~ IMDb - 7.4/10, Rotten Tomatoes - 86% ~ Directed by "Tsai Ming-liang" ထိုင်ဝမ်ရဲ့ ပထမနယူးဝေ့ကို ၁၉၈၂ နှောင်းပိုင်းတွေမှာ Edward Yang တို့ Hou Hsiao-hsien တို့နဲ့ တခြားဒါရိုက်တာတချို့ရဲ့ ရုပ်ရှင်တွေနဲ့ စတင်ခဲ့ပြီးတဲ့နောက် Tsai Ming-liang တို့ Ang Lee တို့အပါအဝင် ၁၉၉၀နှောင်းပိုင်း ဒါရိုက်တာတစ်ချို့က သူတို့ရုပ်ရှင်တွေနဲ့ ဒုတိယနယူးဝေ့ကို အသက်သွင်းခဲ့ကြပါတယ်။ အားလုံးဟာ ဟောင်ကောင် ပြည်မတို့နဲ့မတူတဲ့ ထိုင်ဝမ်ရုပ်ရှင်ဆိုတဲ့ အငွေ့အသက်တစ်ခု သီးခြားခံစားရအောင် လုပ်နိုင်ခဲ့တဲ့ ဒါရိုက်တာကောင်းတွေချည်းပါပဲ။ သူတို့ထဲမှာ Tsai Ming-liang ရဲ့ ရုပ်ရှင်တွေဟာ တင်ပြပုံ အထူးခြားဆုံးလို့ပြောရမှာပါပဲ။ Ang Lee ကတော့ အမေရိကန်ရောက်သွားပြီး ပေါကားပေါင်းစုံပါရိုက်လာပေမဲ့ Tsai Ming-liang ဟာ နှစ်ပေါင်းများစွာကနေ ပြီးခဲ့တဲ့ ၂၀၂၀အထိလည်း ဒီလိုပုံစံကားမျိုးတွေကို ရိုက်တုန်းပါပဲ။ သူ့ရဲ့ပထမဆုံးရုပ်ရှင် Rebels of the Neon God မှာ သူ့ရုပ်ရှင်ဟာ ထိုင်ပေမြို့အငွေ့အသက် တော်တော်လေးလွှမ်းထားတယ်လို့ဆိုလို့ရပေမဲ့ အဲဒီနောက်ပိုင်းရုပ်ရှင်တွေမှာတော့ သူဟာ နေရာအစွဲကင်းတဲ့သူလို့ သူပြောဖူးတဲ့စကားနဲ့အညီပဲ သူ့ရုပ်ရှင်တွေဟာ ဒေသအပိုင်းအခြားမရွေးတဲ့ မြင်နေကြုံနေခက်ခဲခြင်းတွေ အာသီသတွေကို ပုံဖော်တဲ့ ရုပ်ရှင်တွေပိုဆန်လာတယ်။ သိသလောက်တော့ သူဟာ ဇာတ်လမ်းတစ်ခုတည်းထဲ နောက်ဇာတ်လမ်းပိစိလေးတွေကို ယက်ဖွဲ့တတ်တဲ့ဒါရိုက်တာမျိုးဖြစ်ပြီး အဲဒီဇာတ်လမ်းတွေမှာလည်း သေချာတဲ့ပြချင်တာတစ်ခု ရှိနေတတ်ပါတယ်။ ဒီရုပ်ရှင်ထဲမှာဆိုရင်လည်း Main Story ဖြစ်တဲ့ မသိလိုက်ပါဘဲ တစ်ခန်းတည်း နေဖြစ်သွားကြတဲ့ လူသုံးယောက်ရဲ့ ဇာတ်လမ်းသုံးခုကို ပေါင်းစပ်ပေးထားပြီး တခြားဇာတ်လမ်းပိစိလေးပါထည့်ထားပါသေးတယ်။ သူ့ရုပ်ရှင်တွေဟာ ကင်ကီဒွပ်ရဲ့တစ်ချို့ကားတွေလောက်တော့ လုံးဝစကားမပြောတဲ့ ကားတွေတော့မဟုတ်ပေမဲ့ တော်တော်လေး စကားနည်းပြီး အပြကို ဦးစားပေးတဲ့ ရုပ်ရှင်တွေပါပဲ။ သူ့အပြတွေဟာလည်း တစ်ခါတလေကျ နိမိတ်ပုံဆန်ပြီး တစ်ခါတလေကျ တော်တော်လည်းစားပါတယ်။ ဒီထဲမှာဆို ဒီကားရဲ့ Theme ကို အရိုးအိုးရောင်းတဲ့နေရာနဲ့ ထပ်ဆင့်ပုံဖော်သွားခဲ့သလို ဖရဲသီးတစ်လုံးနဲ့ အာသီသကိုပုံဖော်သွားခဲ့သလိုပေါ့။ နားလည်ရတော့ခက်တဲ့အခန်းတွေလည်း ပါတတ်ပါတယ်။ အရေးတော့မကြီးလှပါဘူး။ သူပြတာကို ကြည့်လိုက်တယ်၊ ကြည့်နေတုန်း အဲဒီခပ်ဆန်းဆန်းအပြတွေကို သဘောကျနေမယ်၊ ကိုယ့်စိတ်နဲ့ကိုယ် အဓိပ္ပာယ်ကောက်ပြီး တစ်ခုခုခံစားလိုက်ရမယ်၊ အရသာရှိနေမယ်ဆို ပြီးပြီပဲမလား။ ကိုယ့်စက္ခုနဲ့ သိစိတ်ကရတဲ့ အရသာကိုမခံစားဘဲ ဒါရိုက်တာ တကယ်တမ်းပြချင်တာဘာလဲ ထိုင်ခေါင်းစားနေမယ်ဆို Art House ကားကြည့်ပေမဲ့ Art House ကား အရသာမရသလို ဖြစ်သွားမလားပဲ။ ဒီတော့ ဒီရုပ်ရှင်ဟာလည်း တစ်ခုခုကိုနားလည်ချင်စိတ်နဲ့ကြည့်ရမယ့် ရုပ်ရှင်မျိုးလို့တော့ ကျွန်တော်တော့မထင်ဘူး။ သူ့အရသာကို ခင်ဗျား ဒီတိုင်းခံစားလိုက်ရမယ့် ရုပ်ရှင်မျိုးပါပဲ။ အရင်နှစ်က သူ့ပထမဆုံးကားဖြစ်တဲ့ Rebels of the Neon God ကို တင်ပေးခဲ့ပြီးဖြစ်ပါတယ်။ အခု Vive L'Amour ကတော့ သူ့ရဲ့ ဒုတိယကားပါ။ အနောက်တိုင်း ရုပ်ရှင်ပွဲတော်တွေမှာလည်း ဆုတွေရခဲ့သလို Art Film ကောင်းတွေကို ပြန်လည်ထိန်းသိမ်းထုတ်ဝေပေးတဲ့ Criterion Collection ကလည်း ဒီကားကို ပြန်ထုတ်ပေးထားခဲ့ပါတယ်။ Vive L'Amour ဆိုတဲ့ ပြင်သစ်စကားရဲ့ အဓိပ္ပာယ်ကတော့ ချစ်သက်ရှည်စေလို့ အဓိပ္ပာယ်ရနေပြီး တစ်ချို့ရုပ်ရှင်တွေလို ရုပ်ရှင်ရဲ့အပြနဲ့ ဒီစကားလုံးကို တွဲဖက်ခံစားကြည့်ဖို့ကလည်း တော်တော်တော့နားလည်ရခက်ပါတယ်။ ဘာလို့ဆို ဒီရုပ်ရှင်ရဲ့ Theme လို့ ခံစားရတဲ့အရာနဲ့ တော်တော်မဆီမဆိုင်ဖြစ်နေတာကိုး။ ယူသလိုပဲ ရမှာပါပဲ။ တစ်ချို့အတွက်တော့ အကြိုက်ဆုံးကားဖြစ်သွားနိုင်တာပါပဲ။ တစ်ချို့အတွက်ကလည်း ဖြစ်ခဲ့ပြီးပါပြီ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 1.8GB, 820MB Quality - 1080p, 720p IMDb Rating - 7.4/10 Format - mp4 Duration - 1H 58Min Genre - Drama, Romance Subtitle - Myanmar Subtitle (Hardsub) Translated by WiRa Aung Encoded by Y

Drama, Fantasy ငယ်ငယ်က ကျနော်တို့အားလုံးကြိုက်ခဲ့ကြတဲ့ Peter Pan & Wandy , Peter Pan & Captain Hook တို့ဇာတ်လမ်းတွေကို အားလုံးကြည့်ဖူးကြမှာပါ။ ကြယ်တွေ စုံတဲ့တစ်ညမှာ ပီတာပန်ဆိုတဲ့ နတ်သူငယ်လေးက ၀န်ဒီဆိုတဲ့ ကောင်မလေးကိုလာ ခေါ်လေ့ရှိတယ်။ ၀န်ဒီရဲ့အဖွား၊ ၀န်ဒီရဲ့ ‌အမေတို့ တုန်းကလည်း ပီတာပန်ဟာ နဲဗားလန်းဆိုတဲ့ စိတ်ကူးယဉ်ကျွန်းကြီးကိုခေါ်သွားလေ့ရှိတယ်။ နွေဦးရဲ့ ကြယ်တွေစုံတဲ့တစ်ညမှာ ပီတာပန်ဟာ ၀န်ဒီ့ဆီရောက်လာပြီး ကတိတစ်ခုတောင်းခဲ့တယ် ။ " မင်း ဘယ်တော့မှ ကြီးပြင်းမလာပါနဲ့ ၀န်ဒီ နောက်နှစ်နွေဦးမှာ ကိုယ်လာခေါ်မယ်" ၀န်ဒီဟာလည်း ပီတာအလာကို စောင့်နေခဲ့တာ နှစ်တွေအကြာကြီး ကြာခဲ့ပါပြီ ။ ပီတာကရော ပြန်ရောက်လာပါ့မလား....? ၀န်ဒီရဲ့ ဘဝကရော ဘာတွေဆက်ဖြစ်သွားမလဲ...? Cast တွေအနေနဲ့လည်း Preter Pan နေရာမှာ Sherlock Holmes ထဲက လူတိုင်းကြိုက်ခဲ့တဲ့ လူငယ်သရုပ်ဆောင် Louis Partridge နဲ့ Game of thrones ထဲက Iain Glen တို့က Captain Hook နေရာက ပါ၀င်ထားတဲ့ ဇာတ်လမ်းကောင်းလေး ဖြစ်ပါတယ်။ (အညွှန်းနဲ့ ဘာသာပြန်ကိုတော့ Thiha Yan Naing ကရေးသားထားပါတယ်) Genre..... Drama, Fantasy Quality…. 1080p | 720p | 480p File size… 1.1GB | 574MB | 293MB Format… mp4 Duration…. 1h 40min Subtitle…. Myanmar Subtitle (Hardsub) Translator ..... Thiha Yan Naing Encoder ..... August

ဂျိုင်ရာက ဆင်းရဲတဲ့မိသားစုကလာပြီး ဆင်းရဲတွင်းကိုပြန်မသွားချင်တော့တဲ့ အဲ့ဒီဘဝကနေလွတ်အောင်ရုန်းဖို့ ရည်မှန်းချက်ကြီးတဲ့ကောင်မလေးပါ။ အဲ့ဒီအိမ်မက်တွေကိုအကောင်အထည်ဖော်ဖို့ လတ်တလောမှာကျောင်းတက်ရင်း တစ်ဖက်က ကြေးကြီးတဲ့ပြည့်တန်ဆာအဖြစ်အချိန်ပိုင်းလုပ်နေပါတယ်။ သူတို့ကို elgimikero.com ဆိုတဲ့ဝက်ဘ်ဆိုက်ကတစ်ဆင့် ဘွတ်ကင်တင်ချိတ်ဆက်ရပြီးဖောက်သည်အများစုကလဲ သူဌေးတွေ၊နိုင်ငံရေးလောကထဲက ဒိတ်ဒိတ်ကြဲတွေဖြစ်ပါတယ်။တစ်နေ့မှာတော့ ဂျိုင်ရာဟာ ဘယ်ဖောက်သည်နဲ့မှမတူတဲ့ ရိုနန်ဆိုတဲ့ သူဌေးသားလေးတစ်ယောက်နဲ့တွေ့ခဲ့ရပါတယ်။ ရိုနန်ဟာ သူသိပ်ချစ်ရတဲ့ချစ်သူသေဆုံးမှုကြောင့်အရူးတစ်ပိုင်းဖြစ်နေပြီး ဂျိုင်ရာကိုခေါ်ခဲ့တယ်ဆိုတာ သူ့ချစ်သူဆိုဖီနဲ့တူလို့ဆိုပြီးပြောပြတယ်။ ဂျိုင်ရာကို သူ့ချစ်သူအဝတ်အစားတွေဝတ်၊ သူ့ချစ်သူနာမည်ကိုခေါ်ပြီး ချစ်သူတစ်ယောက်လို ဆက်ဆံလာတာတွေကိုပျော်မွေ့လာပြီးတဲ့နောက်ဂျိုင်ရာဟာ သူသတ်မှတ်ထားတဲ့ စည်းဘောင်တွေကို ကိုယ်တိုင်ချိုးဖျက်ပြီး ဒီလူငယ်လေးကိုချစ်မိသွားပါတော့တယ်။ ဂျိုင်ရာရဲ့ဘော့စ်မမ အလက်စစ်၊ သူ့အချစ်တော်သရီးဆမ်းဝါသနာရှင်လေးပင်ကီ၊ ဂျိုင်ရာရဲ့ငြင်းဆန်မှုကြောင့် အငြိုးအတေးတွေနဲ့ဖောက်သည်ဟောင်းတစ်ဦးတို့ဟာ ဒီဇာတ်လမ်းမှာ ဘယ်လိုတွေဝင်မွှေဇယားရှုပ်ကြမလဲဆိုတာ ဆက်ရှုစားကြပါ။ ဖိလစ်ပိုင်ကားဆိုဒီလူတွေပဲလားလို့မေးတဲ့သူတွေအတွက် Vivamax ကဒီဇာတ်ကားမှာအသစ်လေးတွေမိတ်ဆက်ပြပေးထားတာဖြစ်တဲ့ အလျောက် မမြင်ဖူး မတွေ့ဖူးတာလေးတွေကိုလဲ လတ်လတ်ဆတ်ဆတ်ခံစားရမှာဖြစ်ပါတယ်။ File Size : (1.1 GB) & (450 MB) Quality : WEB-DL 1080p & 720p Running Time : 01:43:00 Format : mp4 Subtitle : Myanmar Subtitle (Hard Sub) Translated by Alias Encoded by RGB

Zoey 102 (2023) ဘဝမှာဖြစ်ချင်တာတွေများပြီး ဟိုဟာလည်းလုပ်ချင် သည်ဟာလည်းလုပ်ချင်နဲ့ အလွဲတွေဖြစ်ကုန်တဲ့ ဇိုအီဆိုတဲ့ကောင်မလေးတစ်ယောက်ရဲ့ အချစ်ဇာတ်လမ်းလေးကို ဟာသ ဒရာမာအရောလေးတွေနဲ့ကြည့်ရှုကြရမှာပါ။ ဇိုအီဆိုတာက ရသစုံတီဗွီရှိုးထုတ်လုပ်ရေးတစ်ခုမှာ အလုပ်လုပ်နေတဲ့ကောင်မလေးပါ။ ဇိုအီတို့က LOVE:Fully Charged ဆိုတဲ့ ချိန်းတွေ့တဲ့တီဗွီရှိုးတစ်ခုရိုက်နေတာဖြစ်ပြီး အဲဒီရှိုးမှာ ဇိုအီ မရှိလို့မဖြစ်တဲ့ ကလေးပေါက်စလိုဖြစ်နေတဲ့ ပါဝင်သူတစ်ယောက်ရှိနေပါတယ်။ အဲဒါနဲ့ပဲ ဇိုအီလည်းရာထူးတိုးပြီး ရှိုးရဲ့ဇာတ်သိမ်းပိုင်းကို ကိုင်တွယ်ဖို့ တာဝန်ပေးခံလိုက်ရပါတယ်။ ဖြစ်ချင်တော့ အဲဒီနေ့က ဇိုအီ့အချစ်ဆုံးသူငယ်ချင်း မင်္ဂလာဆောင်မယ့်ရက်နဲ့တိုက်နေပါတယ်။ အောင်မြင်မယ့်အခွင့်အရေးနဲ့ သူငယ်ချင်းအရင်းကြီးရဲ့ကြားမှာ နှစ်ခုလုံးကိုဖြစ်အောင်လုပ်ဖို့ဆုံးဖြတ်လိုက်ပါတယ်။ အဲဒါအပြင် ရည်းစားဟောင်းနဲ့ပြတ်ပြီးကတည်းက ဘဲမရှိသေးလို့ဆိုပြီး အနှိမ်မခံရအောင် အယောင်ဆောင်ရည်းစားလည်းငှားလိုက်ပါသေးတယ်။ တကယ့်မင်္ဂလာပွဲနေ့နဲ့ ရှိုးပွဲနောက်ဆုံးပိုင်းနေ့ရောက်တဲ့အခါ ဘာတွေဖြစ်မလဲ ဇိုအီတစ်ယောက်ဘယ်လိုအမျိုးစုံကြိုးခုန်မလဲဆိုတာကို ကြည့်ရှုအားပေးနိုင်ပါပြီ။ အညွှန်း နဲ့ ဘာသာပြန်ကတော့ Hnin Ei Pai ပဲ ဖြစ်ပါတယ်။

IMDb 7.6 အထိရထားတဲ့ ဟော်ရာကားပါ။ 1980 မှာထွက်ခဲ့ပြီး IMDb 8.4 အထိ ရှိခဲတဲ၊့ အကောင်းဆုံးဟော်ရာကားတွေထဲက တစ်ကားဖြစ်တဲ့ The Shining ရုပ်ရှင်ရဲ့ အဆက်ပါပဲ။ ဒီရုပ်ရှင် ၂ ခုလုံးကိုတော့ ဟော်ရာဝတ္ထုတွေအရေးများတဲ့ စာရေးဆရာကြီးStephen King ကပဲ ရေးသားခဲ့တာပါပဲ။ မူလရုပ်ရှင် ရှိုင်းနင်းကို ကြည့်ဖူးမှအပြည့်အစုံနားလည်နိုင်မှာပါ။ မကြည့်ဖူးရင်တော့ အချို့အခန်းလေးတွေ နားမလည်တာ ဖြစ်နိုင်ပါတယ်။ ရှိုင်းနင်းကတော့ တစိမ့်စိမ့်တွေးကြောက်စရာတွေ၊ ဖုန်းဆိုးမြေတွေ၊ ကလေးငယ်တွေနဲ့ ပတ်သတ်တဲ့ ဟော်ရာတွေနဲ့ ဖန်တီးထားခဲ့တာဖြစ်ပြီး။ ဒီရုပ်ရှင်ကတော့ ပိုပြီးမှော်ဆန်တဲ့ စွမ်းအင်တွေနဲ့ အက်ရှင်နည်းနည်းဆန်ဆန် ဖန်တီးထားတာပါ။ ဇာတ်လမ်းအကျဉ်းကိုတော့ ရှိုင်းနင်းကပဲ စကောက်ရပါလိမ့်မယ်။ အမေရိကန် လူနီတွေကို မြေမြှပ်သင်္ဂြိုလ်ရာ သင်္ချိုင်းမြေပေါ်မှာ အိုဗာလွတ်ခ် ဆိုတဲ့ လူမနေတော့တဲ့ ဟိုတယ်ကြီးတစ်ခုရှိပါတယ်။ အဲဒီဟိုတယ်ကြီးမှာ အစောင့်အဖြစ်နေရင်း စာရေးဖို့ရောက်လာတဲ့ စာရေးဆရာမိသားစုကတော့ ဂျက်၊ ဝင်ဒီ နဲ့ သားဖြစ်သူ ဒန်နီတို့ပါပဲ။ အဲဒီဟိုတယ်ကြီးရဲ့ အရင်အစောင့်ဖြစ်သူကတော့ သူ့မိသားစုတစ်ခုလုံးကို ပြန်သတ်ပြီး သတ်သေသွားခဲ့ပါပြီ။ ကလေးငယ် ဒန်နီမှာ စိတ်စွမ်းအင် ဆက်သွယ်မှုတစ်မျိုး ရှိပြီး ဟိုတယ်ရဲ့ စားဖိုမှူးကြီး ဒစ် ဟယ်လိုရန်ကလည်း သူ့လိုစွမ်းအင်ရှိသူမို့ သူတို့ ၂ ဦး စိတ်ထဲကနေ ဆက်သွယ်မိကြပါတယ်။ ဟယ်လိုရန်ကတော့ ဒန်နီကို ဒီစွမ်းအားဟာ shine တောက်ပမှုလို့ခေါ်တယ်လို့ ပြောခဲ့ပါတယ်။သူတို့ နေကြတဲ့ ဒီဟိုတယ်ကြီးထဲမှာ ဝိညာဉ်ပေါင်းအတော်များများရှိပြီးဒါတွေနဲ့ သူတို့မိသားစု ကြုံတွေ့လာရပါတယ်။ ဒါပေမယ့် ပြဿနာက သရဲရှိရုံတင်မဟုတ်ဘဲ ဟိုတယ်နဲ့မြေကိုယ်တိုင်ကိုက မကောင်းဆိုးဝါးဓာတ်တွေရှိနေတာပါ။ ပြီးတော့ ဟိုတယ်ဟာ ဒန်နီလိုမျိုး အစွမ်းရှိသူရောက်လာလို့ ပိုနိုးကြားလာပြီး ပိုဆာလောင်လာပါတယ်။ ဒီဒဏ်ကို ခံလိုက်ရသူကတော့ဖခင်ဖြစ်တဲ့ ဂျက်ပါပဲ။ ဂျက်ဟာ တဖြည်းဖြည်းရူးသွပ်လာပြီး သူ့မိသားစုကို ပြန်သတ်ဖို့ ကြိုးစားပါတော့တယ်။ ရှိုင်းနင်းရဲ့အဆုံးမှာတော့ ဂျက်သေဆုံးသွားခဲ့ပြီး ဝင်ဒီနဲ့ ဒန်နီတို့ သားအမိလွတ်မြောက်လာခဲ့ပါတယ်။ဂျက်ရဲ့ပုံကတော့ ဟိုတယ်ရဲ့ အဖွဲ့ဓာတ်ပုံထဲမှာ ကျန်နေခဲ့ပြီး သူ့ဝိညာဉ်ဟာ မလွတ်မြောက်တော့တဲ့အဓိပ္ပါယ်နဲ့ အဆုံးသတ်သွားတာပါ။ ဒါမှမဟုတ် ဂျက်ဟာ ယခင်သေသွားတဲ့ ဟိုတယ်အလုပ်သမားသေလို့ ဝင်စားခဲ့သလားတော့ မသိပါဘူး။အခု ဒေါက်တာစလိ ရုပ်ရှင်မှာတော့ ဒန်နီလိုမျိုး အစွမ်းရှိတဲ့ သူတွေအများကြီးပါလာပါတယ်။ ဒီလိုအစွမ်းရှိတဲ့သူတွေကို စားသုံးပြီးအသက်ရှည်နေတဲ့အဖွဲ့တစ်ဖွဲ့ပါလာပါတယ်။ သူတို့တွေက အစွမ်းရှိတဲ့ကလေးတွေဆီကိုသတ်ပြီး အငွေ့တွေကို ရှုကြတယ်၊ သိမ်းထားကြတယ်ပေါ့။ ဒန်နီကတော့ အရွယ်ရောက်ပြီးသားလူကြီးဖြစ်နေခဲ့ပါပြီ။ တစ်နေ့မှာ သူနဲ့စိတ်ချင်းဆက်သွယ်မိတဲ့ ကလေးမလေးတစ်ယောက်နဲ့ တွေ့လာပြီး ဒီကလေးမလေးကို သတ်မယ့်အဖွဲ့လိုက်လာတာကိုသိတော့ သူတို့ ၂ ယောက်ရဲ့ အစွမ်းကိုသုံးပြီး ပြန်ရင်ဆိုင်ရပါတော့တယ်။ File size…4.59GB / 1.03GB Quality…1080p HEVC & 720p Format…Mp4 Duration….3h Subtitle….Myanmar Subtilte (Hard Sub) Encoder….Thit San Khant Translated by Little Neo

Alapaap (2022) ~ IMDb rating – 7.3/10 ~ အဲရစ်ဦးဆောင်တဲ့ သူငယ်ချင်းအုပ်စုဟာ အခုချိန်မှာ ရုပ်ရှင်ကျောင်းဆင်းတစ်ယောက်ဖြစ်တဲ့ အဲရစ်ရဲ့ Thesis အတွက် မှတ်တမ်းရုပ်ရှင်တစ်ခုဖြစ်မြောက်ရေးကို ဝိုင်းဝန်းကူညီနေကြပါတယ်။ အားလုံးဟာ လူချမ်းသာ အသိုင်းအဝိုင်းကြီးတွေက မွေးဖွားဆင်းသက်လာတဲ့ ဘဝအပေါ်ရှုမြင်တွေးခေါ်ပုံတွေကအစ အစဉ်အလာနဲ့ဖောက်ထွက်ဆန့်ကျင်ကြတဲ့ လူငယ်ပညာတတ်တွေဖြစ်ပြီး K တွေ E တွေကို ပဲကြီးလှော်လိုသုံးစွဲ လိင်မှုကိစ္စအရာမှာလဲ ပွင့်လင်းလွတ်လပ်အစွန်းရောက်လွန်းပြီး Orgy တွေ သီရိစံတွေ ဘာညာဆိုတာ သူတို့ဘဝမှာနေ့စဉ်ထမင်းစားရေသောက်ပါ။ အားလုံးဟာ အတိတ်စိတ်ဒဏ်ရာတွေ အမှောင်ကိုယ်စီရှိတဲ့လူတွေဖြစ်ပေမယ့် လက်ရှိဘဝမှာတော့ အားလုံးကိုမေ့ထားပြီး ပေါ့ပေါ့ပါးပါးနေထိုင်ကြပါတယ်။ အဲရစ်ရဲ့မှတ်တမ်းရုပ်ရှင်ဟာ ဖိလစ်ပိုင်အစွန်အဖျားက ဘန်ယန်ဆိုတဲ့ ရှေးဟောင်းတိုင်းရင်းမျိုးနွယ်စုတစ်ခုအကြောင်းဖြစ်တဲ့အတွက် အဲ့ဒီနေရာကို ကုန်းတစ်တန်ရေတစ်တန်နဲ့ ခရီးသွားဖို့ဖြစ်လာတဲ့နောက်မှာတော့ အဲ့ဒီခရီးဟာ သူတို့ဘဝတွေကို တစ်ဆစ်ချိုးပြောင်းလဲစေမယ့် တစ်သက်မမေ့နိုင်စရာ ခရီးတစ်ခုဖြစ်လာပါတော့တယ်။ အဖော်အချွတ်တွေ လိင်ဆက်ဆံခန်းတွေ ပုံမှန်ထက်ပိုကြမ်းတမ်းတဲ့အပြင် သွေးထွက်သံယိုတွေ၊ ရက်စက်တဲ့ပြကွက်တွေလဲ အများကြီးပါဝင်တဲ့အတွက် စိတ်မထိန်းနိုင်တဲ့သူတွေ အသည်းငယ်တဲ့သူတွေကြည့်ဖို့မသင့်တော်ပါဘူး။ (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size – 1.91GB, 950MB Quality – 1080p, 720p Format – mp4 Duration – 2H 10Min Genre – Thriller Subtitle – Myanmar Subtitle (Hardsub) Translated by Alias Encoded by RGB

Manual of Love 2 (2007) Manuale d’amore 2 (or) Capitoli successivi အချစ်ကျမ်းစာ (Manual of Love) လို့အမည်ရတဲ့ အီတလီဇာတ်ကားဟာ စုစုပေါင်း ၃ ကားထွက်ရှိခဲ့ပြီး ဒါကတော့ ဒုတိယဇာတ်ကားဖြစ်ပါတယ်။ အီတလီ အချစ်ဇာတ်လမ်းလေးတွေဖြစ်ပြီးတော့ တစ်ကားမှာ အပိုင်းလေးတွေခွဲပြီး တင်ဆက်တဲ့ကားပါ။ တစ်ကားတည်းမှာပဲ ဇာတ်လမ်း လေးပုဒ်လောက် ပါရှိတာပါ။ အချစ်ဆိုတဲ့ခေါင်းစဉ်အောက်မှာ ချစ်ကြ မုန်းကြ ခံစားကြ ငိုယိုကြ လွမ်းဆွေးကြ ပျော်ရွှင်ကြ၊ ခံစားမှုပေါင်းမျိုးစုံနဲ့ လောကဇာတ်ခုံ အဖုံဖုံပေါ့လေ။ ယခု အမှတ် (၂) ကားကို ဒါရိုက်တာ Giovanni Veronesi ရိုက်ကူးတင်ဆက်ထားပြီး ဇာတ်လမ်းလေးခု ပါရှိပါတယ်။ ကျွန်တော်တို့ရဲ့ မမ Monica Bellucci ရဲ့ ညှို့အားပြင်း ဆွဲဆောင်ခြင်းတွေကို အသည်းတယားယား မြင်တွေ့ရမှာပါပဲ။ Elsa Pataky ရဲ့ ပျိုမြစ်တဲ့ ဗီးနပ်စ်ရှုံးအလှကလည်း မိန်းမောစရာပဲပေါ့။ ပထမဇာတ်လမ်းကတော့ ယာဉ်မတော်တဆ ဖြစ်ခဲ့ရတဲ့ သွေးသားဆူကြွတဲ့အရွယ် လူငယ်လေးတစ်ယောက် ခြေတောက်ပြန်လည်သန်စွမ်းဖို့ ဆေးရုံတက်ရတဲ့အချိန် လုံးကြီးပေါက်လှ ကာယဆရာမ Monica Bellucci ရဲ့ အညှို့ဓာတ်ကို ပြားပြားဝပ် အရှုံးပေးလိုက်ရတဲ့ အဖြစ်‌ေပါ့ဗျာ။ မမ ကလည်း လက်ထပ်ရမယ့်သူရှိ၊ မောင်လေးကလည်း ရည်းစားငုတ်တုတ်နဲ့။ နှစ်ယောက်သား စိတ်ကစားတဲ့ တစ်ညတာ ဆားငန်ရေတွင်းလေးအကြောင်းပါပဲ။ ဒုတိယဇာတ်လမ်းလား။ သူကတော့ လင်မယားချစ်ကို ကျော်လွန်လို့ သားသမီးချစ်ပေါ့။ သားသမီးသာဆိုတယ်။ မမွေးရသေးပါဘူး။ ရဖို့ကြိုးစားနေတုန်းပါ။ ပန်းသေနေတဲ့ ခင်ပွန်းကိုမှ မပစ်နိုင် ချစ်နေရတဲ့ ဇနီးသည်ခင်မျာ ဆေးရုံပေါင်းများစွာကိုသွားလို့ ကလေးရဖို့အရေး လုံးပမ်းရပုံပါပဲ။ အတူနေရုံနဲ့ ကလေးမရနိုင်တဲ့အခါမှာ ဖခင်ရဲ့သုတ်သွေးနဲ့ မိခင်ရဲ့ မျိုးဉကိုပေါင်းစပ်ပြီး မိခင်ရဲ့ သားအိမ်ထဲ ထည့်သွင်းသန္ဓေအောင်ဖို့ ကြိုးစားကြပုံလေးပါ။ တတိယမြောက် ဇာတ်လမ်းလား။ အမျိုးသားနဲ့ အမျိုးသမီး ချစ်ကြတာနဲ့ လူသားတွေက အားမရနိုင်ပါဘူး။ အမျိုးသားချင်းရော ချစ်လို့မရဘူးလား။ ရပါတယ်လေ။ ချစ်ခြင်းဆိုတာ အပြစ်ကင်းတာမျိုးပဲ။ ဒါပေမဲ့ ဘေးလူတွေရဲ့ အမြင်ကိုတော့ ရဲရဲကျော်ဖြတ်ဖို့ လိုသပေါ့လေ။ အမျိုးသားချင်း ချစ်မိရှာတဲ့ သူတို့နှစ်ယောက်ဟာ မိသားစုဝင်တွေနဲ့ ပတ်ဝန်းကျင်ဒဏ်ကို ကြံ့ကြံ့ခံလို့ လက်ထပ်နိုင်ဖို့ ကြိုးစားကြပုံလေးပါ။ လေးခုမြောက်ဇာတ်လမ်းကတော့ ရိုးသလိုလိုဆန်း၊ ဆန်းသလိုလိုနဲ့ရိုးတာမျိုး။ စလာကတည်းက ယဉ်သကို ဆိုတာမျိုးပါပဲ။ အိမ်ထောင်သက် ရင့်နေပြီဖြစ်တဲ့ “ရင့်ကျက်တဲ့ ကိုကြီး” က ငယ်သေးပေမယ့် ပင်လယ်ကူးမယ့် ပုဇွန်ဆိတ်မလေးကို အကြည့်လေးတွေ ခ,လိုက်တာ ဒီဇာတ်လမ်း ဖြစ်တော့တာပါပဲ။ ကလေးလေးတစ်ယောက်ကိုပိုက်လာတဲ့ အမျိုးသမီးလေးတစ်ယောက်။ သူ့ဖခင်ကို သိပေမယ့် မြင်သာမြင်ရ ဖွင့်မပြောရဲတဲ့အဖြစ်ပါ။ သူ့သားလေးကို သူ့အဖိုးနဲ့ တွေ့ဆုံပေးချင်ပေမယ့် ဖခင်ဖြစ်သူကို မခေါ်ရဲတဲ့ ညငှက်မလေး Elsa Pataky ဟာ ရင့်ကျက်တဲ့ ကိုကြီးရဲ့ ရင်ခွင်ကို ခရီးသွားဟန်လွှဲ ဝင်ခိုသွားပါတယ်။ ထူးဆန်းတာက သူတို့ရဲ့ နောက်မီးလင်းတဲ့အဖြစ်ကို မိန်းမလုပ်သူက ပြုံးပြုံးလေး ခွင့်လွှတ်သတဲ့။ အဲဒီမှာတင် ကိုကြီးတစ်ယောက် ပေါက်ကွဲတော့တာပဲ။ သူ့မိန်းမနဲ့ အကြီးအကျယ် ပြဿနာရှင်းရမယ်ထင်ပေမဲ့ သူ့မိန်းမရဲ့ အပြုအမူဟာ သူ့ကို စိတ်ရှုပ်ထွေးသွားစေပါတယ်။ အစက တောင်းပန်ခြင်းနဲ့ အိမ်ထောင်ရေးဆက်မယ်စိတ်ကူးပေမဲ့ သူ့မိန်းမရဲ့ ခွင့်လွှတ်ခြင်းက သူ့အပေါ် ချစ်ခြင်းမရ‌ှိ ငွေကြေးတစ်ခုနဲ့ မှီခိုချင်တယ်ထင်ခဲ့ပြီး အိမ်ပေါ်က ဆင်းသွားပါတော့တယ်။ ပြီးတော့ ဘာဆက်ဖြစ်မလဲဆိုတာတော့ ကိုယ်တိုင်ပဲ ကြည့်လိုက်ပါတော့နော်။ အီတလီစကားပြောများကို အင်္ဂလိပ်လိုပြန်၊ အင်္ဂလိပ်မှ မြန်မာလိုပြန်ရတဲ့အတွက် ဘာသာပြန်သူအနေနဲ့ အချိတ်အဆက်မိဖို့နဲ့ ပြေပြစ်ဖို့ အားထုတ်ခဲ့ရပါတယ်။ အီတလီစကားကို ကျွမ်းကျင်မှုမရှိပေမဲ့ တစ်ခုသိလိုက်တာက သူတို့ဟာ စကားတစ်ခွန်းပြောဖို့အတွက် အသံတွေ အများကြီး ထွက်ရတယ်ဆိုတာပဲ။ တစ်ခါတလေ တစ်ခွန်းတည်းကိုပဲ နှစ်ခါ နှစ်ခါ ပြောကြပြန်ရော။ ဒီတော့ စာတန်းထိုး တိုပေမဲ့ သူတို့ပြောနေတာ အကြာကြီး ဖြစ်နေပါတယ်။ ဒါပေမဲ့ ချန်ခဲ့တာမရှိ အားလုံးကို ဘာသာပြန်ပေးထားတယ်ဆိုတာ သိစေချင်ပါတယ်နော်။ ဒီဇာတ်လမ်းတွေဟာ 18+ မဟုတ်ပါဘူး။ ဒါပေမဲ့ မိသားစုနဲ့လည်း မတူမကြည့်သင့်ပါဘူး။ အမေရိကန်ကားတွေလို အပြောအဆို ယုတ်ရင့်နေတာမျိုးမဟုတ်ပေမဲ့၊ အဖော်အချွတ်တွေ မပါသလောက် ထည့်မထားပေမဲ့ လိင်စိတ်ကြွလာစေတဲ့ အကြောင်းအရာတွေကို ငြိမ့်ငြိမ့်ညောင်းညောင်း တင်ဆက်ထားလို့ တစ်ယောက်တည်း အိပ်ယာထက်မှာ Feel ရမယ့် ပုံစံလေးပါ။ ရှင်းခနဲ ဗွင်းခနဲ မြင်ရပြီး အချိန်တိုအတွင်း ကြည့်ပြီးသွားမဲ့ဇာတ်လမ်းမဟုတ်လို့ ကြိုတင်သတိပေးပါရစေ။ အီတလီတို့ရဲ့ ရုပ်ရှင်မြင်ကွင်းဟာ နာမည်ကြီးသလို ကြီးသလောက်လည်း လှပလွန်းပါတယ်။ Cinematography အတွက် ဒါရိုက်တာတစ်ယောက် သပ်သပ်ထားတာနဲ့တင် အထင်ကြီးလောက်ပါတယ်လေ။ သူတို့ဟာ ချစ်ခြင်းကို တင်ဆက်ရာမှာ ဂုဏ်သတင်းမွှေးသလို ဇာတ်ကားနာမည်ကိုက အချစ်ကျမ်းစာ ဆိုတော့ …။ ကဲ ဘာလိုသေးလဲဗျာ။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှတင်ဆက်ထားပါတယ်။) Manual of Love ဇာတ်ကား ၃ ကားစလုံးကို channelmyanmar.to/?s=manual+of+love မှာကြည့်ပါ။ File size…(1.5 GB) Quality…BluRay 720p Format…mp4 Duration….02:05:00 Subtitle….Myanmar Subtitle (Hardsub) Encoder….Ka Naung Translated by Arr Khun Winchester

“It is only the dead who have seen the end of the war.” ဆိုသလိုပဲ လူတွေသေဆုံးသွားရင်တောင် စစ်ပွဲတွေကတော့ အမြဲတမ်းရှိနေမှာပါ။ စစ်ပွဲတွင်းကနေပြန်လာတဲ့သူတွေမှာ သာမန်လူတွေနဲ့မတူတဲ့စိတ်ဒဏ်ရာကြီးကြီးမားမားတွေရှိနေတတ်တယ်။ ထိရောက်တဲ့ကုထုံးတွေမှမကူရင် ဘယ်လိုမှနလံမထူနိုင်အောင် အချိန်စက်ဝန်းတစ်ခုတည်းမှာပဲပိတ်မိနေသလို လက်ကျန်ဘဝတစ်ခုလုံး နာကျင်နေရတတ်ပါတယ်။ ခွင့်လွှတ်မှုဆိုတာတခြားသူတွေဆီကရနိုင်တဲ့အရာမဟုတ်ပါဘူး ကိုယ့်ကိုကိုယ်၌မှာပဲ ကိုယ့်ကိုပြန်ပြီးခွင့်လွှတ်ပေးလို့ရတဲ့အရာမျိုးပါ စိတ်ရဲ့ပြဿနာတော်တော်များများက ကိုယ့်ကိုကိုယ်ခွင့်မလွှတ်နိုင်တာကနေစပါတယ်။ ဇာတ်လမ်းအကျဉ်းလေးကတော့ စစ်ပွဲတွင်းမြင်ကွင်းတွေကို ဓာတ်ပုံရိုက်ဝင်ငွေရှာတဲ့ သဘာဝဓာတ်ပုံဆရာမာ့ခ်က ဒီတစ်ခေါက်မှာသူငယ်ချင်းဒေးဗစ်နဲ့အတူ စစ်ပွဲရှိရာKurdistanကို အလုပ်ခရီးထွက်ဖြစ်ခဲ့တယ်။ သူတို့စခန်းချတဲ့နေရာကတော့ Triageစနစ်ကျင့်သုံးတဲ့ စစ်လူနာကုသဆောင်မှာပေါ့။ တစ်နေ့မှာ မာ့ခ်က အဖြစ်ဆိုးတစ်ခုနဲ့ကြုံခဲ့ရတယ်။ သူကြုံခဲ့ရတဲ့အဖြစ်ဆိုးကို သူကိုယ်တိုင်ရော ရေရေရာရာသိမှာလား လက်ခံနိုင်စွမ်းရှိမှာလား စစ်ပွဲတွေနဲ့ထိတွေ့မှုမရှိတဲ့အပြင်ကမိသားစုဝင်တွေကရော မာ့ခ်ကိုကူညီပေးနိုင်မှာလား။ ဒီအဖြေတွေကို Triage 2009 movieမှာ ကြည့်ရှုလို့ရပါပြီ။ သဘာဝရုပ်ရှင်တွေကိုကြိုက်တဲ့ရုပ်ရှင်ပရိသတ်တွေအတွက်တော်တော်ကိုပြီးပြည့်စုံတဲ့ဇာတ်ကားတစ်ကားလို့ပြောလို့ရပါတယ်။ File size…(1.8 GB)/(960 MB) Quality….Webrip 1080p / 720p Format…mp4 Duration….01:39:00 Genre…Drama, Thriller, Mystery Subtitle….Myanmar Subtitle (Hardsub) Encoder….Mr. Anderson Translated by Su Eaindra

Jannat 2(2012) Jannat(2008) ရဲ့အဆက်ပါ….ရှေ့ကားကြည့်ထားတဲ့သူတွေအတွက် ဒီကားကိုတော့ ဆက်ညွှန်းလို့မဖြစ်ပါဘူး…ညွှန်းလိုက်ရင် ရှေ့ကားကို လုံးဝကြီး Spoil သလို ဖြစ်သွားမှာစိုးလို့ပါ…Jannat 1 ရော 2 ရော ကြည့်ကြည့်ပါဦး။

မာဗင်တို့ သူငယ်ချင်းတွေက သူတို့လေးစားအားကျရတဲ့အဆိုတော်ရဲ့ ပရိသတ်တွေ စုစည်းကျင်းပတဲ့ ပုံစံတူ တုပဖျော်ဖြေပွဲကို သွားကြည့်မလို့ ကြံရွယ်ရင်း ဖျော်ဖြေပွဲမတိုင်ခင် တောထဲက အိမ်ကြီးထဲကို အပန်းဖြေခရီး ထွက်ခဲ့ကြပါတယ်။ အဲဒီအိမ်ကြီးကို စောင့်ရှောက်ဖို့ခိုင်းထားတဲ့ အမြဲမူးနေတဲ့ အရက်သမားကြီး ဂျိရယ်၊ ဘေးအိမ်က ဘာတွေပြောလို့ပြောနေမှန်းမသိတဲ့ ထူးဆန်းတဲ့လူကြီး ဂယ်ရတ်ရယ်နဲ့အတူ တောအုပ်ထဲက အိမ်ကြီးက သူတို့အတွက်တော့ အတွေ့အကြုံအသစ်တွေကို ပေးစွမ်းခဲ့ပါတယ်။ လူငယ်သဘာဝ ပျော်ပါး သောက်စားရင်း ဂိမ်းတွေဆော့ရင်းနဲ့ မာဗင်က အရက်သမားကြီး ဂျိရဲ့ အရက်တွေကို အလစ်သုတ်ဖို့ကြံရာက သူတို့သူငယ်ချင်းတစ်စုက ထူးခြားဆန်းပြားမှုတွေကို ဘယ်လိုကြုံတွေ့ရမလဲဆိုတာကိုတော့.. File size…(1.4 GB)/(943 Mb) Quality….Webrip 1080p / 720p Format…mp4 Duration….01:02:00 Genre…Horror Subtitle….Myanmar Subtitle (Hardsub) Encoder….Garfield Translated by Emily

တစ်ယောက်ကိုတစ်ယောက် ချောင်းမြောင်းခိုးကြည့်ပြီး အာသာဖြေလေ့ရှိကြပါတယ် နောက်ဆုံးမှာတော့ ပွင့်လင်းလိုက်ကြပြီး အတူနေကြပါတော့တယ် ဘေးအိမ်ကိုပြောင်းလာတဲ့ကြင်စဦးမောင်နှံ ဂျင်ဆောင်းနဲ့ဘိုရာတို့ဟာ လိင်ဆက်ဆံတဲ့နေရာမှာ ကိုက်ညီမှုမရှိကြဘဲ နှစ်ဖက်လုံး ကောင်းကောင်းမပြီးမြောက်နိုင်ကြပါဘူး စတယ်လာတို့အတွဲက ပါတနာချင်းဖလှယ်ပြီး အတွေ့အကြုံကောင်းယူဖို့ ကမ်းလှမ်းချက်ကို ကြင်စဦးမောင်နှံလက်ခံလိုက်ပြီးတဲ့အခါမှာတော့……… File Size : 1.87 GB, 753 MB Quality : 1080p,720p Format…mp4 Duration…01:20:11 Genre : Adult, Drama Subtitle : Myanmar Subtitle (Hard Sub) Translated by ‌SD Encoded by DS

Hoard (2023) IMDb Rating (6.6) / Rotten Tomatoes (94%) မာရီယာက မိခင်ဖြစ်သူ စင်သီယာနဲ့ အမေတစ်ခုသမီးတစ်ခုကြီးပြင်းလာခဲ့ရသူဖြစ်တယ်။ စင်သီယာက စွန့်ပစ်ပစ္စည်းတွေကို‌ကောက်ရတာ ဝါသနာကြီးသူဖြစ်တာကြောင့် အိမ်မှာအမြဲအမှိုက်တွေပွနေတတ်ပြီး သမီးဖြစ်သူနဲ့လည်း အဲ့ကိစ္စကြောင့် စကားများတတ်ကြပါတယ်။ ဒါပေမဲ့ မာရီယာလေး ဆယ်ကျော်သက်အရွယ်ကျောင်းသူဘဝရောက်လာတဲ့အချိန်မှာတော့ မွေးစားမိခင် မီရှဲလ်နဲ့အတူ ဘဝအသစ်တစ်ခုမှာနေနေရပါတော့တယ်။ မာရီယာက ကျောင်းထွက်လိုက်ပြီး ဘာလုပ်မှန်းမသိဖြစ်နေချိန်မှာ မီရှဲလ်အရင်ကစောင့်ရှောက်ပေးခဲ့ဖူးတဲ့ မိုက်ကယ်ဆိုတဲ့လူတစ်ယောက် သူတို့အိမ်မှာလာတည်းဖို့အကြောင်းဖြစ်လာပါတော့တယ်။ မိုက်ကယ်က ချစ်သူကောင်မလေးရှိရက်နဲ့ မာရီယာ့အပေါ်စိတ်ခံစားချက်တွေ ယိုင်နဲ့လာတဲ့အခါတော့ ဘယ်လိုတွေဆက်ဖြစ်မလဲဆိုတာကြည့်ရမဲ့ စိတ်ကျန်းမာရေးအသားပေး ဒရာမာဇာတ်ကားတစ်ကားပဲဖြစ်ပါတယ်။ (အညွှန်းနဲ့ဘာသာပြန်ကတော့ Khant Sett Naing ဖြစ်ပါတယ်။) File size…(2.3 GB) / (1.2 GB) Quality….WEB-Rip 1080p HEVC / 720p Format…. mkv/mp4 Genre….Drama, Romance Duration….02:07:01 Subtitle….Myanmar Subtitle (Hardsub) Encoder….Benjamin Translated by Khant Sett Naing

Girl in the Sunny Place (2013) ****************************** 2011 ခုနှစ် ဆယ်ကျော်သက်ဂျပန်နှုတ်ခမ်းနီမလေးတွေကြားမှာ နံပါတ်တစ်ချိတ်ခဲ့တဲ့ နာမည်ကြီးဝတ္ထုကို အခြေခံရိုက်ကူးထားတဲ့ အရမ်းကောင်းတဲ့ ဂျပန်ရုပ်ရှင်တစ်ကားကို တင်ဆက်ပေးချင်ပါတယ်။ Cast‌ တွေကလည်း 2013 ခုနှစ်မှာပဲ ဒီဇာတ်ကားနဲ့ best couple awardရထားတဲ့အထိ chemistry မိထားတဲ့ ဇာတ်လမ်းလေး ဖြစ်တဲ့အပြင် မင်းသားရော မင်းသမီးရော နာမည်ကြီးတွေဆိုတော့ ရှုစားသင့်တဲ့ ရုပ်ရှင်ကောင်းလေးတစ်ကားပါပဲ။ မာအိုနဲ့ခိုဆုခဲတို့နှစ်ယောက်က ဆယ်ကျော်သက် အထက်တန်းကျောင်းသားအရွယ်က ငယ်ချစ်ဦးတွေပေါ့။ ဒါပေမဲ့ အချစ်ဦးဆိုတာ အဆင်မပြေကြဘူးဆိုတဲ့အတိုင်းပဲ ခိုဆုခဲတစ်ယောက် ကျောင်းပြောင်းသွားချိန်မှာတော့ သူတို့နှစ်ယောက် လမ်းခွဲရင်း အချစ်ဇာတ်လမ်းလေးလည်း တစ်ခန်းရပ်သွားခဲ့ပါတယ်။ ဒါပေမဲ့ ဆယ်နှစ်အကြာမှာ အလုပ်မှာ မာအိုနဲ့ပြန်ဆုံချိန်မှာတော့..တစ်ချိန်က ကျောင်းရဲ့ အပယ်ခံမာအိုဟာ အခုချိန်မှာတော့ သိပ်ကိုလှတဲ့ အမျိုးသမီးတစ်ယောက် ဖြစ်နေခဲ့ပါပြီ။ အချစ်ဦးဆိုတာ နှစ်ပေါင်း 100 ထိ မမေ့နိုင်ဆိုတဲ့အတိုင်းပဲ ခံစားချက်တွေလည်း လတ်ဆတ်နေဆဲမို့လို့ ဆယ်စုနှစ်အကြာမှာ အချစ်တွေကိုပြန်လည်အသက်သွင်းရင်း လက်ထပ်ကြဖို့ပြင်ဆင်ချိန်မှာ မာအိုရဲ့လျှို့ဝှက်ချက်ကြီးတစ်ခုကို ခိုဆုခဲတစ်ယောက် သိလိုက်ရချိန်မှာတော့…. (အညွှန်းကို Mary Christ မှ ရေးသားထားပါတယ်) File size…1.88GB / 909MB Quality… WEB-DL 1080p/ 720p Format…mp4 Duration….2h 09m Genre ….. Romance, Fantasy, Drama Subtitle….Myanmar Subtitle (Hard Sub) Translated by Mary Christ Encoded by AHtet

Do the Mæth (2025) IMDb Rating (6.6) ယခုပြင်သစ် ရုပ်ရှင်ဇာတ်ကားလေးကတော့ လုပ်သားပြည်သူတွေရဲ့ ကိုယ်ရေးကိုယ်တာဘဝနဲ့ လူ့အဖွဲ့အစည်းတွေကြားက မတူညီတဲ့ ဆက်ဆံရေးတွေကို မီးမောင်းထိုးဖော်ပြထားတဲ့ ဇာတ်ကားလေးပဲဖြစ်ပါတယ်။ ဇာတ်လမ်းအကျဉ်း ရေရေရာရာ အလုပ်တစ်ခု ရဖို့ကြိုးစားနေတဲ့ မာရက်က တစ်ရက်မှာတော့ ကုမ္ပဏီတစ်ခုမှာ အလုပ်ရသွားခဲ့ပါတယ်။ကုမ္ပဏီက မာရက်ကို ဘိုဟီးမီးမြောက်ပိုင်းဘက်မှာ တာဝန်ထမ်းဆောင်ဖို့စေလွှတ်ပါတယ်။ သူမသိလိုက်တာတော့ အဲဒီနေရာက ဆေးသမားတွေ၊ အကြမ်းဖက်သမားတွေနဲ့ပြည့်နက်နေတဲ့ နေရာဖြစ်လို့ ဘယ်သူမှကြာကြာ အလုပ်မလုပ်နိုင်တဲ့နေရာ ဖြစ်နေပါတယ်။ အလုပ်မှာလဲ ထင်ထားတာနဲ့တခြား အကုန်တစ်လွဲတွေဖြစ်နေပြီး ကုမ္ပဏီကပေးထားတဲ့တိုက်ခန်းဆိုတာကလည်း ဆေးသမားတွေပျော်စံရာ ဗိမာန်ကြီးတစ်ခု ဖြစ်နေပါတယ်။ ဒီလိုနဲ့ မာရက်တစ်ယောက် ကုမ္ပဏီကဖိအားတွေနဲ့ ဆေးသမားတွေအပြည့်နဲ့ နေရတဲ့တိုက်ခန်းမှာ ဘယ်လိုသမာဓိအားကောင်းကောင်းနဲ့ အဆင်ပြေအောင် ကိုင်တွယ်ဖြေရှင်းနေနိုင်သွားမလဲဆိုတာ စိတ်ဝင်စားဖွယ် ဟာသခန်းများစွာနဲ့အတူ ကြည့်ရှုရမှာပါ။ အဖော်အချွတ်ခန်းများစွာ ပါဝင်ပြီး ကြမ်းတမ်းသော စကားလုံးများပါဝင်မှုတို့ကြောင့် မိသားစုနှင့်အတူ ကြည့်ရှုရန်တော့ မသင့်လျော်ပါ။ (အညွှန်းနဲ့ဘာသာပြန်ကတော့ Brian ဖြစ်ပါတယ်။) File size…(2.8 GB) / (1.1 GB) Quality….WEB-DL 1080p HEVC / 720p Format…. mkv/mp4 Genre….Comedy,Crime Duration….01:42:15 Subtitle….Myanmar Subtitle (Hardsub) Encoder….Double K Translated by Brian