အချစ်က အဖျားလား အဲလိုပြောမယ်ဆိုရင်လည်းရပါတယ် အီရှီဒါကန်တစ်ယောက် လူမှုရေးဘာသာအတန်းထဲက ရာမာမိုတိုကို တွေ့ပြီးနောက် နေလို့မကောင်းတော့ပါဘူး အအိပ်ပျက်အစားပျက်တွေများလာပြီး ကျောင်းဆေးခန်းပြ ရတဲ့အထိဖြစ်လာပါတယ် ကျောင်းဆေးခန်း ဆရာမလေးက အရမ်းကို နုနယ်ချောမောပြီး အချွဲတလိုင်း ဆရာမလေးဖြစ်နေပါတယ် အီရှီဒါကန် ပိုပြီးအချစ်နာကျမလား အချစ်နာတွေပျောက်သွား မလားဆိုတာ ရာမလေးက ချစ်ဖို့ကောင်းပြီး အချွဲကြိုက်တက်တဲ့ DS Fans တွေအတွက် တင်ဆက်လိုက်ပါတယ် Dark Side Production Facebook Page ခနခနပျက်နေတာကြောင့် Telegram https://t.me/Darksideproductionmm မှာ Join ထားပေးကြပါ။ File size…2.08GB / 1GB Quality…1080p / 720p Format…mp4 Duration….1h 58min Subtitle….Myanmar Subtitle (Hard Sub) Encoder….X Cross Translated by Ki Mu Chi

ကဲ CMပရိသတ်ကြီး စောင့်မျှော်နေတဲ့ Triangle of Sadness ကို တင်ဆက်ပေးလိုက်ပါပြီဗျာ.. IMDb 7.8နဲ့ Rotten Tomatoes 70%ရထားတာဆိုတော့ အထွေအထူးပြောနေစရာ မလိုတော့ဘူးလို့ ထင်ပါတယ်.. သရုပ်ဆောင်တွေကတော့ Now You See Me, Venom, Zombieland ဇာတ်ကားတွေနဲ့ ဒိတ်ဒိတ်ကြဲအောင်မြင်ထားတဲ့ မင်းသားကြီး Woody Harrelson နဲ့ Maleficent ထဲက Aurora ရဲ့ချစ်သူမင်းသားလေး Harris Dickinson တို့ပဲ ဖြစ်ပါတယ်.. ဇာတ်လမ်းအကျဥ်း နာမည်ကြီး ဖက်ရှင်မော်ဒယ်စုံတွဲအပါအဝင် ကျိကျိတက်ချမ်းသာတဲ့ သူဌေးတွေဟာ ဒေါ်လာသန်း၂၅၀တန်တဲ့ ဇိမ်ခံသ‌င်္ဘောကြီးနဲ့ အပျော်ခရီးထွက်ကြပါတယ် သ‌င်္ဘောရဲ့ကပ္ပတိန်က အရက်ချိုး သောမတ်စ်ပါ တစ်နေ့မှာတော့ အကြောင်းတစ်ခုကြောင့် ပင်လယ်ထဲမှာ အဲဒီသ‌င်္ဘောကြီး မြုပ်ပါတော့တယ် မော်ဒယ်စုံတွဲအပါအဝင် အသက်ရှင်ကျန်သူတွေဟာ ကျွန်းတစ်ကျွန်း‌ပေါ်မှာ သောင်တင်သွားပြီး ဒုက္ခရောက်ကုန်တော့တာပါပဲ သ‌င်္ဘောက ဘာလို့မြုပ်တာလဲ.. အထက်တန်းစားဘောစိတွေ Survival Mode နဲ့ ရှင်သန်နိုင်ပါ့မလား.. ကျွန်းပေါ်ကနေ လွတ်လမ်းရောရှိမှာလားဆိုတာကို မထင်မှတ်ထားတဲ့ Plot Twistတွေနဲ့ ကြည့်ရမှာ ဖြစ်ပါတယ် ဒီဇာတ်လမ်းရဲ့ အသက်ကတော့ ဇာတ်ကောင်တစ်ယောက်ချင်းစီရဲ့ Personalityတွေပါပဲ လူ့စရိုက်ကို ကွက်ကွက်ကွင်းကွင်းမြင်အောင် ဟာသနှောပြီး ရိုက်ပြထားတာပါ သံဝေဂလည်း အတော်ရဖို့ကောင်းပါတယ် ပုံမှန် အချစ် အလွမ်း အက်ရှင် ဟာသတွေကို ကြည့်ရတာရိုးနေသူတွေအတွက် ဒီကားကအသင့်တော်ဆုံးပါပဲ ပေးရတဲ့အချိန် ၂နာရီကျော်ကို လုံးဝနောင်တမရစေတာမလို့ မြန်မြန်သာဒေါင်းကြည့်လိုက်ပါတော့ဗျာ.. ဪ ဒါနဲ့ Trailerကြည့်ပြီးသားသူတွေတော့ သိလောက်ပြီဆိုပေမယ့် ထမင်းစားရင်းမကြည့်ကြပါနဲ့ CMပရိသတ်ကြီးရေ... File size…1.9GB / 800MB Quality…1080p AMZ WEB DL / 720p Format…mp4 Duration….2h 27m Subtitle….Myanmar Subtitle (Hard Sub) Encoder….YK Translated by Ei Thwal

လူတွေဟာ တိုးတက်လာတဲ့ခေတ်ကြီးနဲ့အတူ ကမ္ဘာကြီးတစ်ခုလုံးနဲ့ ဆက်သွယ်လာနိုင်ပေမဲ့ တကိုယ်ရေပေါင်းသင်းရေးနဲ့ အပြင်လောကမိတ်ဆွေဖွဲ့ရေးတွေမှာတော့ အလုံးစုံကျရှုံးရပါတယ်။ ဆိုရှယ်မီဒီယာအကောင့်ပေါ်မှာ သူငယ်ချင်းထောင်နဲ့ချီပြီးရှိပေမဲ့ ပြင်ပလောကမှာတော့ အထီးကျန်ရှာတဲ့သူတွေဟာ ကွန်ပျူတာစခရင်ရှေ့မှာပဲ အချိန်ဖြုန်းကြရရှာတာပေါ့။ အဲဒီအခါမှာတော့ ဆိုရှယ်မီဒီယာပေါ်မှာ ဝက်ဘ်ကမ် ဖျော်ဖြေရေးသမားဆိုတာ ပေါ်လာပါလေရော။ သူတို့ဟာ တဖက်လူကပေးတဲ့ငွေကြေးအပေါ်မူတည်ပြီး ဝန်ဆောင်မှုတွေပေးကြပါတယ်။ လိင်ကိစ္စ အဖော်အချွတ်တွေ၊ အားပေးစကားပြောတာတွေ၊ သူတပါးကို မြှောက်ပင့်ပြောဆိုပေးရတာတွေ။ တစ်ခါတလေမှာ သူတို့ကိုပေးတဲ့ငွေကြေးက သိပ်များသလောက် ပြန်လုပ်ပေးရတဲ့အရာတွေကလည်း တရားလွန်လာပါတယ်။ အခုတင်ဆက်ပေးမယ့် ဇာတ်ကားအသစ်လေးကတော့ ၂၀၂၂ ခုနှစ်ထွက် horror, crime, student Life ဇာတ်လမ်းလေးပါ။ စတာလင်တက္ကသိုလ်ကို ကျောင်းသားသစ် ခပ်ရိုးရိုးလေးတစ်ယောက်အနေနဲ့ ရောက်ရှိလာတဲ့ ဘရိုင်ယန် ဆိုတဲ့ကောင်လေး မျက်စိသူငယ် နားသူငယ်နဲ့ ကျောင်းသားကြီးတွေကြား ဟိုလိမ့်ဒီလိမ့်ပေါ့။ သူ့အခန်းဖော်ဆီက မန်မော်ရီစတစ် တစ်ချောင်း မှားဖွင့်မိရာကနေ သူနဲ့ သူ့အစ်ကို ပါဝင်ပက်သက်မိတဲ့ ဇာတ်ရှုပ်ကြီးကို ဖြေရှင်းကြရတာပါ။ တယောက်ယောက်ကတော့ ကျောင်းသားတွေရဲ့ ကွန်ပျူတာတွေကို ဟက်ခ်ပြီး သူဖြစ်စေချင်တဲ့ ပုံစံကို ကျုံးသွင်းလို့ သူစိတ်ပျော်ရာအတိုင်း ကြိုးဆွဲနေပါတော့တယ်။ ဘရိုင်ယန်ရယ်၊ သူ့အစ်ကိုရယ်၊ သူ့အခန်းဖော်ရယ်၊ အခြားပတ်သက်ရာ ကျောင်းသူလေးတွေဟာ ဇာတ်ရှုပ်ကြီးကြားထဲမှာ အသက်ပါပေးရတဲ့အဖြစ်ရောက်လာပါတော့တယ်။ Gay အသားပေးဇာတ်ကားဖြစ်လို့ 21+ မဟုတ်ပေမဲ့ အမျိုးသားလိင်အင်္ဂါတွေ၊ ကြမ်းတမ်းရိုင်းစိုင်းတဲ့ စကားလုံးတွေ၊ မိသားစုနဲ့ အမြင်မသင့်တဲ့ လိင်ဆက်ဆံတဲ့အခန်းတွေပါဝင်ပါတယ်။ တစ်ယောက်တည်း ဒါမှမဟုတ် စိတ်တူကိုယ်တူသမားတွေပဲ အတူကြည့်သင့်ပါတယ်။ Gay လောကကို အမြင်မကြည်သူတွေ ရှောင်သင့်တဲ့ကားပါ။ ထပ်ပြောပါ့မယ်။ 21+ လုံးဝမဟုတ်ပါဘူးနော်။ 18+ လည်းမဟုတ်ပါဘူး။ မျှော်လင့်ပြီး ကြည့်လိုက်ပြီးကာမှ ဆဲဆိုနေရမယ့်အဖြစ်မလို့ပါ။ Plot twist ဇာတ်ကားဖြစ်ပြီး ဇာတ်လမ်းဆုံးကာနီးအထိ twist တွေ ကြိုးစားပမ်းစား ထည့်ရိုက်ထားပါတယ်။ ဒါပေမဲ့ ဇာတ်လမ်းအထာနပ်တဲ့သူတွေအတွက်ကတော့ သိပ်ရင်မခုန်ရပါဘူး။ ဒါပေမဲ့ လူကြီးမင်းတို့က ကျောင်းသားဘဝ ငပွေးလုပ်တာတွေ၊ ပါတီတွေ၊ လိင်စိတ်ကြွစကားလုံးတွေနဲ့ အမူအယာ၊ အလှအပတွေကို နှစ်သက်တတ်သူဆိုရင်ဖြင့် ကြည့်သင့်တဲ့ ဇာတ်ကားဖြစ်ပါကြောင်း။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှ တင်ဆက်ထားပါတယ်။) File size…(1.1 GB)/(470 MB) Quality….WEB-DL 1080p/720p Format…mp4 Duration….01:21:29 Subtitle….Myanmar Subtitle (Hardsub) Encoder….Ka Naung Translated by Arr Khun Winchester

၂၀၂၂ ခုနှစ်ထွက် Horror ကားသစ်လေး တင်ဆက်ပေးလိုက်ပါတယ်။ ဒီဇာတ်ကားထဲမှာ အဓိကသရုပ်ဆောင် မင်းသမီးကတော့ I am Number 4, Warm Bodies, Lights Out နဲ့ Hacksaw Ridge မှာ ပါဝင်ခဲ့တဲ့ မင်းသမီးချော Teresa Palmer ပဲဖြစ်ပါတယ်။ ဒီဇာတ်ကားမှာတော့ သူ့ရဲ့ သရုပ်ဆောင်စွမ်းရည် ဘယ်လောက်ကောင်းကြောင်း မြင်တွေ့ရမှာပါ။ ဇာတ်လမ်းအကျဥ်းကတော့ ဆိုးရွားတဲ့ ကားမတော်တဆမှု တစ်ခုမှာ အမြွှာထဲက တစ်ယောက်ဖြစ်တဲ့ နေသန်ကို ဆုံးရှုံးလိုက်ရတဲ့ ရေချယ်နဲ့ အန်တိုနီတို့ဟာ အမြွှာထဲက နောက်တစ်ယောက် အယ်လီရက်နဲ့အတူ ဘဝအသစ်ပြန်စဖို့ နေရာသစ်တစ်ခုကို ပြောင်းရွေ့လာခဲ့ပါတယ်။ သားတစ်ယောက်ကို ဆုံးရှုံးခဲ့ရတဲ့ ‌ရေချယ်ဟာ အယ်လီရက်ကို မျက်စိရှေ့က အပျောက်မခံဘဲ အရိပ်တကြည့်ကြည့်နဲ့ ဖြစ်နေပါတော့တယ်။ နေရာသစ်ကို ရောက်ပြီး မကြာခင်မှာပဲ အယ်လီရက်ရဲ့ အပြုအမူတွေဟာ ထူးဆန်းလာပါတော့တယ်။ ထို့နောက် ရေချယ်ဟာ ပါတီတစ်ခုမှာ ထူးဆန်းတဲ့မိန်းမကြီးတစ်ယောက်နဲ့ ဆုံဖြစ်ခဲ့ပါတယ်။ ထိုမိန်းမကြီးက အယ်လီရက်နဲ့ ပတ်သတ်ပြီး အထူးအဆန်းတွေ ပြောသွားခဲ့လို့ ရေချယ်တစ်ယောက် စိတ်ခုလာပါတော့တယ်။ နောက်တော့ အယ်လီရက်ရဲ့ အပြုအမူတွေဟာ တဖြည်းဖြည်းနဲ့ ပိုပိုဆိုးလာပါတော့တယ်။ ရေချယ် တစ်ယောက် နေရာအသစ်တစ်ခုမှာ ဘယ်လို ထိတ်လန့်ဖွယ်ရာတွေ ကြုံတွေ့ရမလဲဆိုတာ ကြည့်ရှု့ရမယ့် Psychological Horror ကား တစ်ကားဖြစ်ပါတယ်။ အညွှန်း နဲ့ ဘာသာပြန်ကတော့ Leonard Lin ပဲ ဖြစ်ပါတယ်။ Genre.....Horror, Thriller Quality….1080p | 720p| 480p File size…1.5GB and 788MB and 291MB Format…mp4 Duration….1h 48min Subtitle….Myanmar Subtitle (Hardsub) Translator ..... Leonard Lin Encoder ..... August

The Xrossing (2020) ================= ဒေါသတွေ ပူလောင်မှုတွေကြီးစိုးလာတဲ့အခါ လူတွေက မဆင်ခြင်ဘဲ အမှားတွေလုပ်မိတတ်ကြပါတယ်။ ခရစ္စဆိုတဲ့အနုပညာသင်တန်းကျောင်းက မှတ်တမ်းရုပ်ရှင် လေးတွေ ဖန်တီးရတာကြိုက်တဲ့ကောင်လေးဟာ သူကြိတ် ကြိုက်နေရတဲ့ကောင်မလေးနဲ့အတူတူ အနုပညာတွေဖန်တီးရင်း အေးအေးနေတတ်သူပါ။ တစ်နေ့မှာတော့ သူငယ်ချင်းနှစ်ယောက်ဖြစ်တဲ့ ရှိန်းနဲ့အန်းဂက်စ် တို့နဲ့အတူ ထရေစီမာယာဆိုတဲ့ ကောင်မလေးကိုသတ်တဲ့တရားခံလို့ ယူဆသူတစ်ဦးနောက်ကိုလိုက်ရင်း လူငယ်ဆန်ဆန်မိုက်ရူးရဲတဲ့ အပြုအမူတွေလိုက်လုပ်မိတဲ့အခါ သူတို့သူငယ်ချင်းသုံးယောက်ရဲ့ ဘဝတွေ ဘယ်လိုပြောင်းလဲသွားမလဲ။ သူတို့သံသယဝင်နေတဲ့ လူကြီးကရော တရားခံအစစ်လား ထရေစီဘာကြောင့် သေသွားခဲ့တာလဲ၊ စတာတွေကို ဒီကားလေးထဲမှာ စိတ်ဝင်စားဖွယ်ရာ ကြည့်ရှုရမှာပဲဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Lwin Lwin Aung ဖြစ်ပါတယ်) File Size……….(1.43 GB) / (707 MB) / (476 MB) Quality…………WebRip 1080p / 720p / 480P Duration………1Hr 48mins Subtitle………..Myanmar Hardsub Format…………MP4 Genre…………..Crime, Drama, Thriller Translator…….Lwin Lwin Aung Encoder……….SWM

အိမ်တစ်အိမ်မှာ လူမရှိရင် တံခါးပိတ်ထားတတ်ကြတယ်မလား ? အဲ့ဒီလိုပဲ ရွာသားတွေတစ်ယောက်မှမရှိလို့ အဲ့ဒီရွာကို “တံခါးပိတ်ရွာ” လို့နာမည်ပြောင်းခေါ်လာကြပါတယ်။ တံခါးပိတ်ရွာလေးက အရင်က “လေသာရွာ” လို့ခေါ်ပါတယ်။ နာမည်နဲ့လိုက်အောင် ရွာသားတွေအများကြီးနဲ့ သာယာနေတဲ့ရွာလေးပေါ့။ အဲ့ဒီရွာလေးက အခုတော့ခြောက်ကပ်ခြင်းအတိနဲ့ တိတ်ဆိတ်နေရပါပြီ ။ ဟူတုန်းဟိုင်တို့ လမ်းတံတားပြုပြင်ရေးအဖွဲ့က ပရောဂျက်တစ်ခုပြသာနာတက်လို့ တံခါးပိတ်ရွာလေးကို ဖြတ်သန်းသွားဖို့အကြောင်းဖန်လာပါတော့တယ်။ ထုံးစံအတိုင်း ညနက်သန်းခေါင်အချိန် တောလမ်းမကြီးမှာ ဘီးပေါက်ပြီး မီးအလင်းရောင်ရှိတဲ့ရွာထဲ အကူအညီတောင်းဖို့ရောက်သွားတယ်ပေါ့။ ရွာထဲဝင်ပြီးကာမှ မီးအလင်းရောင်လည်းမတွေ့ရ။ ခြံအဟောင်းကြီးထဲမှာ တဝဲလည်လည်ဖြစ်နေတုန်း အတူတူပါလာတဲ့သူငယ်ချင်းနဲ့လည်း လူစုကွဲသွားပါတယ်။ မရှိမဲ့ရှိမဲ့ သတ္တိကိုစုစည်းပြီး ဟူတုန်းဟိုင်တစ်ယောက် လမ်းပျောက်နေတုန်း ခြံပိုင်ရှင်လင်မယားနဲ့တွေ့ပြီး ရွာကြီးအကြောင်းမေးကြည့်တဲ့အခါ…. အဲ့ဒီရွာကြီးမှာ ရွာသားတွေဘာလို့မရှိကြတာလဲ? ဟူတုန်းဟိုင်ကရော အဲ့ဒီရွာကြီးနဲ့ ဘယ်လိုပတ်သက်မှုရှိနေမလဲဆိုတာ ကြောက်ကြောက်နဲ့ပဲ ဆက်ကြည့်လိုက်ပါတော့နော်။

ရုပ်ရှင်တွေထဲမှာ ကမ္ဘာကျော် သိပ္ပံစိတ်ကူးယဉ်ဇာတ်လမ်းတွဲတွေအများကြီးရှိပါတယ်။ Star Wars, Star Treks စသည်ဖြင့်ပေါ့။ အဲဒီလိုပဲ အခုတင်ဆက်လိုက်တဲ့ Planet of the apes တွေကလည်း ဂန္ဓဝင်ပါပဲ။ စုစုပေါင်း ၅ ကား မူလထွက်ရှိခဲ့ပါတယ်။ နောက်ထပ် သုံးကားထွက်ရှိခဲ့ပါတယ်။ မူရင်း ၅ ကားကတော့ Planet of the Apes (1968) Beneath the Planet of the Apes (1970) Escape from the Planet of the Apes (1971) Conquest of the Planet of the Apes (1972) Battle for the Planet of the Apes (1973) တို့ဖြစ်ပြီး ချန်နယ်မြန်မာမှာ ငါးကားလုံးကြည့်ရှုနိုင်ပြီဖြစ်ပါတယ်။ ဒီကားလေးကတော့ Planet Of The Apes ရဲ့ နောက်ဆုံး ၅ကားမြောက်ကားလေးလည်းဖြစ်ပါတယ် အရင်ကားမှာတော့ ဆီဆာရဲ့ခေါင်းဆောင်မှုနဲ့ မျောက်တွေဟာ ကျွန်ဘဝကနေလွတ်မြောက်ပြီး နယ်မြေအသစ်ဆီကိုထွက်သွားခဲ့ကြတာပါ သူတို့နဲ့အတူ တချို့လူသားတွေလည်းပါသွားခဲ့ကြတာပေါ့ ဇာတ်လမ်းအကျဉ်း ဆီဆာရဲ့ အောင်မြင်မှုကြီးပြီးတဲ့နောက်မှာပဲ လူသားတွေရဲ့သမိုင်းမှာအဆိုးရွားဆုံးစစ်ပွဲပြီးဖြစ်ခဲ့ကြီး ကမ္ဘာကြီးတစ်ခုလုံးပျက်စီးသွားခဲ့တာပါ အဲဒီအချိန်မှာ ဆီဆာတို့ကတော့ တောထဲတစ်နေရာမှာ စခန်းချရင်း လူသားတချို့နဲ့ အတူတူနေထိုင်နေကြတာပါ အဲဒီလိုနဲ့တစ်နေ့မှာတော့ ဆီဆာ နဲ့ မက်ဒေါနယ်တို့စကားပြောရင်းသူ့အဖေနဲ့ အမေကို စစ်ဆေးထားတဲ့ ကော်မရှင်ရဲ့မှတ်တမ်းတွေရှိနေတာကို ဆီဆာကသိသွားခဲ့ပါတယ် အဲဒီတိပ်ခွေတွေကို သွားယူဖို့အတွက် အရင်ကလူတွေအုပ်ချုပ်ခဲ့တဲ့ မြို့ပျက်ကြီးဆီကို သူတို့တွေထွက်သွားခဲ့ကြတာပါ အဲဒီမှာပဲ စစ်ပွဲကြောင့် မသေဘဲကျန်နေခဲ့တဲ့သူတွေက သူတို့ကိုတွေ့သွားပြီး သူတို့ဘယ်မှာနေလဲဆိုလိုက်ရှာပါတော့တယ် အဲဒီလိုလိုက်ရှာရင်းနဲ့ သူတို့ မျောက်မြို့တော်ကြီးကိုတွေ့သွားကြလား တွေ့သွားရင်ရောဘာလုပ်ကြမှာလဲ ဆီဆာတို့ကရောဘယ်လိုစီစဉ်ထားလဲဆိုတာ စိတ်ဝင်တစားနဲ့ကြည့်လို့ကောင်းမှာပါ နောက်တစ်ခုကတော့ ဆီဆာရဲ့ စစ်တပ်ကြီးကို အုပ်ချုပ်ရတဲ့ ဗိုလ်ချုပ် အယ်ဒိုဆိုတဲ့ ဂေါ်ရီလာမျောက်ကြီးပါပဲ သူကတော့ လူသားတွေကို အရမ်းမုန်းတီးနေတဲ့မျောက်ကြီးပေါ့ အဲဒီထက်ဆိုးတာကတော့ သူဟာ စာလည်းမသင်ချင်လို့ စာလည်းကောင်းကောင်းမတတ်ပါဘူး သူ့ရဲ့ဇာတ်ကောင်ကို ၁၉၇၃ ခုနှစ်ကနေ ၂၀၂၂ခုနှစ်အထိ ခေတ်မီနေအောင်တွေးပေးထားတဲ့ ဒါရိုက်တာကိုတော့ ချီးကျူးသင့်တယ်ထင်တာပါပဲ အသေးစိတ်ကိုတော့ဇာတ်ကားထဲမှာပဲဆက်လက်ကြည့်ရှုလိုက်ကြပါဦးခင်ဗျာ File size…(1.48GB/(892MB/(452MB) Quality….Webrip 1080p / 720p / 480p Format…mp4 Duration….01:33:00 Genre…Action / Sci-fic Subtitle….Myanmar Subtitle (Hardsub) Encoder….Mr. Anderson Translated by Garfield Planet of the Apes (1968) download link Beneath the Planet of the Apes (1970) download link Escape from the Planet of the Apes (1971) download link Conquest of the Planet of the Apes (1972) download link Battle for the Planet of the Apes (1973) download link

Anatomy of Time (2021) နာမည်နဲ့လိုက်အောင်ကိုပဲ ဒီကားရဲ့ အချိန်စဉ်တွေက ဟိုတစ်စ ဒီတစ်စဆိုသလိုဖြစ်နေတယ်။ အဖြစ်အပျက်စဉ်အလိုက်တော့မဟုတ်ဘူး ဒါပေမဲ့ အချိန်ကာလအားဖြင့်တော့ ၂ခုကို သုံးထားတယ်။ မိန်းမတစ်ယောက်ရဲ့ အပျိုဘဝနဲ့ အဘွားကြီးဖြစ်သွားတဲ့အချိန်ပေါ့။ ဒီနေရာမှာ သူက ဒီအမျိုးသမီးရဲ့ ငယ်ဘဝကို ပုံဖော်တဲ့နေရာမှာ အရောင်တွေစိုစိုပြည်ပြည်သုံးထားသလို ခန္ဓာလှုပ်ရှားပုံဖော်မှုတွေကအစ ရမ္မက်နဲ့သိချင်စိတ်ကို မြင်နေရတယ်။ တော်တော်လေးသိသိသာသာပါပဲ။ ဒါတော့ ဒီထိုင်းဒါရိုက်တာရဲ့ အားသာချက်လို့ပြောရမလား မင်းသမီးရဲ့သရုပ်ဆောင်စွမ်းကိုပဲ ချီးကျူးရမလားပါပဲ။ နောက် သူ့အဖေက နာရီပြင်ဆရာဖြစ်သလို ဒီကားရဲ့ အပြတွေရဲ့ ဖြည့်စွက်မှုတစ်ခုလိုဖြစ်နေတဲ့ အရှေ့တိုင်းဖလော်တွေကို ပြောသွားတဲ့လူပေါ့။ ဒီဇာတ်ကောင်ကို တည်ဆောက်ထားတာ တော်တော်ဝေဝါးပေမဲ့ သူ့ထည့်ချင်တဲ့အဖြည့်တစ်ခုနဲ့ ပဟေဠိတစ်ခုကို ထည့်ပေးနိုင်တဲ့ ဇာတ်ကောင်လို့မြင်ရတယ်။ နောက်ထပ်မြင်ရတဲ့ ဇာတ်ကောင်က မင်းသမီးရဲ့ ယောက်ျားဖြစ်လာမယ့်သူတစ်ဖြစ်လဲ ဖြစ်နေတဲ့သူတစ်ဖြစ်လဲ စစ်ခေါင်းဆောင်တစ်ယောက်။ သူလည်းမထူးဘူးပြောရမလိုလိုပဲ ။ သူ့မကောင်းမှုတွေများတာကို သိရပေမဲ့ အဲဒီမကောင်းမှုတွေက ဘယ်လောက်ထိတာသွားသလဲတော့ ရေရေရာရာပြမသွားဘူး။ ဒါတော့ သူ့အပြအပိုင်းပေါ့။ သူ့ခေတ်က ထိုင်းနိုင်ငံရဲ့ အာဏာရှင်စနစ်နဲ့ ကွန်မြူနစ်သူပုန်တွေကြားက တင်းမာမှုတွေရှိခဲ့တဲ့ ဆိုးဆိုးရွားရွားခေတ်တစ်ခုမှာတည်ထားတယ်။ တိုင်းပြည် ဒုက္ခဝေတဲ့ခေတ်ပေါ့။ ဒီကားရဲ့ အဓိကပုံဖော်မှုဟာ ခေတ်ရယ် သူ့ဖလော်အတိုင်း အကျိုးအဆက်ရယ်လို့တော့ ထင်သာမြင်သာရှိနေတယ်။ ခုနဇာတ်ကောင်တွေအားလုံးဟာလည်း အချိန် နိုင်ငံနဲ့ လူတွေကို ကိုယ်စားပြုထားတဲ့ ဇာတ်ကောင်တွေလို့လည်း မသိမသာတော့ ပုံပေါ်နေတယ်။ ဘာအကြောင်းလဲမေးလာရင်တော့ ခေတ်ပျက်ကြီးတစ်ခုပေါ့ အဲဒီထဲကလူတွေပေါ့။ အဲဒီထဲက အမိနိုင်ငံတစ်ခုပေါ့။ နောက်ပြီးတော့ အဲဒီအရာတွေအားလုံးကို တိုက်စားသွားတဲ့အချိန်ပေါ့။ အဲဒီလူတွေရဲ့မကောင်းမှုတွေကိုလည်း အချိန်အဆက်ဆက်ကိုဖြတ်ပြီး အဲဒီနိုင်ငံကြီးက မစွန့်မပစ် ထွေးပိုက်ထားတုန်းပဲ။ Genre….. Drama Quality…. 1080p | 720p | 480p File size… 1.9GB | 946MB | 468MB Format… mp4 Duration…. 1h 58min Subtitle…. Myanmar Subtitle (Hardsub) Translator ….. Sandaku Encoder ….. Aaron

IMDb – 6.6/10 ~ Rotten tomatoes – 79% ဒေးဗစ်ဆန် မိသားစုက ချမ်းသာကြပေမဲ့လည်း သူတို့ရဲ့မိသားစုဝင်အချင်းချင်းဆက်ဆံရေးကတော့ မကောင်းကြပါဘူး။ မိသားစုဝင်တွေလည်း စုံစုံလင်လင်အတူမရှိရတာကြာပြီဖြစ်တဲ့အတွက် ပေါလ်နဲ့ အာဘရီတို့က သူတို့ရဲ့ 35 နှစ်ပြည့်မင်္ဂလာနှစ်ပတ်လည်နေ့လေးကို ကလေး ၄ ယောက်နဲ့အတူ လူသူမနီးတဲ့ တောထဲကအိမ်ကြီးမှာလုပ်ရင်း မိသားစုဝင်အချင်းချင်းပြန်ပြီးနွေးထွေးမှုရအောင်လုပ်ဖို့ အစီအစဥ်ဆွဲခဲ့ကြပါတယ်။ ဒီလိုနဲ့ သူတို့အကုန်အကုန်လုံးပျော်ပျော်ပါပါး နှစ်ပတ်လည်နေ့ကို အောင်ပွဲခံတဲ့ညမှာပဲ မျက်နှာဖုံးနဲ့လူသ-တ်သမားတွေရောက်လာပြီး လူတိုင်းကိုလိုက်သ-တ်ပါတော့တယ်။ ဒီအခြေအနေမှာ သူတို့မိသားစု အသက်ရှင်ကြမလား သူတို့ရဲ့ မိသားစုကံကြမ္မာက ဘယ်လိုဖြစ်လာမလဲ ဒီလူသ-တ်သမားတွေကရော ဘယ်က‌နေပြီး ဘာကြောင့် ရောက်လာကြလဲဆိုတာကိုတော့ ဆက်လက်ကြည့်ရှုလိုက်ကြပါဦး။ 2011 ထွက်ရုပ်ရှင်ကားကောင်းတကားဖြစ်တဲ့အပြင် အသ-တ်အဖြတ်ခန်းတွေ၊ သွေးသံရဲရဲတွေ မြိုင်မြိုင်ဆိုင်ဆိုင်ပါဝင်တာမလို့ ၁၈ နှစ်အောက်ကလေးတွေတော့မကြည့်ရှုသင့်ပါဘူး။ File size… 1.2 GB / 500 MB Quality… BluRay 1080p / 720p Format… mp4 Duration…. 1h 35m Genre ….. Horror Subtitle…. Myanmar Subtitle (Hard Sub) Encoder…. Min Wai Translated by TMMT

Poultrygeist: Night of the Chicken Dead (2006) Genre – Comedy, Horror, Musical IMDB – 6.0/10 (ရုပ်ရှင် မကြည့်ခင် သတိပေးလိုတာကတော့ ၁၈ နှစ်အောက်မကြည့်ကြပါနဲ့၊ ထမင်းစားရင်း မကြည့်ကြပါနဲ့) Troma Entertainment ဆိုတာက ဘတ်ဂျတ်နည်းနည်း Independent ရုပ်ရှင်မျိုးတွေ ထုတ်ပေးတဲ့ ကုမ္ပဏီပါ။ သူ့ဆီက ထွက်လာတဲ့ကားတွေက လူကြီးတွေအတွက်သာ ရည်ရွယ်ထားပြီး ၁၉၅၀ ခုနှစ်စတိုင် Horror-Comedy တွေဖြစ်ပြီး သွေးသံတရဲရဲ သတ်တာဖြတ်တာ ပါမယ် ကိုယ်လုံးတီးတွေ ဗုံးဗောလအော ပါမယ် သောက်တလွဲဇာတ်လမ်း ဇာတ်ကောင်တွေ ပါမယ် ဒါ သူ့ ထူးခြားမှုပေါ့။ သူတို့ဆီက ရုပ်ရှင်တွေကြည့်မယ်ဆို ယုတ္တိဆန်တာတွေ တွေးခေါ်တာတွေ အကုန်မေ့ပစ်လိုက်ပါ ဘာလို့လဲဆိုတော့ သူတို့ကားတွေက Fuk-up ဖြစ်ပြီး သောက်ဆန်းတွေမို့လို့ပါ။ သူတို့ဆီက နာမည်ကြီးကား ၁၉၈၄ ထွက် Toxic Avenger ကိုတောင် ဒီနှစ်ထဲမှာ နာမည်ကြီးတွေဖြစ်တဲ့ Elijah Wood တို့ Kevin Bacon တို့ Peter Dinklage တို့နဲ့ ပြန်ရိုက်ကူးထားပြီး သိပ်မကြာခင် ထွက်ရှိလာတော့မှာပါ။ ကဲ ဇာတ်လမ်းအကြောင်းပြောရမယ်ဆိုရင်တော့ အစကတည်းက သောက်တလွဲပါပဲ။ အာဘီဆိုတဲ့ လူငယ်လေးက သူနဲ့ သူ့ကောင်မလေးတို့ အင်ဒီးယန်းသချိုင်းကြီးပေါ် ချစ်ရည်လူးခဲ့ရာမှာ မအောင်မြင်ခဲ့လို့ တစ်နှစ်ကြာတော့ အလွမ်းပြေအနေနဲ့ သွားကြည့်ရာမှာ အလွယ်စား ကြက်ကြော်ဆိုင်ကြီး ဖြစ်နေပါပြီ။ အရှေ့မှာလည်း ခရိုနီတွေကို ဆန့်ကျင်ဖို့ရယ် အင်ဒီးယန်းတွေအတွက် ကြက်တွေအတွက် ဆန္ဒပြပွဲကြီးလည်း ရှိနေပါတယ်။ အဲဒီထဲမှာ သူ့ ချစ်သူဝန်ဒီ ပါနေပြီး သစ္စာမဖောက်ဘူးပြောထားပေမဲ့ Lesbian တစ်ယောက် ဖြစ်လို့ နေခဲ့ပါပြီ။ ဒီဟာကို စိတ်နာပြီး အာဘီတစ်ယောက် ရွဲ့ပြမယ်ဆိုပြီး ဒီ ကြက်ကြော်ဆိုင်မှာ အလုပ်ဝင်လုပ်ပါတော့တယ်။ ဒီအချိန်မှာပဲ ဒီ ကြက်ကြော်ဆိုင်ဟာ အင်ဒီးယန်းသချိုင်းပေါ် တည်ဆောက်ထားတဲ့အတွက် အင်ဒီးယန်းဝိဉာဉ်တွေဟာ ကြက်ကြော်ဆိုင်က ကြက်တွေကို ဝင်ပူးပြီး တွေ့သမျှ အကုန်သတ်ဖြတ်ကြတဲ့ အခါမှာတော့ အာဘီတစ်ယောက် ချစ်သူနဲ့ သူကိုယ်တိုင် အသက်ရှင်သန်ဖို့ ရုန်းကန်ရပါတော့တယ်။ File size… 1 GB / 666 MB Quality… BluRay 1080p / 720p Format… mp4 Duration…. 1h 43m Genre ….. Horror , Comedy Subtitle…. Myanmar Subtitle (Hard Sub) Encoder…. Thit San Khant Translated by Thura Aung

ဒီဇာတ်ကားလေးကတော့Dark Fantasy အမျိုးအစားလေးပါ ဟယ်လန်နာဆိုတဲ့ကောင်မလေးဟာ တစ်ညမှာအိပ်ပျော်နေရာကနိုးလာတဲ့အခါ သူမ,မရောက်ဖူးတဲ့နေရာတစ်ခုကိုရောက်ရှိနေပါတယ် အဲ့ဒီနေရာမှာရှိတဲ့လူတွေအားလုံးဟာမျက်နှာဖုံးတွေတပ်ထားကြပါတယ် သူလိုက်စုံစမ်းရင်းကနေ အဲ့ဒီနေရာဟာအလင်းမြို့တော်ဆိုတာကိုသိခဲ့ရပါတယ် အလင်းမြို့တော်နဲ့ကပ်လျက်ရှိနေတာကတော့ အရိပ်တိုင်းပြည်ပါ။ အကြောင်းအရင်းတစ်ခုကြောင့် အလင်းမြို့တော်နဲ့အရိပ်တိုင်းပြည်ကြားက ဟန်ချက်ညီမျှမှုကြီး ကျိုးပျက်သွားပြီး အလင်းမြို့တော်ကအဖြူရောင်ဘုရင်မဟာနိုးမလာတော့ဘဲအိပ်မောကျသွားပါတယ် ဟယ်လန်နာတစ်ယောက် အဖြူရောင်ဘုရင်မပြန်လည်နိုးလာဖို့နဲ့ မြို့နှစ်ခုကြားက ဟန်ချက်ညီမျှမှုကြီးကို ပြန်လည်တည်ဆောက်ပေးဖို့အတွက်ကြိုးစားပါတော့တယ် ဟယ်လန်နာဟာ အဲ့ဒီနေရာကြီးကိုဘာကြောင့်ရောက်သွားတာလဲ အလင်းမြို့တော်ကြီးကိုအရင်လိုပုံမှန်ဖြစ်အောင်ကယ်တင်နိုင်ပါ့မလား သူမကရော သူမရဲ့အရင်ကမ္ဘာကိုပြန်ရောက်နိုင်ပါ့မလားဆိုတာကို ဇာတ်ကားလေးထဲမှာ စိတ်ဝင်စားဖွယ်ကြည့်ရှုရမှာပါ File size…(1.9GB)/(1 GB) Quality….Webrip 1080p / 720p Format…mp4 Duration….01:41:00 Genre…Fantasy Subtitle….Myanmar Subtitle (Hardsub) Encoder….Mr. Anderson Translated by Ruby Jane

ဒုတိယကမ္ဘာစစ်အတွင်းက ဗြိတိသျှတော်ဝင်လေတပ်မှာ အသက် ၂၁ နှစ်နဲ့ အသက်အငယ်ဆုံး ဒုတိယဗိုလ်မှူးကြီးအဖြစ် သမိုင်းဝင်ခဲ့တဲ့ တိုက်လေယာဉ်မှူး အိုင်ယာလန်နိုင်ငံသားလေး ဘရက်ဒန်ရဲ့ဖြစ်ရပ်မှန်ကို ရိုက်ကူးတင်ဆက်ထားတဲ့ ဒီဇာတ်ကားက ဆုပေါင်း ၅၂ ဆုနဲ့ nomination ၇ ဆုဝင်ထားတာပါ။ ဇာတ်လမ်းနာမည်က Shamrock ဆိုတာက အိုင်ယာလန်နိုင်ငံသားတွေရဲ့ သင်္ကေတ အရွက်၃ရွက်ပါ ရှန်မ်ရော့ခ်သစ်ရွက်လေးကို ညွှန်းဆိုတာဖြစ်ပြီး Spitfire ဆိုတာကတော့ ဒုတိယကမ္ဘာစစ်အတွင်း နာမည်ကျော်ခဲ့တဲ့ ဗြိတိန်တိုက်လေယာဉ်ဖြစ်ပါတယ်။ လေယာဉ်ရဲ့ အင်ဂျင်က မြင်းကောင်ရေအား ၁၀၄၀ အားရှိပြီး Rolls Royce မာလင်အင်ဂျင်ဖြစ်ကာ တစ်နာရီကို အမြင့်ဆုံး ၃၇၄ မိုင်နဲ့ ပေ ၃၇၀၀၀ လောက်အထိကို ပျံသန်းနိုင်ခဲ့တယ်လို့ ဆိုပါတယ်။ အဖေက အိုင်ယာလန်ဖြစ်ပြီး အမေ အင်္ဂလိပ်လူမျိုးက မွေးဖွားလာတဲ့ ဘရက်ဒန် ဖီနူကန်လေးက ငယ်စဉ်ကတည်းက ပျံသန်းလိုစိတ်ပြင်းပြသူလေးပါ။ အသက်အရွယ်ရောက်လာတော့ တော်ဝင်လေတပ်ရဲ့ လူသစ်ခေါ်စာကိုတွေ့ပြီး အိပ်မက်တွေကိုအကောင်အထည်ဖော်ဖို့ ကြိုးစားခဲ့ရာမှာ အခက်အခဲအတားဆီးတွေကြားက တပ်စုခေါင်းဆောင်၊ တပ်စုခေါင်းဆောင်ကနေ ဒုတိယဗိုလ်မှူးကြီးအဆင့်အထိ ရောက်ရှိအောင် ဘယ်လိုတက်လှမ်းခဲ့ရသလဲ၊ ဘယ်လိုအခက်အခဲ အတားအဆီးတွေဖြတ်ကျော်ခဲ့ရလဲဆိုတဲ့ အိုင်ယာလန်နိုင်ငံသား Spitfire လေယာဉ်မှူးလေးရဲ့ ဘဝ အနိမ့်အမြင့် အတက်အကျတွေကို ရှုစားကြည့်လိုက်ကြပါဦး။ (ဒီဇာတ်လမ်းရဲ့ အညွှန်းနဲ့ ဘာသာပြန်ကတော့ Emily ပါ။) File size…(1.1 GB)/(547 MB) Quality….Webrip 1080p / 720p Format…mp4 Duration….01:44:00 Genre…War , Drama Subtitle….Myanmar Subtitle (Hardsub) Encoder….Mr. Anderson Translated by Emily

၁၉၉၈ ခုနှစ်က ပြဇာတ်ရေးဆရာ Donald Margulies ရဲ့ ပူလစ်ဇာဆုရပြဇာတ်ကို မှီငြိမ်း ရိုက်ကူးထားတာဖြစ်ပါတယ်။ အိမ်ထောင်သက်တမ်းလည်း ကြာပြီဖြစ်သလို သူငယ်ချင်းတွေ ဖြစ်ခဲ့ကြတာလည်း ကြာပြီဖြစ်တဲ့ အိမ်ထောင်သည်စုံတွဲ (၂) တွဲဖြစ်တဲ့ ဂေ့ဘ် နဲ့ ကယ်ရန်၊ တွမ် နဲ့ဘက် ဟာ ကလေး (၂) ယောက်စီရပြီးချိန်အထိ အစားအသောက်ဝေဖန်ရေးဆောင်းပါးရှင် ဂေ့ဘ် နဲ့ ကယ်ရန် တို့ရဲ့ လက်ရာကို မြည်းစမ်းကြရင်း ဂေ့ဘ်တို့အိမ်မှာ ညစာပါတီကျင်းပကြတဲ့ အလေ့အထကို နှစ်များစွာကြာအောင် ထိန်းသိမ်းခဲ့ပါတယ်။ တစ်ညမှာ ဘက် နဲ့ ကလေး (၂) ယောက်ပဲ ဂေ့ဘ်တို့ရဲ့ ညစာစားပွဲကို ရောက်လာနိုင်ခဲ့ပါတယ်။ တွမ်တစ်ယောက် ဒီစီကို သွားနေရတယ်လို့ ဘက်ကပြောပြီး ညစာကို ထုံးစံအတိုင်း အတူတူစားပြီးတဲ့နောက် ဂေ့ဘ်နဲ့ ကယ်ရန်ကလည်း သူတို့ရဲ့ ခရီးစဉ်အကြောင်းကို ရွှန်းရွှန်းဝေအောင် ပြောနေကြပါတယ်။ ဘဝကို ပျော်ရွှင်စွာဖြတ်သန်းပြီး စိတ်တူကိုယ်တူပြောဆိုနေကြတဲ့ ဂေ့ဘ် တို့ (၂) ယောက်ကိုကြည့်ပြီး ဘက်က မခံစားနိုင်တော့ဘဲ ရင်ဖွင့်လာခဲ့ပါတော့တယ်။ တွမ်က သူ့ကို ထားခဲ့တော့မှာဖြစ်တဲ့အကြောင်း၊ နန်စီဆိုတဲ့လေယာဉ်မယ်နဲ့ တွေ့နေပြီဆိုတဲ့အကြောင်း သူ့ကို ရင်ဖွင့်ခဲ့တာတွေ၊ သူတို့ ကွာရှင်းတော့မယ်ဆိုတဲ့အကြောင်းတွေကို ပြောရင်းနဲ့ ငိုချလာခဲ့ပါတော့တယ်။ အားရပါးရ ရင်ဖွင့်ခဲ့ပြီးနောက်မှာတော့ ဘက်က ကလေး (၂) ယောက်နဲ့အတူ အိမ်ကို ပြန်လာခဲ့ပါတယ်။ ထိုအချိန်မှာ ဒီစီကို သွားနေပြီဖြစ်တဲ့ တွမ်ကလည်း ရောက်ချလာခဲ့ပြီး လေယာဉ်ခရီးစဉ် ဖျက်သိမ်းလို့ ပြန်လာခဲ့တာဖြစ်ကြောင်း ဘက်ကို ပြောပြကာ ညစာစားပွဲအကြောင်းကို မေးမြန်းခဲ့ပါတယ်။ နည်းမျိုးစုံအစ်အောက် မေးမြန်းပြီးနောက်မှာ တွမ်က ဂေ့ဘ်တို့ကို ရင်ဖွင့်ခဲ့ပြီလားလို့ စွပ်စွဲမေးမြန်းခဲ့ပါတယ် သူတို့ (၂) ယောက်လုံးဆုံမှ ကွာရှင်းမယ့်အကြောင်း ဂေ့ဘ်နဲ့ကယ်ရန်တို့ကို မျက်နှာချင်းဆိုင်ပြောဖို့ သဘောတူထားတာ ဖြစ်တဲ့အကြောင်း တစ်ယောက်တစ်ခွန်း ပြောကြရင်း ရန်ဖြစ်ခဲ့ကြပါတယ်။ လုံးလားထွေးလားအခြေအနေကနေ ပွေ့ဟယ်ဖက်ဟယ် နဲ့ ချစ်ပွဲဝင်ခဲ့ကြပြန်ပါတယ်။ ဂေ့ဘ်နဲ့ ကယ်ရန်တို့ကလည်း ဘက်စကားကိုပဲ မယုံသင့်ကြောင်း၊ တွမ်ရဲ့စကားကိုလည်း နားထောင်သင့်ကြောင်း ဂေ့ဘ်က တစ်ဖက်၊ ကယ်ရန်ကလည်းမိသားစုအပေါ် သစ္စာဖောက်သွားတဲ့ တွမ့်ကို ခွင့်မလွှတ်သင့်ကြောင်း ငြင်းခုန်နေချိန်မှာပဲ တွမ်က ပေါက်ချလာခဲ့ပါတော့တယ်။ ကယ်ရန်က တွမ်ကို မတွေ့ချင်ပေမယ့် ဂေ့ဘ်က မေတ္တာရပ်ခံခဲ့တာကြောင့် ဧည့်ခံစကားပြောခဲ့ပေမယ့် သဘောထားချင်း မတိုက်ဆိုင်ကြဘဲ စိတ်ဆိုးပြီး အိပ်ရာဝင်သွားပါတော့တယ်။ တွမ်က ဂေ့ဘ်တစ်ယောက်တည်းကိုပဲ ဘက်က သူ့ကို မထိတွေ့တော့တဲ့အကြောင်း၊ သူ စမ်းသပ်မှုတစ်ခု လုပ်အပြီးမှာတော့ ဘက်က သူ့ကို တစ်ပတ်တိတိ မထိတွေ့ဘဲနေနိုင်ကြောင်း သိပြီးတဲ့အခါမှာ ကြေကွဲရပုံတွေကို ရှင်းပြရင်း သူနဲ့ စိတ်သဘောထားချင်းတူတဲ့ နန်စီကို တွေ့ခဲ့တာဖြစ်ကြောင်း ပြောပြခဲ့ပါတယ်။ အိမ်ထောင်ရေးတစ်ခုမှာ နှစ်ဦးနှစ်ဖက် ဘယ်သူမှားတယ်မှန်တယ်ဆိုတာကို လက်ညှိုးထိုး ငြင်းခုန်နေကြမလား၊ တစ်ယောက်အမှားကို တစ်ယောက်ခွင့်လွှတ်ပြီး ရှေ့ဆက်ကြမလား၊ အိမ်ထောင်ရေးဆိုတာကလည်း အချစ်တွေနဲ့ လက်ထပ်ခဲ့ကြပေမယ့် နှစ်များစွာကြာတော့မှ အပြစ်တွေမြင်လာခဲ့ပြီး ကိုယ်က မနက်ခင်းတိုင်းကို သူစိမ်းတစ်ယောက်ဘေးကနေ နိုးထနေရပါလားဆိုတဲ့ အသိဝင်လာတတ်ကြပါတယ်။ အိုမင်းတဲ့အထိ ပေါင်းသင်းခဲ့ကြတဲ့သူတွေကရော တစ်ယောက်ကိုတစ်ယောက် ဘယ်နှစ်ကြိမ်အထိ ခွင့်လွှတ်ခဲ့ကြပြီးပြီလဲ။ ခွင့်မလွှတ်နိုင်လို့ ကိုယ့်ရဲ့အစစ်အမှန်လက်တွဲဖော်ကို ရှာဖွေတဲ့သူတွေကိုရော အပြစ်ဆိုရမှာလား။ အတွေးပေါင်းများစွာ ပေးနိုင်တဲ့ဇာတ်လမ်းတစ်ပုဒ်လို့ ဆိုရပါလိမ့်မယ်။ File Size : 2 GB, 997 MB Quality : WEB-DL 1080p / 720p Running Time : 1hr 34min Format : Mp4 Genre : Comedy, Drama, Romance Subtitle : Myanmar Subtitle (Hard Sub) Translated by : Sai Sumali Encode by : Thit San Khant

The Black Dahlia (2006) *********************** ခုတခေါက်တင်ဆက်ပေးမယ့် ကားလေးကတော့ The Black Dahlia ဆိုတဲ့ Crime/Thriller အမျိုးအစား ဇာတ်ကားလေးပဲဖြစ်ပါတယ်…၁၉၄၇ ခုနှစ်မှာ အမှန်တကယ်ဖြစ်ပွားခဲ့တဲ့ The Black Dahlia မှုခင်းအပေါ် မှီငြမ်းဇာတ်အိမ်တည်ရေးထားတဲ့ဝတ္ထုကို ဒါရိုက်တာကြီး Brian De Palma က ရုပ်ရှင်အနေနဲ့ ပြန်လည်ဖန်တီးထားတာဖြစ်ပါတယ်… ယင်းဒါရိုက်တာ Brian De Palma ဟာဆိုရင် နာ‌မည်ကျော်ရုပ်ရှင်ကားများဖြစ်တဲ့ Carrie(1976), Dresses to Kill(1980), Scarface(1983), The Untouchables(1987) နဲ့ Mission: Impossible (1996) တို့ရဲ့ ခေါင်းကိုင်ဖခင်ကြီးလည်းဖြစ်ပါတယ်… ဇာတ်လမ်းအကျဉ်း ————– Bucky Bleichert နဲ့ Lee Blanchard တို့ဟာ လော့စ်အိန်ဂျလိရဲဌာနက လက်ဝှေ့သမားဟောင်း ရဲအရာရှိများဖြစ်ပြီး တစ်နေ့ကျ သံသယရှိတရားခံကို တူတူစောင့်ကြရင်း မမျှော်လင့်ထားတဲ့ သေနတ်ပစ်ခတ်မှုဖြစ်စဉ်မှာ Lee ဟာ သူ့တွဲဖက်ကို ကယ်တင်နိုင်ခဲ့ပါတယ်… အဲဒီအချိန်ကစပြီး Bucky တစ်ယောက် သူ့တွဲဖက်ကို ယုံကြည်အားကိုးကာ ကျေးဇူးတင်မဆုံးဖြစ်ရပါတော့တယ်… ထိုဖြစ်စဉ်အပြီးမကြာမီမှာပဲ ရက်စက်စွာအသတ်ခံရတဲ့ မိန်းမငယ်လေး Elizabeth Short အမှုပေါ်ပေါက်လာပြီး ရဲဌာနတစ်ခုလုံး ခေါင်းရှုပ်ရပါတော့တယ်…တပြိုင်တည်းမှာ Lee ကိုင်တွယ်ဖမ်းဆီးခဲ့တဲ့ လူသတ်မှုတရားခံတွေကလည်း လွတ်ငြိမ်းခွင့်ရကာ လော့စ်အိန်ဂျလိစ်မြို့ဆီပြန်ရောက်နေခဲ့ပါတယ်… မိန်းမငယ်လေး သေဆုံးမှုအတွက် ၎င်းရာဇဝတ်သားများကို သံသယရှိသူ Bucky နဲ့ အပြည့်အဝကာကွယ်ပေးသူ Lee တို့ သဘောထားချင်းမတိုက်ဆိုင်ချိန်မှာတော့… ဒီရုပ်ရှင်ကားလေးဟာ ကျယ်ပြန့်ရှုပ်ထွေးတဲ့ဇာတ်ကောင်တွေနဲ့ ဖွဲစည်းထားပြီး အမှုကနေအံချော် ကောက်ချက်ဆွဲနိုင်စရာဖြစ်ရပ်တွေနဲ့ ပုံဖော်ထားလို့ ဇာတ်ကားပြီးဆုံးချိန်နားထိ မြှုပ်ကွက်တွေရှာရင်း ကြည့်ရှုရမှာဖြစ်တဲ့အတွက် ဇာတ်အိမ်ရှုပ်ရှုပ်ထွေးထွေးနှစ်သက်သူ ရုပ်ရှင်ချစ်ပရိသတ်များ ကြည့်ရှုခံစားနိုင်ရန် ညွှန်းဆိုပေးလိုက်ရပါတယ်ခင်ဗျာ… File Size : 2.05GB / 762MB Quality : BluRay 1080p 5.1ch / 720p Duration : 2hr Genres : Crime, Thriller Subtitle : Myanmar Subtitle (Hard Sub) Translated by Ye Thiha Htet Encoded by Heather Oo

စိတ္တဇလူသတ်ကားလေးတွေမှကြိုက်ပါတယ်ဆိုရင်တော့ အခုတင်ဆက်ပေးမဲ့ The Haunted The Possessed And The Damned ဆိုတဲ့ဇာတ်ကားလေးကိုရှုစားဖို့ညွှန်းပေး လိုက်ချင်ပါတယ်။အရမ်းကြီးကြမ်းလားဆိုရင်တော့ Terrifier တို့ Scream တို့လောက်တော့မကြမ်းပေမဲ့ နှစ်ကိုယ့်တစ်စိတ် စိတ္တဇ လူသတ်သမားရဲ့ လူသတ်ချင်စိတ်ကိုနှစ်ဖက်လွန်ဆွဲပြီး ရုန်းကန် နေရတဲ့ စိတ္တဇလူသတ်သမားရဲ့ဇာတ်လမ်းကိုကြည့်ရမှာဖြစ်တဲ့ အတွက် အပျင်းပြေကြည့်ဖို့တော့ အဆင်ပြေတဲ့အနေအထားရှိပါတယ်။ အဲ့ဒီနှစ်ကိုယ့်တစ်စိတ်လူသတ်သမားကတော့အက်ဒမ်ဖြစ်ပြီး သူကလက်ရှိမှာ အာမခံကုမ္ပဏီမှာအလုပ်လုပ်နေတဲ့ လျော်ကြေး မန်နေဂျာတစ်ယောက်ဖြစ်ပါတယ်။သူကအရမ်းခင်စရာကောင်းပြီး စကားပြောကောင်းပေမဲ့ တစ်ဖက်မှာလည်း လူသတ်ချင်နေတဲ့ သူ့ကိုယ်ထဲကသားရဲက သူ့ကိုအတင်းတွန်းအားပေးနေပါတော့တယ်။ ဒီလိုနဲ့သူလူတွေသတ်ဖြစ်ခဲ့ပြီး အဲ့ဒီအမှုကိုလိုက်စုံစမ်းတဲ့စုံထောက် ကတော့ ကိုယ်တိုင်ကလူသတ်မှုနဲ့စုံစမ်းစစ်ဆေးခံနေရတဲ့ စုံထောက် ကက်စီဖြစ်ပြီး သူကိုယ်တိုင်ကလည်း သွေးအေးသူတစ်ယောက် ဖြစ်ပါတယ်။ဒီလိုနဲ့ ရက်ရက်စက်စက် ၂ လောင်းပြိုင်လူသတ်မှုတွေ ကျူးလွန်နေတဲ့အက်ဒမ့်ကို လိုက်စုံစမ်းစစ်ဆေးရင်းနဲ့ ဘာတွေ ဆက်ဖြစ်လာမယ်ဆိုတာကိုတော့ ကိုယ်တိုင်ကိုယ်ကျ ကြည့်ရှု ခံစားဖို့ညွှန်းပေးလိုက်ချင်ပါတယ်။ File size… (1.90 GB) / (936 MB) Quality… WEB-DL 1080p HEVC / 720p Format…mkv / mp4 Duration….1h 51m Genre …. Horror Subtitle….Myanmar Subtitle (Hard Sub) Encoder….Min Wai Translated by Saw Lay