Rushmore (1998) ~ IMDb - 7.6/10, Rotten Tomatoes - 90% ~ ဒီဇာတ်ကားဟာ Moonrise Kingdom, The Grand Budapest Hotel, Fantastic Mr. Fox တို့နဲ့နာမည်ကြီးတဲ့ဒါရိုက်တာ Wes Anderson ရိုက်ကူးခဲ့တဲ့ ဒုတိယမြောက်ကားဖြစ်ပါတယ်။ Wes Anderson ရဲ့ဇာတ်ကားတွေက ခေါက်ချိုးညီရိုက်ချက်တွေ၊ လှပတဲ့အရောင်တွေအလှတွေထည့်သွင်းအသုံးပြုတာတွေ၊ ဇာတ်လမ်းဇာတ်ညွှန်းထူးဆန်းမှုတွေနဲ့ နာမည်ကြီးပါတယ်။ ဒီဇာတ်ကားက ၁၉၉၀ ကျော်ကကားလို့မထင်ရအောင်ကိုခေတ်မှီပြီး ပုံစံကလုံးဝကို Unique ဖြစ်ပါတယ်။ ဟာသကားလို့ Genre တပ်ထားပေမဲ့လို့ လုံးလုံးဟာသကားမျိုးဖြစ်နေတာမဟုတ်ဘဲ Deep တဲ့သဘောသဘာဝတွေကိုနှစ်မြှုပ်ထားပါသေးတယ်။ ဒီဇာတ်ကားရဲ့​ကျောရိုးကို ဇာတ်ဆောင်သုံးဦးနဲ့ဖွဲ့စည်းထားပါတယ်။ အဓိကဇာတ်ကောင်ဖြစ်တဲ့မက်စ်က အသက် ၁၅ နှစ်အရွယ် အထက်တန်းကျောင်းသားဖြစ်ပြီး ရက်ရှ်မိုးလို့ခေါ်တဲ့ ကိုယ်ပိုင်ကျောင်းမှာ စကောလားရှစ်နဲ့တက်ရောက်နေသူဖြစ်ပါတယ်။ စကောလားရှစ်ရထားတာဆိုပေမဲ့ အသင်းအဖွဲ့တွေ ဘာ Club ညာ Club ဖွဲ့တာတွေစတဲ့ Activity တွေမှာသာအားစိုက်ပြီး စာမှာညံ့ဖျင်းတဲ့ကျောင်းသားမျိုးဖြစ်နေပါတယ်။ အသင်းအဖွဲ့ပေါင်းများစွာဝင်ထားပြီး ပြဇာတ်ရေးတာကိုအားသန်သူပါ။ မက်စ်ဟာ ကျောင်းရဲ့ပင်တိုင်အလှူရှင် ဟာမန်ဘလူးမ်ကိုလေးစားအားကျနေသူဖြစ်ပြီး သွားစကားပြောရင်းကနေ ရင်းနှီးတဲ့မိတ်ဆွေတွေဖြစ်သွားကြပါတယ်။ မစ္စတာဘလူးမ်ဟာ အသက် ၅၀ အရွယ် ချမ်းသာတဲ့ ကိုယ်ထူကိုယ်ထ ပိုက်ကုမ္ပဏီပိုင်ရှင်ဖြစ်ပြီး ဇနီးမယားနဲ့အတူ အမြွှာသားနှစ်ယောက်ရှိပါတယ်။ တစ်နေ့မှာ ရက်ရှ်မိုးကျောင်းကို ရို့မေရီခရော့စ်လို့ခေါ်တဲ့ ငယ်ငယ်ခပ်ချောချောဆရာမလေးရောက်လာပါတယ်။ မက်စ်ဟာ စာကြည့်တိုက်ကနေစာအုပ် ငှားဖတ်ရင်း မစ္စခရော့စ်ငှားဖက်ထားတဲ့ စာအုပ်ကိုဖတ်မိပြီး ဆရာမလေးကိုစိတ်ဝင်စားသွားပါတော့တယ်။ ဆရာမလေးနဲ့ ရည်းစားဖြစ်နိုင်ဖို့အတွက် မစ္စတာဘလူးမ်ဆီအကြံဉာဏ်တောင်းခံရင်း မစ္စတာဘလူးမ်ပါ ဆရာမလေးကိုကြိုက်သွားပါတယ်။ မက်စ်တစ်ယောက် သူရယ် မစ္စတာဘလူးမ်ရယ် မစ္စခရော့စ်ဆိုတဲ့ဆရာမလေးတို့ကြားက သုံးပွင့်ဆိုင်အချစ်ဇာတ်လမ်းကို ဘယ်လိုကိုင်တွယ်ဖြေရှင်းမလဲ... ကျောင်းမှာအမှတ်တွေမကောင်းလို့ ကျောင်းထုတ်ခံရနီးပါးဖြစ်နေတာကကောဘယ်လိုဖြစ်သွားမလဲ... ပြင်ပ Activity တွေလုပ်တာနဲ့ ပြဇာတ်ရေးတာတွေကကောရပ်သွားမှာလား... စတာတွေကို Background Music ကောင်းကောင်းရယ် သူမတူတဲ့ရိုက်ချက်​တွေနဲ့ ရှုမြင်ခံစားရမှာပါ။ ဇာတ်ညွှန်းကို Wes Andersonနဲ့ Owen Wilson တို့ပေါင်းရေးထားတာဖြစ်လို့ သာမန်ဟာသကားတစ်ကားလိုမရိုးရှင်းဘဲ ရယ်ရမောရရင်း အနှစ်သာရတစ်ခုကိုသေချာပေါက်ရရှိခံစားရမှာလို့ပြောရင်း Rushmore ကိုကြည့်ဖြစ်အောင်ကြည့်​ကြဖို့ တိုက်တွန်းလိုက်ပါတယ်။ (ဒီဇာတ်ကားနဲ့အညွှန်းကို Dinesh မှ ပြန်ဆို ရေးသားထားပါတယ်) Size - 1.7GB, 730MB Quality - 1080p, 720p IMDb Rating - 7.6/10 Format - mp4 Duration - 1H 33Min Genre - Comedy, Drama, Romance Subtitle - Myanmar Subtitle (Hardsub) Translated by Dinesh Encoded by Y

၂၀၀၀ ၀န်းကျင်လောက်က ဇာတ်ကားတွေကို သိပ်သဘောကျမိတယ်။ အခုခေတ်လို CGI ကောင်းကောင်း မရှိသေးပေမယ့် စိတ်ကူးအသစ် အဆန်းတွေနဲ့ ဇာတ်ကားတစ်ကားနဲ့တစ်ကား မထပ်ရအောင် ဖန်တီး ရိုက်ကူးပြီး ရုပ်ရှင်လောကရဲ့ခေတ်တစ်ခေတ်ဖြစ်ခဲ့တယ်လို့ တစ်ဦးတစ်‌ယောက်တည်း အမြင်အရ ပြောချင်ပါတယ်။ အထူးသဖြင့် Psychological ဇာတ်ကားတွေဟာ အဲဒီနှစ်ပိုင်းတွေမှာ အများဆုံး ရိုက်ကူးခဲ့ပြီး အခုချိန်အထိ ပြောစမတ်တွင်နေကြတဲ့ထိ လက်စွမ်းပြ ရိုက်ကူးနိုင်ခဲ့ကြပါတယ်။ အခုမိတ်ဆက်ပေးမယ့် ဇာတ်ကားဟာလည်း ၂၀၀၀ခုနှစ်မှာ ထွက်ရှိခဲ့ပြီး ခေါင်းစဉ်ထဲကအတိုင်း ကမ်းခြေက ပါတီ တစ်ခုမှာ စိတ္တဇတစ်ယောက်ရဲ့ လူသတ်မှုအကြောင်းကို ရိုက်ကူး ထားတာဖြစ်ပါတယ်။ ဒီဇာတ်ကားမှာ ၁၇နှစ်သမီး ဖလော်ရန့်စ် ဆိုတဲ့ မိန်းကလေးတစ်ယောက်ဟာ သူနဲ့ရွယ်တူကောင်မလေးတွေ လူကြီးစိတ်၀င်‌လာကြတာကို စိတ်ပျက်နေတဲ့သူတစ်ယောက်ဖြစ်ပါတယ်။ တစ်နေ့တော့ ကမ်းခြေမှာ ရေလွှာလျှောစီးနေတဲ့သူတွေကို တွေ့လိုက်ပြီး သူကိုယ်တိုင်ပါ ရေလွှာလျှောစီးချင်လာပါတယ်။ ဒီလိုနဲ့ ရေလွှာလျှောစီးတဲ့ ကောင်လေးတွေက သူ့ကို ကြက်ပေါက်လို့အမည်ပေးလိုက်ရာကစပြီး သူ့နာမည်က ကြက်ပေါက်ဖြစ်သွားပါတယ်။ ကြက်ပေါက်မှာ personality disorder ဆိုတဲ့ စိတ်ရောဂါတစ်မျိုးရှိနေပြီး တခါတလေမှာ အန်နီဘိုးမန်း ဆိုတဲ့ လူတစ်ယောက်အဖြစ် ပြောင်းလဲသွားတတ်ပါတယ်။ တိုက်တိုက် ဆိုင်ဆိုင်ပဲ ကမ်းခြေမှာ လူသတ်မှုတွေ တစ်ယောက်ပြီးတစ်ယောက် ဖြစ်လာတဲ့အခါမှာ လူသတ်သမားက အသိစိတ်လွတ်နေတဲ့ ကြက်ပေါက် ဖြစ်နေမလား ဒါမှမဟုတ် တခြားတစ်ယောက်ယောက် ရှိနေဦးမလား ဆိုတာ စိတ်၀င်စားစရာကောင်းပါတယ်။ စိတ္တဇဇာတ်ကားဖြစ်ပေမယ့် ဟာသဆန်ဆန် ရိုက်ကူးထားတာကြောင့် horrorကြိုက်သူရော comdey ကြိုက်သူတွေပါ ကြိုက်နှစ်သက်မယ့် ဇာတ်ကားကောင်းလေး တစ်ကားဖြစ်တဲ့အတွက် ကြည့်ကိုကြည့်သင့်တဲ့ ဇာတ်ကားတစ်ကားလို့ ညွှန်းလိုက်ချင်ပါတယ်။ File size…2.21GB / 1.03GB Quality…Blu-Ray 1080P 5.1CH  / 720p Format…mp4 Duration….1h 35m Genre ..... Comedy , Horror , Mystery Subtitle….Myanmar Subtitle (Hard Sub) Encoder….Min Wai Translated by Jaka

တော်လှန်ရေးကိုနယ်မြေတိုင်းပါဝင်ဆောင်ရွက်ဖို့လိုအပ်တာကြောင့် နယ်မြေ၂ကို ကတ်နစ်တို့အနေနဲ့ စည်းရုံးသိမ်းသွင်းဖို့လိုအပ်လာပါတယ်။ ကတ်နစ်ရဲ့ဘေးနားမှာအမြဲရှိနေပေးခဲ့တဲ့ဂေးလ်မှ ာအရင်နဲ့မတူညီတဲ့စိတ်တွေကိုလဲကတ်နစ်တစ်ယောက်မြင်လာပါတော့တယ်။ ကတ်ပီတယ်ရဲ့မြှပ်ကွယ်တဲ့ထားတဲ့ဗုံးတွေ လက်နက်တွေကို ရှာဖွေတဲ့ရှေ့တန်းကိုကတ်နစ်ရောက်လာပြီးတော့ တခြားသောတပ်ဖွဲ့ဝင်တွေနဲ့ ပူးပေါင်းဆောင်ရွက်ပြီးတော့ စနိုးကိုဖြုတ်ချဖို့အတွက်ကြိုးစားကြပါတော့တယ်။ ဒါပေမယ့် အချိန်တွေကြာလာလေလေ ကတ်ပီတယ်ရဲ့လက်နက်တွေကြားမှာပါဝင်တဲ့တပ်ဖွဲ့ဝင်တွေရဲ့ အသက်တွေပေးလိုက်ရလေလေနဲ့ပဲ နောက်ဆုံးအချိန်ထိ ကတ်နစ်တို့တောင့်ခံပြီးတော့ စနိုးကိုရင်ဆိုင်သွားနိုင်ပါ့မလား။ တကယ်လို့ သူတို့အနေနဲ့ စနိုးတို့တည်ရှိနေတဲ့ ကတ်ပီတယ်ကိုရင်ဆိုင်တိုက်ခိုက်ပြီးသွားတဲ့အချိန်မှာ အောင်နိုင်သူတွေဖြစ်ကြတဲ့ ကတ်နစ်အဲဗာဒင်းနဲ့ ပီတာမယ်လော့ခ် ၊ဂေးလ်တို့ရဲ့သုံးပွင့်ဆိုင်အချစ်ဇာတ်လမ်းကရေ ာနောက်ဆုံးဘယ်လို့အဆုံးသတ်သွားနိုင်မလဲဆိုတာကို ကြည့်ရှုရမှာဖြစ်ပါတယ်။ အိမ်မက်ဆိုးတွေဟာလူတိုင်းမှာရှိကြပါတယ်။ ဒီအိမ်မက်ဆိုးတွေဟာ ဘယ်တော့မှထွက်ခွာသွားကြမှာ မဟုတ်ဘူးဆိုတာကိုလဲ သိကြမှာပါ ဒီတော့ ဒါကိုဘယ်လိုရင်ဆိုင်ရမလဲဆိုတာကိုပဲ ကျွန်တော်တို့တွေစဉ်းစားရတော့မှာပါ File Size : (1.73 GB,892 MB) Quality : Blu-ray 1080p,720p Running Time : 2h 03min  Format : Mp4 Genre : Action, Adventure, Sci-Fi Subtitle : Myanmar Subtitle (Hard Sub) Source : Blu-ray 1080p  Translated by Charm Encoded by sithu

Wild Child (2008) မိတဆိုးမလေး ပေါ်ပီဟာ ဖခင်ဖြစ်သူကို အရွဲ့တိုက်ပြီး သောင်းကျန်းချင်တိုင်း သောင်းကျန်းနေတဲ့ မာလီဘူး သူတစ်ယောက်ပါ တစ်ရက်မှာတော့ အရွဲ့တိုက် သောင်းကျန်းတာ အရှိန်လွန်သွားတဲ့အတွက် သူ့အဖေက အင်္ဂလန်က အက်ဘီမောင့်ကျောင်းကို ကျောင်းအိပ်ကျောင်းစား ပို့လိုက်ပါတော့တယ် အက်ဘီမောင့်ကျောင်းကို ရောက်ပြီးတဲ့နောက် ပြစ်မှုပေါင်းစုံ ကျူးလွန်ပြီး ကျောင်းကနေ ထွက်ရဖို့အရေး အားကြိုးမာန်တက် ကြိုးပမ်းပေမဲ့ ဂရုဏာရှင်ကျောင်းအုပ်ကြီးက မိတဆိုးသမီးလေးဆိုပြီး ခွင့်လွှတ်ပေးနေတာကြောင့် နောက်ဆုံးမှာ အခန်းဖော်လေးယောက်ရဲ့ အကူအညီနဲ့ ကျောင်းအုပ်ကြီးရဲ့ သားဖရက်ဒီကို ဆွဲဆောင်ပြီး ကျောင်းထုတ်ခံရဖို့ ကြံစည်ပါတော့တယ် ပေါ်ပီတို့ရဲ့ အကြံအစည်အောင်မြင်သွားမလား? လူချောလေး ဖရက်ဒီနဲ့ ပေါ်ပီတို့ ဘာတွေဆက်ဖြစ်ကြမလဲ? ဖရက်ဒီကို တစ်ဖက်သတ်ကြိုက်နေတဲ့ ဟာရီရက်ဆိုတဲ့ ကျောင်းသူနဲ့ရော ဘယ်လိုတွေ ဆက်ဖြစ်ကြမလဲဆိုတာတွေကို အခွီတလိုင်းနဲ့ ကြည့်ရှူကြရမှာပါ အညွှန်း နဲ့ ဘာသာပြန်ကတော့ Roman NoX ပဲ ဖြစ်ပါတယ်။ Genre…..Comedy, Drama, Romance Quality….1080p | 720p| 480p File size…2GB | 1.1GB | 286MB Format…mp4 Duration….1h 38min Subtitle….Myanmar Subtitle (Hardsub) Translator ….. Roman NoX Encoder ….. August

Oro Arrowhead (2021) ================ ၁၈၃၀ ခုနစ်မှာ အမေရိကန်အစိုးရဟာ ဌာနေတိုင်းရင်းသား အင်ဒီးယန်းတွေကို နေရာရွှေ့ပြောင်းရေး အစီအမံလုပ်ခဲ့ပါတယ်။အသစ်ဝင်ရောက်လာတဲ့ လူဖြူတွေ ဝါဂွမ်းစိုက်ပျိုးလို့ရအောင်မြေလိုတဲ့အတွက်လို့ အကြောင်းပြပြီး ချရိုကီးလူမျိုး ၁၆၀၀၀ ကျော်အပါအဝင် လူပေါင်း၆၀၀၀၀ လောက်ရှိတဲ့ မျိုးနွယ်စု ငါးစုကိုမိုင်ပိုင်းများစွာ လမ်းလျှောက်ခရီးနဲ့ အတင်းအကျပ်ပြောင်းရွှေ့ခဲ့ပါတယ်။ ပင်ပန်းဆင်းရဲမှုကြောင့် လူပေါင်း လေးထောင်ကျော်သေဆုံးခဲ့ပြီး မျက်ရည်လျှောက်လမ်းလို့ အမည်တွင်ခဲ့ပါတယ်။ ဒါ့အပြင် မျိုးနွယ်စုတွေ ဖယ်ရှားခံခဲ့ရတဲ့နေရာတွေဟာ တွင်းထွက်ပစ္စည်းလည်း ထွက်တဲ့အတွက် လူဖြူတွေက လိုချင်တပ်မက်ခဲ့တာပါ။ အဲဒါကို သိတဲ့ မျိုးနွယ်စုတွေဟာ ရွှေတွေကို တူးဖော်ပြီး မှော်အစီအရင်တွေနဲ့ ဖွက်ခဲ့ပါတယ်။ နောင်အခါမှာ အဲဒီအကြောင်းကို သိတဲ့ သိုက်တူးဖို့ လာသူတွေလည်း အများကြီးရှိတာပေါ့။ ဒီဇာတ်ကားမှာတော့ မြို့တော်ဝန်ဟာ ရွှေသိုက်ကို ရှာဖွေနေသူပါ။ အခြားဒီလိုမျိုး အကြံအစည်ရှိသူ ရှာဖွေသူတွေကို ခြိမ်းခြောက်လေ့ သတ်ပစ်လေ့ရှိပါတယ်။ ဒါကြောင့် မြို့တော်ဝန်ချုပ်ကိုင်ထားတဲ့ အဲ့နယ်မြေတွေမှာ ပြည်သူတွေဟာ တုပ်တုပ်မှ မလှုပ်ရဲ ကြပါဘူး။ တစ်ခါမှာတော့ ဇာတ်လိုက်ဖြစ်သူ ဗိုလ်မှူး ဂျင်မ်ပိုဝဲလ် တစ်ယောက် ဖခင် ရုတ်တရက်သေဆုံးမှုကြောင့် အသုဘကိစ္စအတွက် မြို့ကို ပြန်လာခဲ့ပါတယ်။ ဒါပေမယ့် ဖခင်သေဆုံးမှုဟာ သမားရိုးကျမဟုတ်တာကို သိရှိသွားပြီနောက် ရွှေသိုက်နဲ့လည်း ဘယ်လိုဆက်စပ်လာမလဲဆိုတာကို တွေ့ရမှာပါ။ စွန့်စာခန်းတွေပါတဲ့ Adventure အမျိုးအစားဖြစ်ပြီး နောက်ခံသမိုင်းကြောင်းကောင်းကောင်းနဲ့ ကြည့်ကောင်းမယ့် ဇာတ်ကားလေးဖြစ်ပါတယ်။ (ဒီဇာတ်လမ်းရဲ့အညွှန်းကို Zaw Myo Thu မှရေးသားပေးပြီး၊ ဘာသာပြန်ရေးသား ပေးသူများကတော့ Zaw Myo Thu, Luca Mi တို့ဖြစ်ပါတယ်။) File Size……….(1.25 GB) / (620 MB) Quality…………WebRip 1080p / 720p Duration………1Hr 52mins Subtitle………..Myanmar Hardsub Format…………MP4 Genre…………..Mystery, Adventure Translator…….Zaw Myo Thu, Luca Mi Encoder……….SWM

IMDb – 7.1/10 သမရိုးကျ ရိုမေးနီးယားရုပ်ရှင်တွေနဲ့မတူပဲကွဲထွက်နေတဲ့ 2023 ထွက် ရိုမေးနီးယားရုပ်ရှင်ကားလေးကိုတင်ဆက်ပေးလိုက်ပါတယ်။ ဇာတ်လမ်းလေးကတော့ ဗူးခရက်မြို့မှာ တက္ကစီမောင်းနေတဲ့ ဒရိုင်ဘာသူငယ်ချင်းနှစ်ယောက်ကိုအခြေတည်ထားတာဖြစ်ပြီး၊ သူတို့တက္ကစီမောင်းတဲ့ ညလေးတညမှာဖြစ်ပျက်ခဲ့တာတွေကို သဘာဝကျကျရိုက်ပြထားတာပါ။ တစ်ညထဲမှာသူတို့ကြုံ တွေ့ခဲ့ရတဲ့ လူတွေရဲ့ အတွေးအမြင်နဲ့အပြုအမူ တွေအပြင်သူတို့နှစ်ယောက်ရဲ့ ကိုယ်ပိုင်ဘဝမှာ ရုန်းကန်နေရပုံတွေနဲ့ လမ်းမပေါ်မှာတင် ပါးစပ်သွားဖွာမိတဲ့ အမျိုးသမီးက လူမိုက်ခေါင်းဆောင်ရဲ့ အမျိုးသမီးဖြစ်နေပြီး ပြဿနာတက်ရပုံတွေနဲ့ တစ်ညထဲမှာတင်သူတို့ဘဝ အကောင်း၊ အဆိုး ပြောင်းလဲသွားရပုံတွေကို တကယ့်လူမှုဘဝမှာကြုံတွေ့နေရတဲ့အဖြစ်အပျက်တွေအတိုင်း ရိုက်ပြထားတဲ့ ရိုမေးနီးယားဇာတ်ကားကောင်းလေးတကားဖြစ်တာမလို့ ကြည့်ရှုလိုက်ကြပါဦးဗျ။ Quality….Webrip 1080p / 720p Format…mp4 Duration….01:37:00 Genre…Comedy Subtitle….Myanmar Subtitle (Hardsub) Encoder….Mr. Anderson Translated by TMMT

Waiting for Forever- “အချစ်နောက်တစ်ကောက်ကောက်”… ကျွန်တော်တို့ ဘဝမှာ တစ်ကြိမ်တစ်ခါတော့ ကိုယ်ချစ်တဲ့သူနောက် လိုက်ခဲ့ဖူးမှာပါ….။ ဘဝမှာလည်း စိတ်ကူးကြည့်မိကြဖူးမှာပါ…၊ ချစ်သူနဲ့သိပ်ဝေးလွန်းလို့ မတွေ့နိုင်မယ့်နေ့ရက်တွေနဲ့ နိုးထတိုင်း ချစ်သူနဲ့တွေ့ရမယ့် နေ့ရက်ဆိုရင်….ဘာကိုရွေးချယ်ကြမလဲ အမြဲတမ်း တွေ့ဖြစ်ရင်၊ တွေ့နိုင်ရင်၊ တွေ့ရရင် ဆိုပြီး ရွေးချယ်မိကြမှာပဲမလား.။ ဒီဇာတ်လမ်းကတော့ ဒီလိုခံစားချက်မျိုးနဲ့ ကိုယ်ချစ်ရသူနောက် တစ်ကောက်ကောက်လိုက်နေခဲ့မိတဲ့ ကောင်လေးတစ်ယောက်အကြောင်းပါ….။ ဘယ်ကတည်းက ချစ်သူအနားမှာ အမြဲ တဝဲလည်လည်နေခဲ့သလဲဆိုတာကတော့…..။ ဘာပဲဖြစ်ဖြစ် တစ်နေ့မှာတော့ ဒီကောင်လေးဟာ သူ့ချစ်သူကိုဖွင့်ပြောဖို့ ကြိုးစားခဲ့ပါပြီ…. ချစ်ရသူကို ဘယ်လိုရင်ဖွင့်ပြမလဲဆိုတာ… ဇာတ်လမ်းလေးထဲမှာကြည့်ရှုနိုင်ပါပြီ….။ File size…1.65GB / 836MB Quality…Blu-Ray 1080p / 720p Format…mp4 Duration….1h 35m Genre …..Comedy , Drama , Romance Subtitle….Myanmar Subtitle (Hard Sub) Encoder….Min Wai Translated by Themes

The War of the Roses (1989) ~ IMDb – 6.8/10, Rotten Tomatoes – 83% ~ လူတွေရဲ့ ဦးခေါင်းခွံကို တုန်လှုပ်စေတဲ့ အကျပ်ရိုက်မှု ၂မျိုးရှိပါသတဲ့။ မနေချင်တော့တဲ့သူကို ဘယ်လိုဆွဲထားမလဲ ဆိုတာနဲ့ မသွားချင်တဲ့သူကို ဘယ်လိုနှင်ထုတ်မလဲ ဆိုတာပါပဲ။ ဒီရုပ်ရှင်ဟာ ခေါင်းအေးတည်ငြိမ်တဲ့ ကွာရှင်းပြတ်စဲရှေ့နေကြီး ဂါဗင်တစ်ယောက် သူရုံးခန်းထဲထိုင်နေတဲ့ သောကတစ်ဗွေနဲ့ အမှုသည်အမျိုးသားကို ပြန်ပြောင်းပြောပြတဲ့ သူ မကူကယ်နိုင်ခဲ့တဲ့ အတိတ်ဟောင်းတစ်ခုပဲဖြစ်ပါတယ်။ ဒီကားရဲ့ ဒါရိုက်တာကြီးကိုယ်တိုင် ရှေ့နေကြီး ဂါဗင်နေရာကနေ ဇာတ်ကြောင်းပြောသူအဖြစ် ပါဝင်ထားပါတယ်။ ဂါဗင် ပြောပြတဲ့ ဇာတ်လမ်းကတော့ သူ့မိတ်ဆွေအရင်းခေါက်ခေါက်ဖြစ်ခဲ့ဖူးတဲ့ ရို့စ်မောင်နှံရဲ့ ကွာရှင်းပြတ်စဲမှုအကြောင်းပါ၊ ရို့စ်မိသားစုဆိုပြီး ဖြစ်မလာခင် ငယ်ရွယ်တက်ကြွတဲ့ အိုလီဗာဆိုတဲ့ ဥပဒေကျောင်းသားလေးနဲ့ ရိုးရှင်းပွင့်လင်းတဲ့ ဘာဘရာဆိုတဲ့ မိန်းမငယ်လေးတို့ စတင်တွေ့ဆုံမှုကနေ (အညွှန်းထဲပြောပြလို့မရသေးတဲ့) အဆုံးသတ်မှုတစ်ခုဆီအထိပေါ့။ ဂါဗင်ကတော့ လူတွေဟာ သူတို့ဖြစ်ချင်တာ သူတို့ရချင်တာအတွက် ဘယ်လောက်ထိကို ဆိုးဆိုးဝါးဝါးလုပ်နိုင်လဲဆိုတာကို ရှေ့ဆုံးတန်းကနေ ပေါက်ပေါက်ဆုပ်ကိုင်ရင်း ကြည့်ခွင့်ရခဲ့တဲ့ နောင်တ,တစ်ပွေ့နဲ့ သူပေါ့။ ကွာရှင်းပြတ်စဲမှုတွေမှာ များသောအားဖြင့် တစ်ဖက်နဲ့တစ်ဖက် အပြိုင်အဆိုင်လုကြပေမယ့် တကယ်တမ်းတော့ “အနိုင်ဆိုတာ မရှိပါဘူး၊ ဘယ်လောက်ရှုံးသလဲဆိုတဲ့ ရှုံးနိမ့်မှုအဆင့်ပဲရှိတယ်” တဲ့။ ဒီထိ ဒီလိုတွေပြောနေလို့ စိတ်ညစ်စရာကားကြီးလို့ ထင်နေပါဦးမယ်၊ တကယ်က Comedy/Romance ပါနော်၊ အတိအကျဆို လှောင်လုံးတွေ အထေ့ငေါ့တွေပါတဲ့ Satirical အမျိုးအစားထဲမှာ ပါတာမို့ စကားအသုံးအနှုန်းတွေက တော်တော်လေး ရယ်ရပါတယ်။ ရယ်ရသလောက် တော်တော် အသည်းတမမဖြစ်ရတဲ့အခန်းတွေလည်း ပါလို့ Thriller Tag များ ပါနေမလားလို့ ကိုယ့်မှာ ပြန်ပြေးကြည့်ရသေးတယ်။ အခုလက်ရှိ ရုပ်ရှင်ရဲ့အရှည်က ၁နာရီ ၅၆ မိနစ်ဆိုပေမဲ့ ဒါရိုက်တာရဲ့ အဆိုအရ တကယ်တမ်းက ၃ နာရီ ၄မိနစ်စာရှိခဲ့တာပါတဲ့။ ဖြတ်ချခဲ့တဲ့အခန်းတွေထဲက တချို့ကိုတော့ Trailer တွေမှာ ရှာကြည့်လို့ရပါတယ်။ ဇာတ်လမ်းထဲက စကားအတိုင်းဆိုရင်တော့ “မိန်းမတွေဟာ ကျုပ်တို့ထင်ထားတာထက် အများကြီးပိုဆိုးနိုင်တယ်” တဲ့။ အလားတူပါပဲ၊ ထည့်ပြောမသွားပေမဲ့ ယောက်ျားတွေဟာလည်း ဘယ်လောက်တောင် စိတ်ကုန်စရာကောင်းနိုင်ကြောင်း သေချာပြသွားပါတယ်။ တကယ်လို့များ သင်ဟာ အိမ်ထောင်ကွဲဖို့ ဆုံးဖြတ်နေသူဖြစ်ရင် ဒီကားလေး ကြည့်ပြီး တစ်ခေါက်ပြန်စဉ်းစားကြည့်ပါ တကယ်လို့ သင်ဟာ အိမ်ထောင်ပြုဖို့ အရမ်းဇောသန်နေရင်လည်း ဒီကားကြည့်ပါ။ မိန်းမတွေ ဘယ်လောက်ကြောက်ဖို့ကောင်းပြီး ယောက်ျားတွေ ဘယ်လောက်စိတ်ကုန်ဖို့ကောင်းကြောင်း ဆင်ခြင်မိသွားမှာပါ။ ဒါပေမဲ့ သင်ဟာ စိတ်လိုလက်ရ ရယ်မော အပန်းဖြေပစ်ချင်လည်း ဒီကားကြည့်ပါ။ ကုန်ကုန်ပြောရရင်တော့ ဘာပဲဖြစ်နေနေ အချိန်ရရင် ဒီကားကြည့်ပါလို့။ (ဒီဇာတ်ကားနဲ့အညွှန်းကို Z မှ ပြန်ဆို ရေးသားထားပါတယ်) Size – 2GB, 855MB Quality – 1080p, 720p IMDb Rating – 6.8/10 Format – mp4 Duration – 1H 56Min Genre – Comedy, Romance Subtitle – Myanmar Subtitle (Hardsub) Translated by Z Encoded by Y

နိမိတ်ဆိုးတွေကျရောက်နေတဲ့ ယွင်ရှန့်မင်းဆက်မှာ မင်းသမီး ၂ ပါး ထူးဆန်းစွာ သေဆုံးသွားခဲ့တဲ့နောက်မှာတော့ ထူးဆန်းတဲ့ရောဂါကို ခံစားနေရတဲ့ ဘုရင်မင်းမြတ်ဟာ ဖူလုံစစ်သူကြီးပိုင်ယိကို နန်းမြို့တော်ကို ပြန်ဆင့်ခေါ်ခဲ့ပြီး တတိယသမီးတော်ဖြစ်တဲ့ ရှန့်နင်မင်းသမီးနဲ့ လက်ဆက်ပေးခဲ့ကာ တိုင်းပြည်ကိုကာကွယ်မယ့်စစ်သူကြီးဘွဲ့ပေးပြီး စစ်တပ် ၃ ခုလုံးရဲ့ အာဏာကို လွှဲပေးခဲ့ပါတယ် အဲဒီနောက်မှာတော့ ဘုရင်မင်းမြတ်လည်း နတ်ရွာစံသွားခဲ့ပြီး ဘုရင်မင်းမြတ်ရဲ့ သေတမ်းစာအရ အိမ်ရှေ့စံအရွယ်မရောက်ခင် ရှန့်နင်မင်းသမီးနဲ့ စစ်သူကြီးပိုင်ယိတို့က တိုင်းပြည်ကို ထိန်းသိမ်းထားရမှာဖြစ်ပြီး အိမ်ရှေ့စံအရွယ်ရောက်လာတဲ့အခါ တိုင်းပြည်ကို လွှဲပေးရမှာပဲ ဖြစ်ပါတယ်။ ခြွင်းချက်အနေနဲ့ အိမ်ရှေ့စံနဲ့ ရှန့်နင်မင်းသမီးတို့ ၂ ယောက်ထဲက တစ်ယောက်သေဆုံးသွားပါက ကျန်တဲ့တစ်ယောက်က ထီးနန်းအရိုက်အရာကို အလိုလိုရမှာပဲ ဖြစ်ပါတယ် အဲဒီနောက်မှာ လုပ်ကြံသူတွေ ရှိလာတာကြောင့် စစ်သူကြီးပိုင်ယိဟာ မင်းသားရွေ့နဲ့ ပူးပေါင်းပြီး ရှ့န်နင်မင်းသမီးကို တောက်လျှောက်ကာကွယ်ပေးနေခဲ့ပါတယ် ဒါပေမဲ့ ဒီလုပ်ကြံမှုတွေကို နောက်ကွယ်က ကြိုးကိုင်နေသူတွေထဲမှာ မိဖုရားခေါင်ကြီးရော အတွင်းဝန်အမတ်ကြီးပါ ပါဝင်နေတဲ့အပြင် နှစ်တစ်ထောင်မြေခွေးမိစ္ဆာပါ ပါဝင်နေတဲ့အခါ ပိုင်ယိတစ်ယောက် ရှန့်နင်မင်းသမီးကို မြေခွေးမိစ္ဆာလက်ထဲကနေ ဘယ်လိုကာကွယ်ပေးမလဲ ဂင်ကိုပန်းတွေပွင့်တဲ့အခါ ပြန်ဆုံကြမယ်လို့ ပေးခဲ့တဲကတိအတိုင်း စစ်သူကြီးပိုင်ယိနဲ့ မင်းသမီးရှန့်နင်ကရော ပြန်ဆုံနိုင်ပါ့မလားဆိုတာကို ဒီဇာတ်ကားလေးမှာ ရှုစားကြပါဦး

Taken 2 (2012) Unrated Extended Cut Old but gold ကားဟောင်းတွေကို Quality Update လုပ်ပြီး တင်ဆက်ပေးနေရာမှာ ဒီတစ်ခါ အလှည့်ကျလာတာကတော့ မင်းသားကြီး Liam Neeson ရဲ့ Taken Trilogy Franchise ပဲ ဖြစ်ပါတယ်။ Liam Neeson နဲ့အတူ မင်းသမီး Maggie Grace လည်း ပါဝင်ပြီး ကြည့်ပြီးသားသူတွေအတွက်တော့ အထူးပြောစရာမလိုသလို မကြည့်ရသေးတဲ့သူတွေအတွက်လည်း အချိန်ပေးရကျိုးနပ်စေမယ့် ကားတွေပါပဲ။ Taken ရုပ်ရှင်ကား ၃ ကားရှိပြီး 4K Quality ကိုမှ Unrated Extended Cut Version နဲ့ ၃ ကားလုံးတင်ဆက်ထားပါတယ်။ ၃ ကားလုံးကို ဒီမှာ https://channelmyanmar.to/?s=taken+trilogy ဒေါင်းပါ။ Taken 1 မှာတုန်းက ခရီးထွက်ရင်း ပြန်ပေးဆွဲခံလိုက်ရတဲ့ သူ့သမီးကို CIA အေးဂျင့်ဟောင်းဖြစ်သူ ဘရိုင်ယန်က လူ ၁၂ သန်းလောက်ရှိတဲ့မြို့ထဲ ၇၂ နာရီအတွင်း ရှာတွေ့ခဲ့ပြီး ပြန်ပေးဆွဲဂိုဏ်းခေါင်းဆောင် မာကိုနဲ့ အပေါင်းအပါတွေကို သုတ်သင်ရှင်းလင်းခဲ့ပါတယ်။ အခု Taken 2 မှာတော့ မာကို့ရဲ့အဖေဖြစ်သူ အကြမ်းဖက်ဂိုဏ်းခေါင်းဆောင် မူရတ်က သူ့သား သေဆုံးရမှုအတွက် ဘရိုင်ယန်တို့ မိသားစုကို ကလဲ့စားချေဖို့ ကြိုးစားမှာပဲဖြစ်ပါတယ်။ အစ္စတန်ဘူလ်ကို ခရီးထွက်နေတဲ့ ဘရိုင်ယန်၊ သူ့မိန်းမနဲ့ သမီးဖြစ်သူတို့ကို အကွက်ကျကျ စီစဉ်ပြီး ပြန်ပေးဆွဲ သတ်ဖြတ်ဖို့ကြံနေတဲ့ မူရတ်ရဲ့အစီအစဉ်ကြားက ဘရိုင်ယန်တစ်ယောက် ဘယ်လိုဖောက်ထွက်မလဲဆိုတာကိုတော့ ဇာတ်လမ်းထဲမှာပဲ ရင်ခုန် စိတ်လှုပ်ရှားစွာနဲ့ ကြည့်ရှုလိုက်ကြပါဦး။ (ရုပ်ရှင်အညွှန်းနှင့်ဘာသာပြန်ကိုတော့ Emily မှ တင်ဆက်ထားပါတယ်။)

Action ၊ Thriller အမျိုးအစားဖြစ်တဲ့ Chasing Raine ရုပ်ရှင်ဟာ ၂၀၂၄ မေလ ၁၄ ရက်မှာထွက်ရှိထားတာဖြစ်ပြီး Maurice P. Kerry ၊ Krystal Jordan နဲ့ DJ Walton တို့က အဓိကပါ၀င်သရုပ်ဆောင်ပေးထားပါတယ်။ ဖြစ်ရပ်မှန်ကို အခြေခံထားကာ မိဘနဲ့သားသမီးကြားကမေတ္တာကို ဖော်ကျူးထားပြီး အက်ရှင်ခန်းကောင်းကောင်းတွေကိုလည်း ကြည့်ရှု့ခံစားရမှာဖြစ်ပါတယ်။ ဇာတ်လမ်းအကျဉ်း **************** ကလိုက်ဒ်နဲ့စကိုင်းဟာ ကွာရှင်းထားကြတဲ့အထူးတပ်ဖွဲ့ဝင် စစ်သားနှစ်ဦးဖြစ်ပါတယ်။ ကလိုက်ဒ်ရဲ့အရက်ပြဿနာကြောင့် တစ်ဦးတည်းသောသမီးလေးရိန်းကို စကိုင်းက တစ်ဦးတည်း အုပ်ထိန်းခွင့်ရရှိထားပါတယ်။ ကလိုက်ဒ်က သမီးဖြစ်သူကို အမြဲပြန်လိုချင်နေခဲ့ပြီး တစ်ရက်မှာတော့ စကိုင်းက အတူနေ ချစ်သူနီကိုနဲ့အတူ တခြားပြည်နယ်တစ်ခုကိုပြောင်းရွှေ့နေထိုင်ဖို့ ဖြစ်လာခဲ့ပါတယ်။ အရမ်းချစ်ရတဲ့သမီးနဲ့အဝေးကြီးခွဲနေရမှာ စိုးတာကြောင့် ကလိုက်ဒ်က သမီးကိုခေါ်ပြီးထွက်ပြေးဖို့ ကြံစည်ပါတော့တယ်။ ဒါပေမဲ့ ကလိုက်ဒ်ရဲ့အစီအစဉ်တွေ မှားယွင်းပြီး သမီးဖြစ်သူရိန်းဟာ ကလေးလူကုန်ကူးဂိုဏ်း တစ်ခုရဲ့လက်ထဲမှာအဖမ်းခံလိုက်ရချိန်မှာတော့ အထူးတပ်ဖွဲ့ဝင် နှစ်ဦးဖြစ်တဲ့ကလိုက်ဒ်နဲ့စကိုင်းသာမက စကိုင်းရဲ့အလုပ်ရှင် ဆီဇာလည်းပါ၀င်လာပြီး ရာဇဝတ်ဂိုဏ်းကြီးကိုဖြိုခွင်းဖို့ ဖြစ်လာခဲ့ပါတော့တယ်။ File size…1.50GB / 791MB Quality…WEB-Rip 1080p / 720p Format…mp4 Duration….1h 42m Genre ….. Action , Thriller Subtitle….Myanmar Subtitle (Hard Sub) Encoder….Min Wai Translated by JULY

Lamas (2024) GL တွေကိုဓာတ်ကျနေတဲ့ Vivamax ရဲ့အသစ်ထွက် ကားသစ်ပါ။ မိုနာဆိုတဲ့ ကောင်မလေးဟာ မုန့်တိုက်ပိုင်ရှင်ရဲ့ သမီးဖြစ်ပြီး သူ့အဖေရဲ့ချုပ်ချယ်မှုကြောင့် စိတ်ညစ်နေရပါတယ်။ မိုနာကို ကောင်လေးတစ်ယောက်နဲ့ သဘောတူ ဇွတ်ပေးစားဖို့ကြံနေပေမယ့် မိုနာက မိန်းမချင်းပဲစိတ်ဝင်စားတာပါ။ တစ်နေ့တော့ သူ့ခံစားချက်တွေကို နိုးကြားစေမယ့် လီနာဆိုတဲ့ ကောင်မလေးသူ့လက်ထောက်အဖြစ်အလုပ်ဝင်လာချိန်မှာတော့ မိုနာတစ်ယောက် ဖခင်ကိုအာခံဖို့သတိ္တတွေရှိလာပါတော့တယ်။ Ataska Mercado နဲ့အတူအရင်ဇာတ်ကားတွေမှာ မထင်မရှားပါခဲ့တဲ့ မင်းသမီးသစ်လေးတွေ အများကြီးပွဲထုတ်ထားပါတယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size…(1 GB) / (420 MB) Quality….WEB-DL 1080p HEVC / 720p Format…. mkv/mp4 Genre….Drama Duration….01:09:13 Subtitle….Myanmar Subtitle (Hardsub) Encoder….Alvar Translated by Alias

အက်စတာနဲ့ ဂျွန်တို့မိသားစု ၄ဦးဟာ နွေရာသီအားလပ်ရက်မှာ ပြင်သစ်ကိုအလည်အပတ်ခရီးထွက်လာခဲ့ကြပါတယ်။ ဒီလိုနဲ့ တစ်ရက် အပန်းဖြေအိမ်အနီးနားက ဟိုတယ်မှာ ညစာ စားပြီးအပြန် လမ်းမှာကောင်မလေးတစ်ယောက်ကို ကားနဲ့ တိုက်မိခဲ့ပါတယ်။ ကားတိုက်ဒဏ်ရာကလည်းသိပ်မပြင်းတော့ အမှုပတ်မှာစိုးတာနဲ့ ကောင်မလေးကို ဆေးရုံမပို့ဘဲ အိမ်ခေါ် သွားခဲ့ကြပါတယ်။ နောက်ရက်မှာ ကောင်မလေးက သူတို့အိမ် ပြန်ရောက်လာပြီး ဒဏ်ရာ‌ေကြာင့် အလုပ်ထုတ်ခံလိုက်ရတဲ့ အတွက် အက်စတာတို့အိမ်မှာ အိမ်အကူအနေနဲ့အလုပ်လုပ် ပါရစေလို့ ခွင့်တောင်းလာပါတော့တယ်။ ခြေနှစ်ချောင်းမကယ်ကောင်းဆိုတဲ့ စကားအတိုင်း ကောင်မလေးကို အိမ်ပေါ်ခေါ်တင်မိရာကနေ မိသားစုထဲမှာ ပြဿနာတွေတစ်စ တစ်စတက်လာပြီး ကောင်မလေးရဲ့သရုပ်မှန်ဟာလည်း တဖြည်းဖြည်းပေါ်လာပါတော့တယ်။ ဇာတ်လမ်းအကျဉ်းကတော့ ဒီလောက်ပါပဲ။ ဒီရုပ်ရှင်က ဇာတ်အိမ်ကျစ်ကျစ်လစ်လစ်နဲ့ အချိတ်အဆက် ပိုင်နိုင်ပြီး ကြည့်ရတာအတော်လေး အားရစရာကောင်းတဲ့ အထဲမှာပါပါတယ်။ background music ကောင်းကောင်း နဲ့ ကင်မရာအယူအဆ cinematography အပိုင်းမှာလည်း ကာလာလွင်လွင်နဲ့ တော်တော် လေးလှတာပါ။ အဲလိုအရောင်လှလှလေးနဲ့ပဲ ဇာတ်လမ်းကို တဖြည်းဖြည်းဆွဲခေါ်လာပြီး အတွင်းထဲက လှိုက်စားပစ်လိုက် သလိုမျိုး ရသကိုပေးနိုင်တဲ့ ရုပ်ရှင်မျိုးပါ။ ရုပ်ရှင်ဝေဖန်ရေးဆရာများကတော့ ဒီရုပ်ရှင်ကို နာမည်ကျော် Parasite နဲ့ Saltburn ရုပ်ရှင်တို့ကို ရောထားတဲ့ ခံစားချက်မျိုး ရတယ်လို့ပြောထားကြပါတယ်။ သူတို့ပြောတာတကယ်ဟုတ်မဟုတ်ကိုတော့ ရုပ်ရှင်ထဲမှာပဲ ဆက်လက်ကြည့်ရှုလိုက်ကြပါဦး။ ဒီရုပ်ရှင်ဟာ slow burn ရုပ်ရှင်တွေကို ကြည့်ရတာ နှစ်သက်သူတွေ အတွက် သဘောတွေ့စေမဲ့ ရုပ်ရှင်တစ်ကားဖြစ်ကြောင်းညွှန်းဆို လိုက်ချင်ပါတယ်။ File size… (1.13 GB) / ( 698 MB) Quality… WEB-DL 1080p HEVC / 720p Format…mkv / mp4 Duration….1h 42m Genre ….. Drama , Thriller Subtitle….Myanmar Subtitle (Hard Sub) Encoder….Min Wai Translated by Muse

အခုတစ်ခေါက် CM ရဲ့ ပရိသတ်တွေအတွက် King of Painting ဆိုတဲ့ စိတ်ကူးယဉ်ဟာသရုပ်ရှင်ကို ဘာသာပြန်တင်ဆက်ပေးလိုက်ပါတယ်။ ဇာတ်လမ်းအကျဉ်းလေးကတော့- ခဲဟွမ့်ဟာ ပါရမီရှိပြီး အိပ်မက်နောက်လိုက်နေတဲ့ ပန်းချီဆရာတစ်ဦးဖြစ်ပါတယ်။ ဒါပေမဲ့ အခုလို မျက်နှာကြီးရာ ဟင်းဖတ်ပါတဲ့ခေတ်ကြီးမှာ ကြိုးစားပြီး ပန်းချီဆွဲနေတဲ့ ခဲဟွမ့်ဟာ အားလုံးအထင်သေး အနိုင်ကျင့်စရာလူတစ်ယောက် ဖြစ်နေပါတယ်။ သူဟာ အိမ်ငှားခမပေးနိုင်၊ လုပ်ငန်းထဲကလူတွေအနိုင်ကျင့်၊ ရည်းစားကို ပြိုင်ဖက်က လုသွားတဲ့ ဘဝအနိမ့်ဆုံးအချိန်မှာ မိုးပေါ်က ကျလာတဲ့ စုတ်တံတစ်ချောင်းကြောင့် ဘဝကြီးက ပြောင်းလဲသွားခဲ့ပါတယ်။ အဲဒီစုတ်တံက ဆွဲသမျှ အရာအားလုံး အပြင်ကို ရောက်လာတယ်တဲ့။ စုတ်တံက ဆွဲလိုက်လို့ ထွက်လာတဲ့ အရာတွေကဘယ်က ရောက်လာတာလဲ…… အဲဒီစုတ်တံက ကောင်ခြင်းတွေ သယ်ဆောင်လာမလား ဘေးအန္တရာယ်တွေ သယ်ဆောင်လာမလား…… ဆိုတာကို ဆက်လက်ကြည့်ရှုလိုက်ရအောင်နော်။

Iyer In Arabia 2025 ခေတ်သစ်တိုက်ပွဲ Imdb 4.6 ဒီကားမှာတော့ ခုခေတ်ကြုံ‌တွေ့နေကျဖြစ်တဲ့ ရှေးရိုးစွဲအတွေးရှိတဲ့လူကြီးတွေနဲ့ ခေတ်ရေစီးကြောင်းကိုလိုက်တဲ့အတွေးရှိတဲ့ လူငယ်တွေကြား ဖြစ်နေကျ ပြဿနာတွေလိုပါပဲ ခေတ်နောက်ပြန်ဆန်တဲ့ အယူအဆရှိသူ ဖခင် ဆရီနီဗာဆာအိုင်ယာနဲ့ သမိုင်းပါမောက္ခဖြစ်ပြီး ဘာသာတရားကို သိပ်မယုံကြည်တဲ့ ဇနီးဂျန်ဆီရာနီတို့အကြောင်းပါ သူတို့ရဲ့သား ရာဟူးလ်ကဒူဘိုင်းမှာ အလုပ်လုပ်နေပြီး ဘာသာခြား မိန်းကလေးတစ်ဦးနဲ့ လက်ထပ်ဖို့ စီစဉ်နေကြောင်း သိလိုက်ရတဲ့အခါမှာ ဇာတ်လမ်းက စတင်လာပါတယ် သားဖြစ်သူရဲ့ ဆုံးဖြတ်ချက်ကို လက်မခံနိုင်တဲ့ ရှေးရိုးစွဲအိုင်ယာက ဒီလက်ထပ်ပွဲကို တားဆီးဖို့အတွက် သူ့သားဆီ ခရီးထွက်လာပါတော့တယ် ဒီခရီးစဉ်အတွင်းမှာ အိုင်ယာက မတူကွဲပြားတဲ့ ယဉ်ကျေးမှုတွေနဲ့ ဓလေ့ထုံးစံတွေကို တွေ့ကြုံရင်း သူ့ရဲ့ ခိုင်မာတဲ့ ယုံကြည်မှုတွေ ဘယ်လိုဖြစ်သွားမလဲဆိုတာကို ဟာသနှောပြီး ရိုက်ကူးထားပါတယ် ဒီရုပ်ရှင်ထဲမှာတော့ လူတွေရဲ့ ယုံကြည်မှု ယဉ်ကျေးမှု ကွဲပြားမှုနဲ့ လူတစ်ဦးချင်းစီရဲ့ အတွေးအခေါ်တွေ ပြောင်းလဲနိုင်ပုံကိုပါ ပုံဖော်တင်ဆက်ထားပါတယ် ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် )