~ IMDb - 7.8/10, Rotten Tomatoes - 86% ~ ဒီဇာတ်ကားအကြောင်းမပြောခင်မှာ ပြောစရာနှစ်ခုရှိပါတယ်။ ပထမတစ်ခုကတော့ ဒီဇာတ်ကားရဲ့ ဇာတ်ဆောင်မင်းသားကြီး ဂျိမ်းစ် ဒင်း ပါ။ အောင်မြင်နေဆဲကာလမှာ စောစောစီးစီး လောကထဲက ထွက်ခွာသွားရတာကို နှမြောတသကြတဲ့သူတွေရှိသလို ဖဲနိုင်နေတုန်း ဝိုင်းသိမ်းလိုက်နိုင်တဲ့ဖဲသမားလို အနိုင်နဲ့ပိုင်းနိုင်ခဲ့တဲ့အတွက် ဝမ်းမြောက်ကြသူတွေလည်း ရှိမှာပေါ့လေ။ သဘာဝမင်းသားကြီးဖြစ်ပြီး ဆေးစက်ကျရာ အရုပ်ထင်ခဲ့သူပါ။ ရိုက်ကူးခဲ့တဲ့ ဇာတ်ကားကြီးပေါင်း သုံးကားသာရှိပေမယ့် သေဆုံးပြီးနောက် ပေးအပ်တဲ့ အကယ်ဒမီဆန်ကာတင်စာရင်းကို နှစ်ကြိမ်တိုင်တိုင်ပါဝင်ခဲ့ပါတယ်။ ဆယ်ကျော်သက်လူငယ်တို့ ခံစားရလေ့ရှိတတ်တဲ့ ကိုးကွယ်သူစံပြုပုဂ္ဂိုလ်အပေါ် အားမရစိတ်ပျက်သွားတဲ့ခံစားချက်တွေ၊ လူမှုဝန်းကျင်မှာ ဝင်မဆံ့ဖြစ်တတ်တဲ့သဘောတွေကို အပိုင်နိုင်ဆုံး သရုပ်ဆောင်နိုင်သူ၊ စံထားရမယ့် မင်းသားတစ်လက်အဖြစ် သတ်မှတ်ခံခဲ့ရပါတယ်။ ကားမတော်တဆမှုနဲ့ ဆုံးပါးခဲ့တာဖြစ်ပြီး အမေရိကန်ရုပ်ရှင်လောကတစ်ခုလုံး ယူကြုံးမရ နှမြောတသဖြစ်ခဲ့ရသူပါ။ သူ့ရဲ့ ဒုတိယမြောက်ဇာတ်ကားဖြစ်တဲ့ East of Eden ကို တင်ဆက်ပေးချင်ပါတယ်။ ဒုတိယအနေနဲ့ ပြောချင်တာက ဇာတ်ကားရဲ့နာမည်ပါ။ အေဒင်အရှေ့ပိုင်းတဲ့။ ကိန်း ဆိုတဲ့ ပထမဆုံးလူသားမကောင်းဆိုးဝါး ထွက်ပြေးလွတ်မြောက်ရာ နေရာတစ်ခုပေါ့။ လောကမှာ သေခြင်းတရားဝင်ရောက်ကာစ၊ အာဒမ် (အဒမ်) နဲ့ ဧဝ (အိဗ်) တို့ရဲ့ သားဦးတွေဖြစ်ကြတဲ့ ညီအစ်ကိုနှစ်ယောက်၊ အေဘယ် နဲ့ ကိန်း။ လူစီဖာရဲ့ ဖျားယောင်းသိမ်းသွင်းမှုကိုလက်ခံပြီး အစ်ကိုအပေါ်သစ္စာဖောက်လို့ ပထမဆုံးသတ်ဖြတ်ခြင်းကို သွေးအေးအေးဆောင်ရွက်ခဲ့သူ ညီတော်မောင် ကိန်း။ ပထမဆုံးသတ်ဖြတ်မှုကလည်း အစ်ကိုဖြစ်သူကို။ မကောင်းဆိုးဝါးလောကကို ပထမဆုံး ခြေလှမ်းခဲ့တဲ့ လူသားတစ်ယောက်‌ ဖြစ်ပါတယ်။ ဒီဇာတ်ကားမှာလည်း အစ်ကိုဖြစ်သူ အာရွန် ကို မကျေနပ်စိတ်တစ်ခုတည်းနဲ့ သေလုမျောပါးစိတ်ဒဏ်ရာတစ်ခုကိုပေးခဲ့တဲ့ မကောင်းဆိုးဝါး ညီဖြစ်သူ ကယ်လက်ဘ် ရဲ့ ညစ်ကန်ကန် ဂျစ်တစ်တစ်စရိုက်ကို ကြည့်ရှုရဖို့ရှိပါတယ်။ တချို့သောလူကြီးမင်းတွေအတွက် ငယ်ဘဝကို ပြန်ကြည့်နေရသလို ခံစားရချင်လည်း ခံစားရမှာပေါ့လေ။ အရာရာကို မကောင်းမြင်စိတ်နဲ့ဖြတ်သန်း၊ ကိုယ်လိုချင်တာပဲသိတဲ့ ဆယ်ကျော်သက် လူဆိုးသွမ်းလေးပါ။ ဖခင်နဲ့ ကြီးပြင်းလာ၊ မိခင်သေပြီဆိုတဲ့ အလိမ်အညာတစ်ခုကို အရွယ်ရောက်မှ အမှတ်မထင်သိလိုက်ရပြီး မိခင်ကို သွားတွေ့ဖို့ကြိုးစားတဲ့ပုံကလည်း ထောင်ထဲထည့်ချင်စရာပေါ့။ အဖေ ဆုံးရှုံးသွားတဲ့ပိုက်ဆံတွေကို ဉာဏ်ကိုလွှာသုံးပြီး ပြန်ရှာပေးခဲ့ပေမဲ့ ဖခင်ရဲ့ သူတော်စင်စရိုက်နဲ့ သားသမီးနှလုံးသားကို ဝင်မကြည့်တတ်ပုံတွေကြောင့် အကြီးအကျယ်ကြေကွဲရတဲ့ နှလုံးလှလူမိုက်လေး။ Deep Drama တစ်ခုနဲ့ အပြစ်မကင်းသော ၁၅၀၀ ချစ်ခြင်းတစ်ခုကို ဂျိမ်းစ် ဒင်း ရဲ့ ရှားရှားပါးပါးဇာတ်ကားတစ်ကားနဲ့ ခံစားချင်ရင်တော့ CM လက်ရာနဲ့ တင်ဆက်ပေးလိုက်တဲ့ East of Eden ကို မဖြစ်မနေရွေးရမှာပါပဲလို့။ (ဒီဇာတ်ကားနဲ့အညွှန်းကို Arr Khun Winchester မှ ပြန်ဆို ရေးသားထားပါတယ်) Size - 2.2GB, 940MB Quality - 1080p, 720p IMDb Rating - 7.8/10 Format - mp4 Duration - 1H 58Min Genre - Drama Subtitle - Myanmar Subtitle (Hardsub) Translated by Arr Khun Winchester Encoded by Y

Gangs of Lagos [ RT 86% / IMDB 6.3] ဂိုဏ်းဂဏတွေ ဂန်းစတားတွေအကြောင်း ရိုက်ကူးထားတဲ့ ဇာတ်ကားတွေဟာ ပေါချင်းသောချင်းပါပဲ... ကျွန်တော်တို့ဟာ ဟောလီးဝုဒ်နဲ့ အရှေ့တိုင်းက ဂန်းစတားတွေကို ထပ်ဖန်တလဲလဲ ပုံစံအမျိုးမျိုးနဲ့ မြင်တွေ့ခဲ့ကြပြီးပါပြီ... ဒီဇာတ်ကားလေးမှာတော့ အာဖရိကတိုက် နိုင်ဂျီးရီးယားနိုင်ငံ လေးဂို့စ်မြို့က ဂိုဏ်းတွေအကြောင်းကို ရိုက်ကူးထားတာပဲဖြစ်ပါတယ်... သူတို့လောကရဲ့ စည်းမျဉ်းစည်းကမ်းတွေ... ဘယ်လိုလည်ပတ်ကြလဲ... လူမိုက်ဆိုတာဘာလဲ.... ယုံကြည်ကိုးကွယ်မှုက ဘယ်အတိုင်းအတာထိ လွှမ်းမိုးထားသလဲ... ဒီဂိုဏ်းဂဏတွေက နိုင်ငံရေး ရွေးကောက်ပွဲတွေမှာ ဘယ်လိုပါဝင် ပက်သက်လဲ... တစ်သက်လုံး လူဆိုးလူမိုက်တွေ အဖြစ်ပဲ နေသွား သေသွားကြလားဆိုတာကို ကြည့်ရှုရမှာပါ... ဇာတ်လမ်းကတော့ ညီအစ်ကိုနှစ်ယောက်ဟာ သူတို့ဖအေ ဂန်းစတားကြီး နီနိုကို သတ်သွားတဲ့ ရန်သူတော်တွေကို လက်စားချေဖို့ ဘယ်လိုတွေ လှုပ်ရှားဆောင်ရွက်ကြသလဲဆိုတာကို ပုံဖော်ထားတာပဲဖြစ်ပါတယ်... ဂန်းစတားကားတွေ ကြည့်ချင်ရင်တော့ ဖီလင်အသစ်ကို ပေးမေယ့် အာဖရိက ဂိုဏ်းကားလေးကို ကြည့်ဖို့ အကြံပြုလိုက်ပါတယ်... Rating ကလည်း မသေးလှပါဘူးဗျ RT 86%တောင် ရထားပြီး IMDBလည်း 6.3 ရှိပါတယ် ။ ( ဘာသာပြန်ပြီး အညွှန်းရေးသားထားသူကတော့ Tun Aung Kyaw ပါ ) File Size__(3GB) / (1.5GB) Quality__WEB-DL_1080p, 720p IMDb Rating__6.3/10 Format__mp4 Duration__02:05:00 Type__Crime, Thriller Subtitle__Myanmar Subtitle (Hardsub) Translated by Tun Aung Kyaw Encoded by Naing Aung Latt

ပြည်သူ့လိုအပ်ချက်ကို အပိုင်နင်း ဖောင်ဒေးရှင်းကို ဗန်းပြပြီး မသမာတဲ့နည်းပေါင်းစုံနဲ့ ပိုက်ဆံ​တွေ အထုပ်လိုက်အထည်လိုက် တရားမဝင် သိမ်းကျုုံးယူ... ပိုက်ဆံကသာ ဒုတိယဘုရားသခင်အဖြစ် သတ်မှတ်ထားတဲ့ ​မြောင်ဆွန်းလုပ်ငန်းစု ဒါရိုက်တာ ဟန်ဆန်းအူ... လောကကြီးမှာ ပိုက်ဆံနဲ့အာဏာက အရေးကြီးဆုံးဆိုတာကို သိအောင် လောကဒဏ်ကနေ သင်ယူခဲ့ရပြီး မတရားမှုတွေကို တိုက်ဖျက်ဖို့ အမှုစစ်ဖြစ်လာခဲ့တဲ့ အမှု​စစ်ဂန်ချောဂျွန်... မိသားစုအ​ခြေအနေရော အကျင့်စရိုက်ပါ မတူညီတဲ့ သူတို့နှစ်ယောက်ဟာ အတန်းဖော်သူငယ်ချင်းတွေဖြစ်ကြသလို ဂန်ချောဂျွန် ဘယ်လောက် အကောင်းဆုံးဖြစ်အောင် ကြိုးစားကြိုးစား မိသားစု​နောက်ခံကောင်းတဲ့ ဟန်ဆန်းအူ ဆီမှာပဲ မတရားဖိနှိပ်ခံခဲ့ရပြီး... တနေ့ မျဥ်းပြိုင်နှစ်ခုလို သူတို့နှစ်ယောက် ရာဇဝတ်ကျူးလွန်သူနဲ့ အမှုစစ်အဖြစ် ပြန်တွေ့ကြတဲ့အခါ... နိုင်ငံကြီးနဲ့ပါချီပြီး လုပ်စားကြတဲ့ လူချမ်းသာ နဲ့အာဏာရှင် ဟိုက်ပါ သူခိုးအကြီးစား ရာဇဝတ်သားဆိုတာ နိုင်ငံ့အဆိပ်ပင် ပြည်သူ့ရန်သူ ဖြစ်ပြီး အာဏာနဲ့ပိုက်ဆံရဲ့ အင်အားကြီးမားမှုနဲ့ ဥပဒေကြား အားပြိုင်မှုကို ပုံဖော်ထားတဲ့ နိုင်ငံ​​ရေးမှုခင်းရုပ်ရှင်ကောင်း old but goldလေးကို အခုပဲ ကြည့်ရှုလိုက်ကြပါ ။ File Size__(1.6GB) Quality__720p IMDb Rating__6.0/10 Format__mp4 Duration__02:24:00 Type__Action, Drama Subtitle__Myanmar Subtitle (Hardsub) Translated by Hay Mann Thitsar Encoded by Naing Aung Latt

Cleopatra ဆိုတဲ့နာမည်ကို အထူးတလည်မိတ်ဆက်ပေးနေစရာမလိုပါဘူး။ ကမ္ဘာ့သမိုင်းစာမျက်နှာမှာ လူတကာငေးရတဲ့အလှပိုင်ရှင်အဖြစ်၊ အီဂျစ်ဘုရင်မာယာရှင်အဖြစ် Cleopatra ကိုမှတ်တမ်းတင်ခဲ့ကြပါတယ်။ Cleopatra ပါဝင်ကပြတဲ့ ကမ္ဘာ့သမိုင်းဇာတ်ကွက်က ကြီးကျယ်ခမ်းနားခဲ့သလို အဲဒီအကြောင်းကို ပြန်လည်ရိုက်ကူးတဲ့ ရုပ်ရှင်ဟာလည်း ရုပ်ရှင်သမိုင်းမှာဆိုစမှတ်ပြုရလောက်အောင် ကြီးကျယ်ခမ်းနားခဲ့ပါတယ်။ Roman emperor ရဲ့အထင်ကရ စစ်သူကြီး Julius Caesar ဟာ ရန်သူတော် Pompey ကို တိုက်ခိုက်အနိုင်ယူလိုက်တဲ့ Battle of Pharsalus အပြီးမှာ ဇာတ်အိမ်တည်ထားပါတယ်။ Rome ရဲ့ အဓိကကုန်ဝင်ရာ နိုင်ငံဖြစ်တဲ့ Egypt မှာ Cleopatra ဘုရင်မနဲ့ မောင်ဖြစ်သူ Ptolemy တို့ထီးနန်းအတွက် တင်းမာနေတဲ့အခြေအနေကို Caesar ကဖြေရှင်းပေးဖို့ Egypt ကိုရောက်လာခဲ့ပါတယ်။ အချုပ်ပြောရရင် Cleopatra ကိုလုပ်ကြံရန်ကြိုးစားမှုနဲ့ Ptolemy နယ်နှင်ဒဏ်ပေးခံရပြီး Cleopatra က အီဂျစ်ရဲ့ဘုရင်မဖြစ်လာခဲ့တဲ့အပြင် Caesar နဲ့ Cleopatra တို့ပါငြိစွန်းခဲ့ပါတော့တယ်။ သားလေး Caesarion ဖွားမြင်လာခဲ့တဲ့အခါမှာတော့ Cleopatra ရဲ့အိပ်မက်ဟာ ကမ္ဘာတစ်ခွင်ကို သူမနဲ့ Caesar တို့အတူအုပ်စိုးပြီး သားတော်လေးလက်ထဲ အာဏာစက်ကိုလွှဲအပ်ပေးခဲ့ဖို့ဖြစ်လာပါတယ်။ ရောမနေပြည်တော်ကြီးမှာတော့ dictatorship ကိုတောင်းဆိုလာတဲ့ Caesar ကိုလွှတ်တော်အဖွဲ့ကအမြင်မကြည်တော့တဲ့အပြင် တူဖြစ်သူ Octavian ရဲ့သွေးထိုးမှုတွေကြောင့် Caesar အတွက် အခြေအနေမကောင်းဖြစ်နေပါတယ်။ နောက်ဆုံး Caesar လုပ်ကြံခံခဲ့ရပြီး Cleopatra တို့သားအမိလည်းပြည်တော်ပြန်ခဲ့ရပါတယ်။ ရောမမှာ Caesar လိုပဲ ပြည်သူတွေရဲ့ချစ်ခင်လေးစားမှုကိုခံရတဲ့ နောက်သူရဲကောင်းတစ်ဦးကတော့ Mark Antony ဖြစ်ပါတယ်။ Caesar မရှိတော့တဲ့နောက် Mark Antony ရယ်၊ Octavian ရယ်၊ Lepidus ရယ်တို့က ရောမအင်ပါယာကြီးကို ခွဲဝေအုပ်ချုပ်နေခဲ့ကြပါတယ်။ သူရဲကောင်းကြီး Mark Antony ဟာလည်း Cleopatra ရဲ့အလှတရားအောက်မှာ ကျရှုံးခဲ့ရပြန်ပါတယ်။ Caesar နဲ့မအောင်မြင်ခဲ့တဲ့အိပ်မက်ကို Mark Antony နဲ့ပြန်အသက်ဆက်ဖို့ကြိုးစားတဲ့ Cleopatra အောင်မြင်နိုင်မလားဆိုတာကတော့...................... Cleopatra ဇာတ်ကားကြီးကျော်ကြားရခြင်းအကြောင်းအချက်တွေအားလုံးက အကောင်းကြီးပဲတော့မဟုတ်ပါဘူး။ နာမည်ဆိုးနဲ့လည်း ကျော်ကြားသူပေါ့။ ဒီကားဟာ ကုန်ကျစရိတ်အများဆုံးရုပ်ရှင်တွေထဲက တစ်ကားဖြစ်ခဲ့ပါတယ်။ မူလ Budget က ဒေါ်လာ ၂ သန်းဖြစ်ပေမယ့် ရိုက်ကူးပြီးစီးသွားတော့ ၄၄သန်းလောက်ကုန်ခဲ့ပြီး 20th century fox ကို ဒေဝါလီခံရခါနီးအထိဖြစ်စေခဲ့ပါတယ်။ အဲ့ခေတ်က ၄၄ သန်းဆိုတာ ဒီနေ့ခေတ်မှာ ၃၃၉ သန်းလောက်အထိရှိတယ်ဆိုပါတယ်။ နှမြောစရာကောင်းတာက ကုန်ကျစရိတ်ရဲ့တော်တော်များများဟာ အချည်းနှီးဖြစ်ခဲ့ရတာပါ။ ဒီကားကိုစမရိုက်ခင်ကတည်းက ဇာတ်ညွှန်းရေးဆရာတွေတစ်ယောက်ပြီးတစ်ယောက်ပြောင်းလဲခဲ့ပါတယ်။ သရုပ်ဆောင်တွေလည်းပြောင်းလဲခဲ့ပါတယ်။ နောက်ဆုံး ဒါရိုက်တာ Mamoulian ပါလမ်းခွဲသွားခဲ့ပြီး Joseph L.Mankiewicz ဝင်ရောက်လာခဲ့ပါတယ်။ Mankiewicz ဝင်ရောက်လာချိန်မှာကို ကုန်ကျငွေက Budget ထက် ၅ သန်းလောက်ပိုနေခဲ့ပြီဖြစ်ပေမယ့် ပြလောက်စရာ လောက်လောက်လားလား ရိုက်ချက်တော့ တစ်ကွက်မှမရခဲ့သေးပါဘူး။ Mankiewicz ကဇာတ်ညွှန်းကိုအစအဆုံးပြန်ရေးပြီး စိတ်ကြိုက်ရိုက်ကူးခဲ့ပါတယ်။ အစက London မှ setting ကြီးတွေအသေအချာဆောက်ပြီးရိုက်ကူးနေခဲ့တာပါ။ ဒါပေမယ့် London ရဲ့အေးလွန်းတဲ့ရာသီဥတုက အဖွဲ့သားတွေအတွက်ခက်ခဲလွန်းနေခဲ့ပြီး မင်းသမီး Eizabeth Taylor ကိုယ်တိုင် အကြီးအကျယ်ဖျားနာခဲ့ရတာ လည်ပြွန်အပေါက်ဖောက်ခဲ့ရတဲ့အထိပါပဲ။ မင်းသမီးဆေးရုံတက်နေစဉ် ရိုက်ကူးရေးရပ်နားထားရာမှာ ဘဏ်တိုးက တစ်နေ့ကို ဒေါ်လာ ၇၅၀၀ တက်နေခဲ့ပါတယ်။ ဒီလိုနဲ့ ဒေါ်လာ ၃ သန်းလောက်နစ်နာခဲ့ပြီး နောက်ဆုံးတော့ Italy, Egypt တို့မှာ ပြောင်းရွှေ့ရိုက်ကူးခဲ့ရပါတယ်။ ရိုက်ကူးပြီးစီးသွားပြီး တည်းဖြတ်အပြီးမှာ ကြာမြင့်ချိန်က ၆ နာရီထိရှိခဲ့ပါတယ်။ ဒါပေမယ့် Producers တွေက ပြန်လည်တည်းဖြတ်ဖို့ Mankiewicz ကိုတောင်းဆိုခဲ့တာကြောင့် နောက်ပိုင်းမှာ ၄ နာရီပဲဖြစ်သွားရပါတယ်။ အရေးကြီးတဲ့အခန်းအချို့လည်း ဖြုတ်ချခံရတဲ့အထဲပါသွားပါတော့တယ်။ Cleopatra ဇာတ်ကားအကြောင်းပြောမယ်ဆိုရင် မင်းသမီး Elizabeth Taylor အကြောင်းကိုလည်း မပြောမဖြစ်ပြောရပါလိမ့်မယ်။ အပြင်မှာလည်း ချောမောသလောက် ယောကျာ်းသားတို့နဲ့ ဇာတ်လမ်းတွေများခဲ့တဲ့ သူမကို ဒီဇာတ်ကောင်အတွက် ရွေးချယ်တာ တမင်ရည်ရွယ်ရင်းလားမသိပါဘူး။ ရိုက်ကူးနေရင်းနဲ့လဲ တွဲဖက်မင်းသား Richard Burton (Mark Antony) နဲာဇာတ်လမ်းတွေဖြစ်ခဲ့တာကြောင့် ဟိုးလေးတကျော်ဖြစ်ခဲ့ရပြီး ဝေဖန်သံတွေလည်း ညံခဲ့ပါတယ်။ အဲဒီအချိန်မှာ နှစ်ယောက်လုံးက အိမ်ထောင်ကိုယ်စီနဲ့ကိုး။ သူတို့နှစ်ယောက်လုံး ဒီကားနဲ့ဆုတွေမရခဲ့ပေမယ့် Elizabeth Taylor ကတော့ စံချိန်တစ်ခုတင်ခဲ့ပါတယ်။ ရုပ်ရှင်တစ်ကားအတွင်း ဝတ်စုံအများဆုံးလဲလှယ်မှုကို ၆၅ ကြိမ်နဲ့စံချိန်ဆင်လိုက်တာပါ။ ဒါပေမယ့် ဒီစံချိန်ကို ၁၉၉၆ မှာ Madonna က Evita ဇာတ်ကားမှာ ၈၅ ကြိမ်နဲ့ရိုက်ချိုးလိုက်ပါတယ်။ နောက်တစ်ချက်က ဒီကားနဲ့ Elizabeth Taylor က သရုပ်ဆောင်ကြေး ဒေါ်လာ ၁ သန်းအထိရရှိခဲ့ပါတယ်။ Original budget နဲ့ဆိုရင် တစ်ဝက်တိတိပါပဲ။ ဒီကားကို ဝေဖန်ရေးတွေကတော့ ကြိုက်တဲ့သူ၊ မကြိက်တဲ့သူစုံခဲ့ပါတယ်။ ဘယ်လိုပဲဝေဖန်သံညံညံ၊ ဘယ်လောက်ပဲငွေကုန်ကြေးကျများခဲ့များခဲ့ အကြီးကျယ်အခမ်းနားဆုံးဇာတ်ကားတစ်ကားဖြစ်လာရတာကိုပဲ ကျေနပ်ရမှာပါ။ ခမ်းနားတာကတော့ ကျွန်တော့်မျက်မြင်ပါပဲ။ Rome မြို့ထဲကို Cleopatra ဝင်လာတဲ့အခန်း၊ Mark Antony ကို Cleopatra သင်္ဘောကြီးနဲ့သွားရောက်တွေ့ဆုံတဲ့အခန်းတွေဟာ ကျွန်တော်ကြည့်ခဲ့ဖူးသမျှ အခမ်းနားဆုံးတွေပါပဲ။ နောက် battle scenes တွေအပြင် နောက်ခံ ဆက်တင်တွေကိုပါ ရှယ်ပြင်ဆင်ထားတာ တကယ်ကိုချီးကျူးစရာပါပဲ။ ကမ္ဘာ့သမိုင်းမှာ Julius Caesar, Mark Antony တို့နဲ့အတူ Cleopatra ဆိုတဲ့အလှနတ်ဘုရားကို ပယ်ဖျက်ထားလို့မရသလို Cleopatra ရုပ်ရှင်ဇာတ်ကားကြီးဟာလည်း ထာဝရတည်တံ့နေမယ့် ဂန္တဝင်ရုပ်ရှင်ကြီးပဲဖြစ်ပါတယ်။ Ref: wikipedia လင်းဝေမြိုင် - ဂန္တဝင်ဝတ္ထု၊ ဂန္တဝင်ရုပ်ရှင် ~Miller~ (ရုပ်ရှင်အညွှန်းကို Movies-we watch,we feel. Facebook Page မှ ကူးယူဖော်ပြပါသည်။) File size…(5.5 GB) /(4.2 GB)/(1.6 GB) Quality….50th.Anniv.Restored.BluRay HEVC 1080p /1080p/720p Format…mkv/mp4 Duration….04:11:08 Subtitle….Myanmar Subtitle (Hardsub) Encoder….Nyeinsaeya Aung Translated by Nay Lin Thar

The Shadow (1994) =============== IMDb Rating – 6.0 Beetlejuice, The Cat in the Hat , Pearl Harbor တို့ထဲက မင်းသား Alec Baldwinနဲ့ The Last Emperor , M. Butterfly တို့ရဲ့ မင်းသား John Lone နဲ့ ဂန္တဝင်ကြီး Ian McKellenတို့ ပါဝင် သရုပ်ဆောင်ထားတဲ့ ဒီရုပ်ရှင်ဟာ Action/Adventureကားဖြစ်ပြီး စူပါဟီးရိုးဆန်ဆန်ကားလို့ ပြောလို့ရပါတယ်။ ဇာတ်လမ်းကတော့ အရိပ်လို့ခေါ်တဲ့ သဘာဝလွန်သူရဲကောင်းတစ် ယောက်က ကမ္ဘာကိုဖျက်ဆီးချင်နေတဲ့ ဂျင်ဂစ်ခန်ရဲ့မျိုးဆက်သစ်နဲ့ ထိပ်ဆိုက်ရင်ဆိုင်ရတဲ့ ဇာတ်ပါ။ မှော်အစွမ်းတွေ အက်ရှင်တွေမနည်း ပါတာမို့ အက်ရှင်ပရိသတ်တွေ အကြိုက်တွေ့မယ့် ရုပ်ရှင်ပါပဲ။ ဂျွန်လုံး ကလည်း ဗီလိန်အဖြစ်ပြောင်မြောက်အောင် သရုပ်ဆောင်ပေးထား သလို ဇာတ်က ထူးထူးခြားခြားဟီးရိုးဇာတ်မို့ စူပါဟီးရိုးကားကိုမှ အရမ်း ကြီးပါဝါတွေမပြဘဲ စုံထောက်ဆန်ဆန်ကြည့်ကောင်းနေတဲ့ကားကို ကြည့် ချင်ရင်တော့ ဒီကားကိုရွေးသင့်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ WiRa Aung ဖြစ်ပါတယ်) File Size……….(3.4 GB) / (958 MB) Quality…………BLU-RAY 1080p / 720p Duration………1Hr 48Min Subtitle………..Myanmar Hardsub Format…………MP4 Genre…………..Action, Adventure, Crime Translator…….WiRa Aung Encoder……….SWM

The Creator (2023) ============== IMDb Rating – 7.1/10 စက်ရုပ်မျိုးနွယ်ရဲ့ နောက်ဆုံးလက်နက်ကို ရှာပြီး ဖျက်ဆီးဖို့ တာဝန် ပေးခံရတဲ့ လူသားတပ်သားတစ်ယောက်အကြောင်းကို သိပ္ပံစွန့်စားခန်း အက်ရှင်အဖြစ် Godzilla 2014 တို့ Rogue One တို့ရဲ့ ဒါရိုက်တာ Gareth Edwards က ရိုက်ကူးထားတာပါ။ ခေါင်းဆောင်မင်းသားအဖြစ် TENET ထဲက မင်းသား John David Washington (ဒန်ဇယ် ဝါရှင်တန် ရဲ့သား) က ပါဝင်ထားပါတယ်။ IMDb 7.1 အထိ ရရှိထားပါတယ်။ ဇာတ်လမ်းအကျဉ်း – ထုံးစံအတိုင်း စောင်ပျင်းမျိုးနွယ်ဖြစ်တဲ့လူတွေဟာ ခိုင်းစားဖို့ စက်ရုပ်တွေ တီထွင်ပါတယ်။ ခိုင်းလို့ကောင်း‌အောင် စက်အသိဉာဏ်တွေ ဖန်တီးခဲ့ပါတယ်။ ဒါပေမဲ့ စက်တွေကနေ လူတွေကို လော့စ်အန်ဂျလိမှာ အဏုမြူဗုံးတစ်လုံး ကျဲချလိုက်ချိန်မှာ အရာရာပြောင်းလဲသွားပါတော့တယ်။ ကမ္ဘာ့အနောက်ခြမ်း တစ်ခုလုံးက အသိဉာဏ်ရှိစက်ရုပ်တွေကို ရှင်းပစ်ဖို့ ကြိုးစားတဲ့ တပ်ပေါင်းစု ကြီးဖြစ်လာပြီး၊ အာရှသစ်လို့ခေါ်တဲ့ အရှေ့ပိုင်းမှာတော့ လူတွေနဲ့ စက်တွေ ယှဉ်တွဲနေထိုင်ကြပါတယ်။ တစ်နေ့မှာတော့ လူတွေအားလုံးကို အပြီးသတ် ရှင်းပစ်နိုင်မဲ့လက်နက်တစ်ခုကို စက်ရုပ်တွေဘက်က နမာတာဆိုတဲ့သိပ္ပံပညာ ရှင်က တီထွင်လိုက်တဲ့ သတင်းထွက်ပေါ်လာပါတယ်။ အဲဒီစက်ကို ရှင်းပစ်ဖို့ ကြိုးစားရင်း တိုက်ပွဲတွေဖြစ်လာပုံကို ပြထားတာပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size……….(6.86 GB) / (3.36 GB) / (697 MB) Quality…………WEB-DL 4K HEVC / 1080p / 720p Duration………2Hr 13Min Subtitle………..Myanmar Hardsub Format…………MP4, MKV Genre…………..Action, Adventure, Drama Translator…….Mr.Anderson Encoder……….SWM, Thit San Khant

Addicted to Love ဇာတ်ကားလေးဟာဆိုရင် ၁၉၉၇ ခုနှစ်မှာ ထွက်ရှိခဲ့ပြီး ဒါရိုက်တာ Griffin Dunne က ရိုက်ကူးထားတဲ့ ရိုမန်းတစ်ဟာသ အချစ်ဇာတ်မြူးလေးဖြစ်ပါတယ်။ ဒီကားထဲမှာ နာမည်ကျော်သရုပ်ဆောင်တွေဖြစ်ကြတဲ့ Matthew Broderick၊ Kelly Preston၊ Linda တို့က အဓိကပါဝင်ထားပြီး လူသားတယောက်ရဲ့ အချစ်ပုံသဏ္ဍန်ကို အဓိပ္ပာယ်များစွာနဲ့ ဖော်ကျူးထားတာဖြစ်ပါတယ်။ ဇာတ်လမ်းအကျဉ်း *************** Sam က နက္ခတ္တ‌ဗေဒပညာရှင်တယောက်ဖြစ်ပြီးတော့ သူ့ရဲ့ စေ့စပ်ထားတဲ့ချစ်သူ Linda ရဲ့ စွန့်ပစ်ခြင်းကို ခံလိုက်ရပါတယ်။ Linda ကတော့ ကျောင်းဆရာမအလုပ်ကို ပျော်မွေ့တဲ့သူဖြစ်ပါတယ်။ နယူးယောက်မြို့မှာ ကျောင်းဆရာမအလုပ်ကို သွားလုပ်တဲ့ Linda ရဲ့ လမ်းခွဲနှုတ်ဆက်စာကို ဖတ်ပြီးချိန်မှာ Sam တယောက် ရတက်ပွေပြီး သူ့ချစ်သူနောက်ကို ခြေရာခံလိုက်ပါတော့တယ်။ Linda က နယူးယောက် စားသောက်ဆိုင်ပိုင်ရှင်သူဌေး Anton နဲ့ အချစ်သစ်ရှာတွေ့သွားခဲ့တာဖြစ်ပြီး Sam က သူတို့နှစ်ယောက်ကို လျှို့ဝှက်စောင့်ကြည့်ဖို့ စက်ကိရိယာအသစ်တခုတီထွင်လိုက်ပါတော့တယ်။ ဒီအခါမှာ Anton ရဲ့ရည်းစားဟောင်း Maggie ကလည်း သူ့ဘဝကို အသုံးချပြီးသစ္စာဖောက်သွားတဲ့ Anton ကို လက်စားချေဖို့ ကြံစည်နေတာပါ။ အဲဒီမှာပဲ Sam နဲ့ Maggie တို့ နှစ်ယောက်ပူးပေါင်းပြီး Anton နဲ့ Linda တို့နေထိုင်တဲ့ တိုက်ခန်းကို အသံဖမ်းခိုးနားထောင်ကြပါတယ်။ ဒါတင်မက သူတို့စုံတွဲကို နေ့တိုင်း ပြဿနာတမျိုးပြီးတမျိုးတက်အောင် ဇာတ်လမ်းဆင်ပြီး နောက်ကွယ်ကနေ တိတ်တိတ်ကလေး လုပ်ကြံပါတော့တယ်။ ဒီနောက်ပိုင်းမှာတော့ အန်တန်တို့စုံတွဲ ဘယ်လိုဆက်ဖြစ်သွားမှာလဲ၊ Sam က သူအရမ်းချစ်ရတဲ့တဲ့ Linda နဲ့ ပြန်ပေါင်းထုပ်နိုင်မှာလား၊ Maggie ကရော သူ့ရဲ့အစီအစဉ်ကို အကောင်အထည်ဖော်နိုင်မှာလား၊ Anton ရဲ့ ဘဝကို Maggie တယောက် ဘယ်လိုနစ်နာအောင် လက်စားချေပြမလဲဆိုတာ ဟာသအသော ကလေးတွေနဲ့ ဇာတ်ဝင်ခန်း တခန်းပြီးတခန်း ငြီးငွေ့စရာမရှိအောင် စောင့်မျှော်‌ အားပေးကြရမှာဖြစ်ပါတယ်။ File size…2.26GB / 851MB Quality…WEB-DL 1080p / 720p Format…mp4 Duration….1h 40m Genre ….. Comedy , Romance Subtitle….Myanmar Subtitle (Hard Sub) Encoder….Min Wai Translated by AICOG

ဒီဇာတ်ကားလေးကလည်း ဟောင်ကောင်မင်းသားကြီးတစ်လက်လည်းဖြစ်သလို နာမည်ကြီးဒါရိုက်တာတစ်ယောက်လည်းဖြစ်တဲ့ Sammo Hung ရဲ့ လက်ရာကောင်းတစ်ပုဒ်ပဲဖြစ်ပါတယ် ။ ဇာတ်လမ်းအညွှန်းအနေနဲ့ကတော့ Ah lung လို့ခေါ်တဲ့ ဝက်‌မွေးမြူ‌ရေးလုပ်တဲ့ လူငယ်လေးက ဘရုစ်လီကိုအရမ်းကြိုက်ပြီး ငယ်ငယ်ကတည်းက ဘရုစ်လီလိုဖြစ်ရမယ်ဆိုပြီး ခြေလှမ်းကွက်တွေလက်သီးသိုင်းတွေကို ကြိုးစားပြီးလေ့ကျင့်နေတဲ့သူပါ။ ဒါပေမဲ့ သူကိုယ်တိုင်ကညဝတုတ်လေးဖြစ်နေတော့ လေ့ကျင့်နေသမျှက ရယ်စရာတစ်ခုလိုဖြစ်နေပါတော့တယ် ။ ဒီလိုနဲ့ သူမြို့ကစားသောက်ဆိုင်တစ်ခုမှာ အလုပ်လုပ်ဖို့ထွက်လာတုန်း စားသောက်ဆိုင်မှာ လူရမ်းကားတစ်စုပြဿနာရှာနေတာနဲ့တိုးပါတော့တယ် ။ သူလည်းသူ့ကိုယ်သူသက်သေပြတဲ့အနေနဲ့ လူရမ်းကားတွေကိုတိုက်ထုတ်ပြီး စားသောက်ဆိုင်ကိုကယ်တင်ခဲ့ပါတယ် ။ အဲဒီအငြိုးကြောင့် မကျေနပ်တဲ့ လူရမ်းကားတွေဟာ သူ့ရဲ့အလုပ်ဖော်ကောင်မလေးကို ပြန်ပေးဆွဲသွားချိန်မှာ‌တော့… Ah lung တစ်ယောက် လူရမ်းကားတွေကိုနိုင်ပါ့မလား ? ထင်ထားသလိုရော သူ့ရဲ့သိုင်းပညာက မြင့်မားပါ့မလားဆိုတာကို စိတ်ဝင်စားဖွယ်စောင့်ကြည့်ရမှာဖြစ်လို့ အခုပဲကြည့်ရှုလိုက်ဖို့တိုက်တွန်းပါရစေ

Money Heist လို Plot twist တွေနဲ့ သူခိုးဇာတ်လမ်းကြိုက်တဲ့ပရိသတ်တွေအတွက် အလွမ်းပြေ ပြင်သစ် သူခိုးရုပ်ရှင်လေးတစ်ကားလာပါပြီ။ ဆွယ်ဗျားဆိုတဲ့ လူငယ်လေးတွယောက်ဟာ ရှားထရက်မြို့ သာမာန် လူလတ်တန်းစားမိဘနှစ်ဦးကနေ မွေးဖွားကြီးပြင်းလာသူပါ။ သူ့မှာ စကန်နီးရားလို့ခေါ်တဲ့ သူငယ်ချင်းတစ်ယောက်ရှိပါတယ်။ သူတို့နေတဲ့မြို့မှာ ဘိုးရစ်နှင့်သားများလို့ ခေါ်တဲ့ ရေမွှေးထုတ်ပိုးဖြန့်ချီရေးကုမ္ပဏီတစ်ခုက တစ်မြို့လုံးရဲ့ အလုပ်အခွင့်အလမ်းတွေကိုအုပ်စိုးထားပြီး ဘယ်လောက်ပင်ပညာတတ်ဖြစ် ​ေနပါစေ အဆုံးသတ်မှာတော့ ဒီစက်ရုံမှာပဲအလုပ်ဝင်ကြရပါတယ်။ ဆွယ်ဗျားနဲ့ စကန်နီးရားတို့ဟာ အဲ့လိုမဖြစ်အောင် ကြိုးစားနေထိုင်ခဲ့​ေပမယ့် အဆုံးမှာတော့အများနည်းတူ ဘိုးရစ်စက်ရုံမှာပဲ အလုပ်ဝင်ခံရပါတယ်။ သူတို့အလုပ်ဝင်ပြီးမကြာခင်မှာပဲ ဖခင်ဖြစ်သူဘိုးရစ် သေဆုံးသွားခဲ့ပြီး ဘိုးရစ်ဂျူနီယာက ကုမ္ပဏီကိုအမွေဆက်ခံခဲ့ပါတယ်။ တစ်ရက်မှာတော့ ဆွယ်ဗျားတစ်ယောက် အလုပ်ကနေ အပိုဝင်ငွေရမယ့် နည်းလမ်းတစ်ခုကိုရှာတွေ့သွားတဲ့နောက် သာမာန် စက်ရုံအလုပ်သမားဘဝကနေ သူဌေးတစ်ယောက်ဖြစ်ဖို့ ဘယ်လိုနည်းတွေ၊ အခကါအခဲတွေကို ရုန်းကန်ကြိုးစားကြမလဲဆိုတာ ရုပ်ရှင်ထဲမှာ ဆက်လက်စောင့်ကြည့်လိုက်ကြပါဦး ပြင်သစ်စကားပြောရုပ်ရဗင်ဖြစ်တဲအတွက် Money Heist လို ခပ်ဆင်ဆင် Vibe မျိုးရမှာဖြစ်ပေမယ့် ဇာတ်လမ်းက Twisty ဖြစ်ပြီး အေးအေးငြိမ့်ငြိမ့်လေးမို့လို့ မတူညီတဲ့ ရသတစ်မျိုးပေးစွမ်းပါတယ် T Hmue မှ အညွှန်းရေးသားပြီး ဘာသာပြန်သည် File size…(1.5 GB)/(820 Mb) Quality….Webrip 1080p / 720p Format…mp4 Duration….01:35:00 Genre… Comedy, Drama Subtitle….Myanmar Subtitle (Hardsub) Encoder….Garfield Translated by T Hmue

IMDb: 7.9 Rotten Tomatoes: 98% Strangers on a Train ဟာ ၁၉၅၁ ခုနှစ်ထွက် Alfred Hitchcock ရဲ့လက်ရာရုပ်ရှင်ဖြစ်ပါတယ်။ Hitchcock ရုပ်ရှင်တွေရဲ့ထုံးစံအတိုင်း အပြီးထိရင်တမမနဲ့ကြည့်ရမယ့် Thriller ရုပ်ရှင်တစ်ကားဖြစ်ပါတယ်။ အတော်လေးကိုဆွဲဆောင်မှုရှိတဲ့ ရုပ်ရှင်တစ်ကားဖြစ်ပါတယ်။ ဇာတ်ညွှန်း: ဂိုင်းဟိန်းစ် ဟာတင်းနစ်အကျော်အမော်တစ်ယောက်ဖြစ်ပါတယ်။ သူဟာ အထက်လွှတ်တော်အမတ် အန်းမော်တွန် နဲ့ချစ်ကျွမ်းဝင်နေပါတယ်။ ခက်တာက သူ့မှာမိန်းမရှိတယ်။ ကိုယ်ဝန်ပါရှိသေးတယ်။ အဲလိုပြောလိုက်တော့ ဂိုင်း ကိုမကောင်းတဲ့လူလို့ထင်သွားပါဦးမယ်။ ဂိုင်းရဲ့မိန်းမဟာ ချူစားတတ်တဲ့ မိန်းမတစ်ယောက်ဖြစ်ပြီး ကိုယ်ဝန်ကလည်း ဂိုင်းနဲ့ရတာမဟုတ်ပါဘူး။ ဂိုင်းဟာတင်းနစ်ပွဲတစ်ခုကိုသွားဖို့ရထားစီးရင်း ရထားပေါ်မှာ လူထူးဆန်း ဘရူနိုအန်တိုနီ ဆိုတဲ့လူနဲ့တွေ့ခဲ့ပါတယ်။ ဘရူနိုက အတော်လေးဉာဏ်ကောင်းတဲ့လူဖြစ်ပြီး လေ့လာမှုအားလည်းကောင်းပါတယ်။ အဲဒါကြောင့် ဂိုင်းတစ်ယောက် အန်း ကိုယူချင်ရင်တောင်မှ မိန်းမက မကွာရှင်းပေးတော့ ယူလို့မရဖြစ်နေတာကိုသိနေပါတယ်။ ဘရူနို ကလည်းအဖေ့ကိုမုန်းနေတဲ့လူတစ်ယောက်ဖြစ်ပါတယ်။ ဘရူနိုမှာ အယူအဆတစ်ခုရှိတယ်။ ပြီးပြည့်စုံတဲ့လူသတ်မှုကိုကျူးလွန်ဖို့။ အကယ်လို့ ဂိုင်းနဲ့ဘရူနို သာလူလဲသတ်လိုက်မယ်ဆိုရင် ရဲတွေလည်းမျက်စိလည်မယ်။ ဘယ်လိုမှဆက်စပ်လို့မရဘူးဆိုပြီး ဂိုင်းကို ဘရူနိုကပြောလာပါတယ်။ ဘရူနိုကပြောပေမယ့် ဂိုင်းကလက်မခံခဲ့ပါဘူး။ ဘာတွေဆက်ဖြစ်ကြမှာလဲ… File size…(1.7 GB)/(1.4 GB) Quality….Webrip 1080p / 720p Format…mp4 Duration….01:41:00 Genre… Crime, Drama, Film-Nior Subtitle….Myanmar Subtitle (Hardsub) Encoder….Garfield Translated by Lucifer Maximoff

The Foul King ( 2000 ) IMDb: 6.9/10 Genre: Comedy/Sport I Saw the Devil, A Bittersweet Life , The Good, the Bad, the Weird တို့ရဲ့ ဒါရိုက်တာKim Jee-woonကိုတော့ မသိတဲ့လူမရှိလောက်ပါဘူး။ ကိုရီးယားရဲ့ အထင်ရှားဆုံးဒါရိုက်တာတွေထဲကတစ်ယောက်ဖြစ်သလို ပွဲဦးထွက်ကတည်းက ကိုရီးယားရဲ့ ထိပ်ဆုံးမင်းသားတွေဖြစ်တဲ့ ချွဲမင်ဆစ် , ဆောင်းကန်ဟို, လီဗြောင်ဟွန်းတို့လို လူတွေနဲ့ပဲ ဆက်တိုက်ရိုက်နိုင်ခဲ့တဲ့ ဒါရိုက်တာပါပဲ။ ချွဲမင်ဆစ် ,ဆောင်းကန်ဟိုတို့နဲ့ The Quiet Familyကို ပွဲဦးထွက်အနေနဲ့ ရိုက်ခဲ့ပြီး ဒုတိယကားအနေနဲ့ The Foul Kingကို ဆောင်းကန်ဟိုနဲ့ ရိုက်ခဲ့တယ်။ နောက် A Tale of Two Sisters, A Bittersweet Life, The Good, the Bad, the Weird , I Saw the Devil , The Age of Shadows, Illang: The Wolf Brigade, Cobwebစတဲ့ ရုပ်ရှင်တွေကို ရိုက်ခဲ့တယ်။ အကုန်လုံး ဘောင်ဝင်တန်းဝင်ကားတွေချည်းပါပဲ။ ထုံးစံအတိုင်း ဟောလိဝုဒ်က သူ့ကိုခေါ်ရိုက်ခိုင်းထားတဲ့ အားနိုးကား The Last Stand (2013)တစ်ခုပဲ သိပ်မစွံလှတာပါ။ တစ်ချက်ရှိတာက ပွဲဦးထွက်၂ကားကိုကြည့်ရင် ကင်ဂျီးဝန်ဟာ Black Comedy အားသန်တဲ့ Black Comedyကို အသားပေးရိုက်ပြချင်တဲ့ ဒါရိုက်တာဆိုတာ မြင်သာနေပေမဲ့ Cobwebမတိုင်ခင် နောက်ပိုင်းကားတွေအကုန်လုံးမှာ သူဟာ Black Comedy မဆန်တော့ပါဘူး။ ကောင်းပေမဲ့ Mainstreamရုပ်ရှင်ဆန်ဆန်ကားတွေပဲဖြစ်သွားပါတယ်။ ပွဲဦးထွက်နှစ်ကားနောက်ပိုင်း ကားတွေအကုန်လုံး ဒီလိုဖြစ်နေခဲ့ပေမဲ့ နောက်ဆုံးထွက်ခဲ့တဲ့ Cobwebမှာတော့ ကင်ဂျီးဝန်ဟာ Black Comedyလိုင်းဘက် ပြန်ရောက်သွားပါပြီ။ ဒါပေမဲ့ လုံးဝ Black Comedy ဘက် ပြန်ရောက်လာပြီလို့တော့ ပြောမရပြန်ပါဘူး။ နောက်ရိုက်မယ့်၂ကားလုံး Black Comedy ဖြစ်နိုင်ခြေမရှိသလောက်ဖြစ်နေလို့ပါပဲ။ ပုဂ္ဂလိကအမြင်အရတော့ ကင်ဂျီးဝန်ကို Black Comedyကားတွေပိုရိုက်စေချင်ပေမဲ့ နောက်၂ကားထိတော့ အလားအလာမရှိသေးဘူး။ ဒီနေရာမှာတစ်ခုရှိတာက လက်ရှိအရေအတွက်အရတော့ သူ့Black Comedyကားတွေထက် ကျန်တဲ့ကားအများစုက ဇာတ်လမ်းဇာတ်အိမ်ရော တင်ဆက်ပုံရောပိုကောင်းနေပါတယ်။ ပွဲဦးထွက်တွေမှာ ရိုက်ခဲ့သကိုး။ Cobwebမှာတော့ အဲဒီအားနည်းချက်တွေ မရှိသလောက်ဖြစ်သွားတယ်ပြောရမယ်။ ဒါပေမဲ့လည်း ဘယ်လိုပဲဖြစ်ဖြစ် ကင်ဂျီးဝန်းကို ကျွန်တော့်အနေနဲ့တော့ I Saw the Devilတို့လိုပုံစံမျိုးထက် Black Comedyကားတွေမှာ ပိုအရသာတွေ့ပါတယ်။ လက်ရှိအထင်ကရထိပ်တန်း ဒါရိုက်တာတွေထဲ ကင်ဂျီးဝန်းပုံစံဟာ အဲဒီကားတွေမှာတော့ လုံးဝကွဲထွက်နေလို့ မတူတဲ့အရသာတစ်မျိုးပေးနိုင်လို့ပါပဲ။ The Foul Kingကတော့ ရုံးမှာ အထက်လူကြီး အနိုင်ကျင့်ခံနေရတဲ့ ဘဏ်ဝန်ထမ်းတစ်ယောက်ကနေ မဆီမဆိုင် ပရိုနပန်းလောကထဲဝင်ပြီး နပန်းသမားဝင်လုပ်တဲ့အကြောင်းပါပဲ။ တော်တော်စားတဲ့ ဇာတ်ကြောင်းလို့ပြောရမယ်။ ဒီလိုစားတဲ့ ဇာတ်ကြောင်းကို ကင်ဂျီးဝန်က Black Comedyဆန်ဆန် ဇာတ်ဝင်ခန်းတွေနဲ့ အသက်သွင်းထားတာကို ဒီရုပ်ရှင်မှာ ကျွန်တော်တို့မြင်ရမှာပါ။ မင်းသားက ဆောင်းကန်ဟိုဆိုတော့ ဇာတ်ကောင်နဲ့လည်းတော်တော်လေးပနံသင့်တော့ အတိုင်းအတာတစ်ခုအထိတော့ ပြည့်စုံတဲ့ ရုပ်ရှင်ပါပဲ။ တစ်ခုရှိတာက ဇာတ်အိမ်က အရမ်းကြီးတော့ အားရစရာမကောင်းနေတဲ့အတွက် ဒီရုပ်ရှင်ဟာ Black Comedyဆန်ဆန် ဇာတ်ဝင်ခန်းတွေကို အရသာခံကြည့်ရတာကြိုက်တဲ့လူတွေအတွက်လိုဖြစ်နေပါလိမ့်မယ်။ I Saw the Devilတို့လိုပုံစံမျိုး သွားမမျှော်လင့်မိဖို့တော့ လိုပါလိမ့်မယ်။ File size… 2.6 GB / 1.2 GB Quality… BluRay 1080p / 720p Format… mp4 Duration…. 1h 52m Genre ….. Comedy/Sport Subtitle…. Myanmar Subtitle (Hard Sub) Encoder…. LegoHeart Translated by WiRa Aung

Sing Sing (2023) IMDb Rating (8.2) / Rotten Tomatoes (98%) ဒီရုပ်ရှင်က နယူးယောက်မြို့မှာရှိတဲ့ Sing Sing Correctional Facility မှာ တကယ်ဖြစ်ပျက်ခဲ့တဲ့ အဖြစ်အပျက်တွေကို အခြေခံပြီး ရိုက်ကူးထားတာပါ။ ဇာတ်လမ်းအကျဉ်းကတော့ ‘ဒီဗိုင်းဂျီ’က သူ မကျူးလွန်ခဲ့တဲ့ ရာဇဝတ်မှုအတွက် ထောင်ဒဏ်ကျခံရင်း ပြစ်မှုကင်းရှင်းကြောင်းသက်သေပြဖို့ ကြိုးစားနေစဉ်မှာပဲ Rehabilitation through the Arts (RTA) ဆိုတဲ့ အစီအစဉ်ကနေတဆင့် တခြားအကျဉ်းသားတွေကို ကူညီပေးနိုင်အောင် ကြိုးစားတတ်သူပါ။ ဒီဗိုင်းဂျီက အာတီအေအစီအစဉ်ကို စတင်တည်ထောင်ခဲ့သူတွေထဲက တစ်ဦးဖြစ်ပြီး သူကိုယ်တိုင်လည်း ပြဇာတ်ရေးနိုင်ကာ ပြဇာတ်မှာလည်း ကောင်းကောင်းကြီးကို ပါဝင်သရုပ်ဆောင်နိုင်သူတစ်ဦးပါပဲ။ တစ်နေ့တော့ သူတို့ရဲ့ ပြဇာတ်အသစ်အတွက် လူသစ်ခေါ်ဖို့ အင်တာဗျူးရင်း ‘ဒီဗိုင်းအိုင်း’ဆိုတဲ့ လူမိုက်တစ်ယောက်က သူတို့အဖွဲ့ထဲကို ရောက်လာပါတော့တယ်။ ရှိတ်စပီးယားပြဇာတ်တွေ ကနေကျ အဖွဲ့ကို ဒီဗိုင်းအိုင်းက စရောက်ကတည်းက ဟာသဇာတ်ကဖို့အတွက် ပြောရင်းနဲ့ ဒီဗိုင်းဂျီနဲ့ မကြာခဏဆိုသလို ထိပ်တိုက်တွေ့ပါတော့တယ်။ အဓိကဇာတ်ဆောင်ဖြစ်တဲ့ ဒီဗိုင်းဂျီနေရာမှာတော့ မင်းသား Colman Domingo က သရုပ်ဆောင်ထားပြီး ဒီဗိုင်းအိုင်းအပါအဝင် ဇာတ်ကောင်တော်တော်များများက အဲ့ဒီအကျဉ်းထောင်မှာ အကျဉ်းကျဖူးတဲ့သူတွေကပဲ ကိုယ်တိုင်ပါဝင်သရုပ်ဆောင်ထားကြတာကို မြင်တွေ့ရမှာဖြစ်ပါတယ်။ ထောင်တွင်းဖြစ်ရပ်မှန်ဇာတ်လမ်းတွေနဲ့အတူ အနုပညာက အကျဉ်းသားတွေရဲ့ ပြန်လည်ထူထောင်ရေးကဏ္ဍမှာ ဘယ်လိုအရေးပါသလဲဆိုတာကို ကြည့်ရှုခံစားကြည့်ကြပါဦး။ (ရုပ်ရှင်အညွှန်းနဲ့ဘာသာပြန်ကို Nway Oo K Zaw မှ တင်ဆက်ထားပါတယ်။)

Distant (2024) IMDb Rating (5.7) အန်ဒီရာမီရက်ဇ်ဆိုတဲ့ လူငယ်လေးဟာ အိပ်မွေ့ချအိပ်စက်ခြင်းကနေ ရုတ်တရက်လန့်နိုးလာခဲ့ပြီး သူတို့ရဲ့အာကာသယာဉ်ကြီးဟာ ဂြိုလ်သိမ်ဂြိုလ်မွှားတွေနဲ့ဝင်တိုက်ပြီး ပျက်ကျလုဆဲဆဲဆိုတာ သိလိုက်ရပါတယ်။ အဲ့ဒီမှာပဲ အရေးပေါ်လုံခြုံရေးစနစ်တွေအသက်ဝင်လာခဲ့ပြီး လွတ်မြောက်ရေးယာဉ်ငယ်တွေက တစ်ဆင့်အမည်မသိဂြိုလ်တစ်စင်းပေါ် ဆင်းသက်ခဲ့ရပါတယ်။ ဂြိုလ်ပေါ်ကိုအဝင်မှာတင်ပဲ မမျှော်လင့်တဲ့ပြဿနာတွေကြောင့် ယာဉ်ငယ်တွေအားလုံးနီးပါးပျက်ကျခဲ့ပြီး ပါဝင်သူတွေပါသေဆုံးခဲ့ပါတယ်။ ရေဒီယိုအသံလွှင့်စနစ်ကတစ်ဆင့် အချက်ပြဆက်သွယ်ပေမယ့် ဘယ်သူ့ဆီကမှ အကြောင်းပြန်မလာခဲ့ပါဘူး။ သူ့မှာအဖော်ဆိုလို့ AI တစ်ခုဖြစ်တဲ့ “L.E.O.N.A.R.D” သာရှိပါတယ်။ ကမ္ဘာမြေနဲ့ မိုင်ထရီလီယံပေါင်းများစွာဝေးကွာတဲ့ သူစိမ်းဂြိုလ်တစ်ခုမှာ သူ့အတွက် ဘယ်လိုအန္တရာယ်တွေစောင့်ကြိုနေမလဲ? ကမ္ဘာမြေကိုဘယ်လိုပြန်အဆက်အသွယ်လုပ်ကြမလဲ? သူ့အတွက် အိမ်ပြန်နိုင်မယ့်အခွင့်အရေးရောရှိပါဦးမလား? sci-fi ရုပ်ရှင်တစ်ကားမှာမြင်နေကျအကြောင်းအရာတွေကို အသုံးချဖန်တီးထားပေမယ့် ဇာတ်အိမ်ကိုဟာသနှောပြီးပေါ့ပေါ့ပါးပါးသွားထားပါတယ်။ အထူးပြုလုပ်ချက်ကောင်းကောင်းတွေ၊ cinematography အမိုက်စားတွေနဲ့အဓိက သရုပ်ဆောင်နှစ်ယောက်ကြောင့် ကြည့်ကောင်းတဲ့ ဇာတ်ကားတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size…(1.1 GB) / (660 MB) Quality….WEB-Rip 1080p HEVC / 720p Format…. mkv/mp4 Genre….Action, Comedy, Sci-Fi Duration….01:28:06 Subtitle….Myanmar Subtitle (Hardsub) Encoder….Benjamin Translated by Alias

Vanvaas (2024) အတိတ်နှင့်ပစ္စုပ္ပန် IMDb 6.7/10 မိသားစုဒရမ်မာ ကြိုက်နှစ်သက်သူတိုအတွက် ဟင်ဒီဒရမ်မာလေးတစ်ခုနဲ့ မိတ်ဆက်ပေးလိုက်ပါတယ်။ ကလေးသုံးယောက်နဲ့ မြေးတွေနဲ့ ဘဝကို အေးဆေးတည်ငြိမ်စွာ ဖြတ်သန်းရမယ့် အရွယ် ရောက်ရှိလို‌ နေပြီဖြစ်ဝာဲ့သူက စိတ်မကောင်းဖြစ်စရာတစ်ခုကတော့ မှတ်ဉာဏ်တွေရောထွေးလိုက် မေ့ပျောက်လိုက် ဖြစ်နေခြင်းရယ်ပါ။ သူ့ဇနီးသည်နဲ့သူ အခုမှ ချစ်စကြင်နာစအရွယ်ရောက်လိုက်၊ ကလေးတွေ ဆယ်နှစ်တောင်မပြည့်သေးတဲ့အရွယ်ရောက်သွားလိုက်၊ ပစ္စုပ္ပန်ကာလကိုရောက်ရှိလာလိုက်နဲ့ သူ့မှတ်ဥာဏ်‌တွေဟာ ရော‌ထွေးနေပါတယ်။ သူဘာလုပ်နေတယ်၊ မနေ့ကဘာလုပ်ခဲ့တယ်၊ အခုလေးတင် ဘယ်ပစ္စည်းကို ဘယ်မှာထားခဲ့တယ်‌ဆိုတာကို မေ့ပျောက်လိုက်နဲ့ မှတ်ဉာဏ်ပျောက်ဆုံးခြင်းကိုလည်းရင်ဆိုင်နေရပါတော့တယ်။ တစ်နေ့ သူတိုတစ်မိသားစုလုံး ဂင်္ဂါမြစ်ဘေးက ဘုရားပွဲတစ်ခုကို ခရီးတိုလေးထွက်ဖို စီစဉ်ကြပါတယ်။ တစ်နိုင်ငံလုံးက ခရီးသွားတွေအပြင် ကမ္ဘာလှည့်ခရီးသွားတွေနဲ့ပါ စည်ကားနေတဲ့နေရာမို သွားလာ လည်ပတ်ရင်း သူနဲ့ကလေးတွေနဲ့ လူစုကွဲသွားပါတော့တယ်။ ဖြစ်ချင်တော့ သူ့ကလေးတွေ ငယ်ရွယ်စဉ်ကလည်း ပွဲဈေးတစ်ခုမှာ လူစုကွဲ ပျောက်သွားလို သူတိုလင်မယားနှစ်ယောက် ခေါင်းမီးတောက် ရှာဖွေခဲ့ရဖူးတာပါ။ သူ့အနေနဲ့ဒီမှတ်ဉာဏ်နှစ်ခုရောထွေးလို သူ့ကလေးငယ်လေးတွေကို ရှာဖွေနေသေးတယ်အမှတ်နဲ့ လိုက်လံမေးမြန်းနေပါတော့တယ်။ သူ့ကလေးတွေကို သူပြန်ရှာတွေ့ပါ့မလား၊ သူ့မှတ်ဉာဏ်ပြဿနာနဲ့ ဘယ်လိုရှေ့ဆက်သွားမလဲ ဆိုတာကို အိန္ဒိယရိုးရာဓလေ့လေးတွေနဲ့အတူ မိသားစုသိုက်သိုက်ဝန်းဝန်းနဲ့ နွေးထွေးမှုကိုပါ ကြည်နူးစွာ ကြည့်ရှုခံစားကြည့်ကြရအောင်ပါ။ အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် ။

Pokémon 3: The Movie (2000) IMDb Rating (5.8) / Rotten Tomatoes (20%) ပိုကီမွန် လေ့ကျင့်ပေးတဲ့ trainer ပေါက်စလေး အက်ရှ်နဲ့ သူ့အခင်ဆုံး သူငယ်ချင်း တို့ တစ်ခု အစိမ်းရောင်နယ်မြေကို ခရီးသွားကြတဲ့အခါ ………. သာယာလှတယ်လို့ ဂုဏ်သတင်းကြီးတဲ့ အစိမ်းရောင်နယ်မြေက ကြားထားတာနဲ့ လုံးဝမတူ ပြောင်းလဲနေခဲ့ပါတယ်……. သူ့အမေက အဲ့နယ်မြေထဲကို ခေါ်သွားခံခဲ့ရတဲ့အခါ အက်ရှ်တစ်ယောက်ဘယ်လိုတေွစွန့်စားခရီးထွက်ပြီး ပိုကီမွန်လေးတွေနဲ့ ဖြေရှင်းမယ်ဆိုတာကို …….. ရင်သက်ဖွယ်ကြည့်ရမယ့် ဇာတ်ကားကောင်းပါ။ ၂၀၀၀ ခုနှစ်က ထွက်ရှိခဲ့ပြီး လူကြိုက်များခဲ့တဲ့ ပိုကီမွန်ကားထဲက တစ်ခုပါ ။ (အညွှန်းနဲ့ဘာသာပြန်ကတော့ EmmA ဖြစ်ပါတယ်။) File size…(1.5 GB) / (770 MB) Quality….WEB-DL 1080p / 720p Format…. mp4 Genre….Action,Adventure,Animation,Familly,Fantasy Duration….01:13:32 Subtitle….Myanmar Subtitle (Hardsub) Encoder….Thit San Khant Translated by EmmA