟာ ဘဲလေးအကမယ်လေးတစ်ယောက်နဲ့ ချစ်မိသွားပြီး အငြိမ်းစားယူဖို့ကြိုးစားလာပါတယ်။ ဒါပေမဲ့ အငြိမ်းစားမယူခင်မှာပဲ ကုမရတဲ့ရောဂါတစ်ခုကြောင့် ၃ လလောက်ပဲ နေရတော့မယ်ဆိုတာ သိလိုက်ရပါတယ်။ ဒါကြောင့် သူ့အလုပ်ကို သူ့ချစ်သူမသိခင် သူ့ကိုယ်သူ အသတ်ခံရအောင် ဆုငွေထုတ်ပြီး ထွက်သွားဖို့ လမ်းကိုရွေးလိုက်ပါတော့တယ်။ ဒါပေမဲ့ သူ့ကို တကယ်တမ်း လက်မရွံ့တွေ အကုန်လိုက်ပြီး သတ်ကြတဲ့အခါမှာတော့ အသက်ရှင်စရာအကြောင်းတွေနဲ့ သူ့ချစ်သူကို ကယ်ဖို့လိုအပ်လာတာတွေပေါ်လာတာကြောင့် သူဆုငွေထုတ်မိတဲ့ ကြေးစားတွေကို သူကိုယ်တိုင် အကုန်ပြန်ရင်ဆိုင်ရပါတော့တယ်။ File size… (4.7 GB)/(1.9 GB)/(677 MB) Quality….Webrip 4K HEVC / 1080p / 720p Format…mkv / mp4 Duration….01:38:00 Genre… Action, Comedy, Crime Subtitle….Myanmar Subtitle (Hardsub) Encoder….Swan Min Htet Translated by Mr. Anderson

၂၀၁၆ခုနစ်ကထွက်ရှိခဲ့တဲ့ ပြင်သစ်-ဘယ်လ်ဂျီယံလျှို့ဝှက်သည်းဖိုဇာတ်လမ်းကို တင်ဆက်ပေးလိုက်ပါတယ်။ ကုမ္ပဏီကနေ ရုတ်တရက်အနားပေးခံလိုက်ရတဲ့ စာရင်းကိုင်ဒူဗယ်။ ဖေးမပေးမဲ့သူတစ်ယောက်မှမရှိဘဲ စိတ်ကျရောဂါခံစားနေရတာမို့ နလန်ထူဖို့ကြိုးစားရင်း အလုပ်ထပ်ရှာပါတယ်။ အလုပ်နားထားတာကြာတာရော အသက်ကြီးနေတာရောမို့ သင့်တော်တဲ့အလုပ်ရှာမတွေ့ခဲ့။ တစ်ရက် ညအချိန်မတော်ကြီးမှာ အင်တာဗျူးလာဖြေဖို့ ဖုန်းဆက်လာပါတယ်။ အလုပ်လိုချင်နေတဲ့ ဒူဗယ်တစ်ယောက် အင်တာဗျူးသွားဖြေတဲ့အခါ သူလုပ်ရမှာက ဖုန်းပြောတာတွေကိုကြားဖြတ်အသံဖမ်းထားတဲ့ တိပ်ခွေတွေနားထောင်ပြီး လက်နှိပ်စက်နဲ့ စာပြန်ရိုက်ပေးရမှာ။ ရမဲ့ပမာဏကိုမက်ပြီးဝင်လုပ်ရာကနေ သူအကျွမ်းတဝင်မရှိတဲ့ နိုင်ငံရေးလောကနဲ့ အရှုပ်တော်ပုံကြီးတစ်ခုထဲကို ရောက်သွားတဲ့အခါမှာတော့…။ (အညွှန်းနဲ့ဘာသာပြန်ကတော့ Pyae Phyoဖြစ်ပါတယ်။) File size…(776 MB)/(503 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Action, Thriller Subtitle….Myanmar Subtitle (Hardsub) Encoder….Swan Min Htet Translated by Pyae Phyo

New York, I Love You (2008) IMDb Rating (6.2) / Rotten Tomatoes (37%) New York, I Love You ဟာ နယူးယောက်ကို ပေးတဲ့ ရည်းစားစာလိုပြောလိုရတယ်။ ပြောရရင် ရည်းစားစာဆိုတာ ရည်းစားစာဆိုတဲ့ စကားလုံးသက်သက်တော့မဟုတ်ဘူး။ တစ်ချိုရုပ်ရှင်တွေကို ညွှန်းဆိုရာမှာ သုံးတတ်တဲ့ စကားလုံးတစ်ခုရှိတယ်။ A Love Letter to ဆိုတဲ့ စကားလုံး ပေါ့။ “This movie is a love letter to New York”တို ” This movie is a love letter to 90s romace comedy.”တိုလိုပေါ့။ ဒီစကားလုံးကို အဘိဓာန်မှာတော့ “A love letter to something” idiomally means a heartfelt and enthusiastic expression of appreciation, admiration, or love for a particular subject, place, or idea, often presented in a creative or expressive wayလို အဓိပ္ပာယ်ဖွင့်ထားတယ်။ စကားလုံးကျစ်ကျစ်လျစ်လျစ်နဲ့ ဗမာလို ပြန်ရင်လည်း ရည်းစားစာလိုပဲ ပြန်သင့်တယ်လိုတော့ မြင်တာပဲ။ ဒီရုပ်ရှင်က ရှော့ဖလင်၁၁ခုကို ရုပ်ရှင်တစ်ကားတည်းလိုဖြစ်အောင် ရိုက်ထားတဲ့ ရုပ်ရှင်။ ဒီရှော့ဖလင်၁၁ခုက သီခြားစီအနေနဲ့လည်း ရှော့ဖလင် ကောင်းတွေဖြစ်နေသလို အကုန်လုံးပေါင်းလိုက်တဲ့အနေနဲ့လည်း ရုပ်ရှင်ကောင်းတစ်ကားဖြစ်နေတယ်။ နယူးယောက်ကိုပေးတဲ့ ရည်းစားစာဆိုပေမဲ့လို ဒီရုပ်ရှင်မှာ ဝင်ရိုက်ထားတဲ့ ဒါရိုက်တာတွေက နိုင်ငံပေါင်းစုံက ဒါရိုက်တာပေါင်းစုံပါပဲ။ ဂျပန် အိန္ဒိယ တရုတ် ပြင်သစ် ဂျာမန်တူရကီ အမေရိကန်တွေပေါ့။ အိန္ဒိယကဆို Shekhar Kapur – သူက Bandit Queenနဲ့‌ လူသိများခဲ့သလို အယ်လီဇဘတ် , အယ်လီဇဘတ်ရွှေခေတ်စတာတွေလည်း ရိုက်ထားတယ်။ တရုတ်က Jiang Wen- Red Sorghumမင်းသား , In the Heat of the Sunဒါရိုက်တာ။ ဂျပန်က Shunji Iwai- သူတော့ သိတဲ့လူတွေအတွက် ပြောနေစရာမလိုပါဘူး။ သရုပ်ဆောင်တွေကတော့ Shu Qi , Natalie Portman, Irrfan Khan, Orlando Bloom, John Hurt ,Bradley Cooper , Ethan Hawke, Hayden Christensen, Olivia Thirlby, Shia LaBeouf , Maggie Q စတဲ့ လူသိများ နာမည်ကြီးပြီးသားတွေ မနည်းမနောပါတယ်။ တစ်ခုရှိတာက Irrfan Khanအခန်းကို အိန္ဒိယဒါရိုက်တာက မရိုက်သလို , နာတာလီပေါ့မန်းက ဝင်ရိုက်ထားပေမဲ့ သူသရုပ်ဆောင်တာက သူဝင်ရိုက်ထားတဲ့ဟာမဟုတ်ဘူး, နောက် ရှုကြည်နဲ့ နောက်တရုတ်နွယ်ဖွား မင်းသမီးပါတဲ့အခန်းကလည်း တရုတ်ဒါရိုက်တာ ရိုက်ထားတဲ့အခန်းမဟုတ်ဘူး။ ဘယ်သူ ဘာရိုက်လဲ အတိအကျသိချင်ရင်တော့ https://shortfilmspring2013.weebly.com/new-york-i-love-you.html ဒီလင့်မှာ ဝင်ကြည့်လိုရတယ်။ ကျွန်တော့်ပုဂ္ဂလိကအမြင်နဲ့တော့ ဒီထဲ ကျွန်တော်မကြိုက်မိတဲ့ ရှော့ဖလင်က ၂ခုလောက်ပဲရှိတယ်။ ကျန်တာတွေအကုန် တော်တော်လှတယ်။ တော်တော်လည်း စကေးကြမ်းတဲ့ ဘဲတွေပါပဲ ၁မိနစ် ၂မိနစ်နဲ့စတဲ့ အချိန်လေးအတွင်း ပုံပေါ်အောင်ရိုက်နိုင်ကြတယ်။ ရှော့ဖလင်ရိုက်ချင်တဲ့သူတွေ လေ့လာကြည့်သင့်တဲ့ ရုပ်ရှင်ဆိုလည်း မမှားဘူး။ ဒီထဲမှာ ကျွန်တော်အကြိုက်ဆုံး ဇာတ်လမ်းက Shunji Iwaiရဲ့ ဇာတ်လမ်း။ သူ့ဇာတ်လမ်းက နယူးယောက်က musician တစ်ယောက်အကြောင်း။ အဲဒီနေရာမှာ သရုပ်ဆောင်တာက အော်လန်ဒိုဘလွန်း။ သူက သူ့အခန်းလေးထဲမှာပဲ တေးသီနေတဲ့လူ။ သူနဲ့တိုက်ရိုက်ချိတ်ဆက်နေတဲ့ ဇာတ်ကောင်က ၂ယောက်ရှိတယ်။ တစ်ယောက်က သူ့ဒါရိုက်တာ။ တစ်ယောက်က သူ့ဒါရိုက်တာရဲ့လက်ထောက်။ တစ်ကားလုံးမှာ ဒီလူ၂ယောက်စလုံးနဲ့ သူက ဖုန်းနဲ့ပဲ ဆက်သွယ်တာပြပြီး လူတွေကိုမပြသွားဘူး။ ဇာတ်က ဘယ်လိုလဲဆိုတော့ သူဖွဲထားတဲ့တေးကို သူ့ဒါရိုက်တာက မကြိုက်ဘူး။ ဆိုတော့ သူတို ပြန်တိုင်ပင်ကြတယ်။ သူ့ဒါရိုက်တာက သူ့ကို ဒါစတိုယက်စကီးရဲ့ Crime and Punsihment နဲ့ The Brothers Karamazovကို ဖတ်ခိုင်းလိုက်တယ်။ သူက ဒီစာအုပ်ကြီးတွေကိုကြည့်ပြီး စိတ်ဓာတ်ကျနေပြီ။ အလုပ်ထွက်တော့မယ်ပေါ့။ အဲဒီမှာ သူ့ဒါရိုက်တာရဲ့လက်ထောက်ကောင်မလေး သူနဲ့ တစ်ချိန်လုံးဆက်သွယ်နေတဲ့ကောင်မလေးက သူ့ဆီ ဖုန်းဆက်ပြီးပြောတယ်။ ဒေါ့စတိုယက်စကီး The Gambler ဝတ္တုကိုရေးတုန်းက ထုတ်ဝေသူက အချိန်၂၈ရက်ပဲရမယ်လို စာချုပ်ချုပ်ထားခဲ့တယ်တဲ့။ ဒေါ့စတိုယက်စကီးက ပြီးအောင်ရေးနိုင်ခဲ့ပါတယ်။ ဒါပေမဲ့ စာရိုက်သမလေးတစ်ယောက်ရဲ့ အကူအညီတော့ယူခဲ့ရတယ်တဲ့။ နောက် အဲဒီကောင်မလေးနဲ့ သူလက်ထပ်သွားတယ်တဲ့။ သူကူညီပေးရမလားလို အော်လန်ဒိုဘလွန်းကိုမေးလာတယ်။ အော်လန်ဒိုဘလွန်းကလည်း လက်ခံလိုက်တယ်။ သူ့အိမ်တံခါးဝကိုဖွင့်ကြည့်လိုက်တော့ ကောင်မလေးက Crime and Punsihmentစာအုပ်ကြီးနဲ့ မျက်နှာကို ကွယ်ထားပြီး ရပ်နေတယ်။ ဘလွန်းက ငါမင်းကို လက်ထပ်ရတော့မယ့် သဘောလားလိုပြောတော့ ကောင်မလေးကပြောတယ် ကျွန်မရှင့်ကိုစာတွေအများကြီးဖတ်ပြပေးဖိုလိုပါသေးတယ်တဲ့။ ထုံးစံအတိုင်း Shunji Iwaiကတော့ Shunji Iwaiပါပဲ။ ဒီရုပ်ရှင်မှာ ဒီလိုတခြားဇာတ်လမ်းကောင်းတွေ အများကြီးထပ်ပါပါသေးတယ်။ (အညွှန်းနဲ့ဘာသာပြန်ကတော့ WiRa Aung ဖြစ်ပါတယ်။) File size…(2.8 GB) / (1.2 GB) Quality….Blu-Ray 1080p HEVC / 720p Format…. mkv/mp4 Genre….Comedy,Drama,Romance Duration….01:43:33 Subtitle….Myanmar Subtitle (Hardsub) Encoder….Double K Translated by WiRa Aung

ပြင်သစ်နိုင်ငံဟာ အနုပညာ ခံစားမှုနဲ့ပတ်သတ်ရင် ကမ္ဘာမှာ ထိပ်တန်းက ရပ်တည်နေသလို သမိုင်းဝင် ကမ္ဘာကျော် အနုပညာရှင် အများစုက ပြင်သစ်တွေဆို ရင်လည်း မမှားပါဘူး။ သမိုင်းဝင် နာမည်ကြီး အနုပညာရှင်တွေထဲမှာ အများစုက အမျိုးသားတွေ ဖြစ်ကြပေမယ့် ပြင်သစ်-အမေရိကန်နွယ်ဖွား နစ်ကီ ဒယ် စိန့်ဖယ်လ်ကတော့ ၂၀ ရာစုနှစ်ကာလအတွင်းမှာ ထူးထူးခြားခြား အမျိုးသမီး ပန်းချီပန်းပု အနုပညာရှင် တစ်ဦး ဖြစ်ခဲ့သူပါ။ ကနဦးက အမေရိကန်မှာ နေထိုင်ခဲ့ပေမယ့် မက်ကာသီခေတ် လူမျိုးရေး ခွဲခြားမှု ဖိနှိပ်ဆက်ဆံမှုတွေကြောင့် ပါရီမြို့ကို ပြောင်းရွှေ့လာခဲ့ပါတယ်။ သူမရဲ့ အနုပညာက တစ်ခြားသူနဲ့ လုံးဝကို ကွဲထွက်ပြီး ဆန်းပြားတဲ့ ဟန်ပန်တွေကြောင့် လူသိများ ထင်ရှားခဲ့တာ ဖြစ်ပါတယ်။ သူမဟာ အနုပညာနဲ့ ပတ်သတ်ပြီး ကျောင်းတက်သင်ယူလေ့လာမှု မရှိခဲ့ဘဲ သူ့ရဲ့ အတွင်းစိတ်မှာ ပေါ်လာတဲ့အတိုင်း ပုံဖော်ထုဆစ် ရေးဆွဲတဲ့ အနုပညာရှင် တစ်ယောက် ဖြစ်ပါတယ်။ ဒီဇာတ်ကားက သူမအကြောင်းကို ပြည်လည် ရိုက်ကူးထားထဲ့ Biography ဇာတ်ကား တစ်ကားဖြစ်ပြီး သူမငယ်စဉ် ကလေးဘဝ အနိုင်ကျင့်ခံရမှုတွေ. ဖြတ်သန်းခဲ့ရတဲ့ အိမ်ထောင်သည်ဘဝ၊ စိတ်ရောဂါဆေးရုံ တက်ရောက် ကုသခံရမှုတွေ ပါဝင်ပါတယ်။ သူမရဲ့ အနုပညာလက်ရာတွေ ကို ယနေ့ခေတ် ပြတိုက်အတော်များများမှာ တွေ့မြင်နိုင်သေးပြီးတော့ အကြီးဆုံးနဲ့ အပြည့်စုံဆုံး ပန်းပုဥယျာဉ်ကြီး တစ်ခုဖြစ်တဲ့ ‘ The Tarot Garden’ ကို အီတလီနိုင်ငံမှာ ယခုထိ တွေ့မြင်နိုင် ပါသေးတယ်။ File Size… (1.31 GB) / ( 946 MB) Quality… WEB-DL 1080p HEVC /720p Format…mkv / mp4 Duration….1h 38m Genre …..Biography , Drama Subtitle….Myanmar Subtitle (Hard Sub) Encoder….Min Wai Translated by Aoi