Directed by Alejandro G. Iñárritu IMDb Rating - 7.7/10 21 Gramsဟာ Death Trilogyရဲ့ ဒုတိယကားပါ။ Death Trilogy ကတော့ Alejandro ရိုက်ခဲ့တဲ့ ဇာတ်ကောင်တွေရဲ့ သေခြင်းကို အခြေတည်ရိုက်ပြထားတဲ့ ဇာတ်ကား၃ကားဖြစ်ပြီး ၃ကားလုံးရဲ့စာရေးဆရာကလည်း Guillermo Arriaga ပါ။ Death Trilogyမှာ Amores perros ( 2000 ) , 21 Grams (2003) , Babel (2006) တိုပါဝင်ပြီး ၃ကားလုံးကို ဆက်တိုက်ရိုက်ကူးခဲ့သလို ၃ကားလုံးလည်း ဝေဖန်ရေးဆရာတွေရဲ့ ချီးကျူးမှုရခဲ့တဲ့ ရုပ်ရှင်တွေပါ။ Alejandro ဟာ Death Trilogyအပြင် Birdman , The Revenant , biutiful ၃ကားကိုရိုက်ကူးခဲ့ပြီး ၃ကားလုံး ရုပ်ရှင်ကောင်းတွေဖြစ်ပြီး Birdmanနဲ့ The Revenantကတော့ အော်စကာ ၄ဆုနဲ့ ၃ဆုစီ ရခဲ့ပြီး birdman ကတော့ best pictureပါ ရခဲ့ပါတယ်။ ၆ကားပဲ ရိုက်ပြီး ၆ကားလုံး မာစတာပိစ်ဖြစ်နေတဲ့ သူလို ပြောလည်း မမှားပါဘူး။ သရုပ်ဆောင်တွေကလည်း Sean Penn ,ချေဂွေဗားရားမင်းသား Benicio Del Toro , Mulholland Drive နဲ့ ကင်းကောင်မင်းသမီး Naomi Watts တိုလို နာမည်ကြီး သရုပ်ဆောင်တွေပါ။ Del Toroနဲ့ Naomiဟာ ဒီရုပ်ရှင်နဲ့ပဲ အော်စကာsupporting ဆန်ခါတင်တွေ ဝင်ခဲ့ကြပါတယ်။ Del Toroကြီးရဲ့ ပီပြင်ပုံကလည်း ရူးလောက်ပါတယ်။ ၁၉၀၇မှာ Duncan MacDougallဟာ The 21 grams experiment ဆိုတဲ့ စာတမ်းတစ်စောင်ကို ထုတ်ဝေခဲ့ပါတယ်။ သူ့သီဝရီကတော့ လူ့ဝိညာဉ်မှာ ဒြပ်ထုအလေးချိန်ရှိပြီး အဲဒီဒြပ်ထုအလေးချိန်က ၂၁ဂရမ်ပါတဲ့။ ဒါကြောင့် လူတွေသေသွားရင် သေသေပြီးချင်းမှာ အလေးချိန်၂၁ဂရမ် ဆုံးရှုးသွားတယ်တဲ့။ ဒီရုပ်ရှင်ကတော့ အဲဒီ၂၁ဂရမ်ဆိုတဲ့ ဆုံးရှုးမှုမှာ အဆုံးအရှုးတွေ ဘယ်လောက်ပါဝင်နေလဲ။ အဲဒီ၂၁ဂရမ်ကို ဘယ်အချိန်မှာ တကယ်တမ်း ဆုံးရှုးသွားလဲ။ သေသူဆီက ဆုံးရှုးသွားတဲ့ အဲဒီ၂၁ဂရမ်ဟာ ကျန်ရစ်သူတွေဆီ ဘယ်နှဂရမ် ဘယ်နှအသည်းကွဲစာ ရောက်သွားလဲ။ အဲဒီဆုံးရှုးသွားတဲ့ ၂၁ဂရမ်မှာ စိတ်ဝိညာဉ်ပါဝင်မှု ဘယ်လောက်များလဲဆိုတဲ့ အမေးကို မေးပြီး ရိုက်ပြထားတဲ့ရုပ်ရှင်ပါ။ ဒီထဲမှာ ဇာတ်ကောင်မိသားစု၃ခုပါဝင်ပါတယ်။ မတော်တဆဖြစ်သွားတဲ့မိသားစုရယ် ၊ မတော်တဆမှုတရားခံရယ် ၊ အဲဒီမတော်တဆမှုဖြစ်ပြီး ဆုံးပါးသွားတဲ့လူဆီက နှလုံးကိုရလိုက်တဲ့သူရယ်ပါ။ သေတော့မယ့်လူရယ် ၊ အပြစ်ရှိတဲ့သူရယ် ၊ ကျန်ရစ်သူရယ်ဆီကို သေပြီးတဲ့လူတစ်ယောက်ရဲ့ ၂၁ဂရမ်ရဲ့ လေးလံခြင်း သိပ်သည်းခြင်းတွေအကြောင်း အပြစ်ရှိစိတ်‌တွေအကြောင်း ရိုက်ထားတယ်လို ပြောလိုရပါတယ်။ ဇာတ်လမ်းရဲ့ conceptကိုက ထူးခြားနေတာကို Alejandroက Nonlinearနဲ့ပြထားပါတယ်။ စစချင်းမှာ ကြည့်တဲ့သူကို ဘယ်မိသားစုက ဘယ်သူ့မိသားစုလဲတောင် ရောအောင် ပြထားပြီး ကြာရင်တော့ ရှုပ်မနေဘဲ ဇာတ်ရည်လည်သွားပါတယ်။ ကြည့်တဲ့သူရဲ့ စိတ်ကို ဖမ်းစားနိုင်တဲ့ တော်တော်သေသပ်တဲ့ပြသမှုပါပဲ။ သရုပ်ဆောင်တွေ တော်တော်လေး သရုပ်ဆောင်ကောင်းနေတာကလည်း ဒီဇာတ်လမ်းရဲ့ ကြည့်သူကို ဖမ်းစားနိုင်တဲ့ အဓိကအချက်တစ်ချက်ပါပဲ။ ၅ဆင့်တန်အကြွေစေ့ငါးပြားရဲ့ အလေးချိန် ငှက်ပိတုန်းတစ်ကောင်ရဲ့အလေးချိန် ချောကလက်တစ်ချောင်းရဲ့ အလေးချိန် ၂၁ဂရမ်ဟာ ဘယ်လောက်များလေးလံလဲ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(2.2GB) / (1GB) Quality__Bluray_1080p, 720p IMDb Rating__7.7/10 Format__mp4 Duration__02:02:00 Type__Crime, Drama, Thriller Subtitle__Myanmar Subtitle (Hardsub) Translated by WiRa Aung Encoded by Naing Aung Latt

အဆင်သင့်မဖြစ်ခင် ကြိုးစားရတာက မကြိုးစားဘဲအရှုံးပေးလိုက်ထက် ပိုကောင်းတယ်မဟုတ်လား ယဆိုထောင်းပြည်နယ်မှာ ရိုးရာမီးဒုံးလွှတ်ပွဲတော်ကို ကျင်းပလေ့ရှိပါတယ် ဒီတစ်ခါမှာ နတ်သမီးအဖွဲ့ဖြစ်တဲ့ မို၊ သဲသဲ၊ ပွမ့်၊ မြောင်နဲ့ နွိုင်းတို့ ၅ယောက်က ခရိုင်ကိုယ်စားပြုအကပြိုင်ကြမှာဖြစ်ပါတယ် ဒါပေမယ့် ရွာလူကြီးထစ်က သူ့သမီးကိုပေးပြိုင်မှာ​ကြောင့် နတ်သမီးအဖွဲ့က မတရားသဖြင့် နောက်ဆုတ်ပေးလိုက်ရပါတယ် ဒါကြောင့် သူတို့က မဟာထစ်ရဲ့အချစ်တော်မီးဒုံးကို ပြိုင်ပွဲမှာအနိုင်ပိုင်းဖို့ မီးဒုံးပြုလုပ်ပြီးဝင်ပြိုင်ကြဖို့ဆုံးဖြတ်ကြရာမှာ တစ်ခါမှမီးဒုံးမလုပ်ဖူးကြတဲ့ သူတို့ငါးယောက်ရဲ့အခက်အခဲမျိုးစုံကို ဟာသပေါင်းစုံနဲ့ရောယှက်ပြီး အူတက်​နေအောင် ရယ်ရမှာဖြစ်သလို ဒီဇွဲရှိလှတဲ့နတ်သမီးအဖွဲ့လေးက ပြိုင်ပွဲမှာရော မဟာထစ်ဆိုတဲ့လူဆိုးရဲ့မီးဒုံးကိုအနိုင်ရသွားမလားဆိုတာ အဆုံးသတ်ကိုလည်း စိတ်လှုပ်ရှားဖွယ်ကြည့်ရမှာဖြစ်ပါတယ် အညွှန်း နဲ့ ဘာသာပြန်ကတော့ Lei Wutyi Tun ပဲ ဖြစ်ပါတယ်။ Genre..... Comedy Quality…. 1080p | 720p | 480p File size… 1.86GB | 1GB | 453MB Format… mp4 Duration…. 1h 52min Subtitle…. Myanmar Subtitle (Hardsub) Translator ..... Lei Wutyi Tun Encoder ..... August

လက်ရှိအော်စကာမှာ Best Actress နဲ့ Best Original Score ဆန်ခါတင် ၀င်ထားတဲ့ စပိန်ရုပ်ရှင်ပါ။ စပိန်ကားပေမဲ့ စပိန်က Oscar Entry အဖြစ် မရွေးခဲ့တာကြောင့် International Feature Film ထဲ ဆန်ခါတင်မ၀င်ပဲ Main Category တွေထဲ ၀င်သွားတဲ့ ရှားရှားပါးပါးရုပ်ရှင်ပါပဲ။ ဟိုးတုန်းကတော့ အလားတူ ဂျပန်ကလည်း ခုရိုဆ၀ရဲ့ Ran ကို မရွေးဘဲ တခြားကားကိုရွေးခဲ့တာကြောင့် အော်စကာရဖို့ လက်လွတ်ခဲ့ရဖူးပါတယ်။ ခုလည်း စပိန်က Parallel Mothers ကို မရွေးခဲ့ပေမဲ့ အော်စကာကတော့ IFF ထဲမ၀င်တဲ့ နိုင်ငံခြားကားကို Main Category တွေထဲ ထည့်လိုက်ပါတယ်။ Parallel Mothers ရဲ့ ဒါရိုက်တာ Pedro Almodóvar ဟာ ရှေ့မှာ အော်စကာ nominations ကိုးခါ၀င်ထားပြီး နှစ်ခါဆုရထားတဲ့သူ ဖြစ်တဲ့အပြင် နောက်ဆုံးသူရိုက်ခဲ့တဲ့ Pain and Glory ဟာလည်း သူ့နှစ်က အတော်လေးအောင်မြင်ခဲ့ပါတယ်။ Parallel Mothers နဲ့ Best Actress Nominations ၀င်ထားတဲ့ Penélope Cruz ဟာ ရှေ့မှာလည်း Best Supporting Actress ဆုကို ရထားတဲ့သူဖြစ်ပြီး ဒီနှစ် BA ရခဲ့ရင် နှစ်ဆုလုံးရထားတဲ့ အော်စကာသမိုင်းတစ်လျှောက်လုံးက ၈ယောက်မြောက်သူဖြစ်မှာပါ။ ရှေ့ကရထားတဲ့သူတွေကတော့ Helen Hayes, Renée Zellweger, Maggie Smith, Jessica Lange , Cate Blanchett, Ingrid Bergmanနဲ့ Meryl Streep တို့လို Legend Actress တွေချည်းပါပဲ။ ဇာတ်ကြောင်းကတော့ Pedro Almodóvar ရဲ့ ဟန်အတိုင်းပဲ Melodrama ဇာတ်ကြောင်းပါပဲ။ စပိန်က Single mother နှစ်ယောက်ရဲ့ ဘ၀ကို ဖော်ပြရင်း စပိန်ရဲ့ ရင်နာစရာကောင်းတဲ့ သမိုင်းကို ပါးပါးလေး လှစ်ပြသွားခဲ့တယ်။ "သမိုင်းကို နှုတ်ပိတ်ပစ်လို့မရပါဘူး။ သမိုင်းကို ဖုံးကွယ်ချင်သူတွေက ဘယ်လိုပဲ သမိုင်းကို မီးလောင်ပြာကျအောင်လုပ်ဖို့ ကြိုးစားပါစေ။ သမိုင်းကို ဘယ်ပုံပဲဖျက်စီးပါစေ။ သမိုင်းကို ဘယ်‌လောက်ပဲ အတုလုပ်ပါစေ။ သမိုင်းကတော့ အမှန်တရားကို ပြောပြနေမှာပါပဲ" 1930‌ နှောင်းပိုင်းက စပိန်ပြည်တွင်းစစ်နောက်ပိုင်းမှာ စပိန်အာဏာရှင် Francisco Franc ဟာ လူထောင်ပေါင်းများစွာကို မတရားသတ်ဖြတ်ခဲ့ပြီး သူသေတဲ့ 1975 အထိ စပိန်ကို အာဏာသိမ်းထားခဲ့ပါတယ်။ ဒါရိုက်တာကတော့ စပိန်လူမျိုးတွေဟာ သူတို့သမိုင်းရဲ့ အမှောင်မိုက်ဆုံး အပိုင်းတွေကို ထုတ်ဖော်ပြောပြရတာမကြိုက်ဘူးလို့ ဆိုပါတယ်။ ဒါကြောင့် မတရားသတ်ဖြတ်ခံခဲ့ရတဲ့ လူထောင်ချီကို အောက်မေ့သောအားဖြင့် ရိုက်ကူးခဲ့တယ်လို့ ဒါရိုက်တာက ဖြေထားခဲ့ပါတယ်။ ရုပ်ရှင်မှာလည်း အမေနှစ်ယောက်ရဲ့ ဘ၀ကိုပြရင်း အဲဒီတုန်းက မတရားသတ်ဖြတ်ပြီး ကျင်းထဲစုမြုပ်ခံခဲ့ရတဲ့ သူတို့ဘိုးဘေးတွေရဲ့ ရုပ်အလောင်းကို ပြန်တူးဖော်ချင်တဲ့လူတွေကိုလည်း ဆက်စပ်ချိတ်ပြသွားခဲ့တယ်။ ပြည်တွင်းစစ်ကြီး ပြီးတာကြာပေမဲ့ သူတို့ ဒီအလောင်းတွေကို မဖော်နိုင်မချင်း မပြီးဘူးဆိုတဲ့ သမိုင်းကိုမမေ့တဲ့ စပိန်ပြည်သူတစ်ချို့ရဲ့ သဘောထားကိုလည်း လှစ်ပြသွားခဲ့တယ်။ Parallel Mothers ဟာ IMDb 7.1 နဲ့ Rotten Tomatoes 97% ရထားတဲ့အပြင် ရခဲလှတဲ့ Metacritic Rating 88% ပါရထားပါတယ်။ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.86GB, 871.3MB Quality - 1080p, 720p IMDb Rating - 7.1/10 Format - mp4 Duration - 2H 3Min Genre - Drama Subtitle - Myanmar Subtitle (Hardsub) Translated by WiRa Aung Encoded by Y

ဒီ ဇာတ်လမ်းလေးကတော့ ခပ်ဝဝနဲ့ စိတ်ကောင်းရှိတဲ့ ကုန်တိုက်လုံခြုံရေး ပေါလ်ဘလတ် ကို ဇာတ်အိမ်တည်ပြီး ရိုက်ကူးထားတာပါ ။ Comedy, Actionအမျိုးအစားဖြစ်ပြီးတော့ မိသားစုနဲ့အတူတူကြည့်လို့ကောင်းမယ့် wholesomeဖြစ်တဲ့ ဇာတ်ကားမျိုးလေးလည်း ဖြစ်ပါတယ် ။ ဇာတ်လမ်းအကျဥ်းမှာတော့ ပေါလ်ဘလတ်က ဝက်စ်အောရိန့်ချ် ပါဗီလီယွန်ကုန်တိုက်ရဲ့ လုံခြုံရေးအစောင့်တစ်ယောက်၊ ပြည်နယ်ရဲတပ်ဖွဲ့ဝင်တစ်ဦးဖြစ်လာဖို့ကြိုးစားနေပေမဲ့ သွေးတွင်းသကြားဓာတ်နည်းတဲ့ရောဂါကြောင့် အိပ်မက်က အလှမ်းဝေးနေတယ်။ ပေါလ်ရဲ့ မိခင်နဲ့ ပေါလ်ရဲ့မိတဆိုးသမီးလေးမာရာကတော့ ပေါလ်ကို ဂရုစိုက်ရှာပါတယ်။ ပေါလ်ကို လက်တွဲဖော်လေးတစ်ယောက်လည်း ရစေချင်ကြတယ်။ ပေါလ်မှာလည်း သူလုံခြုံရေးစောင့်တဲ့ ကုန်တိုက်ထဲမှာ ချစ်ရတဲ့crushလေးရှိလာတယ်။ တစ်နေ့ ပေါလ်တို့ရဲ့ ကုန်တိုက်ကို အကြမ်းဖက် လူဆိုးအုပ်စုက ဓားပြတိုက်ဖို့ ဝင်ရောက်စီးနင်းကြတယ်။ အဲဒီအချိန်မှာ ဓားစာခံမိထားတဲ့crushလေးကိုကယ်လိုဇောနဲ့ ပေါလ်တစ်ယောက်က လူဆိုး၈ယောက်ကို တစ်ကိုယ်တော်အစွမ်းနဲ့ တစ်ဆင့်ချင်း ဘယ်လိုဖြုတ်သွားမလဲဆိုတာကိုတော့ Paul Blart Mall Cop ဇာတ်ကားလေးထဲမှာ ကိုယ်တိုင်ကြည့်ရှုခံစားလို့ရပါပြီ File size…(1.7GB) / (1.2GB) / (433MB) Quality…. Web 1080P / 720p / 480p Format…mp4 Duration….01:31:00 Genre… Action / Crime / Comedy Subtitle….Myanmar Subtitle (Hardsub) Encoder….Mr. Anderson Translated by Su Eaindra Zaw

Gran Turismo(2023) ******************* ကားပြိုင်ဂိမ်းသမားအဖြစ်မှ ကမ္ဘာ့အဆင့်ပြိုင်ကားသမားဖြစ်လာသူ ယန်း မာဒန်ဘိုရော့ အကြောင်း ဖြစ်ရပ်မှန် ရုပ်ရှင်ဖြစ်ပါတယ်။ ကားပြိုင်ပွဲတွေရဲ့ ရင်ခုန်ရတဲ့အရသာကိုလိုချင်ရင် ဒီရုပ်ရှင်လည်း ကြည့်ကိုကြည့်ရမှာပါပဲ။ ယန်းဟာ ကားပြိုင်ဂိမ်းတွေထဲမှာ နာမည်ကြီးဖြစ်တဲ့ ဂရန် တူရစ္စမို ဂိမ်းကို စွဲစွဲလမ်းလမ်း ကစားခဲ့သူဖြစ်ပြီး အကောင်းဆုံးဂိမ်းသမားတွေထဲက တစ်ယောက်ဖြစ်ပါတယ်။ ဂရန်တူရစ္စမိုဂိမ်းဟာလည်း တကယ့်ပြိုင်ကားတွေ၊ ပြေးလမ်းတွေကို အသေးစိတ်လေ့လာပြီးမှ ထုတ်လုပ်ထားတဲ့ဂိမ်းဖြစ်လို့ အရမ်း လက်တွေ့နဲ့နီးစပ်ပြီး လူသန်းပေါင်းများစွာ ကစားနေကြတဲ့ဂိမ်းပဲဖြစ်ပါတယ်။ ၂၀၀၈ ခုနှစ်ကစပြီး နစ်ဆန်းကားကုမ္ပဏီနဲ့ ဆိုနီဂိမ်းတို့ ပူးပေါင်းပြီး ဂိမ်းသမားတွေကို တကယ့် ပြိုင်ကားပရော်ဖက်ရှယ်နယ်ဖြစ်လာအောင်လေ့ကျင့်ပေးတဲ့ GT အကယ်ဒမီအစီအစဉ်ကိုစတင်ခဲ့ပါတယ်။ ယန်း မာဒန်ဘရော့ကလည်း ဒီအစီအစဉ်မှာ ပါသွားခဲ့တဲ့ လူငယ်တစ်ယောက်ပါ။ ဂိမ်းသမားကနေ ပြိုင်ကားအစစ်ကိုတက်မောင်းပြီး ဆုတွေယူဖို့ဆိုတာ ဘယ်သူမှ မယုံကြည့်ခဲ့ပေမဲ့ ယန်းကတော့ ကမ္ဘာ့အဆင့်ပြိုင်ပွဲတွေမှာပါ ဆုတွေရအောင်စွမ်းဆောင်နိုင်ခဲ့တဲ့အကြောင်းကို တင်ဆက်ထားတာပါ။ ပြိုင်ကားရုပ်ရှင်တွေထဲမှာ အကောင်းဆုံးတစ်ကားဖြစ်တဲ့ Ford vs Ferrari ရုပ်ရှင်လိုမျိုးပဲ အတော်ကို ကောင်းတဲ့ရုပ်ရှင်တစ်ကားပါပဲ။ IMDb မှာလည်း 7.4 အထိ ရရှိထားပါတယ်။ ဒါရိုက်တာကတော့ Elysium တို့ District 9 တို့ရဲ့ ဖန်တီးရှင် Neill Blomkamp ပါပဲ။ ယန်းမာဒန်ဘိုရော့အဖြစ် Archie Madekwe က သရုပ်ဆောင်ထားပြီး သူ့ရဲ့နည်းပြ၊အင်ဂျင်နီယာခေါင်းဆောင်အဖြစ် Stranger Things ရဲ့ မင်းသားကြီး David Harbour ပါဝင်ထားပါတယ်။ GT အကယ်ဒမီကို စီစဉ်သူ Cox အဖြစ် မင်းသားကြီး အော်လန်ဒို ဘလွန်းက ပါဝင်ထားပါတယ်။ ဒီရုပ်ရှင်ထဲမှာ ဂရန် တူရစ္စမို ဂိမ်းဖန်တီးသူ Kazunori Yamauchi ကိုလည်း ဆူရှီဆိုင်ကလူကြီးအဖြစ် ဧည့်သည်သရုပ်ဆောင်ထည့်သွင်းသွားပါသေးတယ်။ အညွှန်း နဲ့ ဘာသာပြန်ကတော့ Mr.Anderson ပဲ ဖြစ်ပါတယ်။ File Size : 1GB | 2.2GB | 6.24GB Quality : WEB-DL720p | 1080p | 4k Format…mp4 Duration…02:14:00 Genre : Action, Adventure, Drama Subtitle : Myanmar Subtitle (Hard Sub) Translated by ‌ Mr.Anderson Encoded by Phyo Pyae, Aaron

မူးယစ်ဆေးဝါးရောင်းဝယ်အသုံးပြုနေတဲ့ ဂိုဏ်းကြီးတစ်ခုရဲ့ခေါင်းဆောင်ဖြစ်တဲ့ ချင်းရုံနဲ့ ချင်းဟန့်ညီအကိုနှစ်ယောက်ဟာ အမှုအခင်းတွေကို ဖန်တီးပြီးတော့လုပ်ကြံသတ်ဖြတ်နေကြတဲ့သူတွေပါ ညီဖြစ်သူချင်းရုံ ဖန်တီးခဲ့တဲ့ အိမ်ခြံမြေပွဲစားရဲ့ယာဉ်တိုက်မှုနဲ့ ချင်းချန်ဆိုတဲ့လူတစ်ယောက်သေနတ်နဲ့ကိုယ်ဟာကိုယ်အဆုံးစီရင်သွားခဲ့တဲ့ အမှုအခင်းနှစ်ခုကို ရဲတပ်ဖွဲ့မှသံသယရှိနေပြီး အမှန်တရားကိုဖော်ထုတ်ဖို့ကြိုးစားနေကြတယ်။ အကိုဖြစ်သူချင်းဟန့်ရဲ့ လောကရဲ့ထိပ်ဆုံးကိုရောက်ချင်တဲ့လောဘနဲ့ ညီဖြစ်သူနဲ့ဘယ်လိုတွေ လက်တွဲပြီးတော့ အကောင်အထည်ဖော်ကြမယ်ဆိုတာနဲ့ ရဲမှုခင်းတပ်ဖွဲ့ကလဲ သူတို့ညီအကိုနှစ်ဦးရဲ့ ရာဇဝတ်မှုတွေကို ဘယ်လိုဖော်ထုတ်ကြမလဲဆိုတာကို စိတ်လှုပ်ရှားဖွယ်ကြည့်ရှုရမယ့်ဇာတ်ကားဖြစ်ပါတယ်

ယခုတစ်ခါတင်ဆက်ပေးလိုက်တာကတော့ သမိုင်းနောက်ခံဖြစ်ရပ်မှန်ဇာတ်လမ်းလေးပဲဖြစ်ပါတယ်။ IMBD rating – 7.3 အထိရရှိထားပြီး nomination 6 ခုဝင်ခဲ့ပါတယ်။ ဇာတ်လမ်းအကြောင်းမပြောခင် နောက်ခံသမိုင်းကြောင်းလေးအရင်ပြောပြချင်ပါတယ်။ ပထမကမ္ဘာစစ်အပြီးမှာ ဩစတြီးယားနိုင်ငံနဲ့ဂျာမနီနိုင်ငံတို့ကိုပေါင်းစည်းမယ်ဆိုတဲ့ အတွေးအခေါ်စတင်ဖြစ်တည်လာပါတယ်။ ဂျာမနီနိုင်ငံပိုမိုကြီးမားလာစေဖို့နဲ့ ဩစတြီးယားရဲ့စီးပွားရေးအခက်အခဲကိုပြေလည်စေဖို့ပါ။ ပေါင်း‌စည်းစေချင်သူတွေကတော့ ဂျာမန်လူ‌မျိုးတွေပါ။ ဒီလိုနဲ့ ၁၉၃၃ ခုနှစ်မှာ ဟစ်တလာရဲ့နာဇီပါတီအာဏာကြီးမားလာခဲ့ပြီး ထိုအတွေးအခေါ်ဟာ ပိုပြီးကျယ်ပြန့်လာခဲ့ပါတယ်။ ၁၉၃၈ ခုနှစ်မှာ ဩစတြီးယားနဲ့ ဂျာမနီနိုင်ငံတို့ကို ပေါင်းစည်းခဲ့ပါတယ်။ ဩစတြီးယားနိုင်ငံအတွင်းဝင်ရောက်လာတဲ့ နာဇီစစ်သားတွေကို ဩစတြီးယားနေ ဂျာမန်ပြည်သူတွေက သောင်းသောင်းဖြဖြ ကြိုဆိုခဲ့ကြပေမဲ့ ဩစတြီးယားနေ ဂျူးလူမျိုးများအတွက်တော့ ထိတ်လန့်စရာကိစ္စဖြစ်လာခဲ့ပါတယ်။ နာဇီစစ်သားတွေဟာဂျူးလူမျိုးတွေကိုနှိပ်စက်တယ်၊သတ်ဖြတ်တယ်၊ ပိုင်ဆိုင်တဲ့ပစ္စည်းတွေ၊ အိမ်တွေ၊ စက်ရုံတွေကိုသိမ်းပစ်ကြပါတယ်။ ဒီလိုအသိမ်းခံရတဲ့မိသားစုတစ်စုကတော့ ဘလော့ဘောက်ဝါမိသားစုပါ။ ဘလော့ဘောက်ဝါမိသားစုဟာ လူကုံထံမိသားစုတစ်ခုပါ။နာဇီစစ်သားတွေသိမ်းစည်းသွားတဲ့ ဘလော့ဘောက်ဝါမိသားစုရဲ့ ပိုင်ဆိုင်မှုတွေထဲမှာ တန်ဖိုးကြီးပစ္စည်းတွေကတော့ နာမည်ကျော်ပန်းချီဆရာ Gustav Klimt ရေးဆွဲခဲ့တဲ့ Adele Bloch-Bauer ရဲ့ပုံတူပန်းချီကားနဲ့ အခြားပန်းချီကားတွေပါ။ ထိုပန်းချီကားတွေကို အတင်းအဓမ္မသိမ်းယူသွားခဲ့ပြီး ဩစတြီးယားနိုင်ငံ၊ ဗီယန်နာမြို့မှာရှိတဲ့ Belvedere ပြခန်းမှာ ပြသထားခဲ့ပါတယ်။ ဇာတ်လမ်းအကြောင်းပြောရရင်တော့ အဓိကဇာတ်ဆောင်ဖြစ်‌တဲ့ Maria Altmann ဟာ Adele Bloch-Bauer ရဲ့တူမပါ။ 1998 ခုနှစ်မှာ ဩစတြီးယားအစိုးရက မတရားသိမ်းယူခံထားရတဲ့အနုပညာပစ္စည်းတွေကို ပိုင်ရှင်ဆီပြန်လည်အပ်နှင်းဖို့ ရီစတီကျူးရှင်းကော်မတီကိုဖွဲ့စည်းခဲ့ပါတယ်။ ထိုအခါ Maria Altmann ဟာလည်းသူမအဒေါ်ရဲ့ ပုံတူပန်းချီကားကိုပြန်လည်ရရှိနိုင်ဖို့အတွက် ရှေ့နေတစ်ယောက်ကိုငှားခဲ့ပါတယ်။ Eric Randol Schoenberg ပါ။ Maria နဲ့ Randol တို့နှစ်ယောက် ဩစတီးယားနိုင်ငံကိုသွားခဲ့ပြီး သူမရဲ့ပန်းချီကားနဲ့စပ်လျဉ်းတဲ့အမှုကိုစဉ်းစားရာမှာ ထည့်သင့်တဲ့အချက်အလက်တစ်ချို့ကို ကော်မတီကိုသွားပေးခဲ့ပါတယ်။ တကယ်တော့ ဩစတြီးယားအစိုးရက လူထုအာရုံစိုက်ရုံမျှသာ ရီစတီကျူးရှင်းကော်မတီကိုဖွဲ့စည်းခဲ့တာဖြစ်ပြီး အနုပညာပစ္စည်းများကို ပြန်လည်အပ်နှင်းလိုတဲ့ဆန္ဒမရှိပါဘူး။ ထိုအခါ Maria Altmann နဲ့ Randol Schoenberg တို့နှစ်ယောက်ဘာဆက်လုပ်ကြမယ်ဆိုတာကို ရုပ်ရှင်ထဲမှာကြည့်ရှုခံစားကြပါခင်ဗျာ။ File size…(1.7 GB)/(1 GB) Quality….Webrip 1080p / 720p Format…mp4 Duration….01:49:00 Genre…Drama, Biography, History Subtitle….Myanmar Subtitle (Hardsub) Encoder….Garfield Translated by Akm

Charulata ( 1964 ) ဆတ္တရာဂျစ်ရေးရဲ့ Charulata ဟာ တဂိုးလို့သိကြတဲ့ ဘင်္ဂါလီကဗျာဆရာ ရာဘင်္ဒြာနတ်တဂိုး ၁၉၀၁ခုနှစ်တုန်းက ရေးသားခဲ့တဲ့ ဝတ္တုဖြစ်တဲ့ Nastanirhခေါ် The Broken Nestဆိုတဲ့ ဝတ္တုကို ပြန်ရိုက်ထားတယ်။ Charulataကို ရေးရဲ့အကောင်းဆုံးလက်ရာတွေထဲက တစ်ကားလို့ဆိုကြသလို the greatest films ever made စာရင်းထဲ မကြာမကြာ ပါတတ်တဲ့ ရုပ်ရှင်ဆိုလည်း ဟုတ်တယ်။ တဂိုးရဲ့ ဝတ္တုမှာတော့ Charulataကို ၁၉ရာစုမှာ ဇာတ်အိမ်တည်ထားပေမဲ့ ရေးကတော့ ၁၈၉၇မှာ ဇာတ်အိမ်ပြောင်းတည်ခဲ့တယ်။ ဒီလိုတည်ဖို့လည်း ရေးအနေနဲ့ သမိုင်းနောက်ခံတွေကို လပေါင်းများစွာ လေ့လာခဲ့ရတယ်။ တကယ်ရိုက်တဲ့အခါမှာလည်း ၁၈၈၀ခုနှစ်ရဲ့ အိန္ဒိယကို ပုံဖော်နိုင်တဲ့ ဆက်တင်တွေဖြစ်အောင် အကုန်လုံး ပြင်ဆင်ရိုက်ကူးခဲ့တယ်။ ရေးအတွက် Charulataဟာ သူ့ရုပ်ရှင်ရိုက်သက်တမ်းတစ်လျှောက်မှာ deadline မသက်မှတ်ထားခဲ့တဲ့ ပထမဆုံးကားဖြစ်ခဲ့သလို သူကိုယ်တိုင်ကလည်း သူ့ကားတွေထဲက သူ့အကြိုက်ဆုံးကားလို့ ပြောခဲ့ဖူးတယ်။ ဆတ္တရာဂျစ်ရေးဟာ တဂိုးတည်ထောင်ခဲ့တဲ့ Visva-Bharati University မှာ ကျောင်းတက်ခဲ့တဲ့သူဖြစ်သလို တဂိုးဟာလည်း ကျွန်တော်တို့သိတဲ့ ဘင်္ဂါလီကဗျာဆရာတွေထဲ အကြီးကျယ်ဆုံးဖြစ်သလို ရေးကိုယ်တိုင်ကလည်း ဘင်္ဂါလီဒါရိုက်တာတွေထဲ အကြီးကျယ်ဆုံးသူဖြစ်နေတော့ တဂိုးရဲ့ဝတ္တုကို ရေးကရိုက်တဲ့ ဒီကားရဲ့အတွဲအဖက်က မဆန်းပြားရင်တောင် ထူးခြားနေတယ်ပြောရမယ်။ ဒီကားအရှေ့မှာလည်း ရေးဟာ နီရူးရဲ့ ထောက်ပံ့မှုနဲ့ Rabindranath Tagoreဆိုတဲ့ တဂိုးဒိုကူမန်ထရီကိုလည်း ရိုက်ခဲ့သေးတယ်။ Charulataဟာ ရေးရဲ့ ရုပ်ရှင်ရိုက်ကူးရေးဘဝမှာ တစ်ဆစ်ချိုးလို့ပြောလို့လည်းရတယ်။ Charulataမတိုင်ခင်မှာ ရေးဟာ မျက်မှောက်ခေတ်အိန္ဒိယလူနေမှုဘဝကို ပုံဖော်ခဲ့တာမျိုးမရှိခဲ့ပေမဲ့ Charulataနှောင်းပိုင်းမှာတော့ ရေးဟာ သိပ္ပံစိတ်ကူးယဉ်တွေ စုံထောက်ဇာတ်လမ်းတွေရိုက်လာတယ်။ ဒီကားတွေထဲမှာ ရေးဟာ သူ့မျက်မှောက်ခေတ်က အိန္ဒိယကိုလည်း ပုံဖော်ခဲ့တယ်။ ရေးရဲ့ရုပ်ရှင်တွေဟာ ရွှေရောင်ခရုတစ်ကောင်လို တရွေ့ရွေ့ချင်းသွားနေတယ်လို့ တစ်ချို့ကပြောကြသလို ဝေဖန်ရေးသမားတစ်ချို့ကလည်း ဒီလိုရိုးရှင်းတဲ့ ဇာတ်အိမ်မှာ ဒီလိုတရွေ့ရွေ့ချင်းသွားတာမျိုးကို ဝေဖန်ခဲ့ကြတယ်။ အကီရာ ကူရိုဆာဝါကတော့ ရေးဘက်ကနေ ကာပြောပေးခဲ့တဲ့စကားကတော့ ရေးရဲ့ရုပ်ရှင်တွေက အထနှေးတာမဟုတ်ဘူး။ ရေးဟာ သူ့ရုပ်ရှင်တွေကို မြစ်ကြီးတစ်စင်းစီးဆင်းနေသလို ရိုက်ထားတာလို့ ကာကွယ်ပေးခဲ့တယ်။ Charulataဟာ ဘင်္ဂါလီတွေရဲ့ ခေတ်သစ်ဖြစ်လာတော့မယ်အချိန်အစမှာ ဇာတ်အိမ်တည်ထားတယ်။ ဒီကာလကို Bengal Renaissanceလို့ခေါ်ပြီး ဒီကာလမှာ ဘင်္ဂါလီတွေရဲ့ နိုင်ငံရေး လူမှုရေး ပညာရေး ယဉ်ကျေးမှု အနုပညာတို့မှာ အပြောင်းအလဲတွေ စဖြစ်လာနေပြီ။ ရေးကတော့ အဓိကကျတဲ့ ဒီအပြောင်းအလဲတွေအကုန်လုံးကို Charulataမှာ သိသိသာသာရော မသိမသာပါ ထည့်သွင်းပြသွားခဲ့တယ်။ ဒါပေမဲ့ သူထည့်သွင်းပြပုံကလည်း ဒီထဲက အဓိကဇာတ်ကောင်၃ကောင်ကို တစ်ကောင်ကို တစ်ခုနှုန်းကို သူတို့ဇာတ်ကောင်တွေရဲ့ ယုံကြည်ချက် ခံယူချက် ခံစားချက်တွေထဲ ထည့်သွင်းပြီး ပြသွားတယ်လို့ပြောရမယ်။ တစ်ခုထက်ပိုသွားတဲ့ ဇာတ်ကောင်တွေလည်းရှိခဲ့တယ်။ ဇာတ်ရဲ့ အဓိကကတော့ ချာရူလတ္တာလို့ခေါ်တဲ့ သူ့ဇာတ်ကောင်တွေအားလုံးရဲ့ ဗဟိုတည့်တည့်မှာ ရပ်နေတဲ့ဇာတ်ကောင်ပါပဲ။ နိုင်ငံရေးသတင်းစာတိုက်ထောင်ပြီး နိုင်ငံရေးအပြောင်းအလဲကို ဖန်တီးချင်နေတဲ့ ချာရူလတ္တာရဲ့ ယောက်ျားဘူပါတီနဲ့ ကျောင်းပြီးစ အနုပညာကို ရူးသွပ်ပြီး ဘဝကိုပေါ့ပေါ့ပါးပါးပဲ ဖြတ်သန်းချင်တဲ့ သူ့ယောက်ျားရဲ့ ညီဝမ်းကွဲ အာမယ်တို့ကြားမှာ ချာရူလတ္တာရဲ့ အထီးကျန်ဆန်တဲ့ဇာတ်ကောင်ဟာ ရပ်တည်နေခဲ့တယ်။ ဒီဇာတ်ကောင်၂ခုလုံးကိုလည်း ချာရူလတ္တာဇာတ်ကောင်ဟာ ဆန့်ကျင်နေခဲ့တယ်။ ဇာတ်ကောင်တွေရဲ့ အတွင်းစိတ်ရဲ့ ရှုပ်ထွေးမှုနဲ့ ဇာတ်ရဲ့ရိုးရှင်းမှုကြားမှာ ရေးဟာ သူ့ဝသီအတိုင်းပဲ အရေးပါတဲ့တစ်ချို့အရာတွေကို ချန်လှပ်ခဲ့တဲ့ဟန်ကိုလည်း သုံးထားဆဲပဲ။ ဒီကားမှာ သတင်းစာတိုက်လုပ်ငန်းဟာလည်း အဓိကကျတဲ့ သက်မဲ့အရာတစ်ခုအဖြစ် ရပ်တည်နေတော့ မဂ္ဂဇင်းအယ်ဒီတာ လုပ်ဖူးတဲ့ရေးက ဒီသက်မဲ့အရာကိုသုံးပြီး သူပြချင်တဲ့ Bengal Renaissanceကိုပါ ပေါ်အောင်ပြနိုင်ခဲ့တယ်။ သေချာတာတော့ ချာရူလတ္တာရဲ့ ဇာတ်ကောင်ပုံစံဟာ အဲဒီဘက်ခေတ်က ဘင်္ဂါလီမှာဖြစ်ဖြစ် အိန္ဒိယမှာဖြစ်ဖြစ် တော်ရုံရိုက်ပြကြမယ့် ဇာတ်ကောင်ပုံစံမျိုးမဟုတ်ခဲ့ဘူး။ ဒီဘက်ခေတ်အထိလည်း ဖြစ်ကောင်းဖြစ်နိုင်ပါတယ်။ ဝေဖန်ရေးသမားတစ်ချို့ကလည်း ချာရူလတ္တာဟာ စိတ်နဲ့နှလုံးသားအတွက် လိုအပ်တဲ့ကားမျိုးလို့ ပြောကြတယ်။ သေချာတာကတော့ ချာရူလတ္တာဟာ တဂိုးဝတ္တုကို ရေးက အသက်အဝင်ဆုံးဖြစ်အောင် ပုံဖော်ထားတဲ့ ရုပ်ရှင်ပါပဲ။ အညွှန်း နဲ့ ဘာသာပြန်ကတော့ WiRa Aung ပဲ ဖြစ်ပါတယ်။ Genre….. Drama, Romance Quality…. 1080p | 720p File size… 2.8GB| 1.3GB Format… mp4 Duration….1h 57min Subtitle…. Myanmar Subtitle (Hardsub) Translator ….. WiRa Aung Encoder ….. Aa ron

ပြီးခဲ့တဲ့မေလ ၁၈ ရက်ကထွက်ရှိထားတဲ့ Everything Puppies ရုပ်ရှင်ဟာ Drama အမျိုးအစားဖြစ်ပြီး ချစ်စရာ ခွေးပေါက်လေးတွေနဲ့အတူ ပေါ့ပေါ့ပါးပါးကြည့်ရှု့ရမယ့် အချစ်ဇာတ်လမ်းလေးတစ်ပုဒ်ဖြစ်ပါတယ်။ တစ်စိုက်မတ်မတ်လုပ်ဆောင်တတ်တဲ့ စွန့်ဦးတီထွင်သူ တစ်ဦးဖြစ်တဲ့စကားလတ်ဟာ ခွေးတွေကိုချစ်တဲ့ စိတ်တစ်ခုတည်းနဲ့ ခွေးအရုပ်တွေ၊ ခွေးအစာတွေအစရှိ သဖြင့် ခွေးတွေနဲ့ပတ်သက်တဲ့အရာအားလုံးကို တီထွင် ဖန်တီးလေ့ရှိပါတယ်။ တစ်ရက်မှာတော့ စကားလတ်ဖန်တီးလိုက်တဲ့ ခွေးစာမုန့်တစ်မျိုးကို ခွေးတွေကအရမ်းကြိုက်လွန်း တာကြောင့် ဆိုင်တွေမှာတင်သွင်းရောင်းချဖို့ဆုံးဖြတ် လိုက်ပါတယ်။ ဒါပေမဲ့ ကုန်ပစ္စည်းအသစ်ကို ဆိုင်တွေက လက်မခံရဲကြတာကြောင့် စကားလတ်တစ်ယောက် အခက်တွေ့နေစဉ်မှာပဲ ခွေးပစ္စည်းအရောင်းဆိုင်တစ်ခုရဲ့ အထွေထွေမန်နေဂျာဖြစ်တဲ့အဲလက်စ်နဲ့တွေ့ဆုံခဲ့ပါတယ်။ အဲလက်စ်က စကားလတ်ရဲ့ကုန်ပစ္စည်းသစ်ကို အခွင့် အရေးပေးခဲ့သလို တစ်ဖက်မှာလည်း စကားလတ်ကို ချစ်မိသွားခဲ့ပါတယ်။ စကားလတ်ရဲ့တည်ထောင်ခါစ လုပ်ငန်းငယ်လေးကို အဲလက်စ်က အများကြီးကူညီ ပေးခဲ့ပေမယ့် နာမည်ကျော်ခွေးစာမုန့်တံဆိပ်တစ်ခုက လိုက်လံနှောင့်ယှက်မှုတွေကြောင့် စကားလတ်ရဲ့လုပ်ငန်းမှာ ထိခိုက်နစ်နာမှုတွေရှိလာသလို အဲလက်စ်အပေါ်မှာလည်း အထင်လွဲမှားမှုတွေဖြစ်ပေါ်လာခဲ့ပါတယ်။ စကားလတ်ရဲ့ တီထွင်ဖန်တီးမှုတွေက အောင်မြင်သွားမှာလား။ အဲလက်စ်နဲ့ရောပြန်အဆင်ပြေသွားမှာလားဆိုတာကိုတော့ ဆက်လက်စောင့်ကြည့်ရမှာပဲဖြစ်ပါတယ်။ File size…1.57GB / 785MB Quality…WEB-Rip 1080p 5.1CH / 720p Format…mp4 Duration….1h 39m Genre ….. Drama Subtitle….Myanmar Subtitle (Hard Sub) Encoder….Min Wai Translated by JULY

ဒီဇာတ်ကားလေးကတော့ Drama,Mystery genre ပါ ဇာတ်လမ်းအကျဥ်းကတော့…….. အိုလီဗာဟာ ထောင်ကလွတ်လာတဲ့လူငယ်တွေအတွက်ပြန်လည်ထူထောင်ရေးအတွက် အသက်မွေးဝမ်းကြောင်းပညာရပ်သင်ကြားတဲ့စင်တာမှာ လက်သမားအတတ်ပညာကိုသင်ကြားပေးနေတဲ့သူတစ်ဦးပါ တစ်နေ့မှာ ဖရန်စစ်ဆိုတဲ့လူငယ်ကောင်လေးတစ်ယောက်ဟာ လက်သမားပညာကိုသင်ယူဖို့လျှောက်ထားခဲ့ပေမဲ့ အိုလီဗာကပယ်ချခဲ့ပါတယ် နောက်ပိုင်းမှာ အဲ့ကောင်လေးရဲ့နောက်ကို အိုလီဗာတစ်ယောက်နောက်ယောင်ခံလိုက်ပြီး ထိုကောင်လေးရဲ့ပြုမူလှုပ်ရှားမှုတွေအားလုံးကိုလေ့လာစောင့်ကြည့်ပါတယ် အဲ့ဒီနေ့မှာပဲ အိုလီဗာရဲ့ဇနီးဟောင်းဖြစ်သူက သူမနောက်အိမ်ထောင်ပြုတော့မှာဖြစ်ကြောင်းနဲ့ သူမမှာကိုယ်ဝန်ရှိနေပြီဖြစ်ကြောင်းလာပြောပါတယ် အဲ့ဒီအချိန်မှာ အိုလီဗာမှခံစားချက်ပြင်းထန်လာတဲ့ပုံနဲ့ “ဘာလို့ဒီနေ့ကျမှလာပြောရတာလဲ”ဆိုပြီး ပြောခဲ့ပါတယ် အဲ့နောက်မှာ ဖရန်စစ်ရဲ့နောက်ကိုဆက်ပြီးနောက်ယောင်ခံလိုက်ခဲ့ပြီးမှ စိတ်ပြောင်းသွားပြီး သူ့ကိုပညာသင်ပေးဖို့လက်ခံခဲ့ပါတယ် သူတို့နှစ်ယောက်ရဲ့ကြားမှာ ဘယ်လိုပက်သက်မှုရှိနေတာလဲ…… အဲ့ဒီအဖြေကိုသိရပြီးရင်ရော အိုလီဗာဘာဆက်လုပ်မှာလဲဆိုတာကိုစောင့်ကြည့်ရမှာဖြစ်ပါတယ် File size…(4.7 GB)/(1.3 GB) Quality….Web-DL 1080p / 720p Format… mp4 Duration…. 01:43:00 Genre… Coming of Age, Drama, Mystery Subtitle….Myanmar Subtitle (Hardsub) Encoder….Garfield Translated by Rubyjane

ရေနံတို့ ရေနံကိုသန့်စင်ပြီးရလာတဲ့ဓာတ်ဆီတို့ဆိုတာက ကမ္ဘာပေါ်မှာ စိန်တွေရွှေတွေထက်တောင် ပိုတန်ဖိုးကြီးတဲ့ အရာတွေလို့ပြောလို့ရပါတယ်။ဒါပေမယ့်အဲ့လိုတန်ဖိုးကြီးတဲ့ အရာတွေကို တန်ဖိုးနည်းနည်းနဲ့ရလာတဲ့အခါမှာတော့ လောဘသားကောင်တို့ရဲ့ မျက်စောင်းထိုးခြင်းကိုခံလာရတော့မှာ အသေအချာပါပဲ။ပြောရင်ယုံမလားတော့မသိပေမဲ့ ၂၀၁၂ ခုနှစ် တုန်းက ဗင်နီဇွဲလားနိင်ငံက တစ်ကမ္ဘာလုံးမှာ ဓာတ်ဆီစျေးအပေါဆုံး နိုင်ငံဖြစ်ခဲ့ဖူးပါတယ်။နိုင်ငံတွင်းမှာသာစျေးပေါနေပေမဲ့ ဗင်နီဇွဲလားနဲ့ ကပ်ရပ် ကိုလံဘီယာနယ်စပ်မှာတော့ အဲ့ဒီဓာတ်ဆီရဲ့တန်ဖိုးကိုပဲ အဆ ၆၀ ပေးခဲ့ရပါတယ်။အဲ့ဒါကြောင့်ပဲ အကွက်ကောင်းဆို ချောင်းနေတဲ့မှောင်ခိုသမားတွေအတွက် ဗင်နီဇွဲလားမှာဓာတ်ဆီ သွားယူပြီး နယ်စပ်ကိုပြန်ပို့ရတာကအလုပ်တစ်ခုဖြစ်လာပါ တော့တယ်။အခုတင်ဆက်ပေးမဲ့ Pimpinero:Blood And Oil ဆိုတဲ့ ဇာတ်ကားကလည်း အဲ့ဒီအဖြစ်အပျက်တွေကိုအခြေခံ စိတ်ကူးပုံဖော် ရိုက်ကူးထားတာဖြစ်ပြီး လက်ရှိ IMDb Rating 5.7 အထိရရှိထား ပါတယ်။ အထက်မှာပြောခဲ့တဲ့ဆီမှောင်ခိုသမားတွေထဲမှာ ဟွမ် အူလစ်စ်နဲ့ မိုးဆက်တို့ညီအစ်ကို ၃ ယောက်တို့ရဲ့ဆီမှောင်ခိုအဖွဲ့ကနာမည်ကြီး ပါပဲ။ဒါပေမယ့် ဒီလိုဒုစရိုက်လောကတွေထဲမှာအပြိုင်အဆိုင်တွေ များတဲ့အတွက် ကျောထောက်နောက်ခံသိပ်မရှိတဲ့သူတို့အဖွဲ့က သိပ်မကြာခင်မှာပဲ အဖွဲ့ဝင်တွေနည်းလာပြီး ပြိုကွဲသွားတဲ့အထိ ဖြစ်လာခဲ့ပါတော့တယ်။ပျော်ရာထက်တော်ရာကိုသွားရမယ်ဆိုတဲ့ အတိုင်း သူတို့ထဲကထွက်သွားတဲ့အဖွဲ့တွေက အဲ့ဒီလောကထဲမှာ အကြီးဆုံးဖြစ်တဲ့ကာမယ်လိုဦးဆောင်တဲ့အဖွဲ့ကိုပြောင်းရွှေ့သွား ခဲ့ပါတော့တယ်။အဲ့ဒီထဲမှာ ညီအစ်ကို ၃ ယောက်ထဲက အလတ်ကောင် အူလစ်စ်လည်းအပါအဝင်ဖြစ်ပြီး အကြီးဆုံးဖြစ်တဲ့မိုးဆက်ကတော့ မှောင်ခိုအလုပ်တွေဆက်မလုပ်တော့ပဲ ဘ၀ကိုအေးအေးဆေးဆေး ဆက်လက်ဖြတ်သန်းဖို့ဆုံးဖြတ်ခဲ့ပါတယ်။အငယ်ဆုံးလေးဟွမ်ကတော့ ဒါတွေကိုလုံး၀လက်မခံနိုင်ဖြစ်ပြီး သူ့ကောင်မလေးနဲ့အတူ နှစ်ယောက် တည်း စိတ်တူကိုယ်တူ ဆီမှောင်ခိုဆက်ကူးဖို့လုပ်ခဲ့ရာကနေ ပြဿနာတွေတက်လာပြီး ကာမယ်လိုနဲ့မဖြစ်မနေပတ်သတ်လာရတဲ့ အခါမှာတော့ ဘာတွေဆက်ဖြစ်မယ်ဆိုတာကို စိတ်ဝင်စားစရာရှုစားရဦးမဲ့ ဇာတ်ကားလေးတစ်ကားပဲဖြစ်ပါတယ်။ File size… (2.05GB) / (1.11GB ) Quality… WEB-DL 1080p HEVC / 720p Format…mkv / mp4 Duration….2h 1m Genre ….. Action , Adventure , Drama Subtitle….Myanmar Subtitle (Hard Sub) Encoder….Min Wai Translated by Saw Lay

ဇွန်ဘီကားလည်း ကြည့်ချင်တယ် .. ဟာသလည်း ကြည့်ချင်တယ်ဆိုရင်တော့ ဒီကားလေးကို ညွှန်းပေးပါရစေ။ ဇာတ်လမ်းအကျဉ်း +++++++++++ ဂျက်စီဆိုတဲ့ ဘီယာဆိုင်မှာ အလုပ်လုပ်တဲ့ ကောင်လေးတစ်ယောက်ဟာ တစ်ရက်မှာ သေတ္တာ တစ်ခုကို ခြံရှင်းရင်း တွေ့သွားပါတယ်။ အဲဒီသေတ္တာက နတ်ဆိုးရဲ့ သေတ္တာဖြစ်ပြီး အဲဒီသေတ္တာထဲက အစိမ်းရောင် အငွေ့တွေကိုကို ရှုမိတဲ့သူတိုင်း မသေမျိုး ဇွန်ဘီတွေ ဖြစ်သွားကြပါတယ်။ ဒီလိုနဲ့ အကြောင်းတစ်ခုကြောင့် သေတ္တာထဲက အငွေ့တွေဟာ တစ်ပြည်နယ်လုံးကို ဖြန့်တဲ့ ဘီယာဗူးတွေထဲကို ရောက်သွားတဲ့အခါ အဲဒီ ဘီယာကို သောက်သုံးမိသူတိုင်းဟာ ဇွန်ဘီတွေ ဖြစ်သွားကြပါတယ်။ တစ်ရပ်ကွက်လုံး .. တစ်နိုင်ငံလုံးလိုလို ဇွန်ဘီဖြစ်သွားပြီး ဇွန်ဘီဥပဒေတွေပါ ပေါ်ပေါက်လာတဲ့အခါ .. ဘာတွေ ဆက်ဖြစ်မလဲ။ ဂျက်စီဆိုတဲ့ကောင်လေးကရော အဲဒီ သူအစပြုခဲ့တဲ့ ဇာတ်လမ်းကို ဘယ်လို အဆုံးသတ်မလဲဆိုတာ ရင်တထိတ်ထိတ်နဲ့ ဟာသဆန်ဆန် ကြည့်ရမှာ ဖြစ်ပါတယ်။ (Cholo ဆိုတာက လော့စ်အိန်ဂျလိမှာ အစပြုခဲ့တဲ့ Chicano နဲ့ Latino အုပ်စု ယဥ်ကျေးမှုကို ကိုယ်စားပြုတဲ့ လူ့အဖွဲ့အစည်းထဲက ကွဲထွက်နေတဲ့ အုပ်စုကို ဆိုလိုတာဖြစ်ပါတယ်) ( ဘာသာပြန်နဲ့ အညွှန်း BZW ဖြစ်ပါတယ် ) File size… (1.59GB) / (765MB ) Quality… WEB-DL 1080p HEVC / 720p Format…mkv / mp4 Duration….1h 36m Genre ….. Action , Horror , Comedy Subtitle….Myanmar Subtitle (Hard Sub) Encoder….Min Wai Translated by BZW

Knock Out (2020) **************** ကျုံးရှီး ဟာ ချန်ပီယံလုပွဲအတွက်အရမ်းကြိုးစားနေတဲ့ လက်ဝှေ့သမားတစ်ဦးဖြစ်ပါတယ်… ပူပူနွေးနွေးဇနီးသည်လေးကလည်း ကိုယ်ဝန်ရှိတာဆိုတော့ ကျုံးရှီးတစ်ယောက် ချန်ပီယံရအောင်ယူပြီး… အနာဂတ်မိသားစုဝင်လေးအတွက် အောင်ပွဲခံချင်နေတော့တယ်။ သူ့ကြိုးစားမှုအောင်မြင်တယ်ပြောရမှာပေါ့… သူ ချန်ပီယံဖြစ်လာခဲ့တယ်။ ဒါပေမဲ့ သူ့ပျော်ရွှင်မှုတွေဟာ နေ့တောင်မကူးခဲ့ပါဘူး။ မတော်တဆမှုတစ်ခုဖြစ်ခဲ့ပြီး… နှစ်ရှည်ထောင်ကျသွားခဲ့တယ်။ ထောင်ကထွက်လာတဲ့အချိန်မှာအရာအားလုံးပြောင်းလဲခဲ့ပါပြီ။ သူမရှိတဲ့အချိန်အတွင်း… သမီးလေးအတွက် တစ်ယောက်တည်းရုန်းကန်ခဲ့ရတဲ့ဇနီးသည်လေး ဆုံးပါးသွားတဲ့အပြင်… ငွေကြေးလည်းအရမ်းကိုခက်ခဲနေပါတယ်။ အဲဒီနောက်သမီးတစ်ယောက်ကိုပြုစုပျိုးထောင်ဖို့ … သူတတ်စွမ်းတဲ့ လက်ဝှေ့ကိုအသုံးချပြီး ကြိုးဝိုင်းထဲကိုပြန်ဝင်ဖို့ကြိုးစားပါတော့တယ်… ဇာတ်လမ်းလည်းကောင်းတဲ့အပြင် ထိုးသတ်ခန်းတွေလည်းကြည့်ကောင်းပါတယ်… ခံစားကြည့်ကြပါဦး… File Size : 2.4GB / 985MB Quality : BluRay 1080p 5.1ch / 720p Duration : 01:55:00 Genres : Drama, Martial Arts, Sports Subtitle : Myanmar Subtitle (Hard Sub) Translated by The One Encoded by Heather Oo

၁၈၄၈ ခုနှစ် အမေရိကန်နိုင်ငံမှာ စတတ်တာရေရဟတ်မှာ ရွှေကြောစတွေ့တာကနေတဆင့် နိုင်ငံအနှံ့ကလူတွေဟာ ကယ်လီဖိုးနီးယားကိုရောက်လာပြီး အလုအယက်ရွှေတူးဖော်ကြတယ်။ အဲဒီအထဲမှာ အိုလယ်ရီ တို့ရဲ့ တူးဖော်ရေးအဖွဲ့လည်းရောက်လာပြီးတော့ ဒေသခံ ဝီလျံတဲလာနဲ့အတူ စပ်တူလုပ်ကိုင်ပြီး ရွှေတူးဖော်ကြတယ်။ အစပိုင်းမှာ နှစ်ယောက်သားအဆင်ပြေခဲ့ကြပေမဲ့ အိုလယ်ရီက စာမတတ်တဲ့ ဝီလျံကို လူလည်ကျပြီး ရွှေတူးဖော်ခွင့်လုပ်ကွက်တစ်ခုလုံးကို ငွေနည်းနည်းနဲ့ လိမ်လည်လက်မှတ်ထိုးခိုင်းပြီး အပိုင်သိမ်းဝယ်ယူသွားချိန်မှာတော့ နှစ်ယောက်ကြားမှာ ပြဿနာတွေ ကြီးထွားလာပါတော့တယ်။ ဒါကို မကျေနပ်တဲ့ ဝီလျံက အိုလယ်ရီ ရဲ့ အိမ်ကနေ စာရွက်စာတမ်းတွေ ခိုးယူထွက်ပြေးရင်း အိုလယ်ရီတစ်ယောက်လည်း အနောက်ကနေ အမဲလိုက်သလို လိုက်ပါတော့တယ်။ ဘယ်လိုတွေ ဆက်ဖြစ်သွားမလဲဆိုတာတော့ ဇာတ်လမ်းထဲမှာ စိတ်ဝင်တစားစောင့်ကြည့်ရမှာပါ။ ၁၈၀၀ ပြည့်နှစ်များက အမေရိကန်နိုင်ငံကို ဇာတ်အိမ်တည်ရိုက်ကူးထားတာမို့ ယနေ့ခေတ်ပေါ် ဇာတ်လမ်းတွေနဲ့ကွဲပြားမှုရှိပြီး ကောင်းဘွိုင်ဇာတ်ကားဆန်ဆန် ရှေးအမေရိကန်လူနေမှုကို ထင်ဟပ်နေတဲ့ ဇာတ်ကား‌ကောင်းလေးတစ်ကားလည်း ဖြစ်ပါတယ်။ File size… (1.70 GB) / ( 932 MB) Quality… WEB-DL 1080p HEVC /720p Format…mkv / mp4 Duration….1h 20m Genre …..Adventure , Drama , Western Subtitle….Myanmar Subtitle (Hard Sub) Encoder….Min Wai Translated by Wil

ဧပြီလ… ဂျပန်နိုင်ငံမှာ ဆာကူရာပန်းလေးတွေ ဖွေးဖွေးလှုပ်လှုပ်နဲ့ ပွင့်နေချိန် မကြာခင်မှာပဲ ပန်းလေးတွေ ပြန်လည်ကျမလားဆိုတာကို အာရုံစိုက်နေချိန်မှာ… ဒီဇာတ်ကားလေးကတော့ ဆာကူရာပန်းတွေနဲ့ အလှကို အခြေခံထားတဲ့ အချစ်၊ သံသယ၊ နာကျင်မှု၊ မျှော်လင့်ချက်တွေနဲ့ ပြည့်နှက်နေတဲ့ ဇာတ်လမ်းတစ်ပုဒ် ဖြစ်ပါတယ် မင်းသား – ဂျပန်နာမည်ကြီးမင်းသား Yamazaki Kento က “ကိုးဆေး” အဖြစ် ပါဝင်သရုပ်ဆောင်ထားပါတယ် ငယ်ငယ်ကတည်းက မိခင်ရဲ့သင်ကြားမှုကြောင့် စန္ဒရားကို အထူးကျွမ်းကျင်တဲ့ ကိုဆဲအိတစ်ယောက်ဟာ… တစ်နေ့မှာတော့ မိမိအကြိုက်ဆုံး စန္ဒရားတီးခြင်းကို စွန့်လွတ်လိုက်ရတယ် ဘာကြောင့်လဲ မထင်မှတ်ပဲ ကိုဆဲအိရဲ့ ဘဝထဲကို ဝင်ရောက်လာတဲ့ တယောဆရာမလေး “ခါအိုရီ” သူမက ဘယ်သူလဲ? သူမရဲ့ ရှိနေမှုက ကိုးဆေးရဲ့ ဘဝကို ပြန်လည်အလင်းရောင်ဖြစ်လာစေမလား? အဲဒီအချိန်မှာပဲ… ကိုးဆေးရဲ့ငယ်သူငယ်ချင်း “ဆုဘာကီ” ဟာ သူ့ကိုချစ်နေပေမယ့် မရနိုင်တဲ့အချစ်နဲ့ရင်ဆိုင်ရတယ် ကိုးဆေးရဲ့နှလုံးသားဟာ ဘယ်ဖက်ကိုဆုတ်သွားမလဲ ဂျပန်မန်းဂမှ ပြုပြင်ထားပြီး လူငယ်ပရိတ်သတ်တွေအကြား ထင်ရှားသံကြားရတဲ့ ဇာတ်ကားတစ်ကားဖြစ်ပြီး ဆာကူရာပန်းပွင့်လှုပ်လှုပ်အချိန်မှာ မျှော်လင့်ချက်နဲ့အတူ နာကျင်မှုကိုလည်း ခံစားစေမယ့် ဇာတ်လမ်းတစ်ပုဒ် ဖြစ်လာပါတယ် ထပ်ပြောနေရင် စပွိုင်းတယ်ဖြစ်မှာစိုးလို့ မပြောတော့ဘူး သေချာတာတစ်ခုကတော့ ဒီဇာတ်ကားလေးဟာ ရ င်ထဲတခုခုကျန်ထားစေမယ့် ကားကောင်းတစ်ခု ဖြစ်တယ်ဆိုတာပါပဲ…