ကလဲရ် ကုဘစ်ဟာ သိပ်ကို တော်တဲ့ အမျိုးသမီး ရှေ့နေတစ်ယောက်ပါ။ သူ့ရဲ့ အမျိုးသား တွမ်နဲ့အတူ အေးအတူပူအမျှ နေထိုင်နေသူပေါ့။ ဒါပေမဲ့ တစ်နေ့မှာ အမေရိကန်စစ်တပ်ဟာ သူ့ရဲ့ အမျိုးသားကို ရုတ်ချည်း ဖမ်းဆီးခဲ့ပြီး သူ့အမျိုးသားဟာ တွမ် ကုဘစ်မဟုတ်ဘဲ။ ရွန် ချက်မန်းလို့ အမည်ရတဲ့ တပ်ပြေးတစ်ယောက်လို့ ဆိုလာပါတယ်။ ပိုဆိုးတာက ရွန်ချက်မန်းဟာ လူအစုလိုက် အပြုံလိုက် သတ်မှုနဲ့ သေဒဏ်ကျမယ့် တရားခံဖြစ်နေတာပါပဲ။ သို့ပေမဲ့ ဒါတွေဟာ မဟုတ်မမှန် စွပ်စွဲချက်မှန်း သိလိုက်ရတဲ့အပြင် သူ့ရဲ့ အမျိုးသားကို တရားဆိုင်ဖို့ စစ်တပ်က အညတရ ရှေ့နေတစ်ယောက်သာ ချပေးထားတဲ့ အချိန်မှာ ကလဲရ်ဟာ ချာလီဆိုတဲ့ စစ်ထွက် တပ်သားဟောင်းကြီးရဲ့ အကူအညီနဲ့ စစ်တစ်တပ်လုံးနဲ့ မိန်းမတစ်ယောက် အကြိတ်အနယ် တရားရေးရာတွေ စတင်ပါတော့တယ်။ ဒီဇာတ်လမ်းမှာ မင်းသမီး Ashley Jadd က ကလဲရ်၊ ချာလီအဖြစ် မင်းသားကြီး ‌Morgan Freeman တို့က အတွဲညီညီ သရုပ်ဆောင်ထားကြပြီး တစ်လမ်းသွား စစ်တပ်ရဲ့ သဘာ၀တွေ အာဏာသုံးတဲ့ မဟုတ်မမှန်တွေကြားမှာ အမှန်တရားတွေ ပျောက်ရှရပုံတွေကို တွေ့မြင်နိုင်ပါလိမ့်မယ်။ File size…(2.28GB)/(1.09GB) / (776MB) Quality….Webrip 1080p / 720p / 480p Format…mp4 Duration….01:55:00 Genre...Crime / Drama / Myetery Subtitle….Myanmar Subtitle (Hardsub) Encoder….Mr. Anderson Translated by ...Yoon Sandi Aung

~ IMDb - 7.3/10, Rotten Tomatoes - 83% ~ ကင်ကီဒွပ်ဟာ ကိုရီးယားဒါရိုက်တာတွေထဲ လူ့ဘောင်အပြင်ဘက်ကဘဝလို့ ပြောရမယ့် ဘဝအကြောင်းတွေကို တစ်မူထူးခြားစွာ ရိုက်တတ်တဲ့သူဖြစ်ပြီး သူ့ရုပ်ရှင်တွေဟာလည်း ကြည့်ရှုသူကို ဒီအခြေအနေ ဒီဘဝတွေနဲ့ပတ်သက်ပြီး မေးခွန်းထုတ်နေတာမျိုးတွေ များပါတယ်။ ဒီတစ်ခါမှာတော့ ကင်ကီဒွပ်ဟာ မြောက်ကိုရီးယား တံငါသည်တစ်ယောက်အကြောင်းကို ရိုးရိုးရှင်းရှင်းပဲ ရိုက်ပြသွားတယ်။ တံငါသည်အကြောင်း ဒီရုပ်ရှင်ဟာ ပင်လယ်လိုပဲ ရိုးရှင်းသလိုထင်ရပေမဲ့ ကျယ်ပြန့်တဲ့ ရုပ်ရှင်ပါပဲ။ မြောက်ကိုရီးယားက တံငါသည်တစ်ယောက် ငါးမျှားရင်း ပိုက်ကွန်ငြိလို့ မော်တာပျက်သွားပြီး တောင်ကိုရီးယားဘက်ထဲ မျောလာခဲ့တယ်။ တောင်ကိုရီးယားက အမျိုးသားထောက်လှမ်းရေးက သူ့ကို သူလျှိုဟုတ်မဟုတ် စစ်ဆေးတယ်။ သူကတော့ မြောက်ကိုရီးယားက သစ္စာဖောက်လို့ပြောမှာကြောက်လို့ တောင်ကိုရီးယားက မြင်ကွင်းတွေကို မကြည့်ဘဲ မျက်စိမှိတ်ပြီးပဲ လိုက်လာခဲ့တယ်။ ဒီလိုနဲ့ မြောက်ကိုရီးယားတွေကို သိပ်မုန်းတဲ့ တောင်ကိုရီးယား စစ်ဆေးရေးအရာရှိ ပယ်ပယ်နယ်နယ် စစ်မေးတာခံခဲ့ရတယ်။ တောင်ကိုရီးယားကတော့ သူ့ကိုသူလျှိုမဟုတ်မှန်းသိသွားပေမဲ့ မြောက်ကိုရီးယားရဲ့အာဏာရှင်စနစ်အောက် ပြန်မသွားစေချင်ဘဲ သူတို့ဆီမှာပဲ အခြေချစေချင်တာမို့ အမျိုးမျိုးသိမ်းသွင်းခဲ့တယ်။ သို့ပေမဲ့ သူ့ကိုယ်သူပါ သတ်သေဖို့လုပ်လာတာမို့ရော မြောက်ကိုရီးယားဘက်က ဖိအားပေးလာတာမို့ရော မတတ်သာတဲ့အဆုံး သူ့ကိုမြောက်ကိုရီးယားပြန်လွှတ်ပေးလိုက်တယ်။ မြောက်ကိုရီးယားကတော့ သူ့ကို သောင်းသောင်းဖြဖြ ကြိုဆိုပြီးမှ တောင်ကိုရီးယား သူပုန်ပါဆိုပြီး ဆက်စစ်မေးတယ်။ ဒီလိုနဲ့ အသွားမှားတဲ့ တံငါသည်တစ်ယောက်ရဲ့ ဒုက္ခကို ကင်က ရိုးရိုးလေးပဲ ပြသထားခဲ့တယ်။ ဒါပေမဲ့လည်း ဇာတ်လမ်းအပြီးမှာတော့ အတွေးစတွေက ပင်လယ်လိုပဲ အကျယ်ကြီးပေါ့။ ဒီရုပ်ရှင်က ပြောရရင် ပတ်ချန်းဝတ်ရဲ့ Joint Security Area လိုမျိုးဇာတ်လို့တောင် ဆိုလို့ရတယ်။ တောင်နဲ့မြောက်ကြားက ချစ်ခြင်းတွေ အငြိုးတွေကို စစ်ကြောရေးခန်းနဲ့ အဓိကအခြေတည်ပြီး ပြသသွားတာကိုး။ ဘာကြောင့်လဲမသိ၊ ဒီတိုင်းဇာတ်တွေမှာတောင် အကြမ်းပတမ်းတွေ အရမ်းထည့်ရိုက်နေကျ ကင်ဟာ ဒီလို သူ့စိတ်တိုင်းကျ လုပ်ချင်သလိုလုပ်ပစ်လို့ရတဲ့ စစ်ကြောရေးကားမှာကျ မလိုအပ်ဘူးထင်လို့လားမသိ အရမ်းတော့ အကြမ်းပတမ်းတွေ မသုံးထားခဲ့ဘူး။ ကင်ဟာ သူအဖြေနဲ့သူရှိပြီးသား မေးခွန်းတွေကို ပရိသတ်ကို ကိုယ်ပိုင်အဖြေနဲ့ ပြန်ဖြေဖို့ ရိုက်တတ်တဲ့သူပါ။ ဒီရုပ်ရှင်မှာလည်း ပရိသတ်ကိုယ်တိုင်ဖြေရမယ့် မေးခွန်းတွေရှိနေမှာပါပဲ။ Ideology နှစ်ခုကြားက အပြိုင်အဆိုင်ဘာညာပေါ့။ ဘာဖြစ်ဖြစ်ပါ။ ဒီရုပ်ရှင်ဟာ "The brighter the light, the darker the shadow." ဆိုတဲ့ စကားကို အကျယ်ဖွင့်လိုက်တဲ့ ရုပ်ရှင်လို့ပြောလည်း မှားမယ်မဟုတ်ပါဘူး။ (အညွှန်းကို WiRa Aung မှ ရေးသား‌ပေးထားပါတယ်) Size - 1.8GB, 910MB Quality - 1080p, 720p IMDb Rating - 7.3/10 Format - mp4 Duration - 1H 54Min Genre - Drama Subtitle - Myanmar Subtitle (Hardsub) Translated & Encoded by Y

ကိုဓါတ်ဘူးရဲ့ ဒီ​နေ့ထွက် Neflix ဇတ်ကားသစ်​လေးကို တင်ဆက်​ပေးလိုက်ပါပြီ။ The Adam's Project လို့အမည်ရတဲ့ ဒီကားဟာ Sci-fic / Adventrue genreဖြစ်ပြီး ကနဦး IMDb 8.7, RottenTomatoes 70%နဲ့ Metacritic 56% ရရှိထားပါတယ်။ Cast ​တွေက​တော့ Marvel ဇာတ်​ကောင်​တွေကိုပဲ ​ရွေး​ခေါ်ထားသလားမှတ်ရ​အောင်ပဲ Ryan Reynolds (Deadpool), Mark Ruffalo (Hulk), Zoe Saldaña (Gamora)နဲ့ Jennifer Garner (Elektra)တို့ ပါဝင်အားဖြည့်ထားပါတယ်။ အနာဂတ်ကာလက Adam Reed ဟာ အတိတ်ကာလ 2018 ကို မစ်ရှင်တစ်ခုအတွက် ပြန်လာဖို့ကြိုးစားရင်း ဒဏ်ရာအပြင်းအထန်ရကာ 2022ခုနှစ်ကို အချိန်မှားပြီး ခုန်ကူးလိုက်ပါတယ်။ 2022 မှာ သူ့ရဲ့အတိတ်က Adam Reed နဲ့ ပြန်ဆုံခဲ့ပါတယ်။ အနာဂတ် Adam တစ်​ယောက် အတိတ်Adam နဲ့တူတူ မူရင်းမစ်ရှင်ဖြစ်တဲ့ 2018 ကို ပြန်သွားဖို့ကြိုးစားရင်း ကြုံ​တွေ့ရမယ့် စွန့်စားခန်း​တွေနဲ့ အလွဲအ​ချော်​တွေကို ကြည့်ရှုရမှာပါ။ တစ်ခုထူးခြားတာက ဒီကားမှာ ပါဝင်ထားတဲ့ Ryan Reynolds ရဲ့ ဇာတ်​ကောင်က သူ့ရဲ့မူရင်းစတိုင်နဲ့ ကွဲထွက်ပြီး ​ပိုပြီး​လေးနက်တဲ့၊ ရင့်ကျက်တဲ့ Ryan Reynoldsပုံစံဖြစ်​နေတာပါ။ သူ့ရဲ့မူရင်းပုံစံ ရွှတ်​နောက်​နောက်၊ ပြောင်​ချော်ချော်၊ ပါးစပ်စည်းမ​စောင့်တဲ့ လူငယ်ပုံစံကို Girl in the Basement နဲ့ Thunder Force ထဲက က​လေးသရုပ်​ဆောင် Braxton Bjerkenက အ​ကောင်းဆုံး သရုပ်​ဆောင် ထားပါတယ်။ ဘယ်​တော့မှ မျက်နှာပိုးမ​သေတဲ့ Ryan ကြီးက သူ့ရဲ့အချိုးမ​ပြေတဲ့ ငယ်ဘဝကို ပြန်ထိန်း​နေတာကို ကြည့်ရတာ တစ်မျိုးကြည့်​ကောင်းသလို သူ့ရဲ့သရုပ်​​ဆောင်စွမ်းရည် မ​ခေ​ကြောင်း ပြသထားတဲ့ ဇာတ်ကားပါပဲ အညွှန်းကိုတော့ JimX က ဘာသာပြန်ပေးထားပြီးတော့ ဘာသာပြန်ထားတာကတော့ JimX, Thiha Yan Naing, Leonard Lin, Yoon Sandi Aunv တို့ပဲ ဖြစ်ပါတယ်။ Genre.....Action, Adventure, Comedy Quality….WEB-DL 1080p and 720p and 480p File size…1.49GB and 764MBand 283MB Format…mp4 Duration….1h 56min Subtitle….Myanmar Subtitle (Hardsub) Translator ..... JimX, Thiha Yan Naing, Leonard Lin, Yoon Sandi Aung Encoder .....August

Cut, Color, Murder (2022) အခု မိတ်ဆက်ပေးမယ့်ဇာတ်ကားကတော့ Arrow, Lucifer နဲ့ Timeless တို့လို စီးရီးမျိုးတွေမှာ လက်စွမ်းပြခဲ့တဲ့ ဒါရိုက်တာ Stacey N. Harding ကရိုက်ကူးပေးထားပြီး မင်းသမီး Julie Gonzalo ကနေ ဇာတ်ဆောင်မင်းသမီးအဖြစ်ပါဝင်သရုပ်ဆောင်ထားပြီး ဒရာမာမင်းသား Ryan Mc Partlin နဲ့ Nathan Witte ကနေ ဇာတ်ပို့အဖြစ် ပါဝင်ပံ့ပိုးပေးထားတာဖြစ်ပါတယ်။ ဒီဇာတ်ကားကိုတော့ အာလီ ရိဒ်ဆိုတဲ့ အမျိုးသမီးတစ်ဦးအပေါ်ဇာတ်အိမ်တည် ရိုက်ကူးထားတာပါ။ အာလီဟာ ဆံသပညာရှင်အဖြစ်လုပ်ကိုင်နေတဲ့ မုဆိုးမလေးတစ်ယောက်ပေါ့။ သူနေတဲ့ ဂိုးလ်ဒန်းပိခ်မှာ သူ့ညီမနဲ့အတူ ကိုယ်ပိုင်ဆိုင်ခန်းလေးနဲ့ အလှပြင်ဆိုင်ဖွင့်ထားကြတာပေါ့။ တစ်မြို့လုံးကလည်း သူတို့ကကောင်းဆုံးဆိုတာကို သိလို့ သူတို့ဆိုင်ကိုပဲ လာပြီးအားပေးကြပါတယ်။ အာလီကလည်း သူ့ခင်ပွန်းအသတ်ခံလိုက်ရပြီးကတည်းက မြို့မှာကိစ္စတစ်ခုခုရှိလာပြီဆိုရင် အပျော်တမ်းစုံထောက်အနေနဲ့ အမှုတွေကို ရဲတွေနဲ့အတူ လိုက်ဖြေရှင်းပေးလေ့ရှိတဲ့သူပါ။ တစ်နေ့တော့ သူတို့မြို့မှာ နှစ်စဉ်ကျင်းပလေ့ရှိတဲ့ မယ်ရွေးပွဲစဖို့ အကြောင်းဖန်လာပါတော့တယ်။ အဲဒါကြောင့် ပွဲအတွက် စီစဉ်နေတုန်းမှာ ပွဲကိုဦးဆောင်စီစဉ်ပေးနေတဲ့သူက အသတ်ခံလိုက်ရပါတယ်။ သူ့ညီမကလည်း အဲဒီပြိုင်ပွဲမှာပါနေတာကြောင့် အာလီဟာလည်း မဖြစ်မနေ လူသတ်တရားခံကို လိုက်ရှာရပါတော့တယ်။ အာလီတစ်ယောက် ဘယ်လိုသဲလွန်စနောက်လိုက်ပြီး ဘယ်လို အခက်အခဲတွေနဲ့ကြုံတွေ့ရမလဲ... ဘယ်သူကရော တကယ့်လူသတ်သမားဖြစ်နေမလဲ... ဒါ့အပြင် သူ့ယောက်ျားကို သတ်ခဲ့တဲ့သူကလည်း သူ မထင်မှတ်ထားတဲ့သူများဖြစ်နေမလား... ဆိုတာကို စုံထောက်ကားကြိုက်တဲ့သူတွေအနေနဲ့ စိတ်ဝင်တစားအားပေးကြည့်ရှုနိုင်မယ့်ကားဖြစ်ပါတယ်။ ဒီဇာတ်ကားလေးက IMDb မှာ ၆.၂ ပဲ ရထားပေမယ့် ၇ ဝန်းကျင်လောက်အထိ ရသင့်တဲ့ တကယ့်ဇာတ်ကားကောင်းတစ်ကားဖြစ်လို့ တကယ်ကိုကြည့်သင့်တဲ့ကားတစ်ကားဖြစ်ပါတယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size - 1.75GB, 680MB Quality - 1080p, 720p IMDb Rating - 6.2/10 Format - mp4 Duration - 1H 24Min Genre - Crime, Mystery Subtitle - Myanmar Subtitle (Hardsub) Translated by Mark Encoded by Y

Young Guns (1988) ကြမ်းကြမ်းရမ်းရမ်း ကောင်းဘွိုင်ကား အနောက်ပိုင်းကား ကြိုက်တဲ့လူတွေအတွက် အလန်းစားရုပ်ရှင်လို့ ပြောလို့ရပါတယ်။ Billy the Kid လို့ခေါ်တဲ့ နာမည်ကြီး ဝရမ်းပြေး သေနတ်သမားအကြောင်း ဖြစ်ရပ်မှန်ကို ပုံစံသစ်နဲ့ ပြန်ပြောင်းပြောပြထားတဲ့ ဇာတ်လမ်းလည်းဟုတ်တယ်။ သူက အသက် ၂၁ မှာသေသွားပေမဲ့ သူမသေခင် ခပ်ငယ်ငယ်မှာတင် လူ ၂၁ ယောက်ကို သတ်ခဲ့တယ်လို့ တစ်ချို့ကပြောကြတယ်။ နယူးမက္ကစီကိုမှာဖြစ်ခဲ့တဲ့ လင်ကွန်းကောင်တီဝါးကိစ္စမှာလည်း လူသုံးယောက်သတ်ခဲ့တယ်ပြောကြတယ်။ ဒီကားကလည်း အဲဒီလင်ကွန်းကောင်တီဝါးမှာဖြစ်ခဲ့တဲ့ကိစ္စကိုပဲ ရိုက်ပြထားတာ။ Young Guns ဟာ Billy the Kid အကြောင်းရိုက်ထားတဲ့အထဲက သမိုင်းအချက်အလက်နဲ့ အကိုက်ဆုံးရုပ်ရှင်လို့လည်း ပြောကြတယ်။ ကားနာမည်နဲ့လိုက်အောင်ပဲ ဒီကားထဲက သေနတ်သမားတွေအကုန်လုံးဟာ အသက် ၂၀ အောက် ဖိုက်တာတွေချည်းပါပဲ။ ဒီရုပ်ရှင်က ၂ထွက်ထားသလို ၃လည်းလာဖို့ရှိပါတယ်။ ၁၈၇၈ နယူးမက္ကစီကိုမှာ ဂျွန်လို့ခေါ်တဲ့လူက လမ်းဘေးက အလေနတောသေနတ်သမားလေးတွေကိုခေါ် ပြီး သူ့ခြံမှာအလုပ်ပေးထားတယ်။ သူက ခိုင်းစားရုံမဟုတ်ဘဲ စာဖတ်ဘာညာပါသင်ပေးပြီး စာတတ်ပေတတ် သေနတ်သမားလေးတွေဖြစ်လာအောင် လုပ်ပေးခဲ့တယ်။ အဲဒီအချိန် အဲဒီနေရာမှာ သူ့ပြိုင်ဘက် ပိုအင်အားကြီးတဲ့ မာဖီလို့ခေါ်တဲ့ ခြံရှင်တစ်ပွေရှိသေးတယ်။ သူက ဂျွန်ကို မျက်စိစပါးမွှေးဆူးနေတယ်။ ဆူးဆို စီးပွားပြိုင်ဘက်ကိုး။ ပင်လယ်ရေဆိုတာ ခပ်သောက်မကုန်ပေမဲ့ ကမ်းစပ်မှာ ဆားချက်ပြီးရောင်းရင်တော့ သူ့ဆားနဲ့ကိုယ့်ဆား ပြိုင်ရောင်းရမှာကိုး။ ပြိုင်ဘက်မရှိတာ အကောင်းဆုံးပဲဆိုတော့ မာဖီ့လူတွေက ဂျွန့်ကိုသတ်ချလိုက်တယ်။ ဒီကားက အနောက်ပိုင်းတရားလက်လွန်မဖြစ်သေးခင်ကနေ ဘာလို့ ဒီလိုဖြစ်သွားလဲဆိုတဲ့ အချက်ကို ပါးပါးလေးပုတ်ထားတာဆိုတော့ တရားဥပဒေနည်းနည်းပိုပါသေးတယ်။ တရားသူကြီးတစ်ပွေရှိတယ်။ ဝီလ်ဆန်တဲ့။ မာဖီ့ဘက်မှာ ရဲမှူးကရှိနေတော့ တရားသူကြီးလည်း ဒီအမှုကိုဘာမှလုပ်မရဘူး။ ရှေ့နေက တရားသူကြီးကို မဟုတ်တမ်းတရမ်း အကြံပေးတယ်။ အဆိပ်ကို အဆိပ်နဲ့ပဲတိုက် ဆရာ… လူမိုက်တွေကိုရှင်းဖို့ လူမိုက်တွေကို လိုတယ်ဆိုပြီး ဂျွန်လက်သပ်မွေးထားတဲ့ ၂၀ မပြည့်သေးတဲ့ သေနတ်သမား စောက်ကလေးတွေကို ဝရမ်းပေးပြီး ကြည့်ရှင်းခိုင်းလိုက်တယ်။ ဟိုကလည်း ဖမ်းသွားပါဆိုပြီး အဖမ်းမခံတော့ ဆော်ကြပစ်ကြနဲ့ ဘီလီသောက်ကလေးဆိုပြီးဖြစ်လာမယ့်ဘဲက ဖမ်းရမယ့်ကောင်တွေကို ပစ်သတ်ချလိုက်တယ်။ အဲဒီနောက် သူတို့နာမည်ကြီးလာရော။ ဒါပေမဲ့ သူတို့ကို စစ်တပ်ကရော မာဖီ့လူတွေကရော လိုက်ဖမ်းကြတဲ့အခါမှာတော့… Billy the Kid အဖြစ် The Breakfast Club တို့၊ The Outsiders တို့လို ဂန္ထဝင် Coming of Age ရုပ်ရှင်တွေက သရုပ်ဆောင် Emilio Estevez က သရုပ်ဆောင်ထားပါတယ်။ 3 အနေနဲ့လာမယ့်ကားထဲမှာတော့ Billy the Kid နေရာဟာ ခုလတ်တလော ရုပ်ရှင်ပရိသတ်တွေအကြိုက် မင်းသားတစ်လက်ဖြစ်တဲ့ Barry Keoghan ဖြစ်ပါလိမ့်မယ်။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size – 2GB, 880MB Quality – 1080p, 720p IMDb Rating – 6.8/10 Format – mp4 Duration – 1H 47Min Genre – Action, Drama, Western Subtitle – Myanmar Subtitle (Hardsub) Translated by 666 Encoded by Y

{18+}My Brother is Too Much (2020) အားကစားထဲမှာ ဘယ်အားကစားက အကောင်းဆုံးလို့ထင်လဲ? အခု ဇာတ်ကားလေးကတော့ ညီကိုတို့အတွက် ကယ်လိုရီလောင်ကျွမ်းမှုအများဆုံး အားကစားလုပ်နည်းလေးအပြင် ညီအစ်ကို ၂ယောက်အတွဲ ၂တွဲရဲ့ တစ်ယောက်နဲ့ တစ်ယောက် မသိရအောင် လူချင်းလဲပြီး အားကစားပညာချင်းဖလှယ်ကြတာကိုပါ မြင်တွေ့ရမှာပါ နယ်ကနေ ဆိုးလ်မြို့ပေါ်တက်လာတဲ့အစ်ကို ဖြစ်သူနဲ့ မြို့ပေါ်က ညီလေးရဲ့ အားကစားကျွမ်းကျင်ပုံအပြင် ချစ်သူပျိုဖြူချောလေးတွေကိုပါ ခံစားကြည့်ရှုရမှာပါ.. Dark Side Production Facebook Page ခနခနပျက်နေတာကြောင့် Telegram https://t.me/Darksideproductionmm မှာ Join ထားပေးကြပါ။

Kuiko 2023 (ကိုလူကြမ်းတို့ဘဝအဖုံဖုံ) IMDb-7.7/10 ဟာသမင်းသားကြီး ယိုဂီဘာဘူနဲ့ တမီးလ်မင်းသားကြီး Vidharth တို့ပါဝင်ထားတဲ့ Netflix ကနေထုတ်လွှင့်လာတဲ့ ဟာသဇာတ်လမ်းတစ်ပုဒ်ဖြစ်ပါတယ် ဒဿနပေါင်းများစွာနဲ့ ဘဝကြီးကိုပုံဖော်နေတဲ့ ကျောင်းဆရာတစ်ယောက်က ဆေးလိပ်ခိုးသောက်နေတဲ့ ကျောင်းသားတွေဆီက အကြံနဲ့ဆေးလိပ်လုသောက်ပြီး ဆေးလိပ်ဒဿနဖွင့်နေတဲ့အချိန် ကျောင်းအုပ်ကြီးနဲ့တွေ့ပြီး အလုပ်ထုတ်ခံလိုက်ရပါတယ် အလုပ်မရှိဝင်ငွေမရှိနဲ့ ချန်နိုင်းမှာလုပ်မဲ့ IPL ပွဲကြည့်ချင်စိတ်ပြင်းပြလာတော့ ရှေ့အကြွေးတွေမဆပ်ရသေးတဲ့ ဦးလေးဆီကိုပဲ မျက်နှာပြောင်တိုက် ထပ်ချေးငှားရတာပေါ့ ဦးလေးဖြစ်သူဟာလည်း ငွေတိုးပေးစားနေပေမဲ့ အရမ်းသနားတတ်တော့ ငိုပြလိုက်ချေးလိုက် ပြန်မရလိုက်နဲ့ သဘောမနောကောင်းငွေတိုးရှင်ကြီးပါတဲ့။ ဇာတ်‌လိုက်ကျော်ယိုဂီဘာဘူကြီးကတော့ ဆော်ဒီရောက် အသဲကွဲသမားလေး။ မိခင်ဖြစ်သူနာရေးကြောင့် ဇာတိကိုပြန်လာမဲ့သူ။ ဒီနာရေးမှာ အခေါင်းအတွက် ချေးငှားပေးရသူက သဘောမနောကောင်းငွေတိုးရှင်ကြီး။ IPL ပွဲသွားကြည့်ချင်တဲ့ အလုပ်လက်မဲ့ ဒဿနကျောင်းဆရာလေးက ဒီအခေါင်းကို လိုက်တာဝန်ယူစောင့်ရှောက်ပေးရမဲ့သူ။ ဒီသုံးယောက်ရဲ့ အလွဲအချော်လေးတွေက တဟားဟားရယ်မောရတာမဟုတ်ဘဲ ကြည့်ရင်းတွေးရင်းသဘောပေါက်ရင်းပြုံးမိရင်း ရှုစားရမဲ့ဇာတ်လမ်းတစ်ပုဒ်ပါ အညွှန်းနှင့်ဘာသာပြန်သူတွေကတော့ CM Bollywood Team ပဲဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood)

Amiko (2022) ~ IMDb – 7/10, MyDramaList – 7.5/10 ~ ဟီးရိုရှီးမားမြို့မှာနေတဲ့ အာမီကိုဆိုတဲ့ ဆယ်နှစ်အရွယ် ကလေးမလေးတစ်ယောက်က တစ်ခြားကလေးတွေနဲ့မတူ စာသင်နေတုန်းသီချင်းဆိုတာတို့ ခြေဗလာနဲ့လျှောက်သွားနေတာတို့စတဲ့ ထူးဆန်းတဲ့အပြုအမူတွေကိုလုပ်လေ့ရှိသူပါ။ သူ့မှာ အစ်ကိုတစ်ယောက်ရယ်၊ လူတိုင်းအပေါ် သဘောကောင်းတဲ့အဖေရယ်၊ အိမ်မှာပဲ လက်ရေးလှသင်တန်းကျောင်းဖွင့်ထားတဲ့ ကိုယ်ဝန်ဆောင်သူ့အမေရယ် ရှိတယ်။ အာမီကိုက သူနဲ့အတန်းတူတဲ့ နိုရီ-ကွန်ဆိုတဲ့ကောင်လေးကို ကြိုက်နေတယ်။ ရိုးသား၊ အလွန်းလှတဲ့အာမီကိုရဲ့ အပြုအမူအချို့က တစ်ခါတရံ လူတွေကို စိတ်ဒုက္ခရောက်စေတတ်ပါတယ်။ အဲဒါကြောင့်ပဲ အာမီကိုရဲ့မိသားစုဘဝလေးက စိတ်မချမ်းသာစရာဖြစ်သွားခဲ့ရပါတယ်။ အာမီကို ဆိုတဲ့ကလေးမလေးတစ်ယောက်ရဲ့အပြုအမူ၊ အပြောအဆိုတွေကနေတစ်ဆင့် လူ့ဘောင်ထဲကမိသားစုမျိုးစုံထဲကမှ ရှိလေ့ရှိထ၊ ဖြစ်လေ့ဖြစ်ထရှိတဲ့ မိသားစုတစ်စုရဲ့ဇာတ်ကြောင်း၊ ကလေးတစ်ယောက်ကို ရှုပ်တယ်ဆိုပြီး လျစ်လျူရှုတတ်တဲ့ ပတ်ဝန်းကျင်အကြောင်းကို လက်တွေ့နဲ့မကင်းကွာအောင် ရိုက်ပြထားပါတယ်။ ၂၀၁၁ ခုနှစ်မှာ Natsuko Imamura ရေးသားထုတ်ဝေခဲ့တဲ့ “Kochira Amiko” ကို ဒါရိုက်တာ Yusuke Morii က သူ့ပွဲဦးထွက်ဇာတ်ကားရှည်အနေနဲ့ သူကိုယ်တိုင် ဇာတ်ညွှန်းရေးပြီး ရိုက်ကူးခဲ့ပါတယ်။ အာမီကိုလေးကို ပရိသတ်တွေ စုတ်သပ်လာအောင် သနားချင်လာအောင် အားမလိုအားမရဖြစ်လာအောင် ပီပီပြင်ပြင် သရုပ်ဆောင်ခဲ့ပြတဲ့သူကတော့ ကလေးသရုပ်ဆောင် Kana Osawa ဖြစ်ပါတယ်။ သူ့ပွဲဦးထွက်ဇာတ်ကားလို့ မထင်ထားရလောက်အောင် သရုပ်ဆောင်ကောင်းပြီး တော်တော်လေး အရည်အချင်းရှိတယ်ပြောရမလားပဲ။ Yusuke Morii ရဲ့ ဒုတိယမြောက်ဇာတ်ကားဖြစ်တဲ့ Route 29 (2024) ထဲမှာလည်း Kana Osawa ဟာ အဓိကသရုပ်ဆောင်အနေနဲ့ ပါဝင်ဦးမှာဖြစ်ပါတယ်။ Kana Osawa ကို ကြည့်ရင်း Monster (2023) ထဲက Hinata Hiiragi နဲ့ Soya Kurokawa တို့ကို သွားသတိရမိပါတယ်။ သူတို့တွေက သရုပ်ဆောင်ကောင်းကြလွန်းတဲ့ တက်သစ်စကလေးသရုပ်ဆောင်လေးတွေဆိုတော့ နောက်ထပ်ဇာတ်ကားသစ်တွေထဲမှာ ဘယ်လိုဇာတ်ကောင်တွေကို ပီပီပြင်ပြင် သရုပ်ဆောင်ပြမလဲဆိုတာ စောင့်ကြည့်ကြတာပေါ့ဗျာ။ (ဒီဇာတ်ကားနဲ့အညွှန်းကို AK မှ ပြန်ဆို ရေးသားထားပါတယ်) Size – 2.05GB, 995MB Quality – BluRay 1080p, 720p IMDb Rating – 7/10 Format – mp4 Duration – 1H 44Min Genre – Drama Subtitle – Myanmar Subtitle (Hardsub) Translated by AK Encoded by Y

Boy Kaldag (2024) အားလပ်ရက် ရာသီအတွက်အထူးထွက်လာတဲ့ Vivamax ရဲ့ဇာတ်လမ်းအသားပေးဇာတ်ကားသစ်ဖြစ်ပါတယ်။ မင်းသမီးဇာတ်တွေမှာ အရံအပို့နေရာကပါလေ့ရှိတဲ့ Benz Sangalang ကိုခေါင်းဆောင်မင်းသားနေရာကပွဲထုတ်ထားတာပါ။ ဒတ်စ်ဟာ သူမတူအောင်ကြီးမားတဲ့ ယောက်ျားအင်္ဂါကြီးကိုပိုင်ဆိုင်ပြီး အဲ့ဒီအင်္ဂါကြီးကြောင့်ပဲ တစ်သက်လုံးဒုက္ခရောက်ခဲ့ရတဲ့အတွက် ကျိန်စာသင့်နေတယ်လို့ ယူဆမိလာတဲ့အထိဖြစ်ပါတယ်။ ဘာကြောင့်လဲဆိုတော့ အဲ့ဒီအင်္ဂါကြီးနဲ့ထိတွေ့ဆက်ဆံဖူးသူမှန်သမျှဟာ ရက်ပိုင်းအတွင်းသေဆုံးလေ့ရှိတဲ့အတွက်ကြောင့်ပါပဲ။ တစ်နေ့တော့ဘွဲ့ရပြီးစ အလုပ်လက်မဲ့ဖြစ်နေတဲ့ သူတို့သူငယ်ချင်းသုံးယောက်ဟာ တစ်တော့ရဲ့ လော်အသားပေးထရန်းတစ်ခုကို ဝင်ဂျွိုင်းပြီးတင်လိုက်ရာကနေ သူ့ရဲ့ ဧရာမလော်ကြီးကြောင့်နေ့ချင်းညချင်းနာမည်ကြီးသွားပါတော့တယ်။ အဲ့ဒီချိန်မှာ Sssshhh! ဆိုတဲ့ adult talk show က Host ဖြစ်သူ Salome Salvi ကဧည့်သည်အဖြစ်ဖိတ်ခေါ်ခဲ့ပြီး သူ့ကိုအင်တာဗျူးရင်း သူ့ဘ၀ဇာတ်ကြောင်းကိုပရိ သတ်တွေနဲ့မိတ်ဆက်ပေးခဲ့ရာကနေ သူကျောင်းတုန်းကတည်းကကြိတ်ကြွေခဲ့တဲ့ ခရပ်ရှ်လေးနဲ့ပြန်ဆုံခဲ့တဲ့နောက်မှာတော့..။ Dark Comedy အမျိုးအစားဖြစ်ပြီး အကြောင်းအရာကိုက အခွီအနှောက်ဖြစ်တဲ့အတွက် တကားလုံး သဘာ၀ကျကျနဲ့ရယ်နေရတာပါ။ ဒါ့အပြင်ပိုအားရစရာကောင်းတာကတော့ Angeli Khang တို့ Azi Acosta တို့လို Vivamax ရဲ့ဂန္ဓဝင်မမကြီးတွေအပြင် ဖန်သားပြင်ထက်မှာ မတွေ့ရတာ ကြာနေတဲ့ တစ်ခြားသော vivamax မင်းသမီးတွေအများကြီးကပါ cameo ပါဝင်ထားပါသေးတယ်။ ရှုစားကြည့်ပါဦး။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size…(2.1 GB) / (890 MB) Quality….WEB-DL 1080p HEVC / 720p Format…. mkv/mp4 Genre….Drama Duration….01:38:12 Subtitle….Myanmar Subtitle (Hardsub) Encoder….Alvar Translated by Alias

The Book of Everything (2024) IMDb Rating (6.7) ကိုးနှစ်အရွယ် ကလေးငယ်လေး Thomas ရဲ့ အမြင်ကနေ ကမ္ဘာကြီးကို ကြည့်ရမှာပါ။ Thomas မှာ ဘာသာရေး အရမ်းကိုင်းရှိုင်းတဲ့ ဖခင် ရှိတယ်။ သူ့ဖခင်ဟာ ဘာသာရေး အကြောင်းပြပြီး သူ့အမေကို နှိမ်တယ်၊ ရိုက်တယ်၊ သူတို့ မောင်နှမ နှစ်ယောက်ပေါ်မှာလည်း ကြမ်းတမ်းစွာ ဆက်ဆံလေ့ရှိတယ်။ သူ့မိခင်ကတော့ Thomas ကို အရမ်းချစ်ပြီး ယောကျ်ားရဲ့ ဒဏ်ကိုလည်း သည်းခံလေ့ ရှိတယ်။ ဒီလိုနဲ့ Thomas လေးဟာ သူ့အဖေကို မုန်းလွန်းလို့ ဘုရားမှာ ဆုပန်ပါတယ်။ ဘုရားသာ တကယ်ရှိရင် အဖေ့ကို ပြစ်ဒဏ်ပေး ပေးပါတဲ့။ သူ ဆုတောင်းနေတုန်း သူ့ နောက်ဖက်က ပန်းချီကားထဲက Jesus က ထွက်လာပြီး သူ့ကို ကောင်းကင်ဘုံပေါ် အလည်ခေါ်သွားခဲ့ပါတယ်။ Jesus က သူ့သူငယ်ချင်း မိတ်ဆွေ ဖြစ်ပြီး သူ အလိုရှိတိုင်း ပေါ်လာပေးပါတယ်။ဒါက ကိုးနှစ်သားလေးတစ်ယောက်ရဲ့ စိတ်ထဲက စိတ်ကူးယဥ် မိတ်ဆွေ တစ်ယောက် ပုံဖော်ထားတာ ဖြစ်ပါတယ်။ မိသားစုအပေါ် အရမ်းတင်းကြပ်ပြီး လက်ပါတတ်တဲ့ ဖခင်ကို Thomas လေး ရင်ဆိုင်ပြီး အမေနဲ့အစ်မကို အဖေ့ဆီက ဘယ်လိုကာကွယ်ပေးလဲဆိုတာကို ကြည့်ရမှာ ဖြစ်ပါတယ်။ (အညွှန်းနဲ့ဘာသာပြန်ကတော့ Leonie ဖြစ်ပါတယ်။) File size…(1.5 GB) / (640 MB) Quality….WEB-Rip 1080p HEVC / 720p Format…. mkv/mp4 Genre….Drama Duration….01:26:45 Subtitle….Myanmar Subtitle (Hardsub) Encoder….Double K Translated by Leonie

ဇာတ်လမ်းကတော့ တောကြီးတစ်ခုထဲမှာ မြေခွေး၊ ယုန်၊ တောဝက်၊ ဇီးကွက် ဖျံ၊ ရေသူမနဲ့ သူခိုးရက်ကွန်းတို့က သူငယ်ချင်းတွေသိုက်သိုက်ဝန်းဝန်းစုပြီးနေထိုင်နေကြပါတယ်။ တစ်ရက်မှာတော့ သူတို့နေထိုင်ရာ တောလေးကို ရေတွေလွှမ်းလာပါတော့တယ်။ အဲ့တာကတော့ ကြွက်နှစ်ကောင်ရဲ့ ဘောစ့် ဘီဗာရဲ့လက်ချက်ပါပဲ။ ဘီဗာက ပစ္စည်းတွေကို တီထွင်ဖန်တီးရာမှာတော်ပေမဲ့ သူက အထီးကျန်နေတဲ့ ဘဝင်ရူးတစ်ကောင်ဖြစ်နေပါတယ်။ ကြွက်နှစ်ကောင်ရဲ့အကူအညီ သူ့ရဲ့အကောင်းဆုံးလက်ရာဆိုပြီး တောကိုဖြတ်စီးနေတဲ့မြစ်ကို ပိတ်ပြီး ဆည်ကြီးဆောက်ပစ်လိုက်ပါတယ်။ အဲ့လိုနဲ့ မြေခွေးနဲ့ ယုန်တို့ရဲ့တောအုပ်က ရေတွေလွှမ်းကုန်ပါတော့တယ်။ အဲ့လိုကနေ ရွေးချယ်စရာမရှိကြတော့တဲ့ ယုန်နဲ့ မြေခွေးတို့က သူတို့ရဲ့တောအုပ်ကို ဒီဆည်ကြီးဆီကနေ ကယ်တင်ကြပုံကို ကြည့်ရှုခံစားကြရမှာဖြစ်ပါတယ်။ ပေါ့ပေါ့ပါးပါးနဲ့ ပျော်ပျော်ရွှင်ရွှင်ကြည့်ရှုနိုင်ကြမယ် Animationကားလေးတစ်ခုလည်းဖြစ်ပါတယ် File size… (1 GB) / (579 MB) Quality….HEVC / 1080p HEVC / 720p Format…. mkv/mp4 Duration….01:48:00 Genre…Animation, Adventure, Family Subtitle….Myanmar Subtitle (Hardsub) Encoder….Swan Min Htet Translated by lwin

Ljósbrot ရုပ်ရှင်ဟာဆိုရင် indie drama film လေးဖြစ်ပြီး Cannes ရုပ်ရှင်ပွဲတော်မှာ အဖွင့်ရုပ်ရှင်အဖြစ် ပြသခဲ့တာဖြစ်ပါတယ်။ ဒီဇာတ်ကားလေးဟာ ရုပ်ရှင်ဆုပေးပွဲပေါင်းများစွာမှာ Best Nordic film ဆုအပါအဝင် ဆုပေါင်း 14ခုရရှိထားခဲ့ပါတယ်။ အနုပညာကျောင်းသူလေးတစ်ယောက်ဖြစ်တဲ့ Una မှာ Diddy ဆိုတဲ့ တိတ်တခိုးတွဲရတဲ့ ကောင်လေးတစ်ယောက်ရှိပါတယ်။ Diddy မတော်တဆမှုကြောင့် သေဆုံးသွားတဲ့နောက် Una ရဲ့ စိတ်အတက်အကျပြောင်းလဲပုံကို ဇာတ်ကားတစ်လျှောက်အတူခံစားရမှာဖြစ်ပါတယ်။ တိတ်တခိုးတွဲခဲ့ရတာဖြစ်တဲ့အတွက် ရဲရဲတင်းတင်း ဝမ်းနည်းမပြနိုင်ပဲ ပူဆွေးနေရပုံ၊ မနာလိုမှု ကြေကွဲမှုတွေကြားက တစ်ချက်တစ်ချက်ပေါ်ထွက်လာတဲ့ လူငယ်သဘာဝပျော်ရွှင်မှုတွေကို Iceland ရဲ့လှပတဲ့ရှုခင်းတွေနဲ့အတူ မြင်တွေ့ရမှာပဲ ဖြစ်ပါတယ်။ သင်က အနုပညာနဲ့ စိတ်ခံစားချက်အသားပေးတဲ့ indieရုပ်ရှင်တွေကြိုက်နှစ်သက်သူဆိုရင်တော့ မကြည့်မဖြစ်ကြည့်သင့်တဲ့ ကားကောင်းလေးတစ်ကားမို အတူကြည့်ရှုလိုက်ကြရအောင်… File Size… (1.53 GB) / ( 624 MB) Quality… WEB-DL 1080p HEVC /720p Format…mkv / mp4 Duration….1h 22m Genre …..Drama Subtitle….Myanmar Subtitle (Hard Sub) Encoder….Min Wai Translated by Shinki

Resurrecting the Champ (2007) IMDb – 6.7 ကျွန်တော်တိုတွေရဲ့ဘဝမှာ သိပ်ချစ်လွန်းလို ဒီကမ္ဘာပေါ်မှာ လိမ်မပြောဖူးတဲ့သူရှိပါ့မလား.. ကျွန်တော်ကတော့ လိမ်ပြောဖူးပါတယ်။ လိမ်မပြောဖူးတဲ့သူရှိတယ်ဆိုရင်လည်း ခင်ဗျားဟာ အလိမ်အညာတွေပြည့်နေတဲ့ ဒီလောကကြီးထဲမှာ တကယ့်ကိုစံနမူနာယူထိုက်တဲ့ လူကောင်းတစ်ယောက်လို ချီးကျူးချင်ပါတယ်။ ဇာတ်လမ်းအကျဉ်းကတော့ အဲရစ်ဆိုတဲ့ဂျာနယ်လစ်တစ်ယောက်က သူ့ရဲ့သတင်းစာတိုက်မှာ တော်တော်လေးရုန်းကန်နေရပါတယ်။ အယ်ဒီတာအသစ်က သူ့ဇာတ်လမ်းတွေကို သဘောမကျဖြစ်နေတယ်။ သူ့မိန်းမနဲ့လည်း ကွဲထားတယ်။ သူသိပ်ချစ်ရတဲ့ သူ့သားလေးနဲ့လည်း အတူမနေရတော့ဘူး။ အဲ့ဒီအချိန်မှာပဲ အရင်ကလက်ဝှေ့ချန်ပီယံဟောင်းကြီးဆိုတဲ့ အိမ်ချေရာမဲ့တစ်ယောက်နဲ့အမှတ်မထင်တွေ့ဆုံမိသွားပါတယ်။ အဲရစ်က ချန်ပီယံကြီးနဲ့ရင်းနှီးသွားတဲ့အခါမှာတောင် ချန်ပီယံကြီးအကြောင်းဇာတ်လမ်းရေးရင်တောင် ကျိန်းသေပေါက်အောင်မြင်နိုင်မယ်လို ယုံကြည်ထားတယ်။ ဒီလိုနဲ့ ချန်ပီယံကြီးအကြောင်းဇာတ်လမ်းကိုရေးလိုက်တဲ့အခါမှာတော့ သူတွက်ထားတဲ့အတိုင်းပဲ နာမည်ကြီးသွားခဲ့ပါတယ်။ ပူလစ်ဇာဆုအတွက် ဆန်ကာတင်စာရင်းထဲတောင်ဝင်သွားခဲ့တယ်။ ဒါပေမယ့်… သူရေးခဲ့တဲ့ဇာတ်လမ်းထဲက မှားနေတယ်ဆိုပြီး လူတစ်ယောက်က ဖုန်းဆက်ပြောလာတဲ့အခါမှတော့ အဲရစ်ထင်ထားတာနဲ့ ဆန့်ကျင်ဘက်တွေဖြစ်လာပါတော့တယ်။ ဒီဇာတ်လမ်းကြည့်ပြီးသွားရင် ကျွန်တော်တိုကိုယ့်ကိုကိုယ် မေးခွန်းတစ်ချိုထုတ်မိကောင်းထုတ်မိကြပါလိမ့်မယ်။ ကျွန်တော်တိုက အမှန်တရားကိုတကယ်ရောသိချင်ကြရဲ့လား။ အမှန်တရားရဲ့ ခါးသီးခြင်းကိုတကယ်ရော လက်ခံနိုင်ကြရဲ့လား။ နောက်ပြီး ချစ်ခြင်းမေတ္တာနဲ့ မုသားစကားတိုကြားမှာ သိမ်မွေ့နက်နဲတဲ့ ဆက်နွယ်မှုတစ်ခုများရှိနေတာလား။ စသည်ဖြင့်ပေါ့..။ သေချာတာတစ်ခုကတော့ ကျွန်တော်တိုရဲ့ စကားတွေက မှန်သည်ဖြစ်စေ မှားသည်ဖြစ်စေ ဒီစကားတွေကို လူများတွေကြားသွားခဲ့ပြီဆိုရင်တော့ ကိုယ့်စကားတွေရဲ့ အကျိုးဆက်ကို ကိုယ်သာလျှင်ရင်ဆိုင်ရမှာပါပဲ။ File Size – 1.72 GB/ 737 MB Quality – BluRay 1080p/ 720p Duration – 1h 52m Format – mp4 Genre – Drama, Sport Subtitle – Myanmar Subtitle (Hard Sub) Translated by – Pyae Hein Kyaw Encoded by – Treasure Htet

Stalked by My Amish Boyfriend (2024) ************************************ CM ပရိသတ်ကြီးကို Thriller ဇာတ်ကားလေးတစ်ခုနဲ့ မိတ်ဆက်ပေးချင်ပါတယ်။ ကာလေဆိုတဲ့ ဆယ်ကျော်သက် ကောင်မလေးတစ်ယောက် နွေရာသီ ပိတ်ရက် ကော်ဖီဆိုင် တစ်ဆိုင်မှာ အေဘရမ်ဆိုတဲ့ အာမစ်ရှ် ကောင်လေးတစ်ယောက်နဲ့ ဝင်တိုက်မိရင်း မိတ်ဖွဲ့ဖြစ်ခဲ့ပါတယ်။ အေဘရမ်က အာမစ်ရှ်လူမျိုး လူငယ်တွေ လုပ်နေကျ အစဉ်အလာဖြစ်တဲ့ ၁၆ နှစ်ပြည့်ချိန် သူတို့အဝန်းအဝိုင်း အပြင်ဘက်က လူနေမှုဘဝတွေကို လေ့လာစူးစမ်းတဲ့ ကာလ ရန်စပန်ဂါ လုပ်နေတာ ဖြစ်ပြီးတော့ ကာလေကို မြင်မြင်ချင်း စွဲလမ်းသွားခဲ့ပါတယ်။ နွေရာသီ ပိတ်ရက်ကို အတူဖြတ်သန်းပြီးတဲ့အခါ ကာလေက ကောလိပ်တက်ဖို့ တခြားမြို့ကို သွားခဲ့ပြီး အေဘရမ်ကလည်း သူ့နေရပ်ကို ပြန်ဖို့ စီစဉ်ထားတာပါ။ ကာလေ ကောလိပ်ရောက်တဲ့အချိန်မှာ အေဘရမ်ကလည်း သူမတို့ကျောင်းမှာ တက်ဖို့ ရောက်နေတာကို အံ့အားသင့်စွာနဲ့ တွေ့လိုက်ရပါတယ်။ ကာလေက နွေရာသီ အပျော်တွဲခဲ့ပေမယ့် အေဘရမ်အဖို့က လုံးဝကို မစွန့်လွှတ်နိုင်ဘဲ အစွဲအလန်းကြီးစွာနဲ့ လိုက်လာခဲ့တာမို့ ဘယ်လိုတွေ ဆက်ဖြစ်ကြဦးမလဲ ကာလေကရော အေဘရမ်လက်က လွတ်နိုင်ပါ့မလားဆိုတာ…။ (အညွှန်းကို Aoi မှ ရေးသားထားပါတယ်) File size…1.67GB / 752MB Quality… WEB-DL 1080p/ 720p Format…mp4 Duration….1h 28m Genre ….. Thriller, Drama Subtitle….Myanmar Subtitle (Hard Sub) Translated by Aoi Encoded by AHtet